திவ்யா மரணமடைந்த தகவல் கேட்டு அவரது குடும்பத்தினர் மற்றும் உறவினர்கள் மருத்துவமனையில் குவிந்தனர். திவ்யாவை, அவரது கணவரின் குடும்பத்தினர் வரதட்சணை கேட்டு கொடுமைப்படுத்தி அடித்து கொலை செய்துவிட்டதாகவும், அவர்கள் மீது நடவடிக்கை எடுக்க வேண்டும் என்றும் மன்னார்குடி காவல் நிலையத்தில் திவ்யாவின் சகோதரர் பிரேம்குமார் புகார் அளித்தார். இதனால், மர்ம மரணம் என்று போலீசார் வழக்குப்பதிவு செய்து விசாரணை நடத்தி வருகின்றனர்.
இந்தநிைலயில், நேற்று காலை 9 மணிக்கு மன்னார்குடி கீழப்பாலம் பகுதியில் திவ்யாவின் உறவினர்கள் சாலை மறியலில் ஈடுபட்டனர். வரதட்சணை கேட்டு திவ்யாவை கொலை செய்த, கணவர் இளஞ்சேகரன், அவரது தாய்-தந்தை ஆகியோரை கைது செய்யவேண்டும் என கோஷம் எழுப்பினர். தகவல் அறிந்து மன்னார்குடி போலீசார், ஆர்டிஓ செல்வசுரபி ஆகியோர் வந்து விசாரணை நடத்தினர். ஆனாலும் சாலை மறியலை கைவிட மறுத்தனர்.
இதைத்தொடர்ந்து, மீது வரதட்சணை கேட்டு கொடுமை படுத்துதல் (498ஏ), இறப்புக்கு காரணமாக இருந்தது (304 பி) ஆகிய இரு பிரிவுகளின்கீழ் வழக்குப்பதிவு செய்தனர். இதையடுத்து, மாலை 4 மணிக்கு மறியல் போராட்டம் கைவிடப்பட்டது. இதன்காரணமாக சுமார் 7 மணிநேரம் போக்குவரத்து பாதிக்கப்பட்டது. இதனிடையே டாக்டர் இளஞ்சேகரன், மாமனார் முத்தழகன், மாமியார் ராணி ஆகியோர் நேற்றிரவு கைது செய்யப்பட்டனர். தினகரன்
கருத்துகள் இல்லை:
கருத்துரையிடுக