 |
அதே நாளில் அமைச்சர் செந்தில்பாலாஜியின் வீட்டில் தகுதி நீக்கம் செய்யப்பட்ட முன்னாள் எம்.எல்.ஏ. சோளிங்கர் பார்த்திபனும் இருந்ததையும் அவர் செந்தில்பாலாஜியை சந்தித்துவிட்டுத் திரும்பும்போது மாரியப்பன் கென்னடியை அங்கே வைத்து சந்தித்ததையும் மின்னம்பலத்தில் அமமுகவில் அடுத்த விக்கெட் என்ற தலைப்பில் விரிவாக வெளியிட்டிருந்தோம்.
malayagam.lk : மலையகத்தை ரஞ்சினி ஜூட் தம்பதிகளின் மக்கள் செல்வி ஹிஷாலினி வயது 15 முன்னாள் அமைச்சரின் வீட்டில் தீக்காயங்களோடு ஆஸ்பத்திரியில் அனுமதிக்கப்பட்டிருந்தார்
சிகிச்சை பலனளிக்காமல் அவர் தற்போது உயிரிழந்துள்ளார்முன்னாள் அமைச்சர் ரிஷாட் பதியுதீனின் கொழும்பு – பொரளை, பௌத்தாலோக மாவத்தையில் உள்ள வீட்டில் வீட்டு வேலைகளை செய்து வந்த சிறுமி உயிரிழந்துள்ளதாக, பொலிஸ் ஊடகப் பேச்சாளர் அஜித் ரோஹண தெரிவித்தார்.
16 வயதும் 8 மாதங்களுமான குறித்த சிறுமி, கடந்த ஜூலை 03ஆம் திகதி தீக்காயங்களுடன் கொழும்பு தேசிய வைத்தியசாலையில் அனுமதிக்கப்பட்டு சிகிச்சை பெற்று வந்த நிலையில் நேற்றுமுன்தினம் (15) மரணமடைந்துள்ளதாக அவர் மேலும் தெரிவித்தார்.
மாலைமலர் :சிவசங்கர் பாபாவின் செயல்களுக்கு உடந்தையாக இருந்ததாக ஆசிரியைகள் சிலர் மீது குற்றம் சாட்டப்பட்டு இருந்தது. ஆசிரியைகள் சிலர் அவருக்கு ஆதரவான கருத்துக்களை தெரிவித்து இருந்தனர்.
சென்னை அடுத்த கேளம்பாக்கத்தில் ஸ்ரீ சுஷில் ஹரி இண்டர்நேஷனல் பள்ளியை நடத்தி வந்த சிவசங்கர் பாபா மீது முன்னாள் மாணவிகள் பாலியல் குற்றச்சாட்டு தெரிவித்து இருந்தனர்.
இதன் அடிப்படையில் சிவசங்கர் பாபா மீது மாமல்லபுரம் போலீசார் வழக்குப்பதிவு செய்து விசாரணை நடத்தினர்.
பின்னர் இந்த வழக்கு விசாரணை சி.பி.சி.ஐ.டி. போலீசுக்கு மாற்றப்பட்டது. போலீஸ் சூப்பிரண்டு விஜயகுமார் மேற்பார்வையில் டி.எஸ்.பி. குணவர்மன் தலைமையிலான போலீசார் விசாரணை நடத்தி வருகிறார்கள்.
மாணவிகள் அளித்த புகாரின் பேரில் சிவசங்கர் பாபா மீது 3 வழக்குகள் பதிவு செய்யப்பட்டுள்ளன. இந்த வழக்குகளில் அவர் கைது செய்யப்பட்டுள்ளார். போக்சோ உள்ளிட்ட சட்டப்பிரிவுகள் அவர் மீது பாய்ந்துள்ளது. இதனால் சிவசங்கர் பாபா உடனடியாக வெளியில் வர முடியாத நிலையில் உள்ளார்.
மாலைமலர் : கொரோனா பரவல் கட்டுக்குள் இருந்தாலும் அடுத்த மாதம் இறுதியில் இருந்து கொரோனா 3-வது அலை பரவும் என்று மருத்துவ நிபுணர்கள் எச்சரித்து வருகிறார்கள்.
சென்னை: நாடு முழுவதும் கடந்த ஆண்டு மார்ச் மாதம் முதல் கொரோனா வைரஸ் பரவி மக்களை அச்சுறுத்தி வருகிறது.
கொரோனா முதல் அலை பரவலின்போது ஊரடங்கு மற்றும் பாதுகாப்பு நடவடிக்கைகள் மூலமாகவே கொரோனா பாதிப்பு குறைந்தது.
இந்த நிலையில் கொரோனா பரவலை கட்டுப்படுத்த கடந்த ஜனவரி மாதம் 16-ந்தேதி முதல் நாடு முழுவதும் தடுப்பூசி போடும் பணி தொடங்கியது.
சீரம் இன்ஸ்டிடியூட் ஆப் இந்தியா நிறுவனம் தயாரித்த கோவிஷீல்டு மற்றும் பாரத் பயோடெக் நிறுவனம் தயாரித்த கோவேக்சின் ஆகிய 2 தடுப்பூசிகள் மத்திய அரசு சார்பில் கொள்முதல் செய்யப்பட்டு மாநிலங்களுக்கு அனுப்பி வைக்கப்பட்டு பொதுமக்களுக்கு போடப்பட்டு வருகிறது.
சமீபத்தில் ரஷியா நிறுவனம் தயாரித்த ஸ்புட்னிக்-வி தடுப்பூசியை சில தனியார் மருத்துவமனைகள் கொள்முதல் செய்து கட்டணம் அடிப்படையில் பொதுமக்களுக்கு போட்டு வருகின்றன.
மாலைமலர் : கிணற்றில் தவறி விழுந்து உயிரிழந்தோர் குடும்பத்தினருக்கு ரூ.5 லட்சம் இழப்பீடு வழங்கப்படும் என முதல் மந்திரி சிவராஜ் சிங் சவுகான் அறிவித்துள்ளார்.
ம.பி.யில் குழந்தையை காப்பாற்ற கிணற்றில் விழுந்த மக்கள் - பலி எண்ணிக்கை 11 ஆக உயர்வு
போபால்: மத்திய பிரதேச மாநிலம் விதிஷா மாவட்டத்தில் உள்ள கஞ்ச்பசோதா என்ற கிராமத்தில் குழந்தை ஒன்று கிணற்றில் தவறி விழுந்துள்ளது. அந்தக் குழந்தையை காப்பாற்றுவதற்காக கிராம மக்கள் கிணற்றின் அருகில் திரண்டு வந்தனர்.
அப்போது கிணற்றின் சுற்றுச்சுவரில் அதிக பாரம் ஏற்பட்டதால், அது இடிந்து விழுந்தது. இதனால் கிணற்றை ஒட்டி நின்று கொண்டிருந்த சுமார் 30 பேர் கிணற்றுக்குள் விழுந்ததாகக் கூறப்படுகிறது. இதனால் அப்பகுதியில் பரபரப்பு ஏற்பட்டது.
 |
ஆலஞ்சியார் : ஆட்சி பொறுப்பேற்று இரண்டே மாதங்களில் இந்தியாவின் தலைசிறந்த முதல்வர்கள் பட்டியலில் முதலிடம் பெறுவதென்பது சாதாரண காரியமில்லை
கடின உழைப்பு தகுதியான அமைச்சர்கள், அதிகாரிகள் என நிர்வாகத்தின் திறன்காட்டி இந்திய ஒன்றியமே உற்றுநோக்க வைத்திருக்கிறார். தமிழ்நாட்டின் முதலமைச்சர் மாண்பிமை ஸ்டாலின் அவர்கள்
வாக்களித்தவர்கள் மட்டுமல்ல எதிர்த்தவர்களும் சிறந்த ஆட்சியென புகழதக்கவகையில் நல்லாட்சியை தந்து தமிழகத்தை உயர்த்தி நிறுத்தியிருக்கிறார்..
ஆட்சிபொறுப்பிற்கு வந்த போது பெருந்தொற்றின் பிடியில் தமிழகம் சிக்கி சீரழிந்துக்கொண்டிருந்தது அதிமுக மடையர்களின் ஆட்சியில் நிர்வாக குளறுபடிகள் ,கொரோனா வயதானவருக்குதான் வருமென எள்ளிநகையாடி தன் "ஆண்டைகளின்" மனம்குளிற தமிழகத்தை குட்டிசுவராக்கி நிறுத்தியிருந்தார்கள் .. அரைகுறைகள் கால்நக்கிகள் தமிழ்நாடு அரசின் நிர்வாகத்தை ஒன்றிய அரசிடம் கொடுத்துவிட்டு கைப்பிள்ளையாக இருந்தார்கள் ..
நக்கீரன் :danish siddiqui : இந்தியாவை சேர்ந்த புகைப்பட ஊடகவியலாளர் டேனிஷ் சித்திகி, ராய்ட்டர்ஸ் செய்தி முகமையில் பணியாற்றி வந்தார்.
தற்போது ஆப்கானிஸ்தானில் தாலிபன் தீவிரவாதிகள், தொடர் தாக்குதல் நடத்தி அந்தநாட்டின் பல பகுதிகளை கைப்பற்றி வரும் நிலையில்,
டேனிஷ் சித்திகி ஆப்கான் இராணுவத்துடன் இணைந்து தங்கி இராணுவத்திற்கும் தீவிரவாதிகளுக்குமிடையேயான மோதல்களை பதிவு செய்து வந்தார்.
இந்தநிலையில் அவர், தாலிபன் தீவிரவாதிகள் நடத்திய தாக்குதலில் பலியாகியுள்ளார்.
ரோஹிங்கியா அகதிகளின் இன்னல்களை ஆவணப்படுத்தியதற்காக ஊடக உலகின் மிக உயரிய விருதான புலிட்சர் விருதினை வென்றுள்ள டேனிஷ் சித்திகி,
 |
Velmurugan P - /tamil.oneindia.com சென்னை: தமிழகத்தில் குன்றத்தூர், மாங்காடு, மாடம்பாக்கம், பெருங்களத்தூர், அவினாசி, பெருந்துறை, கருமத்தம்பட்டி33 பேரூராட்சிகளை, நகராட்சிகளாக தரம் உயர்த்த தமிழ்நாடு அரசு திட்டமிட்டுள்ளதாக தகவல்கள் வெளியாகி உள்ளது.
தமிழ்நாட்டில், மாநகராட்சிக்கு அடுத்த நிலையில் அதிகமான மக்கள் தொகையுடன்,
அதிக வருவாயுடைய ஊர்களை நகராட்சிகளாக அறிவிக்கப்படுவது வழக்கம்.
அந்த வகையில் தமிழகத்தில் மொத்தம் 148 நகராட்சிகள் உள்ளன.
இந்நிலையில் ஒரு பேரூராட்சி நகராட்சியாக தரம் உயர்த்தப்பட அந்த பேரூராட்சியில் 30 ஆயிரம் அல்லது 30 ஆயிரத்திற்கும் மேற்பட்ட மக்கள்தொகை இருக்க வேண்டும்.
தமிழ்நாட்டில் 33 பேரூராட்சிகள் 30 ஆயிரத்திற்கும் மேற்பட்ட மக்கள்தொகையை பெற்றிருப்பதால்,
அந்த பேரூராட்சிகள் அனைத்தையும் நகராட்சிகளாக தரம் உயர்த்த தமிழ்நாடு அரசு திட்டமிட்டுள்ளதாம்- செங்கல்பட்டு மாவட்டம் செங்கல்பட்டு மாவட்டம் எந்தெந்த மாவட்டத்தில் எந்த பேரூராட்சிகள் நகராட்சிகளாக தரம் உயர்த்தப்பட வாய்ப்பு உள்ளது
மாலைமலர் : பிளஸ்2 மாணவர்கள் 22ம் தேதி மதிப்பெண் பட்டியலை பதிவிறக்கம் செய்து கொள்ளலாம் என அரசு தெரிவித்துள்ளது.
கொரோனா அச்சுறுத்தல் காரணமாக தமிழகத்தில் பிளஸ்-2 மாணவர்களுக்கு பொதுத்தேர்வு நடத்தப்படாமல், அனைவரும் தேர்ச்சி பெற்றதாக அறிவிக்கப்பட்டது.
அவர்களுக்கு எஸ்.எஸ்.எல்.சி. தேர்வில் பெற்ற மதிப்பெண்களில் 50 சதவீதம், பிளஸ்-1 பொதுத்தேர்வில் 20 சதவீதம், பிளஸ்-2 செய்முறைத்தேர்வில் 30 சதவீதம் என்ற அடிப்படையில் மதிப்பெண் வழங்கப்படும் என அரசு தெரிவித்தது.
இந்த அடிப்படையில், மதிப்பெண் தயாரிக்கும் பணிகள் நிறைவு பெற்ற நிலையில்,
வரும் 19ம் தேதி காலை 11 மணிக்கு பிளஸ்-2 தேர்வு முடிவுகள் வெளியிடப்படும் என்று தமிழக அரசு அறிவித்துள்ளது.
www.tnresults.nic.in, www.dge1.tn.nic.in, www.dge2.tn.nic.in, www.dge.tn.gov.in ஆகிய இணையதளங்களில் தேர்வு முடிவுகள் வெளியிடப்படும். 22ம் தேதி மதிப்பெண் பட்டியலை மாணவர்கள் பதிவிறக்கம் செய்து கொள்ளலாம். மாணவர்களுக்கு குறுஞ்செய்தி மூலமாகவும் தேர்வு முடிவுகள் அனுப்பப்படும்.
Veerakumar - Oneindia Tamil News: காபூல்: இரண்டு தசாப்த கால யுத்தத்தைத் தொடர்ந்து,
ஆகஸ்ட் 31ம் தேதிக்குள்ளாக அமெரிக்க படைகள் மொத்தமாக ஆப்கானிஸ்தானிலிருந்து, வெளியேற தயாராகி வரும் நிலையில்,
தாலிபான்கள் நாடு முழுவதும் பல பகுதிகளை கைப்பற்ற ஆரம்பித்துள்ளனர்.
ஈரான், பாகிஸ்தான் என பல நாட்டு எல்லைகளிலுள்ள முக்கிய பிராந்தியங்கள் அடுத்தடுத்து தாலிபான்கள் வசம் வீழ்ந்து கொண்டு இருக்கின்றன.
தாலிபான்கள் ஆப்கானிய அரசை மீண்டும் கைப்பற்றி இப்போதுள்ள அரசை தூக்கியெறிவார்கள் என்ற கவலை அங்கு ஏற்பட்டுள்ளது.
அப்படி தாலிபான்களில் எழுச்சி ஆட்சியைக் கைப்பற்றும் அளவுக்குச் சென்றால், ஆப்கானியர்களிடையே, மீண்டும் பழைய கடுமையான இஸ்லாமிய சட்டங்களை தாலிபான்கள் அமல்படுத்துவார்கள் என்பது உறுதி என்கிறார்கள்.
உதாரணத்திற்கு, அண்மையில் வடக்கு ஆப்கானிஸ்தானில் ஒரு மாவட்டம் கைப்பற்றப்பட்டதைத் தொடர்ந்து,
தாலிபான்கள் தங்களது முதல் உத்தரவுகளை மாவட்டத்தின் இஸ்லாமிய இமாமுக்கு கடிதம் வடிவில் வெளியிட்டனர்.
அந்தக் கடிதத்தில் பெண்கள், தங்கள் வீட்டு ஆண்கள் துணையில்லாமல், தனியாக பஜார் செல்ல கூடாது என்றும்,
ஆண்கள் தாடியை ஷேவ் செய்யக் கூடாது என்றும் கூறப்பட்டுள்ளது. புகைபிடிக்க அனுமதி கிடையாது என்றும் விதிகளை மீறும் எவரும் "தீவிரமாக கையாளப்படுவார்கள்" என்றும் கடிதத்தில் கூறப்பட்டுள்ளது.
தேசம்நெட் : திருச்சி மத்திய சிறை வளாகத்தில் உள்ள சிறப்பு முகாம்களில் தடுத்து வைக்கப்பட்டுள்ள இலங்கை அகதிகள் 10 பேர் நேற்றையதினம் விடுதலை செய்யப்பட்டுள்ளனர்.
சட்டவிரோதமாக வெளிநாடு செல்ல முயன்ற,எல்லை மீறி மீன் பிடி தொழிலில் ஈடுபட்ட குற்ற வழக்குகளில் தொடர்புடையவர்கள் தமிழ்நாடு காவல் துறையால் கைது செய்யப்பட்ட இலங்கைத் தமிழர்கள் 78 பேர் உள்ளிட்ட வெளிநாட்டினர் தங்க வைக்கப்பட்டுள்ளனர்.
இந்நிலையில், இந்த சிறப்பு முகாமில் அடைக்கப்பட்டுள்ள இலங்கைத் தமிழர்கள் தங்களை விடுவிக்க கோரி உண்ணாவிரதப் போராட்டத்தை கடந்த 9 ம் திகதி தொடக்கம் ஆரம்பித்திருந்தனர். தங்களது தண்டனை காலம் முடிந்தும் அகதிகளுக்கான சிறப்பு முகாம் என்ற பெயரில் தனி சிறையில் அடைக்கப்பட்டிருப்போர் உடனடியாக விடுவிக்க வேண்டும், இல்லாவிட்டால் தங்களை கருணை கொலை செய்ய வேண்டுமென வலியுறுத்தி தமிழ் நாடு முதலமைச்சருக்கு இலங்கைத் தமிழர்கள் கோரிக்கை விடுத்திருந்தனர்.
 |
கார்த்திக் புகழேந்தி : வாழ் - Tomorrow is Tomorrow!
அருவி திரைப்படம் வெளியானபோது, நீண்ட நாட்களாக மனதில் இருந்து அகலாமல் இருந்த சொல் “உச்சம் தொடும் அன்பின் கொடி.”
எதிர்பாரா விதமாக நோய்மையினால் தாக்குண்டு, குடும்பச் சூழலைவிட்டு வெளியேற்றப்படும் அருவி, அவளினும் நோய்மைகளும் கீழ்மைகளும் கொண்ட இந்தச் சமூகத்தை எப்படி எதிர்கொண்டு அன்பால் சாத்துகிறாள் என்பதை அருவியில் பேசியிருந்தார்
இயக்குநர் அருண் பிரபு. “கடைசியாக எப்போ அழுதீங்க?” என்று அருவி கேட்கிற காட்சியில், அதற்கான காரணத்தை விவரிப்பவரின், ‘பணியாரக் கிழவியின் கதை’ இன்றும்கூட நினைவில் வந்துபோகிறது.
மாலைமலர் :முன்று கட்டங்களாக ஆராய்ந்து அதன் அடிப்படையில் விதிமுறைகளை மீறும் பயனாளரின் கணக்கு முடக்கப்படும் என வாட்ஸ்அப் கூறி உள்ளது.
இந்தியாவில் சில மாதங்களுக்கு முன் புதிய தகவல் தொழில்நுட்ப விதிகள் நடைமுறைக்கு வந்துள்ளன. சமூக வலைத்தளங்கள் இந்த விதிகளை கட்டாயம் கடைப்பிடிக்க வேண்டும் என்று மத்திய அரசு உத்தரவிட்டது.
இந்நிலையில், புதிய விதிகளுக்குட்பட்டு மே 15-ம் தேதி முதல் ஜூன் 15-ம் தேதிக்குள் வாட்ஸ்அப் பயனர்களின் இருபது லட்சம் கணக்குகளை அந்நிறுவனம் முடக்கி உள்ளது.
இதுபற்றி வாட்ஸ்அப் நிறுவனம் அளித்துள்ள விளக்கத்தில் "நாங்கள் தவறுகள் நடக்கும் முன்பாக தடுப்பதில் கவனம் செலுத்துகிறோம். ஒருவரின் கணக்கில் முன்று கட்டங்களாக ஆராய்ந்து அதாவது, பதிவு செய்தல், தகவலை அனுப்புதல் மற்றும் அதற்கான எதிர்மறையான கருத்துக்களை பெறும் போது கண்காணிக்கப்பட்டு அதன் அடிப்படையில் விதிமுறைகளை மீறும் பயனாளரின் கணக்கு முடக்கப்படும்.
 |
tamil.news18.com : மீண்டும் திரைத்துறையில் நடிகர் வடிவேலுக்கு வாய்ப்புகள் பெருகும் எனவும் நகைச்சுவையில் நாமெல்லாம் வயிறு குலுங்க சிரிக்கும் காலம் விரைவில் வரும் எனவும் எதிர்பார்க்கலாம்
மீண்டும் திரைத்துறையில் நடிகர் வடிவேலுக்கு வாய்ப்புகள் பெருகும் எனவும் நகைச்சுவையில் நாமெல்லாம் வயிறு குலுங்க சிரிக்கும் காலம் விரைவில் வரும் எனவும் எதிர்பார்க்கலாம்
திமுகவின் நட்சத்திர பேச்சாளராக 2011ஆம் ஆண்டு சட்டமன்ற தேர்தலில் வலம் வந்தவர் நகைச்சுவை நாயகன் நடிகர் வடிவேலு ஆனால் அந்த தேர்தலில் திமுக எதிர்க்கட்சி அந்தஸ்து கூட பெற முடியாத சூழல் ஏற்பட்ட பிறகு அவர் அரசியலில் இருந்து முற்றிலும் விலகி அமைதியாக இருந்தார். குறிப்பாக அதன் பிறகு அவருக்கு பட வாய்ப்பும் வெகுவாக குறையத் துவங்கியதும் அப்போதுதான் என சினிமாவுலகம் அறிந்திருக்கும்.
 |
minnambalam :ஒன்றிய கல்வித் துறை மற்றும் சுகாதாரத் துறை அமைச்சர்களுடனான தமிழ்நாடு பிரச்சினைகள் குறித்த பேச்சுவார்த்தை திருப்தியாக இருந்தது என்று தமிழ்நாடு சுகாதாரத் துறை அமைச்சர் மா.சுப்பிரமணியன் தெரிவித்துள்ளார்.
நீட் தேர்வு ரத்து, தடுப்பூசி தட்டுப்பாடு,எய்ம்ஸ் மருத்துவமனை உள்ளிட்ட 13 கோரிக்கைகள் குறித்து ஒன்றிய அமைச்சர்களை சந்தித்து பேசுவதற்காக சுகாதாரத் துறை அமைச்சர் மா.சுப்பிரமணியன் நேற்று(ஜூலை 15) மாலை டெல்லி சென்றார்.
 |
Villavan Ramadoss : தற்கொலைப் பாதையில் சில்லறை வணிகம்...
கொரோனா இரண்டாவது அலையில் ஒரு குறிப்பிடத்தக்க மாற்றம் அத்தியாவசிய பொருட்களின் விலையில் நிகழ்ந்திருக்கிறது.
கொள்முதல் விலை படுமோசமாக சரிந்திருக்கிறது. தக்காளி, பூசணிக்காய், மா, கொய்யா என பல அழுகும் பொருட்கள் வண்டிக் கூலிக்குகூட காணாததால் அழுகி வீணாகிப்போன செய்திகள் பரவலாக வந்தன.
ஆனால் சில்லறை விலையில் எந்த பெரிய மாற்றமும் இல்லை. ஓசூரில் காய்கறிகளில் பெரும்பாலானவை கிலோ 20 ரூபாய்க்குள் கிடைக்கும். இப்போது சராசரியாக 40 ரூபாய்க்கு வந்துவிட்டது.
விவசாயிகளிடம் மாம்பழத்தை வாங்க ஆளில்லாமல் இருந்தபோது இங்கே 50 ரூபாய்க்கு குறையாமல் விற்றது.
போன ஆண்டு புளியின் கொள்முதல் விலை 45 ரூபாய். வழக்கமாக ஒரு ஆண்டு வரை ஸ்டாக் வைக்கலாம்.போன வருடம் வாங்கிய புளி இன்றும் இருப்பில் இருக்கிறது, அடுத்த ஆண்டுவரை அதுவே தாங்கும் என்பதாக நிலை இருக்கிறது. கொள்முதல் விலை இப்போது 35 ரூபாய். இருப்பு வைத்த வியாபாரிகளுக்கு இன்றைய நட்டமே கிலோவுக்கு 10 ரூபாய். அதனால் புதிய புளியை யாருமே வாங்குவதில்லை. இது விவசாயிகளுக்கு நட்டம். ஆனால் சந்தையில் புளி விலை அப்படியேதான் இருக்கிறது.
ஆப்கானிஸ்தான் மற்றும் பாகிஸ்தான் ஆகிய நாடுகளுக்கு இடையே இருக்கும் எல்லைச் சாவடி ஒன்றை கைப்பற்றிய தாலிபன்கள் அங்கு தங்கள் கொடியை ஏற்றி உள்ளனர் என்று செய்திகள் தெரிவிக்கின்றன.
கந்தஹார் அருகே இருக்கும் ஸ்பின் போல்டாக் எனும் எல்லைச் சாவடி அருகே வெள்ளை நிறக் கொடிகயை ஏந்திக்கொண்டு தாலிபன்உறுப்பினர் ஒருவர் ஆட்டுவதைக் காட்டும் காணொளிகள் சமூக ஊடகங்களில் வெளியாகியுள்ளன.
இந்த எல்லைச் சாவடியை தாலிபன்கள் கைப்பற்றி உள்ளனர் என்பதை ஆஃப்கன் அதிகாரிகள் மறுத்துள்ளனர்.
எல்லையின் மறுபுறம் இருக்கும் பாகிஸ்தான் எல்லைப் பாதுகாப்புப் படையினருடன் ஸ்பின் போல்டாக் எல்லைச் சாவடியை கைப்பற்றியுள்ள தாலிபன் தீவிரவாதிகள் உரையாடிக் கொண்டிருக்கும் காணொளிகளும் வெளியாகியுள்ளன.
ஆஃப்கன் படையினரிடமிருந்து எந்தவிதமான எதிர்ப்பும் இல்லாமல் தாலிபன்கள் இந்த எல்லைச் சாவடியைக் கைப்பற்றியுள்ளனர் என்று பிபிசிக்கு தகவல் கிடைத்துள்ளது.
மாலைமலர் :வாடிக்கையாளர்களின் தரவை சேமிப்பதில் ரிசர்வ் வங்கியின் விதிமுறைகளை மீறியதற்காக மாஸ்டர்கார்டு நிறுவனம் மீது நடவடிக்கை எடுக்கப்பட்டுள்ளது.
புதுடெல்லி: மாஸ்டர் கார்டு நிறுவனத்தின் டெபிட், கிரெடிட் கார்டுகளை வழங்க இந்திய ரிசர்வ் வங்கி தடை விதித்துள்ளது.
இதன்மூலம் புதிய வாடிக்கையாளர்களுக்கு வங்கிகளால் மாஸ்டர் கார்டுகளை வழங்க முடியாது.
ரிசர்வ் வங்கியின் இந்த முடிவு ஜூலை 22 முதல் நடைமுறைக்கு வரவுள்ளது.
அதேசமயம், ஏற்கனவே மாஸ்டர் கார்டு பயன்படுத்துவோருக்கு புதிய தடையால் எந்த பாதிப்பும் ஏற்படாது என்று தெரிவிக்கப்பட்டுள்ளது.
வாடிக்கையாளர்களின் தரவை சேமிப்பதில் ரிசர்வ் வங்கியின் விதிமுறைகளை மீறியதற்காக இந்த நடவடிக்கை எடுக்கப்பட்டுள்ளது. மாஸ்டர் கார்டு நிறுவனத்திற்கு அதிகமான அவகாசம் மற்றும் போதுமான வாய்ப்புகள் வழங்கப்பட்டபோதிலும், பணம் செலுத்தும் முறை தொடர்பான தரவுகளை சேமிக்கும் சர்வரை இந்தியாவில் வைக்காததால் நடவடிக்கை எடுக்கப்பட்டிருப்பதாக ரிசர்வ் வங்கி தெரிவித்துள்ளது.
உத்தரப் பிரதேச மாநிலத்தில் முதலமைச்சர் யோகி ஆதித்யநாத்தின் செயல்பாடுகள், அரசியலமைப்புச் சட்டத்தை மீறும் வகையில் உள்ளதாக ஓய்வுபெற்ற உயர் அதிகாரிகள் திறந்த மடல் ஒன்றை எழுதியுள்ளனர்.
போலி என்கவுன்டர்கள், லவ் ஜிகாத், கோவிட் பேரிடர் அலட்சியம் என பல விஷயங்களை அவர்கள் பட்டியலிட்டுள்ளனர். என்ன நடக்கிறது உ.பியில்?
இந்திய அரசு மற்றும் மாநில அரசுகளில் உயர் பொறுப்புகளில் பணிபுரிந்து ஓய்வுபெற்ற இந்திய ஆட்சிப் பணி, காவல், வெளியுறவு, வனத்துறை, வருவாய் எனப் பல்வேறு துறைகளைச் சார்ந்தவர்கள், `அரசியலமைப்புச் சட்டத்தின்வழி நடக்க வலியுறுத்தும் குழு (constituition conduct group)’ என்ற அமைப்பை நடத்தி வருகின்றனர்.
`அரசியல் அமைப்புச் சட்டத்தின்படியே ஆட்சி நடக்க வேண்டும்’ என்பதை வலியுறுத்தி அரசுக்குப் பல்வேறு கடிதங்களை எழுதியுள்ளனர்.
விவசாயிகள் போராட்டம், லட்சத்தீவு விவகாரம் போன்றவற்றில் சிசிஜி எழுதிய கடிதங்கள், அதிர்வலைகளை ஏற்படுத்தின.
 |
tamil.oneindia.com : சென்னை: கிழக்கு கடற்கரை சாலைக்கு தமிழ் சோழ பேரரசர் ராஜராஜ சோழன் பெயரை சூட்டும்படி முதல்வர் மு.க.ஸ்டாலினுக்கு தமிழ் வர்த்தக சங்கத்தினர் கோரிக்கை விடுத்துள்ளனர். தமிழ்நாட்டில் சென்னையில் இருந்து இந்தியாவின் தென்கோடியான கன்னியாகுமரி வரை கிழக்கு கடற்கரை சாலை(East Coast Road) அமைந்துள்ளது.
சுமார் 777 கி.மீ நீளமுள்ள இந்த சாலையில் புகழ்பெற்ற சுற்றுலா தலங்கள், ஆன்மிக தலங்கள் குவிந்து கிடக்கின்றன.
இந்த சாலையில் அமைந்துள்ள பல்லவர் கால சிற்பங்கள் நிறைந்த மாமல்லபுரம் உலக புகழ் பெற்ற சுற்றுலா தலம் என்பது நமது அனைவருக்கும் தெரியும்.
இதனை தொடர்ந்து வெளிநாட்டினர் வந்து குவியும் மலிவு விலை மதுக்கூடங்கள் நிறைந்த பாண்டிச்சேரியும் கிழக்கு கடற்கரை சாலையில்தான் உள்ளது.
பெருமை வாய்ந்த கிழக்கு கடற்கரை சாலை இதை விட்டால் தமிழ் சோழ பேரரசர் முதலாம் இராசராச சோழன் கட்டிய தஞ்சாவூர் பெரிய கோவில், வேளாங்கன்னி மாதா கோவில், நாகூர் தர்கா, குலசை முத்தாரம்மன் கோவில், திருச்செந்தூர் முருகன் கோவில், புகழ்பெற்ற கடற்கரைகள் என்று கிழக்கு கடற்கரை சாலை செல்லும் இடமெல்லாம் சிறப்பு வாய்ந்த இடங்கள், கோவில்கள், தேவாலயங்கள் அமைந்துள்ளன.
 |
Krishprasad Krish : அதிகாலை இரண்டு மணி. பாக்யராஜ் வீட்டிங் காலிங்பெல் இடைவிடாமல் அடித்துக் கொண்டிருந்தது.
சற்றுமுன்னர்தான் தூங்கப் போயிருந்தவர் கண்களை கசக்கியபடியே கதவைத் திறந்தார்.
திருதிருவென்று விழித்துக் கொண்டு வெளியே பாண்டியராஜன் நின்றுக் கொண்டிருந்தார்.
“என்னய்யா இந்த நேரத்துலே?”
“உங்க கிட்டே முக்கியமான ஒரு விஷயம் பேசணும் சார்”
அப்போது ‘டார்லிங், டார்லிங், டார்லிங்’ படத்தின் படப்பிடிப்பு வேலைகள் ஜரூராக நடந்துக் கொண்டிருந்தது. ரிலீஸ் தேதி நெருங்கிக் கொண்டிருப்பதால் பாக்யராஜ் நெருப்பாக வேலை செய்துக் கொண்டிருந்தார். படப்பிடிப்பில் சின்ன சின்ன தடங்கல் நடந்தாலும், அவருக்கு அப்போது அசோசியேட்டாக இருந்த பாண்டியராஜனை பிடித்து காய்ச்சி எடுத்துவிடுவார். அன்றும் அப்படிதான் தேர்ட் டிகிரி லெவலில் பாக்யராஜ் திட்டியிருந்தார். அது சம்பந்தமாகதான் தன்னை பாண்டியராஜன் பார்க்க வந்திருப்பார் போலிருக்கிறது என்று பாக்யராஜ் நினைத்தார்.
 |
.vikatan.com : ஜூமா சிறையிலடைக்கப்பட்டதை எதிர்த்துவரும் அவரின் ஆதரவாளர்கள், நாடு முழுவதும் வன்முறையில் இறங்கியுள்ளனர். இதில் அந்நாட்டில் வாழும் இந்திய வம்சாவளியினர் கடுமையாகப் பாதிக்கப்பட்டுள்ளனர். செய்து முடிக்கும் வரை செய்ய முடியாதது போலத்தான் இருக்கும்' என்ற வரிகளைத் தாரக மந்திரமாகக் கொண்டு, நிற வெறிக்கு எதிராகப் போராடியவர் நெல்சன் மண்டேலா. வெள்ளையர்களால் கைது செய்யப்பட்டு, தேசத் துரோகக் குற்றம் சாட்டப்பட்டு, 27 ஆண்டுகள் சிறைவாசத்தில் இருந்தவர் அவர். விடுதலைக்குப் பிறகு, ஜனநாயக வழியில் மக்களாட்சி முறையில் தேர்ந்தெடுக்கப்பட்ட முதல் குடியரசுத் தலைவர் என்ற பெருமை பெற்ற தலைவர், மண்டேலா.
தினகரன் : தமிழகத்தில் அகதிகள் முகாம் நரகம் போல உள்ளது இலங்கை தோட்ட தொழிலாளர் வாரிசுகளுக்கு இந்திய குடியுரிமை: மத்திய அரசு பரிசீலிக்க ஐகோர்ட் கிளை உத்தரவு
மதுரை: தமிழகத்தில் அகதிகள் முகாம்கள் நரகம் போல உள்ளது.
எனவே இலங்கை தேயிலை தோட்ட தொழிலாளர்களின் வாரிசுகளுக்கு, இந்திய குடியுரிமை வழங்குவது குறித்து மத்திய அரசு பரிசீலிக்க ஐகோர்ட் கிளை உத்தரவிட்டுள்ளது.
திருச்சி கொட்டப்பட்டு இலங்கை அகதிகள் தனி முகாமில் உள்ள ஜெகதீஸ்வரன், யோகேஸ்வரன் உள்ளிட்ட 65 பேர் ஐகோர்ட் மதுரை கிளையில் தாக்கல் செய்த மனு:
நாங்கள் தமிழகத்தை பூர்வீகமாக கொண்டவர்கள். பிரிட்டிஷ் ஆட்சிக் காலத்தில் எங்களின் மூதாதையர்கள் பிழைப்புக்காக இலங்கையிலுள்ள தேயிலை தோட்டங்களுக்கு கூலி தொழிலாளர்களாக சென்றனர். அதன்பிறகு, அவர்களது வாரிசுகள் அங்கேயே இருந்தோம்.
கலைஞர் செய்திகள் : குழந்தை மித்ராவின் மருந்து இறக்குமதி வரியை ரத்து செய்வதாக ஒன்றிய அரசு அறிவிப்பு
முதலமைச்சர் கோரிக்கை ஏற்பு .. மித்ராவின் உயிர்காக்க உடனடியாக நடவடிக்கை எடுத்த ஒன்றிய அரசு!
நாமக்கல் மாவட்டம், காந்திநகர் பகுதியைச் சேர்ந்தவர்கள் சதீஷ்குமார், பிரியதர்ஷினி தம்பதியினர். இவர்களுக்கு இரண்டு வயதில் மித்ரா என்ற பெண் குழந்தை உள்ளது.
சில மாதங்களுக்கு முன்பு குழந்தை மித்ரா நடக்க முடியாமல் அவதிப்பட்டு வந்துள்ளார்.
இதனைத் தொடர்ந்து பெற்றோர் குழந்தை மித்ராவை மருத்துவரிடம் அழைத்துச் சென்றுள்ளனர். குழந்தையைப் பரிசோதித்த மருத்துவர்கள் முதுகுத் தண்டுவட சிதைவு நோயால் மித்ரா பாதிக்கப்பட்டிருப்பதாகத் தெரிவித்துள்ளனர். இந்த நோயைக் குணப்படுத்த 16 கோடி ரூபாய் செலவாகும் என மருத்துவர்கள் சதீஷ்குமார், பிரியதர்ஷினி தம்பதியிடம் தெரிவித்துள்ளனர்.
 |
மாலைமலர் : பஸ் போக்குவரத்தே இல்லாத சமயத்தில் கண்ணூரில் இருந்து அந்தப் பெண் பழனிக்கு கணவருடன் ஏன் வந்தார் என விசாரணை நடத்தப்பட்டு வருகிறது.
பழனியில் கேரள பெண் பலாத்காரம் செய்யப்படவில்லை - போலீஸ் டி.ஐ.ஜி. விஜயகுமாரி பேட்டி.
கேரள மாநிலம் கண்ணூரைச் சேர்ந்த 40 வயது பெண் பழனியில் கூட்டு பலாத்காரம் செய்யப்பட்டதாக எழுந்த புகார் பெரும் பரபரப்பை ஏற்படுத்தியது.
இதுதொடர்பாக தனிப்படை போலீசார் கண்ணூர் சென்று அந்த பெண்ணிடம் விசாரணை மேற்கொண்டனர். இதுதொடர்பாக திண்டுக்கல் சரக போலீஸ் டி.ஐ.ஜி. விஜயகுமாரி நேற்று நிருபர்களிடம் கூறியதாவது:-
தனிப்படை போலீசார் கண்ணூர் சென்று நடத்திய விசாரணையில், அந்தப் பெண்ணுக்கும், அவருடன் வந்த நபருக்கும் திருமணமாகவில்லை என்பது தெரியவந்தது.
tamil.filmibeat.com - Kalaimathi : சென்னை: நடிகர் வடிவேலு முதல்வர் கொரோனா நிதிக்கு 5 லட்சம் ரூபாய் நிதியுதவி வழங்கியுள்ளார்.
முதல்வரின் கொரோனா நிவாரண நிதிக்கு சினிமா பிரபலங்கள் பலரும் நன்கொடை அளித்து வருகின்றனர்.
உச்ச நட்சத்திரங்கள் முதல் கடைக்கோடி கலைஞர்கள் வரை பலரும் தங்களால் இயன்ற நிதியை அளித்து வருகின்றனர்.
அந்த வகையில் நடிகர் வடிவேலு முதல்வர் ஸ்டாலினை இன்று தலைமை செயலகத்தில் சந்தித்து 5 லட்சம் ரூபாய் நிவாரண தொகை வழங்கினார். பின்னர் செய்தியாளர்களிடம் பேசிய வடிவேலு, முதல்வர் ஸ்டாலினுக்கு புகழராம் சூட்டினார்.
 |
வழக்கமாக நீட் தேர்வில் 180 கேள்விகள் இடம்பெறும். ஒவ்வொரு கேள்விக்கும் தலா 4 மதிப்பெண்கள் வீதம் 720 மதிப்பெண்கள் வழங்கப்படும். தற்போது இந்த ஆண்டு வினாத்தாள் முறையில் மாற்றம் செய்யப்பட்டுள்ளது.
BBC : கியூபாவில் நெடுங்காலத்துக்குப் பிறகு கம்யூனிஸ அரசுக்கு எதிராக நடந்த மிகப் பெரிய போராட்டத்தில் பங்கேற்ற ஏராளமானோர் கைது செய்யப்பட்டிருப்பதாக ஊடகங்களும் எதிர்க்கட்சியினரும் தெரிவித்துள்ளனர்.
பொருளாதாரச் சரிவு, உணவு மற்றும் மருந்துகள் பற்றாக்குறை, விலைவாசி உயர்வு ஆகியவை காரணமாக அரசின் மீது மக்கள் கோபத்தில் இருந்தனர்.
இப்போது கொரோனாவை கையாண்ட விதமும் மக்களிடையே அதிருப்தியை ஏற்படுத்தியுள்ளது.
கியூபாவில் அரசுக்கு எதிராகப் பேசுவோருக்கு கடுமையான தண்டனை விதிக்கப்படும் என்பதால் அங்கு நடந்திருக்கும் போராட்டங்கள் முக்கியத்துவம் பெற்றிருக்கின்றன.
போராட்டங்களுக்கு எதிராகச் சண்டையிடும்படி கியூபாவின் அதிபர் தனது ஆதரவாளர்களைக் கேட்டுக் கொண்டுள்ளார்.
“இங்கு உணவு இல்லை, மருந்து இல்லை, சுதந்திரமும் இல்லை” என போராட்டத்தில் ஈடுபட்ட அலெஜான்ட்ரோ என்பவர் பிபிசி முண்டோவிடம் தெரிவித்தார்.
மாலைமலர் : தொற்றை தடுப்பதற்கு கொரோனா தடுப்பூசிகளை கலந்து போட்டுக்கொள்ளலாம் என்று பரிந்துரை செய்வது ஆபத்தை ஏற்படுத்தக் கூடும் என உலக சுகாதார நிறுவனம் எச்சரித்துள்ளது.
இதுதொடர்பாக சுவிட்சர்லாந்து நாட்டின் ஜெனீவா நகரில் உலக சுகாதார அமைப்பின் விஞ்ஞானி டாக்டர் சவுமியா சுவாமிநாதன் காணொலிக்காட்சி வழியாக நிருபர்களிடம் பேசினார்.
அப்போது அவர், “பல நாடுகளில் கொரோனா 2-வது அலை இன்னமும் முடிவுக்கு வரவில்லை. 3-வது அலை குறித்த எச்சரிக்கையும் தொடர்ந்து விடுக்கப்பட்டு வருகிறது. கொரோனா பரவலில் இருந்து காத்துக் கொள்ள தடுப்பூசி மட்டுமே ஆயுதம் ஆகும். இங்கே கொரோனா தடுப்பூசிகளைப் பொருத்தமட்டில் ஒரு ஆபத்தான போக்கு உள்ளது. கொரோனா தடுப்பூசிகளை கலந்து போடுவது, பொருத்திப்பார்ப்பதெல்லாம் நடக்கிறது. இது ஆபத்தானது. இது தொடர்பாக நம்மிடம் தரவுகள் இல்லை. ஆதாரங்கள் இல்லை. 2-வது, 3-வது, 4-வது டோஸ் தடுப்பூசிகளை எப்போது யார் போட்டுக்கொள்வது என்று மக்கள் தீர்மானிக்கத்தொடங்கினால், அது நாடுகளில் குழப்பமான சூழ்நிலையை ஏற்படுத்தி விடும். இது தொடர்பான ஆய்வுகள் நடக்கின்றன, அதுவரை நாம் பொறுத்திருக்க வேண்டும்” என்று அவர் கேட்டுக்கொண்டார்.
 |
 |
Singara Velan : logline. : சில வாரங்களுக்கு முன்பு லைகா நிறுவனம் எல்லோரிடமும் கதை சுருக்கம் (Synopsis) கேட்டிருந்தது. ஆனால் நிறைய பேரிடம் திரைக்கதை மட்டுமே இருந்ததால் அவசரம் அவசரமாக கதை சுருக்கத்தை எழுதி அனுப்பி இருப்பீர்கள்.
அதேபோல் நிறைய பேர் கதை சுருக்கத்தை அனுப்பும் போது கூடவே Logline ம் சேர்த்து அனுப்பி இருந்தால் நன்றாக இருந்திருக்கும் என்று நினைத்திருப்பீர்கள். ஏனென்றால் இந்த Logline என்பது மிக முக்கியமானது. அதேசமயம் நிறையப் பேருக்கு இது அவ்வளவு சுலபத்தில் எழுத வந்துவிடாது என்பதுதான் பிரச்சினை.
நிறைய பேர் நினைக்கலாம். திரைக்கதை, கதை சுருக்கம் இருந்தால் போதும் Logline அவ்வளவு முக்கியம் இல்லை என்று. ஆனால் இது உண்மை அல்ல. முன்பெல்லாம் எந்த நிறுவனமும் யாரிடமும் திரைக்கதைகளை கேட்பது கிடையாது. ஆனால் இன்று கதை சுருக்கத்தை அனுப்புங்கள் என்று கேட்கும் அளவிற்கு காலம் முன்னேறியுள்ளது. நிச்சயம் நாளை கதை சுருக்கம் வேண்டாம். Logline மட்டும் அனுப்புங்கள் போதும் என்று சொல்வதற்கான வாய்ப்புகள் அதிகம். ஏனென்றால் ஆயிரக்கணக்கான பேர் நாளை கதை சுருக்கத்தை அனுப்பும் போது அவற்றை படிப்பதற்கு அவர்களுக்கு நேரம் இருக்காது.
 |
Sowmian Vaidyanathan : தமிழ்நாட்டில் வெகு அமைதியாக நடந்திருக்கும் மிகப் பெரிய புரட்சியை பற்றி நாம் எதுவுமே பேசாமல் வெற்றுக் கதைகள் பேசிக் கொண்டிருக்கின்றோமோ என்று தோன்றுகிறது.
இணைய திமுகவினர் கூட அதிகமாக இதை கண்டு கொள்ளாமல் மேம்போக்காக கடந்து செல்கின்றார்களோ என்ற ஐயமும் ஏற்படுகின்றது.
பெண்ணியம் பேசுபவர்கள், பெரியாரியவாதிகள் என்று கூறிக்கொள்பவர்கள் கூட இதை கண்டுகொள்ளவில்லையோ என்ற கவலையும் உண்டாகிறது..!
கடந்த ஒரு வாரமாக எங்கள் நிறுவனத்தில் வேலை கேட்டு தினமும் ஒன்றிரண்டு பெண்கள் வந்து கொண்டிருந்தனர்.
இன்று காலை ஒரே ஊரிலிருந்து ஐந்து பெண்கள் வந்திருந்தார்கள்.
ஏன் இப்படி என்று அவர்களிடம் விவரம் கேட்ட பொழுது... மயிலாடுதுறை ஒன்றியத்தின் கடைகோடியான மணல்மேட்டையும் தாண்டி ஒரு குக்கிராமம். இரண்டு பஸ் மாறி வர வேண்டும்.
 |
tamil.behindwoods.com - Manishankar : உலகின் பெரும் கோடீஸ்வரர்களுள் ஒருவரும், தற்போது விண்வெளி சுற்றுலா சென்றிருப்பவருமான ரிச்சர்ட் பிரான்சனின் மூதாதையர்கள் தமிழகத்தின் கடலூரைச் சேர்ந்தவர்கள் என்ற வியக்கவைக்கும் தகவல் வெளியாகியுள்ளது.
விண்வெளி சுற்றுலா குறித்து பல ஆண்டுகளாக பேசப்பட்டு வந்த நிலையில் தற்போது அந்த வரலாறு படைக்கப்பட்டுள்ளது. Virgin Group தலைவரும் உலகின் பெரும் கோடீஸ்வரர்களுள் ஒருவருமான இங்கிலாந்தின் ரிச்சர்ட் பிரான்சன் உட்பட 11 பேர் இன்று அவருடைய Virgin Galactic விண்வெளி நிறுவனத்தின் VSS Unity விண்வெளி ஓடம் மூலமாக நேற்று நியூ மெக்சிகோவில் இருந்து விண்வெளிக்கு பயணத்தை தொடங்கினார்கள்.
2000ம் ஆண்டு அமேசான் நிறுவனர் ஜெஃப் பெசோஸ் தான் முதலில் விண்வெளி நிறுவனத்தை தொடங்கினார். மனிதர்களை விண்வெளிக்கு சுற்றுலா அழைத்துச் செல்வது அவருடைய கனவாக இருந்தது. இந்த கனவை அவருடைய புளூ ஆரிஜின் நிறுவனம் மூலமாக நிறைவேற்ற இருக்கிறார். ஜூலை 20ம் தேதி ஜெஃப் பெசோஸ் விண்வெளிக்கு பயணம் செல்ல இருக்கிறார். எனினும், பெசோஸுக்கு பின்னர் 2004ம் ஆண்டு விண்வெளி நிறுவனத்தை தொடங்கிய ரிச்சர்ட் பிரான்சன் இன்றைய பயணத்தின் மூலம் விண்வெளி பந்தயத்தில் முந்தியிருக்கிறார்.
 |
மின்னம்பலம் : நடிகர் விஜய் கோடிக்கணக்கில் சம்பளம் வாங்கும் நடிகர்கள் பட்டியலில் ரஜினிகாந்த்துக்கு அடுத்து இரண்டாம் இடத்தில் இருப்பவர். நடிகர் விஜய் இயல்பாகவே புதிய மாடல் கார்களை வாங்கி குவிப்பது அவரது வழக்கம்.
இந்தியாவில் ரோல்ஸ் ராய்ஸ் கார் வைத்திருப்பதைக் கௌரவமாகக் கருதுகிற மனோநிலை வசதி படைத்தவர்கள் மத்தியில் நிலவுகிறது. அந்த காரை ஓட்டி செல்வதற்கான தரம் மிக்க சாலைகள் இந்தியாவில் இருக்கிறதா என்பதைப் பற்றி யாரும் சிந்திப்பது கிடையாது. வெளிநாடுகளுக்கு கார்கள் இந்தியாவிலிருந்து ஏற்றுமதி செய்துகொண்டிருக்கும் நிலையில் 2018ம் ஆண்டு இங்கிலாந்திலிருந்து ரோல்ஸ் ராய்ஸ் கார் ஒன்றை நடிகர் விஜய் இறக்குமதி செய்தார்.
மின்னம்பலம் : ஊடக விவாதங்களில் அதிமுக கழக நிர்வாகிகளோ, செய்தித் தொடர்பாளர்களோ, கழகத்தைச் சார்ந்தவர்களோ... யாரும் இனி பங்கேற்க மாட்டார்கள் என அதிமுக தெரிவித்துள்ளது.
தற்போது தொலைக்காட்சி விவாதங்கள் தவிர்க்க முடியாத ஒரு நிகழ்ச்சியாக மாறிவிட்டது. நாட்டில் நடக்கும் முக்கிய பிரச்சினைகள் குறித்து அரசியல் கட்சியினர், சமூக ஆர்வலர்கள் எனப் பல தரப்பினரும், விவாதம் நடத்தி தங்களது கருத்துகளைப் பதிவு செய்வார்கள். இதுபோன்ற விவாதங்களில் ஒவ்வொரு அரசியல் கட்சி சார்பிலும் பேச்சாளர்கள் அல்லது நிர்வாகிகள் பங்கேற்பது வழக்கம். ஆனால், இனி தொலைக்காட்சி விவாதங்களில் அதிமுக பங்கேற்காது என அறிவிக்கப்பட்டுள்ளது.
நேற்று (ஜூலை 12) அதிமுக ஒருங்கிணைப்பாளர் ஓ.பன்னீர்செல்வம், இணை ஒருங்கிணைப்பாளர் எடப்பாடி கே.பழனிசாமி ஆகியோர் வெளியிட்டுள்ள கூட்டறிக்கையில், உண்மை காரணம் என்ன? விரிவான கட்டுரை
Velmurugan P e Oneindia Tamil : சென்னை : நீட் தேர்வின் தாக்கம் குறித்து தமிழ்நாடு அரசின் மக்கள் கருத்து கேட்பது குறித்து கேள்வி எழுப்ப நீங்கள் யார்? என்று பாஜகவின் கரு.நாகராஜனுக்கு சென்னை உயர்நீதிமன்ற நீதிபதி கேள்வி எழுப்பியதுடன் அவரது மனுவை தள்ளுபடி செய்தனர்.
நீட் தேர்வு பாதிப்பு குறித்து ஆராய தமிழ்நாடு அரசு அமைத்த குழுவுக்கு எதிராக வழக்கு தொடுத்ததன் மூலம் கரு.நாகராஜனுக்கு நல்ல விளம்பரம் கிடைத்துள்ளது என்றும் நீதிபதிகள் கருத்து தெரிவித்தனர்.
தமிழகத்தில் நீட் தேர்வு ஏழை மற்றும் கிராமப்புற மாணவர்களுக்கு பாதிப்பை ஏற்படுத்துகிறதா என்பது குறித்து ஆய்வு செய்து அறிக்கை அளிக்க,
உயர் நீதிமன்ற ஓய்வுபெற்ற நீதிபதி ஏ.கே.ராஜன் தலைமையில், ஒன்பது பேர் அடங்கிய குழுவை நியமித்து தமிழக அரசு, ஜூன் 10-ம் தேதி அரசாணை பிறப்பித்து உத்தரவிட்டது.
அரசியல் கூடாது மருத்துவக் கல்வியை மேம்படுத்துவது தொடர்பான ஆலோசனைகளை மருத்துவ ஆணையத்திடமும், ஆலோசனை குழுமத்திடமும் மட்டுமே தெரிவிக்க வேண்டும்.
 |
தமிழ்நாட்டை இரண்டாக அல்லது மூன்றாக பிரிக்க வேண்டும் ! அதில் முதல் கட்டமாக கொங்கு நாடு பகுதியை யூனியன் பிரதேசமாக ஆக்க வேண்டும் என பாஜக, ஆர்எஸ்எஸ் இயக்கங்களின் ஒரு குரலை தினமலர் நாளிதழ் மூலமாக ஒலிக்க வைத்திருக்கிறார்கள் !
aramonline.in : கட்சிமாறிகளின்
கைலாயமாக மாறிக் கொண்டுள்ளது திமுக! எதற்காக மக்கள் திமுகவிற்கு
வாக்களித்தார்கள்..? அதிமுக ஊழல் ஆட்சிக்கு மாற்று வேண்டும் என்று தானே..?அந்த ஊழல்களுக்கு காரணமான அதிமுகவினர் பலரே திமுகவில் வந்து ஐக்கியமானால், திமுகவின் நிறம் மாறாதா..?
ஏதோ ஸ்டாலின் முன்னிலையில் சேர்கிறார்கள் என்பதைக் கடந்து, ஆங்காங்கே மாவட்டங்களிலும் அங்குள்ள முக்கியஸ்தர்கள் முன்னிலையில் சேர்ந்து கொண்டு இருக்கிறார்கள்! முன்னாள் எம்.எல்.ஏக்கள் பி.ஆர்.சுந்தரம் மாரியப்பன் கென்னடி, ஜெயந்தி, அமமுக நெல்லை மாவட்ட தலைவர் பரமசிவன் அய்யப்பன்…இப்படிப் பலர் சேர்ந்த வண்ணம் உள்ளனர்.
 |
அவர்கள் பாலியல் ரீதியாகப் பாதிக்கப்படுகிறார்கள். தகாத சீண்டல்கள் சில சமயங்களில் வன்புணர்வு வரை செல்கிறது.<span>
 |
 |
 |
Karthikeyan Fastura : Intaxsevaவில் சில வாடிக்கையாளர்களின் ஒரு கேள்வி ரெம்ப Wierd ஆக இருக்கும். " எப்படி சார் எங்களுக்கு அவ்வளவு Refund வருகிறது ?
இதில் ஏதும் தப்பு இல்லையே..? "
(நல்ல Refund வாங்கித்தருவது குத்தமாயா..?
அரசே இதை Tax RETURNS fling என்று தான் சொல்கிறது)
எங்களோட பதில் : அது நீங்கள் வரியாக கட்டிய உங்களுடைய பணம்.
இதுவரை முறையாக தாக்கல் செய்திருக்க மாட்டீர்கள். income tax தளம் கொடுத்திருக்கும் வாய்ப்புகள் அனைத்தையும் பயன்படுத்திருக்க மாட்டீர்கள். உங்கள் நிறுவனங்கள் 80C தவிர சில செக்சன்களை முயற்சித்திருக்கவே மாட்டார்கள். ஏனென்றால் அவை ஒவ்வொருசமயமும் மாறிக்கொண்டே இருப்பவை. ஆனால் அவற்றிற்கெல்லாம் எந்த தரவுகளும் வைக்க வேண்டிய அவசியமும் இருக்காது. உதாரணத்திற்கு உங்கள் பெற்றோருக்கு ஆகும் மருத்துவ செலவீனங்களை 55000 வரை கணக்கில் காட்டலாம். இதற்கான தரவுகள் எதையும் அவர்கள் கேட்பதில்லை. இப்படி நிறைய வழிகள் இருக்கின்றன.
மின்னம்பலம் :தமிழ்நாட்டு பாடநூல் மற்றும் கல்வியியல் கழகத்தின் தலைவராக திமுகவின் கொள்கைப் பரப்புச் செயலாளரான திண்டுக்கல் லியோனி அண்மையில் நியமிக்கப்பட்டார்.
அவரது நியமனத்துக்கு பாமக நிறுவனர் டாக்டர் ராமதாஸ் தொடங்கி, அதிமுக ஒருங்கிணைப்பாளர் ஓ.பன்னீர் செல்வம் வரை எதிர்ப்பு தெரிவித்தனர்.
லியோனி முன்பு பட்டிமன்றங்களில் பேசிய சில கருத்துகளை முன் வைத்து, லியோனியை இந்தப் பொறுப்பில் இருந்து நீக்க வேண்டும் என்று அவர்கள் வலியுறுத்தினார்கள்.
ஆனால் முதல்வர் மு.க.ஸ்டாலின் இதுகுறித்து எந்த பதிலும் அளிக்காமல் இருந்தார்.
இந்நிலையில் இன்று (ஜூலை 12) பாடநூல் கல்விப் பணிகள் கழகத் தலைவராக லியோனி பொறுப்பேற்றுக் கொண்டார். பள்ளிக் கல்வித் துறை அமைச்சர் அன்பில் மகேஷ் இன்று லியோனியை அவரது இருக்கையில் அமரவைத்தார்.
 |
மாலைமலர் :மக்கள் மன்றத்தை கலைத்து, இனிவரும் காலங்களில் ரஜினி ரசிகர் நற்பணி மன்றமாக செயல்படும் என ரஜினிகாந்த் தெரிவித்துள்ளார்.
அரசியலில் ஈடுபடும் எண்ணம் இல்லை: மக்கள் மன்றத்தை கலைத்தார் ரஜினிகாந்த்
நடிகர் ரஜினிகாந்த் டுவிட்டர் மூலம் வெளியிட்டுள்ள அறிக்கையில் கூறியிருப்பதாவது:-
ரஜினி மக்கள் மன்ற நிர்வாகிகளுக்கும், உறுப்பினர்களுக்கும். என்னை வாழ வைத்த தெய்வங்களான ரசிக பெருமக்களுக்கும் வணக்கம். நான் அரசியலுக்கு வர முடியவில்லை என்று சொன்ன பிறகு, ரஜினி மக்கள் மன்றத்தின் பணி என்ன? நிலை என்ன? என்று மக்கள் மன்ற நிர்வாகிகள் மற்றும் ரசிகர்கள் மத்தியில் கேள்விக்குறியாக இருக்கிறது அதை விளக்க வேண்டியது என்னுடைய கடமை.
 |
Manikandaprabu S | Samayam TamilU : இலவச பயணம் மேற்கொள்ளும் பெண்களுக்கு பயணச்சீட்டு வழங்கப்படும் என போக்குவரத்துறை தெரிவித்துள்ளது
அரசுப் போக்குவரத்துக் கழகங்கள் கொரோனாவால் மேலும் நஷ்டத்தைச் சந்தித்துள்ளன
வழித்தடத்தில் எத்தனை பேர் பயணித்தனர் என்பதை அறிய டிக்கெட் தரப்படுவதாகவும் போக்குவரத்துறை தெரிவித்துள்ளது
20,000 பேருக்கு மேல இப்போ என்ன பண்ணிட்டு இருக்காங்க தெரியுமா? நீங்களே பாருங்க
திமுக வெற்றி பெற்று ஆட்சிக்கு வந்துள்ள நிலையில், கொரோனா நிவாராணம் ரூ.4000, ஆவின் பால் விலை குறைப்பு, பெண்களுக்கு இலவச பேருந்து
பயணம் உள்ளிட்ட ஐந்து திட்டங்களை தொடங்கும் கோப்புகளில் முதல்வர் ஸ்டாலின் முதல் கையெழுத்திட்டார்.
(file video) .hindutamil.in : வாணியம்பாடி மற்றும் குடியாத்தம் பகுதியில் இருந்து ஆந்திராவுக்கு கடத்த முயன்ற 11.5 டன் ரேஷன் அரிசி பறிமுதல் செய்யப்பட்டது. இது தொடர்பாக காவல் துறையினர் 2 பேரை கைது செய்தனர்.
திருப்பத்தூர் மாவட்டம் வாணியம்பாடி, நாட்றாம்பள்ளி, ஆம்பூர், வேலூர் மாவட்டம் பேரணாம்பட்டு, குடியாத்தம் ஆகிய பகுதிகளில் இருந்து ரேஷன் அரிசி ஆந்திரா மாநிலத்துக்கு டன் கணக்கில் கடத்தப்படுவதாக வந்த புகாரை தொடர்ந்து, குடிமைப் பொருள் வழங்கல் குற்றப்புலனாய்வு காவல் துறையினர் குடியாத்தம் மற்றும் வாணியம்பாடி பகுதி களில் கடந்த சில நாட்களாக ரோந்துப்பணியில் ஈடுபட்டு வருகின்றனர்.
இந்நிலையில், நாட்றாம் பள்ளி அடுத்த பச்சூர் கூட்டுச் சாலையில் காவல் துறையினர் வாகன சோதனையில் ஈடுபட்டி ருந்தபோது, அவ்வழியாக வந்த லாரியை மடக்கி சோதனை யிட்டதில், அதில் 2.5 டன் ரேஷன் அரிசி ஆந்திராவுக்கு கடத்திச்செல்வது தெரிய வந்தது.
நக்கீரன் செய்திப்பிரிவு : "தமிழகத்தில் உள்ள அனைத்து வகை பள்ளிகளுக்கும் மத்திய அரசின் 'Fit India Movement' சான்று கட்டாயம்.
www.fitindia.gov.in என்ற இணையதளத்தில் பதிவு செய்து அனைத்து வகை பள்ளிகளும் சான்றிதழ் பெற வேண்டும்.
மிகக் குறைந்தப் பள்ளிகளே பதிவு செய்துள்ள நிலையில் இது ஏற்புடையதல்ல.
பள்ளிகள் ஜூலை 20- ஆம் தேதிக்குள் பதிவு செய்து 'Fit India Movement' சான்று பெற்றாக வேண்டும்.
பள்ளிகள் சான்று பெறுவதைக் கண்காணித்து அறிக்கைத் தர மாவட்ட முதன்மை கல்வி அலுவலர்களுக்கு உத்தரவிடப்பட்டுள்ளது" என தமிழக பள்ளிக்கல்வித்துறை தெரிவித்துள்ளது.
கலைஞர் செய்திகள் - Vignesh Selvaraj : “ஒன்றிய அரசு அனுப்பிய தடுப்பூசியை விட கூடுதலாக 2 லட்சம் பேருக்கு தமிழ்நாட்டில் தடுப்பூசி போடப்பட்டுள்ளது” என திண்டுக்கல்லில் சுகாதாரத்துறை அமைச்சர் மா.சுப்பிரமணியன் பேட்டியளித்துள்ளார்.
திண்டுக்கல் அரசு மருத்துவக் கல்லூரி மருத்துவமனையில் புதிதாக குழந்தைகளுக்கு என அமைக்கப்பட்டுள்ள கொரோனா வார்டை திறந்து வைத்தும்,
குழந்தைகளுக்கான புதிதாக வாங்கப்பட்ட இன்குபேட்டரை பார்வையிட்டும், திருநங்கைகளுக்கு தடுப்பூசி போடும் பணியை துவக்கி வைத்தார் மருத்துவம் மற்றும் மக்கள் நல்வாழ்வுத்துறை சுகாதாரத்துறை அமைச்சர் மா.சுப்பிரமணியன்.
அரசு மருத்துவமனையில் ஆய்வு மேற்கொண்ட தமிழ்நாடு மருத்துவம் மற்றும் மக்கள் நல்வாழ்வுத்துறை சுகாதாரத்துறை அமைச்சர் மா.சுப்பிரமணியன் பேசுகையில், “கொரோனா மூன்றாவது அலை வருமென அறிவிக்கப்பட்டுள்ளது. இந்த அலையில் குழந்தைகள் அதிக அளவில் பாதிக்கப்படுவார்கள் என கூறப்பட்டுள்ளது.
 |
தினமலர் : சென்னை : கூட்டுறவு வங்கிகளில், நகை கடன் வாங்கியவர்களிடம் இருந்து 'ஆதார்' எண் மற்றும் ஆவணங்களை அதிகாரிகள் வாங்கி வருகின்றனர்.
கூட்டுறவு துறையின் கீழ் செயல்படும் மாநில, மாவட்ட மத்திய மற்றும் நகர கூட்டுறவு வங்கிகள், தொடக்க வேளாண் கூட்டுறவு கடன் சங்கங்கள், குறைந்த வட்டியில் தங்க நகை அடமான கடன்களை வழங்குகின்றன.
தேர்தல் வாக்குறுதி : அவை 2011 முதல் 2020 டிச., வரை, 6.60 கோடி பேருக்கு 2.64 லட்சம் கோடி ரூபாய் அளவுக்கு, நகை கடன் வழங்கியுள்ளன. சட்டசபை தேர்தலின் போது தி.மு.க.,வின் தேர்தல் வாக்குறுதியாக, 'கூட்டுறவு வங்கிகளில் 5 சவரனுக்கு உட்பட்ட நகை கடன்கள் தள்ளுபடி செய்யப்படும்' என, தெரிவிக்கப்பட்டது.இதன்படி, தி.மு.க., ஆட்சி அமைத்துள்ளது.
மின்னம்பலம் :நடந்து முடிந்த சட்டமன்றத் தேர்தல் தோல்விக்குப் பிறகு தமிழ் மாநில காங்கிரசின் பல்வேறு நிர்வாகிகள் காங்கிரஸுக்கும் வெவ்வேறு கட்சிகளுக்கும் சென்றுகொண்டிருக்கிறார்கள். இந்நிலையில் கடந்த வாரத்தில் இருந்து மாவட்டம் தோறும் பயணம் மேற் கொண்டிருக்கிறார்.வாசன்.
கடந்த சட்டமன்றத் தேர்தலில் அதிமுக கூட்டணியில் ஜி.கே.வாசன் 12 தொகுதிகள் கேட்டார்.
ஆனால் அதிமுகவோ வெறும் 6 தொகுதிகள்தான் கொடுத்தது.
அதுவும் அதிமுகவின் இரட்டை இலை சின்னத்திலேயே நிற்க வேண்டும் என்று நிர்பந்தமும் செய்தது. அதுவும் தமாகாவுக்கு வெற்றி வாய்ப்பில்லாத தொகுதிகளாகவே அந்த ஆறு தொகுதிகளும் இருந்தன. இதெல்லாம் தமாகா நிர்வாகிகளுக்கு அதிர்ச்சியை அளித்தது.
மாலைமலர் :அமைச்சர் நமச்சிவாயத்துக்கு உள்துறை, மின்துறை, கல்வி, தொழில் மற்றும் வர்த்தகம், விளையாட்டு மற்றும் இளைஞர் நலன் மற்றும் சைனிக் நலத்துறை ஒதுக்கப்பட்டுள்ளது.
இலாகா ஒதுக்கீடு குறித்த பட்டியலை ஆளுநரிடம் வழங்கிய முதல்வர் ரங்கசாமி
புதுச்சேரியில் அமைச்சர்களுக்கு ஒதுக்கப்பட்ட இலாக்காக்கள் தொடர்பான பட்டியலை துணை நிலை ஆளுநர் தமிழிசை சவுந்தரராஜனிடம் முதலமைச்சர் ரங்கசாமி இன்று வழங்கினார்.
ஆளுநர் ஒப்புதலையடுத்து அமைச்சர்களுக்கான இலாகா ஒதுக்கீடு தொடர்பாக அரசிதழில் வெளியிடப்பட்டது.
முதல்வர் ரங்கசாமிக்கு கூட்டுறவுத்துறை, சுகாதாரம் மற்றும் குடும்ப நலத்துறை, வருவாய், உள்ளாட்சி நிர்வாகம், பொது நிர்வாகம், அறநிலையத்துறை, துறைமுகம், அறிவியல்-தொழில்நுட்பம் மற்றும் சுற்றுச்சூழல், தகவல் மற்றும் விளம்பரம் உள்ளிட்ட 13 துறைகள் ஒதுக்கப்பட்டுள்ளன.
ந. சரவணன் : ஈழ ஏதிலியர் மறுவாழ்வுக் கழகம் (ORGANIZATION FOR EZHAM REFUGEES REHABILITATION - OFERR) எனும் அமைப்பு தமிழக வாழ் இலங்கை அகதி மக்களுக்கு செய்த பணிகள் அளப்பறியது.
பல்வேறு பன்னாட்டு தொண்டு நிறுவனகளுடன் இணைந்து மருத்துவம், சுகாதாரம், கல்வி போன்ற அடைப்படை தேவைகளை மிகுந்த அக்கரையோடு கணிவுடன் நிவர்த்தி செய்தமை பாராட்டுக்குறியது.ஆனால்.....
தமிழக வாழ் இலங்கை அகதி மக்களின் சார்பாக ஒரு தலைமைக்கான எந்த ஒரு தேர்தலும் நடக்கவில்லை, யாரும் தலைமையேற்கவுமில்லை,
எந்த ஒரு சூழ் நிலையிலும் அகதி மக்கள் ஒன்றிணைந்து, ஈழ ஏதிலியர் மறுவாழ்வுக் கழகம் எனும் நிறுவனம் எங்களது பிரதி நிதியாக இருந்து எங்கள் சார்பாக எங்கள் தேவைகளை பூர்த்தி செய்யலாம் எனவோ, தேவைகளினடைப்படைகளில் எங்களுக்காக மற்றவர்களிடம் எங்கள் அனுமதியின்றி இந்நிறுவனம் வாக்குறுதிகளை வழங்கலாம் என்றோ,
நாங்கள் இங்கு அகதியாகவே இருப்பது, அல்லது நாங்கள் தாயகம் திரும்புவது தொடர்பான முடிவுகளை எடுக்கலாம் என்பதுப போன்றோ,
எந்தவித உத்திரவாதத்தையும் யாரும் வழங்கி விட வில்லை.
BBC : உத்தரப் பிரதேச மாநிலம் புதிய மக்கள் தொகை கட்டுப்பாடு மற்றும் நலச் சட்டம் 2021 குறித்து, பொதுமக்களின் கருத்தை அறிவதற்காக வெளியிடப்பட்டிருக்கிறது. அதில், இரு குழந்தைகளுக்கு மேல் பெற்றுக் கொள்பவர்களுக்கு அரசு வேலை வாய்ப்பு மற்றும் அரசு சலுகை போன்றவற்றை ரத்து செய்ய வழிவகை செய்யப்பட்டு இருப்பதாக கூறப்பட்டு இருக்கிறது.
உத்தரப் பிரதேசத்தின் சட்ட ஆணையம் ‘உத்தரப் பிரதேச மக்கள் தொகை கட்டுப்பாடு, நிலைப்படுத்தல் மற்றும் நலச் சட்டம் 2021’-ன் முதல் முன்வரைவை வெளியிட்டு இருக்கிறது. இம் மாதம் 19ஆம் தேதிவரை இந்த சட்டம் தொடர்பான கருத்துக்களை சமர்பிக்க கால அவகாசம் வழங்கப்பட்டு இருக்கிறது.
“மாநில சட்ட ஆணையம் உத்தரப் பிரதேசத்தின் மக்கள் தொகையைக் கட்டுப்படுத்துவது தொடர்பாக சில திட்டங்களை அரசுக்கு பரிந்துரைத்து இருக்கிறது. இரண்டு குழந்தைகளை மட்டும் பெற்றுக் கொள்ளும் தம்பதிகளுக்கு அனைத்து அரசு சலுகைகளும் வழங்க பரிந்துரைத்திருக்கிறோம். அவர்களால் அரசின் அனைத்து நலத்திட்ட சலுகைகளையும் பெற முடியும்” என ஏ.என்.ஐ முகமையிடம் கூறியுள்ளார் மாநில சட்ட ஆணையத்தின் தலைவர் ஆதித்யநாத் மித்தல்.
 |
 |
Kandasamy Mariyappan : திரையில் பார்ப்பதை, உண்மை என்று நம்பக்கூடிய உளவியல் குறைபாடு மக்களிடத்தில் உள்ளது.!
மிகச்சிறந்த அய்யப்ப பக்தரான திரு. MN. நம்பியார் அவர்கள் சினிமாவில் வில்லனாக நடித்ததால்.., உண்மை வாழ்க்கையிலும் அவர் அப்படித்தான் என்று நம்புகிறோம்.!
அதேவேளையில் பல பெண்களின் வாழ்க்கையை சீரழித்த திரு. எம்.ஜி. ராமச்சந்திரன், சினிமாவில் ஹீரோவாக நடித்ததால்.., நல்லவர் என்றும் கடவுள் என்றும் நம்பி விடுகிறோம்.!
அதேபோன்று திண்டுக்கல் I. லியோனி அவர்களை காமெடி கலந்த பேச்சாளராக, பட்டிமன்ற நடுவராக பார்த்துப் பழகியதால்.., உண்மை வாழ்க்கையிலும் அவர் படிக்காத காமெடியனாக பார்க்கின்றனர்.!
உண்மையில் அவர், M Sc (Physics), M phill, B Ed படித்த அறிவியல் ஆசிரியர்.! மிக எளிதாக மாணவர்களுக்கு புரியக்கூடிய அளவில் பாடம் நடத்துபவர்.
இவற்றுக்கெல்லாம் மேலாக ஒடுக்கப்பட்ட சமூகத்திலிருந்து வந்த, மக்களின் தேவையை, தமிழ்நாட்டின் தேவையை உணர்ந்த, புரிந்த, இடதுசாரி சிந்தனையாளர்.!
 |
 |
எங்களை சாடும் வசவு சொற்கள், பெண்மையின் மீதான தாக்குதல் மட்டுமல்ல, இஸ்லாமுக்கு எதிரான அச்சுறுத்தலும் கூட."
இதை நஸ்ரின் (பெயர் மாற்றப்பட்டது) கூறும்போது, அவருடைய குரலில் பயத்தை விட கோபமே அதிகம் தெரிகிறது.
 |
Raja Rajendran : "கொங்குநாடு - சங்கிகளின் சதி" -1
[இந்த அரசியலை உடைக்க விரும்புவோர் மட்டும் தயவுசெய்து முழுமையாக நிறைவுவார்த்தை வரை படிக்கவும்]
2011ம் ஆண்டில் எடுக்கப்பட்ட சாதிவாரி கணக்கெடுப்பை மாண்புமிகு முதல்வர் ஸ்டாலின் தூசிதட்டி எடுத்துப் பார்த்தால் "கொங்கு நாடு" சங்கிகளின் சதி நிர்மூலம் ஆகும்.
அனைவரும் பொதுபுத்தியில் நம்புவது போல கொங்குநாடு என்பது ஒரு குறிப்பிட்ட சாதியினர் அதிகமில்லை என்பது அம்பலமாகும்.
"கொங்கு நாடு" என்றும் அந்தப் பகுதியில் திமுக முழுக்க வாஷ் அவுட் என்றும் முதல்வருக்கு தரப்படுகிற செய்தியினை அவர் அவ்வாறே நம்பக்கூடாது.
(அனைவரும் கவனிக்க.)
கடந்த நான்கு ஆண்டுகள் அடிமைகள் ஆட்சியில் அந்த அரசு
சாக்கடை காண்ட்ராக்ட் முதல் எல்லாவிதமான காண்ட்ராக்களிலும் ஈடுபடுத்திய 'ஜாதி' அஜெண்ட்டாதான் சங்கிகளின் "கொங்கு நாடு" அரசியலின் மூலம்.
எனவே அடிமை வகையறாக்கள் ஒரு குறிப்பிட்ட சாதியினருக்கு மட்டும் அனைத்துவித காண்ட்ராக்களையும் கொடுத்து கணக்கு வழக்கில்லாது அளவில்லாத ஊழல் பணத்தில் குளிக்கும்படி செய்தனர்.
இந்த நான்கு ஆண்டுகளில் குவிந்துள்ள தவறான காண்ட்ராக்களால் பணமலைக் குவியல்கள் அவர்களிடம் உள்ளது.
