தலைமை நீதிபதிக்கு எதிரான சதி பின்னணியில், அனில் அம்பானி + தபன் சக்ரபோர்த்தி + மானவ் ஷர்மா

tamil.oneindia.com - veerakumaran  :டெல்லி: உச்சநீதிமன்ற தலைமை நீதிபதி ரஞ்சன் கோகாய் மீது முன்னாள் பெண் ஊழியர் பாலியல் புகார் அளித்த பின்னணியில், அனில் அம்பானிக்கு உதவிகரமாக இருந்த 2 முன்னாள் ஊழியர்கள் இருப்பதாக பிரமாணப் பத்திரத்தில் குறிப்பிடப்பட்டுள்ளது.
உச்சநீதிமன்ற தலைமை நீதிபதி ரஞ்சன் கோகாய் மீது முன்னாள் பெண் ஊழியர் பாலியல் புகார் கூறியதன் பின்னணியில் பெரும் சதி நடந்திருப்பதாகவும், நீதியை விலைக்கு வாங்க நினைப்போர் இதன் பின்னணியில் இருப்பதாகவும், சண்டீகரை சேர்ந்த வழக்கறிஞர் உற்சவ் சிங் பயின்ஸ் என்பவர் உச்சநீதிமன்றத்தில் வழக்கு தொடர்ந்தார்.
இதுதொடர்பாக பிரமாண பத்திரங்களை அவர், நீதிபதி அருண் மிஸ்ரா தலைமையிலான அமர்வு முன்னிலையில் தாக்கல் செய்தார்.

தேர்தல் ஆணையம் போலியாக தயாரித்த ஒட்டு இயந்திர தர சான்றிதழ் .. நாடு சர்வ நா.......

Kondal Samy : என்ன நடக்கிறது நாட்டில்?  வாக்குபதிவு இயந்திரத்தில் மோசடி செய்ய முடியும். அதைதான் பிஜேபி கடந்த தேர்தலில் செய்தது, இப்போதும் அதை செய்ய முயற்சிக்கிறதென்று நாட்டிலுள்ள 21 முக்கியமான தேர்தல் கட்சிகள் தேர்தல் ஆணையத்திடம் புகார் ஒன்றை கடந்த மாதம் கொடுத்திருந்தார்கள்.
ஆனால் தேர்தல் ஆணையம் இதனை திட்டவட்டமாக மறுத்துவிட்டது. ஆகவே அந்த 21கட்சிகளும் உச்சநீதிமன்றத்தை நாடியது. உச்சநீதிமன்றமும் தேர்தல் ஆணையம் வாக்கு இயந்திரத்தை ஐ.எஸ்.ஐ நிறுவனத்தின் தலைமையால் முழுவதுமாக சோதனை செய்து அதற்கு ஐ.எஸ்.ஜ சான்று வாங்கவேண்டுமென்று கூறியது.

அதன்படியே தேர்தல் ஆணையமும் கல்கத்தாவிலுள்ள இந்திய புள்ளிவிவர நிறுவனத்தில் இந்த சோதனையை மேற்கொண்டதாகவும் இந்த சோதனையில் 479 வாக்குகள் பதியப்பட்டு யாருக்கு வாக்களிக்கப்பட்டதோ அவர்களுக்கான உறுதி சான்று சரியாக வந்ததாகவும் அதனால் ஐ.எஸ்.ஐ சான்று வழங்கப்பட்டதாகவும் தேர்தல் ஆணையம் நீதிமன்றத்தில் தெரிவித்தது.

இதனை ஏற்றுக்கொண்ட உச்சநீதிமன்றம் வாக்கு இயந்திரம் பாதுகாப்பானது தான் என்று சொல்லி அந்த வழக்கை தள்ளுபடி செய்து தீர்ப்பு கொடுத்துவிட்டது.
அதன்பின் தற்போது முன்று கட்ட தேர்தலும் முடிந்த நிலையில் எதிர்கட்சிகளின் சார்பில் இந்த வழக்கை நடத்தியவரும் காங்கிரஸ் கட்சியின் மூத்த தலைவரும் முன்னாள் மத்திய அமைச்சருமான கபில் சிபில் ஒரு அதிர்ச்சிகரமான செய்தியை நேற்று பத்திரிக்கையாளர் சந்திப்பில் வெள்ப்படுத்தினார்.

சாய்ந்தமருது ..பயங்கரவாதிகள் இறுதி உரை . வைரல் வீடியோ

tamil.oneindia.com/authors/hemavandhana : கொழும்பு: "எங்கள் மனைவிகள் அழிந்தாலும் சொர்க்கத்தில் சந்திப்போம்.. நாங்கள் அழிந்து போனாலும் போராட்டம் தொடரும்" என்று ஆவேசத்துடன் மனித வெடிகுண்டுகள் மரணத்திற்கு முன்பு சபதம் ஏற்ற வீடியோ ஒன்று வைரலாகி வருகிறது.
இலங்கையில், ஈஸ்டா் பண்டிகைக்காக கடந்த ஞாயிற்றுக் கிழமை கிறிஸ்தவா்கள் தேவாலயங்களில் சிறப்பு பிரார்த்தனையில் இருந்தனா்.
அப்போது தேவாலயங்கள், ஸ்டார் ஓட்டல்கள் என 8 பகுதிகளில் தொடா் குண்டுவெடிப்பு நடத்தப்பட்டது. இதில், பலியானவர்களின் எண்ணிக்கை 290ஆக உயா்ந்துள்ளது. இந்த தாக்குதலுக்கு ஐ.எஸ் பயங்கரவாத அமைப்பு பொறுப்பேற்றுள்ளது.

தமிழ் தயாரிப்பாளர் சங்கத்தை தமிழக அரசு பொறுப்பேற்றது .. சிறப்பு அதிகாரி நியமனம் .. ஊழால் குற்றச்சாட்டுக்கள்...

மின்னபம்பலம் : நடிகர் விஷால் தலைமையிலான தமிழ்த் திரைப்பட தயாரிப்பாளர்கள் சங்கத்தை கலைத்து அதை நிர்வகிக்க சிறப்பு அதிகாரியை தமிழக அரசு நிர்ணயித்துள்ளது.
தயாரிப்பாளர்கள் சங்கத் தலைவராக விஷால் பொறுப்பேற்றதில் இருந்தே எதிர் அணியினர் ஊழல் குற்றச்சாட்டுகளைக் கூறிவருகின்றனர், ஏற்கெனவே சங்கத்திற்கென்று அலுவலகம் இருக்கும் போது தி.நகரில் புதிய அலுவலகத்தை தொடங்கியதும் பிரச்சினையானது. டிசம்பர் மாதம் விஷால் அதிருப்தி உறுப்பினர்கள் சங்க அலுவலகத்துக்கு பூட்டு போட்டு போராட்டம் நடத்தினர். வைப்புநிதியாக இருந்த 7 கோடி ரூபாயை முறைகேடு செய்துவிட்டதாகவும் புகார் கூறப்பட்டது.

அம்பாறை சாய்ந்தமருதில் உயிரிழந்த வாடகை வீட்டினர் பற்றிய தகவல் தெரிந்தது எப்படி?

.BBC- எல். மப்றூக் ;பிபிசி தமிழுக்காக, அம்பாறையிலிருந்து : இலங்கையின் அம்பாறை மாவட்டம் சாய்ந்தமருது பிரதேசத்தில் நேற்று, வெள்ளிக்கிழமை இரவு இடம்பெற்ற தற்கொலைக் குண்டு வெடிப்பு மற்றும் துப்பாக்கிச் சூடு சம்பவங்களில் 16 பேர் பலியாகியுள்ளனர். பலியானோரில் பெண்கள் மற்றும் சிறுவர்களும் அடங்குவர்.
சாய்ந்தமருதில் சுனாமியால் பாதிக்கப்பட்ட மக்களுக்காக நிர்மாணிக்கப்பட்ட 'பொலிவேரியன்' வீட்டுத் திட்டத்திலேயே இந்த சம்பவம் நிகழ்ந்துள்ளது.
குறித்த பகுதியிலுள்ள வீடொன்றை வாடகைக்குப் பெற்று, அதில் வெளி ஊரைச் சேர்ந்த சிலர் தங்கியுள்ளனர்.
இந்த நிலையில், இவர்களின் நடவடிக்கைகளில் சந்தேகம் கொண்ட அப்பகுதி மக்கள், இவர்கள் குறித்து அங்குள்ள பள்ளிவாசல் நிர்வாகத்திடம் முறையிட்டுள்ளனர்.< இதனையடுத்து பள்ளிவாசல் நிர்வாகத்தினரும், பொதுமக்கள் சிலரும் இணைந்து, குறித்த வீட்டில் இருந்தவர்களிடம் பேசியுள்ளனர். ஆனாலும், அவர்கள் முரண்பாடான வகையில் நடந்து கொண்டதன் காரணமாக, அந்தப் பகுதி கிராம சேவகருக்கு, குறித்த வீட்டில் தங்கியிருந்தோர் பற்றி தாங்கள் அறிவித்ததாக, அங்குள்ள றிஸ்வான் எனும் இளைஞர் பிபிசி தமிழிடம் கூறினார்.

BBC :கல்முனை குண்டுவெடிப்பு: 16 பேர் உயிரிழப்பு - 6 சிறுவர்கள் உட்பட 6 பேர் தற்கொலை குண்டுதாரிகள்.. வீடியோ

இலங்கை சாய்ந்தமருதுவில் நேற்று இரவு நிகழ்ந்த வெடிப்பு மற்றும் துப்பாக்கிச்சூடு சம்பவத்தில் 15 சடலங்களை கண்டெடுத்துள்ளதாக போலீஸார் தெரிவித்துள்ளனர். உயிரிழந்தவர்களில் ஆறு பேர் தற்கொலை குண்டுதாரிகள் என போலீஸ் உடகப்பிரிவு தெரிவித்துள்ளது. இந்த ஆறு பேரில், மூன்று பேர் தங்களது குடும்பத்துடன் இறந்துள்ளனர்.
மேலும் ஒரு 21 மதிக்கத்தக்க பெண் ஒருவர், அந்த வழியாக ஆட்டோவில் சென்று கொண்டிருந்தபோது துப்பாக்கிச்சூட்டில் உயிரிழந்துள்ளார்.
அம்பாறை மாவட்டத்தில் கல்முனை போலீஸ் பிரிவுக்கு உட்பட்ட சாய்ந்தமருது பகுதியில் பாதுகாப்பு பிரிவின் மீது சில தரப்பினரால் நேற்று இரவு துப்பாக்கி பிரயோகம் மேற்கொள்ளப்பட்டது. பாதுகாப்பு பிரிவினரும் பதில் தாக்குதல் நடத்தியதாக தெரிவிக்கப்பட்டது.
நேற்று, சந்தேக நபர் ஒருவரை சோதனைக்கு உட்படுத்த முயற்சித்த சந்தர்ப்பத்தில், அவர் குண்டொன்றை வெடிக்கச் செய்து கொண்டதாக போலீஸ் ஊடகப் பேச்சாளர் அலுவலகம் குறிப்பிட்டது.

50 வயதை கடந்தவர்களை வீட்டுக்கு அனுப்ப திட்டம்! பாஜக அரசின் மற்றுமொரு சர்க்கஸ்

தினமலர் :புதுடில்லி: நாடு முழுவதும், 50 வயதை கடந்த, வேலை பார்க்காமல், 'சீட்'டை தேய்க்கும், ஐ.ஏ.எஸ்., அதிகாரிகளை, வீட்டுக்கு அனுப்ப, மத்திய அரசு நடவடிக்கை எடுத்து வருகிறது.

கடந்த நான்கு ஆண்டுகளில், இவர்கள் செய்த வேலைகள் குறித்து, ஆய்வு நடத்தப்பட்டு வருகிறது.

நடவடிக்கைமத்திய அரசு வட்டாரங்கள் கூறியதாவது: பிரதமர் மோடி தலைமையிலான, தற்போதைய மத்திய அரசு, ஊழலுக்கு எதிரான விஷயத்தில், கடுமையான நடவடிக்கைகளை எடுத்து வருகிறது.
அதிலும், அரசு துறைகளில், உயர் பதவிகளில் உள்ளவர்களில் சிலர், ஊழல் நடவடிக்கைகளில் ஈடுபடுவதாக, புகார் எழுந்துள்ளது.இதையடுத்து, 50 வயதைகடந்த அல்லது 25 ஆண்டுகளுக்கு மேல் பணியாற்றிய, 1,143, ஐ.ஏ.எஸ்., அதிகாரிகளின் பட்டியல் தயாரிக்கப்பட்டு, கடந்த நான்குஆண்டுகளில், இவர்கள் செய்த பணிகள் என்ன என்பது குறித்து, ஆய்வு நடத்தப்பட்டு வருகிறது.இவர்களில், வேலை எதுவும் பார்க்காமல், வெட்டியாக, 'சீட்'டை தேய்த்து, நேரத்தை ஒப்பேற்றும் அதிகாரிகள் யார் என்பதை ஆய்வு செய்து, அதன் அடிப்படையில், அவர்கள் மீது நடவடிக்கை எடுக்கப்படவுள்ளது.கடந்த, 1958ல், நிறைவேற்றப்பட்ட, அகில இந்தியபணித் துறை தொடர்பான சட்ட விதிகளின் படி, இந்த அதிரடி நடவடிக்கையை எடுக்க, மத்திய அரசு முடிவு செய்துள்ளது.

வேலூர் தேர்தல்: ஆணையத்தை நாடிய திமுக

மின்னம்பலம் : வேலூர் தொகுதி மக்களவைத் தேர்தலை உடனடியாக நடத்த வேண்டுமென தலைமைத் தேர்தல் ஆணையத்திடம் திமுக சார்பாக மனு அளிக்கப்பட்டுள்ளது.
மக்களவைத் தேர்தலில் வேலூர் தொகுதி திமுக வேட்பாளராக அக்கட்சியின் பொருளாளர் துரைமுருகனின் மகன் கதிர் ஆனந்த் அறிவிக்கப்பட்டிருந்தார். அதிமுக கூட்டணி சார்பில் புதிய நீதிக் கட்சித் தலைவர் ஏ.சி.சண்முகம் போட்டியிட்டார். இதற்கிடையே துரைமுருகன் வீடு, அவரது நண்பர் பூஞ்சோலை சீனிவாசனுக்கு சொந்தமான இடங்களில் நடந்த வருமான வரி சோதனையைக் குறிப்பிட்டு தேர்தல் நடைபெறுவதற்கு ஒரு நாளுக்கு முன்பு வேலூர் தேர்தலை ரத்து செய்தது தேர்தல் ஆணையம். இதனை எதிர்த்து சென்னை உயர் நீதிமன்றத்தில் தாக்கல் செய்யப்பட்ட வழக்குகளும் தள்ளுபடி செய்யப்பட்டன.

ஜெயலலிதா மரணம் பற்றி விசாரிக்க ஆறுமுகசாமி ஆணையத்துக்கு உச்சநீதிமன்றம் தடை! அப்போலோவின் சக்தி?

BBC : அப்பல்லோ மருத்துவமனை தாக்கல் செய்த மனுவை ஏற்று, ஜெயலலிதா மரணம் தொடர்பான நீதிபதி ஆறுமுகசாமி ஆணையத்தின் விசாரணைக்கு இடைக்காலத் தடை விதித்துள்ளது உச்சநீதிமன்றம். ஜெயலலிதா மரணம் தொடர்பாக விசாரித்து வரும் இந்த ஆணையத்தின் விசாரணைக்கு தடை விதிக்கவேண்டும் என்று கோரி ஜெயலலிதாவுக்கு சிகிச்சை அளித்த அப்பல்லோ மருத்துவமனை சார்பில் உச்சநீதிமன்றத்தில் மனுத் தாக்கல் செய்யப்பட்டது.
வழக்குரைஞர் அரிமா சுந்தரம் மருத்துவமனை சார்பில் வாதிட்டார்.
ஆணையம் சம்பந்தமில்லாத தகவல்களை கேட்பதாக கூறி மருத்துவமனை தரப்பில் தடை கோரப்பட்டது. ஆணையம், மருத்துவர்களிடம் விசாரணை நடத்திவிட்டது. இதே அப்பல்லோ மருத்துவமனையில் மறைந்த முதல்வர் எம்.ஜி.ஆர். சிகிச்சை பெற்றுவந்தார். அதன் பிறகு அவருக்கு அமெரிக்காவில் சிகிச்சை அளிக்கப்பட்டது. இது பற்றிய, தொடர்பில்லாத தகவல்களையெல்லாம் ஆணையம் கேட்பதாக மருத்துவமனை சார்பில் குற்றம்சாட்டப்பட்டது.

தமிழகத்தில் முக்கிய நகரங்களில் குண்டு வெடிக்கும் ... பெங்களூரு போலீசுக்கு மர்ம தொலைபேசி

தினத்தந்தி :பெங்களூரு போலீசுக்கு மர்ம நபர் தகவல்: “தமிழகத்தில் முக்கிய நகரங்களில் குண்டு வெடிக்கும்” ரெயில் நிலையங்களில் போலீசார் உஷார் தமிழகத்தில் முக்கிய நகரங்களில் குண்டு வெடிக்கும் என்று பெங்களூரு போலீஸ் கட்டுப்பாட்டு அறைக்கு மர்ம நபர் ஒருவர் தகவல் தெரிவித்தார்.
 சென்னை, தமிழகத்தில் முக்கிய நகரங்களில் குண்டு வெடிக்கும் என்று பெங்களூரு போலீஸ் கட்டுப்பாட்டு அறைக்கு மர்ம நபர் ஒருவர் தகவல் தெரிவித்தார். இதையொட்டி தமிழகம் முழுவதும் போலீசார் உஷார் படுத்தப்பட்டுள்ளனர். மர்ம நபர் தகவல்< கர்நாடக மாநிலம் பெங்களூரு போலீஸ் கட்டுப்பாட்டு அறைக்கு ஓசூரில் இருந்து நேற்று பகலில் மர்ம ஆசாமி ஒருவர் போனில் பேசி திடுக்கிடும் தகவலை தெரிவித்தார். ஆந்திரா, தமிழ்நாடு, புதுச்சேரி, தெலுங்கானா, மராட்டியம், கோவா உள்ளிட்ட மாநிலங்களில், முக்கியமான நகரங்களில் குண்டு வெடிக்கும் என்றும், ராமநாதபுரத்தில் 19 பயங்கரவாதிகள் இதற்காக நுழைந்துள்ளார்கள் என்றும், குறிப்பாக தென்னக ரெயில்களில் குண்டு வெடிக்கும் வாய்ப்பு அதிகம் இருப்பதாகவும் தகவலை கூறிவிட்டு, அந்த மர்ம நபர் போனை வைத்துவிட்டார்.

அம்பாறையில் தொடர் குண்டுவெடிப்பு; போலீசாருடன் துப்பாக்கிச்சண்டை.. தேடுதல் நடவடிக்கையின்போது

BBC : அம்பாறை மாவட்டத்தில் கல்முனை போலீஸ் பிரிவுக்கு உட்பட்ட சாய்ந்தமருது பகுதியில் பாதுகாப்பு பிரிவின் மீது சில தரப்பினர் துப்பாக்கி பிரயோகம் மேற்கொண்டு வருவதாக போலீஸ் ஊடகப் பேச்சாளர் அலுவலகம் தெரிவிக்கின்றது. இதன்போது பாதுகாப்பு பிரிவினரும் பதில் தாக்குதல் நடத்தி வருவதாக தெரிவிக்கப்படுகின்றது.
சந்தேக நபர் ஒருவரை சோதனைக்கு உட்படுத்த முயற்சித்த சந்தர்ப்பத்தில், அவர் குண்டொன்றை வெடிக்கச் செய்து கொண்டுள்ளதாகவும் போலீஸ் ஊடகப் பேச்சாளர் அலுவலகம் குறிப்பிட்டது.
அத்துடன், இந்த சந்தர்ப்பத்தில் மூன்று வெடிப்பு சம்பவங்கள் பதிவாகியுள்ளதாக பாதுகாப்பு பிரிவின் தகவல்கள் தெரிவிக்கின்றன.
சாய்ந்தமருது பிரதேசத்தில் நடைபெற்ற துப்பாக்கிச் சூட்டில் காயமடைந்த ஒருவர் கல்முனை அஷ்ரப் ஞாபகார்த்த மருத்துவமனையில் அனுமதிக்கப்பட்டுள்ளதை அந்த மருத்துவமனை தரப்பில் உறுதிப்படுத்தியுள்ளனர்.

ஸ்டாலின் ;சபாநாயகர் மீது தி.மு.க. நம்பிக்கையில்லா தீர்மானம் கொண்டு வரும் - .எம்.எல்.ஏ.க்கள் மீது நடவடிக்கை எடுத்தால்

மாலைமலர் : அதிமுக எம் எல் ஏக்கள் மீது நடவடிக்கை எடுத்தால் சபாநாயகர் மீது தி.மு.க. நம்பிக்கையில்லா தீர்மானம் கொண்டுவரும் என்று
மு.க.ஸ்டாலின் கூறியுள்ளார். சென்னை: தி.மு.க. தலைவரும், சட்டமன்ற எதிர்க்கட்சி தலைவருமான மு.க.ஸ்டாலின் வெளியிட்டுள்ள அறிக்கையில் கூறியிருப்பதாவது:- மே 23-ந் தேதி 22 சட்டமன்றத் தொகுதி இடைத்தேர்தல் முடிவுகள் எதிர்நோக்கி இருக்கும் நிலையில், சட்ட அமைச்சர் சி.வி.சண்முகம், அரசு கொறடா ராஜேந்திரன் ஆகியோர் சபாநாயகரை சந்தித்து சட்டமன்ற உறுப்பினர்கள் கள்ளக்குறிச்சி பிரபு, அறந்தாங்கி ரத்தினசபாபதி, விருத்தாசலம் கலைச்செல்வன் ஆகிய மூவர் மீதும் கட்சி தாவல் தடுப்புச் சட்டத்தின்கீழ் நடவடிக்கை எடுக்க வேண்டும் என்று மனு அளித்திருப்பதற்கு கடுமையான கண்டனத்தை தெரிவித்துக்கொள்கிறேன்.
எடப்பாடி பழனிசாமி தலைமையிலான அரசுக்கு 18 சட்டமன்ற உறுப்பினர்கள் எதிர்ப்பு தெரிவித்த பிறகு மைனாரிட்டி அரசாகவே செயல்பட்டது. அந்த வழக்கை முடிந்த வரை காலதாமதம் செய்து, 18 மாதங்களுக்கு மேல் தேர்தலே நடத்தாமல் அ.தி.மு.க. ஆட்சி தொடர மத்தியில் உள்ள பா.ஜ.க. அரசும், மாநிலத்தில் உள்ள கவர்னரும் சட்டவிரோதமாக அனுமதித்தனர்.

சுமந்திரன் : தவ்ஹீத் ஜமாத் அமைப்புடன் கிழக்கு ஆளுநர் ஹிஸ்புல்லா தொடர்பு-

வலம்புரி : தேசிய தௌஹீத் ஜமாத் அமைப்புடன் கிழக்கு ஆளுநர்
ஹிஸ்புல்லாவுக்கு தொடர்பு இருப்பதாக பாராளுமன்றத்தில் எம்.ஏ.சுமந்திரன் குற்றஞ்சாட்டியுள்ளார். அவர் மேலும் தெரிவிக்கையில், சட்டத்திற்கு முரணான வகையில் பொலிஸ் திணைக்களத்தை ஜனாதிபதி தனது மேற்பார்வையின் கீழ் வைத்திருந்தார் என  எம். ஏ.சுமந்திரன் தெரிவித்துள்ளார். இது குறித்து பாராளுமன்றில் கருத்து தெரிவித்த அவர், 19வது திருத்தத்திற்கு பின்னர் ஜனாதிபதி சட்டம் மற்றும் ஒழுங்கினை பொறுப் பேற்க முடியாது என்றும் சுட்டிக்காட்டினார்.< அத்தோடு 19வது திருத்த சட்டத்தின் பிரகாரம் ஜனாதிபதி ஒருவர் பாதுகாப்பு மகாவலி மற்றும் சுற்றாடல் அமைச்சு பதவியையே தன் கீழ் வைத்திருக்க முடியும் என்றும் அவர் கூறினார்.

இதன் காரணமாக தவிர்த்திருக்கப்பட வேண்டிய இந்த கொடூர தாக்குதலுக்கு அவரே பொறுப்பேற்க வேண்டும் எனவும் சுமந்திரன் தெரிவித்துள்ளார்.

மேலும் இந்த சம்பவத்தை அடுத்து அஞ்சலி செலுத்தும் வகையில் கூட்டமைப்பு சார்பாக வடக்கு மற்றும் கிழக்கில் ஒரு நாள் துக்க தினம் அனுஷ்டிக்கப்பட்டது.

அமைச்சர் ரிஷாத் பதியுதீனுக்கு குண்டுத்தாக்குதல் சம்பவங்களுடன் தொடர்புதொடர்பு.....எஸ் பி திசாநாயகா

தினகரன் .lk :புனித ஈஸ்டர் திருநாளன்று தலைநகர் கொழும்பு உட்பட நாட்டின் பல பிரதேசங்களில் மேற்கொள்ளப்பட்ட தொடர் குண்டுவெடிப்பு சம்பவங்களுக்கும் அமைச்சர் ரிசாட் பதியுதீனுக்கும் நெருங்கிய தொடர்பு உள்ளதாக பாராளுமன்ற உறுப்பினர் எஸ்.பி.திஸாநாயக்க தெரிவித்துள்ளார்.
பயங்கரவாத மற்றும் அடிப்படைவாதிகளுடன் இவருக்கு நெருங்கிய தொடர்பு உள்ளதாகவும் நேற்று கொழும்பில் இடம்பெற்ற ஊடகவியலாளர் சந்திப்பில் எஸ்.பி.திஸாநாயக்க தெரிவித்துள்ளார்.
இது பற்றித்தெரதிவித்த அவர், குண்டு தாக்குதல்களுடன் தொடர்புடைய சந்தேக நபராகக் கருதப்படும் மொஹமட் இப்ராஹிம் பாரிய வர்த்தகர். அவருடன் ரிஷாட் பதியுதினின் தம்பி இணைந்து வர்த்தக நடவடிக்கைகளில் ஈடுபட்டுள்ளார். அவரது அமைச்சிலும் இவர் பணிப்புரிந்துள்ளார்.

மைத்திரிபால சிரிசேனா : குண்டுவெடிப்பில் போதை மருந்துக் கடத்தல் காரர்கள்:

மின்னம்பலம் : போதைப் பொருள் கடத்தல் காரர்களுக்கும் இலங்கை குண்டுவெடிப்புக்கும் தொடர்பு இருப்பதாக இலங்கை அதிபர் சிறிசேனா அதிர்ச்சித் தகவலை வெளியிட்டிருக்கிறார்.
கடந்த ஈஸ்டர் ஞாயிறு அன்று இலங்கையின் தலைநகர் கொழும்பில் நடந்த தொடர் குண்டுவெடிப்பில் நூற்றுக்கணக்கானோர் இறந்த நிலையில் இன்று ( ஏப்ரல் 26) கொழும்பில் செய்தியாளர்களை அதிபர் சந்தித்திருக்கிறார். அப்போது அவர் தெரிவித்ததாக முக்கிய ஊடகங்கள் செய்தி வெளியிட்டுள்ளன.
“இலங்கையை குறிவைத்ததற்கு , போதை மருந்துக் கடத்தலுக்கு எதிராக நான் தொடர்ந்து பரப்புரை செய்து வருகிறேன். போதை மருந்துகளுக்கு எதிரான போருக்கும், இந்த பயங்கரவாதத் தாக்குதலுக்கும் தொடர்பு இருக்கும் என்பதை மறுக்க முடியவில்லை.

தினகரனின் 3 எம் எல் ஏக்களை தகுதி நீக்க பரிந்துரை . ஆட்சியை தக்கவைக்க அதிமுக....

tamil.oneindia.com/authors/veerakumaran. 3 எம்எல்ஏக்களை தகுதி நீக்கம் செய்ய முடிவு.. ஆட்சி தக்கவைக்கப்படுமா?- வீடியோ சென்னை: சபாநாயகர் தனபாலுடன் அதிமுக கொறடா ராஜேந்திரன் மற்றும் சட்டத்துறை அமைச்சர் சி.வி.சண்முகமும் திடீரென சந்தித்து ஆலோசனை நடத்திய நிலையில், டிடிவி தினகரன் ஆதரவு எம்எல்ஏக்கள் மூவருக்கு விளக்கம் கேட்டு சபாநாயகர் நோட்டீஸ் அனுப்ப முடிவு செய்துள்ளதாக கூறப்படுகிறது.
லோக்சபா தேர்தலின்போது 18 சட்டசபை இடைத் தேர்தல் நடைபெற்றது. இதன் பிறகு, மே 19ஆம் தேதி மேலும் நான்கு சட்டசபை தொகுதிகளுக்கு இடைத்தேர்தல் நடைபெறுகிறது. ஆக மொத்தம், ஒரு மினி சட்டசபை தேர்தலை தமிழகம் எதிர்கொண்டு உள்ளது. 22 தொகுதிகளுக்கும் ரிசல்ட் மே 23ம் தேதி வெளியாக உள்ளது.

பாலபாரதி : மதுரை லீலாவதியை கொல்லப்பட்டதும்தான் உலகம் தெரிந்துகொண்டது!

vikatan.com - -v.s.saravanan" இன்று லீலாவதி கொல்லப்பட்ட நாள். பலருக்கும் யார் இந்த லீலாவதி என்ற கேள்வி எழத்தான் செய்யும். ஏனெனில், லீலாவதி பொதுச் சமூகத்தில் அவ்வளவு பிரபலம் இல்லை. ஆனால், அவரைத் தெரிந்துகொள்ளும் ஒருவர், தன் வாழ்நாள் முழுக்க லீலாவதியை மறக்க மாட்டார். எளிய குடும்பத்தில் பிறந்து, சமூகத்தின் ஏற்றத் தாழ்வுகளைச் சீர் செய்ய, போராடியவர். தன்னைத் தேடி வந்த பதவியைக் கொண்டு, அப்பகுதி மக்களின் குறைகளைத் தீர்த்துக்கொண்டிருந்தார். ஆனால், அவரின் போராட்டத்தின் விளைவுகளால் பாதிக்கப்பட்டவர்களால் வெட்டிக்கொல்லப்பட்டார்.
மதுரை மாநகரின் வில்லாபுரம் பகுதியில் பிறந்தவர் லீலாவதி. மிகவும் எளிமையான பொருளாதாரப் பின்னணி கொண்ட நெசவு குடும்பம். எந்தவொரு விஷயத்தையும் எளிதில் பழகிக்கொள்ளும் லீலாவதியின் படிப்பு, குடும்பச் சூழலால் பத்தாம் வகுப்போடு நிறுத்தப்பட்டது. நெசவுத் தொழிலில் தன்னை இணைத்துக்கொண்டார். சமூகம் மீதான அக்கறையே கம்யூனிஸ்ட் கட்சியை நோக்கி அவரை உந்தித் தள்ளியது. ஜனநாயக மாதர் சங்கத்தில் இணைந்தார். பின், மாவட்டப் பொருளாளராகவும் உயர்ந்தார். இப்படியான வாழ்க்கையில் நடந்தவற்றை அவருடன் நன்கு பழகியவரும், திண்டுக்கல் சட்டமன்ற முன்னாள் உறுப்பினருமான பாலபாரதி கூறுவதைப் பார்க்கலாம்.

 "லீலாவதி என்றதுமே என் மனக்கண்ணில் தெரிவது, லீலாவதி தரையில் அமர்ந்துகொண்டு குறிப்பெடுக்கும் காட்சிதான்.

கோவையில் கைது செய்யப்பட்ட 6 பேர் கொடுத்த தகவல்.. எச்சரித்தும் இலங்கை அலட்சியம் ...

tamil.oneindia.com - VelmuruganP. டெல்லி: கோவை ஐஎஸ் தீவிரவாதிகள் கொடுத்த தகவலை வைத்து மத்திய அரசு இலங்கையை எச்சரித்துள்ளது. ஆனால் முன்னெச்சரிக்கையுடன் இலங்கை செயல்படாமல் கோட்டைவிட்டது தற்போது தெரியவந்துள்ளது.
இலங்கையில் கடந்த ஞாயிறு அன்று ஈஸ்டர் பிரார்த்தனை நடந்த 3 தேவாலயங்கள் மற்றும் 3 நட்சத்திர விடுதிகள் உள்பட 8 இடங்களில் தொடர் குண்டு வெடிப்பு நிகழ்ந்தது. இதில் 359 பேர் உயிரிழந்தனர். ஏராளமானோர் படுகாயம் அடைந்தனர்.
இந்த பயங்கரவாத தாக்குதலுக்கு ஐஎஸ் அமைப்பு பொறுப்பேற்றுள்ளது. இலங்கையில் பயங்கரவாத பயிற்சிபெற்ற 160 தீவிரவாதிகள் ஊடுருவி இருப்பதாக பத்திரிக்கை ஒன்று செய்தி வெளியிட்டுள்ளது. இதையடுத்து இலங்கை முழுவதும் பாதுகாப்பு படையினரின் தீவிர சோதனை நடத்தி வருகிறார்கள்
இதனிடையே கோவையில் இந்து மத தலைவர்களை குறிவைத்து தாக்குதல் நடத்த திட்டமிட்டதாக ஐஎஸ் ஆதரவாளர்கள் 6 பேர் கடந்த ஆண்டு செப்டம்பர் மாதம் கைது செய்யப்பட்டனர்.
அவர்களிடம் தேசிய புலனாய்வு அமைப்பு அதிகாரிகள் விசாரணை நடத்தினார்கள். தீவிரவாதியுடன் தொடர்பு தீவிரவாதியுடன் தொடர்பு அப்போது அவர்களுக்கு இலங்கை தாக்குதலுக்கு முக்கிய காரணமான தீவிரவாதி ஜஹரான் ஹஸிமுடன் தொடர்பு இருப்பது தெரியவந்தது. இலங்கை, தமிழ்நாடு மற்றும் கேரளாவில் இளைஞர்களை மூளைச்சலவை செய்யும் ஹஸிமின் பிரச்சாரங்கள் அடங்கிய வீடியோக்களை அவர்கள் வைத்திருந்தார்கள்

தெலுங்கானாவில் ஒரே வாரத்தில் 19 மாணவர்கள் தற்கொலை!

மின்னம்பலம் : தேர்வில் தோல்வியடைந்ததால் தெலங்கானாவில் ஒரே வாரத்தில் 19 மாணவர்கள் தற்கொலை செய்து கொண்ட சம்பவம் பெரும் சோகத்தை ஏற்படுத்தியுள்ளது. தேர்வில் தோல்வி என்பது வாழ்க்கையின் இறுதியல்ல என்று அம்மாநில முதல்வர் மாணவர்களுக்கு அறிவுரை வழங்கியுள்ளார்.
இந்தியா முழுவதும் 10, 11 மற்றும் 12ஆம் வகுப்புக்கான பொதுத் தேர்வுகள் முடிவடைந்து முடிவுகள் வெளியாகிக் கொண்டுள்ளன. தெலங்கானாவில் இடைநிலைக் கல்வி முதலாமாண்டு மற்றும் இரண்டாமாண்டு (11, 12) வகுப்புகளுக்கான பொதுத் தேர்வு முடிவுகள் ஏப்ரல் 18ஆம் தேதி வெளியானது. தெலங்கானாவில் தேர்வில் தோல்வியடைந்த மாணவர்கள் சிலர் தொடர்ந்து கடந்த ஒரு வாரமாக தற்கொலை செய்து கொண்டு வருவது அம்மாநிலத்தில் பெரும் சோகத்தை ஏற்படுத்தியுள்ளது.

ஃபனி புயல் 50 வருடங்களுக்குப் பிறகு தமிழகத்தை நோக்கி மீண்டும் ....?

tamil.indianexpress.com :  தமிழ்நாடு வெதர்மேன்" பொதுவாக ஏப்ரல் மாத இறுதியில் உருவாகும் புயல் பர்மாவையே தாக்கியிருக்கிறது.
வங்கக் கடல் மற்றும் அதனை ஒட்டியுள்ள இந்திய பெருங்கடல் பகுதியில் காற்றழுத்த தாழ்வு பகுதி உருவாகி, புயலாக வலுப்பெறுவதாகவும், வரும் 28-ம் தேதி தமிழக கடற்கரை பகுதியை நோக்கி புயல்(ஃபனி) வர வாய்ப்பு உள்ளதாகவும் வானிலை ஆய்வு மையம் தெரிவித்துள்ளது.
இதுகுறித்து வானிலை ஆய்வு மைய இயக்குனர் பாலச்சந்திரன் செய்தியாளர்களிடம் பேசுகையில், “தெற்கு வங்கக் கடலின் மத்திய பகுதிகளில் இன்று (ஏப்.25) குறைந்த காற்றழுத்த தாழ்வு பகுதி உருவாகக்கூடும். இந்த தாழ்வு பகுதி நாளை (ஏப்.26) காற்றழுத்தத் தாழ்வு மண்டலமாக வலுப்பெறுகிறது.
இது 27, 28-ம் தேதிகளில் புயலாக வலுப்பெறும். அந்த புயல் தமிழக கடற்கரை பகுதியை நோக்கி நகரக்கூடும் என எதிர்பார்க்கப்படுகிறது. எனவே மீனவர்கள் நாளை முதல் கடலுக்கு செல்ல வேண்டாம். அடுத்து வரும் 24 மணி நேரத்தில் உள்மாவட்டங்களின் ஓரிரு இடங்களில் இடியுடன் கூடிய மழை பெய்யும்.
காற்றழுத்த தாழ்வு மண்டலம் புயலாக மாறி தமிழக கடற்கரை பகுதிகளுக்குள் ரும்போது சென்னை உள்பட பல இடங்களில் மழை இருக்கும். தற்போது வரை தமிழக கடற்கரை பகுதியை கடந்து செல்லலாம் அல்லது கடற்கரை பகுதியை ஒட்டியவாறு செல்லலாம் என எதிர்பார்க்கப்படுகிறது.

நள்ளிரவில் நடுசாலையில் கல் வைத்து நூதன திருட்டு...சிசிடிவி காட்சியை பார்த்து அதிர்ந்த போலீசார்...

nakkheeran.in - /kalaimohan : இருசக்கர வாகன ஓட்டிகளை நிலைதடுமாறி கீழே விழ வைக்க நள்ளிரவில் நடுசாலையில் ஒரு பெரிய கல்லை போட்டுவிட்டு நூதனமுறையில் திருட்டில் ஈடுபட்ட மதுரை சேர்ந்த நபரை போலீசார் கைது செய்துள்ளனர். மதுரை பாண்டியன் நகரைச் சேர்ந்த பாஸ்கர் என்பவர் அண்ணா நகரில் உள்ள தனியார் ஸ்கேன் சென்டரில் வேலை செய்து வந்தார். நேற்றுமுன்தினம் இரவு 12 மணிக்கு வேலையை முடித்துவிட்டு பாஸ்கர் வீடு திரும்பிக் கொண்டிருந்தார்.அப்போது திருப்பரங்குன்றம் பூங்கா அருகே சென்றபோது விபத்தாகி மருத்துவமனையில் சேர்க்கப்பட்டு உயிரிழந்தார் பாஸ்கர். விபத்து நடந்த இடத்தில் சிசிடிவி கேமரா பொருத்தப்பட்டு இருந்ததால் அந்த விபத்து தொடர்பான வீடியோ காட்சிகளை போலீசார் ஆராய்ந்து பார்த்தனர். அப்போது பாஸ்கருக்கு விபத்து ஏற்பட்டதற்கான காரணத்தைக் கண்டு போலீசார் அதிர்ச்சி அடைந்தனர். சம்பவத்தன்று மர்ம ஆசாமி ஒருவன் நள்ளிரவில் நடு சாலையில் பெரிய கல்லை தூக்கி வைத்துவிட்டு அருகில் உள்ள சிறிய சுவர் மீது ஒய்யாரமாக படுத்துக்கொண்டான்.

இந்தி மாநிலங்கள் தமிழ்நாட்டை எட்டி பிடிக்க .. புள்ளி விபரங்கள் கூறுவது என்ன?

Dev JB : கொஞ்சம் புள்ளிவிபரம் பேசலாமா?
இந்தி பேசும் மாநிலங்கள் தமிழ் நாட்டை எட்டிபிடிக்க இன்னும் ஒரு 100 வருஷம் ஆகும் என்று ஏன் சொல்கிறோம். கல்வி மற்றும் மருத்துவ வசதியை மட்டும் google பண்ணினால் கிடைக்கும்.
அந்த மாநிலங்களில் ஒடுக்கப்பட்டவர்கள், பழங்குடியினர் படிப்பு சதவிகிதம் எவ்வளவு? 22% மக்களை படிப்பறிவு இல்லாதவராகவே வைத்திருந்தால் அந்த பகுதிகள் எப்படி முன்னேறும். அடுத்து பெண்களின் படிப்பறிவு எவ்வளவு. Infant mortality ratio என்ன.

1920 களில் ஆரம்பித்த சுய மரியாதை இயக்கங்களால் கட்டமைக்க பட்டு பெரியார் என்ற உலகின் மிக பெரிய போராளியால் முன்னெடுக்கப்பட்ட சமூக நீதியும் அதற்கு சட்ட வடிவம் கொடுத்த திமுக ஆட்சிகளும் ... இது இந்தி பேசும் மாநிலங்களில் நடக்க எவ்வளவு காலம் ஆகும்.

சீமான் அந்தரங்கம் லண்டன் வரை .. தொடர் ஆடியோக்கள் ரிலீஸ் ஒரே நாளில் உச்சம் தொட்ட .. அடல்ஸ்

இதுவரை ஆறு ஆடியோக்கள் ரிலீஸ் ஆகி உள்ளது .. சாம்பிளுக்கு ஒன்று மட்டுமே பதிவேற்றி உள்ளோம் . மிகவும் தயக்கத்தோடுதான் இதை பதிவிட்டு உள்ளோம் .. ஒரு அரசியல் தலைவர் பற்றியும் அவரது கட்சியின் தன்மை பற்றியும் மக்கள் அறியவேண்டும் என்ற நல்ல நோக்கத்தில் மட்டுமே இதை வெளியிட்டு உள்ளோம் .

tnnews24 :தஞ்சை., நேற்று சமூகவலைத்தள பக்கங்களில் சீமானின் முன்னாள் வலதுகரமாக செயல்பட்ட தனசேகருக்கும் தற்போதைய சீமானின் உதவியாளர் புகழேந்திக்கும் இடையே நடைபெற்ற உரையாடல்கள் இணையத்தில் படு வைரலாக பரவியது. >நேற்று ஒரே நாளில் மட்டும் 1 மில்லியன் பார்வையாளர்கள் அந்த ஆடியோவினை கேட்டுள்ளனர். ரிட்டயர்டு ரவுடி,மியாவ் மீம்ஸ், நாச்சியார் தமிழச்சி, வான் நிலா மற்றும் பல்வேறு ரஜினி ரசிகர்கள் மற்றும் பாஜக ஆதரவாளர்கள் உள்ளிட்ட பல பக்கங்கள் இந்த ஆடியோவினை வெளியிட்டிருந்தன.
தனசேகர் எனும் சீமானின் வலது கரமாக செயல்பட்டவருக்கு சீமான் குறித்த பல அந்தரங்க தகவல்களும், பணம் பெரும் வழிமுறைகளும் தெரியும் என்று கூறப்படுகிறது, அதனால் சீமான் தனசேகரை மலேசியா நாட்டிலேயே கொல்ல திட்டமிட்டதாகவும் தற்போது அவர் அதில் இருந்து மீண்டு இந்தியா வந்துள்ளதால் இங்கும் அவருக்கு நாம் தமிழர் கட்சியை சேர்ந்த திருச்சி பிரபு எனும் வழக்கறிஞர் கொலை மிரட்டல் விடுதிருப்பது சீமானை பின்பற்றும் நாம் தமிழர் கட்சியினருக்கே வெறுப்பினை ஏற்படுத்தியுள்ளது.

இலங்கையில் 700 பாகிஸ்தான் அகதிகள் அச்சத்தில் .. உள்ளூர் மக்களின் நெருக்கடி . வீடியோ

நீயுலங்கா :ஞாயிற்றுக்கிழமை நடந்த தற்கொலைத் தாக்குதலை தொடர்ந்து பாகிஸ்தானில் இருந்து அகதிகளாக ஐநாவின் அனுமதியோடு தங்கியிருந்தவர்களை மக்கள் சந்தேகத்தோடு பார்க்கவும், மற்றும் வீட்டு உரிமையாளர்கள் வெளியேறுமாறும், வற்புறுத்தியதால் வேறு வழியின்றி நீர்கொழும்பில் உள்ள மசூதி ஒன்றில் தஞ்சம் புகுந்தனர்.
எனினும், அப்பகுதி பிக்குகள் அவர்கள் மீது சந்தேகம் இருப்பதக்க கூறியதால் காவல் துறையினர் பாக்கிஸ்தான் அகதிகளுக்கு பாதுகாப்பு வழங்கு முகமாக திட்டம்புவ என்ற பகுதியில் உள்ள சமூகக்கூடத்தில் தங்கவைத்துள்ளதோடு, கண்காணிப்பிலும் வைத்துள்ளதாக தெரிவிக்கப்படுகின்றது
A group of 700 Pakistani refugees sheltered in Negombo under the purview of the UN were transported by eight buses to the Ahmadiyya Community Centre in Pasyala under police protection after they lodged a complaint claiming there was a threat to their lives following the Easter Sunday terror attack in Katana.
 It was revealed that the refugees including hundreds of children had arrived in the country after at least one of their family members had been killed by those who rejected their religious teachings in Pakistan. Ahmadiyya Community Centre President Mr. Ahamed said basic facilities were provided to the refugees. They are being given protection by the police and the army..

இலங்கை வெல்லம்பிட்டி குண்டு தொழிற்சாலை.. பாகிஸ்தானி மனேஜர் (படங்கள் இணைப்பு)

வீரகேசரி : கடந்த 21 ஆம் திகதி தற்கொலை தாக்குதல்களுக்கு பயன்படுத்தப்பட்ட குண்டுகளைத் தயாரித்த தொழிற்சாலையென சந்தேகிக்கப்படும் தொழிற்சாலையொன்று முற்றுகையிடப்பட்டுள்ளது.

அது வெள்ளிரும்புத் தயாரிக்கும் தொழிற்சாலையென அடையாளப்படுத்தப்பட்ட நடவடிக்கைகள் இடம்பெற்று வந்துள்ளன.

குறித்த தொழிற்சாலை கொழும்புக்குட்பட்ட வெல்லம்பிட்டியில் கண்டுபிடிக்கப்பட்டுள்ளது.

என்.டி.திவாரியின் மகன் மரணத்தில் மனைவியே கொலை செய்தது அம்பலம்- வீடியோ

: சென்னை: தாம்பத்ய சுகம் இல்லையாம்.. புருஷனை தலைகாணியை அமுக்கி கொன்றதுடன், அப்படி ஒரு கொலையை மறைக்க வெறும் 90 நிமிஷங்களில் எல்லா தடயங்களையும் அழித்துள்ளார் ஒரு சாமர்த்தியக்கார மனைவி!
உத்தரப்பிரதேசம் மாநில முன்னாள் முதல்வராக இருந்தவர் என்.டி திவாரி. இவரது மகன் ரோஹித் திவாரி.
திருமணமாகி மனைவியுடன் டெல்லியில் வசித்து வந்துள்ளார். கடந்த 11-ம் தேதி உத்தரகாண்ட்டில் தேர்தல் என்பதால் அங்கே சென்று ஓட்டு போட்டுவிட்டு, வீட்டுக்கு 15-ம் தேதி வந்திருக்கிறார்.
மூக்கில் ரத்தம் மூக்கில் ரத்தம் பொழுது விடிந்தவுடன், அதாவது 16ம் தேதி ரோஹித் மயங்கி விட்டதாகவும், ஆம்புலன்ஸில் ஆஸ்பத்திரிக்கு கொண்டு செல்லப்பட்டுள்ளதாகவும் மூக்கில் ரத்தம் வடிந்தபடி இருக்கிறது என்றும் போன் வந்துள்ளது.

தேடப்படும் பயங்கரவாதிகளின் படங்களை இலங்கை அரசு வெளிட்யிட்டது

தினத்தந்தி: கொழும்பு, இலங்கையின் கொழும்பு நகரில் கடந்த ஞாயிற்று கிழமை ஈஸ்டர் பண்டிகையன்று காலை மூன்று கிறிஸ்தவ ஆலயங்கள் மற்றும் மூன்று 5 நட்சத்திர ஓட்டல்கள் மீது திடீரென குண்டுவெடிப்பு தாக்குதல்கள்
நடத்தப்பட்டன.
அதன்பின் அன்று மதியம் 2 மணியளவில் இரு தற்கொலை தாக்குதல்கள் நடத்தப்பட்டன. இந்த தாக்குதல்களில் இதுவரை 359 பேர் உயிரிழந்து உள்ளனர். இவர்களில் 36 பேர் வெளிநாட்டினர். 14 வெளிநாட்டவர்களை பற்றிய விவரம் தெரியவரவில்லை.
 12 வெளிநாட்டினர் உள்பட 500 பேர் வரை காயமடைந்து உள்ளனர். இதுவரை 76 பேர் கைது செய்யப்பட்டு அவர்களிடம் விசாரணை நடத்தப்பட்டு வருகிறது. இந்த தாக்குதல்களுக்கு ஐ.எஸ். அமைப்பு பொறுப்பேற்றுள்ளது. இலங்கையில் குண்டுவெடிப்பு தாக்குதல் நடத்திய 9 பயங்கரவாதிகளின் புகைப்படங்கள் இன்று வெளியிடப்பட்டு உள்ளன.
 இந்த 9 பேரில் 2 பேர் பெண்கள். இலங்கை தொடர் குண்டுவெடிப்பு சம்பவங்களை அடுத்து அதிபர் மைத்ரிபால சிறிசேனா அறிவுறுத்தலின் பேரில் அந்நாட்டு பாதுகாப்பு செயலாளர் ஹேமசிரி பெர்னாண்டோ பதவி விலகியுள்ளார். அவர் தனது ராஜினாமா கடிதத்தை அதிபர் சிறிசேனாவுக்கு அனுப்பி வைத்துள்ளார்.

4 விவசாயிகள் மீது பெப்சி நிறுவனம் அகமதாபாத் கமர்சியல் சிவில் கோர்ட்டில் வழக்கு

விகடன் : விவசாயிகள் சந்திக்கும் தாக்குதல்கள் ஒரு
தொடர்கதை.....சிறு விவசாயிகள் தங்கள் சொந்த சேமிப்பில் இருந்து உபயோகப்படுத்திய விதைகளுக்கு கோடிக்கணக்கில் நஷ்ட ஈடு தர வேண்டும் என பெப்சி வழக்கு தொடுத்துள்ளது.
"பெப்சி நிறுவனமானது அதன் தயாரிப்புகளில் ஒன்றான `லேஸ் சிப்ஸ்’ தயாரிப்பதற்காக, FL 2027 OR FC 5 என்ற மரபணு மாற்றம் செய்யப்பட்ட புதிய வகையிலான உருளைக்கிழங்கு ஒன்றை உருவாக்கியிருக்கிறது.   அதை பயிர் பாதுகாப்பு மற்றும் விவசாயிகள் உரிமைச் சட்டத்தின்படி (PROTECTION OF PALANT VARIETIES & FARMERS RIGHT ACT 2001) 2016-ல் பதிவு செய்து பெப்சி உரிமையைப் பெற்றிருக்கிறது. அதையடுத்து, பஞ்சாப், ஹரியானா, குஜராத் போன்ற வட இந்திய மாநிலங்களில் உள்ள விவசாயிகளிடம் அந்த உருளைக்கிழங்குகளைக் கொடுத்து, பயிர் செய்யச் சொல்லி அவர்களிடமிருந்து உருளைக்கிழங்கைப் பெற்று, `லேஸ் சிப்ஸ்’ தயாரிப்புக்காகப் பயன்படுத்தியிருக்கின்றனர்.

30 வருடங்களாக குழந்தைகளை விற்றுள்ளேன்...செவிலியர் அமுதா ஆடியோ க

nakkheeran.in - kalaimohan : சேலம் மாவட்டம் ஓமலூரைச் சேர்ந்த குழந்தை பாக்கியம் இல்லாத ஒருவரிடம் நாமக்கல் அருகே ராசிபுரத்தில் உள்ள ஓய்வு பெற்ற நர்ஸ் பேசிய ஆடியோ வாட்ஸ்-அப்பில் வெளியாகியுள்ளது. அந்த ஆடியோவில் நர்ஸ் அமுதா,  ‘’குழந்தை இல்லாம கஷ்டப்படுறவங்களுக்கு எடுத்து தர்றேன்(குழந்தையை வாங்கித்தருகிறேன்). இதனால் நர்ஸ் வேலையில் இருந்து விருப்ப ஓய்வு பெற்றுள்ளேன் 30 வருஷமா இப்படி செய்துக்கிட்டு வர்றேன்.
ஆண்டவன் புண்ணியத்துல இதுவரைக்கும் எந்த பிரச்சனையும் வந்தது இல்லை.   அப்பா- அம்மாவை பார்த்துதான் குழந்தையை எடுப்பேன்.  குழந்தை எடுக்கும்போது அவங்ககிட்ட கையெழுத்து வாங்கிப்பேன்.  அதெல்லாம் முறைப்படி செய்துகொடுத்துவிடுவேன்.
வெளியில கோர்ட் மூலமாக போனா லேட்டாகும்.
இப்போதைக்கு எடுத்து தர முடியாது. குழந்தை கொழு கொழுன்னு ஆரோக்கியமாக இருக்குற மாதிரி எடுத்து தர்றேன்.   கருப்பு குழந்தையாக இருந்தால் 3.3 லட்சம் ரேட்.  குழந்தை கலரா இருந்தா 4.25 லட்சம் ரேட்.
மேற்கொண்டு, 70 ஆயிரம் கொடுத்தால் 
ஒரிஜினிலா குழந்தை உங்களுக்கு பிறந்தது மாதிரி நகராட்சியில் சான்றிதழ் வாங்கித்தந்துருவேன்.

இலங்கை அரசு விழாவில் மனித வெடிகுண்டு.. போட்டோ ஆதாரம் .. சிறந்த ஏற்றுமதியாளராம் ..

வெப்துனியா : இலங்கை அரசிடம் இருந்து கடந்த இரண்டு ஆண்டுகளுக்கு முன்னர் விருது விழாவில் பங்கேற்ற நபர் ஒருவர், இன்று அந்நாடு சின்னாப்பின்னமாகி இருப்பதற்கு காரணமாக இருந்திருப்பது அதிர்ச்சியை ஏற்படுத்தியுள்ளது.

இலங்கையில் கடந்த ஞாயிறு அன்று ஈஸ்டர் பண்டிகை கொண்டாட்டத்தின் போது வெவ்வேறு பகுதிகளில் மனித வெடிகுண்டு தாக்குதல்கள் நடத்தப்பட்டன. தாக்குதலுக்கு இதுவரை 359 பேர் வரை உயிர் இழந்துள்ளனர். மேலும் 500 பேருக்கும் மேற்பட்டோர் படுகாயம் அடைந்து அரசு மருத்துவமனைகளில் சிகிச்சை பெற்று வருகின்றனர்.
மெளலவி சஹ்ரான் ஹாசீம் என்கிற பயங்கரவாதி தலைமையிலான தேசிய தவ்ஹீத் ஜமா அத் அமைப்புதான் இந்த தாக்குதலை மேற்கொண்டுள்ளது. ஹாசீம் இளைஞர்களை மனித வெடிகுண்டாக மாற்ற மூளைச்சலவை செய்து பலரை அவர் வசம் வைத்துள்ளார்.

ஜெ.சொத்துகளை நிர்வகிப்பது யார்? : நீதிமன்றம் உத்தரவு!

மின்னம்பலம் : ஜெயலலிதாவின் சொத்துகளை நிர்வகிக்க நிர்வாகியை நியமிக்க கோரிய வழக்கின் இறுதி விசாரணையை ஜூன் 6 ஆம் தேதிக்கு தள்ளிவைத்து சென்னை
உயர்நீதிமன்றம்  உத்தரவிட்டுள்ளது..
முன்னாள் முதலமைச்சர் ஜெயலலிதாவின் சொத்துகளை நிர்வகிக்க தனி நிர்வாகியை நியமிக்க கோரி சென்னை கே.கே.நகரை சேர்ந்த அ.தி.மு.க. நிர்வாகி புகழேந்தி உயர்நீதிமன்றத்தில் மனுதாக்கல் செய்தார். அதில் ஜெயலலிதாவிற்கு 913 கோடிக்கு மேல் சொத்துகள் இருப்பதாகவும், இவற்றை யார் நிர்வகிக்க வேண்டும் என ஜெயலலிதா உயில் இல்லாததால், உயர்நீதிமன்றம் நிர்வாகியை நியமிக்க வேண்டும் என தெரிவித்துள்ளார்..
ஏற்கனவே, இந்த வழக்கை விசாரித்த உயர்நீதிமன்றம் ஜெயலலிதாவின் சொத்துகள் குறித்து அறிக்கை தாக்கல் செய்ய வருமான வரித்துறைக்கு உத்தரவிட்டிருந்தது.

இலங்கையில் அதிரடிப்படை சோதனை - ஆயுதங்களுடன் சுற்றித்திரிந்த 3 பேர் கைது

மாலைமலர் : இலங்கையில் அதிரடிப்படையினர் நடத்திய தேடுதல் வேட்டையில், ஆயுதங்களுடன் சுற்றித்திரிந்த 3 பேர் கைது செய்யப்பட்டனர் என போலீசார் தெரிவித்தனர். 

கொழும்பு: இலங்கை தலைநகர் கொழும்புவில் கடந்த ஞாயிறன்று பயங்கரவாதிகள் நிகழ்த்திய தொடர் வெடிகுண்டு தாக்குதலில் தேவாலயங்கள், நட்சத்திர ஓட்டல்கள் தகர்க்கப்பட்டன.
இந்த தாக்குதலில்  359 பேர் உயிரிழந்தனர். மேலும் 500-க்கும் மேற்பட்டோர் படுகாயம் அடைந்தனர். தாக்குதல்கள் தொடர வாய்ப்புள்ளது. ஆயுதங்கள் மற்றும் வெடிகுண்டுகளுடன் இலங்கையில் மேலும் பலர் பதுங்கியிருப்பதாக கிடைத்த தகவலை தொடர்ந்து, அங்கு வாகன சோதனை, தேடுதல் வேட்டை தீவிரப்படுத்தப்பட்டு வருகிறது.

தலைமை நீதிபதி மீது பாலியல் புகார்; 3 பேர் கொண்ட விசாரணை குழுவில் இருந்து நீதிபதி ரமணா விலகல்

தினத்தந்தி :இந்திய தலைமை நீதிபதி ரஞ்சன் கோகாய்க்கு எதிரான பாலியல் புகாரை விசாரிக்கும் 3 பேர் கொண்ட விசாரணை குழுவில் இருந்து நீதிபதி ரமணா விலகி உள்ளார்.
புதுடெல்லி, சுப்ரீம் கோர்ட்டு தலைமை நீதிபதி ரஞ்சன் கோகாய் (வயது 64) மீது அவரிடம் உதவியாளராக பணியாற்றிய 35 வயது பெண் ஊழியர் பாலியல் புகார் கூறியது பெரும் பரபரப்பினை ஏற்படுத்தியது. இதை கடந்த சனிக்கிழமையன்று தாமாக முன்வந்து விசாரித்த சுப்ரீம் கோர்ட்டு, இதில் பெரிய அளவில் சதி இருப்பதாக கருத்து தெரிவித்தது. இந்த வழக்கில், தலைமை நீதிபதியை சிக்க வைக்க சதி நடப்பதாக கூறிய வழக்கறிஞர் உத்சவ் சிங் பெயின்ஸ், பிரமாணப்பத்திரம் ஒன்றையும் தாக்கல் செய்துள்ளார்.
நீதித்துறையை கட்டுப்படுத்த முயற்சிப்பவர்களை கண்டுபிடித்து தண்டிக்க வேண்டும். இவர்களை கண்டுபிடிக்க சிறப்பு விசாரணைக்குழுவை அமைக்க வேண்டும். பணம் மற்றும் அதிகாரம் படைத்தவர்கள் நீதித்துறையை ஒரு போதும் கட்டுப்படுத்த முடியாது என்று கடுமையான எச்சரிக்கையை சுப்ரீம் கோர்ட்டு முன்வைத்தது.

தலைமை நீதிபதி மீதான பாலியல் வழக்கு: பாப்டே குழு சட்டவிரோதமானது - பெண் வழக்கறிஞர்கள்

tamil.news18.com/ :பாப்டே குழு 90 நாட்களுக்குள் விசாரணையை முடிக்க வேண்டும் என்றும், அதுவரை தலைமை நீதிபதி தனது பொறுப்புகளில் இருந்து விலகியிருக்க வேண்டும் என்றும் பெண் வழக்கறிஞர்கள் கோரியுள்ளனர். உச்சநீதிமன்ற தலைமை நீதிபதியை அவமானப்படுத்த திட்டமிட்ட சக்திவாய்ந்த நபர் குறித்து பிரமாணப் பத்திரம் தாக்கல் செய்ய உச்சநீதிமன்றம் உத்தரவிட்டது. இந்நிலையில் புகாரை விசாரிக்க அமைக்கப்பட்டுள்ள நீதிபதி பாப்டே தலைமையிலான குழு சட்டவிரோதமானது என பெண் வழக்கறிஞர்கள் போர்க்கொடி உயர்த்தியுள்ளனர். உச்சநீதிமன்ற தலைமை நீதிபதி ரஞ்சன் கோகாய் மீது அவரது அலுவலகத்தில் பணியாற்றிய முன்னாள் பெண் ஊழியர் ஒருவர், பாலியல் அத்துமீறல் புகார் அளித்தார். இது தமது நேர்மைக்கு விடப்பட்ட சவால் எனக் கூறிய தலைமை நீதிபதி ரஞ்சன் கோகாய், உச்சநீதிமன்றத்தின் மூத்த நீதிபதிகளில் ஒருவரான அருண் மிஸ்ரா தலைமையில், நீதிபதிகள் ரோஹிந்தன் நாரிமன், தீபக் குப்தா ஆகியோர் அடங்கிய சிறப்பு அமர்வு விசாரணை நடத்தவும் உத்தரவிட்டார்.

குண்டுதாரிகள் பலர் வெளிநாடுகளில் படித்திருக்கிறார்கள்.. உயிரழந்தோர் எண்ணிக்கை 359 ஆக உயர்வு .. இலங்கை அமைச்சர் ருவான் விஜயவர்த்தனா

மின்னம்பலம் : இலங்கையில் நடைபெற்ற குண்டுவெடிப்பு தாக்குதலில் தொடர்புடைய பெரும்பாலான தற்கொலை படையினர் வெளிநாடுகளில் படித்திருக்கின்றனர் என்று தான் கருதுவதாக இலங்கை அமைச்சர் ரூவன் விஜயவர்தனே தெரிவித்துள்ளார்.
இலங்கையில் கடந்த ஞாயிறு முதல் பல்வேறு இடங்களில் குண்டுவெடிப்பு சம்பவங்கள் நிகழ்த்தப்பட்டு வருகிறது. இதில் இன்று (ஏப்ரல் 24) காலை நிலவரப்படி பலியானோரின் எண்ணிக்கை 359ஆக உயர்ந்துள்ளது.
இந்நிலையில் இன்று (ஏப்ரல் 24) செய்தியாளர்களைச் சந்தித்த இலங்கை பாதுகாப்பு துணை அமைச்சர் ரூவன் விஜயவர்தனே, கொழும்பு நகரிலுள்ள வெள்ளவத்தா என்ற பகுதியில், சவாய் என்ற திரையரங்கு உள்ளது. அதன் முன்பாக சந்தேகப்படும் படியாக இரு சக்கர வாகனம் ஒன்று நின்று கொண்டிருந்தது. அதில் வெடிகுண்டு இருப்பதாக சந்தேகித்து சோதனை நடத்தப்பட்டது. ஆனால் வாகனத்தின் சீட்டை திறக்க முடியாததால் அந்த வாகனத்தையே அழிக்க முடிவு செய்யப்பட்டது என்று தெரிவித்துள்ளார்.
தொடர்ந்து பேசிய அவர், பயங்கரவாத குழுக்கள் இரண்டு பிரிவுகளாக பிரிந்து செயல்படுவதாகத் தெரிவித்தார். கடந்த ஞாயிறு அன்று நிகழ்த்தப்பட்ட தற்கொலைப் படையைச் சேர்ந்த ஒருவர் பட்டப்படிப்பை இங்கிலாந்திலும் , முதுகலைப் பட்டத்தை ஆஸ்திரேலியாவிலும் முடித்திருப்பதாக நம்புவதாக தெரிவித்துள்ளார்.

சசிகலா இரட்டை இலைக்கு உச்ச நீதிமன்றத்தில் இன்று மறுசீராய்வு மனு தாக்கல்

மின்னம்பலம் : இரட்டை இலை சின்னத்திற்கு உரிமை கோரி சசிகலா தரப்பிலிருந்து உச்ச நீதிமன்றத்தில் இன்று மறுசீராய்வு மனு தாக்கல் செய்யப்பட்டுள்ளது.
இரட்டை இலை சின்னம் தொடர்பான வழக்கில் கடந்த பிப்ரவரி மாதம் தீர்ப்பு வழங்கிய டெல்லி உயர் நீதிமன்றம், எடப்பாடி பழனிசாமி-பன்னீர்செல்வம் தலைமையிலான அதிமுகவுக்கு இரட்டை இலை சின்னத்தை தேர்தல் ஆணையம் ஒதுக்கியது செல்லும் என்று உத்தரவிட்டது. சசிகலா, தினகரன் ஆகியோர் தனித் தனியாக தாக்கல் செய்த மனுக்களும் தள்ளுபடி செய்யப்பட்டன.

உயர் நீதிமன்றம் : `பச்சையப்பன் கல்லூரிக்குப் பாவம் இழைத்து வருகின்றனர்’

கலிலுல்லா.ச- விகடன் : பச்சையப்பன் கல்லூரி முதல்வர் தேர்வில் நடந்த முறைகேடுகள் குறித்து லஞ்ச ஒழிப்புத்துறை விசாரிக்க சென்னை உயர் நீதிமன்றம் உத்தரவிட்டுள்ளது.

பச்சையப்பன் அறக்கட்டளை சார்பில் சென்னையில் 6 கல்லூரிகள் நடத்தப்பட்டு வருகின்றன.
இதில் பச்சையப்பன் ஆண்கள் கல்லூரியின் முதல்வர் காளிராஜ் கடந்த ஆண்டு ஓய்வு பெற்றார். அவருக்குப் பிறகு சேட்டு என்பவர் கல்லூரியின் முதல்வராக நியமிக்கப்பட்டார். இதை எதிர்த்து கல்லூரி பேராசிரியர்கள் நந்தினி உட்பட 7 பேர் உயர் நீதிமன்றத்தில் வழக்கு தொடர்ந்தனர். `முதல்வர் தேர்வு நடைமுறைகளில் வெளிப்படை தன்மை பின்பற்றப்படவில்லை… தமிழ்நாடு தனியார் கல்லூரிகள் ஒழுங்குமுறை விதிகள் பின்பற்றப்படவில்லை’ என மனுதாரர் தரப்பில் குற்றச்சாட்டப்பட்டது.

இலங்கை அமைச்சர்கள் அசாத் சாலி, இஸ்புல்லா உள்ளிட்டோரின் வீடுகளில் சோதனை நடக்கிறது

விகடன் -கா . புவனேஸ்வரி: லயங்கள் மற்றும் நட்சத்திர ஹோட்டல்களில் சக்தி வாய்ந்த குண்டுகள் வெடித்ததில் 300-க்கும் மேற்பட்டோர் பலியாயினர்.
நூற்றுக்கணக்கானோர் பலத்த காயங்களுடன் மருத்துவமனையில் சிகிச்சைப் பெற்று வருகின்றனர். இந்தக் குண்டுவெடிப்புச் சம்பவத்துக்கு, ஐ.எஸ்.ஐ.எஸ் அமைப்பு பொறுப்பேற்றுக் கொண்டுள்ளது. இதற்கிடையில் இலங்கை அரசு அங்கு அவசர நிலை பிரகடனப்படுத்தியுள்ளது. அதோடு பலத்த பாதுகாப்பு ஏற்பாடுகள் தொடர்கின்றன. குண்டு வெடிப்புச் சம்பவத்தில் தொடர்புடைய 55 பேர் கைது செய்யப்பட்டுள்ளனர். கைது செய்யப்பட்டுள்ளவர்களிடம் காவல்துறை தொடர்ந்து விசாரணை நடத்தி வருகின்றனர்.

மேல் மட்டத்தில் அனைவரும் தெரிந்திருந்தார்கள் அடிமட்ட அப்பாவிகள் எவரும் தெரியாதிருந்தார்கள்

Jeevan Prasad : கொள்ளிவாய் பிசாசுகள் ......
மேல் மட்ட அனைவரும் தெரிந்திருந்தார்கள்
அடிமட்ட அப்பாவி மக்கள் எவரும் தெரியாதிருந்தார்கள்
கடந்த ஏப்ரல் 21ம் திகதியான உயிர்த்த ஞாயிறு தின தாக்குதல் குறித்த விடயம் திடீர் தாக்குதல் அல்ல. இந்த தாக்குதலை தொடுத்த தேசிய தவ்கீத் ஜமாத் (National Thowheeth Jama'ath) அமைப்பு 2016க்கு பின் பலம் பெற்றதாக தெரிந்தாலும் , 2000ம் ஆண்டுகளிலேயே தமது பரப்புரைகளை தொடங்கியுள்ளது. இதன் நிறுவனராகவும் தலைமை தாங்கியவராகவும் மட்டக்களப்பு காத்தான்குடியைச் சேர்ந்த சகரான் ஹசீம் இருந்துள்ளார்.
இவர்களை மகிந்த காலத்து முன்னைய அரசு தமது தேவைகளுக்காக ஏதோ ஒரு வழியில் பயன்படுத்தி நீரூற்றி வளர்த்து வந்துள்ளமை தற்போது தெரிய வந்துள்ளது. இலங்கையில் பல அமைப்புகளை தமது அரசியல் தேவைகளுக்காக புலனாய்வு துறைகள் பாவிப்பதுண்டு. அப்படி பௌத்த அமைப்புகள் சிலவற்றைப் போலவே தேசிய தவ்கீத் ஜமாத் அமைப்பினரையும் வளர்த்து விட்டுள்ளார்கள். இஸ்லாமிய அரசியல்வாதிகள் காலத்துக்கு காலம் மாறும் அரசியல் கட்சிகளுக்கு தாவுவது வழக்கமான ஒன்றுதான். அன்றைய மகிந்த அரசில் இருந்த இஸ்லாமிய அரசியல்வாதிகள் இன்று ரணில் மற்றும் மைத்ரி கட்சிகளிலும் அங்கம் வகிக்கிறார்கள். மகிந்தவோடும் சிலர் இருக்கிறார்கள்.
சர்வதேச ரீதியாகவே தீவிரவாத அமைப்புகளை வைத்து சில விடயங்களை அரசுகள் சாதிக்கும். அந்த வகையில் இலங்கையில் பல பௌத்த அமைப்புகள் போல இந்த இஸ்லாமிய அமைப்புக்கும் முன்னைய அரசு திரை மறைவில் தீனி போட்டு வளர்த்துள்ளது என்பதை யாரும் மறுப்பதாக இன்று இல்லை. காரணம் அதற்கான ஒளி - ஒலி - புகைப்பட சான்றுகள் உள்ளன. மனச் சாட்சி உள்ள மக்களுக்கு அது தெரியும்.

அ.தி.மு.க தினகரன் பின்னால் வராது!” - கிருஷ்ணப்ரியா அதிரடி

அ.சையது அபுதாஹிர் ஜெ விகடன் :
யலலிதா இருந்தவரை அ.தி.மு.க-வின் அதிகாரம் மிக்க சக்திகளாக வலம்வந்தவர்கள், சசிகலாவின் குடும்ப உறவினர்கள். ஜெயலலிதா மறைவுக்குப் பிறகு அ.தி.மு.க-வில் ஏற்பட்ட விரிசல்கள், சசிகலா குடும்பத்துக்குள்ளேயும் பிளவுகளை ஏற்படுத்தி யிருக்கிறது. குறிப்பாக, தினகரனுக்கு எதிராக இளவரசியின் மகள் கிருஷ்ணப்ரியா தொடர்ந்து குரல் கொடுத்து வருகிறார். இந்த நிலையில், அ.ம.மு.க-வின் பொதுச் செயலாளராக டி.டி.வி தினகரன் நியமிக்கப்பட்டது குறித்து அவரிடம் சில கேள்விகளை எழுப்பினோம்.

“தினகரன் அ.ம.மு.க-வின் பொதுச் செயலாளராகத் தேர்வு செய்யப்பட்டது குறித்து?”

‘‘என் அத்தை சசிகலா சொன்னார் என்ற ஒரே காரணத்தினால், தங்கள் பதவிகளைத் துறந்து, தினகரனின் பின்னால் நின்ற உண்மையான அ.தி.மு.க விசுவாசிகளுக்கு, தினகரனின் இந்த முடிவு பெரும் ஏமாற்றத்தை அளிக்கும். இவை அனைத்துமே தினகரனால் ஏற்கெனவே திட்டமிட்டு, அதன்படி அரங்கேறுகின்றன. என்னைப் பொறுத்தவரை இந்த நிகழ்வு ஒரு கேலிக்கூத்து.”

பாத்திமா மஜீதா :இலங்கை .. அரேபிய கலாச்சாரம் தலைக்கேறியுள்ளது. மனிதம் மட்டுமே அன்று இருந்தது ..

பாத்திமா மஜீதா : நடைபெற்று
முடிந்த தாக்குதல்கள் அரச அதிகார சக்திகளின் துணையோடுதான் நடைபெற்றுள்ளன என்பதற்கு நிறைய சாட்சியங்கள் எழுந்த வண்ணம் உள்ளன.
ஆனால் அரசினை மட்டுமே நாங்கள் பொறுப்புக்கூறுவது ஒரு வித தப்பித்தல் முறை. ஒரு வித அச்சம் சார்ந்த முறை. தாக்குதல்களை நடத்தியவர்கள் முஸ்லிம்கள் அல்ல, அவர்கள் பயங்கரவாதிகள் , அவர்களுக்கும் இஸ்லாத்திற்கும் சம்பந்தமில்லை என்று சப்பைக் கட்டுவதை நிறுத்துங்கள் கூட எங்களை நாங்களே சுய பரிசோதனை செய்து கொள்ளாவிட்டால் எங்கேயோ போய் முட்டி மோதி விடுவோம். கிட்டத்தட்ட இரு சகாப்தத்தின் முன்னால் போய் நின்று பார்க்கின்றேன். என்னையும் என்னைச் சுற்றி இருந்தவர்களும் படித்த பாடசாலை, பல்கலைக்கழகங்கள், வேலை செய்த இடங்கள் எல்லாவற்றிலும் மனிதம் மட்டுமே இருந்தன. 
படிப்படியாக அரேபியக் கலாச்சாரம் தலைக்கு ஏறத் தொடங்கியது. முஸ்லிம் , காபிர் என்ற பிரிவினை வாதப் போக்கினை இந்த ஒற்றைக் கலாச்சாரம் ஏற்படுத்தி விட்டது . 
அன்று நாம் சாப்பிட்ட நாரிசாச் சோறு , பராத் ரொட்டி , போன்ற எல்லாவற்றினையும் ஹராம் என்ற ஒற்றைக் கதவு போட்டு அடைத்து விட்டார்கள். 
ஒவ்வொருவரும் அடுத்த சமூகத்திலிருந்து பிரித்து விடப்பட்டுள்ளோம். நான் ஐந்து வயதாக இருக்கின்ற பொழுது எனது ஆடையை பற்றி கேள்வி எழுப்பாத மத்ரஸாக்கள் இன்று எனது எட்டு வயது மகள் கருப்பு ஹபாயாவினை அணிந்து வந்தால் தான் ஓத முடியும் என்று சட்டம் வகுக்கின்றது. 

ஆரிய அரேபிய ஒற்றுமைகள் .. அரபும் சமஸ்கிருதமும் ..

Krishnavel T S : ஆரிய அடிமைகளுக்கும் அரேபிய அடிமைகளுக்கும் பல ஒற்றுமைகள் உண்டு.
1) இதுங்களுக்கு சமஸ்கிருதம் புனித மொழி; அதுங்களுக்கு அரபி புனித மொழி.
2) இதுங்களோட முன்னோர்களும் முரட்டு காட்டுமிராண்டிகள், அதுங்களுக்கும் அப்படியே

3) இதுங்களோட புனித நூற்கள் எல்லாம் சயின்ஸ்; அதுங்களுக்கும் அப்படியே
4) இறப்பிற்கு பின்பான வாழ்கை / நிலை - (மோட்சம் / 72 கன்னிப்பெண்கள்) இதை வெச்சுத்தான் ரெண்டு பார்ட்டிகளுக்கு தங்களை தாங்களே மார்க்கெட் செய்துக்குதுங்க
5) இதுங்களுக்கு சாப்பாட்டுல ஆச்சாரம், அதுங்களுக்கு ஹலால்
6) இதுங்களும் தங்கள் சமூகத்துக்காக பொது அறத்தை மறந்திடுங்க; அதுங்களும் அப்படியே.
7) ரெண்டு பார்டிகளுக்குமே - "தங்களுக்கு எது தேவையோ அதுவே தர்மம் / ஹலால்"னு சொல்லிக்குங்க.
8) ரெண்டு க்ரூப்புக்குமே - பெண்கள்னா இளக்காரம். பெண்களின் யோனிக்குள்ள தான் தங்களோட மானம் மருவாதை etc etcவை ஒளிச்சு வெச்சிருக்குங்க.
9) ரெண்டு க்ரூப்புமே தங்களுக்குன்னு குடியிருப்பு பகுதியை தனியா வெச்சிக்கிட்டு இருக்கவே விரும்புங்க. Once அதுங்க குடியிருப்பு பகுதி உருவாக்கிட்டா, அப்புறம் "வெளி ஆட்களுக்கு" நோ என்ட்ரி.
10) ரெண்டு க்ரூப்புமே அவங்க செய்யுற கோமாளித்தனத்துக்கு "அறிவியல்" விளக்கம் கொடுக்குங்க.

டிக் டாக் செயலி மீதான தடையை நிபந்தனையுடன் நீக்கியது ஐகோர்ட்

மாலைமலர் :  சில நிபந்தனைக்ளுடன் டிக்-டாக் செயலி மீதான தடையை
சென்னை ஐகோர்ட்டின் மதுரை கிளை இன்று நீக்கியது. மதுரை: சீனாவில் இருந்து ‘டிக்-டாக்’ என்னும் செயலி கடந்த 2016-ம் ஆண்டு செப்டம்பர் மாதம் அறிமுகப்படுத்தப்பட்டு உள்ளது. இளைஞர்கள், மாணவர்கள் மட்டுமின்றி பொதுமக்களும் இந்த செயலியை பயன்படுத்தி வருகின்றனர். இந்த
செயலியை பயன்படுத்திய 400-க்கும் மேற்பட்டவர்கள் தற்கொலை செய்து கொண்டுள்ளனர். பல்வேறு வகையிலும் தீமையை தரும் டிக்-டாக் செயலிக்கு தடை விதித்து உத்தரவிட வேண்டும் என மதுரை அண்ணாநகரை சேர்ந்த வக்கீல் எஸ்.முத்துக்குமார், மதுரை ஐகோர்ட்டில் மனு தாக்கல் செய்திருந்தார்.

இந்த வழக்கை ஏற்கனவே விசாரித்த ஐகோர்ட்டு, டிக்-டாக் செயலியை மத்திய அரசு தடை செய்ய வேண்டும். டிக்-டாக் செயலி மூலம் எடுத்த வீடியோக்களை தொலைக்காட்சிகளில் ஒளிபரப்பக்கூடாது என்று உத்தரவிட்டது. இந்த வழக்கு குறித்து மத்திய அரசு பதில் அளிக்கவும் உத்தரவிடப்பட்டு இருந்தது. இதற்கிடையே, அந்த வழக்கு நீதிபதிகள் கிருபாகரன், சுந்தர் ஆகியோர் முன்பு கடந்த 16ம் தேதி விசாரணைக்கு வந்தது.

அவிசாவளை குண்டு தொழிற்சாலையில் 9 பாகிஸ்தானியர்கள், 3 இந்தியர்கள் கைது

இலக்கியா.இன்போ : கொழும்பில் நேற்று முன்தினம் நடத்தப்பட்ட குண்டுத் தாக்குதல்களை அடுத்து, அவிசாவளையில் உள்ள செப்பு வயர்
தொழிற்சாலையில்  9 பாகிஸ்தானியர்களும், 3 இந்தியர்களும் கைது செய்யப்பட்டுள்ளனர். செப்பு வயர் தொழிற்சாலை என்ற பெயரில், இந்த தொழிற்சாலையிலேயே குண்டுகள் தயாரிக்கப்பட்டதாக சந்தேகிக்கப்படுகின்றது,

 சிறப்பு அதிரடிப்படையினர் நேற்று பிற்பகல் 2.45 மணியளவில், அதனைச் சுற்றிவளைத்து அங்கிருந்த 12 பேரைக் கைது செய்தனர். கைது செய்யப்பட்டவர்களில், 9 பேர் பாகிஸ்தானியர்கள் என்றும், 3 பேர் இந்தியர்கள் என்றும் தெரிவிக்கப்படுகிறது. இவர்கள் அவிசாவளையில் உள்ள இலத்திரனியல் கடையொன்றில் பணியாற்றுவதாக விசாரணையின் போது தெரிவித்தனர். எனினும், அவர்கள் கூறியது பொய் என்று காவல்துறையின் விசாரணைகளில் தெரியவந்துள்ளது. கைது செய்யப்பட்டவர்கள் குற்றப் புலனாய்வுப் பிரிவினரிடம்
ஒப்படைக்கப்படவுள்ளனர். 9 பேருக்கு விளக்கமறியல்

நேற்றுமுன்தினம் நடந்த குண்டுவெடிப்புகளை அடுத்து கைது செய்யப்பட்ட 24 சந்தேக நபர்களில், 9 பேர் நேற்று கொழும்பு மேலதிக நீதிவான் சாலிய அபேரத்ன முன்னிலையில் நிறுத்தப்பட்டனர்.

மு.க, அழகிரியின் மகன் தயாநிதியின் 40 கோடி சொத்துக்கள் முடக்கம் .. .க

  வெப்துனியா:   அமலாக்கத்துறை மு.க.அழகிரியின் மகன் ரூ.40 கோடி மதிப்புள்ள சொத்துக்களை முடக்கியுள்ளது. கடந்த 2014 ஆம் ஆண்டு கலைஞர் கருணாநிதி திமுக தலைவராக இருந்த போது முக அழகிரி கட்சியின் கோட்பாடுகளை மீறியதற்காக அக்கட்சியின் அனைத்து பதவிகளில் இருந்தும் நீக்கப்பட்டார்.  கலைஞரின் மரணத்திற்குப் பிறகும் ஸ்டாலின் முக அழகிரியை ஏற்றுக்கொள்ளவில்லை.
 அழகிரி அவ்வப்போது ஸ்டாலினை விமர்சித்து பேசுவார். அதேபோல் அழகிரியின் மகன் தயாநிதி அழகிரியும் திமுகவையும் ஸ்டாலினையும் விமர்சித்து வருவது வழக்கம். இந்நிலையில் மதுரை கீழவளவில் கிரானைட் குவாரி முறைகேடு வழக்கில் தயாநிதிக்கு சொந்தமான 40 கோடி ரூபாய் சொத்துக்களை முடக்கி அமலாக்கத்துறை நடவடிக்கை எடுத்துள்ளது

9 தற்கொலை பயங்கரவாதிகளில் ஒருவர் பெண் . ஒருவர் அவுஸ்திரேலியாவில் படிப்பவர் .. இலங்கை குண்டு தாக்குதலில்

Many of the suicide bombers who killed more than 350 people in a series of coordinated Easter Sunday attacks in Sri Lanka were highly educated and came from well-off families, the junior defense minister said Wednesday

மாலைமலர் : இலங்கையில் கடந்த ஞாயிறு அன்று நடத்தப்பட்ட தாக்குதலில் ஈடுபட்ட 9 தற்கொலை பயங்கரவாதிகளுள் ஒருவர் பெண் என இலங்கை பாதுகாப்புத்துறை மந்திரி ருவான் விஜயவர்தனே கூறியுள்ளார். கொழும்பு:< இலங்கை தலைநகர் கொழும்புவில் கடந்த ஞாயிறு அன்று பயங்கரவாதிகள் நிகழ்த்திய தொடர் வெடிகுண்டு தாக்குதலில்  தேவாலயங்கள், நட்சத்திர ஓட்டல்கள் தகர்க்கப்பட்டன. பிரார்த்தனைக்காக தேவாலயங்களில் திரண்டிருந்த பொதுமக்கள் உடல் உறுப்புகள் சிதைந்த நிலையில் 359 பேர் பரிதாபமாக  உயிரிழந்தனர். மேலும் 500-க்கும் மேற்பட்டோர் பலத்த காயமடைந்தனர். தாக்குதல்கள் தொடர வாய்ப்புள்ளது எனவும், ஆயுதங்கள் மற்றும் வெடிகுண்டுகளுடன் இலங்கையில் மேலும் பலர் பதுங்கியிருப்பதாகவும் பிரதமர் ரணில் விக்ரமசிங்கே எச்சரித்துள்ளார். எனவே, இலங்கையில் வாகன சோதனை மற்றும் தேடுதல் வேட்டை தீவிரப்படுத்தப்பட்டு வருகிறது.

. உலகம் பிறந்தது எனக்காக.. ஓடும் நதிகளும் எனக்காக.. மலர்கள் மலர்வதும்

Karthikeyan Fastura யாதும் ஊரே யாவரும் கேளிர் என்ற கணியன் பூங்குன்றனாரின் சொற்கள் ்னும் கொஞ்சம் பின்னாடி போனால் கடலில் வாழும் திமிங்கிலம் கூட நமக்கு சொந்தம் தான். இன்னும் நோண்டுனோம் என்றால் நாற்பதாயிரம் அடி கடலின் உள்ளே வாழும் பிரன்ஹா என்ற ஆதியாதி காலத்து மீன் கூட நம்ம வம்சம் தான். அப்படியே இன்னும் கொஞ்சம் மில்லியன் வருசத்திற்கு போனா.. தாவரத்திற்கும், விலங்கினத்திற்கும் ஒரே தகப்பன் கிடைக்கிறது. அப்படியே இன்னும் கொஞ்சம் மில்லியன் வருடம் போனால் முதல் ஒரு செல் உயிரியை பார்த்துவிடலாம்.
காலையில் ஞாபகம் வந்தது. அறிவியலின் படியும் அதுதான் உண்மை. நாடு, மொழி, இனம், நிறம் என்று பிளவு பட்டிருந்தாலும் 700 கோடி மனிதர்களுக்கும் ஒரு மூதாதையர் தான். அவன் பெயர் ஹோமோசேப்பியன்ஸ். இவனுக்கும் சிம்பன்சிக்கும் ஒரே மூதாதையர். அதன் பெயர் ஹோமிணினி. அதற்கு முன்னாடி நாமளும் கொரில்லா குரங்கும் பிரதர்ஸ் அண்ட் சிஸ்டர்ஸ். அவர்களின் பெயர் அவுரனோபிதெகஸ். இப்படி கொஞ்சம் கொஞ்சமா உள்ளே போக போக டைனோசரஸ் கூட நம்ம சொந்தம் தான். இனனும் கொஞ்சம் பின்னாடி போனால் கடலில் வாழும் திமிங்கிலம் கூட நமக்கு சொந்தம் தான். இன்னும் நோண்டுனோம் என்றால் நாற்பதாயிரம் அடி கடலின் உள்ளே வாழும் பிரன்ஹா என்ற ஆதியாதி காலத்து மீன் கூட நம்ம வம்சம் தான். அப்படியே இன்னும் கொஞ்சம் மில்லியன் வருசத்திற்கு போனா.. தாவரத்திற்கும், விலங்கினத்திற்கும் ஒரே தகப்பன் கிடைக்கிறது. அப்படியே இன்னும் கொஞ்சம் மில்லியன் வருடம் போனால் முதல் ஒரு செல் உயிரியை பார்த்துவிடலாம்.

ஆளுநர் ஹிஸ்புல்லாவை இதுவரை கைது செய்யாதது ஏன்?

தவ்ஹீத் அமைப்புடன் கைகோர்க்கும் ஆளுநர்  ஹிஸ்புல்லா

இலங்கைநெற் : இடம்பெற்ற மனித கொலைத்தாக்குதல்களுக்கு தவ்ஹீத் ஜமாத் என்ற இஸ்லாமிய பயங்கரவாத அமைப்பு பொறுப்பானது என்று தற்போது நிருபானமாகியுள்ளது.
காத்தான்குடியை தனது தளமாக கொண்டிருந்த அமைப்பு அங்கு பள்ளிவாயல் ஒன்றை தனியாக அமைத்து அப்பள்ளிவாயலிலேயே இந்த உலகம் முஸ்லிம்களுக்கு மாத்திரம் உரித்தானது என்றும் அல்லாவை ஏற்காதவர்கள் அனைவரும் காபீர்கள் என்றும் காபீர்கள் கொல்லப்படவேண்டியவர்கள் என்றும் பகிரங்கமாக பிரசங்கம் செய்து வந்தது.
இவ்வாறு அந்த இஸ்லாமிய பயங்கரவாத அமைப்பு மனித குலத்திற்கு எதிரான பிரச்சாரத்தை மேற்கொண்டபோது அவ்வமைப்புக்கான சகல ஆதரவினையும் வழங்கி வந்துள்ளார்  கிழக்கு மாகாண ஆழுநராக நியமிக்கப்பட்டுள்ள ஹிஸ்புல்லா என்ற அடிப்படைவாதி.
ஹஸ்புல்லா இவ்வமைப்பு எதிர்காலங்களில் தாக்குதல்களை மேற்கொள்ளப்போகின்றது என்பதை நன்கு அறிந்திருந்தவராகவே பாராளுமன்றில் இலங்கை மக்களுக்கு பகிரங்க அச்சுறுத்தல் விடுத்தான்.

ஏப்ரல் 23: குத்தூசி குருசாமி பிறந்த நாள்

Chandran Veerasamy : பட்டுக்கோட்டைக்கு அருகிலுள்ள குருவிக்கரம்பை சீர்திருத்தத் திருமணம் குத்தூசி குருசாமி - குஞ்சிதம் அம்மையார் திருமணம்தான். அக்காலத்தில் பல எதிர்ப்புகளுக்கு இடையேதான் அது நடைபெற்றது.
கிராமத்தில் 1906 ஏப்ரல் 23-ல் பிறந்தவர் குருசாமி. முதன்முதலாக பெரியாரைச் சந்தித்தபோது அவருக்கு வயது 23. பெரியாரின் குடியரசு இதழில் ‘குத்தூசி’ என்ற பெயரில் சமூக சீர்திருத்த, பகுத்தறிவு சார்ந்த கட்டுரைகளை எழுதத் தொடங்கினார். 1929-ல் தன்னைப் போன்றே பகுத்தறிவுச் சிந்தனை கொண்ட குஞ்சிதம் அம்மையாரை பெரியாரின் தலைமையில் சாதி மறுப்புத் திருமணம் செய்துகொண்டார். தமிழ்நாட்டில் பெரியார் நடத்திவைத்த முதல்

பெரியார் தலைமையில் சுயமரியாதை இயக்கம் வேர்விட்ட காலத்தில், அவருடன் அறிமுகமாகி, இறுதிவரையில் அவரோடு இணைந்து பயணித்தவர் குத்தூசி குருசாமி.
தமிழ் எழுத்துச் சீர்திருத்தம் குறித்து முதன்முதலாகப் பேசியவர் குருசாமி. பெரியாருடன் இதுபற்றி விவாதித்து, புதிய தமிழ் எழுத்து வடிவங்களைக் குடியரசில் முதன்முதலாகப் பயன்படுத்தவும் செய்தார். “இது தமிழ் மொழியின் எழுத்து வடிவத்தை மேலும் செழுமைப்படுத்துவதுடன், தமிழை அடுத்த கட்டத் துக்கு எடுத்துச் செல்லும்” என்றார். கம்யூனிஸ்ட் இயக்க முன்னோடியான சிங்காரவேலர் 1923-ல் விவசாயத் தொழிலாளர் இயக்கத்தைக் கட்டமைத்து, இந்தியாவி லேயே முதன்முதலாக சென்னையில் மே தினத்தை நடத்தியபோது அதில் குருசாமியும் பங்கேற்றார்.