செவ்வாய், 25 பிப்ரவரி, 2020

கனிமொழி மத்திய பஜகாவால் குறி வைக்கப்படுகிறார்.. சட்ட ரீதியாக சிக்கவைக்க சதி நடக்கிறது?

டிஜிட்டல் திண்ணை:  டார்கெட் கனிமொழி - டெல்லி திட்டம்!மின்னம்பலம் : டிஜிட்டல் திண்ணை: டார்கெட் கனிமொழி - டெல்லி திட்டம்!
மொபைல் டேட்டா ஆன் செய்யப்பட்டதும், வாட்ஸ் அப் ஆன் லைனில் வந்தது.
“தமிழகத்தில் சிஏஏ போராட்டங்கள் தீவிரமாக இருக்கின்றன. இஸ்லாமிய இயக்கங்கள், கட்சிகளின் கூட்டமைப்பு இந்தப் போராட்டங்களை ஒருபக்கம் உணர்வெழுச்சியாக நடத்துகிறது என்றால்... சிஏஏவுக்கு எதிராக கருத்தியல் ரீதியாக யார் யார் பேசுகிறார்கள் என்ற குறிப்பை மத்திய அரசின் உளவுத் துறை ஒவ்வொரு நாளும் கலெக்ட் பண்ணி வருகிறது.
இந்தப் பட்டியலில் தமிழகத்தில் முக்கிய இடத்தில் இருப்பவர் கனிமொழி. குடியுரிமை திருத்தச் சட்டம் பற்றி பலரைப் போல மேலோட்டமாகப் பேசாமல் அந்தச் சட்ட மசோதா, அவசரமாக தாக்கல் செய்யப்பட்டதிலிருந்து, மக்களவை, மாநிலங்களவை என உடனடியாக நிறைவேற்றப்பட்டு இரவில் குடியரசுத் தலைவர் ஒப்புதல் அளித்தது வரை பேசும் கனிமொழி... அதனால் எதிர்காலத்தில் யார் யாருக்கு என்னென்ன பாதிப்புகள் ஏற்படும் என்று விளக்கி வருகிறார். முஸ்லிம்களுக்கு மட்டுமல்ல, பாஜக எதிர்ப்பில் தீவிரமாக ஈடுபடும் யாரையும் ஆவணங்களில் சந்தேகம் என்றும் சொல்லி குடியுரிமை இல்லாமல் ஆக்க முடியும் என்று கனிமொழி பேசிவருகிறார். அண்மையில் சட்டமன்றத்தில் முதல்வர், ‘குடியுரிமை சட்டத்தால் யாருக்கு என்ன பாதிப்பு?’என்று கேள்வி எழுப்பியபோது அவருக்குச் சட்டமன்றத்துக்கு வெளியே பதில் சொன்னதும் கனிமொழியே.

அமைப்பிலிருந்து விலகுகிறோம் ! – தோழர் மருதையன், தோழர் நாதன் அறிவிப்பு

வினவு  t;அன்பார்ந்த தோழர்களே, க்கள் கலை இலக்கியக் கழகத்தின் பொதுச்செயலாளராகவும், புதிய கலாச்சாரம் இதழின் ஆசிரியராகவும், இவையன்றி வேறு சில பொறுப்புகளிலும் செயல்பட்டு வந்த நான், எல்லா பொறுப்புகளிலிருந்தும், குறிப்பாக, இவ்வமைப்புகளுக்கு அரசியல் தலைமையளிக்கின்ற அமைப்பின் தொடர்பிலிருந்து விலகுகிறேன். கடந்த 35 ஆண்டுகளாக ம.க.இ.க வின் செயலராக தமிழகத்தின் அரசியல் சக்திகள், வாசகர்கள், ஊடகத்தினர் மற்றும் மக்களிடையே அறிமுகமாகியிருக்கின்ற காரணத்தினாலும், தமிழகமெங்குமுள்ள அமைப்புத் தோழர்களுக்கு எனது விலகலையும்  அதற்கான காரணத்தையும் தெரிவிப்பதற்கு வேறு வாய்ப்புகள் இல்லாத காரணத்தினாலும், அவசியமான விவரங்களை மட்டும் கோடிட்டுக் காட்டி எனது விலகலைத் தவிர்க்கவியலாமல் பொதுவெளியில் அறிவிக்கிறேன்.
எனக்கும் என்னுடன் இணைந்து விலகலை அறிவித்திருக்கும் தோழர் நாதனுக்கும் இது மிகவும் கடினமான ஒரு முடிவு. கடந்த சுமார் 40 ஆண்டுகளாக எனக்கும், 30 ஆண்டுகளாக அவருக்கும் அமைப்பு நடவடிக்கைகள்தான் வாழ்க்கையாக இருந்தன. ஒரு கசப்பான போராட்டத்துக்குப் பின்னர்தான் தவிர்க்கவே இயலாது என்ற நிலையில் இந்த முடிவுக்கு நாங்கள் இருவரும் வந்திருக்கிறோம்.

கலைஞர் மீதான தொடர் அவதூறுகள் .. சமுகவலையில் .....

தமிழ் வீழ்ந்தாலும் கருணாதி வாழவேண்டும் என்று ஒரு எள்ளல் பதிவை  திமுக எதிர்ப்பாளர்  (மறைநாயகன் - இலங்கை ) சமுக வலையில் பதிவிட்டு இருந்தார் .அது துரோகத்தை பற்றிய கட்டுரை என்று வேறு குறிப்பிட்டு இருந்தார் .  அந்த பதிவுக்கு  பலர் பதில்  கருத்துக்களை பதிவிட்டிருந்தனர் .அவை :
 Radha Manohar தமிழர்களின் போராட்டங்களில் அதிகமாக கேட்ட வார்த்தை துரோகி என்பது தான் . எவர் எவர் எல்லாம் துரோகி என்று அதிகமாக கூவுகிரர்களோ அவர்களேதான் மிகபெரிய துரோகிகள் ஆக இருந்ததுதான் வரலாறு .. இதில் மாற்று கருத்தே இல்லை .ஏனெனில் இது எல்லோருக்கும் தெரிந்த வரலாறு . கலைஞர் பற்றி கருணாநிதி என்று ஏகவசனத்தில் கூறுவது ஒரு வித பாசிச நோய் தவிர வேறில்லை . ஈழ போராட்த்தை பற்றிய புரிதல்களை தமிழகம் முழுவதற்கும் மட்டுமலல் முழு இந்தியாவுக்கும் எடுத்து சென்று தெரியப்படுத்தியவர் கலைஞரும் திராவிட முன்னேற்ற கழகமும்தான் .. ஈழ தமிழர்களின் ஆதரவு நிலைப்பாட்டினால் இரண்டு தடவை ஆட்சியை இழந்த கட்சி திராவிட முன்னேற்ற கழகமாகும் . கலைஞர் மீதும் திமுக மீதும் பலர் ஒவ்வாமை கொண்டிருபதற்கு முக்கிய காரணம் அவர்களின் சுய ஜாதி அபிமானம்தான்

 மறைநாயகன் : உங்கள் கருத்துக்கள் நியாயமானவை.
: கருணாநிதி வாரிசு அரசியலை நடத்தி தனது நற்பெயரைக் கெடுத்து விட்டார்.

Radha Manohar  :  மிக மிக தவறான பதில் . திராவிட இயக்கத்தின் பார்ப்மபரியாய் வரலாறு தெரியாமல் போனதன் விளைவுதான் தங்களின் பதில் . வடநாட்டு பார்ப்பனீய சக்திகள் திராவிட முன்னேற கழகத்தை உடைத்தெறிய எடுத்த முயற்சிதான் எம்ஜியாரை வருமானவரி மிரட்டல் மூலம் பிரித்தமை. அதன் பின்பு திமுக மீதும் கலைஞர் மீதும் தொடர்ந்து பொய்யனா குற்றச்சாட்டுகளை சுமத்தி எம்ஜ்யாரை ஆட்சிக்கு கொண்டுவந்தனர் .ஆரிய பார்ப்பனீய பனியா சக்திகள் .

பிரான்சின் அணு ஆலைகள் மூடப்படுகின்றன .. ஃபுக்குஷிமா அணு ஆலை வெடிப்புக்குப்புக்கு பின்...

 https://www.independent.co.uk/news/world/europe/france-fessenheim-nuclear-reactor-power-plant-shut-down-a9344501.html?fbclid=IwAR17FGIdhN5tPhWf8YiXSRjQMRFgAkpBL6pqu-L3radIAGMSaOhcDfIrOKY
Subashini Thf : பிரான்சின் பழமையான நியூக்ளியர் அணு ஆலையை மூடும்
நடவடிக்கை கடந்த சனிக்கிழமை காலை தொடங்கியது. ஃபாசன்ஹைம் அணு ஆலையின் 3 ரியாக்டர்களில் முதல் ரியாக்டர் சனிக்கிழமை மூடப்பட்டு படிப்படியாக வருகின்ற ஜூன் மாதன் முழுமையாக மூடப்படுகின்றது. ஜப்பானில் நிகழ்ந்த ஃபுக்குஷிமா அணு ஆலை வெடிப்புக்குப் பின்னர் ஐரோப்பாவில் சில நாடுகள் அணு ஆலைகளைப் படிப்படியாகக் குறைத்து வரும் நடவடிக்கைகளை மேற்கொண்டு வருகின்றன. ஜெர்மனி தொடர்ச்சியாக அணு ஆலைகளை மூடி வருகின்றது. அந்த வரிசையில் பிரான்சின் மிகப் பழமையான ஃபாசன்ஹைம் அணு ஆலை இப்போது மூடப்படும் நடவடிக்கை தொடங்கியுள்ளது.
மனிதகுலத்துக்கும் ஒட்டு மொத்த இயற்கைக்கும் தீங்கு விளைவிக்கும் அணு சக்தி உற்பத்திக்குப் பதிலாக மாற்று வழிகள் தற்சமயம் பரவாலாக செயல்பாட்டில் மேற்கொள்ளப்படுகின்றன. காற்று, நீர், சூரிய ஒளி, குப்பைகள் போன்றவற்றை அடிப்படையாகக் கொண்டு மாற்று வழிகள் மேற்கொள்ளப்படுகின்றன என்பது வரவேற்பிற்குறியது.

தில்லி கலவர நிலைமை ஆபத்தான கட்டத்தில் ;;; ஆர் எஸ் எஸ் குண்டர்கள் கைகளில் துப்பாக்கிகள்

தில்லியில் நிலைமை மோசம் என்று தகவல்கள் வருகிறதே என்னவாயிற்று என்று இன்பாக்சில் ஆட்கள் வந்து கொண்டே இருக்கிறார்கள். வீடியோக்களும் வந்து கொண்டே இருக்கின்றன.
ஷாஹீன்பாக் பகுதியில் பல நாட்களாக அமைதியான போராட்டம் நடந்து கொண்டிருக்கிறது.
இப்போது பிரச்சினை ஏற்பட்டிருப்பது யமுனைக்கு அப்பால் வடகிழக்கு தில்லிப் பகுதியில். இந்தப் பகுதியில் முஸ்லிம்களின் குடியிருப்புகள் அடரத்தியாக உள்ளன.
கடந்த இரண்டு மூன்று நாட்களாக அங்கும் பெண்கள் குடியுரிமைச் சட்டத்துக்கு எதிராக தர்ணா போராட்டம் நடத்தி வருகிறார்கள். இதுவரையிலும் அமைதியான போராட்டமாகவே நடந்து வந்திருக்கிறது.
அவர்கள் மீது தாக்குதல் தொடுத்திருக்கிறார்கள் பாஜகவினர். இதைத்தூண்டி விட்டவர் பாஜவைச் சேர்ந்த கபில் மிஸ்ரா. சிஏஏ ஆதரவுப் போராட்டம் என்ற பெயரில் ஊர்வலம் நடத்தி, சிஏஏ எதிர்ப்புப் போராட்டக்காரர்கள் மீது தாக்குதல் நடத்தியிருக்கிறார்கள். இவர்கள் திட்டமிட்டு டிராக்டர்களில் கற்களைக் கொண்டு வந்து இறக்கி வைத்த வீடியோக்களும் வெளிவந்துள்ளன. சிஏஏ எதிர்ப்புப் போராட்டக்காரர்களை விரட்டியடித்து அதை முடிவுக்குக் கொண்டு வரவில்லை என்றால், நாங்களே அதைச் செய்வோம், டிரம்ப் போகட்டும் என்றுதான் விட்டுவைத்திருக்கிறோம் என்று பகிரங்கமாக போலீசுக்கு மிரட்டல் விட்டிருக்கிறார் கபில் மிஸ்ரா.

பாதுகாக்கப்பட்ட வேளாண் மண்டலத்தில் ஹைட்ரோ கார்பன், மீத்தேன் உள்பட பல தொழில்களுக்கு தடை - தமிழக அரசு உத்தரவு

தினத்தந்தி : காவிரி டெல்டா பகுதியான பாதுகாக்கப்பட்ட வேளாண் மண்டலத்தில் ஹைட்ரோ கார்பன், மீத்தேன், ஷேல் கியாஸ் உள்பட பல்வேறு தொழில்களுக்கு தடைவிதித்து தமிழக அரசு உத்தரவிட்டுள்ளது.
இதுகுறித்து தமிழக அரசிதழில் வெளியிடப்பட்ட சுற்றுச்சூழல் மற்றும் வனத்துறையின் முதன்மைச் செயலாளர் ஷம்பு கல்லோலிகரின் உத்தரவில் கூறப்பட்டு இருப்பதாவது:- சுற்றுச்சூழல் (பாதுகாப்பு) சட்டம்-1986 சட்டத்தின் அடிப்படையில் காவிரி டெல்டா பகுதிகளில் சில புதிய தொழில் நடவடிக்கைகளுக்கு தடை விதித்து உத்தரவிடப்படுகிறது. சுற்றுச்சூழலை பாதுகாக்கவும், மேம்படுத்தவும் நடவடிக்கைகளை எடுக்க அரசியல் சாசனத்தின் 48-ஏ பிரிவு மாநில அரசுக்கு வழிவகை செய்கிறது. மேலும், மத்தியஅரசு சட்டத்தின்படியும் மாநில அரசுகளுக்கு அதற்கான அதிகாரம் பகிர்ந்தளிக்கப்பட்டுள்ளது. தமிழகத்தின் அரிசி களஞ்சியமாக காவிரி டெல்டா பகுதி விளங்குகிறது. விவசாய மண்டலமான காவிரி டெல்டா பகுதி, எளிதில் பாழ்படக்கூடிய சுற்றுச்சூழல் கொண்ட பகுதியாக உள்ளது.

கொரோனா வைரஸ் : மருந்துப் பொருட்களை சீனாவுக்கு ஏற்றுமதி செய்ய இந்தியா தடை

polimernews.com : கொரோனா வைரஸ் தாக்கம் எதிரொலியாக முக்கிய சில மருந்துப் பொருட்களை சீனாவுக்கு ஏற்றுமதி செய்ய இந்திய அரசு தடை விதித்துள்ளது.
சீனாவில் கடந்த டிசம்பர் மாத இறுதியில் பரவிய கொரோனா வைரஸ் தற்போது உலகம் முழுவதும் அசுர வேகத்தில் பரவி வருகிறது. 27 நாடுகளுக்கும் மேல் இந்த வைரஸ் பரவி உள்ளதால் நாளுக்கு நாள் உயிரிழப்புகளும் அதிகரித்து வருகின்றன.
இந்நிலையில் இந்தியாவில் இருந்து குறிப்பிட்ட சில மருந்துகள் மற்றும் மருத்துவப் பொருட்களை ஏற்றுமதி செய்வதற்கு மத்திய அரசு தடை விதித்துள்ளது.
இதுகுறித்து  செய்தியாளர்களிடம் பேசிய வெளியுறவுத்துறை அமைச்சக செய்தித் தொடர்பாளர் ரவீஷ் குமார், உலகின் மற்ற நாடுகளை போலவே கோடிக்கணக்கான மக்கள் தொகையை கொண்ட இந்தியாவும் கொரோனா வைரஸ் பரவுவதில் இருந்து நாட்டு மக்களை பாதுகாக்கும் பொறுப்பு உள்ளது என்றார்.
மேலும்  உள்நாட்டில் தட்டுப்பாடுகள் உள்ள ஒருசில மருந்துப்பொருட்கள், உபகரணங்களை சீனாவுக்கு ஏற்றுமதி செய்ய தடை விதிக்கப்பட்டுள்ளது’ எனவும் அவர் தெரிவித்தார்.

டெல்லி CAA ஆதரவாளர்களுக்கும் எதிர்ப்பாளர்களுக்கும் மோதல் .. வீடியோ

 இந்நேரம்.காம் : புதுடெல்லி (24 பிப் 2020): டெல்லியில் ஏற்பட்ட திடீர் கலவரத்தில் மூன்றுபேர் பலியாகியுள்ளதாக தகவல்கள் தெரிவிக்கின்றன. டெல்லியில் குடியுரிமை சட்ட எதிர்ப்பு போராட்டம் நடைபெறும் மஜ்பூர் மற்றும், ஃபாஃப்ராபாத் பகுதிகளில், குடியுரிமை ஆதரவாளர்கள் என்கிற பெயரில் வன்முறையாளர்கள் புகுந்ததால் இரு தரப்பினரிடையே மோதல் வெடித்தது. இதில் டெல்லி தலைமை கான்ஸ்டபில் மற்றும் பொதுமக்கள் இருவர் உட்பட மூன்றுபேர் பலியாகியுள்ளனர். பலர் படுகாயம் அடைந்துள்ளனர். தொடர்ந்து டெல்லி போர்க்களமாகவே காட்சி அளிக்கிறது, அமெரிக்க அதிபர் இந்தியா வந்துள்ள நிலையில் டெல்லி வன்முறை மத்திய அரசுக்கு நெருக்கடியை ஏற்படுத்தியுள்ளது. மேலும் டெல்லி முதல்வர் அரவிந்த் கெஜ்ரிவால், மத்திய அரசுக்கு வன்முறையை கட்டுப்படுத வேண்டி கோரிக்கை விடுத்துள்ளார்.

CAA, NRC - டெல்லி ஜாஃபராபாத் போராட்டத்தில் வன்முறை: மூவர் உயிரிழப்பு - தற்போதைய நிலை என்ன?

BBC  : குடியுரிமை திருத்த சட்டத்துக்கு எதிராக வட கிழக்கு டெல்லியில் இன்று (திங்கட்கிழமை) நடந்த போராட்டத்தில் வன்முறை ஏற்பட்டதால், மூவர்
காவி கொடியில்லாத வீடுகளை தேடி தேடிதாக்கும் ஆர்எஸ்எஸ்குண்டர்கள்
உயிரிழந்துள்ளனர். ஜாஃபராபாத்தை சேர்ந்த முகமது சுல்தான் மற்றும் ஷாஹித் ஆல்வி என்ற ஆட்டோ ஓட்டுநரும் இந்த வன்முறை சம்பவங்களில் இறந்துள்ளதாக போலீசார் பிபிசியிடம் தெரிவித்துள்ளனர். இதனால் டெல்லி வன்முறை சம்வங்களில் உயிரிழந்தவர்களின் எண்ணிக்கை மூன்றாக உயர்ந்துள்ளது.
முகமது சுல்தானின் காலில் துப்பாக்கி குண்டு பாய்ந்த நிலையில், அவரது காலில் இருந்து அதிக ரத்தம் வெளியேறியதால், அவர் இறந்துவிட்டதாக போலீஸ் அதிகாரிகள் பிபிசியிடம் தெரிவித்தனர்.
உயிரிழந்த மற்றொருவரான ஷாஹித் ஆல்வியின் சகோதரனான ரஷீத் ஆல்வி இது குறித்து பிபிசியிடம் கூறுகையில், ''என் சகோதரர் ஆட்டோ ஓட்டுநராக இருந்து வந்தார். இன்றைய போராட்டத்தின்போது அவரது வயிற்றில் துப்பாக்கி குண்டு பாய்ந்ததால் அவர் இறந்துவிட்டார். அவரது உடல் பிரேத பரிசோதனைக்காக ஜிடிபி மருத்துவமனைக்கு எடுத்து செல்லப்பட்டுள்ளது'' என்று தெரிவித்தார்.
குடியுரிமை திருத்த சட்டத்துக்கு எதிராக வட கிழக்கு டெல்லியில் நடந்த போராட்டத்தில் வன்முறை ஏற்பட்டதால், தலைநகரில் சட்டம் ஒழுங்கை நிலைநாட்ட தேவையான நடவடிக்கைளை எடுக்க வேண்டுமென உள்துறை அமைச்சர் அமித் ஷாவை டெல்லி முதல்வர் அரவிந்த் கேஜ்ரிவால் கேட்டுக் கொண்டுள்ளார்.

திராவிடம் சூத்திர ஜாதியினருக்கு எதையும் செய்யவில்லையா? சமுக வலை கருத்து பரிமாற்றங்கள் ...

Rettaivaal Kuruvi : திராவிடம் பஞ்சம ஜாதியினருக்கு அதை செய்தது இதை செய்தது என்றால் திராவிடம் சூத்திர ஜாதியினருக்கு எதையும் செய்யவில்லையா?
இந்தியாவில் இருக்கும் அனைத்து மாநிலங்களிலும் இட ஒதுக்கீடு என்பது SC&ST,BC&MBC ஒட்டுமொத்தமாக சேர்ந்து 50% சதவீதம்.
இப்போது சந்தடி சாக்கில் அலுங்காமல் குலுங்காமல் பார்ப்பனர்கள் 10% சதவித இட ஒதுக்கீட்டை லவடிக்கொண்டு போனது தனிக்கதை.ஏற்கனவே இருக்கும் 50% சதவீதத்தையும் சேர்து இப்போது 60% சதவீதம் என்ற புள்ளியை தொட்டிருக்கிறது.
தமிழ் நாட்டில் 69& சதவீதம்.
SC:15%
SC:(A)3%
ST:1
BC:26.5(Hindu)
BC:3.5(Muslim)
MBC:20%
MBC:20+BC:30=50
இந்த 50% சமத்துவத்தை ஏற்படுத்தியிருக்கிறதா?அல்லது ஆதிகவாதிகளை அதிகார ஆதிக்கவாதிகளாக மாற்றியிருக்கிறதா?
உங்கள் பதிலை மறுமொழியில் பதிவு செய்யுங்கள்.

Sathish U : நான் மிகவும் பிற்படுத்தப்பட்ட ஜாதியை சேர்ந்தவன். என் பெற்றோர்கள் பட்ட அவமானத்தில் இருந்து என்னை காப்பாற்றியது திராவிடம் தான்.நான் திராவிடம் பக்கம் தான் நிற்பேன். ஆனால் மாற்று தோழர்கள் எதையுமா ஒத்துக்கொள்ளும் மனநிலையில் இல்லை. எல்லாத்துக்கும் ஒரு கதை வசனம் எப்பவுமே ready இருக்கு. எது அவர்களை தடுக்கிறது.
Rettaivaal Kuruvi Sathish U உங்களைப் போல் வெளிப்படையாக ஒத்துக்கொள்கிறவர்கள் வெகு சிலரே.பலபேருக்கு தாங்கள் இந்த இட ஒதுக்கீடு வழியாக தான் இந்த இடத்தை அடைந்தோம் என்று கூட தெரியாது.

டெல்லியில் கடைகளுக்கு தீ வைத்த பா.ஜ.க-வினர் – வீடியோ வெளியிட்ட பத்திரிகையாளர்


newsu.in/-   Tamilselvan  : 
குடியுரிமை சட்டத்திருத்தத்துக்கு எதிராக டெல்லி ஷாஹீன்பாக்கில் கடந்த 2 மாதங்களுக்கு மேலாக பல்லாயிரக்கணக்கான பெண்கள் அறவழிப்போராட்டத்தில் ஈடுபட்டு வருகின்றனர். அதை தடுத்து நிறுத்த முடியாமல் அரசு இயந்திரம் திகைப்போய் உள்ளது. இந்த நிலையில், வடகிழக்கு டெல்லியில் உள்ள ஜாஃப்ராபாத் அருகே மாஜ்பூரிலும் நேற்று முந்தினம் போராட்டம் பரவியது. அங்குள்ள மெட்ரோ ரயில் நிலையத்திலும் பெண்கள் போராட்டத்தில் ஈடுபட்டனர். இந்த போராட்டம் நேற்றும் தொடர்ந்து வந்தது. இந்த சூழலில் தான் பா.ஜ.க. எம்.பி. கபில் மிஸ்ரா அப்பகுதிக்கு சென்று போராட்டத்தை கலைந்து செல்லாவிட்டால் போலீஸ் இருக்கிறார்கள் என்று பார்க்க மாட்டோம். உங்களை நாங்களே விரட்டுவோம்” என நேரடியாக எச்சரிக்கை விடுத்தார்.
சுமார் 3 மணியளவில் பாஜகவை சேர்ந்தவர்கள் குடியுரிமை சட்டத்திருத்தத்துக்கு ஆதரவாக பேரணி நடத்துவதாகக் கூறி அங்கு வந்தனர். அவர்களுடன் 2 லாரிகளில் கற்களும் கொண்டு வந்து அப்பகுதியில் குவிக்கப்பட்டன. அதை காவல்துறை தடுக்கவில்லை.
அடுத்த சில நிமிடங்களிலேயே பாஜக ஆதரவாளர்கள் சி.ஏ.ஏ. எதிர்ப்பு போராட்டத்தில் ஈடுபட்டவர்கள் மீது கற்களை கொண்டு வீசினர். இதில் பெண்கள் உட்பட பலருக்கு மண்டை உடைந்தது.

திங்கள், 24 பிப்ரவரி, 2020

சீன கார் விற்பனையில் 92% சரிவு.. கொரோனா-வின் தாக்கம் ... ஐந்து வாரங்களில் ஒரு கார் கூட விற்பனையாகவில்லை?

இத்தாலிtamil.goodreturns.in : ஆசியாவின் ஆட்டோமொபைல்
ஹப் என் கூறப்படும் அளவிற்குச் சிறிய ரகக் கார் முதல் ஆடம்பர கார் வரையிலும், பெட்ரோல்- டீசல் கார் முதல் அதிநவீன பேட்டரி கார் வரையில் அனைத்து விதமான கார்களையும் தயாரித்து ஆசியா முழுவதும் விற்பனை செய்து வந்த சீனா, தற்போது கொரோனா வைரஸ்-ன் கொடூரத்தால் மொத்த ஆட்டோமொபைல் சந்தையும் முடங்கியுள்ளது.

COVID-19 என அழைக்கப்படும் கொரோனா வைரஸ் சீனா மக்களை மட்டும் அல்லாமல் ஒட்டுமொத்த உலகையும் பீதி அடைய வைத்துள்ளதன் எதிரொலியாகச் சீன மக்கள் கார் வாங்குவதில் சற்றும் விருப்பம் தெரிவிக்கவில்லை.
இதனால் பிப்ரவரி மாதத்தில் சீனாவின் கார் விற்பனை 92 சதவீதம் வரையில் சரிந்துள்ளது. 16 நாட்கள் 16 நாட்கள் சீன பயணிகள் கார் அமைப்பு வெளியிட்டுள்ள அறிக்கையின் படி பிப்ரவரி மாதத்தின் முதல் 16 நாட்களில் மட்டுமே கார் விற்பனை ஆகியுள்ளது.
அதன் பின் ஒரு கார் கூட விற்பனை ஆகவில்லை என அறிவித்துள்ளது.
இந்த 16 நாட்களில் வெறும் 4,909 கார்கள் மட்டுமே விற்பனையாகியுள்ளது, இக்காலகட்டத்தில் கடந்த ஆண்டு 59,930 கார்கள் விற்பனை ஆனது குறிப்பிடத்தக்கது. இந்நிலையில் சீனாவில் தற்போது அவசர நிலை அறிவிக்கப்பட்டு உள்ளது.

இதை சுத்தினவரை எங்க தாய்க்கழகம் (RSS) சுட்டுடுச்சி . மை பிரண்ட்

Venkat Ramanujam : வாட் இஸ் திஸ் மை பிரண்ட் மோடி..
இதுக்கு பேர் ராட்டை இதை சுத்துனவரை தான் எங்க தாய் கழகம் முஸ்ஸிம் பேரை பச்சை குத்தி RSS சுட்டுடுச்சி மை பிரண்ட் டிரம்ப
சுட்டவனை என்ன பண்ணுனீங்க மை பிரண்ட் மோடி..
அன்றைய உள்துறை அமைச்சர் படேல் உடனே அவன் ஹிந்துன்னு கண்டுபுடிச்சி ஹிந்து முஸ்ஸிம் கலவரம் வரவிடாம தடுத்து அந்த உயர் சாதி துக்ளக் படிச்ச அறிவாளி ஹிந்துவை தூக்குல போட்டு எங்க தாய் கழகத்தை தடை பண்ணிட்டாரு மை பிரண்ட் டிரம்ப் ..
ஓ மை காட் .. ஒருத்தரை சுட்டா .. உடனே இயக்கத்தை தடை பண்ணுவாங்க உங்க ஊர்ல .. அத விடுங்க .. உங்க தாய் கழகத்தை தடை பண்ணிய படேலை சும்மவா வீட்டீங்க மை பிரண்ட் மோடி..
கப்சா விட்டு படேலை பிரதமர் நேருக்கு எதிரா திருப்பி தடை பண்ணிய படேலுக்கு ரூ 3000 கோடிக்கு சீனாவில ஆர்டர் பண்ணி சிலை வச்சிட்டோம் .. காங்கிரஸ்காரன் பேசவே முடியாம செத்து சுண்ணாம்பு ஆயிட்டான் மை பிரண்ட் டிரம்ப் ..
வாவ் . என்னை விட படு கேவலமா நீங்க இங்கே அரசியல் செய்யுற மை பிரண்ட் மோடி..
நம்ம அரசியல்ல இதெல்லாம் ஜூஜுபி மை பிரண்ட் டிரம்ப் ..

SRM இன்னொரு மாணவி ஹாஸ்டல் ரூமில் தூக்கிட்டு தற்கொலை.. தொடரும் எஸ்ஆர்எம் மர்மம்

https://www.dtnext.in/News/City/2020/02/24012146/1216722/20yearold-Biotech-student-found-hanging-in-SRM-ladies-.vpf
CHENNAI: A nineteen-year-old BTech student  was found dead in her room on the hostel of SRM college  at Potheri on Saturday.Police  mentioned Ayushi Rana from Punjab was found hanging by fellow college students who peeped by means of the window when she did not come out for an extended whereas. Her suicide is the fourth in  the final yr on the Potheri  campus

Hemavandhana - /tamil.oneindia.com : செங்கல்பட்டு: எஸ்ஆர்எம்மில் என்ன நடக்கிறதே என்றே தெரியவில்லை.. இன்னொரு மாணவி ஹாஸ்டல் ரூமில் தூக்கு போட்டு தற்கொலை செய்து கொண்டார். சென்னையை அடுத்துள்ள காட்டாங்குளத்தூரில் பல நூறு ஏக்கர் பரப்பளவில் அமைந்துள்ளது எஸ்ஆர்எம் பல்கலைக்கழகம். இந்திய ஜனநாயக கட்சி தலைவர், எம்பி பச்சமுத்துதான் இதன் சொந்தக்காரர்.
இங்கு மருத்துவம், பொறியியல் உட்பட ஏராளமான படிப்புகள் கற்பிக்கப்படுகின்றன. இதை தவிர மிகப்பெரிய ஆஸ்பத்திரியும் இந்த வளாகத்துக்கு உள்ளேயே செயல்பட்டு வருகிறது.இங்கு படிப்பவர்களில் பெரும்பாலானோர் வெளிமாநிலங்கள், வெளி மாவட்டங்களை சேர்ந்தவர்கள்தான். இதில் நிறைய பேர் வசதியான வீட்டு பிள்ளைகள்தான். இதனால் இவர்கள் தங்குவதற்காக ஹாஸ்டலும் எஸ்ஆர்எம்முக்கு உள்ளது.
கடந்த சில மாதங்களாகவே எஸ்ஆர்எம் மாணவர்கள் அடுத்தடுத்து தற்கொலை செய்து கொண்டு வருகின்றனர்..
தூக்கில் தொங்கியும், மாடியில் இருந்து குதித்தும் மாணவர்கள் தற்கொலை செய்து கொண்டது பெரும் அதிர்ச்சியை தந்து வருகிறது..இது சம்பந்தமான விசாரணைகளும் நடந்து வருகின்றன. ஆனால் அந்த விசாரணையில் எந்த நிலையில் உள்ளன என தெரியவில்லை.

அமெரிக்க அதிபர் ட்ரம்ப் : இந்தியாவும், அமெரிக்காவும் இஸ்லாமிய பயங்கரவாதத்தால் பாதிக்கப்பட்டுள்ளன


மாலைமலர் :அகமதாபாத்: அகமதாபாத் மொடேரா ஸ்டேடியத்தில் நடைபெற்ற நமஸ்தே டிரம்ப் நிகழ்ச்சியில் டிரம்ப் பேசியதாவது:-
இந்தியாவின் பாதுகாப்புத் துறைக்கு நவீன ஆயுதங்களை வழங்க தயாராக உள்ளோம். பாதுகாப்பு துறையில் சுமார் 20 ஆயிரம் கோடி ரூபாய் மதிப்பிலான ஒப்பந்தங்கள் நாளை கையெழுத்தாக உள்ளன. ராணுவ ஹெலிகாப்டர்கள் மற்றும் ஆயுதங்களை இந்தியாவிற்கு தர இந்த ஒப்பந்தங்கள் செய்யப்பட உள்ளன.
இந்தியாவும், அமெரிக்காவும் இஸ்லாமிய பயங்கரவாதத்தால் பாதிக்கப்பட்டுள்ளன. பயங்கரவாதத்துக்கு எதிராக இந்தியாவுடன் இணைந்து அமெரிக்கா செயல்படும். இஸ்லாமிய பயங்கரவாத அமைப்பான ஐஎஸ் அமைப்பை அமெரிக்கா ஒடுக்கி உள்ளது. நட்புடன் வந்தால் வரவேற்போம், பயங்கரவாதிகளுக்கு எங்களது எல்லை மூடப்பட்டிருக்கும்.
தெற்காசியாவில் நிலவும் பிரச்சினைகளுக்கு தீர்வு காண அமெரிக்கா தயாராக உள்ளது. பாகிஸ்தானில் பயங்கரவாத இயக்கங்களை ஒழிக்க அந்நாட்டு அரசுடன் இணைந்து செயல்படுகிறோம். இவ்வாறு அவர் பேசினார்

மின்னம்பலம்
அமெரிக்க அதிபர் ட்ரம்ப் தனது மனைவி மெலனியாவுடன் தாஜ்மகாலை சுற்றிப் பார்த்தார்.
இரண்டு நாள் அரசுமுறை பயணமாக இன்று (பிப்ரவரி 24) காலை இந்தியா வந்த ட்ரம்ப் அகமதாபாத் நிகழ்ச்சிகளை முடித்துக்கொண்டு ஆக்ரா சென்றார். ட்ரம்ப், மெலனியா ஆகியோரை உத்தர பிரதேச ஆளுநர் ஆனந்திபென் படேல், முதல்வர் யோகி ஆதித்யநாத் உள்ளிட்டோர் வரவேற்றனர். ட்ரம்பை வரவேற்க பாரம்பரிய கலை நிகழ்ச்சிகளும் நடைபெற்றன. சிறிது நேரம் நின்று கலை நிகழ்ச்சிகளை பார்த்த ட்ரம்ப், கைதட்டி உற்சாகப்படுத்தினார்.
சரியாக 5.00 மணிக்கு தாஜ்மகாலுக்கு சென்ற ட்ரம்ப் தனது மனைவி மெலனியாவுடன் சுற்றிப் பார்த்தார். தாஜ்மகால் முன்பு இருவரும் ஜோடியாக நின்று புகைப்படம் எடுத்துக்கொண்டனர். அதிகாரி ஒருவர் தாஜ்மகாலின் வரலாறு பற்றியும், ஒவ்வொரு இடத்திற்குமான சிறப்புகள் குறித்தும் அவர்களுக்கு விளக்கினார். இதேபோல இவாங்கா ட்ரம்ப், ஜாரேட் குஷனர் ஆகியோரும் தாஜ்மகாலை சுற்றிப் பார்த்தனர்.
தாஜ்மகால் வருகைப் பதிவேட்டில் கையெழுத்திட்ட ட்ரம்ப், “தாஜ்மகால் பிரமிப்பைத் தூண்டுகிறது. இந்திய கலாச்சாரத்தின் உயர்ந்த மற்றும் மாறுபட்ட அழகுக்கு காலத்தால் அழியாத சான்றாக உள்ளது. நன்றி இந்தியா” என்று எழுதியுள்ளார்.
த.எழிலரசன்

கொரோனா : இத்தாலியில் இருந்து ஆஸ்திரியா செல்லவிருந்த ரெயில் எல்லையில் நிறுத்தம்

மாலைமலர் : இத்தாலியில் இருந்து ஆஸ்திரியா செல்லவிருந்த ரெயில் கொரோனா வைரஸ் அச்சம் காரணமாக இரு நாட்டு எல்லையில் நிறுத்திவைக்கப்பட்டுள்ளது. வியன்னா: கொரோனா வைரஸ் சீனாவை தவிர மற்ற நாடுகளுக்கும் பரவி உள்ளது. ஹாங்காங், ஜப்பான், தென்கொரியா, பிலிப்பைன்ஸ், மலேசியா, சிங்கப்பூர், ஈரான், ஐரோப்பிய நாடுகள் உள்ளிட்ட 28-க்கும் மேற்பட்ட நாடுகளில் கொரோனா வைரசுக்கு பாதிக்கப்பட்டு பலர் சிகிச்சை பெற்று வருகிறார்கள்.
இந்த நிலையில் ஐரோப்பிய நாடான இத்தாலியில் கொரோனா வைரசுக்கு இதுவரை 3 பேர் உயிரிழந்திருக்கிறார். மேலும், 152 பேருக்கு வைரஸ் பரவி இருப்பதை இத்தாலி சுகாதாரத்துறை அமைச்சகம் உறுதிபடுத்தியுள்ளது. இந்நிலையில், இத்தாலி நாட்டின் வெனிசில் இருந்து ரெயில் ஒன்று அண்டைநாடான ஆஸ்திரியா நாட்டின் முனிச் நகருக்கு சென்றுகொண்டிருந்தது. அதில் இரண்டு பயணிகளுக்கு கொரோனா இருக்கலாம் என சந்தேகம் எழுந்ததால் ஆஸ்திரிய அதிகாரிகள் தங்கள் நாட்டு எல்லைக்குள் ரெயிலை அனுமதிக்க மறுத்துவிட்டனர்.

தென்கொரியா, ஈரான் நாடுகளில் கொரோனா வைரஸ் - இத்தாலியில் 2 பேர் பலி

தென்கொரியா, ஈரான் நாடுகளில் கொரோனா வைரஸ் - இத்தாலியில் 2 பேர் பலிமாலைமலர் :  : சீனாவை தொடர்ந்து, தென்கொரியா மற்றும் ஈரானில் கொரோனா வைரஸ் தீவிரமாக பரவுகிறது. இத்தாலியிலும் இந்த கொடிய வைரசுக்கு 2 பேர் பலியாகினர். சியோல்: சீனாவில் உருவான கொரோனா வைரஸ் தற்போது தென்கொரியா, ஈரான் மற்றும் இத்தாலி ஆகிய நாடுகளை பயங்கரமாக மிரட்டி வருகிறது. குறிப்பாக சீனாவுக்கு அடுத்தபடியாக தென்கொரியாவில்தான் அதிகமான மக்கள் கொரோனாவால் பாதிக்கப்பட்டு உள்ளனர்அந்த நாட்டின் கியோங்சாங் மாகாணத்தின் தலைநகர் தேகுவில் கொரோனா வைரஸ் அசுர வேகத்தில் பரவி வருகிறது. அங்குள்ள சின்ஜியோன்ஜி என்ற தேவாலயத்தின் உறுப்பினர்கள்தான் பெரும்பாலும் கொரோனாவால் பாதிக்கப்பட்டு உள்ளனர்.

காயல்பட்டினத்தில் என்.ஐ.ஏ. அதிகாரிகள் சோதனை.. வில்சன் கொலை வழக்கு தொடர்பாக்

திருச்செந்தூர் அருகே காயல்பட்டினத்தில் என்.ஐ.ஏ. அதிகாரிகள் சோதனை  தினதந்தி :  திருச்செந்தூர் அருகே மொய்தீன் பாத்திமா என்பவரது வீட்டில் என்.ஐ.ஏ. அதிகாரிகள் சோதனை நடத்தி வருகின்றனர்.
தூத்துக்குடி, குமரி மாவட்டம் களியக்காவிளை சந்தைரோடு சோதனை சாவடியில் கடந்த ஜனவரி மாதம் 8-ந் தேதி இரவில் போலீஸ் சிறப்பு சப்-இன்ஸ்பெக்டர் வில்சன் (வயது 57) பணியில் ஈடுபட்டு இருந்தார். அப்போது அங்கு வந்த 2 பயங்கரவாதிகள் வில்சனை துப்பாக்கியால் சுட்டும், கத்தியால் வெட்டியும் படுகொலை செய்துவிட்டு தப்பிச் சென்றனர். இதுதொடர்பாக திருவிதாங்கோடு அடப்புவிளை பதார் தெருவை சேர்ந்த அப்துல் சமீம் (29), நாகர்கோவில் கோட்டார் மாலிக்தினார் நகரை சேர்ந்த தவுபிக் (27) ஆகிய 2 பேர் மீது போலீசார் வழக்கு பதிவு செய்து கைது செய்தனர். இவர்கள் மீது உபா சட்டமும் பாய்ந்தது.
இதற்கிடையே அப்துல் சமீம் மற்றும் தவுபிக் ஆகியோர் மீது என்.ஐ.ஏ. அதிகாரிகள் ஒரு வழக்கு பதிவு செய்தனர். இதைத்தொடர்ந்து போலீஸ் சிறப்பு சப்-இன்ஸ்பெக்டர் வில்சன் கொலை வழக்கை என்.ஐ.ஏ.வுக்கு மாற்ற அனுமதி கேட்டு தமிழக போலீஸ் டி.ஜி.பி. திரிபாதிக்கும், கோர்ட்டுக்கும் மனு அளித்தனர்.

தமிழ் தட்டச்சின் தந்தை ஆர் முத்தையா ... 140 ஆவது பிறந்த தினம் இன்று,,.

Susairaj Babu : பிப்ரவரி 24,, தமிழ் தட்டச்சின் தந்தை ஆர் முத்தையா அவர்களின் 140 ஆவது பிறந்த தினம் இன்று,,.
தமிழ்மொழியில் தட்டச்சுப்பொறியை முதன் முதலில் உருவாக்கியவர் அமரர் இ.முத்தையா ஆவார். இவர் யாழ்ப்பாணம், சுண்டுக்குளியில் 24.02.1880 இல் பிறந்தவர். இவரது தந்தை அமரர் இராமலிங்கம் ஓர் கல்விமான், அத்துடன் ஆறுமுகநாவலரின் சீடர்களில் ஒருவராகவும் இருந்தார்.
முத்தையாவுக்கு ஏழு வயதாக இருக்கும் போதே தந்தையார் இறந்து விட்டார். தாயாரின் பராமரிப்பில் தனது கல்வியைக் கற்ற முத்தையா, 1907இல் மலாயா சென்றார். அங்கு டானியல் போதகர் என்பவரின் தொடர்பு முத்தையாவுக்குக் கிடைத்தது. அவரின் உதவியுடன் புகையிரத இலாகாவில் வேலைக்குச் சேர்ந்தார். சில நாட்களில் அச்சேவையை விட்டு விலகி, பிரபல வணிக நிறுவனமான 'ஐல்ஸ்பரி அன் கார்லண்ட்' இல் வேலைக்குச் சேர்ந்து, அங்கு 1930 ஆம் ஆண்டு வரை பிரதம எழுதுவினைஞராகப் பணிபுரிந்தார்.
இக்காலப் பகுதியில் கணக்குப் பதிவு, பொருளாதாரம், சுருக்கெழுத்து பயின்றார். 1913இல் சர்வதேச ரீதியில் நடைபெற்ற சுருக்கெழுத்துப் போட்டியில் வெற்றி பெற்று வெள்ளிப் பதக்கம் பெற்றார்.

ஆசிரியர்களே ஆரம்பியுங்கள். இன்றிலிருந்தே ஆரம்பியுங்கள்.....


Vijay BhaskarVijay : ஆஸியின் குவாடன் பெய்ல்ஸ்
என்று சிறுவனின் உடல் குறைப்பாட்டை சகமாணவர்கள் ”குழு கேலி” செய்து புண்படுத்தியதால் அவன் தற்கொலை செய்ய வேண்டும் என்று தாயை வேண்டிய வீடியோ பற்றி உணர்ச்சிகரமான செய்திகளை இரண்டு நாட்களாக பார்க்கிறேன்.
இரண்டு நாட்கள் இதை உணர்ச்சிகரமாக பேசினோமோ மறு வேலையை பார்த்தோமா என்றில்லாமல் இதை பெற்றோர்களும், ஆசிரியர்களும் சீரியசாக எடுத்துக் கொள்ள வேண்டும்.
1. நீங்கள் ஆசியராக இருக்கும்பட்சத்தில் உங்கள் வகுப்புகளின் கடைசி ஐந்து நிமிடம் இந்த குவாடன் பெய்ல்ஸ் சம்பவத்தை சொல்கிறீர்களா?
2. இப்படி குழு கேலி செய்வது எப்படி சக மாணவரின் மனதை பாதிக்கும் என்பதை எடுத்து உங்கள் மாணவர்களுக்கு உங்களால் முடிந்தவரை புரிய வைத்திருக்கிறீர்களா?
3. குவாடன் பெய்ல்ஸ் சம்பவத்தை வகுப்பில் ஐந்து நிமிட Instant நாடகமாக மாணவர்களை வைத்து நடத்த முயற்சி செய்திருக்கிறீர்களா?
4. உருவ கேலி மற்றும் குழு கேலியை எப்படி தைரியத்துடன் எதிர்கொள்ள வேண்டும் என்று சொல்லிக் கொடுக்கிறீர்களா?
5. நீங்கள் ஒரு பெற்றோராக இருக்கும்பட்சத்தில் உங்கள் வீட்டு குழந்தைகளுக்கு உருவ கேலி, குழுகேலி எல்லாம் எவ்வளவு தவறு, அது பிறரின் மனதை எப்படி புண்படுத்தும் என்று புரிய வைத்து விட்டீர்களா?
6. உருவ கேலி, குழு கேலி பற்றி நான்கு சம்பவமாவது நினைவு கூர்ந்து சொல்லி விட்டீர்களா? உங்கள் குழந்தையின் மனதில் அது தவறு என்று ஆழ பதிய வைத்து விட்டீர்களா?

BBC யாழ்ப்பாணத்தில் தனித்தமிழ் அங்காடி ... ஆங்கில கலப்பற்ற தமிழ் வாசங்கள்


:யாழ்ப்பாணத்தை சேர்ந்த இளைஞன் ஒருவர் தமிழ் மொழி மீது கொண்ட காதலால் தமிழ் மொழியை வளர்க்க வேண்டும் என்ற நோக்கில் எடுத்த வித்தியாசமான முயற்சி பலருடைய பார்வையையும் அந்த இளைஞன் மீது திரும்ப வைத்துள்ளது. ஒரே சமயத்தில் தமிழ் மொழியை வளர்த்தும்,தமிழர்களின் வரலாற்று பெருமைகளை வெளிப்படுத்தியும் அதன் ஊடாக தனக்கேற்ற வருமானத்தை அந்த இளைஞர் ஈட்டிவருவதனாலேயே பலருடைய பார்வை அந்த இளைஞர் மீது திரும்பியுள்ளது.
இலங்கை யாழ்ப்பணம் நல்லூரை வசிப்பிடமாக கொண்டவர் பாலச்சந்திரன் கீர்த்தனன் என்ற இளைஞர். அவர் தனித் தமிழ் மொழியில் வாசகங்கள் பொறிக்கப்பட்ட பொருட்களை மாத்திரம் விற்பனை செய்யும் நிலையம் ஒன்றை நல்லூர் கந்தசுவாமி ஆலயத்திற்கு அண்மையில் நடாத்தி வருகின்றார்.
அரச உத்தியோகத்தையும், வெளிநாட்டு மோகத்தையும் கொண்டுள்ள இளைஞர்கள் மத்தியில் வித்தியாசமான சிந்தனை கொண்டு தனக்கென்று ஒரு அடையாளத்தை தமிழ் மொழியை வளர்ப்பதன் ஊடாக இவர் உருவாக்கியுள்ளார்.

திமுக தனித்துப் போட்டியா? பிரமாண்ட வெற்றியை பெறும்? ஸ்டாலின் - கிஷோர் ஆலோசனை!

திமுக தனித்துப் போட்டியா? ஸ்டாலின் -பிரஷாந்த் கிஷோர் ரகசிய ஆலோசனை!மின்னம்பலம் : பிரபல தேர்தல் உத்தி வகுப்பாளரான பிரஷாந்த் கிஷோரின் ஐபேக் நிறுவனம், வரும் 2021 சட்டமன்றத் தேர்தலை முன்னிட்டு திமுகவுக்காக பணியாற்ற ஆரம்பித்துவிட்டது. இதற்கான ஒப்பந்தம் குறித்த தகவலை கடந்த பிப்ரவரி 2ஆம் தேதி அதிகாரப்பூர்வமாக அறிவித்தார் ஸ்டாலின்.
அவர் தனது முகநூல் பக்கத்தில், “தமிழகம் இழந்த புகழை மீட்கும் நம் குறிக்கோள் வெற்றி பெறவும், அதற்கான திட்டமிடலில் உதவிடவும், திறமைமிக்க, ஒத்த கருத்துடைய பல தமிழக இளைஞர்கள், IPAC - அமைப்பின் கீழ், நம்முடன் 2021 தேர்தலில் இணைந்து பணியாற்றிட இருக்கிறார்கள்” என்று தெரிவித்தார்.
இதற்கடுத்து ஒருமுறை பிரஷாந்த் கிஷோர் ஸ்டாலினை சந்தித்து ஆலோசனை நடத்தியிருந்தார். இரண்டாவது முறையாக ஸ்டாலினுடன் பிரஷாந்த் கிஷோர் சந்தித்துப் பேசியுள்ளார். இதுதொடர்பாக திமுக வட்டாரங்களில் விசாரித்தோம்...
திமுக தலைவர் ஸ்டாலின் இல்லத்திற்கு பிரஷாந்த் கிஷோர் கடந்த வெள்ளிக்கிழமை (பிப்ரவரி 21) வந்தார். அவருடன் அவர் சகாக்களும் வந்திருந்தனர். சிறிது நேர உரையாடலுக்குப் பிறகு சகாக்களைத் தவிர்த்து ஸ்டாலினும், பிரஷாந்த் கிஷோரும் தனி அறையில் ஆலோசனை நடத்தினர். உதயநிதியும், சபரீசனும் மட்டும் உடனிருந்தனர்.

இந்தியன் 2 விபத்து : நான் அத்தனை முறை சொல்லியும் அவங்க கேட்கல.. .. கிரேன் ஆபரேட்டர் பகீர் வாக்குமூலம்!

tamil.filmibeat.com/ : சென்னை: இந்தியன் 2 படப்பிடிப்பு தளத்தில் ஏற்பட்ட விபத்து குறித்து கிரேன் ஆபரேட்டர் அளித்துள்ள பகீர் வாக்குமூலம் அதிர்ச்சியை ஏற்படுத்தியிருக்கிறது.
இயக்குநர் ஷங்கர் இயக்கத்தில் நடிகர் கமல்ஹாசன் நடித்து வரும் படம் இந்தியன் 2. இந்தப் படத்தில் கமலுக்கு ஜோடியாக நடிகைகள் காஜல் அகர்வால், பிரியா பவானிசங்கர் ஆகியோர் நடிக்கின்றனர் இந்தப் படத்தின் காட்சிகள் சென்னை நசரத் பேட்டை அருகே உள்ள ஈவிபி பிலிம் சிட்டியில் பிரமாண்ட செட் அமைக்கப்பட்டு ஷுட்டிங் நடத்தப்பட்டு வருகிறது. இந்நிலையில் கடந்த புதன்கிழமை இரவு படப்பிடிப்பின் இடைவேளையின்போது மின்விளக்குகள் பொருத்தப்பட்டிருந்த ராட்சத கிரேன் கீழே சாய்ந்து விழுந்ததில் உதவி இயக்குனர் கிருஷ்ணா உள்பட தொழிலாளர்கள் 3 பேர் பலியானார்கள்.
12 பேர் காயமடைந்தனர். இந்த விபத்தில், நடிகர் கமல்ஹாசன், இயக்குனர் ஷங்கர், நடிகை காஜல் அகர்வால் ஆகியோர் நூலிழையில் உயிர் தப்பினார்கள்.
சிபிசிஐடிக்கு மாற்றம் இந்நிலையில் தலைமறைவாக இருந்த கிரேன் ஆபரேட்டர் ராஜனை நசரத்பேட்டை போலீசார் கடந்த வெள்ளி கிழமை கைது செய்தனர்.

ட்ரம்புக்கு குடியரசுத் தலைவர் விருந்தில் எடப்பாடி பழனிசாமிக்கு அழைப்பு?

ட்ரம்புக்கு குடியரசுத் தலைவர் அளிக்கும் விருந்தில் பங்கேற்க எடப்பாடி பழனிசாமிக்கு அழைப்பு?tamil.news18.comm : இந்தியாவுக்கு வருகை தரும் அமெரிக்க அதிபர் டொனால்ட் ட்ரம்ப்புக்கு குடியரசுத் தலைவர் ராம்நாத் கோவிந்த் அளிக்கும் விருந்தில் பங்கேற்க முதல்வர் எடப்பாடி பழனிசாமிக்கு அழைப்பு விடுக்கப்பட்டுள்ளது என்று செய்திகள் வெளிவந்துள்ளன. அமெரிக்க அதிபர் டொனால்ட் ட்ரம்ப் இரண்டு நாள் பயணமாக நாளை இந்தியாவுக்கு வருகை தருகிறார். இந்திய வருகைக்காக அமெரிக்காவிலிருந்து டொனால்ட் ட்ரம்ப் புறப்பட்டுள்ளார். இந்தியா வருகை தரும் ட்ரம்ப், சபர்மதி காந்தி ஆசிரமம், தாஜ்மஹால் உள்ளிட்ட இடங்களை சுற்றிப் பார்க்கவுள்ளார்.

எழுவர் விடுதலையும் வரலாறும் ... .. சமுகவலையில் ....

LR Jagadheesan : சாவித்திரி கண்ணன் சோனியாகாந்தியே பரிந்துரைத்து கலைஞர் நளினியின் மரண தண்டனையை ஆயுளாக குறைத்ததை எதிர்த்து ஜெயலலிதா “தேசவிரோத கருணாநிதி தலைமையிலான திமுக ஆட்சியை கலைக்க” கோரிக்கை வைத்ததையும் சோனியா “பதி பக்தியற்றவர்” என மேடைக்கு மேடை முழங்கியதையும் இதில் சேர்த்திருக்கலாம். அப்பேர்கொத்தவர் தான் எழுவர் விடுதலையை ஆதரிப்பதாக நாடகமாடினார். அதற்கே அவரை “ஈழத்தாய்” என்று விதந்தோதினார்கள் தமிழ்நாட்டின் தமிழ்தேசியர்கள். ஈழத்தமிழர் விவகாரத்தை வெறும் திமுகவுக்கு எதிரான அரசியல் ஆயுதமாக மட்டுமே பயன்படுத்தியவர்கள் இரண்டுபேர். முதலில் எம்ஜிஆர் பிறகு ஜெயலலிதா. அதனால் அரசியலில் அதிகம் பலன் அடைந்தவர்களும் அவர்களே. முடிந்தவரை நன்மை செய்தது கலைஞரும் திமுகவும் திகவும். ஆனால் புலிகள் தமிழ்நாட்டில் செய்த பத்மநாபா படுகொலை தொடங்கி ராஜீவ் கொலை வரையிலான எல்லா கேடுகளின் மொத்த பாதிப்பும் அவர்கள் தலையில் தான் விடிந்தது. இப்போதும் கூட எடப்பாடிக்கு பதில் கலைஞரோ ஸ்டாலினோ முதல்வராக இருந்து இந்த எழுவர் விடுதலை இப்படி இழுபட்டுக்கொண்டிருந்தால் இந்த தமிழ்தேசியர்கள் இப்படித்தான் அமைதியாக இருந்திருப்பார்களா? நெஞ்சத்த்தொட்டு சொல்லுங்கள்? தமிழ்நாட்டு அரசியலையே கலக்கி யிருப்பார்களே? அப்படி எந்த கொந்தளிப்பும் இல்லாமல் திடீர் வள்ளளார்களாக இவர்கள் இப்போது வலம் வருவது எதனால்? உண்மைக்காரணம் உனக்கும் தெரியும் கண்ணன். நீ வெளியில் சொல்லமாட்டாய்.  

சாவித்திரி கண்ணன் : ;தமிழர்களுக்கும்,இந்திய தேசியத்திற்குமான இட்டு நிரப்பமுடியாத இடைவெளியைத் தான் உணர்த்துகிறது இலங்கைத் தமிழர்களுக்கு கடந்த முப்பதேழு ஆண்டுகளாக இங்கு குடியுரிமை மறுக்கப்படும் விவகாரமும், எழுவர் விடுதலை மறுப்பும்!துரதிர்ஷ்டவசமாக இந்த விவகாரம் இன்று திராவிட இயக்கங்களும்,தமிழ் தேசிய இயக்கங்களும் மட்டுமே குரல் கொடுக்கும் விவகாரமாக சுருங்கிப் போனது!

ஞாயிறு, 23 பிப்ரவரி, 2020

வெடித்து சிதறிய (Betelgeuse). திருவாதிரை நட்சத்திரம்? – நம்மால் பார்க்க முடியுமா?


வெப்துனியா :  இந்திய சோதிட குறிப்புகளில் முக்கிய நட்சத்திரமாக காணப்படும் திருவாதிரை நட்சத்திரம் வெடித்து விட்டதாக வெளியாகியுள்ள தகவல்கள்தான் தற்போது இணையத்தில் பரபரப்பாக பேசப்பட்டு வருகின்றன.
திருவாதிரை என்றழைக்கப்படும் இந்த நட்சத்திரத்திற்கு விஞ்ஞானிகள் அளித்துள்ள பெயர் பெட்டல்க்யூஸ் (Betelgeuse). ஓரியன் நட்சத்திரக் குடும்பத்தில் உள்ள இந்த நட்சத்திரத்தை பிக் ரெட் ஜியண்ட் என்றும் அழைப்பார்கள். விண்வெளியில் காணப்படும் மிக ஒளிரக்கூடிய நட்சத்திரங்களில் ஒன்றான திருவாதிரை சூரியனை விட பல மடங்கு பெரியதாகும். சமீப நாட்களில் திருவாதிரையின் ஒளி மங்கி வருவதை விஞ்ஞானிகள் கண்டுபிடித்துள்ளனர். எரிந்து அணைந்த நிலையில் இருந்த திருவாதிரை ஒளி மங்குவது சூப்பர்நோவா எனப்படும் நட்சத்திர வெடிப்புக்கு அறிகுறி என விஞ்ஞானிகள் கூறுகின்றனர்.

ஜல்லிக்கட்டு; 700 காளைகளை அடக்க களமிறங்கிய 450 காளையர்கள்!

நக்கீரன் :சேலம் மாவட்டம் ஆத்தூர் அருகே உள்ள தம்மம்பட்டி, கூலமேடு பகுதிகளில் பொங்கல் பண்டிகையொட்டி நடத்தப்படும் ஜல்லிக்கட்டுப் போட்டி, சேலம் உள்ளிட்ட சுற்றுவட்டார மாவட்டங்களில் பிரசித்தி பெற்றது.
இந்நிலையில், தம்மம்பட்டியில் உள்ள நாகியம்பட்டியில் தைப்பூசத் திருவிழாவையொட்டி ஜல்லிக்கட்டுப் போட்டி நடத்தப்பட்டு வருகிறது. அதன்படி, நடப்பு ஆண்டில், சனிக்கிழமை (பிப். 22) ஜல்லிக்கட்டு விழா நடந்தது. தமிழ்நாடு மாநில கூட்டுறவு சங்கங்களின் தலைவர் இளங்கோவன், சேலம் மாவட்ட ஆட்சியர் ராமன் ஆகியோர் கொடியசைத்து ஜல்லிக்கட்டு போட்டியை தொடங்கி வைத்தனர்.. தம்மம்பட்டி, உலிபுரம், செந்தாரப்பட்டி ஆகிய உள்மாவட்ட பகுதிகளில் இருந்து மட்டுமின்றி திருச்சி, நாமக்கல், பெரம்பலூர் ஆகிய மாவட்டங்களில் இருந்து மொத்தம் 700 ஜல்லிக்கட்டுக் காளைகள் களமிறங்கின. 450 மாடுபிடி வீரர்கள் போட்டியில் கலந்து கொண்டு காளைகளை அடக்கினர். முன்னதாக ஜல்லிக்கட்டு காளைகளுக்கும், காளைகளை அடக்க களமிறங்கிய காளையர்களுக்கம் மருத்துவப் பரிசோதனை செய்யப்பட்டது.

தென் கொரியாவில் கொரோனாவால் பாதிக்கப்பட்டோரின் எண்ணிக்கை ஒரே நாளில் இருமடங்கு உயர்வு


BBC : தென் கொரியாவின் ஒரே நாளில் கொரோனாவால் பாதிக்கப்பட்டவர்களின் எண்ணிக்கை இருமடங்கு உயர்ந்திருப்பதாக அந்நாடு கூறுகிறது. சனிக்கிழமை மட்டும் 229 பேருக்கு புதிதாக கொரோனா வைரஸ் தொற்று இருப்பது கண்டறியப்பட்டது. இதனை சேர்த்தால், தென் கொரியாவில் கொரோனா வைரஸ் தொற்றால் பாதிக்கப்பட்டவர்களின் எண்ணிக்கை 433ஆக உள்ளது.
சீனாவை தொடர்ந்து தற்போது அதிகமாக வைரஸ் தொற்று இருப்பதாக கண்டறியப்பட்ட நாடு தென் கொரியாவாக இருக்கிறது.
இந்நிலையில் நிலைமை மிகவும் மோசமாக இருப்பதாக தென் கொரிய பிரதமர் ஜங் சே-க்யூன் தெரிவித்துள்ளார்.
புதிதாக கண்டறியப்பட்ட வைரஸ் தொற்று இருக்கும் நபர்கள் தென் கிழக்கு நகரமான டெகூ அருகில் உள்ள மருத்துவமனை அல்லது அங்கு அருகில் இருக்கும் ஒரு மதக்குழுவுடன் தொடர்புடையவர்களாகவே இருக்கிறார்கள் என்று அதிகாரிகள் கூறுகின்றனர்.
இது வரை கொரோனா வைரஸால் தென் கொரியாவில் இருவர் உயிரிழந்துள்ளனர். இந்த எண்ணிக்கை மேலும் உயரலாம் என்று அஞ்சப்படுகிறது.

பிரியங்கா காந்தி ராஜ்யசபா எம்பி ஆகிறார்? காங்கிரசின் 18 எம்பிக்களின் பதவிக்காலம் பூர்த்தி

மாலைமலர் : 18 காங்கிரஸ் எம்.பி.க்கள் பதவி காலம் முடிவடைவதால் காங்கிரஸ் பொது செயலாளர் பிரியங்கா காந்தி மாநிலங்கவை எம்.பி.வாய்ப்பு வழங்கப்படும் எனத் தெரிகிறது. புதுடெல்லி: 245 உறுப்பினர்களை கொண்ட ராஜ்யசபாவில் வருகிற ஏப்ரல் மாதம் 51 எம்.பி.க்கள் பதவி காலியாகிறது.
இதில் காங்கிரஸ் கட்சியை சேர்ந்த 12 எம்.பி.க்கள் அடங்குவர். ஒட்டு மொத்தத்தில் இந்த ஆண்டு 18 காங்கிரஸ் எம்.பி.க்களின் பதவிக்காலம் முடிவடைகிறது.
காங்கிரஸ் மூத்த தலைவர்கள் மோதிலால் வோரா, திக்விஜய்சிங், குமாரி சல்ஜா ஆகியோர் ஏப்ரலுடன் ஓய்வு பெறுபவர்களில் முக்கியமானவர்கள் ஆவார்கள். இவர்களுக்கு மீண்டும் எம்.பி.பதவிக்கான வாய்ப்பு வழங்கப்படும் என தெரிகிறது.
ஏப்ரல் மாதத்தில் காங்கிரஸ் ஆளும் மத்திய பிரசேதம் மற்றும் ராஜஸ்தானில் தலா 3 எம்.பி.க்களின் பதவி காலியாகிறது. சத்தீஸ்கரில் 2 இடங்கள் காலியாகிறது.

பசுத்தோலில் செய்யப்படும் மிருதங்கம் .. அந்த பசு இயற்கையாக இறந்திருக்க கூடாதாம்

Sumi B : காளைமாடு ஆகாது, பசுமாடு தான் வேண்டும்.....
கன்னுக்குட்டியோ, வயதான பசுமாடோ வேலைக்கு ஆகாது...அட்லீஸ்ட் ரெண்டு கன்னுக்குட்டியாவது ஈன்ற பசு மாடா இருக்கனும்......
இயற்கையாக செத்து இருக்கக்கூடாது, அப்படி செத்தால் ரத்தம் உறைந்து விடும்...... தோல் டைட் ஆகிடும், எலாஸ்டிசிடி இருக்காது..... அதனால் அந்தப் பசுமாடு கொல்லப்பட்டு இருக்கவேண்டும்...
இப்படி பார்த்து பார்த்து பசுமாடு எதற்கு தேர்ந்தெடுக்கப்படுகிறது தெரியுமா.....?
இந்துமத காவலர்களான பார்ப்பனர்களின் இசைக்கருவி 'மிருதங்கம்' செய்வதற்கு.....
அவா மட்டுமே ரசிக்க, அவா மட்டுமே சம்பாரிக்க நடத்தப்படும் கர்நாடக சங்கீத கச்சேரிகளில் பயன்படுத்தபடும் 'மிருதங்கம்' செய்வாதற்கு தான் 'தாய் பசுக்கள்' இவ்வாறு கொடூரமாக கொல்லப்படுகின்றன..
பார்ப்பனர்கள் உடுத்து மினுக்க
கோடிக்கோடியாக பட்டுப்பூச்சிகள் கொல்லப்படலாம்......
இழுவையான/ அறுவையான இசை கேட்க பசுமாடுகள் கொல்லப்படலாம்.....
அவா பிள்ளைகள் படிச்சு கோலோச்ச ஐஐடி போன்றவற்றில் தலித்/ இஸ்லாமியர்கள் செத்து தொலையலாம்.....

சிறந்த இளம் எம்.எல்.ஏ விருது பெற்ற தமிமுன் அன்சாரி

சிறந்த இளம் எம்.எல்.ஏ விருது பெற்ற தமிமுன் அன்சாரிமின்னம்பலம் : எம்ஐடி பல்கலைக்கழகத்தின் சிறந்த இளம் எம்.எல்.ஏ.வுக்கான விருது தமிமுன் அன்சாரிக்கு வழங்கப்பட்டுள்ளது.
மகாராஷ்டிரா மாநிலத்தில் பல்வேறு கல்வி நிறுவனங்களை நடத்தி வருகிறது எம்ஐடி பல்கலைக்கழகம். இந்தியாவின் புகழ்பெற்ற முதல் 10 தனியார் பல்கலைக்கழகங்களில் ஒன்றான இதில் 58,000க்கும் அதிகமான மாணவ, மாணவியர் படித்து வருகின்றனர்.
இந்த நிறுவனத்தின் வழிகாட்டலின்படி, ‘இந்திய மாணவர் நாடாளுமன்றம்’ என்ற அமைப்பு கடந்த 10 ஆண்டுகளாகச் செயல்பட்டு வருகிறது.

உலகை உலுக்கிய சிறுவனுக்கு மலையாள நடிகர் அஜய் குமார் ..: நீ எப்போது அழுகின்றாயோ அப்போது உன் தாய் தோற்றுவிடுவார்”

quaden bayles
நக்கீரன் : ஆஸ்திரேலியாவின் பிரிஸ்பேன் நகரைச் சேர்ந்த குவாடன் எனும் ஒன்பது வயது சிறுவன் குள்ளமான உடல் தோற்றத்தை கொண்டிருப்பதால், அந்த சிறுவனுடன் படிக்கும் மாணவர்கள் அந்த சிறுவனை கேலி செய்துள்ளனர். தொடர் கிண்டல்களால் மனமுடைந்த அந்த சிறுவன், தனது தாயிடம் கண்ணீர்விட்டு அழுதபடி, "எனக்கு ஒரு கயிறு கொடுங்கள் அம்மா. நான் தற்கொலை செய்துகொள்ளப் போகிறேன்" என கூறியுள்ளான். இதனை வீடியோ எடுத்த அந்த சிறுவனின் தாய், தனது மகனின் உடல் அமைப்பு குறித்த கிண்டல் அவனை எந்த அளவு பாதித்திருக்கிறது என தனது வேதனையை வெளிப்படுத்தியுள்ளார்.
அந்த வீடியோவில் அழுதபடியே பேசிய அந்த சிறுவன், "எனக்கு ஒரு கயிறு கொடுங்கள் அம்மா. நான் தற்கொலை செய்துகொள்ளப் போகிறேன். எனது இதயத்தில் கத்தியால் குத்திக்கொள்ள விரும்புகிறேன். என்னை யாராவது கொன்றுவிட வேண்டும் என விரும்புகிறேன்" எனக்கூறி கட்டுப்படுத்த முடியாமல் அழுதுள்ளான்.

ஓ.பன்னீருக்கு வைக்கப்பட்ட பொறியில் சிக்கிய விஜய்: 20-20 ரகசியம்!

ஓ.பன்னீருக்கு வைக்கப்பட்ட பொறியில் சிக்கிய விஜய்: 20-20 ரகசியம்!மின்னம்பலம் : விஜய் படங்களோடு வேறு எந்தப் படங்கள் ரிலீஸானாலும் விஜய் படத்துக்குத்தான் மவுசு அதிகமாக இருக்கும். அதுவே பேசப்படும் என்பது கோலிவுட் அறிந்ததுதான். அதேபோலவே, பிப்ரவரி 5ஆம் தேதி அதிகாலை சினிமா ஃபைனான்சியர் அன்புச்செழியன், பிகில் தயாரிப்பாளர் கல்பாத்தி அகோரம், பிகில் விநியோகஸ்தர் ஆகியோரை மையமாக வைத்து ரெய்டு வலைகள் வீசப்பட்டாலும்... நீடித்து நிலைத்துப் பேசப்படுவது விஜய்யை மையமாக வைத்து நடந்த வருமான வரித் துறை ரெய்டுகள்தான்.
பிப்ரவரி 5ஆம் தேதி தொடங்கி நான்கு நாட்கள் அன்புச்செழியனைக் குடைந்தனர் ஐடி அதிகாரிகள். அன்புக்குப் பிறகே கல்பாத்தி அர்ச்சனா, விநியோகஸ்தர் என்று விஜய்யை நோக்கிச் சென்றனர். ரெய்டுகள் நடந்து முடிந்த பிறகு, சென்னை நுங்கம்பாக்கத்தில் இருக்கும் வருமான வரித் தலைமை அலுவலகமான ஆயக்கர் பவனுக்கு அர்ச்சனா, அன்பு ஆகியோர் நேரில் சென்று விசாரணையில் பங்கேற்றனர். 11ஆம் தேதி அன்புவிடம் மூன்று மணி நேரம் விசாரணை நடத்தப்பட்டது.

புதிரை வண்ணார் மக்கள் தாக்கப்படுவது பெரும்பாலும் பட்டியல் இன .....

பூர்வீக தமிழர் எழுச்சி இயக்கம் : காப்பாத்துங்க!! காப்பாத்துங்க!! புதிரை வண்ணார் மக்களை ஆதிக்க மனம் படைத்த சாதி வெறியர்கள் பட்டியல் இன மக்களிடம் இருந்து காப்பாத்துங்க....
என் பெயர் கருப்பசாமி ஊர் வடக்கு  கடாரபுரம், ஆலங்குளம் தாலுகா என்னோட பையன் குமாரு ரேசன் அரிசி வாங்க போனான் அப்போ எங்க ஊர் பள்ளர் சமுகத்தை சார்ந்த நபர் ஏல குமாரு எங்க வீட்டில இந்த அரிசிய குடுத்துரு என்று கூறியிருக்கிறார் அதற்க்கு என்னோட பையன் எனக்கே ரொம்ப வெயிட்னா நான் எப்படி கொண்டு போக முடியும்னு சொல்லி இருக்கிறான் அதற்க்கு போதையில் இருந்த அந்த சாதி வெறி பிடித்த அந் நபர் தூக்கி தூக்கி போட்டு வண்ண பயல உனக்கு இவளவு திமிரா என்று கேட்டு கேட்டு அடித்திருக்கிறார் 
இதை கேள்விபட்ட நான் அப்பா என்ற முறையில் கேட்டதற்க்கு பு மகனே வண்ணாபயல என்று கூறி உன்னால் செய்ய முடிந்தை செய்துக்கோ என்று மிக வண்மையாக திட்டினார் 
உடனே நான் என்னுடைய பையனை அழைத்துக்கொண்டு காவல் துறையில் கம்பேலைன்ட் கொடுத்தன் காவல் துறை ஆய்வாளர் அய்யா அந் நபரை கூப்பிட்டார் 

cut and paste' &; 'copy and paste' கண்டு பிடிப்பின் தந்தை லாரி டெஸ்லர் மறைந்தார்

Jeevan Prasad : 'cut and paste' & 'copy and paste' கண்டு பிடிப்பின் தந்தை லாரி டெஸ்லர்
Larry Tesler, in a 1989 file photo. Tesler, who created the copy, cut and paste function for personal computers, passed away this week at the age of 74.'வெட்டி ஒட்டவும்' - 'நகலெடுத்து ஒட்டவும்' இன்று முடியாதிருந்தால் நாம் என்ன பாடு பட்டிருப்போம். அதைக் கண்டு பிடித்து நமக்கு தந்த மாகான் அண்மையில் இவ்வுலகை விட்டு மறைந்து விட்டார்.
கணினி பயன்பாட்டில், 'cut and paste' (வெட்டி ஒட்டவும்) மற்றும் 'copy and paste' (நகலெடுத்து ஒட்டவும்) என்ற சொற்கள் இன்றைய சமூகத்தில் தெரியாதோரே இல்லை எனலாம். அதைத்தான் உலகில் அநேகர் இலகுவாக பின்பற்றி வருகிறார்கள்.
ஆனால் கட்டளை கணினிக்கு அதன் பயன்பாடு சிறிது காலம் கழித்தே வந்தது.
மேலே உள்ள விடயம் கட்டளைகளைக் கண்டுபிடிப்பதற்கும் கணினிகளின் பயன்பாட்டை எளிதாக்குவதற்கும் கணினிகளைப் பற்றி அறிந்து கொள்வதற்கும் உதவியது.
'Cut, copy மற்றும் paste' குறித்த இலக்கணத்தை கணணிக்குள் அறிமுகம் செய்த பிதா அண்மையில் காலமான லாரி டெஸ்லர்தான்.

மோடி டிரம்ப் ஒப்பந்தம் - இந்திய விவசாயிகளின் முதுகெலும்பை முறிக்கும் கோழி பால் அமெரிக்க இறக்குமதி..

வளன்பிச்சைவளன் : இந்திய விவசாயிகளின் வருமானத்தில் ஒரு நிரந்தர இடம் பிடித்துள்ளது பால் உற்பத்தி. ஒவ்வொரு சிறு, குறு விவசாயியும் ஒரிரு பால் மாடுகளை வளர்த்து அந்த வருமானத்திலே தங்கள் குடும்ப செலவினங்களை சமாளித்து வருகின்றனர்.
டிரம்பின் இந்திய வருகை இந்திய விவசாயிகளின் வாழ்வாதாரத்தை சிதைக்க இருக்கின்றது. இறக்குமதி பாலுக்கு இருக்கும் வரிவிகிதம் பெருமளவில் குறைக்கப் பட இருக்கின்றது, வெறும் 5%வரி மட்டுமே இதன் மூலம் பால் விலை வீழ்ச்சி ஏற்படும். பாலை விவசாயிகள் உற்பத்தி செய்ய முடியாத நிலைக்கு தள்ளப்படுவர். இதனால் விவசாயிகள் விவசாயத்தை மட்டுமே நம்பி வாழ வேண்டிய கட்டாய சூழல் ஏற்படும் இது அவர்கள் வாழ இயலாத சூழலை உருவாக்கி விவசாயத்தை விட்டு வெளியேறும் சூழலை உருவாக்கும். நகர்புறங்களில் வந்து குவிய வழி வகுக்கும். தங்கள் ஜீவாதாரத்தை நடத்த குறைந்த கூலிக்கு வேலை கிடைத்தால் போதும் என்ற மனநிலைக்கு தள்ளப்படுவர். இதன் மூலம் நவீன பண்ணை அடிமைகள் கார்பரேட் நிறுவனங்களுக்கு ஒரிரு ஆண்டுகளில் கிடைக்க வழிவகை செய்ய போகிறது இவர்கள் ஒப்பந்தம்.
கறிக்கோழி உற்பத்தி வெகுவாகப் பாதிக்கப் படும் தற்போது உள்ள 100%வரியை 25 %ஆக குறைக்க இந்திய அரசு இசைந்து இருப்பதாகவும் அதை 10 %ஆக குறைக்க அமெரிக்க அதிகாரிகள் தொடர்ந்து முயன்று வருவதாகவும் தகவல்கள் வருகின்றன.

நான் தற்கொலை செய்துகொள்ள போகிறேன் . உலகை உலுக்கிய மாணவனின் வீடியோ

https://www.clickorlando.com/news/2020/02/21/mothers-heartbreaking-video-of-son-with-dwarfism-crying-because-of-bullying-goes-viral/
Bala Salem : 9 வயது சிறுவன் ஒருவன், "தான் குள்ளமாக இருப்பதால் சக மாணவர்கள் கிண்டல் செய்கிறார்கள் அதனால் நான் தற்கொலை செய்துகொள்ள போகிறேன்" என்று சொல்லுகிறான் (காணொளி கீழே) 😥
உருவ கேலியில்தான் ஆரம்பிக்கிறது சமத்துவமற்ற சமூகம். இதை நம் சினிமாக்களும் சீரியல்களும் உரம்போட்டு வளர்க்கிறார்கள். "அண்டா வாயா, போண்டா மூக்கா, குள்ள கத்தரிக்கா" என்றெல்லாம்.
கொடுமை என்னன்னா..? ஒரு குழந்தையின் வேதனையை பார்க்கும்போதுதான். "நாமே இதுபோல எல்லாம் உருவகிண்டல் பண்ணிருக்கோம்ல... எத்தனை வன்மமும் வர்க்கமும் அதில் அடங்கியுள்ளது" என்பதே புரிகிறது.
குழந்தைகளுக்கு எந்த அளவுகோளும் இல்லாமல் சக மனிதனை அணுக, நேசிக்க கற்றுக்கொடுக்க வேண்டும். அதுதான் மாற்றத்திற்கான முதல் வித்தாக இதுக்கும்.
மாறுவோம்... மாற்றுவோம்..

Mother’s heartbreaking video of son with dwarfism crying because of bullying goes viral ‘Give me a knife, I’m going to kill myself,’ the boy cries An Australian boy who was severely bullied at school was on Friday invited to lead the Indigenous

சனி, 22 பிப்ரவரி, 2020

விமர்சனம்: மாஃபியா... வில்லங்க வியாக்கியான வீடியோ


மின்னம்பலம் : விமர்சனம்: மாஃபியாமாஃபியா திரைப்படம் ஒரு போலீஸ் ஸ்டோரி. துருவங்கள் 16 திரைப்படத்தில் போலீஸ்-விசாரணை-திருடன் என கார்த்திக் நரேன் கோர்த்திருந்த நான்-லீனியர் கதையின் அதிரடியான வெற்றியால் மாஃபியா திரைப்படத்துக்கு இயல்பாகவே ஒரு எதிர்பார்ப்பு ஏற்பட்டிருந்தது. அருண் விஜய்-பிரசன்னா ஆகிய இருவரையும் தன் கதையில் எப்படியும் சிறப்பாகவே காட்டிவிடுவார் என்று ரசிகர்கள் கருதினர். ஆனால், மாஃபியாவில் என்ன நடந்திருக்கிறது?
நார்காடிக்ஸ் டிபார்ட்மெண்டில் போதை தடுப்பு அதிகாரியாக வேலை செய்கிறவர் அருண் விஜய். இவருடன் நார்காடிக்ஸ் பயிற்சியில் இருந்த நண்பர்களான பிரியா பவானி ஷங்கர் மற்றும் வருண் ஆகிய இருவரும் இருக்கின்றனர்.

கொடைக்கானலில் ஐ டி ஜோடிகள் ... போதை வலையில் சிக்குகிறார்கள் ... வீடியோ



/tamil.news18.com : கொடைக்கானலில் கஞ்சா, மது உள்ளிட்ட போதை வஸ்துக்களுடன் நள்ளிரவு கேளிக்கையில் ஈடுபட்ட வெளிநாட்டவர் உட்பட 260-க்கும் மேற்பட்டோரை போலீசார் சுற்றிவளைத்தனர். 5 மணிநேர விசாரணைக்கு பிறகு அவர்கள் விடுவிக்கப்பட்டனர். நிகழ்ச்சி ஏற்பாட்டாளர்கள் மூவர் பிடிபட்டனர்.
திண்டுக்கல்லைச் சேர்ந்த காய்கறி வியாபாரம் செய்து வரும் 26 வயதான ஹரீஸ்குமார், ராஜக்காப்பட்டியைச் சேர்ந்த 23 வயதான தருண்குமார் ஆகியோர் கடந்த 10 நாள்களுக்கு முன்பு முகநூலில் ஒரு இடுகையை பதிவு செய்தனர்.
அதில், கொடைக்கானல் அருகே உள்ள மேல்மலை கிராமமான குண்டுபட்டியில் உள்ள தனியார் தோட்டத்தில் 6ஆம் தேதி நள்ளிரவு மதுவுடன் கேளிக்கை விருந்து நடப்பதாக அதில் கூறியிருந்தனர்.

இஸ்லாமியர்களின் எண்ணிக்கை.. நண்பர்களே,அது தவறான தகவல்

சாவித்திரி கண்ணன் : சார், தவறான தகவல்!’’ ’’தோழரே, இதை மீண்டும் சரிபாருங்கள்…’’என்பதாக உரிமையுடன் பலர் பேசினர் சென்ற பதிவு தொடர்பாக! இவை, இஸ்லாமியர்களின் அதிகரிக்கும் எண்ணிக்கை தொடர்பாக நான் கூறியிருந்தது பற்றி!
நண்பர்களே,அது தவறான தகவல் என்றால்,அதை திருத்திக் கொள்வதற்கு எனக்கு ஒரு சிறிதும் தயக்கமில்லை! உண்மை தான் முக்கியமே தவிர, இதில் பிடிவாதம் தேவையற்றது.
நான் விசாரித்த வகையில், என் இஸ்லாமிய நண்பர்களே சொன்னார்கள்! ’’படிப்பறிவின்மை,அறியாமை காரணமாகவும், உலாமாக்களின் முட்டாள்தனமான பிரச்சாரம் காரணமாகவும் இஸ்லாமியர்களில் பாதிபேர் அதிக குழந்தை பெற்றுக் கொண்டுள்ளது உண்மை தான்! அது மட்டுமல்ல, வங்க தேசத்திலிருந்து அதீத அளவில் இஸ்லாமிய அகதிகள் வந்ததும் ஒரு காரணம்’’ என்றனர்.
ஆனால், எண்ணிக்கையை அதிகரிக்கும் நோக்கத்தில் இது நடந்துவிட்டதாக நான் குற்றம் சொல்ல மாட்டேன். இந்துக்களிலேயே கூட, இப்படி அதிக குழந்தைகள் பெறுகின்ற போக்குகள் சமீபகாலத்தில் தான் முடிவுக்கு வந்தது.
ஏனெனில், நானே என் பெற்றொருக்கு எட்டாவது குழந்தை தான்!

BBC : உத்தர பிரதேசம்: “ 3000 டன் தங்க சுரங்கம் இல்லை” - புவியியல் ஆய்வு நிறுவனம் மறுப்பு

சமீரத்மாஜ் மிஷ்ரா- பிபிசி ஹிந்தி :   உத்தர பிரதேச சோனபத்ர மாவட்டத்தில் 3000 டன்கள் தங்கம் உள்ள சுரங்கம் கண்டுபிடிக்கப்பட்டது என செய்திகள் பரவிய நிலையில், அதனை மறுத்துள்ளது இந்திய புவியியல் ஆய்வு நிறுவனம். கனிம வளத்துறை உத்தர பிரதேசத்தின் சோன்பத்ர மாவட்டத்தில் நூற்றுக்கணக்கான டன் தங்கம் நிலத்தில் புதைந்து உள்ளது கண்டுபிடிக்கப்பட்டுள்ளது. அம்மாநிலத்தின் கனிம வளத்துறை இதை உறுதி செய்ததுடன், விரைவில் அகழாய்வு மேற்கொள்ளப்படும் என அறிவித்தது
இந்தியாவின் புவியியல் ஆய்வுக் குழு சோன்பத்ரில் கடந்த பதினைந்து ஆண்டுகளாக ஆய்வு மேற்கொண்டு வருவதாகக் கூறப்படுகிறது. சோன்பத்ரில் தங்கம் புதைந்து கிடப்பது எட்டு ஆண்டுகளுக்கு முன்பே புவியியல் ஆய்வு குழுவால் உறுதி செய்யப்பட்டது. இந்த நிலத்தில் உள்ள தங்கத்தைத் தோண்டி எடுக்கும் நோக்கத்துடன் இணையம் மூலம் நிலத்தை ஏலம் விட்டு விற்பனை செய்யவும் உத்தர பிரதேச அரசாங்கம் முடிவு செய்துள்ளது.
இதே சோன்பத்ர மாவட்டத்தில் யுரேனியம் இருப்பதும் கண்டறியப்பட்டுள்ளது. இது தொடர்பாகவும் மத்திய அரசாங்க குழுக்கள் சில ஆய்வு நடத்தி வருகின்றனர் என சுரங்க துறை அதிகாரி கே கே ராய் கூறினார்.
ஆனால், இப்படியான சூழலில், இதனை மறுத்துள்ளது இந்திய புவியியல் ஆய்வு நிறுவனம்

மன்மோகன் சிங் : பாரத் மாதா கீ ஜெய் கோஷம்.. தீவிர வாதத்துக்கு பயன்படுத்தப்படுகிறது


tamil.oneindia.com- Veerakumar :  டெல்லி: இந்தியாவைப் பற்றிய ஒரு உணர்ச்சிபூர்வமான கருத்தை உருவாக்க தேசியவாதமும் 'பாரத் மாதா கி ஜெய்' என்ற முழக்கமும் தவறாகப் பயன்படுத்தப்படுகின்றன என்று முன்னாள் பிரதமர் மன்மோகன்சிங் குற்றம்சாட்டியுள்ளார்.
 "பாரத் மாதா யார்" என்ற புத்தகத்தின் கன்னட மொழிபெயர்ப்பு டெல்லியில் இன்று வெளியிடப்பட்டது. இந்த நிகழ்வில் பங்கேற்று உரையாற்றினார், மன்மோகன்சிங். நேருவை ஒரு சிறந்த தொலைநோக்கு பார்வையாளர் என்று வர்ணித்த அவர், இந்தியாவின் முதல் பிரதமர் இந்தியாவை நவீன தேசிய அரசாக வடிவமைப்பதற்கான அடித்தளத்தை அமைத்தார் என்றார்.
இந்த புத்தகம் பண்டித நேருவை மறுபரிசீலனை செய்வதற்கான முயற்சியை மேற்கொள்கிறது என்று குறிப்பிட்ட மன்மோகன் சிங், தேசத்தை கட்டமைக்கும் நாட்களில் நேரு பிரதமராக பதவி வகித்தவர். நமது நாடு அவர் தலைமையில், ஒரு ஜனநாயக வாழ்க்கை முறையை ஏற்றுக்கொண்டது, மாறுபட்ட சமூக மற்றும் அரசியல் கருத்துக்களுக்கு இடமளித்தது. இந்திய பாரம்பரியத்தைப் பற்றி மிகவும் பெருமிதம் கொண்ட நேரு, அதை ஒருங்கிணைத்து, ஒரு புதிய நவீன இந்தியாவை உருவாக்கினார்.

உபியில் 3500 டன் தங்கம் ... பச்சை பொய்யை பரப்பும் பாஜக

Devakar Kaliyaperumal : 3500 டன் தங்கம் கண்டுப்பிடிப்பு... இப்படி தான் எங்க மோடிஜி குஜராத் முதல்வரா இருக்கும் போது கேஜி பேசின்ல 2.5 லட்சம் கோடி மதிப்புள்ள பெட்ரோலிய பொருட்கள் இருப்பதாக ஒரு அரிய கண்டுப்பிடிப்பை கண்டுபிடிச்சாரு...
அதை தூர் வார 20000 கோடி ரூ குஜராத் மாநில பெட்ரோலியம் கார்ப்பரேசன் மூலமாக செலவு பண்ணாரு...ஐ மீன் கடல்ல கொட்டுனாரா ஊழல் பண்ணாரானு எனக்கு தெரியாது... கடைசியில அதெல்லாம் ஒண்ணும் இல்லை பிம்பிளிக்கி பிளாப்பினு சொல்லிட்டாரு...
அப்படி தேசத்துக்கு நஷ்டத்தை ஏற்படுத்தியதற்கு சன்மானமா நாட்டுக்கே பிரதமர் ஆக்குனாங்க... அப்புறம் என்ன பண்ணாருனா குஜராத் மாநில கடனா இருந்த அந்த 20000 கோடியை சில,பல தில்லாலங்கடி வேலை பார்த்து இந்திய தேசத்தின் கடனா மாத்திட்டாரு...
So இப்ப தங்கம் இருப்பதாக சொல்லி எத்தனை லட்சம் கோடிகளை ஆட்டைய போடப்போறாங்கனு பார்க்க ஆவலாக காத்திருக்கிறேன்... பாரத் மாதா கீ ஜே....

கேரளா.. மதத்தை குறிப்பிடாததால் மாணவனை 1-ம் வகுப்பில் சேர்க்க மறுத்த பள்ளி


மாலைமலர் :கேரளாவில் உள்ள பள்ளி ஒன்றில் மதத்தை குறிப்பிடாததால் மாணவனை 1-ம் வகுப்பில் சேர்க்க மறுத்த சம்பவம் பெரும் சர்ச்சையை ஏற்படுத்தி உள்ளது. திருவனந்தபுரம்: கேரள மாநிலம் திருவனந்தபுரத்தை சேர்ந்தவர் நசீம். இவரது மனைவி தன்யா. இந்த தம்பதியின் மகனை 1-ம் வகுப்பில் சேர்க்க முடிவு செய்தனர். இதைத்தொடர்ந்து திருவனந்தபுரத்தில் உள்ள அரசு உதவிபெறும் மேல் நிலைப்பள்ளிக்கு சென்ற நசீம் தனது மகனை அந்த பள்ளியில் சேர்ப்பதற்கான விண்ணப்பத்தை பெற்றுக்கொண்டார்.
விண்ணப்பத்தை அவர் நிரப்பியபோது அதில் மதம் என்று இருந்த இடத்தில் மதம் இல்லை என்று குறிப்பிட்டு இருந்தார். அதை பள்ளியின் தலைமையாசிரியரிடம் ஒப்படைத்தார். அப்போது அதை சரிபார்த்த தலைமையாசிரியர் என்ன மதம் என்று குறிப்பிடாவிட்டால் அவரது மகனை பள்ளியில் சேர்க்க முடியாது என்று கூறிவிட்டார்.
ஆனால் மதம் பற்றி விண்ணப்பத்தில் குறிப்பிட முடியாது என்பதில் நசீம் உறுதியாக இருந்தார். பள்ளி நிர்வாகமும் தனது முடிவில் மாற்றம் எதுவும் செய்ய முடியாது என்று கூறிவிட்டது.

27 நாள்களுக்குப் பின்னரே கொரோனா அறிகுறி!' - தகர்ந்த 14 நாள்கள் நம்பிக்கை; அதிர்ச்சியில் சீனா

சீன மருத்துவப் பணியாளர்கள்விகடன் :சீனாவில் கொரோனா வைரஸால் பாதிக்கப்பட்ட ஒருவருக்கு, 27 நாள்களுக்குப் பிறகே அதற்கான அறிகுறிகள் தெரியவந்திருக்கிறது
சீனாவின் ஹூபே மாகாணத்தில் கண்டறியப்பட்ட கொரோனா, அந்நாட்டு வரலாற்றில் மிகப்பெரிய பாதிப்புகளை ஏற்படுத்திக் கொண்டிருக்கிறது. சார்ஸ் தாக்குதலைவிட, இதன்பாதிப்புகள் பெருமளவு என்பதால், வைரஸ் பரவலைக் கட்டுப்படுத்த மிகப்பெரிய அளவில் முயற்சிகளை எடுத்துவருகிறது சீனா. உலக சுகாதார நிறுவனமும் தடுப்பு மருந்து, பரவலைத் தடுப்பது உள்ளிட்ட நடவடிக்கைகளை முன்னெடுத்துவருகிறது.

பிரம்மாண்டமாய் திருச்சியில் தேசம் காப்போம் பேரண.. வீடியோ


nakkheeran.in - ஜெ.டி.ஆர். : கடந்த முறை திருச்சியில் தேசம் காப்போம் பொதுக்கூட்டத்திலும் மிகப்பெரிய அளவில் நடைபெற்றது. இந்த முறை தேசம் காப்போம் பொதுக்கூட்டத்திற்கு திருச்சி மாநகர காவல்துறை அனுமதி மறுக்கப்பட்ட நிலையில் மதுரை உயர்நீதிமன்றத்தில் அனுமதிக்காக வழக்கு தொடுத்தனர்.
ஆரம்பத்தில் நீதிமன்றமும் அனுமதி மறுத்த நிலையில் 3000 பேர் பொதுக்கூட்டத்தில் கலந்து கொள்வார்கள் என்று திருச்சி மாநகர செயலாளர் அருள் கொடுத்த தகவலின் அடிப்படையில் நீதிமன்றம் அனுமதி வழங்கியது. எம்ஜிஆர் நசிலையிலிருந்து உழவர் சந்தைக்கு பேரணியாக செல்வது என அனுமதி கொடுக்கப்பட்டது.
ஆனால் திருச்சி உளவுத்துறை போலீஸோ லட்சக்கணக்கில் திரளுவதற்கு வாய்ப்பு இருக்கிறது என்று திருச்சி மாநகர காவல்துறை ஆணையர் வரதராஜூலு தகவல் கொடுத்ததால் அவர் நீதிமன்றம் மூலம் வாங்கின அனுமதி இடத்தை மறுத்து இரவோடு இரவாக திருச்சியின் புறநகர் பகுதியில் சில இடங்களில் காண்பித்தார்.

டிரம்பின் வருகை அமெரிக்க தேர்தல் பிரசாரமாக இருக்கக்கூடாது: காங்கிரஸ் எச்சரிக்கை

காங்கிரஸ்டிரம்பின் வருகை அமெரிக்க தேர்தல் பிரசாரமாக இருக்கக்கூடாது: காங்கிரஸ் எச்சரிக்கைமாலைமலர் : புதுடெல்லி : அமெரிக்க ஜனாதிபதி டிரம்ப் வருகிற 24 மற்றும் 25-ந்தேதிகளில் இந்தியாவில் சுற்றுப்பயணம் மேற்கொள்கிறார். இந்த பயணத்தின் இடையே ஆமதாபாத்தில் பிரதமர் மோடியுடன் சிறப்பு பொதுக்கூட்டம் (நமஸ்தே இந்தியா) ஒன்றிலும் அவர் உரையாற்றுகிறார். டிரம்பின் இந்த வருகையை தீவிரமாக எடுத்துக்கொள்ள வேண்டும் எனவும், வெறும் புகைப்படம் எடுக்கும் நிகழ்வாக மட்டும் நடத்தக்கூடாது என்றும் காங்கிரஸ் கூறியுள்ளது.

பெண் கிளார்க்குகளை நிர்வாணப்படுத்தி சோதனை!


மின்னம்பலம் : குஜராத் மாநிலம் ராஜ்கோட்டில் உள்ள கல்லூரி ஒன்றில், அண்மையில் 68 மாணவிகளிடம் அவர்களது ஆடையைக் கழற்ற சொல்லி மாதவிடாய் சோதனை செய்தது பெரும் சர்ச்சையையும் அதிர்ச்சியையும் ஏற்படுத்தியது. இந்நிலையில் இந்த சம்பவத்தையடுத்து ஸ்ரீ சாஹ்ஜானாந்து பெண்கள் கல்லூரி முதல்வர் உட்பட 4 பேர் கைது செய்யப்பட்டனர். இதுகுறித்து தேசிய மகளிர் ஆணையம் விசாரித்து வருகிறது.
இந்நிலையில் இந்த சர்ச்சை ஓய்வதற்குள் குஜராத்தில் மீண்டும் இதுபோன்ற ஒரு சம்பவம் நடைபெற்றுள்ளது பெண்களிடையே மேலும் அதிர்ச்சியை ஏற்படுத்தியுள்ளது. சூரத் பகுதியில் முனிசிபல் கார்பரேஷனில் பணிபுரியும் பெண்களை நிர்வாணமாக நிற்கவைத்து, அந்தப்பெண்களுக்குக் கருத்தரிப்புச் சோதனை நடத்தப்பட்டது வெளிச்சத்துக்கு வந்துள்ளது.
இதுகுறித்து சூரத் முனிசிபல் கார்ப்பரேஷன் ஊழியர்கள் சங்கம் அளித்த புகாரில், திருமணமாகாத பெண்களையும் மற்றவர்கள் முன்னிலையில் நிர்வாணப்படுத்தி, அவர்கள் கர்ப்பமாக இருக்கிறார்களா? இல்லையா? என்று சோதனை நடத்தப்பட்டதாகக் குற்றம்சாட்டப்பட்டுள்ளது.

இந்தியாவிலும் இலங்கையிலும் .. .. மலையக மக்கள் நாடற்று போன கதை

Thavamuthalvan Davan : இந்திய  தேசமெங்கும் கடந்த பல மாதங்களாக குடியுரிமை திருத்த சட்டத்திற்கு எதிராக போராட்டங்கள்
நடந்துகொண்டேயிருக்கின்றன. கைதுகள், வழக்குகள் , வன்முறை வெறியாட்டங்கள், போலீஸ் துப்பாக்கி சூட்டில் மக்கள் பலி என ஒவ்வொரு நாளும் போராடும் மக்களை அடக்கி ஒடுக்குகிறது மத்திய-மாநில அரசுகள்.
இலங்கையில் மலையக மக்களாகவும் ,
தமிழகத்தில் தாயகம் திரும்பியோர் என்ற சொல்லிலும் அழைக்கப்படும் நாங்கள் ஏறக்குறைய இரண்டு நாடுகளிலும் முப்பது லட்சத்திற்கும் மேற்பட்ட ஜனத்தொகை கொண்டவர்களாக வாழ்கிறோம்.
சமூகப் பொருளாதார வாழ்வில் மற்ற மக்களோடு ஒப்பிடும்போது, எந்தவிதமான முன்னேற்றமும் இல்லாமல் , தேயிலைத் தோட்டத்தில் தொடரும் "நவீன கொத்தடிமை" வாழ்வே இன்றுவரை நீடிக்கிறது.
ஆயிரத்து எண்ணூற்று இருபதுகளில் தொடங்கிய இந்த அவல வாழ்வு இன்னுமும் நீடிக்க, புறச்சூழல் மட்டும் காரணங்களாக கொள்ள முடியாது.
இலங்கை: சிங்களவர்கள்,மலையகத் தமிழர்கள், இலங்கைத் தமிழர்கள், பறங்கிகள், தமிழ் பேசும் முஸ்லிம்கள், கிறித்தவர்கள், என பல்வேறு இன,மொழி பண்பாடு, கலாச்சாரங்களைக் கொண்ட தேசம் தான். இந்த பன்மைத்துவம் கொண்ட நாட்டை சிங்களப் பேரினவாதம் என்கிற ஒற்றை துருவத்தில் யோசித்து, சிங்களத்தலைவர்கள் செயல்பட்டதன் விளைவே மலையகத் தமிழர் வெளியேற்றம்.

ரஜினிகாந்தின் மன நிலை பாதிப்படைந்தது ஏன்? பணம் .. flashback பாலு மகேந்திரா


பாலு மகேந்திரா : பலவருஷங்களுக்கு முன்னாடி மிக பிரபலமான ஒரு நடிகர். (ரஜினிகாந்த்) .. மிக மிக பிரபலமான ஒரு நடிகர் . நான் ஒரு நாள் அவரை பார்க்கிறபோது அவர் அழுதுகிட்டு இருகாரு .
என்ன விஷயம் என்று கேட்டேன் . . ஒண்ணுமில்லை இந்த black money எல்லாம் என்ன  பண்றதுன்னு எனக்கு தெரியல்லை .. யாருகிட்ட கொடுக்கிறது ?  எங்கே வைக்கிறது ?  இது எனக்கு தெரியல்லை .. நினைச்சா ஒரு மாதிரி மூளை குழம்புது ..
அப்படீன்னு சொல்லி வருத்தப்பட்டுகிட்டு அழுது கொண்டிருதாரு..
அதுக்கு இரண்டு வாரம் கழிச்சு கேள்விப்பட்டேன்  .
அவர் மெண்டல் டிப்பிரேசன்ல ஆசுபதிரித்தில அனுமதிக்கப்பட்டு ... ஆசுபத்திரில்லா இருக்கார்னு .
வை ?  எதுக்கு இந்த வேண்டாத பணம்?

இந்தியன் 2 விபத்து ... இது சினிமாவுக்கு Use பண்ற Crane கிடையாது.! Cinema Crane Operator

அன்பால் வீழ்ந்த விலங்கினம் நாய்.. ஆதி மனிதனுக்கு முதல் நண்பனே நாய் தான்


Mahalaxmi : மனிதனின் கருணை என்பது பயங்கரவாதத்தை விட கொடியது.
Clara Anita பக்கத்திலிருந்து! ஏன் “தெரு நாய்கள்”
மட்டும் எங்கும் உள்ளது...?
இந்த உலகில் உள்ள அனைத்து விலங்கினங்களும் தனக்கான உணவைத் தானே தேடிக் கொள்ளும்
அல்லது வேட்டையாடி உண்ணும்.
ஆடு,மாடு உள்ளிட்ட விலங்குகள் மேய்ந்து கொள்ள புற்கள், இலை தழைகள் உள்ளன.
ஆனால் இந்த நாய்கள் மட்டும் மனிதன் கொடுத்தால் தான் உணவு உண்டு உயிர் வாழ முடியும் என்ற நிலை இருக்கிறது
ஏன்...?
உங்கள் வீட்டில் மணக்க மணக்க சமையல் தயாராகிக் கொண்டிருக்கும்
போது உங்கள் வீட்டையே ஏக்கத்துடன் சுற்றிச் சுற்றி ஏன் வருகிறது???
வீட்டிற்குள் இருந்து யாராவது வந்து அந்த உணவிலிருந்து ஏதாவதும் ஒரு சிறுபங்கை தூக்கி வீச மாட்டார்களா என ஏன் நப்பாசை கொள்கிறது..?
சாலையோரக் கடையிலோ,
தள்ளு வண்டிக் கடையிலோ
நீங்கள் திண்பண்டங்களை ருசித்துக் கொண்டிருக்கும் போது, கல்லைத் தவிர வேறெதாவதும் வந்து விழாதா என வெறித்து வெறித்து பார்த்து
ஏன் இடையூறு செய்கிறது...?
குறிஞ்சி, முல்லை என நகர்ந்து மருத நிலத்திற்கு மனிதகுலம் இடம் பெயருகிறது.

சீமானும், அவர் கட்சியும் மிக மிக பயங்கரமான கட்சி”- நடிகை விஜயலட்சுமி ஆவேசம்


நக்கீரன் :  நாம் தமிழர் கட்சியின் ஒருங்கிணைப்பாளர் சீமான் தன்னை சித்திரவதை செய்ததாக நடிகை விஜயலட்சுமி கடந்த ஒரு வாரத்திற்கு முன்பு ஃபேஸ்புக்கில் பதிவிட்டு பரபரப்பை கிளப்பினர். சீமானுடன் இருக்கும் வீடியோக்களை வெளியிட்டிருந்தார். இந்த குற்றச்சாட்டை சாதாரண ஒன்று சீமான் முடித்துக்கொண்டார். ஆனால், சீமானின் தம்பிகளும், கட்சி நிர்வாகிகளும் சமூக வலைதளங்களில் நடிகை விஜயலட்சுமியை கடுமையாக விமர்சித்து வருகின்றனர். 
இந்நிலையில் நாம் தமிழர் கட்சியின் நிர்வாகி காளியம்மாள் ஒரு மேடையில் நடிகை விஜயலட்சுமியை கடுமையாக விமர்சித்தார். இதனை அடுத்து மீண்டும் ஒரு வீடியோ ஒன்றை வெளியிட்டு சீமானுக்கு தனக்கும் என்ன நடந்தது? ஏன் அந்த வீடியோவை வெளியிட்டேன்? என்று விளக்கம் அளித்துள்ளார் நடிகை விஜயலட்சுமி.
அதில்,  “இந்த போராட்டம் எனக்கும் சீமானுக்கும் இடையே நடைபெறும் போராட்டம். இப்போது கூட நான் சொல்கிறேன் என் பின்னால் எந்த கட்சியும், அரசியல் தலைவர்களும் இல்லை. எத்தனையோ கட்சி இருக்கிறது. கட்சி தலைவர்கள் இருக்கிறார்கள். அதிமுகவில் ஜெயலலிதா அம்மா இருந்தவரை பெண்களுக்கு எந்தவித தொந்தரவும் யாரும் கொடுக்க மாட்டார்கள். அதேபோலதான் திமுக, காங்கிரஸ், பாஜக உள்ளிட்ட கட்சிகளிலும் யாரும் உங்களுக்கு உயிர் பயம் தரவே மாட்டார்கள்.

நைனார் நாகேந்திரன் நடத்த முயன்ற கட்டப் பஞ்சாயத்து

savukkuonline.com : நைனார் நாகேந்திரன் நடத்த முயன்ற கட்டப் பஞ்சாயத்து தமிழக பாஜக தலைவராக யாரை நியமிப்பது என்ற சிக்கலில் இறுதியாக இருக்கும் இரு பெயர்களில் ஒருவர் நைனார் நாகேந்திரன்.   மற்றொருவர் எச்.ராஜா.    எச்.ராஜாவை நியமிக்க வேண்டும் என்று, கட்சியில் பலரின் ஆதரவு அவருக்கு இருந்தாலும், கட்சி தலைமை நைனார் நாகேந்திரனை நியமித்தால் என்ன என்று நினைக்கிறது.  நைனார் நாகேந்திரன் முக்குலத்தோர் சாதியை சேர்ந்தவர் என்பது ஒரு காரணம்.  மேலும் அவரை தலைவராக்கினால், அதிமுகவிலிருந்து பல தலைவர்களை பிஜேபிக்கு அழைத்து வருவார் என்பது மற்றொரு காரணம். ஆனால் எச்.ராஜா தரும் அழுத்தம் காரணமாக ஆறு மாதத்துக்கு மேல், தமிழகத்துக்கு யாரை தலைவராக போடுவது என்று பிஜேபி தலைமை தலையை பிய்த்துக் கொண்டு உள்ளது.
நைனார் நாகேந்திரன் இப்போது எந்த பெரிய பொறுப்பிலும் இல்லை. ஆனாலும், கட்டப் பஞ்சாயத்து செய்து வருகிறார்.   இவருக்கு பதவி கிடைத்தால் என்ன ஆகும் என்பதுதான் அதிர்ச்சியை ஏற்படுத்துவதாக உள்ளது.

வெள்ளி, 21 பிப்ரவரி, 2020

பா.ரஞ்சித்... சமுக வலையில் விவாதம் .. கபிலன் காமராஜ் : பார்வையில்

கபிலன் காமராஜ் : அண்ணல் அம்பேத்கரும் பெரியாரும் அவர்கள் வாழும்
காலத்தில் ஒன்றாக இணைந்து தானே செயலாற்றினார்கள் பின்ன ஏன் பா.ரஞ்சித் பெரியாரை அண்ணலுக்கு எதிர்புறம் நிறுத்துகிறார் என்ற கேள்விக்கு பதிலில்லை.
சரி இதுவரை பெரியாரின் சமூக நீதி போராட்டம் பற்றி ரஞ்சித் செய்த ட்வீட் ஏதாவது காட்டுங்க என்றால் அதுக்கும் பதிலில்லை.
ஆர்.எஸ்.பாரதியின் பேச்சுக்கு அவர் மகனே கண்டித்து பதிவிட்டார். திராவிட இயக்கத்தவர் எல்லோரும் கண்டித்து பதிவிட்டார்கள். இப்போ பா.ரஞ்சித்தும் கண்டித்து பதிவிடுகிறார்.
ஒரு வேறுபாடு மட்டும் தான், திராவிட இயக்கத்தவர் ஆர்.எஸ்.பாரதியை மட்டும் கண்டிக்கவில்லை, ரஜினி, ரஜினியின் மைத்துனர் Y.G.மகேந்திரன், ரஜினியின் மைத்துனர் மகள் Y.G.மதுவந்தி என பாரபட்சமில்லாமல் எல்லோரையும் கண்டித்தனர்.
பா.ரஞ்சித் ரஜினியையோ அவரை சார்ந்தவர்களையோ கண்டித்து பதிவிட்டு பார்த்ததேயில்லை.
அம்பேக்கர், வள்ளுவருக்கெல்லாம் காவிச் சாயம் பூசி இந்துத்துவம் விழுங்க ஆரம்பித்து பல காலம் ஆகிறது. அதை எதிர்த்து நீலச் சட்டை பேரணியில் ரஞ்சித் கலந்து கொள்ளவில்லை. ஏன் என கேட்டால், ரஞ்சித் தனித்து இயங்குவார் என்கின்றனர். அம்பேத்கர் கூட்டாகத்தான் இயங்கினார். பெரியார் கூட்டாகத்தான் இயங்கினார். நீங்க அவர்களை விட பெரிய மனிதர், தனியாகவே இயங்குங்கள்.

ஜாக்கியின் ஈவென்ட் மானேஜ்மென்ட் சிவராத்திரி கொள்ளை* கங்கா 50,000 ரூ.., யமுனா 20,000 ரூ., நர்மதா 5,000...


Mahalaxmi : *ஈஷா ஆதி யோகி சிவராத்திரி கொள்ளை*
கங்கா 50,000 ரூபாய்..,
யமுனா 20,000 ரூபாய்..,
நர்மதா 5,000 ரூபாய்..,
கோதாவரி 1,000 ரூபாய்,
கடைசியாக,
காவிரி 500 ரூபாய்..

இதெல்லாம் சிவராத்திரி ஈஷா யோகா விழாவிற்கான., அந்த அந்த காலரிக்கான பெயரும் அதன் இருக்கை கட்டணமும் தான்.. இதுல கூட காவிரி கேவலமாகி கடைசில..
’50,000 ரூபாய்க்கும் 500 ரூபாய்க்கும் என்ன வித்தியாசம் தெரியுமா, ’’50,000 ரூபாய்க்கு ஆதியோகிக்கு அருகில் உட்கார்ந்து பார்க்கலாம், 20,000 ரூபாய் கொடுத்தால் கொஞ்சம் பின்னால். 10,000 ரூபாய்க்கு அதற்கும் பின்னால். 5,000 ரூபாய் கொடுத்தால் எல்.சி.டி. ஸ்க்ரீனுக்கு முன்னால்.., 500 கொடுத்தால், தூரத்தில் இருந்து பார்க்கலாம்.., அப்போ அந்த இலவச அனுமதி ?! அதையும் தாண்டி தடுப்பு கட்டைகளுக்கு பின்னே, தரையில் உட்காந்து பார்க்கலாம், கேட்கலாம்.. இப்படி அங்கே சிவன் விலைக்கு கிடைப்பார் என சென்ற மக்கள்தான் முதலில் திருந்த வேண்டும்..
பக்தியை விலைக்கு விற்ற கார்ப்பரேட் சாமி !!

சமுக வலையில் ஜாதி பதிவுகள் .. Karthikeyan Fastura பார்வையில்

Karthikeyan Fastura : எனக்கு சங்கிகள் பிரச்சனை இல்லை. சீமான் தம்பிகள் கூட பிரச்சனை இல்லை. அவர்கள் எதிர் சிந்தனை கொண்டவர்கள். நாளையே திருந்தக்கூடும். பாபர் மசூதியை இடித்தவர் கூட திருந்தி மனம் வருந்தி நிறைய பள்ளிவாசல்களை கட்டி கொடுத்திருக்கிறார்
பெரியாரையும், அம்பேத்கரையும் புகழ்ந்து கொண்டே மறுபக்கம் சாதிய சிந்தனையில் இருந்து முழுதாக வெளிவர முடியாமல் அவதூறுகளை பரப்புபவர்களை கண்டால்தான் மிகவும் எரிச்சலாக இருக்கிறது. நம்மைச் சுற்றிய முகநூல் வட்டத்திலேயே நிறைய ஆர்.எஸ்.பாரதிகள் இருக்கிறார்கள்.
கபிலன் காமராஜ் என்ற பதிவர் ரஞ்சித்தின் நேற்றைய டிவிட்டுகளை போட்டு ரஞ்சித் பெரியாரை அவமதிக்கிறார் என்று பக்கம் பக்கமாக எழுதுகிறார். இத்தனைக்கும் அந்த ட்வீட்டில் ரஞ்சித் பெரியாரை இரண்டு முறை குறிப்பிட்டு அவரது சிந்தனையை மறந்துவிடாதீர்கள் என்று வலியுறுத்திக் கூறியும் அதை கணக்கில் எடுக்காமல் ரஞ்சித் திராவிட இயக்க வரலாற்றோடு அயோத்திதாசர் இரட்டைமலை சீனிவாசன், எம் சி ராஜா உள்ளிட்ட பெரியவர்களை குறிப்பிட்டதற்காக பெரியாரை மதிக்கவில்லை என்று கபிலன் ரஞ்சித் மீது அவதூறை முன்வைக்கிறார்.

ஜொ்மனி: துப்பாக்கி சூடு 9 போ் இறப்பு ... கொலையாளி வீடியோவில் ...


Theneeweb : ஜொ்மனியில் இனவாதக் கொள்கைகளையுடைவா் நடத்திய துப்பாக்கிச் சூட்டில் 9 போ் உயிரிழந்தனா். அதனைத் தொடா்ந்து தனது தாயைக் கொன்று அந்த நபா் தற்கொலை செய்துகொண்டாா்.
இதுகுறித்து தகவல்கள் தெரிவிப்பதாவது:
ஜொ்மனியின் ஹனாவ் நகரிலுள்ள ஹூக்கா எனப்படும் புகைப்பிடிப்பதற்கான இரு கூடங்களில், தொபியாஸ் ராதேன் (43) என்ற நபா் செவ்வாய்க்கிழமை சரமாரி துப்பாக்கிச் சூடு நடத்தினாா். இந்தத் தாக்குதலில் 9 போ் உயிரிழந்தனா்.
அதையடுத்து, போலீஸாா் நடத்திய தீவிர தேடுதல் வேட்டைக்குப் பிறகு, தொபியாஸின் இல்லத்தில் அவரும், அவரது 72 வயது தாயாரும் பிணமாகக் கிடந்தது கண்டறியப்பட்டது. தாயைக் கொன்றுவிட்டு, தொபியாஸ் தற்கொலை செய்துகொண்டதாக அதிகாரிகள் கூறினா்.
தாக்குதலுக்கான இரு கூடங்களுக்கும் குா்து இனத்தவா் அதிக அளவில் வந்து செல்லும் நிலையில், அவா்களைக் குறிவைத்து இந்தத் துப்பாக்கிச் சூடு நடத்தப்பட்டதாக அதிகாரிகள் கருதுகின்றனா்.

அரிசிக்கு பதில் பணம்: புதுவை ஆளுநர் கிரண்பேடி உத்தரவு செல்லும் - ஐகோர்ட் நாராயணசாமி கவலை

மாலைமலர்  :புதுவையில் இலவச அரிசிக்கு பதில் பணம் வழங்கப்படும் என துணைநிலை ஆளுநர் கிரண்பேடி பிறப்பித்த உத்தரவு செல்லும் என சென்னை ஐகோர்ட் இன்று தீர்ப்பளித்துள்ளது. புதுச்சேரி: புதுவையில் மாதந்தோறும் இலவச அரிசி வழங்கப்படாத பிரச்சினை தொடர்ந்து சட்டசபையில் எழுப்பப்பட்டது. இலவச அரிசி வழங்குவதற்கான டெண்டருக்கு கவர்னர் கிரண்பெடி ஒப்புதல் அளிக்கவில்லை என அரசுத்தரப்பில் தெரிவிக்கப்பட்டது.
இதையடுத்து, முதல்-அமைச்சர்  நாராயணசாமி தலைமையில் அனைத்துக் கட்சி உறுப்பினர்கள் குழுவினர், துணைநிலை ஆளுநர் மாளிகைக்கு சென்று ஆளுநர் கிரண்பேடியை சந்தித்தனர். அரிசி வழங்குவதற்கான கோப்புக்கு ஒப்புதல் வழங்க வேண்டும் என அவரிடம்  வலியுறுத்தினர். ஆனால் அந்த கோப்பை ஆளுநர் திருப்பி அனுப்பி விட்டார். இதுகுறித்து, ஆளுநர் கிரண்பேடி கூறுகையில், புதுச்சேரி மக்களுக்கு இலவச அரிசி வழங்க நான் தடையாக இல்லை. மக்கள் தரமான அரிசியை வாங்கிக்கொள்ள இலவச அரிசிக்கு பதில் பணமாக வழங்க கூறினேன் என தெரிவித்தார்.

துரைமுருகன் மருத்துவமனையில் அனுமதி .. தீவிர சிகிச்சை பிரிவில் .

திமுக பொருளாளர் துரைமுருகன் மருத்துவமனையில் அனுமதிமாலைமலர் : தி.மு.க. பொருளாளர் துரைமுருகன் நெஞ்சுவலி காரணமாக மருத்துவமனையில் அனுமதிக்கப்பட்டுள்ளார். சென்னை: தி.மு.க. பொருளாளரும், சட்டசபை எதிர்க்கட்சி துணைத் தலைவருமான துரைமுருகன் மருத்துவமனையில் இன்று அனுமதிக்கப்பட்டுள்ளார்.
நெஞ்சுவலி காரணமாக சென்னை போரூரில் உள்ள தனியார் மருத்துவமனையில் தீவிர சிகிச்சைப் பரிவில் அனுமதிக்கப்பட்டு சிகிச்சை பெற்று வருவதாக தகவல் வெளியாகி உள்ளது. கடந்த ஜூன் மற்றும் நவம்பரிலும்கூட  திடீரென ஏற்பட்ட உடல்நலக் குறைவால் துரைமுருகன் மருத்துவமனையில் அனுமதிக்கப்பட்டு சிகிச்சை பெற்றவர் என்பது குறிப்பிடத்தக்கது.

ராதாரவி : ஹாலிவூட் ரேஞ்சுக்கு படம் எடுக்க ஆசைப்படுறீங்க.. பாதுகாப்பை கவனிக்க மாட்டீங்களா.. ஷங்கரை சாடிய..

tamil.filmibeat.com/ :சென்னை: இந்தியன் 2 படப்பிடிப்பில் நடந்த விபத்து குறித்து நடிகர் ராதாரவி கருத்து தெரிவித்துள்ளார்.
இந்தியன் 2 படப்பிடிப்பு தளத்தில் நேற்று முன்தினம் இரவு லைட்டுகள் அமைக்கப்பட்டிருந்த கிரேன் சரிந்து விழுந்தது. இதில் உதவி இயக்குநர் கிருஷ்ணா புரடெக்ஷன் உதவியாளர் மது, கலை உதவியாளர் சந்திரன் ஆகியோர் மரணமடைந்தனர்.
இந்த சம்பவம் தமிழ்த் திரைத்துறையில் பெரும் அதிர்ச்சியையும் சோகத்தையும் ஏற்படுத்தியுள்ளது. திரை பிரபலங்கள் பலரும் உயிரிழந்தவர்களுக்கு இரங்கல் தெரிவித்து வருகின்றனர்.
இந்நிலையில் சென்னை வடபழனியில் உள்ள திரைப்பட தொழிலாளர் சம்மேளமான ஃபெப்சியில் இந்தியன் 2 படப்பிடிப்பில் உயிரிழந்த கலைஞர்களுக்கு அஞ்சலி செலுத்தப்பட்டது.
இதில் டப்பிங் யூனியன் தலைவரும் நடிகருமான ராதாரவி கலந்து கொண்டு:  . அப்போது பேசிய நடிகர் ராதாரவி, விபத்தில் மரணமடைந்த சந்திரனுக்கு இரங்கல் தெரிவித்தார். மேலும் சந்திரன் பார்ப்பதற்கு கரடு முரடாக இருப்பார். ஆனார் பழக மிகவும் இனிமையானவர். பலாப்பழத்தை போன்றவர் சந்திரன். அவரது இழப்பு மிகவும் வருத்தமளிக்கிறது.
 இது சாதாரணமாக சொல்வதில்லை. மனதில் இருந்து சொல்கிறேன் என்றார். மேலும் மது, மற்றும் கிருஷ்ணாவின் மறைவுக்கும் ராதாரவி இரங்கல் தெரிவித்தார். விபத்தில் உயிரிழந்தவர்களின் குடும்பங்களுக்கு நடிகர் கமல்ஹாசன் ஒரு கோடி ரூபாய் நிதி அறிவித்ததற்கு நடிகர் ராதா ரவி பாராட்டு தெரிவித்தார்

அதிமுக .: இஸ்லாமியர்களை குடியுரிமை திருத்தச் சட்டத்தின் பெயரால் திமுக குழப்பி வருகிறது

மின்னம்பலம் : என்பிஆர், என் ஆர்சி : அதிமுக விளக்கம்! தமிழகத்தில் அதிமுக அரசுக்கு அனைத்து தரப்பிலும் ஆதரவு பெருகுவதை பொறுத்துக் கொள்ள ம் முடியாமல் இஸ்லாமியர்களை குடியுரிமை திருத்தச் சட்டத்தின் பெயரால் திமுக குழப்பி வருகிறது என்று அதிமுக குற்றம் சாட்டியுள்ளது.
தமிழகத்தில் குடியுரிமை திருத்தச் சட்டத்துக்கு எதிரான போராட்டங்கள் தீவிரமடைந்து வருகின்றன. முதல்வர் சட்டமன்றத்தில், ‘குடியுரிமை சட்டத்தில் யார் பாதிக்கப்பட்டார்கள் ?” என்று ஆவேசமாக கேட்டது முதல் அதிமுக மீதும் இஸ்லாமியர்கள் கோபமாக இருக்கிறார்கள்.
இந்நிலையில், இது தொடர்பாக இன்று அதிமுகவின் ஒருங்கிணைப்பாளர் ஓ.பன்னீர் செல்வம், இணை ஒருங்கிணைப்பாளர் எடப்பாடி பழனிசாமி ஆகியோர் வெளியிட்டிருக்கும் அறிக்கையில் இஸ்லாமிய சமூகத்தினர் குழப்பத்துக்கு ஆளாகவேண்டாம் என்று கேட்டுக் கொண்டிருக்கிறார்கள்.
ஹஜ் மானியமாக 5 கோடி ரூபாய், ரம்ஜான் கஞ்சிக்காக 5145 மெட்ரிக் டன் அரிசி, மாவட்ட ஹாஜிகளுக்கு 20 ஆயிரம் மதிப்பூதியம், உலமாக்களின் ஓய்வூதியம் அதிகரிப்பு உள்ளிட்ட அதிமுக அரசின் திட்டங்களைப் பட்டியலிட்டுள்ள துணை முதல்வரும், முதல்வரும்,
“இஸ்லாமிய சமுதாயத்துடன் அதிமுகவுக்கு இருக்கும் நெருக்கமான உறவையும், புரிதலையும் பிரிக்க முயற்சிக்கும் சக்திகளை முறியடித்து எல்லாரும் ஓரினமாக எழுச்சியுடன் முன்னேற்றம் கண்டிட இஸ்லாமிய சகோதர சகோதரிகளைக் கேட்டுக்கொள்கிறோம்.

காவிரி பாதுகாப்பு மண்டலம்! "தமிழக அரசின் சட்டம் வெறும் கானல் நீர்!" -உண்மையை தோலுரிக்கும் ரிப்போர்ட்!

sundarrajan.nakkheeran.in - இரா. இளையசெல்வன் : கடந்த பத்தாண்டுகளுக்கு மேலாக காவிரி டெல்டா பகுதிகளில் ஹைட்ரோகார்பன் திட்டங்களை நிறைவேற்றக்கூடாது என்றும், தமிழ் நாட்டின் உணவு பாதுகாப்பை உறுதி செய்வதற்கு பாதுகாக்கப்பட்ட வேளாண் மண்டலமாக அறிவிக்கவேண்டும் என்றும் மக்கள் கோரிக்கை வைத்து போராடி வருகின்றனர். தமிழக முதல்வர் எடப்பாடி பழனிச்சாமி, கடந்த வாரம் சேலம் மாவட்டம் தலைவாசலில், மக்களின் நீண்டநாள் கோரிக்கையை ஏற்றுக்கொண்டு வெளியிட்ட அறிவிப்பு  மக்களிடம் நம்பிக்கையை விதைத்தது. பல்வேறு குடிமைச் சமூக அமைப்புகளும் இந்த அறிவிப்பை வரவேற்றன.
மிகுந்த நம்பிக்கையுடன் இருந்த தமிழக மக்களுக்கு தமிழக சட்டப்பேரவையில் எடப்பாடி பழனிச்சாமி அரசு தாக்கல் செய்து நிறைவேற்றியுள்ள சட்டம், மிகுந்த ஏமாற்றத்தை அளித்துள்ளது என்கிறது  'பூவுலகின் நண்பர்கள்' அமைப்பு.

சென்னை மாநகராட்சி பள்ளி மாணவர்களுக்கு அட்சய பாத்ராவின தண்டனை பூண்டு வெங்காயம் இல்லாத உணவாம்

tamil nadu, tamil nadu noon meal scheme, aiadmk, சென்னை மாநகராட்சி பள்ளி காலை உணவு, அட்சய பாத்ரா, பூண்டு வெங்காயம் இல்லாத உணவு, akshaya patra foundation, akshaya patra food, iskcon, Tamil indian express/tamil.indianexpress.com : சென்னை மாநகராட்சிப் பள்ளிகளில் 32,000 மாணவர்களுக்கு காலை உணவை வழங்குவதற்காக, அட்சய பாத்ரா அறக்கட்டளை என்ற தன்னார்வ தொண்டு நிறுவனத்தை ஈடுபடுத்த அதிமுக அரசு எடுத்துள்ள...
சென்னை மாநகராட்சிப் பள்ளிகளில் 32,000 மாணவர்களுக்கு காலை உணவை வழங்குவதற்காக, அட்சய பாத்ரா அறக்கட்டளை என்ற தன்னார்வ தொண்டு நிறுவனத்தை ஈடுபடுத்த அதிமுக அரசு எடுத்துள்ள முடிவால் தமிழ்நாட்டின் சிறப்புமிக்க நண்பகல் உணவு திட்டமும் சர்ச்சையில் சிக்கியுள்ளது.
தமிழக ஆளுநர் பன்வரிலால் புரோஹித்தின் சிந்தனையில் திட்டமிடப்பட்ட இந்த திட்டத்திற்கு ஆளுநரின் விருப்ப நிதியில் இருந்து ரூ.5 கோடி ஒதுக்கப்பட்டுள்ளது. மையப்படுத்தப்பட்ட சமையலறைகளை அமைப்பதற்காக என்.ஜி.ஓ.க்கு சென்னையில் உள்ள பிரதான இடங்களில் மாநகராட்சி நிலம் ஒதுக்கியுள்ளது.

பாஜக நாராயண் திரிபாதி : வின் டிவி மட்டும் தான் நல்ல டிவி

வின் டிவி மட்டும் தான் நல்ல டிவிவெப்துனியா : வின் டிவி மட்டும் தான் நல்ல டிவி சமீபத்தில் திமுகவின் ஆர்.எஸ்.பாரதி சர்ச்சைக்குரிய சில விஷயங்கள் குறித்து பேசியதை எந்த ஊடகமும் பெரிதாக கண்டிக்கவில்லை என்ற குற்றச்சாட்டு உள்ளது. இந்த நிலையில் பாஜக பிரமுகர் நாராயண் திரிபாதி தனது டுவிட்டர் பக்கத்தில் இதுகுறித்து பதிவு செய்துள்ளதாவது:'
வின்' தொலைக்காட்சியை தவிர வேறு எந்த தொலைக்காட்சியும் தி மு க மீது தமிழ் தொலைக்காட்சிகளுக்கு உள்ள பாசத்தையோ அல்லது அச்சத்தையோ வெளிப்படுத்துகிறது.
பாஜகவினர் தனிப்பட்ட முறையில் தங்களின் கருத்துக்களை தெரிவித்தாலும் கூட, அதை கட்சியின் கருத்தாக்கி இடது சாரிகள், திராவிட அடைமொழி கொண்ட இயக்கங்கள், முற்போக்கு சிந்தனையாளர்கள் என்ற அணிவகுப்போடு பாஜகவின் மீது தாக்குதல் தொடுக்கும் ஊடகவியலாளர்கள் மிக கொச்சையாக, தரம் தாழ்ந்து, கேவலமாக பணத்திற்காக எதையும் செய்யும் விபச்சாரிகள் என்று திமுக சொன்னது ஏன் என்ற கேள்வியை கேட்க கூட தயங்குவது மிக கொடுமை

கொரோனா சீனாவில் 2236 பேர் உயிரிழப்பு .... ஒரே நாளில் பெருமளவு சரிந்த கொரோனா பாதிப்பு


தினத்தந்தி : கொரோனா வைரஸ் பாதிப்பால் சீனாவில் பலியானோர் எண்ணிக்கை 2236 ஆக அதிகரித்துள்ளது.
பெய்ஜிங், சீனாவின் ஹுபெய் மாகாண தலைநகரான உகானில் இருந்து நாடு முழுவதும் பரவிய கொரோனா வைரஸ், தற்போது சீனாவை மட்டுமின்றி உலகம் முழுவதையும் கடுமையாக மிரட்டி வருகிறது. இந்த வைரசால் பாதிக்கப்படுபவர்களின் எண்ணிக்கையும், பலியானோர் எண்ணிக்கையும் நாளுக்கு நாள் அதிகரித்து வருவதால் சீன மருத்துவத்துறையும், அரசும் செய்வதறியாது திகைத்து வருகின்றன.
நேற்று கொரோனா வைரஸ் தாக்குதல் பெரிய அளவில் இருந்து குறைய தொடங்கியுள்ளதாக சீன அரசு அறிவித்தது. இந்நிலையில், சீனாவில் தற்போது வரை கொரோனா வைரஸ் தாக்குதலுக்கு பலியானவர்களின் எண்ணிக்கை 2236 ஆக அதிகரித்துள்ளது. வைரசால் பாதிக்கப்பட்டவர்களின் எண்ணிக்கை 75, 465 ஆக உள்ளது.

சீனர்கள் ஆன்லைன் மூலமே பொருட்களை வாங்குகிறார்கள் .. கொரோன வைரஸ் பாதுகாப்பு ...

Theneeweb : பெய்ஜிங்: சீனாவில் வேகமாகப் பரவி வரும் கரோனா வைரஸ் பாதிப்பு காரணமாக, ஒட்டு மொத்த மக்களும், தங்களது தேவைகளை இன்டர்நெட் மூலம் பூர்த்தி செய்து கொள்ளும் நிலைக்குத் தள்ளப்பட்டுவிட்டனர்.
கரோனா வைரஸ் பாதிப்பு காரணமாக பொதுமக்கள் யாரும் அவசியம் இல்லாமல் வெளியே வர வேண்டாம் என்று சீன அரசு அறிவுறுத்தியது.
இதையடுத்து, தங்களது உணவு மற்றும் அடிப்படைத் தேவைகளை சீன மக்கள் அனைவரும் இணையதளம் மூலம் பொருட்களை வாங்கினால், வீடுகளுக்கேக் கொண்டு வந்து கொடுக்கும் வசதியை பெரிதும் நம்பியுள்ளனர்.
இது பற்றி சீனப் பெண் வாங் கூறுகையில், அவர்களது சேவை இல்லாவிட்டால் எங்களால் இவ்வளவு எளிதாக வாழ்ந்திருக்கவே முடியாது என்கிறார்.