குடும்ப வன்முறையால் பாதிக்கப்பட்டோருக்கு தனியான இல்லம் ! Domestic Violence Shelter

மாணவிகள் மத்தியில் விழிப்புணர்வு பிரச்சாரம் செய்யும் செல்வகோமதி

‘‘சட்டம் படித்து முடிந்ததும், கோர்ட்டுக்குப் போய் வாதாடுவதா, இல்லை... சமுதாயப் பணிக்குப் போவதா என்று எனக்குள்ளே ஒரு மனக் குழப்பம் இருந்தது. செங்கல் சூளையில் கொத்தடிமைகளாக அடைத்து வைத்திருந்த 32 பேரை மீட்டபோது அவர்கள் முகத்தில் தெரிந்த சந்தோஷம், என்னை சமுதாயப் பணியே சரி என முடிவெடிக்க வைத்துவிட்டது’’ சிரித்தபடி சொன்னார் வழக்கறிஞர் செல்வகோமதி.

மதுரையைச் சேர்ந்த செல்வ கோமதி ஒடுக்கப்பட்டோர் உரிமை களுக்காக குரல் கொடுக்கும் ‘சோக்கோ’ அறக்கட்டளையின் துணை இயக்குநர். கடந்த 18 வருடங்களில் தமிழகத்தில் மட்டு மில்லாமல் ஆந்திரம், குஜராத், உத்தரப்பிரதேசம், ஒடிசா உள்ளிட்ட மாநிலங்களில் கட்டிப் போடப் பட்டிருந்த நூற்றுக்கணக்கான கொத்தடிமைத் தொழிலாளர்களின் அடிமை விலங்கை தகர்த்து எறிந்தவர் செல்வகோமதி.

10-ம் வகுப்பு மறுகூட்டலில் நாகர்கோவில் மாணவி மாநில சாதனை: கவனக்குறைவு மதிப்பீட்டுக்கு நடவடிக்கை பா

எஸ்எஸ்எல்சி விடைத்தாள் மறுகூட்டலில் மாநிலத்தில் 2-ம் இடமும், மாவட்டத்தில் முதலிடமும் பெற்று நாகர்கோவில் மாணவி சாதனை புரிந்துள்ளார்.

நாகர்கோவிலை அடுத்த ஈத்தாமொழியை சேர்ந்தவர் பிரபாகரன். இவரது மகள் கவுசல்யா, நாகர்கோவில் அல்போன்ஸா மெட்ரிக் மேல்நிலைப்பள்ளியில் படிக் கிறார். கடந்த ஜூன் மாதம் வெளியான எஸ்எஸ்எல்சி தேர்வு முடிவில், கவுசல்யா தமிழ் பாடத்தில் 98, ஆங்கிலத்தில் 100, கணிதத்தில் 100, அறிவியலில் 100, சமூக அறிவியலில் 93 என 491 மதிப்பெண்கள் பெற்றிருந்தார்.

மாநில அளவில் முதலிடத்தை எதிர்பார்த்த கவுசல்யாவுக்கு தேர்வு முடிவு அதிர்ச்சியை தந்தது. தளராத நம்பிக்கையோடு, சமூக அறிவியல் விடைத்தாளை மட்டும் மறுகூட்டலுக்கு விண்ணப்பித்தார்.

இதற்கான முடிவு வெள்ளிக்கிழமை வெளியானது. இதில், சமூக அறிவியலில் 100 மதிப்பெண் பெற்றிருந்தார். இது முந்தைய மதிப்பெண்ணைவிட 7 அதிகம். ஏற்கெனவே மொத்த மதிப்பெண் 491 பெற்றிருந்த அவர், மறுகூட்டல் முடிவுக்கு பின் 498 மதிப்பெண் பெற்றுள்ளார்.

இந்தியாவில் தெருவோர உணவகங்கள் சுற்றுலா விடுதிகளை விட சுத்தமானவை ! ஆஸ்திரேலிய ஆய்வு !

தெருவோர உணவகங்களில் கிடைக்கும் உணவுகள் சுகாதார மற்றவை, உடலுக்குக் கேடு விளைவிப்பவை என்ற கருத்து தவறாகிவிடும்போல் இருக்கிறது. ஆஸ்திரேலியாவைச் சேர்ந்த பிரபல உணவு வரலாற்று ஆய்வாளர் சார்மைன் ஓ பிரெய்ன், இந்தியாவில் சுற்றுப்பயணம் மேற்கொண்டு, இந்திய உணவு வகைகளைப் பற்றி புத்தகம் எழுதியுள்ளார்.

அதில், இந்திய சுற்றுலா விடுதி களில் வழங்கப்படும் உணவு களைக் காட்டிலும், சாலையோர உணவகங்களில் கிடைக்கும் உணவுகள் பாதுகாப்பானவை என்று அவர் கூறியிருக்கிறார்.

‘தி பெங்குயின் புட் கைடு டூ இந்தியா’ என்ற புத்தகத்தை சார்மைன் ஒ பிரெய்ன் சமீபத்தில் வெளியிட்டுள்ளார். அதில், ‘இட்ஸ் நாட் கர்ரி- ஈட்டிங் இந்தியா’ என்ற தலைப்பில் உள்ளவை குறித்து, மெல்போர்ன் பல்கலைக்கழகத்தைச் சார்ந்த, ஆஸ்திரேலியா இந்தியா நிறுவனத்தில் (ஏஐஐ) விவாதம் வியாழக்கிழமை நடைபெற்றது.

சென்னை கிரிகெட் கிளப்பில் வேட்டிக்கு தடை ! டாக்டர் ராமதாஸ் கடும் கண்டனம் !

டாக்டர் ராமதாஸ் வெளியிட்டுள்ள அறிக்கையில் கூறியிருப்பதாவது:– சென்னையில் உள்ள தமிழ்நாடு கிரிக்கெட் சங்க கிளப்பில் நேற்று மாலை நடைபெற்ற புத்தக வெளியீட்டு விழாவில் பங்கேற்பதற்காக சென்ற சென்னை உயர்நீதிமன்ற நீதிபதி டி. பரந்தாமன், மூத்த வழக்கறிஞர் ஆர். காந்தி ஆகியோர் அனுமதி மறுக்கப்பட்டு, திருப்பி அனுப்பப்பட்டுள்ளனர். இதற்குக் காரணம் அவர்கள் தமிழரின் பாரம்பரிய உடையான வேட்டி அணிந்திருந்திருந்தது தானாம். உயர்நீதிமன்ற நீதிபதியும், மூத்த வழக்கறிஞரும் அவமதிக்கப்பட்டிருப்பது மிகுந்த வேதனை அளிக்கிறது. சென்னையில் தமிழ்நாடு கிரிக்கெட் சங்க கிளப் மட்டுமின்றி, ஜிம்கானா கிளப், மெட்ராஸ் கிளப், போட் கிளப், மெட்ராஸ் கிரிக்கெட் கிளப் உட்பட பத்துக்கும் மேற்பட்ட கிளப்களில் வேட்டிக்கு தடை விதிக்கப்பட்டிருக்கிறது.

அரசியல் செல்வாக்கை காட்டி 50 லட்சம் சுருட்டிய நடன பெண்மணி !

அரசு வேலை வாங்கி தருவதாக கூறி அமைச்சர்கள், அதிகாரிகள் பெயரைப் பயன்படுத்தி ரூ.50 லட்சம் சுருட்டிய பரத நாட்டிய பெண்மணியை சென்னை போலீசார் கைது செய்து சிறையில் அடைத்துள்ளனர். கைது செய்யப்பட்ட பெண் தனது பெயர் ஜோதிலட்சுமி(வயது 35) என்றும், சிவகங்கை மாவட்டம் காரைக்குடி தனது சொந்த ஊர் என்றும் போலீசாரிடம் தெரிவித்துள்ளார். ஆனால் சென்னை உள்பட தமிழகம் முழுவதும், ஜோதிலட்சுமி, புவனேஸ்வரி, ஜெயஜோதி, ஜெயந்தி என்று பல்வேறு பெயர்களில் மோசடி ராணியாக வலம் வந்தவர் சென்னை போலீசாரால் கைது செய்யப்பட்டுள்ளார். இவரது உண்மையான பெயர் எது என்று யாருக்கும் தெரியவில்லை. இவர் மீது தற்போது 3 வழக்குகள் நிலுவையில் உள்ளது. மோசடிராணியாக மாறிய பெண் பரதநாட்டிய நடனப்பெண்மணியாக அரசு விழாக்களில் கலந்து கொண்டு பேரும், புகழும் பெற்றுள்ளார் இந்த நடன ராணி.

ஸ்ரீ திவ்யா : நான் சம்பளத்தை உயர்த்தல !

சம்பளத்தை ஏற்றவில்லை. தயாரிப்பாளருக்கு எந்த தொந்தரவும் தருவதில்லை என்றார் ஸ்ரீதிவ்யா. ‘வருத்தப்படாத வாலிபர் சங்கம் படம் மூலம் அறிமுகமானவர் ஸ்ரீதிவ்யா.  ‘ஊதா கலரு ரிப்பன் உனக்கு யார் அப்பன் பாடல் மூலம் பிரபலமானார். ‘பென்சில், ‘காட்டு மல்லி, ‘ஈட்டி உள்ளிட்ட பல்வேறு படங்களில் நடித்து வருகிறார். இவர் தனது சம்பளத்தை தாறுமாறாக  ஏற்றிவிட்டதாகவும், தயாரிப்பாளர்களுக்கு  தொல்லை தருவதாகவும் தகவல் வெளியானது. இதுகுறித்து ஸ்ரீதிவ்யா கூறும்போது,‘என்னைப் பற்றி வரும் கிசுகிசுக்களில் உண்மை இல்லை. நான் கடின உழைப்பாளி. என்னை வைத்து படம் இயக்கும் இயக்குனர்களுக்கு இது நன்கு தெரியும். தொழில் ரீதியான நடிகையாக எனது வேலையை சரியாக செய்கிறேன். எந்தவொரு சமயத்திலும் எந்த தயாரிப்பாளருக்கும் நான் தொல்லை கொடுத்ததில்லை என்றார். -.tamilmurasu.org

காங்கிரஸ் அரசின் 25 ரயில்வே திட்டங்களை பாஜக அரசு கிடப்பில் போட்டது !

புதுடில்லி:முந்தைய ஐக்கிய முற்போக்கு கூட்டணி அரசு அறிவித்த, 25 ரயில்வே திட்டங்கள் நிறைவேற்றப்படாமல் இருப்பதாக, மத்திய அரசு தெரிவித்து உள்ளது.இதுகுறித்து, ராஜ்யசபாவில், கேள்வி நேரத்தில் பதிலளித்த, மத்திய ரயில்வே அமைச்சர், சதானந்த கவுடா கூறியதாவது:
கடந்த ஆட்சியில் அறிவிக்கப்பட்டவற்றில், சில திட்டங்கள் செயல்படுத்தப்படாமல் உள்ளன. மத்திய அரசின் அனுமதிக்காக அத்திட்டங்கள் காத்திருக்கின்றன. அவ்வகையில், ஐக்கிய முற்போக்கு கூட்டணி அரசு அறிவித்த, 25 ரயில்வே திட்டங்களை செயல்படுத்த, போதிய நிதி ஆதாரம் இல்லாததால், இன்னும் செயல்படுத்த முடியவில்லை.மக்களின் தேவை, நிதி ஆதாரம், ஊழியர்களின் எண்ணிக்கை உள்ளிட்ட பல அம்சங்களை கருத்தில் கொண்டு, திட்டங்களை செயல்படுத்த, மத்திய அரசு அனுமதி வழங்கும். மொத்தமுள்ள, 25 திட்டங்களில், தற்சமயம் மூன்று திட்டங்களை மட்டுமே செயல்படுத்த முடியும். அவை எது என்பது குறித்து, தற்போது கூற முடியாது.இவ்வாறு, அவர் கூறினார் அந்த மூன்று திட்டங்கள் இரண்டு குஜராத்துக்கும், ஓன்று கர்நாடகத்துக்காகவுமாக இருக்கலாம். .dinamalar.com

அடுக்குமாடி கட்டடங்களுக்கு ஒழுங்கு முறை சட்டம் இல்லை

போரூர்: ''முறைகேடாக, கட்டடம் கட்டுபவர்கள் மீது நடவடிக்கை எடுக்கவும், ஒழுங்கு முறை படுத்தவும் சரியான சட்டமும் விதி முறைகளும் இல்லை. அத்தனை விதி முறைகளையும் நாம் அமைப்போம்,'' என, ஒருநபர் கமிஷன் தலைவர் ரகுபதி கூறினார்.கடந்த மாதம், 28ம் தேதி, சென்னை, மவுலிவாக்கத்தில் இடிந்து விழுந்த, 11 மாடி அடுக்குமாடி கட்டடம் குறித்து விசாரிக்க, ஒருநபர் கமிஷனை, தமிழக அரசு அமைத்தது.நேற்று காலை, 9:00 மணியளவில், அந்த கமிஷனின் தலைவர், ஓய்வு பெற்ற நீதிபதி ரகுபதி, இடிந்த கட்டடத்தை ஆய்வு செய்தார்.பின்னர் அவர் நிருபர்களிடம் கூறியதாவது:

இந்த பெரும் சம்பவம் எவ்வாறு நடந்தது, யார் கவனக்குறைவு இதற்கு காரணம் என கண்டறியவும், இனி வரும் நாட்களில் இது போன்ற சம்பவங்கள் ஏற்படாமல் இருக்க, என்னென்ன நடவடிக்கை மேற்கொள்ள வேண்டும் என்பதற்காகவும், இந்த விசாரணை கமிஷன் அமைக்கப்பட்டது. தினமலர் எத்தனையோ முறை பத்திர பதிவு அலுவலங்களில் நடக்கும் லஞ்ச லாவநியன்களை எழுதி, எழுதி ஓய்ந்து விட்டது. பின்பு எப்படித்தான் அரசாங்கம் லஞ்சம் வாங்கும் அலுவலர்களை திருத்த போகின்றது. ஒவ்வொரு பிரச்சனைக்கும் நூற்றுகணக்கில் அப்பாவிகள் பலியான பின்புதான் அரசாங்கம் தூக்கத்தில் இருந்து எழுமா?

கனடா மனைவியின் ஈமெயில் மூலம் காப்பாற்றப்பட்ட திருச்சி காதலியின் வாழ்க்கை !

இலங்கையை சேர்ந்தவர் சாந்திவாசன்(33). இவர் கனடா வில் சாரதியாக வேலை பார்த்து வருகிறார். சாந்திவாசன் வேலை செய்யும் நிறுவனத்தில் இலங்கையை சேர்ந்த சீதா என்பவரும் வேலை செய்தார். அப்போது அவர்கள் இருவருக்கும் இடையே காதல் மலர்ந்தது. பின்னர் இருவரும் திருமணம் செய்தனர். தற்போது அவர்களுக்கு 3 குழந்தைகள் உள்ளனர். இந்நிலையில் சாந்திவாசனுக்கும், சீதாவிற்கும் இடையே தகராறு ஏற்பட்டுள்ளது. கணவன்– மனைவி இருவரும் ஒருவரை ஒருவர் குறை சொல்லி திட்டினர். இதில் ஆத்திரம் அடைந்த சாந்திவாசன், திருச்சியில் எனது முன்னாள் காதலி இருக்கிறாள். அவளை திருமணம் செய்ய போகிறேன், உன்னால் என்ன செய்ய முடியும் என கூறியுள்ளார். நீ எப்படி திருமணம் செய்கிறாய் என பார்த்து விடுகிறேன் என சீதாவும் சவால் விடுத்துள்ளார்.

பெயர்மாற்ற மறுத்த புதுமுக நடிகை அருந்ததி நாயர்

புதுமுக நடிகை பெயர் மாற்றச் சொல்லி இயக்குனர் வற்புறுத்தியும் மாற்ற மறுத்து அடம்பிடிக்கிறார் ஹீரோயின்.எஸ்.ஏ.சந்திரசேகரிடம் இணை இயக்குனராக பணிபுரிந்தவர் ரமேஷ் ரங்கசாமி. இவர் இயக்கும் படம் ‘பொங்கி எழு மனோகரா. படம் பற்றி இயக்குனர் கூறியதாவது:பிரபலமான வசனம் என்பதால் மட்டுமல்ல இப்படத்துக்கு பொருத்தமாகவும் இருந்ததால் இந்த டைட்டில் வைத்தேன். விளையாட்டுபிள்ளையாக துள்ளும் ஹீரோவுக்கு அப்பா என்றால் பயம். அவனுக்கு காதல் உண்டாகிறது. இதில் ஏற்படும் பிரச்னைக்கு தீர்வு என்று நினைத்து அவன் செய்யும் காரியத்தால் அப்பா, நண்பர்கள் என அனைவரையும் பிரிகிறான். ஊரைவிட்டே போகும் ஹீரோ என்ன ஆகிறான் என்பதுதான் கதை. இர்பான் ஹீரோ. அருந்ததி நாயர் ஹீரோயின். மலையாள பெண்ணான இவர் இப்படம் மூலம் அறிமுகமாகிறார். ஏற்கனவே ‘வெளுத்து கட்டு என்ற படத்தில் அருந்ததி என்ற பெயரில் ஒரு நடிகை நடித்திருக்கிறார். எனவே என் பட நாயகியை பெயர் மாற்றிக்கொள்ளும்படி கூறினேன். படத்தில் இடம்பெறும் அவரது கதாபாத்திரமான ஆனந்தி என்ற பெயரை வைத்துகொள்ளுமாறு எடுத்துச் சொன்னேன். ஆனால் அவரோ அப்பா, அம்மா வைத்த பெயரை மாற்ற மாட்டேன் என்று அடம் பிடிக்கிறார். அவர் பெயரை மாற்றிப்போட என்னால் முடியும். ஆனால் அவர் சம்மதத்துக்காக காத்திருக்கிறேன்.  சி.ஜே.ராஜ்குமார் ஒளிப்பதிவு செய்கிறார். எஸ்.ஏ.பரந்தாமன் தயாரிக்கிறார். கண்ணன் இசை அமைக்கிறார். இவ்வாறு இயக்குனர் ரமேஷ் ரங்கசாமி கூறினார். - See more at: tamilmurasu.org

மதுரை காமராஜர் பலகலை கழகத்தின் கேவலம் பாரீர் ! கல்யாணியின் டாம்பீகம் ஜெயாவையே வெட்கப்படவைக்கும் !

மதுரை காமராஜர் பல்கலைக்கழகத் துணைவேந்தர் கல்யாணி மதிவாணனின் பணி நியமனத்தை எதிர்த்துத் தொடரப்பட்ட வழக்கில் அவரது நியமனம் செல்லாது என சென்னை உயர்நீதிமன்றம் தீர்ப்பளித்தது. இதனை எதிர்த்து உச்சநீதிமன்றத்தில் செய்யப்பட்ட மேல்முறையீட்டில், உயர்நீதிமன்றத் தீர்ப்புக்கு இடைக்காலத் தடை விதிக்கப்பட்டது. இதனையடுத்து, பல்கலைக்கழகத்திற்கு வந்த துணைவேந்தர் கல்யாணி மதிவாணனுக்கு கோலாகல வரவேற்பு அளிக்கப்பட்டது.ஜெயலலிதாவும் துணைவேந்தரும் இருப்பதுபோன்ற பேனர்கள், மெகா போஸ்டர்கள் வைக்கப்பட்டிருந்ததுடன், அவரது வாகன அணிவகுப்பின்போது சரப்பட்டாசுகள் வெடிக்கப்பட்டன. கட்சிக்காரர்கள் திரண்டு வந்தனர்.  பல்கலை நுழைவாயிலில் பூத்தட்டுகளுடன் நிற்வைக்கப்பட்டிருந்த சிறுமியர் மலர்  தூவி வரவேற்க, மேள-தாள வாத்தியங்கள் முழங்கின. துணைமுதல்வர் தனது இருக்கைக்குச் செல்லும்பவரை ஆடம்பர வரவேற்புகள் குறையவேயில்லை. இதனால் ஏற்பட்ட பரபரப்பை பார்த்த மதுரைவாசிகள் தங்கள் ஊருக்கு முதல்வர் வருகை தந்துள்ளாரோ என்று நினைத்து விசாரிக்க, துணைவேந்தருக்குத்தான் இந்த வரவேற்பு என்பது தெரிந்ததும் அசந்துபோயினர்.nakkheeran.in

சென்னை மாணவி பல்கலைகழக விடுதியில் தற்கொலை ? மாணவி பெயர் ஹேமலதா !

இது குறித்து போலீஸ் தரப்பில் கூறப்பட்டதாவது:  கொளத்தூரைச் சேர்ந்த பாஸ்கர் மகள் ஹேமலதா (21). இவர் செம்மஞ்சேரி ராஜீவ்காந்தி சாலையில் உள்ள ஒரு தனியார் பல்கலைக்கழகத்தில் பி.இ. மூன்றாமாண்டு படித்து வந்தார். இதற்காக அந்த பல்கலைக்கழக வளாகத்தில் உள்ள விடுதியில் ஹேமலதா தங்கியிருந்தார்.
 வெள்ளிக்கிழமை காலை ஹேமலதா அறை பூட்டியே கிடந்தது. இந்நிலையில் வகுப்புக்கு செல்வதற்காக ஹேமலதாவின் தோழிகள், அவரது அறைக்கு வந்தனர். அப்போது அறை கதவு பூட்டப்பட்டிருப்பதை பார்த்து சந்தேகமடைந்த அவர்கள், ஜன்னல் வழியாக அறையை பார்த்தனர்.
 அப்போது ஹேமலதா,  மின்விசிறியில் தூக்கிட்டு இறந்துகிடப்பதை பார்த்து அவர்கள் அதிர்ச்சியடைந்தனர். இது குறித்து அவர்கள், செம்மஞ்சேரி காவல் நிலையத்துக்கு தகவல் தெரிவித்தனர். தகவலறிந்த போலீஸôர் சம்பவ இடத்துக்கு விரைந்து சென்று, ஹேமலதா சடலத்தை கைப்பற்றி பிரேத பரிசோதனைக்கு அனுப்பி வைத்தனர்.மீடியாக்கள் எல்லாம் பொத்தாம் பொதுவாக செம்மஞ்சேரி தனியார் பலகலை கழக விடுதியில் மாணவி தற்கொலை என்று கூறுகின்றன .அந்த மாணவியின் பெற்றோருக்கு அறிவிக்காமலே பிரேத பரிசோதனைக்கு அனுப்பி விட்டார்கள் , நிச்சயமாக சந்தேகத்திற்கு இடம் இருக்கிறது , மீடியாக்கள் எவ்வளவு பணம் அந்த நிர்வாகத்திடம் வாங்கியிருப்பார்கள் ?அது எந்த ஸ்தாபனம் என்று சொல்லவே மறுக்கும்  மீடியாக்கள்

வரலாற்று ஆவணங்கள் அழிக்கப்படுகிறது ! காவிப்பயங்கரவாதிகள் இனி காந்தியவாதிகள் போன்று காட்சி அளிப்பார்கள் ?

“என்னது, காந்தி செத்துட்டாரா” – இன்னும் கொஞ்ச நாளில் இந்த கலாய்த்தல் எடுபடாமல் போய் விடும். அதாவது காந்தியை கோட்சே கொன்றது மட்டும் வரலாற்றில் இருக்கும். கோட்சேவின் இந்துத்துவ தொடர்பு, சங்க பரிவார தொடர்பு – சிந்தனை அனைத்தும் அதிகாரப் பூர்வ ஆவணங்களில் இல்லாமல் போகலாம்.
வாஜ்பாயி தலைமையில் அமைந்த முந்தைய பா.ஜ.க கூட்டணி அரசு வரலாற்று பாடப் புத்தகங்களை திருத்தி புகழ் பெற்றது. இப்போது பா.ஜ.க.வின் தனிப்பெரும்பான்மை அரசு புத்தகங்களை மட்டுமின்றி அரசு ஆவணங்களையும், தரவுகளையும் அழிக்கும் பணியில் தீவிரமாக இறங்கியிருக்கிறது.
மோடி பதவி ஏற்ற பிறகு மத்திய உள்துறை அமைச்சகம் மகாத்மா காந்தி கொலை வழக்கு தொடர்பான கோப்புகள் உட்பட 1.5 லட்சம் முக்கிய கோப்புகளை அவசர அவசரமாக அழித்திருக்கிறது. காந்தி கொலை வழக்கில் இந்துத்துவ அமைப்புகளுக்கு தொடர்பு இருப்பதை உறுதிப்படுத்தும் கோப்புகளை அழித்து விடுமாறு மோடி கூறியதன்படி இந்த ஆவணங்கள் அழிக்கப்பட்டிருக்கின்றன என்று  சி.பி.எம் உறுப்பினர் ராஜீவி மாநிலங்களவையில் குற்றம் சாட்டியிருக்கிறார்.

டெல்லி இரவு கேளிக்கை விருந்துகளில் அரசியல்வாதிகள் காபறேடுக்கள் , பணம்பட்டுவாடா பெண் உபசாரினிகள் ? என்னாதான் நடக்கிறது ?

தில்லியின் சீமைச்சாராய விருந்தொன்றில் ஜெசிகா லால் என்ற பறிமாறும் பணிப் பெண்ணை மனுசர்மா என்ற இளைஞன் போதை வெறியில் சுட்டுக் கொன்றான். கொலை நடந்தபோது மனு சர்மாவின் நண்பர்களான மூன்று மேட்டுக்குடி இளைஞர்கள் அவனுடன் இருந்தார்கள். இந்தக் கேளிக்கை விருந்தை ஏற்பாடு செய்த பீனா ரமணி என்ற நடுத்தர வயதுப் பெண்மணியும் அங்கேதான் இருந்தாள்.

ஜெசிகா லால்

கொலை நடந்த நகரம் தலைநகரம் திரவுபதியைத் தருமன் பணயப் பொருளாக வைத்துச் சதுரங்கம் ஆடிய காலத்தில் அதன் பெயர் இந்திரப் பிரஸ்தம். பின்னர் அதே சதுரங்கக் கட்டத்தில் காய்களுக்குப் பதிலாக அடிமைப் பெண்களை நகர்த்திய முகலாயர் காலத்தில் அந்நகரத்தின் பெயர் தில்லி. இன்று புதுதில்லி.
தனித்தனிக் கட்டிடங்களில், தனித்தனி அலுவலக வளாகங்களில் ஒன்றுக் கொன்று தொடர்பற்றவை போன்று நடித்து வந்த பகல்நேரத் தில்லி, இரவில் தான் நிர்வாண நிலை எய்துகிறது. வணிகம் – அரசியல் – இராணுவம் – நீதித்துறை – அயலுறவு – பத்திரிகை இன்னபிற துறைகளுக்கிடையிலான உறவுகளைப் பகல் நேரத்தில் புரிந்து கொள்ள முடியாத பாமரர்கள் ஒரேயொரு இரவுநேர விருந்தைக் கண்டால் போதும் – புரிந்து கொள்வார்கள்.
இந்திய மக்களின் தலைவிதியை நிர்ணயம் செய்கின்ற அத்தகையதொரு இரவு விருந்தில்தான் ஜெசிகாவின் தலைவிதியும் நிர்ணயம் செய்யப்பட்டது.
விருந்தளித்த பீனாரமணி, கலந்து கொண்ட மனுசர்மா, பணியாற்றிய ஜெசிகாலால் மூவரின் வாழ்க்கையைப் பரிசீலித்தாலே போதும் – நாம் அறிந்திராத அந்தத் ‘தில்லியை’ அறிந்து கொள்ள முடியும்.

கொலைச்சந்தேக நபர் அமித் ஷா – மோடி ஜனநாயகம் வழங்கும் கிரிமினல் தலைமை

பாரதிய ஜனதா கட்சியின் தேசிய தலைவராக மோடியின் நெருங்கிய கூட்டாளி அமித் ஷா (வயது 50) நேற்று தில்லியில் நடைபெற்ற அக்கட்சியின் ஆட்சிமன்றக்குழுக் கூட்டத்தில் தேர்ந்தெடுக்கப்பட்டார். இது ஏற்கனவே ஊடகங்களில் கசியவிடப்பட்ட செய்திதான். ஆர்.எஸ்.எஸ் ஆதீனத்தின் தலைவர் தனது வாரிசை தேர்ந்தெடுப்பது போன்று மோடி தனக்கு பிறகு கட்சியில் நம்பர் 2 வாக அமித் ஷாவை அறிவித்திருக்கிறார். ஒரு கட்சியின் தலைவர் யார் எனும் ஆவல் இத்தகைய ஆளும் வர்க்க கட்சிகளுக்கு பொருந்தாது என்றாலும், சொல்லிக் கொள்ளப்படும் ஜனநாயக நடைமுறைகளை காவிக் கூட்டம் எப்படி நாறடிக்கிறது என்பதை மூக்கை பொத்திக் கொண்டு பரிசீலிக்க வேண்டியிருக்கிறது.

மோடியுடன் அமித்ஷாவும் சேர்ந்தே வருவார்.

தற்போது நாடாளுமன்ற உறுப்பினர்களாக இருப்பவர்களில் 30% பேர் கிரிமினல் குற்ற வழக்குகளில் தொடர்புடையவர்கள் என்ற தகவல்கள் வெளியான போது, ஓராண்டுக்குள் அவர்கள் அனைவர் மீதும் நடைபெறும் விசாரணையை முடுக்கி விட்டு குற்றவாளிகளை இனம் கண்டு தண்டித்து நாட்டை கிரிமினல்களிடமிருந்து காப்பாற்றுவேன் என்று உறுதி மொழி அளித்திருந்தார் பிரதமர் மோடி. இவர் மீதே வழக்குகளும், குற்றச்சாட்டும் உண்டு எனும் விபரத்தை அமல்படுத்தினால் இந்த உபதேசம் பல்லிளிக்கும், போகட்டும், மற்றவர் மீதும் இந்த உபதேசம் எப்படி வினையாற்றும்?
பாஜகவின் தேசிய தலைவராக நியமிக்கப்பட்டிருக்கும் அமித் ஷா மீது குஜராத்தில் சோராபுதீன், துளசிராம் பிரஜாபதி ஆகியவர்களைக் கொன்ற போலி மோதல் வழக்குகள் இன்னும் நிலுவையில்தான் உள்ளன. 2010-ல் குஜராத்தில் உள்துறை அமைச்சராக இருந்த போது இதற்காக பதவி விலகிய அமித் ஷா உடனடியாக மத்திய புலனாய்வு துறையினரால் கைது செய்யப்பட்டு மூன்று மாதம் சபர்மதி சிறையிலும் இருந்திருக்கிறார்.

இந்திய ஆளும்வர்க்கத்தின் டெல்லி பங்களாக்கள் பல பில்லியன் பெறுமதியானவை . அதே டில்லியில் கோணிப்பைகளில் ஏழைகளின் குடிசைகள்!

தில்லி மாநில முன்னாள் முதல்வர் திருமதி ஷீலா தீட்சித் தற்போது கேரள மாநில ஆளுநராக இருக்கிறார். காங்கிரசு கட்சியை சேர்ந்த இவரை எளிமையானவர், கறை படியாத கரங்களுக்கு சொந்தக்காரர் என்றெல்லாம் ஆரம்பத்தில் புகழ்ந்து தள்ளினார்கள். இடையில் இந்த புகழ் லட்சணம் காமெல்வெல்த் கட்டுமான ஊழலிலேயே சிரிப்பாய் சிரித்தது. சாலைகள் அமைத்தது, அதிக விலை கொடுத்து தெருவிளக்குகளை வாங்கியது என அடுத்தடுத்து அவர் மீது ஊழல் குற்றச்சாட்டுகள் வெளிவந்த வண்ணம் இருந்தன.

ஷீலா தீட்சித்

இப்படி ஒருபுறம் இருக்க இந்திய பத்திரிகையாளர்கள் சங்கம், 2008-ன் சிறந்த மாநில முதலமைச்சராக இவரைத்தான் தெரிவு செய்தது. சிறந்த அரசியல்வாதிக்கான என்.டி.டி.வி விருதை 2009-ல் பெற்றார். காமன்வெல்த் ஊழலில் கல்மாடியும், டெல்லியை ஆண்ட காங்கிரசு அரசும் புழுத்து நாறிய 2010-ம் ஆண்டில்தான் இந்தோ-இரான் நட்புறவு கழகத்தின் விருதும், 2013-ல் முதலாளிகள் அமைப்பான அசோசெம்-இன் கடந்த பத்தாண்டுகளில் பொதுவாழ்வில் ஈடுபட்ட பெண்களில் தலைசிறந்தவர் என்பதற்கான விருதும் ஷீலா தீட்சித்திற்கு கிடைத்திருந்தன.

கலைஞர் : ஒன்றிரண்டு கட்சிகளை தவிர முளைக்கின்ற கட்சிகள் எல்லாம் சுவரொட்டி கட்சிகள்தான் ! ஆ அப்படியா கலைஞரே ?

தமிழ்நாட்டில் இருக்கின்ற கட்சிகளில் ஒன்றிரெண்டு கட்சிகளைத் தவிர, புதிது புதிதாக முளைக்கின்ற கட்சிகள் எல்லாம் சுவரொட்டிக் கட்சிகளாகத் தான் இருக்கின்றன" என்று திமுக தலைவர் கருணாநிதி கூறினார்.

திமுக மாநிலங்களவை உறுப்பினர் தங்கவேலு இல்லத் திருமண விழாவில் அவர் பேசியது:

சென்னையிலே, அதிலும் அண்ணா அறிவாலயத்திலே இது போன்ற சமுதாய சீர்திருத்தத் திருமணங்கள் தொடர்ந்து நடைபெற்று வருகின்றன. அதிலும் குறிப்பாக என்னைப் பொறுத்தவரையில், என்னுடைய இல்லத்தில் வாரம் ஒரு திருமணமாவது, சுயமரியாதைத் திருமணம் நடைபெறுகிறது என்பதை நான் பெருமையோடு, கர்வத்தோடு சொல்லிக் கொள்ள விரும்புகிறேன்.

ஏன் இதைப் பெருமையோடு சொல்கிறேன் என்றால், இது போன்ற அறிவார்ந்த சீர்திருத்த சுயமரியாதைத் திருமணங்களை நடத்திக் கொள்வதற்கு ஒரு காலத்தில் முன்வராத இந்தச் சமுதாயம், பார்ப்பனர்களுக்கு, பார்ப்பனியத்திற்கு அடிமைப்பட்டுக் கிடந்த இந்தச் சமுதாயம், விழிப்புற்று, தாழ்த்தப்பட்ட, பிற்படுத்தப்பட்ட, துரத்தப்பட்ட நிலையிலே இருந்த மக்களைக் கொண்ட சமுதாயம் இன்றைக்கு இவ்வளவு பெரிய எழுச்சிக்கு, இந்த எழுச்சியை நான் சமுதாயச் சீர்திருத்தம் என்ற தலைப்பிலே பார்க்கிறேன்.

அரசியல் விழிப்புணர்ச்சி இன்றைக்கு இந்த இனத்திற்கு ஏற்பட்டிருக்கிறதா என்றால் இல்லை. கலைஞரின் வாயில் இருந்து இந்த நோகடிக்கும்  கருத்து  அவரின் கூட்டணி  கட்சி தொண்டர்களையும் தலைவர்களையும் எவ்வளவு தூரம் நோகடித்திருக்கும் என்பதை  இனி வரும் தேர்தல்களிலும்  திமுகவுக்கு தெரியவரும். ஏற்கனவே  திருமாவை தொகுதி பங்கீட்டில் உதாசீன படுத்தி கூட்டணி தொண்டர்களிடையே  ஒற்றுமைய குலைத்தது போதாதா ? அதன் பெறுபேறுகளை பார்த்தும் புத்தி வரவில்லை 

வைகோ: தொலைநோக்குப் பார்வை கொண்ட பட்ஜெட் ! இனி இந்த பட்ஜெட்டை ஐநா வரவேற்கும் நெப்போலியன் போற்றுவான் மாஜினி புகழ்வான் !

மதிமுக பொதுச்செயலாளர் வைகோ வெளியிட்டுள்ள அறிக்கையில் கூறியிருப்பதாவது: கடந்த பத்து ஆண்டுக்கால காங்கிரஸ் கூட்டணி அரசின் தவறான கொள்கைகளால் வீழ்ந்து கிடந்த இந்தியப் பொருளாதாரத்தைச் சரிவில் இருந்து மீட்டு உயர்த்துகின்ற வகையில், நிதி அமைச்சர் அருண் ஜெட்லி தாக்கல் செய்த, இந்திய அரசின் பொது வரவு, செலவுத் திட்ட நிதிநிலை அறிக்கை அமைந்துள்ளது. நரேந்திர மோடி தலைமையிலான தேசிய ஜனநாயகக் கூட்டணி அரசு, மாநில உரிமைகளை மதிக்கும் அரசாகத் திகழும் என்பதற்கு அடையாளமாக, நாட்டின் ஒருங்கிணைந்த வளர்ச்சியில் மாநிலங்களுடன் இணைந்து செயல்படுவோம் என்று நிதி அமைச்சர் கூறியுள்ளது மகிழ்ச்சி அளிக்கிறது. வைகோ சொன்னா வடிவேலு சொன்ன மாதிரி ! எதோ ஒரு flow வில சொல்லிட்டம்ல ? அட இருந்தாலும் அர்த்தம் சரிதானுங்கோ

தங்கம் விலை சவரனுக்கு 440 ரூபாய் உயர்வு

மத்திய பொது பட்ஜெட்டை நிதி மந்திரி அருண் ஜெட்லி தாக்கல் செய்ததையடுத்து பங்குச்சந்தைகள் சற்று சரிந்தன. சென்செக்ஸ் 72 புள்ளிகள் குறைந்து, 25372-ல் வர்த்தகம் முடிவடைந்தது. இதேபோல் தங்கம் விலையும் சற்று அதிகரித்தது. இன்று மாலை நிலவரப்படி 22 காரட் தங்கம் சவரனுக்கு 440 ரூபாய் உயர்ந்து, சவரன் 21 ஆயிரத்து 720 ரூபாய்க்கு விற்பனை செய்யப்பட்டது. இதேபோல் 22 காரட் தங்கம் கிராமுக்கு 55 ரூபாய் உயர்ந்து ரூ.2715-க்கு விற்பனை ஆனது. 24 காரட் தங்கத்தின் விலை கிராமுக்கு 59 உயர்ந்து, ரூ.2904-க்கு விற்பனை ஆனது. இதேபோல் வெள்ளியின் விலையும் இன்று அதிகரித்தது. பார் வெள்ளி கிலோவுக்கு 955 ரூபாய் அதிகரித்து ரூ.46300 என்ற நிலையில் இருந்தது. ஒரு கிராம் ஒரு ரூபாய் உயர்ந்து ரூ.49.30க்கு விற்பனை செய்யப்பட்டது

வாடகை புகார்களை போலீசார் விசாரிக்கக் கூடாது: உயர் நீதிமன்றம் உத்தரவு

சென்னை: வாடகை தொடர்பான புகார்களை விசாரிக்க போலீசாருக்கு அதிகாரம் கிடையாது என்று சென்னை உயர்நீதிமன்றம் உத்தரவிட்டுள்ளது. சென்னை உயர்நீதிமன்றத்தில் சுரேஷ் என்பவர் மனு ஒன்றை தாக்கல் செய்திருந்தார். அதில் கூறப்பட்டுள்ளதாவது: சென்னை அண்ணாசாலையில் உள்ள அண்ணாமேம்பாலம் அருகே உள்ள வணிக வளாகத்தில் கடை வைத்துள்ளேன். இந்த வணிக வளாக கட்டிடத்தின் உரிமையாளர் பி.சையத் ஓமர் சஜித் என் மீது தேனாம்பேட்டை போலீசில் புகார் மனு ஒன்றை கொடுத்துள்ளார். அதில் நான் அவருக்கு வாடகை தரவில்லை என்றும் என்னிடம் இருந்து வாடகையை வசூலித்து தரவேண்டும் என்றும் என்னை கடையில் இருந்து வெளியேற்றவேண்டும் என்றும் கூறியிருந்தார். இதையடுத்து தேனாம்பேட்டை இன்ஸ்பெக்டர் குற்றவியல் விசாரணை முறை சட்டம் பிரிவு 161-ன் கீழ் எனக்கு நோட்டீசு அனுப்பி, விசாரணைக்கு வரும்படி அழைத்தார். நான் வழக்கறிஞருடன் சென்று புகாரை படித்து பார்த்தபோது அதில் எந்த கிரிமினல் புகாரும் இல்லை. சிவில் பிரச்சினை உள்ள இந்த புகாரின் அடிப்படையில் என்னை துன்புறுத்தக்கூடாது என்று போலீசாருக்கு உத்தரவிட வேண்டும். இவ்வாறு அதில் கூறப்பட்டு இருந்தது.

கணித மேதை ராமானுஜனின் மனைவி - ஞாநி

இரவுக் காட்சிகள் பார்ப்பதில்லை என்ற பத்தாண்டு விரதத்தை முறித்து, நேற்று இரவு ஞான ராஜசேகரனின் 'ராமானுஜன்' படச் சிறப்புக் காட்சிக்குச் சென்றேன். சில குறைகள் இருந்தபோதும் நல்ல முயற்சி. படத்தின் சிறப்பு அம்சம் ரமேஷ் விநாயகத்தின் இசை. படம் பார்த்து முடிந்து வந்தபின் நள்ளிரவுக்கு மேல் கணித மேதை ராமானுஜனின் மனைவி ஜானகி அம்மாளைப் பற்றிய குறிப்புகளை இணையத்தில் தேடிப் பிடித்துப் படித்துக் கொண்டிருந்தேன்.

பஞ்சாயத்து உத்தரவுப்படி 10 வயது சிறுமியை பலாத்காரம் செய்த வாலிபர் ! ஜார்கண்டில் கேவலம் !

10-Year-Old Raped Allegedly On Panchayat Chief's Order
பொகாரோ: ஜார்க்கண்ட் மாநிலத்தில் பஞ்சாயத்து தலைவரின் உத்தரவின்பேரில் 10 வயது சிறுமி அவரது பக்கத்து வீட்டுக்காரரால் பாலியல் பலாத்காரம் செய்யப்பட்டுள்ளார். ஜார்க்கண்ட் மாநிலம் பொகாரோ மாவட்டத்தில் உள்ள ஸ்வாங் குல்குலியா தவ்ரா கிராமத்தைச் சேர்ந்த 25 வயது வாலிபர் கடந்த திங்கட்கிழமை இரவு மது அருந்திவிட்டு பக்கத்து வீட்டுக்குள் புகுந்து அங்கிருந்த பெண்ணிடம் தகாத முறையில் நடக்க முயற்சி செய்துள்ளார். இதை பார்த்த அந்த பெண்ணின் கணவர் குடிகாரரை அடித்து வெளியே விரட்டிவிட்டார். இதையடுத்து அந்த நபர் போதை தெளிந்ததும் பஞ்சாயத்தை கூட்டி பக்கத்துவீட்டுக்காரர் தன்னை தாக்கியதாக கூறினார். இதை கேட்ட பஞ்சாயத்து தலைவர் போபால் பாசி பக்கத்துவீட்டுக்காரர் தாக்கியதற்காக அவரது 10 வயது மகளை பாலியல் பலாத்காரம் செய்யுமாறு உத்தரவிட்டார். இதையடுத்து அந்த குடிகார ஆசாமி பஞ்சாயத்தினர் கண் முன்பே சிறுமியை இழுத்துச் சென்று அருகில் உள்ள புதரில் வைத்து பலாத்காரம் செய்தார்.

.2 ஆயிம் கோடி படேலின் சிலை ! மெட்ரோ ரயிலுக்கு ரூ.100 கோடி! படேல் சிலைக்கு ரூ.200 கோடிஒதுக்கும் பட்ஜெட் !!

டெல்லி: நாட்டு மக்கள் விலைவாசி உயர்வால் பசியும் பட்டினியுமாக இருக்கும் இந்த சூழ்நிலையில், குஜராத் மாநிலத்தில் சர்தார் வல்லபாய் படேல் சிலை அமைக்க, மத்திய அரசு ரூ.200 கோடியை ஒதுக்கும் என்று பட்ஜெட்டில் நிதி அமைச்சர் அருண்ஜெட்லி அறிவித்துள்ளது சர்ச்சையை ஏற்படுத்தியுள்ளது. இந்தியாவின் இரும்பு மனிதர் என்று போற்றப்படும், நாட்டின் முதல் உள்துறை அமைச்சரான சர்தார் வல்லபபாய் படேலின் பிரமாண்ட உயரச் சிலை குஜராத் மாநிலம் பாரூச் நகரில் உள்ள கேவாடியா பகுதியில் அமைக்கப்பட உள்ளது.

ஒற்றுமைச் சிலை என்ற பெயரில் அமைக்கப்பட உள்ள, உலகிலேயே உயரமான இச்சிலைக்கு, படேலின் பிறந்த தினமான கடந்தாண்டு அக்டோபர் 31ம்தேதி, அப்போதைய குஜராத் முதல்வர் நரேந்திர மோடி அடிக்கல் நாட்டினார்.

ரூ.2 ஆயிம் கோடி படேலின் சிலை மொத்தம் 182 மீட்டர் (597 அடி) உயரம் கொண்டதாக இருக்கும். மெகலோ மேனியாக் என்ற கொடிய மனவியாதி கும்பலிடம் மாட்டிகிட்டோம் பய புள்ளே

நடிகர்களின் சேவை வரியை ரத்து செய்ய வேண்டுமாம் ! சரத்து குமாரு கோரிக்கை ! அவிங்க ரொம்ப கஷ்ட்டப்படு கிராகளாம் ?

நடிகர், நடிகைகளுக்கு விதிக்கப்பட்ட சேவை வரியை ரத்து செய்ய வேண்டும் என்று மத்திய நிதி மந்திரி அருண் ஜெட்லிக்கு, தென்னிந்திய நடிகர் சங்க தலைவர் ஆர்.சரத்குமார் எம்.எல்.ஏ., கடிதம் எழுதியுள்ளார். இதுகுறித்து தென்னிந்திய நடிகர் சங்க தலைவர் ஆர்.சரத்குமார் எம்.எல்.ஏ., மத்திய நிதி மந்திரி அருண் ஜெட்லிக்கு அனுப்பியுள்ள கடிதத்தில் கூறப்பட்டிருப்பதாவது:- தென்னிந்திய திரையுலகத்தின் சார்பில் முன்னாள் நிதி மந்திரி மற்றும் சம்பந்தப்பட்ட அதிகாரிகளை டெல்லியில் சந்தித்து சேவை வரியை ரத்து செய்யக்கோரி நேரடியாக கோரிக்கை வைத்தோம். அதேபோல், கடந்த 2013-ம் ஆண்டு ஏப்ரல் மாதம் 2-ந் தேதி அனைத்து நடிகர், நடிகைகளும் இணைந்து உண்ணாவிரத போராட்டம் இருந்தார்கள். இவ்வளவு முயற்சிகள் எடுத்தும் சேவை வரியை ரத்து செய்யவில்லை. எனவே கீழ்க்கண்ட காரணங்களுக்காக சேவை வரியை ரத்து செய்ய கோருகிறோம்.

* திரைப்பட நடிகர்-நடிகைகள் நாட்டில் பேரிடர் ஏற்படும் போதும், போர் அபாயம் ஏற்படும் போதும் தேவையான நிதியை வசூல் செய்து கொடுப்பதுடன் நாட்டிற்கு தேவையான அனைத்து நல்ல கருத்துக்களை திரைப்படம் மூலம் பரப்பி வருகிறோம். சினிமாகாரயங்க தான் இப்போ உலக பணக்கார வரிசைல அல்லது இந்திய பணக்காரைங்க வரிசைல வாராயங்க. வாயில நல்ல வருது ! இவங்களாலதான் ஜாதிகலவரம் அருவா வெட்டு ,பாலியல் வன்முறை அல்லாம் நாட்டில பெருகிடுச்சு இதுக்குள்ளார நல்ல மசேஜ் வேற கொடுக்கிராயங்களாம்

ஜெயலலிதாவுக்கு உறுதுணையாக நின்ற தலைமை தேர்தல் ஆணையர் மீது வழக்கு தொடர அனுமதி தர வேண்டும்

சென்னை : திமுக தலைவர் கருணாநிதி கேள்வி பதில் அறிக்கை:நாடாளுமன்றத் தேர்தலில் அதிமுக அரசும், தேர்தல் ஆணையமும்  இணைந்து நடத்திய முறைகேடுகள் குறித்து விசாரணை நடத்த வேண்டுமென்று திமுக சார்பில் பேராசிரியர் அன்பழகன் கோரிக்கை மனுவினை மாநிலங்களவை உறுப்பினர் கனிமொழி தலைமையில் கொடுத்தது என்னவாயிற்று?தமிழகத்தின் வரலாற்றில் இல்லாதவாறு, வாக்குப் பதிவுக்கு 2 நாட்களுக்கு முன்பிருந்து 144 தடை உத்தரவு பிறப்பிக்கப்பட்டு,  அதிமுகவினர் தங்கு தடையின்றி வாக்காளர்களுக்குப் பணம் விநியோகிக்க வழிவகை செய்யப்பட்டது. இரவு 10 மணிக்கு மேல் கூட வீடு வீடாகச் சென்று ஆதரவு கேட்கலாம் என்று தேர்தல் அதிகாரி பிரவீன் குமார் கூறினார். இது போன்ற ஆதாரபூர்வமான புகார் களை தெரிவித்துத்தான் தலைமைத் தேர்தல் ஆணையர் வி.எஸ். சம்பத் மீது உரிய நீதிமன்றத்தில் வழக்குத் தொடுப்ப தற்கான அனுமதியினை குடியரசுத் தலைவரிடம் கேட்டோம்.

மண்பாண்ட தொழிலாளர்களுக்கு மழைக்கால நிவாரணம் முதல்முறையாக அறிமுகம் !

கும்பகோணம் : தமிழகத்தில் முதன்முறையாக மண்பாண்டத் தொழிலாளர்களுக்கு மழைக்கால நிவாரண நிதியாக ஆண்டுக்கு ரூ.4,000 வழங்க நடவடிக்கை எடுக்கப்பட்டு வருகிறது.பித்தளை, எவர்சில்வர், பிளாஸ்டிக் பாத்திரங்களின் வரவால் மண்பாண்டங்களின் பயன்பாடு பெரும்பாலும் குறைந்து விட்டது. இந்த தொழிலை நம்பியிருந்த தொழிலாளர்கள் வேறு தொழிலுக்கு சென்று விட்டனர். தற்போது குறைவான மண்பாண்ட தொழிலாளர்களே கார்த்திகை விளக்குகள், பொங்கல் பானைகள், அடுப்புகள், கோடைக்காலங்களில் குடிநீர் பானைகள் போன்றவற்றை தயாரித்து வருகின்றனர். மழைக் காலங்களான கார்த்திகை, தை மாதங்களில் மட்டும்தான் இவர்களுக்கு வேலை இருக்கும்.இந்த காலகட்டத்தில்தான் விளக்குகள், பொங்கல் பானைகளை உற்பத்தி செய்வார்கள். இந்த மாதங்கள் மழைக்காலமாக இருப்பதால் இவற்றை போதிய அளவு உற்பத்தி செய்ய முடிவதில்லை. இதனால் அவர்களுக்கு வருமானம் பாதிக்கப்படுகிறது.

நேரடியாக மக்களின் கைகளில் மானிய தொகைகள் வழங்கப்படும் !

புதுடெல்லிt; வறுமைக்கோட்டுக்கு கீழே வாழ்பவர்களுக்கு நேரடி ரொக்க மானியம் வழங்கப்படும் என பொருளாதார ஆய்வறிக்கையில் நிதி மந்திரி அருண் ஜெட்லி அறிவித்தார்.
பொருளாதார ஆய்வறிக்கை
பாராளுமன்றத்தில் பொது பட்ஜெட்டை தாக்கல் செய்வதற்கு முந்தைய நாள், பொருளாதார ஆய்வு அறிக்கையை நிதி மந்திரி தாக்கல் செய்வது மரபாக உள்ளது.
இன்று (வியாழக்கிழமை) பாராளுமன்றத்தில் பொது பட்ஜெட்டை நிதி மந்திரி அருண் ஜெட்லி தாக்கல் செய்கிறார். இந்த நிலையில், மரபுப்படி 2013–14 நிதி ஆண்டுக்கான பொருளாதார ஆய்வு அறிக்கையை, பாராளுமன்றத்தில் நேற்று அவர் தாக்கல் செய்தார். இதுதான் மத்தியில் புதிதாக ஆட்சி பொறுப்புக்கு வந்துள்ள நரேந்திர மோடி அரசின் முதலாவது பொருளாதார ஆய்வறிக்கை ஆகும்.
நேரடி ரொக்க மானியம் இதில் இடம்பெற்றிருக்கிற முக்கிய அம்சங்கள் வருமாறு:–
* மானிய திட்டங்களுக்கான மொத்த பணமும் ஏழைகளுக்கு சென்றுவிடுவதில்லை. 2008–09–ம் ஆண்டுக்கு பின்னர் மானியங்களால் நிதி பற்றாக்குறை அதிகரித்து வருகிறது.காங்கிரஸ் கொண்டு வந்த நல்ல திட்டம் இது ஜெயாவை போல முந்தய ஆட்சி திட்டம் என்று கிடப்பில் போடாமைக்கு நன்றி

மோடி அரசு மீது ஜெ., மென்மையான போக்கு: வழக்குகளில் இருந்து தப்பிக்கவா; கம்யூ.,சந்தேகம்

மோடி அரசு மீது ஜெயலலிதா மென்மையான போக்கை கடைப்பிடிப்பது வழக்குளில் இருந்து தப்பிக்கவா என சந்தேகப்படுவதாக மார்க்சிஸ்ட் மாநில செயலாளர் ஜி.ராமகிருஷ்ணன் தெரிவித்தார்.
மார்க்சிஸ்ட் கம்யூனிஸ்ட் கட்சியின் தமிழ்மாநில செயற்குழு கூட்டம் இரண்டு நாட்கள் நெல்லை மாவட்டம் குற்றாலத்தில் நடந்தது. கூட்டத்தில் மேற்கொண்டு தீர்மானங்கள், முடிவுகள் குறித்து மாநில செயலாளர் ஜி.ராமகிருஷ்ணன் நிருபர்களிடம் கூறியதாவது: ரயில்வே பட்ஜெட்டில் அறிவிக்கப்பட்டுள்ள பயண கட்டண, சரக்கு கட்டண உயர்வு விலைவாசி உயர்வை ஏற்படுத்தும். வெளிநாட்டு கம்பெனிகளை ரயில்வே துறையில் முதலீட்டிற்கு அனுமதிப்பது மோசமான விளைவுகளை உருவாக்கும். இதற்கு எதிராக இயக்கம் நடத்தப்படும். தமிழகத்தில் சட்டம் ஒழுங்கு மோசமடைந்து வருகிறது. தமிழக அரசு நியமனத்தில் லஞ்சம் நீடிக்கிறது. மவுலிவாக்கம் 11 மாடி கட்டடம் இடிந்துவிழுந்த சம்பவத்தில், தரப்பட்ட லே-அவுட் அனுமதியில் முறைகேடுகள் நடந்திருக்கிறது. இதில் தொடர்புடையவர்கள் மீது நடவடிக்கை எடுக்கவேண்டும்.

America H1B விசாவுக்கு அமெரிக்கர்கள் எதிர்ப்பு ! இந்தியர்களுக்கு முன்னுரிமை அளிப்பதாக வழக்கு !

புதுடில்லி:அமெரிக்காவுக்கு தற்காலிக பணியாளர்களாக செல்லும், இந்தியர்களுக்கு வழங்கப்படும், 'எச்1பி' விசாவுக்கு, அந்நாட்டு பணியாளர்கள் எதிர்ப்பு தெரிவித்துள்ளனர்.அமெரிக்காவில் தற்காலிகமாக பணிபுரிவதற்காக, 'எச்1பி' விசாவை அந்நாட்டு அரசு வழங்குகிறது. ஆண்டுதோறும், 85 ஆயிரம் விசாக்கள் வழங்கப்படுகின்றன.இந்த விசாவை பெற்றவர்கள், ஆறு ஆண்டுகள் வரை, அமெரிக்காவில் தங்கியிருந்து பணிபுரியலாம். அமெரிக்காவில், ஏறக்குறைய ஆறு லட்சம் பேரிடம் இந்த விசா உள்ளது.இந்நிலையில், அதிகளவு இந்தியர்களுக்கு, இந்த விசா வழங்கப்படுவதால், தங்களுக்கு பணி வாய்ப்பு மறுக்கப்படுவதாக, அமெரிக்கர்கள் எதிர்ப்புத் தெரிவித்து வழக்கு தொடர்ந்துள்ளனர்.

ஹரியானாவில் பெண்களுக்கு கடும்தட்டுப்பாடு ! 1000 ஆண்களுக்கு 879 பெண்கள் ! பீகாரில் இருந்து இம்போட் செய்ய யோசனை !

ஹரியாணாவின் இளைஞர்கள் அனைவரும் கட்டாயமாக மணமுடிக்க பிஹாரில் இருந்து மணப்பெண்களை அழைத்து வருவோம்’ எனக் கூறிய சர்ச்சைக்குரிய கருத்தால், பாஜக விவசாயிகள் பிரிவின் தேசிய தலைவர் ஒ.பி.தன்கருக்கு சிக்கல் ஏற்பட்டுள்ளது. இதற்காக, அவர் மீது முசாபர்பூரின் நீதிமன்றத்தில் செவ்வாய்கிழமை வழக்கு தொடுக்கப்பட்டுள்ளது.

கடந்த வெள்ளிக்கிழமை ஹரியாணாவின் நர்வானாவில் பாஜகவின் விவசாயிகள் மகாசபை கூட்டம் நடந்தது. இதில் கலந்து கொண்டு பேசிய தன்கர், பிஹாரின் எதிர்கட்சித் தலைவரான சுசில்குமார் மோடி தம் நண்பர் எனவும், அவர் மூலமாக இங்குள்ளவர்களுக்கு பொருத்தமான மணப்பெண்களை பிஹாரிலிருந்து கொண்டு வருவதாகவும் தெரிவித்தார். இதை தம் தேர்தல் பிரச்சாரத்தின் போதும் ஒவ்வொரு கிராமத்திலும் தெரிவித்ததாக அவர் மேலும் கூறியிருந்தார்.

திமுகவை இன்னும் கலைஞரின் குடும்பத்தினரும் புரிந்து கொள்ளவில்லை ! அதன் தலைவர்களும் புரிந்து கொள்ளவில்லை !

‘இன்றைய திமுக காரர்கள் பெரியாரை புரிந்து கொள்ளவில்லை. பெரியாரை புறக்கணிக்கிறார்கள்’ என்று ஆதங்கப்படுகிறார்கள் பெரியார் மீது அன்பு கொண்ட திமுக அபிமானிகள்.

பெரியாரை விடுங்கள்; திமுக காரர்களுக்கு கலைஞரையே தெரியவில்லை. மொழி உணர்வு, சமூக நீதி அரசியல் போன்றவற்றில் அவர்கள் கலைஞரின் நிலைக்கே வளரவில்லை. அதன் பிறகு அண்ணா, அப்புறம் எங்கிருந்து பெரியார்?

கலைஞர் எழுதிய புத்தகங்களில் இரண்டு புத்தகங்களின் பெயர்களை, பெரும் பணக்காரர்களாக இருக்கிற அவரின் பேரன்களில் யாராவது ஒருவரை ‘சட்’ டென்று சொல்லச் சொல்லுங்கள் பார்க்கலாம்.

கலைஞர் மூலமாக கழகத்திற்கு வந்த, மூத்த திமுக வின் எளிய தொண்டர்களுக்கு; அவரின் பேச்சு, வசனம், எழுத்துக்கள் அத்துப்படி. அவர்களிடம் திமுகவிற்கு எதிராகவோ கலைஞருக்கு எதிராகவோ யாரும் பேசி வெற்றி பெற முடியாது. கம்யுனிஸ்ட் கட்சிக்காரர்களையே விவாதத்தில் கலங்க அடிப்பார்கள்.

மொழி உணர்வும், சமூக நிதி அரசியலும் தெளிவாக தெரிந்தவர்கள். அவர்களின் குழந்தைகளுக்கு மத சார்பற்ற தனித்தமிழ்ப் பெயர்களை சூட்டியவர்கள்.
ஆனால், இன்று..? கலைஞரின் குடும்பத்திலேயே தமிழ்ப் பெயர்கள் இல்லை.

ஆக, திமுக காரர்கள் உடனடியாக செய்ய வேண்டியது, கலைஞரின் அரசியல் அறிவுக்கு ஏற்ப தங்களை தயார் செய்து கொள்வது தான். அதுதான் திமுக வை தூக்கி நிறுத்தும்.
அதன் பிறகு பெரியாரிடம் வரலாம். வராவிடிலும் பிரச்சினை இல்லை.

முதலில் கூரை ஏறி கோழி புடிங்க.. அப்புறம் வானம் ஏறி வைகுண்டம் போகலாம். mathimaran.wordpress.com

சென்னையில் இடிந்து விழும் நிலையில் நூற்றுக்கணக்கான கட்டிடங்கள் ?

சென்னை நகரில் நூற்றுக்கணக்கான கட்டிடங்கள் இடிந்து விழும் நிலையில் உள்ளதாக 2 ஆண்டு களுக்கு முன்பு மாநகராட்சி எடுத்த கணக்கெடுப்பில் தெரியவந்துள்ளது. ஆனால், அந்தக் கட்டிடங்களை பலப்படுத்த இதுவரை நடவடிக்கை எடுக்கப்படாமல் உள்ளது.

போரூர் அருகே மவுலிவாக்கம் கட்டிட விபத்தில் 61 பேர் பலியான சம்பவம் தமிழகத்தில் பெரும் அதிர்ச்சியை ஏற்படுத்தியது. அந்த சோகம் மறைவதற்குள் திருவள்ளூர் மாவட்டம் அலமாதி அருகே தனியார் குடோன் சுற்றுச்சுவர் இடிந்து விழுந்து 11 தொழிலாளர்கள் பரிதாபமாக இறந்தனர். இதற்கு யார் காரணம் என்ற ஆய்வு ஒருபுறம் நடந்து கொண்டிருந்தாலும், இது போன்ற அசம்பாவிதம் மீண்டும் நடக்கக்கூடாது என்றே அனைவரும் கருதுகின்றனர்.

இந்நிலையில், சென்னை சாந்தோம் சல்லிவன் கார்டனில் 90 ஆண்டு பழமையான கிறிஸ்தவ தேவாலய வளாகத்தில் உள்ள ஒரு கட்டிடம் திங்கள்கிழமை திடீரென இடிந்து விழுந்தது. கட்டிடத்தின் முன்பகுதியில் வசித்து வந்த நான்கு பேர் அதிர்ஷ்டவசமாக உயிர் தப்பினர்.

வாஷிங்டனிலும் கஞ்சா விற்பனை சட்டபூர்வமாக்க பட்டது !

கடந்த 2012ஆம் ஆண்டில் அமெரிக்காவின் கொலாராடோ மற்றும் வாஷிங்டன் மாநிலங்களில் 21 வயதுக்கு மேற்பட்டவர்களுக்கு மரிஜுவானா போதைப்பொருள் விற்பனையை சட்டபூர்வமாக்கும் தீர்மானம் நிறைவேற்றப்பட்டது. இதன் மூலம் இதனை பயிரிடுவதற்கும், வரி விதிப்பின் மூலம் விற்பனைக்கும் வர்த்தக அனுமதி வழங்கப்பட்டது அமெரிக்காவையே வியப்பில் ஆழ்த்தியது. கொலாராடோவில் இந்த விற்பனை கடந்த ஜனவரி முதல் தேதி துவங்கப்பட்டது. வாஷிங்டன் மாநிலத்தில் நேற்று முன்தினம் திங்கட்கிழமை அன்று 24 சில்லறை வர்த்தக அனுமதிகள் வழங்கப்பட்டன. இருப்பினும் இந்த விற்பனை உரிமையைப் பெற்ற அனைத்து வியாபாரிகளும் நேற்று விற்பனைக்குத் தயாராக இருக்கவில்லை. போதுமான அளவு உற்பத்தி அங்கு இல்லாத காரணத்தினால் விற்பனையாளர்களிடையே பற்றாக்குறை காணப்பட்டது.

அரசு வங்கிகளை விழுங்கவரும் கார்ப்பரேட் வல்லூறுகள்!

பொதுத்துறை வங்கிகளிலிருந்து பல ஆயிரம் கோடி ரூபாய்களை கடனாகப் பெற்று உலகக் கோடீஸ்வரர்களாக வளர்ந்துள்ள இந்தியத் தரகு முதலாளிகள் (இடமிருந்து) அனில் அம்பானி, கௌதம் அதானி, மற்றும் எஸ்ஸார் குழுமத் தலைவர் பிரசாந்த் ரூயா.பொதுத்துறை வங்கிகளிடமிருந்து 7,500 கோடி ரூபாய் கடன் பெற்று ஏப்பம் விட்டுள்ள கிரிமினல் பேர்வழி கிங்ஃபிஷர் சாராய ஆலை அதிபர் விஜய் மல்லையா. கடந்த பத்தாண்டு கால காங்கிரசு ஆட்சியில் அலைக்கற்றை, நிலக்கரி, இரும்பு, பாக்சைட், கச்சா எண்ணெய் வயல்கள் உள்ளிட்ட நாட்டின் பொதுச் சொத்துக்களை ஒன்றன் பின் ஒன்றாக விழுங்கிய இந்தியத் தரகு முதலாளிகளும் அந்நிய ஏகபோக முதலாளிகளும் அப்பகற்கொள்ளையின் தொடர்ச்சியாக பொதுத்துறை வங்கிகள் நிதி நெருக்கடியில் சிக்கிக் கொண்டிருப்பதாகக் கூறி, அவற்றை வளைத்துவிடச் சதித்தனமாக முயலுகிறார்கள். இதற்கான பரிந்துரைகளைக் கொண்ட பி.ஜே.நாயக் கமிட்டியின் அறிக்கை மோடி அரசின் ஒப்புதலுக்காகக் காத்திருக்கிறது.

மோடி இந்தியாவை உலகின் மிகப்பெரும் இராணுவத் தளவாட இறக்குமதியாளராக மாற்றுகிறார் !

 மோடி அரசுக்கு கிடைக்கும் ஏகாதிபத்திய நாடுகளது வரவேற்பின் பின்னே இத்தகைய மல்டி பில்லியன் டாலர் வியாபாரமே பல்லிளித்துக் கொண்டிருக்கிறது. இது தெரியாத தேசபக்த குஞ்சுகள், பிரான்சு நாடு போட்ட சாட்டிலைட் பிச்சையை வைத்து வல்லரசு என்று விண் நாண சிரிக்கிறார்கள்
கடந்த ஜூன் மாதம் 30-ம் தேதி இந்திய விண்வெளி ஆராய்ச்சி நிறுவனத்திலிருந்து ஐந்து செயற்கைக்கோள்கள் இந்தியாவின் PSLV C-23 விண்கலத்தால் விண்ணில் செலுத்தப்பட்டன. அவை பிரான்ஸ், ஜெர்மனி, கனடா மற்றும் சிங்கப்பூர் நாடுகளின் செயற்கைக்கோள்கள். இதற்காக மோடி, சிறீ ஹரிகோட்டாவுக்கு வந்ததும், செயற்கைக்கோள்கள் விண்ணில் சென்றதை கண்டுகளித்ததும் ஊடகங்களின் முக்கிய செய்திகளில் இடம்பிடித்தன. நாற்பது ஆண்டுகளுக்கு முன்பு வரையிலும் இந்திய செயற்கைக்கோள்கள் பிரெஞ்சு விண்கலன்களில் செலுத்தப்பட்டுக் கொண்டிருந்த நிலை மாறி இன்று இந்தியா அயல்நாடுகளின் செயற்கைக்கோள்களை அனுப்பும் நிலைக்கு முன்னேறியது ஊடகங்களில் மெச்சப்பட்டது. மோடியும் இந்த மாற்றத்தை தனது கொள்கைகளான வளர்ச்சி, வேகம், திறனுடன் ஒத்துப் போயிருப்பதாக பெருமிதப்பட்டுக் கொண்டார்.

சரவணன் மீனாட்சி சீரியல் திருமண காட்சியால் இன்ஸ்பயர் ஆகி நிஜ தம்பதிகளான செந்தில் ஸ்ரீ ஜா ! வாழ்த்துக்கள் !

சரவணன் மீனாட்சி’ தொடரில் ஜோடியாக நடித்த ‘மிர்ச்சி’ செந்தில் - ஸ்ரீஜா இருவரும் திடீரென திருமணம் செய்துகொண்டனர். நெருங்கிய உறவினர்கள், நண்பர்கள் மட்டுமே பங்கேற்ற இவர்களது திருமணம் இரு வீட்டார் சம்மதத்துடன் கடந்த புதன்கிழமை திருப்பதியில் ரகசியமாக நடந்துள்ளது.

வானொலி தொகுப்பாளராக (ஆர்.ஜே.) தன் பணியைத் தொடங்கிய ‘மிர்ச்சி’ செந்தில், ‘சரவணன் மீனாட்சி’ சின்னத்திரை தொடரில் சரவணனாக நடித்து பிரபலமானார். தற்போது சினிமாவில் நாயகனாக நடித்து வருகிறார். அவரது ஜோடியாக அந்த தொடரில் மீனாட்சி கேரக்டரில் நடித்தவர் சின்னத்திரை நடிகை ஸ்ரீஜா. இவர் கேரளாவின் திருவல்லா பகுதியை சேர்ந்தவர்.

இவர்கள் இருவரும் ‘சரவணன் மீனாட்சி’ தொடரில் காதலர்களாகவும், திருமணத் தம்பதிகளாகவும் நடித்திருந்தனர்.

சுவிஸ் வங்கிகளில் இந்தியர்களின் பணம் இல்லையாமே ? அருண் ஜெட்லி அறிவிப்பு ! இதைத்தானே காங்கிரசும் சொல்லிச்சு !

டெல்லி: சுவிஸ் வங்கியில் பணம் பதுக்கி வைத்துள்ள இந்தியர்களி்ன் பட்டியல் தங்களிடம் இல்லை என்று மத்திய அரசுக்கு, சுவிட்சர்லாந்திலிருந்து தகவல் வந்துள்ளதாக ராஜ்யசபாவில் நிதியமைச்சர் அருண் ஜேட்லி கூறியுள்ளார். இதேபோலத்தான் முன்பு காங்கிரஸ் அரசும் தொடர்ந்து கூறி வந்தது. ஆனால் அப்போது அதற்கு பாஜக ஆட்சேபனை தெரிவித்து வந்தது. தற்போது அதேபோன்ற பதிலை பாஜக நிதியமைச்சரும் கூறியுள்ளார். சுவிஸ் வங்கியில் பணம் போட்டு வைத்துள்ள இந்தியர்களின் பட்டியலை சுவிட்சர்லாந்து அரசு தயாரிப்பதாக முன்பு தகவல்கள் வெளியாகின. தற்போது அந்தப் பட்டியலில் இந்தியாவைச் சேர்ந்த யாருடைய பெயரும் இல்லை என்று அங்கிருந்து தகவல் வந்துள்ளதாம்

VijayTV விருதுகள் அனேகமாக விஜய் டிவி வாங்கிய படங்களுக்கா ? சந்தேகம் வலுக்கிறது !

விஜய்டிவி விஜய் அவார்ட்ஸ் விருதுகளை கடந்த 8 ஆண்டுகளாக ஆண்டு தோறும் வழங்கி  திரைஉலகினரை கவுரவித்து வருகிறது. இந்நிலையில்  2013 ஆண்டுக்கான விஜய் அவார்ட்ஸ் விருது கடந்த சனிக்கிழமை(05,07,2014) சென்னை நேரு ஸ்டேடியத்தில் வழங்கப்பட்டது.  இந்த நிகழ்ச்சி நேரலையாக விஜய்டிவியில் ஒளிபரப்பானது. விழாவில்  தங்கமீன்கள் படத்திற்கு சிறந்த படம் என்ற விருது வழங்கப்பட்டது. அப்போது நிகழ்ச்சியை தொகுத்து வழங்கிய கோபிநாத் இயக்குனர் ராம்மிடம் தங்கமீன்கள் படம் குறித்து பாராட்டிவிட்டு சில கேள்விகளை கேட்டார். விருதை வாங்கிக்கொண்டு ராம் சில கருத்துக்களை முன்வைத்தார்.
அவர் கூறுகையில்,  தங்க மீன்கள் படத்தில் அவருக்கு(ராமுக்கு) மகளாக நடித்த குழந்தை நட்சத்திரம் சாதனா கடந்த ஒரு வாரமாக நான் சென்னை வரட்டுமா? எனக்கு விருது தராங்களா என அவருக்கு அடிக்கடி போன் செய்துள்ளதாகவும், உனக்கு எந்த விருதும் தரவில்லை, தங்கமீன்கள் படத்திற்கு மட்டுமே விருது தருகிறார்கள் என்றும் கூறியுள்ளார்..

ரயில்வே பட்ஜெட்டை ஜெயலலிதா பாராட்ட சொத்துக் குவிப்பு வழக்கே காரணம்

சென்னை: முதல்வர் ஜெயலலிதா, ரயில்வே பட்ஜெட் பற்றி பலபட புகழ்ந்து பாராட்டியிருக்கிறார். அது ரயில்வே பட்ஜெட்டுக்காக என்பதை விட, வருமான வரி வழக்கு, சொத்துக் குவிப்பு வழக்கு ஆகியவற்றின் தீர்ப்புகள் வரவிருப்பதையொட்டிய பாராட்டாக இருக்கலாம் என்று யாரும் எண்ணிடக் கூடாது என்று திமுக தலைவர் கருணாநிதி கூறியிருக்கிறார். மத்திய ரயில்வே பட்ஜெட்டை நேற்று ரயில்வே அமைச்சர் சதானந்தா கெளடா தாக்கல் செய்தார். அதில் தமிழகத்திற்கு பெரிய அளவில் எதுவுமே இல்லை. இந்த பட்ஜெட் குறித்து திமுக தலைவர் கருணாநிதி விடுத்துள்ள அறிக்கை:

தனியார் வசமாகிறது ! 50 ரயில் நிலையங்களில் பராமரிப்பு தனியாரிடம் !

கடந்த ஆண்டு ரயில்வே பயணிகள் மற்றும் சரக்கு கட்டணங்கள் மூலம் ரூ.1 லட்சத்து 23,558 கோடி வருவாய்  கிடைத்துள்ளது. கடந்த ஆண்டு சமூக  கடமைகளுக்காக ரூ.20 ஆயிரம் கோடி செலவழிக்கப்பட்டுள்ளது.
* கடந்த 10 ஆண்டுகளில் ரூ.41 ஆயிரம் கோடி செலவில் 3,700 கிமீ தூரத்திற்கு புதிய ரயில் பாதைகள் அமைக்கப்பட்டுள்ளன.
* கடந்த ஆட்சியின் நிர்வாக குறைபாடு மற்றும் கவர்ச்சி திட்டங்களால் ரயில்வேக்கு நிதி நெருக்கடி ஏற்பட்டது. தற்போதுள்ள ரயில்வே திட்டங்களை நிறைவேற்ற ரூ.5  லட்சம் கோடி தேவைப்படுகிறது. அண்மையில் அறிவிக்கப்பட்ட கட்டண உயர்வு மூலமாக ரயில்வேக்கு ஆண்டு ரூ.8 ஆயிரம் கோடி கூடுதல் வருவாய் கிடைக்கும்.
* ரயில்வேயில் நேரடி அன்னிய முதலீட்டை அனுமதிக்க அமைச்சரவையில் முடிவெடுக்கப்படும். எதிர்கால திட்டங்கள் தனியார் துறையின் பங்களிப்புடன்  நிறைவேற்றப்படும்.

வைகோ அப்பல்லோ ஆஸ்பத்திரியில் அனுமதி

ம.தி.மு.க. பொதுச்செயலாளர் வைகோக்கு நேற்று இரவு திடீர் உடல் நலக்குறைவு ஏற்பட்டது. கடுமையான வயிற்று வலியால் அவர் அவதிப்பட்டார். இதையடுத்து இரவு 11 மணி அளவில் அப்பல்லோ ஆஸ்பத்திரியில் அனுமதிக்கப்பட்டார்.
வயிற்றுக் கோளாறு காரணமாக அனுமதிக்கப்பட்டிருக்கும் அவருக்கு தீவிர சிகிச்சை அளிக்கப்பட்டு வருவதாக ஆஸ்பத்திரி வட்டாரங்கள் தெரிவித்தன.
வயிறு சம்பந்தப்பட்ட சில பரிசோதனைகள் வைகோவுக்கு மேற்கொள்ளப்பட்டன. தொடர்ந்து அவருக்கு சிகிச்சை அளிக்கப்பட்டு வருகிறது.maalaimalar.com

மவுலிவாக்கம் இடுபாட்டு அழுகுரல் ஓயுமுன்பே அரசிக்கு புகழ்பாடும் பாராட்டு விழா ! டாக்டர் ராமதாஸ் கடும் கண்டனம்.

சென்னை மவுலிவாக்கம் கட்டிட இடிபாட்டு முறைகேடுகளை மறைப்பதற்காகவே தமிழக அரசு தற்போது பாராட்டு விழா நடத்தியுள்ளது என்று பாமக நிறுவனர் டாக்டர் ராமதாஸ் குற்றம் சாட்டியுள்ளார். சேலம் மாவட்ட பாமக பொதுக்குழு கூட்டத்தில் பங்கேற்பதற்கு முன்பாக செய்தியாளர்களை சந்தித்த அவர்,சென்னை மவுலிவாக்கம் 11 மாடி கட்டிட இடிபாடுகளில் சிக்கி உயிரிழந்தவர்கள் குடும்பத்தாரின் அழுகுரல் ஓய்வதற்கு முன்பாகவே, மீட்புப் பணியில் ஈடுபட்டவர்களுக்கு தமிழக அரசு பாராட்டு விழா நடத்தியது சந்தேகத்தை ஏற்படுத்தியுள்ளது. இந்த ஊழ-ல் அதிகாரிகளுக்கு பங்கு இருக்கிறது என்றார்.

சிவகாசியில் தொடரும் பட்டாசு வெடி விபத்து ! தொழிலாளர் தினமும் செத்து செத்து ....

 ஒவ்வொரு ஆண்டும் பருவமழை பெய்கிறதோ இல்லையோ, சிவகாசி பட்டாசுத் தயாரிப்பில் ‘தொழிலாளர்கள்’ வெடித்து சிதறுவது தவறாமல் நடக்கிறது. நேற்றும் படுகொலைகள். பேரனும் பாட்டியும் கொல்லப்பட்டிருக்கிறார்கள்.

சீன தயாரிப்பு பட்டாசுகள் வந்தால், மொதாலாளிகளுக்கு எந்த நஷ்டமும் இல்ல, தொழிளார்களின் வாழ்க்கை தான் பாதிக்கப்படும் என்பதுபோல் கருணையோடு அந்நிய முதலீடு எதிர்ப்பாளர்கள் போல்,
தொழிலாளர்களை முன்னிறுத்தி போராடுகிற முதலாளிகளும் முதலாளிகளின் தொழிற்சங்கங்களும்;
தொழிலாளர்கள் இப்படி வெடித்து சிதறுவதைப் பற்றி வாய் திறப்பதே இல்லை.

இந்தியா – சீன சண்டையின் போது பெரியார் சொன்னார், சீனாக்காரன் ஜெயிக்கனும். அவன் வந்து நம்மள ஆளட்டும். ஏன்னா அவனுக்கு ஜாதி கெடையாது.’ ஜாதி வெறி கொண்ட இந்த தேசத்தை விட சீனாகாரன் எவ்வளவோ மேல் என்ற தொனியில்.

பாரிஸ் புறநகர் துணை மேயர் ஒரு தமிழ் பெண் சேர்ஜியா மகேந்திரன்! Cergya Mahendran !

பிரான்ஸ் நாட்டில் புலம்பெயர் தமிழர்கள் செறிந்து வாழும் பகுதிகளில் ஒன்று தலைநகர் பரிசின் புறநகர் பகுதியான கார்ஜ் லி கொணெஸ் (Garges les Gonesse) என்னும் அழகிய கிராமம். இலங்கைத் தமிழர்கள்,பாண்டிச்சேரி தமிழர்கள்,வட இந்தியர்கள்,பாகிஸ்தான், வங்கதேசம் ஆகிய ஆசிய நாடுகளை சேர்ந்தவர்கள், ஆபிரிக்கர்கள்,அல்ஜீரியர்கள், துருக்கியர் என பல்இன குழுக்கள் செறிந்து வாழும் இந்தக் கிராமத்தில் இன ரீதியான பாகுபாடுகள் குறிப்பிடும்படி இல்லாமல் இருப்பது இக்கிராமத்தின் சிறப்புகளில் ஒன்று.

கடந்த ஏப்பிரல் மாதம் நடைபெற்ற இந்தப்பகுதிக்கான நகராட்சி மன்றத் தேர்தலில், பிரான்சின் முக்கிய வலதுசாரிக் கட்சியான UMP  (Union Pour Un Mouvement Populaire) சார்பில் போட்டியிட்ட சேர்ஜியா மகேந்திரன் (Cergya Mahendran)என்கின்ற இளம் தமிழ் பெண் பெரு வெற்றியீட்டியதுடன்  நகரத்தின் துணைமேயராக தெரிவு செய்யப்பட்டுள்ளதும் இப்பகுதியின் தற்போ தைய சிறப்புகளில் மற்றொன்று.

VijayTV சரவணன் மீனாட்சி நிஜமாகவே திருமணம் செய்தனர். செந்தில் ஸ்ரீஜா என்பது தம்பதிகளின் நிஜப்பெயராகும்

விஜய் டி.வி. சீரியல்களில் மிகவும் பிரபலமானது சரவணன் மீனாட்சி தொடர். இதில் செந்திலும், ஸ்ரீஜாவும் ஜோடியாக நடித்து வந்தனர். முதலில் மதுரை என்ற தொடரில் இவர்கள் இருவரும் ஜோடியாக நடித்தார்கள். அதன்பிறகு இருவரும் சேர்ந்து சரவணன் மீனாட்சி தொடரில் நடித்து வந்தார்கள். இத்தொடர் ரசிகர்கள் மத்தியில் பெரும் வரவேற்பு பெற்றது. இந்தத் தொடரில் இவர்கள் நடிக்கும் போதே பலரும் உண்மையிலேயே இவர்கள் கணவன் மனைவிதான் என நினைத்து வந்தனர். தற்போது அது நிஜமாகிவிட்டது. இருவரும் சமீபத்தில் திருப்பதியில் ரகசியமாய் திருமணம் செய்து கொண்டுள்ளனர். செந்திலின் நெருக்கமான நண்பர்கள் மட்டுமே இத்திருமணத்தில் கலந்து கொண்டதாகத் தெரிகிறது. இவர்களின் திடீர் திருமணம் அனைவருக்கும் அதிர்ச்சியளித்திருக்கிறது. cinema.maalaimalar.com

மதுரை பயணியின் ஏடிஎம் கார்ட்டை பறித்து பணம் எடுத்த போலீஸ் !

மதுரை மாட்டுத்தாவணி பஸ் நிலையத்தில் தனியாக நின்று  கொண்டிருந்தவரை மிரட்டி, அவரிடம் இருந்து ஏடிஎம் கார்டைப் பறித்துச் சென்று பணம் சுருட்டிய போலீஸார் 3 பேர் இன்று கைது செய்யப்பட்டுள்ளனர்.
தூத்துக்குடியைச் சேர்ந்தவர் ஜெயக்குமரேஷ். இவர், நாமக்கல்லில் உள்ள ஒரு தனியார் வங்கியில் பணியில் இருந்து வருகிறார். இவர், கடந்த 28ல் விடுமுறைக்காக சொந்த ஊருக்குச் செல்லும் வழியில், மதுரை மாட்டுத்தாவணியில் இறங்கி நின்றார்.
அப்போது, அங்கே ஒரு இருசக்கர வாகனத்தில் வந்த மூன்று பேரிடம் ஏதோ தகவல் கேட்டாராம். அதில் அந்த இருசக்கர வாகனத்தில் வந்த பிரவீன், செந்தில்குமார், செந்தில் ஆகிய மூவருடனும் இவருக்கு தகராறு ஏற்பட்டுள்ளது.  அவர்கள் மூவரும், ஜெயக்குமரேஷை நோக்கி, “நீ என்ன திருநங்கையா? நாங்கள் மூவரும் போலீஸார். உன்னை போலீஸ் ஸ்டேஷனுக்குக் கொண்டு சென்று முட்டிக்கு முட்டி தட்டி... “ என்ற ரீதியில் மிரட்டி, அவரிடம் இருந்த பணத்தையும் ஏடிஎம் கார்டு முதலானவைகளையும் பறித்துக் கொண்டு சென்றுவிட்டனராம். அந்த நேரத்தில் ஜெயக்குமரேஷிடம் ஏடிஎம் கார்டு பின் நம்பர் கேட்டு வாங்கியுள்ளனராம்.
அதன் பின்னர் கடந்த சில தினங்களில் விளாங்குடி, சமயநல்லூர் உள்ளிட்ட இடங்களில் ஏ.டி.எம்.மில் இருந்து, ரூ. 50 ஆயிரம் அளவுக்கு பணம் எடுத்துள்ளனர்..

பார்வதி நாயரை கமலஹாசன் காப்பாற்றினாரம் ? நடிகனை புகழ்வதே வேலை ?

உத்தம வில்லன் திரைப்படம் மிக வேகமாக இறுதி கட்டத்தை நோக்கி நகர்ந்துகொண்டிருக்கிறது. சமீபத்தில் கமல்ஹாசனும் இளம் நடிகையான பார்வதி நாயரும் இணைந்து நடிக்கும் காட்சிகள் படமாக்கப்பட்டிருக்கின்றன. சீனியர் நடிகரான கமல்ஹாசன் புதிய நடிகர்களுக்கு எப்படி நடிப்பின் நுணுக்கங்களை கற்றுத் தருவாரோ, அதேமாதிரி பார்வதி நாயருக்கும் கற்றுக்கொடுத்திருக்கிறார். கமலின் சகஜமான அணுகுமுறையால், பெரிய நட்சத்திரத்துடன் நடிக்கிறோம் என்ற படபடப்பு இல்லாமல் இயல்பாகவே நடித்திருந்திருக்கிறார் பார்வதி நாயர்அப்படி இருந்தும் படப்பிடிப்பின் போது ஒரு சமயத்தில், கால் தடுக்கி கீழா விழுந்துவிட்டாராம் பார்வதி நாயர். கீழே விழுந்த அதிர்ச்சியால் எழ முடியாமல் கீழே கிடந்த பார்வதியை, கமல்ஹாசன் ஓடி வந்து தூக்கிவிட்டாராம். கமலின் இந்த சகஜ நடவடிக்கையால் மகிழ்ச்சியுற்ற பார்வதி, இந்த படத்தைப் பற்றிப் புகழவும் மறப்பதில்லையாம். உத்தம வில்லனில் தான் ஏற்றிருக்கும் கதாபாத்திரம் போல் வேறெந்த கதாபாத்திரமும் தனக்கு இனி அமையாது என்கிறாராம் ‘நிமிர்ந்து நில்’ நடிகை பார்வதி நாயர்.

ஜெயாவின் by product சசிகலா நடராஜன் புழல் சிறையில் அடைப்பு !

சென்னை: குற்றாலம் சொகுசு பங்களாவில் ஓய்வெடுத்துக் கொண்டிருந்த, சசிகலாவின் கணவர் நடராஜனை, சிற்ப வல்லுனருக்கு பேசிய பணத்தை தராமல், கொலை மிரட்டல் விடுத்ததாக, மத்திய குற்றப்பிரிவு போலீசார் கைது செய்து, சென்னை அழைத்து வந்தனர். அவரை சைதாப்பேட்டை நீதிமன்றம்உத்தரவுப்படி புழல் சிறையில் அடைத்தனர்.முதல்வர் ஜெயலலிதாவின், நெருங்கிய தோழி சசிகலாவின் கணவர் நடராஜன் மீது, கராத்தே மாஸ்டரும், சிற்ப வல்லுனருமான ஹூசைனி, சென்னை போலீஸ் கமிஷனர் அலுவலகத்தில், புகார் மனு அளித்து இருந்தார். 
அடடே இது ஒரு குடும்ப பிரச்னையாமே கலைஞரின் குடும்ப பிரச்னையைமட்டும் அலசு அலசு என்று ஆளாளாளுக்கு வயது வித்யாசமின்றி தகுதி் தராதரம் இன்றி விமர்சிக்கலாம் சசி உறவு பற்றி விமர்சிக்க்கூடாதா என்னப்பா நியாயம் இது? இன்னும் ரெண்டே நாளில் வெளியே வந்து அறிக்கை விடுவார். இவர் என்ன தொழில் செய்கின்றார் ?இவருக்கு எப்படி கோடி கணக்கில் சொத்து ? எல்லாம் ஜெ மற்றும் சசிக்கே வெளிச்சம்

வறுமைக்கோடு வரையறை சர்ச்சை: கட்சிகள் கடும் எதிர்ப்பு !

புதுடில்லி : 'நகர்ப்புறங்களில், தினமும் 47 ரூபாய்க்கு மேல் சம்பாதிப்பவர்களையும், கிராமப்புறங்களில், 32 ரூபாய்க்கு மேல் சம்பாதிப்பவர்களையும், ஏழைகளாக கருதக் கூடாது' என, மத்திய அரசுக்கு நிபுணர் குழு பரிந்துரைத்துள்ளது. நிபுணர் குழுவின் இந்த வறுமைக் கோடு வரையறை, சர்ச்சையை ஏற்படுத்தியுள்ளது. 
பிறகு எதற்கு நூறு நாள் வேலை திட்டத்தில் பணிபுரிவோருக்கு 120 ரூபாய் என்று நிர்ணயம் செய்தீர்கள் ? பேசாமல் கிராமத்தானுக்கு 25 ரூபாயும் நகரத்தானுக்கு 30 ரூபாயும் என நிர்ணயம் செய்தால் குறைந்தது கிராமப்புறத்தில் தோட்டங்களிலும் வயல்களிலும் வேலை செய்ய ஆட்களாவது கிடைப்பார்கள். அரசுக்கும் இதில் பணம் மிச்சமாகும். நீண்டால் ரயிலிலோ பஸ்ஸிலோ காசு கொடுத்து டிக்கட் வாங்கி பயணம் செய்தது உண்டா ? வீட்டிற்கு கரண்ட் பில் கட்டியதுண்டா ? ஸ்கூலுக்கு குழந்தைகளுக்கு பீஸ் கட்டியதுண்டா ? டொனேசன் கொடுத்தது உண்டா / சந்தையில் காய்கறியை காசு கொடுத்து வாங்கியத்ண்டா ? துணியை வெளுத்ததுண்டா ? அதை இஸ்திரி போடா காசு கொடுத்ததுண்டா ? போலீஸ் உங்களை பிடித்து விசாரித்து விட்டபோது மனம் என்ன பாடு படும் என்று தெரியுமா ? அங்கே செலவாகும் கணக்கு தெரியுமா ? குளிர்சாதன அறைக்குள் எவனோ வரிகட்டிய பணத்தில் எல்லா சுகங்களையும் அனுபவிக்கும் உங்களுக்கு சாதாரண மக்களின் பாடு எப்படி புரியும் ? நாற்கர சாலையில் எவ்வளவு கொள்ளை நடக்கிறது என்று போய் பாருங்கள். எத்தனை காலம் வரி வசூல் செய்வது என்ற போர்டோ எத்தனை வசூல் செய்வது ?என்ற போர்டோ இதுவரை எத்தனை வசூல் ஆனது இன்னுமெவ்வளவு வசூல் ஆகவேண்டும் என்ற போர்டோ எங்குமே இல்லையே அதை கவனியுங்கள். உங்கள் அஜாக்கிரதையால் மக்கள் பணம் எவ்வளவு கொள்ளை அடிக்க படுகிறது தெரியுமா ? கேள்வி கேட்க ஆளில்லாமல் எல்லாமே நடக்கிறது.மோடி அவர்கள் இதில் தனி கவனம் செலுத்துவதே சிறப்பு. தனியார் மருத்துவ மனைகளில் அதிகாரிகளின் வியாதிக்கு சிகிச்சைக்கு ஏற்பாடு செய்து சொந்த பணத்தை கட்டினால் வறுமை கோடு என்றால் என்ன என்பது புரியும்

Carrefour வெளியேறுகிறது ! சில்லறை வர்த்தகத்தில் அனுமதியில்லை !

சில்லறை வர்த்தகத்தில் அந்நிய முதலீட்டிற்கு அனுமதியில்லை என்ற அரசின் முடிவால் சில்லறை வர்த்தகத்தில் ஈடுபடும் பிரான்ஸ் நாட்டை சேர்ந்த உலகின் இரண்டாவது பெரிய நிறுவனமான கேர்ரேபோர் இந்தியாவிலிருந்து நடையை கட்டுகிறது.> பா.ஜ.க அரசின் இந்த அதிரடி முடிவால் கடந்த 2010 ஆம் ஆண்டு முதல் இந்தியாவில் செயல்பட்டு வரும் அக்கம்பெனியின் ஐந்து கேஷ் அண்டு கேரி கடைகளை மூட அந்நிறுவனம் முடிவெடுத்துள்ளது. வரும் செப்டம்பர் 2014ல் இந்நிறுவனத்தை மூட திட்டமிட்டுள்ளதாக தெரியவந்துள்ளது. அதுவரை சப்ளையர்கள், ஊழியர்கள், பங்குதாரர்கள் மற்றும் வாடிக்கையாளர்கள் அனைவரும் முழு ஒத்துழைப்பு வழங்கவேண்டும் என்று அந்நிறுவனம் கோரிக்கை வைத்துள்ளது. இத்தகவலை அந்த நிறுவனம் தங்கள் வலைதளத்தில் வெளியிட்டுள்ளது குறிப்பிடத்தக்கது. மத்திய அரசின் இந்த முடிவால் சிறு குறு வணிகர்களின் எதிர்காலம் காக்கப்பட்டிருப்பது மிகவும் பாராட்டத்தக்கது. maalaimalar.com

பட்ஜெட் : முதல் நாளே லோக்சபா ஒத்திவைப்பு ! விலைவாசி உயர்வை கண்டித்து எதிர்க்கட்சிகள் அமளி

பார்லிமென்ட் பட்ஜெட் கூட்டத்தொடரின் முதல் நாளே, விலைவாசி உயர்வுக்கு எதிர்ப்பு தெரிவித்து, லோக்சபாவில் நேற்று எதிர்க்கட்சிகள் கடும் அமளியில் ஈடுபட்டன. இதனால், நாள் முழுவதும் சபை ஒத்திவைக்கப்பட்டது.பட்ஜெட் கூட்டத்தொடருக்காக, பார்லிமென்ட் நேற்று கூடியது. சபை துவங்கியதும், ஆந்திரா எரிவாயு கசிவு விபத்து, சென்னை அடுக்குமாடி குடியிருப்பு விபத்து ஆகியவற்றில் பலியானவர்களுக்கு, அஞ்சலி செலுத்தப்பட்டது. இதையடுத்து, சபாநாயகர் சுமித்ரா மகாஜன், கேள்வி நேர அலுவல்களை துவங்க முயற்சித்தார். ஆனால், காங்., உள்ளிட்ட, அனைத்து எதிர்க்கட்சி உறுப்பினர்களும், ஆவேசமாக எழுந்தனர்.'விலைவாசி உயர்வு குறித்து விவாதிக்க, 'நோட்டீஸ்' கொடுக்கப்பட்டு உள்ளது. அதுகுறித்து விவாதிக்க வேண்டும். அதன்பின், மற்ற அலுவல்களை தொடரலாம்' என, அவர்கள் சபாநாயகரை வலியுறுத்தினர்.அவர்களின் கோரிக்கையை பொருட்படுத்தாமல், சபாநாயகர் கேள்வி நேரத்தை துவங்க முயன்றார். இதையடுத்து, எதிர்க்கட்சி எம்.பி.,க்கள் ரகளையை துவங்கினர். காங்கிரசை சேர்ந்த ஜோதிர் ஆதித்யா சிந்தியா தலைமையில், இளம் எம்.பி.,க்கள் திரண்டனர். காங்கிரஸ் ஆட்சியின் போது இந்த எதிர்கட்சிகள் மிகவும் அநாகரிகமாக நடந்து கொண்டதை ஒப்பிட்டால் இது வெறும் ஜுஜுப்பீ 

உச்ச நீதிமன்றம் : இஸ்லாமிய ஷரியத் சட்டம் அனுமதிக்கப்படவில்லை !

புதுடில்லி: 'ஷரியத் நீதிமன்றம் சட்டப்படி அனுமதிக்கப்பட்டது அல்ல; அதற்கு சட்ட ரீதியான அந்தஸ்து கிடையாது' என, உச்ச நீதிமன்றம் தெரிவித்துள்ளது. நாட்டில் நீதித்துறைக்கு இணையான, ஒரு அமைப்பு முறையை, முஸ்லிம்களின் ஷரியத் கோர்ட்டுகள் பின்பற்றுகின்றன. அதனால், ஷரியத் கோர்ட்டுகள் அரசியல் சட்டப்படி செல்லத்தக்கதா என, கேள்வி எழுப்பி, விஷ்வா லோச்சன் மேதம் என்ற வழக்கறிஞர், உச்ச நீதிமன்றத்தில், மனு ஒன்றைத் தாக்கல் செய்தார். 'முஸ்லிம் அமைப்புகளால் நியமிக்கப்படும், 'முப்தி'கள் மற்றும் 'குவாசி'கள் பிறப்பிக்கும் உத்தரவுகளால், முஸ்லிம்களின் அடிப்படை உரிமைகள் கட்டுப்படுத்தப்படுகின்றன; பறிக்கப்படுகின்றன. இது, தடுக்கப்பட வேண்டும்' என, தெரிவித்திருந்தார்.இந்த பொதுநல மனு, நீதிபதிகள் சி.கே.பிரசாத் தலைமையிலான, உச்ச நீதிமன்ற, 'பெஞ்ச்' முன் விசாரணைக்கு வந்தது.

செல்வராகவன் : நான் பணத்துக்காக படம் பண்ண மாட்டேன் ! சார் இரண்டாம் உலகம் கதையை இனியாச்சும் சொல்லுங்க !முடியல்ல ,

பணத்திற்காக எந்த ஒரு படத்தையும் இயக்குவதில்லை என்று இயக்குநர் செல்வராகவன் தெரிவித்துள்ளார். ஆர்யா, அனுஷ்கா நடித்த 'இரண்டாம் உலகம்' படத்தை இயக்கினார் செல்வராகவன். ஹாரிஸ் ஜெயராஜ் இசையமைத்த இப்படம் ரசிகர்கள் மத்தியிலும், விமர்சகர்கள் மத்தியிலும் பெரும் தோல்வியை சந்தித்தது. அதனைத் தொடர்ந்து சிம்பு, த்ரிஷா இணைப்பில் ஒரு படத்தினை இயக்க முடிவு செய்தார் செல்வராகவன். அப்படத்தை வருண் மணியன் தயாரிப்பதாக இருந்தது. அப்படம் தொடங்குவதற்கு சிக்கல் ஏற்பட்டது. 'இரண்டாம் உலகம்' தோல்வியால், செல்வராகவன் - பி.வி.பி சினிமாஸ் நிறுவனத்திற்கு இடையே பிரச்சினை ஏற்பட்டது.

பச்சையப்பன் கல்லூரி ! கழிவறையே இல்லாமல் 6 ஆயிரம் பேருக்கு மேல் படிக்கும் ஒரே கல்லூரி

சென்னையில் கல்லூரி என்றாலே முதலில் நமக்கு நினைவுக்கு வருவது பச்சையப்பன் கல்லூரிதான். ஏழை எளிய மாணவர்கள் படிக்க வேண்டும் என்பதற்காகவே தொடங்கப்பட்ட அரசு உதவிபெறும் கல்லூரிகளில் முக்கியமான ஒன்றுதான் பச்சையப்பன் கல்லூரி.
அங்கு படிக்கும் மாணவர்களை ரவுடிகள் என்றும் பொறுக்கிகள் என்று போலீசும் ஊடகங்களும் போட்டிபோட்டுக் கொண்டு சித்தரித்து கொண்டிருக்கும் வேளையில், அக்கல்லூரி மாணவர்களோ மக்களின் பிரச்சினைகளுக்காகவும் தங்களின் கல்வி உரிமைக்காகவும் அன்று முதல் இன்று வரை குரல் கொடுத்து வருகின்றார்கள். அப்படித்தான் தங்களுடைய கல்வி உரிமை பறிக்கப்படுவதற்கு எதிராக, “காசுள்ளவனுக்கு ஒரு கல்வி, காசில்லாதவனுக்கு ஒரு கல்வி” என்ற புதிய மனு நீதிக்கு எதிராக தங்களுடைய போராட்டத்தை தொடங்கி இருக்கிறார்கள்.
லட்சக்கணக்கான ஏழை மாணவர்களுக்கு கல்வியைக் கொடுத்த கல்லூரி, எத்தனையோ அறிஞர்கள் படித்த கல்லூரி, வரலாற்று சிறப்பு மிக்க கல்லூரி என்று எத்தனை பெருமைகள் இருந்தாலும் எல்லாவற்றையும் விட பெரிய பெருமை இருக்கிறது என்று அறிவித்து இருக்கிறார்கள் அக்கல்லூரி மாணவர்கள்.

தர்மபுரி பஸ் எரிப்பு: தண்டனை பெற்றவர்களின் மனு அரசியல் சாசன அமர்வுக்கு மாற்றம்

பிளசன்ட் ஸ்டே ஹோட்டல் வழக்கில் அதிமுக பொதுச்செயலாளர் ஜெயலலிதா குற்றவாளி என தீர்ப்பளிக்கப்பட்டதைத் தொடர்ந்து கடந்த 2000-ம் ஆண்டு பிப்ரவரி மாதம் 2-ம்தேதி கோவை வேளாண்மை பல்கலைக்கழக மாணவிகள் சென்ற பஸ் தீ வைத்து எரிக்கப்பட்டது. இதில் 3 மாணவிகள் உயிரிழந்தனர். இந்த வழக்கில் முனியப்பன், ரவீந்திரன், நெடுஞ்செழியன் ஆகியோருக்கு தூக்குத்தண்டனை வழங்கப்பட்டது. இதை எதிர்த்து 3 பேரும் உச்சநீதிமன்றத்தில் மனுதாக்கல் செய்தனர். அதில் தங்கள் தூக்குத் தண்டனையை குறைக்கவேண்டும். 2 நீதிபதிகள் கொண்ட அமர்வு வழங்கிய தூக்குத்தண்டனையை ஏற்கமுடியாது என்று கூறியிருந்தனர். இந்த மனு இன்று விசாரணைக்கு வந்தது. இதை விசாரித்த உச்சநீதிமன்றம், 5 நீதிபதிகள் கொண்ட அரசியல் சாசன அமர்வுக்கு மாற்றம் செய்து உத்தரவிட்டது. maalaimalar.com அடிமைகள் கட்சியான அதிமுகவில் அம்மாவுக்காக எதுவும் செய்யக்கூடிய அளவு stockholm syndrome  ஸ்டோக்ஹோம் சின்றோம் என்ற மனநோயினால் பாதிக்கப்பட்டவர்கள் ஏராளம் உண்டு. இனியும் தர்மபுரி பஸ் எரிப்பு கொலைகள் போன்ற கண்றாவிகள் நடக்க கூடிய வாய்ப்பு உண்டு, அம்மா வரும் ரோட்டை விழுந்து வணங்கும் மனிதர்கள் உள்ள நாடு இது

கர்நாடகாவில் ராஜ்யசபா சீட் 40 கோடி ரூ. ! விஜய மல்லைய , அணில் அம்பானி. M.A.M ராமசாமி எல்லாம் எவ்வளவு கொடுத்தாக ?

பெங்களூர்: மேலவை உறுப்பினர் சீட் கொடுப்பதற்காக கர்நாடக முன்னாள் முதல்வரும், மஜத தலைவருமான குமாரசாமி ஸி40 கோடி பேரம் பேசிய ரகசிய சிடி வெளியாகி இருக்கிறது. கர்நாடக அரசியலில் இது பெரும் பரபரப்பு ஏற்பட்டுள்ளது. கர்நாடக மாநில மேலவை தேர்தல் சமீபத்தில் நடைபெற்றது. மதசார்பற்ற ஜனதா தள கட்சி சார்பில் ஒருவர் மட்டுமே தேர்ந்தெடுக்க முடியும் என்பதால், அக்கட்சி நிர்வாகிகள் பல்வேறு வழிகளிலும் முயற்சி செய்துள்ளனர். கட்சியின் தேசிய தலைவரும் முன்னாள் பிரதமருமான தேவகவுடா மற்றும் முன்னாள் முதல்வரான எச்.டி.குமாரசாமி ஆகியோரிடம் அக்கட்சி நிர்வாகிகள் சீட் கேட்டனர். காப்பரெட் கோடீஸ்வரர்கள் எல்லாம் எப்படியாவது ராஜ்யசபா எம்பீக்கள் ஆவது எப்போதும் நடைபெறுவது தானே ? வீடியோ லீக்கானது மட்டும்தான் புத்சு ! விரைவில் பேசாம இதுக்கு ரேட்டை சட்ட விதியாக்கிட்ட ப்ரோப்ளம் சொல்வ்ட் ! அவிங்களும்   இதுவல வந்து சேவை செய்வைங்க

தமிழகத்தில் அடுத்தடுத்து இந்து தீவிர வாத அமைப்பினர் கொலைசெய்யப்படுவது கேள்விகுறி ?

இந்து அமைப்புகளைச் சேர்ந்த தலைவர்கள், தமிழகத்தில் தொடர்ச்சியாக கொல்லப்படுவதால், தமிழக பா.ஜ., தலைவர்கள் கவலையில் ஆழ்ந்திருப்பதாக, கட்சி வட்டாரங்கள் தெரிவித்தன.>தமிழகத்தில் கடந்த ஓராண்டுக்கு முன்னால், அரவிந்த ரெட்டி, வெள்ளையப்பன், ஆடிட்டர் ரமேஷ் உட்பட இந்து அமைப்புகளை சேர்ந்த தலைவர்கள், வரிசையாக வெட்டிக் கொல்லப்பட்டனர்.அது தொடர்பான போலீஸ் விசாரணை நடந்து கொண்டிருக்க, கடந்த ஒரு மாதத்துக்கு முன், சென்னை அருகில் ஆவடியில், திருவள்ளூர் மாவட்ட இந்து முன்னணி செயலர், சுரேஷ் குமார் வெட்டிக் கொல்லப்பட்டார். அது தொடர்பான பதற்றம் அடங்குவதற்குள், நேற்று திருநெல்வேலி மாவட்டம் சங்கரன்கோவில் நகர இந்து முன்னணி செயலர் ஜீவராஜ், மர்ம நபர்களால் கொடூரமாக வெட்டிக் கொல்லப்பட்டிருக்கிறார். அவர் குடும்பப் பிரச்னையில்தான் கொல்லப்பட்டார்(இரு மனைவிகளில் ஒருவர்தான் பின்னணியில் ) என சொல்லப்பட்டாலும், அவருக்கு தீவிரவாதிகளிடம் இருந்து, தொடர் மிரட்டல்கள் இருந்து வந்தது, இந்து முன்னணி கூட்டங்களுக்கு போய் அவர்கள் பேசும் பேச்சை கேட்டால் கொலைகளுக்கான காரணம் தெரிந்துவிடும் என எண்ணுகிறேன்....

தேர்தல் கமிஷனர் மீது வழக்கு: ஜனாதிபதிக்கு விஜயகாந்த் கடிதம்

சென்னை : தே.மு.தி.க., சார்பில், தலைமை தேர்தல் கமிஷனர் மீது, வழக்கு தொடர அனுமதிக்க வேண்டும்,'' என, ஜனாதிபதிக்கு அக்கட்சி தலைவர், விஜயகாந்த் கடிதம் எழுதியுள்ளார்.அவரது கடித விவரம்:நடந்து முடிந்த லோக்சபா தேர்தலுக்கு, இரண்டு நாட்கள் முன், தமிழக தலைமை தேர்தல் அதிகாரி, 144 தடை உத்தரவு பிறப்பித்தார். அப்போதே, இந்த தடை உத்தரவுக்கு, அரசியல் கட்சிகள் மத்தியில் மிகப் பெரிய எதிர்ப்பு கிளம்பியது.தீவிரவாதிகள் மற்றும் நக்சலைட்டுகள் ஆதிக்கம் இருக்கின்ற மாநிலங்களில் கூட, 144 தடை உத்தரவு பிறப்பிக்கப்படவில்லை. ஆளும்கட்சிக்கு அனுசரணையாகவே, இந்த உத்தரவு பிறப்பிக்கப்பட்டுள்ளதாக தே.மு.தி.க., கருதுகிறது.வாக்காளர்களுக்கு பணம் மற்றும் இலவச பொருட்களை விநியோகிக்கவும், பல தேர்தல் முறைகேடுகளில் ஈடுபடவும், அ.தி.மு.க., இதை பயன்படுத்திக் கொண்டது.  இண்ணைக்குத்தான் வெறி முறிந்திருக்குப் போல. தேர்தல் முடிந்து இத்தனை நாளாச்சு இப்பத்தான் 144 ஞாபகதிற்கு வந்ததா? அ தி மு க உடன் கூட்டு வைக்கும் முன்னரே, இந்த வழக்குகள் முடியும் வரை கூட்டணி என்ற பேச்சு வார்த்தையே கிடையாது என்று கூறி இருக்கலாமே.

வாயில் விஷம் ஊற்றி ஒரே குடும்பத்தை சேர்ந்த 6 பேர் கொலை

ஆந்திர மாநிலம் சித்தூர் மாவட்டம் மதனப்பள்ளியில் குடியிருப்பவர் மீராவள்ளி (45).
ஏர்ரகுண்டலாவை சொந்த ஊராக கொண்ட இவர் பிள்ளைகளின் படிப்புக்காக சொந்த ஊரில் உள்ள வீடு, வயல், டிராக்டர்களை விற்று விட்டு மதனப் பள்ளியில் குடிவந்தார்.
மீராவள்ளி தனது மனைவி அஜராம்பீ (40), மகள்கள் ஆசா (20), யஷ்மிதா (18), ஷர்மிளா (15), மகன் தஸ்தகிரி (14) ஆகியோருடன் கடந்த 1–ந்தேதி கடப்பா மாவட்டத்தில் உள்ள புண்ணிய தலமான கண்டி வந்தார். அங்குள்ள அரசு சுற்றுலா விடுதியில் அறை எடுத்து தங்கினார்.
3 நாட்கள் தங்கி இருப்பதாக கூறிய அவர்கள் 3 நாளுக்குரிய வாடகை தொகை, அட்வான்ஸ் தொகை அனைத்தையும் முன் கூட்டியே கட்டி விட்டனர்.
நேற்று மதியம்வரை அறையில் இருந்து யாரும் வெளியே வரவில்லை. ஓட்டல் ஊழியர்கள் காலிங் பெல்லை அழுத்தினார்கள். ஆனால் பதில் இல்லை. கதவை தட்ட கை வைத்ததும் கதவு திறந்து கொண்டது.

திருவள்ளூரில் சுவர் இடிந்து 11 பேர் பலி ( படங்கள் )

சென்னையை அடுத்த திருவள்ளூர் மாவட்டம் அலமாதியில்  கட்டிட சுற்றுச்சுவர் இடிந்து விழுந்து ஆந்திராவை சேர்ந்த தொழிலாளர்கள் 11 பேர் பலியானார்கள்.மழை பெய்ததால் தனியார் குடோனின் 20 அடி உயர சுற்றுச்சுவர் இடிந்து விழுந்தது.  கட்டுமானத் தொழிலாளர்கள் தங்கியிருந்த குடிசை மீது சுவர் இடிந்து விழுந்ததால் 11 பேர் பலியானார்கள்.  இடிபாடுகளில் சிக்கியுள்ள மேலும் பலரை மீட்கும் பணி தீவிரமாக நடைபெற்று வருகிறது.பெண் ஒருவர் உயிருடன் மீட்கப்பட்டுள்ளார்.  விபத்தில் சிக்கியவர்கள்  ஆந்திராவைச்சேர்ந்தவர்கள் என தக வல். சென்னை மவுலிவாக்கம் 11 மாடி கட்டிடத்தின் பயங்கர விபத்தின் மீட்பு பணி தற்போதுதான் முடிந்துள்ள நிலையில்,  அந்த அதிர்ச்சியிலிருந்தே மக்கள் மீளாத நிலையில் மீண்டும் ஒரு கான்கிரீட் விபத்து நிகழ்ந்ததில் மக்களிடையே பெரும் அதிர்ச்சியை ஏற்படுத்தியுள்ளது .nakkheeran.in படங்களுக்கு

கட்டிட விதிமீறல் கண்துடைப்பு ஆய்வு ? இஞ்சினியர்கள் இல்லாத ஆய்வுக்குழு !

கோவை : கோவையில், அடுக்குமாடி குடியிருப்புகள், வணிக வளாகங்கள், விதிகளின்படி கட்டப்படுகின் றனவா என, உள்ளூர் திட் டக் குழுமமும், நகர ஊரமைப்பு துறையும் ஆய்வை துவக்கியுள்ளன. அதேவேளையில், கட்டடங்களின் உறுதித்தன்மையை ஆராயும் குழுவில், வடிவமைப்பு இன்ஜினியர்கள் இல்லாதது, ஆய்வின் நோக்கத்தையே கேள்விக்குறியாக்கியுள்ளது.சென்னை, போரூர் அருகேயுள்ள மவுலிவாக்கத்தில், 11 தளங்களுடன் கூடிய கட்டடம் சரிந்து, 61 பேர் பலியான சம்பவத்தை தொடர்ந்து, அடுக்குமாடி கட்டடங்களின் உறுதி தன்மை மீதான நம்பகத்தன்மை சந்தேகத்துக்குரியதாகிவிட்டது. இதனால், மாநிலம் முழுவதும் நகர ஊரமைப்புதுறை, உள்ளூர் திட்டக்குழும அனுமதியுடன் கட்டப்படும் அடுக்குமாடி கட்டடங்களை ஆய்வு செய்ய, நகர ஊரமைப்புத்துறை இயக்குனர் வெங்கடேஷ் உத்தரவிட்டுள்ளார். ஆய்வு என்ற பெயரில் பில்டர்களிடம் மீண்டும் வசூல் வேட்டைதான் வேறு எதுவும் உருப்படியாக நடக்கப்போவதி்ல்லை