செவ்வாய், 27 மே, 2014

அம்பாசிடர் கார்களின் தயாரிப்பு நிறுத்தம் !

கோல்கட்டா: சில ஆண்டுகளுக்கு முன்வரை, அதிகார வர்க்கத்தின்
அடையாளமாகவும், இந்திய சாலைகளின் ராஜாவாகவும் திகழ்ந்த, அம்பாசிடர் கார்களின் தயாரிப்பை நிறுத்தி வைப்பதாக, இந்துஸ்தான் மோட்டார்ஸ் நிறுவனம் அறிவித்து உள்ளது. நவீன சொகுசு கார்களின் வருகையால், விற்பனை டல்லடித்ததால், இந்துஸ்தான் மோட்டார்ஸ் நிறுவனம், இந்த அதிரடியான முடிவை அறிவித்துள்ளது.
கடந்த 1950ல், இந்தியாவில் அறிமுகமானது, அம்பாசிடர் கார். இந்திய சாலைகளின் தரத்துக்கு ஈடுகொடுத்து, இயங்கக் கூடிய வகையில் இருந்ததாலும், பிரிட்டனில் தயாராகிய 'மோரிஸ் ஆக்ஸ்போர்டு' காரைப் போன்ற வடிவமைப்பில் இருந்ததாலும், அம்பாசிடர் கார்களுக்கு, இந்தியா முழுவதும் கிராக்கி எழுந்தது.  
ஆலையில்லா ஊருக்கு இலுப்பைப்பூ சர்க்கரை. பிர்லா குடும்பம் காங்கிரஸ் ஆதரவாளர்களாக இருந்து எம் பி களாகவும் இருந்தவர்கள்.அவர்களுக்கு நன்றிக் கடனாக மத்திய காங்கிரஸ் அரசு வேறு போட்டியாளர்களுக்கு கார் தயாரிப்பு லைசென்ஸ் வழங்காமல் இழுத்தடிதது. நம் ஊர் ஸ்டாண்டர்ட் மோட்டார் போன்றவற்றுக்கு உபத்திரவம் கொடுத்து அழித்தது இது அம்பாசடரின் ஏகபோக வளர்ச்சிக்குக் காரணம். பியட் ( பிரீமியர் பத்மினி ) மட்டுமே சிறிது தாக்குப்பிடித்தது. அதாவது சஞ்சய் காந்தி மாருதியைக் கொண்டுவர அடம் பிடித்தவரை. அவர் 100% இந்திய பாகங்களைக் கொண்டே கார் தயாரிக்க்றேன் என்ற பெயரில் உருவாக்கியதோ 100% அந்நிய உதவாக்கரை கார். இதற்க்கு பதில் முன்பே இந்திய கார் தயாரிப்பளர்களை வளரவிட்டிருந்தால் இப்போது அந்நிய இறக்குமதிகளைத் தவிர்த்திருக்கலாம். ஏற்றுமதிகூட செய்து உயர்ந்திருக்கலாம். காங்கிரசின் அழிவுக் கொள்கைகளுக்கு இது ஒரு உதாரணம். உலகமயமாக்கல் போன்ற கொள்கைகளில் நிதானம் தேவை.
பின், அம்பாசிடர் கார், ஜனாதிபதி, பிரதமர், மத்திய அமைச்சர்கள், நீதிபதிகள், கலெக்டர்கள், போலீஸ் உயர் அதிகாரி கள் உள்ளிட்ட, அதிகார வர்க்கத்தினர் பயணிக்கும், அதிகாரப்பூர்வ காராகவும் மாறியது. இந்துஸ்தான் மோட்டார்ஸ் நிறுவனம், மேற்கு வங்க மாநிலம், உத்தர்பாரா தொழிற்சாலையில், இந்த கார்களை தயாரித்து விற்பனை செய்தது. 60 ஆண்டுகளுக்கு மேலாக, இந்திய ஆட்டோமொபைல் சந்தையில், ஏகபோகமாக வலம் வந்த, இந்த அம்பாசிடர் காருக்கு, கடந்த சில ஆண்டுகளாக செல்வாக்கு குறைந்தது. சொகுசு கார்களின் வருகைக்கு பின், அம்பாசிடருக்கு, முக்கியத்துவம் குறைந்தது. கடந்த 2003ல், பிரதமரின் அதிகாரப்பூர்வ வாகனமாக, அம்பாசிடர் காருக்கு பதிலாக, பி.எம்.டபிள்யூ., கார், இடம் பெற்றதால், அம்பாசிடருக்கு, படிப்படியாக கிராக்கி குறைந்தது. அதிகாரிகளும், அம்பாசிடருக்கு பதிலாக, வேறு கார்களை பயன்படுத்த துவங்கினர். கடந்த 10 ஆண்டுகளாக, ஆண்டுக்கு, 6,000 கார்களுக்கும் குறைவாகவே விற்றன. இதனால், இந்துஸ்தான் மோட்டார்ஸ் நிறுவனத்துக்கு, பெரும் நிதி நெருக்கடி ஏற்பட்டது. இந்நிலையில், இந்துஸ்தான் மோட்டார்ஸ் நிறுவனம், உத்தர்பாரா தொழிற்சாலையை, மறு உத்தரவு பிறப்பிக்கும் வரை, மூடுவதாக, நேற்று அறிவித்துள்ளது. இதனால், 60 ஆண்டுகளுக்கும் மேலாக, இந்திய ஆட்டோமொபைல் சந்தையில், ஆதிக்கம் செலுத்தி வந்த அம்பாசிடர் கார்கள், பிரியா விடை பெறுவதாக தெரியவந்து உள்ளது.dinamalar.com

கருத்துகள் இல்லை: