வெள்ளி, 11 டிசம்பர், 2020

மு.க.அழகிரி: `வாய்ப்பு கொடுத்தால் ரஜினியுடன் நடிப்பேன்!’ - குழப்பத்தில் ஆதரவாளர்கள்

மு.க.அழகிரி
 vikatan - செ.சல்மான் பாரிஸ் - ஈ.ஜெ.நந்தகுமார் :`ரஜினி புதிய கட்சி தொடங்கவிருப்பது பற்றி உங்கள் கருத்து என்ன?’ என்றதற்கு , ``அவர் கட்சி ஆரம்பிப்பதாக அறிவித்தவுடன் வாழ்த்து தெரிவித்துவிட்டேன்’’ என்றார்.

``புதிய கட்சி தொடங்குவது, கூட்டணி அமைப்பது, தேர்தலில் ஓட்டுப்போடுவது என எனது பங்களிப்பு இருக்கும்...'' என்கிறார் மு.க.அழகிரி.    தனது ஆதரவாளர் இல்ல நிகழ்ச்சியில் கலந்துகொள்ள அழகர் கோயில் பகுதிக்கு வந்த மு.க.அழகிரி, செய்தியாளர்களிடம் பேசினார். ``சட்டமன்றத் தேர்தலில் தங்களது பங்களிப்பு எப்படியிருக்கும்?'' என்ற கேள்விக்கு, ``சட்டமன்றத் தேர்தலில் புதிய கட்சி தொடங்குவது, கூட்டணி அமைப்பது, ஓட்டுப்போடுவதும் பங்களிப்புதான்" என்றவரிடம்,  

`ரஜினியுடன் கூட்டணிவைப்பீர்களா?’ என்றதற்கு,     ``வாய்ப்பு கொடுத்தால் அவருடன் நடிப்பேன்” என்றார் காமெடியாக.   `ஆதரவாளர்களுடன் எப்போது ஆலோசனைக் கூட்டம் நடத்துவீர்கள்?’ என்ற கேள்விக்கு, ``ஆதரவாளர்களுடன் ஆலோசனைக் கூட்டம் நடத்துவது பற்றி ஆலோசனை நடத்திவருகிறோம்" என்றார்.

`ரஜினி புதிய கட்சி தொடங்கவிருப்பது பற்றி உங்கள் கருத்து என்ன?’ என்றதற்கு ,``அவர் கட்சி ஆரம்பிப்பதாக அறிவித்தவுடன் வாழ்த்து தெரிவித்துவிட்டேன்’’ என்றார்.


`யாருக்கு வாக்களிப்பீர்கள்?’ என்ற கேள்விக்கு , ``அதைப் பற்றி சொல்ல முடியாது. ஆனால், வாக்களிப்பேன்" என்று அழகிரி பேசினார்.

மறுபக்கம், `அண்ணன் சீரியஸா பேசுறாரா, காமெடியா பேசுறாரா?’ என்று ஆதரவாளர்கள் குழம்பிப்போயிருக்கிறார்கள்

கருத்துகள் இல்லை: