சென்னை மாநகராட்சி தேர்தல் 184 வார்டுகளில் தி.மு.க., போட்டி

சென்னை மாநகராட்சி தேர்தலில், தி.மு.க., கூட்டணியில், காங்கிரசுக்கு, 14 வார்டுகளும், மனிதநேய மக்கள் கட்சிக்கு ஒரு வார்டும், 'சோஷியல் டெமாக்ரடிக் பார்ட்டி ஆப் இந்தியா' கட்சிக்கு, ஒரு வார்டும் ஒதுக்கப்பட்டு உள்ளது.
சென்னை மாநகராட்சியில், மொத்தம், 200 வார்டுகள் உள்ளன. இவற்றில், 11 வார்டுகளை, ஏற்கனவே கூட்டணி கட்சியான காங்கிரசுக்கு, தி.மு.க., ஒதுக்கியிருந்தது. இந்நிலையில், 77, 96, 79 என, மேலும் மூன்று வார்டுகள் கூடுதலாக ஒதுக்கப்பட்டு உள்ளன. அத்துடன், 61வது வார்டு, மனிதநேய மக்கள் கட்சிக்கும்; 55வது வார்டு, சோஷியல் டெமாக்ரடிக் பார்ட்டி ஆப் இந்தியா கட்சிக்கும் ஒதுக்கப்பட்டு உள்ளது. கூட்டணி கட்சிகளுக்கு ஒதுக்கிய, 16 வார்டுகள் போக, மீதமுள்ள, 184 வார்டுகளில், தி.மு.க., போட்டியிடுகிறது.தினமலர்.காம்