இந்நிலையில், நேற்று காலை, 6:30 மணியளவில், மின்னாம்பள்ளியில் இருந்து செல்லியம்பாளையம் நோக்கி, மினிடோர் ஆட்டோ ஒன்று, அவ்வழியாக வந்த பறக்கும் படை தாசில்தார் வீரப்பனின், வாகனத்துக்கு வழி விடாமல் சென்று கொண்டிருந்தது. அதையடுத்து, அந்த வாகனத்தை நிறுத்தி, அதிகாரிகள் விசாரித்தனர். தார்பாய் போட்டு மூடப்பட்ட நிலையில் இருந்ததை கண்டறிந்து, அவற்றை பிரித்து பார்த்தபோது, 17 பண்டல் கொண்ட, 2,500க்கும் மேற்பட்ட பூனம் சேலைகள் இருந்தன.தகவல் அறிந்ததும், தி.மு.க.,வினர் அங்கு திரண்டனர். அமைச்சர் செந்தில்பாலாஜி உத்தரவுப் படி, அங்கு சேலை வினியோகிக்க, அ.தி.மு.க.,வினர் முயற்சி மேற்கொண்டதாக கூறப்படுகிறது. அதைத் தொடர்ந்து, அந்த வாகனத்துடன், காரிப்பட்டி போலீஸ் ஸ்டேஷனுக்கு, சேலை இருந்த பண்டல்கள் கொண்டு வரப்பட்டன.அந்த பண்டல்களில், " விநாயகா டெக்ஸ்', ஈரோடு என எழுதப்பட்டிருந்தது. இது தொடர்பாக, ஈரோடு வெங்கடாசலம் தெருவைச் சேர்ந்த ராம்குமார், 35, சக்திவேல், 39, ஆகியோரிடம் போலீசார் விசாரணை நடத்தி வருகின்றனர்.அவர்களிடம் இருந்த பில்லில், தர்மபுரிக்கு ஜவுளி எடுத்து செல்வதாக இருந்தது. தர்மபுரி செல்லும் சேலைகள், தொகுதிக்குள் எப்படி வந்தது, யார் அனுப்பியது என்பது குறித்து, வாழப்பாடி டி.எஸ்.பி., மாதவன், இன்ஸ்பெக்டர் தங்கராஜ் ஆகியோர் விசாரிக்கின்றனர். dinamalar.com
கருத்துகள் இல்லை:
கருத்துரையிடுக