தமிழ்நாட்டில் சேலம், கோவை மாநகர போலீஸ் நிலையங்களிலும் கவுதம் ரமேஷ் மீது வழக்கு பதிவு செய்யப்பட்டது. சேலத்தில் 70 பேர் கொடுத்த புகாரின் பேரில் ரூ. 4½ கோடி வரை மோசடி செய்ததாக மத்திய குற்றப்பிரிவு இன்ஸ்பெக்டர் அமுதா தலைமையிலான போலீசார் வழக்கு பதிவு செய்து விசாரித்து வரு கின்றனர்.
இந்த நிலையில் கவுதம் ரமேஷ் சேலத்தில் பதுங்கி இருப்பதாக மத்திய குற்றப் பிரிவு போலீசாருக்கு தகவல் கிடைத்தது. இதையடுத்து போலீசார் அவரை சுற்றி வளைத்து பிடித்து கைது செய்தனர். அவரிடம் போலீசார் விசாரணை நடத்தினர்.
முதல்கட்ட விசாரணையில் கவுதம்ரமேஷ் தமிழ் நாட்டில் கோவை, சேலம் கரூர், தருமபுரி உள்ளிட்ட பல்வேறு மாவட்டங்களில் ரூ. 1200 கோடி வரை மோசடி செய்திருப்பது தெரியவந்தது.
கேரளாவில் மட்டும் ரூ.3500 கோடி வரை மோசடி செய்துள்ளார். இதனிடையே கவுதம்ரமேஷ் கைதான விவரம் கேரளா போலீசாருக்கு தெரியப்படுத்தப்பட்டது. இதையடுத்து கேரள போலீசார் இன்று சேலம் வந்தனர். கைதான கவுதம் ரமேஷிடம் அவர்கள் விசாரணை நடத்தினர்.
தலைமறைவான அவரது கூட்டாளிகளை கைது செய்யும் முயற்சியிலும் போலீசார் தீவிரமாக ஈடுபட்டுள்ளனர். மேலும் கவுதம் ரமேஷின் சொத்துக்களை முடக்கவும் நடவடிக்கை மேற்கொள்ளப்பட்டுள்ளது.
இந்த சம்பவம் சேலத்தில் பெரும் பரபரப்பை ஏற்படுத்தி உள்ளது
கருத்துகள் இல்லை:
கருத்துரையிடுக