சனி, 22 அக்டோபர், 2011

விஜய் - சூர்யாவின் தீபாவளி ரிலீசால் முடங்கிய 15 புதுப்படங்கள்!


Dhanush and Richa


தீபாவளிக்கு விஜய் நடித்துள்ள வேலாயுதம் மற்றும் சூர்யா நடித்த 7 ஆம் அறிவு ஆகிய இரு படங்கள் வெளியாவதால், 15-க்கும் மேற்பட்ட புதிய படங்கள் முடங்கியுள்ளன.
7 ஆம் அறிவு 340-க் கும் மேற்பட்ட தியேட்டர்களில் வெளியாகிறது. சென்னை மற்றும் சுற்றுப்புறங்களில் 40 அரங்குகள் இந்தப் படத்துக்கு கிடைத்துள்ளன.
வேலாயுதம் சுமார் 300 தியேட்டர்களில் ரிலீஸ் ஆகிறது. இவ்விரு படங்களும் தமிழகம் முழுவதும் கூடுதல் தியேட்டர்களை பிடித்துக்கொண்டதால் வேறு படங்களுக்கு தியேட்டர்களே கிடைக்கவில்லை.
இதனால் தீபாவளிக்கு ரிலீசாகாமல் 15 படங்கள் முடங்கியுள்ளதாக பாக்ஸ் ஆபீஸ் வட்டாரத்தில் கவலை தெரிவித்தனர். தனுஷின் மயக்கம் என்ன படம் முன்பே முடிந்துவிட்டாலும், தியேட்டர் இல்லாததால்தான் வெளியாகவில்லை.
சிம்பு நடித்துள்ள ஒஸ்தி, அங்காடி தெரு மகேஷ் நடித்த கொஞ்சம் சிரிப்பு கொஞ்சம் கோபம், தாண்டவக்கோனே உள்ளிட்ட படங்கள் தீபாவளிக்காகத்தான் தயாராகின. ஆனால் தியேட்டர்கள் கிடைக்காத நிலையில் அவை தள்ளி வைக்கப்பட்டுள்ளன.
தீபாவளிக்குப் பிந்தைய வாரங்களில் வெளியிடலாம் என்றாலும் திரையரங்குகள் இல்லை என்று கைவிரித்துவிட்டார்களாம். எனவே வேலாயுதம், ஏழாம் அறிவு இரண்டும் முதலிரு வாரங்களில் எத்தனை தியேட்டர்களில் தூக்கப்படுகிறதோ அதைப் பொறுத்தே புதிய படங்களின் வெளியீட்டுத் தேதி முடிவாகும்.

ஷாருக்கானின் ரா ஒன் படம் மட்டும் விஜய், சூர்யா படங்களுடன் தீபாவளிக்கு வருகிறது. இந்தப் படத்துக்கு 20 தியேட்டர்கள் சென்னையிலும் புறநகர்களிலும் கிடைத்துள்ளன.

இது இந்தியில் இருந்து தமிழில் டப்பிங் செய்து வெளியிடப்படுகிறது. பெரும்பாலும் மல்டிபிளக்ஸ் தியேட்டர்களில் இப்படம் ரிலீஸ் செய்யப்படுகிறது.

7 ஆம் அறிவு படத்துக்கு இன்று முதல் முன்பதிவு தொடங்கியுள்ளது. வேலாயுதம் படத்துக்கு விரைவில் முன்பதிவு தொடங்கவுள்ளது.

கருத்துகள் இல்லை: