அதிரடி” இணையமானது ஆறுவருட சேவையினைச் செவ்வனே பூர்த்தி செய்து 20.10.2010ல் ஏழாவது வருடத்தில் கால் பதிக்கின்றது. நீண்டகால பல்வேறு நெருக்குவாரங்கள், நிதி நெருக்கடிகள், மிரட்டல்கள், பல்வேறு கருத்து முரண்பாடுகள் போன்ற பலவற்றுக்கும் மத்தியிலும் பக்கச்சார்பின்றி, நடுநிலையாகவும் உண்மைக்குப் பாத்திரமாகவும், நேர்மை, நடுநிலை தவறாமலும், உண்மைத் தகவல்களை அக்குவேறு ஆணிவேறாக அலசி ஆராய்ந்து லேட்டாக தந்தாலும், லேட்டஸ்டாக தெளிவான செய்திகளாகத் தருவதில் முக்கிய இடம் வகிக்கின்றது. அத்துடன் அதிரடியானது தகவல்களை துல்லியமாகக் கணித்து வெளியிட்டு வரும் திறன் யாவரும் அறிந்ததே. எமது இணையதளத்தை முன்னிணியில் கொண்டு வந்து நிறுத்திய அனைவருக்கும் நன்றிகளைத் தெரிவித்துக் கொள்ளும் அதேவேளை ஆறு வருடம் பூர்த்தியடைந்து ஏழாவது ஆண்டில் காலடி எடுத்து வைக்கும் அதிரடி இணையத்திற்கு தங்களுடைய கருத்துக்களை (வாழ்த்துக்களையோ, வசவுகளையோ) எழுதி அனுப்பி வைக்கலாம் என்பதை அறியத் தருகிறோம். நாகரீகமான வார்த்தைகளைக் கொண்டு எழுதி அனுப்பப்படும் உங்கள் கருத்துக்கள் அதிரடி இணையத்தில் பிரசுரிக்கப்படும். அதாவது எவராக இருப்பினும் தரமான வார்த்தைகளில் நாகரீகமான முறையில் எழுதி அனுப்பும் கருத்துக்களை எமது இணையத்தளத்தில் பிரசுரிப்பதற்கு நாம் தயாராகவுள்ளோம். உங்கள் கருத்துக்களை எழுதி அனுப்ப வேண்டிய முகவரி..!
athirady@yahoo.com
கருத்துகள் இல்லை:
கருத்துரையிடுக