எம்.ஜி.ஆர் சிலைக்கு காவித்துண்டு அணிவித்த விவகாரம்: முதல்வர் பழனிசாமி கண்டனம்

தினத்தந்தி :  எம்.ஜி.ஆர் சிலைக்கு காவித்துண்டு அணிவித்த சம்பவத்திற்கு தமிழக முதல்வர் பழனிசாமி கடும் கண்டனம் தெரிவித்துள்ளார்.
சென்னை, புதுச்சேரி வில்லியனூர் விழுப்புரம் சாலையில் அமைக்கப்பட்டுள்ளது முன்னாள் முதலமைச்சர் எம்.ஜி.ஆர். சிலை.   நேற்று  அடையாளம் தெரியாத நபர் சிலர் எம்.ஜி.ஆர். சிலை மீது காவித் துண்டு  அணிவித்ததாக கூறப்படுகிறது. இதனால்,  அந்த இடத்தில் பரபரப்பு ஏற்பட்டது.
இதனையடுத்து அதிமுக வை சேர்ந்த தொண்டர்கள் அந்த இடத்தில் முற்றுகையிட்டனர்.  மேலும் எம்.ஜி.ஆர். சிலை மீது காவித் துண்டு போர்த்தப்பட்டதற்கு எதிர்ப்பு தெரிவித்து அதிமுக எம்.எல்.ஏக்கள் சிலர் போராட்டத்தில் ஈடுபட்டனர்.  இச்சம்பவத்தை முன்னிட்டு பாதுகாப்புக்காக காவல்துறையின் அங்கு குவிக்கப்பட்டனர்.

10000 கோடிகளும் சுவாஹா...

COO Varoon Raghavan

CEO, Rangnath

கீழே தரப்பட்டுள்ள இரண்டுமே டுபாக்கூர்கள்.
1. Princeton, Singapore:
இது ஒரு சாதாரன Data Center மற்றும் ரியல் எஸ்டேட் ஏஜென்ஸி.
👉இதன் இணையதளத்தில், தொலை பேசி எண் தரப்பட வில்லை.
👉வெளிநாடு என்ற போர்வையில் உள்ளுக்குள்ளேயே நடக்கும் 750 கோடி பரிமாற்றம்
👉இதன் CEO, Rangnath (Rangu)   .  👉இதன் COO,Varoon Raghavan
👉MD,Vipin Shirsat     . 2. Continube, USA:

MD,Vipin Shirsat

இது ஒரு Risk Management tool running on SaaS Platform.
👉இதன் இணையதளத்தில், முகவரி மற்றும், தொலை பேசி எண் தரப்பட வில்லை.
👉இதன் ட்விட்டர் அக்கௌன்ட், ஃபேஸ் புக் அக்கௌன்ட் எதுவும் வேலை செய்யவில்லை.
இந்த இரண்டும் சேர்த்து மொத்தமுள்ள 10 கம்பனிகள் இரு நாட்களுக்கு முன்பு தமிழக அரசோடு புரிந்துணர்வு ஒப்பந்தங்கள் போட்டுள்ளது என்பது குறிப்பிடத்தக்கது.
ஆகவே 10 ஆண்டுகள் பாழ், 10000 கோடிகளும் சுவாஹா.
அமெரிக்க வாழ் இந்தியர் பகிர்ந்தது.

பாஜக தலைவர்களின் மகள் மகன்கள் படிப்பது .... அமெரிக்கா இங்கிலாந்து ... நாடுகளில்தான்

முழு ஆங்கில கட்டுரை ..
Maha Laxmi : ராஜ் நாத்சிங்கின் மகன் இங்கிலாந்தின் "லீட்ஸ்" பல்கலைக்கழகத்தில் படிக்கிறான்.
நிர்மலா சீதாராமன் மகள் "வாங்மயிபரகலா" அமெரிக்காவின் நார்த் வெஸ்ட் பல்கலைக்கழத்தில் படிக்கிறாள்.
வெளி விவகார அமைச்சர் ஜெய்சங்கரின் மகன் "துருவ்" ஜியாஜ் டவுன் பல்கலைக்கழகத்திலும், மகள் "மேதா" டெனிசன் பல்கலைக்கழகத்திலும் படிக்கிறாள்.

அமைச்சர் ப்யுஸ்கோயல் மகள் "ராசிகா" மகன் "துருவ் "ஹார்வர்டு பல்கலைக் கழகத்தில் படிக்கிறார்கள்.
அமைச்சர் பிரகாஷ் சவடேகர் மகள் "அபூர்வா" பாஸ்ட்டன் பல்கலைக்கழத்தில் படிக்கிறாள்.
அமைச்சர் ரவிசங்கர் பிரசாத் மகள் "ஆதித்யா " அமெரிக்காவின் கார்னகி பல்கலைக்கழகத்தில் படிக்கிறாள்.
அமைச்சர் சுஜேந்திர சிங் செகாவத் மகள் "சுபாஷினி" ஆக்ஸ்போர்டு பல்கலைக்கழகத்தில் படிக்கிறாள்.

கேரளா அனுஜித் ...உயிர்களை காக்க பிறந்தவர்க்கு கண்ணீர் அஞ்சலி.. வீடியோ

  BBC : கேரள மாநிலம் கொட்டாரக்கரையைச் சேர்ந்த அனுஜித், ஐ.டி.ஐ படித்துக் கொண்டிருந்த நேரத்தில் ரயில் தண்டவாளத்தை கடந்து சென்ற சமயத்தில் தண்டவாளத்தில் ஏற்பட்ட விரிசலைக் கண்டார். அந்த வழியாக ரயிலும் வந்தது. உடனே, அந்த மாணவர் தனது கையில் இருந்த சிவப்பு நிற புத்தக பையை தூக்கி பிடித்தபடி
  தண்டவாளத்தில் ஓடினார். சுமார் அரை கிலோமீட்டர் தூரம் ஓடிச் சென்று ரயில் ஓட்டுநருக்கு எச்சரிக்கை கொடுத்தார்.
ஆபத்து என்பதை உணர்ந்துகொண்ட ஓட்டுநர் ரயிலை நிறுத்தினார். இதனால் நூற்றுக்கணக்கான பயணிகளின் உயிர் காப்பாற்றப்பட்டது. இது நடந்தது 2010-ம் ஆண்டு ஆகஸ்ட் 31-ம் தேதி.
மறுநாள் செப்டம்பர் 1-ம் தேதி வெளியான அனைத்து பத்திரிகைகளிலும் அனுஜித்தும் அவரது சிவப்பு நிற பேக்கின் புகைப்படமும் நிறைந்திருந்தது.
கடந்த 14-ம் தேதி கொட்டாரக்கரைக்கு அருகில் பைக்கில் அனுஜித் சென்றபோது எதிர்பாராதவிதமாக விபத்து ஏற்பட்டது.திருவனந்தபுரம் கிம்ஸ் மருத்துவமனைக்கு கொண்டு
செல்லப்பட்டார். அவரது உயிரை காக்க மருத்துவர்கள் முயற்சித்தனர். ஆனால் கடந்த 17-ம் தேதி அனுஜித் மூளைச்சாவு அடைந்தார்.17 வயதில் மாணவனாக இருக்கும்போது நூற்றுக்கணக்கான பயணிகளின் உயிரைக் காத்த அனுஜித் தனது 27 வயதில் மரணமடைந்த பிறகும் 8 பேருக்கு வாழ்வளித்துள்ளார்.

உயிருடன் இருந்தபோது சோறு போடாத பாவிகள்... "மன்னிச்சிருங்கப்பா.. அம்மா"..

tamil.oneindia.com - hemavandhana : சென்னை: பசி கொடுமையால் வயதான தம்பதியினர் தூக்கு போட்டு தற்கொலை செய்து கொண்டனர்.. "எங்க சடலங்களுக்கு பிள்ளைகள் 3 பேருமே கொள்ளி வைக்கக்கூடாது" என்று ஒரு லெட்டரையும் போலீசுக்கு எழுதி வைத்துவிட்டு இறந்துவிட்டனர்.. எனினும் மகன்கள் கதறி கதறி அழுததால், அவர்களிடம் பெற்றோர் சடலங்கள் ஒப்படைக்கப்பட்டு, பொதுமக்கள் முன்னிலையில் எரியூட்டப்பட்டது.
சென்னை செம்பியத்தை சேர்ந்தவர் குணசேகரன்-செல்வி தம்பதி.. இவர்களுக்கு 3 மகன்கள்.. இதில் 2 மகன்களுக்கு கல்யாணம் செய்து வைத்தனர்.. அவர்கள் 2பேரும் கல்யாணம் ஆன உடனேயே தனிக்குடித்தனம் போய்விட்டனர்.. கடைசி மகனுக்கு இன்னும் கல்யாணம் ஆகாததால் பெற்றோருடனே வசித்து வந்தார்.
ஆனால், அந்த மகனும் வீட்டு செலவுக்கு காசு தராமல் இருந்திருக்கிறார்.. பணம் தராததால் வீட்டில் மளிகை உட்பட எந்த பொருளும் இல்லை.. இதனால் பசியை அவர்களால் சமாளிக்க முடியாமல், வயதான காலத்தில் செக்யூரிட்டி வேலைக்கு போனார் குணசேகரன்

வெறும் வயிற்றில் காலை நேர உணவாக சாப்பிடக்கூடாத உணவுகள் எவை...?

வெப்துனியா :காலையில் முதல் உணவாக இருப்பதால், எதைச் சாப்பிட வேண்டும், எதைத் தவிர்க்க வேண்டும் என்பதில் நாம் விழிப்புடன் இருக்க வேண்டும். இது நாள் முழுவதும் நம் உடலை சீராகவும் சுறுசுறுப்பாகவும் வைத்துக்கொள்ள உதவும். இல்லையெனில் ஒருவர் எந்த நேரத்திலும் நோய்வாய்ப்படக்கூடும்.
இரவு வெகுநேரம் உணவு உண்ணாமல் உறங்குவதால், ஏற்கனவே வயிற்றில் அமிலம் அதிகமாக சுரந்திருக்கும். அப்போது, காபி, டீ பருகினால், இரைப்பையில்  அலர்ஜி உண்டாகும். செரிமானம் பாதிக்கப்படும். வயிறு பொருமல் ஏற்படும். காபி நல்லதுதான். ஆனால் ஏதாவது நன்றாக உணவு சாப்பிட்டுவிட்டுப் பின்னர், காபி  குடிக்கலாம்.இளம் சூடான நீர் - காலையில் காபி/டீக்கு பதிலாக இளம் சூடான தண்ணீர் குடித்தால், உடல் எடை குறையும், கழிவுகள் வெளியேறும், நோய் எதிர்ப்பு சக்தியை  அதிகரிக்கும், சருமம் இளமையாகும், புத்துணர்வு கிடைக்கும், செரிமானம் சீராகும், மலச்சிக்கல் சரியாகும். யில் எரிச்சல் ஏற்படுத்தும்.

பேவிபிராவிர் மாத்திரைகள். கொரோனாவுக்கு நல்ல பலனைத்தரும் ...- மருத்துவ பரிசோதனையில்

   கொரோனா வைரஸ் தொற்று நோய்க்கு பேவிபிராவிர் மாத்திரைகள் நல்ல பலனைத் தருவது மூன்றாம் கட்ட மருத்துவ பரிசோதனையில் தெரிய வந்துள்ளது.

கொரோனா வைரஸ் தொற்று நோய்க்கு மருந்து கண்டுபிடிக்கப்படாத நிலையில், பிற நோய்களுக்கு பயன்படுத்தப்படுகிற மருந்துகள் சோதனை ரீதியாக பயன்படுத்தப்படுகின்றன. அந்த வகையில் ஜப்பானில் இன்புளூவென்சாவுக்கு வைரஸ் தடுப்பு மருந்தாக பேவிபிராவிர் மாத்திரைகள் தரப்படுகின்றன. அந்த மாத்திரைகளை கொரோனா வைரஸ் தொற்று நோய்க்கும் சோதனை முறையில் டாக்டர்கள் தருகின்றனர். இந்த மாத்திரைகள் எந்தளவுக்கு பலன் அளிக்கின்றன என்பது தொடர்பாக இந்தியாவில் 7 முக்கிய இடங்களில் 3-ம் கட்ட மருத்துவ பரிசோதனையை, அவற்றை தயாரித்து சந்தையிடுகிற மும்பையை தலைமையிடமாக கொண்டு செயல்படுகிற கிளென்மார்க் நிறுவனத்தார் நடத்தி முடிவுகளை வெளியிட்டுள்ளனர்.

இஸ்லாமாபாத் : பெண் கொடுக்காத ஆத்திரத்தில் 14 வயது சிறுமி எரித்து கொலை

தினத்தந்தி :   இஸ்லாமாபாத்தில் தன் மகனுக்கு பெண் கொடுக்காத ஆத்திரத்தில் 14 வயது சிறுமியை எரித்து கொலை செய்த கொடூர சம்பவம் நடந்து உள்ளது.
பாகிஸ்தானில் 14 வயது சிறுமியை தன் மகனுக்கு ஒருவர் பெண் கேட்க, பெண்ணின் தந்தை மறுத்ததால், அந்த பெண்ணை உயிருடன் கொளுத்தப்பட்டார்.
பாகிஸ்தானின் பஞ்சாப் மாகாணத்தை சேர்ந்தவர் முகமது யூசுப் என்பவரது மகள் சாதியா (14). அவரை தனது மகனுக்கு பெண் கேட்டுள்ளார் யூசுபின்= சகோதரரான முகமது யாகூப். ஆனால், சாதியாவை ஏற்கனவே வேறொரு உறவினருக்கு திருமணம் செய்து கொடுப்பதாக தான் வாக்குக்கொடுத்துவிட்டதாக யூசுப் கூறியுள்ளார்.
தன் மகனுக்கு பெண் கொடுக்கவில்லை என்பதால் ஆத்திரமடைந்த யாகூப் வீட்டுக்குள் புகுந்து சாதியா மீது பெட்ரோலை ஊற்றி உயிருடன் தீவைத்து கொளுத்தி உள்ளார்.

பெற்றோரைக் கொன்ற தாலிபான்களை சுட்டுக்கொன்ற சிறுமி! ஆப்கனிஸ்தான் .. வீடியோ

மின்னம்பலம் : ஆப்கானிஸ்தானில் பெற்றோரைக் கொன்ற இரண்டு தலிபான் பயங்கரவாதிகளைச் சுட்டுக்கொன்ற சிறுமிக்குப் பாராட்டுகள் குவிந்து வருகின்றன
ஆப்கானிஸ்தானில் உள்நாட்டு போர் நிலவி வரும் சூழலில், அரசுக்கு ஆதரவாகச் செயல்படும் பொதுமக்களையும் தலிபான் பயங்கரவாதிகள் கொலை செய்து வருகின்றனர்.
இந்த நிலையில் கோர் மாகாணம் தியோரா மாவட்டத்தைச் சேர்ந்த கமர் குல் என்பவர் அரசுக்கு ஆதரவாகச் செயல்பட்டு வந்ததால், கடந்த 16ஆம் தேதி நள்ளிரவு அவர் வீட்டுக்கு வந்த தலிபான் பயங்கரவாதிகள் சிறுமியின் கண்முன்னே அவருடைய பெற்றோரை படுகொலை செய்தனர்.
இதைப் பார்த்து அதிர்ச்சியடைந்த சிறுமி, அங்கிருந்த துப்பாக்கியை எடுத்து சரமாரியாகச் சுட்டதில் இரண்டு பயங்கரவாதிகள் கொல்லப்பட்டனர். அவர் தம்பியும் அந்தத் துப்பாக்கியை வாங்கி சுட்டதில் மீதமிருந்தவர்கள் தப்பியோடினர்.

நைஜீரியாவிலும் தீண்டாமை "ஓசு" எனும் நைஜீரிய பஞ்சமர்கள் !

Dhinakaran Chelliah : நைஜீரியாவிலும் தீண்டாமை ! "ஓசு" எனும் நைஜீரிய பஞ்சமர்கள் !!!
கிழக்கு நைஜீரியாவில் உள்ள இக்போ மக்களில் "ஒசு"(Osu) எனப்படுவோர் இன்றைய தேதியிலும் தீண்டத்தகாதவர்களாகவும் சபிக்கப்பட்டவர்களாகவும் ஒதுக்கிவைக்கப் பட்டுள்ளனர்.
இன்றைய தென்கிழக்கு நைஜீரியாவில் இக்போ எனும் ஒரு தனித்துவமான பழங்குடி இன மக்கள் வாழ்ந்து வருகிறார்கள். இவர்கள் பேசும் மொழியை இந்தப் பிராந்தியத்தில் (Igboland) வேறு யாரும் பேசுவதில்லை. இக்போ மக்கள் இங்கு குடியேறியது எப்படி அல்லது எப்போது என்பதை சரித்திர ஆசிரியர்கள் மற்றும் தொல்பொருள் ஆராய்ச்சியாளர்கள் இன்னும் தெளிவாக கண்டுபிடிக்கவில்லை.
இக்போ சமூக அமைப்பில் இரு பகுதி உள்ளது, ஒன்று ஓசு; அதாவது ஆச்சாரிய சாதி அல்லது அவரிடமிருந்து வந்தவர்கள், மற்றொன்று "டயலா" ; இவர்கள் மண்ணின் மைந்தர்கள். பண்டைய காலத்தில், இவர்களுக்குள் முரண்பாடுகள் இருந்ததில்லை.

ராஜஸ்தான் ரூ.900 கோடி மோசடி: மத்திய மந்திரி (BJP) ஷெகாவத்திடம் விசாரணை .. கூட்டுறவு சங்கத்தில்

தினத்தந்தி :  ராஜஸ்தான் கூட்டுறவு சங்கத்தில் நடந்த ரூ.900 கோடி மோசடி தொடர்பாக மத்திய மந்திரி ஷெகாவத்திடம் விசாரணை நடத்த போலீசாருக்கு கோர்ட்டு உத்தரவிட்டு உள்ளது. ஜெய்ப்பூர், ராஜஸ்தானை சேர்ந்த சஞ்சிவனி கடன் கூட்டுறவு சங்கத்தின் ஜெய்ப்பூர் கிளையில் ஆயிரக்கணக்கான மக்கள் பணம் சேமித்து வந்தனர். இந்த சங்கத்தில் ரூ.900 கோடி அளவுக்கு மோசடி நடந்தது. இதனால் வாடிக்கையாளர்களுக்கு பணத்தை திரும்ப கொடுக்க முடியாத சூழல் ஏற்பட்டுள்ளது. இந்த மோசடி தொடர்பாக ராஜஸ்தான் போலீஸ் சிறப்பு நடவடிக்கைக்குழுவினர் கடந்த ஆண்டு முதல் விசாரணை நடத்தி வருகின்றனர்.
இந்த மோசடியில் மத்திய மந்திரியும், ராஜஸ்தான்பா.ஜனதா தலைவர்களில் ஒருவருமான கஜேந்திர சிங் ஷெகாவத் மற்றும் அவரது மனைவி உள்ளிட்டோருக்கும் தொடர்பு இருப்பதாக வாடிக்கையாளர்கள் குற்றம் சாட்டினர்.

விவசாயம் பற்றி பல இதழ்களில் வரும் ஓவர் பில்ட் அப் கதைகள் ..

அமெரிக்க நாசாவில் வேலையை விட்டுவிட்டு விவசாயம் பார்க்க கழனி புகுந்த என்ஜினீர்', 'குறைந்த  முதலீடு, அதிக லாபம்', 'கார்ப்பரேட் அழுத்தங்கள் இல்லாத மன நிம்மதியான விவசாய வாழ்க்கை', மற்றும் பல 'பெப்பப்' வரிகளும் விவசாயத்தை புனிதப்படுத்தும் வசனங்களும் கேட்டு அதை தொட்டால் கெட்டோம் என்பதை பின்னாளில் சில நண்பர்களின் அனுபவத்தில் தெரிந்து கொண்டேன்.
கபிலன் காமராஜ் : ஐந்து வயசு இருக்கும் பொழுது அப்பாவுடன் அவர் கிராமத்துக்கு போயிருக்கேன். எதுக்குன்னா, நரி பார்ப்பதற்கு. கரும்பு தோட்டத்தில் அறுவடையின் பொழுது பரண் மீதிருந்து பார்த்தால் நரி குட்டிகளுடன் ஓடுவது தெரியும். தோட்டத்திலேயே வெல்லம் காச்சுவார்கள்.
பத்து வயசு இருக்கும் பொழுது எங்க அப்பாவின் கிராமத்துக்கு கோடை விடுமுறைக்கு போனால் செம கொண்டாட்டமாக இருக்கும். ஊர் ஒருபுறம் வயல் மறுபுறம் இடையில் ஆறு ஓடிக் கொண்டிருக்கும். வயலில் பம்பு செட் கிணற்று நீரை இரைக்கும் தொட்டிக்குள் கும்மாளம் போட்டு, ஆற்று மீனை பிடித்து வந்து வீட்டுத் தொட்டியில் விட்டு என விளையாட ஏக மகிழ்ச்சி.
அதுக்கப்புறம் அதிகம் சென்றதில்லை. பொறியியல் படிக்கும் பொழுது வீட்டிலிருக்கும் மேல்நிலை நீர்த்தேக்க தொட்டிக்கான மோட்டார் பம்பை கட்டுப்படுத்த நான் செய்திருந்த மின்னனு கட்டுப்பாட்டு கருவியை பார்த்து சித்தப்பா வயலில் இருக்கும் மோட்டார் பம்பிற்கும் ஒன்று செய்து கொடுக்க சொன்னார்.

ஈ பாஸ் இல்லாமல் ரஜினி லம்போர்கினி பயணம் ..

Rebel Ravi : · முந்தாநாள் 5 கோடி ரூவா லம்போர்கினிய..எளிமையா அவரே ஓட்டினாருன்னு.. பப்லிசிட்டி. வேற .
தன்னோட பண்ணை வீட்டுக்கு மாவட்டம் விட்டு மாவட்டம் போன இவர் 65+ வயதானவர்... இப்படிப்பட்டோர் அநாவசியமாக வெளியே போகாதீர் எனப் பிரதமர் கெஞ்சுகிறார்..
ஆனால் ரஜினி  போனார்.. ஈ பாஸ் எடுத்தாரா என எல்லோரும் கேட்டனர்..
உலக உத்தமன் வேடம் போடும்..இந்தக் கஞ்சமகாப்ரபு..கபட வேடதாரி...
இன்று ஈ பாஸ் எடுக்கிறார் அன்று போனதற்கு...அதுவும் மெடிக்கல் எமர்ஜென்சி எனப் பொய் கூறி..எடப்பாடியை விடக் கேவலமான பிறவி. இது சார் மாதிரி ஒரு யோக்கியனை ஈ லோகத்தில் பார்க்க இயலுமோ?
முந்தாநாள் போனதற்கு இன்றைக்கு ஈ பாஸ் எடுத்து இருக்கிறார்
Poovannan Ganapathy. : ஈ பாஸ்.
ரஜினிகாந்த் அவர்களின் ஈபாஸ் பார்த்ததால் இந்த பதிவு. இந்த கொரோனா காலகட்டத்தில் அரசும் போல்சியும் நடத்தும் சாடிஸ வெறியாட்டத்தில் இந்த ஈபாஸ் க்கு முக்கிய பங்கு இருக்கிறது.

மகராஷ்டிரா 2019 தேர்தலில் பாஜகவின் தில்லு முல்லு ... தேர்தல் ஆணையமே உடந்தை?

Muralidharan Pb : பாஜக 2019ல் மராட்டிய மாநிலத்தில், எவ்வளவு தில்லு முல்லு செய்துள்ளது கவனியுங்கள்.
இப்போது வெளியாகியுள்ளது.
இதோ ஒரு பானை சோற்றுக்கு ஒரு சோறு.

நேரடியாக தேர்தல் ஆணையத்தோடு கூட்டணி வைத்துள்ளது அம்பலமானது.
இணைய முகவரி
www.eci.gov.in
ஆனால் கொடுக்கப்பட்ட தபால் முகவரி
அம்பு குறியிட்ட இந்த முகவரி 202 Pressman House was also used by a digital agency called "Social Central".
Devang Dave தேவாங் தாவே என்று முகவரியில் ஒருவரின் பெயரில் பதிவாகியுள்ளது.

அவர் யார்?
பாஜகவின் இளைஞர் அணியின் ஐடி மற்றும் சமூக ஊடகங்களின் தேசியத் தலைவர்.
அவருடைய கஸ்டமர் யாரென்று மற்றொரு படத்தில் காணலாம்.
பாஜக கட்சி
தேர்தல் ஆணையம்
போன்றவை
"The Fearless Indian", "I Support Narendra Modi" உள்ளிட்ட இயக்கங்களை நடத்தி வருகின்றார் தேவாங் தாவே.
அப்பேற்பட்ட ஆசாமியின் நிறுவனத்தின் கையில் தேர்தல் ஆணையம் தங்களது முகநூல் பக்கத்தை தந்துள்ளது கோரமான உண்மை, அதிர்ச்சியான உண்மை.

கொரோனா கவாச் (கவசம்).. Insurance Regulatory Development Authority of India

Karthikeyan Fastura : கொரோனா கவாச் (கவசம்)
கொரோனா தொற்று ஏற்பட்டால் ரூ 5 லட்சம் மதிப்பில் தனியார் மருத்துவமனைகளில் பணம் செலுத்தாமல் சிகிச்சை எடுத்துக்கொள்ள Insurance Regulatory Development Authority of India கரோனா கவாச் (கவசம்) பாலிசியை அறிவித்துள்ளது.
பாலிசி எடுத்த 16 வது நாளில் இருந்து சிகிச்சை பெறலாம்.
ரூ 5 லட்சம் வரை சிகிச்சை பெற
பிறந்தது முதல் 45வயது வரை கட்டணம் ரூ . 2243
46 வயது முதல் 65 வயது வரை கட்டணம் ரூ. 2692
தனி நபருக்கு குறைந்த கட்டணத்தில் நிறைவான சிகிச்சை பெறலாம்.
நம் குடும்பத்திற்கான பாதுகாப்பு
எ.கா.
S.I: 5 லட்சம் கரோனா கவாச் பாலிசி
குடும்ப தலைவர் வயது: 41
மனைவி வயது: 37
குழந்தை 1: வயது: 15
குழந்தை 2: வயது: 10
பாலிசி டேர்ம்: 9. 1/2 மாதங்களுக்கான எடுத்துக்காட்டு: =

News 18 ஹாசிஃப் முஹம்மது.. நிர்பந்தம் காரணமாக வெளியேறினார்

 ஹாசிஃப் முஹம்மது : ஆம். நிர்பந்தம் காரணமாகதான் News18ல் இருந்து வெளியேற்றப்பட்டேன்.
இது News18 எனும் ஒரு சேனலோடு சுருக்கி பார்க்கவேண்டிய விசயமல்ல. 2014 முதலே இந்த நெருக்கடியை எல்லா ஊடகங்களும் சந்திக்கிறது. பாராளுமன்ற தேர்தலின்போது ஊடகங்களுக்கு நெருக்கடி கொடுக்கப்பட்டதுபோல் தமிழக தேர்தலுக்கான நெருக்கடியை இப்போதே தருவதாக உணர்கிறேன்.
இது என்னோடு முடிந்துவிடும் பிரச்சினை அல்ல. எனக்கு பிறகும் சில முக்கியமானவர்களை ஊடகத்துறையில் இருந்து விரட்ட முழு முனைப்போடு செயல்படுகிறார்கள்.

எனக்கும் கறுப்பர் கூட்டத்திற்கும் தொடர்பு உள்ளது என கூறுபவர்கள் ஒரே ஒரு ஆதாரத்தை கொடுத்தால் நான் ஊடகத்தை விட்டும், சங்கத்தை விட்டும் சென்றுவிடுகிறேன் என சவால் விட்டும் இதுவரை ஒருவர்கூட அதற்கு ஆதாரம் தரவில்லை.

ஆஸ்திரேலியா திறந்த வெளி கடை... விற்பனையாளர் கிடையாது .

Dhinakaran Chelliah : இது ஒரு திறந்த வெளிக் கடை.
உரிமையாளர் யாரும் இல்லாத கடை இது.தங்களது விவசாயப் பண்ணைக்கு முன்பாக இத்தகைய கடைகள் இருப்பது ஆஸ்திரேலியாவில் வாடிக்கை..
ஆரஞ்சு பழங்கள், முட்டை, எழுமிச்சை, தேன் என பண்ணையின் விளை பொருட்களை விற்பனைக்கு வைத்திருப்பர். பொருளுக்கான விலையை சிறு அட்டைகளில் எழுதி வைத்திருப்பார்கள்.
விருப்பமுள்ளவர்கள் பொருளை எடுத்துக் கொண்டு உரிய பணத்தை அங்குள்ள சிறு பெட்டியில் போட்டுவிட்டுச் செல்லலாம். மனிதமும், சக மனிதனிடம் உள்ள நம்பிக்கையும் மட்டுமே இந்த வியாபாரத்தின் ஆதாரம்.

தமிழகத்தில் கோவாக்சின் கொரோனா தடுப்பூசி மனிதர்களுக்கு செலுத்தும் பணி தொடங்கியது வீடியோ

மாலைமலர் : தமிழகத்தில் எஸ்ஆர்எம் கல்லூரியில் கோவாக்சின் கொரோனா தடுப்பூசி மனிதர்களுக்கு செலுத்தும் பணி தொடங்கியது.
சென்னை: கொரோனாவை தடுக்க உருவாக்கப்பட்டுள்ள கோவாக்சின் என்ற மருந்தை சுதந்திர தினமான ஆகஸ்ட் 15ம் தேதி செயல்பாட்டிற்கு கொண்டு வர இந்திய மருத்துவ ஆராய்ச்சி கவுன்சில் முடிவு செய்துள்ளது. இதையடுத்து அந்த தடுப்பூசியை  மனிதர்களுக்கு செலுத்தி பரிசோதிக்க தமிழகத்தின் எஸ்ஆர்எம் மருத்துவக் கல்லூரி மருத்துவமனை, விசாகப்பட்டினம், ரோஹ்டாக், டெல்லி, பாட்னா, பெல்காம், நாக்பூர், கொரோக்பூர், ஹைதராபாத், ஆர்யா நகர், கான்பூர் மற்றும் கோவா உட்பட  நாடு முழுவதும் சுமார் 12 மருத்துவமனைகள் தேர்வு செய்யப்பட்டுள்ளன.
டெல்லி மற்றும் பீகார் மாநிலம் பாட்னாவில் உள்ள எய்ம்ஸ் மருத்துவமனைகளில் ‘கோவாக்சின்’ பரிசோதனை தொடங்கிவிட்டது. இந்நிலையில், தமிழகத்தில் இன்று கோவாக்சின் தடுப்பூசி மனிதர்களுக்கு செலுத்தி பரிசோதிக்கும் சோதனை இன்று தொடங்கியது.

வனிதாவுக்கு கொலை மிரட்டல் : சூர்யா தேவி கைது!.. வீடியோ

மின்னம்பலம் : நடிகை வனிதா விஜயகுமாருக்கு கொலை மிரட்டல் விடுத்ததுடன், அவரைப் பற்றி சமூக வலைதளங்களில் அவதூறு பரப்பியதாக சூர்யா தேவி என்பவரை வடபழனி அனைத்து மகளிர் காவல் நிலைய போலீசார் கைது செய்துள்ளனர்.
நடிகையும், பிக் பாஸ் பிரபலமுமான வனிதா விஜயகுமார், பீட்டர் பால் என்பவரை கடந்த ஜூன் 27ஆம் தேதி திருமணம் செய்து கொண்டார். வனிதாவுக்கு இது மூன்றாவது திருமணம், என்பதால் அதனைக் குறிப்பிட்டு சமூக வலைதளங்களில் பலரும் அவரைக் கடுமையாக விமர்சித்து வந்தனர். அந்த நேரத்தில் பீட்டர் பால் அவரது முதல் மனைவியிடம் முறையாக விவாகரத்து பெற்றுக்கொள்ளாமல் வனிதாவை திருமணம் செய்து கொண்டதாக புதிய சர்ச்சை கிளம்பியது.
பீட்டர் பாலின் முதல் மனைவி எலிசபெத் ஹெலன் இது தொடர்பாக வடபழனி காவல்நிலையத்தில் புகார் அளித்தார்.  இதுதான் அந்த விவகார வீடியோ

எம்.ஜி.ஆர் சிலைக்கு காவித் துண்டு: அதிமுகவினர் போராட்டம்!

மின்னம்பலம் : எம்.ஜி.ஆர் சிலைக்கு காவி துண்டு அணிவிக்கப்பட்ட சம்பவம் பரபரப்பை ஏற்படுத்தியுள்ளது.
புதுச்சேரி-விழுப்புரம் நெடுஞ்சாலையில் வில்லியனூர் சந்திப்பில் முன்னாள் முதல்வர் எம்.ஜி.ஆருக்கு ஆளுயர சிலை அமைக்கப்பட்டுள்ளது. இந்த நிலையில் இன்று பகல் அவரது சிலைக்கு மர்ம நபர்கள் காவித் துண்டு அணிவித்துவிட்டு அங்கிருந்து சென்றுள்ளனர். காவித் துண்டு அணிவிக்கப்பட்டிருப்பதை கண்டு அதிர்ச்சியடைந்த அப்பகுதி அதிமுகவினர், எம்.எல்.ஏ அன்பழகன், வையாபுரி, மணிகண்டன் உள்ளிட்டோருக்கு தகவல் தெரிவித்தனர்.
பின்னர், அங்கு கூடிய அதிமுகவினர் காவித் துண்டு அணிவித்த மர்ம நபர்களை கண்டறிந்து நடவடிக்கை எடுக்க வேண்டுமெனக் கோரி சிலை முன்பு அமர்ந்து போராட்டத்தில் ஈடுபட்டனர். தகவலறிந்து விரைந்த வில்லியனூர் காவல் துறையினர், உரிய நடவடிக்கை எடுக்கப்படும் என உறுதியளித்ததால் போராட்டம் கைவிடப்பட்டது.

இலங்கை மாபியா தலைவன் அங்கோட லோக்கோ இந்தியாவில் கொலை .

வீரகேசரி : தலைவன் அங்கொட லொக்கா இந்தியாவில் படுகொலை ; இலங்கையிலிருந்து சென்ற பெண் பானத்தில் விஷம் கலந்து கொலை செய்துள்ளதாக தகவல்

இலங்கையில் இருந்து சென்றுள்ள பெண் ஒருவரே அவரை சக்தி பானம் ஒன்றில் விஷம் கலந்து கொலை செய்துள்ளதாக அந்த தகவல்கள்  தெரிவித்தன.
பாதுகாப்புத் தரப்பின்  உள்ளக தகவல்கள் பிரகாரம் அறிய முடிவதாவது,
கடந்த 2019 பெப்ரவரி மாதம் 27 ஆம் திகதி பாதாள உலகக்கோஷ்டியின் தலைவர்களில் ஒருவரான சமயங் உள்ளிட்ட சில கைதிகளை ஏற்றிச்சென்ற சிறைச்சாலை பஸ் மீது துப்பாக்கிப் பிரயோகம் மேற்கொள்ளப்பட்டு அவர்கள் கொலை செய்யப்பட்ட சம்பவத்தை அடுத்து, அதன் பிரதான சூத்திரதாரியாக கருதப்படும் அங்கொட லொக்கா இந்தியாவுக்கு தப்பிச் சென்றிருந்தார்.
இந் நிலையிலேயே இந்தியாவில் அங்கொட லொக்கா மறைந்திருந்த நிலையில், இலங்கையில் இருந்து அங்கு சென்று அங்கொட லொக்காவுடன் இருந்ததாக கூறப்படும்  அழகுக் கலை நிலைய பெண் ஒருவர் இவ்வாறு சக்தி பானம் ஒன்றில் விஷம் கலந்து அங்கொட லொக்காவை கொலைசெய்துள்ளதாக பாதுகாப்புத் தரப்பின் உள்ளக தகவல்கள் தெரிவித்தன.

தூத்துக்குடி திமுக எம்.எல்.ஏ. கீதா ஜீவன் உட்பட 19 அமைச்சர்கள் எம் எல் ஏக்களுக்கு கொரோனா தொற்று உறுதி

மாலைமலர் :தமிழகத்தில் கொரோனாவை கட்டுப்படுத்த அரசு தீவிர நடவடிக்கைகளை எடுத்த போதிலும், நோய்த்தொற்று வேகமாக பரவி வருகிறது. களத்தில் நின்று பணியாற்றும் அமைச்சர்கள், எம்.எல்.ஏ.க்கள் உள்ளிட்டவர்களை தொடர்ந்து கொரோனா பதம் பார்த்து வருகிறது.
கொரோனா தடுப்பு நடவடிக்கை மற்றும் நிவாரண பணிகளில் அமைச்சர்கள் தங்களை ஈடுபடுத்திக்கொண்டு உள்ளனர். இதனால் அமைச்சர்களும் கொரோனா தாக்குதலுக்கு ஆளாகி வருகின்றனர். இந்த நிலையில், தூத்துக்குடி தொகுதி திமுக எம்.எல்.ஏ. கீதா ஜீவனுக்கு கொரோனா தொற்று உறுதியாகியுள்ளது.   கொரோனா தொற்று உறுதியானதை அடுத்து அவர்  வீட்டில் தனிமைப்படுத்தப்பட்டார்.
மேலும்  கீதா ஜீவனின் மகள் மற்றும் மருமகனுக்கும் கொரோனா தொற்று உறுதியானதை தொடர்ந்து அவர்களும் வீட்டில் தனிமைப்படுத்தி கொண்டனர்.
தமிழகத்தில் அமைச்சர்கள், எம்எல்ஏக்கள் என இதுவரை 19 பேர் கொரோனா தொற்றால் பாதிக்கப்பட்டுள்ளனர்.

ஆ .ராசா : திமுக இந்து விரோத கட்சியல்ல ... தமிழ் மக்களுக்கு காவி அரசியல் நன்றாகவே புரிந்திருக்கிறது.

Nanthivarman:    பலரின் சந்தேகங்களுக்கு தெளிவான பதிலை திமுகவின் கொள்கை பரப்பு செயலாளர் ஆ.ராசா (A Raja) அவர்கள் விகடனில் தெரிவித்து உள்ளார்.. அதில் மிக முக்கிய மூன்று கேள்விகளும் அதற்கான பதில்களும் கீழே....
1. தி.மு.க இந்து விரோத கட்சி என்று தொடர்ந்து பரப்பப்பட்டு வருவதை எப்படி பார்க்கிறீர்கள்? தி.மு.க இந்து மக்களுக்கு என்ன செய்துள்ளது?
தி.மு.க 'இந்துக்கள்' என்றழைக்கப்படும் தாழ்த்தப்பட்ட, பிற்படுத்தப்பட்ட மக்களாக விளங்கும் சூத்திரர்களுக்கும் பஞ்சமர்களுக்குமான உரிமை மீட்பு இயக்கம். தன் வாழ்நாளுக்குள்ளாகவே, தமிழ் நாட்டளவிலாவது இம்மக்களுக்கு சூத்திர பட்டமும், பஞ்சம பட்டமும் ஒழிய வேண்டும் என்று தன்னலமற்று போராடியவர் தந்தை பெரியார். பெரியாரின் எண்ணப்படிதான் காமராஜர் ஊரெங்கும் பள்ளிக்கூடங்களை திறந்தார். பின்னர், கலைஞர் கல்லூரிகளை திறந்து, சூத்திரர்களாகவும் பஞ்சமர்களாகவும் ஆக்கப்பட்ட இந்துக்களை பட்டதாரிகளாக மாற்றினார்.

லடாக் எல்லையில் 40 ஆயிரம் சீன துருப்புக்கள இன்னும் நிலை கொண்டுள்ளது

தினதந்ததி : லடாக் எல்லைப்பகுதியில் ஊடுருவிய சீனா அனைத்து பகுதிகளிலிருந்தும் பின்வாங்கவில்லை 40 ஆயிரம் ராணுவ வீரர்கள் உள்ளனர்.மீண்டும் சிக்கல் நீடிக்கிறது.
புதுடெல்லி லடாக் எல்லையான கல்வான் பள்ளத்தாக்கில் இந்திய-சீன வீரர்களிடையே கடந்த 15 ஆம் தேதி மோதல் ஏற்பட்டது. இதில் 20 இந்திய வீரர்கள் வீரமரணம் அடைந்தனர். 76 பேர் காயம் அடைந்தனர். சீன தரப்பில் 43 பேர் வரை உயிரிழப்பு\காயமடைந்திருக்கலாம் என தகவல்கள் வெளியாகியுள்ளது. இந்த மோதலால் எல்லை பகுதியில் பதற்றம் நிலவி வருகிறது.
அதேசமயம் பிரச்சினையை பேச்சுவார்த்தை மூலம் தீர்க்கவும் முயற்சிகள் மேற்கொள்ளப்பட்டு வருகிறது.

இந்திய-சீன ராணுவ கமாண்டர் அளவிலான இரண்டாம் கட்ட பேச்சுவார்த்தையில்

பங்கோங் டெசோ பகுதியில் நிலைநிறுத்தப்பட்டுள்ள சீன படைகள், கல்வான் பள்ளத்தாக்கில் இருந்து பின்வாங்க வேண்டும் எனவும் இந்திய தரப்பில் தெரிவிக்கப்பட்டுள்ளது. தேசிய பாதுகாப்பு ஆலோசகர் அஜித் டோவல், சீனர்களுடனான தனது பேச்சு வார்த்தையின்  போது, ​​பதற்றத்தைத் தணிக்க இரு தரப்பினரும் தங்கள் நிரந்தர இடங்களுக்குத் திரும்பிச் செல்ல வேண்டியிருக்கும் என்று தெளிவுபடுத்தியிருந்தார்.

கறுப்பர் கூட்டம் .. திரு கொளத்தூர் மணி : உடனே செயல்படுங்கள்! விரைந்து செயல் படுங்கள்!

அன்பார்ந்த தோழர்களே! வணக்கம். நேற்று (22.07.2020) கோவை மாவட்டம்,
அன்னூரில் பெரியாரிய இயக்கத் தோழர்களும், ஜனாயக சக்திகளும் இணைந்து முன்னெடுத்த ஒரு போராட்டம், நம்மைப் போன்ற முற்போக்கு இயக்கங்களைச் சார்ந்த தோழர்களைச் சிந்திக்க வைத்திருக்கிறது.
என்னதான் நடந்தது? அன்னூருக்கு அருகிலுள்ள நல்லி செட்டிப் பாளையம் எனும் ஊரைச் சேர்ந்த தந்தை பெரியார் திராவிடர் கழகத் தோழர் சண்முகநாதன் என்பவர் மோடி குறித்தும் கந்தசஷ்டிக் கவச சிக்கல் குறித்தும் முகநூலில் பதிவிட்டிருந்தார் என்பதற்காக இந்து அமைப்பினர் அன்னூர் காவல் நிலையத்தில் புகார் அளித்துள்ளனர்.
உடனே, அன்னூர் காவல்துறையினர் மூன்று பிரிவுகளின் கீழ் வழக்கு ஒன்றினைப் பதிவு செய்து 21.07.2020 அன்று மாலை அத்தோழரைக் கைது செய்துள்ளனர்.
அதேவேளையில் பெரியார் குறித்து மிகக்கேவலமாக முகநூலில் பதிவுகளைப் போட்டுள்ள அன்னூர் பாரதிய ஜனதா கட்சியின் நிர்வாகியும், அன்னூர் காவல் நிலையத்துக்கு அருகிலேயே கடை வைத்துள்ள நந்தகுமார் என்பவர் மீது புகார் அளித்தும், வழக்கும் பதிவு செய்யவில்லை; கைதும் நடக்கவில்லை