ஆதிச்ச நல்லூர் அகழாய்வுக்கு தயார் ,,, உயர்நீதிமன்றத்தில் மத்திய அரசு தெரிவிப்பு

மின்னம்பலம் :ஆதிச்சநல்லூரில் அகழாய்வு பணிகளைத் தொடங்க தயாராக இருப்பதாக மத்திய அரசு, சென்னை உயர் நீதிமன்ற மதுரைக் கிளையில் தெரிவித்துள்ளது.
தூத்துக்குடி மாவட்டம் ஆதிச்சநல்லூரில் நான்கு கட்ட அகழாய்வுப் பணிகள் நடைபெற்றுள்ள நிலையில் அதுகுறித்த அறிக்கை வெளியிடப்படவில்லை என்று காமராஜ் என்பவர் பொதுநல மனுவில் தாக்கல் செய்திருந்தார். ஆதிச்சநல்லூரில் மீண்டும் அகழாய்வு நடத்தி அறிக்கை வெளியிடவும், ஆதிச்சநல்லூரில் அருங்காட்சியகம் அமைத்து பழங்கால பொருள்களைக் காட்சிப்படுத்த உத்தரவிட வேண்டும் எனக் கோரியிருந்தார்.
கடந்த மாதம் நடந்த விசாரணையின்போது, ஆதிச்சநல்லூரில் அகழ்வாராய்ச்சி மேற்கொள்ள வாய்ப்பு இல்லை என மத்திய அரசு தெரிவித்தது. இதையடுத்து, தமிழக அரசு இப்பணியை மேற்கொள்ளலாம் என மதுரைக் கிளை தெரிவித்தது.

கனிமொழி - சோனியா திடீர் சந்திப்பு!

மின்னம்பலம் : இந்திய அளவில் காங்கிரஸ், பாஜக அல்லாத மாற்று அணியை அமைக்க வேண்டும் என்று மேற்கு வங்க முதல்வர் மம்தா பானர்ஜி, திமுக செயல் தலைவர் மு.க.ஸ்டாலினுக்குத் தொலைபேசி மூலம் வேண்டுகோள் விடுத்த நிலையில்... டெல்லியில் காங்கிரஸ் முன்னாள் தலைவர் சோனியா காந்தியை நேற்று (மார்ச் 7) அவரது இல்லத்தில் நேரில் சந்தித்திருக்கிறார் திமுகவின் மகளிரணிச் செயலாளரான கனிமொழி எம்.பி.
மகளிர் தினத்தை ஒட்டிய மரியாதை நிமித்தமான சந்திப்புதான் இது என்று கனிமொழி தரப்பில் சொல்லப்பட்டாலும் இதில் அரசியலும் இருக்கிறது என்கிறார்கள் டெல்லி வட்டாரத்தில்.
வரும் நாடாளுமன்றத் தேர்தலில் பாஜகவுக்கு எதிரான சக்திகளை காங்கிரஸ் தலைமையில் ஒருங்கிணைக்கும் முயற்சியில் காங்கிரஸ் முன்னாள் தலைவரான சோனியா காந்தி, வரும் மார்ச் 13ஆம் தேதி டெல்லியில் அனைத்து எதிர்க்கட்சித் தலைவர்களுக்கும் விருந்து ஏற்பாடு செய்திருக்கிறார். அந்த வகையில் திமுகவுக்கும் அழைப்பு அனுப்பப்பட்டிருக்கிறது.
இதற்கிடையில்தான் மம்தா பானர்ஜி மூன்றாவது அணி அமைக்க மு.க.ஸ்டாலினிடம் ஆலோசித்திருக்கிறார்.

குறும்பட லக்ஷ்மியின் மகளிர் தின வாழ்த்தும் சிந்தனைகளும்

lakshmi-priya.- Oneindia Tamil: சென்னை: இன்று மகளிர் தினம் கொண்டாடப்படுவதை அடுத்து குறும்பட லட்சுமி சந்தோஷமில்லாத மகளிர் தினம் என்ற ஒரு கருத்துடன் பெண்களுக்கு உண்மையான எதிரி யார் என்பதை வீடியோவாக எடுத்து பதிவு செய்துள்ளார்.
இன்று சர்வதேச மகளிர் தினம் கொண்டாடப்படுகிறது. இதையொட்டி நடிகை லட்சுமி பிரியா ஒரு வீடியோ பதிவை வெளியிட்டுள்ளார்.
இவர் குறும்படம் லட்சுமி என்பதில் நடித்ததன் மூலம் பிரபலமானவர். அந்த வீடியோவில் பெண்கள் சந்திக்கும் பிரச்சினைகளுக்கு எப்போதும் ஆண்களே காரணமா என்றும் இதற்கு என்னதான் தீர்வு என்றும் கேட்டு ஒரு வீடியோவை வெளியிட்டுள்ளார். அந்த வீடியோவில் அவர் கூறியிருப்பதாவது: ஒரு பெண்ணாக பிறந்தால் ஆதிக்கம் செலுத்தும், கொடுமை செய்யும், குறை காணும் இந்த ஆண்களால் எவ்வளோ பிரச்சினைகள். நம்மை ஒழுங்காக நடத்துமாறு எவ்வளவு வருஷமா கேட்டுக் கொண்டிருக்கிறோம்.

கர்ப்பிணி பலியாக காரணமான போலீஸ் இன்ஸ்பெக்டர் காமராஜ் கைது

Siva - Oneindia Tamil திருச்சி: திருச்சியில் கர்ப்பிணி பலியாக காரணமான இன்ஸ்பெக்டர் கைது செய்யப்பட்டுள்ளார். தஞ்சை மாவட்டம் பாபநாசம் பகுதியை சேர்ந்த ராஜா(40) என்பவர் தனியார் வங்கியில் கலெக்ஷன் ஏஜெண்டாக வேலை பார்க்கிறார். அவர் மனைவி உஷா(36). திருமணமாகி 10 ஆண்டுகளாக குழந்தை இல்லாமல் இருந்தனர். இந்நிலையில் உஷா கடந்த மூன்று மாதங்களுக்கு முன்பு கர்ப்பம் ஆனார். 

Pregnant lady dies: Traffic cop held in Trichy ராஜா தனது மனைவியுடன் பைக்கில் நேற்று மாலை 6.30 மணிக்கு திருச்சி நோக்கி வந்தார். துவாக்குடி சுங்கச்சாவடி அருகே போக்குவரத்து போலீஸ் இன்ஸ்பெக்டர் காமராஜ் வாகன சோதனையில் ஈடுபட்டிருந்தார். ஹெல்மெட் அணியாமல் வந்த ராஜாவை பைக்கை நிறுத்தச் சொல்ல அவர் அதை கவனிக்காமல் சென்றுவிட்டார். உடனே காமராஜ் தனது ஜீப்பில் விரட்டிச் சென்று திருச்சி-தஞ்சை சாலையில் உள்ள பாய்லர் ஆலை ரவுண்டானா அருகே ராஜாவின் பைக்கை வழிமறித்தார். 

பாஜக- தெலுங்குதேசம் கூட்டணி உடைந்தது- மத்திய அமைச்சரவையில் இருந்தும் வெளியேறியது!

mathi.- Oneindia Tamil  t; டெல்லி: பாரதிய ஜனதா கட்சி மற்றும் தெலுங்குதேசம் இடையேயான கூட்டணி முறிந்தது. பாஜக தலைமையிலான மத்திய அமைச்சரவையில் இருந்தும் தெலுங்குதேசம் வெளியேறியது.
ஆந்திரா மாநிலத்துக்கு சிறப்பு அந்தஸ்து கோரி தெலுங்குதேசம் கட்சி எம்.பிக்கள் நாடாளுமன்றத்தில் போராட்டம் நடத்தினர். ஆனால் ஆந்திராவுக்கு சிறப்பு அந்தஸ்து அளிக்க மத்திய அரசு மறுத்துவிட்டது. இதைக் கண்டித்து பாஜகவுடனான கூட்டணியை தெலுங்குதேசம் முறித்துக் கொண்டுள்ளது. அத்துடன் மத்திய அமைச்சரவையில் இருந்து அமைச்சர்கள் அசோக் கஜபதி ராஜு மற்றும் ஒய்.எஸ். சவுத்ரி ஆகியோர் ராஜினாமா செய்வார்கள் எனவும் ஆந்திரா முதல்வரும் தெலுங்குதேசம் கட்சித் தலைவருமான சந்திரபாபு நாயுடு அறிவித்துள்ளார்.
இரு மத்திய அமைச்சர்களும் நாளை பதவியை ராஜினாமா செய்கின்றனர்

இருசக்கர வாகனத்தை எட்டி உதைத்ததில் கர்ப்பிணி பலி - காவல் ஆய்வாளர் கைது

மாலைமலர் :திருச்சி மாவட்டம் திருவெறும்பூரில் தம்பதி சென்ற இருசக்கர வாகனத்தை காவல் ஆய்வாளர் எட்டி உதைத்ததில் கர்ப்பிணி பெண் பரிதாபமாக உயிரிழந்தார். இதற்கு காரணமான காவல் ஆய்வாளர் கைது செய்யப்பட்டார். திருச்சி: திருச்சி மாவட்டம் திருவெறும்பூரில் இன்று இரவு போலீசார் வாகன சோதனையில் ஈடுபட்டுக் கொண்டிருந்தனர். அப்போது அங்கு ஒரு தம்பதியினர் வந்தனர். அவர்கள் ஹெல்மெட் போடாததால் பணியில் இருந்த காமராஜ் என்ற  போலீசார் அவர்களை தடுத்து நிறுத்தினார். ஆனால் அந்த தம்பதியினர் நிற்காமல் சென்றனர்.< இதையடுத்து, தன்னை கடந்து சென்ற இருசக்கர வாகனத்தை காமராஜ் எட்டி உதைத்துள்ளார். இதில் வாகனம் சாய்ந்ததில் கர்ப்பிணி பெண் உஷா சாலையில் விழுந்தார். அந்த நேரத்தில் பின்னால் வந்த வேன் உஷா மீது மோதியதில் அவர் பரிதாபமாக உயிரிழந்தார். மேலும் அவரது கணவருக்கு படுகாயம் ஏற்பட்டது.

கண்டி ஊரடங்கு உத்தரவு ! 10 பள்ளிவாசல்கள், 50 கடைகள் 30 வீடுகள் மீது தாக்குதல்கள்

வீரகேசரி :கண்டி, தெல்­தெ­னிய, பல்­லே­கல உள்ளிட்ட பகுதிகளில் முஸ்­லிம்­க­ளுக்கு எதி­ராக மேற்­கொள்­ளப்­பட்ட வன்­மு­றைகள் நேற்று பகல் கட்­டுப்­பாட்­டுக்குள் கொண்­டு­வ­ரப்­பட்­டபோதும் இரவு வேளை யில் ஊரடங்கு உத்தரவுக்கு மத்தியில் மீண்டும் தாக்குதல்கள் இடம்பெற்றதாக தெரிவிக்கப்படுகின்றது.

இரா­ணு­வத்­தினர் உட்­பட முப்­ப­டை­யினர் பாது­காப்பு கட­மையில் ஈடு­ப­டுத்­தப்­பட்­டுள்ள நிலை­யிலும் பதற்ற நிலைமை தொடர்ந்து வரு­கின்­றது.  இதே­வேளை தெல்­தெ­னிய பொலிஸ் பிரிவின் திகன- ராஜ­வல பகு­தியில் இன­வா­தி­களால் தீ மூட்­டப்­பட்டு எரிக்­கப்­பட்ட வீட்­டுக்குள் இருந்து முஸ்லிம் இளைஞர் ஒரு­வரின் சடலம் மீட்­கப்­பட்­டுள்­ளது. 21 வய­து­டைய அப்துல் பாஸித் எனும் இளை­ஞரின் சட­லமே இவ்­வாறு மீட்­கப்­பட்­டுள்­ள­துடன் அவ­ரது ஜனாஸா நேற்று மாலை நல்­ல­டக்கம் செய்­யப்­பட்­டது.
இந் நிலையில் நேற்று முன் தினம் கண்டி மாவட்டம் முழு­வதும் பொலிஸ் ஊர­டங்கு பிறப்­பிக்­கப்­பட்­டி­ருந்த நிலையில் நேற்று காலை அது தளர்த்­தப்­பட்­ட­துடன் மீண்டும் தெல்­தெ­னிய மற்றும் பல்­லே­கல பொலிஸ் பிரி­வுக்கு உட்­பட்ட பகு­தி­க­ளுக்கு மட்டும் மறு அறி­வித்தல் வரை ஊரங்கு உத்­த­ரவு பிறப்­பிக்­கப்­பட்­டது.

பெரியாருக்குத் தண்டனை விதித்தவர் மேல் ‘ஆசிட்’ வீசினேன்…- அசிட் தியாகராஜன் ..

kaattaaru.com :  தந்தை பெரியாருக்கு – 3 ஆண்டுகள் சிறைத் தண்டனை விதித்ததால் ஆத்திரமடைந்த பெரியார் தொண்டர் ஒருவர், அரசு வழக்கறிஞரான பார்ப்பனர் முகத்தில் ‘ஆசிட்’ வீசினார். விளம்பர வெளிச்சம் ஏதுமின்றி, பெரியாரை அவமதித்தவர்களுக்கு எல்லாம் பதிலடி தந்து, ‘பகத்சிங்காக’ வாழ்ந்து கொண்டிருக்கும் 78 வயது தோழரின் பெயர் திருச்சி தியாகராசன். மேடையில் ஏறி தன்னை விளம்பரப்படுத்திக் கொள்ளாமல், கொள்கைக் குன்றாக வாழ்ந்து கொண்டிருக்கும் அவரை, பெரியார் திராவிடர் கழகம் அடையாளம் கண்டு, சாதி ஒழிப்பு மாநாட்டுக்கு அழைத்து வந்தது. சாதி ஒழிப்பு மாநாட்டில் அவரது உரை, மின்சாரத்தைப் பாய்ச்சியது. ஆழமான உணர்வுகளைத் தூண்டி, என்றும் நினைவில் நிற்கும் முத்திரை பதித்த திருச்சி தியாகராசன் உரையிலிருந்து:

என்னருமை உணர் வாளர்களே! நான் அதிகம் பேச முன்வரவில்லை. உண்மையைச் சொன்னால் – எனது 78 வயதில் நான் ஏறியுள்ள முதல் மேடை இது தான். புரட்சிகர இயக்கங்களுக்கு தனித் தனிப் படைகள் தேவை. நீங்கள் பிரச்சாரப் பீரங்கிகள்; பிரச்சாரப்படை. நான் தீவிர வாதத்தில் தான் இருப்பேன் (கைதட்டல்) . பெரியார் அதிகாரபூர்வமாக அறிவிக்கும் போராட்டங்களில் நான் கலந்து கொள்வது இல்லை. நான் கருப்புச் சட்டையும் போடமாட்டேன். என்னுடைய நடவடிக்கைகளால் கழகம் பாதிக்கப்பட்டுவிடக் கூடாது என்று கருதுபவன். என்னுடைய போராட்டங்களை நான் தனிப்பட்ட முறையில் எனக்கு நானே பொறுப்பாக்கிக் கொண்டுதான் நடத்துவேன். சுருக்கமாகச் சொல்கிறேன்.

கலைஞருக்கு சிறை உடை அணிவித்து மகிழ்ந்த சாடிஸ்ட் எம்ஜியாரின் .. ரஜினி வாக்குறுதி

savukkuonline.com :திருச்செந்தூரில் முருகனின் தங்க
வேல் காணாமல் போய் விட்டது என்று எதிர்க்கட்சியில் இருந்த கலைஞர்  பிரச்சினை எழுப்பினார். அந்த விவகாரத்தை விசாரிக்க, சுப்ரமணியப் பிள்ளை என்ற அறநிலையத் துறை அதிகாரியை நியமித்தார் எம்ஜிஆர்.  அந்த அதிகாரி விசாரித்துக் கொண்டிருந்தபோதே, திருநெல்வேலி அரசினர் விருந்தினர் மாளிகையில் 26 நவம்பர் 1980 அன்று தூக்கில் தொங்கினார்.
அதை விசாரிக்க நீதிபதி ஜேசிஆர் பால் என்பவர் தலைமையில் ஒரு நபர் விசாரணை ஆணையம் அமைக்கப்பட்டது.   அந்த விசாரணை ஆணையத்தின் அறிக்கை அரசுக்கு எதிராக இருந்ததால், அந்த அறிக்கையை வாங்கிய எம்ஜிஆர் அறிக்கையை பேரவையில் தாக்கல் செய்யவேயில்லை.
திடீரென்று ஒரு நாள் பத்திரிக்கையாளர்களை அழைத்த கலைஞர் கருணாநிதி, நீதிபதி பால் கமிஷனின் அறிக்கையின் நகலை வெளியிட்டார்.  எம்ஜிஆர் அதிர்ந்து போனார்.    பின்னர் ஒரு நாள் அப்போது ஐஜியாக இருந்த கி.ராதாகிருஷ்ணன் என்ற கிராகியை அழைத்து, கருணாநிதியை கைது பண்ணுங்கள் என்று உத்தரவிடுகிறார்.   கிராகி, சட்டம் ஒழுங்கு பிரச்சினை ஏற்படும், கலவரம் உருவாகும் என்று கூறுகிறார்.

உடனே எம்ஜிஆர், கலைஞரை கைது செய்தாயிற்று.  நீங்கள் சட்டம் ஒழுங்கை மட்டும் பாருங்கள் என்று அனுப்பி விடுகிறார்.   சிறைக்கு சென்ற கருணாநிதியை பார்க்க வந்த, திமுக மூத்த தலைவர்கள், தமிழகம் பற்றி எரிகிறது.   எங்கே பார்த்தாலும் கலவரம்.  பேருந்துகள் ஓடவில்லை என்று அள்ளி விடுகின்றனர்.   கலைஞர் கருணாநிதியும் குஷியாக இருக்கிறார்.
அப்போதெல்லாம் விசாரணை கைதிகளுக்கும் சிறை யூனிபார்ம்தான்.   அதுவும் கட்டம் போட்ட அரைக்கால் டவுசர்.  எம்ஜிஆருக்கு கருணாநிதியை சிறை உடையில் பார்க்க வேண்டும் என்று ஆசை.

அம்பேத்கர், பெரியார், லெனின் சிலைகள் ... இருட்டில் நடக்க பயப்படும் குழந்தையின் கைகளை பிடித்து செல்லும் தந்தை போல......

Shalin Maria Lawrence : சிலை அரசியல்.
“சிலையில் பெரியார் இல்லை, பெரியார் வழி நடந்தால் போதும், பெரியார் நெஞ்சில் இருக்கிறார், ஆயிரம் சிலைகளை உடைத்தாலும், பெரியாரியம் சாகாது”, என்பதெல்லாம் தத்துவார்த்த பேச்சுக்கள். இங்கே நாம் தத்துவ ஞானிகள் இல்லை, மாறாக ஒரு குடியரசில் வாழும் சராசரி மனிதர்கள். நமக்கு இங்கே தத்துவங்களை விட அரசியலும், அது சார்ந்த போராட்டங்களும்தான் சமூகநீதி மறுக்கப்பட்ட இந்த இருண்ட உலகில் நம்மை வழிநடத்தும் இரு விளக்குகள் ஆகும்.
தத்துவம் நம்மை மீட்காது. தத்துவமானது இருட்டில் நடக்க பயப்படும் குழந்தைக்கு தைரியமூட்ட ஒப்புக்கு சமாதனம் சொல்லுவது போன்றது. அரசியலும் போராட்டமும் இருட்டில் விளக்கு கொண்டு வந்து அந்த குழந்தையை நடக்க வைப்பது போல. It's sheer practicality.
அப்படி நம்மை நடமாட வைத்துக் கொண்டிருக்கும் அரசியலும் போராட்டங்களும் தான் நமக்கு முக்கியம். அந்த அரசியலில் சிலைகளும் முக்கியம். உலகம் முழுவதும் சிலைகளெல்லாம் வெறும் சிலைகள் அல்ல. சிலை என்பது ஒரு அரசியல். சிலை என்பது அதிகாரத்தின் அடையாளம். சிலை என்பது வரலாறு. சிலை என்பது உண்மை.
ஒரு சிலையை நிறுவும்போது அதனோடு சேர்ந்து ஒரு அரசியல் கொள்கையை நிறுவுகிறார்கள். ஒரு சிலையை நிறுவும்போது அதை சுற்றியுள்ள நூறடி நிலம் அந்த அரசியலுக்கும் கொள்கைக்கும் எழுதி வைக்காமலே சொந்தமாகிறது.
ஒரு சிலையின் பக்கத்தில் அதன் கொள்கையை வழிமொழியும் ஒருவன் எந்த ஆயுதமும் இன்றி பயமில்லாமல் நிற்கின்றான். அந்த சிலை அவனுக்கு கேடயமாக இருக்கிறது.

கார்த்தி சிதம்பரத்திடம் உண்மை கண்டறியும் சோதனை நடத்த சி.பி.ஐ முடிவு

மாலைமலர் :கார்த்தி சிதம்பரத்தின் விசாரணைக் காவல் நாளை மறுநாளுடன் முடிய உள்ள நிலையில் அவரிடம் உண்மை கண்டறியும் சோதனை நடத்த சி.பி.ஐ முடிவெடுத்துள்ளதாக தகவல்கள் வெளியாகியுள்ளன. புதுடெல்லி: ஐ.என்.எக்ஸ் மீடியா வழக்கில் சி.பி.ஐ.யால் கைது செய்யப்பட்டுள்ள கார்த்தி சிதம்பரம் 6 நாள் விசாரணைக்காவல் முடிந்து நேற்று பாட்டியாலா ஹவுஸ் கோர்ட்டில் மீண்டும் ஆஜர்படுத்தப்பட்டார். அப்போது, அவரது வழக்கறிஞர் அபிஷேக் சிங்வி ஜாமீன் மனு தாக்கல் செய்தார். ஜாமீனுக்கு எதிர்ப்பு தெரிவித்த சி.பி.ஐ வழக்கறிஞர் கார்த்தி சிதம்பரத்திற்கு எதிராக முக்கிய ஆதாரங்கள் சிக்கியுள்ளதாகவும், எனவே, மேலும் 9 நாட்கள் விசாரணையை நீட்டிக்க அவகாசம் வழங்க வேண்டும் என கோரிக்கை விடுத்தனர். இரு தரப்பு வாதங்களையும் கேட்ட நீதிபதி, கார்த்தி சிதம்பரத்தை மூன்று நாட்கள் விசாரிக்க சி.பி.ஐ.க்கு அனுமதி அளித்தார்.

ஸ்ரீ ஸ்ரீ ரவிசங்கர் :ராமர் கோவில் கட்டவிட்டால் இந்தியா சிரியாவாகி விடும் - ... சிவசேனா கடும் கண்டனம்

tamilthehindu :வாழும் கலை அமைப்பின் நிறுவனர் ஸ்ரீ ஸ்ரீ ரவிசங்கர் அவர் வேலையை மட்டும் பார்க்கலாம். ராமர் கோயில் விவகாரத்தில் அவர் தலையிடத்தேவையில்லை என்று சிவசேனா கட்சி எச்சரிக்கை விடுத்துள்ளது.

அயோத்தி ராமர் கோயில் விவகாரத்தை விரைவாக தீர்க்காவிட்டால், இந்தியா சிரியாவாக மாறிவிடும் என்று சமீபத்தில் ஸ்ரீ ஸ்ரீ ரவிசங்கர் ஒரு தனியார் தொலைக்காட்சி ஒன்றுக்கு பேட்டி அளித்து இருந்தார். அது குறித்து சிவசேனா கட்சியின் அதிகாரப்பூர்வ ‘சாம்னா’ நாளேட்டில் தலையங்கம் வெளியிடப்பட்டுள்ளது. அதில் கூறப்பட்டு இருப்பதாவது:
ஆன்மீக குரு ஸ்ரீ ஸ்ரீ ரவிசங்கர் அயோத்தி ராமர் கோயில் விவகாரத்தில் கடந்த 2ஆண்டுகளாக தலையிட்டு சமரச பணிகளில் ஈடுபட்டு வருகிறார். ஆனால், சமீபத்தில் அவர் அளித்துள்ள பேட்டி ஒன்றில், அயோத்தி ராமர் கோயில் பிரச்சினையில் விரைவாக தீர்வு எட்டப்படாவிட்டால், இந்தியா, சிரியாவாக மாறிவிடும் என்று பேசி இருந்தார்.

BBC இலங்கையில், ஃபேஸ்புக், வாட்ஸப் உள்ளிட்ட சமூக வலைகள் முடக்கப்பட்டுள்ளன.

இலங்கையில், ஃபேஸ்புக், வாட்ஸப் உள்ளிட்ட சமூக வலைதள சேவைகள் முடக்கப்பட்டுள்ளன. கண்டிமாவட்டத்தில் முஸ்லிம்களுக்கு எதிரான வன்செயல்களுக்கு காரணமான வெறுப்புணர்வுப் பிரசாரங்களை தடுக்கும் நோக்கிலேயே சமூக வலைத்தளங்கள் பாதுகாப்பு அமைச்சின் கோரிக்கையின் பிரகாரம் வடிகட்டப்படுவதாக இலங்கை தொலைபேசி ஒழுங்குபடுத்தல் ஆணைக்குழு சபை கூறியுள்ளது.
வெறுப்புணர்வுப் பிரசாரங்களை கட்டுப்படுத்துவதற்காகவே ஃபேஸ்புக் உட்பட சமூக ஊடகங்களை பல இடங்களில் முடக்குவதற்கான முடிவு எடுக்கப்பட்டதாக அமைச்சரவை பேச்சாளரான ராஜித சேனரட்ண செய்தியாளர்களிடம் கூறியுள்ளார்.அதேவேளை ஃபேஸ்புக், டுவிட்டர், யூடியூப் மற்றும் வைபர் ஆகிய வலையமைப்புக்களை இலங்கை தொலைபேசி ஒழுங்குபடுத்தும் ஆணைக்குழு கண்காணிக்கத் தொடங்கியுள்ளது.

புகார்கள் கவனிக்காததால் லோக் ஆயுக்தா நீதிபதியை குத்திய மனுதாரர்

Shyamsundar - Oneindia Tamil பெங்களூர்: தான் வழங்கிய புகார்கள் எதிலும் நடவடிக்கை எடுக்கவில்லை என்பதால் லோக்ஆயுக்தா நீதிபதி விஸ்வநாத் ஷெட்டியை கத்தியால் குத்தியதாக குற்றவாளி வாக்குமூலம் அளித்து இருக்கிறார். லோக்ஆயுக்தா அலுவலகத்தில் லோக்ஆயுக்தா நீதிபதி விஸ்வநாத் ஷெட்டி வழக்கு ஒன்று தொடர்பாக விசாரித்துக்கொண்டிருந்தபோது, தேஜராஜ் ஷர்மா என்பவரால் கத்தியால் குத்தப்பட்டார். அவரது உடலில் மூன்றிற்கும் அதிகமான இடங்களில் கத்தி குத்து இருந்துள்ளது.காயமடைந்த விஸ்வநாத் ஷெட்டி, அருகேயுள்ள மல்லையா மருத்துவமனையில் சிகிச்சைக்காக சேர்க்கப்பட்டார். அவருக்கு வயிறு, நெஞ்சு பகுதி மற்றும் இடது கை பகுதியில் காயம் ஏற்பட்டுள்ளது தெரியவந்தது. இந்த குற்றத்தை செய்த தேஜராஜ் ஷர்மா உடனடியாக கைது செய்யப்பட்டார். போலீஸ் அவரை கடந்த நான்கு மணி நேரமாக விசாரித்ததில் முக்கிய தகவல்கள் கிடைத்து இருக்கிறது. தேஜராஜ் ஷர்மா ராஜஸ்தான் மாநிலத்தை சேர்ந்தவர். 

உத்தர பிரதேசத்தில் அண்ணல் அம்பேத்கார் சிலை உடைப்பு.. ஜாதி மத வெறியர்கள் கைவரிசை

தினத்தந்தி :திரிபுராவில் பா.ஜனதாவினரால் தொடங்கிய சிலை உடைப்பு கலாசாரம் பிற மாநிலங்களிலும் பரவி வருகிறது. லக்னோ, திரிபுராவில் நடைபெற்ற சட்டமன்றத் தேர்தலில் பாரதீய ஜனதா எதிர்பார்த்த இடங்களைவிட அதிகமான இடங்களை கைப்பற்றி ஆட்சியை தனதாக்கியது. சனிக்கிழமை தேர்தல் முடிவுகள் வெளியாகிய நிலையில் அன்று மாலையே வன்முறை சம்பவங்கள் தொடங்கியது.  மார்க்சிஸ்ட் கம்யூனிஸ்ட் கட்சியினரை குறிவைத்து தாக்குதல் நடத்தப்படுவதாக அக்கட்சியின் சார்பில் போலீசில் புகார் தெரிவித்தது. இதற்கிடையே திரிபுராவில் மார்க்சிஸ்ட் கம்யூனிஸ்ட் கட்சி ஆட்சியின் போது வைக்கப்பட்ட லெனின் சிலைகளை பா.ஜனதாவினர் உடைத்தனர். பிலோனியாவில் லெனின் சிலை புல்டோடசர் மூலம் அகற்றப்பட்டது.

பூணூல் அறுத்த 4 திராவிடர் கழக பிரபாகரன், ராவணன், உமாபதி, ராஜேஷ் ..

tamilthehindu :பூணூல் அறுத்ததாக கைது செய்யப்பட்ட தந்தை பெரியார் திராவிட கழகத்தினர்
 எச்.ராஜாவின் கருத்தால் எழுந்த சர்ச்சையில் தமிழகம் முழுவதும் பதற்றமான சூழ்நிலை நிலவி வருகிறது. இன்று மைலாப்பூரில் பார்ப்பனர்களின்  பூணூலை அறுத்ததாக தந்தை பெரியார் திராவிட கழகத்தினர் 4 பேர் சரணடைந்தனர். 4 பேரை போலீஸார் தேடி வருகின்றனர்.
பெரியார் சிலையை அகற்றுவோம் என சர்ச்சைக்குரிய கருத்தை முகநூலில் பதிவு செய்த எச்.ராஜா அதன் பின் விளைவுகள் கடுமையாக இருப்பதைப் பார்த்து தற்போது தான் முகநூலில் பதிவு செய்யவில்லை பல்டியடித்துள்ளார்.
திரிபுரா சட்டப்பேரவை தேர்தலில் பாஜக கூட்டணி கட்சிகள் வெற்றி பெற்றது. இதை அடுத்து திரிபுராவில் பாஜக வன்முறையில் ஈடுபட்டது. மார்க்சிஸ்ட் அலுவலகங்கள் தாக்கப்பட்டன. லெனின் சிலை தகர்க்கப்பட்டது. இதை குறிப்பிட்டு தன் முகநூலில் எச்.ராஜா நேற்று லெனின் சிலை நாளை தமிழகத்தில் பெரியார் சிலையும் அகற்றப்படும் என்று பதிவு செய்திருந்தார்.
இந்நிலையில் அனைத்து கட்சித்தலைவர்களும் எதிர்ப்பு தெரிவித்த நிலையில் நேற்று பெரியார் சிலை உடைக்கப்பட்டது. இதனால் தமிழகத்தில் பதற்றமான சூழ்நிலை உருவானது. பார்ப்பனர்  சங்கத்தினர் எச்.ராஜாவின் பதிவைக் கண்டித்தனர்.

எதிர்கட்சிகளை ஒன்றிணைக்கும் சோனியா காந்தி .... விருந்துக்கு அழைத்துள்ளார்

மின்னம்பலம் : காங்கிரஸ் மற்றும் பாஜக அல்லாத மூன்றாவது அணி குறித்த பேச்சு வலுப்பெற்றுள்ள நிலையில், எதிர்க்கட்சிகள் அனைத்தையும் சோனியா காந்தி விருந்துக்கு அழைத்துள்ளதாகத் தகவல் வெளியாகியுள்ளது.
நாடாளுமன்றத் தேர்தல் இந்த ஆண்டே நடத்தப்படலாம் என்று கூறப்படும் நிலையில், தேர்தலுக்கான பணிகளையும் அரசியல் கட்சிகள் தொடங்கியுள்ளன. இந்த நிலையில், தெலங்கானா முதல்வரும் தெலங்கானா ராஷ்டிர சமிதி கட்சித் தலைவருமான சந்திரசேகர் ராவ் மூன்றாவது அணி தொடர்பான கருத்தை அண்மையில் தெரிவித்திருந்தார். ‘தற்போதுள்ள சூழ்நிலையில் நாட்டுக்கு ஓர் அரசியல் மாற்றம் தேவைப்படுகிறது’ என்று தெரிவித்திருந்த அவர், ‘மொரார்ஜி தேசாய், பி.வி.சிங், தேவகவுடா ஆகியோரின் சிறப்பான ஆட்சியை யாராலும் மறக்க முடியாது. அதேபோன்று ஒரு சிறப்பான ஆட்சியை காங்கிரஸ் மற்றும் பாரதிய ஜனதா அல்லாத ஓர் அணியால் தரமுடியும். மூன்றாவது அணிக்கான பேச்சுவார்த்தைகள் நடைபெற்று வருகின்றன. தற்போதைய அரசியலில் இருந்து ஒரு மாற்றத்தை மக்கள் விரும்புகின்றனர். அந்த மாற்றத்தைக் கொண்டு வருவதற்கு நான் தயாராகவே இருக்கிறேன்’ என்று கூறியிருந்தார்.

மம்தா பானர்ஜி :மார்க்சிஸ்ட் தொண்டர்களைத் தாக்கினால் பொறுக்க மாட்டேன்

tamilthehindu : மார்க்சிஸ்ட் கட்சித் தொண்டர்கள் மீது இனியும் பாஜகவினர் தாக்குதல் நடத்தினால் நான் பொறுமையாக இருக்கமாட்டேன் என்று மேற்கு வங்க மாநில முதல்வர் மம்தா பானர்ஜி ஆவேசமாகத் தெரிவித்துள்ளார்.
மேற்கு வங்க மாநிலத்தில் திரிணாமுல் காங்கிரஸ் கட்சியும், மார்க்சிஸ்ட் கம்யூனிஸ்ட் கட்சியும் எதிரும் புதிருமாக இருந்தபோதிலும், இந்த ஆதரவை மம்தா பானர்ஜி அளித்துள்ளார்.
திரிபுரா மாநிலத்தில் சமீபத்தில் நடந்த சட்டப்பேரவைத் தேர்தலில் பாஜக அமோக வெற்றி பெற்றது. 25 ஆண்டுகளாக மார்க்சிஸ்ட் கம்யூனிஸ்ட் கட்சியின் ஆட்சியை அகற்றிவிட்டு பாஜக முதல் முறையாக ஆட்சி அமைக்க இருக்கிறது. இதற்கிடையே திரிபுராவின் தெற்கு மாவட்டத்தில், பெலோனியா நகரில் வைக்கப்பட்டு இருந்த கம்யூனிஸ்ட் புரட்சியாளர் லெனின் சிலைகளை பாஜகவினர் மண் அள்ளும் எந்திரம் கொண்டு அகற்றினர். மார்க்சிஸ்ட் கம்யூனிஸ்ட் தொண்டர்கள் மீதும் தாக்குதல் நடத்தினர்.

மருத்துவமனையில் ஜெ.வை பார்த்தேன் - ஜெ.வின் டிரைவர் வாக்குமூலம்

webdunia :மறைந்த முதல்வர் ஜெயலலிதா மருத்துவமனையில் அனுமதிக்கப்பட்டிருந்த போது அவரை நேரில் பார்த்ததாக அவரின் கார் ஓட்டுனர் கண்ணன் வாக்குமூலம் அளித்துள்ளார். ஜெயலலிதா மருத்துவமனையில் அனுமதிக்கப்பட்டிருந்த போது அவரை சசிகலா குடும்பத்தினர் தவிர வேறு யாரும் பார்க்கவில்லை.
மேலும், ஆளுநர் உட்பட யாரையும் அவரை பார்க்க சசிகலா தரப்பு அனுமதிக்கவில்லை. எனவே, அவரது மரணத்தில் மர்மம் இருப்பதாக புகார் எழுந்தது. எனவே, அவரின் மரணம் தொடர்பாக விசாரிக்க ஓய்வு பெற்ற முன்னாள் நீதிபதி ஆறுமுகசாமி தலைமையில் விசாரணை ஆணையம் அமைக்கப்பட்டது.
அதன்பின், ஜெ.விற்கு சிகிச்சை அளித்த மருத்துவர்கள், சசிகலாவின் உறவினர்கள், போயஸ் கார்டனில் பணிபுரிந்தவர்கள் என பலரிடம் விசாரணை நடத்தப்பட்டது. இந்நிலையில், 1991ம் வருடம் முதல் ஜெ.விடம் ஓட்டுனராக பணிபுரிந்து வந்த கண்ணன் இன்று விசாரணை ஆணையத்தில் ஆஜராகி வாக்குமூலம் அளித்தார்.
அப்போது, மருத்துவமனையில் அனுமதிக்கப்பட்ட 5வது நாள் ஜெயலலிதாவை பார்த்ததாக அவர் வாக்குமூலம் அளித்துள்ளார். மேலும் ஜெயலலிதாவை மருத்துவமனைக்கு கொண்டு செல்லும் போது காரில் பின்னால் சென்றதாகவும் அவர் செய்தியாளர்களுக்கு பேட்டியளித்துள்ளார்

திருவல்லிக்கேணியில் 15 பேரின் பூணூல் அறுப்பு ...

Kanimozhi MV :பெரியார் சிலை குறித்த எச்.ராஜாவின் சர்ச்சை கருத்தால் சென்னை மயிலாப்பூர், திருவல்லிக்கேணி பகுதியில் 15 பேரின் பூணூல் அறுப்பு இருசக்கர வாகனத்தில் வந்த அடையாளம் தெரியாத நபர்கள் பூணூலை அறுத்து "பெரியார் வாழ்க” என முழக்கமிட்டதாக போலீசார் தகவல்.

BBC :இலங்கை: இனக்கலவரங்களின் பின்னணி

இலங்கை இனக்கலவரங்களுக்கு பழகிப்போன நாடுதான். இங்கு தமிழருக்கு எதிராக கடந்த காலங்களில் நடந்த வன்செயல்கள், அதனைத் தொடர்ந்த கலவரங்கள் பெரும்பாலும் சர்வதேச மட்டத்தில் பேசப்பட்ட, பலரும் அறிந்த விடயங்கள்.e>ஆனால், இலங்கையில் நடந்த முதலாவது வன்செயல் அல்லது கலவரம் முஸ்லிம்களுக்கு எதிரானது என்பது பலரும் அறியாத விடயம்.
முதலாவது இனக்கலவரம்t; 1915-இல்தான் இலங்கையில் அண்மைய சரித்திரம் அறிந்த முதலாவது இனக்கலவரம் சிங்களவர்களுக்கும் முஸ்லிம்களுக்கும் இடையில் நடந்தது.
அன்றைய அந்த முதலாவது கலவரத்தின்போது சிங்களவர்களின் கும்பல் ஒன்று கண்டியில்தான் பள்ளிவாசலை தாக்கி, முஸ்லிம்களின் வணிக நிறுவனங்களை எரித்துள்ளது.
அப்போது இலங்கை ஆங்கிலேயரின் ஆட்சியில் இருந்தது.
இப்போதும் மீண்டும் கண்டியில் மீண்டும் அப்படியான கலவரம் ஒன்று நடந்தேறியுள்ளது. அதுதான் இப்போதுள்ள ஒற்றுமை.

கோவையில் பாஜக அலுவலகம் மீது பெட்ரோல் குண்டுகள் வீச்சு : சிசிடிவி காட்சிகளை வைத்து விசாரணை

தினகரன் : கோவை: கோவை மாவட்டம் சித்தாபுதூரில் உள்ள பாஜக அலுவலகம் மீது 2 பெட்ரோல் குண்டுகள் வீசப்பட்டுள்ளது. இதனால் அப்பகுதியில் பரபரப்பு ஏற்பட்டுள்ளது. இன்று அதிகாலை பெட்ரோல் குண்டுவீசி, ஆட்டோவில் தப்பியோடிய மர்மநபர்களை போலீசார் வலை வீசி தேடிவருகின்றனர்.  பெட்ரோல் குண்டு வீசப்படும் காட்சிகள் அங்கிருந்த சிசிடிவி கேமராவில் பதிவாகியுள்ளது. சிசிடிவி சிசிடிவி காட்சிகளை வைத்து ஆட்டோவில் வந்த மர்ம நபர்கள் யார் என்பது குறித்து போலீசார் விசாரணை நடத்தி வருகின்றனர். இந்த சம்பவம் குறித்து விசாரிக்க 3 தனிப்படைகள் அமைக்கப்பட்டுள்ளது.

சென்னை உதவி காவல் ஆய்வாளர் தற்கொலை ... துப்பாக்கியால் தன்னை தானே சுட்டு ,,,

தினமலர் :போலீசார், துப்பாக்கியால் சுட்டு தற்கொலை செய்து கொள்ளும் சம்பவம் அதிகரித்து வருவது காவல்துறை வட்டாரத்தை அதிர வைத்துள்ளது. இவற்றை தடுக்க போலீசாருக்கு, மன உறுதியை வளர்க்கும் பயிற்சி அளிக்க உத்தரவிடப்பட்டு உள்ளது. இன்று அதிகாலை சென்னை அயனாவரம் காவல்நிலை எஸ்.ஐ. சதீஷ்குமார், துப்பாக்கியால் சுட்டு தற்கொலை செய்து கொண்டார். கடந்த ஞாயின்று ஆயுதப்படை போலீஸ்காரர் அருண்ராஜ் என்பவர் மெரினாவில் ஜெ., நினைவிடத்தில் பாதுகாப்பு பணியில் இருந்த போது துப்பாக்கியால் சுட்டு தற்கொலை செய்து கொண்டார். இதன் மூலம் கடந்த ஒரு வாரத்தில் இரு தற்கொலை சம்பவங்கள் நடந்துள்ளது

லெனின் சிலை உடைத்த மோடி அரசுக்கு எச்சரிக்கை ! சென்னையில் ஆர்.எஸ்.எஸ் தலைவர் பட எரிப்பு ! படங்கள்

திரிபுராவில் லெனின் சிலை பாஜக கிரிமினல்களால் உடைக்கப்பட்டதைக் கண்டித்தும், தமிழகத்தில் பெரியார் சிலைகளை இடிப்போம் என எச்.ராஜா கூறியதைக் கண்டித்தும் சென்னை நேரு பார்க்கில் இன்று மாலை 5.30 மணியளவில் மக்கள் கலை இலக்கியக் கழகம் போராட்டம் நடத்தியது. இதில் ஆர்.எஸ்.எஸ் தலைவர் கோல்வால்கரின் படம் எரிக்கப்பட்டது. ம.க.இ.க. சென்னைக் கிளையின் செயலாளர் தோழர் வெங்கடேசன் இப்போராட்டத்திற்கு தலைமையேற்று நடத்தினார். போராட்டம் அறிவிக்கப்பட்ட உடனேயே மாலை 5.30 மணிக்கு நேரு பார்க் அருகில் சுமார் 50க்கும் மேற்பட்ட போலீசாரும் 3 போலீசு வாகனங்களும் குவிக்கப்பட்டன.

ரஜினி விதியை மீறி கட்டிய ராகவேந்திரா மண்டபம் அவரே ஒப்புதல் வாக்குமூலம்..!

savukkuonline.com : 1984-ம் ஆண்டு ராகவேந்திரா திருமண மண்டபம் கட்டிக்கொண்டிருந்தபோது, விதிமுறை மீறல் இல்லாததால் ஒப்புதல் கிடைத்துவிடும் என்று முதல் தளம் வேலை நடந்தபோது, திடீரென்று ஒப்புதல் கொடுக்காமல் பணியை நிறுத்திவிட்டார்கள். ஒரு நபர் வந்து, அவர் பெயரை குறிப்பிட விரும்பவில்லை, சில விதிமுறை மீறல் இருக்கிறது என்று கூறி, கட்டுமான பணி தொடர்பான கோப்பை மேலே செல்ல விடாமல் தடுக்கின்றனர். என்னுடைய ஆட்களை என்னவென்று பாருங்கள் என்று கூறினேன். ஆனால் அவர்களை சந்திப்பதற்கு அனுமதியே கொடுக்கவில்லை. அதன் பின்னர் நானே சென்றேன். எனக்கும் சந்திப்பதற்கு நேரம் கொடுக்கவில்லை. 6 மாதம் 7 மாதம் ஆகியது, மழைக்காலம் வந்துகொண்டிருக்கிறது, அதற்கு பின்னர் எனது நண்பர்கள் இதற்கு ஒரே வழிதான் இருக்கிறது என்று சொன்னார்கள். நீங்கள் முதல்–அமைச்சரை சென்று பார்த்துவிடுங்கள் என்று கூறினார்கள். எனக்கு ஒரு தயக்கம். யாரிடமும் கேட்டு பழக்கமே இல்லை. நியாயமாகவும் இருக்கிறது, அதற்கு பின்னர் வேறு வழியில்லாமல் அப்போது நான் மும்பையில் இருந்தேன், நான் போன் செய்து முதல்–அமைச்சரை சந்திக்க நேரம் கேட்டேன். மறுநாளே எனக்கு நேரம் ஒதுக்கி கொடுத்துவிட்டார்கள்.