உலகின் மிகபெரும் புத்தர் சிலை இலங்கையில் முத்தையா ஸ்தபதி செதுக்கினார்

சென்னையைச் சேர்ந்த சிற்பி (ஸ்தபதி) ஒருவர் வடிவமைத்து ஒரே கல்லில் 67.5 அடி உயரத்தில் செதுக்கப்பட்ட புத்தர் சிலை இலங்கையின் குருநாகல் மாவட்டத்தில் திறக்கப்பட்டுள்ளது. ரம்பொடகல மகாவிகாரையில் உருவாக்கப்பட்டிருக்கும் இந்த புத்தர் சிலைதான் உலகிலேயே மிகப்பெரிய ஒரே கல்லில் செதுக்கப்பட்ட சமாதி நிலை புத்தர் சிலை.
இந்த சிலையை இரண்டு நாட்களுக்கு முன்னர் ஜனாதிபதி மைத்திரிபால சிறிசேன திரைநீக்கம் செய்துவைத்தார்.
இந்தச் சிலையை, தமிழகத்தைச் சேர்ந்த மூத்த ஸ்தபதியான எம். முத்தைய்யா வடிவமைத்து உருவாக்கியிருக்கிறார்.
ரம்பபொடகலவில் உள்ள ஒரு மலைக்குன்றை தேர்வுசெய்து, அதில் புத்தர் சிலையை வடிக்கும் பணிகள் 2002ஆம் ஆண்டு செப்டம்பர் 13ஆம் தேதி துவங்கின.

சிவாஜியின் தெய்வமகனை காப்பி அடித்த ஹாலிவூட் வெற்றி படம்! Pirates of the Caribbean: At World’s End

1969 ல் வெளியானது ‘தெய்வ மகன்’ திரைப்படம். அதில் இரண்டாவது மகனாக வரும் மூன்றாவது சிவாஜியின் பாவங்கள்; ‘விடலைத்தனமான சேஷ்டைகள், செயற்கையாக இருக்கிறது’ என்றெல்லாம் விமர்சிக்கப்பட்டது. எனக்கும் முதல்முறை பாரக்கும்போது கோமாளித்தனமாகத் தோன்றியது.
2007 ல் வெளியான ‘Pirates of the Caribbean: At World’s End’ என்ற ஹாலிவுட் படத்தில், ‘Johnny Depp’ ன் நடை, பாவனை, நகம் கடித்தல், உடல் மொழி, வசனம் பேசுகிற முறை எல்லாமே அப்படியே தெய்வமகனில் 3 வது இளைய சிவாஜியின் நடிப்பை முற்றிலும் தழுவியதாக இருந்தது.
‘Johnny Depp’ ன் இந்த நடிப்பு, மிகச் சிறப்பாக இருக்கிறது என்று உலகம் முழுக்கக் கொண்டாடப்பட்டது. தெய்வ மகன் வெளியானபோது Johnny Depp ன் வயது 6.
ஒரு வேளை தெய்வ மகனை பார்த்திருப்பாரோ Johnny Depp? இது மிகைப்படுத்தப்பட்ட கேள்வியாகத் தோன்றலாம். ஆனாலும் தவிர்க்க முடியவில்லை.
‘தெய்வ மகன்’ ஆஸ்கர் விருதுக்குப் பரிந்துரைக்கப்பட்ட முதல் தமிழ்ப்படம் என்பது ஒரு கூடுதல் தகவல்.  mathimaran.wordpress.com

இந்திரா காந்தி சர்வதேச முனையத்துக்கு உலகின் சிறந்த விமான நிலைய விருது

தலைநகர் புதுடெல்லியில் உள்ள இந்திரா காந்தி சர்வதேச விமான நிலையத்துக்கு 2014-ம் ஆண்டுக்கான உலகின் சிறந்த விமான நிலைய விருது கிடைத்துள்ளது. ஜோர்டானில் ஏப்ரல் 28-ம் தேதி நடைபெற்ற சர்வதேச ஏர்போர்ட் கவுன்சில் ஆசிய/பசிபிக்/ உலக ஆண்டுக் கூட்டத்தில் விமான நிலைய சேவைத் தரம் விருதை இந்திரா காந்தி சர்வதேச விமான நிலையம் வென்றது. விமான நிலைய சேவை தர அமைப்பின் 300 உறுப்பினர்களின் தர நிலைகளின் படி 5 புள்ளிகளுக்கு டெல்லி விமான நிலையம் 4.90 புள்ளிகள் பெற்றதையடுத்து இந்த விருதை வென்றது இந்திரா காந்தி சர்வதேச விமான நிலையம். அதாவது, ஆண்டு ஒன்றிற்கு 2 கோடியே 50 லட்சம் முதல் 4 கோடி பயணிகளை நிர்வகித்த விதம் என்ற வகைமையின் கீழ் இந்த விருது வழங்கப்பட்டுள்ளது.

பஞ்சாப் முதல்வரின் பேருந்து பாலியல் கொலை! ஊத்தி மூட பிரகாஷ் சிங் பாதல் முயற்சி!

பஞ்சாபில் ஓடும் பஸ்சில் இருந்து சிறுமியை தாயுடன் தள்ளிவிட்ட பஸ் நிறுவனத்திற்கு தடை விதித்து துணை முதல்வர் உத்தரவிட்டுள்ளார்.> பஞ்சாப் மாநிலத்தின் மோகா மாவட்டத்தில் கடந்த சில தினங்களுக்கு முன்பு ஓடும் பஸ்சில் தாயுடன் சென்ற சிறுமியை கண்டக்டர் மற்றும் சில இளைஞர்கள் பாலியல் துன்புறுத்தல் செய்தனர். இதை தடுக்க முயன்ற போது அந்த கும்பல் இருவரையும் பஸ்சில் இருந்து தள்ளி விட்டது. இதில் அந்த சிறுமி பலியானார். அவரது தாயார் படுகாயத்துடன் ஆஸ்பத்திரியில் சிகிச்சை பெற்று வருகிறார். பாலியல் தொந்தரவு நடைபெற்றதாக கூறப்படும் தனியார் பஸ் துணை முதல்–மந்திரி சுக்பிர் சிங் பாதலின் நிறுவனத்துக்கு சொந்தமானது என்பதால் சம்பவத்தை விபத்தாக மாற்ற ஆளும் அகாலி தளம் கட்சி முயற்சிப்பதாக எதிர்க்கட்சிகள் குற்றம்சாட்டின.

பஞ்சாப் முதலமைச்சரின் பஸ்ஸில் பாலியல் பலி! பணம் வேண்டாம் நீதிதான் வேண்டும் பெண்ணின் தந்தை ஆவேசம்

பஞ்சாம் மாநிலம் மோகா என்ற பகுதியில் பாலியல் பலாத்காரத்தை எதிர்த்த சிறுமி பேருந்தில் இருந்து தூக்கி வீசப்பட்டதில் சம்பவ இடத்திலேயே பலியானார். அவரது தாயும் படுகாயம் அடைந்தார். சம்பவம் நடந்த பேருந்து பஞ்சாப் முதல்வர் பிரகாஷ் சிங்கின் மகனுக்குச் சொந்தமானது ஆகும். எனவே, அவர் மீது நடவடிக்கை எடுக்க அரசியல் கட்சிகள் வலியுறுத்தி வருகின்றன. இந்த நிலையில், சிறுமியின் உடலை வாங்கவும், மாநில அரசு சார்பில் அளிக்க முன் வந்த 20 லட்சம் நிதியுதவி, அரசு வேலையையும் ஏற்க மறுத்துவிட்ட சிறுமியின் தந்தை, எங்களுக்கு நிவாரணம் வேண்டாம், நீதிதான் வேண்டும். பேருந்து உரிமத்தை ரத்து செய்து, அதன் உரிமையாளர் மீது வழக்குப் பதிவு செய்ய வேண்டும் என்று கூறியுள்ளார்.dinamani.com

குஜராத்தின் பவர் ஸ்டார் மோடி: மே தின பேரணியில் பரபரப்பு ஏற்படுத்திய பிளக்ஸ்!

திருச்சி: மக்கள் கலை இலக்கிய கழகம் சார்பில் திருச்சியில் நடந்த மேதின விழா  ஊா்வலத்திற்கு போலீசார் அனுமதி மறுத்ததால் பரபரப்பு ஏற்பட்டது. மக்கள் கலை இலக்கிய கழகம் சார்பில் நேற்று மே தின ஊா்வலத்டஅனுமதி கேட்டு போலீசில் மனு அளிக்கப்பட்டது. இதற்கு காவல் துறை அனுமதி வழங்கவில்லை. ஆனாலும் தடையை மீறி பேரணி நடத்த திருச்சி, தஞ்சை, நாகப்பட்டினம், திருவாரூர் உள்ளிட்ட பகுதிகளில் இருந்து மகஇகவினா் 300க்கும் மேற்பட்டோர், காந்தி மார்கெட் பகுதிகளில் குவிந்தனா். கூட்டம் அதிகமானதை  தொடர்ந்து அங்கு போலீ ஸார் குவிக்கப்பட்டனர். பிறகு வேறுவழியின்றி மாற்று பாதையில் பேரணி நடத்திக் கொள்ள கடைசி நேரத்தில் அனுமதி வழங்கினர்.

பன்னீருக்கு ஸ்டாலின் : Q :உங்கள் கடமை என்ன தெரியுமா? A: ஜெயாவுக்காக கமிசன் வாங்குதல் கேவி கேவி அழுதல் கோவில் கோவிலாக ......

கடமையை உணர்ந்துதான் செயல்படுகிறீர்களா?" என தமிழக முதல்வர் ஓ.பன்னீர்செல்வத்துக்கு திமுக பொருளாளர் மு.க.ஸ்டாலின் எழுதியுள்ள திறந்த மடலில் கேள்வி எழுப்பியுள்ளார். அக்கடிதத்தில், "தமிழகத்தைச் சூழ்ந்துள்ள தற்போதைய நிலைமைகள் குறித்து உங்களுடைய கவனத்திற்குக் கொண்டு வரவே இந்தக் கடிதத்தை அனுப்புகிறேன்.

நீங்களும், உங்கள் அமைச்சரவை சகாக்களும், சிறிதும் கவலைப்படாமலும் அறியாமலும் இருக்கும் தமிழகத்தின் யதார்த்த நிலைகள் பற்றி தான் இங்கே நான் குறிப்பிட விரும்புகிறேன். மிகப்பெரிய நிறுவனங்கள் எல்லாம் தொழில் தொடங்க ஆர்வத்துடன் நம் மாநிலத்தை நோக்கி அணி அணியாக வந்த காலம் ஒன்று இருந்தது. அப்போது தமிழகம் ஆற்றல் நிறைந்ததாகவும், ஆக்கப்பூர்வமானதாகவும், தொழில்நேயம் கொண்டதாகவும் திகழ்ந்தது.

அனைத்து பிரிவு ரத்தத்தையும் உடலில் செலுத்த முடியும் : விஞ்ஞானிகள் கண்டுபிடிப்பு

கனடா,மே.01 (டி.என்.எஸ்) ‘ஓ’ பிரிவு போன்று எல்லா பிரிவு ரத்தத்தையும் உடலில் செலுத்த முடியும் என விஞ்ஞானிகள் கண்டு பிடித்துள்ளனர்.>ரத்தத்தில் ‘ஓ’ பிரிவு அனைவரின் உடல்களும் ஏற்றுக் கொள்ளக் கூடிய வகையாகும். அதே நேரத்தில் ஒருவருக்கு அவசரமாக ரத்தம் தேவைப்படும் போது வங்கியில் ‘ஓ’ ரத்த பிரிவோ, அல்லது நோயாளிக்கு தேவைப்படும் அவரது சொந்த பிரிவு ரத்தம் கிடைக்காத நிலையில் கடும் அவதி ஏற்படுகிறது.அதை தவிர்க்க விஞ்ஞானிகள் பல ஆண்டுகளாக தீவிர முயற்சி செய்து வந்தனர். தற்போது அதற்கு உரிய பலன் கிடைத்திருக்கிறது. கனடாவில் உள்ள பிரிட்டிஷ் கொலம்பிய பல்கலைக்கழக விஞ்ஞானிகள் புதிதாக ஒரு ‘என்சைம்’ (நொதிப் பொருள்) கண்டுபிடித்துள்ளனர்.அதை ‘ஏ’ மற்றும் ‘பி’ பிரிவு ரத்தத்தில் கலந்து விட்டால் அவற்றில் உள்ள சர்க்கரை சத்து நீங்கிவிடும். அதை தொடர்ந்து அந்த பிரிவு ரத்தமும் ‘ஓ’ பிரிவு ரத்தம் போன்று ஆகிவிடும். அதை நோயாளியின் உடல் ஏற்றுக் கொள்ளும்.

தீஸ்தா சேதல்வாத் மீது 6 குற்றவியல் வழக்குகள்! பாஜக NGO களை பார்த்து ஏன் பயப்படுகிறது? குஜராத் படுகொலைகள்?

ஆர்.எஸ்.எஸ் மதவெறியர்களுக்கு அஞ்சாமல் 2002 குஜராத் இனப்படுகொலைக்கு எதிராக போராடி வரும் தீஸ்தா சேதல்வாத் சென்னை வந்திருந்த போது வினவு செய்தியாளர்களுக்கு அளித்த பேட்டியின் 2-ம் பகுதி. 2. மோடி அரசு ஏவி விட்டிருக்கும் பழிவாங்கும் நடவடிக்கைகள்!தீஸ்தா சேதல்வாத்" /> இந்த அமைப்பை எதிர்தது நிற்பதால்தான் எங்களை பழிவாங்கும் நோக்கில் 6 குற்றவியல் வழக்குகள் தொடரப்பட்டுள்ளன.
2004-ல் சாட்சியங்களை உருவாக்கியது, கடத்தியது போன்ற குற்றச்சாட்டுகளை எழுப்பினர். 2010-ம் ஆண்டில் பிணங்களை தோண்டி எடுத்ததாக குற்றச்சாட்டு, அடுத்து உச்சநீதிமன்றத்தில் பொய் சாட்சியம் சொல்ல வைத்ததாக குற்றச்சாட்டு. அவை எடுபடவில்லை என்றதும் இப்போது நிதி விவகாரத்தை பயன்படுத்துகிறார்கள்.

பேராசிரியர் நன்னன் : 100 ஆண்டுகள் அடங்கிக் கிடந்த பார்பனீயம் படம் எடுத்து ஆட நினைக்கிறது

சென்னையில் இராயப்பேட்டை யில் ஒய்.எம்.சி.ஏ. திடலில் நடைபெற்ற சென்னை புத்தக சங்கமத்தில் (21.4.2015) மாலைநேர நிகழ்வில் பெரியார் பேருரையாளர் பேராசிரியர் மா.நன்னன் பங்கேற்று  பேசினார். பெரியார் பேருரையாளர் மா.நன்னன் அவர்களுக்கு தமிழர் தலைவர் ஆசிரியர் இயக்க வெளியீடுகளை வழங்கினார்.

பேராசிரியர் மா.நன்னன் பேசும்போது குறிப்பிட்ட தாவது:

இன்று ஒரு நல்ல கருத்தைப்பற்றி கொஞ்ச நேரம்  சொல்லலாம் என்று விரும்புகிறேன். இந்த புத்தகச் சங்கமம் ஏற்பட்டிருப்பதே ஒரு முன்னேற்றம்தான். நூலுக்காக, நூல் பதிப்புக்காக என்று நடைபெறுவது மனித வாழ்க்கையில் ஒரு குறிப்பிடத்தகுந்த முன்னேற்றம்தான். ஆசிரியர் அவர்கள் இதற்காக பெருமுயற்சி எடுத்துக்கொண்டு நடத்துகிறார்கள். சென்னைப் புத்தகச் சங்கமத்தை ஏற்பாடு செய்து நடத்துபவர்கள் பாராட்டுக்குரியவர்கள்.

பழந்தமிழர் கடல் வணிகம் 5

தமிழக மக்களின் வணிகக் கண்ணோட்டம் எழுத்தாளர்: கணியன் பாலன் : தொல்காப்பியம், சங்க இலக்கியம் போன்றவற்றில் தலைவன் பொருள்வயிற்பிரிவு மேற்கொள்வதாக ஒரு செய்தி குறிப்பிடப்படுகிறது. இது குறித்து பொ. வேல்சாமி என்பவர், இச்செய்தி அக்காலகட்டத் தமிழ் இளைஞர்கள் பொருள் ஈட்டுவதற்காக அக்கம்பக்கத்து நாடுகளுக்குப் பயணம் செய்தார்கள் என்பதைக் குறிப்பதாகும் என்கிறார். மேலும் அவர் கி.பி. 13ஆம் நூற்றாண்டில் தமிழகம் வந்த மாக்கோபோலோகூட, “ஆண் மக்களுக்கு பதின்மூன்று வயதாகிவிட்டால் பெற்றோர்கள் அவர்களை வீட்டில் வைத்துக்கொள்வது இல்லை. அந்த வயதில் வணிகம் செய்து பொருள் ஈட்டும் ஆற்றலை அவர்கள் பெற்றுவிடுகிறார்கள் என்றும் அவர்களை வளர்க்கும் பொறுப்பு அதற்குமேல் தங்களுக்கு இல்லை என்றும் பெற்றோர்கள் கருதுகிறார்கள்.

20 தமிழர்கள் கொலை lசிபிஐ விசாரணைக்கு உத்தரவிட முடியாது: ராஜ்நாத் சிங்

ஆந்திராவில் 20 தமிழர்கள் சுட்டுக்கொலை செய்யப்பட்டது தொடர்பாக சிபிஐ விசாரணைக்கு உத்தரவிட முடியாது என உள்துறை அமைச்சர் ராஜ்நாத் சிங் தெரிவித்துள்ளார். ஆந்திராவில் 20 தமிழர்கள் சுட்டுக் கொலை செய்யப்பட்டது தொடர்பாக ராஜ்யசபாவில் தமிழக எம்.பி.க்கள் சிறப்பு கவன ஈர்ப்பு தீர்மானம் கொண்டு வந்தனர். தமிழர்கள் படுகொலை குறித்து சிபிஐ விசாரணைக்கு உத்தரவிட வேண்டும் என்று அவர்கள் வலியுறுத்தினர். 'Order CBI probe on Chittoor killings,' demands Opposition அப்போது அதற்கு பதில் அளித்து பேசிய மத்திய உள்துறை அமைச்சர் ராஜ்நாத் சிங் கூறுகையில், சேஷாசலம் வனப்பகுதியில் செம்மரம் வெட்டியவர்களை பிடிக்க சென்ற போலீசாரை நூற்றுக்கணக்கான கடத்தல்காரர்கள் சூழ்ந்து கொண்டு கற்களாலும், பயங்கர ஆயுதங்களாலும் தாக்கினர். இதையடுத்து தற்காப்புக்காக அவர்கள் துப்பாக்கியால் சுட்டதில் 20 பேர் பலியாகினர்.

சோனியா அகர்வாலின் பெருந்தன்மையை போற்றி புகழும் விவேக்

விவேக், பாக்யராஜ், சோனியா அகர்வால், ராஜேந்திரன், மனோபாலா, ஆர்த்தி, செல் முருகன், இம்மான் அண்ணாச்சி என காமெடி நடிகர்கள் பட்டாளம் சங்கமம் ஆகியிருக்கும் திரைப்படம் பாலக்காட்டு மாதவன். சந்திரமோஹன் இயக்கத்தில் உருவாகியிருக்கும் இத்திரைப்படத்தின் இசை வெளியீடு சமீபத்த்ல் நடைபெற்றது. அதில் விவேக் பேசிய போது : கதாநாயக நடிகைகள் எல்லாருமே தங்கள் வருங்காலக் கணவர் எப்படி இருக்க வேண்டும் என்றால் நகைச்சுவை உணர்வு உள்ளவர்களாக இருக்க வேண்டும் என்று பேட்டி யெல்லாம் கொடுப்பார்கள். ஆனால் காமெடியே வாழ்க்கையாக, சிரிக்க வைப்பதையே தொழிலாக உள்ள ஒரு காமெடியன் கூட நடிக்க மட்டும் வர மாட்டார்கள். ஆனால் என் படத்தில் என்னுடன் நடிக்க சோனியா அகர்வால் சம்மதித்தார் .அதற்காக சோனியா அகர்வாலுக்கு நன்றி. அது மட்டுமல்ல. அவருடன் நடிக்கும் போது அவரது இடுப்பை நான் கிள்ளுவது போன்ற காட்சி இருந்தது. அப்படி நடிக்க நான் தயங்கினேன். கூச்சப்பட்டேன். ஆனால் சோனியா அகர்வால் கூச்சப்பட வேண்டாம் கிள்ளுங்க நடிப்பு தானே என்றார்.

இலங்கை இந்திய படகு சேவைக்கு பன்னீர்செல்வம் முட்டு கட்டை! பின்னணியில் விமான நிறுவனங்கள்?

தமிழக முதல்வர், மாநில அரசின் தலைமைச் செயலர் மூலம் அனுப்பிய கடிதத்தில் இரு நாடுகளுக்கும் இடையே படகுச் சேவையை செயல்படுத்த வேண்டாம் எனக் கேட்டுக் கொள்ளப்பட்டுள்ளது.

தமிழகத்தின் ராமேசுவரத்தில் இருந்து இலங்கையின் தலைமன்னாருக்கு இடையிலான பயணிகள் படகுப் போக்குவரத்து சேவை ஏன் நிறுத்தப்பட்டுள்ளது என்பதற்கு மத்திய கப்பல் போக்குவரத்து இணை அமைச்சர் பொன். ராதாகிருஷ்ணன் விளக்கம் அளித்தார்.

இது தொடர்பாக மக்களவையில் உறுப்பினர்கள் வியாழக்கிழமை எழுப்பியிருந்த கேள்விகளுக்கு பொன். ராதாகிருஷ்ணன் அளித்த பதில் வருமாறு:

2011-இல், இந்திய - இலங்கை அரசுகள் செய்து கொண்ட ஒப்பந்தத்தின்படி தூத்துக்குடியில் இருந்து இலங்கையின் தலைநகர் கொழும்புக்கு படகுப் போக்குவரத்து சேவை தொடங்கப்பட்டது. அப்போது, படகு சேவையைத் தொடங்க வேண்டாம் என்று தமிழக முதல்வர் சார்பில் அரசின் தலைமைச் செயலர், மத்திய அரசுக்கு வேண்டுகோள் விடுத்தார்.

மேயர் சைதை துரைசாமியின் ஜெயலலிதா அஷ்டோத்தர சதநாமாவளி ! ஆடுவதும் பாடுவதும் காசுக்கு நாம ......

சென்னை மாநகராட்சி மன்றக்கூட்டத்தில் முன்னாள் முதல்-அமைச்சர் ஜெயலலிதாவை பாராட்டி மேயர் சைதை துரைசாமி சிறப்பு தீர்மானம் கொண்டு வந்து பேசியதாவது:- பதவியில் இருந்தாலும், இல்லாவிட்டாலும் ஏழை மக்களுக்கு உதவிகள் செய்வது என்பது ஜெயலலிதாவின் ரத்தத்தில் கலந்திருக்கும் குணநலன். ஆட்சியில் இருக்கும்போதும் சரி, அதிகாரம் கையில் இல்லாத போதும் சரி, கிடைக்கின்ற வாய்ப்புகளை பயன்படுத்தி, மக்களுக்கு உதவிகள் செய்திடும் மாசில்லாத் தங்கம் அவர். 8-வது வள்ளல் என பெயர் எடுத்த புரட்சித்தலைவர் எம்.ஜி.ஆரின் ஒரே வாரிசாய் அரசியலில் மட்டுமல்ல, வரையாது வழங்கும் வள்ளல் தன்மையிலும் குறையாது விளங்கும் குலவிளக்கு அவர்.  வாடிய பயிரை கண்ட போதெல்லாம் வள்ளலாரை போல வாடினாராம் மக்களின் முதல்வர் ம்ம்ம்ம் ஒருத்தரையும்   விட்டு  வைக்க  மாட்டாய்ங்க 

பஞ்சாப்: ஓடும் பஸ்ஸில் தாயையும் மகளையும் ஒரே நேரத்தில் பாலியல் பலாத்காரம்! மகள் பலி! முதலைமைச்சருக்கு சொந்தமான பஸ்!

அமிர்தரசஸ் - பஞ்சாப் மாநிலம் மோகா மாவட்டத்தில் உள்ள ஒரு கிராமத்தில் இருந்து நேற்று முன்தினம் இரவு ஒரு பெண் தன் 14 வயது மகள் மற்றும் 10 வயது மகனுடன் குருத்வாரா கோவிலுக்கு புறப்பட்டு சென்றார். அவர்கள் ஏறிய தனியார் பஸ்சில் பயணிகள் மிக மிக குறைவாகவே இருந்தனர். சுமார் 10 கி.மீ தூரம் கடந்திருந்த நிலையில் பஸ்சில் இருந்த கண்டக்டரின் உதவியாளர் எழுந்து வந்து தாயாருடன் இருந்த இளம்பெண்ணிடம் தகாத செயல்களில் ஈடுபட்டார்.

இதை அந்த பெண்ணின் தாய் தட்டிக் கேட்டார். உடனே அந்த நபர் அந்த பெண்ணை அடித்து உதைத்தார். பஸ்சில் இருந்த யாரும் அதை தடுக்கவில்லை. அதற்கு பதில் அந்த பெண்ணிடமும் அவரது மகளிடமும் பாலியல் துன்புறுத்தலில் ஈடுபட்டனர். 6 பேரிடம் சிக்கி கொண்ட தாயும், மகளும் தப்பிக்க வழியில்லாமல் படாதபாடு பட்டனர்.

ஒரு கட்டத்தில் தாயும், மகளும் டிரைவரிடம் ஓடி சென்று பஸ்சை நிறுத்துங்கள் என்று கதறினார்கள். ஆனால் பாலியல் அட்டகாசத்தில் ஈடுபட்ட கும்பல் டிரைவருக்கு நண்பர்கள் என்பதால் டிரைவர் பஸ்சை நிறுத்தவில்லை.

10 பேருக்கு 25 ஆண்டுகள் சிறை தண்டனை ! மலாலா கொலை முயற்சி வழக்கு

பாகிஸ்தானில் மலாலாவை படுகொலை செய்ய முயற்சித்த குற்றத்துக்காக 10 பேருக்கு 25 ஆண்டுகள் சிறைத் தண்டனை விதித்து அந்நாட்டு தீவிரவாத தடுப்பு நீதிமன்றம் உத்தரவிட்டுள்ளது.

கடந்த 2012-ம் ஆண்டு பாகிஸ்தானின் ஸ்வாத் பள்ளத்தாக்கு அருகே பள்ளி முடித்து திரும்பிக் கொண்டிருந்த சிறுமி மலாலா மீது தாலிபான் தீவிரவாதிகள் துப்பாக்கியால் சுட்டனர். இதில் அவரது கழுத்து மற்றும் தலையில் குண்டுகள் பாய்ந்து மலாலா உயிருக்குப் போராடினார். ராவல்பிண்டி மருத்துவமனையில் சிகிச்சைப் பலனளிக்காத நிலை மற்றும் தாலிபான்களின் தொடர் மிரட்டல்களை அடுத்து பாகிஸ்தான் அரசு மற்றும் இங்கிலாந்து அரசு உதவியோடு பர்மிங்ஹாமின் எலிசபெத் மருத்துவமனையில் மலாலாவுக்கு தீவிர சிகிச்சை அளிக்கப்பட்டு உயிர் பிழைத்தார்.

சட்டத்தின் ஆட்சியை கேலிக்கூத்தாக்கிய ஜெயலலிதாவுக்கு, இது சரியான தீர்ப்பே.

The  learned  Appellate  Judge,  after  receipt  of  our judgment sent today, shall peruse the same and be guided by the observations made therein while deciding the appeal.ஜெயலலிதாவின் மேல் முறையீட்டை முடிவு செய்கையில், எங்கள் தீர்ப்பு கையில் கிடைத்த பிறகு, அத்தீர்ப்பை படித்துப் பார்த்து, அதில் கூறியவற்றை மனதில் வைத்து, தீர்ப்பு வழங்க வேண்டும்.
இதுதான் உச்சநீதிமன்றத்தின் மூன்று நீதிபதிகள் அமர்வு வழங்கிய தீர்ப்பு.   இந்தத் தீர்ப்பு கிட்டத்தட்ட குமாரசாமி, ஜெயலலிதாவை தண்டிக்க வேண்டும் என்று மறைமுகமாக சொல்வது போலவே உள்ளதா என்றால் அப்படித்தான் உள்ளது.  வழக்கமாக கீழமை நீதிமன்றங்களில் நிலுவையில் இருக்கும் வழக்குகள் தொடர்பாக தீர்ப்பளிக்கையில் நீதிபதிகள், நாங்கள் இந்த தீர்ப்பில் கூறியுள்ள கருத்துக்கள், எந்த வகையிலும் தீர்ப்பளிக்கும் நீதிபதியின் எண்ணத்தை பாதிக்கக் கூடாது.இந்த கருத்துக்களை நிராகரித்து விட்டு, சாட்சிகளையும், ஆவணங்களையும் பரிசீலித்து தீர்ப்பளிக்க வேண்டும் என்றே கூறுவார்கள்.
இது முழுக்க முழுக்க நீதிமன்ற மரபை மீறிய தீர்ப்பு. நீண்ட நாட்கள் குற்றவியல் வழக்குகளில் அனுபவம் பெற்ற ஒரு மூத்த வழக்கறிஞர் கூறியது “கடந்த 50 ஆண்டுகளாக, லஞ்ச ஒழிப்புச் சட்டத்தின் கீழ் வந்துள்ள அனைத்து தீர்ப்புகளையும் நான் படித்துள்ளேன்.  இது போன்ற ஒரு தீர்ப்பை நான் பார்த்ததே கிடையாது” என்றார்.
இது நிச்சயமாக வரலாறு படைத்துள்ள தீர்ப்புதான்.  இதனால், ஜெயலலிதாவுக்கு பாதகமா என்றால் நிச்சயம் பாதகமே.    உயர்நீதிமன்றத்தில் மேல் முறையீடு வழக்கை விசாரிக்கும் நீதிபதியிடம் எப்படி தீர்ப்பு வழங்க வேண்டும் என்று மூவர் அமர்வு கொண்ட உச்சநீதிமன்றம் சொன்னால், அவர் அதை மீறி எப்படி தீர்ப்பு வழங்க முடியும் ?  மேலும், அரசுத் தரப்பு வழக்கறிஞர் தாக்கல் செய்துள்ள அனைத்து எழுத்து பூர்வ வாதங்களையும் நிராகரியுங்கள் என்று தெளிவாக உத்தரவில் குறிப்பிட்டுள்ளார்கள். ஊழல் சமூகத்துக்கு எத்தகைய தீங்கு விளைவிக்கக் கூடியது என்பதை அழுத்தம் திருத்தமாக சொல்லி, இதை பரிசீலித்து தீர்ப்பு வழங்குங்கள் என்று உத்தரவிட்டால், அது ஜெயலலிதாவுக்கு எப்படி பாதகமாக இல்லாமல் போகும் ? பாதகம்தான்.   ஆனால், வினையை விதைத்தால் தினையையா அறுவடை செய்ய முடியும் ?   இந்திய நீதிமன்றங்களையும், சட்டங்களையும், வளைத்து, நெளித்து, அதன் இண்டு இடுக்களில் எல்லாம் புகுந்து, வெளியேறி, 18 ஆண்டுகளாக ஒரு வழக்கை இழுத்தடித்து, சட்டத்தின் ஆட்சியை கேலிக்கூத்தாக்கிய ஜெயலலிதாவுக்கு, இது சரியான தீர்ப்பே.
ஜெயலலிதாவின் வழக்கில் பல்வேறு தீர்ப்புகளைச் சொன்ன விசித்திரமான நீதிமன்றங்கள், இறுதியாக வழங்கிய இந்தத் தீர்ப்பின் மூலம், இதுவும் விசித்திரமான நீதிமன்றம்தான் என்பதை உணர்த்தியுள்ளது.  ஆனால் இது நியாயத்தின் பக்கம் உள்ள விசித்திரம்..savukkuonline.com
அரசியல் பிழைத்தோர்க்கு அறம் கூற்றாகும் – சிலப்பதிகாரம்.

இந்திய போக்குவரத்துக்கு துறையை காபறேட்டுக்ககளுக்கு தாரைவார்க்க துணிந்த பாஜக அரசு!

மோடி அரசின் சாலை பாதுகாப்புச் சட்ட மசோதா 2015: நாட்டின் பொதுப் போக்குவரத்தை கார்ப்பரேட் கம்பெனிகளிடம் தாரை வார்க்கும் சதித்திட்டம்!
அன்பார்ந்த உழைக்கும் மக்களே!
கார்ப்பரேட் கம்பெனிகள் பன்னாட்டுக் கம்பெனிகளின் எடுபிடியான மோடி அரசு, சாலை பாதுகாப்புச் சட்ட மசோதா (2015)-ஐ பாராளுமன்றத்தில் நிறைவேற்ற இருக்கிறது. பொதுப்போக்குவரத்தில் இருக்கும் அரசின் கட்டுப்பாட்டை முழுவதையும் நீக்கி, மாற்றி கார்ப்பரேட் கம்பெனிகளின் கட்டுப்பாட்டிற்கு விடுவதுதான் இந்த சட்டத்தின் நோக்கம். மக்கள் குறைந்த பட்சம் சாலையில் நடமாடுவதற்கான உரிமையையும் போக்குவரத்து உரிமையையும் பறிக்கும் இந்த சட்டத்தைப் பற்றி நாம் அறிந்து கொள்வதும் இந்த மசோதாவை முறியடிக்க உடனடியாக வீதியில் இறங்கி போராடுவதும் அவசர அவசியக் கடமையாக உள்ளது. எவ்வளவு வேகமாக மீண்டும் கும்பனி ஆட்சி இந்தியாவில் காலூன்ருகிறது? 

அந்நியன் தசாவதாரம் ஆஸ்கார் ரவிச்சந்திரன் சொத்துக்களை பறிமுதல் செய்தது இந்தியன் ஓவர்சீஸ் வங்கி!!

என்ன காரணத்துக்காகவும் தனது புகைப்படம் பத்திரிகைகளில் வந்துவிடக் கூடாது என்பதில் மிக கவனமாக இருந்தவர் தயாரிப்பாளர் ஆஸ்கார் ரவிச்சந்திரன். இதற்காகவே தனது சொந்தப்பட விழாக்களில் கூட அவர் தலைகாட்டுவதில்லை. ஆனால் காலத்தின் கோலம் பாருங்கள். இன்று அவரது சில சொத்துக்களை வங்கிகள் ஏலம் போடும் விளம்பரத்தில் அவர் படம் தினசரிகளில் வெளியாகியிருக்கும் அவலம் நிகழ்ந்திருக்கிறது. Aascar Ravichandiran's properties come to bank auction ஆரமபத்தில் சில கோடி பட்ஜெட்களில் படங்களைத் தயாரித்து வந்த ஆஸ்கார் ரவி, அன்னியன், தசாவதாரம் படங்களை 30 கோடிக்கும் அதிகமாக செலவு செய்து மெகா பட்ஜெட்டில் தயாரித்தார். அடுத்து, ஐ படத்தை 75 கோடி பட்ஜெட்டில் தயாரித்தார். அதுமட்டுமல்ல, ஒரே நேரத்தில் பல படங்களையும் தயாரித்து வந்தார்.

டாப்ஸி: திருமணம் செய்யாமல் சேர்ந்து வாழ்வது தவறில்லை!

திருமணம் பற்றி நடிகை டாப்சி சர்ச்சை கருத்தை வெளியிட்டு உள்ளார். கல்யாணம் செய்து கொள்ளாமல் ஆணும் பெண்ணும் சேர்ந்து வாழ்வது தவறல்ல என்று அவர் கூறியுள்ளார். இது பரபரப்பை ஏற்படுத்தி உள்ளது. மணிரத்னம் இயக்கி சமீபத்தில் ரிலீசான ‘ஓ காதல் கண்மணி’ படம் திருமணம் செய்து கொள்ளாமல் சேர்ந்து வாழும் கதையம்சம் கொண்டது. இதில் துல்கர் சல்மான், நித்யா மேனன் நடித்துள்ளனர். இந்த படத்தின் சர்ச்சை கதை பற்றி நித்யாமேனன் கூறும்போது, முந்தைய காலங்களில் திருமணத்துக்கு முன் மணமக்கள் சந்திப்பது இல்லை. பார்ப்பதும் இல்லை. இப்போது அப்படி இல்லை. திருமணம் செய்து கொள்ளாமல் சேர்ந்து வாழ்வது அவரவர் விருப்பத்தை பொருத்தது. அது தவறல்ல’’ என்றார்.

திருச்சி சுங்க அலுவலகத்தில் மேலும் பல கிலோ தங்கம் களவு போய்விட்டதாம்! கஸ்டம்ஸ் கஷ்டம்ஸ் ?

திருச்சி சுங்கத்துறை அலுவலகத்தில் மேலும் 15 கிலோ தங்கம் காணாமல் போயிருப்பது சிபிஐ அதிகாரிகளின் விசாரணையில் தெரிய வந்துள்ளது. ஏற்கனவே 15 கிலோ தங்கம் காணாமல் போனது குறித்து திருச்சி சுங்கத்துறை அலுவலகத்தின் கண்காணிப்பாளர் முகமது சாருக், ஆய்வாளர் செந்தில் குமார் ஆகிய இரண்டு பேர் பணியிடை நீக்கம் செய்யப்பட்டுள்ளனர். இந்த சம்பவம் குறித்து திருச்சியைச் சேர்ந்த சமூக ஆர்வலர் ஒருவர் கூறும்போது, இந்த விவகாரத்தில் சந்தேகம் எழுகிறது. அதாவது முதலில் 15 கிலோ காணாமல் போனது என்றனர். தற்போது மீண்டும் 15 கிலோ காணாமல் போனது என்றனர். விமானம் மூலம் கடத்தி வரப்படும் தங்கங்கள் இந்த அலுவலகத்தில் வைக்கப்படுகிறது. போலீஸ் பாதுகாப்பு போடப்பட்டுள்ளது. இருப்பினும் தங்கம் காணாமல் போனதாக குற்றச்சாட்டு தற்போது வந்துள்ளது. அதாவது இங்கு வைக்கப்பட்டிருந்த தங்கக்கட்டிகள் வேலை செய்யும் ஊழியர்களால் பெருமளவில் களவு போயிருக்கலாம். அதனை வெளியே சொன்னால் பொதுமக்கள் அதிர்ச்சி அடைவார்கள் என்பதற்காக படிப்படியாக காணாமல் போனதாக அறிவிக்கின்றனர் என்று குற்றம் சாட்டினார். ஜெ.டி.ஆர்.nakkheeran.in

நேபாள நிலநடுக்கம்: 500 குழந்தைகளை பாபா ராம் தேவ் தத்தெடுக்க போகிறானாம்? நல்ல பிசினெஸ் வேறென்ன இழவு ?

ஹரித்துவார் - நேபாளத்தில் நிலநடுக்கத்தால் பெற்றோரை இழந்த 500 குழந்தைகளை யோகா குரு பாபா ராம்தேவ் தத்தெடுத்துள்ளார். நேபாளத்தில் நிலநடுக்கம் ஏற்பட்டபோது, காத்மண்டுவில் தங்கியிருந்த, யோகா குரு ராம்தேவ், கடந்த சில தினங்களுக்கு முன் டெல்லி திரும்பினார்.

நிலநடுக்கத்தால் அனாதைகளான, 500 குழந்தைகளை, அவர் தத்தெடுத்துள்ளார்.நேபாளத்தில் உள்ள, ராம்தேவின், பதஞ்சலி யோகா பீடத்தில் தங்கியுள்ள, ஆச்சார்ய பாலகிருஷ்ணா, தத்தெடுத்த குழந்தைகளின் தேவைகள் மற்றும் நிவாரண பணிகளை மேற்கொள்வார்.

குழந்தைகள், பதஞ்சலி யோகா பீடத்தின் மருத்துவமனை மற்றும் யோகா பீடத்திற்காக புதிதாக கட்டப்பட்ட வளாகத்தில் தங்க வைக்கப்படுவர். அவர்களுக்கு 5ம் வகுப்பு வரை கல்வி, உணவு, இருப்பிடம் மற்றும் மருத்துவ வசதி அளிக்க, பதஞ்சலி யோகா பீடம் பொறுப்பேற்றுக் கொண்டுள்ளது.வெப்துனியா com

நடிகை விஜயலக்ஷ்மி: நான் முஸ்லிமாக மாறமாட்டேன் நான் நானாகவும் அவர் அவராகவும் இருப்போம்!

சென்னை 28 படத்தின் மூலம் பிரபலமான நடிகை விஜயலட்சுமி, உதவி இயக்குநராக உள்ள பெரோஸ் முகமதுவை நீண்ட காலமாக காதலித்து வந்தார். இப்போது பெற்றொர் சம்மதத்துடன் இருவருக்கும் திருமணம் நிச்சயமாகியுள்ளது.

சமீபத்தில், இனிமேல் நடிப்பதில் என்கிற முடிவை எடுத்திருந்தார் விஜயலட்சுமி. நடித்தது போதும். விரைவில் தயாரிப்பாளர் ஆகிறேன். படம் பற்றிய விவரத்தை விரைவில் அறிவிக்கிறேன். அனைவருடைய ஆதரவும் எனக்குத் தேவை என்று அவர் பேஸ்புக்கில் தகவல் வெளியிட்டார்.  இதையடுத்து விஜயலட்சுமியின் திருமணம் பற்றிய அறிவிப்பு வெளியானது.

விஜயலட்சுமி - பெரோஸ் முகமதுவின் திருமணம் செப்டெம்பர் மாதம் நடைபெற உள்ளது என்று விஜயலட்சுமியின் சகோதரி நிரஞ்சனி அகத்தியன் இந்தச் செய்தியை ஃபேஸ்புக்கில் வெளியிட்டார். 

ஜெயலலிதாவின் வழக்குகளில் நீதி பரிபாலனம் பிறழ்ந்துள்ளது? சட்டம் ஒரு இருட்டறை? எப்போதும் அல்ல?

சட்டம் ஒரு இருட்டறை.  அதில் வக்கீலின் வாதம் ஒரு விளக்கு.  ஏழைக்கு எட்டாத விளக்கு என்றார் அறிஞர் அண்ணா. ஆனால் ஜெயலலிதா போன்ற பணமும் செல்வாக்கும் படைத்தவர்கள், சட்டத்தில் இருக்கும் கொஞ்ச நஞ்ச வெளிச்சத்தையும், அணைத்து, இருட்டாக்கிட, இந்தியாவின் புகழ்பெற்ற வழக்கறிஞர்களை வைத்து முயற்சி செய்தனர்.18 ஆண்டுகாலமாக ஜெயலலிதாவின் வழக்கில் இருட்டறையில் இருந்த சட்டத்தின் மீது தற்போது வெளிச்சம் பாய்ச்சப்பட்டுள்ளது.
பராசக்தி படத்தில் குணசேகரன் நீதிமன்றத்தில் பேசுவான் “இந்த நீதிமன்றம் பல விசித்திரமான வழக்குகளை சந்தித்திருக்கிறது” என்று.  ஆனால் ஜெயலலிதாவின் வழக்கைப் பொறுத்தவரை, இந்த வழக்குதான் பல விசித்திரமான நீதிமன்றங்களை சந்தித்திருக்கிறது.
குற்றப்பத்திரிக்கை தாக்கல் செய்யப்பட்டு திமுக ஆட்சி இருந்தவரை, இந்த வழக்கின் விசாரணை ஒழுங்காக நடைபெற்றுக் கொண்டிருந்தது.  2001ல் ஜெயலலிதா மீண்டும் முதலமைச்சராக ஆன பிறகு, நிலைமை தலைகீழ் ஆனது.   2001ல் ஜெயலலிதா மீண்டும் முதலமைச்சராக ஆன பிறகு, சாட்சிகள் வரிசையாக மீண்டும் அழைக்கப்பட்டனர்.  ஏற்கனவே சாட்சியம் சொன்னவர்களை மீண்டும் விசாரிக்க அழைக்கப்பட்டனர்.   அழைக்கப்பட்ட அத்தனை பேரும் பிறழ் சாட்சியங்களாக மாறினர்.