கொரோனா தடுப்பூசி: முதல் சுற்றில் நல்ல முடிவுகளை கொடுத்துள்ள ஆக்ஸ்போர்ட் பரிசோதனை

BBC : பிரிட்டன் அரசு 100 மில்லியன் தடுப்பூசிகளை வாங்க ஏற்கனவே முன்பதிவு செய்துள்ளது
பிரிட்டனின் ஆக்ஸ்போர்ட் பல்கலைக்கழகம் உருவாக்கிய கொரோனா தடுப்பூசி, மனிதர்களின் உடலில் எந்த தீய விளைவுகளையும் ஏற்படுத்தாததுடன், கொரோனாவை எதிர்த்துப் போராட மனிதர்களின் நோயெதிர்ப்பு மண்டலத்தைத் தூண்டுவது முதல் சுற்றில் கண்டறியப்பட்டுள்ளது. X"> இந்த தடுப்பூசியின் ஆய்வகப் பரிசோதனைகளை முடித்து, மனிதர்களுக்கு தந்து மேற்கொள்ளப்படும் பரிசோதனையின் முதல் சுற்றில் இத்தகைய முடிவு வந்துள்ளது. எனினும் பரிசோதனை அடுத்தடுத்த கட்டங்களைக் கடந்த பிறகே பொதுப் பயன்பாட்டுக்கு உகந்ததா என்பது முடிவு செய்யப்படும்.

ஸ்டான்லி மருத்துவமனையில் இளம் மருத்துவர் உயிரிழப்பு ..தற்கொலை?

tatmil.indianexpress.com" ; பணிச்சுமை காரணமாக கண்ணன் தற்கொலை முடிவை எடுத்திருக்கலாம் என மருத்துவத்துறை வட்டாரம் தெரிவிக்கிறது.

இளம் மருத்துவர் ஒருவர் சென்னை ஸ்டான்லி மருத்துமனை மாடியிலிருந்து குதித்து தற்கொலை செய்துக் கொண்டது அதிர்ச்சியை ஏற்படுத்தியுள்ளது.
முதலாம் ஆண்டு எலும்பு மற்றும் மூட்டு அறுவை சிகிச்சை முதுநிலை மருத்துவ படிப்பு படித்து வந்தவர் மாணவர் கண்ணன். இவருக்கு வயது 25.
பணிச்சுமை காரணமாக கண்ணன் தற்கொலை முடிவை எடுத்திருக்கலாம் என மருத்துவத்துறை வட்டாரம் தெரிவிக்கிறது. நேற்று இரவு வரையிலும் கொரோனா வார்டு பணியைக் கவனித்திருக்கிறார்.தற்கொலை குறித்து ஏழு கிணறு போலீசார் விசாரணை நடத்தி வருகிறார்கள்.

மனுஷ்ய புத்திரன் : கொரோனா வார்டில் ஏராளமான பற்றாக்குறை .

கொரோனா வார்டில் பணியிலிருந்த இளம் மருத்துவன் ஒருவன் மனம் அழுத்தம் தாங்காமல் இன்று மூன்றாவது மாடியிலிருந்து குதித்து தற்கொலை செய்துகொண்டான்
நான் இந்த கொரோனா வார்டிற்கு வந்ததிலிருந்து எனக்கு நிறைய அசெளகர்யங்கள் இருந்தன நிறைய போதாமைகள் இருந்தன மருத்துவர்கள், செவிலியர்கள், பணியாளர்கள் எல்லோரிடமும் புகார் சொல்லிக்கொண்டிருந்தேன் எல்லோரிடமும் விரோதம் கொண்டிருந்தேன் சந்தர்ப்பம் கிடைக்கும்போதெல்லாம் எரிந்துவிழுந்தேன்
ஒரு மருத்துவன் மூன்றாவது மாடியிலிருந்து தலைகுப்புற விழுகிறான் நான் இன்று காலையிலிருந்து எந்தப்புகார்களும் இல்லாமலாகிவிட்டேன் ' ஏதாவது அசெளகர்யம் இருக்கிறதா?' என மருத்துவர் கேட்கிறார்
' இல்லை' என்கிறேன்
' ஏதாவது வேண்டுமா?' என செவிலி கேட்கிறாள்
' இல்லை' என்கிறேன்
' ஏதாவது வாங்கிவரவா?' என வார்டு பாய் கேட்கிறான்
' இல்லை' என்கிறேன்

மேலும்
சக்கர நாற்காலியில் கழிவறைக்கு அழைத்துச் செல்ல எனக்கு உதவியாளர்வர தாமதமாகிக்கொண்டே இருந்தது நான் இரண்டாவது முறை அழைப்பு மணியை அழுத்தவே இல்லை

நடிகை வனிதா அதிரடி .லட்சுமி ராமகிருஷ்ணனை வாடி போடி என்று சரமாரியாக ... வீடியோ

லட்சுமி ராமகிருஷ்ணன் சமுகத்தின் அடித்தட்டு மக்களின் குடும்ப பிரச்சனைகளை பொதுவெளிக்கு வைப்பதால் தனக்கு ஊடக வெளிச்சமும் பணமும் பெறுவதையே தொழிலாக கொண்டுவந்துள்ளார் . தப்பி தவறியும் இவர் தனது பார்ப்பனர்கள் பற்றி வாயே திறக்க மாட்டார் .
இவர் தேர்ந்து எடுப்பது சமுகத்தின் விளிம்பு நிலை மக்களின் குடும்ப பிரச்சனைகள்தான் .
இவர் சுவாதியை காதலித்தது கொன்றது எலாம் ராம்குமார்தான் என்று கூறியவர் .பார்ப்பன சுவாதியின் பார்ப்பன சித்தப்பன்தான் சுவாதியை கொன்றான் என்பதை பற்றி எல்லாம் வாயே திறந்ததில்லை . மேலும் இவர் தனது நிகழ்சிகளில் அடித்தட்டு மக்களின் பிரச்சனைகளின் போது ஒரு அறசீற்ற  கோபாவேச போஸ் கொடுப்பார் பார்ப்பன மாமிகள் வீட்டு பணிப்பெண்கள் மீது காட்டும் வன்மைத்தை அப்படியே காட்டும் லட்சுமியின் முகம் .. ( முழு வீடியோ)
வனிதா திருமணம் பற்றி லட்சுமி ராம கிருஷ்ணன் விமர்சனம் செய்தார். அதற்கு ஏற்கனவே பதில் அளித்த வனிதா என் வாழ்கையில் தலையிட நீங்கள் யார் என்றார்.

கோடீஸ்வர மாரியும், கொடி பிடிக்கும் ரஜினியும்.. சவுக்கு சங்கர்

savukkuonline.com : : ஆர்.எஸ்.எஸ் அமைப்பின் வரலாறை கூர்ந்து கவனித்து வருபவர்களுக்கு ஒன்று தெரியும்.   அவர்களின் நோக்கம் இந்தியாவை இந்து நாடாக மாற்றுவது. ஆப்கானிஸ்தான் முதல் நேபாள் வரை அகண்ட இந்து சாம்ராஜ்யம் அமைப்பது. இந்தியாவில் உள்ள இஸ்லாமியர்கள் உள்ளிட்ட இதர சிறுபான்மையினரை இரண்டாம்தர குடிமக்களாக மாற்றுவது.
இவ்வாறு மாற்றியபிறகு இந்து சனாதன தர்மத்தை நிறுவுவது.  சமஸ்கிருதத்தை தேசிய மொழி ஆக்குவது. பிற, கலாச்சார, பண்பாட்டுக் கூறுகள் அனைத்தையும் அழித்து இந்து சனாதனத்தை இந்தியர்கள் அனைவரும் பின்பற்றுமாறு செய்வது.   இதற்கு இவர்களுக்கு பெரும் தடையாக இருப்பது இந்திய அரசியல் அமைப்புச் சட்டம்.   இதை நீக்குவதே இவர்களின் இறுதி லட்சியம்.   இந்த லட்சியத்தை நோக்கியே, இவர்கள் தொடர்ந்து பயணித்து வருகிறார்கள்.  இந்த லட்சியத்தை அடைய, இவர்கள் எத்தகைய தந்திரத்தையும் கையாள தயங்க மாட்டார்கள்.
இந்த லட்சியத்தை அடைவதற்காக இவர்கள் தங்கள் வாழ்நாளையே அர்ப்பணிப்பார்கள்.   ஒரு வெறியோடு பணியாற்றுவார்கள்.   கர்நாடக மாநிலத்தில் ஒரு மூத்த அதிகாரி பணியாற்றிக் கொண்டிருந்தார்.   அவர் பணிபுரிந்த இடத்தில், 80 வயதுடைய ஒரு முதியவர் இருந்தார். அந்த முதியவர் ஆர்.எஸ்.எஸ் அமைப்பை சேர்ந்தவர்.  அவர் திருமணம் செய்துகொள்ளவில்லை.  ஒரு பழைய சைக்கிளில், அந்த பகுதி முழுக்க பயணம் செய்வார். அவருக்கென்று உடைமைகளோ, சொத்துக்களோ கிடையாது.

தமிழகத்தில் இன்று 4,985 பேருக்கு கொரோனா தொற்று உறுதி - சுகாதாரத்துறை தகவல்

தினத்தந்தி :  சென்னை, தமிழக சுகாதாரத்துறை இன்று வெளியிட்டுள்ள அறிவிப்பின்படி, தமிழகத்தில் இன்று ஒரே நாளில் 4,985 பேருக்கு கொரோனா தொற்று உறுதி செய்யப்பட்டுள்ளதாக தெரிவிக்கப்பட்டுள்ளது. இதனால் தமிழகத்தில் கொரோனாவால் பாதிக்கப்பட்டவர்களின் எண்ணிக்கை 1,75,678 ஆக அதிகரித்துள்ளது. சென்னையில் இன்று 1,298 பேருக்கு கொரோனா தொற்று உறுதி செய்யப்பட்டுள்ளது. இதன் மூலம் சென்னையில் கொரோனா பாதிப்பு எண்ணிக்கை 87,235 ஆக அதிகரித்துள்ளது.
சென்னையை அடுத்துள்ள மாவட்டங்களான செங்கல்பட்டு மாவட்டத்திலின்று 354 பேருக்கும், திருவள்ளூரில் 454 பேருக்கும், காஞ்சிபுரத்தில் 329 பேருக்கும் இன்று கொரோனா தொற்று கண்டறியப்பட்டுள்ளது. இது தவிர பிற மாவட்டங்களில் அதிகபட்சமாக மதுரை 106 பேர், விருதுநகர் 169 பேர், திருவண்ணாமலை 151 பேர், கோவையில் 139 பேர், தூத்துக்குடியில் 200 பேர், திருநெல்வேலியில் 180 பேருக்கு கொரோனா தொற்று உறுதி செய்யப்பட்டுள்ளது.

சாத்தான்குளம்... மேலும் 3 காவலர்களை காவலில் எடுத்து விசாரிக்க நீதிமன்றம் அனுமதி...

nakkheeran.in - அண்ணல் : சாத்தான்குளம் தந்தை, மகன் உயிரிழந்த சம்பவம் தொடர்பாக மேலும் 3 காவலர்களை காவலில் எடுத்து விசாரிக்க சிபிஐ அனுமதி கோரிய நிலையில் மூவரையும் வரும் 23-ம் தேதிவரை 3 நாட்கள் காவலில் எடுக்க நீதிமன்றம் அனுமதியளித்துள்ளது

சாத்தான்குளத்தை சேர்ந்த வியாபாரிகள் ஜெயராஜ், அவர் மகன் பென்னிக்ஸ் ஆகியோர் ஊரடங்கின்போது, கூடுதல் நேரம் கடையை திறந்து வைத்திருந்ததாக போலீஸாரால் விசாரணைக்கு அழைக்கப்பட்டனர். சாத்தான்குளத்தில் இருந்து கோவில்பட்டிக்கு கொண்டு செல்லப்பட்ட இருவரும் அடுத்தடுத்து உயிரிழந்தனர்.

அசாம் வெள்ளம்: 108 விலங்குகள் பலி! அசாம் வெள்ளம்: 108 விலங்குகள் உயிரிழப்பு

மின்னம்பலம் : அசாமில் பெய்த கனமழையால் காசிரங்கா வன உயிரியல் பூங்கா வெள்ளத்தில் மிதக்கிறது.
கனமழையால் நாகோன் மாவட்டத்தில் உள்ள காசிரங்கா தேசிய உயிரியல் பூங்காவில் 90 சதவிகிதம் வெள்ளம் சூழ்ந்துள்ளது. 430 சதுர கிமீ பரப்பளவு உள்ள இந்த பூங்காவை, உலகின் பாரம்பரிய இடங்களில் ஒன்றாக யுனெஸ்கோ அறிவித்துள்ளது. ஒற்றைக்கொம்பு உடைய காண்டாமிருகங்கள் இங்கு அதிகளவு வசிக்கின்றன.
வெள்ளம் சூழ்ந்துள்ளதால் விலங்குகள் வெளியேற முடியாமல் தத்தளிக்கின்றன. இந்த வெள்ளத்தில் சிக்கி 9 காண்டாமிருகங்கள் உள்பட 108 விலங்குகள் பரிதாபமாக உயிரிழந்தன. மேலும், காடுகளில் இருந்து வனவிலங்குகள் வெளியேறி ஊருக்குள் புகுந்துள்ளன. யானைகளும், காண்டாமிருகங்களும் சாலைகளில் ஆங்காங்கு கூட்டமாக நின்று தவிக்கின்றன.

கொரோனா ..பிரேசிலை முந்திய இந்தியா, மரணத்தில் அமெரிக்காவையும் விஞ்சியது!

tamil.oneindia.com : உலகிலேயே மிக அதிகபட்சமாக அமெரிக்காவில் கொரோனா பாதித்தவர்கள் எண்ணிக்கை 38,96,855 ஆக உயர்ந்துள்ளது, அதற்கு அடுத்தபடியாக பிரேசிலில் கொரோனா பாதித்தவர்கள் எண்ணிக்கை 20,99,896 ஆக உயர்ந்துள்ளது. 3வது இடத்தில் உள்ள இந்தியாவில் கொரோனா பாதித்தவர்கள் எண்ணிக்கை 11,18,107 ஆக உயர்ந்துள்ளது.
உலகிலேயே மிக அதிகபட்சமாக பிரேசிலில் நேற்று கொரோனாவால் ஒரே நாளில் 716 பேர் பலியாகி உள்ளனர். 2வது இடத்தில் உள்ள இந்தியாவில் கொரோனா தொற்றால் ஒரே நாளில் 675 பேர் பலியாகி உள்ளனர். மெக்ஸிகோவில் கொரோனா தொற்றால் 528 பேர் பலியாகி உள்ளனர்.அமெரிக்காவில் கொரோனா தொற்றால் ஒரே நாளில் 392 பேர் பலியாகி உள்ளனர்.

நியூஸ் 18 குணசேகரன் ஆர் எஸ் எஸ் நெருக்கடிக்கு ஆளாகி உள்ளார்

Kavin Malar : நியூஸ் 18 சேனலில் இருந்து Haseef Mohamed விலக நிர்பந்திக்கப்படுகிறார்.
அடுத்து தமிழ் சேனலுக்கு தலைமைப் பொறுப்பு வகிக்கும் குணசேகரனின்( Gunaa Gunasekaran) அதிகாரங்கள் பறிக்கப் பட்டிருக்கின்றன.
ஆர்.எஸ்.எஸ். பொறுக்கிகளின் இணையம் மூலமான பொய்களுக்கும் அவதூறுகளுக்கும் செவிசாய்த்து இந்த நடவடிக்கைகள் எடுக்க  பட்டிருக்கின்றன.

அடுத்து இந்தப் பொறுக்கிகள் வேறொரு ஊடகவியலாளர் மீது அவதூறு பரப்பத் தொடங்கியுள்ளனர்.
பார்ப்பனியத்தின் பிடியில் சிக்கி இருக்கிறது ஊடகம்.
நாம் உரத்துக் குரலெழுப்பாவிட்டால் ஊடகம் முழுவதும் காவிக்கும்பலின் அதிகாரம் தலைவிரித்தாடும்
வன்மையான கண்டனங்கள்.
மழைக்குருவி  :   News18 ஐ புறக்கணிப்பதால் அம்பானிக்கு பெரிய அளவில் ஒன்றும் ஆகிவிடாதுதான். ஆனால், அம்பானிக்கு நம் குரல் கேட்க வேண்டுமென்றால் #Boycott_Jio தான் ஒரே வழி.
JIO சிம் வைத்திருப்பவர்கள் மொபைல் நம்பர் போர்ட்டபிலிட்டி (MNP) மெசேஜ் பண்ணுங்கள். உடனடியாக JIO கஸ்டமர் கேரிலிருந்து உடனே காரணம் கேட்டு கால் வரும். அவர்களிடம் #News18 குணாவை நீக்கியதற்காக விலகுகிறேன் என்று சொல்லுங்கள்.

பிரதமர் ராஜீவ் காந்தி இயக்கங்களை சந்திக்க விரும்பினார் .. இந்திய ஒப்பந்தம் வந்த வரலாறு - 9

தர்மலிங்கம் எம்பி - ஆலாலசுந்தரம் எம்பி

திரு. அ அமிர்தலிங்கம்  :
நாடு கடத்தல் உத்தரவு:
 இதைத் தொடர்ந்து போராளி இயக்கங்களின் தலைவர்களைப் பிரதமர் ராஜீவ் காந்தி பார்க்க விரும்பினார். அவர்கள் செல்லத் தயங்கினர். இந்திய அரசுக்கும், சில இயக்கங்களுக்கும் இடையில் கசப்புணர்வு ஏற்பட்டது. போராளி இயக்கங்களோடு தொடர்புடைய மூன்று தலைவர்கள் இந்தியாவிலிருந்து நாடு கடத்தப் பட்டனர். அந்த செய்தி டெல்லியில் எனக்குக் கிடைத்தவுடன் திரு. பார்த்தசாரதியோடும் திரு.
ரொமேஷ்பண்டாரியோடும் தொடர்பு கொண்டும் நாடு கடத்தலை நிறுத்துமாறு வேண்டினேன். தமிழ் நாட்டு அரசாங்கம் கேட்டால் பலன் கிடைக்கலாம் என்று அவர்கள் கூறியதன் பேரில் சென்னைக்குத் தொடர்பு கொண்டு முயற்சித்தேன். அடுத்தநாள் ஆகஸ்ட் 25 ந்திகதி நானும் திரு.பார்த்தசாரதியும் பிரதமர் ராஜீவ் காந்தி அவர்களைச் சந்தித்தபோது நாடு கட்டத்தலை நிறுத்தி இயக்கங்களோடு மீண்டும் நல்லுறவை ஏற்படுத்துமாறு வேண்டினேன்.
ஏற்கனவே அவர்கள் வெளியேற்றப்பட்டு விட்டதாகவும் விரைவில் திரும்புவதற்கு அனுமதி வழங்கப்படும் என்றும் பிரதமர் கூறினார். நாம் இவ்வளவு முயற்சிகள் எடுத்தும் நாடு கடத்தலுக்கு நாமும் உடந்தையாக இருந்ததாகச் சிலர் அப்பட்டமாகக் குற்றம் சுமத்தவும் தயங்கவில்லை. நாம் எவ்வளவு பிரயாசப் பட்டோம் என்பது திரு. பார்த்தசாரதி அவர்களுக்கு நன்குத் தெரியும். திம்பு மாநாட்டில் ஆறு தமிழ் இயக்கங்களும் ஒற்றுமையாக இருந்த நிலைமாறி மீண்டும் வேற்றுமைகள் தலை தூக்கத் தொடங்கின.
தர்மலிங்கம்-ஆலாலசுந்தரம் படுகொலை:

திருமாவும் எங்கள் பார்வையில் ஒரு சங்கிதான்... அருந்ததியர் சமுகத்தில் ... அதிருப்தி

Thangaraj Gandhi : இங்கு பாமக. மட்டுமல்ல. விசிக.வும் தன்னை அறிவு ஜீவிகளின் கூடாரம் என அறிவித்து சில மடத்தனமான வாரிச்சுருட்டல்களை செய்கிறது‌.   திருமா மீது வன்மம் தான்.
அருந்ததியர் உள் இட ஒதுக்கீடுக்காக ஒரு போராட்டம் துண்டறிக்கை கூட வெளியிடாத திருமா.. உள் இட ஒதுக்கீடு கலைஞர் வழங்கியதும் நேக்கா அம்பேத்கர் விருது கலைஞருக்கு கொடுத்து.. போராட்ட உரிமையை ஆட்டேய் போட்டார்.
மேடையில் பேராடிய ஒரு சக்கிலியர் தலைவருக்கும் இருக்கை தரப்படவில்லை‌‌.
இங்க உள் இட ஒதுக்கீடுக்காக நெருப்புல மூனு உசுரு இழந்திருக்கோம் அதைக்கூட திருமா மதிக்கவில்லை.
அதே போல் திமுக.விலிருந்து விலகியவர் சக்கிலியர் VP.துரைசாமி‌..அவர் இருக்கும் இடத்திற்கு திமுக.தலைவர் நிரப்பியது அந்தியூர் செல்வராஜ் எனும் சக்கிலியர். இந்த விளையாட்டை நடத்திய பாஜக. தலைவர் எல்.முருகன் சக்கிலியர்‌. 
ஆர்.எஸ்.பாரதி மீது வழக்கு தொடுத்தவர் எஸ்.டி‌கே. சக்கிலியர்.
இந்த இடத்தில் டிவி விவாதங்களில் அருந்ததியர் தலைவர்கள் தான் முன்னின்று அம்பேத்கரிய பெரியாரிய சிந்தனையை பேசியிருக்க வேண்டும். அந்த அளவுக்கா தகுதியற்று வீழ்ந்து கிடக்கிறது எங்கள் சமூகம்.

Jai Periyar ராஜஸ்தான் மீனா மக்களிடயே ட்ரெண்டிங் ஆகும் ஜெய் பெரியார்

Anthony Fernando : ராஜஸ்தானின் "மீனா" சமூகத்தவர்கள் "Jai_Periyar" tag ஐ பெரிய அளவில் Viral ஆக்கி இருக்கிறார்கள்...
"மீனா" சமூகத்தைப் பற்றி சொல்வதனால் இவர்கள் திராவிட பில் இனக் குழுவைச் சேர்ந்தவர்கள். த்தை கைப்பற்றியவர்கள்.
இவர்கள் தான் வடமேற்கு இந்தியாவின் பெரும்பகுதியை ஆண்டிருக்கிறார்கள். இவர்களின் ஒரு பகுதியினர் தான் ஆரியக் குழுக்களோடு கலப்பாகி தற்பொழுது "ராசபுத்திரர்" என்ற தனிச் சாதியாக உருமாறியவர்கள். ராசபுத்திரரின் வரலாற்றை உற்று நோக்கினால் சொந்த இனமான திராவிட பில் குடிகளை வந்தேறிகளிடத்து காட்டி கொடுத்து அதிகார

ஏனைய ஒடுக்கப்பட்ட விளிம்புநிலை சமூகங்களிடம் தங்களது வீரதீரத்தைக் காட்டும் ஆதிக்கச் சாதியினர் மீனா சமூகத்திடம் எச்சரிக்கை உணர்வுடன் நடந்து கொள்வார்கள். அவர்களிடம் கண்ணியமாகவே நடந்து கொள்வார்கள். அதற்கு காரணம் மீனாக்களின் திருப்பியடிக்கிற மூர்க்க குணம் ஒரு முக்கியமான காரணம். வருடங்களுக்கு முன்பு இராசச்தானின் குசார் மற்றும் சாட் சமூகத்தவர்களும் நடத்திய போராட்டங்களின் போது போராட்டத்தை முன்னெடுத்தவர்கள் மீனாக்கள் வாழுமெ கிராமங்களை சுற்றி எந்த அசம்பாவிதங்களிலும் ஈடுபட வேண்டாம் என்று வேண்டிக் கொண்ட விசயங்கள் எல்லாம் நடைபெற்றது..

தமிழக அரசு மருத்துவ கட்டமைப்பின் இமாலய சாதனை! ஒருங்கிணைந்த முன்னேற்றம் .

Sivasankaran Saravanan : மனநலம் பாதிக்கப்பட்ட நபர் தவறுதலாக வெடிமருந்தை எடுத்து வெடித்து அவரது முகம் சிதைந்துபோன செய்தி அனைவருக்கும் தெரிந்திருக்கும்.
கிட்டத்தட்ட முற்றிலும் சிதைந்துபோன அந்த முகத்தை பார்ப்பதற்கு மன தைரியம் வேண்டும் தவிர மிக
கோரமான காயங்களுடன் சிதைந்த முகத்தை பதிவிட்டால், பேஸ்புக் அதை வன்முறை என்ற கணக்கில் அனுமதிக்காது. எனவே அந்த படத்தை இங்கே தரவில்லை.
முற்றிலும் சிதைந்த அவரது முகத்தை உடனடி அறுவைசிகிச்சை மூலம் சீரமைப்பது என்பது மிகப்பெரிய மருத்துவ சவால். சென்னை மருத்துவக்கல்லூரி மற்றும் ராஜீவ்காந்தி அரசு பொதுமருத்துவமனையின் பிளாஸ்டிக் சர்ஜரி துறை, ENT துறை மற்றும் பல் மருத்துவக்கல்லூரியை சேர்ந்த Facio maxillary துறை என அறுவைசிகிச்சைகளில் நிபுணத்துவம் பெற்ற மருத்துவர்கள் குழு இந்த அறுவைசிகிச்சையை ஒருங்கிணைந்து வெற்றிகரமாக செய்துள்ளனர். அறுவைசிகிச்சைக்கு பின்னர் அவரது முகத்தை பார்க்கும்போது இது எவ்வளவு பெரிய சாதனை என்று அனைவருக்கும் தெரியும்.
மருத்துவ உலகில் இது அரிதினும் அரிதான ஒரு அறுவைசிகிச்சை சாதனையாக பார்க்கப்படுகிறது. அதுவும் தற்போதைய கோவிட் சூழ்நிலையில் இத்தகைய ஒரு அறுவைசிகிச்சையை நினைத்துப்பாருங்கள். தனியாரில் பல லட்சங்கள் செலவாக கூடிய இந்த கூட்டு அறுவைசிகிச்சையை சென்னை அரசு மருத்துவக்கல்லூரி இலவசமாக செய்துள்ளனர். பணம் செலவழித்தால் கூட தனியார் மருத்துவமனையில் இது சாத்தியம் இல்லை. பிளாஸ்டிக் சர்ஜரி + ENT + Facio maxillary என ஒரே நேரத்தில் இத்தகைய கூட்டு ஒருங்கிணைப்பு என்பது தனியார் மருத்துவமனையில் சாத்தியமில்லை.

முகக்கவசம் பற்றி பேசவேண்டிய நேரத்தில் வேறு கவசம் .. பேராசிரியர் சுப.வீரபாண்டியன் வீடியோ

பக்தியும் இல்லை, ஒரு மண்ணாங்கட்டியும் இல்லை. கந்தசஷ்டி விவகாரம் குறித்து சுப.வீரபாண்டியன் "
வெப்துனியா : முகக் கவசம் பற்றிப் பேச வேண்டிய நேரத்தில், வேறு கவசம் பற்றியே பேசுவது ஏன்? பக்தியும் இல்லை, ஒரு மண்ணாங்கட்டியும் இல்லை. தேர்தல் நெருங்குவதால், திமுக வின் மீது அவதூறு பரப்புவது மட்டுமே நோக்கம்.

முருகனின் கந்த சஷ்டி கவசத்தை கருப்பர் கூட்டம் யூடியூப் சேனலில் அவமதிப்பு செய்தது குறித்த தகவல்கள் அவ்வப்போது பரபரப்பாக வெளிவந்து கொண்டிருக்கின்றன.
கருப்பர் கூட்டம் யூடியூப் சேனலுக்கும் அதன் நிர்வாகிகளுக்கும் கிட்டத்தட்ட அனைத்துக் கட்சிகளிடம் இருந்தும் திரையுலக பிரபலங்களிடம் இருந்தும் கண்டனங்கள் குவிந்து வந்தாலும் திமுக தரப்பில் இருந்து மிகவும் தாமதமாகவே கண்டனம் வந்தது. அதுவும் திமுக தலைவர் முகஸ்டாலின் அவர்களோ அல்லது உதயநிதி ஸ்டாலின் அவர்களோ கண்டனம் தெரிவிக்கவில்லை என்பதும் அக் கட்சியின் அமைப்புச் செயலாளர் ஆர்எஸ் பாரதி மட்டுமே கண்டனம் தெரிவித்திருந்தார் என்பது குறிப்பிடத்தக்கது

பைலட்டை கைகழுவும் எம்.எல்.ஏ.க்கள்.. கெலாட் கேம்?

மின்னம்பலம் : சச்சின் பைலட் ஆதரவு எம்.எல்.ஏ.க்கள் மீண்டும் காங்கிரஸ் முதல்வர் அசோக் கெலாட்டை ஆதரிக்க முன் வந்தால் அவர்களின் தகுதி நீக்கம் பற்றி பரிசீலிக்கப்படும் என்று காங்கிரஸ் பொதுச் செயலாளரும் ராஜஸ்தான் மாநில பொறுப்பாளருமான அவினாஷ் பாண்டே கூறியுள்ளார்.
ராஜஸ்தான் மாநில துணை முதல்வராகவும் காங்கிரஸ் தலைவராகவும் இருந்த சச்சின் பைலட், அம்மாநில காங்கிரஸ் முதல்வர் அசோக் கெலாட் அரசுக்கு எதிராக செயல்பட்டதால் பதவிகளில் இருந்து நீக்கப்பட்டிருக்கிறார். பைலட் மற்றும் அவரது ஆதரவு எம்.எல்.ஏ.க்கள் 19 பேரின் சட்டமன்ற உறுப்பினர் பதவியை ஏன் தகுதி நீக்கம் செய்யக் கூடாது என்று சபாநாயகர் நோட்டீஸ் அனுப்பினார்.

யாழ் தமிழ் மாணவர்களிடையே கைகலப்பு தடுக்கப்போன சிங்கள மாணவருக்கு கத்தி குத்து

ibctamil : யாழ். பல்கலைக்கழக மாணவர்களுக்கு இடையிலான கைகலப்பு கத்திக் குத்தாக மாறியதில் ஒருவர் படுகாயமடைந்துள்ளதாக கோப்பாய் பொலிஸார் தெரிவித்துள்ளனர். தமிழ் மாணவர்களுக்கு இடையிலான கைகலப்பை தடுக்க முற்பட்ட சிங்கள மாணவரே இவ்வாறு படுகாயமடைந்த நிலையில் யாழ். போதனா வைத்தியசாலையில் சேர்க்கப்பட்டுள்ளார். சம்பவம் தொடர்பில் தெரிய வருகையில், பரமேஸ்வரா சந்திக்கு அண்மையில் மாணவர்கள் தங்கும் விடுதியில் இந்தச் சம்பவம் நேற்றிரவு 11 மணியளவில் இடம்பெற்றது. விஞ்ஞான பீட தமிழ் மாணவர்கள் சிலர் கூடியிருந்த போது அவர்களுக்கு இடையே கைகலப்பு ஏற்பட்டுள்ளது.
அதில் மாணவன் ஒருவர் ஆத்திரமடைந்து மற்றொரு மாணவருக்கு கத்தியால் குத்த முற்பட்டுள்ளார். அதனை அவதானித்த சிங்கள மாணவர் ஒருவர் தடுக்க முற்பட்ட போது அவரது கழுத்தில் கத்திக் குத்து ஏற்பட்டுள்ளது.

இங்கிலாந்திலும் சந்தேக நபரின் கழுத்தை காலால் நெரித்த போலீஸ்

மாலைமலர் :இங்கிலாந்தில் சந்தேக நபரை கைது செய்த முயற்சித்தபோது அந்த நபரின் கழுத்தை காலால் நெரித்த போலீஸ் அதிகாரி சஸ்பெண்ட் செய்யப்பட்டுள்ளார்.
இங்கிலாந்திலும் ஜார்ஜ் பிளாய்டு கைது போன்ற சம்பவம் – சந்தேக நபரின் கழுத்தை காலால் நெரித்த போலீஸ் அமெரிக்காவின் மின்னியாபொலிஸ் நகரில் கடந்த மே மாதம் கடையில் கள்ளநோட்டு கொடுத்ததாக ஜார்ஜ் பிளாய்டு என்ற கருப்பினத்தவரை
போலீசார் கைது செய்ய முயற்சித்தனர்.
அப்போது ஒரு போலீஸ் அதிகாரி ஜார்ஜின் கழுத்தில் தனது ழுழங்காலால் அழுத்தி அவரை எழுந்திருக்க முடியாமல் செய்தார். குரல்வளை நெரிக்கப்பட்டதால் ‘என்னால் மூச்சு விட முடியவில்லை’ என கதறிய ஜார்ஜ் அந்த இடத்திலேயே மூச்சுத்திணறி பரிதாபமாக உயிரிழந்தார்.
இந்த சம்பவம் உலகம் முழுவதும் பெரும் அதிர்வலைகளை ஏற்படுத்தியது. பல நாடுகளில் ’பிளாக் லிவ்ஸ் மேட்டர்’ பதாகைகளுடன் நடைபெற்ற இந்த போராட்டம் ஒரு பேரிக்கமாக உருவெடுத்து வருகிறது. இந்நிலையில் ஜார்ஜ் பிளாய்டு கைது சம்பவம் போன்றதொரு கைது சம்பவம் இங்கிலாந்தில் நடைபெற்றுள்ளது.

`எனக்குக் கிடைக்காதது யாருக்கும் கிடைக்கக் கூடாது!' - மாணவியைக் கொலைசெய்த கோவை இளைஞர்

vikatan : குருபிரசாத் : கோவை பேரூர் அருகே காதலிக்க மறுத்த கல்லூரி மாணவியை,  இளைஞர் ஒருவர் கத்தியால் குத்திக் கொலை செய்த சம்பவம் அதிர்ச்சியை ஏற்படுத்தியுள்ளது. கோவை, பேரூர் அருகே ஆறுமுகக் கவுண்டனூர் பகுதியைச் சேர்ந்தவர் ரித்தீஷ் (24). இவர் அந்தப் பகுதியில் ஓர் தனியார் நிறுவனத்தில் பணியாற்றி வருகிறார். அதே பகுதியைச் சேர்ந்த சக்திவேல் என்பவரின் மகள் ஐஸ்வர்யா (17). ஐஸ்வர்யா தனியார் கல்லூரியில் இரண்டாம் ஆண்டு படித்து வருகிறார். இதனிடையே, ரித்தீஸ்க்கும் ஐஸ்வர்யாவுக்கும் இடையே காதல் ஏற்பட்டுள்ளது
ஆனால், இருவரும் வெவ்வேறு சமூகத்தைச் சேர்ந்தவர்கள் என்பதால் அவர்களது காதலுக்கு சக்திவேல் எதிர்ப்பு தெரிவித்துள்ளார். மேலும், படிக்கிற வயதில் காதல் எல்லாம் வேண்டாமென தன் மகளுக்கு சக்திவேல் அறிவுரை கூறியுள்ளார்.
இதனால், ரித்தீஸிடம் பேசுவதை ஐஸ்வர்யா நிறுத்தியுள்ளார். இந்நிலையில், நேற்று இரவு ஐஸ்வர்யா வீட்டுக்குச் சென்ற ரித்தீஷ் ``என்னிடம் ஏன் பேசவில்லை? மீண்டும் என்னை காதலி. நாம் திருமணம் செய்துகொள்ளலாம்" என வலியுறுத்தியுள்ளார். ஆனால், ``இந்தக் காதலில் எனக்கு விருப்பமில்லை'' என ஐஸ்வர்யா கூறியுள்ளார். அப்போது இருவருக்கும் வாக்குவாதம் ஏற்பட்டதாகத் தெரிகிறது.

கந்த சஷ்டி கவச வரலாறு ... ஏன் கருவறைக்குள் அது செல்லவில்லை?

கந்த சஷ்டிக் கவசம்!
அதன் பொருட்டு இவ்வளவு குதிப்போர்கள் வருந்துவோரிடம் ஒரே ஒரு கேள்வி கேட்க!
ஏன் அவ்ளோ பெருமை மிக்க தமிழ் கந்த சஷ்டி கவசத்தை முருகன் கோயில் கருவறையில் ஓத மாட்டேங்குறாங்க பிராமணாள்!!!
சஷ்டி கவசத்திலேயே பீஜாஷார மந்திரம் எல்லாம் இருக்கு என ஊருக்கு உபதேசம் பண்ணுறவா, கருவறையில் ஓத மறுப்பது ஏன்?
தமிழ்க் கடவுள் முருகன் மேல் பாடப்பட்டுள்ள சமஸ்கிருதம் கலந்த, கந்த சஷ்டிக் கவசம் மொத்தம் 6!
தெரியுமா துதிப்போர்க்கு குதிப்போர்க்கு?
இன்று பிரபலமாகி விட்ட கவசம், செந்தூர் முருகன் மீதானது!
அது தவிர, இன்னும் 5 கவசங்கள் உள்ளன!
ஆனால் எந்த கவசமும் கருவறைக்குள் போக முடியாது!
கந்த சஷ்டிக் கவசம் மிகவும் தொன்மையான முருகன் பாடலோ? இல்லை!
19ஆம் நூற்றாண்டில் ஒரு பெங்களூருக்காரர் எழுதியது பெயர் பாலன் தேவராயன் சுவாமிகள் வல்லூரில் பிறந்து பெங்களூரில் செட்டில் ஆனவர்!
பிறப்பால் பார்ப்பனர் அல்லர்! இப்போ புரியுதா  ஏன் கவசம், கருவறைக்குள் போகலைன்னு?
கந்த சஷ்டிக் கவசம் நீங்கள் பிழையாக நினைப்பது போல் பக்தியால் பரப்பப்படுவது போல தொன்மையான தமிழ் அல்ல!

பென்னாகரம்: பட்டியல் சமூக சிறுவனை மலம் அள்ள வைத்ததாக புகார் வீடியோ

நக்கீரன் : தர்மபுரி மாவட்டம் பென்னாகரம் அருகே உள்ள கோடி அள்ளி ஊராட்சிக்கு உட்பட்ட கோடாரம்பட்டியைச் சேர்ந்த 15 வயது சிறுவன், அதே ஊரில் உள்ள அரசுப்பள்ளியில் பத்தாம் வகுப்பு படித்து வருகிறார்.
 பட்டியல் சமூகத்தைச் சேர்ந்த அந்த சிறுவன், ஜூலை 15ம் தேதி, அப்பகுதியில் ஒரு புதர் மறைவில் மலம் கழித்துள்ளார். அதைப் பார்த்த உள்ளூரைச் சேர்ந்த ராஜசேகர் என்பவர், சிறுவனை சாதிபெயரைச் சொல்லியும், ஆபாச வார்த்தைகளாலும் திட்டியுள்ளார்.
ஆத்திரத்தில் சிறுவனை தாக்கியதாகவும் சொல்லப்படுகிறது. மேலும், சிறுவனின் கையாலேயே மலத்தை அள்ளிச்சென்று, வேறிடத்தில் அப்புறப்படுத்த கொட்டச் செய்துள்ளார்.
இதுகுறித்து சிறுவனின் பெற்றோர், மார்க்சிஸ்ட் கம்யூ., கட்சியினர் பென்னாகரம் காவல்துறை டிஎஸ்பி மேகலாவிடம் புகார் அளித்தனர்.

கொரோனா: `Double-blind' முறையில் மனிதப் பரிசோதனை! - முக்கிய கட்டத்தில் கோவாக்ஸின்

விகடன் : இந்திய மருத்துவ ஆராய்ச்சி கவுன்சில் ( ICMR) இதுவரை 2 தடுப்பூசி மருந்துகளுக்கு மனிதப் பரிசோதனை மேற்கொள்ள ஒப்புதல் வழங்கியுள்ளது. கொரோனா தொற்றை எதிர்த்துப் போராட உலகம் முழுவதும் தடுப்பூசி மருந்துக்கான ஆராய்ச்சியும், மனிதப் பரிசோதனைகளும் முழுவீச்சில் நடைபெற்று வருகின்றன. இந்திய கண்டுபிடிப்பான கோவிட்-19 தடுப்பு மருந்து கோவாக்ஸினுக்கான (COVAXIN) மனிதப் பரிசோதனை தற்போது தொடங்கியுள்ளது. இந்தத் தடுப்பூசியைக் கண்டுபிடித்த பெருமையைப் பெறுகிறது ஹைதராபாத்தைச் சேர்ந்த பாரத் பயோடெக், நிறுவனம் இந்தியாவின் முதல் கோவிட்-19 தடுப்பூசி மருந்தான கோவாக்ஸினுக்கான முதல்கட்ட ஆராய்ச்சி நாடு முழுவதும் ஜூலை 15-ல் ஆரம்பித்தது. மனிதப் பரிசோதனைக்காக இதில் 375 தன்னார்வலர்கள் பங்கேற்கின்றனர் .
ஆராய்ச்சியின்போது ஒரு பிரிவினருக்கு, தடுப்பூசி மருந்து செலுத்தப்படும் மற்றொரு பிரிவினருக்கு மருந்தற்ற மருந்து (placebo) செலுத்தப்படும்.

Double-blind முறையில் இந்த ஆராய்ச்சி மேற்கொள்ளப்படுவதாகச் சொல்கிறார்கள். அதாவது ஆராய்ச்சியில் ஈடுபட்டிருக்கும் ஆராய்ச்சியாளருக்கும், தன்னார்வலர்களுக்கும், யாருக்குத் தடுப்பூசி மருந்து அளிக்கப்படுகிறது யாருக்கு மருந்தற்ற மருந்து அளிக்கப்படுகிறது என்று அறியாமல் ஆராய்ச்சி மேற்கொள்ளும் முறை இது.

பறிபோன 11927 மருத்துவ படிப்பு வாய்ப்புக்கள் .. கந்தசஷ்டி குத்தாட்டத்தில் பறிபோகும் இட ஒதுக்கீடு .

A Prabhakar TheKa : எனக்கு என்ன பெரிய வியப்புன்னா, எப்பொழுதெல்லாம் மிக முக்கியமான சமூக நீதி சார்ந்த தீர்ப்புகள் அல்லது பிரச்சினைகள் சமூகத்தில் எழுகிறதோ அப்பொழுதெல்லாம், பைசாவிற்கு பெறாத மத நம்பிக்கை, கடவுளை காப்பாத்தணுங்கிற ஜல்லியடிகளைக் கொண்டு இத்தனை பெரிய கூட்டத்தை திசை திருப்பி விட முடிகிறதே அதெப்படி என்பதுதான். அப்படிப்பார்த்தா நாம இன்னும் கற்கால மனித மூளை கட்டமைப்பில இருந்து நம்மை வளர்த்து எடுத்துக்கவே  இல்லையா?
கீழே உள்ள ஓர் அட்டவணையைப் பாருங்க...   மாவட்டத்திற்கு ஒரு மருத்துவக் கல்லூரி வைத்திருக்கோம்,
இருந்தும் கண்ணிற்கு முன்னாடியே உருவிகிட்டு இருக்கானுங்க.
 நான்கு ஆண்டுகளில் 11, 207 இடங்களை பிற பிற்படுத்தப் பட்ட (BC + OBC) இட ஒதுக்கீட்டில் படிச்சிருக்க வேண்டியவங்க இழந்திருக்காங்க.
இதனுடைய தாக்கம் இன்னும் ஒரு பத்தாண்டுகளில் தெரிய வரும். அனுபவிக்கும் போது பெரும் கொடுமையாக இருக்கும். நாமல்லாம் எப்போ முழிச்சிப்போம்!

ஜெயலலிதாவின் 191 சொத்துக்களின் பட்டியல்! . சசிகலா பாஜக தகராறுக்கும் இந்த 191 இற்கும் தொடர்பிருக்க வாய்ப்புண்டு

ஜெயலலிதாவுக்கு இவ்வளவு சொத்து இருக்கின்றதா என இந்த பட்டியலை பார்த்து பயந்து மயங்கிவிட வேண்டாம்!
இதய பலவீனம் உள்ளவர்கள் மேலே படிக்க வேண்டாம்.
ஜெயலலிதாவின் சொத்து பட்டியல் ! 306 சொத்துக்கள் ! ஆயிரக்கணக்கான கோடிகள்! வரலாறு காணாத பேராசை !
1. சென்னை போயஸ் தோட்டம்- கதவிலக்கம் 36 ல் பத்து கிரவுண்டு 330 சதுர அடி நிலமும், கட்டடமும்
3. ஐதராபாத் ஸ்ரீநகர் அலுவலர் காலனியில் 651.18 சதுர மீட்டர் கட்டடம்.
3. ஐதராபாத் அருகே ஜிடிமெட்லா மற்றும் பஷீராபாத் கிராமங்களில் இரண்டு பண்ணை வீடுகள், பணியாளர்களுக்கான வீடுகள், மற்றும் திராட்சை தோட்டம் (11.35 ஏக்கர்)
4. ஆந்திரப் பிரதேசம் மேச்சால் வட்டம், பஷீராபாத் கிராமத்தில் சர்வே எண்.93/3 ல் 3.15 ஏக்கர் நிலம்.
5. செய்யாறு கிராமம், சர்வே எண். 366/2, 5, 6 ல் விவசாய நிலம் 3.4 ஏக்கர் நிலம்.
6. சென்னை பட்டம்மாள் தெரு, கதவிலக்கம் 19இல் நிலமும், கட்டடமும்.
7. சென்னை, சந்தோம், அந்து தெரு, ஆர்.ஆர்.அடுக்குமாடி குடியிருப்பில், குடியிருப்பு எண் 7.
8. சென்னை, அண்ணா சாலையில், 602 ஆம் இலக்கத்தில் கடை எண். 14
9. சென்னை, நுங்கம்பாக்கம், காதர் நவாஸ்கான் சாலை, ஆர். எஸ். எண். 58/5, கதவிலக்கம் எண். 14 ல் மொத்தம் 11 கிரவுண்ட், 736 சதுர அடி நிலத்தில் பிரிக்கப்படாத பங்கு.

புலிகளின் 32 நிர்வாக துறையில் ஏன் மட்டக்களப்பு அம்பாரை மாவட்டத்தை சேர்ந்த எவரையும் நியமிவில்லை?

Reginold Rgi : இந்த பதிவு எவருடைய மனதையும் புண்படுத்துவதோ அல்லது பழிவாங்குதோ அல்ல வட - கிழக்கில் வாழ்கின்ற என் தாய் தமிழ் உறவுகள் வரலாற்றை தெரிந்து கொள்ள வேண்டும் என்பதற்கான பதிவு .....
2004 ஆண்டு புலிகள் அமைப்புக்குள் ஏற்பட்ட கிழக்கு பிளவு பற்றியும் அந்த காலகட்டத்தில் நடந்தவை என்னவென்று வடகிழக்கில் வாழ்கின்றன மக்களுக்கு அவ்வளவாக தெரியாது எங்களிடம் பணபலம் இல்லை ஊடகபலம் இல்லையென்றாலும் எனது சத்திய எழுத்துகள் வருங்கால சந்ததியினருக்கு உண்மையை உணர்த்தும் என்று ...
யாழ் வன்னி நிலங்களை போர் மேகங்கள் சூழ்ந்து கொண்ட போதெல்லாம் யாழ் வன்னி மக்களை காப்பாற்ற கிழக்கிலிருந்து கனகச்சிதமாக பெரும் படைகளை நகர்த்தி அந்த மக்களுக்காக ரத்தம் சிந்தி போராடி விலை மதிப்பில்லாத உயிர்களையும் கொடுத்தவர்கள் என்ற ரீதியில் ஒரு சிலரின் மனசாட்சி கதவுகளைதட்ட முயற்சிக்கிறேன்....
கிழக்கு பிளவு....
கிழக்கு மாகாணத்திலிருந்து உருவாகிய நெருக்கடிகளுக்கு முகம்கொடுப்பதில் புலிகள் தவறுக்குமேல் தவறிழைத்தனர் கிழக்கு பிளவை தாண்டிச்செல்லுதல் என்பதே கடைசிவரை புலிகளால் முடியாது போன ஒரே காரியம் என வரலாறு தன்பக்கங்களில் குறித்துக்கொண்டது அந்த காலகட்டத்தில் சுமார் 6000 மட்டு/அம்பாரை போராளிகள் கிழக்கு தளபதி கேணல் கருணாக்கு தொடர்ந்தும் அழுத்தம் கொடுத்தார்கள் தாங்கள் புலிகள் அமைப்பிலிருந்து பிரிந்து மட்டு/அம்பாரை மண்ணில் சிங்கள அரசுக்கு எதிராக போராடி அந்த மக்களின் காலடியில் மடிவதையே தாங்கள் இறுதி லட்சியமாக கொண்டுள்ளதாக 6000 போராளிகளும் கருணாவின் பின்னால் அணிவகுத்து நின்று கிழக்கு பிளவை அறிவித்தார்கள்