மோடியை பிரதமர் வேட்பாளராக அறிவிக்க கட்சிக்குள் ஆதரவு

பா.ஜ. அணியின் பிரதமர் வேட்பாளராக குஜராத் முதல்வர் நரேந்திர மோடியை அறிவிக்க கட்சிக்குள் ஆதரவு பெருகி வருகிறது. எதிர்பாராத இந்த ஆதரவால் பா.ஜ. தேசிய செயற்குழு கூட்டத்தில் பரபரப்பு ஏற்பட்டது. அடுத்த மக்களவை தேர்தலை சந்திக்க காங்கிரசும் பா.ஜ.வும் இப்போதே தயாராகி வருகின்றன. காங்கிரஸ் பொதுச் செயலாளர் ராகுல் காந்தி தலைமையில் தேர்தலை சந்திக்கப் போவதாக காங்கிரஸ் ஏற்கனவே அறிவித்துள்ளது. காங்கிரசின் பிரதமர் வேட்பாளராக ராகுல் காந்தி முன்னிறுத்தப்படலாம் என்று தெரிகிறது. காங்கிரஸ் தலைவர்களும் ராகுலுக்கு ஆதரவு தெரிவிக்கின்றனர். இதற்கு போட்டியாக பா.ஜ. சார்பிலும் வலுவான வேட்பாளரை முன்னிறுத்த கட்சி முடிவு செய்துள்ளது. ஆனால், பிரதமர் பதவிக்கு அத்வானி, சுஷ்மா சுவராஜ், நரேந்திர மோடி உட்பட பல தலைவர்களின் பெயர்கள் அடிபடுவதால் பிரதமர் வேட்பாளரை அக்கட்சி அறிவிக்கவில்லை. சரியான நேரம் வரும்போது பிரதமர் வேட்பாளரை அறிவிப்போம் என்று பா.ஜ. தலைவர்கள் சமாளிக்கின்றனர். இந்நிலையில், பா.ஜ. தேசிய செயற்குழு கூட்டம் டெல்லியில் கடந்த 3 நாட்களாக நடந்தது. அரசியல், பொருளாதார சூழ்நிலை, கட்சியின் வியூகம் குறித்து இக்கூட்டத்தில் விவாதிக்கப்பட்டது. குழப்பத்தை தவிர்ப்பதற்காக பிரதமர் வேட்பாளர் பற்றி யாரும் பேசக் கூடாது என்று கட்டுப்பாடு விதிக்கப்பட்டது.
ஆனால், செயற்குழுவில் கலந்து கொள்ள வந்த நரேந்திர மோடிக்கு சிறப்பான வரவேற்பு அளிக்கப்பட்டது.

கோவை மாவட்டத்தில் அதிக பெண் கரு. சிசு கொலைகள்

தமிழக மருத்துவம் மற்றும் ஊரக நலப் பணிகள் இயக்குனரகமும், டி.ஜி.வைஷ்ணவ் கல்லூரி என்.சி.சி., மாணவர்களும், தமிழகத்தில் உள்ள, 18 மாவட்டங்களில், மேற்கொண்ட ஆய்வில், கோயம்புத்தூர் மாவட்டத்தில், அதிகபட்சமாக, பெண் கருக்கொலை மற்றும் சிசு கொலைகள் நடந்ததாக, 42.15 சதவீதம் பேர் தெரிவித்துள்ளனர்.
சென்னை, அரும்பாக்கம், டி.ஜி.வைஷ்ணவ் கல்லூரி என்.சி.சி., மாணவர்கள் 20 பேர், தமிழக மருத்துவம் மற்றும் ஊரக நல பணிகள் இயக்குனரகத்தோடு இணைந்து, பெண் கருக்கொலை மற்றும் சிசு கொலைக்கு எதிராக தமிழகம் முழுவதும் இரு சக்கர வாகனங்கள் மூலம் கடந்த மாதம், 12ம் தேதி முதல் 27ம் தேதி வரை, விழிப்புணர்வு பிரசார பயணத்தை மேற்கொண்டனர்.
மொத்தம், 16 நாட்கள் நடந்த இப்பயணத்தில், வேலூர், கோயம்புத்தூர், கன்னியாகுமரி, தஞ்சாவூர், விழுப்புரம் உள்ளிட்ட, 22 மாவட்டங்களில், 3,160 கி.மீ., தூரம் பயணித்து, 1.5 லட்சம் மக்களை நேரடியாக சந்தித்து, அவர்களிடம் துண்டு பிரசுரம் மற்றும் வீதி நாடகங்கள் மூலம், பெண் குழந்தையின் முக்கியத்துவம் குறித்தும், அவர்களுக்கு அரசு வழங்கும் சலுகைகள் குறித்தும் எடுத்துரைக்கப்பட்டன.விழிப்புணர்வு பிரசார பயணத்தில், 18 மாவட்ட பகுதிகளில், பெண் கருக்கொலை மற்றும் சிசு கொலை நடந்துள்ளதா?கருவிலிருக்கும் குழந்தையின் பாலினம் பற்றி அறிந்து கொள்வது குற்றம் என்பது மக்களுக்கு தெரியுமா? பிறக்கும் முதல் குழந்தை பெண் என்றால் விரும்புகிறார்களா? உள்ளிட்ட, 11 கேள்விகள் மூலம், 7 ஆயிரத்து 641 பேரிடம் ஆய்வு நடத்தினர். அந்த ஆய்வறிக்கை நேற்று டி.ஜி.வைஷ்ணவ்கல்லூரியில் வெளியிடப்பட்டது. ஆய்வில் தெரியவந்துள்ளவை:
18 மாவட்டங்களிலும் 18.41 சதவீதம் பேர், தங்கள் பகுதிகளில், பெண் கருக்கொலை மற்றும் சிசு கொலை நடந்துள்ளதாக, தெரிவித்துள்ளனர். இதில், அதிகளவாக 42.15 சதவீதம் பேர்,கோயம்புத்தூர் மாவட்டத்தில் உள்ளது.

தமிழக காங்கிரஸ் உடைகிறதா? G.K.வாசன் வீட்டில் ஆதரவாளர் கூட்டம்!

தமிழ்நாடு இளைஞர் காங்கிரஸ் தலைவர் யுவராஜா நீக்கப்பட்டதன் எதிரொலியாக மத்திய அமைச்சர் ஜி.கே. வாசன் ஆதரவாளர்கள் இன்று சென்னையில் அவரது வீட்டில் கூடி ஆலோசனை செய்து வருகின்றனர். காங்கிரஸில் இருந்து பிரிந்து மீண்டும் தனிக் கட்சி (தமிழ் மாநில காங்கிரஸ்?) தொடங்க வேண்டும் என்ற கோஷம் எழுந்துள்ளது.
தமிழக இளைஞர் காங்கிரஸ் தலைவராக இருந்து யுவராஜா, அமைச்சர் வாசனின் ஆதரவாளர். காஞ்சிபுரம் நாடாளுமன்றத் தொகுதி இளைஞர் காங்கிரஸ் தலைவி ஐஸ்வர்யா தற்கொலை செய்து கொண்டதற்கு யுவராஜாதான் காரணம் என்று பரவிய செய்தியை ஆதாரமாக வைத்து, இரண்டு வாரங்களுக்கு முன்பே அவரை பதவியில் இருந்து ராஜினாமா செய்ய சொல்லும்படி காங்கிரஸ் மேலிடம் வாசனிடம் கூறியுள்ளனர்.
ஆனால், ஆதாரம் இன்றி யுவராஜாவை ராஜினாமா செய்யச் சொல்ல முடியாது என்று வாசன் கூறிவிட்டார்.

Delhi பள்ளி மாணவி பலாத்காரம் வெளி நபருக்கு தொடர்பு இருக்க வாய்ப்பு இல்லை

புதுடில்லி: "டில்லியில், 2ம் வகுப்பு படிக்கும், 7 வயது சிறுமி, பாலியல் பலாத்காரம் செய்யப்பட்ட விவகாரத்தில், வெளி நபருக்கு தொடர்பு இருக்க வாய்ப்பு இல்லை. மாணவியைப் பற்றி நன்கு தெரிந்தவர் தான், இந்த கொடூரத்தை அரங்கேற்றி இருக்க வேண்டும்' என, போலீசார், சந்தேகம் தெரிவித்துள்ளனர்.
டில்லி, மாங்கோல்புரி பகுதியில் உள்ள, மாநகராட்சி பள்ளியில், 2ம் வகுப்பு படிக்கும், 7 வயது சிறுமியை, மர்ம நபர் ஒருவன், சமீபத்தில் பாலியல் பலாத்காரம் செய்தான். இந்த சம்பவம், அந்த பகுதியில், பெரும் அதிர்ச்சியையும், பரபரப்பையும் ஏற்படுத்தியது. ஆத்திரமடைந்த பொதுமக்கள், சிறுமி சிகிச்சை பெற்று வந்த, மருத்துவமனை முன், நேற்று முன்தினம் திரண்டனர். அந்த வழியாக சென்ற வாகனங்களை, அடித்து நொறுக்கினர். கடைகள் மீது, கல்வீச்சு நடத்தினர். போராட்டக்காரர்களை கலைக்க, போலீசார் தடியடி நடத்தினர். இந்நிலையில், சிறுமியை பாலியல் பலாத்காரம் செய்த நபர், பள்ளிக்கு தொடர்பில்லாத, வேறு நபராக இருக்கலாம் என்ற, சந்தேகம் எழுந்தது. ஆனால், போலீஸ் தரப்பு, இதை மறுத்துள்ளது.  dinamalar,com

BJP கூட்டணியிலிருந்து காங்., அணிக்கு நிதிஷ் குமார் மாறுவாரா?

பாட்னா: மத்திய பட்ஜெட்டுக்கு, பீகார் முதல்வரும், ஐக்கிய ஜனதா தளம் தலைவருமான, நிதிஷ் குமார், பாராட்டு மழை பொழிந்திருப்பது, தேசிய அரசியலில் ஆச்சர்யத்தை ஏற்படுத்தியுள்ளது. "அடுத்த லோக்சபா தேர்தலில், பா.ஜ., தலைமையிலான, தே.ஜ., கூட்டணியிலிருந்து, காங்., தலைமையிலான, ஐ.மு., கூட்டணிக்கு, தாவுவதற்கு அச்சார மாகவே, நிதிஷ் குமார், பட்ஜெட்டுக்கு பாராட்டு பத்திரம் வாசித்து உள்ளார்' என, தகவல்கள் வெளியாகியுள்ளன.

தி.மு.க., கூட்டணியிலிருந்து காங்கிரஸ் கழற்றி விடப்படும்?

லோக்சபா தேர்தலில், பெரியண்ணன் போக்கில் கொடுக்கிற சீட்டுகளை பெற்றுக் கொள்ள வைப்பது அல்லது கூட்டணியிலிருந்து கழற்றி விடுவது என்ற அடிப்படையில், காங்கிரஸ் கட்சிக்கு, படிப்படியாக நெருக்கடிகளை அளிக்க, தி.மு.க., திட்டமிட்டுள்ளது என, தி.மு.க., கட்சி வட்டாரங்கள் தெரிவிக்கின்றன. "டெசோ' மாநாடு, டில்லியில், இம்மாதம் 7ம் தேதி நடைபெறவுள்ளது. இம்மாநாட்டில் காங்கிரஸ் பங்கேற்கவில்லை என்றும், பா.ஜ., கம்யூனிஸ்ட் கட்சிகள் பங்கேற்கும் என, தி.மு.க., தரப்பில் எதிர்பார்க்கப்படுகிறது. டில்லியில், காங்கிரஸ் அல்லாத கட்சிகளுடன், இலங்கை தமிழர்கள் பாதுகாப்பு குறித்த மாநாடு நடத்துவது, காங்கிரசுக்கு, தி.மு.க., தரும் நெருக்கடியாக கருதப்படுகிறது. "2ஜி' ஊழல் வழக்கு விவகாரத்தில், பார்லிமென்ட் கூட்டுக்குழு நடவடிக்கை விசாரணையில், தனது சாட்சியத்தை பதிவு செய்ய வேண்டும் என, முன்னாள் மத்திய அமைச்சர் ராஜா விருப்பம் தெரிவித்துள்ளார். அவரது சாட்சியத்தை பதிவு செய்தால், அதன் அடிப்படையில் பிரதமர் மற்றும் நிதி அமைச்சரையும் விசாரணைக்கு அழைக்க வேண்டிய சூழ்நிலை ஏற்படும். இதை தவிர்க்கவே, கூட்டுக்குழு நடவடிக்கையில், ராஜாவிடம் சாட்சியம் கேட்க அனுமதிக்கப்படுமா? என்ற கேள்வி உருவாகியுள்ளது. ராஜாவை சாட்சியம் சொல்ல அழைக்கவில்லை என்றால், மத்திய அரசு மூடி மறைக்கும் முயற்சியில் ஈடுபடுகிறது என்ற குற்றச்சாட்டை பா.ஜ., திரிணமுல் காங்கிரஸ், பகுஜன் சமாஜ், கம்யூனிஸ்ட் போன்ற கட்சிகள் எழுப்பவும் வாய்ப்புள்ளது. ஆரம்பத்தில் இருந்தே காங்கிரசை ஒரு வழி பண்ண அயாராது பாடுபடும் ராகுல் வேற கலைஞரை எதிரியாக பார்க்கிறார் எனவே இந்த ஒரு காரணத்தை வைத்தே கலைஞர் வெளியேறலாம் இது ஒரு  நல்ல வாய்ப்பு  என்றே கலைஞர் கருதலாம்  

Indian Cinema நூறாவது வருடம் சென்னையில் விழா நடத்த ஏற்பாடு

இந்திய சினிமாவிற்கு இது நூறாவது வருடம். இந்திய சினிமாவில் இருக்கும் பல திரையுலகங்களும் இந்த நூற்றாண்டு விழாவை பல வகைகளில் கொண்டாட திட்டமிட்டிருக்கின்றனர்.  தென்னிந்திய சினிமாவை சேர்ந்த கோலிவுட், டோலிவுட், மாலிவுட், சாண்டில்வுட் ஆகிய நான்கு திரையுலகங்களும்(தென்னிந்திய திரையுலகினர்) இணைந்து இந்நூற்றாண்டு விழாவை மிகப் பிரம்மாண்டமாக கொண்டாடவிருக்கிறார்கள்.சமீபத்தில் தென்னிந்திய திரையுலக ஃபில்ம் சேம்பரின் பிரதிநிதிகள் கலந்து பேசி இதற்கான முடிவெடுத்துள்ளனர். நூற்றாண்டு விழாவைப் பற்றி பேசிய தென்னிந்திய திரையுலக ஃபில்ம் சேம்பரின் தலைவர் கல்யான் பேசிய போது “ இது தென்னிந்தியாவின் கொண்டாட்டத்திற்கான நேரம். ஏப்ரல் 26, 27,28 ஆகிய தேதிகளில் சென்னையில் விழா நடத்த ஏற்பாடு செய்து கொண்டிருக்கிறோம். 

தமிழக அமைச்சருக்கு கழிவுநீரால் "அபிஷேகம்'

சென்னை: பழங்குடியின கல்லூரி மாணவியருக்கான விடுதி திறப்பு விழாவில் பங்கேற்ற, ஆதி திராவிட அமைச்சரை வரவேற்றவர்கள், சால்வைக்கு பதில் புடவை தர, வளாகத்தை சுற்றிப் பார்த்த அமைச்சர் உள்ளிட்டவர் களுக்கு, மாணவியர் கழிவு நீர் அபிஷேகம் நடத்த, அமைச்சர் பங்கேற்ற விழா, கலாட்டாவாக நடந்து முடிந்தது.சென்னை, ராயபுரம், கல்லறை சாலை சந்தில் உள்ள, பழங்குடியின கல்லூரி மாணவியருக்கான விடுதி திறப்பு விழா மற்றும் விடுதிக்கான சமையல் பாத்திரங்கள், மாணவியருக்கு போர்வை உள்ளிட்டவை வழங்கும் விழா, நேற்று நடைபெற்றது. ஆதி திராவிடர் நலத்துறை அமைச்சர் சுப்பிரமணியன், முன்னாள் சபாநாயகர் ஜெயகுமார், பழங்குடியின நலத்துறை இயக்குனர் கிரிதர், மாவட்ட ஆட்சியர் (பொறுப்பு) சீதாலட்சுமி உள்ளிட்டோர், விடுதி அறைகளை திறந்து வைத்து பார்வையிட்டனர். முன்னதாக அமைச்சர் மற்றும் முன்னாள் சபாநாய கரை வரவேற்ற அதிகாரிகள், சால்வைக்கு பதில் புடவையை அணிவித்து வரவேற்றனர். இதைக் கண்ட அமைச்சரும், முன்னாள் சபாநாயகரும், "இது என்ன புதுப் பழக்கமா இருக்கு?' எனக் கேட்க, புடவையானாலும் பரவாயில்லை என, அவரது சகாக்கள், புடவையை மடித்து எடுத்துச் சென்றனர். அதன் பிறகு நடந்த அனைத்துமே அமைச்சர் உள்ளிட்டவர்களுக்கு அதிர்ச்சியாகவே அமைந்தது.

Delhi Rape சிறுவன் மீதும் கொலை வழக்கு பதிவு

புதுடெல்லி: டெல்லி மருத்துவ மாணவியை பலாத்காரப்படுத்தி கொலை செய்தது தொடர்பாக, சிறுவன் உட்பட 6 பேரை போலீசார் கைது செய்தனர். இந்நிலையில் சிறுவர் நீதிமன்றத்தில், இந்த வழக்கில் கைதாகி உள்ள சிறுவன் மீது பலாத்காரம் மற்றும் கொலை வழக்கு பதிவு செய்யப்பட்டது. டெல்லியில் கடந்த ஆண்டு டிசம்பர் 16ம் தேதி, நண்பருடன் பஸ்சில் சென்ற மருத்துவ மாணவியை கடத்தி பலாத்காரப்படுத்தி கொலை செய்த வழக்கில், 17 வயது சிறுவன் உட்பட 6 பேரை போலீசார் கைது செய்தனர். சிறுவனை போலீசார் சிறுவர் நீதிமன்றத்தில் ஆஜர்படுத்தி, சீர்திருத்தப் பள்ளியில் அடைத்தனர். இதையடுத்து சிறுவன் மீது  கொலை, பலாத்காரம் உள்ளிட்ட பல்வேறு பிரிவுகளின் கீழ் நேற்று முன்தினம் வழக்கு பதிவு செய்யப்பட்டுள்ளது. இந்த வழக்கில் 17 வயது சிறுவனுக்கு நெருங்கிய தொடர்பு இருப்பது, போலீசார் நடத்திய விசாரணையில் தெரியவந்தது. மேலும், இந்த சம்பவம் நடப்பதற்கு முன் அவன் ஒரு வியாபாரியை வழிமறித்து பணத்தை பறித்து சென்றதும் தெரியவந்துள்ளது. மருத்துவ பரிசோதனை அறிக்கையிலும் சிறுவன், அந்த பெண்ணை பலாத்காரம் செய்தது உறுதிப்படுத்தப்பட்டுள்ளது.அதைத் தொடர்ந்து, சிறுவர் நீதிமன்ற மூத்த மாஜிஸ்திரேட் கீதாஞ்சலி கோயல் போலீசாருக்கு உத்தரவிட்டதன் பேரில், கைதாகி உள்ள சிறுவன் மீது கும்பலாக சேர்ந்து பலாத்காரம் செய்தது, கொலை, ஆள் கடத்தல் உள்ளிட்ட பல்வேறு பிரிவுகளின் கீழ் வழக்கு பதிவு செய்யப்பட்டது. - dinakaran.com

காந்திக்கு அம்பேத்கர் என்றால் பயம்

சந்தேகமே வேண்டாம்; காந்தி துரோகி தான் !

 அங்கனூர் தமிழன் வேலு

தோழர் வே.மதிமாறன் அவர்கள் எழுதி வெளிவந்திருக்கும் “காந்தி நண்பரா? துரோகியா?” நூலை சமீபத்தில் வாசிக்கும் வாய்ப்பை பெற்றேன். வாசித்து முடித்தவுடன் வேறு யாருக்காவது கொடுக்கவேண்டும் என்றுதான் நினைத்தேன். அப்படியே எனக்கு நன்கு அறிமுகமான 60 வயது மதிக்கத்தக்க முதியவர் ஒருவருக்கு கொடுத்தேன்.  அவர் காந்தியின் தீவிர விசுவாசியாக இல்லாவிட்டாலும் காந்தியின் மீது வெறுப்பு கொண்டவர் இல்லை; பெருமதிப்பு உடையவர். புத்தக தலைப்பை பார்த்தவுடனே ஒரு முறை என்னை ஆழமாக பார்த்தார். படித்துவிட்டு சொல்லுங்கள் என்று கிளம்பிவிட்டேன்.

இரண்டு நாள் கழித்து அவரிடம் சென்றேன்; புத்தகம் படித்தீர்களா? என்றேன். படித்தேன், என் நண்பருக்கு அந்த புத்தகத்தை கொடுத்திருக்கிறேன் என்றார். அவரையும் அறிமுகம் செய்துவைத்தார். அவர் படித்துவிட்டு அவருடைய நண்பருக்கு அதை படிக்க கொடுத்திருக்கிறார்; அவர் அவருடைய நண்பருக்கு கொடுத்திருக்கிறார். இப்படியே பலரையும் தாண்டி பயணித்து இறுதியாக ஒரு பள்ளி சிறுவனுக்கு அதை கொடுத்திருக்கிறார்கள். பலரையும் கடந்து வந்த புத்தகத்தைப் பற்றி உங்கள் கருத்து என்ன? அந்த முதியவரிடம் கேட்டேன்.

அவர் “புத்தகத்தின் மீது என்னால் மறுப்புரை சொல்ல முடியவில்லை; காந்தியின் சத்திய (பொய்) சோதனையில் இருந்தே விமர்சனம் செய்திருப்பதால் யாராலும் மறுப்பு சொல்ல இயலாது. நல்ல பயனுள்ள நூல் கொடுத்தமைக்கு நன்றி” என்று மிகவும் நேர்மையான மதிப்பீட்டை வழங்கினார். அவருடன் பேசியதில் “காந்தியின் மீது அவர் வைத்திருந்த பெருமதிப்பில் தோழர் வே.மதிமாறன் அவர்கள் கல்லெறிந்து விட்டார் என்பது மட்டும் நிச்சயம்” என்று புரிந்துகொண்டேன்.

 அந்த மகிழ்ச்சியோடு, “காந்தி நண்பரா? துரோகியா?” நூலை வாசித்ததன் மூலம் நான்  பெற்ற அனுபவத்தையும், அதன் மீதான மதிப்பீட்டையும் வழங்க விரும்புகிறேன்.

 வருடத்தில் மூன்று மாதங்கள் காந்தி பக்தர்களுக்கு கொண்டாட்டம் தான். ஜனவரி 15 முதல் 26 வரை, ஆகஸ்ட் முதல் தேதி முதல் 15 வரை, செப்டம்பர் 25 முதல் அக்டோபர் 2 வரை அச்சு ஊடகம் மற்றும் காட்சி ஊடகங்களில் கலைக் கூத்தாடிகளின் அரை நிர்வாணப் படத்திற்கு தடா. அதற்குப் பதில் காந்தி வருவார் அரை நிர்வாணத்தில். அதை கண்டுகளித்து மகிழும் காந்தி பக்தர்களின் கனவில் கல்லெறிந்து விட்ட வே.மதிமாறன் அவர்களை வன்மையாக கண்டிக்கிறேன் (?) …!

ஒருவன் என்ன தான் பொதுநலன் குறித்து சிந்திக்க கூடியவனாக இருந்தாலும் சாதிப்பித்து கொண்டவனாக  இருப்பானேயானால் அவனின் பொது நலன் சார்ந்த சிந்தனைகள் அனைத்துமே சாதியின் கோரமுகத்தின் வடிவாகவே இருக்கும். அப்படித்தான் இந்நூலின் மூலம் காந்தியின் அஹிம்சை “கோடானு கோடி மக்களை எப்படி இம்சித்தது என்பதை உணர்ந்து கொள்ளலாம்”

அமீர்: தணிக்கைக்குழு மாபியா கும்பல் போல் செயல்படுகிறது

ஆதிபகவன் திரைப்படத்திற்கு யூ சான்றிதழ் வழங்க சினிமா தணிக்கை குழு பணம் கேட்டதாக இயக்குநர் அமீர் குற்றம் சாட்டியுள்ளார். சென்னை விமான நிலையத்தில் செய்தியாளர்களிடம் பேசிய அவர், >சினிமாக்களை தரம் பிரித்து சான்றிதழ்களை வழங்குவதற்கு பதிலாக, பணம் வாங்கிக்கொண்டு சான்றிதழ் கொடுக்கிறார்கள். பணம் கொடுக்க முடியாது என்பதால், ஆதிபகவன் திரைப்படத்திற்கு ஏ சான்றிதழ் வழங்கப்பட்டது. அதற்கான காட்சிகள் படத்தில் இல்லை. இந்த சட்டங்கள் எல்லாம் இப்பதான் வந்திருக்கிறதா? இல்லை முன்பே இருக்கிறதா? படம் வெளியாகி ஓடிக்கொண்டிருக்கிறது. இந்தப் படத்தில் ஏ சான்றிதழ் கொடுக்க என்ன இருக்கிறது. முத்தக் காட்சி இருக்கா. ஆடை அவிழ்ப்பு காட்சி இருக்கா. கட்டிப்பிடித்து யாராவது உருண்டாங்களா, கற்பழிப்பு காட்சி இருக்கா. இந்தப் படத்தை பார்க்கக் கூடாது என்று ஏ சான்றிதழ் அளித்துள்னர் என்ன மோட்டீவ் என்று எனக்கும் புரியவில்லை. சான்றிதழக்கு ஏற்ப ரேட் உள்ளது என்றார்கள். ரேட் கொடுத்து சான்றிதழ் வாங்க வேண்டிய அவசியம் இல்லை என்றேன். படம் வெளியாவதற்கு சில நாட்களுக்கு முன்புதான் சான்றிதழ் வழங்கப்பட்டது. இதனால் படத்துக்கான பிரமோஷன் வேலைகளை சரியாக செய்யமுடியவில்லை. ஒட்டுமொத்தத்தில் தணிக்கைக்குழு மாபியா கும்பல் போல் செயல்படுகிறது என்றார்

அழகன் அழகி 32 மாவட்டங்களிலிருந்து 32 நடிகர், நடிகைகள் நடிக்கும் பட

சென்னை: 32 மாவட்டங்களிலிருந்து 32 நடிகர், நடிகைகள் நடிக்கும் படமாக உருவாகிறது ‘அழகன் அழகி’ இதுபற்றி பட இயக்குனர் நந்தா பெரியசாமி கூறும்போது,‘நேர்மையும் துணிவும் கொண்ட ஆண், முயற்சியும் முனைப்பும் கொண்ட பெண் என இருவர் டிவி ரியாலிட்டி நிகழ்ச்சிக்கு தேர்வாகின்றனர். அதன் பின்னணியில் கதை அமைக்கப்பட்டிருக்கிறது. இதற்காக தமிழ்நாட்டில் 32 மாவட்டங்களிலும் 32 ஆண், பெண் நடிக்க தேர்வு செய்யப்பட்டனர். அவர்கள் அனைவருக்கும் நடிப்பு பயிற்சி அளிக்கப்பட்டது. இது கிராமத்தில் நடக்கும் நகரத்து கதை, வடக்கே சென்னையில் தொடங்கி தெற்கே காரைக்குடியில் முடிகிறது. ஹீரோ ஜோ. ஹீரோயின் ஆருசி. இவர்களுடன் ஏ.வெங்கடேஷ், ரவிமரியா, ஜெகன், ஆர்த்தி, சாம்ஸ் நடிக்கின்றனர். பாடல் காட்சி ஒன்றில் மும்பை அழகிகளுடன் ஆட்டம்போடுகிறார் பவர் ஸ்டார். சென்னை, வத்தலகுண்டு, மணப்பாடு, ராமநாதபுரம் என பல்வேறு இடங்களில் ஷூட்டிங் நடக்கிறது. தமிழ்நாட்டின் பல்வேறு வட்டார வழக்கு, கலாசாரம் பதிவு செய்யப்படுகின்றன. பிரபு தயாளன் ஒளிப்பதிவு. கண்ணன் இசை. தயாரிப்பு விசு, விஜி’ என்றார்.tamilmurasu.org

Maharashtra செழுமையும் மறுபகுதி வறட்சியும்

எவ்வாறு மறுபகுதி வறண்டு போகிறது ?

“அடுக்குமாடி குடியிருப்பு என்பது ஒவ்வொருவருக்கும் வாழ்க்கைக் கனவு. அரசனின் மகுடத்தின் உச்சியில் பதிக்கப்படும் நவரத்தினம் போன்றது இது.”  படாடோபமான வாழ்க்கை முறை அவற்றை இன்னும் பெரியதாகச் சொல்கிறது.  ஒவ்வொரு குடியிருப்பு வளாகத்திலும் சொந்தமாக நீச்சல்குளம் இருக்கிறது.  “மிக ஆடம்பரமானது”, “சிறப்பான கலைநயமான வடிவமைப்புகள்” “உங்கள் வாழ்நிலை உயர்வுக்கு பொருந்தும் அமைப்புகள்” என்று விளம்பரங்கள் பளபளக்கின்றன.
 தோட்டங்களுடன் கூடிய தனி வீடுகளை (வில்லா) உருவாக்குபவர்களும் கட்டடக் கட்டுமான முதலாளிகளும் இப்படிப்பட்ட குடியிருப்புகளை “முதல் தரத்தில் மதிப்பிடக் கூடியவை” என்று உயர்வாக சொல்கின்றனர்.  அவை 9000 முதல் 22000 சதுர அடி அளவுகளில் அமைந்துள்ளன. ஒவ்வொன்றுக்கும் நீச்சல் குளம் உண்டு.  இன்னும் வரவிருக்கிற ஒரு குடியிருப்பு வளாகத்தின் உச்சியில் அதாவது மேல்தளத்தில் ஓர் ஆச்சர்யம் அமையவிருக்கிறது. ஆம், நீங்கள் அனுமானிப்பது போல் அங்கும் ஒரு நீச்சல் குளம் இருக்கும்.

17 போலீசாரை தலிபான்கள் சாப்பாட்டில் மயக்க மருந்து கலந்து கொடூரமா கொன்றனர்

 Taliban insurgents poisoned and then shot to death 17 people in an overnight attack on a government-backed militia post in eastern Afghanistan, an official said Wednesday

Kabul ஆப்கானிஸ்தானில் 17 போலீசாரை தலிபான்கள் கொடூரமான முறையில் கொன்றனர். ஆப்கானிஸ்தானின் கிழக்கு பகுதியில் உள்ள காஜ்னி மாகாணம் தலிபான் மற்றும் அல்கய்தா தீவிரவாதிகளின் ஆதிக்கம் நிறைந்த பகுதி. இங்குள்ள போலீஸ் முகாம் ஒன்றில் 2 தலிபான் தீவிரவாதிகள் போலீஸ் வேடத்தில் ஊடுருவினர். நேற்று முன்தினம் இரவு போலீசார் சாப்பிடும் சாப்பாட்டில் 2 தீவிரவாதிகளும் மயக்க மருந்து கலந்தனர். மருந்து கலந்த சாப்பாட்டை 17 போலீசார் சாப்பிட்டனர். பின்னர் அவர்கள் மயங்கியதும் 2 தீவிரவாதிகளும் துப்பாக்கியால் சரமாரியாக சுட்டு 17 பேரையும் கொன்றனர்.

Solar மின் தகடுகள் பொருத்த உத்தரவு : அரசு கட்டிடங்களுக்கும் புதிய விதிகள்

சென்னை: புதிதாக கட்டப்படும் அரசு கட்டிடங்களில் சூரிய மின் சக்தி தகடுகள் பொருத்த வேண்டும். தேசிய கட்டிட விதிமுறைகளை பின்பற்ற வேண்டும் என்பது உள்ளிட்ட புதிய விதிமுறைகளை தமிழக அரசு பிறப்பித்துள்ளது. தனியார் கட்டிடங்கள், திருமண மண்டபங்களுக்கு புதிய கட்டுப்பாடுகள் கொண்டு வந்ததை அடுத்து, இப்போது அரசு துறைக்களுக்கு புதிய கட்டிடங்கள் கட்டும் போது கடைபிடிக்க வேண்டிய புதிய விதிமுறைகளை அரசு அறிவித்துள்ளது. இதுகுறித்து தமிழக அரசு உத்தரவில் கூறியிருப்பதாவது: கேல்வி நிறுவனம் அல்லது அரசு துறைக்கான பல அடுக்குமாடி கட்டிடம் கட்டும் போது  ஊரகமைப்பு துறை, மாசு கட்டுப்பாட்டு வாரியம், சுற்றுச்சூழல், வனத்துறை போன்ற சம்பந்தப்பட்ட துறைகளின் அனுமதி பெற வேண்டும். பூகம்பம், நில நடுக்கம் போன்றவற்றை எதிர்கொள்ளும் வகையில் கட்டிடங்கள் கட்ட வேண்டும்.  «என்.பி.சி.  2005 விதிகளின்படி (இந்தியன் பில்டிங் கோட்) கட்டிடங்கள் அமைதல் வேண்டும். கேட்டிடத்தின் முகப்பிலும், லிப்ட் பகுதியிலும் மாற்று திறனாளிகள் எளிதில் பயணம் செய்யும் வகையில் சாய்தளம் அமைதல் வேண்டும். தேவையான பார்க்கிங் வசதி, கழிவறை, கழிவு நீரை வெளியேற்றும் வசதி, கழிவுநீர் வாய்க்கால் வசதி இருத்தல் வேண்டும். தீயணைப்பு துறையில் இருந்து நோ  அப்ஜெக்ஷன் சான்று, தீத்தடுப்பு சாதனைகள் இடம் பெற வேண்டும். மேழை நீர் சேகரிப்பு அமைப்புகள் கட்டாயம் இருத்தல் வேண்டும்.

குமுதம் சஞ்சிகைக்கு நீதிமன்ற தடை: நடிகை லட்சுமி ராய் பற்றி வாய் திறக்க கூடாது

சமீப காலமாக குமுதம் குரூப்புக்கு நேரம் சரியில்லையா? (அல்லது, பப்ளிசிட்டியால் சர்க்குலேஷன் பிய்த்துக்கொண்டு ஓடுகிறதா) என்று தெரியவில்லை, சர்ச்சை மேல் சர்ச்சையாக உள்ளது.
இறுதியில் விவகாரம் நீதிமன்றம் போய், தடை வாங்கும் அளவுக்கு சென்றிருக்கிறது.

Ragini nandwani விஜய் படத்தில் பாலிவுட் நடிகை

இயக்குனர் விஜய் இயக்கத்தில் விஜய், அமலாபால், சந்தானம், சத்யராஜ் என ஒரு பலமான கூட்டணியுடன் மும்பையில் நடந்துகொண்டிருக்கிறது தலைவா படப்பிடிப்பு. தலைவா திரைப்படத்தின் பெரும்பாலான காட்சிகள் படமாக்கப்பட்டுவிட்ட நிலையில், படக்குழுவில் பாலிவுட் நடிகையை சேர்த்திருக்கிறார் இயக்குனர் விஜய். இந்தி தொலைக்காட்சி சீரியல்களில் நடித்துக்கொண்டிருந்த ராகினி நந்த்வானி சமீபத்தில் தான் டேராடூன் டைரி என்ற இந்தி படத்தில் நடித்தார். முதல் திரைப்படத்தில் நடித்ததுமே கோலிவுட்டின் முன்னணி கதாநாயகனின் படத்தில் நடிக்க வாய்ப்பு கிடைத்துவிட்டது ராகினிக்கு. தலைவா படத்தின் முக்கிய கதாபாத்திரத்தில் நடிக்க பல தேர்வுகளுக்குப் பின் ராகினியை தேர்ந்தெடுத்திருக்கிறாராம் ஏ.எல்.விஜய். 

நாகாலாந்திலும் ஆட்சியில் மாற்றம் இல்லை : திரிபுராவில் கம்யூனிஸ்ட், மேகாலயாவில் காங். முன்னிலை

அகர்தலா: திரிபுரா, மேகாலயா, நாகாலாந்து மாநில சட்டசபை தேர்தலில் பதிவான வாக்குகள் எண்ணிக்கை இன்று தொடங்கியது. 3 மாநிலங்களிலும் தற்போது ஆட்சியில் உள்ள கட்சிகளே பெரும்பான்மையான இடங்களில் முன்னிலையில் உள்ளன. திரிபுராவில் மார்க்சிஸ்ட் கட்சி ஆட்சியை தக்க வைத்துக் கொண்டுள்ளது. வடகிழக்கு மாநிலங்களான திரிபுரா, நாகாலாந்து, மேகாலய சட்டசபைக்கு தேர்தல் அறிவிக்கப்பட்டது. திரிபுராவில் கடந்த 14-ம் தேதியும், மேகாலயா, நாகாலாந்தில் 23-ம் தேதியும் தேர்தல் நடந்தது. திரிபுராவில் 93 சதவீத வாக்குகளும், மேகாலயா, நாகாலாந்தில் முறையே 88, 83 சதவீத வாக்குகளும் பதிவாகின. 3 மாநிலங்களில் பதிவான வாக்குகள் இன்று காலை எண்ணப்பட்டன.
திரிபுராவில் கடந்த 20 ஆண்டுகளாக இடதுசாரிகள் ஆட்சி நடந்து வருகிறது. முதல்வராக மாணிக் சர்க்கார் உள்ளார். ஆட்சியை கைப்பற்ற காங்கிரஸ் கடும் முயற்சி மேற்கொண்டது. ஆனால், அங்கு மீண்டும் கம்யூனிஸ்ட் ஆட்சியை தக்க வைத்துக் கொண்டுள்ளது. வாக்கு எண்ணிக்கை தொடங்கியது முதலே பெரும்பாலான இடங்களில் மார்க்சிஸ்ட் கம்யூனிஸ்ட் முன்னிலையில் இருந்தது. மொத்தமுள்ள 60 இடங்களில் காலை 11 மணி நிலவரப்படி 43 இடங்களில் மார்க்சிஸ்ட் கட்சியும், 1 இடத்தில் இந்திய கம்யூனிஸ்டும் முன்னிலையில் இருந்தன. 2 இடங்களில் மட்டுமே காங்கிரஸ் முன்னிலை பெற்றிருந்தது.

எங்கே நம்ப பூஜா? நடிக்கிறதுக்கு டாடி no பர்மிஷன்

 நடிகை பூஜா  வீட்ல போராடி பாத்துட்டாராம்...  ஆனா மறுபடியும் நடிக்கிறதுக்கு டாடி பர்மிஷன் கொடுக்க மறுக்கிறாராம். சீக்கிரமே கல்யாணம் பண்ணிக்கச் சொல்லி பேமிலில அட்வைஸ் பண்றாங்களாம். ‘உன் கூடவே இண்டஸ்ட்ரிக்கு வந்த ரீமா, கோபி ஹீரோயினெல்லாம் மேரேஜ் பண்ணி குழந்தை குட்டின்னு செட்டிலாயிட்டாங்க. நீ ஏன் ஏஜ் கடத்திட்டுபோறேன்னு டோஸ் விட்றாங்களாம்... எங்கே நம்ப பூஜா?

ரத்த தான சங்கம் எதிர்ப்பு! அ.தி.மு.க.-வில் ‘ரத்த சரித்ரா’ படைத்த ஹூசைனிக்கு

“இந்தாளுக்கு ரத்த குறைபாடா? சிலை செய்யாமல், சிம்பிளாக காலில் விழுகிறாரே?”

ஜெயலலிதாவின் பிறந்தநாளுக்கு எந்தவொரு அ.தி.மு.க. தொண்டனும் செய்யாத வகையில் ‘ரத்த சரித்ரா’ படைத்த கராத்தே வீரர் ஹூசைனியின் தியாகத்தை எண்ணிப் பார்க்காமல், சர்ச்சையை கிளப்புகின்றனராம் ரத்த தான வங்கி அமைப்பினர்.
ரத்த தான வங்கியினருக்கு அ.தி.மு.க. கொள்கைகள் புரியுமா? ‘ரத்தத்தின் ரத்தமே’ என்றால் அர்த்தம் தெரியுமா? அந்த அர்த்தத்தை சிலையாக வடித்திருக்கிறார், உண்மை அ.தி.மு.க.காரரான ஹூசைனி. ரத்தத்தை உறைய வைத்து புரட்சித் தலைவியின் சிலை வடித்திருக்கிறார் அவர்.
ஆபிரிக்காவின் சில பகுதிகளிலும், 10-ம் நூற்றாண்டு எகிப்திலும் இப்படி ஓரிருவர் செய்திருக்கிறார். 12-ம் நூற்றாண்டில் மொங்கோலிய அரசர் தெமூ ஜின், எதிரிகளை கொன்று அவர்களது ரத்தத்தை எடுத்து தமது சிலையில் பூச செய்தார். அந்த சிலை, மன்னர் பிறந்த ததல் சும் பகுதியில் இன்னமும் உள்ளது.
அ.தி.மு.க.-வில் ரத்தத்துக்கு மரியாதை செய்தது ஹூசைனிதான்.

மொங்கோலிய அரசர் தெமூ ஜின் சிலை

இதே ஹூசைனி சில வருடங்களுக்கு முன்பு ரத்த ஓவியங்களை வரைந்து காட்டியிருக்கிறார். அப்போது அவர் நடத்தும் வில் வித்தை பள்ளிக்கு 50 லட்சம் ரூபாய் நிதி கொடுத்த நடமாடும் தெய்வம், நம்ம புரட்சித் தலைவிதான். ஓவியத்துக்கே 50 லட்சம் என்றால், சிலைக்கு எவ்வளவு கிடைக்கும் என்று யோசித்துப் பார்க்க வேண்டும்.
ரத்ததான வங்கி அமைப்பினருக்கு என்ன சிக்கல்? உயிர்காக்க பயன்படுத்தும் ரத்தத்தினை இப்படி சிலை வடித்து வீணடித்து விட்டார் என்றும், வில்வித்தை கற்றுக்கொள்ள வந்தவர்களிடம் ரத்தம் எடுத்து, அனுமதியின்றி பதுக்கி வைத்து விட்டார் அவர் மீது நடவடிக்கை எடுக்க வேண்டும் என்றும் புகார் கூறுகிறார்களாம் அவர்கள். இதற்கெல்லாம் புகார் செய்வதா? ரத்தத்தை உறைய வைத்து சிலைதானே செய்தார்? உலையில் வைத்து குடித்தால்தான் தப்பு.
இதெல்லாம் அந்த கட்சி சமாச்சரம். கட்சி கலாச்சாரம். தடுக்க ரத்ததான வங்கி அமைப்பினருக்கு உரிமை கிடையாது.

அந்நிய தேசங்களிலும் அவமானத்தையும்,கஷ்டத்தையும்

உண்மைகள்.உறங்குகின்றன..

(Koviloor Selvarajan)

நமது தாயகத்திலிருந்து ஐரோப்பிய நாடுகளுக்கும்,கனடா, அவுஸ்த்ரேலியா போன்ற நாடுகளுக்கும் ஏதுமில்லாதவர்களாக வெறுமனே ஏதிலிகளாக வந்த எம் மக்கள் ஆரம்பத்தில் மிகவும் கஷ்டப்பட்டார்கள். மொழி,வேலைவாய்ப்பு, கலாச்சாரம், காலநிலை, என்று பல காரணிகளால் கஷ்டப்பட்டார்கள். ஊரிலிருந்த காணிபூமி, அம்மா, அல்லது மனைவியின் தங்க நகைகள், ஏன் பத்துசத வட்டிக்கு கூட கடன் வாங்கியே முகவர்களுக்கும், விமான பயணத்திற்கும் கொடுத்தார்கள். அப்படித்தான் அநேகம் பேர் இந்த மேற்குலக நாடுகளுக்குள் வந்தார்கள். இவர்களில் தாயகத்தில் தரமான உத்தியோகத்தில் இருந்தவர்கள் கூட தங்களின் நிலத்தைவிட்டு  புலத்துக்கு வரவேண்டிய சூழ்நிலை இருந்தது. இங்கு  வந்தபோது  இவர்கள்தான் மிகவும் கஷ்டப் படவேண்டியதாகப் போய்விட்டது.

பெண்ணடிமைத்தனத்தை பேணிக்காக்கும் உச்சநீதிமன்றம் / பார்ப்பனீய விழுமியங்கள்

ஆணாதிக்கத்திற்கு வக்காலத்து வாங்கும் உச்சநீதிமன்றம் !

பெண்ணடிமைத்தனத்தையும் பெண்கள் இரண்டாந்தர மக்களாக நடத்தப்படுவதையும் பேணிக்காக்கும் பார்ப்பனீய விழுமியங்களைத்தான் இந்திய சட்டங்கள் காத்து நிற்கின்றன.இந்தக் குழந்தையை வேண்டுமென்றே திட்டமிட்டு கடத்தியிருக்கிறான் குற்றவாளி. அந்த பெற்றோருக்கு 3 பெண் குழந்தைகளும் 1 ஆண் குழந்தையும் இருந்திருக்கின்றனர். ஒரே மகனை கடத்துவதன் மூலம் பெற்றோரின் மனதில் அதிக பட்ச பயத்தை உருவாக்க நினைத்திருக்கிறான். ஒரே ஆண் வாரிசை இழந்தது அவர்களை கடுமையாக பாதிக்கிறது. பரம்பரையை தொடர்வதற்கும் வயதான காலத்தில் பார்த்துக் கொள்வதற்குமான ஆண் குழந்தையை இழந்ததால் பெற்றோருக்கு ஏற்பட்ட மன உளைச்சல் அளவிட முடியாதது”
பணத்துக்காக 7 வயது குழந்தையை கடத்தி கொலை செய்த ஒருவனுக்கு தண்டனை வழங்கும் தீர்ப்பில் இவ்வாறு கூறப்பட்டுள்ளது.

பராமரிப்பின்றி பாழாகும் நூலகம்! ADMK குறுகிய மனப்பான்மை

சென்னை: திமுக ஆட்சியில் அமைக்கப்பட்டது என்ற ஒரே காரணத்துக்காக அண்ணா நூற்றாண்டு நூலகம் பராமரிப்பின்றி பாழாகி வருகிறது. நூலகத்தை குலைக்க முயற்சிக்கும் குறுகிய மனப்பான்மையை அண்ணாவே மன்னிக்க மாட்டார் என்று கருணாநிதி கூறியுள்ளார். இதுகுறித்து திமுக தலைவர் கருணாநிதி இன்று வெளியிட்டுள்ள அறிக்கை: அதிமுக அரசின் செயல்பாடுகள் எவ்வாறு உள்ளன, திமுக ஆட்சியில் நிறைவேற்றப்பட்ட திட்டங்கள் தற்போது எந்த அளவிலே உள்ளன என்பதற்கு சான்று தேடி வேறெங்கும் செல்ல வேண்டியதில்லை.   கோட்டூர்புரத்தில் உள்ள அண்ணா நூற்றாண்டு நினைவு நூலகத்தில் எதுவும் முறையாக நடப்பதாக தோன்றவில்லை. நூலகத்தில் உருவாக்கப்பட்டுள்ள வசதிகள் முறையாக பராமரிக்கப்படவில்லை என்று ஆங்கில பத்திரிகை ஒன்று எழுதியிருக்கிறது. அதிமுக ஆட்சி தொடங்கியதும் அண்ணா நினைவு நூலகத்தை டிபிஐ வளாகத்துக்கு மாற்றப்போவதாகவும், தற்போதுள்ள கட்டிடத்தில் குழந்தைகள் மருத்துவமனை தொடங்கப் போவதாகவும் ஜெயலலிதா அறிவித்தார். இதுகுறித்த வழக்கில் ஐகோர்ட் தலைமை நீதிபதி இக்பால், நீதிபதி சிவஞானம் ஆகியோர் அடங்கிய முதன்மை அமர்வு, ‘இப்படி ஒரு அருமையான நவீன வசதி கொண்ட நேர்த்தியான முறையில் உருவாக்கப்பட்ட நூலகத்தை இடம் மாற்றம் செய்வது ஏன்? மருத்துவமனை கட்டுவது என்றால் மெரினா கடற்கரையில் கட்டலாமே. அரசின் இந்த முடிவு உள்நோக்கம் கொண்டது’ என்று குறிப்பிட்டனர். அதன் பிறகு, வேறு வழியில்லாமல் அந்த நூலகம் அங்கேயே நடந்து வருகிறது. ஆனால், நூலகத்துக்கு சென்று படிப்போர் முழுமையாக பயன்படுத்த முடியாத அளவுக்கு முறையாக நடத்தாமல், ஏனோதானோவென்று அலட்சிய உணர்வோடு செயல்படுகின்றனர். அதிமுக அரசு எந்த அளவுக்கு நூலகத்தை புறக்கணித்து வருகிறது என்பதற்கான உதாரணம்தான் ஆங்கில நாளிதழ் வெளியிட்டுள்ள செய்தி. அண்ணா பெயரால் நாம் அமைத்த நூலகம் என்பதற்காக அதையும் குலைத்துவிட முயற்சி செய்யும் குறுகிய மனப்பான்மையை அண்ணாவே மன்னிக்க மாட்டார். இவ்வாறு அந்த அறிக்கையில் கருணாநிதி குறிப்பிட்டுள்ளார். -

Jayalalitha dismiss கோகுல இந்திரா, என்.ஆர்.சிவபதி, டாக்டர் விஜய்

மூன்று பேரின் அமைச்சர் பதவிகளோடு,
கட்சி பதவிகளும் பறிப்பு! ஜெ. நடவடிக்கை!

தமிழக அமைச்சரவையில் கோகுல இந்திரா, என்.ஆர்.சிவபதி, டாக்டர் விஜய் ஆகியோரின் அமைச்சர்கள் பதவி பறிக்கப்பட்டுள்ளது. மேலும் இவர்களின் கட்சி பதவிகளையும் ஜெயலலிதா பறித்துள்ளார்.

கோகுல இந்திரா அதிமுக மகளிர் அணி செயலாளராக இருந்தார். திருச்சி புறநகர் மாவட்ட பொறுப்பு வகித்தவர் என்.ஆர்.சிவபதி. வேலூர் மாவட்ட செயலாளராக இருந்தவர் டாக்டர் விஜய்.

கோகுல இந்திரா சுற்றுலாத் துறையை கவனித்து வந்தார். இவர் சென்னை அண்ணா நகரில் இருந்து எம்எல்ஏவாக தேர்வு செய்யப்பட்டவர். பள்ளிக்கல்வி, சட்டம் உள்ளிட்ட துறைகளை கவனித்து வந்தவர் என்.ஆர்.சிவபதி. இவர் திருச்சி மாவட்டம் முசிறி தொகுதியில் தேர்வு செய்யப்பட்டவர். வேலூர் தொகுதியில் இருந்து எம்எல்ஏவாக தேர்வு செய்யப்பட்டவர் டாக்டர் விஜய். இவர் சுகாதாரத்துறையை கவனித்து வந்தார்.

பங்காரு அடிகளார் மனைவி, மகன்களுக்கு முன் ஜாமீன்! லஞ்சம் கொடுத்தபோது சிக்கிய கேஸ்!!

 சாமிக்கு லஞ்சம் கொடுக்க முடியாது. ஆசாமிக்கு கொடுக்கலாம்… ஆசாமியும் கொடுக்கலாம்! மேல்மருவத்தூர் ஆதிபராசக்தி பல் மருத்துவக் கல்லூரியில் மேல்படிப்பு தொடங்க லஞ்சம் கொடுத்த வழக்கில் பங்காரு அடிகளாரின் மனைவி மற்றும் 2 மகன்களுக்கு முன் ஜாமீன் வழங்கி சென்னை உயர் நீதிமன்றம் உத்தரவிட்டுள்ளது.
ஆதிபராசக்தி பல் மருத்துவக் கல்லூரி, மேல்மருவத்தூர் ஆதிபராசக்தி ஆலய நிறுவனர் பங்காரு அடிகளாரை நிறுவிய தலைவராகவும், அவரது மனைவி லஷ்மி பங்காரு அடிகளாரை தலைமை நிர்வாக அதிகாரியாகவும் கொண்டு இயங்கி வருகிறது. இந்தக் கல்லூரியின் நிர்வாக இயக்குனராக பங்காரு அடிகளாரின் இரண்டாவது மகன் செந்திலின் மனைவி ஸ்ரீலேகா செயல்பட்டு வருகிறார்.
இவர்கள் லஞ்சம் கொடுக்க முயன்றபோது, பொறி வைத்து பிடித்தது சி.பி.ஐ. விபரங்களை கீழேயுள்ள இணைப்பில் காணலாம்.
சி.பி.ஐ., இந்த லஞ்ச விவகாரத்தில் லட்சுமி பங்காரு அடிகளார், அவரது மகன்கள் செந்தில், அன்பழகன் ஆகியோருக்கு விசாரணைக்கு ஆஜராகுமாறு கடந்த பிப்ரவரி 19-ம் தேதி சம்மன் அனுப்பியது. கைதாவதை தடுக்க லட்சுமி உள்ளிட்ட மூன்று பேரும் சென்னை உயர் நீதிமன்றத்தில் தனித்தனி மனுக்களை தாக்கல் செய்தனர்.
இந்த மனுக்கள் மீது விசாரணை நடத்திய நீதிபதி ஆர். சுப்பையா, மனுதாரர்கள் 3 பேருக்கும் முன் ஜாமீன் வழங்கி உத்தரவிட்டுள்ளார். அதே நேரத்தில், மனுதாரர்கள் 3 பேரும் சம்பந்தப்பட்ட சி.பி.ஐ. அதிகாரிகள் முன்னிலையில் மார்ச் 15-ம் தேதி விசாரணைக்காக ஆஜராக வேண்டும் என்றும் நீதிபதி தனது உத்தரவில் கூறியுள்ளார். viruviruppu,com