தினவாசல் : விஜய்க்கு யார் இந்த ஐடியா கொடுத்தாங்கன்னு.. தெரியலையே.. சத்தமே இல்லாம களமிறக்கப்பட்ட மாஸ்டர் பிளான்
2026 தமிழக சட்டமன்றத் தேர்தல் நெருங்கி வரும் வேளையில், மாநிலத்தின் அரசியல் களம் புதிய திருப்பங்களைச் சந்தித்து வருகிறது.
இதுவரை அதிகாரப்பூர்வமாக அறிவிக்கப்படாவிட்டாலும், தமிழக வெற்றி கழகத்தின் (TVK) தலைவர் விஜய், சென்னை வேளச்சேரி தொகுதியில் போட்டியிட வாய்ப்புள்ளதாக அரசியல் வட்டாரங்களில் பலமாகப் பேசப்படுகிறது.
இது ஒரு "மாஸ்டர் பிளான்" என அரசியல் விமர்சகர்களால் கருதப்படுகிறது. தலைநகர் சென்னையில் தனது முதல் வெற்றியைப் பதிவு செய்வதன் மூலம், திராவிடக் கட்சிகளின் கோட்டையைத் தகர்க்க விஜய் திட்டமிட்டுள்ளதாகத் தெரிகிறது.
சென்னையில் மாறும் அரசியல் சமன்பாடு
சென்னையைப் பொறுத்தவரை, அ.தி.மு.க-வின் செல்வாக்கு சமீபகாலமாகச் சரிந்து வருகிறது. 1991 மற்றும் 2011 ஆகிய ஆண்டுகளில் மட்டுமே அ.தி.மு.க சென்னையைத் தன்வசப்படுத்தியது. மற்ற தேர்தல்களில் தி.மு.க-வே இங்கு ஆதிக்கம் செலுத்தி வருகிறது. சென்னை எப்போது திமுகவின் கோட்டை. திமுக எப்போதும் உச்சத்தில் உள்ள ஏரியா.
இங்கே அதிமுக மிக மோசமாக சரிந்துவிட்டது. ஜெயக்குமார் தவிர அதிமுகவிற்கு பெரிய முகங்கள் சென்னையில் இல்லை. தற்போது அ.தி.மு.க-வின் பலவீனம், விஜய்க்கு ஒரு பெரிய வாய்ப்பாக அமைந்துள்ளது. விஜய்யின் அண்மைய உரைகளின்படி, அவர் 2026 தேர்தலை ஒரு மும்முனைப் போட்டியாகப் பார்க்காமல், தி.மு.க vs த.வெ.க என்ற நேரடிப் போட்டியாகவே மாற்ற விரும்புகிறார்.
ஒரு சில தொகுதிகளைத் தவிர, சென்னையின் பெரும்பாலான இடங்களில் தி.மு.க-வுக்கு நேரடி சவாலாகத் த.வெ.க உருவெடுத்து வருவதாகக் கூறப்படுகிறது.
ஏன் வேளச்சேரி தொகுதி?
விஜய் தனது முதல் தேர்தலுக்கு வேளச்சேரியைத் தேர்வு செய்யப் பல முக்கியக் காரணங்கள் இருப்பதாகக் கூறப்படுகிறது:
இளைஞர்களின் ஆதரவு: வேளச்சேரியில் கணிசமான அளவில் இளைஞர்கள், ஐடி ஊழியர்கள் மற்றும் நடுத்தர வர்க்கத்தினர் வசிக்கின்றனர். இவர்கள் தற்போதைய அரசியல் மாற்றத்தை விரும்புபவர்களாகக் கருதப்படுகின்றனர்.
நகர்ப்புற பிம்பம்: சென்னையில் ஒரு தொகுதியைத் தேர்ந்தெடுப்பதன் மூலம், மாநிலம் முழுவதும் உள்ள நகர்ப்புற வாக்காளர்களைத் தன் பக்கம் ஈர்க்க முடியும் என விஜய் கணக்கு போடுகிறார்.
அ.தி.மு.க-வின் பின்னடைவு: சென்னை மாநகராட்சியில் அ.தி.மு.க-வின் பலம் குறைந்திருப்பதால், அந்த இடத்தை நிரப்பும் "மாற்று சக்தியாக" த.வெ.க களமிறங்குகிறது. அதிமுகவை அப்புறப்படுத்தி அந்த இடத்தை பிடிக்கலாம் என்று விஜய் திட்டமிட்டு உள்ளதாக கூறப்படுகிறது.
நிச்சயமற்ற அ.தி.மு.க-வின் வியூகம்
அ.தி.மு.க தனது அரசியல் வியூகத்தை மாற்றியமைத்து சென்னையை ஒரு முக்கிய இலக்காகக் கொள்ளாதவரை, அங்கு தி.மு.க-வுக்கும் த.வெ.க-வுக்கும் இடையேதான் கடும் போட்டி நிலவும் என எதிர்பார்க்கப்படுகிறது. "2026 தேர்தல் என்பது ஊழலுக்கு எதிரான ஜனநாயகப் போர்" என முழங்கும் விஜய், திராவிட அரசியலுக்குப் புதிய மாற்றைக் கொண்டுவருவதில் உறுதியாக உள்ளார் என்று தவெக நிர்வாகிகள் நம்புகிறார்கள்.
வேளச்சேரியில் விஜய் போட்டியிடுவது உறுதியானால், அந்தத் தொகுதி 2026 தேர்தலின் மிக முக்கியமான நட்சத்திரத் தொகுதியாக மாறும் என்பதில் சந்தேகமில்லை. ஆனால் விஜய் போட்டியிடுவதை தாண்டி சென்னையில் உள்ளூர் அளவில் வேலை பார்க்க நிர்வாகிகள் இல்லை. ரசிகர்கள் இருக்கிறார்கள்.. ஆனால் நிர்வாகிகள் இல்லை என்பதுதான் அந்த கட்சிக்கு பெரிய சிக்கலாக மாறி உள்ளது.
கருத்துகள் இல்லை:
கருத்துரையிடுக