குமுதம் நிர்வாகம் மீண்டும் ஜவஹர் பழனியப்பன் பொறுப்புக்கு செல்கிறது :.. கம்பெனி சட்ட தீர்ப்பாயம் தீர்ப்பு

தமிழ் இந்து : குமுதம் பப்ளிகேஷன்ஸ் நிர்வாகம், மீண்டும் டாக்டர் ஜவஹர் பழனி யப்பன் பொறுப்புக்கு செல்லும் வகையில் தேசிய கம்பெனி சட்ட தீர்ப்பாயம்
தீர்ப்பளித்துள்ளது.
மேலும், குமுதம் பப்ளிகே ஷன்ஸ் தற்காலிக தலைவராக கே.கே.பாலுவை நியமித்தும் தீர்ப்பாயம் உத்தரவிட்டுள்ளது.
‘குமுதம்’ வார இதழை தொடங்கிய எஸ்.ஏ.பி.அண்ணா மலை செட்டியாரின் மறைவுக்கு பிறகு, அந்தக் குழுமத்தின் அனைத்து இதழ்களுக்கும் நிர்வாக ஆசிரியராகவும், உரிமையாளராகவும் அவரது மகன் டாக்டர் ஜவஹர் பழனியப்பன் பொறுப்பு வகித்தார். ஜவஹர் பழனியப்பன் அமெரிக்காவில் பிரபல டாக்டராக பணிபுரிவதால் அவரது தாயார் கோதை ஆச்சி, குமுதம் குழுமத்தின் தலைவராக நியமிக்கப்பட்டார். முதுமை காரணமாக அவரால் அப்பதவியை வகிக்க இயலாத சூழலில் குமுதத்தில் பதிப்பாளராக இருந்த பி.வி.பார்த்தசாரதியின் மகனான என்.வரதராஜன் நிர்வாக இயக்குநராக பொறுப்பேற்றார்.

குஷ்பூ... லாக்டவுனில் எடைகுறைப்பு 50 வயதிலும் ...

Kalaimathi- tamil.filmibeat.com/ : சென்னை: நடிகை குஷ்புவின் க்யூட் எக்ஸ்பிரஷன்களை பார்த்த நெட்டிசன்கள் பிரமிப்பை வெளிப்படுத்தியுள்ளனர். மும்பையை பூர்விகமாக கொண்ட நடிகை குஷ்பு, இந்தி படங்களின் மூலம் தமிழ் சினிமாவுக்கு அறிமுகமானார். பின்னர் தென்னிந்திய சினிமாவில் கால்பதித்த அவர், தமிழில் வெற்றி கொடியை நாட்டினார். 80, 90களில் தமிழ் சினிமாவின் டாப் நடிகைகளில் ஒருவராக வலம் வந்த குஷ்பு, ரஜினி, கமல், விஜயகாந்த், பிரபு, சத்யராஜ், சரத்குமார் என பலருடனும் ஜோடி போட்டுள்ளார்.
பின்னர் இயக்குநர் சுந்தர் சியை திருமணம் செய்துக்கொண்டு தமிழ் நாட்டிலேயே செட்டிலான குஷ்பு, காங்கிரஸ் கட்சியின் தேசிய செய்தி தொடர்பாளராக உள்ளார்.

அமெரிக்க பிளாய்டுக்கு நினைவஞ்சலி: ஆயிரக்கணக்கானோர் பேரணி

தினமலர் : ஹூஸ்டன்: அமெரிக்க போலீசால் கொல்லப்பட்ட, ஆப்ரிக்க அமெரிக்கரான, ஜார்ஜ் பிளாய்டுக்கு அஞ்சலி செலுத்தும் வகையில், அவருடைய சொந்த ஊரான, ஹூஸ்டனில், பிரமாண்ட பேரணி நடந்தது. இதில், 60 ஆயிரத்துக்கும் மேற்பட்டோர் பங்கேற்றனர். அமெரிக்காவின் மினியாபொலிசில், போலீஸ்காரர் ஒருவர், கால் முட்டியால் கழுத்தில் நெருக்கியதில், ஆப்ரிக்க அமெரிக்கரான, ஜார்ஜ் பிளாய்டு, 46, சமீபத்தில் உயிரிழந்தார். இதையடுத்து, கடந்த, ஒரு வாரத்துக்கு மேலாக, அமெரிக்காவின் பல்வேறு நகரங்களில் போராட்டங்கள் நடந்து வருகின்றன.இந்நிலையில், பிளாய்டின் சொந்த ஊரான ஹூஸ்டனில், நேற்று அவருக்கு நினைவஞ்சலி பேரணி நடத்தப்பட்டது. இதற்கு, பிரபல ராப் பாடகர்கள், ட்ரே தா டுரூத், பன் பி ஏற்பாடு செய்திருந்தனர்.

நள்ளிரவு பூஜை, நரபலியான சிறுமி: புதையலுக்காக மகளையே கொன்ற தந்தை

BBC : புதையல் கிடைக்க வேண்டும் மற்றும் சொகுசு வாழ்க்கை வாழ வேண்டும் என்பதற்காக மந்திரவாதி ஒருவரின் பேச்சைக் கேட்டு 13 வயது மகளை தந்தையே நரபலி கொடுத்த சம்பவம் புதுக்கோட்டையில் நிகழ்ந்துள்ளது.
புதுக்கோட்டை மாவட்டம் கந்தர்வகோட்டை அருகே நொடியூர் கிராமத்தை சேர்ந்த பன்னீர் கட்டட வேலை செய்து வருகிறார். இவருக்கு இரு மனைவிகள் உள்ளனர்.
முதல் மனைவி இந்திராவுக்கு மூன்று பெண் குழந்தைகளும், ஓர் ஆண் குழந்தையும் உள்ளனர். இரண்டாவது மனைவி மூக்காயிக்கு இரு பெண் குழந்தைகளும் உள்ளனர்.
கடந்த மே 18ஆம் தேதி பன்னீரின் முதல் மனைவியான இந்திராவின் இளைய மகள் வித்யா (13) அருகில் உள்ள பிடாரி கோவில் குளத்தில் தண்ணீர் எடுக்க சென்றார். வெகுநேரமாகியும் அவரைக் காணாததால் பெற்றோரும் உறவினர்களும் வித்யாவைத் தேடினர்.

சென்னை தடை செய்யப்பட்ட மண்டலமாகுமா?

மின்னம்பலம் :  சென்னையில் உள்ள அனைவருக்கும் கொரோனா பரிசோதனை மேற்கொள்ள வேண்டுமென விசிக வலியுறுத்தியுள்ளது.
ஊரடங்கு காரணமாக அரசியல் கட்சிகள் நிகழ்வுகள் அனைத்து ரத்து செய்யப்பட்டுள்ளன. எனினும், வீடியோ கான்பரன்சிங் வழியாக கட்சிகள் ஆலோசனைகளை மேற்கொண்டு வருகின்றன. இந்த நிலையில் விசிக மாவட்டச் செயலாளர்கள் கூட்டம் அக்கட்சியின் தலைவர் திருமாவளவன் தலைமையில் இன்று (ஜூன் 4) வீடியோ கான்பரன்சிங் முறையில் நடைபெற்றது.
கொரோனா பாதிப்புகள், அதுதொடர்பாக அரசு எடுத்து வரும் நடவடிக்கைகள், ஊரடங்கு ஏற்படுத்திய பாதிப்பால் ஏழை மக்களுக்கு ஏற்பட்டுள்ள சிரமங்கள் குறித்து அதில் விரிவாக ஆலோசிக்கப்பட்டது. கூட்டத்தின் முடிவில் 11 தீர்மானங்கள் நிறைவேற்றப்பட்டன.

ஜெ. அன்பழகன் உடல் நிலை கவலைக்கிடம்.. 80% செயற்கை சுவாசம்:

மின்னம்பலம் : திமுக மாவட்டச் செயலாளரும் சட்டமன்ற உறுப்பினருமான ஜெ. அன்பழகனின் உடல் நிலை கவலைக்கிடமாக இருக்கிறது என்று சென்னை ரேலா மருத்துவ ஆய்வு நிலையம் அதிகாரபூர்வமாக இன்று (ஜூன் 4) தகவல் வெளியிட்டிருக்கிறது.
“61 வயதான தமிழக சட்டமன்ற உறுப்பினர் ஜெ. அன்பழகன் ஜூன் 2 ஆம் தேதி சென்னையிலுள்ள டாக்டர் ரேலா மருத்துவ ஆய்வு மையத்தின் கொரோனா மருத்துவமனையில் அனுமதிக்கப்பட்டார். அவர் மருத்துவமனையில் அனுமதிக்கப்பட்டபோது சுவாசப் பிரச்சினைகளோடு வந்தார். அவருக்கு கொரோனா சோதனை மேற்கொள்ளப்பட்டதில் பாசிட்டிவ் என்று முடிவு வந்தது.
ஆரம்பத்தில் அன்பழகனுக்கு ஃபேஸ்மாஸ்க் மூலம் ஆக்சிஜன் தெரப்பி சிகிச்சை அளிக்கப்பட்டது. நேரம் செல்லச் செல்ல அவரது சுவாசிக்கும் ஆற்றல் மோசமடைந்ததால், செயற்கை சுவாசக் கருவியான வென்டிலேட்டர் மூலம் சுவாசம் அளிக்கப்பட்டது.

யானை,குற்றவாளிகள் ,கடும் நடவடிக்கை: பினராயி,

தினமலர் : புதுடில்லி: கேரளாவில் அன்னாசி பழத்தில் வெடி வைத்து கர்ப்பிணி யானை கொல்லப்பட்ட சம்பவத்தில் 3 பேரிடம் விசாரணை நடக்கிறது என அம்மாநில முதல்வர் பினராயி விஜயன் தெரிவித்துள்ளார். கேரளாவில், பாலக்காடு மாவட்டம் மலப்புரத்தில் உள்ள, வெள்ளியார் ஆற்றில் கர்ப்பிணி யானை அன்னாசி பழத்தில் நாட்டு வெடிகுண்டு வைத்து கொல்லப்பட்டது.
நாடு முழுவதும் அதிர்வலையை ஏற்படுத்தியுள்ள இந்த விவகாரம் தொடர்பாக பல்வேறு தரப்பிலும் கடும் கண்டனம் எழுந்துள்ளது. இந்நிலையில் யானை கொல்லப்பட்ட சம்பவத்தில் 3 பேரிடம் விசாரணை நடப்பதாக செய்திகள் வெளியாகின. இது தொடர்பாக அம்மாநில முதல்வர் பினராயி விஜயன் டுவிட்டரில் கூறியது,
பாலக்காடு மாவட்டத்தில் கர்ப்பிணி யானை கொல்லப்பட்டது மிகவும் கொடூரமானது. குற்றவாளிகள் மீது கடும் நடவடிக்கை எடுக்கப்படும். இது தொடர்பாக 3 பேரிடம் விசாரணையை நடந்து வருகிறது. குற்றவாளிகள் நீதிக்கு முன்னால் நிறுத்தப்படுவர். இதற்கானஅனைத்து முயற்சிகளும் அரசு மேற்கொள்ளும் என்றார்.

இந்தியா கொண்டு வரப்பட்டாரா விஜய் மல்லையா? – உண்மை நிலவரம் என்ன?

வெப்துனியா :லண்டனில் தலைமறைவாய் இருந்த தொழிலதிபர் விஜய் மல்லையா கைது செய்து இந்தியா கொண்டுவரப்பட்டதாக வெளியான தகவல் பரபரப்பை ஏற்படுத்தியுள்ளது. இந்தியாவில் உள்ள வங்கிகளில் 9 ஆயிரம் கோடி ரூபாய் கடன் பெற்று அதை திரும்ப  செலுத்தாமல் லண்டனுக்கு தப்பி விட்டதாக தொழிலதிபர் விஜய் மல்லையா மீது வழக்கு உள்ளது. இதை தொடர்ந்து லண்டனில் கைது செய்யப்பட்ட விஜய் மல்லையாவை லண்டன் நீதிமன்றம் விசாரித்து வருகிறது. விஜய் மல்லையாவை திரும்ப இந்தியாவுக்கு கொண்டு வர இந்திய அரசு முயற்சிகள் மேற்கொண்டுள்ள நிலையில் இந்தியாவுக்கு திரும்பாமல் இருக்க மல்லையா பல்வேறு முயற்சிகளை மேற்கொண்டு வருகிறார்.

இந்தியாவை ஜி 7 குழுவில் சேர்ப்பதற்கு சீனா கடும் எதிர்ப்பு

dailythanthi.com: ஒரு சிறிய கூட்டம் சீனாவிற்கு எதிராக செயல்பட முடியாது என இந்தியாவை ஜி 7 குழுவில் சேர்ப்பதற்கு அமெரிக்காவை சீனா கடும் எதிர்ப்பு தெரிவித்து உள்ளது. பெய்ஜிங். இந்தியாவை ஜி 7 குழுவில் சேர்ப்பதற்கு அமெரிக்காவை சீனா கடுமையாக விமர்சனம் செய்துள்ளது. கொரோனா வைரஸ் விவகாரத்தில் அமெரிக்கா சீனாவை கடுமையாக குற்றம் சாட்டி வருகிறது.இதனால் சீனாவிற்கு எதிராக என்னவெல்லாம் செய்ய முடியுமோ அதை எல்லாம் அமெரிக்கா தீவிரமாக செய்து வருகிறது.
உலக அளவில் சீனாவை தனிமைப்படுத்த தேவையான விஷயங்களை அமெரிக்கா செய்து வருகிறது.அதன் ஒரு கட்டமாக ஜி7 மாநாட்டை பயன்படுத்த அமெரிக்கா முடிவு செய்துள்ளது.

டான் அசோக் ..புலி பிரசாரம் .... சமுக வலையில் சில கருத்துக்கள்

Don Ashok -: super sir. நான் உங்களோடு முற்றிலும் உடன்படுகிறேன். பல பெரியாரிஸ்டுகள் என்னைத் திட்டிக்கொண்டிருப்பதற்கு காரணம் நீங்கள் சொன்ன எல்லா விமர்சனத்தையும் அவர்கள் மீது நான் துணிச்சலால வைத்ததால்தான் சார். நீங்கள் இன்னும் சத்தமாகப் பேச வேண்டும். ஈழத்தமிழர்கள் வேறு புலிகள் வேறு என்பதை நாம் சொல்வதைவிட நீங்கள் எல்லாம் சத்தமாக சொல்ல வேண்டும். செருப்பால் அடிததாற்போல சொல்லவேண்டும். அப்படி நீங்கள் சொல்லி, உங்களைப் போன்றவர்களின் குரல் ஓங்கும்போது நானெல்லாம் அதைப் பற்றி பேசவே மாட்டேன் சார். பேசவும்  தேவை இருக்காது. என் கருத்தையும் திரும்ப பெற்றுக்கொள்கிறேன் சார்
Radha Manohar : நன்றி தோழர் பதிவை நீக்கி விட்டேன் .தமிழகத்தில் இருந்து புலி பஜனை நிறுத்தப்படும் வரை கலைஞர் மீதான துர்பிரசாரத்தை அவர்கள் தொடரவே செய்வார்கள் . ஏனெனில் திமுக எதிர்ப்பாளர்களால் திட்டமிட்ட ஒரு ஆயுதமாகவே புலிகளின் பிரசார இயந்திரம் உருவாக்கப்பட்டது . நெடுமா , சீமா மற்றும் பெரியார் இயக்கங்கள் இந்த வேலை திட்டத்தை இன்று வரை முன்னெடுக்கிறார்கள் . புலம்பெயர் புலிகளின் ஆக்சிஜன் விநியோகஸ்த்தர்களே இவர்கள்தான் . தமிழகத்தில் புராஜெக்ட் செய்யப்படும் புலி பிம்பம்தான் அவர்களுக்கு ஆக்சிஜன்

பாலங்கள் கட்டிய கலைஞர் .. 80 பாலங்கள் பற்றிய விபர பட்டியல்

திருநெல்வேலி திருவள்ளுவர் ஈரடுக்கு மேம்பாலம்

Muralidharan Pb : தற்கால தமிழ்நாட்டின் தந்தை என்பது ஏன்?
தமிழ்நாடு போன்ற பெரிய மாநிலங்களுக்கு சாலை போக்குவரத்து இன்றியமையாத ஒன்று.

கோவை அவினாசி ரோடு மேம்பாலம்

அப்படி இருக்கையில் பாலங்கள், மேம்பாலங்கள் கட்டினால் தான் போக்குவரத்து நெரிசல் இன்றி பயணிக்க ஏதுவாக இருக்கும் என்பதை உணர்ந்து தலைவர் கலைஞர் கட்டிய 2000 ஆண்டு வரை பாலங்கள்.
A Sivakumar :  கலைஞரும் மேம்பாலங்களும்
தலைநகர் சென்னைக்கு வெளியே தலைவர் கலைஞர் பல்வேறு காலகட்டங்களில் உருவாக்கிய பாலங்கள்,
1) தஞ்சை திருச்சி மாவட்டங்களை இணைத்து கொள்ளிடம் ஆற்றில் திருமானூர் மேம்பாலம், 1969
2) குளித்தலை - முசிறி காவேரிப் மேம்பாலம், 1969
3) திருநெல்வேலியில் திருவள்ளுவர் பெயரில் ஓர் ஈரடுக்கு மேம்பாலம், 1970
4) கோவையில் ஓர் மூன்றடுக்கு மேம்பாலம், 1971
5) ஈரோடு சத்தியமங்கலம் சாலையில் ஓர் மேம்பாலம், 1972
6) ஒக்கேனக்கல் சாலையில் சின்னாற்றுக்கு குறுக்கே ஓர் மேம்பாலம், 1973
7) பொள்ளாச்சி தாராபுரம் சாலையில் ஓர் மேம்பாலம், 1973
8) தேவிப்பட்டினம் திருப்பாலக்குடி சாலையில் ஓர் மேம்பாலம், 1973
9) ராமநாதபுரம் பொய்யேரி செல்லும் சாலையில் ஓர் மேம்பாலம், 1973
10) முத்துப்பேட்டை - மீமிசல் சாலையில் அம்புலியாற்றின் மீது ஓர் மேம்பாலம், 1974

முள்ளிவாய்க்காலில் கிழக்கு மக்கள் அஞ்சலி செலுத்த தடை போட்ட வடக்கு ஆதிக்க வெறியர்கள்

Reginold Rgi : இந்த சம்பவத்தை சாதாரண ஒரு சம்பவமாக கடந்து செல்ல முடியாது. கிழக்கு மாகாண தமிழ் மக்களின் உணர்வு சம்பந்தப்பட்ட விடயமாகும்.
மட்டக்களப்பு அம்பாறையை சேர்ந்த முன்னாள் போராளிகள், இறுதி யுத்தத்தில் உயிரிழந்தவர்களின் உறவினர்களுமாக சுமார் 200க்கும் மேற்பட்டவர்கள் நான்கு பஸ்களில் அஞ்சலி செலுத்துவதற்காக 17ஆம் திகதி புறப்பட்டு 18ஆம் திகதி காலையில் முள்ளிவாய்க்காலை சென்றடைந்தனர்.
இவர்கள் இம்முறைதான் முள்ளிவாய்க்காலுக்கு அஞ்சலி செலுத்த சென்றவர்கள் அல்ல. கடந்த மூன்று வருடங்களாக ஒவ்வொரு மே 18ஆம் திகதியும் முள்ளிவாய்க்காலுக்கு சென்று அங்கு ஒரு இடத்தில் அந்த மண்ணில் மடிந்த தங்கள் உறவுகளுக்கு தீபம் ஏற்றி அஞ்சலி செலுத்தி விட்டு வருவதை வழக்கமாக கொண்டிருந்தனர்.

ஜெ. அன்பழகனுக்கு தீவிர சிகிச்சை: .... முழு விபரம்

மின்னம்பலம் :மாவட்டச் செயலாளர்கள் கூட்டங்களின்போதும், தனிப்பட்ட
முறையில் மாவட்டச் செயலாளர்களிடம் பேசும்போதும் திமுக தலைவர், ‘நிவாரண உதவிகள் வழங்கும்போது ரொம்ப கவனமா இருங்க. சமூக இடைவெளியோட நிகழ்ச்சிகளை நடத்துங்க. கிளவுஸ், மாஸ்க் எல்லாம் போட்டுக்கங்க’ என்று தொடர்ந்து சொல்லி வருகிறார்.
ஐபேக்கை எதிர்த்து அன்பழகன் பேசிய மே 16 ஆம் தேதி நடந்த மாவட்டச் செயலாளர்கள் கூட்டத்தில் கூட, ஜெ. அன்பழகனைப் பார்த்த ஸ்டாலின், ‘என்ன முகத்துல கொப்புளமா இருக்கு?’ என்று கேட்க. ‘வெப்பக் கட்டிண்ணே’ என்று பதில் சொல்லியிருக்கிறார் அன்பழகன். உடம்பைப் பாத்துக்கங்க என்று அப்போதும் ஸ்டாலின் கூறியிருக்கிறார். அன்பழகனிடம் தனியாகப் பேசும்போதும், ‘ஏற்கனவே உங்களுக்கு ஆபரேஷன் நடந்திருக்கு. அதனால நீங்க ஊரடங்கு நேரத்துல பாத்து நடந்துக்கணும்’ என்றும் சொல்லியிருக்கிறார் ஸ்டாலின். ஏற்கனவே சுமார் இருபது வருடங்களுக்கு முன் கல்லீரல் தொடர்பான அறுவை சிகிச்சையை அமெரிக்காவில் செய்துகொண்டார் அன்பழகன்.

திரு.துரைமுருகன், மீண்டும் பொருளாளராகவே தொடருவார்!...திமுக தலைவர் .ஸ்டாலின்.

மின்னம்பலம் : திமுக பொருளாளராக இருந்து, பொதுச் செயலாளர் என்ற பதவிக்கு உயர்த்தப்படுவதாக இருந்த துரைமுருகன், மீண்டும் பொருளாளராகவே தொடருவார் என்று அறிவித்துள்ளார் திமுக தலைவர் மு.க.ஸ்டாலின். சில நாட்களுக்கு முன்னே இது அரசல் புரசலாக துரைமுருகனுக்கு தெரிவிக்கப்பட்டபோதிலும் அது அறிவிப்பாக வெளிவந்ததில் குறிப்பாக ஜூன் 3 ஆம் தேதி கலைஞரின் பிறந்தநாளில் அறிவிக்கப்பட்டதில் துரைமுருகன் கடுமையான அதிருப்தியில் இருக்கிறார்..
ஜூன் 2 ஆம் தேதி காலை மின்னம்பலத்தின் டிஜிட்டல் திண்ணையில் பொதுச் செயலாளர் பதவி: துரைமுருகனுக்கு ஷாக் என்ற தலைப்பில் செய்தி வெளியிட்டிருந்தோம். அதில் குறிப்பிட்டிருந்தவாறே இன்று (ஜூன் 3) துரைமுருகன் பொருளாளர் பதவியிலேயே தொடர்வதாக அறிவித்துள்ளார் ஸ்டாலின்.

கர்ப்பிணி யானைக்கு "வெடி" அன்னாசி பழம் கொடுத்து கொன்ற மனிதர்கள்

தினத்தந்தி : பாலக்காடு கேரள மாநிலம் பாலக்காடு மாவட்டத்தில் உள்ள மலப்புரம் சைலண்ட் பள்ளத்தாக்கின் அருகே 15 வயதான 1கர்ப்பிணி யானை ஒன்று காட்டை விட்டு வெளியேறி, அருகிலுள்ள கிராமத்துக்கு உணவு தேடிச் சென்றது. இதனைப் பார்த்து பயந்த மக்கள், தங்களுக்கும் தங்கள் ஊருக்கும் பாதிப்பு ஏற்பட்டு விடும் என எண்ணி, யானையை விரட்ட அன்னாசிப்பழத்துக்குள் வெடிமருந்தை நிரப்பி யானைக்கு உணவாக அளித்துள்ளனர்.

பழத்துக்குள் வெடிமருந்து இருப்பதை அறியாது பசியில் இருந்த யானை, அதனைவாங்கிச் சாப்பிட்டது. சிறிது நேரத்தில் வயிற்றுக்குள் பழம் வெடித்து தாங்க முடியாத வலியை அனுபவித்துள்ளது கர்ப்பிணி யானை. இறுதியில் அங்குள்ள நதி நீரில் நின்றபடியே தனது குட்டியுடன் உயிரை விட்டது.

இந்த கொடூர சம்பவம் குறித்து நிலாம்பூர்  வன அதிகாரி மோகன் கிருஷ்ணன் தனது பேஸ்புக் பக்கத்தில் பதிவிட்டுள்ளதாவது:-<

அந்த கர்ப்பிணி யானை அங்குள்ள அனைவரையும் நம்பியது அது சாப்பிட்ட அன்னாசிப்பழம் வெடித்தபோது கண்டிப்பாக அதிர்ச்சியடைந்திருக்கும்.  ஏனென்றால் அது இன்னும் 18 முதல் 20 மாதங்களில் ஒரு குட்டியை) பெற்றெடுக்கப் போகிறது

கலைஞர் எங்கள் கட்டுமரம் ..

எந்த பக்கம் பார்த்தாலும் எந்த வெளிச்சமும் தெரியாத அந்த நாட்கள்..
உலகத்தின் கண்களில் தென்பட்டு விடாத இருளுக்குள் ஒழிந்து கொண்டிருந்த அந்த நாட்கள்.
எல்லா பக்கமும் இனவாதிகள் மூட்டிய தீக்குள் மெல்ல மெல்ல விழுங்கப்பட்டு கொண்டிருந்த அந்த நாட்கள்.
முட்டி மோதிக்கொண்டு வெடிக்க தொடங்கிய வேதனை மிகு நாட்கள்.
ஒரு பெரிய பெரும்பான்மை இனமும் முற்று முழுதாக அவர்களே ஆண்டு கொண்டிருந்த நாட்கள்
எப்படி பார்த்தாலும் எட்டி விட முடியாத ஒரு உயரத்திற்கு எட்டியே தீரவேண்டிய தீர்மானத்திற்கு எல்லோரும் வந்து விட்ட அந்த நாட்கள்.
அந்த சின்னிசிறு தீவுக்குள் வைத்தே வெறும் சிறுகதை போல முடிந்து விடுமோ என்று ஏங்கி கொண்ட்ருந்த அந்த நாட்கள் ...
இத்தனை சஞ்சலங்கள் எல்லாவற்றையும் போக்கும் வல்லமை கொண்ட ஒரு சத்தம் கடலை தாண்டி எங்கள் காதுகளை தடவ தொடங்கியது.
எமது எல்லா திசைகளும் கோபாலபுரத்தை மட்டுமே நோக்கி எட்டி பார்த்த அந்த நாட்கள் .
நாங்கள் நாதி அற்றவர்கள் அல்ல .. என்ற நம்பிக்கை ஒளியை எங்கள் பக்கம் வீசியது அந்த தென்னகத்து திராவிட கலங்கரை விளக்கம் .
எம்மால் எட்டவே முடியாது என்று ஏங்கிகொண்டு இருந்தவை எல்லாம் எம்மை நோக்கி வரத்தொடங்கியது ..

கலைஞருக்கு இன்று 97வது பிறந்த நாள்

தினகரன் :முத்தமிழறிஞர் கலைஞருக்கு இன்று 97வது பிறந்த நாள் நலத்திட்ட உதவிகளை வழங்கிட வேண்டும்: திமுகவினருக்கு மு.க.ஸ்டாலின் வேண்டுகோள் சென்னை: முத்தமிழறிஞர் கலைஞரின் 97வது பிறந்த நாளை முன்னிட்டு ஏற்கனவே அறிவித்ததற்கிணங்க நலத்திட்ட உதவிகளை வழங்கிட வேண்டும் என்று திமுகவினருக்கு மு.க.ஸ்டாலின் வேண்டுகோள் விடுத்துள்ளார். திமுக தலைவர் மு.க.ஸ்டாலின் வெளியிட்ட அறிக்கை: நம் உயிருடன் கலந்திருக்கும் முத்தமிழறிஞர் கலைஞரின் 97வது பிறந்தநாளான ஜூன் 3ம் தேதி(இன்று) அனைத்து மாவட்ட-ஒன்றிய-நகர- பகுதி-வட்ட-பேரூர்- கிளைக் கழக நிர்வாகிகள் அவரவர் இடங்களிலேயே தலைவர் கலைஞர் அவர்களின் திருவுருவப் படத்திற்கும் - திருவுருவச் சிலைக்கும் மாலை அணிவித்து மரியாதை செலுத்திட வேண்டுகிறேன்.

நிசர்கா': 138 ஆண்டுக்கு பின் மும்பையை தாக்கும் புயல்.. இன்று பகல் கரையை கடக்கிறது

தினமலர் : மும்பை : 'தென் மேற்கு அரபிக் கடலில் உருவாகியுள்ள 'நிசர்கா' புயல் இன்று பகல் மஹாராஷ்டிரா மற்றும் குஜாராத் இடையே கரையை கடக்கும்' என வானிலை ஆய்வு மையம் தெரிவித்துள்ளது. 1882ம்
ஆண்டுக்கு பின் மஹாராஷ்டிரா தலைநகர் மும்பையை புயல் தாக்க உள்ளது.தென் மேற்கு பருவமழை நேற்று முன்தினம் துவங்கியது. இந்தநிலையில் தென்கிழக்கு மற்றும் மத்திய அரபிக்கடல் பகுதி மற்றும் அதையொட்டியுள்ள லட்சத்தீவு பகுதிகளில் காற்றழுத்தத் தாழ்வுப் பகுதி உருவானது.இது புயலாக வலுப்பெற்று வடக்கு வடமேற்கு திசையில் 11 கிலோ மீட்டர் வேகத்தில் நகர்ந்து வருகிறது. 'நிசர்கா' என பெயரிடப்பட்டுள்ள இந்தப் புயல் இன்று பகல் மகாராஷ்டிரா

புலிகளின் பெரு வெற்றிகள் அனைத்தும் கருணாவின் தலைமையில்தான்...? கிழக்கின் குரல் ...

Reginold Rgi : நீங்கள் வடக்கில் இருக்கும் துரோகிகளை போற்றி புகழும் போது நாங்கள் ஏன் எங்கள் மண்ணின் மைந்தன் கருணாவை போற்றி புகழக் கூடாது என்பது மட்டும் என்ன நியாயம் ?
கருணா இல்லாமல் எந்த சண்டையில் நீங்கள் வெற்றி பெற்றிருக்கிறிர்கள்? தீச்சுவாலையை  வென்றவர் கருணா அம்மான் !
குடாரப்பில் தரையிறங்கிய பால்ராஜ் தலைமையிலான புலிபடை ஸ்ரீலங்கா இராணுவத்தின் தாக்குதலை சமாளிக்க முடியாமல் திக்குமுக்கு ஆடியது ஞாபகம் இருக்கிறதா?
ஆனையிறவையும் வென்று பால்ராஜ் மற்றும் தரையிறங்கிய போராளிகளையும் காப்பாற்றியது  கருணா அம்மான்!
 வன்னி நிலத்தை விழுங்க வந்த ஜெயசிக்குறு படைகளின் தாக்குதலை சமாளிக்க முடியாமல் வாழ்வா சாவா என்று போராடிக்கொண்டிருந்தது இயக்கம்!ஸ்ரீலங்கா இராணுவத்தின் முதுகெலுப்பை உடைத்து புலிகளின் வெற்றிக்கு ஏறுமுகம் காண வைத்தவர்  கருணா அம்மான் !
மணலாற்று காட்டுக்குள் இந்திய இராணுவம் தலைமையை நெருங்கிய போது தப்பினோம் பிழைத்தோம் என்று வன்னி தளபதிகள் ஓட இரும்பு வேலி அமைத்து உங்கள் தலைமையை காப்பாற்றியவர் கருணா அம்மான்!
புலிகளின் வரலாற்றை எழுதுவதென்றால் கருணா என்ற ஒரு கதாநாயகன் இல்லாமல் எப்படி எழுத முடியும்?

தஞ்சாவூர் .. மே.வங்க பெண்ணை வீட்டில் அடைத்து பாலியில் விடுதி நடத்திய தம்பதிகள்

tamil.oneindia.com :
செங்கிப்பட்டி அருகே பூதலூர் பிரிவு சாலை அருகே ஓடும் காரில் இருந்தே பெண்ணை வீசி விட்டு சென்றனர்" என்று தெரியவந்துள்ளது
வயிற்றை பிடித்து கொண்டே அழுதவாறே இந்த தகவல்களை பாதிக்கப்பட்ட பெண் கூறியுள்ளார். அவருக்கு உரிய சிகிச்சை அளிக்க வேண்டும் என்றும், அந்த பெண்ணை தாக்கியவர்களை கைது செய்ய வேண்டும் என்று மாதர் சங்கத்தினர் கோரிக்கை விடுத்துள்ளனர்.
அந்த பெண்ணை பாலியல் பலாத்காரம் செய்துள்ளனர் என்றும் அந்த பெண் தங்கி இருந்த வீட்டின் ஓனர் யார் என்பது குறித்து விசாரிக்க வேண்டும் என்றும் மாதர் சங்கத்தினர் வலுவான வேண்டுகோளை வைத்து வருகின்றனர்
 அப்போதுதான் அதிர்ச்சிகரமான தகவல்கள் வெளியாயின.. சம்பந்தப்பட்ட பெண் மேற்கு வங்கத்தை சேர்ந்தவர்.. பெங்களூருவில் குடும்பத்தினருடன் தங்கி இருந்துள்ளார்... அப்போது அங்கிருந்து அவரை தஞ்சை மருத்துவக்கல்லூரி சாலையில் உள்ள ஒரு வீட்டிற்கு, வீட்டு வேலைக்காக ஒருவர் அழைத்து சென்றிருக்கிறார்.. 5 மாதமாக அந்த வீட்டில்தான் பெண் வேலை பார்த்து வந்துள்ளா

கலைஞர் தொடக்கிய திட்டங்களால்தான் இன்றுவரை தமிழகம் தப்பி பிழைக்கிறது

Devi Somasundaram : என்னப்பா பிரச்சனை,
இது செய்தா எல்லார்க்கும் கிடைக்குமா,
சரி விடு எல்லார்க்கும் செய்துடலாம் .
இது ஒரு மந்திரம் .. கலைஞரின் மந்திரம்..
என்ன பிரச்சனை என்று அறிந்து அதற்கான தீர்வு அனைவருக்குமானதாக இருக்கனும் என்பதில் தெளிவு செய்து ...அந்த எல்லாருக்கும் என்பதில் எத்தனை அர்த்தம் இருக்கு ..
யாருக்கு, என்ன சாதி, நம்ம ஆளா, என்று பார்த்து செய்வதில்லை...வானத்திற்கு கீழ அத்தனை பேரும் மக்கள் என்ற அடிப்படை ..
கலைஞர் ஒரு சித்தாந்தம் .. ஒன்றை உருவாக்க இன்னொன்றை அழிப்பது தான் உலக இயல்பு, மண்ணை அழித்து தான் கல், காட்டை அழித்து தான் வயல், .
கலைஞர் அழிக்காமலே உருவாக்கியவர்...விவேகானந்தரை அழிக்காமல் அதை விட பெரிய வள்ளுவர் சிலை வைத்து விவேகானந்தர் பாறையை வள்ளுவர் பாறை ஆக்கியவர்.
சீதையை சிலையை அழிக்காமல் கண்ணகிக்கு சிலை வைத்து சீதா தேவி கோட்டங்களை கண்ணகி கோட்டம் ஆக்கியவர்.
பாப்ப்பனரை அழிப்பது நோக்கமல்ல , தமிழை,தமிழரை வளர்ப்பதே நோக்கமாய் செயல்பட்ட தலைவன் .

சலூனில் முடிவெட்ட ஆதார் கட்டாயம்!

மின்னம்பலம் : முடிவெட்டச் செல்வதற்கு ஆதார் கண்டிப்பாக கொண்டுசெல்ல வேண்டுமென தமிழக அரசு அறிவுறுத்தியுள்ளது.
கொரோனா பரவலை தடுப்பதற்காக நாடு முழுவதும் ஐந்தாம் கட்டமாக ஜூன் 30ஆம் தேதி வரை ஊரடங்கு அமல்படுத்தப்பட்டுள்ளது. எனினும், மக்களின் வாழ்வாதாரத்தைக் கருத்தில் கொண்டு, நோய் பரவலை தடுக்க முன்னெச்சரிக்கைக்கென சில பாதுகாப்பு வழிமுறைகளுடன் தமிழ்நாடு அரசு பல்வேறு தளர்வுகளை அறிவித்து வருகிறது. தமிழகம் முழுவதும் கடந்த ஒரு வாரமாக சலூன் மற்றும் அழகு நிலையங்கள் செயல்பட்டு வருகின்றன.

சுப. வீரபாண்டியன் : பச்ச மட்டைக்குப் பயந்தவர்கள் இல்லை நாங்கள்!

-சுப. வீரபாண்டியன் : ஆபாசமும், வன்முறையும் நிறைந்த அந்த முகநூல்
பதிவு, சில நாள்களுக்கு முன் வெளிவந்துள்ளது. நான் நேற்று மாலைதான் பார்த்தேன்.
ஒரு செருப்பை எடுத்து ஒருவர் உயர்த்திக் காட்டி, "என்ன தெரியுதா இது, தேய்ந்துபோன பழைய...."என்று அந்தக் காணொலி தொடங்குகிறது. 11 நிமிடங்கள் தொடரும் அந்தக் காணொலியில், தோழர் சுந்தரவள்ளியைப் பற்றிய இழிவான, தரக்குறைவான வசைகள் நிறைந்துள்ளன. வசைகளுக்கு இடையிடையே மிகக் கடுமையான வன்முறை மிரட்டல்கள் இடம் பெற்றுள்ளன. திமுக தலைவர் தளபதி, தி,க தலைவர் ஆசிரியர் ஆகியோரைப் பற்றியும், என்னைப் பற்றியும், இழிவான சில சொற்களும் அதில் இடம் பெற்றுள்ளன.
எதற்காக இந்தக் காணொலி? சுந்தரவள்ளி, விடுதலைப் புலிகளின் தலைவர் பிரபாகரன் குறித்துத் தவறாகப் பேசிவிட்டாராம். அப்படி என்ன பேசிவிட்டார்? "தோழர் பிரபாகரன்" என்று சொன்னாராம். அதற்குத்தான் அவ்வளவு வசையாம். "நீ யாருடி அவர தோழான்னு சொல்றதுக்கு?" என்று தொடங்கி, சுந்தரவள்ளியின் உருவ அமைப்பு, நடத்தை பற்றியெல்லாம் பல அவதூறுகள்.
தோழர் என்னும் சொல் அவ்வளவு இழிவானதா? மிக உயர்ந்த சொல்லாயிற்றே அது!

பொதுச் செயலாளர் பதவி.. . துரைமுருகனுக்கு ஷாக்!

மின்னம்பலம் : மொபைல் டேட்டா ஆன் செய்யப்பட்டதும் வாட்ஸ்அப் ஆன்லைனில் வந்தது.
“கொரோனா மக்களின் இயல்பு வாழ்க்கையில் ஏகப்பட்ட நெருக்கடிகளைத் தருகிறது என்றால் அரசியல் கட்சிகளுக்குள்ளும் பல்வேறு குழப்பங்களை உண்டாக்கி வருகிறது. திமுகவில் ஏற்கனவே நிறைய குழப்பங்கள் இருக்க, கொரோனா ஊரடங்கு மேலும் சில முக்கிய குழப்பங்களுக்கு வித்திட்டிருக்கிறது.
திமுகவின் மூத்த தலைவரான துரைமுருகன் அக்கட்சியின் பொதுச் செயலாளராகப்பொதுக்குழுவில் தேர்ந்தெடுக்கப்பட இருந்த நிலையில்தான்... ஊரடங்கால் பொதுக்குழு தள்ளிக்கொண்டே போகிறது. இந்த நிலையில்தான் துரைமுருகனுக்கு அதிர்ச்சி தரும் தகவல் ஒன்றை தலைமை முடிவாக எடுத்திருக்கிறது என்கிறார்கள்.

மகாராஷ்டிரா அனைத்து கல்லூரி மாணவர்களும் ஆல் பாஸ்…! முதலமைச்சர் அறிவிப்பு

sathiyam.tv/ : மும்பை: மகாராஷ்டிராவில் கல்லூரி மாணவர்கள் அனைவருக்கும் தேர்ச்சி தருவதாக பாஸ் என்ற அறிவிப்பை அம்மாநில அரசு அறிவித்துள்ளது. கொரோனா காரணமாக பள்ளி, கல்லூரி தேர்வுகள் அனைத்தும் நடைபெறவில்லை. தமிழகத்தில் 10ம் வகுப்புத் தேர்வு வரும் 15ம் தேதி நடைபெற உள்ளது. அந்த தேர்வும் இறுதிக்கட்டத்தில் மாற்றப்படலாம் என்று தகவல்கள் வெளியாகி கொண்டிருக்கின்றன
அதே நேரத்தில் கல்லூரிகளில் செமஸ்டர் தேர்வு இன்னும் நடைபெறவில்லை என்பதும் கல்லூரிகள் எப்போது திறக்கும் என்பது குறித்த அறிவிப்பும் இல்லை என்பதும் குறிப்பிடத்தக்கது.
இந் நிலையில் மகாராஷ்டிரா மாநிலத்தில் கல்லூரி மாணவர்கள் அனைவருக்கும் தேர்ச்சி என்ற அறிவிப்பை அம்மாநில அரசு அறிவித்துள்ளது.
முதலாமாண்டு, இரண்டாமாண்டு மாணவர்கள் அனைவரும் தேர்ச்சி பெறுகின்றனர். 3ம் ஆண்டு மாணவர்கள் பாட வாரியாக இது வரை பெற்ற சதவீதம் அடிப்படையில் மதிப்பெண்கள் அளித்து பட்டம் அளிக்கப்படும் என்றும் மகாராஷ்டிரா அரசு தெரிவித்துள்ளது.