வெள்ளக்காரங்கிட்டயே அடிமையா இருந்திருக்கலாம் ! சுதந்திர தின சிந்தனைகள் ..

35 ரூபாயில முடிய வேண்டிய சாப்பாடு இப்போ 48 ரூபா ஆகுது. கேட்டா GST -யாம். என்ன எழவுன்னே தெர்ல; வரி போடுறோம். ஆனா விலையெல்லாம் ஏறாதுன்னு சொன்னான். இப்போ எத பாத்தாலும் வாங்க பயமா இருக்கு.
சுதந்திர தினம் குறித்து மக்களின் கருத்தறிய காஞ்சிபுரம் நகரத்தை பெரும் மழையில் வலம் வந்தோம்.
சிலர் சுதந்திர தினம் குறித்து சுதந்திரமாக கருத்து தெரிவிக்கத் தயங்கினர். மக்கள் தங்களது பிரச்சினைகைளக் கூறினாலே “ஆன்டி இன்டியன்” என்று முத்திரை குத்துகிறார்கள் காவிக் கட்சியினர்.  அதனாலென்ன? “என் போட்டவோட நான் சொன்னத கொட்ட எழுத்துல போடு.. கொண்டாடுறவனுங்க என் வீட்டுக்கு வரட்டும் நான் பாத்துக்கிறேன்,  என்கிறார்கள் உழைக்கும் பெண்கள்!  சிலரோ எந்த பேப்பர்ல போடுவீங்க? நாளைக்கே போட்டுடுவீங்களா? போலிஸ் பிடிச்சுக்குமே என்று கேட்டனர்!
சுதந்திர தின கேள்வி, பேட்டி என்றதுமே போலீசிடம் சிக்கிய கைதி போல அச்சப்படும் தொழிலாளிகள், “நாட்டு நடப்பு அப்படி இருக்குதுப்பா. உண்மைய சொன்னா எங்களுக்குதான் சிக்கல்” என்று ஆரம்பித்து உள்ளக் குமுறலை கொட்டுகிறார்கள். அவர்களில் சிலரை சந்தியுங்கள்.

தமிழகத்தைப் பலியிடும் புரோக்கர் ஆட்சி !

காண்டிராக்ட் முதல் மணல் கொள்ளை வரை அனைத்திலும் அனைவருக்கும் பங்கு வழங்குவதன் மூலம், அ.தி.மு.க. வில் ”உட்கட்சி ஜனநாயகத்தை” எடப்பாடி உருவாக்கி வருவதாக கூறுகின்றன பத்திரிகைகள்.
சுயமரியாதையே இல்லாதவனோடு சண்டை போடுவது கடினம்” என்று ஏதோ ஒரு சந்தர்ப்பத்தில் பெரியார் கூறியிருப்பதாக நினைவு. இன்று அந்த நிலையில்தான் தமிழகம் இருக்கிறது.
ஊழல் வழக்கில் சிறை செல்லவேண்டிய நிலை ஏற்பட்டபோது, முதல்வர் நாற்காலியில் அமரவைப்பதற்குப் பொருத்தமான ஒரு ”உடல்” ஜெயலலிதாவுக்குத் தேவைப்பட்டது. ”அறிவோ, சொரணையோ, தன்மானமோ கடுகளவும் இல்லாத நபர்” என்று ஜெயா-சசி குற்றக்கும்பலால், தேடி அலசித் தெரிவு செய்யப்பட்ட ”உடல்” தான் பன்னீர்செல்வம்.
அந்த பன்னீருக்கு பல் முளைத்துவிட்டது என்று தெரிந்தவுடன், அரச பதவியில் அமர்த்துவதற்கு பன்னீரைவிடத் தாழ்ந்த அடிமை என்று எடப்பாடி தெரிவு செய்யப்பட்டார்.

வாஞ்சிநாதன் - ஆஷ்துரை பற்றிய கட்டுகதைகள்! வாஞ்சிநாதன் பார்பன பயங்கரவாதி?

இல்லாததை இட்டுக்கட்டி தங்களை உயர்ந்தவர்களாகக் காட்டிக் கொள்வது பார்ப்பனீயத்தின் சூழ்ச்சித்திறன். கடந்த கால வரலாற்றை எளிதாக அறிந்து கொள்ள வாய்ப்புள்ள இக்காலத்திலேயே இப்படி புளுகுகின்றார்கள் என்றால், ஆயிரமாயிரம் ஆண்டுகளுக்கு முன்னர் எப்படியெல்லாம் புளுகியிருப்பார்கள். தோழர். Soman Raja : தி இந்து தமிழ் நாளிதழ் சுதந்திர தினத்தை முன்னிட்டு வாஞ்சிநாதன் பற்றிய பேட்டி ஒன்றை அவரது மகள்வழிப் பேரன் என்று சொல்லி ஜெயகிருஷ்ணன் என்பவரிடம் வாங்கி வெளியிட்டுள்ளது.

வாஞ்சிநாதன் ஆஷ்துரையை சுட்டுக்கொன்றபோது நிர்கதியாக நின்ற தனது பாட்டி (வாஞ்சிநாதன் மனைவி) ஒரு கர்ப்பிணி என்றும் அந்த நேரத்தில் முத்துராமலிங்க தேவர்தான் அவரை தன் கூண்டு வண்டியில் ஏற்றி சுற்றித்திரிந்து தலைமறைவாக வைத்து காப்பாற்றினார் என்றும் அந்த பேட்டியில் அவர் சொன்ன செய்தியை அப்படியே வெளியிட்டிருக்கிறது இந்து. வாஞ்சிநாதன் ஆஷ்துரையை கொன்ற நாள் 1911 ஜூன் 17. முத்துராமலிங்கத் தேவர் பிறந்தது 1908 அக்டோபர் 30. ஆக ஆஷ்துரை கொல்லப்பட்ட போது முத்துராமலிங்கத் தேவருக்கு வயது 2 வயது 8 மாதம். இந்தக்குழந்தை தான் வாஞ்சிநாதன் மனைவியை மூன்று மாதகாலம் தன் கூண்டு வண்டியில் வைத்து சுற்றியதாக புனையப்பட்டுள்ளது.

முதல்வர் சித்தராமையா :கன்னட மொழிக்கு எதிரான அடக்குமுறையை சகித்து கொள்ள முடியாது

கர்நாடகத்தில் கன்னட மொழிக்கு எதிரான அடக்குமுறையை சகித்து கொள்ள முடியாது என முதல்-மந்திரி சித்தராமையா சுதந்திர தின விழா உரையில் பேசினார். கன்னட மொழிக்கு எதிரான அடக்குமுறையை சகித்து கொள்ள முடியாது: முதல்வர் சித்தராமையா பெங்களூரு: பெங்களூரு மானேக்ஷா மைதானத்தில் சுதந்திர தின விழா கொண்டாடப்பட்டது. முதல்–மந்திரி சித்தராமையா தேசியக் கொடி ஏற்றி உரையாற்றினார். சித்தராமையா பேசுகையில், கர்நாடகத்தில் கன்னட மொழிக்கு எதிரான அடக்குமுறையை சகித்து கொள்ள முடியாது என்றார். பல்வேறு மொழி, கலாசாரம் கொண்ட பன்முக சமூகத்தில் நாம் வாழ்கிறோம். இதுதான் நமது நாட்டின் வலிமை. இருந்தாலும் அரசியல் சாசனத்துக்கு உட்பட்டு நம்முடைய மொழி, கலாசாரங்களை பாதுகாப்பதன் மூலம் தான் நாம் வளர்கிறோம். இதுதான் வேற்றுமையில் ஒற்றுமையாகும். ஒவ்வொரு மாநிலமும் அலுவலக மொழியை கொண்டுள்ளது. அந்த மொழியை முதன்மையாக பயன்படுத்தி கொள்ள அரசியல் சாசனம் இடம் அளிக்கிறது.

எடப்பாடி அரசுக்கு பெரும்பான்மை இல்லை .. அமைச்சர் திண்டுக்கல் சீனிவாசன் . 115 எம்.எல் ஏக்கள் மட்டுமே உள்ளனர்,

எங்களிடம் 115 எம்.எல் ஏக்கள் உள்ளனர்,பெரும்பான்மை இல்லாமல் இருக்கிறோம் என அமைச்சர் திண்டுக்கல் சீனிவாசன் கூறி உள்ளார். ஆகஸ்ட் 15, 2017, 03:03 PM சென்னை திருவல்லிக்கேணியில் அமைச்சர் திண்டுக்கல் சீனிவாசன் நிருபர்களுக்கு பேட்டி அளித்தார். அப்போது அவர் கூறியதாவது:- பெரும்பான்மை இல்லாமல் இருக்கிறோம். எங்களிடம் 115 எம்.எல் ஏக்கள் உள்ளனர். பெரும்பான்மையை காட்ட 2 எம்.எல்.ஏக்கள் தேவை. பெரும்பான்மைக்கு தேவையான 2 எம்.எல்.ஏக்கள். விரைவில் வருவார்கள். 6 மாத அரசியல் சூழ்நிலை காரணமாக சின்னம்மா சசிகலாவாகி விட்டார். அதி.மு.க. வின் ஏணி என்பது ஜெயலலிதா மட்டும் தான். எங்களுக்கு பணத்தாசை கிடையாது. அ.தி.மு.க. வில் தற்போதைக்கு எந்த மாற்றமும் இருக்காது அ.தி.மு.க அணிகள் இணைவதில் கொஞ்சம் கருத்து வேறுபாடுகள் உள்ளன. தமிழக மக்களுக்கு நன்மை செய்ய மத்திய அரசுடன் இணக்கமாக செயல்பட வேண்டி இருக்கிறது. இவ்வாறு அவர் கூறினார். தினத்தந்தி

தலித் இளைஞர் இளவரசன் நேற்று படுகொலை!.. பாமக இயக்கதினரால் பறையர் சமுதாய தலித்

பாமக இயக்கதினரால் பறையர் சமுதாய தலித் இளைஞர் இளவரசன் நேற்று படுகொலை
தலித் மக்களை குறிவைத்து கொலை செய்யும் பயங்கரவாத பாமக இயக்கத்தை தமிழகம் அமைதி பூங்காவாக நிலைததிட தடை செய்யப்பட வேண்டும். வேலூர் மாவட்டம்,குடியாத்தம் தாலுகா, கெம்மங்குப்பம் சார்ந்த தலித் இளைஞர் இளவரசன் வன்னியர் சாதி கட்சியான பாமக பயங்கரவாதிகளால் படுகொலை செய்யப்பட்டார் அவருடன் சென்ற ரஜினி வெட்டு காயங்களுடன் உயிருக்கு போராடி வருகின்றார். கொலையாளியாக வன்னியர் சாதி கட்சியை சேர்ந்த பிரபல ரவுடி நடராஜன் ஏற்கனவே ஒரு கொலை செய்த வழக்கில் நிபந்தனை ஜாமினில் வெளியே வந்தவன் இவன் உடன் இனைந்த கொலை கூட்டாளிகள் தவிற்த்து இவன் மட்டும் கைது செய்யப்பட்டுள்ளான்.
மூன்று தினம் முன்பு கெம்மங்குப்பம் பக்கத்து கிராமமான மாங்கனிப்பட்டியில் கொவில் திருவிழாவில் வன்னியர்கள் சாதிவெறியை தூண்டுகிற பாடல்களை போட்டு இரவு முழுவதும் மாற்ற சமுதாய மக்களை இழிவு படுத்தும் விதத்தில் வன்னியர் சாதி கட்சியை சார்ந்த பாமக இயக்கத்தினர் நடந்துள்ளனர் இதை தலித் இளைஞர்களும் சமுக ஆர்வளர்களும் தட்டிக்கேட்டும்போது இரு தரப்பினருக்கும் இடையே பிரச்சனை வந்துள்ளது.
இதன் தொடர்ச்சியாக நேற்று முன்தினம் அண்ணலின் கொடிக்கம்பம், கல்வெட்டு மற்றும் கொடிகளை சேதப்படுத்தி கலவரம் செய்துள்ளனர் வன்னியர் சாதி கட்சி பாமக சார்ந்த பயங்கரவாதிகள் அதை அடுத்து விடுதலைச் சிறுத்தைகள் மற்றும் தோழமை இயக்கத்தினர் இனைந்து காவல்துறையிடம் அளித்துள்ளனர்.

வசந்த பாலனுக்கு நடிகர் நடிகைகள் தேவையாம் ... வட்டார மொழி பேச்சுக்கு முன்னுரிமையாம்

தமிழ் சினிமாவுலகில் யதார்த்தமான கதைக் களங்களைக் கொண்டு திரைப்படம் உருவாக்குபவர்களில் ஒருவர் இயக்குநர் வசந்தபாலன். `ஆல்பம் ', `வெயில்', `அங்காடித் தெரு', `அரவான்', `காவியத் தலைவன்' என எண்ணிச் சொல்லும்படியான திரைப்படங்களைத் தந்தாலும் கவனிக்கக்கூடிய இயக்குநராய் வலம் வருகிறார். காவியத் தலைவன் படத்தின் தோல்விக்குப் பிறகு தனது அடுத்த படம் குறித்து எந்த விதமான அறிவிப்பும் வெளியிடாமல் இருந்தவர், அடுத்த படத்துக்கான அறிவிப்பைத் தற்போது வெளியிட்டுள்ளார்.

ஐந்தடி ஆறடி தூரத்தில் 2300வருடங்களைத் தாண்டி பயணித்துவிடலாம். கொடுமணல் கிராமத்தின் எந்த இடத்திலும் தோண்டினால் ...

thetimestamil: திருப்பூர் வழியாக ஒரத்துப்பாளையத்தில் வந்து நிறையும் நொய்யலில்லை இந்நொய்யல். இது புராதனமான காஞ்சிமாநதி. நொய்யலென்றாலென்ன காஞ்சிமாநதியென்றால் என்ன வெறும் மணல் தான் இருக்கிறது. ஊருக்குள் நுழைந்துமே முதலில் ஒரு பெரிய கூர்மையான முக்கோணக்கல்லும், அதனடியில் அதனடியில் பாறைகற்சுவர்களால் உருவாக்கப்பட்ட சிற்றறைகளும் இருக்கின்றன. என்னவென்றே தெரியாமல் பார்த்துக் கொண்டிருந்துவிட்டு ஊருக்குள் வந்தோம். வீடு வந்தபிறகு கொடுமணல் பற்றி இணையத்தில் வாசிக்கும் போது தான் இந்த “இடுதுளை” என்ற வார்த்தையை அறிந்தேன். இந்த கற்சுவற்றுக்குள் பிணங்களை போட்டு வைத்து வருடாவருடம் இடுதுளை வழியாக தர்ப்பணங்கள் மரியாதை செய்வார்களாம். அந்தக்காலத்து மனிதர்கள் மிகவும் குள்ளமாக அளவில் சிறியவர்களாக இருந்தார்களாம். எலும்புக்கூடுகள் சிறியனவாகத்தான் கிடைத்திருக்கின்றனவாம். துளை வெளியே அர்ப்பணங்கள் படையலிட வேண்டுமென்றால், நிச்சயம் அந்த பிணங்களை பதப்படுத்தி, துர்நாற்றம் வராமல் பக்குவம் செய்திருக்கவும் ஒரு வழமை இருந்திருக்கக் கூடும்.

மருத்துவர்கள் நினைத்திருந்தால் தமிழர் உயிரை காப்பாற்றி இருக்கலாம் ... கேரளாவில் தமிழர்கள் புறக்கணிப்பு

Essaki Oneindia Tamil திருவனந்தபுரம்: கேரள மருத்துவர்கள் நினைத்திருந்தால் விபத்தில் படுகாயம் அடைந்த தமிழர் முருகனின் உயிரைக் காப்பாற்றி இருக்கலாம் என்று அவரை ஏற்றிச் சென்ற ஆம்புலன்ஸ் டிரைவர் இப்போதும் ஆதங்கப்படுகிறார்.
 இந்தச் சம்பவம் கேரளத்தில் தமிழர்கள் புறக்கணிக்கப்படும் நிலையை வெளிச்சத்துக்குக் கொண்டு வந்துள்ளதாகச் செய்திகள் வெளியாகி, தமிழகத்தில் அதிர்வலைகளை ஏற்படுத்தியுள்ளன. நெல்லை மாவட்டம் சமூகரெங்கபுரம் பகுதியைச் சேர்ந்தவர் முருகன். கொல்லத்தில் பால் வியாபாரம் செய்து வந்தார். கடந்த 6ம் தேதி விபத்தில் சிக்கி படுகாயம் அடைந்த அவர் தனியார் ஆம்புலன்சில் கொல்லம், திருவனந்தபுரம் மாவட்டத்தில் உள்ள அரசு மருத்துவக் கல்லூரி உள்பட 6 மருத்துவமனைக்கு கொண்டு செல்லப்பட்டார்.  உயிருக்கு போராடி.. அனைத்து இடங்களிலும் வெண்டிலேட்டர் இல்லை, டாக்டர் இல்லை என்று கூறி அலைக்கழித்துள்ளனர். 7 மணி நேரத்திற்கும் மேலாக ஆம்புலன்சில் அலைய வைக்கப்பட்ட முருகன், உயிருக்குப் போராடி அதிலேயே இறந்தார்.

எதிர்கட்சிகள் புறக்கணித்த சுதந்திர தினவிழா - எடப்பாடி அணி அதிர்ச்சி

சென்னை தமிழகத்தில் முதல்வர் எடப்பாடி பழனிச்சாமி கலந்து கொண்ட சுதந்திர தினவிழா கொண்டாட்டத்தை தமிழக எதிர்கட்சிகள் புறக்கணித்தன.71வது சுதந்திர தினத்தை முன்னிட்டு சென்னை தலைமை செயலகத்தில் தமிழக முதல்வர் எடப்பாடி பழனிச்சாமி தேசிய கொடியை ஏற்றி மரியாதை செலுத்தினார். >சுதந்திர தினவிழாவை முன்னிட்டு தலைமை செயலகத்தில் சிறப்பு ஏற்பாடுகள் செய்யப்பட்டிருந்தன. அங்கு ஏராளமான மக்கள் கூடியிருந்தனர். முதல்வர் எடப்பாடி பழனிச்சாமி இன்று காலை 8.15 மணியளவில் அங்கு வந்தார். அப்போது அவருக்கு காவல் துறையினர் மற்றும் தீயணைப்பு துறையினர் சிறப்பு மரியாதை செலுத்தினர்.அதன்பின் சரியாக 8.30 மணிக்கு எடப்பாடி பழனிச்சாமி தேசிய கொடியை ஏற்றி வைத்தார். அதன் பின் அவர் தனது சுதந்திர தின விழா உரையை நிகழ்த்தினார்.

குணசித்திர நடிகர் சண்முகசுந்தரம் காலமானார்

குணசித்திர நடிகர் சண்முகசுந்தரம் இன்று (ஆகஸ்ட் 15) காலை உடல்நலக்குறைவால் காலமானார். அவருக்கு வயது 77. கரகாட்டக்காரன், மவுனகீதம், தாவணி கனவுகள், நானே ராஜா நானே மந்திரி உட்பட பல படங்களில் குணசித்திர வேடங்களில் நடித்துள்ளார். 100-க்கும் மேற்பட்ட படங்களிலும் நடித்திருந்தாலும் கரகாட்டக்காரன் படத்தில் நடிகை கனகாவுக்கு தந்தையாக நடித்ததில் அவருக்கு நல்ல பெயரும் புகழும் கிடைத்தது. சிவாஜி கணேசன் தொடங்கி இளம் தலைமுறை நடிகர்கள் வரை பலருடன் அவர் நடித்திருக்கிறார். இசையமைப்பாளர்கள் எம்.எஸ்.விஸ்நாதன், இளையராஜா ஆகியோரின் இசைக்குழுக்களில் பாடகராக இருந்துள்ளார். கடந்த சில காலமாகவே அவருக்கு உடல் நலம் பாதிக்கப்பட்டிருந்தது. இந்நிலையில், இன்று காலை மாரடைப்பால் காலமானார். இவர் பழம்பெரும் நடிகை சந்திரகாந்தாவின் சகோதரர் ஆவார் .இவருக்கு  2 மகன்களும் ஒரு மகளும் உள்ளனர். மகன்கள் இருவரும், டப்பிங் கலைஞர்களாக உள்ளனர். tamilthehindu.com

கமலஹாசன் : தமிழக முதலைமைச்சரின் பதவிநீக்கத்தை ஏன் ஒருவரும் கோரவில்லை?

தமிழகத்தில் முதலமைச்சரின் ராஜினாமாவை யாரும் கோராதது ஏன்? கமல் கேள்வி தமிழகத்தில் ஏராளமான குற்றங்கள் நடந்தும் முதலமைச்சரின் ராஜினாமாவை யாரும் கோராதது ஏன்? என நடிகர் கமல் கேள்வி எழுப்பியுள்ளார். இது குறித்து அவர் ட்விட்டர் பதிவில் கூறியுள்ளதாவது, தமிழகத்தில் முதலமைச்சர் ராஜினாமா செய்ய வேண்டிய அளவிற்கு குற்றங்கள் நடந்துள்ளன. தமிழகத்தில் ஏராளமான குற்றங்கள் நடந்தும் முதலமைச்சரின் ராஜினாமாவை யாரும் கோராதது ஏன் என அவர் கேள்வி எழுப்பியுள்ளார். ஊழலுக்கு பொறுப்பேற்று ராஜினாமா செய்ய வேண்டுமென்றால் தமிழக முதல்வர் ராஜினாமா செய்ய வேண்டாமா? திமுக, அதிமுக உள்ளிட்ட கட்சிகள் எனக்கு கருவியாக உதவ வேண்டும். எனது குரலுக்கு வலு சேர்க்க யாருக்கு துணிச்சல் உள்ளது. தற்போதுள்ள கட்சிகள் சிரியில்லை எனில் வேறு ஒன்றைத் தேட வேண்டும். எனது இலக்கு சிறப்பான தமிழகம் தான். இவ்வாறு அவர் கூறியுள்ளார்.நக்கீரன்

71ஆம் ஆண்டு சுதந்திர நாளை மகிழ்ச்சிக்குரிய நாளாகக் கொண்டாட முடிகிறதா? திராவிடர் கழகம்!

பசுமாடுகளுக்கு உள்ள பாதுகாப்பும், கவுரவமும் இந்தநாட்டு உழைக்கும் வர்க்கமான தாழ்த்தப்பட்ட தலித் சமுதாய மக்களுக்குண்டா?
சிறுபான்மைச் சமூகமான இஸ்லாமிய, கிறித்துவர்களுக்கு உண்டா?
பதவி முடிந்து செல்லும் குடியரசுத் துணைத்தலைவர் மேதகு அமீத்அன்சாரி அவர்கள் யதார்த்தத்தை சுட்டுவது போல - சிறுபான்மையோர் அச்சத்துடன் தான் நம் நாட்டில் வாழும் நிலை உள்ளது என்று கூறியுள்ளார்.
பிரதமரோ, மற்ற ஆளுங்கட்சிப் பொறுப்பாளர்களோ என்ன பதில் கூறியிருக்க வேண்டும்?
எல்லோரையும் பாதுகாக்கும் எங்கள் ஆட்சி. அச்சமோ, கவலையோ வேண்டாம் என்றல்லவா கூறியிருக்க வேண்டும் - பொறுப்பானவர்களாக இருந்திருந்தால்!

420 களின் ஆட்சியில் மேலும் மேலும் சீரழிவுகள் .. உபியில் மட்டுமல்ல ..

muruganantham.ramasamy.: கோரக்பூர் குழந்தைகள் மரணம் எனக்கு ஆழ்ந்த துயரைத்தந்ததே தவிர வியப்பைத்தரவில்லை.. ஆதித்யநாத் காவி உடைக்குள் ஔிந்துள்ள பச்சையான அரைபிளேடு.. கோரக்பூர் மடம் அப்பகுதியை இந்தியாவிடமிருந்து சுமார் 50 ஆண்டுகள் பினனால் அழுத்தி வைத்திருக்கிறது.. மடம் மாமூல் வசூலிப்பது முதல் ஒரு மாபியா செய்யும் அத்தனை அண்டர்கிரவுணட் வேலையும் செய்கிறது.. ஆனால் சங்கிப்பயல்களும், ஷோகால்டு நடுநிலைகளும், ஆதித்யநாத்தை வாயில் நுரைதள்ள தாங்கிப்பிடிப்பது சேதாரம் பலமாக உள்ளதை காட்டுகிறது...
உ.பி இன்னும் பல சீரழிவுகளுக்குள்ளாகும் என்பதில் எனக்கு சந்தேகமேயில்லை.. ஆனால் பரிவாரங்கள் நிலைதடுமாறுகின்றன .. அவர்கள் பிரச்சனைகளை எதிர்கொள்வதில் அடையும் பதட்டம் அதை உறுதிப்படுத்துகிறது.. பக்தாள் காங்கிரஸை குறைகூறி பாடும் வசைகள் பசையற்ற போஸ்டர்களைப்போல காற்றில் பறக்கின்றன.. இவை சாதாரணர்களை கடுமையாக கோபப்படுத்துகிறது.. மோடியின் ஆளுகையில் தேசம் ஒரு மனநோய் விடுதி என்றால் ஆதித்யநாத்தின் ஆளுகையில் உ.பி ஒரு பிணவறையைப்போல இருக்கிறது..

வானதி சீனிவாசன் ... தமிழக பா.ஜ.க-வின் ஊழல்கள் : பகுதி 1 – பெரிய வாய் அக்காவின் பெரிய ஊழல் கோப்பு!

வானதி சீனிவாசன், யாரும் சற்றும் எதிர்பாராத வண்ணம் இன்று தாங்கள் பல கோடிகளுக்கு அதிபதியாக இருக்கின்றீர்கள் என்ற உண்மை எத்தனை பேருக்கு தெரியும். – ஒரு பா.ஜ.க தொண்டர்.
தொலைக்காட்சி விவாதங்களில் அந்தக் கனிவான முகத்தை பார்க்காதவர் யாருமில்லை. எண்ணெய் தேய்த்து வாரிய சிகை, மைக்ரோ திருநீறு – நானோ பொட்டு, காட்டன் புடவை என்று பாரதிய கலாச்சாரத்தின் சர்வ லட்சணத்துடன், கொங்கு வழக்கில் ‘இனிய’ குரலில் வாதத்தை எடுத்துவைக்கும் பாங்கு….. அவர்தான் வானதி சீனிவாசன். தமிழக பாரதிய ஜனதாவின் பெண் முகம். தொண்டர்களுக்கு அவர் வானதி அக்கா. ஊடகங்களுக்கு கொள்கைகளை எடுத்தியம்பும் வானதி ‘மேடம்’.
இலக்கிய உலகில் நேர்மை, அறிவு, இலட்சியங்களின் இலக்கணங்களையும், அவ்விலக்கணங்களைப் பின்பற்றும் மேன் மக்கள் குறித்து எடுத்துச் சொல்லும் உரிமையைப் பெற்றிருப்பவர், எழுத்தாளர் திரு ஜெயமோகன்.  அவரது “அறம்” வரிசை சிறுகதைகள் – மனிதகுலத்தின் இலட்சிய மாந்தர்களைப் பற்றி படிப்போருக்கு நாமெல்லாம் என்றுமே ‘சாதா’தான் என்ற குற்ற உணர்ச்சியை ஏற்படுத்தும் ‘பேரிலக்கியம்’.
வானதி அக்காவிற்கும் ஜெயமோகனின் அறத்திற்கும் என்ன தொடர்பு என்று கேட்பவர்கள் நுண் ரசனையற்ற முட்டாள்கள்! சென்ற 2014 பாராளுமன்றத் தேர்தலின் போது எழுத்தாளர் ஜெயமோகனும், ஜோ டி குரூஸும் பாஜகவின் பிரதமர் வேட்பாளர் மோடியை ஆதரிக்கிறார்கள் என்று வானதி சீனிவாசன் தினமலரிடம் கூறியிருந்தார். அதே போன்று அறம் புகழ் ஜெயமோகனின் வெண்முரசு புத்தக வெளியீட்டு விழா சென்னை எழும்பூரில் நடந்த போது வானதியும் கலந்து கொண்டார்.

பிஜேபி அரசின் நிர்வாக சீர்கேடு 68 குழந்தைகள் பரிதாப பலி

பிஜேபி அரசு உத்தரபிரதேசத்தின் கோரக்பூரில் பாபா ராகவ்தாஸ் அரசு மருத்துவ கல்லூரி மருத்துவமனை உள்ளது. இங்கு குழந்தைகள் நலப்பிரிவில் சிகிச்சை பெற்று வந்த, புதிதாக பிறந்த குழந்தைகள் உள்பட 68 குழந்தைகள் கடந்த 7 நாட்களில் உயிரிழந்தன.
கிடைத்த தகவல்படி கடந்த மார்ச் வரையில் அதாவது யோகி அரசு பதவி ஏற்கும் முன்பு வரை 15 ஆண்டுகளாக, மோதி கெமிகல் என்ற கம்பெனிதான் ஆக்சிஜன் சப்ளை செய்து வந்திருக்கிறது. அதன் டெண்டர் ஒப்பந்தக்காலம்கூட முடியாமல்தான் இருந்தது. ஆனால், எந்தக் காரணமும் சொல்லாமல், மோதி கெமிகல் அனுப்பிய சிலிண்டர்களை ஏற்காமல் திருப்பி அனுப்பிவிட்டது மருத்துவமனை. பதிலாக, எந்தவித டெண்டரும் இல்லாமல் வேறு கம்பெனியிடமிருந்து வாங்க ஆரம்பித்தது. மோதி கெமிகலுக்கும் 20 லட்சம் ரூபாய் நிலுவையைத் தராமல், புதிய கம்பெனிக்கு அனுமதி தரப்படுகிறது. அந்த கம்பெனிக்குத்தான் 63 லட்சம் ரூபாய் பாக்கி வைக்கப்பட்டது. இந்த நிலையில் ஸ்பா சேல்ஸ் பிரைவேட் லிமிடெட் திரவ ஆக்ஸிஜன் வினியோகித்து வழங்கப்பட வேண்டிய பொறுப்பை ஏற்று வினியோகித்தும் நிலுவைத் தொகையானது 5-வது மாதத்தை எட்டி நிலையில் “எங்களால் தொடர்ச்சியாக சப்ளை செய்ய முடியவில்லை... நிலுவைத்தொகை காரணமாக... இது எங்களுடைய பொறுப்பாக இருக்க முடியாது,” என மருத்துவமனை நிர்வாகத்திற்கு அனுப்பிய இரு கடிதங்களில் தெரிவிக்கப்பட்டு உள்ளது.

பறிபோகும் தமிழக வளம் ...அயல் மாநிலங்களுக்கும், வடமாநிலங்களுக்கும் மணல் கடத்தப்படுகிறது.

இந்த தொடர்வண்டி நின்றுகொண்டிருக்கும் இடம் சேலம். தமிழ்நாட்டின் வளம் தமிழகத்தை சுற்றியுள்ள மாநிலங்களுக்கும், வடமாநிலங்களுக்கும் கடத்தப்படுகிறது. பணம் ஒன்றே குறிக்கோளாக கொண்ட பேராசைக்காரர்களை தலைவர்களாகவும், ஆள்பவர்களாகவும் மக்கள் தேர்நதெடுத்ததின் விளைவு இது. ஒரு நாளைக்கு தமிழக ஆறுகளிலிருந்து எடுக்கப்படும் மணல் 90,000-யிரம் லாரி லோடுகள். ஒரு செ.மீ மணல் உருவாக 100 ஆண்டுகளும், ஒரு அடி மணல் உருவாவதற்கு பல நூற்றாண்டுகளும் ஆகின்றன என்கிறது அறிவியல் ஆய்வுகள். தமிழகத்தில் ஓடும் நதிகளில், பெரும்பாலானவற்றில் ஆற்றுமணல் வரைமுறையற்று இரக்கமில்லாமல் அள்ளப்படுகிறது. ஆறுகளில் மணல் என்பது ஏதோ வீணாகக் கிடப்பதல்ல. ஆற்றில் மணல் இருந்தால்தான் ஓடும் நதிநீரை பஞ்சுபோல பிடித்து ஈர்த்து வைத்திருக்கும். ஆற்று மணல்தான் தண்ணீரை தேக்கி வைத்து நிலத்தடி நீர்மட்டம் குறையாமல் பாதுகாக்கிறது. ஆறுகளில் தண்ணீர் ஓடாதபோதுகூட மணலுக்குக் கீழே தனியாக ஒரு நீரோட்டம் ஓடிக் கொண்டிருக்கும். இதனால்தான் ஆற்றில் எங்கே கைகளால் தோண்டினாலும் தண்ணீர் கிடைக்கிறது. இந்த மணலை முழுமையாக அகற்றினால் பழைய நிலைமைக்கு வருவதற்கு பல நூறு ஆண்டுகள் ஆகும் என்று விஞ்ஞானிகள் எச்சரிக்கின்றனர். ஆனால், மணல் கொள்ளையர்களோ அரசு அனுமதித்த 1 மீட்டர் ஆழம் (3½ அடி) வரை என்பதை மீறி 100 அடி ஆழம் கட்டாந்தரை வரை ஆற்று மணலை கணக்கில்லாமல் அள்ளிக்குவித்து பணமாக்கி விடுகிறார்கள் ரளத்தில் ஓடும் 45 ஆறுகளில் எந்த ஓர் ஆற்றிலும் கேரள அரசு மணல் அள்ள அனுமதிக்கவில்லை. ஆந்திரத்தில் கிருஷ்ணா, கோதாவரி போன்ற மிகப் பெரிய ஆறுகளில்கூட இயந்திரங்களைப் பயன்படுத்தி மணல் அள்ளக்கூடாது என்ற அரசின் விதி கடுமையாக உள்ளது

நாடாளுமன்ற தேர்தலை முன்கூட்டியே நடத்த மத்திய அரசு தீவிர ஆலோசனை?

Mathi Oneindia Tamil டெல்லி: லோக்சபா தேர்தலை முன்கூட்டியே நடத்துவது தொடர்பாக மத்திய அரசு தீவிரமாக ஆலோசித்து வருவதாக தகவல்கள் வெளியாகி உள்ளன. 2019-ம் ஆண்டு லோக்சபா தேர்தல் நடைபெற இருக்கிறது. ஆனால் அதற்கு முன்னதாக 2018-ம் ஆண்டு இறுதியிலேயே தேர்தலை நடத்துவது குறித்து மத்திய அரசு ஆலோசித்து வருவதாக கூறப்படுகிறது. சட்டசபைகளுக்கு தேர்தல்கள் அடுத்த ஆண்டு இறுதியில் மத்திய பிரதேசம், சத்தீஸ்கர், ராஜஸ்தான் மற்றும் மிசோரம் மாநில சட்டசபைகளுக்கு தேர்தல் நடைபெற உள்ளது. 2019-ல் லோக்சபா தேர்தலுடன் ஆந்திரா, தெலுங்கானா, ஒடிஷா மாநில சட்டசபைகளுக்கும் தேர்தல் நடத்தப்பட வேண்டும். சில மாதங்கள் இடைவெளியில் அடுத்தடுத்து தேர்தல் நடத்தப்பட வேண்டிய நிலை இருக்கிறது. ஆகையால் 2018-ம் ஆண்டு இறுதியிலேயே சட்டசபை தேர்தல்களுடன் லோக்சபா தேர்தலையும் நடத்தலாமா என்பது குறித்து மத்திய அரசும் தேர்தல் ஆணையமும் பரிசீலித்து வருகிறதாம்.

புதிய சுதந்திர தின காவி உறுதி மொழியை புறக்கணித்த மேற்கு வங்கம் ...

பள்ளிகளில் சுதந்திர தின விழா கொண்டாட்டம் குறித்து மத்திய அரசு அனுப்பிய சுற்றறிக்கை உத்தரவை பின்பற்ற முடியாது என்று மேற்குவங்க மாநில அரசு மறுத்துள்ளது. இதற்கு மத்திய மனித வள மேம்பாட்டுத்துறை அமைச்சர் பிரகாஷ் ஜவடேகர் கண்டனம் தெரிவித்துள்ளார்.
இந்தியாவில் நாளை ஆகஸ்ட் 15ல் சுதந்திர தின விழா கொண்டாடப்படுகிறது. இதையொட்டி, மத்திய அரசின் மனிதவள மேம்பாட்டுத்துறை அமைச்சக இணை செயலாளர் மனீஷ் கார்க், அனைத்து மாநில அரசுகளுக்கும் நேற்று ஆகஸ்ட் 13ல் ஒரு சுற்றறிக்கை அனுப்பியுள்ளார். அந்த சுற்றறிக்கையில், இந்தியா சுதந்திர தின பவளவிழா ஆண்டுக்குள் அதாவது வருகிற 2022ம் ஆண்டுக்குள் புதிய இந்தியாவை படைக்க வேண்டும் என்று பிரதமர் நரேந்திர மோடி தெரிவித்துள்ளார். பிரதமர் மோடியின் கனவை நனவாக்கும் வகையில், ஆகஸ்டு 9 முதல் 30ம் தேதி வரை அனைத்து பள்ளிகள் மற்றும் கல்வி நிறுவனங்களில் ‘சங்கல்ப்’ என்ற உறுதிமொழிய் ஏற்கும் நிகழ்ச்சி நடத்தப்பட வேண்டும். அதில், நாட்டை தூய்மை ஆக்கவும், புதிய இந்தியாவை படைக்கவும், வறுமை, ஊழல், பயங்கரவாதம், வகுப்புவாதம், சாதிக்கொடுமை ஆகிய 5 பிரச்னைகளில் இருந்து நாட்டை விடுவிக்கவும் பாடுபடுவோம் என்று அனைத்து மாணவர்களும் உறுதிமொழி எடுக்க வேண்டும். என்று
கூறப்பட்டுள்ளது.

மேலூரில் தினகரன் :ஜெ. மரணத்தில் நீதி விசாரணை வேண்டும்; அப்போதுதான் உண்மை வெளிப்படும்

மதுரை மேலூரில் இன்று மாலை அதிமுக அம்மா அணி சார்பில் எம்.ஜி.ஆர். நூற்றாண்டு விழா பொதுக்கூட்டம் நடைபெற்றது. பல்லாயிரக்கணக்கானோர் பங்கேற்ற இக்கூட்டத்தில் கட்சியின் துணைப்பொதுச்செயலாலர் டிடிவி தினகரன் பங்கேற்று பேசினார். அவர் தனது பேச்சில், ’’ஜெயலலிதாவின் மரணத்திலே சிலர் நீதி விசாரணை வேண்டும் என்கிறார்கள். தர்மயுத்தம் நடத்துகிறேன் என்கிறார்கள். தர்மத்தோடு யுத்தம் நடத்துகிறவர்கள் தர்மயுத்தம் என்கிறார்கள். மக்கள் இதை புரிந்துகொள்ள வேண்டும். இன்றைக்கு நீதி விசாரணை கேட்பவர்கள்தான் ஜெயலலிதா அப்பல்லோவில் இருந்தபோதும் மரணம் அடைந்த போதும் அவர்கள்தான் முக்கிய பொறுப்புகளில் இருந்தார்கள். அவர்கள்தான் நீதி விசாரணையில் முதன் முதலாக விசாரிக்கப்படுவார்கள். நான், பிப்ரவரி 21ம் தேதி துணைப்பொதுச்செயலாளராக பதவி ஏற்ற அன்றே பத்திரிகையாளர் சந்திப்பிலே, எங்களூக்கு மடியிலே கனமில்லை; எந்த விசாரணைக்கும் தயார் என்று சொன்னேன்.

தினகரன் நடத்திய எம்.எல்.ஏ-க்கள் ஆலோசனைக் கூட்டம்

மேலூர் கூட்டத்தில் கலந்துகொள்ள இன்று காலையில் மதுரை வந்த டி.டி.வி.தினகரன், மாட்டுத்தாவணி அருகே பப்பீஸ் ஹோட்டலில் நிர்வாகிகளையும் தொண்டர்களையும் சந்தித்தார். பின்பு செய்தியாளர்களைச் சந்தித்து, பெரும் மாநாடு போல மேலூர் பொதுக்கூட்டம் நடைபெறப்போவதாகச் சொன்னவர், 'அர்ப்பனுக்கு வாழ்வு வந்தால் அர்த்த ராத்திரியில் குடை பிடிப்பான், 420 என்று சொன்னதில் நான் வருத்தப்படவில்லை' என்று எடப்பாடியையும் அவருடைய ஆதரவு அமைச்சர்களையும் கடுமையாகச் சாடினார்.

அதன்பின்பு, கட்சி நிர்வாகிகள் எம்.எல்.ஏ-க்களை வைத்து ஆலோசனைக் கூட்டம் நடத்தினார். இந்தக் கூட்டத்தில் ஜக்கையன், கதிர்காமு, செந்தில்பாலாஜி, வெற்றிவேல், டாக்டர் முத்தையா, சுப்ரமணியன், உமாமகேசுவரி, பழனியப்பன், தோப்பு வெங்கடாச்சலம், மாரியப்ப கென்னடி, ரங்கசாமி, தங்க தமிழ்செல்வன் ஆகிய எம்.எல்.ஏ-க்களும், எம்.பி. நாகராஜும் கலந்துகொண்டனர். அதுமட்டுமல்லாது, மதுரை மாநகர, புறநகர் அ.தி.மு.க நிர்வாகிகள் பலரும் வந்திருந்தனர். நாளிதழ்களில் பக்கம் பக்கமாக விளம்பரங்கள் கொடுத்துள்ளனர்.

காங்கிரஸ் செயல் தலைவர் பிரியங்கா காந்தி... உதவியாளர் பேட்டி

பிரியங்கா காந்தி காங்கிரஸ் கட்சியின் செயல் தலைவரானார் என்ற தகவல்கள் தொடர்பாக அவருடைய உதவியாளர் விளக்கம் தெரிவித்து உள்ளார்.
புதுடெல்லி, நாட்டில் நடைபெற்ற சட்டசபைத் தேர்தல்களில் பஞ்சாப் மாநிலம் தவிர்த்து பிற மாநிலங்களில் காங்கிரஸ் சொல்லிக் கொள்ளுமாறு வெற்றி எதையும் பதிவு செய்யவில்லை. சமீபத்திய குஜராத் மாநிலங்களவை தேர்தலில் காங்கிரஸ் எம்.எல்.ஏ.க்கள் பா.ஜனதாவிற்கு ஓட்டம் பிடித்தது, போதிய எண்ணிக்கையில் உறுப்பினர்கள் இருந்தும் மிகவும் இக்கட்டான வெற்றி என்பது அக்கட்சிக்கு பெரும் தர்மசங்கடத்தை ஏற்படுத்தியது. காங்கிரஸ் கட்சியிக்கு பிரியங்கா தலைமை ஏற்கவேண்டும் என்ற கோரிக்கையானது 2014 பாராளுமன்றத் தேர்தலுக்கு பின்னர் வெகுவாக எழுந்து வருகிறது. கட்சியின் மூத்த தலைவர்களும் பிரியங்கா தலைமை ஏற்பதை விரும்புவதை காணமுடிகிறது. இந்நிலையில் காங்கிரஸ் கட்சியின் செயல் தலைவராக பிரியங்கா காந்தி செயல்பட தொடங்கிவிட்டார் என செய்திகள் வெளியாகியது.

நீட் தேர்வுக்கு ஓராண்டு விலக்கு: நிர்மலா சீதாராமன்

நீட் தேர்விலிருந்து விலக்கு அளிக்கக் கோரி தமிழக அரசு அவசர சட்டம் இயற்றினால் அதற்கு மத்திய அரசு முழு ஒத்துழைப்பு அளிக்கும் என்று மத்திய அமைச்சர் நிர்மலா சீதாராமன் தெரிவித்தார்.
இந்த விலக்கு மூலம் அரசு மருத்துவக் கல்லூரிகளிலும் தனியார் மருத்துவக் கல்லூரிகளில் உள்ள அரசு ஒதுக்கீடு இடங்கள் மூலம் மாணவர் சேர்க்கைக்கு வழிவகுக்கும் என்றும் அவர் குறிப்பிட்டார். இதன் மூலம் கிராமப்புற மாணவர்கள் பயனடைய முடியும் என்றும் அவர் தெரிவித்தார்.
மத்திய அமைச்சரின் இந்த கருத்தை வரவேற்ற மாநில சுகாதாரத்துறை அமைச்சர் விஜயபாஸ்கர், நீட் தேர்வுக்கு ஓராண்டு விலக்குக் கோர வகை செய்வதற்கான அவசரச் சட்ட முன்வரைவு மத்திய அரசிடம் திங்கள்கிழமை சமர்ப்பிக்கப்படும் என்று தெரிவித்தார்.

மேலூர்: விஸ்வரூபம் எடுப்பாரா தினகரன்?

minnambalam : அதிமுக-வுக்கு இந்த ஆகஸ்ட் மாதம் அதிரடியான மாதமாகவே அமைந்திருக்கிறது. ஜெயலலிதா மறைந்து முழுதாக எட்டு மாதங்கள் கடந்துவிட்ட நிலையிலும் அதிமுக-வில் ஏற்பட்டுள்ள அதிகார மோதல் இன்னும் ஓயவில்லை.
கடந்த சில நாள்களாக முதல்வர் எடப்பாடி பழனிசாமியும் முன்னாள் முதல்வர் ஓ.பன்னீர்செல்வமும் டெல்லி விசிட் அடித்த நிலையில் ஏற்கெனவே அறிவிக்கப்பட்டபடி இன்று ஆகஸ்ட் 14ஆம் தேதி மதுரை மாவட்டம் மேலூரில் எம்.ஜி.ஆர். நூற்றாண்டு விழா பொதுக் கூட்டத்தை நடத்துகிறார் அதிமுக அம்மா அணியின் துணைப் பொதுச்செயலாளர் டி.டி.வி.தினகரன். இந்தப் பொதுக்கூட்டத்தில் யார் யார் கலந்துகொள்வார்கள் என்ற எதிர்பார்ப்பும் பரபரப்பும் அதிமுக-வில் அதிகரித்துள்ளது.
தனது சின்ன மாமியார் சந்தானலட்சுமி மறைவை ஒட்டி நடந்த சடங்குகளுக்காக கடந்த சில தினங்களாக தஞ்சையில் தங்கியிருந்தார் தினகரன். அப்போது திவாகரனும் உடன் இருந்தார். மதுரை மேலூர் பொதுக்கூட்டத்தை வெற்றிகரமாக நடத்துவது பற்றி இருவரும் தீவிரமாக ஆலோசனை நடத்தியுள்ளனர். ‘கூட்டத்தை நான் பார்த்துக் கொள்கிறேன்’ என்று தினகரனுக்கு வாக்குறுதி அளித்திருக்கும் திவாகரன், அனைத்து அதிமுக நிர்வாகிகளையும் தொடர்புகொண்டு கடந்த மூன்று நாள்களாகப் பேசிக் கொண்டிருக்கிறார். முன்பெல்லாம் திவாகரனைப் பார்க்க வேண்டுமென்றால் நாலைந்து நாள் முயன்றால்தான் முடியும். ஆனால், இப்போது தன்னைப் பார்க்க வரும் அதிமுக நிர்வாகிகளுக்கு தானே நாற்காலியை எடுத்துப் போட்டு அமரச் சொல்லும் அளவுக்கு இறங்கி வேலை செய்ய ஆரம்பித்திருக்கிறார் திவாகரன்.

பாஜகாவை கடுமையாக சாடும் நமது எம்ஜியார்

காவி அடி.. கழகத்தை அழி.. அதிமுகவை பிளவு படுத்திய பாஜக.. நமது எம்ஜிஆர் பரபரப்பு கவிதை!
Mayura Akilan சென்னை: அதிமுகவின் அதிகாரப்பூர்வ நாளேடான நமது எம்.ஜி.ஆர் இதழிலில் பாஜகவை கடுமையாக விமர்சித்து வெளியாகியுள்ள கவிதை பரபரப்பை ஏற்படுத்தியுள்ளது.< நமது எம்ஜிஆர் நாளிதழில் கடந்த சில வாரங்களாகவே பாஜகவே திட்டி கவிதை எழுதி வருகின்றனர். முதல்வர், அமைச்சர்கள் பாஜகவின் ஆதரவு நிலைப்பாட்டில் உள்ள நிலையில் நமது எம்ஜிஆரில் இன்று எழுதப்பட்டுள்ள கவிதை பாஜகவை கடுமையாக சாடியுள்ளது. காவி அடி, கழகத்தை அழி என்கிற தலைப்பில் வெளியாகியுள்ள அந்த கவிதையில் உத்தர்காண்ட், அருணாச்சல் பிரதேசம், மணிப்பூர், பீகார், கோவா என பல்வேறு மாநிலங்களில் பாஜக பின் வாசல் வழியாக நுழைந்தது அதிகாரத்தை பிடித்ததாக எழுதப்பட்டுள்ளது… ஆளுநர்கள் புதுச்சேரி, மணிப்பூரில் ஆளுநர்களை அரசியல் ஏஜெண்டுகளாக்கியுள்ளதாகவும், நீதித்துறை, வருமானவரி, அமலாக்கப் பிரிவு, தேர்தல், ஆணையம், ஆகிய தன்னாட்சி அமைப்புகளை தலைகுனிய வைத்துள்ளது பாஜக என்று அந்த கவிதையில் குறிப்பிட்டுள்ளது.