விஷ்ணுபிரியா வழக்கு: சிபிஐ விசாரிக்க தடை இல்லை - உச்சநீதிமன்றம்!

minnambalam.com தலித் இளைஞர் கோகுல்ராஜின் மர்ம மரண வழக்கை விசாரித்து வந்த டி.எஸ்.பி. விஷ்ணுபிரியா கடந்த 2015ஆம் ஆண்டு செப்டம்பர் மாதம் 18ஆம் தேதி தற்கொலை செய்து கொண்டார். திருச்செங்கோடு டி.எஸ்.பி. விஷ்ணுபிரியாவின் மரண வழக்கை சிபிஐ விசாரிக்க தடை விதிக்க முடியாது என்று தமிழக அரசு தாக்கல் செய்த மனுவை உச்சநீதிமன்றம் இன்று (24.10.2016) தள்ளுபடி செய்து உத்தரவிட்டுள்ளது. இதனையடுத்து விஷ்ணுபிரியாவின் மரண வழக்கை சிபிஐ விசாரிப்பதில் இருந்த தடை நீங்கியுள்ளது.
நாமக்கல் மாவட்டம் திருச்செங்கோட்டில் டி.எஸ்.பி-யாக பணியாற்றியவர் விஷ்ணுபிரியா. இவர் மர்மான முறையில் இறந்த தலித் இளைஞர் கோகுல்ராஜின் கொலை வழக்கை விசாரித்து வந்தார். சேலம், மாவட்டம் ஓமலூரைச் சேர்ந்தவர் என்ஜினீயர் கோகுல்ராஜ். இவர் கடந்த ஆண்டு ஜுன் மாதம் பள்ளிப்பாளையம் அருகே உள்ள ரயில் தண்டவாளத்தில் தலைதுண்டிக்கப்பட்ட நிலையில் கிடந்தார்.

வைகோ தன்னிச்சையாக அறிவித்ததால் ம.ந.கூட்டணி டமால் !

சென்னை: மக்கள் நலக் கூட்டணியில் 3 தொகுதி தேர்தல், திமுக அனைத்துக்
கட்சிக் கூட்டம் ஆகியவை தொடர்பாக கருத்து வேறுபாடுகள் உண்டு என்பதை விடுதலைச் சிறுத்தைகள் கட்சியின் நிர்வாகக் குழு தீர்மானம் இன்று அம்பலப்படுத்தியுள்ளது.
அரவக்குறிச்சி, தஞ்சாவூர், திருப்பரங்குன்றம் தொகுதிகளின் தேர்தலை மக்கள் நலக் கூட்டணி புறக்கணிப்பதாக அதன் ஒருங்கிணைப்பாளர் வைகோ அறிவித்தார். அதேபோல் திமுகவின் நாளைய அனைத்து கட்சிக் கூட்டத்தையும் மக்கள் நலக் கூட்டணி புறக்கணிக்கும் என அறிவித்திருந்தார். ஆனால் உண்மையில் இந்த 2 விவகாரங்களிலும் ஒருமித்த முடிவெடுக்கப்படும் முன்னரே வைகோ தன்னிச்சையாகவே அறிவித்திருக்கிறார் என்பதை அம்பலப்படுத்தியுள்ளது விடுதலைச் சிறுத்தைகள் கட்சி. சென்னையில் இன்று நடைபெற்ற விடுதலைச் சிறுத்தைகள் கட்சியின் தலைமை நிர்வாகக் குழுவின் கூட்டத்தில் ஒற்றை தீர்மானம் நிறைவேற்றப்பட்டுள்ளது." 

மேதகு ஆளுநர் அல்ல மாண்புமிகு ஆளுநர் என்றே குறிப்பிடவேண்டும் .. ம்ம் மாண்புமிகு முதலமைச்சர் வித்தயாசாகர் என்றும் அழைக்ககூடாது

ஆளுநரை இனி "மாண்புமிகு ஆளுநர்' எனக் குறிப்பிட வேண்டும் என தமிழக
ஆளுநர் (பொறுப்பு) வித்யாசாகர் ராவ் அறிவுறுத்தியுள்ளார்.
இதுதொடர்பாக ஆளுநர் அலுவலகம் வெளியிட்ட செய்திக்குறிப்பில் கூறியிருப்பதாவது:- விழாக்கள், அரசு தொடர்பான பணிகள், பிற தகவல் தொடர்புகளில் குறிப்பிடும்போதும் தமிழக ஆளுநரை "மேதகு ஆளுநர்' எனக் குறிப்பிடுவதற்குப் பதிலாக இனி "மாண்புமிகு ஆளுநர்' என்றே குறிப்பிட வேண்டும். அதேநேரம் வெளிநாட்டு பிரமுகர்களுடனான நிகழ்வுகளில் மட்டும் "மேதகு ஆளுநர்' என்ற சொல்லை பயன்படுத்தலாம் என தமிழக ஆளுநர் (பொறுப்பு) வித்யாசாகர் ராவ் அறிவுறுத்தியுள்ளார் என்று தெரிவிக்கப்பட்டுள்ளது.தினமணி,காம்

மராத்தி நடன நடிகை அஸ்வினி எக்போத் மேடையிலேயே மரணம்

பிரபல மராத்தி நடிகையும் பரதநாட்டிய நடனக்கலைஞருமான அஸ்வினி ஏக்போத் நேற்று இரவு நடைபெற்ற பரத நாட்டிய நிகழ்ச்சி ஒன்று நடனமாடி கொண்டிருந்தபோது திடீரென ஏற்பட்ட மாரடைப்பு காரணமாக மேடையிலேயே கீழே விழுந்து மரணம் அடைந்தார்.
அவருக்கு வயது 44
நேற்றிரவு புனேவில் நடந்த பரத நாட்டிய நிகழ்ச்சியில் கலந்து கொண்ட அஸ்வினி அபாரமாக நடனம் ஆடிக்கொண்டிருந்த போது திடீரென மேடையில் சரிந்து விழுந்துள்ளார்.
உடனடியாக அவர் மருத்துவமனைக்கு கொண்டு செல்லப்பட்டதாகவும், ஆனால் ஏற்கனவே அவருடைய உயிர் மாரடைப்பு காரணமாக ஏற்கனவே பிரிந்துவிட்டதாக மருத்துவர்கள் கூறியதாகவும் செய்திகள் வெளிவந்துள்ளது.
பரத நாட்டியத்தை உயிருக்கு நிகராக மதித்து வாழ்ந்து வந்த அஸ்வினி பரத நாட்டிய நிகழ்ச்சியின்போதே உயிரை விட்ட சம்பவம் அனைவரையும் அதிர்ச்சியில் ஆழ்த்தியுள்ளது.

தலித் பெண்ணியம் ! கிருபா முனுசாமியின் ( உயர் நீதிமன்ற வழக்கறிஞர்) புதிய தமிழ் ஆய்வு உரை

புதிய தமிழ் ஆய்வுகள் - ஏழாம் அமர்வுக் கூட்டத்தில் "தலித் பெண்ணியம்" என்ற தலைப்பில் நான் நிகழ்த்தவிருக்கும் ஆய்வுரையை கீழே உள்ள இணைப்பில் நேரடியாக காணலாம்.

அதிமுகவை பாஜக கைப்பற்றுகிறதா? தினத்தந்தி.. தினமணி.. தந்தி டிவி.. வரிசையில் அடுத்த ஜாக்பாட் பன்னீரு?

இன்றைய சூழலோடு ஒப்பிட்டுப் பாருங்கள்! பிப்ரவரி 10 ல் எழுதியது...By Villavan Ramadoss முகநூல் பதிவு ://ஜெயாவின் அரசியல் செயல்பாடுகள் போயஸ்கார்டனுக்கு வெளியே ஒரு மணிநேரத்துக்கு மேல் நீடிக்க முடியாத சூழலில், சசிகலா கும்பலை வழிக்கு கொண்டுவந்து அதிமுகவை கைப்பற்ற பாஜகவுக்கு வெகுகாலம் ஆகாது. சாதிச்சங்கங்களை கைப்பற்றி தங்கள் அடிப்படைவாதத்தை கிராமங்களுக்கு கொண்டு செல்ல ஆரம்பித்திருக்கிறது அக்கட்சி. ஊடகங்கள் கிட்டத்தட்ட முற்றான பாஜக சார்பு நிலையில் இருக்கின்றன. புதிய தலைமுறை – பாஜக கூட்டணிக் கட்சியுடையது, தினமலர், தினமணி , தந்திடிவி ஆகியவை ஆர்.எஸ்.எஸ் பிரச்சாரக்குகளால் இயக்கப்படுகிறது. அதற்கு இன்னொரு ஜாக்பாட் ஆக இருக்கப்போவது அதிமுக கட்சிதான். //சின்ன ஸ்கூல் பசங்க படிக்கவில்லை என்றால் பெற்றோரை கூப்பிட்டு ஸ்கூல் நிர்வாகம் கண்டிக்கும் சமூகத்தில் மாநில அதிமுக அரசின்
ஜனநாயகம் தவிர்த்த முடிவுகள் பிஜேபி ஆசைப்படி மட்டுமே நடக்கிறன்றன என்று அரசியல் நோக்கர்கள் தெரிவித்தனர் ...

தங்கள் தலைவி ஜெயலலிதாவை பொறுப்பற்ற நிலையில் வைத்து கொண்டே #Honorable Governor மூலம் பன்னிர் செல்வம் வழியாக ஜனநாயக விரோத ஜனாதிபதி ஆட்சியை பிஜேபி நடத்துகிறதா #அதிமுக வினர் வேதனை ..

Nonstop கார்கோ மண்டல மேலாளர் கைது .. பலரிடம் பணம் பெற்று கொண்டு ஏமாற்றினார்

  சென்னை வடபழனியை தலைமையிடமாகக்கொண்ட பிரபல  ‘நான்
ஸ்டாப் கூரியர் அண்ட் கார்கோ’ நிறுவனத்தின் மண்டல மேலாளர் சையத் உமர் உசைன் 5 லட்ச ரூபாய் மோசடி செய்துவிட்டு கொலைமிரட்டல் விடுத்தாக காவல்துறையால் கைது செய்யப்பட்டுள்ளார்.   சென்னை ஏழுகிணறு பகுதியை சேர்ந்தவர் ஜக்கரியா(46). தனியார் தொலைக்காட்சியில் வந்த விளம்பரத்தைப்பார்த்து ஏஜென்சி எடுப்பதற்காக 5 லட்ச ரூபாய் பணத்தை மேலாளர் சையத் உமர் உசைனிடம் கொடுத்துள்ளார். ஆனால், சொன்னபடி ஏஜென்சி தராததால் பணத்தை கேட்டுள்ளார். ஆனால், பணத்தை திருப்பிக்கொடுக்காத நான்ஸ்டாப் கூரியர் அண்ட் கார்கோ நிறுவனத்தின் எம்.டி.சையத் அன்வரும் அவரது உதவியாளர் மகாலிங்கமும் கொலைமிரட்டல் விடுத்திருக்கி றார்கள். இதனால், நொந்துபோன ஜக்கரியா முத்தயால்பேட்டை காவல்நி லையத்தின் அக்டோபர்-17 ந்தேதி புகார் கொடுத்தார்.

அதிமுக சரஸ்வதிக்கும் வளர்மதிக்கும் அப்போலோவில் கைகலப்பு

அதிமுகவின் அதிகாரபூர்வ செய்தியாளர் சி.ஆர்.சரஸ்வதிக்கும், முன்னாள் /அமைச்சர் வளர்மதிக்கும் இடையே அப்பல்லோ மருத்துவமனை வளாகத்தில் கைகலப்பு .. #verified அப்பல்லோ உள்ளேயே அடிச்சுக்க ஆரம்பித்து விட்டார்கள் என்றால் என்னவாக இருக்கும்   முகநூல் பதிவு  ..இதையும் வெறும் வந்தந்தி என்று சொல்லிடுவாங்களோ ?

ஹார்வேர்ட் தமிழ் பாடம் ஆங்கிலேயர் ஜோனாதன் ரிப்பிலே Learn Tamil | ft. Jonathan Ripley, Tamil Preceptor at Harvard University

ஸ்டாலின் மருமகன் சபரீசன் மூலமாகதான் டாக்டர் சரவணன் வேட்பாளர் ஆனார் .. திருப்பரங்குன்றத்தில் வெளங்கிடும்.

தென்மண்டலப் பொறுப்பாளராக இருந்த மு.க.அழகிரி இப்போது திமுக-வில் இல்லை. தொடக்கத்தில் அனைவருமே ஐ.பெரியசாமியை அழகிரி ஆதரவாளர் என்றுதான் கூறி வந்தார்கள். ஆனால், ஒரு கட்டத்தில் அழகிரியா, ஸ்டாலினா என்று வந்தபோது உறுதியாக ஸ்டாலின் பக்கம் நின்றதோடு தென் மாவட்ட திமுக-வை அழகிரியின் கைகளில் இருந்து காப்பாற்றி, ஸ்டாலின் கைகளில் பாதுகாப்பாக ஒப்படைத்தவர் ஐ.பெரியசாமிதான். அதன் பின்னர்தான் ஸ்டாலினிடம் பெரியசாமிக்கு செல்வாக்கு அதிகமானது. கடந்த இரண்டு சட்டசபை தேர்தல்களிலும் மாவட்டச் செயலாளர்கள் மற்றும் அமைச்சர்கள் வாரிசுகளுக்கு சீட் கிடையாது என்று திமுக அறிவித்த போதும்கூட, பெரியசாமிக்கும் அவரது மகன் ஐ.பி.செந்தில்குமாருக்கும் ஸ்டாலின் சீட் வழங்கினார். தற்போது ஐ.பெரியசாமி திமுக மாநில துணை பொதுச் செயலாளராகவும் எம்எல்ஏ-வாகவும் இருக்கிறார். அவரது மகன் ஐ.பி.செந்தில்குமார் மாவட்டச் செயலாளராகவும் எம்எல்ஏ-வாகவும் இருக்கிறார். தற்போது திருப்பரங்குன்றம் இடைத்தேர்தலில் டாக்டர் சரவணன், ஐ.பெரியசாமி மூலமாகவே ஸ்டாலின் மருமகன் சபரீசன் மூலம் பேசினார்.

சத்துணவு முட்டை வாங்கியதில் மிகப்பெரிய ஊழல் ..விரைவில் விபரமாக வெளியிடுவேன் .. இளங்கோவன் அதிரடி

டெல்லி சென்று ராகுல் காந்தியை சந்தித்து வந்த பிறகு முழு உற்சாகத்தோடு இருக்கிறார் ஈ.வி.கே.எஸ். இளங்கோவன். விரைவில் தேசிய செயலாளர் பதவி கிடைக்கும் என்ற எதிர்பார்ப்பில் இருக்கும் ஈ.வி.கே.எஸ்., திமுக-வோடு நல்லுறவில் உள்ளார். இந்நிலையில், இன்று செய்தியாளர்களிடம் பேசிய அவர், தமிழகத்தில் சத்துணவு திட்டத்துக்கு முட்டை கொள்முதல் செய்ததில் முறைகேடு நடந்துள்ளதாக குற்றம் சாட்டியுள்ளார். தாராபுரம் அடுத்த மூலநூரில் நடைபெற்ற நிகழ்ச்சி ஒன்றில் கலந்து கொண்ட இளங்கோவன் செய்தியாளர்களைச் சந்தித்து பேசினார். அப்போது மதிய சத்துணவு திட்டத்தில் முட்டைகள் வழங்குவதில் மிகப்பெரிய ஊழல் நடந்து கொண்டிருக்கிறது என்று கூறினார். இதுபற்றிய முழு விவரங்களை தான் விரைவில் வெளியிடுவேன் என்றும் கூறினார். பின்னர் தஞ்சை, அரவக்குறிச்சி, திருப்பரங்குன்றம் இடைதேர்தலில் திமுக-வுக்கு ஆதரவாக பிரச்சாரம் மேற்கொள்ளப் போவதாகவும் கூறினார்.மின்னம்பலம்.காம்

ஜெ' சிகிச்சை - ரிச்சர்ட் பேல் மீண்டும் சென்னை வருகை!

மின்னம்பலம்.காம் : முதல்வர் ஜெயலலிதாவின் உடல்நிலை முன்னேற்றம் கண்டு வரும் நிலையில் இன்று மீண்டும் நுரையீரல் சிறப்பு மருத்துவர் ரிச்சர்ட் பேல் சென்னைக்கு வருகை புரிந்துள்ளார். இதுகுறித்து, ‘லண்டன் மருத்துவர் ரிச்சர்ட் பேல் வந்த பிறகுதான் அடுத்த கட்ட திட்டம் தெளிவாகும்’ என மின்னம்பலத்தில் ஏற்கனவே சொல்லியிருந்தோம்.
அதேபோல் இன்று லண்டனில் இருந்து வந்த நுரையீரல் சிறப்பு மருத்துவரான ரிச்சர்ட் பேல், முதல்வரின் உடல்நிலையை பரிசோதனை செய்துள்ளார். முதல்வரின் உடல்நிலையில் நல்ல முன்னேற்றம் காணப்படுவதாகவும் குறிப்பிட்டுள்ளார். ரிச்சர்ட் பேல் முதல்வருக்கு சிகிச்சையளிக்க சென்னை வருவது இது மூன்றாவது முறையாகும். இதுவரை மூன்று முறை வந்துள்ள பேல், ஒவ்வொரு முறை லண்டன் திரும்பும்போதும் முதல்வரின் உடல்நிலை குறித்த நல்ல செய்தியை தான் கூறி விட்டு சென்றுள்ளார்.

சசிகலா புஷ்பா :பாராளுமன்றத்தில் அ.தி.மு.க. சார்பில் பேசுவேன்

புதுடெல்லி பாராளுமன்றத்தில் அ.தி.மு.க. சார்பில் பேசுவேன் என்று சசிகலா
புஷ்பா தெரிவித்தார். சசிகலா புஷ்பா எம்.பி. டெல்லியில் நேற்று நிருபர்களுக்கு பேட்டி அளித்தார். அப்போது அவர் கூறியதாவது:–
தொடர்ந்து மிரட்டல் தமிழகத்தில் முதல்–அமைச்சரின் உடல் நிலை பற்றி பேசியவர்கள் கைது செய்யப்படுகிறார்கள். இதனால் இளைஞர்களிடையே கொந்தளிப்பு ஏற்பட்டுள்ளது. பேச்சு சுதந்திரம் இல்லை. முதல்–அமைச்சர் பூரண குணம் அடைய வேண்டும் என்பதுதான் அனைவரது விருப்பமாக உள்ளது. அவருக்கு குடும்பம் இல்லை. மக்களுக்காக உழைத்துக்கொண்டிருக்கிறார்.
எனக்கு தொடர்ந்து மிரட்டல் வருகிறது. 2 கைகளையும் வெட்டுவார்களாம், முகத்தில் திராவகம் வீசுவார்களாம். அதற்கெல்லாம் நான் பயப்படமாட்டேன். மக்களுக்காக தொடர்ந்து பணியாற்றுவேன்.

பிரதாப் ரெட்டியை உலுக்கி உண்மையை வரவழைத்த பிரமுகர் .. புலம்பி தள்ளிய அப்போலோ தல..

சென்னை: முதல்வர் ஜெயலலிதா சிகிச்சை பெற்று வரும் அப்பல்லோ
மருத்துவமனைக்கு முக்கிய அரசியல் கட்சியின் வாரிசு தலைவர் போனைப் போட்டு உண்மை நிலவரம் என்ன என  கேட்டதாக கூறப்படுகிறது. அப்பல்லோவில் ஒரு மாதமாக ஜெயலலிதாவுக்கு சிகிச்சை அளிக்கப்பட்டு வருகிறது. ஜெயலலிதாவின் உடல்நலம் குறித்து அவ்வப்போது அறிக்கைகள் தொடர்ந்து வெளி வந்து கொண்டிருக்கின்றன.  அப்பலோ மருத்துவமனைக்கு ஆளுநர் வருகை, முதலமைச்சர் உடல் நிலை குறித்து கேட்டறிகிறார்  முன்னணி ஆங்கில ஊடக குடும்பத்தினர் தெரிவித்த சில கருத்துகள் ஜெயலலிதா நலமுடன் தேறிவருவதை உறுதி செய்தன. அப்பல்லோ வந்து செல்லும் தலைவர்கள் அனைவருக்கும் அதிமுகவினர்தான் விளக்கம் தருகின்றனர். அந்த முன்னணி ஆங்கில ஊடகத்தைச் சேர்ந்த ஒருவர் முக்கிய அரசியல் கட்சியின் வாரிசு தலைவரை அண்மையில் சந்தித்து பேசியுள்ளார். ஜெயலலிதா உடல்நிலை குறித்து வாரிசு தலைவரிடம் சில விவரங்களை கூறியுள்ளார் ஊடக குடும்பத்தைச் சேர்ந்தவர்.

பறிமுதல் செய்யப்பட்ட 450 பேருந்துகளை உயர்நீதிமன்றம் விடுவித்தது .. தீபாவளிக்காக ..

சென்னை:விபத்து இழப்பீடு வழங்காததால், ஜப்தி செய்யப்பட்ட, 450 அரசு பஸ்களை, தீபாவளியை ஒட்டி உடனடியாக விடுவிக்க, சென்னை உயர் நீதிமன்றம் உத்தரவிட்டுள்ளது.

போக்குவரத்துக் கழக பஸ்கள், விபத்துகளில் சிக்கும்போது, பாதிக்கப்பட்டவர்கள், இழப்பீடு கேட்டு, மோட்டார் வாகன விபத்து வழக்கு நீதி மன்றங்களில் வழக்குகள் தொடர்வர். அவற்றை விசாரிக்கும் நீதிபதிகள், உரிய இழப்பீடு வழங்கும்படி, போக்குவரத்துக் கழகங்களுக்கு உத்தரவிடுவது வழக்கம். உத்தரவுக்கு பிறகும், இழப்பீடு வழங்காமல் போக்குவரத்துக் கழகங்கள் இழுத்தடிப்பது உண்டு.

வேட்பாளர்களை தீர்மானித்துவிட்டு நேர்காணல் செய்தது முறையா? திமுகவில் கேள்வி அம்புகள் !

இடைத்தேர்தல் வேட்பாளர் தேர்வு முறையால் தி.மு.க.,வில்...சலசலப்பு!: வேட்பாளர்களை முடிவு செய்து விட்டு, கண்துடைப்புக்காக நேர்காணல் நடத்தியது ஏன் என, தி.மு.க.,வில் திடீர் கேள்வி கிளம்பி உள்ளது. தஞ்சாவூர், திருப்பரங்குன்றம், அரவக்குறிச்சி தொகுதிகளுக்கு, நவ., 19ல் தேர்தல் அறிவிக்கப் பட்டு உள்ளது. இதையடுத்து, வேட்பாளர் தேர்வில், தி.மு.க., இறங்கியது. இதற்காக, கட்சியினரிடம் விருப்ப மனுக்கள் பெறப்பட்டு, சென்னை அறிவாலயத்தில், நேற்று முன்தினம், நேர்காணலும் நடத்தப்பட்டது. தி.மு.க., பொருளா ளர் ஸ்டாலின் தலைமை யில் நடந்த நேர் காணலில், கரூர், தஞ்சாவூர், மதுரை மாவட்ட, தி.மு.க.,வினர் பங்கேற்றனர். வழக்கம் போல, விருப்ப மனு அளித்தவர் களிடம் விபரங்கள் கேட்கப்பட்டன. ஆனால்,நேர்காணலுக்கு முன்னரே, வேட்பாளர் களை, சென்னை, கோபாலபுரம் இல்லத்தில், தி.மு.க., தலைவர் கருணாநிதி தேர்வு செய்து விட்டார்

அதிமுக அரசின் வதந்தி கைதுகளுக்கு சர்வதேச மன்னிப்பு சபை கடும் கண்டனம் clumsy attacks on free speech.. Amnesty International !

Terming Tamil Nadu government’s actions “clumsy attacks on free speech,” Amnesty International India on Saturday said the State must immediately drop charges and release those arrested for allegedly spreading rumours about the health of Chief Minister Jayalalithaa.
வதந்தி கைதுகள்:கண்டிக்கிறது சர்வதேச மன்னிப்பு சப ஞாயிறு, 23 அக் ஜெயலலலிதாவின் உடல்நிலை தொடர்பாக வதந்தி பரப்பியதாக இதுவரை பலர் பேர் கைது செய்யப்பட்டுள்ள நிலையில், இந்த கைதுகளுக்கு பல்வேறு தரப்பில் இருந்தும் கடும் கண்டனங்கள் வந்து கொண்டிருக்கிறது. முன்னாள் நீதிபதி கட்ஜூ, தேசிய மனித உரிமை ஆணையத்தலைவர் தத்து ஆகியோர் இதைக் கண்டித்த நிலையில், ‘ஆம்னெஸ்டி இண்டர்நேஷனல்’ அமைப்பும் இந்த கைதுகளை கண்டித்துள்ளது. ‘தமிழக அரசின் நடவடிக்கைகள், பேச்சு சுதந்திரத்தின் மீதான மோசமான தாக்குதல்’ என சனிக்கிழமை அன்று சர்வதேச மன்னிப்பு சபையின் இந்தியக் கிளை தெரிவித்திருக்கிறது. மேலும், ‘முதலமைச்சர் ஜெயலலிதாவின் உடல்நலன் குறித்து வதந்தி பரப்பிய குற்றத்துக்காக கைது செய்யப்பட்டவர்களை விடுவிக்க வேண்டும் எனவும் கேட்டுக் கொண்டிருக்கிறது. கடந்த செப்டம்பர் 22ஆம் தேதியிலிருந்து ஜெயலலிதா அப்பல்லோ மருத்துவமனையில் அனுமதிக்கப்பட்டிருக்கிறார்.

முலாயம்சிங் யாதவ் - அகிலேஷ்சிங் யாதவ் மோதல் வெடித்தது .. போட்டி கூட்டம் .. அகிலேஷ்யாதவ் தனிக்கட்சி

பலத்தை காட்டிய அகிலேஷ் யாதவ் - போட்டி கூட்டத்தை கூட்டுகிறார்
முலாயம் சிங் உத்தரபிரதேசத்தில் சமாஜ்வாடி கட்சியின் ஆட்சி நடந்து வருகிறது. கட்சியின் தலைவர் முலாயம் சிங் மகன் அகிலேஷ் யாதவ் முதல் அமைச்சராக உள்ளார். இந்த நிலையில் கட்சியில் அகிலேஷ் யாதவ் ஒரு தரப்பாகவும், முலாயம் சிங் மற்றும் அவரது சகோதரர்கள் ஒரு தரப்பாகவும் செயல்பட்டு வருகின்றனர். இதனால் கட்சியில் உட்பூசல் நாளுக்கு, நாள் வளர்ந்து வருகிறது. இந்த நிலையில் 300க்கும் மேற்பட்ட சமாஜ்வாடி கட்சி எம்எல்ஏக்கள் மற்றும் எம்எல்சிக்கள் பங்கேற்ற கூட்டம் நேற்று அகிலேஷ் யாதவ் தலைமையில் லக்னோவில் நடைபெற்றது. முலாயம் சிங் மற்றும் அவரது சகோதரர் சிவபால் யாதவ், அவர்களுக்கு ஆதரவான 75 எம்எல்ஏக்களுக்கு அழைப்பு விடுக்கப்படவில்லை. தம்மை முழுமையாக ஆதரிக்கும் 175 எம்எல்ஏக்களுக்கு மட்டுமே இந்தக் கூட்டத்தில் பங்கேற்க அகிலேஷ் யாதவ் அழைப்பு விடுத்திருந்தார். கிளிக்கு இறகு முளைத்ததாக கிளி நம்புகிறது .. ஆனால் நிலைமை அப்படி அல்ல .

பாஜகவின் வருண் காந்தி விலைமாதர்களுடன் . புகைப்படத்தை வைத்து மிரட்டிய ஆயுதவியாபாரி .... ராணுவ ரகசியங்களை வழங்கினார்

பா.ஜ.,விலிருந்து மேனகா மகன் வருண்... ஆயுத ரகசியங்களை
வெளியிட்டதாக புகார் மறைந்த முன்னாள் பிரதமர் இந்திராவின் பேரனும், பா.ஜ., - எம்.பி.,யுமான, வருண், சூழ்ச்சி வலையில் சிக்கியதாகவும், அது, வெளி யில் தெரியாமல் இருக்க, ராணுவ ஆயுதங்கள் தொடர்பாக முக்கியத்துவம் வாய்ந்த ரகசியங் களை கசியச் செய்ததாகவும் புகார் எழுந்தது. இதனால், அவரை கைகழுவ, பா.ஜ., மேலிடம் திட்டமிட்டுள்ளதாக கூறப்படுகிறது. ;உ.பி., மாநிலம் சுல்தான்பூர் தொகுதியிலிருந்து, பா.ஜ., சார்பில் போட்டியிட்டு, எம்.பி., ஆனவர், வருண்; இவர், மறைந்த முன்னாள் பிரதமர் இந்திராவின் பேரன்; மத்திய பெண்கள் மற்றும் குழந்தைகள் நலத்துறை அமைச்சர் மேனகா வின் மகன்; முக்கியத்துவம் வாய்ந்த ராணுவ ஆலோசனைக்குழுவில் உறுப்பினராகவும் உள்ளார்.

சசிகலா புஷ்பா : போயஸ் கார்டனில் இருந்து ஆவணங்கள் கடத்தப்படுகின்றன , மத்திய படை பாதுகாப்பு வழங்க வேண்டும்

முதலமைச்சர் ஜெயலலிதா மருத்துவமனையில் சிகிச்சை பெற்று வரும்
நிலையில், அவரது போயஸ் கார்டனில் இருந்து முக்கிய ஆவணங்கள் கடத்தப்படுவதாக மாநிலங்களவை உறுப்பினர் சசிகலா புஷ்பா குற்றம் சாட்டியுள்ளார். மேலும், சசிகலா நடராஜன் பற்றி பேசுவதால் தனக்கு தொடர்ந்து மிரட்டல் வருவதாக கூறிய அவர், தனக்கு எது நடந்தாலும் சசிகலா நடராஜனே பொறுப்பு என்றும் கூறியுள்ளார்.
டெல்லியில் செய்தியாளர்களிடம் பேசிய சசிகலா புஷ்பா, “ஏற்கனவே போயஸ் கார்டனில் உள்ள ஜெயலலிதாவின் இல்லத்தில் முக்கியமான கோப்புகள் மற்றும் ஆவணங்கள் காணாமல் போவதாக தகவல்கள் வந்த வண்ணம் உள்ளன. எனவே, அவரது இல்லத்துக்கு மத்திய படை பாதுகாப்பு கொடுக்க வேண்டும். நான் அதிமுக எம்.பி-யாகவே இருந்தாலும் எனக்கு தொடர்ந்து அச்சுறுத்தல்கள் வந்த வண்ணம் உள்ளன. ‘நமது எம்.ஜி.ஆர்.’ நாளிதழில் என்னைப் பற்றி அவதூறான செய்திகள் வருகின்றன. ஒருவேளை எனக்கு ஏதாவது ஆனால்கூட, அது சசிகலா நடராஜன் மற்றும் அவரது குடும்பத்தாரால் நடத்தப்பட்டதாகத்தான் இருக்கும். நான் சசிகலா நடராஜன் பற்றி ஏற்கனவே கூறியதால்தான் அவர், தஞ்சாவூர் இடைத்தேர்தலில் போட்டியிடவில்லை. என்னை கைதி போல நடத்திய துணை சபாநாயகர் தம்பிதுரை மீது நாடாளுமன்ற உரிமை குழுவில் புகார் அளிக்க உள்ளேன்” என்று கூறினார்.மினன்ம்பலம்,காம்

டாக்டர்களிடம் நேரடியாக பேசிய கவர்னர் அமைச்சர்களிடம் : ஏன் அவங்க உடல் நிலை உண்மைகளை மறைக்கிறீங்க?

கவர்னர் வித்யாசாகர் ராவ் மீண்டும் அப்பல்லோ மருத்துவமனைக்கு வந்துவிட்டார். இன்று அப்பல்லோவுக்கு வந்த அவரை வாசலுக்கு வந்து தம்பிதுரையும், ஓ.பன்னீர்செல்வமும் வரவேற்றார்கள். ஆனால் தம்பிதுரையிடமும், பன்னீரிடமும் கவர்னர் சின்ன சிரிப்பைக்கூட உதிர்க்காமல்தான் உள்ளே போனார். அவரை நேராக அப்பல்லோ சேர்மன் பிரதாப் ரெட்டி தன் அறைக்கு அழைத்துச் சென்றார். அங்கேதான் முதல்வரின் உடல்நிலை குறித்து கவர்னருக்கு விளக்கம் சொல்லப்பட்டு இருக்கிறது. ‘மேடம்க்கு ட்ரீட்மெண்ட் கொடுக்கும் டாக்டர்ஸ் யாரு இருக்காங்க.. வரச் சொல்லுங்க! நான் பேசணும்’ என்று கவர்னர் சொல்லியிருக்கிறார். அதன்பிறகு, இரண்டாவது தளத்தில் இருந்த டாக்டர்கள் சிலர் ரெட்டியின் அறைக்கு வந்திருக்கிறார்கள். அந்த டாக்டர்களிடம், கவர்னர் சில கேள்விகளைக் கேட்டிருக்கிறார். அதற்கு டாக்டர்களும் பதில் சொல்லியிருக்கிறார்கள். அதன்பிறகுதான் அமைச்சர்களைப் பார்த்திருக்கிறார். அப்போது தம்பிதுரையிடம், ‘நீங்க எல்லோரும் மேடம்க்கு நல்லா இருக்குன்னு சொன்னதாலதான் நான் அவங்களை போன தடவை வந்தபோது பார்க்கலை. அவங்க உடல்நிலை பற்றிய உண்மைகளை என்னிடம் ஏன் மறைக்க நினைக்கிறீங்க…’ என்று, சற்று கடுமையாகவே கேட்டதாகச் சொல்கிறார்கள்.

அனைத்து ரயில்களிலும் பயோ டாய்லட் அமைக்க மத்திய அரசு தீவிரம்

<மத்திய அரசின் 2022க்குள் 100 சதவிகித தூய்மை திட்டத்தின் அடிப்படையில்
நாட்டின் அனைத்து ரயில்களிலும் பயோ டாயலட் அமைக்க தீவிர நடவடிக்கை எடுக்கப்பட்டு வருகிறது. இதற்காக மத்திய அரசு 1,155 கோடி ரூபாய் நிதி ஒதுக்கியுள்ளதாக ரயில்வே போர்டு சேர்மன் ஏ.கே.மிட்டல் தெரிவித்துள்ளார். அனைத்து ரயில்களிலும் சென்ற புதனன்று டில்லியில் நடந்த கூட்டம் ஒன்றில் பேசிய மத்திய ரயில்வே அமைச்சர் சுரேஷ் பிரபு 2019ம் ஆண்டிற்குள் அனைத்து ரயில்களிலும் பயோ டாய்லெட் பொருத்தப்பட்டுவிடும் என்று தெரிவித்துள்ளார். பயோ டாய்லெட்டின் பயன்கள் தற்போது நடைமுறையில் இருந்து வரும் வழக்கமான டாய்லெட்டை காட்டிலும் பல வசதிகள் புதிதாக நிறுவப்பட உள்ள பயோ டாய்லெட்டில் கிடைக்கும்.

தமன்னாவின் தலையெழுத்து பிரபுதேவாவின் வலையில் விழுந்துவிட்டார் .

லூசாடி நீ என்று தமன்னாவை நயன்தாரா எச்சரித்தார்
சென்னை, பிரபுதேவாவுக்கும், தமன்னாவுக்கும் இடையே திடீர் நெருக்கம் ஏற்பட்டுள்ளதாகவும் இருவரும் ஜோடியாக சுற்றுவதாகவும் படவுலகில் பரபரப்பு தகவல் பரவி உள்ளது.
ஜோடி தமன்னா தமிழ், தெலுங்கில் முன்னணி கதாநாயகியாக இருக்கிறார். பிரபுதேவா தமிழ் மற்றும் இந்தி படங்களை டைரக்டு செய்து வந்தார்.
இருவரும் தமிழ், இந்தியில் தயாரான ‘தேவி’ படத்தில் ஜோடியாக நடித்தனர். இதில் பிரபுதேவாவின் நடனம் தன்னை மிகவும் கவர்ந்ததாக தமன்னா பேசி வந்தார். தமன்னாவும் திறமையாக நடனம் ஆடுகிறார் என்று பிரபுதேவா புகழ்ந்தார்.

அம்பானி அடித்த 30000 கோடி கமிஷன் .. ராணுவ தளவாடங்கள் வாங்கியதில் மோடி அம்பானிக்கு காட்டிய லாபம்..

UPA அரசாங்கம் 126 ரஃபேல் போர் விமானங்களை வாங்க 79,000 கோடி ரூபாய்க்கு ஒப்பந்தம் செய்திருந்தது, அதாவது ஒரு விமானம் ரு.629 கோடி.
இப்பொழுது மோடி அரசு இந்த ஒப்பந்தத்தை மறுநிர்ணயம் செய்துள்ளது. 36 ரஃபேல் போர் விமானங்களை வாங்க 58,000 கோடி ரூபாய்க்கு புதிய ஒப்பந்தம் செய்துள்ளது, அதாவது இப்பொழுது ஒரு விமானத்தின் விலை ரூ.1611 கோடி.
இந்த மலிவு விலை மூலம் ராணுவ தளவாடங்களில் ஒரு சுக்கும் அனுபவமில்லாத அனில் அம்பானியின் ரிலையன்ஸ் டிஃபென்ஸ் நிறுவனத்திற்கு மட்டும் 30,000 கோடி லாபமாம். ஏற்கனவே அம்பானி இந்திய வங்கிகளுக்கு தர வேண்டிய நிலுவை பாக்கி ரூ. 1.2 லட்சம் கோடிகள் என்கிறது நிதி அமைச்சகம் வெளியிட்டுள்ள ஒரு அறிக்கை.

மைசூர் சாமுண்டீஸ்வரிக்கு 1.6 கோடி தங்க, வெள்ளி நகைகள் காணிக்கை .. ஈஸ்வரிக்கே லஞ்சமா? முதல்வர் நலம் வேண்டியாம்?

ஜெயலலிதா நலம்பெற மைசூர் சாமுண்டீஸ்வரிக்கு 1.6 கோடி தங்க, வெள்ளி நகைகள் காணிக்கை By: Mayura Akilan மைசூர் : முதல்வர் ஜெயலலிதா விரைவில் குணடமடைய வேண்டி மைசூரில் உள்ள சாமுண்டீஸ்வரி கோயிலின் கணேசர் மற்றும் ஆஞ்சநேயருக்கு ரூ. 1.6 கோடி மதிப்பில் தங்க, வெள்ளி கவசங்கள் காணிக்கையாக அளிக்கப்பட்டு வருகின்றன. கடந்த 12 ஆண்டுகளுக்கு முன்பு தனது குல தெய்வமான சாமுண்டீஸ்வரியிடம் ஜெயலலிதா வேண்டிக் கொண்டதாகவும், அதன்படி வேண்டுதல் நிறைவேற்றப்பட்டு இருப்பதாகவும் தெரிய வந்துள்ளது. முதல்வர் ஜெயலலிதா கடந்த செப்டம்பர் மாதம் 22ம் தேதி இரவில் இருந்து அப்பல்லோ மருத்துவமனையில் சிகிச்சை பெற்று வருகிறார். இன்றோடு 30 நாட்கள் ஆகிவிட்டது. ஜெயலலிதா பூரண குணமடைந்து வீடு திரும்பவேண்டும் என்று தமிழகம் முழுவதும் அதிமுக தொண்டர்கள் கோவில்களில் பிரார்த்தனையில் ஈடுபட்டு வருகின்றனர். சாமுண்டீஸ்வரிக்கு காணிக்கை அதிமுக தொண்டர்கள் சிலர் வெள்ளிக்கிழமையன்று மைசூருவில் உள்ள சாமுண்டீஸ்வரி கோயிலுக்கு சென்றனர். அங்கு உள்ள கணேசர் மற்றும் ஆஞ்சநேயர் கோயிலுக்கு ரூ. 42,29,614 மதிப்பிலான வெள்ளி மற்றும் தங்கக் கவசங்களையும், ஆஞ்சநேயருக்கு ரூ. 1.18 கோடி மதிப்பிலான தங்க மற்றும் வெள்ளி கவசங்களையும் காணிக்கையாக அளித்தனர்.