திமுக - காங்கிரஸ் இடையே தொகுதி பங்கீட்டில் சிக்கல்
நீடித்து வருகிறது. அதிமுக வேட்பாளர்கள் நேர்காணலில் தீவிரமாக இயங்கி
வருகிறது. திமுக வேட்பாளர் நேர்காணலை முடித்துள்ளது.
மத்தியில் ஆளும் பாரதீய ஜனதா கட்சி மட்டுமே முதலாவது வேட்பாளர் பட்டியலை வெளியிட்டு பிரசாரத்தில் ஈடுபட்டு வருகிறது.
இந்நிலையில், தமிழகத்தில் யார் ஆட்சியை
கைப்பற்றுவார்கள் என்பது குறித்து கருத்துக் கணிப்பை டைம்ஸ் நவ் தொலைகாட்சி
இன்று வெளியிட்டது.
அதில் ஆளும் அனைத்திந்திய அண்ணா திராவிட முன்னேற்ற
கழகம் 39 சதவீத வாக்குகளைப் பெற்று 130 இடங்களை கைப்பற்றும் என
தெரிவிக்கப்பட்டுள்ளது. பிரதான எதிர்க்கட்சியான திராவிட முன்னேற்ற கழகம் 32
சதவீத வாக்குகளைப் பெற்று 70 இடங்களையும், பிற கட்சியினர் (மூன்றாவது அணி)
34 இடங்களையும் கைப்பற்றும் என தெரிவிக்கப்பட்டுள்ளது.
மேலும், வெறும் 4 சதவீத வாக்குகளை பெறும் பாரதீய ஜனதா கட்சிக்கு ஒரு இடமும் கூட கிடைக்காது என தெரிவிக்கப்பட்டுள்ளது.
மார்ச் முதல் வாரத்தில் நடத்தப்பட்ட கருத்துக்கணிப்பில்
அதிமுகவுக்கு 41 சதவீதமும், திமுகவுக்கு 40 சதவீதமும், பாஜகவுக்கு 5
சதவீதமும், பிற கட்சிகளுக்கு 14 சதவீதமும் ஆதரவு இருந்துள்ளது.
ஆனால், மார்ச் கடைசி வாரத்தில் அதிமுகவின் ஆதரவு 39
சதவீதமாகவும், திமுகவின் ஆதரவு 32 சதவீதமாகவும், பாஜகவின் ஆதரவு 4
சதவீதமாகவும் குறைந்துள்ளது. பிற கட்சிகளுக்கான ஆதரவு மட்டுமே 25 சதவீதமாக
உயர்ந்துள்ளது. தினமணி.com
கருத்துகள் இல்லை:
கருத்துரையிடுக