சாத்தான்குளம் இரட்டைக் கொலை: சிபிஐ விசாரணை!

மின்னம்பலம் : சாத்தான்குளம் படுகொலை தொடர்பான வழக்கை சிபிஐ விசாரணை நடத்தவுள்ளது.
சாத்தான்குளத்தில் விசாரணைக்காக அழைத்து செல்லப்பட்ட செல்போன் கடை உரிமையாளர்கள் தந்தை ஜெயராஜ், மகன் பென்னிக்ஸ் ஆகியோர் காவல் துறையினர் தாக்குதலால் உயிரிழந்த சம்பவம் நாடு முழுவதும் அதிர்ச்சியை ஏற்படுத்தியது. பல்வேறு தரப்பிலிருந்தும் கோரிக்கை எழுந்ததைத் தொடர்ந்து, இந்த வழக்கின் விசாரணையை சிபிஐ வசம் ஒப்படைக்கவுள்ளதாக முதல்வர் அறிவித்தார். இதுதொடர்பான தகவலும் உயர் நீதிமன்ற மதுரைக் கிளையில் தெரிவிக்கப்பட்டதுஎனினும், சிபிஐ விசாரிப்பதற்குள் தடயங்கள் அழிக்கப்படலாம் என்பதால் உடனடியாக சிபிசிஐடி விசாரிக்க வேண்டுமென நீதிமன்றம் உத்தரவிட்டது.

ஜெயராஜ் - பென்னிக்க்ஸ் நலமாக இருப்பதாக மருத்துவ சான்றிதழ் வழங்கிய டாக்டர் இன்னும் பணியில் இருக்கிறாரே?

nakkheeran.in -;நக்கீரன் செய்திப்பிரிவு:  :
ஜெயராஜும் பென்னிக்சும் நலமாக இருப்பதாகச் சான்றிதழ் வழங்கிய மருத்துவர், இன்னும் அதே பணியில் தானே இருக்கிறார் – அருட்தந்தை ஜெகத் கஸ்பர் ராஜ் கேள்வி!":;அவர்கள் நலமாக இருப்பதாகச் சான்றிதழ் வழங்கிய மருத்துவர், இன்னும் அதே பணியில் தானே இருக்கிறார் – அருட்தந்தை ஜெகத் கஸ்பர் ராஜ் கேள்வி! . டி மாவட்டம் சாத்தான்குளம் காமராஜ் சிலைக்கு வடபுறத்தில் செல்போன் கடை நடத்தி வந்தவர் பென்னிக்ஸ். கடந்த 20- ஆம் தேதி இரவில் ஊரடங்கு விதிகளை மீறி கடையைத் திறந்து வைத்துள்ளதாகக் கூறி செல்போன் கடை உரிமையாளர் பென்னிக்ஸ் மற்றும் அவரது தந்தை ஜெயராஜை சாத்தான்குளம் காவல் நிலையப் போலீசார் அழைத்துச் சென்றனர்.
போலிசார் கூட்டாகச் சேர்ந்து தந்தை மகன் இருவரையும் அடித்தாகக் கூறப்படும் நிலையில், அவர்கள் இருவரும் போலீசாரை பணி செய்ய விடாமல் தடுத்ததாக அவர்கள் மீது வழக்கும் பதிவும் செய்யப்பட்டது.

திருவண்ணாமலை அருந்ததிய மாணவி பவானி படுகொலை .. வன்னிய ஜாதி மாணவர்களின் ...

Yuvan Swang : மதுரை அரசு விவசாயக் கல்லூரியில் முதலாமாண்டு பயின்ற திருவண்ணாமலை அருந்ததியர் மாணவி பவானி படுகொலை!
குற்றவாளிகளை வன்கொடுமைகள் தடுப்புச் சட்டம் மற்றும் கொலை வழக்கில் கைது செய்ய வேண்டுமென மாவட்ட நிர்வாகத்தை தலித் விடுதலை இயக்கம் வலியுறுத்துகிறது.
திருவண்ணாமலை மாவட்டம் தண்டாரம்பட்டு வட்டத்திற்குட்பட்ட சே. ஆண்டாப்பட்டு கிராமத்தை சேர்ந்த செருப்பு தைக்கும் தொழிலாளி கோவிந்தன் - மலர் தம்பதியின் இளைய மகள் பவானி (19/2020). அருந்ததியர் சாதியைச் சேர்ந்த பவானி மதுரையில் உள்ள சமுதாய அறிவியல் கல்லூரி (ம) ஆராய்ச்சி நிலையத்தில், கல்லூரியில் உள்ள காவேரி இல்லம் என்கிற மகளிர் விடுதியில் தங்கி நடப்பு கல்வியாண்டில் முதலாமாண்டு பி.எஸ்.சி படித்து வந்தார்.
அருந்ததியர் மாணவி பவானி தங்கியிருந்த விடுதியில் அவருடன் தங்கியிருந்த வன்னியர் சாதியைச் சேர்ந்த ரமா உள்ளிட்ட 05 நபர்கள் மாணவி பவானியிடம் "நீயெல்லாம் எங்களுடன் தங்கியிருக்கக்கூடாது" என்று சாதியை சொல்லி திட்டி கொடுமை படுத்தியிருக்கிறார்கள். அதுமட்டமல்லாமல், உணவு அருந்தும்போதும் இரவு தூங்கும்போதும் தனியாக ஒதுக்கி வைப்பதும், குடி தண்ணீரை தனியான பாத்திரத்தில் குடிக்க வைப்பதும் என தொடர்ந்து சாதிய ரீதியாக துன்புறுத்தி வந்திருக்கிறார்கள்.
இந்த சம்பவம் குறித்து மாணவி பவானி தனது பெற்றோரிடம் தொலைபேசி மூலமாக நடந்ததை கூறி அழுதிருக்கிறார். மாணவி பவானியை சமாதானப்படுத்திய அவரது பெற்றோர், படிப்பில் மட்டும் கவனம் செலுத்த வேண்டும் என்று ஆறுதல் கூறியிருக்கிறார்கள்.

சாத்தான் குள போஸ்ட்மார்ட்டம் தில்லுமுல்லு! நக்கீரன் 'EXCLUSIVE'...

nakkheeran.in - தாமோதரன் பிரகாஷ் :
பேராசிரியர் ஒருவரை இடம் பெற வைத்திருக்கலாம். அப்படி எந்த முயற்சியும் செய்யாமல் திருநெல்வேலி மருத்துவக் கல்லூரியில் தடய அறிவியல் துறையில் முதுகலைப் பட்டம் படிக்கும் ஒரு மாணவரை வைத்து உடற்கூறாய்வு செய்யப்பட்டது.
உயர்நீதிமன்ற உத்தரவுப்படி வீடியோ எடுக்கப்பட்ட உடற்கூறாய்வில், இதுபோன்ற சர்ச்சைக்குரிய மரணங்களை உடற்கூறாய்வு செய்யும்போது பின் பற்றவேண்டிய டிஜிட்டல் அட்டாப்சி எனப்படும் நவீன உடற்கூறாய்வு முறைகள் கடைப்பிடிக்கப்படவில்லை.
இறந்தவரது சடலத்தை சி.டி. ஸ்கேன் மற்றும் எம்.ஆர்.ஐ. ஸ்கேனுக்கு உட்படுத்தினால் இடுப்புப் பகுதியில் ஏற்பட்ட காயங்கள் தெளிவாகத் தெரியும். எம்.ஆர்.ஐ. ஸ்கேன் முறையில் முதுகுத் தண்டுவடத்தில் ஏதேனும் சேதம் ஏற்பட்டுள்ளதா என்பது தெரியும். அவர் எதனால் இறந்தார் எனத் தெளிவாக தெரிந்துவிடும். அந்தப் பதிவுகள் எலக்ட்ரானிக் முறையில் அழிக்கப்பட முடியாத வகையில் இருக்கும்.
இங்கிலாந்தில் சமீபத்தில் சந்தேகப்படக்கூடிய விதத்தில் நடந்த மரணங்களை 'டிஜிட்டல் அட்டாப்சி' முறையில் மருத்துவர்கள் ஆராய்ச்சி செய்தார்கள். அதில் மரணத்திற்கான காரணம், மரணம் அடைந்தபோது இருந்த உடல்நிலை ஆகியவை மிகத் தெளிவாக தெரிந்தது. அந்த முறையில் இந்த இருவரது உடற்கூறாய்வும் மேற்கொள்ளப்படவில்லை.

குணசேகரன், செந்தில், நெல்சன் சேவியர் . கார்த்திகை செல்வன் ... தொலைக்காட்சி விவாதங்களில் ஆர் எஸ் எஸ் ..கள்

Kandasamy Mariyappan : பொதுவாக, ஊடகங்கள் திமுகவிற்கு எதிராக அல்லது
குறைந்தது ஆதரவில்லாமல் இருக்கும் நிலையைதான் எப்பொழுதுமே தமிழ்நாட்டில் நாம் காண முடியும்.
2016 மற்றும் 2019 தேர்தல் காலங்களில் கூட இந்த ஊடகங்களின் தீவிர அதிமுக பாஜக ஆதரவு நிலைப்பாட்டை, ஊடகவியாலர் திரு. மணி மட்டுமே கடுமையாக விமர்சித்திருப்பார்.

ஆர் எஸ் எஸ் கும்பல்

உண்மையில்,  ஊடகங்கள் திமுகவிற்கு ஆதரவாக இல்லாமல் இருந்தாலும் கூட எதிராக இல்லாமல் இருந்திருந்தாலே இன்று தமிழ்நாட்டின் GDP 30 லட்சம் கோடியாக இருந்திருக்கும்.
70களில் தி ஹிண்டு, இந்தியன் எக்ஸ்பிரஸ், தினமணி, தினமலர், துக்ளக், விகடன், குமுதம் என்று ஆரம்பித்து 2011களில் புதிய தலைமுறை, தந்தி, நியூஸ் 7, நியூஸ் 18 வரையிலும், திமுக ஆதரவில்லா அல்லது எதிர் நிலைப்பாடுதான்.
எமர்ஜென்சி காலத்தில், திமுகவையும் கலைஞரையும் திட்டிய துக்ளக் பத்திரிகையை முரசொலி அலுவலகத்தில் Print போட்டுக்கொள்ள அனுமதித்தது முதல் அதிமுக ஆட்சி காலத்தில் ஹிண்டு, விகடன் பத்திரிகைகள் மீது தாக்குதல் நடந்த பொழுதும், அவர்களுக்கு ஆதரவாக இருந்தது கலைஞரும் திமுகவும்.

போர் முனைகளில் அதிகம் களப்பலியானவர்கள் கிழக்கு போராளிகளே!

விநாயகமூர்த்தி முரளிதரன்  (கருணா அம்மான் ) : 
எனது அன்புக்குரிய அம்பாரை மாவட்ட தமிழர்களே!
நான் துரோகியா?
1983இல் எனது19 வது வயதில் தமிழீழ விடுதலைப் புலிகள் இயக்கத்தில் இணைந்து தமிழ்த் தேசியத்திற்காகச் செயற்பட்டுத் தளபதி ஸ்தானத்திற்கும் தமிழீழ விடுதலைப் புலிகள் இயக்கத்தின் பிரதித் தலைவர் ஸ்தானத்திற்கும் உயர்ந்து உயிரைச் துச்சமென மதித்து 21 ஆண்டுகள் போராட்ட வாழ்விலே காலத்தைக் கழித்தவன்.2002 ஆம் ஆண்டு நிகழ்ந்த இலங்கை அரசாங்கத்துடனான சமாதான உடன்படிக்கையையும் போர் நிறுத்தத்தையும் தொடர்ந்து நோர்வே நாட்டு அரசாங்கத்தின்
அனுசரணையுடன் அந்நாட்டின் தலைநகர் ஒஸ்லோவில் நடைபெற்ற தமிழீழ விடுதலைப் புலிகளுக்கும் இலங்கை அரசாங்கத்திற்கும் இடையிலான சமாதானப் பேச்சுவார்த்தையில் தமிழீழ விடுதலைப் புலிகளின் சார்பில் ஆலோசகர் அன்டன் பாலசிங்கம் அண்ணனும் நானும் கலந்து கொண்டோம்..
அப்போது தமிழர் தரப்பிலிருந்த ஆயுத பலத்தின் விளைவாகவும் சர்வதேச சமூகத்தின் அழுத்தங்கள் காரணமாகவும் இனப்பிரச்சினைக்கான அரசியல் தீர்வாக வடக்கு கிழக்கு மாகாணங்கள் இணைந்த ஓர் உள்ளக சுயாட்சி அதிகாரப் பகிர்வு அலகுக்கு இலங்கை அரசாங்கம் சம்மதம் தெரிவித்தது.

உத்தர பிரதேச பார்ப்பன ரவுடி: விகாஸ் துபே. ஏராளமான கொலைகளை ....

       
Rebel Ravi  : உ.பியைக் கலக்கும் பிராஹ்மண ரவுடி: விகாஸ் துபே.! விகாஸ்  துபே.47 வயது நிரம்பிய துபே, உத்தரப் பிரதேசத்தைச் சார்ந்த பிகாரு கிராமத்தைச் சார்ந்த ஒரு பிராஹ்மணர். சிறு வயதிலேயே அடிதடியில் ஈடுபட்டு..தனக்கென ஒரு ரவுடி கும்பலை ஏற்படுத்திக் கொண்டார்.
நில அபகரிப்பு, கொலை,வழிப்பறி எனப் பல குற்றங்களையும் இருபது வயதிற்குள் செய்தார்.

கொள்ளை அடித்த பணத்தை ஏழைகளுக்குத் தந்து, ஒரு ராபின்ஹூட் போன்ற பிம்பத்தை உருவாக்கிக் கொண்டார்.
உ.பியில் அத்தனை போலீஸ் நிலையங்களிலும் இவரது ஆள்கள் நிரம்பி இருப்பதால்..இவரை யாராலும் அசைக்க முடிவதில்லை.
பண்டிட்ஜீ என்று மரியாதை கலந்த பயத்தோடு அழைக்கப்படும் துபேவுக்கு எதிராக எவரும் சாட்சி சொல்ல வருவதில்லை.
இவர் மீது கொலை, கொள்ளை, வழிப்பறி, ஆள்கடத்தல், நில அபகரிப்பு உள்பட 60 வழக்குகள் நிலுவையில் உள்ளன.
1990ல் இவர் மீது முதல் கொலைக்குற்ற வழக்கு பதிவு செய்யப்பட்டது.
அப்போது துபேவின் வயது 17.

மன்னர் மன்னன்: பாரதிதாசன் மகன் காலமானார்

BBC  : புரட்சிக் கவிஞர்" என்று கொண்டாடப்படும் பாரதிதாசனின்‌ஒரே மகன், தமிழறிஞர், விடுதலை போராட்ட வீரர் மன்னர் மன்னன் உடல்நலக் குறைவால் இன்று (திங்கட்கிழமை) பிற்பகல் வயது முதிர்வால் காலமானார்.
அவருக்கு வயது 92.
சில ஆண்டுகளாகவே இவர் வயோதிகத்தால் ஏற்பட்ட உடல் நலக்குறைவால் பாதிக்கப்பட்டிருந்தார்.
பேச்சாளர், எழுத்தாளர், தமிழறிஞரான இவர் 50க்கும்‌மேற்பட்ட நூல்களை எழுதியுள்ளார். புதுச்சேரி வானொலி நிலையத்தில் பணியாற்றிய காலத்தில், பல்வேறு நாடகங்களை தயாரித்து அளித்துள்ளார். புதுவைத் தமிழ்ச்சங்கத்தில் தலைவராக இருந்துள்ள இவர், தமிழ்ச்சங்கத்திற்குச் சொந்தமாகக் கட்டடம் கட்டித்தந்தவர். தமிழக அரசின் உயரிய விருதுகளான திரு.வி.க விருது, கலைமாமணி விருது, புதுச்சேரி அரசின் தமிழ்மாமணி, கலைமாமணி விருது உள்ளிட்ட பல விருதுகள் பெற்றவர் மன்னர்‌மன்னன்.

BBC : இந்திய சீன எல்லையில் இருநாட்டுப் படைகளும் விலகத் தொடங்கின - களத்தில் என்ன நடக்கிறது?

இந்திய சீன எல்லையில், படைகள் விலகிச் செல்லத் தொடங்கின என்று எல்லை விவகாரத்தைக் கூர்ந்து கவனித்து வரும் இந்திய அரசு அதிகாரிகள் தெரிவித்தனர்.
இந்த ஏற்பாட்டின்படி, எல்லையின் இருபுறமும் உள்ள படையினர் ஒருவர் கண்ணை ஒருவர் பார்க்கும் அளவு அருகிலிருந்து வந்த நிலை இனி இருக்காது. ஆனால், இந்த விலகல் ஒரு குறிப்பிட்ட அளவுக்குத்தான் தற்போது நடக்கும்.
"இந்தப் படை விலகல், கல்வான், கோக்ரா, ஹாட்ஸ்பிரிங்ஸ் ஆகிய இடங்களில் நடக்கின்றன. வடக்கே இருக்கிற டெப்சாங் சமவெளி பற்றியோ, அதற்கும் தெற்கே இருக்கிற பங்காங் த்சோ ஏரி குறித்தோ நாங்கள் பேசவில்லை" என்று கூறினார் ஒரு அதிகாரி. களத்தில் என்ன நடக்கிறது? "இரு தரப்பிலும் உள்ள முகாம்கள் அகற்றப்படுகின்றன, தற்காலிக கட்டுமானங்கள் உடைக்கப்படுகின்றன. இதனை பின்வாங்கல் என்றோ, விவகாரம் முடிந்துவிட்டது என்றோ கூற முடியாது" என்கிறார் ஒரு அதிகாரி.
நேரடியாகவும், உயர்ந்த கோபுரங்கள் மற்றும், செயற்கைக்கோள் மூலமாகவும் இந்தப் பணி கண்காணிக்கப்படுவதாக ஓர் அதிகாரி தெரிவித்தார்.e>எவ்வளவு தூரம் சீனப் படையினர் பின்னோக்கிச் சென்றிருக்கிறார்கள் என்பது பற்றி ஊடகங்கள் பல்வேறு விதமான தகவல்களை வெளியிட்டுள்ளன. ஆனால், அதிகாரிகள் அதைப் பற்றி பேச விரும்பவில்லை.

காற்று மூலம் கொரோனா வைரஸ் பரவும் என்று 32 நாடுகளை சேர்ந்த நிபுணர்கள் எச்சரிக்கை

டெல்லி: காற்று மூலம் கொரோனா வைரஸ் பரவும் என்று 32 நாடுகளை சேர்ந்த 239 நிபுணர்கள் எச்சரிக்கை விடுத்துள்ளனர். தும்மும் போது வெளியாகும் நீர்த் திவலைகள் காற்றில் மிதந்து செல்வதால் கொரோனா பரவும் என ஆய்வில் முடிவு செய்யப்பட்டுள்ளது. 239 நிபுணர்களும் உலக சுகாதார அமைப்புக்கு தங்கள் ஆய்வு முடிவை தெரிவித்து கடிதம் எழுதியுள்ளனர்.

251 பெட்டிகள்; 2.8 கி.மீ நீளம்: இந்திய ரயில்வே புதிய சாதனை!

மின்னம்பலம் : இந்திய ரயில்வே துறை, நான்கு சரக்கு ரயில் பெட்டிகளை ஒன்றிணைத்து, 2.8 கி.மீ நீளமுள்ள ரயிலை உருவாக்கி புதிய சாதனை படைத்துள்ளது. அதிக நீளமுள்ள இந்த ரயிலுக்கு ‘ஷேஷ்நாக்’ என்று பெயர் வைக்கப்பட்டுள்ளது.
இந்திய ரயில்வேயில் இயங்கும் மிகவும் நீண்ட ரயில் இந்த ஷேஷ்நாக். தென்கிழக்கு மத்திய ரயில்வேயில் நாக்பூர் பகுதியில் நிலக்கரி உள்ளிட்ட சரக்குகளை ஏற்றிச்செல்லும் ரயில் பெட்டிகளை இணைத்து இந்த ரயில் உருவாக்கப்பட்டுள்ளது. இதை இயக்க நான்கு ஜோடி மின்சார இன்ஜின்கள் ரயிலில் இணைக்கப்பட்டுள்ளன. இந்த ரயிலை இயக்குவது தொடர்பான வீடியோக்களையும் புகைப்படங்களையும் ரயில்வே துறை சமூக வலைதளங்களில் வெளியிட்டுள்ளது.

முன்னாள் அமைச்சர் வளர்மதிக்கு கொரோனா!

மின்னம்பலம் :  முன்னாள் அமைச்சர் வளர்மதிக்கு கொரோனா தொற்று உறுதி செய்யப்பட்டுள்ளது.
தமிழகத்தில் கொரோனா பாதிப்பு நாளுக்கு நாள் வேகமெடுத்து வருகிறது. மொத்த பாதிப்பு ஒரு லட்சத்து 11 ஆயிரத்து 151 ஆக அதிகரித்துள்ள நிலையில், பலி எண்ணிக்கையும் 1, 510 ஆக உயர்ந்துள்ளது. கொரோனாவை எதிர்த்து போராடி வரும் முன்கள பணியாளர்களுக்கு கொரோனா உறுதி செய்யப்படும் அதே நேரம் சட்டமன்ற உறுப்பினர்களும் அரசியல் பிரமுகர்களும் கொரோனா தொற்றுக்கு ஆளாகி வருகின்றனர்.
முன்னாள் அமைச்சரும், அதிமுகவின் முக்கிய நிர்வாகிகளில் ஒருவருமான பா.வளர்மதி. தற்போது தமிழ்நாடு பாடநூல் கழக தலைவராக பதவி வகித்து வருகிறார். சென்னை விருகம்பாக்கத்தில் வசித்து வரும் அவருக்கு சில நாட்களாக உடல்நலக் குறைவு இருந்ததால், மருத்துவமனையில் கொரோனா பரிசோதனை செய்துள்ளார். அதில், அவருக்கு கொரோனா தொற்று உறுதி செய்யப்பட்டது.

குவைத் ..8 லட்சம் இந்தியர்கள் வெளியேறும் சூழ்நிலை.. புதிய வெளிநாட்டு மசோதா

 மாலைமலர் : வெளிநாட்டு தொழிலாளர்களின் எண்ணிக்கையை குறைக்கும் வகையில் குவைத் அரசு அறிமுகப்படுத்தியுள்ள சட்ட மசோதாவால், இந்தியர்கள் பாதிக்கப்படும் சூழல் உருவாகியுள்ளது. கொரோனா தாக்கத்தால் பிற நாடுகளை போலவே பொருளாதார நெருக்கடியில் சிக்கியுள்ள நிலையில், குவைத் அரசு சொந்த நாட்டினருக்கு வேலை வாய்ப்புகளை உறுதி செய்யும் வகையில் புதிய சட்டத்தை அறிமுகப்படுத்தியுள்ளது. குவைத்தின் தேசிய சட்டமன்றத்தின் சட்ட மற்றும் சட்டமன்றக்குழு வரைவு வெளிநாட்டு ஒதுக்கீட்டு மசோதாவுக்கு ஒப்புதல் அளித்துள்ளது.

பயிற்சி காவலர்களுக்கு கொரோனா: ...! 1000 மேற்பட்ட காவலர்களுக்கு கொரோனா

மின்னம்பலம் : கொரோனா வைரஸ் தொற்று காவல் துறையினரையும் அச்சுறுத்தி வரும் நிலையில், தனிமைப்படுத்த இடமில்லாமல் தவித்து வருவதாகக் காவல் துறை வட்டாரங்கள் கூறுகின்றன.
விருதுநகர் மாவட்டத்தில் அய்யனார் என்ற தலைமைக் காவலர் கொரோனா வைரசால் இன்று உயிரிழந்தார், ஏற்கனவே சென்னை மாம்பலம் காவல் ஆய்வாளர் பாலமுரளி கொரோனாவுக்கு பலியானார். மாநகரில் 1000த்துக்கும் அதிகமான போலீசார் கொரோனாவால் பாதிக்கப்பட்டுள்ளனர். இதில், 400க்கும் அதிகமானோர் மீண்டுள்ளதாகச் சென்னை காவல்துறை தரப்பில் தெரிவிக்கப்பட்டது.
சென்னையில் சில போலீசார் கொரோனா தொற்றால் தனியார் மருத்துவமனையில் தனிமைப்படுத்திக் கொண்டு நாள் ஒன்றுக்கு 5000 ரூபாய் கட்டணம் செலுத்தி வருவதாகச் சென்னை காவல் ஆய்வாளர் ஒருவர் கூறுகிறார்.

பாலியல் குற்றத்தை மறைக்க ரூ.35 லட்சம் லஞ்சம் பெண் போலீஸ் அதிகாரி கைது செய்யப்பட்டார்.

வெள்ளையும் சொள்ளையுமா இருக்கிறதால இந்த பெண்தான் குற்றவாளிகளை உயிரை பணயம் வைத்து துரத்தி பிடித்தார் என்று நம்ம ஆளு நம்புவான்
தினத்தந்தி : பாலியல் குற்றத்தை மறைக்க ரூ.35 லட்சம் லஞ்சம் பெண் போலீஸ் அதிகாரி கைது செய்யப்பட்டார். அகமதாபாத் குஜராத் மாநிலம் அகமதாபாத்தில் விவசாய நிறுவனத்தின் நிர்வாக இயக்குநரான கேனல் ஷா. இதில்பணியாற்றி வந்த 2 பெண்கள் கேனல் ஷா தங்களை பாலியல் பலாத்காரம் செய்ததாக மேற்கு அகமதாபாத் பகுதியில் உள்ள மகளிர் காவல்நிலையத்தில் புகார் அளித்தனர்.
மகளிர் காவல்நிலைய காவல் உதவி ஆய்வாளராக இருந்தவர் சுவேதா ஜடேஜா அப்பெண்கள் பணிபுரிந்த நிறுவனத்தின் நிர்வாக இயக்குநரான கேனல் ஷாவை கைது செய்யவில்லை மேலும் பாலியல் வன்கொடுமை சட்டத்தின் கீழ் கைது செய்யாத சுவேதா, சாதாரண வழக்குப்பதிவு செய்துள்ளார். இதற்காக கேனல் ஷாவின் சகோதரரின் மூலம் ரூ.20 லட்சம் லஞ்சமாக பெற்றுள்ளார். மேலும் ரூ.15 லட்சம் லஞ்சம் தர வேண்டும் என தெரிவித்துள்ளார். ஆனால் அந்த தொகை கேனால் ஷாவின் தரப்பிலிருந்து இன்னும் வழங்கப்படாததால் அவர்களை சுவேதா தொடர்ந்து மிரட்டி வந்துள்ளார்.

திருகோணமலை தங்கத்துரை.MP .(05.07.1997) புலிகளால் படுகொலை செய்யபட்ட கிழக்கின் மாபெரும் தலைவர்

Mathi Kumarathurai : (By பாலசுகுமார்)
அமரர் அருணாசலம்  தங்கத்துரை அவரகள் மறைந்து  23
வருடங்கள் கடந்து விட்டன ஆனாலும் அவர் விட்டுச் சென்ற திருகோணமலை மாவட்டத்துக்கான அரசியல் வெற்றிடம் அப்படியே உள்ளது. இதே நாளில்தான் (05.07.1997)தங்கத்துரை அண்ணன் உட்பட சண்முகாவித்தியாலய அதிபர் இராஜேஸ்வரி,கூனித்தீவின் மூத்த அதிபர் ஜீவரத்தினம் என பல கல்வியாளர்களும் புலிகளால் படுகொலை செய்யப் பட்ட நாள்.
அண்ணன் தங்கத்துரை அடிப்படையில் இடதுசாரி கொள்கையில் நாட்டம் கொண்டவர் கொழும்பில் வேலை செய்கிற போது சமஜமாஜி தொழிற்சங்கத்துடன் இணைந்து பணியாற்றியவர் இலங்கையின் பல இடது சாரி தலவர்களுடனான நட்பு அவருக்கிருந்தது.
மூதூர் தொகுதி அரசியல் பிரதிநிதித்துவம் தங்கதுரை அண்ணனுக்கு முன்பு மூதூரை சாராதவர்களாலேயே ஆக்கிரமிக்கப் பட்டிருந்தது.1970ம் ஆண்டு நடை பெற்ற தேர்தலில் மூதூர் தமிழ் மக்களின் ஏகோபித்த ஆதரவை பெற்றவராக தமிழரசுக் கட்சியின் பாராளுமன்ற உறுப்பினராகிறார்.ஒரு பாராளுமன்ற உறுப்பினர் எப்படி இருக்க வேண்டும் இயங்க வேண்டும் என்பதற்கு சிறந்த உதாரணம் அண்ணன் தங்கத்துரை என்றால் அது மிகையன்று.

சாத்தான்குளம் வழக்குக் ஊத்தி மூடுவதற்கே நீதிபதி இடமாற்றம் ...?

நீதிபதி சத்தியநாராயணன் 18 எம் எல் ஏக்கள் தகுதிநீக்கம் வழக்கில் அரசுக்கு ஆதரவாக தீர்ப்பு வழங்கியவர். 
கொலை செய்யப்பட்ட   தந்தை மகன்  ஜெயராஜ் பெனிக்ஸ் ஆகியோருக்கு நீதி கிடைக்கும்  என்ற நம்பிக்கை தகர்கிறது ..?

லண்டன் சிவன் கோயில் அர்ச்சர்கரும் சகோதர்ரும் தற்கொலை

Thambirajah Jeyabalan : நேற்று அண்ணனும் தற்கொலை!
பிரித்தானியாவில் கொவன்றி என்ற இடத்தில் பிள்ளையார் கோவிலில் பணியாற்றிய தீபன் ஐயா என்பவர் தற்கொலை செய்துகொண்டுள்ளார்.
நேற்று யூலை 4 தீபன் ஐயா தூக்கிட்டு தற்கொலை செய்து கொண்டுள்ளார்.
சில வாரங்களுக்கு முன் தற்கொலை செய்து கொண்ட லூசியம் சிவன் கோவில் ஐயா கோபி சர்மாவின் சகோதரரே தீபன் ஐயா எனத் தெரியவருகிறது.
ஆலயம் செல்லும் பக்தர்களோடு இருவருமே நல்ல உறவுகளைக் கொண்டிருந்த போதும் இத்துரதிஸ்டமான முடிவு நிகழ்ந்துள்ளது. திருமணமாகாத கோபி சர்மா டிக் டாக்  போன்ற சுவாரஸ்யமான பதிவுகளை வெளியிட்டு பலர் மத்தியிலும் அறிமுகமான ஒரு உள்ளுர் பிரபல்யம். 
இவர் தற்கொலை செய்வதற்கான காரணங்கள் இருக்கவில்லை என்றே சொல்லப்பட்டது. 
மலேசியாவில் இருக்கும் தன் காதலிக்கு நாடகம் செய்ய முயன்று அது விபரீதத்தில் முடிந்துவிட்டதாக கோபி சர்மாவின் நண்பர்கள் தெரிவிக்கின்றனர். 

மாணவி பவானி படுகொலை .. திருவண்ணாமலை விவசாய கல்லூரி

Thangaraj Gandhi : மருத்துவ கல்லூரியில் நீட் தேர்வில் கூட வென்று விடலாம். இந்த பாழாய் போன் மதுரை விவசாய கல்லூரியில் ஒரு சீட் கிடைப்பது
என்பது சென்னை ஐஐடி போல அரிதினும் அரிது. இங்கு சேர்ந்து படிக்க என்ன வழிமுறை என்றே வெளிப்படைத்தன்மை இல்லை.
இந்த நிலையில் அடுக்கப்பட்ட மூட்டையில் அடிமூட்டையாக தவிக்கும் அருந்ததியர் சமூகத்தின் ஆண்களெல்லாம் தடுமாறிச் செல்ல, எங்கோ ஒரு பெண் மாணவி பவானி அத்திப்பூத்தார் போல அந்த கல்லூரியில் பயின்று வந்த போது
மர்மமான முறையில் படுகொலை என்றால் என்ன காரணம் ரோகித் லெமுலா உள்ளிட்ட பட்டியல் இனமக்கள் எப்படி படியேறி வந்தாலும் கொன்றாவது தனது இரத்தபசியை தீர்க்கும் சாதிவெறி சனாதனவெறி தலைவிரித்தாடுவதைத் தவிர வெறென்ன.

இலங்கை கிரிக்கெட் வீரர் குசால் மென்டிஸ்-கைது! ...வீதி விபத்து .. சி சி டி வி வீடியோ

/tamil.mykhel.com/ : கொழும்பு : இலங்கை அணி கிரிக்கெட் வீரர் குசால் மென்டிஸ்-ஐ இலங்கை காவல்துறை கைது செய்துள்ளது. Kusal Mendis arrested. இலங்கையில் பரபரப்பு! ஞாயிறு அன்று காலை ஐந்து மணிக்கு அவர் ஓட்டிச் சென்ற கார், 64 வயது முதியவர் மீது மோதியது. அந்த முதியவர் அங்கேயே மரணம் அடைந்தார். காவல்துறை வழக்கு பதிவு செய்து குசால் மென்டிஸ்-ஐ கைது செய்துள்ளது.
 இலங்கை கிரிக்கெட் இலங்கை கிரிக்கெட் இலங்கை கிரிக்கெட் அமைப்பு கடந்த சில மாதங்களாகவே பல சிக்கல்களை சந்தித்து வருகிறது. கொரோனா வைரஸால் வருவாய் இழந்து நிதிச் சிக்கலில் உள்ளது. அதைத் தொடர்ந்து 2011 உலகக்கோப்பை இறுதிப் போட்டியில் மேட்ச் பிக்ஸிங் நடந்ததாக எழுந்த புகாரில் சிக்கியது. கார் விபத்து கார் விபத்து அந்த பிரச்சனைகளில் இருந்து மீள்வதற்குள் இலங்கை அணி வீரர் குசால் மென்டிஸ் கார் விபத்து வழக்கில் சிக்கி இருக்கிறார். குசால் மென்டிஸ் இலங்கை அணியில் தொடர்ந்து வாய்ப்பு பெற்று வருகிறார். சமீபத்தில் கூட கொரோனா வைரஸ் பாதிப்புக்கு பின் நடந்த பயிற்சி முகாமில் கலந்து கொண்டார்

ஃப்ரண்ட்ஸ் ஆஃப் போலீசுக்கு தமிழகம் முழுவதும் தடைவிதிக்க படுமா?

;Mageshbabu Jayaram - Samayam : ஃப்ரெண்ட்ஸ் ஆஃப் போலீஸ் மக்களுக்கு எதிரி ஆனது எப்படி?< தமிழகத்தில் கடந்த சில நாட்களாக ஃப்ரண்ட்ஸ் ஆஃப் போலீஸ் மீது அதிருப்தி ஏற்பட்டுள்ளது. இதன் பின்னணி குறித்து இங்கே காணலாம்.

Friends of Police

இதன் சூத்திரதாரி பிலிப் இவர்தான்

ஃப்ரண்ட்ஸ் ஆஃப் போலீஸ்(Friends of Police) - சீருடை அணியாத ’காவலர்களின் நண்பன்’. காவலர்களுக்கும், பொதுமக்களுக்கும் ஓர் இணைப்புப் பாலமாக இருப்பவர்கள். காவல்துறையினருக்கு உதவிகரமாக இருக்கும் வகையில் உருவாக்கப்பட்ட அமைப்பே ஃப்ரண்ட்ஸ் ஆஃப் போலீஸ் ஆகும். போக்குவரத்தை சரிசெய்வது, மூத்த காவலர்களுடன் உதவிக்குச் செல்வது, திருவிழா காலங்களில் கண்காணிப்பு பணிகளில் ஈடுபடுவது, குற்றங்களைத் தடுப்பது தொடர்பாக பொதுமக்களுக்கு எச்சரிக்கையூட்டுவது
போன்றவற்றிற்காக ஏற்படுத்தப்பட்டது. நாட்டின் பல்வேறு மாநிலங்களில் இந்த அமைப்பு உள்ளது. இதில் ஏராளமான இளைஞர்கள் தன்னார்வலர்களாக இணைந்து பணிபுரிந்து வருகின்றனர்.

ஐந்து மணி நேரம் வீடியோ கேம் விளையாடியவர் மூளை நரம்பு வெடித்து மரணம்

தினக்குரல் : ஐந்து மணி நேரத்திற்கும் மேலாக கைத்தொலைபேசியில் வீடியோ கேம் விளையாடிக்கொண்டிருந்த ஒருவர் மூளை நரம்பு வெடித்து உயிரிழந்துள்ளார். கொழும்பு, கிரான்ட்பாஸ் பிரதேசத்தை சேர்ந்த 30 வயதுடைய ஒரு பிள்ளையின் தந்தையே இவ்வாறு உயிரிழந்துள்ளார்.
அவர் கடந்த 29ஆம் திகதி இரவு 9 மணி முதல் அதிகாலை 2 மணி வரை அறையில் தனது கைத்தொலைபேசியில் விளையாடிக் கொண்டிருந்தபோது இந்த மரணம் ஏற்பட்டுள்ளது.
மரணம் தொடர்பில் திடீர் மரண பரிசோதகர் இரேஷா தேஷானி முன்னால் இடம்பெற்ற மரண விசாரணையின்போது அவரது 30 வயதுடைய மனைவி ஆனந்தன் தர்ஷிகா இவ்வாறு சாட்சியளித்துள்ளார்.
“எங்களுக்கு ஒரு பிள்ளை உள்ளது. கணவன் வர்த்தகர். எனக்குத் தெரிந்த அளவில் அவருக்கு அல்சர் வருத்தத்தை தவிர வேறு ஒரு நோயும் இல்லை.
இரவு 9 மணியளவில் தனது கையடக்கத் தொலைபேசியில் விளையாடிகொண்டி ருந்ததை அவதானித்தேன்.
அதனை நிறுத்தி விட்டு உறங்குமாறு நான் கூறினேன். அதைக் கேட்காமல் விளையாடிக் கொண்டிருந்தார்.

"நடுத்தெருவில் நிறுத்துவது நவீனமா?" - ஜெ.ஜெயரஞ்சன்

மின்னம்பலம : பொருளாதார பாதிப்புகள், சமூகப் பிரச்சினைகள், மக்களின் அவதிகள் குறித்து பொருளாதார அறிஞரும், சென்னை மாற்று வளர்ச்சி மையத்தின் இயக்குனருமான ஜெ.ஜெயரஞ்சன் மின்னம்பலம் யு ட்யூப் சேனலில் விரிவாகப் பேசி வருகிறார். இந்த நிலையில் இன்று (ஜூலை 5) இந்த நெருக்கடி காலத்தை சாதகமாக பயன்படுத்திக்கொண்டு அரசு எடுக்கும் அவசர நடவடிக்கைகள் பற்றி ஜெயரஞ்சன் பேசினார். தொழிலாளர்கள் நல சட்ட திருத்தங்களை ஆதரிப்பவர்கள் முன்வைக்கும் வாதங்கள், எதிர்ப்பவர்கள் முன்வைக்கும் காரணங்களை பட்டியலிட்ட அவர், தொழில் தொடங்குவது தொடர்பாக வெளியிடப்பட்ட கருத்துக் கணிப்புகள் குறித்தும் விரிவாக ஆய்வுக்கு உட்படுத்தினார்

அதிமுக எம் எல் ஏ அம்மன் அர்ஜுனுக்கு கொரோனா தொற்று உறுதி .. கோவை தெற்கு சட்டமன்ற

தினத்தந்தி : தமிழகத்தில் மேலும் ஒரு எம்.எல்.ஏவுக்கு கொரோனா தொற்று உறுதி செய்யப்பட்டுள்ளது.
கோவை, தமிழகத்தில் கொரோனா தொற்று நாளுக்கு நாள் அதிகரித்து வருகிறது. கொரோனா தொற்றால் மக்கள் பிரதிநிதிகளும் அடுத்தடுத்து பாதிக்கப்பட்டு வருகின்றனர். இந்த நிலையில், கோவை தெற்கு சட்டமன்ற தொகுதி அதிமுக எம்.எல்.ஏ அம்மன் அர்ஜூனனுக்கு கொரோனா தொற்று உறுதி செய்யப்பட்டுள்ளது. இதையடுத்து, எம்.எல்.ஏ அம்மன் அர்ஜூனன் கோவை சிங்கா நல்லூர் பகுதியில் உள்ள இ.எஸ்.ஐ மருத்துவமனையில் சிகிச்சைக்காக அனுமதிக்கப்பட்டுள்ளார். கடந்த வாரம், எம்.எல்.ஏவின் மகள், மருமகனுக்கு கொரோனா தொற்று உறுதி செய்யப்பட்டிருந்தது.

இளம்பெண் தற்கொலை வழக்கில் தொடர்பு” - 2 பேர் மீது தி.மு.க ஒழுங்கு நடவடிக்கை!

.kalaignarseithigal.com/:  செங்கல்பட்டு அருகே இளம்பெண்ணின் தற்கொலைக்குக் காரணமாக குற்றம்சாட்டப்பட்ட இருவரையும் கட்சியின் அடிப்படை உறுப்பினர் பொறுப்பில் இருந்து   நீக்கி உத்தரவிட்டுள்ளார் தி.மு.க தலைவர் மு.க.ஸ்டாலின். செங்கல்பட்டு மாவட்டம், செய்யூரை அடுத்த நைனார்குப்பம் கிராமத்தைச் சேர்ந்தவர் சந்திரா. இவரது மகள் சசிகலா (26) கடந்த 24ம் தேதி வீட்டில் தூக்குப்போட்டு தற்கொலை செய்துகொண்டார்.
இதுகுறித்த புகாரின் பேரில் காவல்துறையினர் உடலைக் கைப்பற்றி மதுராந்தகம் அரசு மருத்துவமனைக்கு பிரேத பரிசோதனைக்காக அனுப்பி வைத்தனர். பின்னர் உடல் பெற்றோரிடம் ஒப்படைக்கப்பட்டு அடக்கம் செய்யப்பட்டது.