Dan Tv அவசரகால சட்டம் நீக்கப்பட்டிருப்பது தொடர்பாக

டான் யாழ்.ஒளி தொலைக்காட்சியில் மக்கஅவசரகால சட்டம் நீக்கப்பட்டிருப்பது தொடர்பாக ள் என்ன கருதுகிறார்கள் என்பது குறித்து கருத்துக் கேட்கப்படவிருக்கின்றது.

டான் யாழ்.ஒளி தொலைக்காட்சியில் இன்று வெள்ளிக்கிழமை (02.09.2011) இடம்பெறும் பார்வைகள் நிகழ்ச்சியில்,  நாட்டில் இதுவரை காலமும் அமுலில் இருந்த அவசரகால சட்டம் நீக்கப்பட்டிருப்பது தொடர்பாக மக்கள் என்ன கருதுகிறார்கள் என்பது குறித்து கருத்துக் கேட்கப்படவிருக்கின்றது. இதுதொடர்பாக உங்கள் கருத்துக்களை பதிவுசெய்ய இலங்கை நேரம் இரவு 10.00 மணிமுதல் நீங்கள் நல்லிரவு 12:00 மணிவரை அழைக்கலாம். (ஐரோப்பிய நேரம் 6.30 – 8.30 ) அழைக்கவேண்டிய தொலைபேசி இலக்கம்: 0094112667977. நிகழ்ச்சியை http://www.dantv.tv/live_sl.html எனும் இணைப்பினூடாக இணையத்தில் நேரலையிலும் ஐரோப்பிய நேரம் 10.00 மணிக்கு டான் யாழ் ஒளி தொலைக்காட்சியிலும்  நீங்கள் பார்க்கலாம். யாழ் ஒளி தொலைக்காட்சியை ஐரோப்பா மற்றும் மத்திய கிழக்கு நாடுகளில் காண : Eurobird-9 (9˚ East) Ku Band, FREQUENCY : 11938 H, S/R : 27500, FEC : 3/4

நிமித்தக்காரனும் – நிமித்தமும் சகுனங்களையும், அப்போது நிகழும் நிகழ்வுகளையும்

ஜோதிடத்தில் பல வகைகள் உண்டு.  கிரகங்களை அடிப்படையாக வைத்துப் பலன் கூறுவது பொதுவாக எல்லா ஜோதிடர்களும் கையாளும் முறை.  சிலர் சோழிகளை வைத்துப் பலன்கள் கூறுவர்.  இதற்குப் “பலகரை” ஆரூடம் எனப் பெயர். சிலர் கேள்விகேட்ப்பவர்களையே வெற்றிலை வாங்கிக் கொண்டு வரச்சொல்வர். அந்த வெற்றிலையின் எண்ணிக்கையை வைத்துக் கொண்டு பலன் சொல்லுவர். சிலர் கேள்வி கேட்பவர்களை 108 க்குள் எதாவது எண் சொல்லச் சொல்லுவர்.  அந்த எண்னை அடிப்படையாக வைத்துப் பலன்கள் கூறுவர்.  அந்தப்பலன்கள் சரியாக இருக்கும்.  “நம்முடைய எதிர்காலம் சோழியிலும், வெற்றிலையிலும், எண்களிலுமா இருக்கிறது” என எதிர்க் கேள்வி கேட்கலாம். இதெல்லாம் எதிர்வாதத்திற்கு ஆகுமே தவிர நடைமுறைக்கு  ஒவ்வாது.
சகுனங்களையும், அப்போது நிகழும் நிகழ்வுகளையும் (நிமித்தங்களையும்) வைத்துக் கொண்டு பலன் கூறுவது ஒரு முறை. நாம் நமது பாடத்தில் சகுனங்கள் எல்லாம் எதிர்
காலத்தைக் கூறும் அசிரீரி என எழுதி இருந்தோம். நிமித்தங்களும் அவ்வாறே. தற்போது நிகழும் நிகழ்வுகளை  சரியாக கணித்துப் பலன் கூறுவோமேயானால், நமது
பலன்கள் எல்லாம் சரியாக இருக்கும்.  இதற்கு ஜாதகம் தேவை இல்லை. எதையும் கூர்ந்து ஆராய்ந்து பலன் சொல்லும் திறன் மட்டும் தேவை. திரு. கிருஷ்ண மூர்த்தி
அவர்கள் நிமித்தத்தை வைத்து ஒரு பெண்ணுக்கு இரட்டைக் குழந்தை பிறந்ததையும், ஒருவருக்கு வெளிநாட்டிலிருந்து இந்தியா திரும்ப முடியுமா என்று கூறியதையும், ஒருவருக்கு அழகில்லாத பெண் மனைவியாக வாய்ப்பாள் என்று கூறியதையும் விரிவாக தம் புத்தகத்திலே எழுதியுள்ளார்.  நாமும் நமது அனுபவம் ஒன்றைக் கீழே எழுதியுள்ளோம்.
நாம் நமக்கு வேண்டிய தம்பதியர் ஒருவரிடம் பேசிக்கொண்டு இருந்தோம். அப்போது அந்தப் பெண்மணி நிறைமாத கர்ப்பிணியாக இருந்தார்.  “எனக்கு என்ன குழந்தை பிறக்குமென்று உங்களால் கூற முடியுமா?” என அந்தப் பெண்மணி கேட்டார். நாம் பதில் சொல்வதற்குள் பக்கத்து வீட்டிலிருந்து ஒரு சிறு பையன் அந்த வீட்டிற்கு ஓடி வந்தான். நாம் பதில் சொல்வதற்கு அதிக நேரம் எடுத்துக் கொள்ளவில்லை. உடனடியாக, “பிறக்கப்போவது ஆண் குழந்தை” என்று தயக்கமில்லாது கூறினோம். அவ்வாறே அந்தப் பெண்ணிற்கு ஆண் குழந்தை பிறந்தது.
சகுனங்களும், நிமித்தங்களும் எதிர்காலத்தைக் கூறும் அசிரீரிகள்.  நாம் அவற்றை சரியாகப் புரிந்து கொண்டு பலன் கூறினால், நமது வாக்குப் பலிதம் நன்றாக இருக்கும்.

கட்டபொம்மன் கொள்ளைகாரனா...? கொதிக்கும் நாயக்கர் சமுகம்...

“மக்களுக்கான நீதி” என்ற ஒரு சமூக மாத இதழில் கிருஷ்ணபரையனார் என்பவர் வீரபாண்டிய கட்டபொம்மன் தியாகியா...? கொள்ளைக்காரனா...? என்ற தலைப்பில் ஒரு கட்டுரை வெளியிட்டுள்ளார். அதில் மா.பெ.சிவஞான கிராமணியார் அவர்கள் இந்திய சுதந்திர போராட்டத்தில் தமிழகத்தின் பங்கு பற்றி எழுதும் போது சரியான் வீரர்கள் யாரும் கிடைக்காமல் கஷ்டப்பட்டுக் கொண்டிருந்தார்.
அப்படி தமிழர்கள் யாரையும் பற்றி எழுதாமல் விட்டால் தமிழகத்துக்கு இழுக்கு ஏற்ப்பட்டுவிடுமே என்று எண்னத்தில் வெள்ளைக்காரனை எதிர்த்த ஒரே காரணத்துக்காக கட்டபொம்மன் வீரனாக்கி எழுதிவிட்டார்.

இப்படி வெள்ளையனை எதிர்த்தவர்களை எல்லாம் வீரர் என்றால் எத்தனையோ திருடர்களையும், கொல்லையர்களையும் வெள்ளைக்காரர்கள்   தூக்கில் போட்டுள்ளார்கள். அவர்களையும் நாம் சுதந்திர போராட்ட வீரர்கள் என்று எழுதவேண்டியிருக்கும்.
கிராமணியார் கட்டபொம்மனை நாடகமாக தயாரித்தார், பின்னர் அதை பந்துலு அவர்கள் சினிமாவாக எடுத்தார். சினிமாவின் பிரமாண்டத்தாலும், நடிகர் திலகத்தின் ஈடு இணையற்ற நடிப்பாலும், ஒரு கோழை, வழிப்பறி கொள்ளைக்காரன் வீரனாகிவிட்டான்.
கட்டபொம்மன் ஒரு வீரனுமல்ல, அவன் பாண்டியனுமல்ல... அவன் ஒரு வழிப்பறி கொள்ளைக்காரன், ஆந்திராவை சேர்ந்த தெலுங்கன் என்று கட்ட பொம்மனை எட்டுப்பக்கத்திற்கு விமர்சனம் செய்து எழுதியுள்ளார் கிருஷ்ணப்பரையனார்.
வீரபாண்டிய கட்டபொம்மன் அவர்ளைப்பற்றி தவறான தகவல்களை வெளியிட்டுள்ளார் கிருஸ்ணபரையனார் அவர்கள். இந்த கட்டுரைக்கு அவர் வருத்தம் தெறிவிக்கவேண்டும், இல்லையானால் தமிழகம் முழுவதும் அவரை கண்டித்து நாங்கள் ஆர்ப்பாட்டம் நடத்த்துவோம்.

சென்னையில் உள்ள அவரது அலுவலகத்தை இழுத்துபூட்டும் போராட்டம் நடத்துவோம் என்கிறார் தமிழ்நாடு நாயுடு, நாயக்கர் மகர்ரஜகள் சங்க மாநில இளைஞர் அணி அமைப்பாளர் பிரனவ்குமார்.
உயிரோடு உள்ளவர்களால்..செத்துவிட்டவர்களுக்கும் பிரச்சனையப்பா...

ஹசாரே மீது சசிதரூர் தாக்கு மக்களுக்குச் செய்யும் தீங்கு :

சமூக சேவகர் அண்ணா ஹசாரே மீது கடுமையான தாக்குதல் தொடுத்துள்ளார் சசி தரூர். உண்ணாவிரதம் இருக்கப்போவதாக அறிவித்த நாள் முதல் காங்கிரஸ் தலைவர்கள், அமைச்சர்களின் கடும் விமரிசனங்களுக்கு உள்ளாகியுள்ளார் அண்ணா ஹசாரே.

அவர் மீது தொடுக்கப்பட்ட சமீபத்திய வார்த்தைத் தாக்குதல், முன்னாள் மத்திய அமைச்சர் சசிதரூரிடம் இருந்து வந்துள்ளது.

தேர்தலையே சந்திக்காத ஒருவர், எப்படி தன்னை மக்களின் குரல் என்று சொல்லிக்கொள்ளலாம்? என்பதுதான் அந்தத் தாக்குதல்!
சட்டம் என்பது நாடாளுமன்றத்தால் உருவாக்கப்படுவது என்று கூறிய சசிதரூர், தேர்தல்களில் நிற்காத ஒரு சிறு குழு, தன் கருத்துகளை சட்டமாகப் போடுமாறு நாடாளுமன்றத்தை வலியுறுத்துவது மக்களுக்குச் செய்யும் தீங்கு என்று தெரிவித்துள்ளார்.
ஒரு மைதானத்தில் நின்று கொண்டு, ஒரு சில மக்கள் சூழ்ந்துகொள்ள, சில தொலைக்காட்சி கேமராக்கள் புடைசூழ நின்று கொண்டு குரல் கொடுப்பதெல்லாம் ஜனநாயகம் என்று சொல்வதை ஏற்றுக்கொள்ள முடியாது என்று நேற்று இரவு தில்லி ஜவஹர்லால் நேரு பல்கலைக்கலைக்கழகத்தில் நடைபெற்ற ஒரு நிகழ்ச்சியில் அவர் காட்டமாகக் கூறினார்.

கிறீஸ் மனிதர்கள் TNA நாடாளுமன்ற உறுப்பினருக்கு தொடர்பு என்கிறார் கருணா!

கிறீஸ் மர்ம மனிதர்கள் என்ற மர்ம செயற்பாடுகளில் தமிழ் தேசியக் கூட்டமைப்பின் மட்டக்களப்பு மாவட்ட நாடாளுமன்ற உறுப்பினர் ஒருவர் சம்பந்தப்பட்டுள்ளதாக மீள்குடியேற்ற பிரதியமைச்சர் விநாயகமூர்த்தி முரளிதரன் தெரிவித்துள்ளார்.

மட்டக்களப்பு மாவட்ட சிவில் பாதுகாப்பு குழுக்களின் தலைவர்களுடன் நடத்திய சந்திப்பின் போதே அவர் இதனை குறிப்பிட்டுள்ளார். மட்டக்களப்பு மாவட்ட நாடாளுமன்ற உறுப்பினர் ஒருவரின் பொய் பிரசாரம் காரணமாக மக்கள் தமது கையில் சட்டத்தை எடுத்துக்கொண்டு, பொது சொத்துக்களுக்கு சேதம் ஏற்படுத்தியதாக முரளிதரன் கூறியுள்ளார்.

வன்முறையில் ஈடுபட்டவர்களை காவற்துறையினர் கைதுசெய்துள்ளனர், கைதுசெய்யப்பட்டவர்களை தமிழ் தேசியக் கூட்டமைப்பினரால் விடுவிக்க முடியாது எனவும் கிறீஸ் மர்ம மனிதர்கள் இருப்பதாக கூறினாலும் மக்கள் இந்த பொய் பிரசாரத்தின் பின்னணியில் யார் இருக்கின்றனர் என தேடிபார்க்கவில்லை எனவும் பிரதியமைச்சர் மேலும் தெரிவித்துள்ளார்.

யாழ் ஆலயங்களில் கொள்ளைக,ஆறு பேர் கைது செய்யப்பட்டுள்ளனர்

யாழ்ப்பாண இந்து ஆலயங்களில் கொள்ளைகளில் ஈடுபட்டு வந்த ஆறு பேர் கைது செய்யப்பட்டுள்ளனர்.

யாழ்ப்பாண மாவட்டத்தின் பல பிரதேசங்களிலும் குறித்த நபர்கள் கொள்ளைகளை மேற்கொண்டுள்ளதாகக் குறிப்பிடப்படுகிறது.
இராணுவத்தினரின் ஒத்துழைப்புடன் பிரதேச மக்கள் குறித்த சந்தேக நபர்களை மடக்கிப்பிடித்து காவல்துறையினரிடம் ஒப்படைத்துள்ளனர்.
இனுவில் கந்தசுவாமி கோயிலில் கொள்ளையில் ஈடுபட முயற்சி செய்த போது சந்தேக நபர்கள் கைது செய்யப்பட்டுள்ளனர்.
தங்கம் உள்ளிட்ட பல்வேறு பெறுமதி வாய்ந்த பொருட்களை குறித்த நபர்கள் கொள்ளையிட்டுள்ளதாக விசாரணைகளின் மூலம் தெரியவந்துள்ளது.
சில பெறுமதி வாய்ந்த தங்க ஆபரணங்கள் ஏற்கனவே உருக்கப்பட்டு வேறும் ஆபரணங்களாக மாற்றப்பட்டுள்ளன.

யுவன்சங்கர் ராஜா திருப்பதியில் திருமணம்;

இசை அமைப்பாளர் யுவன்சங்கர் ராஜா திடீர் திருமணம்; திருப்பதியில் இன்று நடந்தது!

பிரபல இசை அமைப்பாளர் யுவன்சங்கர் ராஜா. இவர் தமிழில் 85 படங்களுக்கு மேல் இசை அமைத்துள்ளார். 7ஜி ரெயின்போ காலனி, மன்மதன், ராம், சண்டைக்கோழி, பட்டியல், வல்லவன், பருத்தி வீரன், சென்னை 28, யாரடி நீ மோகினி, பில்லா, தீனா, பையா, சரோஜா, பாஸ் என்கிற பாஸ்கரன், அவன் இவன், மங்காத்தா உள்ளிட்ட பல படங்கள் யுவன் இசை அமைப்பில் வந்தவை.

யுவன்சங்கர் ராஜாவுக்கும், சுஜன்யாவுக்கும் ஏற்கனவே திருமணம் நடந்தது. ஆனால் இந்த திருமணம் குறுகிய காலத்திலேயே முறிந்தது. இருவரும் விவாகரத்து செய்து பிரிந்தனர். பின்னர் யுவன்சங்கர் ராஜாவுக்கும் ஷில்பா என்பவருக்கும் காதல் மலர்ந்தது. ஷில்பா டாக்டராக உள்ளார். இருவரும் திருமணம் செய்து கொள்ள முடிவு செய்தனர். இவர்கள் திருமணத்துக்கு இரு வீட்டு பெற்றோரும் சம்மதம் தெரிவித்தனர்.

இதையடுத்து திருப்பதியில் இன்று காலை யுவன்சங்கர் ராஜாவுக்கும் டாக்டர் ஷில்பாவுக்கும் திடீர் திருமணம் நடந்தது. இந்த திருமணத்தில் யுவனின் தந்தை இளையராஜா மற்றும் நெருக்கமான உறவினர்கள் மட்டுமே கலந்து கொண்டனர். திருமண வரவேற்பு நிகழ்ச்சி சென்னையில் உள்ள நட்சத்திர ஓட்டலில் நாளை நடக்கிறது.

Credit Card இரண்டு புலிச் சந்தேக நபர்கள் பங்களுரில் கைது!

கடன் அட்டை மோசடியில் ஈடுபட்ட இரண்டு புலிச் சந்தேக நபர்கள் பங்களுரில் கைது!

உலக அளவில் பாரிய கடன் அட்டை மோசடியில் ஈடுபட்ட இரண்டு புலிச் சந்தேக நபர்களை கைது செய்துள்ளதாக பங்களுர் காவல்துறையினர் அறிவித்துள்ளனர்.

மலேசியாவிலிருந்து இணையத்தின் ஊடாக தரவுகள் ஹெக் செய்யப்பட்டுள்ளது.

கைது செய்யப்பட்ட சந்தேக நபர்கள் புலிகளுடன் தொடர்புடையவர்கள் எனத் தெரிவிக்கப்படுகிறது.
இரண்டு கோடி இந்திய ரூபா பெறுமதியான சொத்துக்கள் இருவரிடமிருந்து மீட்கப்பட்டுள்ளது.
கடன் அட்டை மோசடியுடன் தொடர்புடைய பிரதான சந்தேக நபர் மலேசியாவில் இருப்பதாகவும், இந்தியாவில் ஆறு முக்கியஸ்தர்கள் தலைமறைவாக இருப்பதாகவும் குறிப்பிடப்படுகிறது.
39 வயதான ஷியாம் மற்றும் 25 வயதான வாசீம் பாஸா ஆகியோர் இவ்வாறு கைது செய்யப்பட்டுள்ளனர்.

புலிகளுக்கு தாம் பணம் வழங்கியதாக சந்தேக நபர் ஒருவர் ஒப்புக்கொண்டுள்ளார்.

கோண்டாவிலில் பிடிபட்டவரை படையினர் பொலிஸாரிடம் ஒப்படைப்பு!

யாழ் கோண்டாவிலில் மக்களால் பிடிக்கப்பட்டவரை படையினர் மீட்டு பொலிஸாரிடம் ஒப்படைப்பு

யாழ்ப்பாணம் கோண்டாவில் பகுதியினில் நேற்று சந்தேகத்திற்கிடமான நிலையில் வீடொன்றினுள் அருகில் புக முற்பட்ட ஒருவர் உள்ளுர் மக்களிடம் அகப்பட்டுக் கொண்டுள்ளார். அறையொன்றினுள் அடைத்து வைக்கப்பட்ட நபரை பொறுப்பேற்ற படையினர் பின்னர் பொலிஸாரிடம் சந்தேக நபரை கையளித்துள்ளனர்.

துவிச்சக்கர வண்டியினில் வந்திருந்ததாக கூறப்படும் சந்தேக நபர்களான இருவர் பழுதடைந்த தமது வண்டியை அருகிலுள்ள திருத்தக மொன்றினில் விட்டுள்ளனர். பின்னர் சத்தமின்றி அருகாக உள்ள பொதுமக்களுக்குச்சொந்தமான வீடொன்றினுள் உட்புக முற்பட்டுள்ளனர். இதைக்கண்ட வீட்டிலிருந்தவர்களும் அயலவர்களும் அபயக்குரல் எழுப்பியுள்ளனர்.

சந்தேக நபர்களான ஒருவர் தப்பித்திருந்த நிலையில் மற்றையவர் கையும் களவுமாக பிடிபட்டுள்ளார். அதையடுத்து அங்கு திரண்ட நூற்றுக் கணக்கான பொதுமக்கள் சந்தேக நபரை தாம் நீதிபதி முன்னிலையிலேயே ஒப்படைப்போமென போராடத் தொடங்கினர்.

பொலிஸார் பல தடவைகளாக பேச்சுக்களில் ஈடுபட்ட போதும் அவர்கள் வசம் சந்தேக நபரை கையளிக்க மக்கள் மறுத்துவிட்டனர். இந்நிலையில் அங்கு வந்த உடுவிலில் உள்ள 511 படைப்பிரிவு கட்டளையதிகாரி சந்தேக நபரை மீட்டு பொலிசாரிடம் ஒப்படைத்துள்ளார்.

சந்தேக நபர் நாளை நீதிமன்றில் ஆஜர் படுத்தப்பட வேண்டுமென்ற நிபந்தனையுடனேயே தாம் படையதிகாரியிடம் கையளித்ததாக பொதுமக்கள் தரப்பினில் தெரிவிக்கப்பட்டது.

இதிடையே குடாநாட்டின் பலபகுதிகளிலும் கிறீஸ் மனிதன் சர்ச்சை பொதுமக்களிடையே குழப்பத்தை ஏற்படுத்தியிருந்தது.

You may say that Sarawanabavan is our worst enemy,Douglas Devananda

‘I’m an ahinsaka kolla’ – Douglas Devananda

  சலசலப்பு

The government’s point man in Jaffna, the EPDP leader and Minister Douglas Devananda denies that  he is  terrorizing media and opposition supporters in Jaffna. In an interview with Ranga Jayasuriya, he spoke about a wide range of issues.

Excerpts:

• Let’s begin with the media. Journalists in Jaffna are living in fear. Many think you are a dangerous man who would not spare anyone who crosses your path in Jaffna…

All these allegations are unfounded. If they are true, there won’t be any newspapers in Jaffna. When the LTTE was active, they suppressed the media, but we have never done that and we will never do so. Soon after the election, the deputy editor of Uthayan was assaulted and without any investigation, the blame was put on us. But there was a story, that before the assault, the assaulted  editor had a dispute with the management and that he was locked in a room. There are issues like this periodically happening  in the Uthayan newspaper company.
Two  suspects have been arrested in connection with the assault. These are internal differences within the Uthayan paper which have come to the surface. They (our critics) tell that we would kill them if they criticize us. That is a lie. They continue to criticize us, while living safely in Jaffna.  Our policy is that we meet ideas with ideas.   You know it was I who won the  highest number of preferential votes in the North East provinces. They (TNA) are scared of me because from the outset, I took a different stand; I joined the political mainstream and joined the government. I am an ahinsaka kolla. We carried weapons in the past only to defend ourselves from the LTTE.

Read More

தமிழ்நாட்டில் உள்ள அகதிகளை வரவழைக்கும் பணிகள் துரிதம்!

தமிழ்நாட்டில் உள்ள சுமார் 31 முகாம்களில் வாழ்ந்துவரும் அகதிகளை வரவழைக்கும் பணிகள் துரிதம்!

வடபகுதியில் மீள்குடியேற்ற நடவடிக்கைகள் நிறைவுபெறும் கடைசிக் கட்டத்தை அடைந்தி ருக்கும் இவ்வேளையில் மீள்குடியேற்ற அமைச்சு, தமிழ்நாட்டில் உள்ள சுமார் 31 முகாம்களில் வாழ்ந்துவரும் இலங்கையிலிருந்து இடம்பெயர்ந்து சென்ற பல்லாயிரக்கணக்கான மக்களை மீண்டும் பாதுகாப்பாக நாட்டுக்கு அழைத்து வந்து, மீள்குடியேற்றுவதற்கான பூர்வாங்க நடவடிக்கைகளை மேற்கொண்டுவருகிறது.

யுத்தம் காரணமாக இந்த இலங்கைத் தமிழர்கள் கடந்த பலவருடங்களாகத் தங்கள் குடும்பத்துடன், தோணிகளில் சட்டவிரோதமாகவும், சட்டபூர்வமாகவும் இந்தியாவுக்கு பாதுகாப்பைத் தேடிச்சென்றவர்கள் என்பது குறிப்பிடத்தக்கது.

இப்போது யுத்தம் முடிவடைந்து நாட்டில் மீண்டும் அமைதியும் சமாதானமும் திரும்பிக்கொண்டிருப்பதனால் அவர்கள் இலங்கை திரும்பி தங்கள் உறவுகளுடன், ஒன்றிணைந்து வாழ இப்போது அவர்கள் அதிக ஆர்வம் காட்டி வருகிறார்கள். ஐக்கிய நாடுகள் ஸ்தாபனத்தின் ஒன்றிணைக்கப்பட்ட வலையமைப்பின் கீழ் இந்தத் தகவல்கள் பெறப்பட்டன. மீள்குடியேற்ற அமைச்சின் செயலாளர் உத்பல பஸ்நாயக்க, புதுடில்லியிலுள்ள இலங்கை உயர்ஸ்தானிகராலயத்தின் ஊடாக தமிழ் நாட்டு முகாம்களில் வாழ்ந்துவரும் இலங்கைத் தமிழர்களை மீண்டும் இங்கு அழைத்து வருவதற்கான ஒழுங்குகளைச் செய்து வருவதாகக் கூறினார்.

இந்த மக்கள் இலங்கை திரும்புவதற்குத் தேவையான ஆவணங்களை அவர்களுக்குத் தயார்படுத்திக்கொடுத்து, அவர்களை மீண்டும் நாடு திரும்புவதற்கான வசதிகளை துரிதப்படுத்துமாறு அரசாங்கம் சென்னையிலுள்ள இலங்கையின் பிரதி உயர்ஸ்தானிகராலயத்துக்கு உத்தரவு பிறப்பித்துள்ளது. இவர்களுக்கு உடனடியாக இலங்கை திரும்புவதற்கான கடவுச்சீட்டுக்களைப் பெற்றுக்கொடுப்பதற்கும் அரசாங்கம் நடவடிக்கை எடுத்துள்ளது.

ஐக்கிய நாடுகள் அமைப்பின் கொழும்பிலுள்ள அகதிகளுக்கான உயர்ஸ்தானிகராலயமும் இந்த மக்களை இங்கு நெறியான முறையில் இங்கு அழைத்து வருவதற்கும், அவர்களை வடபகுதியில் மீள்குடியேற்றுவதற்கும் சகல உதவிகளை செய்து வருவதாகவும் மீள்குடியேற்ற அமைச்சின் செயலாளர் உத்பல பஸ்நாயக்க தெரிவித்தார்.

இலங்கைத் தமிழ் மக்களை தமிழ் நாட்டிலிருந்து இங்கு அழைத்து வருவதற்கு பல வெளிநாட்டு அரசாங்கங்கள், யூ.என்.எச்.சி.ஆர். அமைப்புக்கு நிதியுதவிகளை வழங்கி வருவதாக விடயமறிந்த வட்டாரங்கள் தெரிவிக்கின்றன. உள்ளூரில் இடம்பெயர்ந்த சுமார் 3 இலட்சம் பேரில் 7 ஆயிரம் பேர் மட்டுமே மீள்குடியமர்த்தப்படவிருப்பதாகவும் அவர் கூறினார்.

இந்த ஏழாயிரம் பேரும் அடுத்த மூன்று மாதங்களுக்கு மீள்குடியமர்த் தப்படுவார்கள் என்று தெரிவித்த பஸ்நாயக்க, முல்லைத்தீவு மாவட்டத்தில் இருக்கும் கொம்பாவில் பகுதியில் இவர்களை மீள்குடியமர்த்துவதற்காக 600 ஏக்கர் காணி ஏற்கனவே ஒதுக்கப்பட்டுள்ளது. இப்போது கண்ணிவெடிகளை அகற்றும் பணிகள் நிறைவுபெறவிருப்பதனால் ஒவ்வொரு குடும்பத்துக்கும் வீடுகளை நிர்மானித்துக் கொள்வதற்காக 40 பரப்புக் காணி வழங்கப்படவுள்ளது.

மரக்கறி பழங்கள் பரிமாற்றத்துக்கு பிளாஸ்டிக் கூடை அவசியம்

மரக்கறி மற்றும் பழங்களை ஓரிடத்திலிருத்து இன்னொரு இடத்துக்கு கொண்டு செல்லும் போது பிளாஸ்டிக் பாத்திரங்கள் அல்லது கூடைகளில் வைத்தே கொண்டு செல்லப்படவேண்டும் என்பது இன்றுமுதல் கட்டாயமாக்கப்பட்டுள்ளது என அரச தகவல் திணைக்களம் அறிவித்துள்ளது.

மரக்கறி மற்றும் பழங்களை சாக்குகளில் எடுத்துச் செல்லும் போது 30 முதல் 35 சதவீதம் சேதமடைவதாகவும் இதனால் ஏற்படும் பாதிப்பை குறைக்கவே பிளாஸ்டிக் பாத்திரங்களில் மரக்கறி மற்றும் பழங்களை எடுத்துச் செல்ல நடவடிக்கை எடுக்கப்பட்டுள்ளதாக விவசாய அமைச்சர் மஹிந்த யாப்பா அபேவர்த்தன தெரிவித்திருந்தமை குறிப்பிடத்தக்கது.

50 எல் லஞ்சத்தின் பின்னே ஐ.ஏ.எஸ்-ஆடிட்டர்-முதலாளி-ஹவாலா..ஜெய்ஹிந்த்!

நாளிதழ்களில் அன்றாடம் வந்து போகும் மற்றொமொரு ஊழல் செய்தி என்றாலும் அண்ணா ஹசாரே குழு மூலமாக ஊடகங்கள் பேசிவரும் ஊழல் எதிர்ப்பு மூடு காரணமாக நாம் இதில் பரிசீலிப்பதற்கு சில விசயங்கள் இருக்கின்றன.

 Read More

கேரளா கம்யூனிஸ்ட் களின் வேஷம் விக்கி லீக்ஸ் அம்பலபடுதியத்தியது

  கேரள மார்க்சிஸ்ட் தலைவர்களின் இரட்டை வேடத்தை அம்பலப்படுத்தியது விக்கிலீக்ஸ். இதனால் அந்த கட்சியின் தலைவர்கள் இடையே சலசலப்பு ஏற்பட்டுள்ளது.
அமெரிக்காவுக்கு எதிராக எப்போதும் ஆக்ரோஷ குரல் கொடுக்கும் மார்க்சிஸ்ட் தலைவர்கள், எந்த ஒரு விஷயத்திலும் அந்த நாட்டுக்கு எதிராக கண்டனக்குரல் எழுபப்புவது வழக்கமானது.

ஆனால், அமெரிக்க நாட்டு முதலீட்டுக்காக கேரள மார்க்சிஸ்ட் தலைவர்கள் ரகசிய முயற்சி செய்தனர் என்ற விவரத்தை விக்கிலீக்ஸ் இணையதளம் சமீபத்தில் அம்பலப்படுத்தியது. இந்த விவகாரம், அந்த கட்சியின் தலைவர்கள் இடையே பெரும் பரபரப்பை ஏற்படுத்தியது. ‘நாங்கள் அப்படி எதுவும் செய்யவில்லை’ என்று தைரியமாக மறுத்து கூறாமல், மழுப்பலான விளக்கத்தை வெளியிட்டுள்ளனர். விக்கிலீக்ஸ் வெளியிட்டுள்ள தகவல்கள் இதோ:

கடந்த 2008 ம் ஆண்டு ஆகஸ்ட் மாதம் அமெரிக்க அரசின் உயர் அதிகாரிகள் குழு கேரளா சென்றது. மார்க்சிஸ்ட் தலைவர்கள் பலரும் அவர்களை சந்தித்து பேசினர்.
 கேரள மார்க்சிஸ்ட் என்றாலே, அச்சுதானந்தன் தலைமையில் ஒரு கோஷ்டியும், பினராய் விஜயன் தலைமையில் இன்னொரு கோஷ்டியும் செயல்பட்டு வருவது தெரிந்ததுதான்.  முதலில் அமெரிக்க குழுவினர், பினராய் விஜயன் மற்றும் அவர் ஆதரவு தலைவர்களை அழைத்து பேசினர். அமெரிக்க அதிகாரிகளிடம் அவர்கள் மனம்திறந்து பேசியுள்ளனர். முதல் கூட்டத்தின் போது அப்போதைய முதல்வர் அச்சுதானந்தன் கலந்து கொள்ளவில்லை. ஆனால், மறுமுறை தொடர்பு கொண்டபோது, அமெரிக்க அதிகாரிகளை சந்தித்து பேசினார் அச்சுதானந்தன்.

 அமெரிக்க தூதரக அதிகாரி ஒருவர் கூறுகையில், ‘அமெரிக்க முதலீடு வேண்டும். அது தான் மாநில வளர்ச்சிக்கு நல்லது என்று மார்க்சிஸ்ட் தலைவர்கள் கருத்து வேறுபாடின்றி கூறினர்’ என்றார். விஜயன் கூறுகையில், ‘பாலக்காடு பிளாச்சிமடா பகுதியில் நடந்து வந்த நீண்ட கால போராட்டத்துக்கு காரணம் உள்ளூர் சுற்றுச்சூழல் பிரச்னைதான்; கோகோ கோலா ஆலைக்கு எதிரானது  அல்ல’ என்று அமெரிக்க தூதரிடம் கூறியுள்ளார்.

‘நாங்கள் எங்கள் மாநில வளர்ச்சிக்கு எதிரான விஷயத்தில் போராட்டம் செய்வதில்லை’ என்று அப்போது விஜயன் மற்றும் பேபியுடன் அமெரிக்க அதிகாரிகளை சந்தித்த அப்போதைய நிதி அமைச்சர் தாமஸ் ஐசக் கூறியுள்ளார். இப்படி விக்கிலீக்ஸ் அம்பலப்படுத்தியதை தொடர்ந்து கேரள மார்க்சிஸ்ட் தலைவர்கள் சற்று டென்ஷன் ஆனாலும், உண்மையை ஒப்புக்கொண்டு, மழுப்பலான பதில் அளித்தனர்.

 ‘விஜயன் மற்றும் பேபியுடன் நான் அமெரிக்க அதிகாரிகளை சந்தித்தேன். வெளிநாட்டு முதலீட்டுக்கு நாங்கள் எதிரி போல பலரும் பார்க்கின்றனர்; அது உண்மை அல்ல. மாநிலத்தின் வளர்ச்சிக்கு நாங்கள் தடையாக இருக்க மாட்டோம்’ என்று ஐசக் கூறினார். மாநில திட்ட கமிஷன் உறுப்பினர் ஜான் கூறுகையில்,‘ மார்க்சிஸ்ட் இரட்டை வேடம் போடுகிறது என்பதற்கு இதை விட வேறு உதாரணம் தேவையா என்ன’ என்று கிண்டல் அடித்தார்.

பெரிய பிரச்னை அல்ல

மார்க்சிஸ்ட் கம்யூனிஸ்ட் தலைவர் பினராய் விஜயன் நேற்று அளித்த பேட்டியில், ‘‘நாட்டுக்கு நன்மை என்றால் வெளிநாட்டு முதலீட்டை பெறுவதில் தவறில்லை. அதற்காக எங்களின் வெளிநாட்டு முதலீட்டு கொள்கையை எந்த வகையிலும் சமரசம் செய்ய மாட்டோம். விக்கிலீக்ஸ் வெளியிட்டுள்ள தகவல் ஒன்றும் பெரிய விஷயமல்ல. எங்கள் கட்சியில் விவாதிக்கக் கூடிய அளவுக்கு கூட அது பெரிய பிரச்னை கிடையாது’’ என்றார்.

.கொழும்பு தூத்துக்குடி கப்பலில் தங்கம் கடத்திய பெண்

தூத்துக்குடிக்கு சென்ற கப்பலில் தங்கக் கட்டிகளை கடத்திச் சென்ற பெண் கைது!

இலங்கையிலிருந்து தூத்துக்குடிக்கு சென்ற கப்பலில் தங்கக் கட்டிகளை மறைத்துக் கொண்டு சென்ற பெண்ணொருவர் புலனாய்வுதுறை அதிகாரிகளால் கைது செய்யப்பட்டுள்ளார். இலங்கையில் இருந்து சென்ற மேற்படி பெண் ஆசனவாயிலில் தங்கக்கட்டிகளை மறைத்துக்கொண்டுச் சென்றுள்ளார்

புலனாய்வுத்துறை அதிகாரிகளுக்கு தகவல் கிடைத்ததையடுத்து, நேற்று காலை கொழும்பில் இருந்து தூத்துக்குடி துறைமுகம் வந்த பயணிகள் கப்பலில் மத்திய வருவாய் புலனாய்வு துறை அதிகாரிகள் சோதனையிட்ட பின்னரே இவர் கைது செய்யப்பட்டுள்ளார்.
இதில் ஒருவர் திருச்சி ஐயப்பன் நகரை சேர்ந்த சந்திரலிங்கம் மனைவி கோடீஸ்வரி என்பதும் அவருடன் வந்தவர் கொழும்பைச் சேர்ந்த செல்வநாயகம் மனைவி பார்வதம் என்பதும் தெரிய வந்துள்ளது. தீவிர சோதனையை மேற்கொண்டதையடுத்து கோடீஸ்வரி என்ற பெண் 7 தங்க கட்டிகளை மறைத்து வைத்திருந்தமை தெரிய வந்துள்ளது. தலா 116 கிராம் வீதம் மொத்தம் ஒரு கிலோ எடையுள்ள 276 கிராம் தங்க கட்டிகள் பறிமுதல் செய்யப்பட்டன இவர் கைது செய்யப்பட்டுள்ளார்.
நன்றி நெருப்பு 

சிவசங்கரனின் கோப்புகளை தயாநிதி தாமதப்படுத்தினார்

புதுடில்லி: ஏர்செல் நிறுவன அதிபர் சிவசங்கரனின் கோப்புகளை, தயாநிதி அமைச்சராக இருந்தபோது தாமதப்படுத்தினார் என, தயாநிதியின் உதவியாளராக இருந்த சஞ்சய் மூர்த்தி தெரிவித்துள்ளார். சி.பி.ஐ., விசாரணையின் போது சஞ்சய் குறிப்பிடுகையில், "ஏர்செல் நிறுவன அதிபர் சிவசங்கரன், டிஷ் நெட் உரிமைக்காக விண்ணப்பித்த போது, அவரது விண்ணப்பத்தை பரிசீலிக்காமல் தாமதப்படுத்தினார். அவரது உத்தரவின் பேரில், உதவியாளர் என்ற முறையில் நான் இதை செய்ய வேண்டியிருந்தது. தயாநிதி அமைச்சராக இருந்த காலகட்டத்தில், மேக்சிஸ் நிறுவன நிர்வாகிகளும், ஆஸ்ரோ நிறுவனத் தலைவரும் டில்லியில் அவரை அடிக்கடி சந்தித்துப் பேசினர்.

விசாரணைக்கு ஒத்துழைக்க "மேக்சிஸ்' நிறுவனத்திடம் சி.பி.ஐ., கோரிக்கை : தொலைத்தொடர்பு ஊழல் தொடர்பான விசாரணைக்கு ஒத்துழைக்கும்படி, மலேசியாவைச் சேர்ந்த மேக்சிஸ் நிறுவன அதிகாரிகளிடம் சி.பி.ஐ., கோரியுள்ளது. மத்திய தொலைத்தொடர்பு அமைச்சராக தயாநிதி இருந்தபோது, ஏர்செல் நிறுவன பங்குகளை மலேசியாவைச் சேர்ந்த மேக்சிஸ் நிறுவனத்துக்கு விற்கும்படி வற்புறுத்தியதாக, ஏர்செல் நிறுவன அதிபர் சிவசங்கரன் புகார் கூறியிருந்தார். 74 சதவீத ஏர்செல் பங்குகளை பெற்ற மேக்சிஸ் நிறுவனத்துக்கு, 14 லைசென்ஸ்களை தயாநிதி வழங்கியுள்ளதாக புகார் கூறப்படுகிறது. இதற்கு பிரதிபலனாக, மேக்சிஸ் நிறுவனம் - சன் குழுமம் இடையே நிதிப் பரிமாற்றம் நடந்துள்ளதாகக் கூறப்படுகிறது. சன் குழுமத்திற்கும், மேக்சிஸ் நிறுவனத்துக்கும் மலேசியாவில் உள்ள ஸ்டான்டர்டு சார்ட்டர்டு வங்கி மூலம் பணப் பரிவர்த்தனை நடைபெற்றுள்ளது. இது தொடர்பாக இந்த வங்கி நிர்வாகத்திடம் சி.பி.ஐ., விசாரணை நடத்தியது. அருண் ÷ஷாரி அமைச்சராக இருந்த காலகட்டத்தில் வழங்கப்பட்ட லைசென்ஸ்கள் குறித்து சி.பி.ஐ., ஏற்கனவே விசாரணை நடத்தி முடித்து விட்டது. தயாநிதி அமைச்சராக இருந்த கால கட்டத்தில் வழங்கப்பட்ட லைசென்ஸ்கள் குறித்து விசாரணை நடப்பதால், இந்த விசாரணைக்கு ஒத்துழைக்கும்படி மேக்சிஸ் நிறுவனத்திடம் சி.பி.ஐ., கோரியுள்ளது.

2002ல் ரூ.62 கோடி; 2010ல் ரூ.496 கோடி..காங்கிரஸ் கட்சியின் வருமானம்

காங்கிரஸ் கட்சியின் வருமானம் "கிடுகிடு' உயர்வு : 2002ல் ரூ.62 கோடி; 2010ல் ரூ.496 கோடி

சென்னை: அகில இந்திய காங்கிரஸ் கமிட்டியின் ஆண்டு வருமானம், 2002-03ல், 62 கோடியே, 55 லட்ச ரூபாயாக இருந்தது, மத்தியில் ஆட்சிக்கு வந்த பின், 496 கோடி ரூபாயாக உயர்ந்துள்ளது. நன்கொடை மற்றும் கூப்பன் விற்பனை மூலம், பெருமளவு வருவாயை ஆண்டுதோறும் ஈட்டி வந்துள்ளது. அகில இந்திய காங்கிரஸ் கமிட்டி தன் வரவு-செலவு கணக்குகளை, வருமான வரித் துறையிடம் ஆண்டுதோறும் தாக்கல் செய்து வருகிறது. அகில இந்திய காங்கிரஸ் கட்சியின், வருமான வரி கணக்கு எண் (பான் எண்) : அஅஆஊ16563ஓ.

இதில், ஊழலுக்கு எதிராக பேசி வரும் காங்கிரசின் வருவாய் ஆண்டுதோறும் அதிகரித்துள்ளது தெரியவந்துள்ளது. இக்கட்சி ஆண்டுக்கு ஒரு முறை, காங்கிரஸ் வாரம் என்ற பெயரில் ஒரு வாரத்துக்கு கூப்பன்களை விற்கிறது. 1,000 முதல் 10 ஆயிரம் ரூபாய் வரையிலான கூப்பன்களை, கட்சிக்காரர்கள் பணம் செலுத்தி வாங்க வேண்டும். "கொடி நாள்' என்ற பெயரில், ஆண்டு முழுவதும் தமிழக அரசு கொடிகளை விற்றாலும், அதற்கு கிடைப்பது, 8 முதல் 9 கோடி ரூபாய் தான். ஆனால், காங்கிரஸ், ஒரு வாரத்தில், 422 கோடி ரூபாய் அளவுக்கு கூப்பன் விற்றுள்ளது.

இதுதவிர, நன்கொடை என்ற பெயரில் வசூல் நடத்தப்படுகிறது. இந்த நன்கொடைக்காக, பெரிய பெரிய நிறுவனங்கள், தேர்தல் சீர்திருத்த அறக்கட்டளை என்ற பெயர்களில், கோடிக்கணக்கில் நன்கொடை அளித்துள்ளன. இதுதவிர, சிமென்ட் கம்பெனிகள், கட்டுமான நிறுவனங்கள், கல்வி அறக்கட்டளைகள் போன்றவை கோடிகளை நன்கொடைகளாக அளித்துள்ளன. ஒவ்வொரு ஆண்டும், இதுபோன்ற நிறுவனங்கள் கோடிகளை நன்கொடையாக காங்கிரசுக்கு கொடுத்து வந்துள்ளன.

ஆனால், கட்சியின் தலைவரான சோனியாவோ, தலா, 39 ஆயிரத்து, 534 ரூபாய் வீதம் இரண்டு காசோலைகள் கொடுத்துள்ளார். கட்சியின் மாநில முதல்வர்கள், மத்திய அமைச்சர்கள் போன்றோரும், 37 ஆயிரத்து, 500 ரூபாய் என்ற அளவில் தான் கொடுத்துள்ளனர். சில எம்.பி.,க்கள், ஒரு கோடி ரூபாயை கொடுத்து வந்துள்ளனர். சில எம்.பி.,க்கள், தங்களது பினாமி நிறுவனங்கள் மூலம் பணம் செலுத்தியுள்ளனர்.

குட்கான் மாவட்டத்தைச் சேர்ந்த காங்கிரஸ் எம்.எல்.ஏ., ராவ் தரம் பால், தலா ஐந்து லட்சம் ரூபாய் வீதம் தொடர்ச்சியாக எண் கொண்ட, 10 காசோலைகளை, அதாவது, 50 லட்சம் ரூபாயை நன்கொடையாக கொடுத்துள்ளார்.

ஜெம்ஸ் நிறுவன அமைப்பின் தலைவரான சன்னி வர்க்கி என்ற வெளிநாடு வாழ் இந்தியர், 1 கோடி ரூபாயை, 2008ல் கொடுத்துள்ளார். இவருக்கு, 2009ல், பத்மஸ்ரீ விருது வழங்கப்பட்டுள்ளது. எனவே, பத்மஸ்ரீ விருது பெறக் கூட, கோடிக்கணக்கில் நன்கொடை கொடுத்து பெற வேண்டிய நிலை உள்ளது.

சென்னை திருவல்லிக்கேணி, பெரிய வீதியில் பிரபாகர் என்ற பெயரில், 49 லட்சத்து, 50 ஆயிரம் பெறப்பட்டதாக, கணக்கில் குறிப்பிடப்பட்டுள்ளது. ஆனால், அந்த விலாசத்தில், மேன்ஷன் ஒன்று உள்ளது. இதேபோல, ரசூல் டீ எஸ்டேட் பெயரில், 25 லட்ச ரூபாய் கொடுக்கப்பட்டுள்ளது. ஆனால், அந்நிறுவனத்தின் வருமானவரி கணக்கில், நன்கொடை ஏதும் கொடுக்கப்படவில்லை என குறிப்பிடப்பட்டுள்ளது. இதுபோல நன்கொடை செலுத்துபவர்கள் தங்களது, "பான் எண்' குறிப்பிட வேண்டுமென விதி உள்ளது. ஆனால், பலரும் வருமான வரி கணக்கு எண்களை குறிப்பிடாமல், நன்கொடை அளித்துள்ளனர்.

கடந்த, 2002-03ல், காங்கிரசின் வருமானம், 69 கோடியே, 55 லட்சத்து, 69 ஆயிரத்து, 532 ரூபாயாக இருந்தது. இதில், நன்கொடையாக, 7 கோடியே, 46 லட்சத்து, 34 ஆயிரத்து, 859 ரூபாய் பெறப்பட்டுள்ளது. கூப்பன் விற்பனை மூலம், 54 கோடியே, 49 லட்சத்து, 65 ஆயிரத்து, 765 ரூபாய் வசூல் செய்துள்ளது.

அதே தொகை, 2004ல், காங்கிரஸ் ஆட்சிக்கு வந்த பின், மொத்த வருமானம், 153 கோடியே, 3 லட்சத்து, 82 ஆயிரத்து, 669 ரூபாயாக உயர்ந்தது. இதில், 8 கோடியே, 85 லட்சத்து, 66 ஆயிரம் ரூபாய் நன்கொடை மூலமும், 46 கோடியே, 9 லட்சத்து, 91 ஆயிரத்து, 844 ரூபாய், கூப்பன் விற்பனை மூலமும் பெறப்பட்டுள்ளது. தொடர்ந்து ஆட்சியில் இருந்த காங்கிரஸ், 2009-10ல், மொத்த வருமானமாக, 496 கோடியே, 87 லட்சத்து, 62 ஆயிரத்து, 59 ரூபாய் வசூலித்துள்ளது. இதில், நன்கொடை மூலம், 47 கோடியே, 91 லட்சத்து, 97 ஆயிரம் ரூபாய் வசூலித்துள்ளது.

கூப்பன் விற்பனை மூலம், 422 கோடியே, 67 லட்சத்து, 45 ஆயிரம் ரூபாய் பெற்றுள்ளது. 2002ல், வெறும், 54 கோடியாக இருந்த கூப்பன் விற்பனை, 2009ல், 422 கோடியாக உயர்ந்துள்ளது குறிப்பிடத்தக்கது.

அதேபோல, 2010-11ம் ஆண்டில், 467 கோடியே, 57 லட்சத்து, 88 ஆயிரம் ரூபாய் வருமானம் பெற்றுள்ளது. இதில், நன்கொடை மூலம், 95 கோடியே, 90 லட்சத்து, 91 ஆயிரம் ரூபாய் பெற்றுள்ளது. அதாவது, ஆட்சிக்கு வருவதற்கு முன், 2003ல், வெறும், 8 கோடியே, 85 லட்ச ரூபாயாக கிடைத்த நன்கொடை, கடந்தாண்டு, 95 கோடியே, 90 லட்சத்து, 91 ஆயிரம் ரூபாயாக உயர்ந்துள்ளது. இவற்றில் இருந்தே, காங்கிரசின் ஊழல் ஒழிப்பு கொள்கையை புரிந்து கொள்ள முடியும்

Sunday Leader பத்திரிகையிடம் 50 மில்லியன் நட்டஈடு கோருகிறார் யாழ் சட்டத்தரணி !

கடந்த ஞாயிறு 14.8.2011 திகதிய ‘சண்டே லீடர்’ பத்திரிகையில் ‘மேதகு ஜனாதிபதி மகிந்த ராஜபக்ச அவர்களுக்கு மரியாதையுடன் கூறும் ஆலோசனைகள்’ என்ற தலைப்பில் தன்னுடைய கௌரவத்திற்கும், நற்பெயருக்கும் தீங்கு விளைவிக்கும் நோக்குடன் எந்தவித அடிப்படை உண்மைகளுமற்ற அவதூறுகளை உள்ளடக்கிய ரட்ணஜீவன் கூல் என்பவருடைய கட்டுரையொன்றை பிரசுரித்தமைக்கு மானநட்ட ஈடாகவே மேற்படி 50 மில்லியன் ரூபாவை ‘சண்டே லீடர்’ பத்திரிகை ஆசிரியரிடமும் அதன் வெளியீட்டாளர்களிடமும்  சட்டத்தரணி ரெங்கன் கோரியுள்ளார். இதுபற்றி சட்டத்தரணி ரெங்கன் கருத்துத் தெரிவிக்கையில், லண்டனிலுள்ள தாரின் கொன்ரஸ்ரைன் என்னும் வியாபாரி ஒருவர் தெரிவித்ததாக எனக்கு எதிராக ஆதாரமற்ற அவதூறுகளை பேராசிரியர் கூல் தனது கட்டுரையில் எழுதியுள்ளார். எனது நற்பெயருக்கு களங்கம் ஏற்படுத்தும் இந்த அவதூறுப் பிரச்சாரத்தில் ஈடுபட்ட பேராசிரியர் கூலுக்கும், வியாபாரி கொன்ஸ்;ரன்ரைன் ஆசிரியர்களுள் ஒருவராகவுள்ள லண்டன் இணையத்தளப் பத்திரிகை ஆசிரியர் குழுவிற்கும் சட்ட நடவடிக்கைக்கு முன்னரான அறிவித்தல்கள் அனுப்பிவைக்கப்பட்டுள்ளது. ஒரு வார காலத்திற்குள் அவர்கள் எனது கோரிக்கைக்கு இணங்காவிடில் அவர்களுக்கு எதிராகவும் மான நஸ்ட வழக்கு தொடரப்படும் எனத் தெரிவித்தார்.

நல்லூரில் காதலியை கொலை செய்ய முயன்ற Ex காதலர்

 நல்லூர் ஆலயச் சூழலில் இளம் பெண் ஒருவரைக் கத்தியால் குத்தி கொலை செய்ய முயற்சி செய்தவரை யாழ். பொலிஸார் கைது செய்துள்ளனர்.

நல்லூர் ஆலயத் திருவிழாவிற்கு நேற்றிரவு சென்றிருந்த இளம்பெண்ணை நீர்கொழும்பைச் சேர்ந்த இளைஞர் ஒருவர் கத்தியால் குத்தி கொலைசெய்ய முற்பட்டுள்ளார்.

அச்சமயம் சம்பவ இடத்திற்கு சென்ற பொலிஸார் கொலை முயற்சியைத் தடுத்து நிறுத்தியதுடன் குறித்த இளைஞனை கைது செய்துள்ளனர்.

குறித்த யுவதி காயங்களுக்குள்ளான நிலையில் பொலிஸாரினால் மீட்கப்பட்டு சிகிச்சைக்காக யாழ். போதனா வைத்தியசாலையில் அனுமதிக்கப்பட்டுள்ளார்.

நீர்கொழும்பைச் சேர்ந்த இளைஞரும் யாழ்ப்பாணத்தைச் சேர்ந்த யுவதியும் கடந்த 6 மாதங்களாக காதலித்து வந்ததாகவும், யுவதி திடீரென அந்த இளைஞரை கைவிட்டு வேறு ஒருவருடன் காதல் தொடர்பை மேற்கொண்டதையடுத்தே ஆத்திரமடைந்த குறித்த நீர்கொழும்பு இளைஞர் அவரைக் கொலைசெய்ய முற்பட்டுள்ளார் எனத் தெரிவிக்கப்படுகின்றது.

இதேவேளை, கைது செய்யப்பட்ட இளைஞர் மீது கொலை முயற்சிக்கான வழக்குப் பதிவுசெய்வதற்கு நடவடிக்கை எடுத்துள்ளதாக யாழ்.பொலிஸார் தெரிவித்துள்ளனர்.

மாகாணசபைகளின் காணி அதிகாரம் குறித்த நீதிமன்றத் தீர்ப்பு

இலங்கையில் மாகாணசபைகளுக்கு காணி மற்றும் பொலிஸ் அதிகாரங்கள் வழங்கப்பட வேண்டும் என்ற கோரிக்கைகள் அதிகரித்து வரும் நிலையில், தென் மாகாணசபைக்குட்பட்ட பிரதேசத்தில், மாகாண சபையின் காணி அதிகாரம் சம்பந்தமாக முக்கியமான தீர்பபொன்றை, மேன்முறையீட்டு நீதிமன்றம் அண்மையில் வழங்கியுள்ளது.
தென் மாகாணத்திலுள்ள ‘பொரவகம’ கிராம அலுவலர் பிரிவைச் சேர்ந்த ஹெச்.ஹெச். அலிஸ் நோனா என்பவரின் காணி வழக்கொன்று தென் மாகாண மேல் நீதிமன்றில் நடைபெற்ற பொழுது, அந்த விடயம் சம்பந்தமாக தீர்ப்பு வழங்கும் அதிகாரம் தனக்கு இல்லையென மேல் நீதிமன்ற நீதிபதி தீர்ப்பு வழங்கியிருந்தார்.
அந்தத் தீர்ப்பை எதிர்த்து, மனுதாரர் மேன்முறையீட்டு நீதிமன்றத்துக்கு முறைப்பாடு செய்திருந்தார்.
அது சம்பந்தமாக மேன்முறையீட்டு நீதிபதி வழங்கிய தீர்ப்பில், காணி உரிமைப் பிரச்சினைகள் சம்பந்தமாக தீர்ப்பு வழங்கும் அதிகாரம் மாகாண மேல்நீதி மன்றுக்கு உண்டு எனத் தீர்ப்பளித்துள்ளார்.
இந்தத் தீர்ப்பு, மாகாணசபைகளின் காணி அதிகாரம் பற்றிய விடயத்தில் ஒரு முக்கியமான திருப்புமுனையாக விளங்குகிறதென சட்ட வல்லுனர்கள் சுட்டிக் காட்டியுள்ளனர்.

அழகிரி: பொய் வழக்குகளில் கைது செய்து வருவது மட்டுமே,, அரசின் 100 நாள் சாதனை

கடலூர்: தி.மு.க., வினரை பொய் வழக்குகளில் கைது செய்து வருவது மட்டுமே, அ.தி.மு.க., அரசின் 100 நாள் சாதனையாக உள்ளது, என மத்திய அமைச்சர் அழகிரி கூறினார்.

நில அபகரிப்பு வழக்கில் கைதாகி, கடலூர் மத்திய சிறையில் உள்ள முன்னாள் அமைச்சர் நேரு, முன்னாள் எம்.எல்.ஏ., அன்பில் பெரியசாமி உள்ளிட்டோரைச் சந்திக்க, மத்திய அமைச்சர்கள் அழகிரி, நெப்போலியன், மதுரை துணை மேயர் மன்னன் ஆகியோர், நேற்று காலை, கடலூர் மத்திய சிறைக்கு வந்தனர்.சிறை விதிப்படி, திங்கள், புதன், வெள்ளி ஆகிய நாட்களில் மட்டுமே, விசாரணைக் கைதிகளை பார்வையாளர்கள் சந்திக்க முடியும் என்பதால், முன்னாள் அமைச்சர் நேரு உள்ளிட்டோரை சந்திக்க, மத்திய அமைச்சர்களுக்கு அனுமதி மறுக்கப்பட்டது.இதையடுத்து, மதுரை நில அபகரிப்பு வழக்கில், குண்டர் தடுப்புச் சட்டத்தில், கடலூர் மத்திய சிறையில் அடைக்கப்பட்டுள்ள மதுரை மாநகர மூன்றாம் பகுதிச் செயலர் ஒச்சு பாலுவை சந்தித்துப் பேசினர்.

சிறையிலிருந்து வெளியே வந்த மத்திய அமைச்சர் அழகிரி, நிருபர்களிடம் கூறியதாவது :
தி.மு.க., வினரை பொய் வழக்குகளில் கைது செய்து வருவது மட்டுமே, அ.தி.மு.க., அரசின் 100 நாள் சாதனையாக உள்ளது. இதே நிலை தொடர்ந்தால், 150 நாள் சாதனையும் இதுதான். உள்ளாட்சித் தேர்தலைக் கருத்தில் கொண்டே, நில மோசடி உள்ளிட்ட பொய் வழக்குகளில், தி.மு.க.,வினர் தொடர்ந்து கைது செய்யப்பட்டு வருகின்றனர்.

இதை, நாங்கள் சட்டப்படி சந்தித்து வருகிறோம். மீண்டும் நாங்கள் ஆட்சிக்கு வந்தால், நான் ஏற்கனவே கூறியது நடக்கும்.ராஜிவ் கொலை வழக்கில், பேரறிவாளன் உட்பட மூவருக்கு விதிக்கப்பட்ட தூக்குத் தண்டனையை ரத்து செய்ய வலியுறுத்தி, தி.மு.க., எம்.பி.,க்கள் பதவியை ராஜினாமா செய்வீர்களா என்ற கேள்வி குறித்து, கட்சித் தலைமை எடுக்கும் முடிவுக்கு கட்டுப்படுவோம்.இவ்வாறு, அவர் கூறினார்.

.50 லட்சம் லஞ்சம் வாங்கிய வருமான வரி கூடுதல் கமிஷனர் கைது

சென்னையில் சிபிஐ அதிரடி ரூ.50 லட்சம் லஞ்சம் வாங்கிய வருமான வரி கூடுதல் கமிஷனர் கைது

சென்னை : ரூ.116 கோடி வரி ஏய்ப்பு புகாரில் இருந்து விடுவிக்க,ரூ.50 லட்சம் லஞ்சம் வாங்கிய வருமான வரித்துறை கூடுதல் கமிஷனர், கல்வி நிறுவன அதிபர், ஹவாலா மன்னன் ஆகியோர் சென்னையில் கைது செய்யப்பட்டனர். இதுதொடர்பாக சென்னை உட்பட 5 நகரங்களில் 11 இடங்களில் சிபிஐ அதிகாரிகள் அதிரடி சோதனை நடத்தினர்.
சென்னையில் Ôஎவரான் எஜூகேஷனல்Õ என்ற கல்வி நிறுவனம் இயங்கி வருகிறது. இந்த நிறுவனம் கல்வி தொடர்பாக பல குறிப்பேடுகளை வெளியிட்டுள்ளது.
பள்ளிகள், கல்லூரிகளுக்கும் சப்ளை செய்து வருகிறது. மேலும் வெளிநாட்டில் இருந்து நிதிகளை பெற்று, பல்வேறு நலத் திட்ட உதவிகளையும் செய்து வருவதாக கூறப்படுகிறது. இந்த நிறுவனம் பல கோடி ரூபாய் வரி ஏய்ப்பு செய்வதாக வருமான வரித்துறை அதிகாரிகளுக்கு தகவல் கிடைத்தது. அதைத் தொடர்ந்து, அதிகாரிகள் அந்த நிறுவனங்களின் அலுவலகங்களில் அதிரடிச் சோதனை நடத்தினர். அதில் ரூ.116 கோடிக்கு வரி ஏய்ப்பு செய்திருப்பது தெரியவந்தது.
இதுகுறித்து விசாரணை நடத்தி வந்தனர். இந்த நிறுவனம் பல கோடி ரூபாய் வருவாய் ஈட்டி வருவதால், ஐஏஎஸ் அதிகாரிகள் 2 பேர் அந்த நிறுவனத்தில் பணியாற்றி வருகின்றனர். இந்த நிறுவனத்தின் மீதான வரி ஏய்ப்பை ரத்து செய்ய வேண்டும் என்று வருமான வரித்துறையின் சிறப்பு கூடுதல் ஆணையர் அண்டாசு ரவீந்தர் (45) என்பவரை எவரான் நிறுவனத்தின் அதிபர் கிஷோர்குமார் அனுகியுள்ளார்.
அதற்கு அவர் ரூ.116 கோடி வரி ஏய்ப்புக்கு ரூ.40 கோடி அபராதம் விதிக்க வேண்டும். அவ்வாறு விதிக்காமல் இருக்க வேண்டும் என்றால் ரூ.5 கோடி லஞ்சம் வேண்டும் என்று கேட்டுள்ளார். 10 நாட்களுக்கும் மேலாக பேச்சுவார்த்தை நடந்துள்ளது. இந்த பேச்சு வார்த்தையின் முடிவில்,
ரூ.50 லட்சம் கொடுக்க முடிவு செய்யப்பட்டது. அந்தப் பணத்தை, அவரது வீட்டில் கொடுக்க வேண்டும் என்பதும் முடிவு செய்யப்பட்டது.

அண்டாசு ரவீந்தரின் வீடு, நுங்கம்பாக்கம் ஆயக்கர் பவன் பின்புறம் வருமான வரித்துறை அதிகாரிகளின் குடியிருப்பு வளாகத்தில் உள்ளது. இவரது வீட்டில் பணப் பரிமாற்றம் நடப்பது குறித்து சிபிஐக்கு தகவல் கிடைத்தது. ஐஜி அருணாச்சலம், டிஐஜி முருகன் ஆகியோர் தலைமையில் தனிப்படை அதிகாரிகள், அலுவலகம் மற்றும் அவரது வீட்டின் அருகே நேற்று முன்தினம் இரவு காத்திருந்தனர்.
சரியாக இரவு 8.45 மணிக்கு ஒரு கார் வந்தது. அந்த காரில் இருந்து இறங்கிய ஒருவர், மின் விசிறி படம் பொறித்த பெட்டியை தூக்கிக் கொண்டு அண்டாசு ரவீந்தர் வீட்டுக்குச் சென்றார். அங்கு அவரது மனைவிதான் இருந்தார். அவரிடம் கொடுத்ததும், வாங்கி வீட்டில் வைத்துக் கொண்டார். வழக்கமாக வருமான வரித்துறை அதிகாரிகள் பெரிய அளவில் லஞ்சம் வாங்கினால், உடனடியாக ஹவாலா ஏஜென்ட் மூலம் அதை இடமாற்றி விடுவார்கள்.

சிறிது நேரத்தில், சவுகார்பேட்டையைச் சேர்ந்த ஹவாலா ஏஜென்ட் உத்தம்சந்த் சிங் வந்தார். அவர் பெட்டியை வாங்கிக் கொண்டு புறப்படத் தயாராக இருந்தார். அப்போது சிபிஐ அதிகாரிகள் அதிரடியாக புகுந்தனர். அட்டைப் பெட்டியை பிரிக்க முயன்றபோது, அதில் மின் விசிறி இருப்பதாக தெரிவித்தனர். ஆனாலும் சிபிஐ அதிகாரிகள் அதை பிரித்துப் பார்த்தபோது எல்லாம் ஆயிரம் ரூபாய் கட்டுகளாக இருந்தது. ரூ.50 லட்சம் இருந்தது.
அதைத்தொடர்ந்து, வீட்டில் நடத்திய சோதனையில் ரூ.10 லட்சம் பணம்,  500 கிராம் தங்க நகைகள் இருந்தன. அவற்றையும் பறிமுதல் செய்தனர். அதைத் தொடர்ந்து நேற்று காலையில் ரவீந்தருக்குச் சொந்தமான வங்கி லாக்கரைத் திறந்து பார்த்தபோது 1 கிலோ 800 கிராம் தங்கம், வைர நகைகள் இருந்தன.

சவுகார்பேட்டையில் உள்ள உத்தம்சந்த் வீட்டில் நடத்திய சோதனையில்
ரூ.48 லட்சம் ரொக்கப் பணம் கண்டுபிடிக்கபட்டது. அதையும் அதிகாரிகள் பறிமுதல் செய்தனர். மேலும், ரவீந்தருக்கு சொந்தமான ஐதராபாத்தில் உள்ள 2 வீடுகள், உத்தம்சந்தின்  சகோதரிகள் வசிக்கும் 2 வீடுகள், பெங்களூர், விசாகப்பட்டினம் ஆகிய இடங்களில் உள்ள வீடுகள், சென்னையில் அதிகாரியின் வீடு, அலுவலகம் மற்றும் பணம் கொடுத்த எவரான் நிறுவன அலுவலகம் உட்பட 5 இடங்களில் சோதனை நடந்தது. அதைத் தொடர்ந்து, கைது செய்ய செய்யப்பட்ட அண்டாசு ரவீந்தர், எவரான் நிறுவன உரிமையாளர் கிஷோர்குமார், ஹவாலா புரோக்கர் உத்தம்சந்த் சிங் ஆகிய 3 பேரும், சிபிஐ சிறப்பு நீதிமன்றத்தில் ஆஜர்படுத்தப்பட்டு புழல் சிறையில் அடைக்கப்பட்டனர்.

52 பாட்டில் பாரின் சரக்கு
அண்டாசு ரவீந்தரின் வீட்டில் சோதனை நடத்தியபோது, 52 வெளிநாட்டு மது பாட்டில்கள் பறிமுதல் செய்யப்பட்டன. அதில் 30 பாட்டில் சரக்கை காலி செய்திருந்தார். 22 பாட்டில்கள் மீதம் இருந்தன. அவற்றை பறிமுதல் செய்த சிபிஐ அதிகாரிகள்,  நுங்கம்பாக்கம் போலீசில் ஒப்படைத்தனர். அவர் மீது வெளிநாட்டு மது பாட்டில்கள் வைத்திருந்ததாக தனியாக வழக்குப்பதிவு செய்யப்பட்டுள்ளது.
கைநிறைய
சம்பளம்

எவரான் நிறுவனத்தில் தமிழகத்தைச் சேர்ந்த ஐஏஎஸ் அதிகாரிகள் விவேக் ஹரி நாராயணன், விக்ரம் ஆகியோர் பணியாற்றி வருகின்றனர். இவர்கள் அரசு பணி ஒய்வு பெறுவதற்கு முன்னரே, விருப்ப ஓய்வில் சென்றனர். அதன்பின், எவரான் நிறுவனத்தில் பணியாற்றி வருகின்றனர். அவர்களுக்கு ஆண்டுக்கு தலா ஸி 50 லட்சம் சம்பளம்.

யாரந்த உத்தம்சந்த்?
வருமான வரித்துறை அலுவலகத்திற்கு அடிக்கடி பல ஹவாலா கும்பல்கள் வரும். வருமான வரித்துறை அதிகாரிகளில் சிலர், இந்த கும்பலுடன் நெருங்கிய தொடர்பு வைத்துள்ளனர். அவர்களில் ஒருவர்தான் உத்தம்சந்த் சிங். இவர், ஒரு உயர் அதிகாரியின் வீட்டில் இருந்து வெளியில் வந்தால், அவர் பணத்துடன் செல்வதாக அர்த்தம். லஞ்சம் கொடுத்த ஒரு மணி நேரத்தில், ஹவாலா பணம் வெளிநாடுகளில் முதலீடு செய்யப்பட்டு விடும். இதனால் உத்தம்சந்த் சிங்கிடம் விசாரணை நடத்த போலீசார் முடிவு செய்துள்ளனர்.

அந்த டீலிங்கே வேற...
இவருக்கும் ஆடிட்டர் ஒருவருக்கும் நெருங்கிய நட்பு உண்டு. அந்த ஆடிட்டர் சினிமாவில் உள்ள பலரையும் தெரிந்து வைத்திருப்பார். பல நடிகைகளுக்கும் அவர்தான் ஆடிட்டர். அவர் மூலமே கம்பெனிக்காரர்களும் இவரை அனுகுவார்கள். அவர்தான் பேரம் பேசி முடிப்பார். அடிக்கடி இந்த அதிகாரி பெங்களூர், மும்பைக்குச் செல்வார். அங்கு நடந்த டீலிங் வேறு என்கின்றனர். அந்த விவகாரங்களை சிபிஐ விசாரித்து வருகிறது. ஹவாலா புரோக்கரின் 2 தங்கைகள் பெங்களூரில் உள்ளனர். இருவருக்கும் ரவீந்தர் சொந்த வீடு வாங்கிக் கொடுத்துள்ளார்.

ஓய்வெடுக்க அமெரிக்கா
அண்டாசு ரவீந்திரா, ஆந்திரா மாநிலத்தைச் சேர்ந்தவர். 1991ம் ஆண்டு ஐஆர்எஸ் பணியில் சேர்ந்தார். கடந்த 6 ஆண்டுகளுக்கு முன் சென்னைக்கு வந்தார். இவர், சென்னை வருமான வரித்துறையில் கம்பெனிகள் பிரிவில் கூடுதல் ஆணையராக உள்ளார். இவர், பல ஆண்டுகளாக இதுபோல லஞ்சம் வாங்கியுள்ளார். சில நாட்களுக்கு முன் இவர், குடும்பத்துடன் அமெரிக்கா சென்று ஒரு மாதம் ஓய்வெடுத்துள்ளார்.

மங்காத்தா. அஜீத் இந்த ஆட்டத்தில் வென்றிருக்கிறார். வெங்கட் பிரபு

அஜீத், த்ரிஷா, அர்ஜுன், அஞ்சலி, லட்சுமி ராய், ஜெயப்பிரகாஷ், பிரேம்ஜி
ஒளிப்பதிவு: சக்தி சரவணன்
இசை: யுவன் சங்கர் ராஜா
இயக்கம்: வெங்கட் பிரபு
தயாரிப்பு: க்ளவுட் நைன் மூவீஸ்

பிஆர்ஓ: விகே சுந்தர் - சுரேஷ் சந்திரா

பெரும் எதிர்ப்பார்ப்புக்கிடையே வந்துள்ள அஜீத்தின் பொன்விழாப் படம் மங்காத்தா. அஜீத்துக்காக இந்த ஆட்டத்தில் வென்றிருக்கிறார் இயக்குநர் வெங்கட் பிரபு என்பதுதான் சரியாக இருக்கும். உள்ளூர் சமாச்சாரத்தை கொஞ்சம் ஹாலிவுட் சாயத்தில் முக்கியெடுத்திருக்கிறார். களைகட்டுகிறது ஆட்டம்!
இந்தியாவின் நிஜ சூதாட்டமான ஐபிஎல் கிரிக்கெட்டில், பெட்டிங் பணமாக கட்டப்படும் ரூ 500 கோடியை அப்படியே தனதாக்கிக் கொள்ள திட்டமிடுகிறார் ஜெயப்பிரகாஷ். இவர்தான் கிரிக்கெட் சூதாட்டத்தின் முக்கியப் புள்ளி.

இந்தப்பணத்தை அவரிடமிருந்து பறிக்கத் திட்டமிடுகின்றனர், ஜெயப்பிரகாஷிடம் வேலைப் பார்க்கும் வைபவ் உள்ளிட்ட நால்வர் கோஷ்டி. இன்னொரு பக்கம், இந்த சூதாட்டத் தொகை பற்றி கேள்விப்படும் போலீஸ் உஷாராகி, அர்ஜுன் தலைமையில் ஒரு போலீஸ் படையை மும்பையில் களமிறக்குகிறது. விஷயம் புரிந்து உஷாராகிறது வைபவ் கோஷ்டி. அப்போதுதான் இந்த நால் அணியை மோப்பம் பிடித்து, அவர்கள் மூலமே விஷயத்தைக் கறந்துவிடுகிறார் அஜீத். சஸ்பென்ட் செய்யப்பட்ட போலீஸ் அதிகாரி இவர்.
இப்போது இவரும் அந்த ரூ 500 கோடியை தானே திட்டமிட்டுக் கொள்ளையடிக்கிறார் அஜீத். அந்தப் பணத்துக்காக அஜீத், ஜெயப்பிரகாஷ், போலீஸ் அதிகாரி அர்ஜூன் மற்றும் அஜீத்தின் உடனிருக்கும் நால்வரும் பெரும் சேஸிங்கை நடத்துகின்றனர். இதில் யார் ஜெயிக்கிறார்கள் என்பதுதான் மங்காத்தா ஆட்டத்தின் க்ளைமாக்ஸ்.
தனது 50 வது படத்தை முன்னணி கலைஞர்களுடன் இணைந்து பங்குபோட்டுக் கொண்ட அஜீத்தின் பக்குவத்தைப் பாராட்டத்தான் வேண்டும்.

கிட்டத்தட்ட சரிபாதி வெளுத்த நரை, ஐந்தாறு நாள் தாடி, அசத்தலான கறுப்புக் கண்ணாடி கெட்டப்பில் மனதை அள்ளுகிறார் அஜீத். இதற்கு முன் முன்னெப்போதும் பார்த்திராத ஒரு அசத்தல் தோற்றம் இந்தப் படத்தில். எதிர்மறை நாயகன் வேடம் என்றாலே பலவித நடிப்பையும் பரீட்சித்துப் பார்க்கும் ஒரு சுதந்திரமும் தைரியமும் வந்துவிடுகிறது போலும். நடிப்பில் ரசிகர்களுக்கு நல்ல விருந்தே படைத்துவிடுகிறார் அஜீத். சண்டை, நடனம், ரொமான்ஸ் என கிடைத்த இடைவெளிகளிலெல்லாம் பவுண்டரி, சிக்ஸர் என வெளுத்திருக்கிறார் அஜீத்.

பல ஆண்டுகளுக்கு தனது 50வது படம் இது என தைரியமாக அவர் சொல்லிக் கொள்ளலாம்.
அஜீத்துக்கு இணையான வேடத்தில் ஆக்ஷன் கிங்காக ஜொலிப்பவர் அர்ஜூன். நடிக்க வந்து இத்தனை ஆண்டுகள் கழித்தும் சண்டைக் காட்சிகள், சேஸிங்குகளில் அர்ஜுன் காட்டும் வேகம் அசாத்தியமானது. ஆங்கிலத்தில் Show stealer என்பார்களே, அது சாட்சாத் அர்ஜூன்தான்!

ஹீரோயின் த்ரிஷாவுக்கு பெரிய ரோல் இல்லைதான். ஆனால் கிடைத்த வாய்ப்பை அழகாகப் பயன்படுத்தி மனதை கவர்கிறார். குறிப்பாக, ரொம்ப அழகாக இருக்கிறார், இதற்கு முந்தைய படங்களில் பார்த்ததை விட!
பிரேம்ஜி வழக்கம்போல. ஆனால் கடி கொஞ்சம் ஓவர். கத்தரி போட்டிருக்கலாம் சில காட்சிகளுக்கு. அஞ்சலியை வீணடித்திருக்கிறார்கள்.

மங்காத்தா பாடலில் லட்சுமிராய் அசத்தல். ஆண்ட்ரியா, வைபவ், ஜெயப்பிரகாஷ் என அனைவரிடமிருந்தும் ஒரு ஆக்ஷன் படத்துக்குத் தேவையானதை பெற்றுக் கொண்டுள்ளார் இயக்குநர்.

மைனஸ் என்று பார்த்தால் படத்தில் வரும் கெட்ட வார்த்தைகள். சென்ஸார் ஊமையாக்கிய பகுதிகளில் இடம்பெறும் வசனங்களை பாத்திரங்களின் வாயசைவை வைத்தே ரசிகர்கள் கண்டுபிடித்து கத்துகிறார்கள். இதை பெண்களால் ரசிக்க முடியுமா (வெளிப்படையாக!) என்பதை யோசித்திருக்க வேண்டும்.
ஆரம்ப காட்சிகள் கொஞ்சம் இழுவைதான். பாத்திரங்களை அறிமுகப்படுத்தவே அரைமணிநேரத்துக்கும் மேல் இயக்குநர் எடுத்துக் கொண்டது சலிப்பை தருகிறது. அஜீத், அர்ஜூன் நன்றாக சண்டை போடுவார்கள் என்பதற்காக எவ்வளவு நேரம்தான் அதையே பார்த்துக் கொண்டிருப்பது என்ற கேள்வி எழுவதை தவிர்க்க முடியவில்லை.

டெக்னிக்கலாகப் பார்த்தால், இந்தப் படம் சின்ன பட்ஜெட்டில் ஹாலிவுட் ஸ்டைலில் எடுக்கப்பட்ட படம் எனலாம். ஒளிப்பதிவில் ஜாலம் காட்டியிருக்கிறார் சக்தி சரவணன்.
யுவன் சங்கர் ராஜாவை இன்னொரு ஹீரோ எனலாம். பாடல்கள் எல்லாமே அட்டகாசம். ரசிகர்கள் ஆடித் தீர்க்கிறார்கள் அரங்கில். பின்னணி இசையும் விறுவிறுப்பு கூட்டுகிறது படத்துக்கு.

இந்தப் படத்தின் விளம்பரங்களில் எ வெங்கட் பிரபு கேம் என விளம்பரப்படுத்துகிறார்கள். அது உண்மைதான். அஜீத்துக்காக வெங்கட் ஆடிய இந்த ஆட்டத்தில் 'தல' டாப் கியரில் எகியிருக்கிறார்!

பொன்முடி கைது- ஆயிரக்கணக்கான திமுகவினர் ஆர்ப்பாட்டம்

விழுப்புரத்தில் உள்ள முன்னாள் அமைச்சர் பொன்முடி வீட்டில் இன்று காலை அதிரடி சோதனை நடத்திய போலீஸார் அவரைப் பின்னர் கைது செய்து திண்டிவனம் கொண்டு சென்றனர்.
இந்தக் கைதை எதிர்த்து ஆயிரக்கணக்கான திமுகவினர் பொன்முடி வீட்டில் குவிந்து போராட்டத்தில் ஈடுபட்டதால் பெரும் பரபரப்பு ஏற்பட்டது.
கடந்த திமுக அமைச்சரவையில் உயர் கல்வித்துறை அமைச்சராக இருந்தவர் பொன்முடி. விழுப்புரத்தில் அவரது வீடு உள்ளது. இன்று காலை திடீரென அங்கு வந்த போலீஸார் வீட்டுக்குள் சென்று சோதனை நடத்தினர். எதற்காக இந்த சோதனை என்று முதலில் தெரியவில்லை. இந்த திடீர் சோதனையால் விழுப்புரத்தில் பரபரப்பு ஏற்பட்டது.
மேலும் ஆயிரக்கணக்கில் திமுகவினர் பொன்முடி வீட்டின் முன்பு திரண்டனர். பொன்முடி கைது செய்யப்படுவதாக தகவல் பரவியதால் அவர்கள் குவிந்தனர். வீட்டின் முன்பு கூடியிருந்த போலீஸாரை முற்றுகையிட்டுப் போராட்டத்தில் குதித்தனர். வாரண்ட் இல்லாமல் பொன்முடியைக் கைது செய்ய போலீஸார் வந்திருப்பதாக கூறி அவர்களுடன் வாதிட்டனர்.
பொன்முடியின் வக்கீல்கள், போலீஸாரிடம் எதற்காக கைது நடவடிக்கை என்று கேட்டு நீண்ட நேரம் வாதாடினர். இறுதியல் பொன்முடியை போலீஸார் கைது செய்து வெளியே கொண்டு வேனில் ஏற்றினர்.
இதையடுத்து திமுகவினர் வேனை முற்றுகையிட்டு நகர விடாமல் தடுத்து நிறுத்தினர். இதனால் பெரும் பதட்டம் ஏற்பட்டது. இறுதியில் திமுகவினரை அப்புறப்படுத்தி விட்டு போலீஸார் வேனை கிளப்பிச் சென்றனர்.
ஏன் கைது?
விழுப்புரத்தில் அரசு ஊழியர் கூட்டுறவுச் சங்கத்திற்குச் சொந்தமான தந்தை பெரியார் நகர் என்ற இடம் உள்ளது. அங்குள்ள நிலத்தின் ஒரு பகுதியை கடந்த 2007ம் ஆண்டு பொன்முடி விலைக்கு வாங்கியதாக கூறப்படுகிறது. இந்த நிலையில் அந்த சங்கத்தின் அப்போதைய தலைவர் நாராயணசாமி ஒரு புகாரை போலீஸில் கொடுத்தார். அதில் சங்கத்திற்குச் சொந்தமான பூங்கா உள்ளிட்ட இடங்களை பொன்முடி சட்டவிரோதமாக ஆக்கிரமித்துக் கொண்டுள்ளார் என்று கூறப்பட்டிருந்தது.

இதன் பேரிலேயே தற்போது பொன்முடி கைது செய்யப்பட்டுள்ளதாக கூறப்படுகிறது.

பொய் வழக்கை-பொன்முடி

கைது செய்யப்பட்ட பொன்முடி செய்தியாளர்களிடம் பேசுகையில், இது முற்றிலும் பொய்யான வழக்கு. வேண்டும் என்றே பழிவாங்கும் நோக்குடன் என்னைக் கைது செய்து கதை புனைகின்றனர். இதை சட்டப்படி சந்தித்து வெளியே வருவேன் என்றார்.
சிறையில் அடைப்பு
கைது செய்யப்பட்ட பொன்முடியை போலீஸார் திண்டிவனம் கொண்டு சென்று மாஜிஸ்திரேட் சந்தோஷ் முன்பு ஆஜர்படுத்தினர். அவரை 15 நாள் சிறைக் காவலில் அடைக்க நீதிபதி உத்தரவிட்டார். இதையடுத்து சேலம் மத்திய சிறைக்கு பொன்முடியை போலீஸார் கொண்டு சென்றனர்.
4வது முன்னாள் அமைச்சர்
தற்போதைய ஆட்சியில் கைதாகியுள்ள 4வது திமுக முன்னாள் அமைச்சர் பொன்முடி. இதற்கு முன்பு வீரபாண்டி ஆறுமுகம், கே.என்.நேரு, என்கேகேபி ராஜா ஆகியோர் கைது செய்யப்பட்டனர்.

நாங்களும் தீர்மானம் போட்டு அப்சல் குருவை விடுவிக்கலாமா?- உமர் அப்துல்லா

ஸ்ரீநகர்: தமிழக சட்டசபையில் ராஜீவ் கொலையாளிகளுக்கு ஆயுள் தண்டனையாக தூக்குத் தண்டனையைக் குறைக்க வேண்டும் என்று தீர்மானம் போட்டது போல ஜம்மு காஷ்மீர் சட்டசபையிலும் தீர்மானம் போட்டு அப்சல் குருவை விடுவிக்க கோரலாமா என்று கேட்டுள்ளார் ஜம்மு காஷ்மீர் முதல்வர் உமர் அப்துல்லா. இதற்கு பாஜக கடும் கண்டனம் தெரிவித்துள்ளது.

இதுகுறித்து உமர் அப்துல்லா ட்விட்டர் மூலம் வெளியிட்டுள்ள தகவல் கடும் கண்டனத்துக்குரியது என்று பாஜக கூறியுள்ளது.

உமர் அப்துல்லா தனது ட்விட்டர் செய்தியில், தமிழகத்தில் ஒரு தீ்ர்மானம் போட்டிருப்பதைப் போல ஜம்மு காஷ்மீர் மாநில சட்டசபையிலும் ஒரு தீர்மானம் போட்டு அப்சல் குருவின் தண்டனையை ஆயுள் தண்டனையாக குறைக்கக் கூறினால் இதேபோலத்தான் அமைதி நிலவுமா? நான் அப்படி நினைக்கவில்லை என்று ராஜீவ் கொலையாளிகளுக்கு தண்டனையைக் குறைக்கக் கோரும் தமிழக சட்டசபை தீர்மானத்தை விமர்சித்துள்ளார் உமர்.

இதுகுறித்து காங்கிரஸ் கட்சி கருத்து தெரிவிக்க மறுத்து விட்டது. அதேசமயம், பாஜக கண்டனம் தெரிவித்துள்ளது. இதுகுறித்து பாஜக கூறுகையில், அப்சல் குருவின் செயலை ஆதரிப்பது போல உமர் அப்துல்லாவின் செய்தி உள்ளது. இதற்கு அவர் விளக்கம் தர வேண்டும். அவரது பேச்சு அதிர்ச்சியும், வியப்பும் தருகிறது என்று கூறியுள்ளது அக்கட்சி.