அபராத தொகையை செலுத்த அனுமதிக்க கோரி சசிகலா மனுத்தாக்கல் ..

maalaimalar :சொத்து குவிப்பு வழக்கில் சிறையில் உள்ள சசிகலா தனது அபராதத் தொகையை செலுத்த அனுமதி கோரி பெங்களூரு நகர சிவில் நீதிமன்றத்தில் மனுத்தாக்கல் செய்துள்ளார். பெங்களூரு: சொத்து குவிப்பு வழக்கில் சசிகலாவுக்கு 4 ஆண்டுகள் சிறை தண்டனை விதிக்கப்பட்ட நிலையில், கடந்த 2017-ம் ஆண்டு பிப்ரவரி மாதம் 15-ம் தேதியில் இருந்து அவர், பெங்களூரு பரப்பன அக்ரஹாரா சிறையில் இருந்து வருகிறார். அவரது தண்டனை காலம் இன்னும் ஒரு சில மாதங்களில் முடிவடைய உள்ள நிலையில் சசிகலா விடுதலை குறித்து செய்திகள் வெளியாகி வந்தன.

பிகாரில் நலத்திட்டங்களுக்கு அடிக்கல் நாட்டினாா் பிரதமா் மோடி.. சட்டப்பேரவைத் தோ்தல் அக்டோபா் அல்லது நவம்பா் மாதத்தில்

dinamani : பிகாா் மாநிலத்தில் காணொலி முறையில் நலத்திட்டங்களை செவ்வாய்க்கிழமை தொடக்கி வைத்த பிரதமா் மோடி. உடன் மாநில முதல்வா் நிதீஷ்குமாா். பிகாரின் நகரப்பகுதிகளில் ரூ.541 கோடி செலவில் மேற்கொள்ளப்படவுள்ள 7 கட்டுமானப் பணிகளுக்கு பிரதமா் நரேந்திர மோடி செவ்வாய்க்கிழமை அடிக்கல் நாட்டினாா்.

பிகாா் சட்டப்பேரவைத் தோ்தல் அக்டோபா் அல்லது நவம்பா் மாதத்தில் நடைபெற உள்ளது. அங்கு மாநில முதல்வா் நிதீஷ் குமாா் தலைமையிலான ஐக்கிய ஜனதா தளத்துடன் கூட்டணி அமைத்து பேரவைத் தோ்தலை பாஜக சந்திக்கிறது.    இந்நிலையில், பிகாரில் பல்வேறு நலத்திட்டங்களுக்கு பிரதமா் மோடி காணொலிக் காட்சி வாயிலாக செவ்வாய்க்கிழமை அடிக்கல் நாட்டினாா். நமாமி கங்கே, நகா்ப்பகுதி மேம்பாட்டுத் திட்டம் ஆகியவற்றின் கீழ் 4 திட்டங்களை அவா் தொடக்கிவைத்தாா். அப்போது அவா் கூறியதாவது:

டாலருக்கு எதிரான ரூபாய் மதிப்பு வரலாறு காணாத வீழ்ச்சி. வங்கதேச கரன்சிக்கு எதிராகக் கூட வீழ்ச்சி.

Anwar Ali : BJP ஜால்ராக்கள் சண்டைக்கு வர வேண்டாம். This is forwarded msg

* அமெரிக்காவுக்குப் போகிறீர்கள். செலவுக்கு இந்திய ரூபாய் உங்கள் கையில் உள்ளது. 10,000 ரூபாயை மாற்றுகிறீர்கள். உங்களுக்கு 170 அமெரிக்க டாலர்களைக் கொடுத்திருப்பார்கள். இப்போது சென்றால் அதே 10,000 ரூபாய்க்கு 133 டாலர்களைத் தான் தருவார்கள்.*

அதே 2014 ஆம் ஆண்டு. தாய்லாந்து போகிறீர்கள். 10,000 ரூபாயை மாற்றுகிறீர்கள். 5,400 'தாய் பாட்' கொடுத்திருப்பார்கள். இப்போது போனால் 4,200 'தாய் பாட்' தான் கிடைக்கும்.

அமெரிக்கா தாய்லாந்தை விடுவோம். வங்கதேசத்தைப் பார்ப்போம். 2014 ஆம் ஆண்டு மே மாதம் அந்நாட்டிற்கு சுற்றுலா சென்றிருந்தால், 10,000 ரூபாய்க்கு 1,31,00 பங்களாதேஷ் 'டக்கா' கிடைத்திருக்கும். இப்போது போனால் 1,13,00 டக்கா தான் கிடைக்கும்.

காரணம், இந்திய ரூபாயின் மதிப்பு வீழ்ந்து கொண்டிருக்கிறது. சரி; வெளிநாட்டு பணத்துடன் ஒப்பிட வேண்டாம். உள்நாட்டு நிலவரம் என்ன?

காமன்மேனாக - எளிமையாக யோசித்துப் பார்ப்போம். எனக்கும் அவ்ளோ தான் தெரியும்.

அழகிரியிடம் போனில் பேசிய ஸ்டாலின் ..

 

 minnampalam : மொபைல் டேட்டா ஆன் செய்யப்பட்டதும், வாட்ஸ்அப் ஆன்லைனில் வந்தது. லொக்கேஷன் மதுரை காட்டியது.   “அரசியல் வட்டாரத்தில் குறிப்பாக திமுக வட்டாரத்தில் சலசலப்பு ஏற்படுத்துவது ஒன்றே கடந்த ஐந்தாறு ஆண்டுகளாக மு.க.அழகிரியின் குறிப்பிடத்தக்க பணியாக இருந்து வருகிறது. கலைஞரின் மூத்த மகனான மு.க.அழகிரி அவர் இருக்கும்போதே ஸ்டாலினுக்குக் கொடுக்கப்படும் முக்கியத்துவத்தை எதிர்த்து வெளிப்படையாகப் போர்க்கொடி தூக்கினார். கட்சி தேர்தலை முறைப்படி நடத்த வேண்டும் என்று பகிரங்கமாகத் தலைமையை எச்சரித்தார். ஒருகட்டத்தில் திமுக தலைவரான தனது தந்தைக்கும், தம்பி ஸ்டாலினுக்கும் பெரும் தலைவலி ஆகிப்போய் திமுகவில் இருந்து நிரந்தரமாக நீக்கப்பட்டார் அழகிரி.

இதையடுத்து அவரைச் சுற்றி கணிசமாக இருந்த தென்மாவட்ட திமுக புள்ளிகள் கொஞ்சம் கொஞ்சமாக விலக தொடங்கினார்கள். கலைஞர் இறந்த பிறகு அவருக்கு அஞ்சலி செலுத்த, அழகிரி ஏற்பாடு செய்த ஊர்வலம் பெரிய அளவில் வெற்றி பெறாததால் அது முதற்கொண்டு விமான நிலைய பேட்டிகளைத் தவிர வேறெந்த வகையிலும் அரசியல் செய்யாதவராக இருந்தார் அழகிரி.

சீனாவின் கட்டுப்பாட்டில் 38,00 Sqkm இந்திய நிலப்பரப்பு . ராஜ்நாத் சிங் ஒப்புதல் .. அதிர்ச்சி தகவல்

BBC : கிழக்கு லடாக் பிராந்தியத்தில் உள்ள அசல் எல்லை கட்டுப்பாட்டு கோடு

(எல்ஏசி) அமைந்த பகுதியில் கடந்த ஜூன் மாதம் இந்திய படையினருடனான மோதலில் சீன ராணுவ தரப்பு பலத்த சேதத்தை எதிர்கொண்டதாக இந்திய நாடாளுமன்றத்தில் பாதுகாப்புத்துறை அமைச்சர் ராஜ்நாத் சிங் தெரிவித்துள்ளார். எல்ஏசி பகுதியில் நிர்ணயிக்கப்படாத எல்லை கோடு தொடர்பாக இரு தரப்பு வீரர்களும் மோதிய சம்பவத்தில் கடந்த ஜூன் மாதம் இந்திய வீரர்கள் 20 பேர் உயிரிழந்தனர். ஆனால், சீனா தரப்பில் ஏற்பட்ட சேதம் அல்லது பாதிப்பு விவரத்தை இதுவரை அந்நாடு அலுவல்பூர்வமாக வெளியிடவில்லை.

இந்த நிலையில், இந்திய நாடாளுமன்ற மழைக்கால கூட்டத்தொடரில் முதல் முறையாக சீனாவுடன் ஆன மோதல் குறித்து பாதுகாப்புத்துறை அமைச்சர் ராஜ்நாத் சிங் விளக்கியிருக்கிறார். சீன ராணுவத்துடன் இதுவரை இல்லாத வகையில் ஜூன் மாதம் 15ஆம் தேதி நடந்த மோதல் இருந்தாக ஒப்புக்கொண்ட ராஜ்நாத் சிங், தற்போதைக்கு எல்ஏசி மட்டுமின்றி மேலும் ஆழமான பகுதிகளில் தனது துருப்புகளை சீனா பெருமளவில் குவித்து வருவதாக தெரிவித்தார்.  

வாங்க ப்ராடு செய்ய பழகுவோம்,,,!

கர்நாடக துணை முதல்வர் புரந்தேந்திரப்பா,, அவர் குடும்பத்தினர் இரண்டு மருத்துவக் கல்லூரிகள் உள்ளன! ஒன்று சித்தார்த்தா மருத்துவக் கல்லூரி இன்னொன்று சித்தார்த்தா இன்ஸ்டிட்டியூட் ஆப் மெடிக்கல் சயின்ஸ்! 

ஒரு ஏஜண்ட் ஒருவரை அமர்த்திக் கொள்கிறார்கள்! அவர் ராஜஸ்தான் மாநிலம் கோட்டா செல்கிறார்!       அங்கிருந்து மருத்துவம் முதலாண்டு அல்லது இரண்டாமாண்டு படிக்கும் மாணவர்கள் சுமார் 300 பேர்களை அழைத்து வருகிறார்!                    அவர்களை நீட் பரீட்சை எழுத வைக்கிறார்! அவர்களும் ரேங்க் வாங்கி பாஸ் ஆகிறார்கள்! அவர்கள் கௌன்சிலிங்க் எங்கு வேண்டுமென்றால் சித்தார்த்தா காலேஜையே சொல்கிறார்கள்! 

முதல் ரவுண்ட் கௌன்சிலிங் வருகிறார்கள்! அதற்கு ரெக்கார்ட் வெரிபிகேஷன் இல்லை என்பதால் நீட் மார்க்கை கொடுத்து சீட் பெறுகிறார்கள்! பின் சேராமல் விடுகிறார்கள்! இதற்கு அவர்களுக்கு பைன் எதுவும் இல்லை! அடுத்து இரண்டாம் ரவுண்ட் கௌன்ஸின்லிங் வருகிறது! அதிலும் அவர்கள் வருகிறார்கள்! சேராமல் விடுகிறார்கள்! ஆனால் இங்கு 2 லட்சம் ஃபைன் கட்ட வேண்டும்! அதை ஏஜண்ட் கட்டுகிறார்! 

நம்ம குழந்தை நாலு ... தான் சூர்யா மாதிரி ஆட்களுக்கு நாம இத்தனை நாள் கூவி கூவி பேசினது புரியும்

Karthick Ramasamy : இணையத்தில் பல்லாயிரக்கணக்கான திமுக ஆதரவாளர்கள் இருக்கிறார்கள்.

இதில் நடிகர் சூர்யாவின் அறிக்கையை சந்தேகக்கண்ணோடு பார்க்க வேண்டும் என்கிற கருத்தை அதிகபட்சம் நான்கைந்து பேர் மட்டுமே சொல்லியிருப்பார்கள். அது கூட அவர்கள் கருத்து மட்டுமே.

இங்கு ஒவ்வொருவருக்கும் ஒரு கருத்து இருக்கும்.

உடனே இந்த உபிக்களே இப்படித்தான் அப்படித்தான் என்று அட்வைஸ் மழை பொழிய ஆரம்பித்து விட்டார்கள் நடுநிலை நண்பர்கள்.

2017ல் நீட் எதிர்ப்பு பற்றி மற்ற யாரும் பேசாத போது ஆயிரக்கணக்கான தொடர் பதிவுகள், நீட் எதிர்ப்பு தொடர்பான புத்தகம் என்று இயங்கியவர்கள் திமுக ஆதரவாளர்கள்.

சில கருத்துக்களில் மாறுபாடு வரலாம், அதற்காக அந்த கருத்தை தாராளமாக மறுக்கலாம்.

பலரின் வார்த்தைகளில் இருக்கும் வன்மத்தை பார்க்கும்போது எப்பொழுது திட்ட வாய்ப்பு கிடைக்கும் என்று காத்துக்கிடந்தவர்கள்போல உள்ளது.

 கேப்டன் குமார் : அதுக்கு ஏன் நம்மாளுங்க இடம் கொடுக்கர மாதிரி நடக்கனும் இந்த ரவிசங்கர் தொடர்ந்து திமுகாவ தேர தெருவுல இழுத்துவிட தான் பேசுற மாதிரி தெரியுது. 

Karthick Ramasamy: அவர் பேசுனா அது அவர் கருத்து, அதற்கும் திமுகவிற்கும் என்ன சம்மந்தம்? 

நீட்டுக்கு நேரடியாகவும் மறைமுகமாகவும் ஆதரவாக இருந்தவர்கள், இருப்பவர்கள்

Ravishankar Ayyakkannu Surya is not a victim. He needs to own responsibility as the founder of Agaram Foundation which propagated NEET as an elixir.

A Sivakumar : · சூர்யாவுடன் என்ன பஞ்சாயத்து? பஞ்சாயத்து நடிகர் சூர்யா என்ற தனி மனிதருடன் இல்லை. பஞ்சாயத்து அவரை வைத்து நடந்த நீட் ஆதரவு பிரச்சாரம் குறித்ததே. சூர்யா என்ற தனி மனிதர் நீட் தேர்வை ஆதரிக்கலாம், எதிர்க்கலாம். அது அவரின் சொந்த முடிவு. இன்றும் தமிழ்நாட்டில் பலரும் நீட் தேர்வை ஆதரிக்கவே செய்கிறார்கள். இன்று நடிகர் சூர்யா அவர்கள் எதிர்ப்பு தெரிவிக்கிறார்...ஏற்கிறோம், வரவேற்கிறோம், வாழ்த்துகிறோம்..   ஆனால்

1) 2017ல் இதே நடிகர் சூர்யாவின் புகழ் வெளிச்சத்தில் நீட் ஆதரவு புத்தகங்களை அச்சிட்டு தமிழ்நாடெங்கும் விநியோகித்தார்களே சிலர், அவர்கள் எல்லாம் தங்கள் நிலைப்பாட்டை மாற்றிக் கொண்டார்களா?

2) இத்தனை மாணவ செல்வங்களின் உயிர்கள் போனதில் தங்களுக்கும் ஒரு பங்கிருக்கிறது என்பதை ஒப்புக்கொள்கிறார்களா?

3) தங்களுடைய அரசியலுக்கு சூர்யாவை பலியாக்கியதற்கு மன்னிப்பு கேட்டார்களா? கேட்பார்களா?

இதையெல்லாம் ஏன் இன்று கேட்க வேண்டும் என்ற கேள்வி உங்களுக்கு எழுவதும் இயல்பே.

தமிழரும் தமிழ்நாடும் பெற்ற வரங்கள் பெரியார், அண்ணா,கலைஞர்.. வாய்த்த சாபங்கள் எம்ஜிஆரும் ஜெயலலிதாவும்.

LR Jagadheesan: தமிழர் மற்றும் தமிழ்நாட்டின் சுயமரியாதை; சுயசார்பு; சுயாட்சி ஆகிய மூன்றின் குறியீடு அண்ணா என்கிற மூன்றெழுத்து சொல். அந்த மூன்றையும் துள்ளத்துடிக்க கொன்று புதைத்துவிட்டு அண்ணாவின் பிறந்தநாளுக்கு போற்றி பாடுவதால் தமிழனுக்கோ தமிழ்நாட்டுக்கோ என்ன பயன்? 

காஞ்சியில் பிறந்தவர் என்பதால் அண்ணா என்ன இன்னொரு அத்திவரதரா? பூஜிக்கவும் பஜனை பாடவும்? அவர் தமிழ் அரசியலின் உன்னத உருவகம். தமிழனின் போராட்டகுணத்தை தன் தலைமைத்துவத்தால் பொறுப்புணர்வாக்கி ஆக்கப்பூர்வ அரசியலுக்கு அடிகோலிய மூத்தோன். அவர் போட்டுவிட்டுப்போன வலுவான அடித்தளம் தான் இன்றுவரை நின்றுபிடித்துக்கொண்டிருக்கிறது. தமிழரின் தலை தாழாமல் தடுத்துக்கொண்டிருக்கிறது.       அதற்கு நேர் மாறாக யதார்த்த உலகில் மோடியின் எடுபிடி எடப்பாடிக்கெல்லாம் அல்லக்கையாக செயற்பட்டுக்கொண்டே, அதனால் வரும் பயன்கள் அத்தனையையும் எந்த கூச்சமும் இன்றி அனுபவித்துக்கொண்டே, மெய்நிகர் உலகில் அண்ணா எங்கள் தெய்வமே என்று உருகுவதெல்லாம் சிவாஜியே பார்த்து மிரளும் நவரச நடிப்பு. பாவம் நடித்துக்களைத்து விட்டீர்கள் நடிப்புச்சுதேசிகளே. கொஞ்சம் ஓய்வெடுங்கள். 

நீட் தேர்வை ரத்து செய் ! திருச்சி மக்கள் அதிகாரம் ஆர்ப்பாட்டம் !

vinavu :ஏழை மாணவர்களின் கல்வியை பறிக்கும் நீட் தேர்வை ரத்து செய் ! மாநிலங்களின் உரிமையைப் பறிக்கும் நீட் தேர்வை ரத்து செய் ! தமிழக அரசு சிறப்பு சட்டம் இயற்றி நீட் தேர்வை தமிழகத்தில் அனுமதிக்காதே ! நீட் தேர்வின் காரணமாக மாணவர்கள் தற்கொலை செய்துகொள்ளும் நிலைக்கு தள்ளப்படுகிறார்கள். நீட் தேர்வு என்பது நவீன கால மனுநீதியே என்பதை அம்பலப்படுத்தும் வகையில், இந்த ஆர்ப்பாட்டம் நடத்தப்பட்டது. தட்சணையாக ஏகலைவனின் கட்டை விரலை துரோணாச்சாரி வெட்டிக் கேட்டு அவன் திறனை முடக்கியது போல, இன்று கிராமப்புற ஏழை மாணவர்களின் மருத்துவக் கனவை வெட்டி எறியவே நீட் தேர்வு கொண்டுவரப்பட்டுள்ளது. அப்படி தமது மருத்துவக் கனவு வெட்டியெறியப்பட்டதன் காரணமாகவே பல மாணவர்கள் மனமொடிந்து தற்கொலையை நோக்கிச் செல்கின்றன. நவீன மனுநீதியான இந்த நீட் தேர்வை உடனடியாக தடுத்து நிறுத்தாவிடில் இன்னும் பல உயிர்களை நாம் இழக்க வேண்டிய சூழலே ஏற்படும்.

2ஜி சதியின்போது ஆ ராசாவை கைவிட்ட பலர் இன்று ராசா எங்க ராசா என்று .... ஜாதிப்பாசம்?

  Karuppu Neelakandan : சகோதரர் ஆ.ராசா இந்திய பார்ப்பன பொறுக்கி
ஊடகங்களாலும் அவர்தம் அல்லக்கைகளாலும் அவ்வளவு அநீதியான அவதூறுகளுக்கு உள்ளானபோது கலைஞரும், திராவிடர் கழகமும், திராவிடர் இயக்க தமிழர் பேரவையும்தான் அவரை ஆதரித்தது. அவரின் அவதூறு எதிரிகளை தங்களின் இனத்தின் எதிரிகளாய் நின்று சமூககளத்தில் எதிர்கொண்டது திராவிடர் இயக்கம் மட்டும்தான். அவர்களைத் தாண்டி ஆ.ராசா அவர்களை இங்கே ஆதரித்த ஒரே ஒரு அமைப்பு அம்பேத்கரிய-பெரியாரிய புரிதலோடு 25ஆண்டுகளாய் இதழியல் பிரச்சாரத்தை இந்து இழிமதத்ற்கெதிராக போராக தொடுத்துக்கொண்டுவரும் 'தலித்முரசு' இதழ் மட்டும்தான். 

ஆனால் கடந்த இரு வாரங்களாக 'ராசா' ' எங்க சின்ன ராசா 'எனும் ஜாதிப்பாசம் மிகுந்த குரல்கள் கொஞ்சம் போலியாகவும் தூக்கலாகவும் உலா வந்துகொண்டிருக்கின்றன. அதுவும் இன்றைய சூழலிலும் தலித்துகளுக்குள்ளேயே ஒரு ஜாதியை மையங்கொண்டு இன்னொரு சகோதர ஜாதியை புறக்கணித்துக்கொண்டும், அவதூறுப்படுத்திக்கொண்டிருக்கும் ஜாதியை கூர்மைப்படுத்தும் கூர்மை வாய்ந்த குரல்கள் அவை. 

சாதாரண தொண்டர் நிலையிலிருந்தால் கூட அக்குரல்கள் எதிர்காலத்தில் அது தன்னை அம்பேத்கரியத்தில் கரைத்து சரிசெய்து கொள்ளும் என்கிற நம்பிக்கைகளோடு நாம் அவற்றை கடந்துவிடலாம். ஆனால் இப்போது இப்படியான சவடால்களை அடிப்பது

இந்தியை காப்பாற்றுவதை விட இந்திய மக்களை காப்பாற்ற வேண்டும்,,,ர் அமித்ஷாவுக்கு மு.க.ஸ்டாலின்

  dhinakaran :சென்னை: இந்தி மொழியை காப்பாற்றுவதை விட இந்திய மக்களை கொரோனாவில் இருந்து காப்பாற்ற அமித்ஷா கவனம் செலுத்த வேண்டும் என்று மு.க.ஸ்டாலின் கூறியுள்ளார். திமுக தலைவர் மு.க.ஸ்டாலின் நேற்று தனது முகநூல் பதிவில் கூறியிருப்பதாவது: இந்திய நாட்டின் உள்துறை அமைச்சராக இருக்கும் அமித்ஷா, இந்தி மொழி இந்நாட்டை ஒருங்கிணைப்பதாகச் சொல்லி இருக்கிறார். பன்முகத் தன்மையுடன் பரந்து விரிந்திருக்கும் இந்நாட்டை, ஒரு சில மாநில மக்கள் மட்டுமே பேசும் மொழி எப்படி ஒருங்கிணைக்க முடியும்?. வேற்றுமையில் ஒற்றுமை காணும் இந்தியாவின் ஒருமைப்பாட்டைக் கெடுக்கும் ஒன்றாகத்தான் இந்தி இருக்கிறது என்பதை அமித்ஷா உணர வேண்டும். இந்தியை காப்பாற்றுவதை விட, கொரோனாவில் இருந்து இந்தியரை காப்பாற்றுவதில் மத்திய உள்துறை அமைச்சர் அமித்ஷா கவனம் செலுத்த வேண்டும். இவ்வாறு அவர் கூறியுள்ளார்

40 லட்சம் வேலையற்றவர்களுக்கு இனி அரை ஊதியம் கிடைக்கும்!!

zeenews.india.com : கொரோனா ஊரடங்கை (Corona Lockdown) அடுத்து வேலையின்மை பிரச்சினைகளை சந்திப்பவர்களுக்கு கொரோனா வைரஸ் (Coronavirus) ஒரு மகிழ்ச்சியான செய்தி. அடல் பிமித் நபர் நலத் திட்டத்தின் உறுப்பினரான மாநில காப்பீட்டுக் கழகத்தின் (ESIC) உறுப்பினர்களான வேலையற்ற தொழிலாளர்களுக்கு 50 சதவீத ஊதியம் வழங்குவதற்கான மத்திய தொழிலாளர் அமைச்சகம் அறிவிப்பை வெளியிட்டுள்ளது. மத்திய அரசின் இந்த முடிவு வேலை இழந்த 40 லட்சம் தொழிலாளர்களுக்கு பயனளிக்கும்.

கொரோனா நெருக்கடிக்கு மத்தியில் வேலை இழந்த தொழில்துறை தொழிலாளர்களுக்கான விதிகளை மாற்றுவதன் மூலம் மூன்று மாதங்களுக்கு 50 சதவீத வேலையின்மை கொடுப்பனவை வழங்க அரசாங்கம் முடிவு செய்துள்ளது. இந்த ஆண்டு மார்ச் 24 முதல் டிசம்பர் 31 வரை வேலை இழந்த தொழிலாளர்களுக்கு இந்த நன்மை வழங்கப்படும் என்று அந்த அறிவிப்பில் தெரிவிக்கப்பட்டுள்ளது. அடல் பிமிட் நபர் நல திட்டம் என்பது ESIC ஆல் நிர்வகிக்கப்படும் ஒரு திட்டமாகும். இதன் மூலம் தொற்றுநோய்களின் போது வேலை இழப்பவர்களுக்கு வேலையின்மை கொடுப்பனவு வழங்கப்படும்.

சென்னை சாலையில் மின்கசிவால் உயிரிழந்த பெண்!

minnambalam :சென்னையில் சாலையில் நடந்து சென்று கொண்டிருந்த அலிமா என்ற பெண் மின்சாரம் தாக்கி பலியான விவகாரத்தில் பொறியாளர்கள் இருவர் பணியிடை நீக்கம் செய்யப்பட்டுள்ளனர். இந்நிலையில் அலிமா தனிப்பட்ட வாழ்க்கையில் எந்த சந்தோஷத்தையும் அனுபவிக்கவில்லை என்று அவரது சகோதரி வேதனை தெரிவித்துள்ளார்.     சென்னை பெரியார் நகர் ஹவுசிங் போர்டு பகுதியைச் சேர்ந்தவர் அலிமா (35). இவரது கணவர் ஷேக் முகமது. இவர்களுக்கு அப்துல் ரகுமான்(10) என்ற மகன் உள்ளார். அலிமா கணவர் மற்றும் மகனைப் பிரிந்து தனியாக வாழ்ந்து வந்துள்ளார். புளியந்தோப்பு நாராயண சாமி தெருவில் வசிக்கும் ஷாகிரா பேகம் என்பவரது வீட்டில் அலிமா வீட்டு வேலை செய்து வந்துள்ளார். வழக்கம்போல் நேற்றும் (செப்டம்பர் 14) வேலைக்குச் சென்றுள்ளார்.

மருத்துவப் படிப்பில் அரசுப்பள்ளி மாணவர்களுக்கு 7.5 சதவீத இட ஒதுக்கீடு வழங்கும் சட்ட மசோதா சட்டப்பேரவையில் தாக்கல்

maalaimalar :மருத்துவப் படிப்பில் அரசுப்பள்ளி மாணவர்களுக்கு 7.5% இட ஒதுக்கீடு வழங்கும் சட்ட மசோதா தமிழக சட்டசபையில் தாக்கல் செய்யப்பட்டது.  தமிழக அரசுப் பள்ளிகளில் பயிலக் கூடிய மாணவர்களுக்கு மருத்துவம், பல் மருத்துவம், இந்திய மருத்துவம் மற்றும் ஹோமியோபதி ஆகியவற்றில் இளங்கலை படிப்புகளுக்கு முன்னுரிமை அடிப்படையிலான சேர்க்கை சட்டமுன்வடிவு தாக்கல் செய்யபட்டது.

மருத்துவ படிப்பில் சேருவதற்காக நடத்தப்படும், ‘நீட்’ தேர்வில் இருந்து, தமிழகத்திற்கு விலக்கு அளிக்கக் கோரி, தமிழக அரசு சார்பில், சட்டசபையில் தீர்மானம் நிறைவேற்றப்பட்டு மத்திய அரசுக்கு அனுப்பப்பட்டது.<>அதைத் தொடர்ந்து, நீட் தேர்வில் தேர்ச்சி பெறும் அரசு பள்ளி மாணவர்களுக்கு, மருத்துவ மாணவர் சேர்க்கையில், உள் இடஒதுக்கீடு வழங்குவது தொடர்பாக ஆலோசித்து, அரசுக்கு அறிக்கை அளிப்பதற்காக ஓய்வுபெற்ற நீதிபதி கலையரசன் தலைமையில் குழு கடந்த மார்ச் 21-ம் தேதி அமைக்கப்பட்டது.

 அந்தக்குழு அளித்த அறிக்கையின் அடிப்படையில் அரசுப் பள்ளி மாணவர்களுக்கு 7.5 % இட ஒதுக்கீடு வழங்குவதற்கு முதல்வர் எடப்பாடி பழனிசாமி தலைமையிலான அமைச்சரவை ஒப்புதல் அளித்தது. அமைச்சரவையின் ஒப்புதலை தொடர்ந்து தற்போது சட்டப்பேரவையில் இந்த சட்டமசோதா தாக்கல் செய்யப்பட்டுள்ளது.

டெல்லி கலவர வழக்கு: ஜேஎன்யு முன்னாள் மாணவர் உமர் காலித்துக்கு 10 நாள் போலீஸ் காவல்

BBC :ெல்லியில் கடந்த பிப்ரவரி மாதம் நடைபெற்ற கலவரத்தில் தொடர்புடையதாக கைது செய்யப்பட்ட ஜவாஹர்லால் நேரு பல்கலைக்கழக முன்னாள் மாணவர் தலைவர் உமர் காலித்தை 10 நாட்கள் போலீஸ் காவலில் வைத்து விசாரிக்க டெல்லி நீதிமன்றம் உத்தரவிட்டுள்ளது. 

இந்த வழக்கில் அவரை ஞாயிற்றுக்கிழமை 11 மணி நேர விசாரணை முடிவில் டெல்லி காவல்துறை கைது செய்தது.மேலும், கலவரத்தின் “முக்கிய சதியில் ஈடுபட்டவர்” என உமர் காலித்துக்கு எதிராக டெல்லி காவல்துறை குற்றம்சாட்டியுள்ளது. இந்த வழக்கில் உமர் காலித்துடன் சேர்த்து பல முக்கிய செயல்பாட்டாளர்கள் மற்றும் மாணவர் தலைவர்கள் இதுவரை கைது செய்யப்பட்டுள்ளனர் இந்த விவகாரத்தில், பல செயல்பாட்டாளர்களில் குறிப்பாக முஸ்லிம்கள், நியாயமற்ற முறையில் இலக்கு வைக்கப்படுவதாக மனித உரிமை அமைப்புகள் குற்றம்சாட்டுகின்றன. ஆனால் அதை காவல்துறை மறுத்துள்ளது.

Ex Cm குமாரசாமி : இந்தி பேசாத மாநிலங்களில் மட்டும் மும்மொழி கொள்கை ஏன்?

dailythanthi.com : இந்தி பேசாத மாநிலங்களில் மட்டும் மும்மொழி கொள்கையை அமல்படுத்துவது ஏன்? என்று கேள்வி எழுப்பியுள்ள குமாரசாமி, நாட்டின் ஒற்றுமைக்கு பங்கம் ஏற்படுத்தக் கூடாது என கூறியுள்ளார். பெங்களூரு, 

கர்நாடகா முன்னாள் முதல்-மந்திரி குமாரசாமி தனது டுவிட்டரில் வெளியிட்டுள்ள பதிவில் கூறியிருப்பதாவது:-

நாட்டில் பல்வேறு மொழிகள், கலாசாரங்களை உள்ளடக்கிய இந்தியாவில் கன்னடம் உள்பட பிற மொழிகள் மீது இந்தியை வலுக்கட்டாயமாக திணிக்கும் முயற்சி நடந்து வருகிறது. இன்று (அதாவது நேற்று) கொண்டாடிய இந்தி தின விழா கூட அத்தகைய நோக்கம் கொண்டது தான். மொழி ஆணவத்துடன் கொண்டாடப்படும் இந்தி தின விழாவுக்கு கன்னடர்களின் எதிர்ப்பு உள்ளது. இந்தி தேசிய மொழி அல்ல. அத்தகைய ஒரு அம்சம் அரசியல் அமைப்பு சட்டத்தில் இல்லை.

காணாமல் போன காசிமேடு மீனவர்கள் மீட்கப்பட்டனர்... மியான்மர் கடல்பகுதியில்..

Kasimedu FIshermen

Mageshbabu Jayaram - Samayam Tamil : காசிமேட்டில் இருந்து கடலில் மீன்பிடிக்கச் சென்று காணாமல் போன மீனவர்கள் பத்திரமாக மீட்கப்பட்டனர்.

சென்னையில் உள்ள காசிமேடு பகுதியைச் சேர்ந்த மீனவர்கள் 10 பேர் கடந்த ஜூலை மாதம் 23ஆம் தேதி கடலுக்கு மீன்பிடிக்கச் சென்றனர். இவர்கள் ஒருவாரம் கடலில் மீன்பிடித்துவிட்டு கரை திரும்ப திட்டமிட்டிருந்தனர். ஆனால் குறிப்பிட்ட நாட்களுக்குள் கரை திரும்பவில்லை. இதனால் அவர்களது உறவினர்கள் அதிர்ச்சி அடைந்தனர். உடனே காணாமல் போன மீனவர்களை மீட்டுத் தருமாறு போலீசாருக்கும், தமிழக அரசுக்கு கோரிக்கை விடுத்தனர்.

சூர்யாவின் அகரம் Foundation நீட்டுக்கு ஆதரவான நூலை வெளியிட்டுள்ளது .. இன்னும் திரும்ப பெறவில்லை?

Umamaheshvaran Panneerselvam : அகரம் Foundation வெளியிட்ட புத்தகத்தில் இப்படி இருக்கும்போது, சூர்யா பற்றிய என் ஐயம் Justified. சூர்யா மேல் வன்மமோ, கடுப்போ எனக்கில்லை. சமூகநீதியின் பக்கம் யார் நின்றாலும் எனக்கென்ன நோகப் போகிறது ?

ஆனால் தனது அமைப்பு வெளியிட்ட புத்தகத்தில் நீட் ஆதரவான அப்பட்டமான வரிகள் இருக்கும்போது அவர் அதை Refute செய்கிறாரா அல்லது அந்த புத்தகம் திரும்பப்பெறப்பட்டதா என்று தெரியாதவரை ஐயம் இருப்பது இயல்பு. ஜல்லிக்கட்டுக்காக மாடு மாடு என்று ஊர் ஓடியபோது , மக்கள் நீட்டுக்காக போராடவேண்டும், என்று வலியுறித்தியதோடு அல்லாமல் அதற்கான பதாகை தாங்கிது நம்மில் சிலர். மெரினாவில் ஸ்டாலின் உள்ளே வந்தபோது, அவரை வெளியேரும்படி செய்து " எங்களுக்கு தலைவர்களே வேண்டாம், தை புரட்சி, மக்களே மக்களைப் பார்த்துக் கொள்வார்கள் " என்றபோது அடுத்து வரப்போகும் ஆபத்தை, முறையான அரசியல் இயக்கம் அல்லாத தனி குரல் மடைமாற்றப்படும் சிக்கலை சொன்னதும் நம்மில் சிலர்.

கார்த்திக் சிதம்பரம் தன் நீட் ஆதரவு நிலையை மாற்றிக்கொள்ள வேண்டும்... இல்லையேல் பாராளுமன்ற உறுப்பினர் பதவியை ..

                    Bilal Aliyar : சிவகங்கை பாராளுமன்ற உறுப்பினராக இருக்கும் கார்த்திக் சிதம்பரம் அவர்களின் பழைய வீடியோ ஒன்றில், தான் நீட் தேர்விற்கு ஆதரவானவர் என வெளிப்படையாக பேசுகிறார். தமிழ்நாட்டில் நீட் தேர்வு குறித்தும், அதன் பாதகங்கள் குறித்தும், திமுக தலையிலான கூட்டணி கட்சிகளில் காங்கிரஸ், மதிமுக, விசிக, மா. கம்யூனிஸ்ட், வலது கம்யூனிஸ்ட், இஸ்லாமிய கட்சிகள் மற்றும் ஏனைய இயக்கங்கள் அனைத்தும் தீவிரமக பேசி, போராடி, நீட்டை ஒழிக்க பாடுபட்டு கொண்டிருக்கின்றன. நீட்டை கொண்டு வந்த அதிமுகவுடன் கூட்டணியில் இருக்கும் பாமக, ஆரம்பத்தில் நீட் ஆதரவு நிலைப்பாடு எடுத்து இன்று பல உயிர்களும், மாணவர்களின் கனவும் களவுபோவது கண்டு நடிகர் சூர்யா போன்றோரும் நீட்டை ஒழிக்க வேண்டும் என்று வெளிம்படையாக குரல் கொடுத்திருக்கின்றனர். 

தமிழ்நாட்டு மக்களுக்கு, மாணவர்களுக்கு நேரடியான இழப்பை உருவாக்கி, மாநில சுயாட்சிக்கு குந்தகம் விளைவிக்கும் நீட் தேர்வை, விரும்பாத மாநிலங்கள் மீது திணிக்கப்படமாட்டாது என்று தேர்தல் அறிக்கையிலும், பிரச்சாரத்திலும் தெரிவித்தார் காங்கிரஸ் கட்சியின் ராகுல் காந்தி..

மக்களின் கைத்தட்டலில் மிரண்டு போன பிரபாகரன் .. சுதுமலை கூட்டம்.. 1987

 Sugan Paris : யாழ்ப்பாணத்தில் இரண்டு அரசியல் ஆளுமைகள் மக்கள் மனங்களில் பெரும் வரவேற்பைப் பெற்றவர்கள்.
1) இந்திராகாந்தி
2) சந்திரிக்கா குமாரதுங்க
இந்தியா உதவிக்கரம் தந்தபோது வயதானவர்கள் கண்ணீர் சொரிந்து கையெடுத்து வணங்கி வரவேற்றபோது அவர்கள் ராஜீவ் காந்திக்காக உச்சரித்த பெயர் "அன்னை இந்திராகாந்தியின் புதல்வனே ! "
சமாதானத்தினதும் அரசியற்தீர்வு முயற்சிகளினதும் துணிச்சலான நடவடிக்கைகளிலும் மக்கள் நம்பிக்கை வைத்த சந்திரிக்கா அம்மையாரை மக்கள் அழைத்தது" சமாதானத்தின் தேவதையே !'
இரண்டும் மக்களின் சமாதானத்தின்மீதான பெரு வேட்கையைக் காட்டிநின்றன.
இரண்டிலும் அரண்டுபோன புலிகள் தொடர்ந்த யுத்தமே அவர்களை சர்வதேச பயங்கரவாதப்பட்டியலில் சேர்த்தது.
சுதுமலையில் "இந்தியாவை நம்பி நமது ஆயுதங்களை ஒப்படைக்கிறோம் !" என பிரபாகரன் சொன்னபோது மக்கள் எழுப்பிய கரகோசம் கண்டு பிரபாகரன் மிரண்டது நடந்தது.        அமைதிப்படை யாழ் பல்கலைக்கழக மைதானத்தில் பரசூட் தரையிறங்கும்போது சர்வதேச விதிகளுக்கு மாறாக அவர்களைச் சுட்டது தொடங்கி தொட்டது சனியன்.

இந்தி திணிப்புக்கு எதிராக கர்நாடகாவில் வெடித்த போராட்டம் .. "கன்னடா சாக்கு.. இந்தி திவாஸ் யாக்கே?"

Veerakumar - /tamil.oneindia.com :  பெங்களூர்: 'ஹிந்தி திவாஸ்' என்ற பெயரில் இந்தி தினம் கொண்டாடப்படுவதற்கு கர்நாடகாவில் உள்ள கன்னட அமைப்புகள் கடும் எதிர்ப்பு தெரிவித்து போராட்டத்தில் இறங்கியுள்ளன. சமீபகாலமாக மத்திய அரசு அனைத்து மாநிலங்களிலும் இந்தியை திணிப்பதாக குற்றச்சாட்டு எழுந்துள்ளது. 

தமிழகத்தில் திமுக எம்பி கனிமொழி முன்னெடுப்பின் பேரில், ஹிந்தி திணிப்புக்கு எதிரான வாசகங்கள் அடங்கிய டி சட்டைகளை அணிந்து பல திரைப்பட பிரபலங்கள் புகைப்படம் வெளியிட்டு பரபரப்பை ஏற்படுத்தி இருந்தனர்.  இதையடுத்து தமிழகம் முழுக்கவே இளைஞர்கள் மத்தியில் இது போன்ற டி ஷர்ட்டுக்குள் வாங்குவதற்கான ஆர்வம் அதிகரித்துக் காணப்படுகிறது.      இது ஒரு பக்கம் என்றால், கர்நாடகாவிலும் இந்தித் திணிப்புக்கு எதிராக சமீபகாலமாக போராட்டங்கள் முன்னெடுக்கப்படுகின்றன. இதன் ஒரு பகுதியாக இந்தி திவாஸ் என்ற பெயரில் இந்தி தினம் இன்று கொண்டாடப்படுவதை எதிர்த்து கன்னட ரக்ஷன வேதிகே என்ற அமைப்பினர் பெங்களூர் உட்பட மாநிலம் முழுவதும் இன்று போராட்டங்கள் நடத்தினர். 

நீட் தற்கொலைக்கு நிவாரணம் தருவதா? – சென்னை உயர் நீதிமன்றம் அதிருப்தி

BBC : நீட் தேர்வு அச்சத்தில் தற்கொலை செய்யும் மாணவர்களின்

குடும்பத்திற்கு நிவாரணம் வழங்குவதும், அரசு வேலை கொடுப்பதும் தற்கொலையை ஊக்குவிப்பது போல் உள்ளது என சென்னை உயர்நீதிமன்றம் விமர்சித்துள்ளது. நீட் விவகாரத்தில் மாணவர்கள் தொடர்ந்து தற்கொலை செய்வதை தடுக்க தமிழக அரசு போதிய நடவடிக்கைகளை எடுக்கவில்லை எனக் கோரி வழக்கறிஞர் சூரியபிராகாசம் தொடர்ந்த வழக்கில், தற்கொலைகளை ஊக்குவிக்கும் செயல்களில் அரசியல் கட்சிகள் ஈடுபடக்கூடாது என உயர்நீதிமன்றம் தெரிவித்துள்ளது. இது தொடர்பான மனுவை விசாரித்த நீதிபதி கிருபாகரன், ஊடகங்கள் தற்கொலை செய்திகளுக்கு முக்கியத்துவம் அளிப்பது, தற்கொலையை மகிமைப்படுத்துவது போலாகிறது என்றும் அரசியல் கட்சி தலைவர்கள் தற்கொலை செய்தவர்களின் குடும்பங்களுக்கு நிதி அளிப்பது போன்ற செயல்கள் இத்துடன் நிறுத்தப்படவேண்டும் என்றும் தெரிவித்தார்.

சூர்யாவுக்கு ஆதரவாக களமிறங்கிய முன்னாள் நீதிபதிகள்!

minnambalam : சூர்யாவுக்கு ஆதரவாக முன்னாள் நீதிபதிகள் 6 பேர் தலைமை நீதிபதிக்கு கடிதம் எழுதியுள்ளனர். தமிழகத்தில் நேற்று முன்தினம் நீட் தேர்வு பயத்தால் மதுரை ஜோதிஸ்ரீ துர்கா நாமக்கல் மோதிலால், தருமபுரி ஆதித்யா என 3 மாணவர்கள் தற்கொலை செய்து கொண்டனர். ஒரே நாளில் மூன்று மாணவர்கள் தற்கொலை செய்து கொண்டது மனசாட்சியை உலுக்குவதாக நடிகர் சூர்யா நேற்று அறிக்கை ஒன்றை வெளியிட்டா அதில், “கொரோனா அச்சத்தால்‌ உயிருக்குப் பயந்து ‘வீடியோ கான்பிரன்சிங்‌’ மூலம்‌ நீதி வழங்கும்‌ நீதிமன்றம்‌, மாணவர்களை அச்சமில்லாமல்‌ போய்‌ தேர்வு எழுத வேண்டும்‌ என்று உத்தரவிடுகிறது” என்று விமர்சித்திருந்தார். நீட் தேர்வுக்கு எதிரான சூர்யாவின் அறிக்கை தேசிய அளவில் கவனம் பெற்றது. எனினும், சூர்யா மீது நீதிமன்ற அவமதிப்பு வழக்கு தொடர வேண்டும் என்று சென்னை உயர் நீதிமன்ற தலைமை நீதிபதிக்கு, நீதிபதி எஸ்.எம். சுப்பிரமணியம் கடிதம் எழுதினார்.

துப்பாக்கி கலாச்சாரத்தை உருவாக்கும் பா.ஜ.க.! தமிழகத்தில் உ.பி. ஃபார்முலா!

nakkheeran.in - அண்ணல் : இதுவரை பார்த்திராத அளவுக்கு மதுரை நகரெங்கும் பா.ஜ.க.வினர் இந்தியில் போஸ்டர் ஒட்டியிருந்தனர்.   செப்டம்பர் 5 -ஆம் தேதி, மதுரை சிறுதூர் கோபாலகிருஷ்ணன் அரசு உதவிபெறும் பள்ளியில் பா.ஜ.க இளைஞரணி அறிமுகக் கூட்டமும், இளம் ராணுவத் தாமரை அறிமுகக் கூட்டம் என்ற பெயரில், காவிச் சீருடையுடன் உருவாக்கப்பட்ட

படையையும் பா.ஜ.க. இளைஞரணி மாலத் தலைவர் வினோஜ் செல்வம்

தொடங்கிவைத்தார். இந்த விழாவுக்குத்தான் இந்த அலப்பறை என்றார்கள் சொந்தக் கட்சியின் சீனியர்களே.விழா மேடையில் தனிமனித இடைவெளியின்றி, மாஸ்க் அணியாமல் கூடியவர்கள், வினோஜ் செல்வத்தின் கையில் வேல், கதாயுதம், வாள் போன்றவற்றைக் கொடுத்து புகைப்படம் எடுத்துக் கொண்டனர். 

அப்போது திடீரென 'பாரத் மாதா கீ ஜே', 'ஜெய்ஸ்ரீ ராம்' என்று கத்தியபடியே மேடையேறிய சிலர், வினோஜ் செல்வத்தின் கையில் துப்பாக்கியொன்றைக் கொடுக்க, அவரும் அதை உயர்த்திக்காட்டி உற்சாக போஸ் கொடுத்தார்.