உலகத்துக்கு ஒரே கடவுள்’ என எழுதப்பட்ட வாகனங்கள் நடமாட்டம் ... ஏக இறைவன் தத்துவம்?

tamilmirror:  வெடிபொருள்களுடனான வான் ஒன்றும் லொரியொன்றும் கொழும்புக்குள் உட்பிரவேசித்துள்ளமை தொடர்பில் அனைத்து பொலிஸ் நிலையங்களுக்கும் அறிவிக்கப்பட்டுள்ளதுடன், அவற்றை விட ஐந்து மோட்டார் வாகனங்கள் மற்றும் கெப் ரக வாகனமொன்றும் தொடர்பில் தகவல்கள் வெளியிடப்பட்டுள்ளன.

மேலும் குறித்த இந்த வாகனங்கள் தொடர்பிலான விடங்கள் ஏதேனும் அறியமுடிந்தால் உடனடியாகப் அவசர பொலிஸ் இலக்குத்து அழைத்து தெரியப்படுத்துமாறு தெரிவிக்கப்பட்டுள்ளது.

அவை பின்வருமாறு,

#. WP BCY- 2183
(Black Red TVS Scooty

#. NWP VP 7783
(Midnight Black Bajaj pulsar 150)

#. SG PH 3779
(Black Nissan Carvan Van)

#. VC 4843 (MC-Black Yamaha)

#. DAE 4197 (JAC single cab, Aluminium white Mahendra)

#. US 3740 (Honda black scooty)

#. BDM 0596 (Black scooty Honda)

# 144-2646 (Mc red)

இதேவேளை, உலகத்துக்கு ஒரே கடவுள் என்று எழுதப்பட்ட மோட்டார் சைக்கிளொன்று, கொழும்பின் பல பகுதிகளிலும் பயணித்து வருவதாகவும் அதில், தான் தன்னையே கொலைசெய்துகொள்ளப் போவதாக எழுதப்பட்டுள்ளதாகவும் தெரிவிக்கப்படுகின்றது.

ஆசிரயர் வீரமணிக்கு எதிரான மனு தள்ளுபடி .. கிருஷ்ணர் பேச்சு விவகாரம்

தினகரன் : சென்னை: இந்து
கடவுள் கிருஷ்ணரை தொடர்புபடுத்தி, திராவிடர்
கழக தலைவர் கி.வீரமணி பேசியது தொடர்பாக அவரை கைது செய்யக்  கோரி தொடர்ந்த மனுவை தள்ளுபடி செய்து சென்னை உயர் நீதிமன்றம் உத்தரவிட்டுள்ளது.  இந்து கடவுள் கிருஷ்ணரை இழிவுபடுத்தும் வகையில் பேசியதாக  திராவிடர் கழக தலைவர் கி.வீரமணிக்கு எதிராக,  பா.ஜ. நிர்வாகி அசோக் என்பவர் மத்திய குற்றப்பிரிவு போலீசில் புகார் அளித்தார்.  அந்த புகார் மீது நடவடிக்கை எடுக்கப்படாததால், கி.வீரமணியை கைது செய்வது உள்ளிட்ட சட்ட நடவடிக்கைகளை எடுக்குமாறு போலீசுக்கு  உத்தரவிடக் கோரி அசோக் உயர் நீதிமன்றத்தில் மனுதாக்கல் செய்தார்.
இந்த மனு நீதிபதி ஆர்.சுப்பிரமணியன் முன்னிலையில் நேற்று விசாரணைக்கு வந்தது. அப்போது, சைபர் க்ரைம் பிரிவு சப்-இன்ஸ்பெக்டர் எஸ்.எஸ்.யுவராஜ் பதில் மனு தாக்கல் செய்தார்.  அதில், வழக்குப்பதிவு செய்த அன்றே 3 பேரிடம் விசாரணை நடத்தி வாக்குமூலம் பதிவு செய்யப்பட்டுள்ளது.

இலங்கை குண்டு வெடிப்பில் வங்காளதேச பிரதமரின் பேரன் உயிரிழப்பு .. ஷேக் ஹசீனாவின்...

மாலைமலர் : ஞாயிற்றுக்கிழமை ஈஸ்டர் பண்டிகையின் போது இலங்கையில் ஓட்டலில் நடந்த குண்டுவெடிப்பில் வங்காளதேச பிரதமரின் பேரன் ஜயான் சவுத்ரி பலியாகிவிட்டது தற்போது தெரியவந்துள்ளது. # வங்காளதேசத்தின் பிரதமர் ஷேக் ஹசீனாவின் ஒன்றுவிட்ட சகோதரர் ஷேக் செலிம். இவர் நாடாளுமன்ற உறுப்பினராகவும், ஆளும் அவாமி லீக் கட்சியின் தலைவராகவும் உள்ளார். இவரது மகள் ஷேக் சோனியா, தனது கணவர் மஷியுல் ஹக்யு சவுத்ரி மற்றும் மகன்கள் ஜயான் சவுத்ரி (வயது 8), ஜோகன் சவுத்ரி ஆகியோருடன் இலங்கைக்கு சுற்றுலா சென்றார். இவர்கள் அங்கு ஒரு நட்சத்திர ஓட்டலில் தங்கியிருந்தனர். இந்த நிலையில், கடந்த ஞாயிற்றுக்கிழமை ஈஸ்டர் பண்டிகையின் போது இலங்கையில் தேவாலயங்கள், நட்சத்திர ஓட்டல்கள் உள்ளிட்டவற்றில் அடுத்தடுத்து குண்டுகள் வெடித்தன. இதில் ஷேக் சோனியா குடும்பத்தினர் தங்கியிருந்த நட்சத்திர ஓட்டலிலும் குண்டு வெடித்தது.

இலங்கை குண்டுவெடிப்பு 321 பேர் உயிரழப்பு ... தமிழகத்தில் அஞ்சலி!

மின்னம்பலம் : இலங்கை குண்டுவெடிப்பு சம்பவத்தில் உயிரிழந்தவர்களுக்குத் தமிழகத்தில் சென்னை உட்பட பல்வேறு இடங்களில் அஞ்சலி செலுத்தப்பட்டது.
இலங்கையில் ஈஸ்டர் தினமான கடந்த ஞாயிறு அன்று பல்வேறு இடங்களில் குண்டுவெடிப்பு தாக்குதல் நடத்தப்பட்டது. இதில் 320க்கும் மேற்பட்டோர் உயிரிழந்துள்ளனர். அங்கு தொடர்ந்து பதற்றமான சூழ்நிலை நிலவி வருகிறது. இந்தத் தாக்குதலுக்கு ஐஎஸ்ஐஎஸ் பொறுப்பேற்றுள்ளதாகக் கூறப்படுகிறது.
இதற்கிடையில் கொழும்புவில் செய்தியாளர்களைச் சந்தித்த அந்நாட்டு பிரதமர் ரணில் விக்கிரமசிங்கே, இலங்கை குண்டுவெடிப்பு சம்பவம் தொடர்பாக இந்திய உளவுத் துறை முன்கூட்டியே எச்சரித்ததாகத் தெரிவித்திருக்கிறார். தொடர்ந்து பேசிய அவர், இந்தத் தாக்குதல் தொடர்பான விசாரணையில் முன்னேற்றம் ஏற்பட்டுள்ளது. நியூசிலாந்து மசூதி தாக்குதல் சம்பவத்துக்கும் இந்த தாக்குதலுக்கும் தொடர்பு இருக்க வாய்ப்பு இருக்கிறது.

நீதிபதி ரஞ்சன் கோகாயை பாலியல் வழக்கில் சிக்கவைக்க 1.5 கோடி லஞ்சம்... பெண் ஊழியர்களே வேண்டாம் என நீதிபதிகள் கோரிக்கை

tamil.asianetnews.com : உச்சநீதிமன்ற தலைமை நீதிபதியாக இருப்பவர் ரஞ்சன் கோகாய். இவர் மீது உச்சநீதிமன்றத்தில் பணியாற்றிய 35 வயது பெண் ஒருவர் சமீபத்தில் பாலியல் துன்புறுத்தல் புகார் தெரிவித்தார். அதில் கடந்த 2018-ஆம் ஆண்டு அக்டோபர் 10 மற்றும் 11-ஆம் தேதிகளில் உச்சநீதிமன்ற தலைமை நீதிபதி அவரது வீட்டில் வைத்து தன்னை பாலியல் துன்புறுத்தல் செய்ததாக குற்றம்சாட்டியிருந்தார்.கடந்த ஆண்டு அக்டோபர் 11ஆம் தேதி, ரஞ்சன் கோகோய் தம்மிடம் பாலியல் ரீதியாக அத்துமீறியதாக அந்த பெண்,”அவர் என்னுடைய அடி வயிற்றை கட்டிப்பிடித்தார். அவரது கைகளை வைத்து என்னுடைய உடலின் அனைத்து பாகங்களை தொட்டார். அவருடைய உடலை என் மீது அழுத்தி என்னை நகரவிடாமல் செய்தார். மேலும் என்னை பிடித்துக் கொள் பிடித்துக் கொள் என்று அவர் கூறினார். நான் அங்கிருந்து தப்பி விடலாம் என்று நினைத்த போது என்னை அவர் விடவில்லை என்று கூறியிருந்தார்.
பரபரப்பான பலியல் சர்ச்சையில் சிக்கியிருக்கும் உச்சநீதிமன்ற தலைமை நீதிபதிக்கு எதிராக பொய் வழக்கு ஜோடிக்க தனக்கு 1.5 கோடி ரூபாய் பேரம் பேசப்பட்டதாக உச்சநீதிமன்ற வழக்கறிஞர் திடுக் தகவலை வெளியிட்டுள்ளார்.
இந்த விவகாரம் குறித்து பதிலளித்த  உச்சநீதிமன்ற தலைமை நீதிபதி ரஞ்சன் கோகாய், அடுத்த வாரத்தில் சில முக்கிய வழக்குகளை கையாள இருப்பதாகவும், அதனை தடுக்கும் முயற்சியாக இந்த புகாரை பார்ப்பதாக தெரிவித்திருந்தார்.

அமெரிக்காவுக்கு தெற்காசியாவில் ISIS இயக்கம் சந்தர்ப்பத்தைத் திறந்துவிட்டுள்ளது

Sharmila Seyyid : இலங்கை வெடிகுண்டு தாக்குதல்களுக்கு ISIS இயக்கம் உரிமை கோரியுள்ளது. அமெரிக்கா இலங்கைக்குள் நுழைவதற்கு இதொரு துருப்புச் ்கா அறிவித்தாலும் ஆச்சரியப்படுவதற்கில்லை.
சீட்டு. ISIS இயக்கத்திற்கு எதிரான யுத்தம் என்ற போர்வையில் மத்திய கிழக்கை ஆக்கிரமித்திருக்கும் அமெரிக்கா, தெற்காசியாவில் தனது வலிமையை கிளை பரப்ப ISIS இயக்கத்தின் இந்த அறிவிப்பு ஒரு சந்தர்ப்பத்தைத் திறந்துவிட்டுள்ளது. ஏற்கனவே புலனாய்வுக்காக இன்டர்பொல் இலங்கைக்கு வருவதாக அறிவித்தாயிற்று. இலங்கையில் ISIS இயக்க செயற்பாடுகளை முடக்க கேந்திரம் அமைக்கப் போவதாக அமெரிக

ஹம்பாந்தோட்டை துறைமுகத்தை 99 ஆண்டுகள் குத்தகைக்கு எடுத்துள்ளதுடன், இலங்கையின் பல இடங்களில் கிளை பரப்பி இருக்கும் சீனா அமெரிக்கத் தலையீட்டை விரும்பாது. இந்தியா அமெரிக்காவை ஆதரிக்கும். இந்திய வெளியுறவுக் கொள்கையில் விரைவில் மாற்றம் வருவதற்கும் இடமுள்ளது.
முஸ்லிம்களைக் கொண்டே முஸ்லிம்களை அழிக்கும் இந்த சதிகளுக்குப் பின்னால் துணை நிற்கச் செய்வதற்குப் பல்வேறு காரணங்கள் சொல்லப்பட்டாலும் பிரதான காரணம் மத வெறியே. மதத்திற்கான மரணம் சுவர்க்கம் சேர்க்கும் என்ற நம்பிக்கையையே இந்த தீயசக்திகள் பயன்படுத்துகின்றன.

தாக்குதல் நடத்தியோரின் புகைப்படத்தை வெளியிட்ட ஐ.எஸ்.ஐ.எஸ்

veerakesari : தலைநகர் கொழும்பு உட்பட  நாட்டில் நடத்தப்ப்ட்ட  8 தொடர் குண்டுவெடிப்பு சம்பவங்களுக்கு ஐ.எஸ்.ஐ.எஸ். அமைப்பினர் உரிமை கோரியுள்ள நிலையில் அந்த அமைப்பினர் குறித்த தாக்குதலை மேற்கொண்ட 7 ஐ.எஸ்.ஐ.எஸ். உறுப்பினர்களுடைய புகைப்படத்தை வெளியிட்டுள்ளது.

அத்துடன் தாக்குதல் நடத்தியோர் தொடர்பான பெயர் உள்ளடங்கிய விரிவான அறிக்கையொன்றையும் ஐ.எஸ்.ஐ.எஸ் இயக்கம் வெளியிட்டுள்ளது.

virakesari.lk

55 பேர் கைது ; தற்கொலை குண்டுதாரிகள் பலர் அடையாளம் .. யாழ்ப்பாணத்திலும் 9 பேர் கைது . இரு நைஜீரியா நாட்டவர் உட்பட .. இன்டர்போல் வருகை

tamilmirror : நாட்டில் மூன்று கிறிஸ்தவ தேவாலயங்கள் மற்றும் மூன்று நட்சத்திர ஹோட்டல்கள் உள்ளிட்ட 8 இடங்களில் இடம்பெற்ற குண்டு வெடிப்பு சம்பவத்துடன் தொடர்புடைய 55 சந்தேக நபர்கள் இதுவரை கைதுசெய்யப்பட்டுள்ளதாக பொலிஸ் ஊடகம் தெரிவித்துள்ளது.
அதில் பிரதானமான விசாரணைகளை முன்னெடுக்கும் சி.ஐ.டி. எனப்படும் குற்றப் புலனயவுப் பிரிவின் பொறுப்பில் 26 சந்தேக நபர்கள் விசாரணைக்கு உட்படுத்தப்பட்டு வருவதாக பொலிஸ் பேச்சாளர் பொலிஸ் அத்தியட்சர் ருவன் குணசேகர தெரிவித்தார்.
இந்த 26 பேரில்  சி.ஐ.டி.யால் கைது செய்யப்பட்டு ஒப்படைக்கப்பட்ட சந்தேக நபர்கள் பலரும், தம்புள்ளையில் வைத்து இன்று காலை கைது செய்யப்பட்ட இரு முக்கிய சந்தேக நபர்களும் அடங்கின்றனர்.  தம்புள்ளையில் கைது செய்யப்பட்ட இருவரும், மாவனெல்லை பகுதியில் கடந்த வருடம் இடம்பெற்ற புத்தர் சிலை  உடைப்பு விவகாரத்தில் அவசியமான சந்தேக நபர்கள் என பொலிஸ் தலைமையக தகவல்கள் தெரிவித்தன. இதனைவிட கொழும்பு குற்றத்தடுப்புப் பிரிவின் பொறுப்பில் 3 சந்தேக நபர்கள் விசாரணைக்குட்படுத்தப்பட்டுள்ளதுடன்,  வெள்ளவத்தை பொலிஸார் கைதுசெய்த இருவர் அந்த பொலிஸ் நிலையத்தில் தடுத்து வைக்கப்பட்டுள்ளதாக பொலிஸ் அத்தியட்சர் ருவன் குணசேகர  தெரிவித்தார்.

உயிரிழந்தோர் எண்ணிக்கை 310 ஆக அதிகரிப்பு.. .. இன்று இறுதிப் பயணம்

தமிழ் மிரர்: ஞாயிற்றுக்கிழமையன்று (21) நாட்டின் பல்வேறு பகுதிகளில் இடம்பெற்ற குண்டு வெடிப்புச் சம்பவங்களின் போது உயிரிழந்தவர்களின் எண்ணிக்கை, 310ஆக அதிகரித்துள்ள அதேவேளை, 500க்கும் மேற்பட்டோர் காயமடைந்துள்ளனரென, பொலிஸ் ஊடகப் பேச்சாளர் ருவன் குணசேகர தெரிவித்தார்.இதேவேளை, இந்த வெடிப்புச் சம்பவங்களால், வெளிநாட்டவர்கள் 32 பேர் உயிரிழந்துள்ளனர் எனவும் உல்லாசப் பயணத்தை மேற்கொண்டு இலங்கை வந்திருந்த வெளிநாட்டவர்களில் 14 பேர் காணாமற்போயுள்ளனர் எனவும், வெளிநாட்டலுவல்கள் அமைச்சு ​தெரிவித்துள்ளது.
உயிரிழந்தவர்களுக்கு மரியாதை செலுத்தும் வகையில், இன்றைய தினம் (23) தேசிய துக்க தினம் பிரகடனப்படுத்தப்பட்டுள்ள நிலையில், உயிரிழந்தவர்களது இறுதிக் கிரியைகள், இன்று இடம்பெறவுள்ளன.
இதனால், அரச, தனியார் மற்றும் அரச சார்பற்ற நிறுவனங்கள் அனைத்திலும், தேசியக் கொடி, அரைக் கம்பத்தில் பறக்கவிடப்பட்டுள்ளது.
அத்துடன், இன்று காலை 8.30 மணி முதல் 8.33 மணி வரையான மூன்று நிமிடங்கள், குண்டு வெடிப்புகளால் உயிரிழந்தவர்களுக்கு அஞ்சலி செலுத்தப்பட்டமை குறிப்பிடத்தக்கது.

தினமலரின் பார்ப்பன ஜாதி வெறி ..லாலு பிரசாத் யாதவ் அவர்களை அவன் இவன் என்று ஏகவசனத்தில் பதிவிட்டு உள்ளது

தினமலருக்கு சமுகவலையில் பதிலடி

கலி. பூங்குன்றன் : பார்ப்பன தினமலரின் பூணூல் கொழுப்பைப் பாரீர்!
லாலுவை அவன் இவன் என்று எழுதும் 'ரவுடிசம்!'
மத்தியில் பி.ஜே.பி. ஆட்சியும், மாநிலத்தில் அதன் தொங்கு சதையும் அதிகாரத்தில் இருக்கும் சூழ்நிலையில், காவிகளுக்கும், பார்ப்பனர்களுக்கும் பூணூல்கள் எல்லாம் முட்டும் கொம்புகளாகத் துருத்திக் கொண்டு கிளம்பிவிட்டன.
நேற்றைய தினமலர்' (22.4.2019, பக்கம் 9)
"லாலுவை சந்திக்க அனுமதி மறுப்பு'' என்ற தலைப்பிட்டு வந்துள்ள செய்தியைப் படிப்பவர்களுக்கு குருதிக் கொதிப்பு ஏற்பட்டு இருக்கும்.
பீஹார் முன்னாள் முதல்வரான லாலுபிரசாத் கால்நடை தீவன வழக்குகளில் சிறை தண்டனை விதிக்கப்பட்டு ஜார்க்கண்ட் மாநிலத்தில் உள்ள சிறையில் அடைக்கப்பட்டிருந்தான்.
உடல்நலக் குறைவு ஏற்பட்டு ராஞ்சியில் உள்ள, ராஜேந்திரா மருத்துவ அறிவியல் மைய மருத்துவமனையில் சிகிச்சை பெற்று வருகிறான்.
என்று மேனாள் முதலமைச்சரை, மேனாள் மத்திய அமைச்சரை, ராஷ்ட்ரீய ஜனதா தளத்தின் தோற்றுநரை, பிற்படுத்தப்பட்ட சமுதாயத்தைச் சேர்ந்த ஒரு மூத்த தலைவரை - பார்ப்பனர் அல்லாதவர் என்ற ஒரே காரணத்துக்காக அவன் - இவன் என்று எழுதுகிறது என்றால், இதைக் கண்டும் காணாமலும் இருக்க முடியுமா? சிந்தியுங்கள்! செயல்படுங்கள்!!

மதுரை பிளேடால் உடலை அறுத்து சிறைக்கைதிகள் போராட்டம்- போலீசார் மோதல்

nakkheeran.in - annal : சிறையில் போலிசார் துன்புறுத்துவதாகவும், சிறைத்துறையில் ஊழல் நடைபெறுவதாவும்  கூறி சிறைவாசிகள் கற்களை எறிந்தும், பிளேடால் உடலை அறுத்தும் சிறைவளாக சுவரில் ஏறி போராட்டத்தில் ஈடுபட்டதால் மதுரையில் பரபரப்பு ஏற்பட்டுள்ளது"
மதுரை மத்திய சிறையில் சிறைவாசிகளுக்கு சோதனை என்ற பெயரில் போலிசார் தினசரி துன்புறுத்துவதாகவும், உணவு உள்ளிட்ட அடிப்படை வசதிகளை செய்துகொடுக்காமல் சிறைத்துறையினர் ஊழலில் ஈடுபடுவதாகவும், பணம்பெற்றுகொண்டு குறிப்பிட்ட சிறைவாசிகளுக்கு சிறப்பு சலுகைகள் வழங்குவதாகவும் கூறி 50க்கும் மேற்பட்ட சிறைவாசிகள் சிறைவளாகத்தில் உள்ள கட்டிடங்களில் மேல் அமர்ந்து கற்களை வீசி அரை நிர்வாணத்தோடு மதியம் 3மணி முதல் போராட்டத்தில் ஈடுபட்டனர்.

இலங்கை தொடர் குண்டுவெடிப்பு; ஐ.எஸ். தீவிரவாத அமைப்பு பொறுப்பேற்பு

தினத்தந்தி :இலங்கையின் கொழும்பு நகரில் கிறிஸ்தவர்களின் புனித திருவிழாவான ஈஸ்டர் பண்டிகையை முன்னிட்டு நேற்று முன்தினம் தேவாலயங்களில் கிறிஸ்தவர்கள் பலர் இறைவழிபாட்டில் ஈடுபட்டு இருந்தனர்.  இந்நிலையில், கொழும்பு நகரின் மூன்று கிறிஸ்தவ ஆலயங்கள் மீது நேற்று முன்தினம் காலை 8.45 மணியளவில் திடீரென குண்டுவெடிப்பு தாக்குதல்கள் நடத்தப்பட்டன.  இதேபோன்று மூன்று 5 நட்சத்திர ஓட்டல்கள் மீதும் குண்டுவெடிப்பு தாக்குதல்கள் நடந்தன. கொழும்புவில் உள்ள புனித அந்தோணியார் ஆலயம், கடலோர நகரான நெகோம்போவில் உள்ள புனித செபாஸ்டியான் ஆலயம் மற்றும் பட்டிகலோவாவில் உள்ள ஆலயம் என 3 கிறிஸ்தவ ஆலயங்கள் மீது தாக்குதல்கள் நடந்துள்ளன.
இதேபோன்று ஷாங்க்ரிலா, சின்னமன் கிராண்ட் மற்றும் கிங்ஸ்பரி ஆகிய மூன்று 5 நட்சத்திர ஓட்டல்களிலும் குண்டுவெடிப்பு தாக்குதல்கள் நடத்தப்பட்டுள்ளன. இதன்பின் நேற்று முன்தினம் பிற்பகல் 2 மணியளவில், கொழும்பு புறநகரில் மிருகக்காட்சி சாலைக்கு அருகே ஒரு குண்டு வெடித்தது. அதில் 2 பேர் பலியானார்கள். கொழும்பு புறநகரான உருகொடவட்டாவில் ஒரு வீட்டில் போலீசார் சோதனை நடத்த நுழைந்தபோது, உள்ளே இருந்தவன் மனித வெடிகுண்டாக மாறி, குண்டு வெடிக்க செய்தான். இதில் 3 போலீசார் பலியானார்கள்.  இதனால் மொத்தம் 8 இடங்களில் குண்டு வெடிப்புகள் நடந்து இருந்தன.

தமிழக வீராங்கனை கோமதி மாரிமுத்து தோகா ஆசிய தடகள சாம்பியன்ஷிப் தங்கம் வென்றார்

மாலைமலர் :கத்தார் தலைநகர் தோகாவில் ஆசிய தடகள சாம்பியன்ஷிப் நடைபெற்று வருகிறது. இரண்டாவது நாளில் 800 மீட்டர் ஓட்ட பந்தயத்தில் தமிழக வீராங்கனை கோமதி மாரிமுத்து களமிறங்கினார். களத்தில் துடிப்பின் செயல்பட்ட கோமதி மாரிமுத்து முதலிடம் பிடித்து இந்தியாவுக்கான முதல் தங்க பதக்கத்தை பெற்று தந்தார். உலக அரங்கில் இந்தியாவுக்கு பெருமை தேடி தந்துள்ள தமிழகத்தை சேர்ந்த கோமதி மாரிமுத்துவுக்கு பாராட்டுக்கள் குவிந்து வருகின்றன.

பணம் வாங்கிக்கொண்டு வாக்களிக்காதவர்களுக்கு கட்சியினர் மிரட்டல்: உறவினர் வீடுகளில் தஞ்சம்

tamilthehindu :சாதகமாக வாக்களிப்பதாக பணம் வாங்கிக் கொண்டு வாக்குச்சாவடி பக்கமே செல்லாதவர்களைத் தேடி வந்து கட்சியினர் திட்டுவதும், கொடுத்தபணத்தை கேட்கும் நிலை தொடர்ந்து கொண்டிருக்கிறது. இதனால் தேனி தொகுதியின் பல இடங்களில் தேர்தல் முடிந்தும் சர்ச்சை குறைந்தபாடில்லை
தேனி தொகுதி விஐபி.தொகுதியாக மாறியதில் இருந்தே பரபரப்பிற்கு பஞ்சம் இல்லாத நிலை ஏற்பட்டது. காங்கிரஸ், அதிமுக, அமமுக என்று மூன்று கட்சிகளிலும் பிரபல வேட்பாளர்கள் போட்டியிட்டதால் பிரசாரம், பொதுக்கூட்டம், பேச்சாளர்களின் வருகை, பணவிநியோகம் என்று களைகட்டியது. அதே போல் வாக்காளர்களுக்கு பணம் கொடுப்பதிலும் கட்சிகள் மும்முரம் காட்டின. ஒரு ஓட்டிற்கு ரூ.ஆயிரம், ரூ.500 என்று தங்கள் பொருளாதார பலத்திற்கு ஏற்ப பணத்தை வாரி இறைத்தன. இதற்காக ஒரு வாக்குச்சாவடிக்கு குறிப்பிட்ட நபர்களை நியமித்து, அதில் உள்ளவர்கள் வீடுவாரியாக பிரிக்கப்பட்டு பணத்தை வாக்காளர்களிடம் கொண்டு போய் சேர்த்தனர்.

நாகை: ஐஸ்க்ரீம் சாப்பிட்ட 90 குழந்தைகள் மயக்கம்!

மின்னம்பலம் : நாகப்பட்டினம் அருகே நடைபெற்ற கோயில் கும்பாபிஷேக விழாவில் ஐஸ்க்ரீம் சாப்பிட்ட 90க்கும் மேற்பட்ட குழந்தைகளுக்கு வாந்தி மயக்கம் ஏற்பட்டது அப்பகுதியில் அதிர்ச்சியை உண்டாக்கியுள்ளது.
நாகப்பட்டினம் மாவட்டம் சீர்காழி அருகேயுள்ள வானகிரியில் ஸ்ரீ ரேணுகா பரமேஸ்வரி அம்மன் கோயில் மற்றும் காளியம்மன் கோயில் உள்ளது. நேற்று (ஏப்ரல் 22) காலையில் இந்த கோயிலில் கும்பாஷேகம் நடத்தப்பட்டது. இந்த விழாவில் குழந்தைகள், பெரியவர்கள் உட்படப் பலர் கலந்துகொண்டனர். கும்பாபிஷேகம் நடந்த கோயிலின் அருகே நிறைய விளையாட்டுப் பொருட்கள் விற்பனை செய்யப்பட்டன. அங்கு விற்கப்பட்ட ஐஸ்க்ரீமை நிறைய குழந்தைகள் வாங்கி சாப்பிட்டனர். இவர்களில் 90க்கும் மேற்பட்ட குழந்தைகளுக்கு வாந்தி மயக்கம் ஏற்பட்டது.

பெண்களை இழிவாக பேசிய ஆடியோ விவகாரம்.. வதந்தி பரப்பியவர் கைது!

nakkheeran.in - bagathsingh : கடந்த 16 ந் தேதி தமிழ்நாடு முழுவதும் கடைசி கட்ட பரப்புரையில் வேட்பாளர்கள் தீவிரமாக இருந்த நிலையில் அதைவிட பரபரப்பாக தஞ்சை மாவட்டம் பட்டுக்கோட்டை பகுதி வட்டார மொழியில் பேசிய ஒரு ஆடியோ வெளிவந்தது. அந்த ஆடியோ உரையாடல் தமிழ்நாடு முழுவதும் போராட்டங்களை தூண்டிவிட்டுள்ளது.< இந்த ஆடியோவால் தஞ்சை தொகுதி பொட்டலங்குடிக்காடு மக்கள் தேர்தலை புறக்கணித்தனர், பிறகு சமாதானம் செய்யப்பட்ட பிறகு வாக்களித்தனர். அன்று இரவு புதுக்கோட்டை மாவட்டம்,  பொன்னமராவதியில் காவல் நிலையம் முற்றுகையில் தொடங்கி, 19ந் தேதி தடியடி கல்வீச்சு என்று நகர, சுற்றியுள்ள 49 கிராமங்களுக்கு 144 தடை உத்தரவு போடப்பட்டதால், அந்த பகுதியில் போராட்டம் குறைந்தாலும் மற்ற பகுதிகளில் போராட்டம் வெடித்தது. பெண்கள் துடைப்பத்துடன் போராடச் சென்றனர்.

14 மாநிலங்கள், 2 யூனியன் பிரதேசங்களில் மக்களவை தேர்தல்.. 116 தொகுதிகளில் வாக்குப்பதிவு

tamil.oneindia.com:  டெல்லி: நாடு முழுவதும் 13 மாநிலங்கள், 2 யூனியன்
பிரதேசங்களில் 116 மக்களவை தொகுதிகளுக்கு இன்று 3ம் கட்ட வாக்குப்பதிவு நடந்து வருகிறது. மக்களவை தேர்தல் 7 கட்டங்களாக நடந்து வருகிறது. இதன்படி முதல்கட்டமாக தேரதல் கடந்த ஏப்ரல் 11ம் தேதி 91 தொகுதிகளுக்கு நடந்தது.  இரண்டாம் கட்டமாக கடந்த 18ம் தேதி தமிழகம் உள்ளிட்ட மாநிலங்களில் 97 மக்களவை தொகுதிகளுக்கு தேர்தல் நடந்தது. தற்போது 3வது கட்டமாக உத்தரப்பிரதேசம், மேற்கு வங்கம், குஜராத், மகாராஷ்டிரா, கேரளம், கர்நாடகம், கோவா, ஒடிசா, சத்தீஸ்கர், அஸ்ஸாம், திரிபுரா உள்பட 13 மாநிலங்கள் மற்றும் 2 யூனியன் பிரதேசங்களில் உள்ள 116 தொகுதிகளுக்கு இன்று 3ம் கட்ட மக்களவை தேர்தல் நடந்து வருகிறது. இங்கு காலை 7 மணி முதல் வாக்குப்பதிவு நடந்து வருகிறது. மக்கள் ஆர்வமுடன் வாக்களித்து வருகிறார்கள்.

ஷர்மிளா சையத் : அபாய முகமூடிகள் கொண்டு வந்தவர்களே . இன்று தீனுக்கான் போர் என்று ... இந்த பதிவு கசப்பானவையாக இருக்கலாம் ...

Sharmila Seyyid : 2002 இல் என்று நினைவு. எங்களது ஊரில் திடீரென
உருவெடுத்த ஒரு பெயர் தெரியாத அமைப்பு தொலைகாட்சி பார்ப்பது ”ஹராம்” என்று பிரச்சாரம் செய்யத்தொடங்கியது. இந்தச் செயல்பாடு பிரச்சாரத்தோடு நின்றுவிடவில்லை. வீடு வீடாகச் சென்று அன்டனாக்களை உடைப்பது, சீடி விற்பனை செய்யும் கடை உரிமையாளர்களை எச்சரிக்கை செய்து, கடைகளை எரிப்பது என்று வன்முறையாக மாறியது.
கறுப்பு அபாயாக்களையும், நீண்ட அங்கிகளையும் கொண்டுவந்து இதுதான் இஸ்லாமிய உடை என்று யாரோ சில வியாபாரிகள் அறிமுகம் செய்தார்கள். எங்கள் இறுதித் தூதர் முஹம்மத் நபி அவர்கள் வாழ்ந்த மண்ணில் பெண்கள் எல்லாம் இதைத்தான் அணிகின்றார்கள். இது எங்கள் கலாசாரம் என்று ஏற்பதற்கு பெண்களையும் பிள்ளைகளையும் பழக்கப்படுத்தினார்கள். இது பெண்களுக்குப் பாதுகாப்பான கௌரவமான உடை என்பதான உணர்வை வலிந்து உருவாக்கிப் பெண்கள் வாயாலேயே சொல்லும்படி மூளைச்சலவை நடந்தது. பாடசாலை மாணவிகளும், பல்கலைக்கழகம் செல்லும் மாணவிகளும் கறுப்பு அங்கியை மட்டுந்தான் கட்டாயமாக அணியவேண்டும் என்று வெள்ளிக்கிழமை ஜூம்மாக்களில் துண்டுப்பிரசுரங்கள் விநியோகித்துப் பிரச்சாரம் செய்யப்பட்டது.

மத நம்பிக்கைகள் அமைதியை குலைக்கும் ஆபத்து .. குண்டுதாரியின் பேச்சு வீடியோ

இன்று மதங்கள் என்று நாம் கருதும் அமைப்புக்கள் பலவும் கடந்த காலைங்களில் நிகழ்ந்த சம்பவங்கள் செய்திகள் அடிப்படையில் உள்ள நூல்கள்தான்.
மதங்கள் ஒருபோதும் உண்மையை அறிய முடியாது.
அவை ஏறக்குறைய ஒரு அரசியல் சமுக அமைப்புத்தான்.
கடவுள் என்ற கேள்வியோ பிறப்பு இறப்பு போன்ற எல்லையற்ற கேள்விகள் பதில்கள் போன்ற விடயங்களோ மதங்களினால் ஒரு போதும் சரியாக அணுகவே முடியாது. அவற்றின் நோக்கமும் அதுவல்ல. அதுதான் அவற்றின் நோக்கம் என்று மக்களை நம்பவைத்து தங்கள் இருப்பை தக்கவைப்பது மட்டுமே மதங்களின் நடைமுறையாக இருக்கிறது.
அது முற்று முழுதாக தவறு என்று கூறமுடியாது. ஒரு குறிப்பிட்ட அளவிலான நோக்கங்களுக்கு அது உதவி புரியக்கூடும்.
அந்த அடிப்படையில் உலகம் மதங்களினால் பல நன்மைகளையும் எக்கச்சகமான தீமைகளையும் சந்தித்து இருக்கிறது.
யுத்த அழிவுகளையும் கல்வி வைத்தியம் போன்ற சேவைகளையும் ஒருங்கு சேர மதங்கள் கொடுத்து இருக்கின்றன . அவை எல்லாம் நேற்றைய வரலாறுகள்.

இலங்கை குண்டு தாக்குதலில் 8 இந்தியர்கள் உட்பட 290 பேர் ..அமெரிக்கா, டென்மார்க், சீனா, பாகிஸ்தான், மொராக்கோ, வங்காளதேசம் ஆகிய

மாலைமலர் ; இலங்கை தலைநகர் கொழும்புவில் நேற்று நிகழந்த குண்டுவெடிப்பில் உயிரிழந்த 290 பேரில் 8 பேர் இந்தியர்கள் என தெரியவந்துள்ளது.
கொழும்பு: இலங்கை தலைநகர் கொழும்புவில் நேற்று 3 கிறிஸ்தவ தேவாலயங்கள் மற்றும் 4 ஓட்டல்கள் குடியிருப்பு வளாகம் என 8 இடங்களில் நடைபெற்ற குண்டு வெடிப்பு சம்பவங்களில் 290 பேர் உயிரிழந்துள்ளனர். பலர் காயமடைந்துள்ளனர். இந்த தாக்குதல்களில் அமெரிக்கா, டென்மார்க், சீனா, பாகிஸ்தான், மொராக்கோ, இந்தியா, வங்காளதேசம் ஆகிய வெளிநாடுகளை சேர்ந்த 35 பேர் உயிரிழந்ததாக செய்தி வெளியானது. இந்தியாவை சேர்ந்த லட்சுமி, நாராயண் சந்திரசேகர், ரமேஷ் ஆகிய 3 இந்தியர்கள் உயிரிழந்ததாக மத்திய வெளியுறவுத்துறை மந்திரி சுஷ்மா சுவராஜ் நேற்று தெரிவித்திருந்தார்.
இலங்கை குண்டுவெடிப்புகளில் மேலும் 4 இந்தியர்கள் உயிரிழந்திருப்பதாகவும், அவர்கள் பெயர் வேமுராய் துளசிராம், எஸ்.ஆர். நாகராஜ், கே.ஜி.ஹனுமந்தராயப்பா, எம்.ரங்கப்பா என்றும் கொழும்புவில் உள்ள இந்திய தூதரகம் இன்று தெரிவித்தது. இந்நிலையில்,
இதுவரை 8 இந்தியர்கள் குண்டுவெடிப்பில் பலியானதாக கொழும்புவில் உள்ள இந்திய தூதரகம் இன்று மாலை தெரிவித்துள்ளது.

பிரிந்து போன வாக்குகள் நிலை என்னவாகும்?.. கவலையில் அதிமுக-

Hemavandhana : சென்னை: எடப்பாடி பழனிசாமிக்கு இருக்கிற கவலையில்
இன்னொரு கவலையும் சேர்ந்து கொண்டுள்ளது.. அது நடந்து முடிந்த தேர்தலை பற்றியும், நடக்க போகிற 4 இடைத்தேர்தலை பற்றியும்தான்!
எம்பி மற்றும் சட்டமன்ற தொகுதி தேர்தல் தேதி அறிவிக்கப்பட்ட உடனேயே அதிமுக படு சுறுசுறுப்பாக வேலையை ஆரம்பித்தது. இதில் எல்லா தொகுதிகளிலும், பிரதான கட்சிகள் பணத்தை வாரி இறைத்தாகவும் சொல்லப்பட்டது. அதிமுக குறைந்தது 1500 ரூபாயாம், இதற்கு அடுத்து திமுகவாம், இதற்கு அடுத்துதான் அமமுக பணம் செலவு செய்ததாம். ஆக மொத்தம் இருக்கும் 3 கட்சிகளில் அதிகமாக பணத்தை இறக்கியது அதிமுகதான் என்ற தகவல் வந்தது.
இதற்கு காரணம், மானப்பிரச்சனை, கவுரவ பிரச்சனை, இருக்கும் 2 வருட ஆட்சியை விட்டுவிட கூடாதே என்ற கவலை போன்றவைதான்!
; ஆனால் சில இடங்களில் ஓட்டுக்கு ஒதுக்கப்பட்ட பணத்தை மக்களுக்கு சரியாக பிரித்து தரப்படவில்லை என்றும், பொறுப்பில் உள்ளவர்களே அந்த பணத்தை சரியாக விநியோகிக்காமல் அமுக்கி விட்டதாகவும் புகார்களும் எழுந்தன. இப்போது விஷயம் என்னவென்றால், பணத்தை கொட்டியும் நல்லபடியான பாசிட்டிவ் தகவல் அதிமுக தலைமைக்கு போய் சேரவில்லை என்பதுதான்.

மதம் ஒரு சவம் என்றார் நவீன துருக்கியின் தந்தை முஸ்தபா கமால்பாட்ஷா .. ..

ஆலஞ்சியார் : மதம் ஒரு சவம் என்றார் நவீன துருக்கியின் தந்தை முஸ்தபா கமால்பாட்ஷா .. ..
உன் மதம் உயர்ந்ததென்று பிற மதத்தினர் மீது தாக்குதல் நடத்துகிற பேடித்தனத்தை தான் மதம் போதித்ததா..? எல்லா மதங்களும் அன்பை தானே போதிப்பதாய் சொல்லி திரிகிறீர் எப்படி வெடிகுண்டோடு மனிதர்கள் மத்தியில் வெடிக்கிறீர்
தனிபட்ட பகையல்ல நீண்டநாள் திட்டமிட்டு குறிப்பிட்ட ஒரு சாராரை கொல்வது எந்தவகை நியாயம் மதம் தீவிரவாதத்தை தான் சொல்கிறதென்றால் மதம் துறந்து மனிதனாக வா....
நெஞ்சு பதறுகிறதே.. எப்படி இவர்களால் இப்படி செய்ய முடிகிறது .. தாக்குதலில் ஈடுபடுவோரை கவனித்தால் இளம்வயதினராக இருக்கிறார்கள் அவர்களுக்கு பணம், மதத்தின் மீதான வெறி தாக்குதல் நடத்தினால் நேரடியாக சொர்க்கத்திற்கு செல்லலாமென மூளைச்சலவை செய்து இளைஞர்களை வழிகெடுக்கிறார்கள் குறிப்பிட்ட மதம்(இஸ்லாம்) தொடர்ந்து இதுபோன்ற தாக்குதல்களில் அதிகம் ஈடுபடுகிறது .. நான் கண்டவரை இஸ்லாம் வன்முறையை போதித்தாக அறிவில்லை .. வரலாற்றில் சில விடயங்களில் அதிகார பசிக்காக நடந்ததெல்லாம் மதத்தின் பெயரால் இல்லை .. பிறகு எங்கிருந்து வந்தது
பக்கத்துவீட்டுகாரனை கூட சிநேகத்தை கொண்டு பார் என்கிற மதத்தில் அப்பாவிகளை கொன்று குவிக்க சொல்லியிருக்கிறதா .. சில மதபோதகர்கள் செய்கிற மூளைச்சலவை இ்ஸ்லாத்தின் காவலர்களாக தங்களை எண்ணிக்கொள்கிறவர்கள் உண்மையில் மனிதமற்ற மகாபாவிகள் ..

குண்டுதாரியின் பெல்ட் வேலை செய்யாமையால் தாஜ் ஹோட்டல் தப்பியது.

Jeevan Prasad : தெகிவளையில் குண்டு வெடித்து இறந்த அப்துல் லதீப் ஜமீல்
மொகமட் , தாஜ் ஹோட்டலில் தங்கி இருந்து குண்டை வெடிக்க வைக்க பெல்ட்டை இழுத்த போதும் அது இயங்காத காரணத்தால் அவர் அவ்விடத்தை விட்டு வெளியேறியுள்ளார். இந்த காட்சிகள் தாஜ் ஹோட்டல் சீசீடீவீயில் பதிவாகியுள்ளது.
கண்டி வலம்பட பகுதியைச் சேர்ந்த அப்துல் லதீப் ஜமீல் மொகமட், தவ்கித் ஜமான் உறுப்பினர்களோடு தாக்குதலுக்காக கொழும்பு வந்து தற்கொலைக் குண்டுகளோடு முதல்நாள் இரவு தாஜ் ஹோட்டலில் தங்கியுள்ளார். அடுத்துநாள் காலை 9.00 -9.30 வரைப்பட்ட நேரத்தில் தாஜ் ஹோட்டலில் மக்கள் உள்ள பகுதிக்கு வந்து தனது குண்டு பையின் பெல்ட்டை பலமுறை இழுத்துள்ளார். அது செயல்படாதிருக்கவே வாடகை வாகனமொன்றில் தெகிவளையில் தங்கியிருந்த வீட்டுக்கு வந்துள்ளார்.

அங்கு வந்த பின் குண்டை செயலிழக்க முற்பட்ட வேளையில் அது வெடித்திருக்கலாம் என பாதுகாப்பு தரப்பு சந்தேகிக்கிறது.

வாட்ஸ் அப்பில் வதந்தி பரப்பினால் நடவடிக்கை: திமுக!

மின்னம்பலம் : திமுக பெயரில் வாட்ஸ் அப்பில் வதந்தி பரப்புவோர் மீது சட்டப்படி நடவடிக்கை எடுக்கப்படும் என்று திமுக அமைப்புச் செயலாளர் ஆர்.எஸ்.பாரதி எச்சரித்துள்ளார்.
தமிழகத்தில் ஏப்ரல் 18ஆம் தேதி மக்களவைத் தேர்தல் நடந்தபோது, சிதம்பரம் மக்களவைத் தொகுதிக்குட்பட்ட அரியலூர் மாவட்டத்தின் பொன்பரப்பியில் விசிகவின் சின்னமான பானை உடைக்கப்பட்ட விவகாரத்தில் பாமக மற்றும் விசிக இடையே தகராறு ஏற்பட்டு சண்டையானது. இந்த சண்டையையொட்டி தாழ்த்தப்பட்ட மக்கள் வசிக்கும் பகுதியில் பாமகவினர் தாக்குதல் நடத்தியதில் 20 வீடுகள் சேதமடைந்தன. வாகனங்கள் மற்றும் உடைமைகள் சேதமாக்கப்பட்டன. இதில் காயமடைந்த சிலர் மருத்துவமனையில் அனுமதிக்கப்பட்டனர்.

இலங்கை: மீண்டும் குண்டுவெடிப்பு - அவசர நிலை பிரகடனம்!

Billionaire ASOS tycoon who is Scotland's biggest landowner loses three of his four children in Sri Lanka Easter suicide attacks by Islamist terrorists that killed 290 people including eight Britons

மின்னம்பலம் : இலங்கையில் நிகழ்த்தப்பட்ட
தொடர் குண்டுவெடிப்பு சம்பவத்தைத் தொடர்ந்து, இன்று (ஏப்ரல் 22) நள்ளிரவு முதல் அவசர நிலை பிரகடனம் அமல்படுத்தப்படுகிறது. நாளை துக்க தினம் அனுசரிக்கப்படவுள்ளது. இந்நிலையில் கொழும்புவில் 3மணிக்கு மேல் மீண்டும் ஒரு குண்டு வெடிப்பு சம்பவம் நிகழ்த்தப்பட்டிருக்கிறது.

ஈஸ்டர் தினமான நேற்று (ஏப்ரல் 21) இலங்கையில் பல்வேறு இடங்களில் குண்டுவெடிப்பு சம்பவங்கள் நிகழ்த்தப்பட்டன. புனித அந்தோணியார் தேவாலயம், கொழும்பு செயிண்ட் செபாஸ்டியன் தேவாலயம், நீர்கொழும்பு சீயோன் தேவாலயம், மட்டக்களப்பு, சின்னாமன் கிராண்ட் ஹோட்டல், ஷங்குரி லா ஹோட்டல், கொழும்பு தி கிங்ஸ்பரீ ஹோட்டல், கொழும்பு தெஹிவளா உயிரியல் பூங்கா என 8 இடங்களில் குண்டுவெடிப்பு தாக்குதல் நடத்தப்பட்டது. காலை 8.45 முதல் 9.15 மணி வரை 6 இடங்களிலும், மதியம் 1.45 மணியளவில் 2 இடங்களிலும் இந்த தாக்குதல் நிகழ்ந்திருக்கிறது.
இதில் நேற்று இரவு வரை 3 போலீசார் உட்பட 207 பேர் வரை உயிரிழந்திருப்பதாகக் கூறப்பட்ட நிலையில் இன்று காலை நிலவரப்படி, 290ஆக உயிரிழப்பு அதிகரித்துள்ளதாகவும், பலர் கவலைக்கிடமாக மருத்துவமனையில் அனுமதிக்கப்பட்டுள்ளதால் உயிரிழப்பு அதிகரிக்கக் கூடும் என்றும் அஞ்சப்படுகிறது.