இந்தியாவுக்கும் ஆப்கானிஸ்தானுக்கும் எதிராக பாகிஸ்தான் மறைமுக போர்! அமேரிக்கா அறிக்கை!

இந்தியாவுக்கு எதிராக பயங்கரவாதிகள் மூலம் மறைமுகப் போரில் பாகிஸ்தான் ஈடுபட்டு வருவதாக அமெரிக்காவின் பாதுகாப்பு அமைச்சகத் தலைமையகம் (பென்டகன்), அந்நாட்டு நாடாளுமன்றத்தில் தாக்கல் செய்த அறிக்கையில் தெரிவித்துள்ளது.
சர்வதேச மற்றும் உள்நாட்டு விவகாரங்கள் குறித்து ஆய்வு செய்து, அமெரிக்க நாடாளுமன்றத்தில் தனது அறிக்கைகளை ஆறு மாதங்களுக்கு ஒரு முறை பென்டகன் தாக்கல் செய்வது வழக்கம்.
அந்த வகையில், கடந்த ஆறு மாத காலத்துக்கான 100 பக்கங்கள் கொண்ட அறிக்கையை, அமெரிக்க நாடாளுமன்றத்தில் பென்டகன் தாக்கல் செய்துள்ளது.

காப்புரிமை கொள்ளையர்களால் பறிபோன மஞ்சள் வேம்பு பாஸ்மதி வரிசையில் காந்தி காதி உற்பத்திக்களுமா?

The government has objected to the German company's attempt to use the khadi trademark for selling a range of Indian-origin products.புதுடில்லி : மகாத்மா காந்தியடிகள் என்றவுடன் நினைவுக்கு வரும் காதி துணிகள் மற்றும் காதி பொருட்களுக்கான, சர்வதேச வர்த்தக உரிமை போராட்டத்தில், ஜெர்மனி நாட்டுடன் மோதுகிறது இந்தியா. அந்தப் பொருட்களை சொந்தம் கொண்டாடும் ஜெர்மனி, அது போன்ற பொருட்களை முன்னரே, ஐரோப்பிய யூனியனில் பதிவு செய்து வைத்துள்ளதால், காதி பொருட்களுக்கான வர்த்தக உரிமை, இந்தியாவுக்கு கிடைக்குமா என்ற சந்தேகம் எழுந்துள்ளது.இந்திய கிராமங்களில், காலம் காலமாக, பெண்களின் அழகு சாதன பொருளாகவும், மருத்துவ பொருளாகவும் பயன்படுத்தப்பட்டு வரும் மஞ்சளுக்கான வர்த்தக குறியீடு மற்றும் வர்த்தக உரிமை, நமக்கு கிடைக்கவில்லை; அதை, ஐரோப்பிய நாடு ஒன்று தட்டிச் சென்றுவிட்டது.அதுபோல, கிருமி நாசினியாகவும், தெய்வீக பயன்பாட்டிற்காகவும், இந்துக்கள் அதிகம் பயன்படுத்தும் வேம்பு எனப்படும், வேப்ப மரம் மற்றும் அதன் துணை பொருட்களுக்கான வர்த்தக உரிமையும், நம்மை விட்டு போய்விட்டது.விருந்துகளின் போது, பிரியாணியையும், இந்தியர்களையும் பிரிக்க முடியாத நிலை, காலம் காலமாக உள்ள நிலையில், பிரியாணி தயாரிக்க பயன்படுத்தப்படும் பாசுமதி அரிசிக்கான வர்த்தக உரிமை மற்றும் வர்த்தக குறியீட்டை, நாம் விட்டுக் கொடுத்து விட்டோம்.

தங்கர் பச்சானின் களவாடிய பொழுதுகள் ஒருவழியா திரைக்கு வருகிறது,

தங்கர்பச்சான் இயக்கிய களவாடிய பொழுதுகள் திரைப்படம் வெளியாவதற்கான சலனங்கள் தெரியத் தொடங்கியிருக்கிறது. பிரபுதேவா, பூமிகா, பிரகாஷ்ராஜ் நடிப்பில் தங்கர்பச்சான் இயக்கிய படம் களவாடிய பொழுதுகள். இதுவரை இப்படியொரு சினிமா இந்திய சரித்திரத்தில் எடுக்கப்பட்டதேயில்லை, பார்த்தால் அழுதிடுவீங்க என்றெல்லாம் தங்கர் வழக்கம்போல டமாரம் அடித்திருந்தார். ஆனால் படத்தை வெளியிடாமல் தங்கரை அழ வைத்தது ஐங்கரன் நிறுவனம். கடும் நிதி நெருக்கடி மற்றும் சரியான விலை கிடைக்காதது ஆகிய காரணங்களால் படத்தை தயாரித்த ஐங்கரன் களவாடிய பொழுதுகளை வெளியிடாமலே இருந்தது. இவர்கள்தான் லைகாவுடன் இணைந்து கத்தியை தயாரித்துள்ளனர். கத்தி நல்ல லாபத்தை தந்ததால் அதில் கொஞ்சத்தை களவாடிய பொழுதுகளை வெளியிட செலவளிக்க உள்ளனர். இன்று படத்தின் பாடல்கள் வெளியாகிறது. விரைவில் படத்தையும் வெளியிட திட்டமிட்டுள்ளனர்.tamil.webdunia.com 

ரஜினியின் லிங்கா அதிரவில்லை ? ஷங்கரின் ஐ சம்பள பாக்கி? கோலிவூட்டின் மறுபக்கம் ?

நடிகர் ரஜினியின் புதுப்பட டீஸரை சென்ற வாரம் வெளியிட்டனர். அவரது பொம்மைப்பட டீஸரின் சாதனையை இந்தப் படம் முறியடிக்கும் என்று அனைவருமே எதிர்பார்த்தனர். அது பொம்மை. இது அசல். போதாததுக்கு ஒன்றுக்கு இரண்டு வேடங்கள் ஆனால், பொம்மை பட டீஸருக்கு காட்டிய ஆர்வத்தை இந்தப் படத்துக்கு ரசிகர்கள் காட்டவில்லை. அதைவிட குறைவான பார்வையாளர்களே புதிய படத்தின் டீஸரை பார்த்துள்ளனர். மேலும் பிரமாண்ட இயக்குனரின் ஓரெழுத்துப் படத்தின் ட்ரெய்லரை 20 லட்சத்துக்கும் அதிகமானோர் ஒரே நாளில் பார்த்தனர். உச்சத்தின் படத்தை ஒன்பது லட்சத்துக்கும் குறைவானவர்கள். படத்தின் ஆடியோ உரிமையும் எந்திர மனிதனைவிட இரண்டு கோடி கம்மியாகதான் போயுள்ளது. என்ன நடக்குது. ரசிகர்கள் உஷாராயிட்டாங்களா...
இயக்குனர்  சங்கரின் ஐ  படம் தமிழ் சினிமாவில் அதிகப் பொருட்செலவில் எடுக்கப்பட்ட படம் என்று ஒருபக்கம் பெருமை பேசுகிறார்கள். இன்னொரு பக்கம், படத்தை உருவாக்கியவர்கள் பேசிய சம்பளம் படம் முடிந்தும் கைக்கு வரலை என்று புலம்பிக் கொண்டுள்ளனர்.
டீக்கடையிலும், தெருவிலும் புலம்பிக் கொண்டிருந்தவர்கள் இப்போது இணையத்திலும் தைரியமாக இந்த தடுகித வேலையை பகிர்ந்து கொள்ள ஆரம்பித்துள்ளனர். படத்தில் பணியாற்றிய உதவி இயக்குனர்களுக்கு மூன்று மாத சம்பள பாக்கியாம். கிடைக்கிற சொற்ப சம்பளத்தை வைத்து காலந்தள்ளுகிறவர்கள் உதவி இயக்குனர்கள். அவர்கள் நிலையே இப்படி. இதுபோல் பெரிய சம்பளம் வாங்கும் தொழில்நுட்பக் கலைஞர்களுக்கும் கணிசமாக காசு தர வேண்டுமாம் தயாரிப்பாளர். படம் வரட்டும் பாக்கியை செட்டில் செய்கிறேன் என்று பணம் தராமல் இழுத்தடிக்கிறார் தயாரிப்பாளர். பாவம் அவரும்தான் என்ன செய்வார். கஜானாவில் இருந்தால்தானே கையில் வரும்.?tamil.webdunia.com

EVKS: சோதனை காலங்களில் ஜி.கே.வாசன் வெளியேறுவது சந்தர்ப்பவாதம்!

காங்கிரஸ் கட்சியிலும், ஆட்சியிலும் பதவிகளை அனுபவித்து சோதனையான காலகட்டத்தில் கட்சியில் இருந்து வெளியேறுவது சந்தர்ப்பவாதம் என ஜி.கே. வாசன் மீது தமிழ்நாடு காங்கிரஸ் கமிட்டித் தலைவர் ஈ.வி.கே.எஸ். இளங்கோவன் குற்றம்சாட்டினார். புதிய கட்சி தொடங்கப் போவதாக வாசன் அறிவித்துள்ளதைத் தொடர்ந்து கட்சி அலுவலகமான சத்தியமூர்த்தி பவனில் முக்கிய நிர்வாகிகளுடன் செவ்வாய்க்கிழமை அவர் ஆலோசனை நடத்தினார். பின்னர் செய்தியாளர்களிடம் அவர் கூறியதாவது: காங்கிரஸ் கட்சியிலிருந்து விலக வேண்டாம் என வாசனிடம் நேரில் வேண்டுகோள் விடுத்தேன். ஆனாலும் அவர் புதிய கட்சி தொடங்கப் போவதாக அறிவித்துவிட்டார். காங்கிரஸ் கட்சியிலும், ஆட்சியிலும் பதவிகளை அனுபவித்துவிட்டு சோதனையான காலகட்டத்தில் கட்சியிலிருந்து வெளியேறுவது சந்தர்ப்பவாதம்.இவ்வளவு காலமும் உருப்படியாக இவர் என்னபன்னினார் அல்லது என்ன பேசினார் டோடல் வேஸ்ட் . அரசியலில்  நைசாக சகல இலாபங்களையும் எல்லா இன்பங்களையும்  பெற்ற வெகு சிலரில் இவரும் ஒருவர் ! நோகாமல் நொங்கு எடுத்தது போதும். இனியாவது  அரசியலில் இருந்தே ஒதுங்கி இருப்பது மக்களுக்கு செய்யும் சேவை , ம்ம்ம் அதைதானே இப்ப தொடங்கி இருக்காக?

Charu Khurana : திரைஉலகில் பெண் ஒப்னையாளர்களுக்கு அறுபது ஆண்டுகளாக இருந்த தடை உடைதெறியப்பட்டது

இந்தியத் திரைப்படத் துறையில் பெண் ஒப்பனைக் கலைஞர்களுக்கு இருந்துவரும் தடை சட்டவிரோதமானது என நாட்டின் உச்சநீதிமன்றம் அறிவித்துள்ளது. கடந்த அறுபது ஆண்டுகளாக பெண்கள் திரைப்பட ஒப்பனைக் கலைஞர்கள் ஆவதை பாலிவுட்டிலுள்ள சக்திமிக்க தொழிற்சங்கங்கள் தடுத்துவந்தன. ஆண்களுக்கு இந்தப் பணி தேவை என அவர்கள் வாதிட்டனர். ஆனால் பாலின ரீதியான பாரபட்சம் அரசியல் சாசனத்துக்கு முரணானது என்பதை சுட்டிக்காட்டி நீதிபதிகள் தடையை நீக்கியுள்ளனர். நடிகர் நடிகைகளுக்கு சிகையலங்காரம் செய்ய பெண்கள் இதற்கு முன்னர் அனுமதிக்கப்பட்டு இருந்தாலும், ஒப்பனை செய்ய பெண்கள் முயன்றால் அவர்கள் அச்சுறுத்தப்பட்டும், சில நேரங்களில் தாக்கப்பட்டும் இருந்தனர். அமெரிக்காவில் ஒப்பனைப் பயிற்சி பெற்ற ஒரு பெண், இந்தியாவில் தன்னால் வெளிப்படையாக ஒப்பனை நிபுணர் பணி செய்ய முடியாமல் போக உச்சநீதிமன்றத்தில் வழக்குத் தொடுத்திருந்தார்.

சேது சமுத்திர திட்டம் நிறைவேற்றப்படும்: நிதின்கட்கரி தகவல்! இனி காங்கிரஸ் எதிர்க்காமல் இருக்கவேண்டுமே?

சேது சமுத்திர திட்டத்தை நிறைவேற்றுவதற்கான வாய்ப்புகள் குறித்து ஆராயப்பட்டு வருவதாக மத்திய கப்பல்துறை அமைச்சர் நிதின் கட்கரி தெரிவித்துள்ளார். ராமேஸ்வரம் மன்னார் வளைகுடா பகுதியை ஹெலிகாப்டர் மூலம் பார்வையிட்ட அவர் பின்னர் செய்தியாளர்களைச் சந்தித்தார். அப்போது, மக்களின் உணர்வுகளுக்கு மதிப்பளிக்கும் வகையில், ராமர் பாலம் இடிக்கப்பட மாட்டாது என்று தெரிவித்தார். இத்திட்டத்தை நிறைவேற்ற 5 பாதைகள் இருப்பதாகவும் அவற்றில் ஒன்றை தேர்வு செய்வது குறித்து ஆராயப்பட்டு வருவதாகவும் கூறிய நிதின் கட்கரி, சேது சமுத்திர திட்டத்திற்காக ஏற்கனவே செலவழிக்கப்பட்ட தொகையை வீணடிக்காமல் திட்டம் செயல்படுத்தப்படும் என்று கூறினார்.puthiyathalaimurai.tv/

டில்லி திரிலோக்புரியில் இந்து முஸ்லிம் கலவரத்தை உருவாக்க முயற்சி? மீடியாக்கள் அரசு விளம்பரத்திற்காக மௌனம்?

கிழக்கு டில்லியின் புறநகர் பகுதியில் அமைந்திருப்பது திரிலோக்புரி; தலித் மக்கள்  பெரும்பான்மையாக வாழும் பகுதி.
1976-ம் ஆண்டு எமர்ஜென்சியின் போது டில்லியின் அழகுக்கு இடையூறாக இருந்த சேரிகளை ஒழிக்க எண்ணினார் சஞ்சய் காந்தி. சுமார் 150 பேர் சுட்டுக் கொல்லப்பட்டனர். 70,000 மக்கள் மத்திய டில்லியிலிருந்து பெயர்க்கப்பட்டு யமுனா நதிக்கரையில் அமைந்திருக்கும் திரிலோக்புரியில் குடியமர்த்தப்பட்டனர். இதன் பிறகு 1984-ல் சீக்கியர்களுக்கு எதிரான கலவரத்தை காங்கிரஸ் அரங்கேற்றிய போது திரிலோக்புரிக்கு பல்வேறு சமய நம்பிக்கை கொண்ட மக்களும் அடைக்கலம் தேடி ஓடி வந்தனர். டில்லி அதிகார வர்க்கத்தின் சூழ்ச்சியில் சிக்குண்ட மக்களுக்கு எப்போதும் அடைக்கலம் தந்து வந்த திரிலோக்புரி இன்று பாதுகாப்பற்றதாக மாறியிருக்கிறது. கடந்த முப்பது வருடங்களாக பல்சமய நம்பிக்கை கொண்ட மக்கள் அமைதியாக வாழ்ந்து கொண்டிருந்த திரிலோக்புரியிலிருந்து மக்கள் ஓட்டம் பிடித்த துயரம் கடந்த அக்டோபர் மாதத்தின் இறுதி வாரம் நடந்தது.

திரிலோக்புரி

படேல் சிலை? அந்த 3000 கோடி ரூபாய் சொல்லும் உண்மை : படேல் ஒரு RSS? நேரு ஏன் அவரை வெறுத்தார்? மக்களின் வரிபணத்தில் மோடி பிரசாரம்?

2014 பாராளுமன்ற தேர்தல் வரை மோடியின் அடையாளமாக காட்டப்பட்டது என்னவென்று நினைவிருக்கிறதா? வளர்ச்சியைத் தவிர்த்த வேறு எந்த சிந்தனையும் இல்லாதவர் அவர் என்பதாகவே மோடியின் பிம்பம் கட்டமைக்கப்பட்டது. அடிப்படைவாதத்தால் வளைக்க முடியாத மக்கள் கூட்டத்திடம் மோடியின் வளர்ச்சி முகத்துக்காக எங்கள் மற்ற பாவங்களை மன்னியுங்கள் என்ற தொனியில்கூட பிரச்சாரம் முன்னெடுக்கப்பட்டது.

படேலுக்கு சிலை வைக்கப் போகும் மோடி

ஆனால் இந்த திட்டத்தில் கொஞ்சமும் இணைக்க முடியாத ஒரு செயலாக அவரது படேல் பாசம் இருந்தது. உலகிலேயே பெரிய சிலையை படேலுக்கு வைக்கப்போகிறேன் என்றார், அதற்காக இரும்பு திரட்டப்போகிறேன் என்றார், படேலுக்காக எல்லோரும் மராத்தான் ஓடுங்கள் என்றார். இந்த ஒரு நடவடிக்கை மட்டும் அவரது அமெரிக்க பாணி பிரமோஷனுக்கு சற்றும் தொடர்பற்றதாக இருந்ததை அன்றைக்கு ஓங்கி ஒலித்த விளம்பர ஒலியில் நாம் கவனிக்கத் தவறிவிட்டோம். இன்றைக்கு ஒரு தீவிர ஆர்எஸ்எஸ்காரரான மோடி காங்கிரஸ் தலைவரான படேலை ஆராதிப்பதற்கான வரலாற்றுக் காரணங்களை முதலில் பரிசீலனை செய்யலாம்.

Shift Work / சுழற்சி முறையில் வேலை உங்களை முட்டாள் ஆக்கலாம் !நீரழிவு இரத்த அழுத்தம்....!

பிரான்சில் நடத்தப்பட்ட ஆய்வு ஒன்றில், சுழற்சி முறையில் பணிபுரியும் நபர்களின் ஞாபக சக்தி மற்றும் மூளை திறன் மங்குவதாக தெரியவந்துள்ளது. பிரான்சில் 3000 பேர் பங்கேற்ற இந்த ஆய்வின் முடிவில், சுழற்சி முறையில் பணிபுரிபவர்களின் மூளை திறனை விட தினமும் ஒரே முறையான நேரத்தில் பணிபுரியும் நபர்களின் ஞாபக சக்தி மற்றும் மூளை செயல்திறன் அதிகமாக உள்ளதாக தெரிவிக்கப்பட்டுள்ளது. சுழற்சி முறையில் பணிபுரிபவர்களின் உடல்நிலையில் உண்ணும், உறங்கும் நேரங்கள் மாற்றமடைவதால் அவர்களுக்கு இதயம், மூளை சார்ந்த பாதிப்புகள் ஏற்படும் எனவும், சில சமயங்களில் புற்றுநோய் பாதிப்பு கூட ஏற்பட வாய்ப்பு உள்ளதாகவும் தெரிகிறது. ஆய்வின் ஒரு பகுதியாக, சுழற்சி முறையில் பணிபுரிபவர்களுக்கு நடத்தப்பட்ட அறிவாற்றல் வேகம் சார்ந்த சோதனையில் பலர் தேர்ச்சி அடையவில்லை என தெரிவிக்கப்பட்டுள்ளது. Your biological clock could confuse.

கலைஞர் :வாயே திறக்காதவரு என்னைய திட்டறதுக்கு மாத்திரம் வாயை திறக்கிறார் ! பாவம் பன்னீரு?

ஓ.பன்னீர்செல்வம் அறிக்கைக்கு திமுக தலைவர் கலைஞர் பதிலடி! ;எதற்கும் வாயைத் திறக்காத இந்நாள் முதலமைச்சர் ஓ. பன்னீர்செல்வம், தோட்டத்தில் முன்னாள் முதலமைச்சரைச் சந்தித்த போது வாங்கிக் கட்டிக் கொண்ட காரணத்தாலோ என்னவோ, என்னைத் திட்டி அறிக்கை விடுவதில் மட்டும் அக்கறை காட்டி வருகிறார். ஏடுகள் பன்னீர்செல்வத்தின் அறிக்கைக்கு “கிரானைட் முறைகேட்டை வெளிச்சத்துக்குக் கொண்டு வந்தது ஜெயலலிதா அரசு தான்” என்று தலைப்பிட்டிருக்கின்றன.
அப்படியாச்சும் வாயை திறக்கட்டுமே? அவரால வேற எதற்குதான் வாயை திறக்க முடியும்? அப்புறம் பேசவே மறந்துடுவார்ல ?  ஆயிரம் இருந்தும் வசதிகள் இருந்தும் டீ ஆத்தும் போது இருந்த நிம்மதி இப்ப இல்லையே ? no peace of mind?

முத்தமிடுவதால் செத்துவிடுமா கலாச்சாரம்? பாலியல் வக்கிரம் நிறைந்த சமுதாயம் ஏன் முத்தமிட தயங்குகிறது ?

பிரான்ஸில் நடந்த சம்பவம் இது. தமிழ் எழுத்தாளர் ஒருவர் பிரெஞ்சு தெரிந்த தனது நண்பருடன் ரயிலில் பயணம் செய்துகொண்டிருந்தார். எதிர் இருக்கையில் ஒரு ஜோடி, சூழலையும் மறந்து மிகவும் நெருக்கமாக இருந்தார்கள் (முத்தம் உட்பட). இதைப் பார்த்த எழுத்தாளர் தன் நண்பரிடம், “இதெல்லாம் நம் நாட்டில் சாத்தியமா?” என்று கேட்டாராம். “ஏன், உங்களுக்கு அத்தனை ஆசையா?” என்றாராம் நண்பர் சிரித்துக்கொண்டே. “இல்லை. அந்த ஜோடியின் அருகில் இருப்பவரைப் பாருங்கள். எதுவுமே நடக்காததுபோல் புத்தகம் படித்துக்கொண்டிருக்கிறார். அதுதான் நம் நாட்டில் சாத்தியமாகுமா என்று வியந்துகொண்டிருக்கிறேன்” என்றாராம் அந்த எழுத்தாளர்.

இந்தியாவில் இதுபோன்ற காட்சிகளைச் சாதாரணமாக எடுத்துக்கொள்வதில் பல்வேறு சமூகச் சிக்கல்கள் இருப்பதை மறுக்க முடியாது. இந்தியாவில் சராசரிக் குடும்ப அமைப்பின் பின்னணியிலிருந்து வரும் யாரும் இந்தக் காட்சியைச் சாதாரணமாகக் கடந்துவர மாட்டார்கள் தான். ஆனால், பொதுவெளியில் காதலர்கள், தம்பதியர் தங்கள் அன்பைப் பரிமாறிக்கொள்வதைத் தடுக்கும் வகையில் ‘கலாச்சாரக் காவலர்கள்’ நடந்துகொள்வதுதான் இன்று பெரும் பிரச்சினையைக் கிளப்பியிருக்கிறது.

Brittany menard புற்றுநோயால் அவதிப்பட்ட பிரிட்னி மேனார்ட் அறிவித்தபடி தற்கொலை செய்துகொண்டார்!

புற்று

நோயால் பாதிக்கப்பட்ட இளம்பெண் ஒருவர், அந்த வலியை தாங்க முடியாமல் விஷம் சாப்பிட்டு தற்கொலை செய்து கொண்டார். இவர் தனது தற்கொலையை இணைய தளத்தில் பகிரங்கமாக அறிவித்திருந்தார். அவர் அறிவித்தவாறு தற்கொலை செய்துகொண்டது அமெரிக்காவில் அதிர்ச்சியை ஏற்படுத்தியுள்ளது. இந்த சம்பவம் அமெரிக்காவில் சில மாநிலங்களில் மட்டும் அமலில் இருக்கும் தற்கொலை உரிமை தொடர்பாக சர்ச்சையை ஏற்படுத்தியுள்ளது. கடும் மூளை புற்றுநோய் பாதிப்பு காரணமாக பிரிட்டனி மேனார்டு (29) இன்னும் 6 மாதங்கள் மட்டுமே உயிர்வாழும் வாய்ப்புள்ளதையும் அவரது மரணம் மிகுந்த வலியை தரக்கூடியாத இருக்கும் என்றும் கடந்த ஜனவரியில் அவரிடம் கூறப்பட்டது. டான் டயஸ் என்பவருடன் பிரிட்டனி மேனார்டு திருமணம் ஆகியிருந்தது. கடும் தலைவலி காரணமாக மருத்துவரை அணுகியபோது மூளை புற்றுநோய் பாதிப்பு தெரியவந்தது. இதையடுத்து அவர்கள் குழந்தை பெற்றுக்கொள்ளும் முயற்சியையும் கைவிட நேரிட்டது. இதையடுத்து தற்கொலை முடிவு எடுத்த பிரிட்டனி கலிபோர்னியாவில் இருந்து ஓரிகனுக்கு இடம்பெயர்ந்தார். அமெரிக்காவில் ஓரிகன் உள்ளிட்ட சில மாநிலங்களில் இறப்பதற்கான உரிமை (தற்கொலை உரிமை) தரப்பட்டுள்ளது. கொடிய நோய் காரணமாக இனி உயிர்பிழைக்க வாய்ப்பில்லாத ஒருவர், உயிர்க்கொல்லி மருந்தை (விஷம்) சாப்பிட்டு நோயின் அவதஸ்தையில் இருந்து தங்களை விடுவித்துக்கொள்ள முடியும். இதற்கு மருத்துவர் பரிந்துரை அளிக்க வேண்டும். இதனடிப்படையில் புற்றுநோயால் பாதிக்கப்பட்ட மேனார்டு இம்மாத தொடக்கத்தில் தற்கொலை அறிவிப்பு ஒன்றை இணைய தளத்தில் வெளியிட்டார்.

பாரதிராஜா: ஸ்ரீதருக்கு விழா எடுக்காமல் போனோமே? 101வயது மித்திர தாஸ் தியாகராஜர் படத்தை இயக்கியவர்!

சென்னையில் திங்கள்கிழமை நடைபெற்ற விழாவில், இயக்குநர்களின் வாழ்த்துகளை ஏற்றுக் கொள்ளும் பழம்பெரும் இயக்குநர் மித்ரதாஸ் (வலமிருந்து 4-ஆவது).  உடன் (இடமிருந்து) இயக்குநர்கள் விக்ரமன், சி.வி.ராஜேந்திரன், பாரதிராஜா, ஆர்.கே.செல்வமணி, நடிகர் ராதாரவி, இயக்குநர் லிங்குசாமி.
கலைஞனுக்கு ஒருபோதும் வயது கிடையாது என்று தெரிவித்தார் திரைப்பட இயக்குநர் பாரதிராஜா.
எம்.கே.டி. தியாகராஜ பாகவதரின் கடைசிப் படமாக 1960-களில் வெளிவந்த "சிவகாமி' படத்தை இயக்கியவர் ஆண்டனி மித்ரதாஸ். தற்போது 101 வயதைக் கடந்துள்ள  மித்ரதாûஸக் கௌரவிக்கும் விதத்தில் அவருடைய பிறந்த நாள் விழா தமிழ்த் திரைப்பட இயக்குநர்கள் சங்கத்தின் சார்பில் சென்னையில் திங்கள்கிழமை கொண்டாடப்பட்டது.

EVKS இளங்கோவன் :வாசன் 4 லட்சம் தொண்டர்கள் உணர்வை மதிக்காமல், நாலு பேர் பேச்சை கேட்டு ...

ஜி.கே.வாசன் 'எங்கிருந்தாலும் வாழ்க' என தமிழக காங்கிரஸ் தலைவர் ஈ.வி.கே.எஸ். இளங்கோவன் தெரிவித்துள்ளார்.

முன்னாள் மத்திய அமைச்சர் ஜி.கே.வாசன் புதிய கட்சி தொடங்குவதாக அறிவித்த வேளையில், தமிழக காங்கிரஸ் தலைவர் ஈ.வி.கே.எஸ். இளங்கோவன், "காங்கிரஸ் குடும்பத்தை விட்டு ஜி.கே.வாசன் வெளியேறுவது சரியல்ல. இருப்பினும் அவர் அந்த முடிவில் உறுதியாக இருந்தால் 'எங்கிருந்தாலும் வாழ்க' என வாழ்த்துவதைத் தவிர வேறு வழியில்லை" என தெரிவித்தார்.

சென்னையில் செய்தியாளர்கள் சந்திப்பில் அவர் மேலும் கூறும்போது, "காங்கிரஸ் கட்சி ஒரு குடும்பம், அந்தக் குடும்பத்தில் இருந்து யாரும் வெளியேற வேண்டாம் என தாழ்மையுடன் கேட்டுக் கொள்கிறேன்.

எங்கள் உணர்வையும், உள்ளத்தையும் காயப்படுத்தும் வகையில் ஜி.கே.வாசன் வெளியேறினாலும் காங்கிரஸ் குடும்பம் வருத்தப்படுமே தவிர நொடித்துவிடாது.

பால் விலையை கண்டித்து திமுக தமிழகம் முழுவதும் ஆர்ப்பாட்டம்

சென்னை: பால்விலை, பேருந்து கட்டணம், மின் கட்டணம் உயர்ந்துள்ளதைக் கண்டித்து திமுக தலைவர் கருணாநிதி, பொருளாளர் மு.க.ஸ்டாலின் தலைமையில் சென்னையில் ஆர்ப்பாட்டம் நடந்தது. அதேபோல, மாநிலம் முழுவதும் இன்று காலையில் கொட்டும் மழையில் ஆர்ப்பாட்டம் நடந்தது.தமிழகத்தில் பால் விலை லிட்டருக்கு ரூ.10 உயர்த்தப்பட்டது. அதேபோலபால் கோவா, நெய் போன்ற பால் பொருட்களின் விலையும் கடுமையாக உயர்ந்தது. மின் கட்டணத்தையும் கடுமையாக உயர்த்த ஆலோசனை நடத்தப்பட்டு வருகிறது. அதேபோல, கனமழைக்கு மாநிலம் முழுவதும் சேதம் ஏற்பட்டது. ஆனால் நிவாரண நடவடிக்கைகளை மாநில அரசு முறையாக செய்யவில்லை என்று பொதுமக்கள் குற்றம்சாட்டுகின்றனர். இதனால் விலை உயர்வைக் கண்டித்தும், மாநில அரசின் செயல்படாத செயலைக் கண்டித்தும் மாநிலம் முழுவதும் இன்று ஆர்ப்பாட்டம் நடந்தது.

பிரியங்காவின் கணவர் ராபர்ட் வதேரா நிருபரிடம் படு மோசமாக நடந்துகொண்டார்!

ராபர்ட் வதேரா தொலைக்காட்சி நிருபரிடம் கடுமையாக நடந்து கொண்ட செயலுக்கு எதிர்க்கட்சிகள் கடும் கண்டனம் தெரிவித்தன. ரூ.44 கோடி ஆதாயம் காங்கிரஸ் தலைவர் சோனியா காந்தியின் மருமகன் ராபர்ட் வதேரா பல்வேறு தொழில் நிறுவனங்களை நடத்தி வருகிறார். அரியானாவில் பூபிந்தர் சிங் ஹூடாவின் தலைமையிலான காங்கிரஸ் அரசு qஇருந்தபோது சிகோபூர், குர்கான் ஆகிய நகரங்களில் அரசிடம் இருந்து குறைந்த விலைக்கு நிலங்களை வாங்கிய அவர் அதே நிலங்களை தனியார் ரியல் எஸ்டேட் நிறுவனம் ஒன்றுக்கு 58 கோடி ரூபாய்க்கு விற்பனை செய்ததாக கூறப்பட்டது.

கொச்சியில் உலகை திரும்பி பார்க்க வைத்த Kiss of love!

கொச்சி கடற்கரைப் பகுதி சாலைகளில் காதல் முத்தப் போராட்டத்தில் முன்கூட்டியே அறிவிக்கப்பட்ட இந்தப் போராட்டத்துக்கு, கேரளாவில் இந்து மற்றும் இஸ்லாமிய அமைப்பைச் சேர்ந்தவர்கள் எதிர்ப்பு தெரிவித்து, அதைப் போராட்ட வடிவிலும் பதிவு செய்தனர். ஃபேஸ்புக் போன்ற சமூக வலைதளங்களில் வரவேற்பு பெறப்பட்ட நிலையில், கொச்சியில் இந்தப் போராட்டம் நேற்று (ஞாயிற்றுக்கிழமை) நடத்தப்பட்டது. பொது இடத்தில் முத்தமிடுதல் என்ற அம்சத்தைக் கொண்ட இந்தப் போராட்டத்தில் அதிக எண்ணிக்கையிலான இளைஞர்கள், இளம் பெண்கள் பங்கேற்றனர். இந்தப் போராட்டத்துக்கு எதிரானவர்களும் அங்கே குவியத் தொடங்க, முன்னெச்சரிக்கையாக போலீஸாரும் குவிக்கப்பட்டிருந்தனர்.

சட்டீஸ்கர்: 136 போலீசை கொன்ற நக்சல் கைது

ராய்ப்பூர்: சட்டீஸ்கர் மாநிலம் மற்றும் சுற்றுப்பகுதியில் 136 போலீசாரை சுட்டு கொல்ல காரணமாக இருந்த நக்சல் அமைப்பை சேர்ந்த தலைவர் ஒருவர் நீண்ட நாட்களுக்கு பின்னர் கைது செய்யப்பட்டுள்ளார். இவரை ரகசிய இடத்தில் வைத்து போலீசார் விசாரித்து வருகின்றனர். போலீசாரை குறி வைத்து வன பகுதியில் தாக்குதல் நடத்துவதில் கை தேர்ந்தவன் ஹேமந்த் மண்டவி பிஜ்ஜா. கடந்த ஏப்ரல் மாதம் 2010ல் சில ஆண்டுகளுக்கு முன்னர் தண்டவத்தா மாவட்டத்தில் போலீசார் வாகனத்தில் ரோந்து சென்ற போது அதிரடி தாக்குதல் நடத்தப்பட்டது. இதில் நள்ளிரவில் எல்லை பாதுகாப்பு படையினர் கொத்து, கொத்தாக மடிந்தனர்.

Hydrabad Gang Rape மாணவியை பலாத்காரம் செய்த 5 மாணவர்கள் !

ஹைதராபாத்தில் உள்ள பல்கழைக்கழக விடுதி ஒன்றில் மாணவி ஒருவர் 5 மாணவர்களால்  பலாத்காரம் செய்யப்பட்டார்.
தில்லியைச் சேர்ந்த 23 வயது மாணவி ஒருவர் ஐதராபாத் தார்நாகா பகுதியின் இக்லு பல்கலைக்கழகத்தில் தங்கி படித்துவருகிறார். இவர் கடந்த 31ம் தேதி இரவு தனது நண்பரை பார்க்க மாணவர் விடுதிக்கு சென்றாராம். அப்போது அந்த நபர் அங்கு இல்லாததால், பக்கத்து அறையில் சென்று விசாரித்துள்ளார். மது விருந்தில் ஈடுபட்டிருந்த அந்த மாணவர்கள் மாணவியையும் அழைத்துள்ளனர். அழைப்பை ஏற்று மாணவியும் அதில் கலந்துகொண்டார்.  போதை அதிகமாகிய மாணவர்கள் 5 பேர் அந்த மாணவியை பலாத்காரம் செய்தனர். இதுகுறித்து அந்த மாணவி உஸ்மானியா பல்கலைக்கழக போலீஸாரிடம் புகார் அளித்தார். இதனையடுத்து அனந்த புரத்தைச் சேர்ந்த நிதின்(25), கிழக்கு கோதாவரியைச் சேர்ந்த ராஜநரசிம்பா ஆகிய 2 மாணவர்களை போலீஸார் கைது செய்தனர். மேலும் 3 மாணவர்களை பிடித்து விசாரணை நடத்தியபின் விடுவிக்கப்பட்டனர். மேலும் இது குறித்து போலீஸார் விசாரணை நடத்தி வருகின்றனர் dinamani.com

டில்லி சட்டசபையை கலைக்க கவர்னர் முடிவு!

புதுடில்லி: டில்லியில் ஆட்சியமைக்க பா.ஜ., மறுத்துள்ளது. சட்டசபையை கலைத்து விட்டு தேர்தல் நடத்த வேண்டும் என காங்கிரஸ் மற்றும் ஆம் ஆத்மி கூறியுள்ளது, இதனையடுத்து சட்டசபையை கலைக்க கவர்னர் நஜீப் ஜங் முடிவு செய்துள்ளதாக தெரிகிறது. டில்லியில் முதல்வராக இருந்த கெஜ்ரிவால், ஜன் லோக்பால் மசோதாவை நிறைவேற்ற முடியவில்லை என கூறி பதவிவிலகினார். இதனையடுத்து அங்கு, கடந்த பிப்ரவரி முதல் சட்டசபை முடக்கப்பட்டு ஜனாதிபதி ஆட்சி அமைக்கப்பட்டுள்ளது. டில்லி சட்டசபையை கலைத்து விட்டு புதிதாக தேர்தலை நடத்த வேண்டும் என கெஜ்ரிவால் சுப்ரீம் கோர்ட்டில் வழக்கு தொடர்ந்தார். இந்த வழக்கு விசாரணையின் போது, மத்திய அரசுக்கு நீதிபதிகள் கண்டனம் தெரிவித்திருந்தனர்.

திமுக, அதிமுக அல்லாத பாமக தலைமையில் கூட்டணி அமைப்போம்: ராமதாஸ்

2016 சட்டப்பேரவைத் தேர்தலில் பாமக தலைமையில் கூட்டணி அமையும் என அக்கட்சி நிறுவனர் ராமதாஸ் தெரிவித்துள்ளார்.

மேலும், திமுக, அதிமுக கட்சிகள் அல்லாத கூட்டணியாக அந்தக் கூட்டணி இருக்கும் எனவும் அவர் தெரிவித்துள்ளார்.

சேலத்தில் செய்தியாளர்களை சந்தித்த ராமதாஸ் இதனை தெரிவித்தார்.

கடந்த வாரம் ராமதாஸ் இல்லத் திருமண விழாவில், திமுக தலைவர் கருணாநிதி, மதிமுக பொதுச் செயலாளர் வைகோ ஆகியோர் கலந்து கொண்டனர். திமுக தலைவர் கருணாநிதியும் மதிமுக, பாமக திமுகவுடன் இணைய முன்வந்தால் கட்சி பொதுக் குழுவில் முடிவு செய்யப்படும் என கூறியிருந்தார்.

இந்நிலையில், ஞாயிற்றுக் கிழமை காங்கேயத்தில் நடைபெற்ற ஈரோடு கணேசமூர்த்தி இல்ல விழாவில் அவர் பங்கேற்று பேசும்போது, "திமுகவுடன் கூட்டணி என்று ஒருபோதும் கூறியது கிடையாது" என்றார்.

அதனைத் தொடர்ந்து இன்று சேலத்தில் செய்தியாளர்களிடம் பேசிய ராமதாஸ், திமுக, அதிமுக கட்சிகள் அல்லாத கூட்டணி பாமக தலமையில் அமையும் என கூறியுள்ளார். tamil.hindu.com

காங்கிரஸ் அதிரடி! வாசன் நீக்கம்! கட்சிக்கு எதிராக பேசியதால் நடவடிக்கை! இனி மீண்டும் சேர்க்க முடியாது!

சென்னை: புதிய கட்சி தொடங்கப்போவதாக முன்னாள் மத்திய அமைச்சர் ஜி.கே. வாசன் அறிவித்த சில மணி நேரங்களில் அவரை கட்சியிலிருந்து நீக்கியுள்ளது காங்கிரஸ் மேலிடம். தனிக்கட்சி தொடங்குவதாக அறிவித்ததால், வாசனை நீக்கியதாக காங்கிரஸ் மேலிடம் அறிவித்துள்ளது.  தமிழக காங்கிரஸ் கட்சியிலிருந்து விலகுவதாக இன்று சென்னையில் செய்தியாளர்கள் கூட்டத்தில் அறிவித்த முன்னாள் மத்திய அமைச்சரான ஜி.கே. வாசன், புதிய கட்சியின் சின்னம் மற்றும் கொடியை விரைவில் திருச்சியில் நடைபெற உள்ள பொதுக்கூட்டத்தில் அறிவிக்க உள்ளதாக தெரிவித்திருந்தார். இதனையடுத்து அவரை கட்சியிலிருந்து விலக வேண்டாம் என தமிழக காங்கிரஸ் தலைவரான ஈ.வி.கே.எஸ். இளங்கோவன் கேட்டுக்கொண்டார். ஆனால் டெல்லியில் உள்ள காங்கிரஸ் மேலிடம் வாசனை நீக்கி அறிவிப்பு வெளியிட்டுள்ளது. கட்சிக்கு எதிரான கருத்துக்களை தெரிவித்ததால், இந்த நடவடிக்கை மேற்கொள்ளப்பட்டுள்ளதாக தமிழக காங்கிரஸ் மேலிட பொறுப்பாளர் முகுல் வாஸ்னிக் செய்தியாளர்களிடம் இன்று தெரிவித்தார். வாசன் தனிக்கட்சி தொடங்குவதால், தமிழக காங்கிரஸ் கட்சிக்கு எவ்வித பாதிப்பும் இல்லை என்றும், அவரை மீண்டும் காங்கிரஸ் கட்சிக்குள் சேர்க்கும் எண்ணம் இல்லை என்றும் முகுல் வாஸ்னிக் கூறியுள்ளார். வழக்கமாக முக்கியத் தலைவர்கள் விலகும் நிலை வரும்போது காங்கிரஸ் தலைமை சமாதானம் பேசிப் பார்க்கும். ஆனால் வாசனை காங்கிரஸ் மேலிடம் கண்டு கொள்ளவே இல்லை என்பது குறிப்பிடத்தக்கது.
tamil.oneindia.com

லண்டனில் அசைவ உணவுக்கு எதிராக நிர்வாண போராட்டம்

லண்டனில் உலக சைவ உணவு தினத்தை முன்னிட்டு அசைவ உணவுக்கு எதிர்ப்பு தெரிவிக்கும் வகையில் பீட்டா ஆதரவாளர்கள் நிர்வாண நிலையில், உடலில் ரத்தம் போல காட்சியளிக்கும் சாயத்தை பூசிக்கொண்டு நூதன முறையில் போராட்டம் நடத்தினர். ட்ராபால்கர் சதுக்கத்தில் 100க்கும் மேற்பட்ட பீட்டா ஆதரவாளர்கள் சைவ உணவை ஊக்குவிக்க இப்போராட்டத்தில் ஈடுபட்டனர்.இந்த போராட்டத்தின் மூலம் பல தரப்பட்ட மக்கள் அசைவ உணவிற்காக விலங்குகளை கொலை செய்வதையும், விலங்கிலிருந்து தயாரிக்கப்பட்ட பொருட்களை உபயோகிப்பதையும் நிறுத்துவார்கள் என விலங்குகள் உரிமை அமைப்பு தனது நம்பிக்கையை தெரிவித்துள்ளது. இது குறித்து பீட்டாவின் இயக்குனர் மிமி பெக்கெச்சி தெரிவிக்கையில், 'விலங்குகளாலும் மனிதர்களை போல வலி, பயம், மகிழ்ச்சி போன்ற உணர்வுகளை உணர முடியும்.இந்த நிலையில், சுற்றுப்புற சூழலுக்கு அச்சுறுத்தல் அளிக்கும் வகையில் அதிக எண்ணிகையில் விலங்குகள் கொலை செய்யப்படுகின்றன. அசைவ உணவினால் இங்கிலாந்தில் உடல் பருமன் நோயும் அதிகரித்து வருகிறது' என தெரிவித்தார் nakkheeran,in

பெரியார்: காற்றுமானிச் சிந்தனையாளர்களும் தமிழகத்தின் எதிர்காலமும்

தமிழர்களுக்குச் சுயமரியாதையும் துணிவும் மாண்பும் தந்தவர் பெரியார்.

மழை பெய்ததும் ஈசல் பூச்சிகள் கும்பலாகப் புறப்படும். காற்றடிக்கும் திசையில் திரும்பும் காற்றுமானியாகச் செருகப்பட்டிருக்கும் சேவல் பொம்மை. இதெற்கெல்லாம் குறியியக்கத்தில் தொடர்மம் என்று பெயர்.

இரண்டு பெரிய திராவிடக் கட்சிகளும் ஊழல் குற்றச்சாட்டுகளில் மாட்டிக்கொண்டு திணறுகின்றன. இதுதான் சந்தர்ப்பம், திராவிடக் கட்சிகளை வீழ்த்துவதுடன் சீர்திருத்த சமூகநீதி சிந்தனையையும் வீழ்த்தி மீட்புவாதக் கருத்தியலை நிறுவ வேண்டும் என்ற ஆசை வருவது புரிந்துகொள்ளக்கூடியதுதான். ஆனால், அதற்கு ஏதோவொரு வகையில் ஊருக்கு ஊர் காவல் தெய்வம்போல பெரியார் என்ற பிம்பம் நிற்பது சிக்கல்தானே என்பதால், சில காற்றுமானிச் சிந்தனையாளர்கள் அந்த பிம்பத்தை ஆட்டிப்பார்க்கலாம், அசைத்துப்பார்க்கலாம் என்று புறப்பட்டிருக்கிறார்களோ என்று தோன்றுகிறது. பெரியார் கொச்சையாகப் பேசினார், பச்சையாகப் பேசினார், அவர் ஒரு சர்வாதிகாரி என்று மெல்ல மெல்லக் கிளம்புகிறது ஈசல் கூட்டம்.

சபித்தவர்கள் பிற்போக்குப் பார்ப்பனர்களே!