நமது NAMATHU.blogspot.com . . . . . . . நல்வரவு Enter

வியாழன், 19 மே, 2011

கூகுள் எவ்வளவு வரி கட்டுகிறது?வரிகளற்ற சொர்க்கங்கள் என்றால்?

பணக்காரர்கள் எப்படி பணக்காரர்களாகவே இருக்கிறார்கள்? அடிப்படை சம்பளம் வாங்கும் நமக்கே பத்தாயிரம் பிக்கல் பிடுங்கல்கள். அப்படியிருக்கையில் ஒரு பணக்காரனுக்கு எவ்வளவு இருக்கும் ? அரசியல்வாதிக்கு, நடிகனுக்கு, தொழிலதிபர்களுக்கு, தனவந்தர்களுக்கு, அதிகாரிகளுக்கு மட்டும் எப்படி பணம் சடாலென வளர்கிறது ?
நேர்மையான முறையில் பணத்தினைப் பெருக்க, வளர்க்க நாயடி, பேயடி படவேண்டுமென்பதுதான் நிதர்சனம். ஆனால், நியாயமாய் சம்பாதிக்காத பணத்தினை எப்படி நியாயமான வருமானமாகக் காட்டுவீர்கள்? அங்கே தான் இந்த “வரிகளற்ற சொர்க்கங்கள்” தன் வாசற்கதவை பெரும்பணக்காரர்களுக்கும், நிறுவனங்களுக்கும், அரசியல் / சர்வாதிகாரிகளும் திறந்து காட்டி ரத்தினக் கம்பளம் விரிக்கிறது.

வரிகளற்ற சொர்க்கங்கள் என்றால்?

இவை ஒரு நாடாகவோ, மாநிலமாகவோ, ஒரு கட்டமைப்பின் கீழ் வரும் பகுதியாகவோ இருக்கலாம். வரிகளற்ற இடங்களைக் கண்டறிவது சுலபம்.

இங்கே வரிகள் குறைவாக அல்லது பூஜ்யமாக இருக்கும்
அன்னிய நாட்டு வரித் துறையோடு பெரும்பாலும் தொடர்புகள் இருக்காது
அந்த ஊரில் இருக்கவேண்டுமென்கிற கட்டாயங்கள் இருக்காது

சட்டங்கள், அரசு, பரிவர்த்தனைகள், ஆளுமை எதுவுமே “வெளிப்படையாக” இருக்காது

தங்கள் இருப்பிடத்தை Offshore Financial Center என்று பெருமிதமாகச் சொல்லிக் கொள்வார்கள்

புலிப் பயங்கரவாத குற்றச் செயல்களையும், கொலைகளையும் விடுதலை என்ற பேரால் துரையப்பாவிலிருந்து முள்ளிவாய்க்கால் வரை

போர்க் குற்றமும் சர்வதேசமும் தமிழ்ச் சமூகமும்.

தேவன். (கனடா)

You can absolutely disagree with someone but you do not have to put them down. - Pierre E Trudeau.

மேற்குறிப்பிட்ட ஆழமான சிந்தனையை வெளிப்படுத்தியவர் காலஞ்சென்ற கனடிய பிரதமராக இருந்த Trudeau. இக்கட்டுரைக்கு இவ்வர்தம் பொதிந்த சிந்தனையை தேர்வு செய்ததிற்கான காரணம் அண்மைக் காலமாக சர்வதேச சமூகத்திலும் இலங்கை அரசியலிலும், தமிழ் சமூகத்திலும் போர்க் குற்றம் சூடு பிடித்துள்ளதால் யாரையும் புண்படுத்தாது இதில் உள்ள தர்க்க நியாயங்களையும் யதார்த்த நிலவரங்களையும் முன்வைபபதே இக்கட்டுரையின் நோக்கம்.

உயர்ந்த மனிதர்கள் உயர்ந்த சிந்தனையையே வெளிப்படுத்துவார்கள் என்பதில் பியர் ரூடோ மிகச் சிறந்த எடுத்துக்காட்டு. ஒரு மனிதருடைய கருத்தை பூரணமாக ஏற்றுக்கொள்ளாத போது அதற்காக அவரை கீழேபோட்டு அவமானப்படுத்த தேவையில்லை என்கிறார்.

கடந்த 30 வருட இருள்யுத்தத்துக்கும் முள்ளிவாய்க்கால் பேரவலத்திற்கும் மிக முக்கிய காரணங்களை தேடிச்செல்வதைவிடவும் பிறரை குறைகூறி விமர்சனம் செய்ய முன்பு நமது சமூகத்துக்குள்ளேயே அதற்கான காரணத்தை தேடுவதும் கற்றுக்கொள்வதுமே எதிர்காலத்தை செப்பனிடுவதற்காக பொருத்தமான அளவுகோலக இருக்கும்.

உண்மையாகவே நமது சமூகத்தினர் போர் குற்றத்திற்காக குரல் கொடுப்பதற்கு தகுதியுடையவர்களா? நாம் கடந்துவந்த வரலாற்றையும் அழிவுகளையும் ஒரு கணம் திரும்பி பார்க்கும்போது நமது சமூகத்தினர் சுயவிசாரணை அல்லது சுயவிமர்சனம் மேற்கொண்டார்களா?

குற்றச் செயல்களையும், கொலைகளையும் விடுதலை என்ற பேரால் துரையப்பாவிலிருந்து முள்ளிவாய்க்கால் வரை ஊக்குவித்தது, உற்சாகமூட்டியது யார்? 70களில், 80களில் நம் சமூகத்திற்கு தலைமை தாங்கிய அரசியல் தலைi8மகள் தங்கள் கருத்துக்களை ஏற்றுக்கொள்ளாத மாற்றுக் கருத்துக்களை வெளிப்படுத்தியோர்க்கும், இந்தப் போராட்ட பாதை தமழ் சமூகத்தை அழிவில் கொண்டு செல்கிறது தவறாக வழிநடத்துகிறது என்று கருத்துக்கூறிய .டதுசாரிகளை தமிழ் மிதவாத தலைமைகள் நிராகரித்ததோடு இப்படியானவர்களுக்கு இயற்கை மரணம் இல்லை, செயற்கை மரணம்தான் என சூழுரைத்தார்கள்.

மேலும் தமிழ் ஈழப்போர் ஆரம்பித்த காலத்திலிருந்து முள்ளிவாய்க்கால் வரை ஏற்பட்ட கொலைகள் குற்றச் செயல்கள், அழிவுகளால் தமிழ் சமூகம் மட்டும் பாதிக்கப்படவில்லை. இலங்கையிலுள்ள அனைத்து சமூகங்களும் இந்தப் போரில் பெரியவிலை கொடுத்துள்ளது என்பதை அனைவரும் புரிந்துகொள்ளவேண்டும்.

குறிப்பாக இயக்க சகோதரப்படுகொலைகள் மாற்குக் கருத்துஉடையோர் கல்விமான்கள், சாதாரண தமிழ் மக்கள், ஸ்லாமிய சமூகம், சிங்கள சமூகம், வழிபாட்டுத்தலங்கள், ஸ்லாமிய சிங்கள இனச்சுத்திகரிப்பு என விரித்துக்கொண்டே போகலாம்.

இத்தகைய அனர்த்தங்கள் கடந்த மூன்று சதாப்பங்களாக இலங்கையில் நடந்துகொண்டிருக்கும்போது தமிழ் சமூகமோ, சர்வதேசமோ சர்வதேச போர்க்குற்ற நீதிமன்றமோ கண்டித்து குரல்கொடுக்காது மௌனம் காத்தது. அத்துடன் இலங்கை சுதந்திரத்துக்கு பின்னான வரலாற்றில் தென்பகுதியில் இரண்டு ஆயுதக்கிளர்ச்சி அரச இயந்திரத்தால் முறியடிக்கப்பட்டது. அதுவும் ஒரே மொழி, ஒரே இனம், ஒரே காலாசாரம். எப்போதெல்லாம் எந்த சர்வதேச அரசம், சர்வதேச நீதிமன்றமும் நிபுணர் குழு அமைப்பதற்கும், போர்க்குற்ற விசாரணை செய்வதற்கும் முன்வரவில்லை என்பது குறிப்பிடத்தக்கது.

ஐ.நா சi சர்வதேச மன்னிப்பு சபை, அரசு காராத நிறுவனங்கள், மனித உரிமை அமைப்புக்கள் மேற்கின் எடுப்பார் கைப்பிள்ளையாகவே செயற்படுகிறது என்பது வரலாற்றின் நிதர்சமனாக இருக்கிறது. உதாரணமாக இவ்வமைப்புக்கள் ஆசியாவில், ஆபிரிக்காவில் கவனம் செலுத்துவது போல் மேற்றில் கவனம் செலுத்துவதில்லை. ஏனென்றால் வல்லரசு நாடுகளால் குறிப்பாக அமெரிக்கா, பிரிட்டன் போன்ற நாடுகள் மத்திய கிழக்கிலும் ஆப்பாகானிஸ்தானிலும் புரியும் மனித உரிமை மீறல்களையும் துஸ்பிரயோகங்களையும் கண்டுகொள்வதில்லை.

ஆண்மைய சாட்சியாக ஈராக் யுத்தம், பலஸ்தீன - ஸ்ரேல் காசா விவகாரம், லிபியா, யெமன், ரூனுசியா, சவுதி அரேபியா, பாரேயின், எகிப்து போன்ற தேசங்களில் மேற்கின் நலன் சார்ந்த பொருளாதார நலன் அடிப்படையிலேயே அணுகுமுறைகள் நீதிக்கொள்கைகள் பக்க சார்பான நிலைகளை எடுப்பதை அவதானிக்கலாம்.

போர்க்குற்ற வரலாற்றில் பிளேயர், புஸ் விசாரிக்கப்பட வேண்டியவர்கள். சட்டத்தின் முன் நிறுத்தப்பட வேண்டியவர்கள். ஆனால் அது நடைபெறவில்லை. அடுத்ததாக பல வருடத்துக்கு முன்பு உகண்டா சர்வதிகாரி இடியமீன் செய்யாத குற்றமா? ஒரு இலட்சத்துக்கு மேற்பட்ட மக்கள் கொலை, கற்பழிப்பு, ஊழல் இவ்வளவையும் புரிந்துவிட்டு சவுதி அரேபியாவில் தஞ்சம் புகுந்து உல்லாச வாழ்க்கை வாழ்ந்து இயற்கை மரணம் அடைந்தார்.

இந்த அனுபவங்களில் இருந்து என்ன வெளிப்படுகிறது என்றால் நமது உலகில் எந்தவிடையத்திலும் நீதி, நியாயம் இல்லாது பக்க சார்பாகவே இயங்குகின்றன. தற்போது இருக்கும் உலக அமைப்பில் நீதி சமத்துவம் போர்க்குற்றம் போன்ற விடையங்களில் முன்னுதாரணமாக ஒரு தேசத்தை role model ஆக கூறுவதற்கு எந்த அதாரமும் இல்லை. அனைத்து தேசங்களும் ஏதோ ஒரு வகையில் இரத்தக்கறை படிந்ததாகவே இருக்கிறது.

பின்லேடனின் உருவாக்கமும் முடிவும் அமெரிக்காவே என்பது அனைவரும் அறிந்த வடையம். அவரது மரணத்தில்கூட சர்வதேச சட்டங்கள் மீறப்பட்டுள்ளதை அவதானிக்கலாம்.

பயங்கரவாதம், வன்முறை, தீவிரவாதம் உண்டாவதற்கான காரணம் மேலாண்மை, கலாசார வேறுபாடு, வறுமை, சுரண்டல், ஊழல், மதசகிப்பின்மை, சமத்துவமின்மை போன்ற காரணியே என்பதை சமகால யதார்த்தம் உணர்த்துகிறது.

ரஸ்யா எதிர்கொள்கிற செச்சினிய அடிப்படைவாதம் இவ்வாறு குமுறுகிறது, Blood will not be limited to our towes இப்படி கூறியது Chechen warlord website - The war is coming to your cities இதேபோன்றுதான் அல் - கைதா, சோமாலியா, பாகிஸ்தான் தேசங்களில் இருக்கும் அடிப்படைவாத மதஅமைப்புக்கள் மேற்குலகத்தை மிரட்டுகின்றன.

வரலாறுகள் எப்படி இருந்தபோதும் இலங்கை மீதான நிபுணர் குழுவின் போர்க்குற்றச்சாட்டிற்கு மூலகாரணத்தை ஆராயும்போது அதற்கான காரணத்தை தமிழ் தேசிய கூட்டமைப்பும், புலம்பெயர் புலி ஆதரவாளர்களும், தமிழ் ஊடகங்களுமே ஏற்றுக்கொள்ள வேண்டும். ஏனென்றால் முள்ளிவாய்கால் ஆபத்தை உணராது அனர்த்தங்களை எடைபோடாது பிரபாகரன் வெல்லப்படமுடியாதவர் என்றும் புலிகளே தமிழர், தமிழரே புலிகள் என்றும் கோசங்களை எழுப்பி ஈழத்துக்கான இறுதிப்போரை மகிந்த அரசு மீது திணித்திருந்தார்கள்.

சமாதான ஒப்பந்த காலகட்டத்தில்கூட அரசைவிட புலிகளே அதிக அத்துமீறல்களையும், கொலைகளையும் இலங்கை முழுவதிலும் கட்டவித்துவிட்டிருந்தார்கள்.

நம்மவர்கள் எப்படி அரசுக்கெதிராக புரட்சி செய்வது என்பதை எகிப்திய, ரூனுசிய மக்களிடம் கற்றுக்கொள்ள வேண்டும். எகிப்திய 24 வயது படித்த இளைஞன் முஐபார் உNனிக்கு எதிரான ஆர்ப்பட்டத்தில் வன்முறையற்ற புரட்சியில் கலந்துகொண்டு இவ்வாறு கூறுகிறான், I only eat dry bread. I cannot afford meat. Hosni eats lobster and caviar every day. I want him to leave. I went his family to leave. I went them all to go. I am sick and tired of those cowards.இப்படியாக அரசு ஏவிவிட்ட வன்முறையையும் மீறி 19 நாட்களில் மக்கள் புரட்சியில் வெற்றி பெற்று மத்திய கிழக்கு வரலாற்றில் புதிய சரித்திரம் படைத்தார்கள்.

நம் சமூகத்துக்கு கிடைத்த தலைவர்களோ இளையதலைமுறையினரை உசுப்பிவிட்டு முள்ளிவாக்கால்வரை அழிவையம் ஏற்படுத்திவிட்டு அரசுடன் தமது நல்களை மட்டும் பேணுவதுடன் குறியாக இருந்துடன் போர்க்குற்ற ரிப்போட்டையும் வரவேற்பதாக கூறுகிறார்கள்.

அப்படியெனில் அதில் கூறப்பட்டுள்ள புலம்பெயர் தேசங்களில் முடக்கப்பட்ட நிதியைப் பற்றி ஏன் ஒன்றும் கதைக்கவில்லை? நமது மக்களுக்கும் ஒரு சரியான மாற்றீடு இல்லாததினால் சம்பந்தன் தலைமையிலான த.தே.கூட்டமைப்புக்கு வாக்களித்துக்கொண்டிருக்கிறார்கள்.

இறுதியாக நிபுணர் குழுவின் போர்க்குற்ற அறிக்கைக்கு இலங்கை தரப்பில் ராஜதந்திர ரீதியாக எதிர்களெர்வதற்கு லக்ஸ்மன் கதிர்காமல் இல்லாதது ஒரு பெரிய குறையாகவே இருக்கிறது. அத்துடன் யுத்தத்தில் மனித நேயம் என்பது இல்லை. யுத்தம் என்றாலே சர்வநாசம் தான். அதுவும் மானிட இழப்பின்றி ஒருவர் மரணமின்றி யுத்தம் புரிவது எப்படி?

இலங்கையில் புலிப் பயங்கரவாதத்தை அழித்து இரண்டு வருடமாகும் இவ்வேளையில் இலங்கை அரசு இந்த மாத இறுதியில் பயங்கரவாதத்தை எப்படி அழித்திரு;கிறது எனும் அமர்வு மூலம் உலகுக்கு தெளிபடுத்தும் அதேவேளையில் இன்னொரு அரங்கில் உலகிலும் இலங்கையிலும் எதிர்காலத்தில் எப்படி பயங்கரவாதம் உருவாகாமல் மக்களை பாதுகாப்பது, நல்லாட்சி செய்வது, நல்லிணக்கத்தை பேணுவுது போன்ற விடையங்களை சமன் செய்ய முன்வந்தால் அதுவே வரலாற்றின் முன்னுதாரணமாக இருக்கும்.

கேதீஸ்வரன் லோகநாதனை கொன்ற சந்தேக நபர் யுத்தத்தில் பலி

அரசாங்க சமாதான செயலகத்தின் பிரதித் தலைவர் கேதீஸ்வரன் லோகநாதனின் கொலையுடன் சம்பந்தப்பட்ட சந்தேக நபர் மூதூரில் யுத்தத்தின்போது கொல்லப்பட்டதாக கல்கிஸை நீதவான் நீதிமன்றில் பயங்கரவாத புலனாய்வுப் பணியகத்தினால் (ரி.ஐ.டி.) இன்று தெரிவிக்கப்பட்டது. கேதீஸ்வரன் லோகநாதன் 12.08.2006 ஆம் திகதி தெஹிவளையிலுள்ள அவரின் வீட்டில் வைத்து சுடப்பட்டார். எல்.ரி.ரி.ஈ. பிஸ்டல் குழுவைச் சேர்ந்த மோகனதாஸ் திவாகரன் எனும்மேற்படி சந்தேக நபர் மூதூரில் ஆயுதப் படைகளால் கொல்லப்பட்டதாக பயங்கரவாத புலனாய்வுப் பணியகம் கல்கிஸை பிரதான நீதவான் திருமதி நிரோஷா பெர்னாண்டோ முன்னிலையில் சமர்ப்பித்த மனுவொன்றில் குறிப்பிடப்பட்டுள்ளது. சந்தேக நபரை கைதுசெய்வதற்கு மேற்கொண்ட விசாரணையின்போதே இது தெரிய வந்ததாக பயங்கரவாத புலனாய்வுப் பணியகம் தனது அறிக்கையில் குறிப்பிட்டுள்ளது.

முழுக்க, முழுக்க காரணம் காங்கிரஸின் பேர அரசியல்தான்.

தமிழக தேர்தல் களத்தில் மிக வலிமையான கூட்டணி என வர்ணிக்கப்பட்ட தி.மு.க. கூட்டணிக்கு ஆரோக்கிய மான வெற்றியை மக்கள் தரவில்லை. இது எதனால் ஏற்பட்டது என தி.மு.க. கூட்டணியில் 10 இடங்களைப் பெற்று போட்டியிட்ட விடுதலை சிறுத்தைகள் கட்சியின் தலைவர் தொல்.திருமாவளவனிடம் சில கேள்விகளை முன்வைத்தோம்.

தி.மு.க. கூட்டணிக்கு மிகப்பெரிய தோல்வியை தந்துள்ளார்கள் தமிழக மக்கள். இந்த தேர்தல் முடிவு எதனால் ஏற்பட்டது என கருதுகிறீர்கள்?

திருமா: தமிழகத்தில் கூட்டணி ஆட்சி அமைவதை மக்கள் விரும்பாமல்தான் இப்படி ஒரு முடிவை தந்துள்ளதாக நான் கருதுகிறேன். தி.மு.க. கூட்டணியில் தொகுதிப் பங்கீடு என்பது, ஒரு கூட்டணி அரசு அமைவதற்கான அடிப்படையிலேயே அமைந்தது. அதாவது கூட்டணிக்கு தலைமைத் தாங்கிய தி.மு.க., தனிப்பெரும்பான்மையுடன் ஆட்சி அமைக்கத் தேவை யான 119 இடங்களில் மட்டுமே போட்டியிட்டது. மிகக் குறைந்த எண்ணிக்கையில் தி.மு.க. போட்டியிட்டால் தான், கூட்டணி ஆட்சி அமையும் என கணக்கிட்டே தனது பேர அரசியலையும் மிரட்டல் அரசியலையும் தொகுதிப் பங்கீட்டில் நடத்தி அதற்கேற்ப 63 இடங்களை தனது தகுதிக்கும் மீறிப் பெற்றது காங்கிரஸ். இது, அரசியல் ஆர்வலர் கள் மத்தியில் மட்டுமல்லாது, பொது மக்க ளிடையேயும் தி.மு.க. கூட் டணி மீதான அவநம்பிக் கையை ஏற் படுத்தியது. தி.மு.க. கூட் டணி வெற்றிப் பெற்றால் தமி ழகத்தில் ஒரு குழப்பமான நிலை உருவாகும். இது நாட்டுக்கு நல்ல தல்ல என்று உணர்ந்து தான் இந்த மாறுபட்ட முடிவை மக்கள் வழங்கி விட்டனர். இதற்கு முழுக்க, முழுக்க காரணம் காங்கிரஸின் பேர அரசியல்தான்.

ஏற்கனவே 2006 தேர்தலின் போது, பெரும்பான்மை இடங்கள் கிடைக்கப் பெறாத நிலையில் காங்கிரஸின் தயவில் தான் தி.மு.க. ஆட்சி நடத்த வேண் டியதிருந்தது. அதனைப் பயன்படுத்தி நேரடியாகவும் மறைமுகமாகவும் தி.மு.க.வுக்கு எண்ணற்ற நெருக்கடி களை தந்தது காங்கிரஸ். காங்கிரஸின் இந்த நெருக்கடிகள் மக்களிடம் ஒரு அருவருப்பான மன நிலையையே உருவாக்கியது. இந்த சூழலில் மீண்டும் அப்படி ஒரு முடிவை வழங்கிடக் கூடாது என்பதில் மக்கள் தெளிவாக இருந் திருக்கிறார்கள் என்றே நான் உணர்கிறேன். ஆக, ஒரு புறம் ஊழல் புகார் களைக் கூறிக் கொண்டே, மறுபுறம் தங்களுக் கான பேர அரசியலை காங்கிரஸ் நடத்தியதை மக்கள் ரசிக்கவில்லை. தேர்தல் நேரத்தில் காங்கிரஸ் செய்தது வெளிப்படையான பிளாக் மெயில் அரசியல். பிளாக் மெயில் அரசியல் மூலம், தமிழகத்தில் கூட்டணி ஆட்சி யை நிலைநிறுத்தி தமிழகத்தை கைப்பற்றிடலாமென கனவு கண்ட காங்கிரஸுக்கு சம்மட்டி அடி கொடுத்து பாடம் புகட்டியுள்ளனர் மக்கள். காங்கிரஸின் கனவை தகர்க்க வேண்டி... ஒட்டுமொத்தமாக தி.மு.க. கூட்டணியை ஆதரிக்க தவறிவிட்டனர் மக்கள். ஆக, காங்கிரஸால் ஏற்பட்ட தோல்வி இது.

குடும்ப அரசியல், அலைக்கற்றை ஊழல், மின் வெட்டு, விலைவாசி உள்ளிட்ட பல பிரச்சினைகள்தான் இந்த தோல்விக்கு காரணம் என்கிறார்களே?

திருமா: இந்த வாதம் அவ்வளவு பொருத்த மானதாக இல்லை. கலைஞரின் குடும்ப உறுப்பினர்கள் இன்று நேற்று அரசியலுக்கு வந்தவர்கள் அல்ல. கலைஞரின் குடும்பமே அர்ப்பணிப்புடன் அரசிய லுக்கு வந்துள்ளது. உழைக்காமலும், போராடாமலும் அரசியல் பலனை அவர்கள் அடைந்து விடவில்லை. இது மக்களுக்கு நன்றாகவே தெரியும். அதனால் குடும்ப அரசியல் என்பது காரணமாக இருக்க முடியாது. அப்படி கூறுவது சொத்தை வாதம். குடும்ப அரசியலால் ஒரு கட்சியை மக்கள் வெறுப்பார்கள் என்றால் நேரு குடும்பத்தைத்தான் முதலில் மக்கள் வெறுத்திருக்க வேண்டும். ஆனால், 60 வருடங்களாக நேரு குடும்பத்தை, அவர்களது குடும்ப அரசியலை மக்கள் ஏற்றுக் கொண்டிருக்கிறார்களே...! வெறுக்க வில்லையே! அரசியலில் தொடர்ந்து அந்த குடும்பத் திற்குதான் மக்கள் வெற்றியை தந்து கொண்டுமிருக் கிறார்கள். அதனால், குடும்ப அரசியலை எல்லாம் தங்களின் முடிவுகளுக்கு ஒரு அளவுகோலாக மக்கள் வைப்பதில்லை. இன்னும் சொல்லப் போனால், 2006 தேர்தலிலும் குடும்ப அரசியலை பற்றித்தான் செல்வி ஜெயலலிதா பேசினார். ஆனால், தி.மு.க.விற்குத்தானே வெற்றியை தந்தனர் மக்கள். அதேபோலத்தான், எல்லா தேர்தல்களிலும் ஊழல் குற்றச்சாட்டு, விலைவாசி, மின்வெட்டு எதிரொலிக்கத்தான் செய்திருக்கிறது. எந்த தேர்தலில் இந்த பிரச்சினைகளெல்லாம் இல்லாமல் இருந்திருக்கின்றன. ஊழல் குற்றச்சாட்டுதான் தி.மு.க. கூட்டணியின் வெற்றியை பாதித்தது என்றால்... செல்வி ஜெயலலிதா மீதும் இன்றும் ஊழல் வழக்கு நடந்து வருகிறது. ஆக, மேற்சொன்ன பிரச்சினைகள் எல்லாம் தோல்விக்கு காரணங்கள் அல்ல. காங்கிரஸின் பிளாக்மெயில் அரசியல், புதிய தலைமுறையினரிடம் மிகுந்துள்ள சினிமா மோகம், சாய்ந்தால் ஒரே பக்கம் சாய வேண்டும் என்கிற மக்களின் மனநிலை... ஆகியவையே தி.மு.க. கூட்டணியின் தோல்வி.

அப்படியானால் காங்கிரஸை உதறி எறிந்திருந்தால் இந்த தோல்வி தவிர்க்கப்பட்டிருக்கலாம் என்கிறீர்களா?

திருமா: உண்மைதான்! காங்கிரஸை தூக்கி எறிந்து விட்டு... அ.தி.மு.க.வைப் போல 160, 170 இடங்களில் தி.மு.க. போட்டியிட்டிருந்தால், அதன் மீது மிகுந்த நம்பிக்கை மக்களுக்கு ஏற் பட்டிருக்கும். அப்போது கலைஞர் செய்துள்ள மக்கள் நலத்திட்டங்களே தி.மு.க.வை ஆட்சியில் மீண்டும் அமர்த்தியிருக்கும். காங்கிரஸின் பேரத்தால் உருவான கூட்டணி ஆட்சி என்கிற தோற்றத்தால் மக்கள் நலத்திட்டங்கள் பின்னுக்கு தள்ளப்பட்டு விட்டன. அதனால், காங்கிரஸால் ஏற்பட்டுள்ள விளைவுகளால் தானே தவிர... செல்வி ஜெயலலிதாவை காமராஜரின் வாரிசு என்று நம்பி அ.தி.மு.க.வுக்கு மக்கள் வாக்களிக்கவில்லை.

காங்கிரஸின் மிரட்டல், உருட்டல் அரசியலால் விளைந்த தோல்வி என்கிறீர்கள். சரி! ஆனால், அரித்மேடிக் கால்குலேஷன்படி பார்த்தால் தி.மு.க. கூட்டணி தானே வலிமையாக இருந்தது. அந்த வலிமை எங்கே சென்றது?

திருமா: காங்கிரஸ் நடத்திய மிரட்டல் அரசியலால், தி.மு.க., காங்கிரஸ் கட்சிகளின் தொண்டர்களிடையே நம்பகத்தன்மை சீர் குலைந்து போனது. பரஸ்பரம் கூட்டணி கட்சிகள் அனைத்தும் வெற்றிபெற யாரும் தீவிரமாக களப்பணியாற்றவில்லை. இதனை தேர்தல் நேரத்தில் உணர்ந்தோம். ஆனாலும் அதனை சரிசெய்ய முடியவில்லை. இப்படி நம்பகத்தன்மை சீர்குலைந்து போனதால், அரித்மேடிக் கால்குலேஷன் தவறிப் போனது.

பா.ம.க.வும் விடுதலை சிறுத்தைகளும் ஓரணியில் இருப்பதை மக்கள் விரும்பாததால்தான், இரு சமூகத்தின் வாக்குகளும் மாற்று சமூகத்தின் வாக்குகளும் சிதறிப் போய் தி.மு.க. கூட்டணியின் தோல்விக்கு காரணமாக அமைந்தன என்கிறார்களே?

திருமா: இது ஏற்புடையதல்ல. இதுதான் உண்மையென்றால் தென்மாவட்டங்களில் தி.மு.க. கூட்டணி வெற்றி பெற்றிருக்க வேண்டுமே! ஆக, இது காரணமல்ல! மேலும் பா.ம.க.வும், வி.சி.யும் ஓரணியில் இருந்ததால்தான் வடமாவட்டங்களில் தி.மு.க. கூட்டணி இந்தளவுக்காவது வெற்றிபெற முடிந்தது.

தி.மு.க., காங்கிரஸ் கூட்டணி இனியும் தொடரும் என கருதுகிறீர்களா?

திருமா: இனியும் தொடர வேண்டுமா என்பதே என் கேள்வி. இதனை தி.மு.க.தான் முடிவு செய்ய வேண்டும்.

பத்து இடங்களில் சிறுத்தைகள் போட்டி யிட்டு அனைத்திலும் தோல்வியடைந்திருப்பதை எப்படி எடுத்துக் கொள்கிறீர்கள்?

திருமா: அரசியல் அதிகாரமில்லாமலே மக்களுக்கு உழையுங்கள், போராடுங்கள் என்று எங்களுக்கு மக்கள் ஆணையிட்டிருப்பதாகவே கருதுகிறேன்.

ரூ 50 லட்சம் வைர நகை - பிரபல நடிகை விமான நிலையத்தில் கைது

மும்பை - கணக்கில் வராத ரூ 50 லட்சம் பெறுமானமுள்ள நகைகளுடன் மும்பை விமான நிலையத்தில் வந்திறங்கிய பிரபல பாலிவுட் நடிகை மினிஷா லம்பாவை சுங்கத்துறை அதிகாரிகள் இன்று கைது செய்தனர்.

பிரான்ஸின் கேன்ஸ் நகரில் நடந்த சர்வதேச பட விழாவில் பங்கேற்றுவிட்டு திரும்பியிருந்தார் மினிஷா லம்பா.

அப்போது அவரை சோதனை செய்ததில் கணக்கில் காட்டாத ரூ 50 லட்சம் மதிப்புள்ள வைர நகைகளை வைத்திருந்தது கண்டுபிடிக்கப்பட்டது.

இந்த நகைகளுக்கு மினிஷா அளித்த விளக்கம் ஏற்கக் கூடியதாக இல்லாததால் அந்த நகைகளை பறிமுதல் செய்தனர் சுங்கத் துறை அதிகாரிகள். அவரை விசாரிப்பதற்காக கைது செய்துள்ளனர் அதிகாரிகள்.

இதுகுறித்து மினிஷா தரப்பில் எந்த ரியாக்ஷனும் இல்லை.

[ கருத்தை எழுதுங்கள் ] [ நண்பருக்கு அனுப்ப ]

Topics: கேன்ஸ், மினிஷா லம்பா, பாலிவுட், minissha lamba, bollywood

English summary

Bollywood actress Minissha Lamba has been detained at Mumbai airport by customs officials on Wednesday. Minissha Lamba was carrying undeclared diamond jewellery worth over Rs 50 lakh. The Bollywood beauty was returning from Paris after attending Cannes Film Festival.

வடிவேலுவுக்கு 5 ஆண்டுகள் அறிவிக்கப்படாத தடை?

சில ஆண்டுகளுக்கு முன்பு வரை வடிவேலுவுக்கு நிற்கக் கூட நேரமில்லை. கிட்டத்தட்ட இரு ஆண்டுகளுக்கு புதிய படங்களுக்கு கால்ஷீட் கொடுக்க முடியாத அளவு பிஸி.

ஆனால் இன்று, அவர் கைவசம் எந்தப் படமும் இல்லை. இனிவரும் நாட்களிலாவது இருக்குமா என்று பார்த்தால் அதுவும் சிரமம்தான். எல்லாம் இந்த தேர்தல் செய்த வேலை.

தேர்தல் பிரச்சாரத்தின்போது விஜயகாந்தை ஏகத்துக்கும் அவர் விமர்சித்ததுதான் இத்தனைக்கும் காரணம். சூப்பர் ஸ்டார் ரஜினியே தனது படத்திலிருந்து வடிவேலுவை நீக்கிவிட, இப்போது அடுத்து என்ன செய்வது என்பது புரியாமல் மதுரை வீட்டில் ஓய்வெடுத்து வருகிறார் வைகைப் புயல்.

இந்த நிலையில் சினிமா உலகில் பெரும் அதிர்ச்சி செய்தியை அவருக்கு தெரிவித்துள்ளனர். அடுத்து வரும் 5 ஆண்டுகளிலும் புதுப்படங்கள் எதிலும் வடிவேலு நடிகக்கூடாது என வாய்மொழி உத்தரவாக முக்கிய சினிமா சங்கங்களுக்கு போடப்பட்டுள்ளதால் வடிவேலுவை ஒப்பந்தம் செய்ய மறுத்து வருவதாகக் கூறப்படுகிறது.

முன்பு 2006-ல் நடந்த தேர்தல் பிரச்சாரத்தில், கருணாநிதியை தரக்குறைவாகப் பேசியதற்காக நடிகர் செந்திலையும் திரையுலகம் கடந்த 5 ஆண்டுகளில் கண்டுகொள்ளாமல் இருந்தது நினைவிருக்கலாம்.

[ அனைத்து கருத்துக்களையும் படிக்க ] [ கருத்தை எழுதுங்கள் ] [ நண்பருக்கு அனுப்ப ]

Topics: vadivelu, tn assembly polls 2011, ban, அறிவிக்கப்படாத தடை, வடிவேலு

English summary

The film Industry has almost alienating comedy king Vadivelu because of his nasty comments on actor turned politician Vijayakanth in the Tamil Nadu election 2011.

புதன், 18 மே, 2011

நடிகை ரஞ்சிதாவுக்கு ரூ.20 கோடி: நித்யானந்தா பரபரப்பு பேட்டி

திருவண்ணாமலை: "" எனக்கு எதிராக பொய் வாக்குமூலம் அளிக்க, நடிகை ரஞ்சிதாவுக்கு, 20 கோடி ரூபாய் மற்றும் எம்.எல்.ஏ., சீட் தருவதாக பேரம் பேசப்பட்டது. இதற்கு நடிகை ரஞ்சிதா மறுப்பு தெரிவித்துள்ளார். இது குறித்து கோர்ட்டில் தெரிவித்து, என் மீது போடப்பட்டுள்ள வழக்கு பொய் வழக்கு என நிரூபிப்பேன்,'' என, சாமியார் நித்யானந்தா கூறினார்.

திருவண்ணாமலையில், கிரிவலப் பாதையில் உள்ள நித்யானந்தா பீடத்தில் நிருபர்களிடம் அவர் கூறியதாவது: எந்த வேலையையும் துவங்கும் முன், திருவண்ணாமலைக்கு வந்து அருணாச்சலேஸ்வரரை தரிசித்து விட்டுச் செல்வது என் வழக்கம். இந்தியாவில் நாத்திகம் உள்ள தமிழகத்தில் தான், குடிப்பழக்கத்துக்கு அடிமையானோர் எண்ணிக்கை அதிகம் என கணக்கிடப்பட்டுள்ளது. என் மீது ஆபாச புகார் கூறப்பட்டது. என்னைப் பற்றி அவதூறாக வெளியிட்ட, "சிடி' போலியானது என, கோர்ட்டில் நிரூபிக்க உள்ளேன். இதை வைத்து மிரட்டி, என் பக்தர்களிடம் பணம் பறித்தவர்களையும் கோர்ட்டில் நிரூபிப்பேன், என் மீது பொய் வழக்கு போட்டவர்கள், ரஞ்சிதாவிடம், 20 கோடி ரூபாயும், எம்.எல்.ஏ., சீட்டும் தருகிறேன், எனக்கு (நித்யானந்தா) எதிராக வாக்கு மூலம் கொடு என, கூறியுள்ளனர். அதற்கு ரஞ்சிதா மறுத்துள்ளார். இதையெல்லாம் கோர்ட்டில் தெரிவிப்பேன், என் ஒழுக்கத்தைப் பற்றி சட்ட ரீதியாக கோர்ட் கேட்க வேண்டும், இல்லையெனில் மத ரீதியாக, என் மதத்தைச் சேர்ந்த பெரியவர்கள் கேட்க வேண்டும்.

என் மீது போடப்பட்டுள்ள பொய் வழக்குகளை, கோர்ட் மூலம் பொய் என நிரூபித்து விட்டு, தமிழகம் முழுவதும் மக்களிடம் நியாயம் கேட்டு பாத யாத்திரை செல்வேன். சித்தர்களுடைய யோகக் கலையையும், மருத்துவக் கலையையும் உலகம் முழுவதும் எடுத்துச் செல்வதே எங்கள் பணி. சித்தர்களின் மூலிகையை பற்றியும் ஆராய்ச்சி செய்து வருகிறோம். இவ்வாறு நித்யானந்தா கூறினார்.

பின்குறிப்பு just for everyday fools : மூலிகை வயாக்ரா மற்றும் நித்ய போக வைட்டமின் போன்ற அரிய வகை ஆராய்ச்சிகளும் வழமை போல் நடைபெறுவதாக நித்திய ஆனந்தா தெரிவித்தார்.

காந்தியை போன்று தனது மனஉறுதியை சுய சோதனைக்கு உட்படுத்தவே தான் ரஞ்சிதாவோடு பழக நேரிட்டதாகவும் தெரிவித்தார்.

திமுக கொண்டு வந்த சமச்சீர் கல்வி புத்தகங்களை அழிக்க உத்தரவிட்டதாக தகவல்?

முந்தைய திமுக அரசு மாணவர்கள் நலன் கருதி கொண்டுவந்த சமச்சீர் கல்வி புத்தகங்களை அழிக்க அதிமுக அரசு உத்தரவிட்டுள்ளதாக பரபரப்பு தகவல்கள் வெளியாகி உள்ளன.

இதனால் புதிய புத்தகங்கள் கிடைக்க தாமதம் ஆகும் என்பதால் பொதுமக்கள் அதிருப்தி அடைந்துள்ளனர். அத்துடன் பலகோடி ரூபாய் அரசு பணம் வீணடிக்கப்படும் நிலையும் ஏற்பட்டுள்ளது.

திமுக அரசு கடந்த ஆண்டு 1ம் வகுப்பு மற்றும் 6ம் வகுப்புக்கு சமச்சீர் கல்வியை அறிமுகப்படுத்தியது. இதனைத் தொடர்ந்து இந்த கல்வி ஆண்டில் 2ம் வகுப்பு முதல் 11ஆம் வகுப்பு வரை சமச்சீர் கல்வி அறிமுகப்படுத்தப்பட்டு புத்தகங்கள் விநியோகிக்கப்பட்டு வந்தது. இணையதளங்களிலும் புத்தகங்கள் வெளியாகி உள்ளன.
இந்நிலையில் திடீரென சில பகுதிகளில் சமச்சீர் கல்வி புத்தக விநியோகத்தை நிறுத்துமாறு அரசிடமிருந்து வாய்மொழி உத்தரவு வந்துள்ளதாக தகவல் வெளியாகி உள்ளது. தமிழ் மற்றும் சமூக அறிவியல் பாடங்களில் செம்மொழி மாநாடு மற்றும் முதல் அமைச்சராக இருந்த கலைஞரின் வாழ்க்கை வரலாறு ஆகியவை இருப்பதால், இதை நீக்குவதற்கு உத்தவிடப்பட்டுள்ளதாகவும் கூறப்படுகிறது.
ஏற்கனவே அச்சடிக்கப்பட்ட புத்தகங்களை அழிக்கவும் உத்தரவு வந்துள்ளதாகவும் தகவல்கள் தெரிவிக்கின்றன. இதனால் புதிய புத்தகங்கள் கிடைக்க தாமதம் ஆகும் என்பதால் பொதுமக்கள் அதிருப்தி அடைந்துள்ளனர்.
பல லட்ச ரூபாய் செலவழித்து தமிழக அரசு தயாரித்த புத்தகங்கள் அழிக்கப்படுவதால் அரசுப் பணம் வீணக்கப்படும் நிலை ஏற்பட்டுள்ளது என்பது குறிப்பிடத்தக்கது.

மாற்றக் கூடாது, தலைமைச் செயலக விவகாரம்: தமிழக அரசுக்கு நோட்டீஸ்

தலைமைச் செயலகம் மற்றும் சட்டமன்றத்தை மாற்றக் கூடாது என்று உத்தரவிடக்கோரி தொடரப்பட்ட வழக்கை விசாரித்த சென்னை உயர்நீதிமன்றம் வரும் 16ஆம் தேதிக்குள் இதுதொடர்பாக பதில் அளிக்க தமிழக அரசுக்கு நோட்டீஸ் அனுப்ப உத்தரவிட்டுள்ளது.
திமுக அரசால் அனைவரும் வியக்கும் வகையில் சென்னை ஓமந்தூரார் அரசினர் தோட்டத்தில் தலைமைச் செயலகம் மற்றும் சட்டமன்ற வளாகம் கட்டப்பட்டது. இதனை புனித ஜார்ஜ் கோட்டைக்கு மாற்ற பல்வேறு தரப்பினரும் எதிர்ப்பு தெரிவித்து வருகின்றனர்.
இந்நிலையில் தலைமைச் செயலகத்தை மாற்ற எதிர்ப்பு தெரிவித்து, வழக்கறிஞர் கிருஷ்ணமூர்த்தி என்பவர் தொடர்ந்த வழக்கு சென்னை உயர்நீதிமன்றத்தில், நீதிபதிகள் ராஜேஸ்வரன், வாசுகி ஆகியோர் முன்பு 18.05.2011 அன்று விசாரணைக்கு வந்தது.
அப்போது மனுதாரரான வழக்கறிஞர் கிருஷ்ணமூர்த்தி, அதிக பொருட்செலவில் கட்டப்பட்ட தலைமைச் செயலகத்தை மாற்றக்கூடாது என்று வாதிட்டார்.
இதுதொடர்பாக அரசு ஏதேனும் உத்தரவு பிறப்பித்துள்ளதா என்று நீதிபத்கள் கேள்வி எழுப்பினர்.
அதுகுறித்து தகவல் எதுவும் இல்லை என்றும், பத்திரிகை மற்றும் ஊடகங்களில் அவ்வாறு செய்திகள் வருவதாகவும் மனுதாரர் வழக்கறிஞர் கிருஷ்ணமூர்த்தி தெரிவித்தார்.
அமைச்சரவை கூட்டத்திற்கு பின்னர்தான் இதுகுறித்து முடிவு எடுக்கப்படும் என்று முதல் அமைச்சர் தெரிவித்துள்ளாரே என்று நீதிபதிகள் கேள்வி எழுப்பினர்.
இந்த வழக்கில் அதிமுக பொதுச்செயலாளர் ஜெயலலிதா மூன்றாவது பிரதிவாதியாக சேர்க்கப்பட்டுள்ள நிலையில், யாருடைய உத்தரவின்பேரில் இந்த மாற்றம் நடைபெற்று வருகிறது என்பது தெரிய வேண்டும் என்று மனுதாரர் வலியுறுத்தினார்.
இந்த மனுவில் அதிமுக பொதுச்செயலாளர் ஜெயலலிதா பெயரை நீக்க வேண்டும் என்று அவருடைய வழக்கறிஞர் நவநீதகிருஷ்ணன் கூறினார்.
இருதரப்பு வாதத்தையும் கேட்ட நீதிபதிகள், இதுதொடர்பாக வரும் ஜூன் 16ஆம் தேதிக்குள் பதில் அளிக்குமாறு தமிழக அரசின் தலைமைச் செயலாளர், பொதுப்பணித்துறைச் செயலாளர் ஆகியோருக்கு நோட்டீஸ் அனுப்ப உத்தரவிட்டனர். அதிமுக பொதுச்செயலாளர் என்ற முறையில் ஜெயலலிதாவுக்கும் நோட்டீஸ் அனுப்ப உத்தரவிடப்பட்டுள்ளது.
இதனிடையே அரசு தலைமைச் செயலகம் மற்றும் சட்டமன்ற வளாகம் மாற்றம் தொடர்பாக உத்தரவு பிறப்பித்தால், மனுதாரர் உடனடியாக உயர்நீதிமன்றத்தை அனுகலாம் என்றும் நீதிபதிகள் தெரிவித்துள்ளனர்

திமுகவை கழற்றிவிட இளைஞர் காங்கிரஸ் கோரிக்கை,உள்ளாட்சி தேர்தலில் தனித்து போட்டி

தமிழகத்தில் நடைபெறவுள்ள உள்ளாட்சி தேர்தலில் காங்கிரஸ் கட்சி தனித்து போட்டியிட வேண்டும் என்று தமிழக இளைஞர் காங்கிரஸ் தலைவர் யுவராஜா கூறியுள்ளார். இதன்மூலம் திமுகவுடனான கூட்டணிக்கு முற்றுப்புள்ளி வைக்க காங்கிரஸ் தரப்பில் வேலை ஆரம்பித்துவிட்டதாகத் தெரிகிறது.

அகில இந்திய இளைஞர் காங்கிரஸ் தலைவர் ராகுல் காந்தியின் முழு ஆசி பெற்றவரான யுவராஜா, கடந்த 2 ஆண்டுகளாக திமுகவை கடுமையாக விமர்சித்து வந்தார். கூட்டணியில் இருந்து கொண்டே திமுகவை காங்கிரஸ் விமர்சித்து வந்தது.

சட்டமன்றத் தேர்தலின்போது ராகுல் காந்தி மூலம் காங்கிரசுக்கு 63 சீட்டுகள் வேண்டும் என அடம் பிடித்து வாங்கியதிலும் இளைஞர் காங்கிரசுக்கு பெரும் பங்குண்டு.

இந் நிலையில் திமுக-காங்கிரஸ் கூட்டணி படுதோல்வி அடைந்துள்ள நிலையில், திமுகவை கூட்டணியிலிருந்து கழற்றிவிட காங்கிரஸ் மும்முரம் காட்டத் தொடங்கியுள்ளது.

அடுத்த மாதம் முதல்வர் ஜெயலலிதாவை டீ பார்ட்டிக்கு அழைத்துள்ளார் காங்கிரஸ் தலைவர் சோனியா காந்தி. அதைத் தொடர்ந்து அல்லது அதற்கு முன்பே திமுகவுடனான கூட்டணிக்கு காங்கிரஸ் முடிவு கட்டும் என்று தெரிகிறது.

அதற்கான வேலைகளும் ஆரம்பித்துவிட்டதன் அடையாளமாகவே யுவராஜாவின் பேச்சு அமைந்துள்ளது. இன்று நிருபர்களிடம் பேசிய அவர்,

தமிழகத்தில் நடைபெறவுள்ள உள்ளாட்சி தேர்தலில் காங்கிரஸ் கட்சி தனித்து போட்டியிட வேண்டும் என்பதே தமிழக இளைஞர் காங்கிரசின் விருப்பம். எங்களுடைய விருப்பத்தை அகில இந்திய காங்கிரஸ் கமிட்டியிடம் தெரிவிப்போம். இருந்தாலும் இறுதி முடிவெடுப்பது அகில இந்திய காங்கிரஸ் கமிட்டிதான்.

தமிழக சட்டசபை கூட்டம் புதிதாக கட்டப்பட்ட சட்டமன்றத்தில் நடத்த வேண்டும் என்பதே எங்களுடைய விருப்பம். ஏன் என்றால் புதிய சட்டசபை கட்டிடம் மக்களின் வரிப் பணத்தில்தான் கட்டப்பட்டுள்ளது. ஆகையால் அங்கிருந்து சட்டசபை மாற்றம் செய்யக்கூடாது என்றார்.

Topics: யுவராஜா, ராகுல் சோனியா, ஜெயலலிதா, rahul, sonia, karunanidhi

English summary

Tamil Nadu youth congress wing leader Yuvaraja has hinted that, congress may go alone in local body elections by avoiding alliance with DMK

திமுக ஆட்சி ரூ.1.3 கோடி உர ஊழல்: 7 அதிகாரிகள் அதிரடி கைது

கரூர்: அரசிடமிருந்து மானிய விலையில் உரங்களைப் பெற்று அதை தனியார் நிறுவனங்களுக்கு விற்று பல கோடி மோசடி செய்த திருச்சி, கரூர் மாவட்ட விவசாயத்துறை அதிகாரிகள், காகிதபுரம் காகித தொழிற்சாலை அதிகாரிகள் 7 பேர் கைது செய்யப்பட்டுள்ளனர்.

இவர்களை கரூர் மாவட்ட வணிகவியல் குற்றப் புலனாய்வுத் துறை போலீஸார் கைது செய்தனர்.

கரூர் காகித ஆலையை மையமாக வைத்து நடந்த இந்த ஊழல் குறித்து புகார் எழுந்தபோது, எதிர்க் கட்சித் தலைவராக இருந்த ஜெயலலிதா, இது தொடர்பாக விரிவான விசாரணை நடத்த வேண்டும் என்று கோரியிருந்தார்.

இந் நிலையில் ஆட்சி மாற்றம் ஏற்பட்ட நிலையில் நேற்று முன்தினம் வேளாண்மைப் பொறியியல் சேவை கூட்டுறவு மையத்தின் துணைப் பதிவாளர் பாக்கியநாதன், வணிகவியல் குற்றப் புலனாய்வுத் துறையில் புகார் அளித்தார். அதில்,

திருச்சியிலுள்ள தமிழ்நாடு கூட்டுறவு சந்தையியல் கூட்டமைப்பு (டான்பெட்) நிறுவனத்திடமிருந்து தாந்தோன்றிமலை வேளாண்மைப் பொறியியல் சேவை கூட்டுறவு மையத்தின் தனி அலுவலர் செல்லமுத்து உரங்களை விவசாயப் பணிகளுக்கு வழங்குவதற்காக மானிய விலையில் பெற்று, அவற்றை அரசு மற்றும் தனியார் நிறுவனங்களுக்கு அதிக விலைக்கு விற்பனை செய்துள்ளார்.

2008ம் ஆண்டு முதல் 2010ம் ஆண்டு வரையிலான காலகட்டத்தில் நடைபெற்ற இந்த மோசடியால் அரசுக்கு ரூ.1.33 கோடி இழப்பு ஏற்பட்டுள்ளது. எனவே, இந்த மோசடியில் தொடர்புடையவர்கள் மீது நடவடிக்கை எடுக்க வேண்டும் என்று கோரி்யிருந்தார்.

இது குறித்து வணிகவியல் குற்றப் புலனாய்வுத் துறை தனிப் படை அமைத்து தாந்தோன்றிமலை அக்ரோ சர்வீஸ் முன்னாள் தனி அலுவலர் செல்லமுத்து (48),திருச்சி டான்பெட் துணை மேலாளர் பரமசிவம் (57), திருச்சி வேளாண்மைத் துறை உதவி இயக்குநராக இருந்த மீனாட்சிசுந்தரம் (53), கரூர் காகிதபுரத்திலுள்ள தமிழ்நாடு செய்தித்தாள், காகித நிறுவனத்தின் பொது மேலாளர் ராஜகோபாலன் (53), உதவிப் பொது மேலாளர் கல்யாணசுந்தரம் (56) ஆகியோர் உள்பட 7 பேரை கைது செய்தனர்.

திமுக ஆட்சி காலத்தில் நடந்த ஊழல்களைத் தோண்டியெடுக்கும் வேலைகளில் முதல் பணியாக இந்தக் கைதுகள் நடந்திருப்பதாகத் தெரிகிறது.

டோல்கேட் கட்டண முறைகேடு-ராமேஸ்வரம் திமுக பிரமுகர் சரண்:

இந் நிலையில் ராமேஸ்வரம் பஸ் நிலையம் அருகே உள்ள டோல்கேட்டில் போலி ரசீது மூலம் சுற்றுலா வாகனங்களுக்கு கட்டணம் வசூலித்ததாக புகார் வந்தது. இதையடுத்து ராமநாதபுரம் மாவட்ட போலீசார் நகரசபை ஊழியர் பூமிநாதன் (30), தினக்கூலி ஊழியர் முனியசாமி (40) ஆகியோரை கைது செய்தனர்.

மேலும் இதுதொடர்பாக ராமேசுவரம் நகரசபை தலைவர் ஜலீல் (தி.மு.க.), அவரது உறவினர் பகுருதீன் ஆகியோரை தேடி வந்தனர். இத்தனை நாட்களாக போலீசாருக்கு தண்ண் காட்டி வந்த அவர்கள், ஆட்சி மாற்றம் ஏற்பட்டுள்ள நிலையில் ராமநாதபுரம் மாவட்ட செசன்ஸ் கோர்ட்டில் ஆஜராயினர்.

வழக்கை விசாரித்த நீதிபதி குமரேசன் அவர்களுக்கு ஜாமீன் வழங்கி உத்தரவிட்டார்.

Topics: அதிகாரிகள் கைது, உர ஊழல் மோசடி, திருச்சி, fertilizer scam, dmk, trichy

English summary

Sleuths from the Economic Offences Wing (of the police on arrested five high ranking officials in connection with the Rs. 1.34 crore fertilizer scam that rocked the Tamil Nadu Newsprint and Papers Limited (TNPL) at Kagithapuram near here and the governmental agency TANFED two years back.

மதுரையில் மு.க.அழகிரி திருமண மண்டபம்-ஆதரவாளர் வீடு மீது தாக்குதல்

மதுரை: தமிழகத்தில் ஆட்சி மாற்றத்தைத் தொடர்ந்து மதுரையில் மத்திய அமைச்சர் மு.க.அழகிரிக்கு சொந்தமான தயா திருமண மண்டபம் மீது கல்வீச்சு தாக்குதல் நடந்தது. அதே போல அவரது தீவிர ஆதரவாளரான பொட்டு சுரேஷ் வீடும் தாக்கப்பட்டது.

நேற்று நள்ளிரவில் இந்த மண்டபத்தை சூழ்ந்த சிலர் கல்வீசித் தாக்க ஆரம்பித்தனர். அவர்களை காவலாளிகள் துரத்தியபோது, தாங்கள் அதிமுகவைச் சேர்ந்தவர்கள் என்றும், இனிமேல் உங்களை சும்மா விடமாட்டோம் என்றும் மிரட்டிவிட்டுச் சென்றுள்ளனர்.

இந்த தாக்குதல் தொடர்பாக காவல் நிலையத்தில் புகார் கொடுக்கப்பட்டுள்ளது.

பொட்டு சுரேஷ் வீடு மீது தாக்குதல்:

இந் நிலையில் அழகிரிக்கு மிக நெருக்கமானவருமான சுரேஷ் பாபு என்கிற பொட்டு சுரேஷ் வீடு மீதும் நேற்று நள்ளிரவில் மர்ம நபர்கள் கல்வீசி தாக்குதல் நடத்தியுள்ளனர்.

அதிமுக தரப்பினர்தான் இந்த தாக்குதலை நடத்தியதாக அழகிரியிடம் முறையிட்டுள்ளார் பொட்டு சுரேஷ்.

பொட்டு சுரேஷை தொடர்ந்து மதுரையில் மற்ற திமுக பிரமுகர்கள் வீடு மீதும் தாக்குதல் தொடரலாம் என்பதால் அவர்களின் வீடுகளில் முன்னெச்சரிக்கையாக பாதுகாப்பு ஏற்பாடுகள் செய்யப்பட்டு வருகின்றன.

இந் நிலையில் மதுரை திமுக பிரமுகர்களுடன் அழகிரி ஆலோசனை நடத்தி வருகிறார். கவர்னரை சந்தித்து புகார் அளிக்கலாமா என்றும் ஆலோசனை செய்யப்படுவதாகத் தெரிகிறது.

நடிகர் வடிவேலு வீடு தொடர்ந்து தாக்கப்பட்டு வரும் நிலையில், மதுரையில் அழகிரியின் ஆதரவாளர்கள் வீடுகள் மீதும் தாக்குதல் நடந்து வருவது பரபரப்பை ஏற்படுத்தியுள்ளது.

Topics: azhagiri, madurai, வீடு மீது தாக்குதல், ஆட்சி மாற்றம், house attack, அழகிரி

English summary

Following the power shift in Fort St George, DMK central minister Azhagiri's marriage hall in Madurai was attacked by unknow assilants yesterday night

Tata to Mamata ஒத்துழைப்பு கொடுங்க!' -மம்தாவுக்கு டாடா எழுதிய கடிதம்

கொல்கத்தா: அரசியல், சினிமா, வர்த்தகம் ஆகிய துறைகளில் எப்போதும் நிரந்த பகைவனோ நண்பனோ கிடையாது என்பார்கள்.

இதற்கு இன்னொரு உதாரணம் டாடா - மம்தா மோதல்.

மேற்கு வங்கத்தில் தங்களது முதலீடுகள் தடங்களின்றி மேற்கொள்ளப்பட மேற்கு வங்க முதல்வராக பதவி ஏற்கவுள்ள மம்தா பானர்ஜி ஒத்துழைப்பு தரவேண்டும் என டாடா குழுமம் சார்பில் அவருக்கு கடிதம் எழுதப்பட்டுள்ளது. இதனை மம்தாவும் மறைமுகமாக ஏற்றுக் கொண்டுள்ளார்.

இது புதிய ஆட்சியாளர்களுக்கு வழக்கமாக எழுதப்படும் கடிதம்தான் என்று டாடா தரப்பில் தெரிவிக்கப்பட்டுள்ளது.

டாடா குழுமத்தின் நானோ தொழிற்சாலை சிங்கூரில் அமைந்தபோது, விவசாயிகளைத் திரட்டி பெரிய அளவில் போராட்டம் நடத்தி, அந்த தொழிற்சாலை அமையவிடாமல் செய்தவர் மம்தா பானர்ஜி.

இதைத் தொடர்ந்து டாடா குழும முதலீடுகள் மேற்கு வங்கத்தில் தொடருமா என்ற கேள்வி எழுந்தது.

இந்த நிலையில், சமீபத்தில் டாடா மெடிகல் சென்டரை கொல்கத்தாவில் அறிமுகம் செய்த டாடா குழுமத் தலைவர் ரத்தன் டாடா, இந்த கடித விவகாரத்தை உறுதிப்படுத்தினார். ரூ 350 கோடியில் அமைந்துள்ள இந்த சென்டர், வரும் செப்டம்பரில் பிரதமர் மன்மோகன் சிங்கால் முறைப்படி துவக்கி வைக்கப்படுகிறது.

முன்பு டாடாவை வெளியேற்றியதால், முதலீட்டாளர்கள் மேற்கு வங்கத்துக்கு வர அச்சப்படும் நிலை உருவானது. அதுலும் மம்தா பானர்ஜி தலைமையில் ஆட்சியமைவதால் இனி, அனைத்து திட்டங்களுக்கும் சிங்கூர் கதி நேருமோ என்ற அச்சம் நிலவுகிறது.

இந்த அச்சத்தை போக்கும் வகையில், மம்தாவும் அதிக முதலீட்டாளர்கள் மேற்கு வங்கத்துக்கு வரவேண்டும், தாராள சலுகைகள் கிடைக்கும் என அழைப்பு விடுத்துள்ளார். இந்த சூழலில் டாடாவும் மம்தாவுடன் இணைங்கிப் போக இந்த கடிதத்தை அனுப்பியுள்ளது.

ஆக நானோ தொழிற்சாலை வரவிருந்த அதே சிங்கூரில் டாடா குழுமத்தின் புதிய தொழிற்சாலை அமையப் போவது உறுதி என்கிறார்கள் தொழில்துறையினர்.

அப்படியெனில் சிங்கூரில் நடந்த ஆர்ப்பாட்டங்கள், மம்தாவின் உண்ணாவிரதம், நானோ திட்டம் குஜராத்துக்கு விரட்டப்பட்டதெல்லாம்... அர்த்தமற்ற அரசியல்தானே!!

வசூலில் பள்ளிகள்: நகைகளை அடகு வைக்கும் பெற்றோர்

நெல்லை: விடுமுறை முடிந்து பள்ளிகள் திறக்க இன்னும் 13 தினங்களே உள்ள நிலையில் மெட்ரிக் பள்ளிகள் கட்டண வசூலில் ஈடுபட்டு வருகின்றன.

கோடை காலம் முடிந்தவுடன் நெல்லை மாவட்டத்திலுள்ள அனைத்து பள்ளிகளிலும் மாணவர் சேர்க்கை களை கட்டும். பெற்றோரும் தங்கள் குழந்தைகளை பிரபலமான பள்ளிகளில் சேர்க்கும் முயற்சிகளில் ஈடுபட்டு வருகின்றனர். சில தனியார் மெட்ரிகுலேசன் பள்ளிகள் தங்களி்ன் வருமானத்தை பெருக்கிக்கொள்ள இப்போதே வசூலில் இறங்கிவிட்டன.

புதிதாக ஒரு மாணவரை பள்ளியில் சேர்க்க குறைந்த பட்சம் ரூ.10 ஆயிரமாவது வேண்டும் என மெட்ரிக் பள்ளிகள் நச்சரிக்கின்றன. அவர்களுக்கு கல்வி கட்டணம், புத்தக கட்டணம், சுற்று கட்டணம் என அடுத்தடுத்து பல அதிர்ச்சிக்ள் காத்திருக்கின்றன. ஏற்கனவே பளளிகளில் படிக்கும் மாணவர்களுக்கும், இவ்வாண்டு சில புதிய விதிமுறைகளை பிறபிக்கத் துவங்கியுள்ளன. பாளையி்ல் ஒரு பள்ளியில் கடந்த வாரத்துக்கு முன்பு பெறறோர்களுக்கு ஒரு கடிதம் அனுப்பி புத்தக கட்டணமாக ரூ.2000 முதல் 5000 வரை செலுத்த கேட்டுக்கொள்ளப்பட்டது. நேற்று இறுதி நாள் என்பதால் பணத்தை கட்ட சென்ற பெற்றோருக்கு பள்ளி நிர்வாகம் மேலும் ரூ.6 ஆயிரம் செலுத்துமாறு கூறியது. 4, 5-ம் வகுப்பு செல்லும் மாணவர்கள் கூட ரூ.8,500 செலுத்துமாறு கேட்டு கொள்ளப்பட்டுள்ளனர்.

பெறறோர்கள் அவசரம், அவசரமாக ஏ.டி.எம்.மில் பணத்தை எடுத்து செலுத்தியபோது ரூ. 4 ஆயிரத்துக்கு ஒரு டிராப்ட் பெயரில் பில் போடப்பட்டது. மீதி தொகைக்கு பின் பில் தருகிறோம் என கூறி பெற்றோர்களை திருப்பி அனுப்பி விட்டது. பாளையில் உள்ள மற்றொரு மெட்ரிக் பள்ளி இவ்வாண்டு பல மாணவர்களுக்கு தேர்ச்சி அட்டைகளை அனுப்பவில்லை. பெற்றோர்கள் பள்ளிக்கு சென்று விசாரித்ததில் கடந்த ஆண்டு பாக்கி தொகையை முழுமையாக கட்டினால் மட்டுமே அடுத்த வகுப்புக்கு மாணவர்கள் அனுமதிக்கப்படுவர் என தெரிவிக்கப்பட்டது. அரசு அறிவிப்பின்படி கடந்த ஆண்டு பல பெற்றோர்கள் குறைவான கட்டணத்தை கட்டியது குறிப்பிடத்தக்கது.

பழைய கட்டணத்தோடு, புதிய கட்டணத்தையும் செலுத்த வேண்டியிருப்பதால் பல பெற்றோர்கள் இப்போதே நகைகளை அடகு வைக்கத் துவங்கிவிட்டனர். பள்ளிகள் துவங்கும் முன்பே வசூலிக்கப்படும் இத்தகைய கட்டணங்களால் பெற்றோர்கள் கண்ணீர் விடுகின்றனர்.

Topics: school, school fee, parents, பள்ளிக் கட்டணம், மெட்ரிகுலேசன் பள்ளிகள், பெற்றோர்

English summary

Private matriculation schools are minting money in the name of fees. Parents are finding it difficult to pay large amount. Some parents are pawning their jewels to pay the fee.

தவறுகளை சுட்டிக் காட்டுவோம்: வைகோ ஆவேசம்

ம.தி.மு.க., மாவட்டச் செயலர்கள் கூட்டம், அக்கட்சியின் தலைமை அலுவலகமான தாயகத்தில் நேற்று நடந்தது. மாவட்டச் செயலர்கள் சிலர் கூட்டத்தில் கலந்து கொள்ளவில்லை. கலந்து கொண்ட மாவட்டச் செயலர்களில் மணச்சநல்லூர் நடராஜன் மட்டுமே ஆவேசமாக பேசினார். அவர் பேசும் போது, "பொடாவில் கைது செய்யப்பட்டு தியாகிகளானோம். தேர்தலை புறக்கணித்ததன் மூலம், 15 எம்.எல். ஏ.,க்களை இழந்து, தியாகிகளாகி உள்ளோம். மற்ற கட்சிகளில் ஒன்றிய செயலர், நகர செயலர் போன்றவர்கள் தான் புதிய உறுப்பினர்களை சேர்ப்பார்கள். ஆனால், நமது கட்சியில் மாவட்டச் செயலர்களே பொறுப்பேற்க வேண்டியதுள்ளது. தற்போது தொண்டர்கள் சோர்வாக உள்ளனர். அவர்களிடம் 500 ரூபாய் பெற்று ஆயுள் உறுப்பினர்களாக சேர்ப்பது கூட கடினமான காரியம்' என்றார். மற்றொரு மாநில நிர்வாகி பேசும் போது, "வரும் பார்லிமென்ட் தேர்தலில் காங்கிரஸ் படுதோல்வி அடையும். பா.ஜ., வெற்றி பெறும். அப்போது நாம் பா.ஜ.,வுடன் கூட்டணி அமைத்து போட்டியிடலாம்' என்றார்.

ம.தி.மு.க., பொதுச் செயலர் வைகோ பேசியதாவது: தேர்தல் முடிவு எதிர்பார்க்காத ஒன்று தான். தேர்தல் தோல்வியை தொடர்ந்து காங்கிரஸ் கட்சியில் நடந்த ரகளை பற்றி அனைவருக்கும் தெரியும். நமது கட்சியில் அப்படியொரு வன்முறை சம்பவத்திற்கு யாரும் இடம் கொடுக்கவில்லை. ஏதாவது ஒரு சம்பவம் நடந்து விடுமோ என்ற அச்சம் எனக்கு இருந்தது. அனைவரது மனதிலும் ஊமை காயம் உள்ளது. ஆனால், அசம்பாவிதம் ஏதும் நடக்கவில்லை. கடந்த ஐந்தாண்டு காலமாக தி.மு.க., அரசை கடுமையாக நாம் எதிர்த்தோம். அதற்குரிய பலனை அவர்கள் அனுபவித்து வருகின்றனர். இனி நாம் தி.மு.க., தலைவரை விமர்சிக்க வேண்டியது இல்லை. அதேபோல் முதல்வரையும் நாம் விமர்சிக்க வேண்டாம்.

கடந்த ஐந்தாண்டுகளாக நாம், அ.தி.மு.க.,வுக்கு உறுதுணையாக இருந்தோம். முதல்வர் பதவி ஏற்பு விழாவிற்கு கூட எனக்கு அழைப்பிதழ் அனுப்பி வைத்துள்ளனர். நான் குடும்பத்தினருடன் வெளியூர் சென்றிருந்தேன். வீட்டின் வேலைக்கார பெண் தான் அழைப்பிதழை பெற்றுள்ளார். பதவி ஏற்பு விழாவில் முதல் வரிசையில் உட்காருவதற்கு தான் எனக்கு அழைப்பு விடுக்கப்பட்டிருந்தது. தி.மு.க., - அ.தி.மு.க.,வை சரிசமமாக பாவிக்க வேண்டும். ஆளுங்கட்சி தவறு செய்தால் சுட்டிக் காட்டுவோம். பொதுக்குழு உறுப்பினர் ஒருவர் எனக்கு கடிதம் ஒன்றை எழுதியிருந்தார். அவரது மகள் படிக்கும் கல்லூரியில் அடுத்த முதல்வர் யார் என்ற கேள்வியை கேட்டுள்ளனர். என் பெயரை 80 சதவீதம் மாணவியர் தெரிவித்துள்ளதாக, கடிதத்தில் குறிப்பிட்டுள்ளார். அதனால் என்னை அடுத்த முதல்வராக நினைத்து வெளியே பேச வேண்டாம். உள்ளாட்சி தேர்தலில் அந்தந்த மாவட்டங்களின் சூழ்நிலையை பொறுத்து, அப்போது முடிவு எடுக்கலாம். தேர்தல் முடிவை, இணையதளம் மூலம் இளைஞர்கள் பலர் பாராட்டியுள்ளனர். நமக்கு நல்லதொரு ஒளிமயமான எதிர்காலம் இருக்கிறது.

- நமது சிறப்பு நிருபர் -

kunjumani - Chennai ,இந்தியா

2011-05-18 02:12:39 IST Report Abuse

எப்போ வைகோ ஜேவை விட்டு விலகினாரோ அப்போதே ஜே வுக்கு நல்ல காலம் ஆரம்பித்துவிட்டது , வைகோ இலங்கை பிரச்சனையில் தலையிடாமல் இருந்திருந்தால் தனி ஈழம் கிடைத்திருக்கும் , வை கோ ஒரு நடமாடும் தஞ்சாவூர் பெரிய கோயில்

Sekar Sekaran - jurong west,சிங்கப்பூர்

2011-05-18 01:36:29 IST Report Abuse

வைகோ அவர்கள் இன்னும் தனி ஆவர்த்தனம் செய்வது என்பது தேவை இல்லாத ஒன்று. அவரது அணுகுமுறையில் நிச்சயம் ஓர் மாற்றம் தேவை. எப்போதும் போராட்டம் போராட்டம் என்று சொல்லி தனது கட்சியினரை அழைப்பதை அவரது தொண்டர்களே விரைவில் நிராகரிக்கும் போக்கை விரைவில் காணலாம். வரலாற்று பிழை செய்துவிட்டார். இனியும் அவர் அம்மாவின் ஆட்சியை எதிர்த்து போராட நினைத்து செயல்பட்டால் அவருக்கு மேலும் செல்வாக்கு என்பது இல்லாமல் போகும். உள்ளாட்சி தேர்தல் என்றைக்கு வந்து, இவரும் போட்டியிட்டு..வென்று..ஹ்ம்ம் போட்டியிடக்கூட இவரது தொண்டர்கள் முன்வர மாட்டார்கள். ஆளும் கட்சியான அதிமுக நிச்சயம் உள்ளாட்சி தேர்தலிலும் பட்டய கிளப்பும் என்கிறபோது இவரது கட்சியின் நிலைமை..? வெறும் உரக்க பேசினால்மட்டுமே ஒருவர் சிறந்த அரசியல்வாதியாய் ஆகிவிடமுடியாது. நாஞ்சில் சம்பத் போன்ற அளவிற்கு வைகோ அவர்களும் அப்படியே தன்னை நினைத்துகொள்கின்றார். சுய பரிசோதனை செய்யும் நேரமிது. பலரும் பலவிதமாக விமர்சனம் செய்வதை நம்பி இவர் ஒவ்வோர் முறையும் தவறுக்கு மேல் தவறான முடிவினை எடுத்து இறுதியில் வரலாற்று பிழை செய்துகொண்டே இருக்கின்றார். நல்ல மனிதர் வைகோ..நல்ல முடிவை சிந்தித்து எடுத்தால் நிச்சயம் சிறந்த முறையில் கட்சியை நடத்தலாம்..! சிந்திக்கும் தருணத்தை எப்போதுமே சிதற அடிக்கின்றார். இனியும் தொடருமா?

Sundar - Bangalore,இந்தியா

2011-05-18 01:07:17 IST Report Abuse

வாருங்கள் வைகோ அவர்களே... வந்து இந்த நாட்டை இந்த அம்மாவிடமிருந்து காப்பாற்றுங்கள்...

ரஜினிக்கு என்னதான் பிரச்சினை...ஒரு முழு ரிப்போர்ட்!

ரஜினிக்கு என்னதான் பிரச்சினை என்று நாடு முழுவதிலும் கேள்விகள் எழ ஆரம்பித்துவிட்டன.

ரஜினி ஆரம்பத்தில் அஜீரணக் கோளாறு, நீர்ச்சத்து குறைவு மற்றும் சோர்வு போன்றவற்றால் அவதிப்பட்டார். இது அவர் ராணாவுக்காக 15 கிலோ வரை எடை குறைத்து ஸ்லிம்மாக மேற்கொண்ட கடும் உடற்பயிற்சி மற்றும் டயட்டின் விளைவு.

அதன் தொடர்ச்சியான விளைவுகளாக, நுரையீரலில் நோய்த் தொற்று மற்றும் இரைப்பை அழற்சி போன்றவை அவரைச் சற்று கடுமையாக பாதித்துள்ளன.

நுரையீரலில் தேங்கும் திரவம்

ரஜினிக்கு நீண்ட காலமாக புகைப் பழக்கம் இருப்பதால், நுரையீரலில் பாதிப்பு ஏற்பட்டுள்ளது. இதனை அவரது அண்ணன் சத்யநாராயணாராவ் கெய்க்வாடும் உறுதிப்படுத்தியுள்ளார்.

இதனை சரிசெய்ய ஆக்ஸிஜன் மூலம் நோய் எதிர்ப்புக்கான மருந்துகள் செலுத்தப்பட்டு, அந்தப் பகுதியில் உள்ள நோய்த் தொற்றை அடியோடு நீக்கி வருகின்றனர்.

இந்தப் பிரச்சினை காரணமாக அவருக்கு நுரையீரலுக்கும் இதயப் பகுதிக்கும் இடையே திரவம் (Fluid) அதிகளவு தேங்குகிறது. இந்த திரவம் நுரையீரல்களை அழுத்தி மூச்சு விட சிரமப்பட வைக்கும்.

மேலும் ஒரு சிறிய அறுவைச் சிகிச்சை மூலம் தேங்கும் திரவத்தை பெருமளவு அகற்ற முயன்று, அதில் நல்ல வெற்றியும் கிடைத்துள்ளது மருத்துவர்களுக்கு. இந்த சிறிய அறுவைச் சிகிச்சைக்குப் பிறகு ரஜினி தெம்பாகியுள்ளார்.

சிறுநீரகம் செயல்படுவதில் சிக்கல்

நுரையீரலில் இத்தனை பிரச்சினைகள் இருப்பதால் சிறுநீரகங்களின் செயல்பாட்டில் ஒழுங்கின்மை காணப்படுகிறதாம். காலில் வீக்கம் ஏற்பட முக்கிய காரணம் இதுவே.

ஆனால் இது மிக ஆரம்ப நிலை என்பதால் சீக்கிரமே சரிப்படுத்திவிட முடியும் என மருத்துவர்கள் தெரிவித்துள்ளனர்.

நுரையீரல் பிரச்சினை சரியாகிவிட்டாலே, சிறுநீரக ஒழுங்கின்மையும் ஓரளவு கட்டுக்குள் வந்துவிடும் என்கிறார்கள் மருத்துவர்கள்.

புற்றுநோய் அறிகுறி இல்லை

இப்போது ரஜினியின் திசுக்கள் சோதனை முடிவும் வந்துவிட்டன. ரஜினிக்கு புற்று நோய்க்கான அறிகுறிகள் இருக்கிறதா என்பதைக் கண்டறிய நடத்தப்பட்ட சோதனை இது. ஆனால் அவருக்கு அப்படி எந்த அறிகுறியும் இல்லை என்பது உறுதியாகத் தெரிந்துள்ளது.

‘உற்சாகத்தில் ரஜினி’ - மருத்துவமனை அறிக்கை

ராமச்சந்திரா மருத்துவமனையின் இரண்டாவது செய்திக் குறிப்பில், “பொது மற்றும் சிறப்பு மருத்துவர்கள் அடங்கிய குழுவினர் ரஜினிக்கு இப்போது கிசிச்சை அளித்து வருகின்றனர். அவரது உடல்நலத்தை முழுமையாக கண்காணிப்பதற்காக தொடர்ந்து மருத்துவமனையில் இருக்குமாறு அறிவுறுத்தப்பட்டுள்ளது. இப்போது நல்ல முன்னேற்றம் ஏற்பட்டுள்ளது.

நூரையீரலில் சிறு அறுவைச் சிகிச்சை செய்யப்பட்ட பிறகு ரஜினி உற்சாகமாக இருக்கிறார். அவருக்கு தனி வார்டில் சிகிச்சை அளிக்கப்பட்டு வருகிறது. அவரது முக்கிய உறுப்புகள் அனைத்தும் இயல்பாக செயல்படுகின்றன.

பார்வையாளர்களை சந்திப்பதை வெகுவாக குறைத்துக் கொள்ளும்படி ரஜினிக்கு அறிவுறுத்தியுள்ளோம். அவரை முழு ஓய்வு எடுக்கும்படி அறிவுறுத்தியுள்ளனர் மருத்துவ நிபுணர்கள்," என்று கூறப்பட்டுள்ளது.

வெளிநாடு செல்வது எப்போது?

நுரையீரல் பிரச்சினை முற்றாக சரியாகிவிட்டால் வெளிநாட்டுக்குச் செல்ல தேவையில்லை என்கிறார்கள். சிறுநீரகக் கோளாறுகளை இங்கேயே சரி செய்துவிட முடியும் என மருத்துவமனை வட்டாரங்கள் தெரிவிக்கின்றன.

யாழில். இந்திய உயர்கல்வி கண்காட்சி

யாழில். இந்திய உயர்கல்வி நிறுவனங்களின் மாபெரும் இந்தியக் கல்விக் கண்காட்சியொன்று யாழ் பொது நூலகத்தில் இன்று அரம்பாமாகியுள்ளது.

இக்கண்காட்சி இன்றும் நாளையும் நடைபெறவுள்ளது. பல்கலைக்கழக மற்றும் பாடசாலை மாணவர்கள், பேராசியர்கள், விரிவுரையாளர்கள் மற்றும் ஆசிரியர்கள் அதிக ஆர்வத்துடன் கண்காட்சியை பார்வையிட வருவதாகவும் எமது செய்தியாளர் தெரிவித்தார்.

இன்றைய ஆரம்ப நிகழ்வின் போது யாழ் இந்திய உயர்ஸ்தானிகர் எம்.மாகாலிங்கம், யாழ் பல்கலைக்கழக உபவேந்தர் பேராசிரியர்.வசந்தி அரசரட்ணம், யாழ் நகர மேயர் யொகேஸ்வரி பற்குணராஜா மற்றும் அமைச்சர் டக்ளஸ் தேவானந்தா ஆகியோர் கலந்து கொண்டுள்ளனர்.

அவசரகால சட்டத்தினை இரத்து செய்ய துரிதமான நடவடிக்கை - இந்தியா

அவசரகால சட்டத்தினை உடனடியாக இரத்து செய்வது தொடர்பிலும் மனித உரிமை மீறல்கள் தொடர்பில் முன் வைக்கப்பட்டுள்ள குற்றச்சாட்டுகள் தொடர்பிலும் இலங்கை அரசாங்கம் துரிதமான நடவடிக்கைகளை மேற்கொள்ள வேண்டும் என இந்திய வலியுறுத்தியுள்ளது. ஐ,நா பாதுகாப்புச் சபையில் சீர்திருத்தம் அவசியம் என்பதனை இரு நாடுகளும் ஏற்றுக்கொண்டுள்ளதாக இன்று வெளியிடப்பட்டுள்ள இலங்கை - இந்திய கூட்டறிக்கையில் தெரிவிக்கப்பட்டுள்ளது. வெளிவிவகார அமைச்சர் ஜீ.எல்.பீரிஸ் இந்தியாவிற்கு மேற்கொண்டுள்ள உத்தியோகபூர்வ விஜயத்தின் போது இந்திய பிரதமர் மன்மோகன் சிங், நிதியமைச்சர் பிரணாப் முகர்ஜீ, வெளிவிவகார அமைச்சர் எஸ்.எம்.கிருஷ்ணா, தேசிய பாதுகாப்பு ஆலோசகர் சிவ்சங்கர் மேனன் மற்றும் வெளிவிவகார செயலாளர் நிரூபமா ராவ் ஆகியோருடன் மேற்கொண்ட கலந்துரையாடலை அடுத்தே இந்த கூட்டறிக்கை வெளியிடப்பட்டுள்ளது. உண்மையான அபிவிருத்தி, மீள்கட்டுமானப் பணிகள், மீதமுள்ள பிரச்சினைகள் உள்ளிட்ட பலவற்றை விளங்கிக் கொள்வதற்கான சக்தி மற்றும் புரிந்துணர்வு என்பன ஆயுத போராட்டம் முறியடிக்கப்பட்ட பின்னர் இலங்கைக்கு கிடைக்கப்பெற்றுள்ளதென கூட்டறிக்கையில் குறிப்பிடப்பட்டுள்ளது. அத்துடன், தமிழ் கட்சிகளுடன் நடைபெற்று வரும் பேச்சுவார்தைகளின் போது வழங்கப்படும் வாக்குறுதிகள் துரிதமாக நிறைவேற்றப்படுமென கூட்டறிக்கையின் சார்பில் வெளிவிவகார அமைச்சர் ஜீ.எல்.பிரிஸ் தெரிவித்துள்ளார். உரிய நிபந்தனைகள் அடிப்டையில் 13ம் திருத்தச் சட்டத்தின் ஊடாக பகிர்ந்தளிப்பு திட்டங்கள் முன்வைக்கப்படும் என இலங்னை இந்திய கூட்டறிக்கையில் குறிப்பிடப்பட்டுள்ளது.

கிழக்கு முதல்வர் சந்திரகாந்தனின் வீட்டில் இராணுவத்தினர் தேடுதல்

கிழக்கு மாகாண முதலமைச்சரும் தமிழ் மக்கள் விடுதலைப் புகலிகள் கட்சியின் சிவநேசதுரை சந்திரகாந்தனின் இல்லத்தில் இராணுவத்தினர் இன்று பிற்பகல் தேடுதல் நடவடிக்கையொன்றை மேற்கொண்டுள்ளனர். மட்டக்களப்பிலுள்ள அவரின் வீட்டில் மேற்கொள்ளப்பட்ட இத் தேடுதல் நடவடிக்கையை கண்டித்துள்ள தமிழ் மக்கள் விடுதலைப் புலிகள், சாதாரண சட்டத்தின் கீழ் இத்தேடுதலில் பொலிஸாரே ஈடுபட்டிருக்க வேண்டும் எனக் கூறியுள்ளது. தேடுதல் நடத்தப்பட்டவேளையில் முதலமைச்சர் சந்திரகாந்தன் அவ்வீட்டில் இருக்கவில்லை. இத்தேடுதலுக்கான காரணம் தெரியவில்லை.

செவ்வாய், 17 மே, 2011

ஜெயலலிதாவுக்கு…. ஹிந்து – தினமணி ஜிஞ்சக்கு ஜிஞ்சா!

அ.தி.மு.கவின் மாபெரும் வெற்றி, தி.மு.வின் மரண அடி தோல்வி இரண்டையும் வாக்குப்பதிவு, ஊழல், குடும்ப ஆட்சி, மக்களின் மௌனப் புரட்சி, தேர்தல் கமிஷன்தான் ரியல் ஹீரோ என்று ஒரு பொதுவான ஃபார்முலாவில் மட்டும் வைத்து விட்டு ஊடகங்களும் அறிஞர் பெருமக்களும் எளிமையாக முடித்து விடுகின்றனர். இவையெல்லாம் உண்மையல்ல என்று சொல்ல முடியாது. அதே நேரம் முழு உண்மைதான் என்று கொள்ளவும் இயலாது.
தி.மு.க பிடிக்கவில்லை என்றால் அ.தி.மு.க, அ.தி.மு.க பிடிக்கவில்லையென்றால் தி.மு.க இதைத் தாண்டி தமிழக மக்கள் அதி புரட்சிகரமாக யோசிப்பதற்கு வழி ஏதும் இருக்கிறதா? இதுவும் உண்மையல்ல என்று சொல்ல முடியாது. இதையே ஒரு ஃபார்முலாவாகக் கொண்டால் மாத்திப் போடு, மாத்தி யோசி, அது இல்லையினா இது என்றும் கூட இந்த தேர்தல் முடிவுகளை சொல்லலாமே?
இந்த தேர்தலில் வரலாறு காணாத அளவு வாக்குப்பதிவு அதிகம் இருந்தது உண்மைதான். அதனால் ஆளும் கட்சி மீது மக்கள் கடும் சினத்தோடு இருந்திருக்கிறார்கள் என்று ஒரு ஃபார்முலாவையும் இவர்கள் கூறுகிறார்கள். இந்த அதிக வாக்குப்பதிவுக்கும் அந்தக் கடுஞ்சினத்திற்கும் என்ன தொடர்பு? ஏன்? தொடர்பு இல்லையென்றால் வேறு என்ன காரணம்?
நண்பர்களே, தேர்தலையும், அரசியலையும் ஒரு சில கணக்கு விவரங்கள், நல்லது கெட்டது, ஊழல் நேர்மை, என்று சில வாய்ப்பாடுகளோடு மட்டும் சிந்திப்பதற்கு பழக்கப்படுத்தப் பட்டுள்ளோம். தேர்தல் அரசியலோடு தொடர்புடைய சமூக இயக்கம், மக்கள் மனவோட்டம் என்ன விதிமுறைகளோடு இயங்குகிறது, என்ன விசைகளால் உந்திச் செல்லப்படுகிறது என்பனவற்றை ஆய்வு செய்து கண்டுபிடித்தால் மட்டுமே இந்த தேர்தலில் வெற்றியின் தரத்தையும், தோல்வியின் மகிமையையும் நாம் கொஞ்சமாவது அறிந்து கொள்வோம்.
இந்த தேர்தல் முடிவினை வைத்து தினமணி பத்திரிகை, “”தமிழனென்று சொல்லடா, தலைநிமிர்ந்து நில்லடா!” என்கிற நாமக்கல் கவிஞர் ராமலிங்கம் பிள்ளையின் வரிகளுக்கு உயிர் கொடுத்திருக்கும் தமிழக வாக்காளப் பெருமக்களை “”தினமணி” பெருமிதத்துடன் தலைவணங்கிப் பாராட்டுகிறது!” என்று மெய்சிலிர்க்கிறது. தமிழக மக்கள் பயங்கரமாக ஆர்த்தெழுந்து ஊழல், குடும்ப ஆட்சிக்கு எதிராக ஒரு ருத்ரதாண்டவமே ஆடியிருக்கிறார்கள் என்று வார்த்தைகளே வெட்கப்படுமளவு உச்சிமோருகிறது தினமணி.
அதிலும் பணம் கொடுத்து வாக்களிப்பவர்கள் என்ற அவப்பெயரை துடைத்தெறிந்து இந்தியாவுக்கே முன்னுதாரணமாக மாறி நாட்டையே காப்பாற்றிவிட்டார்களாம், தமிழக மக்கள்! இந்த வரலாறு காணாத தோல்விக்கு காரணமென்று தி.மு.கவின் குற்றப் பட்டியல்களை பட்டியலிடும் தினமணி, இந்த வெற்றிக்கு அருகதையானவர்தானா என்று ஜெயலலிதாவைப் பற்றி மறந்தும் கூட எழுதவில்லை. மட்டுமல்ல, சசிகலாவின் குடும்ப ஆதிக்கம் இருந்தாலும் பரவாயில்லை என்று தமிழக மக்கள் ஜெயா கும்பலை வெற்றிபெற வைத்துவிட்டார்களாம். இந்த ‘பரவாயில்லை’ என்பதன் அரசியல் தரத்தை பரிசீலித்துப் பார்க்கும் போது அந்த இமாலாய சாதனையின் அரசியல் வீழ்ச்சியை புரிந்து கொள்ள முடியாதா என்ன?
தி.மு.க படுதோல்வி, அ.தி.மு.க மாபெரும் வெற்றி என்பதை மற்றுமொரு தேர்தல் முடிவாக எடுத்துக் கொண்டு போனால் கூட பிரச்சினை இல்லை. அதை ஜாக்கி வைத்து வானத்துக்கு தூக்குவதையும், தங்களது பல்வேறு அபிலாஷைகளை ஏற்றி அழகு பார்ப்பதையும் பார்த்தால் இவர்கள் அ.தி.மு.கவிற்கு மட்டுமல்ல, தி.மு.கவிற்கும் கருணாநிதியே நினைத்திராத ஆழமான பெருமைகளையெல்லாம் வழங்கி விடுகிறார்கள். தங்களது சொந்த முயற்சியில் எதையும் செய்ய முனையாத, விரும்பாத நடுத்தர வர்க்க அறிவு ஜீவிகள் பாமரர்களின் அரசியல் நடவடிக்கைகளுக்கு மட்டும் பொழிப்புரை, விளக்கம் கொடுத்து தன்னை சூப்பர்மேனாக கருதிக்கொள்ளும் அபத்தத்தைத்தான் சகிக்க முடியவில்லை.
தினமணியின் வானாளாவிய பாராட்டின் விளக்கம் ஜெயலலிதாவின் அணுகுமுறையில் பெறும் ஒளிதான் என்ன? மே 13 வாக்கு எண்ணிக்கை துவங்கி முன்னணி நிலவரம் உறுதியான நிலையில் மதியம் ஊடகங்களை சந்தித்த ஜெயலலிதா என்ன கூறினார்? தி.மு.க ஆட்சி மாநிலத்தை குட்டி சுவராக்கிவிட்டதாம், கஜானா காலியாம், சட்டத்தின் ஆட்சி நடக்கவில்லையாம் என்றெல்லாம் சொல்லிவிட்டு அடுத்து அவர் சொன்னதுதான் முக்கியமானது.
தி.மு.க ஆட்சி முடிந்து தான் ஆட்சிக்கு வந்த 91, 2001, 2011 ஆகிய மூன்று முறையும் இப்படித்தான் மாநிலத்தை மீட்டு வளம் கொழிக்க வைத்தாராம். 91 இல் ஆட்சிக்கு வந்து மாநிலத்தை மேம்படுத்தி அடுத்த தேர்தலில் தோல்வியுற்று 96-இல் ஆட்சி தி.மு.கவிற்கு போனதும் மாநிலம் சீர்கேடு அடைந்ததாம்.
கவனியுங்கள் நண்பர்களே, 91-96 ஆட்சிக்காலத்தில் ஜெயா-சசி கும்பல் ஆட்டம் போட்டதும், முழுத் தமிழகத்தை மொட்டை போட்டதும், பின்னர் வந்த தேர்தலில் அமைச்சர்கள் செருப்படி பட்டதும்தான் வரலாறு. இன்று ஜெயா அதை பொற்காலம் என்கிறார். எனில் பாசிச ஜெயா ஒரு துரும்பளவு கூட மாறவில்லை முன்னிலும் திமிராக பேசுகிறார் என்பதைக்கூடவா தினமணி அம்பிகள் புரிந்து கொள்ள முடியாது?
தினமணி தமிழ் அம்பிகளின் கதை இதுவென்றால் ஹிந்து இங்கிலீஷ் அம்பிகளின் கதையைப் பாருங்கள்! சனிக்கிழமை அன்று ஹிந்து பத்திரிகை தலையங்கத்தில் தினமணியின் கருத்தையே ரொம்பவும் பணிவான மொழியில், பிரச்சினையில்லாமல் எழுதியிருந்தார்கள். அதன் சாரமென்னவென்றால் இந்த ஆட்சி மாற்றம் ஆளுங்கட்சிக்கு எதிரான எதிர்ப்பு அலைதான் என்பதே. கான்வென்டு வர்க்கத்தின் தலைவியான ஜெயலலிதாவுக்கு ஹிந்து பத்திரிகைதான் மிகவும் முக்கியமானது. மற்றவர்கள் பேசினால் கூட கவலையில்லை, ஹிந்து பத்திரிகை இப்படி பேசுகிறார்கள் என்றதும் ஜெயலலிதா ஊடகங்களிடம் பகிரங்கமாக அறிவிக்கிறார்,
“இந்த தேர்தலில் ஆளுங்கட்சிக்கு எதிரான எதிரான அலையால் நான் வெற்றி பெறவில்லை. 2001-2006இல் எனது பொற்கால ஆட்சியை மக்கள் நினைவு கூர்ந்து அந்த ஆட்சி வேண்டுமென்றுதான் எனக்கு வாக்களித்திருக்கிறார்கள்” என்று கூறுகிறார். அடுத்த நாள் இந்த நாலுவரிச் செய்தி ஹிந்து பத்திரிகையில் தலைப்பு செய்தியாக வெளிவருகிறது. இடையில் என்ன நடந்திருக்கும்?
ஏற்கனவே மாலினி பார்த்தசாரதியை எப்படியும் கைது செய்ய வேண்டுமென்று மிரட்டிய ஜெயாவின் தர்பாரை மவுண்ரோடு மகாவிஷ்ணு மறந்திருக்கமாட்டார். அதே போன்று தலையங்கத்தில் இந்த முடிவு எதிர்ப்பு அலை என்று எழுதியது அம்மா காதுக்கு போய் மிரட்டல் வந்திருக்கலாம். அல்லது குடும்ப சண்டையில் மூழ்கியிருக்கும் ராம் தலையங்கத்தின் வரிகளை பார்த்து விட்டு அடுத்த நாளே இதை தணிக்கும் வகையில் இந்த செய்தியை திட்டமிட்டு வெளியிட்டிருக்கலாம். ஏனெனில் இந்த தலைப்புச் செய்தி வேறு எந்த ஊடகங்களிலும் முக்கிய செய்தியாக வெளிவரவில்லை.
ஆக இந்த தேர்தல் முடிவுகள் தனது பொற்கால ஆட்சிக்கு ஏங்கிய மக்களின் விருப்பம் என்று பேசும் ஜெயலலிதாவை , வைத்தியநாதனின் தினமணி மேம்போக்காவாவது கண்டிக்குமா?
சரி, 2001லிருந்து ஐந்து ஆண்டுகாலம் ஆட்சி பொற்காலமா, இல்லை அடக்குமுறைக் காலமா? மதமாற்றத் தடை சட்டம், ஆடு-கோழி பலி தடுப்புச் சட்டம், இலட்சக்கணக்கான அரசு ஊழியர்கள் பதவி நீக்கம் என்று பார்ப்பனிய பாசிசம் ஆட்டம் போட்டது இந்தக் காலம்தான். இதனாலேயே 2004 தேர்தலில் 39 பாராளுமன்றத் தொகுதிகளிலும் அ.தி.மு.க படுதோல்வி அடைந்தது. அதன் பின்னரே ஜெயலலிதா மேற்கண்ட அடக்குமுறைச் சட்டங்களை திரும்பப் பெறுகிறார். வரலாறு இப்படியிருக்க இதுதான் பொற்காலமென்று மக்கள் விரும்புகிறார்கள் என்று ஜெயலலிதா பேசுகிறார் என்றால் யார் மீது உள்ள நம்பிக்கையில்?
எல்லாம் தினமலர், தினமணி, ஹிந்து அடிமை அம்பிகள் மேல் உள்ள நம்பிக்கையில்தான். இல்லையென்றால் இன்று தலையங்கம் எழுதியிருக்கும் தினமணி, ஜெயலலிதாவுக்கு சில பல ஆலோசனைகளை மிக மிகப் பணிவாக எடுத்து வைத்து, இதெல்லாம் ஜெயலலிதாவுக்கு தெரியாதது அல்ல என்று காலில் விழுகிறது. ஏ துப்பு கெட்ட தினமணியே, ” 91இல் ஊழல் செய்தாய், 2001இல் அடக்குமுறை செய்தாய், இந்த முறையாவது ஒழுங்காக ஆளுகின்ற வழியைப் பார்” என்று கூட சொல்வதற்கு உங்களுக்கு தைரியமில்லையா? பிறகு என்ன நீங்கள் தேர்தல் முடிவு குறித்து தமிழனுக்கு வீரப்பட்டம் கொடுக்கிறீர்கள்?
தேர்தலுக்கு முந்தைய கூட்டணி பேரத்தில் காங்கிரசு, தி.மு.க முரண்பாடு வந்து அமைச்சர்கள் ராஜினாமா என்ற நாடகத்தை தினமலர் என்ன எழுதியது தெரியுமா? இது அத்தனையும் ஜெயலலிதாவின் மாஸ்டர் பிளானாம். இது இன்று நேற்றல்ல, ஜெயா கும்பல் ஆட்சியைப் பிடித்தது முதல் இப்படித்தான் பேசுகிறார்கள். ஜெயா ஒரு தைரியமான நபராம். முழு கட்சியும் அவரது காலில் விழுந்து கிடப்பதுதான் அதன் அடையாளமாம். பாசிசத்தையே இப்படி தைரியமென்று வியந்தோதும் அம்பிகள் தமிழ்நாட்டில் மட்டும்தான் இருக்கிறார்கள் என்பதை அறிந்தால் உலகம் காறித் துப்பும்.
கருணாநிதியை எதிர்ப்பதில்தான் கொஞ்சம் அரசியல் இருக்கிறதேயன்றி, ஜெயாவை ஆதரிப்பதில் கொஞ்சம் கூட அரசியல் இல்லை. இதுதான் இந்த தேர்தல் முடிவின் யோக்கியதை. அந்த வகையில் அ.தி.மு.கவின் வெற்றி என்பது ஒரு விபத்துதானே ஒழிய அது நேர்மறையில் நடந்ததல்ல.
ஒப்பீட்டளவில் 96-2001 தி.மு.க ஆட்சி என்பது பெரிய ஊழல்கள், ஏகபோகம், குடும்ப ஆட்சியோ இல்லாமல் இருந்தது. எனினும் 2001 தேர்தலில் தி.மு.க தோற்றது. அதை ஒட்டி தலையங்கம் எழுதிய தினமணி ” இது அதிர்ச்சியூட்டும் தீர்ப்பு, எனினும் ஜனநாயகத்தின் அழகே தனிதான்” என்றது. ஆக தினமணியே ஒத்துக்கொள்ளும் விதத்தில் இருந்த தி.மு.க ஆட்சி தோற்றதற்கு என்ன காரணம்?
பொதுவில் எம்.ஜி.ஆர், அ.தி.மு.க ஆட்சி குறித்து பாமர மக்களிடையே சில மூடநம்பிக்கைகள் உண்டு. ” இவர்கள் ஆட்சிக்காலத்தில்தான் மழை பெய்யும், விலைவாசி குறையும், பணப்புழக்கம் இருக்கும்”. இப்போது கூட ஜெயா டி.வியில் பேசிய ஒரு கட்சிக்காரர் இவற்றையே காரணங்களாக கூறுகிறார். அதாவது எந்த அரசியல் விழுமியங்களுமற்ற ஒரு லும்பன் சிந்தனையைக் கொண்டிருக்கும் பாமரர் கூட்டம் அ.தி.மு.கவின் வாக்கு வங்கியாக எப்போதும் இருக்கிறது. இந்த தேர்தலில் படித்த லும்பன் கூட்டமும் இதில் சேர்ந்திருக்கிறது.
அதனால்தான் இவர்கள் எல்லாரும் கருணாநிதியை திட்டுகிறார்களே தவிர, நேர்மறையில் அம்மா தகுதியானவர் என்று சொல்வதற்கு தயாரில்லை. ஆனால் ஊடகங்கள் அந்த வேலையை பெரும் ஜால்ரா சத்தத்துடன் செய்து வருகின்றன.
சாராமாகக் கூறில் கருணாநிதி தோற்கடிக்கப்பட்டதில் இருக்கும் அரசியல் ஜெயலலிதாவின் வெற்றியில் இல்லை. இவையெல்லாம் வேறுவழியின்றி போடப்பட்ட வாக்குகளால் மட்டும் வரவில்லை. அரசியலற்ற காரியவாதத்தின் செல்வாக்கு காரணமாகவே இது நடந்திருக்கிறது.
ஜெயாவை முசுலீம்களின் காவல் தெய்வமாக அங்கீகரித்த த.மு.மு.கவின் முகத்தில் கரி பூசும் விதமாக இந்த பதவியேற்பு விழாவில் கொலைகார மோடி கலந்து கொள்கிறார். இப்படி இன்னும் ஒரு சில நாட்களில் பழைய ஜெயலலிதாவை நாம் அப்படியே பார்க்கலாம். ஆனாலும் அதற்கும் கூட நமது ஜால்ரா ஊடகங்கள் புதுப்புது விளக்கங்கள் அளிக்கும். ‘அம்மா’ ஆதரவு காரியவாத மக்கள் கூட்டமும் அதை திக்கெட்டும் புகழாய்ப் பரப்பும்.
இந்த தேர்தல் பரப்புரையில் ஜெயா என்ன பேசினார்? ஆசியாவிலேயே முதல் பெரும் பணக்காரக் குடும்பமாக கருணாநிதி குடும்பம் மாறிவிட்டது, ஊழல் செய்வதில் புது சாதனை படைத்து விட்டது என்றெல்லாம் பேசினார் அல்லவா? இப்போது அதன் பொருட்டு என்ன செய்யப் போகிறார்? கருணாநிதி குடும்பத்திலிருந்து அந்த சொத்துக்களை திரும்ப பறிக்கப் போகிறாரா? அது நடக்க வேண்டுமென்றால் ஜெயாவுக்கு எதிராக கருணாநிதி போட்ட வழக்குகளிலேயே நடந்திருக்க வேண்டுமல்லவா? அத்தனையும் ஊத்தி மூடப்பட்ட நிலையில் இப்போது கருணாநிதிக்கு மட்டும் என்ன நடக்கும்?
கடந்த இரண்டு ஆண்டுகளாக மிடாசின் சரக்கு கருணாநிதி அரசாங்கத்தால் கொள்முதல் செய்யப்பட்ட உண்மையை பார்க்கும் போது சன்.டிவியிலிருந்து மாதந்தோறும் ஒரு கப்பம் போகாமாலா இருக்கும்? ஆக தமிழக மக்கள் இவ்வளவு ஆர்த்தெழுந்து வாக்கு போட்டு விரட்டியடித்த கருணாநிதிக்கு என்ன தண்டனை? கருணாநிதியே சொன்னது போல மக்கள் அவருக்கு ஒய்வு கொடுத்ததுதான். ஊழலுக்கு தண்டனை பதவி கிடையாது என்றால் அதன் பெயர் தண்டனையா?
இந்த ‘தண்டனை’யை வாங்கிக் கொடுத்த தமிழக மக்களைப் போய் அவர்களே வெட்கப்படுமளவு பாராட்டினால் தகுமா?

கனடாவுக்கு சென்ற கப்பலில் விடுதலைப் புலிகளின் பிரச்சார பொருட்கள் கனடாவுக்கு சென்ற கப்பலில் விடுதலைப் புலிகளின் பிரச்சார பொருட்கள்

கனடாவிற்கு செல்லவென இந்தியாவிலிருந்து கொழும்பு துறைமுகத்தில் நங்கூரமிடப்பட்டிருந்த கப்பலில் இருந்து தமிழீழ விடுதலைப் புலிகளின் பிரச்சார பொருட்கள் இலங்கை அதிகாரிகளால் தடுத்து வைக்கப்பட்டுள்ளதாக ஏ.எப்.பீ செய்திச் சேவையில் தெரிவிக்கப்பட்டுள்ளது.

மேலும், இது தொடர்பில் பொலிஸார் விசாரணைகளை ஆரம்பித்துள்ளதாகவும் குறித்த செய்தியில் தெரிவிக்கப்பட்டுள்ளது.

கனடா முகவரியிடப்பட்ட விடுதலைப்புலிகளின் புத்தகங்கள் 45 பெட்டிகளில் காணப்பட்டதாகவும் தெரிவிக்கப்படுகிறது.

காங்கிரஸ் தோற்கும் என முன்பே தெரியும்! - ஈவிகேஎஸ் இளங்கோவன்

மதுரை: இந்தத் தேர்தலில் காங்கிரஸ் கட்சிக்கு தோல்வி ஏற்படும் என தேர்தலுக்கு முன்பே தெரியும் என்று ஈவிகேஎஸ் இளங்கோவன் கூறியுள்ளார்.

மதுரையில் செய்தியாளர்களிடம் பேசிய அவர், "முதல்வராக பதவி ஏற்ற ஜெயலலிதாவுக்கும், எதிர் கட்சி தலைவராக பதவி ஏற்கவுள்ள நண்பர் விஜயகாந்த்துக்கும் வாழ்த்துக்கள். தேர்தலில் மக்கள் பணத்திற்கு சோரம் போய் விடுவரோ என பயந்த நேரத்தில், தன்னிச்சையாக ஓட்டளித்து தமிழகம் பெருமை பெற சிறப்பாக பணியாற்றினர்.

நடக்க இருந்த தவறுகளையும், தில்லுமுல்லுகளையும் தடுத்த பெருமை தேர்தல் கமிஷனுக்கு கிடைத்துள்ளது. தமிழகத்தின் மின் பற்றாக்குறையை போக்குவது முதல் வேலை என ஜெயலலிதா கூறியது பாராட்டுக்குரியது. தடையில்லாத மின்சாரம் இருந்தாலே பல பிரச்னைகள் இருக்காது. தொழில் வளம் பெறும். விவசாயிகள் மகிழ்ச்சி அடைவர்.

63 நாயன்மார்களும் பஞ்சபூதங்களும்...

தேர்தலில் 63 நாயன்மார்களாக காங்கிரஸ் வேட்பாளர்கள் போட்டியினர். தற்போது பஞ்ச பூதங்களாக வெற்றி பெற்றுள்ளனர். காங்கிரஸ் தோல்வியை ஆராய்வது இப்போது சரியாக இருக்காது. இந்நிலை ஏற்படும் என தேர்தலுக்கு முன்பே தெரியும். இனி நடப்பவையாவது நல்லவையாக இருக்க வேண்டும் என தொண்டர்கள் எதிர்பார்க்கின்றனர். தங்கபாலு பதவி விலக மேலிடம் உத்தரவிட்டது. காங்கிரசுக்கு புதிய தலைவரை சோனியா விரைவில் அறிவிப்பார்.

சட்டசபை தேர்தலில் காங்கிரஸ் தோல்விக்கு சகவாச தோஷம் தான் முக்கிய காரணம். மக்கள் லஞ்ச லாவண்யம் ஒழிக்கப்பட வேண்டும். குடும்ப அரசியல் வளர்ந்து விட கூடாது என்பதற்காக தேர்தலில் ஓட்டளித்தனர். சோனியா யாரை தலைவராக அறிவித்தாலும், அதை ஏற்று காங்கிரசை வளப்படுத்த தொண்டர்கள், தலைவர்கள் ஒன்றாக இணைந்து செயல்பட பாடுபடுவேன்," என்றார்.

Topics: ஈவிகேஎஸ் இளங்கோவன், காங்கிரஸ், evks elangovan, congress

English summary

Senior Congress leader EVKS Elangovan told that he has expected the defeat of congress in the assembly election 2011.

சட்டசபையை மீண்டும் கோட்டைக்கு மாற்ற வைகோ எதிர்ப்பு

சென்னை: தமிழக சட்டசபையை மீண்டும் புனித ஜார்ஜ் கோட்டைக்கு மாற்றுவதற்கு மதிமுக பொதுச் செயலாளர் வைகோ எதிர்ப்புத் தெரிவித்துள்ளார்.

அதிமுக கூட்டணியில் கேட்ட சீட் கிடைக்காததால், சட்டசபைத் தேர்தலைப் புறக்கணித்த மதிமுக தேர்தல் முடிந்து, அதிமுகவும் ஆட்சிப் பொறுப்பில் அமர்ந்து விட்ட நிலையில் இன்று அரசியல் ஆலோசனைக் கூட்டத்தைக் கூட்டியது.

தங்களது ஆதரவே இல்லாமல் அதிமுக மாபெரும் வெற்றியடைந்தது அக் கட்சிக்கு பெரும் கலக்கத்தை ஏற்படுத்தியுள்ளது. தமிழகத்தில் மதிமுக ஒரு சக்தியே இல்லை என்ற அளவுக்கு அதிமுக வெற்றி பெற்றுள்ளது.

இந் நிலையில் சென்னை எழும்பூரில் உள்ள மதிமுக தலைமையகமான தாயகத்தில் அவைத் தலைவர் திருப்பூர் துரைசாமி தலைமையில் மதிமுகவின் ஆட்சி மன்றக் குழு உறுப்பினர்கள், மாவட்டச் செயலாளர்கள், அரசியல் ஆலோசனைக் குழுவினர், அரசியல் ஆய்வு மைய உறுப்பினர்கள் அடங்கிய கூட்டம் இன்று நடந்தது.

அதில் சட்டமன்றத் தேர்தல் முடிவுகள் குறித்து கட்சியினருடன் வைகோ ஆலோசனை நடத்தினார்.

இக் கூட்டத்தில் நிறைவேற்றப்பட்ட தீர்மானங்கள் விவரம்:

- இம்முறை தேர்தல் களத்தில் மதிமுக பங்கேற்காவிடினும், கடந்த ஐந்து ஆண்டுகளாக, திமுக அரசின் மக்கள் விரோதப் போக்கை எதிர்த்து, மக்கள் மன்றத்தில் இடையறாத பிரச்சாரத்திலும் அறப்போரிலும் அர்ப்பணிப்போடு ஈடுபட்டது. தமிழ்நாட்டின் நலன்களையும், ஜனநாயகத்தையும், பாதுகாப்பதற்கான பாதையைச் செப்பனிட்டதில், மதிமுக தந்திட்ட அளப்பரிய பங்கு, மக்கள் மனதில் தனித்ததோர் தாக்கத்தை ஏற்படுத்தியது.

எதிர்காலத்தில், இனி அதிகார துஷ்பிரயோகத்தையும், ஊழல் பணத்தையும் கொண்டு எவரும் தேர்தலில் வெல்ல முடியாது எனும் எச்சரிக்கை தரும் சரியான பாடத்தை வாக்காளர்கள் கற்பித்துள்ளனர்.

- தமிழக அரசின் தலைமைச் செயலகமும், சட்டமன்றமும் இயங்குவதற்கு புதிதாகக் கட்டப்பட்ட கட்டடங்களும் வளாகங்களும், அள்ளித் தெளித்த அவசர கோலத்தில் செய்யப்பட்டதும், தொடக்கத்தில் கூறப்பட்ட மதிப்பீட்டுத் தொகையைவிட மூன்று மடங்கு அதிகமாக செலவீட்டுத் தொகை காட்டப்பட்டதும் மிகத் தவறானது.

எனினும், மக்கள் வரிப்பணத்தில் கட்டப்பட்ட, மக்களுக்குச் சொந்தமான கட்டடங்களை நிராகரித்து விட்டு, ஜார்ஜ் கோட்டை வளாகத்திலேயே சட்டமன்றமும், தலைமைச்
செயலகமும் இயங்கிட புதிய அரசு முடிவு எடுக்குமானால், முந்தைய அரசால் கட்டப்பட்ட மாவட்ட ஆட்சியர் அலுவலகங்கள், காவல்துறை கண்காணிப்பாளர் அலுவலகங்கள், மேம்பாலங்கள், நீதிமன்றக் கட்டடங்கள் இவற்றையெல்லாம், புதிய அரசு பயன்படுத்தாது விட்டுவிடுமா? என்ற கேள்வி எழுகிறது.

எனவே, சட்டமன்றத்தை மாற்றுவது ஏற்பு உடையது அல்ல; மக்கள் வரிப்பணத்தில் கட்டப்பட்ட புதிய கட்டடத்திலேயே சட்டமன்றம் தொடர்ந்து இயங்க வேண்டும்.

- விவசாயிகளின் வாழ்வு சீர்குலைந்து நொறுங்கி, விரக்தியின் விளிம்புக்கே தள்ளப்பட்டுள்ள நிலையில், அவர்களின் நலனைப் பாதுகாப்பதன் மூலமே, தமிழ்நாட்டின் எதிர்காலத்தைக் காப்பாற்ற முடியும். குறிப்பாக, மிகப்பெரிய கேள்விக்குறியாகி விட்ட நதிநீர் ஆதாரங்களின் உரிமையைக் காத்தல், அமைந்து உள்ள அரசின் தலையாய கடமை ஆகும்.

- முல்லைப் பெரியாறு அணையைப் பாதுகாப்பதற்கும், புதிய அணை என்ற பெயரால், தமிழ்நாட்டுக்கு நிரந்தரக் கேடு விளைவிப்பதற்கும் திட்டமிட்ட கேரள அரசின் முயற்சிகளைச் சட்டப்படியாகவும், மத்திய அரசைத் தலையிடச் செய்வதன் மூலமாகவும், அனைத்து முயற்சிகளிலும் தமிழக அரசு ஈடுபட வேண்டும் என்பன உள்ளிட்ட தீர்மானங்கள் நிறைவேற்றப்பட்டன.

ஒரு கோடி புத்தகங்கள் ? ? - சென்னை புத்தகக் கண்காட்சி

எங்க ஊருல – திண்டுக்கல்லில் – வழக்கம் போல எல்லா ஊர் மாதிரியும் வெயில் அதிகமா இருக்கும் மாதமான சித்திரையில்–மாரியம்மன் கோவில் திருவிழா நடக்கும். ஏன்னா அம்மை அந்த மாதங்களில் அதிகமா வர வாய்ப்புள்ளதால் வேப்பிலை,மஞ்சள் போன்றவைகளை இப்படியாச்சும் உபயோகிக்கட்டுமேன்னு ஆரம்பிச்சிருப்பாங்க.அந்த திருவிழாவில எனக்கு பிடிச்சது ரெண்டே விஷயங்கள் - கடைகள், மாவிளக்கு(அதுவும் நெய்யோட சாப்பிடும் சுகமே தனி). எனக்கு நினைவு தெரிஞ்சு கடைல நான் ரொம்ப ஆசைப்பட்டு வாங்கியது ஒரு சின்ன படகு.ஒரு பெரிய தாம்பாள தட்டுல, சின்ன விளக்கப் பொருத்தி அந்த படகுக்குள்ள வெச்சா அதுபாட்டுக்கு கடகடன்னு சுத்திகிட்டே இருக்கும். முதல் முறையா அதை வாங்கினபோது தலகால் புரியல.கிடைக்காதது கிடைச்ச மாதிரி ஒரு சந்தோசம். அவ்வளவுதான்..இனி அந்தப் பொருள் திருவிழாவில கிடைக்காது எப்படியோ வாங்கிட்டோம்ன்னு ஒரு நெனப்பு. அது மாதிரி வாங்காம விட்ட பொருட்களை நெனச்சு ரொம்பவே வருந்துவேன் முன்னமே சொன்ன மாதிரி இனி அது கிடைக்காதுன்னு ஒரு எண்ணம். ஆனா ஒவ்வொரு திருவிழாவிலும் ஒரே பொருட்களே எல்லா கடைகளிலும் இருப்பது போகப்போக புரிஞ்சது. ஒரு கட்டத்துல புதுசா ஒண்ணும் வரவேயில்லைன்னு தெரிஞ்சிருஞ்சு. எதிர்காலத்தை கணிக்கும் ரோபாட் கூட பத்து வருடங்களுக்கும் மேலா சிவப்பு வண்ணத்தில் ஒரே காஸ்ட்யூமிலேயே வலம் வந்துகிட்டிருக்கு.அதே மிளகா பஜ்ஜி – அதே டெல்லி அப்பளம் – அதே ராட்டினம் – அதே கரும்பு ஜூஸ் – புதுசா கழிப்பறை கட்டியிருந்தாலும் வெளியவே ஒண்ணுக்கு போய் அந்த பக்கமே போக முடியாம செய்யும் நம் மண்ணின் மைந்தர்கள் – டியூப்லைட்ல உபயம்னு வளச்சு வளச்சு எழுதிப்போட்டு வெளிச்சமே வராம செய்யும் மண்டகப்படிக்காரர்கள். எல்லாம் அதே.

இதுதான் எனக்கு சென்னை புத்தகக் கண்காட்சியில முதல் அனுபவம்.சனிக்கிழமை போயிருந்தேன். சென்டரலிலிருந்து நேரா பச்சயப்பாஸ்தான். ரெண்டு மூணு வருசங்களுக்கு முன்னாடி இதுபோல கண்காட்சிக்கு முன்னே பழைய புத்தகங்களை விற்கவிடாம பண்ணிட்டாங்கன்னு ஒரு பேச்சிருந்துச்சு. இந்த தடவை ரொம்பவும் அதிகமாவே பழைய புத்தகங்கள் இருந்தது. விலையும் கம்மி. கொஞ்ச நேரம் அங்க ஓட்டிட்டு கண்காட்சிக்குள்ள போன நம்ம விக்ரம் வரவேற்றார். ஆச்சிரியத்தோட கொஞ்ச தூரம் மேற்கொண்டு போனா தமன்னா இருந்தாங்க...என்னடாயிதுன்னு யோசிக்கும்போதே வரிசை இளையராஜால ஆரம்பிச்சு ரஹ்மான்ல முடிஞ்சது. உபயம்: குமுதம். எங்க திரும்பிலாம் அவர்களின் போஸ்டர் கண்ணில் அடித்தது

என் வாழ்க்கையிலேயே முதல்முறையாக ஒரு புத்தகக் கண்காட்சிக்கு நுழைவுச் சீட்டு எடுத்தது இங்குதான். அதுக்கு பரிசுக் குலுக்கல் வேறன்னு எழுதியிருந்தது. நா மறந்துபோய் எழுதிப்போடாம கையோட எடுத்துகிட்டு வந்துட்டேன். உள்ள 10 கவிஞர்களின் பேருல ஒவ்வொரு பாதை. ஒவ்வையார், இளங்கோவடிகளில் ஆரம்பிச்சு பாரதியார்-தாசன், ஷெல்லி முதல் தாகூர் வரை இருந்தது. இதுல விவேகானந்தர் தான் odd man out. கலைஞரை ஏன் சேர்க்கலைன்னு தெரியல.ஒருவேள சமகால கவிஞர்களை கணக்குல எடுக்க மாட்டாங்களோ என்னவோ

முதல்ல என் கண்ணில் பட்ட ஸ்டால் பி.ரத்தின நாயக்கர் & சன்ஸ். உள்ள போன பட்சி சாஸ்திரம், பல்லி சாஸ்திரம், தும்மல் சாஸ்திரம், அங்க லட்சண சாஸ்திரம், மச்ச சாஸ்திரம், சாமுத்திரிகா லட்சணம் இது போல பல புத்தகங்கள். எல்லா சாஸ்திரங்களையும் வாங்கிப் படிச்சாக் கூட எனக்கு கொஞ்சம் கூட வளராதுன்னு தெரியும் – அறிவு. அப்படியே போய் ஒரு யு-டர்ன் அடிச்சா உயிம்மை.செம கூட்டம். மனுஷ்யபுத்திரன் இருந்தார். நிறைய பேர் போட்டோ எடுத்துகிட்டு அப்படியே போயிட்டாங்க. அவரு நிம்மதியா தனியா உக்காந்துகிட்டு யோசன பண்ணிட்டு இருந்தார். சரி..நானும் ஏதாவது பேசலாம்னு கிளம்பும்போது அவரு சடார்னு தெறிச்சு ஓடிட்டார்.ம்ம்..எப்படித்தான் கண்டுபிடிக்குறாங்களோ.அப்படியே நேஷனல் புக் டிரஸ்ட் ஸ்டாலுக்கு போனேன்.NBTல பல தரமான புத்தகங்கள் குறைந்த விலைக்கு கிடைக்கும்னு எனக்கு வாங்கிய முன் அனுபவத்தில் தெரியும். சலீம் அலியின் பல புத்தகங்கள், இயற்கை குறித்தப் புத்தகங்கள், தமிழ் சிறுகதைகள்ன்னு பல நல்ல புத்தகங்கள் அவர்களிடம் கிடைக்கும். ஆனா இந்த முறையும் புதிதாக எதுவும் இல்லாதது ஏமாற்றமே. கவிஞர்-பாடலாசிரியர் நா. முத்துக்குமார் மும்மரமா புத்தகங்களை வாங்கிக் கொண்டிருந்தார். ஒருத்தர் நாலு சிறுவர் சிறுமியருடன் வந்திருந்தார். அங்கேயே சிறுவர்களுக்கான புத்தகங்களை வாங்கி ஆளுக்கு ஒண்ணு பரிசா கொடுத்துக்கிட்டிருந்தார். எனக்கு எங்கப்பா ஞாபகமே வந்தது. இன்னும் அவர் இந்த வகை புத்தகக் கண்காட்சிக்கு வர இயலவில்லை. மதுரைல போலாம்ன்னு நினைக்கும் போதுதான் நடக்க சிரமமா போயிருச்சு. அடுத்த ஆண்டாவது வரணும். பார்ப்போம்.

அப்பறம் அம்பேத்கர் ஸ்டாலுக்கு போய் ஒரு புத்தகத்தை வாங்கினேன். எல்லாம் மிகவும் விலை குறைவு. இதுல இன்னொன்னு, காந்தியின் சத்திய சோதனையும் இன்ன பிற புத்தகங்களும் அம்பேத்காரின் புத்தகங்களும் பெரியாரின் புத்தகங்களும் கூடவே இஸ்லாம் புத்தகங்களும் கீதை ஆகிய அனைத்தும் மிகவும் விலை குறைவு. ஏறத்தாழ ஒரே விலை. what an irony...

கிழக்கு பதிப்பகம் – அதன் அபிமானிகள் கோவிக்கக் கூடாது. சத்தியமா ஏதோ சரவணபவன் ஹோட்டலுக்குள்ள நொலஞ்ச மாதிரி டக்குனு தோணிச்சு.தூக்ககலக்கமும் ஒரு காரணமாயிருக்கலாம். எல்லாரும் சீருடையில இருந்தாங்க. அதான் இந்த குழப்பத்திற்கு காரணம். அதுலவேற ஒரு சர்வே பார்ம்ன்னு ஒண்ண கொடுத்தாங்க. கிழக்கு பதிப்பகம் சார்பில் என்னன்ன புத்தகங்கள் வரும்னு நினைக்கிறீங்கன்னு இருந்தது.நம்மளையும் மதிச்சு கருத்து கேட்க்குறாங்களேன்னு எல்லாத்தையும் டிக் அடிச்சு வெச்சேன். என்ன...பொது என்ற தலைப்பின் கீழ கோழி வளர்ப்பது எப்படின்னும் அதற்கடுத்து பாரதியார் கவிதைகள்ன்னு இருந்தது சற்று நெருடியது. காக்கை குருவி எங்கள் ஜாதின்னு பாடிய ஆளுனால கோழி ஒண்ணும் செய்யாதுன்னு நினைக்கிறேன். என்ன இருந்தாலும் செம மார்கெட்டிங் திறமை தெரிந்தது. பா.ராகவன் இருந்தார். இரா.முருகனும் இருந்தார்.அப்படியே எதிர் வெளியீடு, ஆழி, கறுப்புப் பிரதிகள், தமிழினி,தாய்மடி தமிழ் சங்கம் இது போல இருந்த ஸ்டால்களை ஒரு சுற்று வந்தேன். சாஹித்திய அகாடெமி ஸ்டால் காத்தாடியது.பல நல்ல நூல்களும், பழைய நூல்களும் இருந்தது. புக் வேர்ல்ட் லைப்ரரின்னு ஒண்ணு இருக்கு(இதை மருதன் அவர்கள் தளத்தில் இருந்து தெரிந்து கொண்டேன்). பல ஆங்கில புத்தகங்கள் வெறும் 150துன்னு போட்டிருந்தாங்க.ரொம்ப ஆவலா உள்ள போனா..புஸ்ஸா போச்சு. என் சிற்றறிவுக்கு எட்டின மாதிரி ஆங்கில புத்தகங்கள் இல்லை.எல்லாம் ரொம்ப பெரிய புத்தங்கள் போல.ஒண்ணும் புரியல.காமிக்ஸ்கள் பல – ஜட்ஜ் ட்ரேட் முழுத் தொகுப்பு அட்டகாசம் – செமையா இருந்தது. இசை புத்தகங்கள் இருந்தது. எனக்கு பிடிச்ச பாப் டிலனின் பாடல் வரிகள் அடங்கிய புத்தகம் வாங்கச் சொல்லி அடம் பிடித்தது. கூடவே ராக் இசை பத்திய புத்தகமும் சேர்ந்து கொண்டது..

சரி வேணாம்னு Oxford ஸ்டாலுக்குள்ள நொலஞ்சா நா விரும்பிய புத்தகங்கள் 500,600 ரூபாய்ன்னு இருக்கு. வெறும் வாசனையை மட்டும் நுகர்ந்திட்டு வந்திட்டேன். காலச்சுவடுக்குள்ள போனாலும் இதே கதைதான். ரொம்பவும் விலை. எனக்கு கட்டுபடியாகவில்லை. குங்குமம் புத்தகக் ஸ்டாலில் ஏதோ சமைக்கும் பொருட்கள் எல்லாம் கொடுத்திட்டிருந்தாங்க. Induction அடுப்பு இருந்ததான்னு தெரியல..வீட்டுக்கு வாங்கணும். பல நல்ல தமிழ் பெயருடன் நிறைய ஸ்டால்கள் இருந்தது. பழனியப்பா பிரதர்ஸ்ல நரசய்யாவின் ஆலவாயும் மதராச பட்டினமும் வாங்கணும் ஒவ்வொரு முறை நினைத்து பின் வேண்டாம்ன்னு போவதே வாடிக்கையாக போயிருச்சு. ஒருவழியாக நான்கு மணிநேரத்திலேயே என் திக் விஜயம் முடிவுக்கு வந்தது.

அமைப்பாளர்கள் ஸ்டால்களை வட்டவடிவமாகவோ Z வடிவிலோ வெச்சா நல்லாயிருக்குனும்னு தோணுது. இது எனக்கு சிரமமாயிருந்தது.கிட்டத்தட்ட 450 ஸ்டால்களுக்கும் மேல என்று நெனைக்கிறேன். ஆனா பெரும்பாலும் சில குறிப்பிட்ட புத்தகங்களே பல ஸ்டால்களிலும் நிறைந்திருந்தது. தனித்துவமான புத்தகங்களோ புத்தகக் கடைகளோ குறைவாகவே இருந்ததாக நான் உணர்ந்தேன். இது என் தவறாகக் கூட இருக்கலாம். Quantity is there..but Quality??. தரத்தை நான் நிர்மானிக்க முடியாது-கூடாது என்றாலும் பார்த்தால் ஓரளவிற்கு தெரியுமில்லையா..மேலும் கழிவு 10% மட்டுமே. இதே அளவிற்குதான் எங்கள் ஊரிலும் வாடிக்கையாகவே தராங்க. என்னைப் போல பல பேருக்கும் பொருளாதார நிலைமை யோசிக்க வைத்திருக்கும் என்று நினைக்கிறேன். ஒரு லேமன்டீக்கு கூட 15ரூ எனக்கு அதிகமாகவே தெரிந்தது.இன்னொரு நல்ல விஷயம் தண்ணீர் ஏற்பாடு பிரமாதம். மினரல் வாட்டர் வாங்குவதற்கு பதில் அங்கே இலவசமாகவே சபோல்ஸ் மினரல் வாட்டர் ஏற்பாடு பண்ணியிருந்தாங்க.வெளிய, பஜ்ஜி பேல் பூரி சாப்பிடுவதில் நிறைய பேர் முனைந்திருந்தார்கள்.பின்ன...பசிக்காதா...

ஏற்கனவே சொன்ன மாதிரி ஒரே மாதிரி புத்தகங்களே நிறைய இருந்தது சோர்வைத் தந்துது. ஒரு கோடி புத்தகங்களில் தொண்ணுற்று எட்டு லட்சம் புத்தகங்கள் ஒரே வகையாக இருந்த மாதிரி தெரிந்தது. இது என்னோட பார்வைக் கோளாறான்னு தெரியல.போனவங்க யாராவது இதுபோல உணரந்தீங்களான்னு தெரியல.அமைப்பாளர்கள் ஸ்டால்களை – புத்தக எண்ணிக்கைகளை விட அரிதான, புதிய வகையான புத்தகங்களை அறிமுகப்படுத்தினால் நல்லாயிருக்கும் என்பது என் கருத்து. நாங்க(அப்பா+நான்) எப்படி இருந்தாலும் மாதாமாதம் ஒரு நான்கு அல்லது அஞ்சு புத்தகங்களை வாங்கிருவோம்.அதுனால அடிக்கடி புத்தகக் கடைக்கு போய்போய் ஓரளவு அனைத்து புத்தகங்களும் பரிச்சயமானதாகவே இருந்தது.

என்னைப் போல அல்லாமல் பல வேறு காரணங்களினால் புத்தகக் கடைகளுக்கு போக இயலாதவர்களுக்கு இது போன்ற கண்காட்சிகள் நிச்சயமாக ரொம்பவே பயனுள்ளதாக இருந்திருக்கும் என்று நினைக்கிறேன். அதுபோக நிறைய சின்னப் பசங்களும் பெற்றோர்களுடன் வருவதை பார்க்க ரொம்பவே மகிழ்ச்சியாக இருந்தது. என்ன மாதிரி புத்தகங்களை வாங்குகிறார்கள் என்று பார்ப்பதற்கு எனக்கு விருப்பமில்லை. அவரவர் ரசனை அவரவர்களுக்கு. மற்றவர் ரசனையை மதிப்பிட எனக்கு எந்த உரிமையுமில்லை என்று தோணுது.

கடைசியா நான் வாங்கிய புத்தகங்களை சொல்லாட்டி எப்படி..ஒரு சுயவிளம்பரம் இல்லாட்டி அப்பறம் தமிழன்னு சொல்லுவதில்ல என்ன பெருமையிருக்கு

இளைஞகர்களுக்கான புத்தர் – NBTஎஸ்.பட்டாச்சாரிய - NBT
நம் காலத்து நாவல்கள் – எஸ்.ரா – உயிர்மை
அப்போதும் கடல் பார்த்துக் கொண்டிருந்தது – எஸ்.ரா – உயிர்மை (எஸ்.ராவிற்கு பெரிய ரசிகன் என்றுலாம் நினைக்க வேண்டாம்)
கஸ்தூரிபா: மகாத்மாவின் மனைவி எழுப்பும் கேள்விகள் – மைதிலி சிவராமன் – பாரதி புத்தகாலயம்
சனங்களின் சாமிகள் கதை – அ.கா.பெருமாள் – United Writers
சூடிய பூ சூடற்க – தமிழினி – யாருடையதுன்னு உங்களுக்கே தெரியும்
மலேயா முதல் கனடா வரை – ஏ.கே.செட்டியார் – அகல் பதிப்பகம்
Earthquake: Forecasting & Mitigation – NBT ( இது என் வேலைக்கு )
தீண்டப்படாதவர்களுக்கு காந்தியும் காங்கிரசும் சாதித்தது என்ன? – அம்பேத்கார் நூல் தொகுப்பு: 16. (ரொம்ப நாளா தேடியது)

பல பேரின் முகங்களை வலைப் பதிவில் பார்த்தது போல இருந்தாலும், எப்படி பேசுவதுன்னு எனக்கு தயக்கமாகவே இருந்தது. இந்த விசயத்தில் நான் கொஞ்சும் கூச்சவாதி. அப்பறம் நா ஒண்ணும் பெரிய படிப்பாளி எல்லாம் கிடையாது. கையில கிடைப்பதை படிப்பேன். அதுனால பல சிரமங்களுக்கு இடையேயும் புத்தகங்களை பதிப்பித்துக் கொண்டும் வெளியிட்டுக்கொண்டும் இருக்கும் பதிப்பாளர்களை குறை சொல்லுவது போல எங்காவது தொணி தெரிந்தால் பொறுத்தருள்க.....

நமது NAMATHU.blogspot.com . . . . . . . நல்வரவு Enter

வியாழன், 19 மே, 2011

கூகுள் எவ்வளவு வரி கட்டுகிறது?வரிகளற்ற சொர்க்கங்கள் என்றால்?

வரிகளற்ற சொர்க்கங்கள் என்றால்?

மொரிஷியஸ்

நாளை மொரிசியஸ் எப்படி இதில் சம்பந்தப்படுகிறது என்று பார்ப்போம்.

கேதீஸ்வரன் லோகநாதனை கொன்ற சந்தேக நபர் யுத்தத்தில் பலி

முழுக்க, முழுக்க காரணம் காங்கிரஸின் பேர அரசியல்தான்.

ரூ 50 லட்சம் வைர நகை - பிரபல நடிகை விமான நிலையத்தில் கைது

வடிவேலுவுக்கு 5 ஆண்டுகள் அறிவிக்கப்படாத தடை?

புதன், 18 மே, 2011

நடிகை ரஞ்சிதாவுக்கு ரூ.20 கோடி: நித்யானந்தா பரபரப்பு பேட்டி

திமுக கொண்டு வந்த சமச்சீர் கல்வி புத்தகங்களை அழிக்க உத்தரவிட்டதாக தகவல்?

மாற்றக் கூடாது, தலைமைச் செயலக விவகாரம்: தமிழக அரசுக்கு நோட்டீஸ்

திமுகவை கழற்றிவிட இளைஞர் காங்கிரஸ் கோரிக்கை,உள்ளாட்சி தேர்தலில் தனித்து போட்டி

திமுக ஆட்சி ரூ.1.3 கோடி உர ஊழல்: 7 அதிகாரிகள் அதிரடி கைது

மதுரையில் மு.க.அழகிரி திருமண மண்டபம்-ஆதரவாளர் வீடு மீது தாக்குதல்

Tata to Mamata ஒத்துழைப்பு கொடுங்க!' -மம்தாவுக்கு டாடா எழுதிய கடிதம்

வசூலில் பள்ளிகள்: நகைகளை அடகு வைக்கும் பெற்றோர்

தவறுகளை சுட்டிக் காட்டுவோம்: வைகோ ஆவேசம்

ரஜினிக்கு என்னதான் பிரச்சினை...ஒரு முழு ரிப்போர்ட்!

யாழில். இந்திய உயர்கல்வி கண்காட்சி

அவசரகால சட்டத்தினை இரத்து செய்ய துரிதமான நடவடிக்கை - இந்தியா

கிழக்கு முதல்வர் சந்திரகாந்தனின் வீட்டில் இராணுவத்தினர் தேடுதல்

செவ்வாய், 17 மே, 2011

ஜெயலலிதாவுக்கு…. ஹிந்து – தினமணி ஜிஞ்சக்கு ஜிஞ்சா!

காங்கிரஸ் தோற்கும் என முன்பே தெரியும்! - ஈவிகேஎஸ் இளங்கோவன்

சட்டசபையை மீண்டும் கோட்டைக்கு மாற்ற வைகோ எதிர்ப்பு

ஒரு கோடி புத்தகங்கள் ? ? - சென்னை புத்தகக் கண்காட்சி