கொரோனா வைரஸ்.. அதிசயிக்கத்தக்க நடவடிக்கைகளை சீனா மேற்கொள்கிறது

Chinniah Kasi : கொரோனா வைரசும் புதிய பனிப்போரும் ! தீக்கதிர்:  கொரோனா வைரஸை கட்டுப்படுத்த உலகமே அதிசயிக்கத்தக்க நடவடிக்கைகளை மக்கள் சீனம் எடுத்துக் கொண்டிருக்கிறது. பத்தே நாட்களில் 1000 படுக்கைகள் கொண்ட மருத்துவமனை கட்டியதோடு மேலும் 12,500 படுக்கைகளுக்கான ஏற்பாட்டையும் செய்துவிட்டது. சீனாவின் மற்ற பகுதிகளிலிருந்து ஆயிரக்கணக்கான சிறப்பு மருத்துவர்கள், செவிலியர்கள் உஹான் நகரத்திற்கு விரைந்துள்ளனர். நோய்க்குள்ளானவர்களை ‘தனிமைப்படுத்தி மீட்கும்’ (quarantine) மிகப்பெரிய காரியமும் விரைந்து நடந்துள்ளன. மேலை நாட்டு ஊடகங்களும் நம் நாட்டு பத்திரிகைகளும் ‘சீனாவின் பெரும் நகரங்கள் வெறிச்சோடிக்கிடக்கின்றன’ என்று எழுதுவது உண்மையிலேயே அந்த மக்களின் கட்டுப்பாட்டைத்தான் காட்டுகின்றது. இதற்கும் மேலாக, வைரசின் மரபணு (genome) கட்டமைப்பை மிக விரைவாக கண்டறிந்தது மட்டுமல்லாமல் அதை எல்லோரும் புரிந்துகொள்ளும் விதமாக பொது தளங்களில் பதிவேற்றியுள்ளார்கள். அதனால் தான் உலக சுகாதார கழகத்தின் செயல் இயக்குனர் டாக்டர் மைக்கேல் ரியான் அதை ‘வரலாற்றுச் சிறப்பு மிக்கது’ என்றும் அதன் மூலம் விரைவான தீர்வுகளைக் கண்டறிய முடியும் என்றும் பாராட்டியுள்ளார்.

கொரோனா பாதிப்பு சந்தேகம்.. தொழிலதிபர் சுட்டுக்கொலை ... இது வடகொரியா 'ஸ்டைல்’

மாலைமலர் : வடகொரியாவில் கொரோனா பாதிப்பு இருக்கலாம் என சந்தேகிக்கப்பட்ட நபர் பொது குளியல் அறைக்கு சென்றதால் வைரஸ் பரவாமல் இருக்க அவர் சுட்டுக்கொல்லப்பட்டார். சியோல்: சீனாவின் ஹூபேய் மாகாணம் வுகான் நகரில் பரவத்தொடங்கிய கொரோனா வைரஸ் தற்போது உலகின் பல்வேறு நாடுகளுக்கும் பரவி பெரும் அச்சுருத்தலாக விளங்கிவருகிறது.
இந்த வைரஸ் பாதிப்பிற்கு 1,370 பேர் உயிரிழந்துள்ளனர். மேலும் உலகம் 60 ஆயிரத்து 400 பேருக்கு கொரோனா வைரஸ் பாதிப்பு இருப்பது உறுதி செய்யப்பட்டுள்ளது. இந்த வைரஸ் பரவுவதை தடுக்க பல்வேறு நாடுகளும் தீவிர முயற்சிகள் மேற்கொண்டு வருகின்றன. ஆனால், சர்வாதிகார ஆட்சிக்கு பெயர்போன வடகொரியா கொரோனா வைரஸ் பாதிப்பு இருக்கலாம் என சந்தேகத்திற்கு உள்ளான நபரை சுட்டுக்கொன்றுள்ளது.

சீனவில் பள்ளிகளுக்கு காலவரையற்ற விடுமுறை:! ... கொரொனோ வைரஸ் அபாயம் ...

வெப்துனியா:  சீனாவில் கொரோனா வைரஸ் தாக்கம் நாளுக்கு நாள் அதிகரித்து வரும் நிலையில் கொரோனா வைரஸ் தாக்கத்தால் உயிரிழந்தவர்களின் எண்ணிக்கை 2 ஆயிரத்து நெருங்கியுள்ளது. நேற்று ஒரே நாளில் மட்டும் 200-க்கும் அதிகமானோர் இறந்துள்ளதாகவும் 10 ஆயிரத்துக்கும் அதிகமானோர் பாதிக்கப்பட்டுள்ளதாகவும் செய்திகள் வெளிவந்துள்ளது >இதனை அடுத்து கொரோனாவைரஸ் பாதிப்பால் ஷாங்காய் நகரில் நடைபெற உள்ள சர்வதேச கால்பந்து போட்டியும் ரத்து செய்யப்பட்டது. அது மட்டுமின்றி உலக மொபைல் மாநாடு சீனாவில் நடைபெறும் என்று அறிவிக்கப்பட்டது. ஆனால் இந்த மாநாட்டில் நோக்கியா, வோடோபோன் உள்பட பல முன்னணி நிறுவனங்கள் கொரோனாவைரஸ் அச்சத்தின் காரணமாக வர மறுத்து விட்டதால் இந்த மாநாடும் ரத்து செய்யப்பட்டது

கொரோனா..வைரஸ் சீனாவில் 1487 பேர் உயிரிழப்பு ... கைமீறி போகிறது?

tamil.oneindia.com - shyamsundar : பெய்ஜிங்: சீனாவில் கொரோனா வைரஸ் தாக்குதலால் பலி எண்ணிக்கை 1487 ஆக உயர்ந்துள்ளது. இது அந்நாட்டு மக்களை பெரும் சோகத்திற்கு உள்ளாக்கி உள்ளது.
கொரோனா வைரஸ் சீனாவின் வுஹன் நகரத்தில் தோன்றிய கொடுமையான வைரஸ் ஆகும்.இது தொடுதல் மூலமாக ஒருவரிடம் இருந்து இன்னொருவருக்கு பரவ கூடியது. நோய் தாக்கியவர் தொட்டால் அந்த வைரஸ் இன்னொருவருக்கும் பரவும்.
மத்திய சீனாவில் தோன்றினாலும் தற்போது அந்நாடு முழுக்க இந்த வைரஸ் வேகமாக பரவி விட்டது. அதேபோல் மிக முக்கியமாக சீனாவை போலவே 22 நாடுகளில் இந்த வைரஸ் பரவி உள்ளது.
கொரோனா கோரத் தாண்டவம்.. இந்தியர்கள் பீதியடைய வேண்டாம்.. மத்திய அமைச்சர் ஹர்ஷ்வர்த்தன் நம்பிக்கை

இந்துமதத்தில் சுயமரியாதை இல்லை 430 தலித்துகள் இஸ்லாமியராக மதம் மாறினர்.. கோவை மேட்டுப்பாளையத்தில்

tamil.news18.com : இந்து மதத்தில் சுயமரியாதை இல்லை என்று கூறி சுமார் 430 தலித்துகள்  கோவை மேட்டுப்பாளையத்தில் இஸ்லாமியர்களாக  மதம் மாறியுள்ளனர
; கோவை மாவட்டம் மேட்டுப்பாளையம் நடூர் பகுதியில் துணிக்கடை உரிமையாளர் சிவசுப்பிரமணியம் வீட்டின் சுற்றுச்சுவர் இடிந்து விழுந்து தலித் குடும்பங்களை சேர்ந்த 17 பேர் உயிரிழந்தனர். இந்த சம்பவத்தில் துணிக்கடை உரிமையாளர் மீது வன்கொடுமை சட்டத்தின் கீழ் வழக்கு பதிவு செய்ய வேண்டும் என வலியுறுத்தினர். ஆனால் கைது செய்யப்பட்ட சிவசுப்பிரமணியம் மீது சாதாரண பிரிவுகளில் வழக்கு பதிவு செய்யப்பட்டது. உயிரிழந்த தாழ்த்தப்பட்ட மக்களுக்காக போராட்டம் நடத்திய தமிழ்புலிகள் அமைப்பின் தலைவர் நாகை திருவள்ளுவன் உட்பட பலர் கைது செய்யப்பட்டனர்.
நாகை திருவள்ளுவன் மீது அடுத்தடுத்து பல ஊர்களில் வழக்குகள் போடப்பட்டு ஒரு மாதத்திற்கும் மேலாக அவரை சிறையில் அடைத்தனர். இந்நிலையில் தலித் மக்களுக்கு உரிய சுயமரியாதை இந்து மதத்தில் கிடைக்காததால், தமிழ் புலிகள் அமைப்பினர் 3000 தாழ்த்தப்பட்ட மக்களை அழைத்துக்கொண்டு இஸ்லாம் மதத்திற்கு மாறப் போவதாக அறிவித்திருந்தனர்.

பிரிட்டனின் புதிய நிதியமைச்சரானார் இன்போசிஸ் நாராயண மூர்த்தி மருமகன் ரிஷி சுனக்

   BBC : இன்ஃபோசிஸ் கம்பெனி நிறுவனர் நாராயண மூர்த்தியின் மருமகனும் இந்திய வம்சாவழியைச் சேர்ந்தவருமான ரிஷி சுனாக் பிரிட்டனின் நிதியமைச்சராக நியமிக்கப்பட்டுள்ளார்.

சேன்சலர் ஆஃப் எக்ஸ்செக்கர் என்ற பதவி, பிற நாடுகளில் நிதியமைச்சர் என்று சொல்லப்படும் பதவிக்கு இணையானது. இந்தப் பதவியில் இருந்து வந்த சஜித் ஜாவித் தனது பதவியை ராஜினாமா செய்து அதிர்வலைகளை உருவாக்கினார். அவருடைய உதவியாளர் குழுவை பதவி நீக்கும்படி பிரதமர் போரிஸ் ஜான்சன் உத்தரவிட்டார். இதையடுத்து, “சுயமரியாதையுள்ள எந்த அமைச்சரும் இந்த நிபந்தனையை ஏற்க முடியாது” என்று கூறி தாம் பதவி விலகுவதாக அறிவித்தார்.
நான்கு வாரத்தில் முதல் பட்ஜெட்டை தாக்கல் செய்ய இருந்த நிலையில் இந்த முடிவை அவர் அறிவித்தார்.

இதையடுத்து கருவூலத்துக்கான தலைமைச் செயலாளர் (சீஃப் செக்ரட்டரி டூ எக்ஸ்செக்கர்) பதவியில் இருந்த 39 வயது ரிஷி சுனாக் அந்தப் பதவிக்கு நியமிக்கப்பட்டார்.

கொரோனா வைரஸ் பிற நாடுகளுக்குப் பரவியது சிங்கப்பூர் வழியாக? BBC

கரிஷ்மா வாஸ்வானி - ஆசிய வணிகச் செய்தியாளர், பிபிசி.:
சீனா தவிர்த்த பிற நாடுகளில் கொரோனா வைரஸ் பரவியதற்கு என்ன காரணம் என்ற கேள்விக்கு, சிங்கப்பூர் சில விடைகளைத் தருகிறது.< கடந்த புதன்கிழமை சிங்கப்பூரில் செயல்பட்டு வரும் வங்கி ஒன்றின் ஊழியருக்கு கொரோனா வைரஸ் தொற்று இருப்பது உறுதி செய்யப்பட்டதை தொடர்ந்து, அந்த வங்கியில் பணியாற்றிய 300 ஊழியர்களும் அங்கிருந்து வெளியேற்றப்பட்டுள்ளனர்.
ஒரு ஊழியருக்கு கொரோனா தொற்று கண்டுபிடிக்கப்பட்டதற்காக ஒட்டுமொத்த அலுவலகத்திற்கே விடுமுறை அளிக்கும் நிலையில்தான் சிங்கப்பூரில் கொரோனா குறித்த அச்சம் மேலோங்கி வருகிறது.
ஏனெனில் சீனாவுக்கு அடுத்தபடியாக கொரோனா வைரசால் அதிகம் பேர் பாதிக்கப்பட்டுள்ள இடங்களில் சிங்கப்பூரும் ஒன்று. அங்கு 50 பேருக்கு கொரோனா வைரஸ் தொற்று இருப்பது உறுதி செய்யப்பட்டுள்ளது.
பல வெளிநாடுகளில் கொரோனா வைரஸ் தொற்றினால் பாதிக்கப்பட்டுள்ளவர்கள் கண்டறியப்பட்டாலும், சிங்கப்பூரில் இந்த எண்ணிக்கை அதிக அளவில் இருப்பதற்கு இரண்டு முக்கிய காரணங்கள் கூறப்படுகின்றன.

டொனால்டு டிரம்ப் வருகை.. குடிசைகளை மறைக்க ஏழு அடிக்கு சுவர் ... குஜராத் குல்மால்

தினத்தந்தி : டொனால்டு டிரம்ப் வருகையின் போது குடிசை வாரிய குடியிருப்புகளை மறைக்கும் வகையில் ஏழு அடி உயரத்துக்கு சுவர் எழுப்பும் குஜராத் அரசு புதுடெல்லி. அமெரிக்க ஜனாதிபதியாக பதவியேற்ற பிறகு  டொனால்டு டிரம்ப் தனது மனைவி மெலனியாவுடன் வருகிற 24 மற்றும் 25-ந்தேதிகளில் இந்தியாவில் சுற்றுப்பயணம் மேற்கொள்கிறார். இந்த தகவலை வெள்ளை மாளிகை நேற்று முன்தினம் அதிகாரப்பூர்வமாக அறிவித்தது. இந்தியா வரும் ஜனாதிபதி  டிரம்பையும் அவரது மனைவியையும் வரவேற்கும் விதத்தில் வெளியுறவு அமைச்சக டிவிட்டர் பக்கத்தில் வீடியோ பதிவுகளை வெளியிட வலியுறுத்தப்பட்டுள்ளது. இதனை தொடர்ந்து பல்வேறு தரப்பினரும், டிரம்பை வரவேற்று பதிவுகளை வெளியிட்டு வருகின்றனர்.
டிரம்புக்கு  சிறப்பான வரவேற்பு அளிப்பதற்கு குஜராத் மாநில அரசும், இந்திய அரசும் தயாராகி வருகிறது. இந்த நிலையில், குஜராத்தின் அகமதாபாத் மாவட்டத்திலுள்ள சர்தார் வல்லபாய் படேல் சர்வதேச விமான நிலையத்துக்கு அருகிலுள்ள குடிசை வாரிய குடியிருப்புகளை மறைக்கும் வகையில் ஏழு அடி உயரத்துக்கு அரை கிலோ மீட்டர் தூரத்துக்கு சுவர் ஒன்றை அகமதாபாத் மாநகராட்சி கட்டிவருகிறது.

காதலர் தினத்துக்கு எதிராக இந்து முஸ்லிம் தீவிரவாதிகளின் அடாவடி பிரசாரம்

    ஆலஞ்சியார் : காதல் என்ற பெயரில் ஆணும் பெண்ணும் இணைந்து சுற்றுவது விபச்சாரம்
..தவ்ஹீத்ஜமாத் ..
ஆணும் பெண்ணும் தனியாக பீச் பார்க்கில் இருந்தால் திருமணம் செய்துவைத்து லாட்ஜ் புக் செய்து கூடவே 25,000 பணமும் தருவோம் இந்துமுன்னணி.. ..
இந்து முன்னணிகாரர்களின் பேச்செல்லாம் செல்லாகாசு என்பதால் அதை காரியமாக்க தேவையில்லை ..
ஆனால் தாங்கள் நேர்வழியில் என்பவர்களிடத்தில் தான் பேச வேண்டியிருக்கிறது .. இவர்கள் யார் எது விபச்சாரமென முடிவு செய்ய ஒருவரின் தனி சுதந்திரத்தில் தலையிட இவர்களுக்கு என்ன யோக்கியதை இருக்கிறது ..
காதல் ஏதோ கெட்ட காரியம் போலவும் இவர்கள் மட்டுமே ஒழுக்கமானவர்கள் போலவும் இவர்கள் மட்டுமே சிறந்தபாதையில் செல்வது போலவும் எத்தனைகாலம் ஏமாற்றி திரிவார்கள் .. ஒரு பெண்ணும் ஆணும் தனித்திருந்தாலே அவர்கள் கெட்டவர்கள் என்பதைபோல இவர்கள் பேசி திரிவது எந்தவகை நாகரீகம் . ..
காதல் புனிதமானதென்றெல்லாம் சப்பைகட்ட வரவில்லை மாறாக காதல் இயல்பானது ..
ஒவ்வொருவர் மனதிலும் வந்து போகும் உணர்வு .. யாரை யாரை வேண்டுமானாலும் விரும்புவதற்கோ வெறுப்பதற்கோ தடைபோட நாம் யார் .. எது தேவையென உணரும் போது அவர்கள் தங்களுக்கு நம்பிக்கை தருகிறவர்களை நேசிப்பது ஏதோ மிகப்பெரிய குற்றம் போல சித்தரிக்கிறார்கள்

தமிழகத்தில் ஒவ்வொருவர் மீதும் 45 ஆயிரம் ரூபாய் கடன் சுமை ..பி டி ஆர் பழன்வேல் தியாகராஜன்

மின்னம்பலம் :தமிழக அரசு வாங்கும் கடனில் 18 சதவிகிதத்தை வட்டி கட்டவே செலவிடுவதாக திமுக குற்றம்சாட்டியுள்ளது.
தமிழகத்திற்கான பட்ஜெட் கூட்டத் தொடர் நாளை தொடங்கவுள்ளது. காலை 10 மணிக்கு துணை முதல்வர் பன்னீர்செல்வம் பட்ஜெட் தாக்கல் செய்து, புதிய திட்டங்கள் தொடர்பான அறிவிப்பையும் வெளியிடுகிறார். ஆனால், தமிழக அரசின் கடன் மட்டுமே 4 லட்சம் கோடியாக அதிகரித்திருப்பதாகவும், நிதிச் சுமையில் தமிழக அரசு இருப்பதாகவும் எதிர்க்கட்சிகள் குற்றம்சாட்டி வருகின்றன.
இந்த நிலையில் சென்னை அண்ணா அறிவாலயத்தில் இன்று (பிப்ரவரி 13) செய்தியாளர்களிடம் பேசிய சட்டமன்ற உறுப்பினரும், திமுக தகவல் தொழில்நுட்ப அணிச் செயலாளருமான பி.டி.ஆர்.பழனிவேல் தியாகராஜன், “அதிமுக ஆட்சிக்கு வரும்போது தமிழக அரசின் கடன் தொகை 1 லட்சம் கோடியாக இருந்தது. ஜெயலலிதா மறைவின்போது 2 லட்சம் கோடியாக இருந்தது. தற்போது 4 லட்சம் கோடியை தாண்டிவிட்டது. தமிழக அரசின் வருவாய் பற்றாக்குறை 23, 500 கோடியாக உள்ளது” என்று குற்றம்சாட்டினார்.

`மனிதனை மனிதன் சுமப்பதா?!’ -பல்லக்கில் பவனிவரும் நிகழ்ச்சியைத் தவிர்த்த தருமபுர ஆதீனம்

vikatan.com - மு.இராகவன் - பா.பிரசன்ன வெங்கடேஷ் : மனிதர்கள் சுமந்துசெல்லும் பல்லக்கில், தருமபுரம் ஆதீனகர்த்தர் செல்வதற்கு எதிர்ப்பு

தெரிவிக்கப்பட்டதால் பல்லக்கில் செல்வதைக் கைவிட்டு, ஆதீனகர்த்தர் கோயிலுக்கு நடந்தே சென்றது பொதுமக்களிடையே பெரும் வரவேற்பைப் பெற்றுள்ளது.
நாகை மாவட்டம் மயிலாடுதுறையில் உள்ள தருமபுர ஆதீனத்தின் புதிய ஆதீனகர்த்தராக ஸ்ரீலஸ்ரீ மாசிலாமணி தேசிக ஞானசம்பந்த பரமாச்சாரிய சுவாமிகள் பொறுப்பேற்றுள்ளார். இவர், ஆதீன கட்டுப்பாட்டில் உள்ள அனைத்துக் கோயில்களுக்கும் சென்று வழிபாடு நடத்திவருகிறார். அப்போது, பக்தர்கள் அவரை ‘பட்டினப்பிரவேசம்’ எனப்படும் நிகழ்ச்சியாக, பல்லக்கில் அமர வைத்து, தோளில் சுமந்து கோயிலுக்கு அழைத்துச்செல்கின்றனர். இந்த நிகழ்ச்சிக்கு, சமீபத்தில் திராவிடர் கழகத் தலைவர் கி. வீரமணி எதிர்ப்பு தெரிவித்தார். “ஆதீனகர்த்தரை பல்லக்கில் தூக்கிச்சென்றால் போராட்டம் நடத்தப்படும்” என அறிவித்திருந்தார்.

பாங்காக்கில் இருந்து இந்தியா வந்த 2 பேருக்கு கொரோனா வைரஸ் பாதிப்பு

மாலைமலர் : தாய்லாந்து தலைநகர் பாங்காக்கில் இருந்து இந்தியா வந்த 2 பேருக்கு கொரோனா வைரஸ் பாதிப்பு உறுதி செய்யப்பட்டுள்ளது. பாங்காக்கில் இருந்து இந்தியா வந்த 2 பேருக்கு கொரோனா வைரஸ் பாதிப்பு பயணிகளை பரிசோதிக்கும் நிபுணர்கள் கொல்கத்தா: சீனாவில் வேகமாக பரவி வரும் ஆட்கொல்லி கொரோனா வைரஸ், இதுவரை 1,357 உயிர்களை பலி வாங்கி உள்ளது.
மேலும் பலரது உடல்நிலை கவலைக்கிடமாக உள்ளது. சீனாவில் இருந்து 25க்கும் மேற்பட்ட பல்வேறு நாடுகளுக்கும் இந்த வைரஸ் பரவத் தொடங்கி உலக நாடுகளை அச்சுறுத்தி வருகிறது. இதனால் பல்வேறு நாடுகள், சீனாவில் இருந்து திரும்பும் பயணிகள் அனைவரையும் தீவிரமாக கண்காணித்து வருகிறது. தீவிர மருத்துவ பரிசோதனைக்கு பிறகே அனுமதிக்கப்படுகின்றனர்.
இந்தியாவின் கேரளாவில் 3 பேருக்கு கொரோனா வைரஸ் பாதிப்பு இருப்பது உறுதி செய்யப்பட்டுள்ளது. இந்நிலையில், தாய்லாந்து தலைநகர் பாங்காக்கில் இருந்து வந்த விமானத்தில் பயணித்து கொல்கத்தா திரும்பிய 2 பேருக்கு கொரோனா வைரஸ் பாதிப்பு இருப்பது உறுதி செய்யப்பட்டுள்ளது.

நீட் ஆள் மாறாட்டம்- 10 பேரை பிடிக்க பேஸ்புக், டுவிட்டர் உதவியை நாடிய போலீஸ்

மாலைமலர் : நீட் தேர்வு முறைகேடு வழக்கில் ஆள் மாறாட்டத்தில் ஈடுபட்ட 10 மாணவ-மாணவிகளை பிடிக்க சிபிசிஐடி போலீசார் பேஸ்புக், டுவிட்டர் உதவியை நாடி உள்ளனர்.
சென்னை: நீட் தேர்வில் ஆள் மாறாட்டம் செய்து தமிழக மாணவர்கள் பலர் மருத்துவ கல்லூரிகளில் சேர்ந்து இருப்பது கடந்த ஆண்டு தெரிய வந்தது.
தேனி மருத்துவ கல்லூரியில் படித்து வந்த சென்னை மாணவர் உதித் சூர்யா, தனது தந்தையும் டாக்டருமான வெங்கடேசன் மூலமாக இந்த முறைகேட்டில் ஈடுபட்டது முதலில் அம்பலமானது.
இது தொடர்பாக சி.பி.சி.ஐ.டி. போலீசார் விசாரணை நடத்தி வருகிறார்கள். இந்த வழக்கில் சிக்கிய உதித் சூர்யா, வெங்கடேசன் இருவரிடமும் நடத்தப்பட்ட விசாரணையில் பரபரப்பான தகவல்கள் வெளியானது.
மேலும் பல மாணவர்கள் நீட் தேர்வில் ஆள் மாறாட்டம் மூலமாக டாக்டர் படிப்பில் சேர்ந்து இருப்பது வெட்ட வெளிச்சமானது.

பாடகர் எஸ்.பி.பாலசுப்ரமணியம் காஞ்சி சங்கரமடத்துக்கு வீடு தானம்

tamil.indianexpress.com : பாடகர்  எஸ்.பி.பாலசுப்ரமணியம் நெல்லூரில் உள்ள தனது பூர்வீக வீட்டை வேத பாடசாலை அமைப்பதற்காக விஜயேந்திரரை சந்தித்து சங்கர மடத்துக்கு தானமாக அளித்துள்ளார்.
திரைப்பட பின்னணி பாடகர் எஸ்.பி.பாலசுப்ரமணியம் தமிழ், தெலுங்கு, மலையாளம் கன்னடம், இந்தி என பல மொழி சினிமாக்களில் 40,000 பாடல்களுக்கு மேல் பாடி கின்னஸ் சாதனை படைத்துள்ளார். இவருடைய இசை சேவையை கௌரவிக்கும் வகையில் மத்திய அரசு இவருக்கு பத்மபூஷன் விருந்து வழங்கி கௌரவித்துள்ளது.
எஸ்.பி.பாலசுப்ரமணியம் ஆந்திரப்பிரதேசத்தில் உள்ள நெல்லூர் மாவட்டத்தில் பிறந்தவர். தெலுங்கு தாய்மொழியாகக் கொண்டவர் என்றாலும் இவர் ஒரு தமிழ் சினிமா பாடகராகவே அறியப்படுகிறார். திரைப்பட பின்னணி பாடகராக வளர்ந்த பின் அவர் சென்னைக்கு குடியேறிவிட்டாலும் அவருடைய பூர்வீக வீடு நெல்லூரில் அப்படியே இருந்து வந்தது.

துருக்கியில் எச்சில் துப்பி பீட்ஸா டெலிவரி செய்தவருக்கு 18 ஆண்டுகள் சிறை! -(வீடியோ

 வெப்துனியா :  துருக்கியில் வாடிக்கையாளர் ஒருவர் ஆர்டர் செய்த பீட்ஸாவில் எச்சில் துப்பி டெலிவரி செய்தவருக்கு 18 ஆண்டுகள் சிறை தண்டனை விதிக்கப்பட்டுள்ளது.
துருக்கியில் மத்திய அனடோலி பகுதியில் உள்ள எஸ்கிசர் நகரை சேர்ந்தவர் புராக்ஸ். இவர் பீட்ஸா டெலிவரி செய்யும் வேலை செய்து வந்தார். சம்பவத்தன்று இவர் வாடிக்கையாளர் ஒருவரின் வீட்டுக்கு சென்று ‘பீட்ஸா’ டெலிவரி செய்தார். இவரது நடவடிக்கையில் சந்தேகம் அடைந்த வாடிக்கையாளர் தனது அப்பார்ட்மெண்டில் பொருத்தப்பட்டுள்ள கண்காணிப்பு கெமராவில் பதிவான வீடியோவை போட்டு பார்த்தார். அதில் இவர் டெலிவரி செய்த பீட்ஸாவின் மீது எச்சில் துப்பியது பதிவாகி இருந்தது. இது குறித்து புராக்ஸ் மீது பொலிஸாரிடம் புகார் செய்தார். பொலிஸார் இவரை கைது செய்து இஸ்தான்புல் கோர்ட்டில் வழக்கு பதிவு செய்தனர்.வழக்கை விசாரித்த நீதிமன்றம் புராக்ஸ்சுக்கு 2½ ஆண்டுகள் சிறை தண்டனை விதித்து தீர்ப்பளித்தார்

குடியுரிமை திருத்த சட்டத்துக்கு எதிராக புதுச்சேரி சட்டசபையில் தீர்மானம்: கவர்னரின் எதிர்ப்பையும் மீறி நிறைவேறியது

தினத்தந்தி :  குடியுரிமை திருத்த சட்டத்துக்கு எதிராக புதுச்சேரி சட்டசபையில் கவர்னரின் எதிர்ப்பையும் மீறி தீர்மானம் நிறைவேற்றப்பட்டது. புதுச்சேரி, புதுவை சட்டமன்ற சிறப்பு கூட்டம் நேற்று நடந்தது. இந்த கூட்டத்தில் குடியுரிமை திருத்த சட்டத்துக்கு எதிராக தீர்மானம் நிறைவேற்றப்படும் என்று முதல்-அமைச்சர் நாராயணசாமி ஏற்கனவே அறிவித்திருந்தார். இதற்கு பாரதீய ஜனதா கட்சியை சேர்ந்த நியமன எம்.எல்.ஏ.க்கள் சாமிநாதன், சங்கர், செல்வகணபதி ஆகியோர் எதிர்ப்பு தெரிவித்தனர். இந்த தீர்மானத்தை சட்டமன்றத்தில் நிறைவேற்ற அனுமதிக்கக்கூடாது என்று கவர்னர் கிரண்பெடியை சந்தித்து மனுவும் கொடுத்தனர். இதையடுத்து கவர்னர் கிரண்பெடியும் முதல்-அமைச்சர் நாராயணசாமிக்கு ஒரு கடிதம் அனுப்பினார். அதில், நாடாளுமன்றத்தால் நிறைவேற்றப்பட்ட சட்டம் தொடர்பாக புதுவை சட்டசபையில் விவாதிப்பதை அனுமதிக்க முடியாது என்று கூறியிருந்தார்.

வீரபாண்டி ராஜாவின் பார்வை ரஜினியின் பக்கம்?

 மின்னம்பலம் :  பிப்ரவரி 3 ஆம் தேதி திமுகவின் சேலம் கிழக்கு மாவட்டப் பொறுப்பாளர் பதவியிலிருந்து அகற்றப்பட்டு, மாநில தேர்தல் பிரிவு செயலாளர் என்ற டம்மி பதவிக்கு மாற்றப்பட்டார் வீரபாண்டி ராஜா. இந்த ஆபரேஷன் நடந்து பத்து நாட்கள் ஆகிவிட்ட நிலையில் வீரபாண்டி ராஜா கூடாரத்தில் ஏற்பட்ட சலசலப்புகள் கொஞ்சம் கொஞ்சமாக ஓய்ந்து வருகின்றன. அதேநேரம் ராஜா மீதான தலைமையின் கோபம் தீரவில்லை என்பதற்கான நிகழ்வுகளும் நடந்துகொண்டுதான் இருக்கின்றன.
ராஜாவின் மாவட்டப் பொறுப்பு பறிக்கப்பட்டதால், அவரது ஆதரவாளர்கள் சிலர் சேலத்திலுள்ள வீரபாண்டி ஆறுமுகத்தின் சிலைக்கு மாலை அணிவித்து அங்கே தலைமைக்கு எதிராக முழக்கம் எழுப்பினர். ராஜா மீதான நடவடிக்கையை பரிசீலனை செய்யுமாறு தலைமைக்கு கோரிக்கையும் வைத்தனர். இந்நிலையில் வீரபாண்டி ராஜாவின் பதவிப் பறிப்பைக் கண்டித்து சேலம் கிழக்கு மாவட்ட இளைஞரணி அமைப்பாளர் சந்திரமோகன் தனது பதவியை ராஜினாமா செய்தார். அதேபோல மாவட்ட ஐடி விங் ஒருங்கிணைப்பாளர் நந்தகுமார், துணை ஒருங்கிணைப்பாளர் சுரேஷ்குமார் ஆகியோரும் பதவி விலகினார்கள். இந்நிலையில் பிப்ரவரி 6 ஆம் தேதி சந்திரமோகனை இளைஞரணியில் இருந்து நீக்கி முத்தனம்பாளையம் பி.அன்பழகனை மாவட்ட இளைஞரணி அமைப்பாளராக நியமித்தார் உதயநிதி. இதேபோல ஐடி விங் நிர்வாகிகளும் பிப்ரவரி 10 ஆம் தேதி பொறுப்பில் இருந்து நீக்கப்பட்டுள்ளனர்.

ஒரே நாளில் 242 பேர் உயிரிழப்பு - அதிர வைக்கும் கொரோனா வைரஸ்

மாலைமலர் :  சீனாவில்  நேற்று ஒரே நாளில் மட்டும் கொரோனா வைரஸ் பாதிப்பிற்கு 242 பேர் உயிரிழந்துள்ளனர். இதனால் இந்த வைரஸ் தாக்குதலுக்கு பலியானோர் எண்ணிக்கை 1357 ஆக அதிகரித்துள்ளது.
பீஜிங சீனாவின் ஹுபேய் மாகாணம் வுகான் நகரத்தில் முதன்முதலாக பரவிய கொரோனா வைரஸ் தற்போது உலகம் முழுவதும் பரவி  மிகப்பெரிய அச்சுறுத்தலாக விளங்கி வருகிறது. உலகம் முழுவதும் இந்தியா, அமெரிக்கா உள்ளிட்ட 25-க்கும் அதிகமான நாடுகளில் இந்த  வைரஸ் பரவியுள்ளது.
சீனா, மலேசியா, தைவான், ஜப்பான், கொரியா போன்ற நாடுகளில் கொரோனா தாக்கம் அதிகமுள்ளதாக கண்டறியப்பட்டுள்ளது. இந்த  வைரசுக்கான தடுப்பூசியை கண்டறியும் முயற்சியில் அமெரிக்கா, சீனா, ரஷ்யா போன்ற நாடுகள் ஈடுபட்டுள்ளன.; இதற்கிடையில் நேற்றைய நிலவரப்படி, கொரோனா வைரஸ் பாதிப்பிற்கு சீனாவில் 1,113 பேரும், ஹாங்காங் மற்றும் பில்ப்பைன்சில் தலா ஒருவரும் என மொத்தம் ஆயிரத்து 115 பேர் உயிரிழந்திருந்தனர்.

ஷாலின் ஒன் டூ த்ரீ எண்ணிக்கோங்க ". "ஒன்..டூ ..." நிசப்தமானது! .ஆஸ்பத்திரி டைரி- பாகம் 1.

Shalin Maria Lawrence : ஆஸ்பத்திரி டைரி- பாகம் 1
நேரம் சரியாக காலை 7 மணி 8 நிமிடங்கள் .அந்த உயர்தர அதிநவீன ஆஸ்பத்திரியின் மூன்றாம் தளத்திலுள்ள லேபர் வார்டிலிருந்து பச்சை நிற கவுன் உடையணிவித்து தலையில் பிளாஸ்டிக் உறையில் மூடப்பட்டு ஒரு நீண்ட ஸ்ட்ரெச்சரில் என்னை வைத்து ஒரு வார்டுபாய் தள்ளி கொண்டு இரண்டாம் தளத்திற்கு சென்றுகொண்டிருந்தார். இதயம் திக் திக் என்று அடித்து கொண்டிருந்தது .காலையில் நடந்த ஆஸ்பத்திரி சடங்குகளில் இந்த நிலை ஏற்பட்டிருந்தது .
உங்களில் எத்தனை பேருக்கு இந்த அனுபவம் வாய்த்திருக்கும் என்று தெரியாது .அதிகாலை கண் விழித்ததும் ஆசனவாயில் நெருப்பு மாத்திரைவைக்கப்படும் .காலை கடனை முடித்து ,குளித்து முடித்த பின்னே அந்தரங்க இடங்களில் சர்.... சர்... என்று சவரம் செய்வார்கள் .பொதுவாக சோப்பைக்கொண்டு ஈரப்படுத்தி செய்யும் சவரம் போல் இது கிடையாது .காய்ந்த தோளின்மேல் ஒரு மெல்லிய பிளேடால் சிறு முடிகளை மழிக்கும்போது சர்..சர்..சர்..என்கிற சத்தம் அந்த அதிகாலை நிசப்தத்தை கிழிக்கும் .யாரோ ஒருவர் நமது அந்தரங்கத்தை எந்த ஒரு விருப்பும் வெறுப்பும் இல்லாமல் பார்த்துக்கொண்டு அதை சுத்தப்படுத்தி கொண்டிருக்கிறார் என்கிற ஒரு சிந்தனை அப்படி ஒரு ஆசுவாசத்தை கொடுக்கும் .அந்த நொடியில் நாம் என்ன பாலினம் என்று மறந்துபோவோம் .ஆணும் இல்லை பெண்ணும் இல்லை நான் ஒரு உடல் மட்டும். .

ஆம் ஆத்மி வெற்றியும் அரசியல் புரிதலும் .. காங்கிரஸ், பிஎஸ்பி உள்பட 10% இடத்திருட்டை ஏன் ஆதரித்தார்கள் என்று புரிகிறதா?

மாநிலங்களில் பார்ப்பனர்கள் விகிதாசாரம்  

பா.ச. பாலசிங் ; கேஜ்ரிவால் வெற்றியும், நம் அரசியல் புரிதலும்...
97% Vs 3% இது நமக்கு மிகப் பரிச்சியமான கணக்கு. ஆனா, இது இந்தியாளவிலான கணக்கு. மாநில வாரியாக பார்ப்பனர்கள் கணக்கை இணைத்துள்ளேன். FC கணக்கு தனி.
இதில் இருந்து புரிவது?

1% பார்பனர்கள் இருக்கும் தமிழ்நாட்டிலேயே சமூக நீதி அரசியலை பேசுவதற்கு நாக்கு தள்ளுது, 10% கிட்டத்தட்ட 2 கோடி பார்ப்பனர்கள் + மற்ற FC உள்ள உத்தரப் பிரதேசத்தில் சமூக நீதி பேசுவது எவ்வளவு கடினமாக இருக்கும். விளங்குதா?
ஏன் பிஎஸ்பி துணைத் தலைவர்களாக பார்ப்பனர்கள் உள்ளார்கள் என்பது புரிகிறதா?
ஏன் காங்கிரஸ், பிஎஸ்பி உள்பட 10% இடத்திருட்டை ஆதரித்தார்கள் என்று புரிகிறதா?
எங்கெல்லாம் பார்ப்பனர்கள் குறைந்தது 5% உள்ளார்களோ, அங்கெல்லாம் சனாதனா ஆட்சியே நடைப் பெறுகிறது. இல்லையா?
இதற்கு எதிராக எந்த அரசியலை நாம் முன்வைக்கிறோம்?
பார்ப்பனரல்லாத அரசியல் மட்டும் சரியாக வருமா? மற்ற FC, பானியாக்களை எதிர்கொள்வதற்கு என்ன அரசியல் நம்மிடம் உள்ளது?

இலங்கையில் 2 வருடங்களில் இரண்டாயிரம் மாணவ மாணவிகள் ராகிங் காரணமாக வெளியேறி உள்ளனர் ..

Kamali Teps : கடந்த இரண்டு வருடங்களில் சுமார் இரண்டாயிரம் மாணவ மாணவிகள் பகிடிவதை காரணமாக பல்கலைக்கழகத்தில் இருந்து வெளியேறி உள்ளனர். அவர்களின் கல்வியை தொடர வருமாறு அரசாங்கம் அழைப்பு விடுத்ததுள்ளது. அப்படியானால் இன்னும் எத்தனை ஆயிரம் மாணவர்கள் பயம் காரணமாக பல்கலைக பக்கம் போகாமல் இருந்திருப்பார்கள்? எத்தனை ஆயிரம் மாணவர்கள் தங்கள் கல்விக் கனவு மற்றும் குடும்ப சூழ்நிலை காரணமாக அவமானங்களை சகித்துக் கொண்டு கல்வியை தொடர்ந்திருப்பார்கள்.இந்த முகநூலில் பதிவிறக்கி உள்ள இதற்கு முந்தைய வீடியோ பதிவை பாருங்கள்.
சட்டத்தின் ஆட்சிக்கு அப்பால் ஒரு அராஜக சாம்ராஜ்யத்தை இந்த பகிடிவதை மனநோயாளிகள் நடத்துகிறார்கள் என்று புரியும். நாளைக்கு உங்கள் ஊரில் உங்கள் உறவில் ஒருவருக்கு இந்த நிலை ஏற்படலாம். சக மாணவர்களின் கல்வியை சிதைப்பவர்களை இந்த சமூகம் மெளனத்தின் ஊடாக ஊக்குவிக்க முடியாது.

ஆம் ஆத்மி .. பாஜகவின் பி டீம்? அனுமான் கருணையால் வென்றோம் அர்விந்த் கேஜ்ரிவால்

Jeeva Sagapthan : வென்றது ஆம்ஆத்மி, தோற்றது காங்கிரஸ், தடுக்கப்பட்டது பாஜகவின் வெற்றி.

டில்லி சட்டமன்ற தேர்தலில் ஆம் ஆத்மி பெற்ற வெற்றி என்பது கண்கூடாகத் தெரிகிறது. ஆனால், இந்த பிரம்மாண்ட வெற்றியில் , நாம் கவனிக்க வேண்டிய நுட்பமாக அம்சங்கள் இருக்கின்றன. .
ஆம் ஆத்மி கட்சி தொடங்குவதற்கு முன்பு பாஜகவின் வாக்கு விழுக்காடு 36.3.ஏழு ஆண்டுகள் கழித்து தற்போது பாஜகவின் வாக்கு விழுக்காடு 38.4. ஆம் ஆத்மி தொடங்கிய பிறகு, கட்சி அளவில் பாஜகவிற்கு எந்த பின்னடைவும் இல்லை. இரண்டு விழுக்காடு வாக்கு அதிகரித்திருக்கிறது.
ஆம் ஆத்மி தொடங்குவதற்கு முன்பு காங்கிரஸ் கட்சியின் வாக்கு விழுக்காடு 48.1. ஆம் ஆத்மி தொடங்கி ஏழாண்டுகள் கழித்து, காங்கிரஸ் கட்சி வெறும் 4 விழுக்காடாக சுருங்கி விட்டது.
ஆம் ஆத்மிக்கு சிறுபான்மையினரின் ஆதரவு முழுமையாக கிடைத்திருக்கிறது. அதே சமயம் காங்கிரசுக்கு கிடைத்து வந்த இந்துக்களின் வாக்குகளையும் முழுமையாக எடுத்துக் கொண்டது. அந்த இந்துக்கள் யாரென்றால், சிறுபான்மை ஆதரவு மனநிலையில்லாமல், அதே சமயம் பாஜகவிற்கும் வாக்களிக்க மனமில்லாதவர்கள். அதாவது ஊழல் ஒழிப்பு என்ற மனநிலையில் வாக்களித்தவர்கள்.

பாலுமகேந்திரா கையில் எடுத்த ஆயுதம்! 13.2.2014 அன்று மறைந்தாலும்,என்றும் மறையாத ஆளுமை!

nakkheeran.in -t;கதிரவன் : கேமரா கவிஞர் என்று கொண்டாப்படும் பாலுமகேந்திரா இலங்கையில் பிறந்த தமிழர்.  ஆனாலும், அவர் ஈழப்பிரச்னை பற்றி எதையும் அவர் தனது படைப்புகளில் பதிவு செய்ய வில்லை என்ற விமர்சனம் உண்டு.
இது குறித்த கேள்வி ஒன்றுக்கு,  ’’பதிவு செய்ய வேண்டும் என்ற ஆவல் எனக்கும் உண்டு. ஆனால், அதிகபட்ச நேர்மையுடன் சொல்லப்பட வேண்டிய விசயம் இது. வியாபாரத்தைத் தாண்டியது. படைப்பாளிகள் தயார் தான். அப்படி ஒரு படத்தை தாங்கும் தயாரிப்பாளர் எங்கே?’’என்று பதிலளித்திருக்கிறார்.
’’சாவதற்குள் ஈழப்பிரச்சனை பற்றி ஒரு திரைப்படத்தை எடுத்துவிட வேண்டும்.  அதுதான் எனது கடைசி படைப்பாக இருக்க வேண்டும்’’ என்றும் சொல்லிவந்தார்.  அது கடைசிவரை நடக்கவே இல்லை.   சிங்களர்களால் தமிழர்கள் ஒடுக்கப்பட்டதை சிறு வயதிலேயே அறிந்தவர் பாலுமகேந்திரா. கவிஞர் காசிஆனந்தனும், கேமரா கவிஞர் பாலுமகேந்திராவும் இலங்கை மட்டக்களப்பில் இருந்த போது பக்கத்து பக்கத்து வீட்டுக்காரர்கள். இருவரும் இணைபிரியா நண்பர்கள். கல்லூரியிலும் இருவரும் ஒன்றாக படித்தவர்கள்.  அழியாத கோலங்களில் வரும் மூன்று சிறுவர்களின் ஒருவர் காசி ஆனந்தன் என்று பாலுமகேந்திராவே சொல்லியிருக்கிறார்.

ஏ.ஆர்.ரஹ்மானுக்கு ஜிஎஸ்டி நோட்டீஸ்; உயர் நீதிமன்றம் இடைக்காலத் தடை

tamil.indianexpress.com :ஏ.ஆர்.ரஹ்மானுக்கு ஜிஎஸ்டி நோட்டீஸ்; உயர் நீதிமன்றம் இடைக்காலத் தடை! பிரபல இசையமைப்பாளர் ஏ.ஆர்.ரஹ்மான்
திரைப்படங்களுக்கு இசையமைத்த பாடல்களின் காப்புரிமையை நிரந்தரமாக பட தயாரிப்பாளர்களுக்கு வழங்கியதற்காக, அவரை சேவை வரி செலுத்தும்படி, ஜிஎஸ்டி ஆணையர் அனுப்பிய நோட்டீசுக்கு...
பிரபல இசையமைப்பாளர் ஏ.ஆர்.ரஹ்மான் திரைப்படங்களுக்கு இசையமைத்த பாடல்களின் காப்புரிமையை நிரந்தரமாக பட தயாரிப்பாளர்களுக்கு வழங்கியதற்காக, அவரை சேவை வரி செலுத்தும்படி, ஜிஎஸ்டி ஆணையர் அனுப்பிய நோட்டீசுக்கு இடைக்காலத் தடை விதித்து சென்னை உயர் நீதிமன்றம் உத்தரவிட்டுள்ளது.
இசையமைப்பாளர் ஒருவர் தன் படைப்புகளின் முழு காப்புரிமை உரிமையாளராக உள்ளார். பின், அந்த உரிமையை பட தயாரிப்பாளர்களுக்கு வழங்கி விட்டால், சம்பந்தப்பட்ட இசையமைப்பாளர்களுக்கு வரி விலக்கு வழங்கப்படுகிறது.
இந்நிலையில், பிரபல இசையமைப்பாளர் ஏ.ஆர்.ரஹ்மான், தனது படைப்புகளின் காப்புரிமையை நிரந்தரமாக பட தயாரிப்பாளர்களுக்கு வழங்கியதற்காக, சேவை வரி செலுத்த வேண்டும் என, சரக்கு மற்றும் சேவை வரி எனப்படும் ஜி.எஸ்.டி., ஆணையர், கடந்த ஆண்டு அக்டோபர் 17-ம் தேதி நோட்டீஸ் அனுப்பியுள்ளார்.
இந்த நோட்டீசை ரத்து செய்யக் கோரியும், அதற்கு தடை விதிக்கக் கோரியும், இசையமைப்பாளர் ஏ.ஆர்.ரஹ்மான் சென்னை உயர் நீதிமன்றத்தில் மனுத் தாக்கல் செய்துள்ளார்.

ராதாபுரத்தில் நான்தான் வென்றேன்: சஸ்பென்ஸை உடைத்த அப்பாவு

மின்னம்பலம் : ராதாபுரம் தொகுதி மறுவாக்கு எண்ணிக்கையில் தான் வெற்றிபெற்றதாக அப்பாவு தெரிவித்துள்ளார்.

2016 சட்டமன்றத் தேர்தலில் ராதாபுரம் தொகுதியில் திமுக வேட்பாளர் அப்பாவுவை விட 49 வாக்குகள் அதிகம் பெற்று அதிமுக வேட்பாளர் இன்பதுரை வெற்றிபெற்றதாக அறிவிக்கப்பட்டது. இதனை எதிர்த்து சென்னை உயர் நீதிமன்றத்தில் அப்பாவு தொடர்ந்த வழக்கில், தபால் வாக்குகளையும் 19,20,21 சுற்றுகளின் வாக்குகளையும் மீண்டும் எண்ண உத்தரவு பிறப்பிக்கப்பட்டது.
அதன்படி, கடந்த ஆண்டு அக்டோபர் 4ஆம் தேதி சென்னை உயர் நீதிமன்ற வளாகத்தில் மறுவாக்கு எண்ணிக்கை நடைபெற்றது. எனினும் இன்பதுரை தாக்கல் செய்த மனுவை விசாரித்த உச்ச நீதிமன்றம், மறுவாக்கு எண்ணிக்கை முடிவுகளை வெளியிட இடைக்காலத் தடை விதித்தது. இந்த வழக்கு கடந்த அக்டோபர் மாதத்திலிருந்து இதுவரை விசாரிக்கப்படாமலேயே பலமுறை ஒத்திவைக்கப்பட்டுள்ளது.