எம் ஆர்,கே, பன்னீர்செல்வம் : தூர் வாரியதில் ஊழல்! கடலூர் ..200 கோடி ரூபாய் எங்கே?

விகடன் : கடலூர் மாவட்டத்துக்கு வெள்ளத் தடுப்புப் பணிக்காக ஒதுக்கப்பட்ட 200 கோடி ரூபாய் எங்கே? என்று கேள்வி எழுப்பியுள்ளார், தி.மு.க முன்னாள் அமைச்சர் எம்.ஆர்.கே.பன்னீர்செல்வம்.
 இதுகுறித்து அவர் கூறுகையில், "கடலூர் மாவட்டத்தில் வெள்ளத் தடுப்புப் பணிகள், சாலைகள் அமைத்தல், ஏரி, குளங்கள் தூர் வாரியதில் மெகா ஊழல் நடந்துள்ளது. இதுகுறித்து நீதிமன்றம் வழக்குப் பதிவுசெய்து விசாரணை நடத்த வேண்டும். தொகுதி அமைச்சர் எம்.சி.சம்பத் வெளியில் சென்று மழை பாதிப்புகளைப் பார்வையிடாமல், மக்களைச் சந்திக்காமல், கடலூர் மாவட்டத்தில் மழை பாதிப்புகள் ஏதும் இல்லை என்று கூறியிருக்கிறார்.

நமது எம்ஜியார், ஜெயாடிவி அலுவலகம், தினகரன்,திவாகரன், இளவரசி, புகழேந்தி வீடுகளிலும் ஆளுவலகங்களிலும் வருமானவரி சோதனை

விகடன் :கார்த்திக்.சி :  சென்னை
ஈக்காட்டுத்தாங்கலிலுள்ள ஜெயா டிவி அலுவலகத்தில் வருமானவரித்துறை அதிகாரிகள் சோதனையில் ஈடுபட்டுள்ளனர். முன்னாள் முதல்வர் ஜெயலலிதா இறப்பைத் தொடர்ந்து தற்போது, கட்சி டி.டி.வி.தினகரன் அணி மற்றும் எடப்பாடி பழனிசாமி அணி என இரண்டு அணியாக உள்ளது. கட்சி மற்றும் ஆட்சி எடப்பாடி பழனிசாமியின் கட்டுப்பாட்டில் இருந்துவருகிறது. ஜெயா டி.வி மற்றும் நமது எம்.ஜி.ஆர் ஆகியவை டி.டி.வி.தினகரனின் கட்டுப்பாட்டில் இருந்துவருகிறது. இந்தநிலையில், இன்று காலை ஆறு மணி முதல், வருமான வரித்துறை அதிகாரிகள் ஜெயா டிவி அலுவலகத்தில் சோதனையில் ஈடுபட்டுவருகின்றனர். இந்தச் சோதனையில் 10-க்கும் மேற்பட்ட வருமான வரித்துறை அதிகாரிகள் சோதனையில் ஈடுபட்டுள்ளனர். வருமானத்தை முறையாக காண்பிக்கவில்லை மற்றும் வருமான வரி சரியாக கட்டவில்லை என்ற அடிப்படையில் வருமான வரித்துறை அதிகாரிகள் சோதனையில் ஈடுபட்டுள்ளனர்.

உழவர்களே எச்சரிக்கை! திருப்பூர் தெற்கு பகுதிகளில்.. சாயப்பட்டறைகள் ..

ஏர்முனை இளைஞர் அணி : உழவர்களே எச்சரிக்கை!
திருப்பூர் தெற்கு பகுதிகளில் பேராபத்து காத்திருக்கிறது! நொய்யல் கரையில் இருந்து மெல்ல நகர்ந்து பல்லடம் சுற்று வட்டார பகுதிகளில் சாயப்பட்டறைகள் சத்தம் இல்லாமல் இயங்கிக் கொண்டு இருந்தது.
அதன் சாயம் தற்போது மெல்ல மெல்ல வெளுக்க ஆரம்பித்து விட்டது.ஆம் கரைப்புதூர் மற்றும் கணபதிபாளையம் சுற்று வட்டாரப் பகுதி உழவர்கள் தமது வேளாண் நிலத்தில் உள்ள கிணறுகள் , ஆழ்த்துழை கிணறுகளில் உள்ள தண்ணீர் வேளாண்மை செய்ய தகுதியற்றதாக மாறிவிட்டது என வேளாண் அதிகாரிகள் பரிசோதித்து சொல்லி விட்டதாகவும் இங்கு இயங்கும் 15க்கும் மேற்பட்ட சாய ஆலைகளில் உள்ள கிணறுகள்,ஆழ்துளை கிணறுகளை மூட உத்தரவிட வேண்டும் என்று சமீபத்தில் மாவட்ட ஆட்சியரிடம் மனு அளித்துள்ளனர்.

7 லட்சம் வாங்கிய கடனுக்கு 76 லட்சம் கட்டியுள்ளேன்.. கந்துவட்டி தொடர்கதைகள் ...

7 லட்சம் வாங்கிய கடனுக்கு 76 லட்சம் கட்டியுள்ளேன்..! இது மற்றுமொரு கந்துவட்டிக் கொடுமையின் குரல்

கந்துவட்டிக் கொடுமையால் நெல்லையில் ஒரு குடும்பமே தீக்கிரையானதையடுத்து, தமிழகம் முழுவதும் கந்துவட்டி தொடர்பான புகார்கள் குவிந்துவருகின்றன. இன்று ,கோவை கமிஷனர் அலுவலகத்தில் கொடுக்கப்பட்ட ஒரு கந்துவட்டிப் புகாரைப் பார்த்து போலீஸாருக்கே தலை கிறுகிறுத்துப்போனது. கோவையை அடுத்துள்ள சவுரிபாளையம் பகுதியில், சுப்பிரமணி என்பவர் கந்துவட்டித் தொழில் செய்துவருகிறார். இவரிடம் குருராசன், மணிகண்டன், விஜயேந்திர பூபதி, கார்த்திகேயன் சாந்தகுமார் ஆகிய ஐந்து பேர் சேர்ந்து, தொழில் தொடங்குவதற்காக கந்துவட்டிக்கு பணம் வாங்கியுள்ளனர். வாங்கிய பணத்தைவிட பல மடங்கு பணம் கொடுத்துவிட்டபோதும், சுப்பிரமணி விடாமல் பணம் கேட்டு துன்புறுத்துவதாக கோவை கமிஷனரிடம் புகார் அளித்தனர்.

கீழடி அகழாய்வு பொருள்களை கடத்த முயன்ற தொல்லியல் அதிகாரி... சிறைபிடித்த கிராம மக்கள்!

பாலமுருகன். தெ
கீழடி அகழாய்வில் கண்டெடுக்கப்பட்ட பொக்கிஷங்களை மத்திய தொல்லியல் துறை அதிகாரி கடத்த முயன்றதால் கீழடி ஊர்மக்கள் திரண்டு அந்த வாகனத்தையும் அதிகாரியையும் சிறை பிடித்தனர்.
சிவகங்கை மாவட்டம், கீழடி அகழாய்வு மூன்று கட்ட ஆய்வுப் பணிகள் நடந்து முடிந்திருக்கிறது. இந்நிலையில், நான்காம் கட்ட ஆய்வுப் பணி இன்னும் இரண்டு மாதங்களில் தொடங்கவுள்ளது சில தினங்களுக்கு முன்பு தமிழக தொல்லியல்துறை அமைச்சர் பாண்டியராஜன் தெரிவித்திருந்தார். இந்நிலையில் இன்று கீழடி அகழாய்வில் கண்டெடுக்கப்பட்ட சுமார் 7000 பொருள்களை இந்த ஊரில் உள்ள சமூதாயக்கூடத்தில் பாதுகாப்பாக வைக்கப்பட்டிருந்தது. திடீரென நேற்று மதியம் 3 மணியளவில் மதுரையில் இருந்து ராட்சதலாரி மூலம் அங்குள்ள அனைத்துப் பொருள்களையும் கடத்தியுள்ளார் தொல்லியல்துறையின் அதிகாரிகளில் ஒருவரான வீரராகவன்.

ரஷ்யா சிறுவன் சென்ற பிறவி ஞாபகம் ..செவ்வாய் கிரக அனுபவம் . திகைப்பில் ஆழ்த்தும் உமையாக்கள்

சமயம். :செவ்வாய் கிரகத்தில் பிறந்த அதிசய பிறவி.! ரஷ்யாவைச் சேர்ந்த இளைஞர் ஒருவர், பூமியில் பிறப்பதற்கு முன்பு தான் செவ்வாய் கிரகத்தில் வாழ்ந்ததாக கூறியுள்ளது விஞ்ஞானிகளை வியப்பில் ஆழ்த்தியுள்ளது. ரஷ்யா, வோல்கோகிராடைச் சேர்ந்த 20 வயது இளைஞர், போரிஸ்கா. இவர்தான் இந்த வியத்தகு செய்தியை உலகுக்கு அளித்துள்ளார். போரிஸ்கா, பிறந்த சில மாதங்களிலேயே பேசத் தொடங்கி விட்டதாகவும், இரண்டு வயதிலேயே எழுதப் படிக்க பழகிக் கொண்டதாகவும், கடினமான விஷயங்களை விவாதிக்கும் திறனை சிறுவயதிலேயே பெற்றிருந்ததாகவும் இவருடைய பெற்றோர் கூறுகின்றனர். மேலும், போரிஸ்கா, வேற்று கிரக வாசிகள் குறித்தும் பல வியத்தகு விவரங்களை கூறி வருகிறார். விஞ்ஞானிகள் போரிஸ்காவை அணுகி அவருடன் வேற்று கிரக வாசிகளின் பல்வேறு விஷயங்கள் குறித்து விவாதித்து வருகின்றனர்.

ஆம் ஆத்மியின் ராஜ்யசபா எம்.பி.பதவிக்கு ரகுராம் ராஜன் பரிந்துரை?

lakshmi-priya Oneindia Tamil: டெல்லி: ஆர்பிஐ முன்னாள் கவர்னராக இருந்த ரகுராம் ராஜனை மாநிலங்களவை எம்.பி.யாக்க ஆம் ஆத்மி கட்சி பரிந்துரைத்துள்ளதாக தகவல்கள் கூறுகின்றன.
மிக சிறந்த பொருளாதார மேதையான ரகுராம் ராஜன், ரிசர்வ் வங்கியின் கவர்னராக இருந்தார். பணமதிப்பிழப்புக்கு எதிராக கருத்து தெரிவித்ததால் அவர் மீது பாஜகவினர் அதிருப்தி அடைந்தனர். இந்நிலையில் பொருளாதார மேதையான அவர் பதவிக் காலம் முடிவடைந்ததாலும் பதவி நீட்டிக்கப்படும் என்று எதிர்பார்க்கப்பட்ட வேளையில் புதிய ஆளுநராக உர்ஜித் பட்டேலை மத்திய அரசு நியமித்தது.
இதைத் தொடர்ந்து இந்த ஆண்டுக்கான பொருளாதாரத்துக்கான நோபல் பரிசுக்கு ரகுராமின் பெயர் பரிந்துரைக்கப்பட்டுள்ளதாக கூறப்பட்டது. எனினும் அவர் அந்த விருதுக்கு தேர்வு செய்யப்படவில்லை.

திருச்சி - சீதனம் பெண் அடித்துக் கொல்லப்பட்டதாக புகார், கணவர் கைது

பாலிமார் :திருச்சியில் வரதட்சனை கொடுமையால் பெண் அடித்துக் கொலை செய்யப்பட்டதாக கூறப்படும் புகாரில் கணவரை கைது செய்து போலீசார் விசாரித்து வருகின்றனர்.
திருச்சி தில்லை நகர் 11 வது குறுக்குச் சாலையில் வசித்து வந்த கணபதி – ஜனனி தம்பதியருக்கு கடந்த 4 ஆண்டுகளுக்கு முன்பு திருமணம் நடைபெற்றது. இவர்களுக்கு 3 வயதில் ஒரு மகனும், ஒன்றரை வயதில் ஒரு பெண் குழந்தையும் உள்ளனர். கணபதியின் குடும்பத்தினர் திருமணத்தின்போது 200 சவரன் நகை கேட்டதாகவும் ஆனால் ஜனனியின் குடும்பத்தினர் 60 சவரன் நகையும் 5 லட்ச ரூபாய்க்கு வீட்டு உபயோகப் பொருட்களும் கொடுத்து திருமணம் செய்துவைத்ததாகவும் சொல்லப்படுகிறது.

யானைக்குட்டி மீது தீ பந்துகள் வீசிய கொடியவர்கள் .. நரகம் இங்குதான்....உள்ளது !

tamilthehindu ;நரகம் இங்குதான் இருக்கிறது' மேற்குவங்கத்தின் பன்குரா மாவட்டத்தில் சில இரக்கமற்ற மனிதர்கள் தார் பந்துகளில் தீ மூட்டி வீசி எறிய; ஒரு தாய் யானையும் குட்டி யானையும் தீப்பற்றிய தேகத்தோடு தப்பி ஓடும் காட்சியை பதிந்த புகைப்படக்காரர் பிப்லா ஹசாரா அந்த கோர சாட்சிக்கு வைத்த பெயர்தான் இது.
இந்த புகைப்படம், இந்த ஆண்டுக்கான சிறந்த வனவிலங்கு புகைபடத்துக்கான போட்டியில் வெற்றி பெற்றுள்ளது. வெற்றியைக் கொண்டாட முடியாத வேதனை இது. யானையின் பிளிறல் எப்போதும் கம்பீரத்தையே நினைவுபடுத்தும். ஆனால், அந்த புகைப்படம் நம் கண்முன் வேறு காட்சியை நிறுத்துகிறது.< இது குறித்து பிப்லா ஹசாரா, புகைப்படத்தின் விளக்கமாக எழுதியிருப்பது இதுவே: "தீயின் தாக்கதால் குட்டி யானை பிளிறிக் கொண்டு ஓடுவதும் குழப்பத்தில் தாய் யானை செய்வதறியாது சாலையைக் கடந்து ஓடுவதும் அந்த புகைப்படத்தில் காட்சியாக்கப்பட்டிருந்தது.

பணமதிப்பிழப்பு பாதிப்பு - மறக்க முடியாத புகைப்படங்கள்

வெப்துனியா :கடந்த வருடம் நவம்பர் 8ம் தேதி இரவு 8 மணியளவில் மக்களிடம் பேசிய மோடி, ரூ.500 மற்றும் ரூ.1000 நோட்டுகள் தற்போது முதல் செல்லாது என அறிவித்தார்.

கருப்புப்பணத்தை மீட்பதற்காகவும், தீவிரவாத குழுக்களிடம் சிக்கியுள்ள பணத்தை குறிவைத்தும் இந்த திட்டம் செயல்படுத்தபடுவதாகவும் அறிவித்தார். அதோடு 100 நாட்களுக்குள் மட்டும் மக்கள் பிரச்சனையை சந்திப்பார்கள். மக்கள் தங்களிடம் இருந்த ரூபாய் நோட்டுகளை வங்கியில் செலுத்தி புதிய ரூபாய் நோட்டுகளை பெற்றுக்கொள்ளுங்கள் என அறிவித்தார்.;அதன் பின் தங்களிடம் இருந்த பணத்தை மாற்ற மக்கள் வங்கிகளில் மாற்ற வரிசையில் நாள் கணக்கில் தவம் கிடந்தார்கள். வங்கியில் பணம் செலுத்தியவர்கள், புதிய பணத்தை எடுக்க ஏ.டி.எம் மையங்களின் முன் குவிந்தனர். பல ஏ.டி.எம்-களில் பணம் நிரப்பப்படாததால் மக்கள் மிகுந்த சிரமத்திற்கு ஆளாகினர். நூற்றுக்கும் மேற்பட்டவர்கள் மரணமடைந்தனர்.

மோடி அரசை தைரியமாக எதிர்க்கும் நடிகர் யார்? கருத்துக் கணிப்பு !

vinavu.com :தமிழகத்தைப் பொறுத்தவரை, இன்னும் மீசை முளைக்காத சிறுவர்கள் கூட அடித்துப் பழக வசமாக சிக்கியிருக்கும் கைப்பிள்ளைகளாக பாஜக கும்பல் மாறி வருகிறது. மெர்சல் பட பிரச்சினையின் போது இவர்களுக்கு கிடைத்த ‘அர்ச்சனை அபிஷேகத்தை’  பார்த்தால் ஹிட்லருக்கே இரக்கம் வரும்.
இன்றைக்கு அரசியல் வெளியில் பேசப்படும் ஒரு பிரச்சினைக்கு கருத்து சொல்லியே ஆக வேண்டும் என்ற நிலையில், திரைப்படங்களில் எழுதிக் கொடுத்த எதுகை மோனை பஞ்ச் டயலாக் பேசிக் கொண்டிருந்த சினிமா நடிகர்களுக்கு இது புதிய சோதனையை ஏற்படுத்தியிருக்கிறது. சந்தையில் தக்க வைத்துக் கொள்வதற்காகவேணும் பாஜகவைத் தொட்டு பேச வேண்டியிருக்கிறது.

BBC :சவூதி ஸ்டார் ஹோட்டல்களில் தடுத்து வைக்கப்பட்டுள்ள இளவரசர்கள்

உலகின் சிறந்த  இடங்களில் மறக்க முடியாத பயண
அனுபவங்கள் தரக்கூடிய ஆடம்பர ஹோட்டல்கள் மற்றும் ஓய்வு விடுதிகள்" என்ற பெயரை பெற்றது ரிட்ஸ்-கார்ல்டன் ஹோட்டல்கள்.
அதிபர்கள், பிரதமர்கள் மற்றும் முக்கிய நபர்கள் உயர்வகுப்பு சங்கிலி ஹோட்டல்களான ரிட்ஸ்-கார்ல்டன் ஹோட்டலில் தங்குவார்கள். பணக்காரர்களின் இரண்டாவது வீடு போல இந்த ஹோட்டல்கள் இருக்கிறது.
ஆனால், செளதி தலைநகரான ரியாத்தில் உள்ள ரிட்ஸ்-கார்ல்டன் ஹோட்டல் தங்கமுலாம் பூசப்பட்ட சிறையாக மாறியுள்ளது எனச் செய்திகள் கூறுகின்றன.
சில மாதங்களுக்கு முன்பு முதல்முறையாக செளதி வந்திருந்த அமெரிக்க அதிபர் டிரம்ப் தங்கியிருந்த இந்த ஹோட்டல், தற்போது உலகின் மிக ஆடம்பரமான சிறையாக மாறியுள்ளது. தீவிர பழமைவாத ராஜ்ஜியமான செளதியில், ஊழலுக்கு எதிரான களையெடுப்பு என செளதி அதிகாரிகள் விவரிக்கும் நடவடிக்கையில் 11 இளவரசர்களும், நான்கு அமைச்சர்களும் கைது செய்யப்பட்டுள்ளனர்.

தேசத்தின் கறுப்பு நாள்! வளர்ச்சியின் வீழ்ச்சி! சர்வாதிகாரத்தின் வெளிப்பாடு!

Natarajan Seetharaman : தேசத்தின் கறுப்பு நாள்! பணமதிப்பு நீக்கமும் சரக்கு மற்றும் சேவை வரியும் மோசமாகத் திட்டமிடப்பட்டு அவசரகதியில் நடைமுறைப்படுத்தப்பட்டவை. பணமதிப்பு நீக்கம் ஒருங்கிணைந்த வடிவத்தில் மேற்கொள்ளப்பட்ட சட்டபூர்வமான கொள்ளை. இந்தியாவின் பொருளாதாரத்துக்கும் ஜனநாயகத்துக்கும் இது ஒரு கறுப்பு நாள். உலகின் எந்தவொரு ஜனநாயக நாட்டிலும் இப்படியொரு வலுக்கட்டாய நடவடிக்கை மேற்கொள்ளப்பட்டதில்லை.

பொருளாதாரச் சீர்திருத்தங்கள் என்ற பெயரால் மோடி அரசால் மேற்கொள்ளப்பட்ட இந்த நடவடிக்கைகள் சீனாவுக்கு மட்டும்தான் உதவியிருக்கின்றன. அந்நாட்டின் ஏற்றுமதி மிகப்பெரிய அளவை எட்டியிருக்கிறது. பணமதிப்பு நீக்கத்தோடு சரக்கு மற்றும் சேவை வரியும் சேர்ந்துகொண்டு நாட்டிலுள்ள வணிகர்களிடையே மிக ஆழமான ‘வரி பயங்கரவாத’த் தாக்குதலை நிகழ்த்தியுள்ளன.
- மன்மோகன் சிங், முன்னாள் பிரதமர்.

சென்னை நகரம் யுனெஸ்கோவின் கிரியேட்டிவ் நகர அந்தஸ்தை பெற்றது

Greetings are being showered on the city of Chennai after its inclusion in the list of UNESCO Creative Cities
vikatan தினேஷ் ராமையா  :  பாரம்பர்ய இசை பங்களிப்புக்காக யுனெஸ்கோவின் கிரியேட்டிவ் நகரங்கள் பட்டியலில் சென்னை நகரம் இடம்பெற்றது . ஐக்கிய நாடுகள் அமைப்பின் அங்கமான யுனெஸ்கோ அமைப்பு கைவினைப் பொருள்கள் மற்றும் நாட்டுப்புறக் கலை, நகர வடிவமைப்பு, திரைப்படம், கேஸ்ட்ரானமி (உணவைத் தேர்ந்தெடுத்தல், சமைத்தல் மற்றும் உண்ணுதல்), இலக்கியம், ஊடகக் கலை மற்றும் இசை என 7 பிரிவுகளில் சிறப்பான பங்களிப்பு செய்யும் நகரங்களை கிரியேட்டிவ் சிட்டீஸ் (Creative Cities) என்ற அடைமொழியுடன் அங்கீகாரம் அளிக்கும். கடந்த 2004-ம் ஆண்டு முதல் உலகின் பல்வேறு நாடுகளைச் சேர்ந்த நகரங்களை இந்தப் பட்டியலில் இணைத்து யுனெஸ்கோ அமைப்பு ஊக்கப்படுத்தி வருகிறது. அதன்படி, பாரம்பர்ய இசைக்கு சென்னை அளித்து வரும் பங்களிப்பைக் கௌரவிக்கும் வகையில் கிரியேட்டிவ் சிட்டீஸ் பட்டியலில் சென்னையையும் யுனெஸ்கோ அமைப்பு சேர்த்தது.

2 ஆண்டுகளுக்கு பின் வீராணம் ஏரியில் நீர்திறப்பு திருவாரூரில் கனமழை: 60 ஆயிரம் ஏக்கர் பாசன நிலங்கள் நீரில் மூழ்கின

தினத்தந்தி :சென்னை, கடலூரில் உள்ள வீராணம் ஏரியின் முழு கொள்ளளவு 47.5 அடி. இந்நிலையில் இதன் நீர்மட்டம் 45 அடியை எட்டியது. தொடர்ந்து ஏரிக்கு 1,400 கனஅடி நீர்வரத்து உள்ளது. இதனால் சென்னைக்கு 60 கனஅடி நீர் திறக்கப்பட்டு உள்ளது. இந்த நீர் சென்னை மக்களின் குடிநீர் தேவைக்காக பயன்படுத்தப்படும். 2 ஆண்டுகளுக்கு பின் வீராணம் ஏரியில் இருந்து சென்னைக்கு நீர்திறக்கப்பட்டு உள்ளது.< திருவாரூர்,தமிழகத்தில் வடகிழக்கு பருவமழை கடந்த அக்டோபர் இறுதியில் தொடங்கி தொடர்ந்து மழை பெய்து வருகிறது. கனமழையால் வெள்ளம் பெருக்கெடுத்து ஓடியது. இதனால் பல நீர்நிலைகள் நிரம்பின. வெள்ளத்தினால் பல்வேறு பகுதிகளிலும் சாலைகளில் வாகனங்கள் செல்ல முடியவில்லை. இதனால் பல மாவட்டங்களில் இயல்பு வாழ்க்கை பாதிப்படைந்தது.
கனமழையினால் பள்ளி செல்லும் மாணவ மாணவியர் கடந்த ஒரு வாரம் சிரமமடைந்தனர். அதனால் பள்ளிகளுக்கு விடுமுறை அறிவிப்பும் வெளியானது.

8-11- 2016 மக்கள் தெருவுக்கு துரத்தப்பட்ட நாள் ,... இன்றும் மறைக்கப்படும் பேரழிவு!

தொட்டுவிடும் தூரத்தில் வல்லரசு பூத்திருக்க கட்டியிருந்த கோவணத்தையும் களவாடிய நாள் இன்று 8-11-2016

மின்னம்பலம் :"சிறப்புக் கட்டுரை: துயர நாள் கொண்டாடும் பணமதிப்பழிப்பு!" பணமதிப்பழிப்பு நடவடிக்கை மேற்கொண்டு ஓராண்டு நிறைவுபெற்று இன்று இரண்டாமாண்டு தொடங்கியுள்ளது. ஓராண்டு நிறைவடைந்த போதிலும் இந்த நடவடிக்கை மேற்கொண்டதற்கான இலக்கு நிறைவேறியதா? இல்லை, என்பதே பதில். பின்னர் எதற்காக இந்த நடவடிக்கை மேற்கொள்ளப்பட்டது, அதனால் மக்கள் ஏன் துன்புற்றனர் போன்ற பல்வேறு கேள்விகள் நம்மிடையே மீதமுள்ளன.
பணமதிப்பழிப்பு என்றால் என்ன என்பதைச் சற்று அசை போடலாம். 2016ஆம் ஆண்டின் இதே நாள் நள்ளிரவில் இந்தியாவின் பெருமைக்குரிய பிரதமர் நரேந்திர மோடி தனது உரையைத் தொடங்கும்போது இதன் மாபெரும்

விளைவை மக்கள் எவரும் உணர்ந்திருக்கவில்லை. இன்று உங்களது உயிர் பறிக்கப்படுகிறது என்று கூறுவதைப் போலத் திடீரென வெளியாகியது அந்த அறிவிப்பு. நாட்டில் கள்ள நோட்டுகளும், கணக்கில் வராத கறுப்புப் பணமும் புரண்டோடுவதாகவும், அதை ஒழித்துக்கட்டுவதாகவும் சபதமேற்ற மோடி தனது உரையில் நோட்டுகளை ஒழித்துக்கட்டுவதாக அறிவித்தார். உயர் மதிப்பு நோட்டுகள்தான் கள்ள நோட்டு மற்றும் கறுப்புப் பணத்துக்கு
ஆதாரமாக இருப்பதாகக் கூறி, ரூ.500 மற்றும் ரூ.1,000 நோட்டுகள் அன்று முதல் செல்லாது என்று அறிவிக்கப்பட்டது.

இண்டிகோ விமான ஊழியர்கள் பயணியை தாக்கிய விடியோ

Siva Oneindia Tamil டெல்லி: டெல்லி விமான நிலையத்தில் பயணி ஒருவரை இன்டிகோ ஏர்லைன்ஸ் ஊழியர்கள் தாக்கியபோது எடுத்த வீடியோ வெளியாகி வைரலாகியுள்ளது. டெல்லியில் உள்ள இந்திரா காந்தி விமான நிலையத்தில் பயணி ராஜீவ் கத்யால்(53) என்பவரை இன்டிகோ ஏர்லைன்ஸ் நிறுவன ஊழியர்கள் அடித்து கீழே தள்ளி குரல்வளையை நெறிக்கும் வீடியோ வெளியாகி வைரலாகியுள்ளது. அந்த வீடியோவை பார்த்தவர்கள் அதிர்ச்சி அடைந்துள்ளனர். இது குறித்து ராஜீவ் டிவி சேனல் ஒன்றுக்கு அளித்த பேட்டியின்போது கூறியதாவது, விமானத்தில் வந்திறங்கிய நான் பேருந்துக்காக காத்திருந்தேன். விமான நிழலில் நின்று கொண்டிருந்த என்னை இன்டிகோ ஊழியர் ஒருவர் தள்ளிப் போய் நிற்குமாறு திட்டினார். திட்டுவதற்கு பதில் பேருந்துக்கு ஏற்பாடு செய்யலாமே என்று நான் கூறினேன். என்ன செய்வது என்று நீங்கள் ஒன்றும் சொல்லித் தர வேண்டாம் என்றார் அவர். பேருந்து வந்தபோது அதில் ஏறவிடாமல் தடுத்தனர். இவனுக்கு பாடம் கற்பிப்போம் என்று கூறி என்னை அடித்து கீழே தள்ளி கழுத்தை நெறித்தனர் என்றார். இந்த சம்பவம் குறித்து இன்டிகோ நிறுவனம் ராஜீவிடம் மன்னிப்பு கேட்டதுடன் சம்பந்தப்பட்டவர்கள் மீது நடவடிக்கையும் எடுத்துள்ளது.

Appolo Scandal ஹேமநாதன் கடத்தப்பட்டார் ... அப்போலோவை அம்பலப்படுத்தியவர் ... ஆடியோ ,

கார்டூனிஸ்ட் பாலா அதிகாரமற்றவர்கள் மீது வாள்வீசிய போலி கார்டூனிஸ்ட்

Muruganantham Ramasamy : பாலாவின் கேலிச்சித்திரங்கள் அவரது அரசியல்நிலைப்பாட்டிற்கு எதிரானவர்களை சித்தரித்த வகையில் சில்லறைத்தனமானவை... அவரது அரசியல்நிலைப்பாடு வெளிப்பட்டபின் அதில் நாம் எதிர்பார்க்க ஏதுமில்லை.. அவர் ஜெயாவிற்கு அடித்த சொம்பிற்காக நமது எம்.ஜி.ஆரிலேயே வேலை கொடுத்திருக்க வேண்டும்..
பல தமிழ்தேசிய போர்வாள்களைப்போலவே ஜெயாவின் எதேச்சிகாரத்தை பணிந்து வணங்கி அதிகாரத்தில் இல்லாதவர்களை நோக்கி வாள்வீசிய பட்டியலில் பாலாவுக்கும் இடமுண்டு.. எடப்பாடி போன்ற ஒரு அரசியல் திறமற்ற ஒருவரின் கீழ் தங்களின் போராளி பிம்பத்தை புதுப்பித்துக்கொள்ள விளைபவர்களுக்கு எடப்பாடி எதேச்சிகாரத்தில் ஜெயாவின் வாரிசுதான் என்பதை துலக்கமாக சொல்லியிருக்கிறது பாலாவின் கைது.. அது மேற்கொள்ளப்பட்டவிதமும் கூட..

ஜெயா உருவாக்கிய அரசியல்மாதிரி என்பது தனது நலன்களுக்காக அதிகார சமரசம், தனக்கு எதிரானவர்கள் எளிமையானவர்கள் என்றால் அடக்குமுறை என்கிற முற்றிலும் சுயநலன் வழியும் அணுகுமுறை.. இதில் இம்மி பிசகாது பயணிக்கிறது எடப்பாடி அரசு.. ஒரே வேறுபாடு ஜெயாவால் தனது எதேச்சிகாரத்திற்கு வெகுசன அங்கீகாரத்தை பெற முடியும். இவர்களால் முடியாது என்பது மட்டுமே..

ஆர்,கே,நகர் திரைப்படம் ... “நடிகன்னா உனக்கு ஓட்டு போட்டு விடுவாங்களா... நீ என்ன எம்.ஜி.ஆரா...”

minnambalam :தயாரிப்பாளராக உருவெடுத்திருக்கும் வெங்கட் பிரபுவின் பிறந்த நாளை முன்னிட்டு அவரது தயாரிப்பில் உருவாகிவரும் `ஆர்.கே. நகர்’ படத்தின் டீசரைப் படக் குழு வெளியிட்டது. அந்த டீசரில் இடம்பெற்றிருக்கும் வசனங்கள் தற்போது சர்ச்சையைக் கிளப்பி வருகின்றன.
தமிழ் சினிமாவுலகில் இயக்குநர், நடிகர், பாடகர், பாடலாசிரியர் எனப் பன்முகம் கொண்ட இயக்குநர் வெங்கட் பிரபுவின் பிறந்த தினம் இன்று (நவம்பர் 7). அவரின் பிறந்த நாளைக் கொண்டாடும் விதமாகப் படத்தின் டீசரை நேற்று (நவம்பர் 6) இரவு 10 மணியளவில் வெளியிட்டனர். படத்தின் டீசரில் “நடிகன்னா உனக்கு ஓட்டு போட்டு விடுவாங்களா... நீ என்ன எம்.ஜி.ஆரா...” என்ற ஒரு வசனம் இடம்பெற்றிருக்கிறது. இந்த வசனம் கமலை விமர்சிப்பதுபோல் உள்ளது என ரசிகர்கள் கூறிவருகின்றனர்.

திமுகவிடம் நூல்விட்டு பார்க்கும் பாஜகா ,,,, குருமுர்த்தி ஆலோசனை ? ஈயோட்டும் பாஜகா கூட்டங்கள் ..

மின்னம்பலம் : “நேற்று டிஜிட்டல் திண்ணையில், ‘எப்படி இருந்தாலும் 2 ஜி வழக்கின் தீர்ப்பு விரைவில் வந்துவிடும். தீர்ப்பு எப்படி வரப்போகிறது என்பது தெரியாது. அப்படிப்பட்ட சூழ்நிலையில் எப்படி கருணாநிதி வீட்டுக்கு மோடி வந்தார் என்று ஆச்சரியமாக இருக்கிறது!’ என்று நான் கேட்ட கேள்விக்கு, ‘2 ஜி வழக்கின் தீர்ப்பு இன்னும் தள்ளிப்போகும் என்றுதான் சொல்கிறார்கள். எப்படியும் டிசம்பர் 9ஆம் தேதி, அதாவது குஜராத் தேர்தலுக்கு முன்பாக வழக்கின் தீர்ப்பு வர வேண்டாம் என பிஜேபி நினைக்கிறது. காரணம், 2 ஜி வழக்கிலிருந்து எல்லோரும் விடுதலை ஆவார்கள். தீர்ப்பு திமுகவுக்குச் சாதகமாகவே வரும் எனத் தகவல் சொல்லப்பட்டிருக்கிறது.
தீர்ப்பு முன்கூட்டியே வந்தால், அது குஜராத் தேர்தல் முடிவை பாதிக்கும் என பிஜேபி கணக்கு போடுகிறது. தீர்ப்பு திமுகவுக்குச் சாதகமாக வரும் என்பது உறுதியானதால்தான் மோடி கோபாலபுரத்துக்கே வந்தார் என்று சொல்கிறார்கள். எது எப்படி இருந்தாலும் மோடி மீது திமுகவினர் மத்தியில் மரியாதை கூடியிருப்பதைப் பார்க்க முடிகிறது” என்ற பதிலை ஸ்டேட்டஸ் ஆக போட்டிருந்தது ஃபேஸ்புக்.

குஷ்பு மருத்துவ மனையில் இருந்து உருக்கமான செய்தி ... youtube

நக்கீரன் : தமிழகத்தில் மழையால் பாதிக்கப்பட்டவர்களுக்கு உதவ அனைவரும் முன்வரவேண்டும் என நடிகை குஷ்பு வேண்டுகோள் விடுத்துள்ளார்.
 நடிகையும், கங்கிரஸ் கட்சியின் செய்தித் தொடர்பாளருமான குஷ்புவிற்கு, சமீபத்தில் அறுவைச் சிகிச்சை செய்யப்பட்டது. சிகிச்சை முடித்து ஓய்வில் உள்ள அவர் தற்போது காணொளி பதிவு ஒன்றை சமூக வலைதளத்தில் வெளியிட்டுள்ளார். அதில், ‘எனது உடல்நலன் குறித்து மிகுந்த அக்கறையுடனும், பாசத்துடனும் வாழ்த்திய அனைவருக்கும் நான் நன்றியைத் தெரிவித்துக் கொள்கிறேன். அதற்கு பதிலாக நான் என்ன செய்யமுடியும் என்று தெரியவில்லை. எனக்கு அறுவைச் சிகிச்சை முடிந்துவிட்டது. இரண்டு வாரங்கள் ஓய்வெடுக்கப் போகிறேன். இருந்தாலும் நான் உங்களோடு சமூக வலைதளங்களின் வாயிலாக அவ்வப்போது தொடர்பில் இருப்பேன். என்னால் உங்களை விட்டு வெகுநாட்கள் பிரிந்து இருக்க முடியாது என்பதால் கூடிய விரைவில் திரும்பிவருவேன்.

கலைஞரை மோடி சந்தித்த பலனை பாஜக உடனே அறுவடை செய்தது

Sowmian Vaidyanathan : சென்னை வந்த பிரதமர் மோடி தலைவர் கலைஞரை சந்தித்தது பற்றிய ஆயிரம் ஹேஷ்யங்கள் உலவினாலும்...,
இன்றைய இந்த நிகழ்வின் மூலம் உடனடி பலனை அறுவடை செய்தது மோடியும், பாஜகவும் மட்டுமே..!
இந்த சந்திப்பு நிகழாமல் இருந்திருந்தால், இணையத்தில் பலமான தளமமைத்து செயல்படும் ஒரு லட்சத்திற்கும் சற்று கூடுதலான திமுகவினர்... இந்நேரம், மோடியின் ஒவ்வொரு அசைவையும், அவரது பேச்சுக்களையும்..., அவருக்கும் அதிமுக ஆட்சியாளர்களுக்கும் இருக்கின்ற நெருங்கிய தொடர்புகளையும் புட்டுப் புட்டு வைத்து, நீட், இந்தி திணிப்பு, மீத்தேன், ஜி எஸ் டி, பண மதிப்பிழப்பு... இப்படியாக மோடியின் ஒட்டுமொத்த தோல்விகளையும் மீண்டுமொரு முறை தெளிவாக புள்ளிவிவரங்களுடன் பட்டியலிட்டு மக்கள் மன்றத்தில் வைத்து, இணையம் முழுக்க வைரலாக்கியிருப்பர்.

ஏற்கனவே தமிழக அதிமுக ஆட்சியாளர் மீது மக்கள் கடும் கோபத்தில் இருக்கின்ற நிலையில்... அதிமுக சார்பு தந்தி டீவியின் கருத்துக்கணிப்பிலேயே திமுகவுக்கு ஆதரவாக 55 சதவிகித மக்கள் இருப்பதை சுட்டிக்காட்டிய நிலையில்.... அந்த ஆட்சியாளர்களே... மோடி தான் தங்களைக் காப்பாற்றும் கடவுள் என்று மேடை போட்டு பேசி வரும் நிலையில்....

ஆசிரியரின் தூக்கத்தைக் கலைத்த மாணவனின் கை உடைப்பு!

minnambalam.com/ :ஆசிரியரின் தூக்கத்தைக் கலைத்த மாணவனின் கை உடைப்பு! உத்தரப் பிரதேசத்தில் ஆசிரியரின் தூக்கத்தைக் கலைத்த இரண்டாம் வகுப்பு மாணவனின் கையை ஆசிரியர் உடைத்த சம்பவம் அதிர்ச்சியை ஏற்படுத்தியுள்ளது. உத்தரப் பிரதேச மாநிலம், கோண்டா மாவட்டத்தைச் சேர்ந்த அபய் என்ற சிறுவன் இரண்டாம் வகுப்பு படித்துவருகிறான். அவனுடைய வகுப்பறையில் ஆசிரியர் தூங்கிக்கொண்டிருந்தார். அப்போது, மாணவர்கள் அனைவரும் பேசிக் கொண்டிருந்தனர். சில மாணவர்கள் அங்கேயும் இங்கேயும் ஓடி விளையாடிக்கொண்டிருந்தனர். மாணவர்கள் போடும் சத்தத்தால் தூக்கத்திலிருந்து எழுந்த ஆசிரியர் நின்றுகொண்டிருந்த அபயைக் குச்சியால் பலமுறை தாக்கியுள்ளார். அடி தாங்க முடியாமல் மாணவன் தன் கையைப் பிடித்தபடியே கீழே விழுந்தான். மாணவன் நீண்ட நேரம் அழுதுகொண்டிருந்ததால், அருகிலுள்ள மருத்துவமனைக்கு மாணவனை அழைத்துச் சென்றனர். மாணவனைப் பரிசோதித்த மருத்துவர் மாணவனின் கையில் முறிவு ஏற்பட்டுள்ளதாகக் கூறினார்.

மன்மோகன் சிங்: பணமதிப்பு இழப்பால் சீனாவுக்குத்தான் இலாபம் ! வெறும் 9 நிமிடத்தில் பண மதிப்பிழப்பு முடிவுக்கு வந்த மோடி...

Mohan Prabhaharan Oneindia Tamil : வெறும் 9 நிமிடத்தில் பண மதிப்பிழப்பு முடிவுக்கு வந்த மோடி... அகமதாபாத்: பணமதிப்பிழப்பு நடவடிக்கையால் இந்தியாவிற்குள் சீனப்பொருட்களின் வரத்து அதிகரித்து இருக்கிறது என்று முன்னாள் பிரதமர் மன்மோகன் சிங் குறிப்பிட்டு உள்ளார். மோடியின் பா.ஜ.க அரசு கடந்த ஆண்டு நவம்பர் 8ம் தேதி திடீரென 500, 1000 ரூபாய் நோட்டுகள் செல்லாது என்று ஒரு அறிவிப்பை வெளியிட்டது. இந்த திடீர் அறிவிப்பால் மக்கள் மிகுந்த சிரமத்திற்கு ஆளாகினர். கள்ளநோட்டுகளும் ,பெரு முதலாளிகளிடம் இருக்கும் கருப்புப் பணத்தையும் ஒழிப்பதற்காக எடுக்கப்பட்ட இந்த நடவடிக்கைக்கு மக்கள் சிரமம் பார்க்காது ஆதரவு அளிக்கவேண்டும் என்று மோடி மக்களிடம் கேட்டுக்கொண்டார். இந்த அறிவிப்பால் ஒரே நள்ளிரவில் 15 லட்சம் கோடி பணம் செல்லாது என்று அறிவிக்கப்பட்டது.