தமிழ்த் திரைப்பட விருதுகள் – 2013 சிறப்பான படங்களும் சுவாரஸ்யமான முயற்சிகளும் நடந்தேறிய ஆண்டு

சி.சரவணகார்த்திகேயன் 2013ம் ஆண்டு தமிழ் சினிமாவுக்கு மிகவும் செழிப்பான ஆண்டு. குறிப்பிட்டுச் சொல்லும் எண்ணிக்கையில் சிறப்பான படங்களும் சுவாரஸ்யமான முயற்சிகளும் நடந்தேறி இருக்கின்றன. வரும் ஆண்டுகளில் இது தொடரவும் அதிகரிக்கவும் வேண்டும். ஓர் எளிய‌ ரசிகனாய் அதை அங்கீகரிக்கும் முறையில் தொடர்ந்து 12வது ஆண்டாக இவ்வருடமும் எனது விரிவான‌ திரைப்பட விருதுப் பட்டியலை வெளியிடுகிறேன். தமிழ் பேப்பரில் இவை வெளியாவது இது மூன்றாவது முறை.
பரிசீலனைக்கு எடுத்துக்கொள்ளப்பட்ட படங்கள்
* தங்க மீன்கள் * ஓநாயும் ஆட்டுக்குட்டியும் * பரதேசி * விஸ்வரூபம் * சூது கவ்வும் * மதயானைக் கூட்டம் * உதயம் NH4 * சிங்கம் 2 * பாண்டிய நாடு * மூடர்கூடம் * ஹரிதாஸ் * கௌரவம் * இதற்குத்தானே ஆசைப்பட்டாய் பாலகுமாரா * கல்யாண சமையல் சாதம் * ஐந்து ஐந்து ஐந்து * இவன் வேற மாதிரி * வருத்தப்படாத வாலிபர் சங்கம் * பிரியாணி * வத்திக்குச்சி * கடல் * விடியும் முன் * 6 * இரண்டாம் உலகம் * ஆரம்பம் * என்றென்றும் புன்னகை * ராஜா ராணி *

சிந்து சமவெளி நாகரிகம் – II இங்கே சாலைகள் 30 மீட்டர் அடி அகலம் கொண்டவை !

பண்டைய நாகரிகங்கள் / அத்தியாயம் 25
நகரங்கள், வீடுகள்
சிந்து சமவெளி கால நகரங்கள் அற்புதமாகத் திட்டமிடப்பட்டு அமைக்கப்பட்டிருந்தன.  ஒவ்வொரு நகரத்திலும் இரண்டு பகுதிகள்: ஒரு பகுதி தரை மட்டத்தில், இன்னொரு பகுதி செயற்கையாக உருவாக்கப்பட்ட குன்றின்மேல். இரு பகுதிகளையும் கோட்டைகள் பிரித்தன. உயரத்தில் இருந்த பகுதி அக்ரோப்போலிஸ் என்று அழைக்கப்பட்டது.  இங்கே, பொதுமக்கள் கூடும் அரங்கங்கள், கோயில்கள் , நெற்களஞ்சியங்கள் இருக்கும். மொஹெஞ்சதாரோ நகரத்தில் பொதுக் குளியலறை இருந்தது.
தரைமட்டப் பகுதிதான் மக்கள் வசிக்கும் இடம். இங்கே சாலைகள் 30 மீட்டர் அடி அகலம் கொண்டவை. எல்லாச் சாலைகளும் செங்குத்தாகச் சந்தித்தன. இதனால், சாலைகளுக்கு நடுவே இருந்த பகுதிகள் செவ்வக வடிவம் கொண்டவை.  இந்தப் பகுதிகளில் வீடுகள் கட்டப்பட்டன.  கட்டுமானத்துக்கு உலையில் சுடப்பட்ட செங்கற்களைப் பயன்படுத்தினார்கள். இவை 1:2:4 என்னும் விகிதத்தில் உயரம், அகலம், நீளம் என சமச் சீரானவை. ஒரு சில வீடுகள் மிகப் பெரியவை. மாடி வீடுகளும் இருந்தன. பெரிய வீடுகளில் விசாலமான முற்றம் இருந்தது.
பண்டைய நாகரிகங்களில் சிந்து சமவெளியில்தான் மிகச் சிறந்த சுகாதார வசதிகள் இருந்தன. எல்லா வீடுகளிலும், குடிநீர் வசதிகளும், குளியல் அறைகளும், கழிப்பறைகளும் இருந்தன.  ஆச்சரியமான விஷயம் என்ன தெரியுமா? நகரங்களில் கழிவுநீர் வடிகால் அமைப்பு இருந்தது. எல்லா வீதிகளிலும் மூடிய சாக்கடைகள் இருந்தன. வீடுகளின் அசுத்த நீர் இவற்றில் சென்று சேரக் குழாய்கள் பொருத்தப்பட்டிருந்தன.  5000 வருடங்களுக்கு முன்னால், இத்தனை கச்சிதமாகத் திட்டமிடப்பட்ட நகரங்களும், வீடுகளுமா?

2ஜி ஸ்பெக்ட்ரம் வழக்கிலிருந்து விடுவிக்க வேண்டும் ! கனிமொழி மனு மீது 21–ந்தேதி

2ஜி ஸ்பெக்ட்ரம் ஒதுக்கீட்டில் நடந்த முறைகேடு தொடர்பாக சி.பி.ஐ. கோர்ட்டில் விசாரணை நடந்து வருகிறது. இந்த வழக்கு தொடர்பாக கனிமொழி எம்.பி. கைதாகி பிறகு ஜாமீனில் விடுதலை செய்யப்பட்டார்.
இதையடுத்து கனிமொழி கடந்த ஆண்டு ஜூலை மாதம் சுப்ரீம் கோர்ட்டில் ஒரு மனு தாக்கல் செய்தார். அதில் அவர், ‘‘2ஜி ஒதுக்கீடு முறைகேடுக்கும் எனக்கும் எந்த தொடர்பும் இல்லை. எனவே இந்த வழக்கில் இருந்து என்னை விடுவிக்க வேண்டும் என்று கூறி இருந்தார்.
மேலும் அவர், ‘‘கலைஞர் தொலைக்காட்சியில் எனக்கு 20 சதவீத பங்கே உள்ளது. நான் அதன் இயக்குனர்களில் ஒருவராக 2007–ம் ஆண்டு ஜூன் மாதம் 6–ந்தேதி முதல் 20–ந்தேதி வரை இரண்டு வாரமே இருந்தேன். அதன்பிறகு 1½ ஆண்டு கழித்தே 2009–ல் நிதி பரிமாற்றம் நடந்தது.

சென்னை ஆம் ஆத்மி கட்சியில் கோஷ்டி பூசல் வெடித்தது! போட்டி அலுவலகமும் திறப்பு!!

சென்னை: தமிழகத்தில் ஆம் ஆத்மி கட்சியில் கோஷ்டி பூசல் வெடித்துள்ளது. சென்னையில் ஆம் ஆத்மி கட்சியின் போட்டி அலுவலகமும் திறக்கப்பட்டிருக்கிறது. டெல்லியில் ஆட்சியை பிடித்த ஆம் ஆத்மி கட்சி தமிழ்நாட்டில் கால் பதித்தது. சென்னை கீழ்ப்பாக்கம் டெய்லர்ஸ் சாலையில் ஆம் ஆத்மி கட்சியின் தலைமை அலுவலகமும் திறக்கப்பட்டது. கட்சியில் புதிய உறுப்பினர்கள் சேர்க்கும் பணி நடைபெறுவதாகவும் அறிவிக்கப்பட்டது. சென்னை ஆம் ஆத்மி கட்சியில் கோஷ்டி பூசல் வெடித்தது! போட்டி அலுவலகமும் திறப்பு!! இந்நிலையில் கட்சியின் மாநில பொருளாளர் ஆனந்தகணேஷ் என்பவர் நேற்று முன்தினம் செய்தியாளர்களுக்கு பேட்டி அளித்தார். "மாத இறுதியில் கட்சியின் தமிழக மாநாடு நடைபெறும். இதில் தலைவர் அரவிந்த் கேஜ்ரிவால் கலந்து கொள்கிறார்.

கலைஞர் - அழகிரி சந்திப்பு ! புதிய மதுரை திமுக பொறுப்பாளர்கள் கலைஞரை சந்தித்து பேசினா்

திமுக தலைவர் கலைஞரை திமுக தென்மண்டல அமைப்புச்செயலாளர் மு.க.அழகிரி இன்று சந்தித்து பேசினார்.மு.க.அழகிரிக்கு வரும் 30ம் தேதி பிறந்த நாள்.   இதையொட்டி மதுரை முழுவதும் அவரது ஆதரவாளர்கள் வாழ்த்து சொல்லி போஸ்டர்கள் ஒட்டி வருகின்றனர். இதுதான் திமுகவில் பெரும் பிரச்சனையை கிளப்பியது.   வாழ்த்து போஸ்டரில்,  சென்னையில் நடைபெற்ற திமுக பொதுக்குழுவில் பங்கேற்காத அழகிரியை, பங்கேற்றது மாதிரி போஸ்டர் ஒட்டியிருந்தனர்.  இது கட்சி தலைமையை எரிச்சல டையச்செய்தது.இதற்கு திமுக தலைவர் கலைஞர் கடும் கண்டனம் தெரிவித்தார்.   இதையடுத்து நடைபெற்ற சில சம்பவங்களால் மதுரை திமுகவையே கூண்டோடு களைத்துவிட்டு,  புதிய பொறுப்பாளர்களை நியமித்தார் கலைஞர்.இந்நிலையில்,  தனியார் தொலைக்காட்சிக்கு அளித்த பேட்டியில்,  தேமுதிக திமுகவுடன் சேரவேண்டாம்.

விசாரணைக்கு அழைத்து சென்ற சிறுவனின் வாய்க்குள் சுட்ட சென்னை போலீஸ் !

சென்னை: சந்தேகத்தின் பேரில் விசாரணைக்கு அழைத்துச் சென்ற சிறுவனின் வாயில் சென்னை நீலங்கரை காவல் நிலைய போலீஸார்   துப்பாக்கியை வைத்து சுட்டனர் . அப்போது சிறுவனின் வாயில் குண்டு பாய்ந்தது. பலத்த காயத்துடன் சிறுவன் மருத்துவமனையில் அனுமதிக்கப்பட்டுள்ள நிலையில் இன்ஸ்பெக்டர் மீது நடவடிக்கைக் கோரி உறவினர்கள் போராட்டத்தில் ஈடுபட்டனர். சென்னையை அடுத்த நீலாங்கரை அருகே உள்ள வெட்டுவாங்கேணி மகாத்மாகாந்தி நகரில் திங்களன்று கோவில் உண்டியல் உடைக்கப்பட்டது. இதுகுறித்து நீலாங்கரை போலீசில் புகார் செய்யப்பட்டது. நீலாங்கரை குற்றப்பிரிவு இன்ஸ்பெக்டர் புஷ்பராஜ் வழக்குப்பதிவு செய்து விசாரணை நடத்தி வந்தார். இந்த வழக்கில் சந்தேகத்தின் பேரில் நேற்று முன்தினம் இரவில் 16 வயது சிறுவன் ஒருவனை அழைத்து வந்தனர். அவனிடம் இன்ஸ்பெக்டர் புஷ்பராஜ் விசாரணை நடத்தினார். அப்போது அந்த சிறுவன் தான் திருடவில்லை என கூறினான். இந்த நிலையில் செவ்வாய்கிழமை 4 மணிக்கு இன்ஸ்பெக்டர் புஷ்பராஜ் தன்னிடம் இருந்த துப்பாக்கியை எடுத்து சிறுவனின் வாயில் வைத்து திருடினாயா? என  விசாரணைக்கு அழைத்து சென்ற சிறுவனின் வாய்க்குள் சுட்ட சென்னை போலீஸ்
tamil.oneindia.in

மாஜி காதலர்கள் சிம்பு-நயன்தாரா மீண்டும் சேர்ந்து நடிக்கும் காட்சி படமாகிறது

சென்னை:மாஜி காதலர்கள் சிம்பு நயன்தாரா நடிக்கும் காட்சி நாளை படமாகிறது.சிம்பு, நயன்தாரா ஜோடி இணைந்து நடித்த படம் ‘வல்லவன். நெருங்கி பழகிவந்த சிம்பு, நயன்தாரா காதல் ஜோடிகளாகவும் வலம் வந்தனர். இந்நிலையில் இவர்களுக்குள் மனக்கசப்பு ஏற்பட்டு பிரிந்தனர். இதில் மனம் உடைந்த நயன்தாரா நடிக்காமல் ஒதுங்கி இருந்தார். சுமார் ஒரு வருட இடைவெளிக்கு பிறகே நடிக்க வந்தார். இதற்கிடையில் பிரபு தேவாவுடன் நயன்தாராவுக்கு காதல் மலர்ந்தது. பிறகு அவரிடமிருந்தும் பிரிந்தார். காதல் வாழ்க்கையை மறந்து மீண்டும் நடிப்பில் முழுமையாக கவனம் செலுத்தி வருகிறார் நயன்தாரா. தமிழ் மற்றும் தெலுங்கில் முன்னணி நடிகர்களுடன் நடித்ததுடன், கடந்த ஆண்டில் அதிக படங்களில் நடித்தவர் என்ற பெயரையும் தட்டிச்சென்றிருக்கிறார்.மீண்டும்

தேவயானி விவகாரத்தில் 30 நாட்களில் ஜெயிப்பாரா இந்திய டாப் ராஜதந்திரி ஜெய்சங்கர்?

இந்தியாவுக்கும் அமெரிக்காவுக்கும் இடையே ராஜதந்திர முறுகல் நிலையை ஏற்படுத்தியுள்ள, இந்திய துணைத்தூதர் தேவயானி விவகாரத்தில், வழக்கை 30 நாட்களுக்கு ஒத்திவைக்குமாறு நீதிமன்றத்தில் கோரிக்கை விடுத்துள்ளார், தேவயானியின் வக்கீல்.
இந்த வழக்கின் விசாரணை, இம்மாதம் 13-ம் தேதி நீதிபதி சாரா நெட்பர்ன் முன்னிலையில் விசாரணைக்கு எடுத்துக் கொள்ளப்படுவதாக தற்போது தேதி குறிக்கப்பட்டுள்ளது. விசாரணையை 30 நாட்களுக்கு பிற்போட்டு, பிப்ரவரி 12-ம் தேதிக்கு மாற்ற வேண்டும் என தேவயானியின் வக்கீல் டேனியல் அர்ஷாக் மனு செய்துள்ளார்.

திருவாரூர் கே.தங்கராசு: நான் பெரியார் இயக்கப் பிரச்சாரகர்’சினிமாக்காரன் அல்ல,

இறுதி ஊர்வலம் 06.01.2014 மாலை 3 மணிக்கு அடையார் ஆரியாபுரம் இல்லத்தில் இருந்து  தோழர்களின் வீரவணக்கத்துடன் இருசக்கர வாகன பேரணி மற்றும் கார் பேரணியுடன்  புறப்பட்டு பெசன்ட் நகர் இடுகாட்டில் எரியுட்டப்பட்டது. இறுதி ஊர்வலத்தில் அரசியல் கட்சி தலைவர்கள், பல்வேறு இயக்க தலைவர்கள் மற்றும் நுற்றுக்கனக்கான தோழர்கள் பங்கேற்று வீரவணக்கம் செலுத்தினர்.

'ரத்தக்கண்ணீர'’தமிழ்த் திரைப் படத்துக்கு திரைக்கதை மற்றும் வசனம் எழுதிய திருவாரூர் கே.தங்கராசு (87) மாரடைப்பால் மறைந்தார். ஆனால், அவரது பெரியாரியக் கொள்கைகள் பகுத்தறிவாளர்களின் நெஞ்சில் மறையாமல் உள்ளன.

பெரியார் திராவிடர் கழகத்தின் மூத்த தலைவரான திருவாரூர் கே.தங்கராசு ஞாயிற்றுக்கிழமை மாரடைப்பால் காலமானார். இவர், திருவாரூர் மாவட்டத்தில் காங்கிரஸ்காரராக இருந்தார். இந்தியாவின் சுதந்திர தினம் துன்ப நாள் எனப் பிரச்சாரம் செய்த பெரியாரின் கொள்கையால் ஈர்க்கப்பட்டு, தற்போதைய திமுக தலைவர் கருணாநிதி, திருவாரூர் சிங்கராயர், தண்டவலம் ரங்கராஜூ ஆகியோருடன் இணைந்து பெரியாரின் தொண்டரானார்.

தங்கராசு எழுதிய ராமாயணப் பகுத்தறிவு புத்தகத்தை காங்கிரஸ் அரசு தடை செய்த போது, அதை நாடகமாக அரங்கேற்றினார். நாகரிகம் என்ற பெயரில் ஒழுக்கக் கேடாக நடந்து கொண்டால், என்ன விளைவு ஏற்படும் என்பதை ரத்தக்கண்ணீர் நாடகமாக எழுதி அதில் எம்.ஆர்.ராதாவை நடிக்க வைத்தார். பின்னர் இது திரைப்படமாக தயாரிக்கப்பட்டபோது அதிலும் எம்.ஆர்.ராதா நடித்தார். தங்கராசு திரைக்கதை, வசனம் எழுதினார். இவர் எழுதிய ‘அடியே காந்தா’என்ற வசனம், இன்றளவும் இளைஞர்களிடையே விழிப்புணர்வை ஏற்படுத்துவதாக உள்ளது. தங்கராசுவின் இயல் பான பாவனைகள்தான், எம்.ஆர்.ராதாவின் நடிப்பாக வெளிப்பட்டது. திருவாரூர் தங்கராசு அவர்கள் பெரியாரின் மிக பெரிய தொண்டராக இருந்தும் அவரின் மறைவு குறித்து திரவிடர்கழகமோ அல்லது வீரமணியோ இதுவரை கண்டுக்காமல் இருப்பது சரியல்ல. 

ராகுல் இமேஜை உயர்த்த 500 கோடியில் ஜப்பான் நிறுவனத்துடன் காங்கிரஸ் ஒப்பந்தம்

பாராளுமன்ற தேர்தல் நெருங்கிவருவதால்  இன்னும் மூன்று மாதங்களே உள்ளன.அரசியல் கட்சிகள் கூட்டணி அமைப்பதிலும், வாக்காலர்கலை கவரும்  யுக்தியை திட்டமிடுவதிலும் கவனம் செலுத்தி வருகின்றன பாரதீய ஜனதா சார்பில் குஜராத் முதல்-மந்திரி நரேந்திர மோடி பிரதமர் வேட்பாளராக அறிவிக்கபட்டு பிரசாரத்தைத் தொடங்கி விட்டார். அதற்கு தகுந்தாற்போல் நடந்து முடிந்த  5 மாநில தேர்தல்களிலும் பாரதீயஜனதா 3 மாநிலங்களை கைபற்றியது நாடெங்கும் மோடி அலை வீசுகிறது.
ஆனால் காங்கிரஸ் பிரதமர் வேட்பாளராக அறிவிக்க போகும் ராகுல் காந்தி  இன்னும் தேர்தல்  பிரசாரத்தில் காலடியே எடுத்து வைக்கவில்லை.மேலும் நேரு குடும்பத்து வாரிசு, இளம் தலைவர் ஆகியவற்றை தவிர அவரிடம் வேறு என்ன இருக்கிறது என்று அடிக்கடி எதிர்க்கட்சிகள் விமர்சனம் செய்து வருகின்றன.இந்த நிலையில் ராகுல் மீதான இந்த விமர்சனத்தை மக்கள் மன தில் இருந்து அகற்றவும் ராகுலை இந்தியாவை வழி நடத்தப் போகும் ஒப்பற்ற தலைவர் என்ற அளவுக்கு உயர்த்தவும் காங்கிரஸ் திட்டமிட்டுள்ளது.

dinakaran.com: கட்சி கட்டுப்பாட்டை குலைத்தால் (அழகிரி ) தி.மு.க.விலிருந்து நீக்கம் !

சென்னை: தி.மு.க-தே.மு.தி.க கூட்டணி ஏற்பட்டுவிடக் கூடாது என்பதற்காக சில பத்திரிகைகள் விஷமத்தனத்தில் ஈடுபட்டுவருவதாக திமுக தலைவர் கருணாநிதி கண்டனம் தெரிவித்துள்ளார். இரு கட்சி முன்னோடிகள் பற்றி விஷமத்தனமான தகவல்களை சில பத்திரிகைகள் வெளியிடுவதாகவும் கருணாநிதி புகார் தெரிவித்துள்ளார். மக்களை திசை திருப்பும் நடவடிக்கையில் ஈடுபட்டுள்ளதாகவும் கண்டனம் தெரிவித்துள்ளார். தே.மு.தி.க.வுடன் தேர்தல் உறவு வேண்டாம் என்று அழகிரி கூறியிருப்பதாக பத்திரிகையில் செய்தி வந்துள்ளதாகவும், அப்படி கூட்டணி பற்றி அழகிரி கூறியிருந்தால் அதற்கும் தி.மு.க.விற்கும் எந்த தொடர்பும் இல்லையென்றும் கருணாநிதி குறிப்பிட்டுள்ளார். தமது கருத்துக்கு மாறாக மு.க.அழகிரி கருத்து கூறியிருப்பது கண்டிக்கத்தக்கது என்றும் கருணாநிதி கூறியுள்ளார்.தி.மு.க.வின் கட்டுப்பாட்டை குலைப்பவர்கள் யாராக இருந்தாலும் அவர்கள் மீது நடவடிக்கை எடுக்கப்படும் என்றும் கருணாநிதி கூறியுள்ளார். மேலும் கட்சியின் கட்டுப்பாட்டை குலைக்கும் வகையில் செயல்பட்டால், கட்சியிலிருந்து அவர்கள் நீக்கப்படுவார்கள் என்றும் கருணாநிதி கண்டிப்புடன் கூறியுள்ளார். தினகரன் பத்திரிகை மாறன் பிறதேசுக்கு சொந்தமானது என்பதையும் முன்பு கருது கணிப்பு என்ற போர்வையில் அழகிரியின் செல்வாக்கை குலைக்கும் முயற்சியில் இதே பத்திரிகை ஈடுபட்டமையையும் தற்போது ஞாபகத்தில் கொள்ளவேண்டும் 

ஆதர்ஷ் : தியாகிகளின் பெயரில் பாவிகள் சுருட்டிய வீடுகள் !

அரசு, அதிகார வர்க்கம், இராணுவம், நீதிமன்றம், காவி-கதர் தேசியக் கட்சிகள் அனைத்தும் சேர்ந்து எப்படி இயங்குகின்றன என்பதற்கு ஆதர்ஷ் ஊழல் ஒரு சான்று.
மும்பையிலிருந்து சுமார் 900 கிலோமீட்டர் தொலைவில் உள்ள சந்திரபூர் மாவட்டத்தில் வசிப்பவர் சுரேஷ் குலாப்ராவ் ஆத்ராம். 42 வயதான ஆத்ராம் வேலை கிடைக்கும் நாட்களில் ஒரு நாளைக்கு ரூ 100 வரை சம்பாதிக்கிறார்.

“குடும்பத்துக்கு மூணு வேளை சோறு போடறதே திண்டாட்டமா இருக்கிற, எனக்கு எங்கய்யா இது மாதிரி வீடெல்லாம்”

மூன்று ஆண்டுகளுக்கு முன்பு அவரை தொலைபேசியில் தொடர்பு கொண்ட பத்திரிகையாளர் ஒருவர், மும்பையின் கொலாபா பகுதியில் ஒரு அடுக்குமாடி குடியிருப்பில் ரூ 78 லட்சம் மதிப்புள்ள வீடு அவரது பெயரில் உள்ளது என்று கூறி அது பற்றிய மேல் விபரங்கள் கேட்டிருக்கிறார். “குடும்பத்துக்கு மூணு வேளை சோறு போடறதே திண்டாட்டமா இருக்கிற, எனக்கு எங்கய்யா இது மாதிரி வீடெல்லாம்.” என்று சொல்லியிருக்கிறார் ஆத்ராம்.
உண்மையில் அப்போது கொலாபாவில் கட்டி முடிக்கப்பட்டிருந்த ஆதர்ஷ் கூட்டுறவு அடுக்குமாடி குடியிருப்பின் வீட்டு சொந்தக்காரர்கள் பட்டியலில் 86-வதாக ஆத்ராமின் பெயர் இருந்தது. ஆத்ராம் வேலைக்குப் போகும் எஸ்.எம்.எஸ் என்ற உள்ளூர் நிறுவனத்தின் நிறுவனத்தின் இயக்குனர் அபய் சஞ்சேதி, பாரதிய ஜனதா கட்சியின் ராஜ்ய சபை உறுப்பினர் அஜய் சஞ்சேதியின் சகோதரர். அஜய் சஞ்சேதி பாஜக தலைவர்களுள் ஒருவரான நிதின் கட்காரிக்கு நெருக்கமானவர்.
ஆதர்ஷ் கட்டிடத்தில் வீடு வாங்குவதற்கு ஆத்ராமுக்கு ரூ 59.5 லட்சம் கடனை அபய் சஞ்சேதியின் நிதி நிறுவனமே கொடுத்திருப்பதாக காட்டியிருக்கிறார்கள். இது போல, ஆதர்ஷ் அடுக்குமாடி குடியிருப்பில் சட்ட விரோதமாக ஒதுக்கீடு செய்யப்பட்ட 22 வீடுகளில் 8 இந்த கும்பலால் ஆத்ராம் போன்ற தமது கடைநிலை ஊழியர்களின் பெயரில் வாங்கப்பட்டிருக்கிறது.
இது போல அப்போது சிவசேனை கட்சியின் மாநில மேலவை உறுப்பினராக  இருந்த கன்னையாலால் கித்வானி வெவ்வேறு பெயர்களில் 10 வீடுகளை வாங்கியிருக்கிறார்.

கலைஞர்: சிதம்பரம் நடராஜர் கோவில் பிரச்சினை - அரசு முடிவுக்கு எதிராக தீர்ப்பு வர காரணம் என்ன?:

திமுக தலைவர் கலைஞர் வெளியிட்டுள்ள அறிக்கையில், ‘'சிதம்பரம் நடராஜர் கோயிலை பொது தீட்சிதர்களே நிர்வகிக்கலாம் என்று இந்திய உச்ச நீதிமன்றம் நேற்றையதினம் தீர்ப்பு அளித்துள்ளது. அந்தக் கோவில் நிர்வாகத்தை தமிழக அரசு ஏற்று நடத்தலாம் என்று சென்னை உயர் நீதிமன்றம் ஏற்கனவே அனுமதி அளித்துப் பிறப்பித்த உத்தரவை உச்ச நீதிமன்றம் தற்போது ரத்து செய்துள்ளது. சிதம்பரம் நடராஜர் கோயில் பிரச்சினை நீண்ட நெடுங்காலமாகப் பேசப்பட்டு கடைசியாக திராவிட முன்னேற்றக் கழக ஆட்சியில் 2–2–2009 அன்று அந்தக் கோவில் இந்து அறநிலையத் துறையின் கட்டுப்பாட்டின் கீழ்கொண்டு வரப்பட்டது. அதனை எதிர்த்து, சிதம்பரம் தீட்சிதர்கள் உயர் நீதிமன்றத்தில் வழக்கு தொடுத்தார்கள். அதிலே அவர்கள் வெற்றி பெறமுடியவில்லை. அதன் பின்னர் உச்ச நீதிமன்றத்தில் மேல் முறையீடு செய்து கொண்டார்கள். அந்த வழக்கு கடந்த மாதம் 25ஆம் தேதி உச்ச நீதிமன்றத்திலே விசாரணைக்கு வந்த போது சுப்பிரமணியசாமி திராவிட இயக்கத்தைப் பற்றி தேவையில்லாமல் மனம் போன போக்கில் தெரிவித்த கருத்துகளுக்கு அப்போதே திராவிடர் கழகத் தலைவர், தமிழர் தலைவர் கி.வீரமணி தக்க பதில் அளித்துள்ளார்.
எம்.ஜி.ஆர். முதல்–அமைச்சராகவும், இந்து அறநிலையத் துறை அமைச்சராக ஆர்.எம்.வீரப்பனும் இருந்த போதே சிதம்பரம் கோவிலுக்கு நிர்வாக அதிகாரியை நியமிக்க 5–8–1987 அன்று அரசாணை பிறப்பிக்கப்பட்டது. எம்.ஜி.ஆர். ஆட்சியில் எடுக்கப்பட்ட

நடவடிக்கையை எதிர்த்து அப்போதே தீட்சிதர்கள் நீதிமன்றத்துக்குச் சென்றார்கள்.

தேவ்யானியின் மனுவுக்கு பிரீத் பராரா எதிர்ப்பு

அமெரிக்காவின் நியூயார்க் நகரத்தில் இந்திய துணை தூதரக அதிகாரியாக இருந்த தேவ்யானி கோப்ரகடே விசா முறைகேடு செய்தது தொடர்பாக கைது செய்யப்பட்டார்.  அவர் தன்னிடம் பணிபுரிந்த சங்கீதா ரிச்சர்டு என்ற பணிப்பெண்ணுக்கு சம்பளம் அளித்தது தொடர்பாக தவறான தகவல்களை தெரிவித்ததால் அது தொடர்பாக மற்றொரு வழக்கும் அவர் மீது பதிவு செய்யப்பட்டு உள்ளது.இந்த விவகாரத்தால் இந்தியா மற்றும் அமெரிக்கா இடையேயான இரு தரப்பு உறவு பாதிக்கப்பட்டு உள்ளது.  இந்த விவகாரத்திற்கு தீர்வு காணப்படும் வரை அமெரிக்காவுடனான நட்புறவு வழக்கம்போல் இருக்காது என்று இந்திய தரப்பில் தெரிவிக்கப்பட்டு இருந்தது.  இந்நிலையில், தேவ்யானியின் வக்கீல் டேனியல் அர்சாக் நியூயார்க் நகர மாஜிஸ்திரேட் கோர்ட்டு நீதிபதிக்கு கடிதம் ஒன்று எழுதியுள்ளார்.அதில், அமெரிக்க அரசு முதல் கட்ட விசாரணை மேற்கொள்ளும் வரை விசா முறைகேடு தொடர்பான விசாரணையை தள்ளி வைக்க வேண்டும் என்று கூறியிருந்தார்.

அழகிரியின் பேட்டி கண்டிக்கத்தக்கது- ஒழுங்கு நடவடிக்கை: கருணாநிதி எச்சரிக்கை

சென்னை: தேமுதிக- திமுகவோடு கூட்டணிக்கு வந்தால் மகிழ்ச்சி என்று கழகத் தலைவராகிய தாம் தெரிவித்த கருத்துக்கு மாறாக மு.க. அழகிரி அளித்த பேட்டி வருந்தத்தக்கது- கண்டிக்கத்தக்கது என்று திமுக தலைவர் கருணாநிதி தெரிவித்துள்ளார். இது தொடர்பாக இன்று அவர் வெளியிட்டுள்ள கேள்வி பதில் பாணி அறிக்கை: கேள்வி: மதுரையில் தொலைக்காட்சி ஒன்றுக்கு தென் மண்டல தி.மு.க. அமைப்புச் செயலாளர், மு.க. அழகிரி 5ஆம் தேதியன்று அளித்த பேட்டி பற்றி கருணாநிதி: தி.மு.க. வும், தே.மு.தி.க. வும் வரவிருக்கின்ற நாடாளுமன்றத் தேர்தலில் கூட்டணி சேருகின்ற வாய்ப்பு இருக்கிறதா இல்லையா என்ற சர்ச்சை தமிழ் நாட்டில் எழுந்துள்ள நிலையில், அப்படிப்பட்ட ஒரு வாய்ப்பு ஏற்பட்டு, அந்தக் கூட்டணி உருவாகி அதன் காரணமாக தமிழ்நாட்டின் முன்னேற்றத்தைப் பின்னுக்குத் தள்ளுகிற தீய சக்திகளின் கொட்டம் அடங்கும் என்ற நம்பிக்கையோடு இருக்கின்ற தமிழ் நாட்டு மக்களைத் திசை திருப்பி அப்படியொரு கூட்டணிக்கான வாய்ப்பு ஏற்பட்டு விடக் கூடாது என்பதற்காகவே தமிழ்நாட்டுப் பத்திரிகைகள் சிலவற்றில் இரு கட்சிகளின் முன்னோடிகளைப் பற்றிய விமர்சனங்களையும் விஷமத்தனமான தகவல்களையும் வழங்கி, தமிழ்ப்பெரு மக்களை திசை திருப்புகின்ற காரியத்தில் சில வஞ்சக ஏடுகள் வரிந்து கட்டிக் கொண்டு கிளம்பியிருக்கின்றன.

புற்று நோய் பரவுவதை தடுக்கும் சோதனை முயற்சி வெற்றி ! மருத்துவ ஆய்வில் வியத்தகு சாதனை:

மருத்துவ ஆய்வில் வியத்தகு சாதனையாக புற்று நோய் பரவுவதை தடுக்கும் சோதனை முயற்சியில் ஆராய்ச்சியாளர்கள் வெற்றி பெற்றுள்ளனர். உயிர்கொல்லி வியாதியான புற்றுநோய்க்கு இலக்கானவர்களுக்கு மரணத்தை தவிர மருந்து ஏதும் இல்லை என பேசப்பட்டு வந்த பழைய வேதாந்தம் இதன் மூலம் முறியடிக்கப்பட்டுள்ளது. அதிலும், மார்பக புற்று நோய் மிக வேகமாக பரவக்கூடியது என்பதால் இந்நோயால் தாக்கப்பட்ட கோடிக்கணக்கான பெண்களின் ஆயுட்காலத்தின் பெரும்பகுதி பயத்திலும், பீதியிலும், வலியிலும், வேதனையிலும் தான் கழிந்து வந்தது. பெரும்பாலான புற்று நோய் சார்ந்த மரணங்களுக்கு நோய் கிருமிகள் மனித உடலுக்குள் வேகமாக பரவி ரத்த அணுக்களை சிதைத்து அழிப்பதே காரணம் என கண்டறியப்பட்டது. இவ்வகையிலான புற்றுக் கட்டியில் இருக்கும் கிருமிகள் வேகமாக பரவுவதை தடுக்கும் தீவிர ஆராய்ச்சியில் அமெரிக்காவில் உள்ள கார்னெல் மருத்துவ பல்கலைக்கழகத்தை சேர்ந்த ஆராய்ச்சியாளர்கள் நீண்ட காலமாக ஈடுபட்டு வந்தனர்.

சந்திரலேகா Ex IAS : கோவில்களின் நிர்வாகத்தை அந்தந்த குருக்களிடமே ஒப்படைக்க வேண்டும்!

மதுரை கலெக்டர் சுப்பிரமணியத்தை இன்று பகல் 11.45 மணி அளவில்,  முன்னாள் மதுரை கலெக்டரும், பாஜகவின் மாநில நிரவாகியுமான, சுப்பிரமணியசாமியின் ஆதரவாளருமான சந்திரலேகா சந்தித்தார். பின்னர் வெளியே வந்த செய்தியாளர்களிடம் பேசியபோது,  ’’முல்லைப்பெரியாறு அணையை திறந்து விடக்கோரி கலெக்டரிடம் மனு கொடுத்தேன்’’ என்றார். அவர் மேலும்,  ‘’இந்து கடவுளை புண்படுத்தி பேசிய சீமான் மீது கைது நடவடிக்கை எடுக்க வேண்டும் என்று மதுரை மாவட்ட காவல்துறை ஆணையருக்கு புகார் கொடுக்கப்போகிறேன்’’என்றார். அரசும் அறநிலையத்துறையும் ஒதுங்கிக்கொள்ள வேண்டும். தமிழ்நாடு முழுவதும் கோவில்களின் நிர்வாகத்தை அந்தந்த கோவில் குருக்களிடமே ஒப்படைக்க வேண்டும்’’ என்றும் தெரிவித்தார்.nakkheeran.in இதுக்குதானே ஆசைப்பட்டாய் பார்பனகுமாரா 

ஜன்னல் ஓரம் படத்தை வெளியிட முடியாமல்? 85 லட்சத்தை திருப்பிக்கொடுத்த விமல்!

சம்பளத்தில் 85 லட்சத்தை திருப்பிக்கொடுத்த விமல்;கரு.பழனியப்பன் இயக்கத்தில் பார்த்திபன், விமல், விதார்த், பூர்ணா, மனீஷா என பல நடிகர்கள் சேர்ந்து நடித்தப் படம் ஜன்னல் ஓரம். இப்போதுள்ள சினிமா சூழலில் பெரிய நடிகர்கள் படங்களுக்கு மட்டுமே தியேட்டர்கள் கிடைப்பதால் மற்ற படங்களை வெளியிடுவதில் தயாரிப்பாளர்களுக்கு பெரிய கஷ்டம் இருக்கிறது ஜன்னல் ஓரம் படத்தை வெளியிட முடியாமல் அதன் தயாரிப்பாளருக்கு தன் சம்பளத் தொகையில் இருந்து 85 லட்சம் பணத்தை திருப்பிக் கொடுத்திருக்கிறார் நடிகர் விமல். சமீபத்தில் புலிவால் படத்தின் இசைவெளியீட்டு விழாவில் பேசிய பிரசன்னா விமலின் பெருந்தன்மையை குறிப்பிட்டு பேசினார். விமல் - பிரசன்னா இருவரும் சேர்ந்து நடித்தப் படம் புலிவால் மேலும் பேசிய பிரசன்னா, நானாக இருந்தால் கண்டிப்பாக கொடுத்திருக்க மாட்டேன். கிட்டத்தட்ட ‘ஜன்னல் ஓரம்’ படத்தில் அவர் இலவசமாக நடித்தார் என்று தான் சொல்ல முடியும்.  சினிமாவில் விமல் எனக்கு ஜுனியர் என்றாலும் அவரிடம் நான் நிறைய பன்புகளை கற்றுக்கொண்டேன் என்றார். அவருக்கு நிறைய சம்பளம் கொடுக்குறாங்க... அவர் திருப்பிக் கொடுகிறார். எனக்கு எங்க அவ்வளவு சம்பளம் கொடுக்குறாங்க என்றும் புலம்பினார். விமலின் பெருந்தன்மை பார்த்து திரைத்துறையினர் வியக்கிறார்கள்.

பிஜேபி கடும் அப்செட்! மோடியை பற்றி பேசுபவர்கள் தற்போது ஆம் ஆத்மியை பற்றியே பேசுகிறார்கள்

தில்லியில் நரேந்திர மோடி உள்ளிட்ட பாரதிய ஜனதா தலைவர்களை விமர்சித்த ஆம் ஆத்மி மூத்த தலைவர் குமார் பிஸ்வாஸ் மன்னிப்பு கேட்க வேண்டும் என்று பா.ஜ.க செய்திதொடர்பாளர் முக்தர் அப்பாஸ் நக்வி வலியுறுத்தியுள்ளார்.
இதுகுறித்து மேலும் அவர் கூறியதாவது. குமார் பிஸ்வாசின் கருத்து ஏற்றுக் கொள்ள முடியாதது. இதற்காக, ஆம் ஆத்மி கட்சி மன்னிப்பு கேட்க வேண்டும். விளையாட்டுத் தனமான கருத்துகளை கூறக் கூடாது. ஆம் ஆத்மி புதிய கட்சியாக இருந்தாலும் எதிர்காலத்தில் அதன் தலைவர்கள் இதுபோன்ற விமர்சனங்களை தவிர்க்க வேண்டும் என்றார்.
ஆம் ஆத்மி கட்சியை பார்த்து நிச்சயமாக பாஜக பயப்படுவது தெரிகிறது. டெல்லி சட்ட சபையில் வரவேண்டிய பெரிய வெற்றியை ஆம் ஆத்மி சுலபமாக பறித்து கொண்டதை பாஜக எப்படி மறக்க முடியும்? நாடாளுமன்ற தேர்தலில் காங்கிரசுக்கு எதிரான வாக்குகள் அனைத்தும் இனி ஆம் ஆத்மிக்கும் கூட விழக்கூடிய சாத்தியம் இருக்கிறதே ? குறிப்பாக மோடி ஒரு நட்சத்திரம் என்று நம்பி கொண்டிருக்கும் பலதரப்பட்ட மக்களும் தற்போது ஆம் ஆத்மியை பற்றியே பேசிகொண்டிருப்பது எரிச்சல் வருமா வராதா ?
விரைவில் ஆம் ஆத்மியையும் அரவிந்த் கேஜ்ரிவாளையும் காங்கிரசின் கை கூலி அல்லது வெளிநாட்டு ஏஜென்ட் போன்று ஏதாவது கூறி சேறு வாரி இறைக்க போகிறார்கள். காத்திருந்தவன் பெண்ட்டாட்டியை நேற்று வந்தவன் கதையாகியதை எப்படித்தான் தாங்குவதோ ?

ஸ்டாலின் இவ்வளவு அற்பத்தனமா நடந்துக்குவாரா என்ன ? அழகிரிக்கும் ஸ்டாலினுக்கும் இடையே தீராத மோதல்.

"என்னடா... அழகிரி அதிரடி பேட்டி குடுத்திருக்கார் ? " என்று விவாதத்தை தொடங்கினான் ரத்னவேல்.
"ஆமாம்டா... அண்ணன் அதிரடியா பேட்டி கொடுத்திருக்கார். ஏகத்துக்கும் தலைமை மேல கடுப்புல இருக்கார் அழகிரி. அதிமுக ஆட்சி வந்ததுல இருந்தே அழகிரியின் செயல்பாடுகள் ரொம்ப மந்தமாகத்தான் இருந்தது.  அவர் மகன் மீது க்ரானைட் ஊழல் தொடர்பாக வழக்கு பதிவு செய்யப்பட்டது தெரிந்ததும் ரொம்பவும் பயந்து போயிட்டார்  அழகிரி.  தமிழகத்தில் தங்காமல், டெல்லியில் உள்ள பண்ணை வீட்டில் தங்கியதும், வெளிநாட்டில் தங்குவதுமாக ஓடிக்கிட்டே இருந்தார் அழகிரி.

காவல்துறை தேடியதும், அழகிரியோட மகன் துரை தயாநிதி, ஓடி ஒளிஞ்சார்.  அவருக்கு முன் ஜாமீன் கிடைச்ச பிறகுதான், அழகிரி தமிழகத்துக்கே வந்தார்.  அதற்குப் பிறகும் தொடர்ந்து அடக்கியே வாசிச்சிக்கிட்டு இருந்தார். அழகிரியோட இந்த அமைதியைப் பயன்படுத்திக்கிட்டு ஸ்டாலின், மதுரை மற்றும் தென் மாவட்டங்களில் தன் செல்வாக்கை பலப்படுத்தினார்.  மதுரை உள்ளிட்ட பல மாவட்டங்கள் ஸ்டாலின் கை வசம் வந்திருச்சு.

வாசனி்டம் தேர்தலுக்காக 500 கோடி ரூபாய் கேட்ட விஜயகாந்த் ! என் தலைமையில்தான் கூட்டணின்னு சோனியா காந்தி அறிவிக்கணும்னு !

"கேப்டன் என்னடா பண்ணிக்கிட்டு இருக்காரு... கூட்டணி குறித்து முடிவு பண்ணிட்டாரா ? "
"கூட்டணி குறித்து இன்னும் எந்த முடிவுக்கும் கேப்டன் வரலை.  கடையை விரிச்சு வச்சுக்கிட்டு வியாபாரத்துக்காக காத்திருக்கிறார்.  சமீபத்தில், ஜி.கே.வாசனை சந்திச்சப்போ, வாசன் கிட்ட, தேர்தலுக்காக 500 கோடி ரூபாய் வேணும்னும், சோனியா காந்தி, தமிழகத்தைப் பொறுத்தவரை விஜயகாந்த் தலைமையில்தான் கூட்டணின்னு அறிவிக்கணும்னு கண்டிஷன் வச்சிருக்கார்.
இதையெல்லாம் கேட்ட ஜி.கே.வாசன், அதிர்ந்து போயிட்டார்.  வரதட்சிணை கேக்கிற மாதிரி கேக்கறாரே இந்த ஆளு... விஜயகாந்த் தலைமையில், தமிழகத்தில் கூட்டணின்னு நான் சோனியா கிட்ட போயி பேச முடியுமா ?  லூசு மாதிரியே பேசறாரே ன்னு பொலம்பியிருக்கார்"
"அவர் லூசு மாதிரி பேசறது என்ன புதுசா ?  பொதுக்குழுவில் பேசும்போது, அது என்னமோ ஜிஎஸ்எல்வி ன்னு ராக்கெட் விட்டிருக்காங்க.. அதை சோதனைப் பண்ணி பாத்தாத்தான் அது ஒழுங்கா வேலை செய்யுதா இல்லையான்னு தெரியும்னு விஞ்ஞானி மாதிரியே பேசறார். அவர்கிட்ட போயி என்ன பேசுவ" என்றான் ரத்னவேல்.

"அவர் லூசு கிடையாதுடா... எந்தக் கட்சி அதிகமா பணம் தரத் தயார்னு கிட்டத்தட்ட டெண்டர் விடாத குறையா அறிவிச்சிக்கிட்டு இருக்கார்.  தான் இல்லாத கூட்டணி ஜெயிக்காதுன்னு எல்லார்கிட்டயும் சொல்லிக்கிட்டு இருக்கார். "
"நீ இப்படி சொல்ற... முக.ஸ்டாலினும், கேப்டனை லூசுன்னு சொல்றாராமே... ? " என்றான் பீமராஜன்.
"உண்மைதான்டா... திமுகவோட கூட்டணி சேர்றதுக்கு கேப்டன் வச்ச கண்டிஷன் அவரை அப்படி பேச வச்சுடுச்சு"
"என்ன கண்டிஷன் போட்டாராம் "
"திமுக கூட்டணியில் சேர வேண்டும் என்றால், எந்த கல்யாண மண்டபத்தை அவங்க இடிச்சாங்களோ, அதே கல்யாண மண்டபத்துக்கு வந்து, எங்க கூட கூட்டணியில சேருங்கன்னு கேட்கணும். கேட்டாத்தான் வருவேன்னு சொல்லியிருக்காரு. இதைக் கேட்டுட்டு ஸ்டாலின் தலையில அடிச்சிக்கிட்டாராம்" savukku

வருமான வரியை ரத்துசெய்ய பாஜக திட்டம் ? அர்த்த கிரந்தி : வருமான வரி, கலால் வரி, சுங்க வரி, சேவை வரி உள்ளிட்ட நேரடி வரி மற்றும் மறைமுக வரியை முற்றிலும் ரத்து செய்ய வேண்டும்

நாட்டில் நடைமுறையில் உள்ள வரி விதிப்பில் உடனடி சீரமைப்பு தேவை. தற்போதுள்ள பலமுனை வரியை ரத்து செய்து, ஒரு முனை வரியை அமல் செய்ய வேண்டும். லோக்சபா தேர்தலில், நான், பா.ஜ.,வுக்கு ஆதரவு அளிக்க, இந்த கோரிக்கையை ஏற்க வேண்டும்' என, டில்லியில் நடந்த கூட்டத்தில், யோகா குரு ராம்தேவ், நரேந்திர மோடிக்கு கோரிக்கை விடுத்தார்.'பா.ஜ., மத்தியில், ஆட்சி அமைத்தால், வரி சீர்திருத்தம் கொண்டு வரப்படும். ராம்தேவின் கோரிக்கையை ஏற்றுக் கொள்கிறேன்' என, மோடியும் உறுதி அளித்தார்.மோடி உறுதி அளித்துள்ள, வரி சீர்திருத்தம் குறித்து, பிரபல பொருளாதார நிபுணர், எம்.ஆர்.வெங்கடேஷ், 'தினமலர்' நாளிதழுக்கு அளித்த சிறப்பு பேட்டி: ராம்தேவ் முன்வைத்துள்ள வரி சீர்திருத்தம் என்ன? 'அர்த்த கிரந்தி' என்ற அமைப்பு, பல ஆண்டுகளாக ஆய்வுகளை நடத்தி, ஒரு அறிக்கையை வெளியிட்டுள்ளது. அந்த அறிக்கையில், 'வருமான வரி, கலால் வரி, சுங்க வரி, சேவை வரி உள்ளிட்ட நேரடி வரி மற்றும் மறைமுக வரியை முற்றிலும் ரத்து செய்ய வேண்டும்;

ஆம் ஆத்மி' கட்சியின் தேசிய அளவிலான கொள்கைகள் என்ன?

புதுடில்லி:டில்லி சட்டசபை தேர்தலில் வெற்றி பெற்று, ஆட்சியை கைப்பற்றியுள்ள, அரவிந்த் கெஜ்ரிவால் தலைமையிலான, 'ஆம் ஆத்மி' கட்சி, தேசிய அளவில் காலூன்ற, பல முயற்சிகளை எடுத்து வருகிறது. ஆனால், தேசிய முக்கியத்துவம் வாய்ந்த பிரச்னைகளில், அந்தக் கட்சியின் நிலைப்பாடு என்ன என்பது தெளிவாக்கப்
படாததால், கட்சிக்குள் கடும் குழப்பம் நிலவுகிறது. நாட்டு மக்கள் பார்வை:>கட்சி துவக்கி, ஓராண்டு ஆவதற்குள், டில்லி சட்டசபை தேர்தலில் போட்டியிட்டு, ஆட்சியை கைப்பற்றியுள்ள, ஆம் ஆத்மி கட்சி மீதும், அக்கட்சியின் முக்கிய செயல் திட்டங்கள் மீதும், நாட்டு மக்கள் அனைவரின் பார்வையும் விழுந்துள்ளது.டில்லியில், மின் கட்டணம் பாதியாகக் குறைப்பு, வீட்டுக்கு வீடு, 700 லிட்டர் குடிநீர், வி.வி.ஐ.பி., கலாசாரத்திற்கு முற்றுப்புள்ளி போன்ற, அக்கட்சியின் நட்சத்திர அம்சங்களால், ஈர்க்கப்பட்ட பல மாநிலத்தவர்களும், தங்கள் மாநிலத்தில், ஆம் ஆத்மி கட்சியைத் துவக்கினால், சேர விருப்பம் தெரிவித்து வருகின்றனர். அவசர கதியில் நடந்த கோலம் இப்போ மாட்டி கொண்டு தவிக்கிறார்கள். இன்னும் கொஞ்ச நாளில் இது அந்த நாள் ஜனதா கட்சி மாதிரி ஆகிவிடும். அன்று கோமாளிகள் பலர் ஜனதாவில் இருந்தனர் இந்த சாந்தி பூஷன் கூட இருந்தார்.பாவப்பட்ட மொராஜி மற்றும் பெர்னாண்டஸ் போன்றோரும் அதில் சிக்கினர்.

நான்தாண்டா பார்ப்பான் ! சிதம்பரம் கோவில் தீர்ப்பு! தினமலரின் எல்லையில்லா மகிழ்ச்சி !

"சிதம்பரம் நடராஜர் கோவில் நிர்வாகத்தை, பொது தீட்சிதர்களே நிர்வகிக்கலாம். அந்த கோவிலில், தமிழக அரசு, இந்து சமய அறநிலையத் துறை மூலம் நியமித்த, செயல் அலுவலர் நியமனம் செல்லாது' என, சுப்ரீம் கோர்ட் நேற்று, தீர்ப்பளித்துள்ளது. தமிழகத்தின் மிகத் தொன்மையான கோவிலான, சிதம்பரம் நடராஜர் கோவிலை, இந்து சமய அறநிலையத் துறை தனது கட்டுப்பாட்டின் கீழ் எடுப்பதற்காக, 1987ல் செயல் அலுவலர் ஒருவரை, அந்த கோவிலில் நியமித்தது. அதை எதிர்த்து சென்னை ஐகோர்ட்டில் வழக்கு தொடுக்கப்பட்டது. நீண்ட காலம் கிடப்பில் கிடந்த அந்த வழக்கு, தி.மு.க., ஆட்சிக் காலத்தில், 2006ல் மீண்டும் தூசி தட்டப்பட்டு, விசாரணை தொடர்ந்தது. கடந்த, 2009ம் ஆண்டு, சென்னை ஐகோர்ட், அந்த வழக்கில் அளித்த தீர்ப்பின்படி, சிதம்பரம் நடராஜர் கோவிலில், அறநிலையத்துறை சார்பில், மீண்டும் செயல் அலுவலர் நியமிக்கப்பட்டார்.
அந்த நியமனத்தை எதிர்த்து, பொது தீட்சிதர்கள் மற்றும் பா.ஜ., மூத்த தலைவர் சுப்ரமணியன் சுவாமி சார்பில் தனித் தனி மனுக்கள், சுப்ரீம் கோர்ட்டில் தாக்கல் செய்யப்பட்டன. விசாரணை: அவற்றை, நீதிபதிகள் பி.எஸ். சவுகான் மற்றும் எஸ்.ஏ.பாப்டே அடங்கிய "பெஞ்ச்' கடந்த ஆண்டு, நவ., 26ம் தேதி விசாரணைக்கு எடுத்துக் கொண்டது. ஜெயலலிதா தலைமையில் தீட்சிதர்களின் ஆட்சி தான் தமிழகத்தில் நடைபெறுகிறது என்பதால் இந்த வெற்றி பெரிய விஷயமில்லை.

Toronto தமிழ் டாக்ஸி ஓட்டுனர் இளம்பெண்ணை பாலியல் பலாத்காரம்! கைது !

டொரண்டொவில் டாக்சி டிரைவராக வேலை செய்யும்  தமிழர் ஒருவர் அதிகாலை வேளையில் இளம்பெண் ஒருவரை பாலியல் பலாத்காரம் செய்ததாக குற்றம் சாட்டப்பட்டு கைது செய்யப்பட்டுள்ளார்.

டொரண்டோவில் கடந்த 3ம் திகதி அதிகாலை நேரத்தில் Bloor Street West and Markham Street என்ற பகுதியில்… ஒரு பெண் நடந்து சென்றுகொண்டிருந்தபோது ஜெயகுமார் என்ற டாக்சி டிரைவர் தன்னுடைய டாக்சியில் அவ்வழியே வந்துள்ளார்.