ஜாதியும் தமிழும் மீனா கந்தசாமியின் ஆத்திரம்

தமிழ் மொழியில் பேசுவது ஜாதி அடையாளத்தை பேணுவதாக அர்த்தப்படுத்தமுடியுமா?
 ஜாதியும் தமிழும் மீனா கந்தசாமியின் ஆத்திரம் நியாயமானதுதான்.

Sri Lanka lifts emergency laws after three decades

Sri Lanka's president announced Thursday the withdrawal of wartime emergency laws under which the country has been ruled for most of the past 30 years.
Parliament has extended the laws every month, but President Mahinda Rajapaksa told the legislature there is no longer a need for them because separatist Tamil Tiger rebels were defeated more than two years ago.

"Today I propose to this assembly the withdrawal of the emergency laws to enable the country to conduct its affairs through its normal laws and in a democratic manner," Rajapaksa said. "I do this because I am satisfied that we no longer need emergency laws for our governance."

The island has been under a state of emergency since 1979 except for brief periods when it was allowed to lapse to help peace talks between the government and rebels.

The government has been under intense international pressure to end the state of emergency. Human rights groups have accused authorities of using its provisions to crack down on the media and restrict freedom of speech despite the end of the war.

Sri Lankan forces defeated the Tamil Tiger rebels in May 2009, ending a 26-year civil war aimed at creating an independent state for ethnic minority Tamils.

நாட்டில் அமுலில் இருந்த அவசரகாலச் சட்டம் நீக்கப்படுவதாக சற்றுமுன் ஜனாதிபதி மஹிந்த ராஜபக்ஷ் பாராளுமன்றில் தெரிவித்துள்ளார்.

இதுதொடர்பான பிரேரணை ஒன்றை ஜனாதிபதி சற்றுமுன்னர் பாராளுமன்றில் முன்வைத்தார். இதனடிப்படையில் நாட்டில் இதுவரை காலமும் அமுலில் இருந்த அவசரகால சட்டம் நீக்கப்படுகிறது.

இலங்கையில் காணப்படும் அவசரகாலச் சட்டம் நீக்கப்பட வேண்டும் என தமிழ்த் தேசிய கூட்டமைப்பு அரசுடனான பல சுற்றுப் பேச்சு வார்த்தைகளின் போதும் வலியுறுத்தியது. அத்துடன் யுத்தத்தின் பின் அவசரகாலச்சட்டம் அகற்றப்பட வேண்டும் என சர்வதேச நாடுகள் அழுத்தம் வழங்கி வந்தமை குறிப்பிடத்தக்கது.

நால்வருக்கு மரண தண்டனை மூவர் போலிஸ் ஒருவர் கிராமசேவகர்

அங்குலானை இருகொலை சம்பவத்துடன் தொடர்புடையவர்கள் என குற்றம் சுமத்தப்பட்டிருந்த அங்குலானை பொலிஸ் நிலைய முன்னாள் பொறுப்பதிகாரி உள்ளிட்ட நான்கு சந்தேகநபர்களுக்கு மரண தண்டனை விதித்து தீர்ப்பளிக்கப்பட்டுள்ளது.

கொழும்பு மேல் நீதிமன்ற நீதிபதி தீபாலி விஜேசுந்தர, ஏ.பீ.வராவெவ மற்றும் குமுதினி விக்ரமசிங்க ஆகிய நீதியரசர்கள் இத்தீர்ப்பினை இன்று வழங்கினர்.

சந்தேகநபர்களுக்கு எதிராக சட்டமா அதிபர் தாக்கல் செய்துள்ள குற்றப்பத்திரிகையில் குறிப்பிடப்பட்டுள்ள குற்றங்கள் சந்தேகத்திற்கிடமின்றி நிரூபிக்கப்பட்டுள்ளதால் கான்ஸ்டபில் ஜீ.ஏ.குமாரசிறி, அங்குலானை பொலிஸ் நிலைய முன்னாள் பொலிஸ் பொறுப்பதிகாரி நியூட்டன், கான்ஸ்டபில் நிஹால் ஜயரட்ன, கிராம சேவகர் ஜனத்பிரிய சேனாரத்ன ஆகிய நால்வருக்கும் இவ்வாறு மரண தண்டனை விதித்து தீர்ப்பளிக்கப்பட்டுள்ளது.

2009ம் ஆண்டு ஓகஸ்ட் மாதம் 12ம் திகதி தினேஸ் தரங்க பெனாண்டோ, தனுஸ்க அப்பொன்ஸ் ஆகிய இரு இளைஞர்களையும் கடத்திச் சென்று கொலை செய்ததாக சந்தேகநபர்கள் மீது குற்றம் சுமத்தப்பட்டிருந்தது.

இவர்கள் மீதான குற்றச்சாட்டு ஆதாரத்துடன் நிரூபிக்கப்பட்டுள்ளதை அடுத்து நீதிமன்றத்தால் மரண தண்டனை விதித்து தீர்ப்பளிக்கப்பட்டுள்ளது.

அவசரகாலச் சட்டம் நீக்கம் - ஜனாதிபதி அறிவிப்பு

நாட்டில் அமுலில் இருந்த அவசரகாலச் சட்டம் நீக்கப்படுவதாக சற்றுமுன் ஜனாதிபதி மஹிந்த ராஜபக்ஷ் பாராளுமன்றில் தெரிவித்துள்ளார்.

இதுதொடர்பான பிரேரணை ஒன்றை ஜனாதிபதி சற்றுமுன்னர் பாராளுமன்றில் முன்வைத்தார். இதனடிப்படையில் நாட்டில் இதுவரை காலமும் அமுலில் இருந்த அவசரகால சட்டம் நீக்கப்படுகிறது.

இலங்கையில் காணப்படும் அவசரகாலச் சட்டம் நீக்கப்பட வேண்டும் என தமிழ்த் தேசிய கூட்டமைப்பு அரசுடனான பல சுற்றுப் பேச்சு வார்த்தைகளின் போதும் வலியுறுத்தியது. அத்துடன் யுத்தத்தின் பின் அவசரகாலச்சட்டம் அகற்றப்பட வேண்டும் என சர்வதேச நாடுகள் அழுத்தம் வழங்கி வந்தமை குறிப்பிடத்தக்கது.

கலைஞர் சட்ட சபையில்: தமிழ்நாட்டில் மினி எமர்ஜென்சி

சென்னை: திமுக தலைவர் கருணாநிதி இன்று தமிழக சட்டசபைக்கு வந்து வருகைப் பதிவேட்டில் கையெழுத்து மட்டும் போட்டுவிட்டுத் திரும்பிச் சென்றார். திமுகவின் சட்டமன்ற புறக்கணிப்பு முடிவில் எந்த மாற்றமும் இல்லை என்று அவர் கூறினார்.

நடப்பு சட்டமன்றக் கூட்டத் தொடரை திமுக புறக்கணித்து வருகிறது.
இந் நிலையில் சட்டசபையில் நேற்று காவல்துறை மானியக் கோரிக்கைகள் மீது விவாதம் நடந்தது. அப்போது பேசிய முதல்வர் ஜெயலலிதா, கருணாநிதிக்கு சட்டம் தெரியாது என்றார்.
இதற்கு பதிலளிக்கும் வகையில் கருணாநிதி இன்றைய சட்டசபைக் கூட்டத்தில் கலந்து கொண்டு பேச உள்ளதாகத் தகவல் வெளியாயின. இந் நிலையில் சட்டமன்ற வளாகத்தில் திமுகவுக்கு ஒதுக்கப்பட்டுள்ள அறையில் மூத்த திமுக எம்எல்ஏக்கள் இன்று ஆலோசனையில் ஈடுபட்டனர்.

இதனால் கருணாநிதி வருகிறார் என்று சட்டசபை வளாகத்தில் பரபரப்பு நிலவியது.
இந் நிலையில் திமுக பொருளாளர் ஸ்டாலினுடன் சட்டசபைக்கு வந்த அவர் வருகைப் பதிவேட்டில் கையெழுத்திட்டார். அப்போது நிருபர்கள் அவரை சூழ்ந்து கொண்டு, தமிழக சட்டமன்ற கூட்டத்தொடரை திமுக தொடர்ந்து புறக்கணிக்குமா என்று கேட்டனர்.

இதற்கு பதிலளித்த கருணாநிதி, சட்டப் பேரவையில் திமுக உறுப்பினர்களுக்கு இருக்கைகள் முறையாக ஒதுக்கீடு செய்யப்படாததால், திமுகவின் சட்டமன்ற புறக்கணிப்பு முடிவில் எந்த மாற்றமும் இல்லை. சட்டசபையில் நான் வீல் சேரில் வந்து உட்காரக் கூட போதிய வசதி செய்து தரப்படவில்லை. உட்கார வசதி செய்து கொடுத்தால்தானே போவதற்கு என்றார்.
கே.என்.நேரு உள்ளிட்டோர் திமுகவினர் கைது செய்யப்பட்டு வருவது பற்றி கேட்டதற்கு, தமிழ்நாட்டில் மினி எமர்ஜென்சி போன்ற நிலை நிலவுகிறது. நடக்கும் நிலவரங்கள் குறித்து ஆராய திமுக செயற்குழு, பொதுக்குழு கூடி முடிவெடுக்கும் என்றார்.
வர இருக்கின்ற உள்ளாட்சி தேர்தலில் தி.மு.கவை ஒடுக்க வேண்டும் என்பதற்காக இது போன்ற நடவடிக்கைகள் எடுக்கப்படுவதாக கூறப்படுகிறதே என்று கேட்டதற்கு, நீங்கள் (நிருபர்கள்) சொன்னால் சரிதான் என்றார் சிரித்துக் கொண்டே.
நேற்று சட்டமன்றத்தில் போலீஸ் மானியக் கோரிக்கையின்போது கருணாநிதி குறித்து முதல்வர் கூறிய குற்றச்சாட்டுகள் பற்றி என்ன சொல்ல விரும்புகிறீர்கள் என்று கேட்டதற்கு, நான் இது குறித்து கருத்து தெரிவிக்க விரும்பவில்லை என்றார்.

அழகிரி: பொய் வழங்கு போடும் அதிகாரிகளை நாங்கள் கைது செய்வோம்

திருச்சி & மதுரை: தனக்கு மிக நெருக்கமானவரான 'அட்டாக்' பாண்டியை சந்திக்க மத்திய ரசாயனத்துறை அமைச்சர் மு.க.அழகிரி இன்று திருச்சி சிறைக்கு வந்தார்.
அட்டாக் பாண்டி குண்டர் சட்டத்தில் கைது செய்யப்பட்டு திருச்சி சிறையில் அடைக்கப்பட்டுள்ளார்.
நேற்று எஸ்ஸார் கோபி, அனிதா ராதாகிருஷ்ணன் ஆகியோருடன் அட்டாக் பாண்டியையும் சந்திக்க அழகிரி திருச்சி சிறைக்கு அழகிரி வந்தார். ஆனால், மத்திய அமைச்சருக்கான புரோட்டோகால் படி வராததால், அவரது காரை போலீஸார் சிறை வளாகத்துக்குள் அனுமதிக்கவில்லை.
இதையடுத்து அவரும் உடன் வந்த மத்திய இணையமைச்சர் நெப்போலியனும் நடந்தே சிறை வளாகத்துக்குள் சென்றனர்.
ஆனால், உள்ளே சென்ற அவர்களை எஸ்ஸார் கோபி, அனிதா ராதாகிருஷ்ணன் ஆகியோரைப் பார்க்க மட்டுமே சிறைத்துறை அதிகாரிகள் அனுமதித்தனர். அட்டாக் பாண்டி குண்டர் சட்டத்தில் கைதாகியுள்ளதால், அவரை வியாழக்கிழமைகளில் மட்டுமே சிறப்பு சிறப்பு அனுமதி பெற்று சந்திக்க முடியும் என்று கூறிவிட்டனர்.
இதையடுத்து இன்று முறையான அனுமதியுடன் அட்டாக் பாண்டியை சந்திக்க அழகிரி வந்தார். பின்னர் பாண்டியை அவர் சந்தித்துப் பேசினார்.
பின்னர் வெளியே வந்த அழகிரியிடம், திமுக முன்னாள் அமைச்சர் கே.என்.நேரு கைது செய்யப்பட்டுள்ளாரே என்று நிருபர்கள் கேட்டதற்கு, ஜெயலலிதா அரசின் 100 நாள் சாதனையில் இதையும் சேர்த்துக் கொள்ளலாம். இது திமுகவினர் மீது பழிவாங்கும் நடவடிக்கை. நாங்கள் மீண்டும் ஆட்சிக்கு வந்தவுடன் இந்த நடவடிக்கை தொடரும்.

பொய் வழங்கு போடும் அதிகாரிகளை நாங்கள் கைது செய்வோம். பொய் வழக்கு போடும் அதிகாரிகள் மீது நாங்களும் வழக்குப் போட்டு கைது செய்வோம் என்றார்.
முன்னதாக நில அபகரிப்பு வழக்குகளில் கைதாகி மதுரை மத்திய சிறையில் உள்ள திமுக நிர்வாகிகளை சந்திக்க நேற்று மாலை 3.35 மணி அளவில் அழகிரி சிறைக்கு வந்தார்.
அவருடன் மத்திய அமைச்சர் நெப்போலியன், முதன்மை மாவட்ட செயலாளர் வேலுச்சாமி, வழக்கறிஞர்கள் மோகன்குமார், லிங்கதுரை ஆகியோரும் வந்திருந்தனர்.
சிறைக்குள் ஜெயிலர் அறையில் மாநகராட்சி வடக்கு மண்டல தலைவர் இசக்கிமுத்து, மின்னல்கொடி, எஸ்ஸார் கோபியின் தம்பி ஈஸ்வரன், கவுன்சிலர் மலைச்சாமி, மருத்துவர் நவநீதகிருஷ்ணன், திண்டுக்கல் விஜயன் ஆகியோரை அழகிரி சந்தித்துப் பேசினார்.
பின்னர் நிருபர்களிடம் பேசிய அழகிரி கூறியதாவது,
எங்கள் கட்சியினர் மீது பொய் வழக்குள் பதிவு செய்யப்பட்டுள்ளது. இதற்காகவெல்லாம் நாங்கள் அஞ்சமாட்டோம். மாறாக தைரியமாக சந்தி்ப்போம். திமுகவினர் மீது வேண்டும் என்றே பொய் வழக்குகள் போட்டவர்கள் மீது சட்டப்படி வழக்கு தொடருவோம் என்றார்.

ஆ.ராசா: டிவி, பத்திரிகைகளை வைத்து சி.பி.ஐ. வழக்குத் தொடர்ந்துள்ளது

டெல்லி: 2ஜி ஸ்பெக்ட்ரம் ஒதுக்கீட்டில் நானும், எனது குடும்பத்தாரும் பணம் சம்பாதித்ததாக சி.பி.ஐ. நிரூபித்தால் அவர்கள் கூறும் அனைத்து குற்றச்சாட்டுகளையும் ஏற்றுக் கொள்ள தயார் என்று முன்னாள் மத்திய தொலைத்தொடர்புத் துறை முன்னாள் அமைச்சர் ஆ.ராசா கூறினார்.

சி.பி.ஐ. சிறப்பு நீதிமன்றத்தில் ராசாவே நேரில் ஆஜராகி 1 மணி நேரம் வாதாடினார். அவர் கூறுகையில், இந்தியாவில் வெறும் 5 நிறுவனங்கள் மட்டுமே தொலைத்தொடர்புத் துறையில் லாபம் சம்பாதித்து வந்தன.

இதனால் 6.2 மெகா ஹெர்ட்ஸுக்கு மேல் உள்ள ஸ்பெக்ட்ரத்தை பயன்படுத்தினால் அதற்குக் கூடுதல் கட்டணம் செலுத்த வேண்டும் என்ற நடைமுறையை நான் கொண்டு வந்தேன். அதற்கு முன் அதை அந்தத் தனியார் நிறுவனங்கள் இலவசமாக பயன்படுத்தி வந்தன.

ஆனால் டிவி, பத்திரிகைகளில் வந்த குற்றச்சாட்டுகளை அடிப்படையாக வைத்து என் மீது சி.பி.ஐ. வழக்குத் தொடர்ந்துள்ளது. தணிக்கை அதிகாரியின் அறிக்கை கூட பத்திரிக்கைகளில் வந்த செய்திகளின் அடிப்படையில் தான் எழுதப்பட்டுள்ளது. இந்த விவகாரத்தில் உச்ச நீதிமன்றத்தில் பொது நல வழக்குத் தொடர்ந்த பிரஷாந்த் பூஷண் கூட, பத்திரிக்கை செய்திகளையே ஆதாரமாகக் காட்டியுள்ளார்.

ஸ்பெக்ட்ரம் ஒதுக்கீட்டில் நான் தன்னிச்சையாக முடிவு எடுத்ததாகவோ அல்லது விதிமுறைகளை மீறியதாகவோ மத்திய தணிக்கை அதிகாரியின் அறிக்கையில் குற்றம் சாட்டப்படவில்லை. சம்பந்தபட்ட அனைத்துத் துறைகளின் அதிகாரிகளையும் ஆலோசித்த பின்னர்தான் உரிமங்கள் வழங்கப்பட்டன.

நான் கிரீன் ஹவுஸ் பிரமோட்டர்ஸ் என்ற நிறுவனத்தை ஆரம்பித்து பணம் சம்பாதித்ததாகக் குற்றம் சாட்டப்பட்டுள்ளது. அந்த நிறுவனத்துக்கு ரூ.750 கோடி பணம் வழங்கப்பட்டதாக குற்றம் சாட்டப்பட்டுள்ளது. இது முற்றிலும் தவறானது.

அந்த நிறுவனத்துக்கு டி.பி. ரியாலிட்டீஸ் வழங்கிய ரூ.1.05 கோடி பணம் திரும்ப வழங்கப்பட்டுவிட்டது. அதுவும் கூட சட்டபூர்வமான பணப் பரிமாற்றம்தான்.

அந்த நிறுவனத்தில் உயிரிழந்த எனது நண்பர் சாதிக் பாட்சா, என் மனைவி பரமேஸ்வரி, கலியபெருமாள், ரேகா பானு ஆகியோர் நிர்வாகப் பொறுப்பு வகித்தனர்.

எனது உறவினர்கள் 7 பேர் வீட்டில் சி.பி.ஐ. சோதனை நடத்தியது. நானும் எனது உறவினர்களும் பணம் சம்பாதித்ததை சி.பி.ஐயோ, அமலாக்கப் பிரிவினரோ அல்லது வருமான வரித் துறையினரோ நிரூபிக்க தயாரா?. அப்படி நிரூபித்தால் அனைத்து குற்றச்சாட்டுகளையும் ஏற்றுக் கொள்கிறேன்.

நான் குற்றமற்றவன் என்பதை நிசயம் ஒரு நாள் நிரூபிப்பேன். அதனால்தான் நான் ஜாமீன் கோரி இது வரை மனு தாக்கல் செய்யவில்லை. நீதிமன்றத்தின் மீது எனக்கு முழு நம்பிக்கை உள்ளது என்றார்.

அப்போது அவருக்கு ஒதுக்கப்பட்ட நேரம் முடிவுக்கு வந்தது. இதையடுத்து இன்னும் பல உண்மைகளைச் சொல்ல வேண்டியிருப்பதால். மேலும் 10 நிமிடங்கள் பேச அனுமதிக்குமாறு ராசா கோரினார்.

இதைக் கேட்ட நீதிபதி சைனி, நிறைய உண்மைகளைச் சொல்லி விடாதீர்கள் என்றார் சிரித்துக் கொண்டே.. அதைக் கேட்ட ராசா உள்ளிட்ட நீதிமன்றத்தில் இருந்த அனைவரும் சிரித்துவிட்டனர்.

நீதிபதியுடன் ஜெயேந்திரர் 'பண பேர' பேச்சு.கொலை வழக்கு விசாரணைக்கு இடைக்காலத் தடை

சென்னை:புதுச்சேரி செஷன்ஸ் நீதிபதி ராமசாமியுடன், பண பேரம் குறித்து ஜெயேந்திரர் பேசிய ஆடியோ வெளியானதைத் தொடர்ந்து, சங்கரராமன் கொலை வழக்கின் விசாரணையை நடத்த புதுச்சேரி கோர்ட்டுக்கு சென்னை உயர்நீதிமன்றம் இடைக்காலத் தடை விதித்துள்ளது.

ஜெயேந்திரர், விஜயேந்திரர் உள்ளிட்டோர் மீதான சங்கரராமன் கொலை வழக்கு புதுச்சேரி செஷன்ஸ் கோர்ட்டில் விசாரணையில் இருந்து வருகிறது. இந்த வழக்கில், செப்டம்பர் 5ம் தேதி இறுதி விசாரணை நடைபெறவிருந்தது. இந்த நிலையில் சுந்தரராஜன் என்ற வக்கீல் சென்னை உயர்நீதிமன்றத்தில் ஒரு பொது நலன் மனுவைத் தாக்கல் செய்தார். அதில், சங்கராமன் கொலை வழக்கை விசாரித்து வரும் நீதிபதி ராமசாமியுடன், ஜெயேந்திரர் பேசியுள்ளார். இதுதொடர்பான ஆடியோவை ஒரு தமிழ்த் தொலைக்காட்சி வெளியிட்டுள்ளது.

அந்த ஆடியோ உரையாடலில் ஜெயேந்திரர், அவரது உதவியாளர் கெளரி என்ற பெண், இன்னும் இருவர் ஆகியோர் பேசியுள்ளனர். அதில் இன்னும் ஒரு வாரம், பத்து நாட்களில் மீதமுள்ளவற்றையும் கொடுத்து விடுகிறேன், அதுவரை பொறுமையாக இருங்கள் என்று ஜெயேந்திரர் கூறுகிறார்.இதன் மூலம் சங்கரராமன் கொலை வழக்கில் ஜெயேந்திரருக்கும், நீதிபதிக்கும் இடையே ஏதோ உடன்பாடு ஏற்பட்டுள்ளதாக தெரிகிறது. எனவே சங்கரராமன் கொலை வழக்கு விசாரணைக்குத் தடை விதிக்க வேண்டும் என்று கோரியிருந்தார்.

இந்த மனு இன்று நீதிபதி சுகுணா முன்பு விசாரணைக்கு வந்தது. அதை விசாரித்த நீதிபதி சுகுணா, இதுகுறித்து விசாரணை நடத்தி 8 வாரத்திற்குள் அறிக்கை தாக்கல் செய்யுமாறு உயர்நீதிமன்றத்தின் ஊழல் கண்காணிப்புப் பதிவாளருக்கு உத்தரவிட்டார். மேலும் அதுவரை சங்கரராமன் கொலை வழக்கை விசாரிக்க புதுவை கோர்ட்டுக்கு இடைக்காலத் தடையும் விதித்து உத்தரவிட்டார்.

தந்திரமாக பின்வாங்கினேன்’ வெப் டிவியில் கடாபி லிபியாவில் அதிர்ச்சி

திரிபோலி : லிபியாவில் கடந்த 42 ஆண்டுகளாக ஆட்சியில் இருந்த கடாபிக்கு எதிராக பிப்ரவரியில் புரட்சி வெடித்தது. இதுவரை அதை ராணுவ உதவியுடன் கடாபி ஒடுக்க முயன்று வந்தார். ஆனால், கடந்த ஞாயிறன்று தலைநகர் திரிபோலியை அமெரிக்கா தலைமையிலான நேட்டோ படை உதவியுடன் கிளர்ச்சியாளர்கள் கைப்பற்றினர். அதிபர் மாளிகை குண்டு வீசி தரை மட்டமாக்கப்பட்டது. எனினும், கடாபி பிடிபடவில்லை.

அவரை பிடிக்க தேடுதல் வேட்டை நடத்துவதாக கிளர்ச்சி படையினர் கூறி வரும் நிலையில், தனது மகன் சைப் அல் இஸ்லாம் நடத்தும் இணைய தள டிவியில் கடாபி திடீரென தோன்றினார். ‘‘எதிரிகளுக்கு பாடம் புகட்டும் தந்திரமாகவே தலைநகரில் இருந்து பின்வாங்கியுள்ளேன். எதிரிகளிடம் லிபிய ராணுவத்தினர் போரிட்டு வருகின்றனர். தலைநகர் திரிபோலியை நாங்கள் இன்னும் இழந்து விடவில்லை’’ என்று பேட்டியில் கூறினார்.

இதற்கிடையே, திரிபோலியில் கடந்த சில நாட்களாக நடந்த உச்சக்கட்ட மோதலில் 400 பேர் பலியானதாகவும், 2,000 பேர் வரை காயமடைந்ததாகவும் புரட்சி படையின் தலைவர் முஸ்தபா அப்துல் ஜலீல் தெரிவித்தார். கடாபி பிடிபட்டதும் லிபியாவிலேயே அவர் மீது விசாரணை நடத்தி தண்டனை விதிக்கப்படும் என்றார் அவர்.

அழகிரி: இந்தம்மா மீது கேஸ் நடந்துட்டு இருக்கு; கூடிய சீக்கிரம் முதல்வர் பதவியில் இருக்க மாட்டார்,'

திருச்சி: ""வேட்டியே வேணாம்னு சொல்லிட்டேன்; பேட்டி எதற்கு?'' என, திருச்சி மத்திய சிறையில், மத்திய அமைச்சர் அழகிரி, விரக்தியில் கூறினார். திருச்சி மத்திய சிறையில் அடைக்கப்பட்டுள்ள, எஸ்.ஆர்.கோபி, தி.மு.க., எம்.எல்.ஏ., அனிதா ராதாகிருஷ்ணன், "அட்டாக்' பாண்டி ஆகியோரை பார்க்க, நேற்று மதியம் 1.15 மணிக்கு, திருச்சி மத்திய சிறைக்கு, மத்திய ரசாயனத்துறை அமைச்சர் அழகிரி வந்தார். சிறைக்கு சென்று கைதிகளை பார்க்க, மூன்று பேருக்கு மட்டுமே அனுமதி என்பதால், மத்திய அமைச்சர் அழகிரியுடன், மத்திய இணையமைச்சர் நெப்போலியன், முன்னாள் எம்.எல்.ஏ., மூர்த்தி ஆகியோர் மட்டுமே, உள்ளே சென்றனர். அட்டாக் பாண்டி, குண்டர் சட்டத்தில் கைதாகியுள்ளதால், அவரை பார்க்க அனுமதி வழங்காமல், எஸ்.ஆர்.கோபி மற்றும் அனிதா ராதாகிருஷ்ணன் ஆகிய இருவரை பார்க்க மட்டுமே, சிறைத்துறை நிர்வாகம் அனுமதி அளித்தது. சிறைக்குள் சென்ற மூர்த்தி, சிறிது நேரத்தில் வெளியே வர, அதுவரை வெளியே நின்றிருந்த முன்னாள் அமைச்சர் நேரு, சிறை உள்ளே சென்று அழகிரியுடன் சேர்ந்து கொண்டார். அரை மணி நேர சந்திப்புக்கு பின், 1.45 மணிக்கு அழகிரியும், மற்றவர்களும் சிறையிலிருந்து வெளியே வந்தனர்.
வெளியே வந்த மத்திய அமைச்சர் அழகிரியிடம், நிருபர்கள் பேட்டி கேட்க, ""வேட்டியே வேணாம்னுட்டேன்; பேட்டி எதற்கு?'' எனக் கூறி, மதுரைக்கு புறப்பட்டுச் சென்றார்.

தி.மு.க.,வினர் குழப்பம் : சிறையிலிருந்து வெளியே வந்த மத்திய அமைச்சர் அழகிரிக்கு, சில முன்னாள் எம்.எல்.ஏ.,க்கள், சால்வை, தி.மு.க, கட்சிக்கரை போட்ட, துண்டு, வேஷ்டி ஆகியவை கொடுக்க முயன்றனர். அவற்றை வாங்க அழகிரி மறுத்து விட்டார். அதன்பின்னரே, இந்த வார்த்தையை அவர் கூறினார்.
ஆகையால், மேற்கண்ட காரணத்தின் அடிப்படையில் இந்த கருத்தை மத்திய அமைச்சர் அழகிரி கூறினாரா அல்லது வேறு எதையும் மனதில் வைத்துக் கொண்டு, "பொடி' வைத்து பேசினாரா என, தி.மு.க.,வினர் குழம்பிப் போயினர்.

அழகிரிக்கு தைரியம் ஊட்டிய தி.மு.க.,வினர் : மதுரை மத்திய சிறையில் தி.மு.க.,வினரை நேற்று சந்தித்த மத்திய அமைச்சர் அழகிரி, வழக்கு போட்டவர்கள் மீது வழக்கு தொடரப் போவதாக ஆறுதல் தெரிவித்தார்.
நேற்று மாலை 3.35 மணிக்கு கட்சிக் கொடி கட்டிய காரில் அழகிரியும், மத்திய அமைச்சர் நெப்போலியனும் சிறைக்கு வந்தனர். இவர்களுடன் முன்னாள் எம்.எல்.ஏ., வேலுச்சாமி மற்றும் வழக்கறிஞர்கள் மோகன்குமார், லிங்கத்துரை சென்றனர். ஜெயிலர் அறையில் அவைத் தலைவர் இசக்கிமுத்து, பொதுக்குழு உறுப்பினர் மின்னல்கொடி, குடும்ப டாக்டர் நவநீதகிருஷ்ணன், மாநகராட்சி கவுன்சிலர் மலைச்சாமி, எஸ்ஸார் கோபியின் சகோதரர் ஈஸ்வரன், திண்டுக்கல் வேட்பாளராக போட்டியிட்ட விஜயன் ஆகியோரை சந்தித்தார்.

அப்போது அழகிரி, ""சிறைகளில் கட்சிக்காரங்களை தீவிரவாதிகளாக நடத்துறாங்க. உள்ளே வைத்த போலீஸ் அதிகாரிகள் மீது வழக்கு தொடரப் போகிறேன். அவர்களும் "உள்ளே' வருவாங்க. இந்தம்மா(ஜெயலலிதா) மீது கேஸ் நடந்துட்டு இருக்கு; கூடிய சீக்கிரம் முதல்வர் பதவியில் இருக்க மாட்டார்,'' என்ற அவரிடம், "அண்ணே, கட்சி வேட்டி கட்டக்கூடாதுனு சொல்றாங்கண்ணே' என்று ஈஸ்வரன் கூற, அங்கிருந்த ஜெயிலர் தமிழ்ச்செல்வன் மறுத்தார்.
பின், 3.55 மணிக்கு வெளியே வந்த அழகிரி, நிருபர்களிடம், ""உள்ளே இருந்தவர்களை சந்தித்தபோது, "எங்கள் மீது போடப்பட்ட வழக்குகள் பொய்யானது; அதை தைரியமாக சந்திப்போம்' என்று எனக்கு தைரியம் ஊட்டினர். வழக்கு போட்டவர்கள் மீது நடவடிக்கை எடுப்போம்,'' என்றார்.

அழகிரி "டென்ஷன்' : கொடைக்கானல் நகராட்சித் தலைவர் முகமது இப்ராகிமை சந்திக்க கடந்த மாதம் மதுரை சிறைக்கு அழகிரி வந்தபோது, அவரது கார் உள்ளே செல்ல அனுமதிக்கப்பட்டது. ஆனால் நேற்று, "மத்திய அமைச்சராக அவர் வராததால், "ப்ரோட்டோகால்' படி அனுமதிக்க முடியாது' என்று அதிகாரிகள் கூறினர்.
இதனால், கேட்டிற்கு வெளியே காரில் 5 நிமிடம் காத்திருந்த அழகிரியும், நெப்போலியனும் நடந்தே உள்ளே சென்றனர். அப்போது தி.மு.க.,வினர், காவலர்களுக்கு எதிராக கோஷமிட, "இவ்வளவு பேரு வந்தா எப்படி உள்ளே விடுவாங்க?' என அழகிரி, "டென்ஷன்' ஆனார்.

அழகிரி -நெப்போலியன் தீவிர ஆலோசனை

மத்திய அமைச்சர் மு.க.அழகிரி இன்று டெல்லியில் இருந்து மதுரை வந்தார்.  சிறையில் இருக்கும் திமுகவினரை சந்தித்து ஆறுதல் கூறினார்.
மத்திய இணையமைச்சர் நெப்போலியன் உடனிருந்தார்.
இரவு 8 மணிக்கு மேல் தயா ஸ்கேன் செண்டரில் 2 மணி நேரம் தீவிர ஆலோசனை நடத்தினர்.

மின்னல்கொடி கதறல் : அழகிரி ஆறுதல்

மத்திய அமைச்சர் மு.க.அழகிரி இன்று டெல்லியில் இருந்து மதுரை வந்தார்.

சிறையில் இருக்கும் தியேட்டர் அதிபர் மின்னல்கொடி மற்றும் மதுரை மாநகராட்சி வடக்கு மண்டல தலைவர் இசக்கிமுத்து ஆகியோரை சந்தித்து பேசினார்.
’’எனக்கு ஏகப்பட்ட சொத்து இருந்தும் இப்படி சிறையில் வாடுகிறேனே’’ என்று மின்னல்கொடி கதறினார்.
‘’இந்த நிலைமை மாறும்’’ என்று அவருக்கு அழகிரி ஆறுதல் கூறினார்.

மாஜி திமுக அமைச்சர் கே.என்.நேரு கைது

திருச்சியில் முன்னாள் போக்குவரத்து துறை அமைச்சர் கே.என்.நேருவை திடீரென கைது செய்தது போலீஸ்.

எந்த வழக்கில் கைது செய்யப்பட்டார் எனத்தெரியாமல் அவரது குடும்பத்தினர் தவிக்கின்றனர்

சட்டம்பி தோரணையில் வகுப்பெடுக்கும் கூலார் தவராஜாவுக்கும்

ஒரு கல்விமான் மீது திரும்ப திரும்ப திட்டு வாங்கி கொடுக்கிறது தேசம் நெற்.கூலார் ஏதோ தமிழ் கல்விச்சமூகத்தையே கட்டியாளும் வல்லமை படைத்தவர் என்ற பிரம்மையில் அவரை பொது மேடைக்கு அழைத்து வந்தது தேசம் நெற்.

ஆனாலும், கூலாரே எதிர்பார்த்திருக்க மாட்டார் தவராஜாதன்னை தடம் போட்டு விழுத்துவார் என்று. சாதாரண மாணவர்களுக்கு சட்டம்பி தோரணையில் வகுப்பெடுக்கும் கூலார் தவராஜாவுக்கும் இலகுவில் வகுப்பு நடத்தலாம் என்ற கனவோடு வந்தாரோ தெரியவில்லை.
மக்களை ஏமாற்றலாம்!… ஊடகங்களை ஏமாற்றலாம்!… ஆனால் எங்களை ஏமாற்ற முடியாது என்று தவராஜா கூலாரை நோக்கி சொன்னவைகள் பொய்யானவைகள் அல்ல என்பது அந்த கேள்வி நேரத்தில் மெயப்பிக்கப்பட்டிருந்தது. சகல ஊடகங்களுக்கும் கூலார் கொடுத்த அவதூறுகளுக்கு தவராஜா கொடுத்த விளங்கங்கள் ஆதராப்படுத்தப்பட்டிருந்தன. அனைத்திற்கும் ஆவணங்களை எடுத்து நீட்டினார் தவராஜா.

Read More

50 ஆண்டுகளாக தமிழ்தேசிய கூட்டமைப்பு same old drama still running

கடந்த 50 ஆண்டுகளாக வடக்கு கிழக்கு தமிழ் மக்களை தமிழ் தேசிய கூட்டமைப்பு ஏமாற்றிவருகின்றது. தொடர்ந்து எதிர்க்கட்சி வரிசையில் இருந்து கொண்டு சுகபோகம் அனுபவித்துவரும் இவர்களால் இதுவரையில் தமிழ் மக்கள் கண்ட பலன் என்ன? வெறுமனே அப்பாவி இளைஞர்களை பலிகொடுக்க தூண்டியதுதான் மிச்சம்.

ஜனாதிபதி மஹிந்த ராஜபக்ஸவின் ஆட்சியின்போதே தமிழ் மக்கள் பாரிய நன்மைகளை அடைந்துள்ளனர். இதை மறந்து தேர்தல் காலங்களில் வெற்றுக்கோஸங்களுக்குப்பின்னால் தமிழ் மக்கள் அலைவதால் எதனையுமே அடைந்துவிட முடியாது என கல்குடா தொகுதி ஸ்ரீலங்கா சுதந்திர கட்சி பிரதம அமைப்பாளர் டி.எம்.சந்திரபால தெரிவித்தார்.

நீதி அமைச்சர் ரஊப் ஹக்கீமிடம் அமைப்பாளர் சந்திரபால விடுத்த வேண்டுகோளின்பேரில் மாவட்டத்திலுள்ள முக்கியஸ்தர்களுக்கு சமாதான நீதவான்கள் நியமனமக் கடிதங்களை வழங்கும் வைபவம் கிண்ணையடி வித்தியாலயத்தில் ஆலய பரிபாலனசபை தலைவர் தலைமையில் நடைபெற்றபோது அவர்மேற்கண்டவாறு தெரிவித்தார்.

சமாதான நீதவான்கள் கடிதங்கள் வழங்கப்பட்டதுடன் சமுகப்பண்யாளர்கள் பலர் பொன்னாடைபோர்த்தி கௌரவிக்கப்பட்டனர்.

100 ஆண்டுகளில் அதிகம் அமெரிக்காவில் பூகம்பம் கட்டிடங்கள் இடிந்தன!

வாஷிங்டன் : அமெரிக்காவில் கடந்த 100 ஆண்டுகளில் இல்லாத அளவுக்கு நிலநடுக்கம் ஏற்பட்டது. ரிக்டர் அளவுகோலில் இது 5.8 ஆக பதிவானது. இதனால் சில கட்டிடங்கள் இடிந்தன. பலவற்றில் விரிசல் ஏற்பட்டது. அமெரிக்காவில் கடந்த செவ்வாய் அதிகாலை நிலநடுக்கம் ஏற்பட்டது. தலைநகர் வாஷிங்டனிலிருந்து 139 கி.மீ. தொலைவில் உள்ள வர்ஜினியா மாகாணம் ரிச்மண்ட் என்ற இடத்தில் நிலநடுக்கம் மையம் கொண்டிருந்தது. ரிக்டரில் இது 5.8 ஆக பதிவானது.

கடந்த 1897ம் ஆண்டு மே மாதம் ஏற்பட்ட நிலநடுக்கத்துக்குப் பிறகு (5.9) அதிக அளவிலான நிலநடுக்கம் இதுதான். இதனால் வாஷிங்டன், நியூயார்க் உள்ளிட்ட நகரங்களில் வீடுகள் மற்றும் அலுவலகங்களில் இருந்தவர்கள் உடனடியாக வெளியேற்றப்பட்டனர். நியூயார்க் நகரில் உள் 2 அணு மின் நிலையங்கள் உடனடியாக மூடப்பட்டன. £ஷிங்டனில் உள்ள இந்திய தூதரகம், அமெரிக்க ராணுவ தலையகமான பென்டகன், வெள்ளை மாளிகை, இந்து கோயில்கள் உட்பட பல முக்கிய கட்டிடங்களுக்கு எவ்வித ஆபத்தும் ஏற்படவில்லை. நிலநடுக்கத்தால் கட்டிடங்கள், வீடுகளில் விரிசல் ஏற்பட்டது.

UNPயின் கொழும்பு அமைப்பாளர் மொஹமட் மஹ்ரூப் ஐக்கிய மக்கள் சுதந்திர கூட்டமைப்பில் இணைந்துள்ளார்.

ஐக்கிய தேசிய கட்சியின் மத்திய கொழும்பு அமைப்பாளர் மொஹமட் மஹ்ரூப் ஐக்கிய மக்கள் சுதந்திர கூட்டமைப்பில் இணைந்துள்ளார்.
எதிர்வரும், உள்ளுராட்சி சபை தேர்தலில் தாம் ஐக்கிய மக்கள் சுதந்திர கூட்டமைப்பில் போட்டியிடவுள்ளதை கருத்தில் கொண்டே தாம் இந்த தீர்மானத்தை மேற்கொண்டதாக அவர் குறிப்பிட்டார்.
மொஹமட் மஹ்ரூப் ஐக்கிய தேசிய கட்சியின முன்னாள் நாடாளுமன்ற உறுப்பினராவார்.
எதிர்வரும் உள்ளுராட்சி சபை தேர்தலில் கொழும்பு நகர சபை தேர்தலில் ஐக்கிய தேசிய கட்சியின் சார்பில் போட்டியிட பலரின் பெயர்கள் பரிந்துரைக்கப்பட்டிருந்தன.

இவர்களில் மாகாண சபை உறுப்பினர் ஏ ஜே எம் முஸம்மில், முன்னாள் நாடாளுமன்ற உறுப்பினர் மொஹமட் மஹரூப், மற்றும் ராம் ஆகியோரின் பெயர்கள் முன்னிலையில் இருந்ததாக ஐக்கிய தேசிய கட்சியின் தகவல்கள் தெரிவிக்கின்றன.
எவ்வாறாயினும், ஐக்கிய தேசிய கட்சியின் மேல் மாகாண சபை உறுப்பினர் பதவியில் இருந்து ஏ ஜே எம் முஸம்மில் நேற்று நண்பகல் தமது பதவியில் இருந்து விலகினார்
எதிர்வரும் உள்ளுராட்சி சபை தேர்தலில் கொழும்பு மாவட்டத்தின் முதன்மை வேட்பாளராக போட்டியிடும் நோக்கத்திற்காகவே தாம் பதவி விலகியதாக அவர் குறிப்பிட்டார்.
இந்த நிலையில் எதிர்வரும் உள்ளுராட்சி சபை தேர்தலில் ஐக்கிய தேசிய கட்சியின் கொழும்பு மாவட்ட முதன்மை வேட்பாளராக ஏ ஜே எம் முஸம்மிலின் பெயர் பிரேரிக்கப்பட்டுள்ளதாக கட்சியின் நம்பதகுந்த செய்திகள் தெரிவிக்கின்றன.

தமிழ்த்தேசியத்தின் மூவேந்தராட்சியில் நடக்கும் முரண்பாட்டுக் கூத்துக்கள்

அருந்தா

ஜனநாயக முறையில் மக்களாற் தெரிவு செய்யப்படும் பாராளுமன்றப் பிரதிநிதிகள் மக்களின் தேவையை முன்னெடுப்பதற்கு; மக்களின் வாழ்வும் வளத்துக்கும் உழைக்கவேண்டும். தாங்கள் ஜனநாயகத்தின் பாதுகாவலர்கள் என்று காட்டிக்கொள்ளவேண்டும். ஆனால்த் தமிழ்த்தேசியக் கூட்டணி என்ற பெயரில் ஒரு அரசியற் கட்சி இருந்தாலும் அந்தக் கடசியின் பெயரில் ஆட்சி செய்பவர்கள் சம்பந்தர், சுரேஸ் பிரேமச்சந்திரன், மாவை சேனாதிபதி என்ற மூவருமே என்று யாழ்ப்பாணத்து வழக்கறிஞரும் தமிழ்த் தேசியக் கூட்டணி அங்கத்தவருமாயிருந்த றமேடியஸ் அவர்கள் அண்மையிற் சொல்லியிருந்ததாகச் செய்திகள் வெளிவந்தன.

ஜனநாயகம் என்ற வார்த்தைக்கு இவர்களஜிடம் எந்த அர்த்தமும் கிடையாது என்று பரவலாகப் பேசப்படுகிறது. முரண்பாட்டு அரசியல் மூலம் தங்கள் இருப்பை வாழ்நாள்பூராவும் தக்கவைது;துக்கொள்ளத் தமிழ்த்தேசியத்தைப் பாவிப்பவர்கள் என்பது பொதுவான அபிப்பிராயமாகவிருக்கிறது. சுமந்திரன் என்ற வழக்கறிஞரைத் தங்கள் தேவைகளுக்குப் பயன்படுத்துகிறார்களே தவிர சுமந்திரன் சொல்லும் யதார்த்தமான கருத்துக்களுக்கு இவர்கள் எந்த மதிப்பும் கொடுப்பது கிடையாது என்று சொல்லப்படுகிறது.

இம்மூவரும் தங்களின் சுயநலத்தை மட்டும் பேணுவதால் வேறு எவரது கருத்துக்களையும் யாரையும் மதிப்பது கிடையாது என்றுசொல்லிக்கொண்டு தமிழ்த்தேசியக் கூட்டணிப் பாராளுமன்றவாதியாகத் தெரிவு செய்யப்பட்ட பியசேனா கட்சியிலிருந்து விலகிவிட்டார். தங்களை மிஞ்சிய தலைவர்கள் யாரும் தமிழருக்குக் கிடைக்கமாட்டார்கள் எனகிற மனோபாவத்தில்; இவர்கள் வலம் வருகிறார்கள். புலம் பெயர்ந்த புலிக்கூட்டத்துக்குச் சேவகம் செய்யும் இவர்களின் பணியால்  தமிழ்மக்களுக்கு எந்தவொரு விமோசனமும் கிட்டப்போவதில்லை.; தமிழ்த்தேசியம் என்ற பெயரில் அரசியல் அறிவில்லாத மனிதப்பிறவி கூட பாராளுமன்றம் போகலாமென்பது தமிழருக்குத் தெரிந்த விடயமென்றாலும் இவர்களைத் தாண்டிப்போக ஒரு சமுகநலவாதி அரசியலுக்குள் நுழைய முடியாத பல தடைகளால் தமிழ்ப்பகுதிகளில் ஜனநாயகம் குழிதோண்டிப் புதைக்கப் படுகிறது.

புலிகள் கடந்த காலங்களிற் செய்த 'பே(ய்)ச்சுவார்த்தைகள்' என்ற பெயரில் காட்டிய பேய்க்காட்டலைத் தமிழ் மக்களின் பிரதிநிதிகள் என்று தங்களைச் கூறிக்கொண்டு உலக வலம் வரும் தமிழ்த் தேசியக் கூட்டணியினரும் இன்று செய்து கொண்டிருக்கிறார்கள். நாடுகடந்த ஈழம் கேட்டுக்; கோர்ட்டும் சூட்டும் போட்டுக்கொண்டு ஐந்து நடசத்திர ஹொட்டேல்களில் மகாநாடுகள் வைது;துக்கொண்டு திரியும் புலம் பெயர்ந்த பெரிய தமிழ் மனிதர்களின் பேச்சைக்கேட்டுக்கொண்டு இந்த மும்மூர்த்திகளும் தமிழ்ச்சமுகத்தை, புலம் பெயர்ந்த தமிழர் ஈழம் எடுத்துத் தருவார்கள் என்று சொல்லி  பொய்ப்பரப்புரை செய்து கொண்டிருக்கிறார்கள். அந்தக்காலத்தில், புலிகளுடன் அரசாங்கங்கள் பேச்சுவார்த்தைகளைத் தொடங்கும்போதெல்லாம் நொண்டிச்சாட்டை வைத்துக்கொண்டு, பேச்சுவார்த்தைகளை முறிப்பதை இராஜதந்திரம் என்று நினைத்தனர் புலிகள். இவர்கள் அதெற்கெல்லாம் ஆமாமசாமி போட்டவர்கள் இந்தப் பாராளுமன்றவாதிகள். இந்தியப் படை வந்து வடக்கையும் கிழக்கையும் சேர்த்த 'ஈழதேசத்தைக்கையிற்' கொடுத்தபோது ,அதைத் தமிழரை அழிக்கப்பல வியுகங்களை வரைந்த ஐக்கியதேசியக்கடசியுடன் சேர்ந்து சிதைத்தவர்கள் புலிகளும் இந்தச்சிம்மங்களான தேசியக்ககூட்டணியும்.

யாழ்ப்பாணத்தில் இன்னுமொரு தரம் இவர்கள் எப்படி தெரிவு செய்யப்பட்டார்கள் என்று விசாரித்தபோது, புலம் பெயர்ந்த புலி ஆதரவாளர்கள், அரசாங்கத்துடனிருக்கும் தமிழ் வேட்பாளரை வீழ்த்தவேண்டும் என்று வெளிநாடுகளிலிருந்து இறைத்த பணம்தான் வெற்றி கொண்டது என்று ஒரு முற்போக்குவாதியான யாழ்ப்பாணத்து; தமிழ்க்கலாநிதி துக்கத்துடன் விளக்கம் தந்தாh.;

ஜனாதிபதி தேர்தலின் போது சரத்பொன்சேகாவிற்கு தமிழ்மக்களின் ஆதரவை பெற்றுக்கொடுப்பதற்கு நடாத்தப்பட்ட பேரத்தில் பல கோடிகள் கைமாறியதாக கூறப்படுகிறது. சரத்பொன்சேகாவை எந்த அடிப்படையில் தமிழ்மக்கள் ஆதரிக்கவேண்டும் என இம்மூவேந்தர்களும் கூறிய காரணங்கள் வெறும் அரசியல் மலட்டுத்தனம் கொண்டவை.

தமிழ் மக்களுக்கு அரசியல் விடிவு வராமலிருப்பது அவர்களின் நாற்காலிகளைத் தக்க வைக்கத் தேவையானதாகும். அதற்காக எந்த விதமான முரண்பாட்டு அரசியலையும் முன்னெடுக்கத் தயங்காதவர்கள் இந்த மூவேந்தர்களும். 1995ம் ஆண்டில் சந்திரிகா குமாரதுங்க கொண்டுவந்த, தமிழரின் பிரச்சினையைத் தீர்க்கும் மிகவும் திறமையான திட்டத்தை தங்களின் ஆத்மீக நண்பனான ஐக்கிய தேசியக்கட்சியின்  ரணிலுடன்சேர்ந்து எதிர்த்தார்கள்.

இப்போது, நாடுகடந்த ஈழம் எடுப்போருடன் சேர்ந்து கொண்டு இலங்கையில் வாழும் ஏழைத்தமிழர்களுக்குப் பிரச்சினையைக்கொடுக்கிறார்கள்.

தமிழ்த்தேசியத்தால் பல துன்பப்பட்ட ஒருத்தரின்; பழைய நினைவுகளின்படி சொன்னதாவது,

' மூன்றாவது தலைமுறையான தமிழ்த்தேசியத் தலைவர்கள்; இன்னும் தொடர்ந்தும் தமிழ் மக்களை அழிக்கும் பேச்சுக்களைப்பேசி இளம் தலைமுறையினரைக் குழப்புகிறார்கள்

நாங்கள் 1970 ஆண்டுகளின் ஆரம்ப கால கட்டத்தில்; தமிழரசுக்கட்சியினர் மேடைகளிற் பேசிய உணர்ச்சிவசமான பேச்சுக்களால் உந்தப்பட்டவர்கள். பாடசாலைகளிற் உயர்கல்வி படித்துக்கொண்டிருந்தபோது, இலங்கையரசின் கல்வித் தரப்படுத்தல் வந்தது. அந்தத் திட்டம் கெட்டிக்காரத் தமிழரை அடக்குவதறகாக இனவெறிபடித்த சிங்கள அரசு கொண்டுவந்த பாரதூரமான சட்டம் என்று எங்கள் தலைவர்கள் சொன்னார்கள். “எங்கள் தமிழ் இனத்தைக் கொடுமை செய்யும் சிங்கள அரசை வெல்ல இளம் தலைமுறை முன்வரவேண்டும். தமிழரசைக் கொண்டு வரவேண்டும். அப்படியான போராட்டத்தில் வெல்ல வேண்டும். அந்தப் போராட்டத்துக்காக எதையும் தியாகம் செய்யவேண்டுமென்று நீங்கள் ; சபதம் செய்ய வேண்டும். எங்களை வருத்தும் சிங்களவனின் தோலையுரித்துக் காலணியாகப்போடும் எனது சபதம் உங்கள் போராட்டத்தின் வெற்றியிற்;  தங்கியிருக்கிறது”என்று அன்றைய தலைவரின் துணைவியார் சூழுரைத்ததை எங்கள் தார்மீகக்கடமையாக ஏற்றுக்கொண்டோம் ,நம்பினோம்.

“சிங்களவர்களை எதிர்க்கும் தமிழ்த்தலைவர்கள் பலருக்குச் சரியாகத் தமிழ் பேசவராது என்பதைச் சரியாக உணரத் தெரியாத வயது எங்களுக்கு. தமிழருக்காகப் போராட எங்களை உசுப்பிவிட்ட தமிழ்த் தலைவர்களுக்குச் சிங்களப் பகுதிகளில் ஏகப்பட்ட சொத்துக்கள் இருந்ததை உணரமுடியாத அறியாமையுடன் தமிழுக்காக எங்கள் உயிரைப் பணயம் வைக்கத் துணிந்தோம். தலைவர்களின் பேச்சைக்கேட்டு அறப்போர் தொடங்கினோம்.

 எங்களைப்போன்ற பல இளம் தமிழர்கள் போராட்டத்தில் இறங்கினார்கள். அக்கால கட்டத்தில் அறப்போரில் நம்பிக்கையில்லாத சிலரும் தமிழருக்கான போரில் தங்களை இணைத்துக்கொண்டார்கள். அதன் பிரதிபலிப்பு 1974ல் நடந்த உலகத் தமிழ் மகாநாட்டில் எதிரொலித்தது. எப்போதும் இலங்கைத் தமிழர் பிரச்சினையில் தங்களின் மூக்கை நுழைக்கும் இந்திய சந்தர்ப்பவாதிகளில் ஒருத்தரும்; இலங்கை அரசால் தடைசெய்யப்படடிருந்தவருமான உலகத் தமிழ் இளைஞர் பேரவைத் தலைவர் ஜனார்தனனைக் கள்ளத் தோணியில் சிலர் யாழ்ப்பாணத்துக்குக் கொண்டுவந்தார்கள். அப்போது உலகத் தமிழ் நாட்டின் முக்கியஸ்தராக இருந்தவர்; ( இப்போது லண்டனிலிருக்கும் கலாநிதி ) ஜனார்த்தனின் வருகையை விரும்பவில்லை. அதன் எதிரொலியாக அவர் மகாநாடடின் பாதுகாப்புக்கருதி போலிசுக்குத் தகவல் கொடுத்தார். இளைஞர்களுடன் முறுகல் ஏற்பட்டது. அதனால் வந்த பிரச்சினையில் ஒன்பது அப்பாவி மக்களின் உயிர்போனது. ஆதை இலங்கை அரவாங்கத்தின் தலையில் போட்டவர்கள் எங்களின் தமிழ்த் தலைவர்கள்

அதைத் தொடர்ந்து, அறப்போரின் தத்துவம் கொண்ட ஆளுமையைவிட ஆயுததாரிகளின் ஆதிக்கம் தலைவர்களிடம் தலைதூக்கத் தொடங்கியது.

“அப்போது யாழ்ப்பாணத்தில் ஏழைத் தமிழர்களுக்கு உதவி செய்த துரையப்பாவை எங்கள் தமிழ்த்தலைவர்களுக்குப் பிடிக்கவில்லை. தமிழர்களுக்கு ஏதும் நன்மைகள் செய்யப்பட்டல் தங்களின் செல்வாக்கு பறந்துபோகும் என்பதால் துரையப்பாவைத் தலைவர்களுக்கப் பிடிக்கவில்லை. அவரை, ஜனநாயக வழியில் எதிர்க்க முடியாத தமிழ்த்தலைவர்கள்,முரட்டுத்தனமான பேர்வழியான முட்டங்கண்ணன் (பிரபாகரன்) மூலம் முடித்துவிட்டார்கள். அந்தக்கொலையால் பல ஏழைத்தமிழர்களுக்கு துரையப்பாவாற் யாழ்ப்பாணத்தில் கிடைத்திருக்க வேண்டிய பல நன்மைகள் கிடைக்காமற் தடுத்தார்கள். அந்த முண்டக்கண்ணன் தன்னை வளர்த்த தலைவனையே வீழ்த்திவிட்டான்”

“அதேபோல்,அன்று தமிழ் இளைஞர்களின் அபிமானததைப்பெற்ற தங்கக்குட்டியையும் காட்டிக்கொடுத்தார்கள்.அதன்பின்  ஓவ்வொரு தமிழ்த தலைவராக போட்டுத் தள்ளினார்கள். தமிழருக்குக் குரல் கொடுக்கு யாருமற்ற நிலையையுண்டாக்கத் தமிழ்ப் புத்திஜீவிகளைக் கொலைசெய்தார்கள்.

“ பல வருடங்களாகத் தமிழர்கள் அகதிகளாக அங்குமிங்கும் அலைந்தார்கள். எனது இரண்டு தமிபிகள் வாழவேண்டிய வயதில் தமிழுக்காக அழிந்தார்கள். தங்களின் தேவைக்குப் போர்க்கைதிகளாக்கப்பட்ட ஆயிரக்கணக்கான தமிழர்கள் போர் புரிந்த இருசாராராலும் கொலை செய்யப்பட்டார்கள். அவர்களை விடுதலை செய்யச்சொல்லி இந்தத் தலைவர்கள் வாய் திறக்கவில்லை.

இன்று பல்லாயிரம் தமிழர் பரிதாப நிலைக்குத் தள்ளப்படடிருக்கிறார்கள். இது பற்றி இந்த மூவேந்தர்களும் அலட்டிக்கொள்வதாகத் தெரியவில்லை.  தமிழரின் துயர் துடைப்போம் என்ற போர்வையில் ; தமிழை வைத்துப் பிழைக்கப் பலர் தாயகத்திலும் புலம் பெயாந்த நாடுகளிலும் தோன்றினார்கள். தாயகத்தில் ஏழைக்குழந்தைகளைப் பலவந்தமாகப்பிடித்துக்கொலைக்களம் அனுபபிவிட்டுத் தங்கள் குழந்தைகளை மட்டும் உயர்கல்விக்கு அனுப்பினார்கள். பருவமடையாத இளம்பெண்ணை தற்கொலைதாரியாக  வெடிக்க வைத்து அந்தப் படத்தைக்காட்டிப் பணம் சேர்த்த புலிகளின் புலம் பெயர் புல்லுருவிகள் தங்களின் இலாபத்தில், தங்கள் மகளுக்குப் பூப்புநீராட்டுவிழாவைத்து மகிழ்ந்தார்கள். தனது ஒருமகள் புலம் பெயர்ந்த நாட்டில் புஸ்ரீபுரிப்புடன்வாழ இலங்கையில் பல ஏழைத்தமிழ்ப்பெண்களை விதவைகளாக்கினார்கள்.

மேற்பட்ட துக்க விடயங்களைப் பகிர்ந்து கொண்த தமிழர் ஒருத்தர் இன்று தமிழ்த் தலைமையின் போக்கைக் கண்டு பயபபடுவதாகச்சொன்னார்.

 இன்றும் நிழற்புலகளாக வலம் வரும தமிழ்த்தேசியத் தலைவர்கள் தமிழர்களை வைத்துப் பிழைத்துக்கொண்டிருக்கிறார்கள்.

அரச சமபளத்தை வாங்கும் ஒரு ஆசிரியன் மாணவர்களுக்குக் கல்வி கொடுக்கும் பணியைச்செய்கிறான். வைத்தியர் நோயாளிகளைப் பராமரிக்கிறார்..அப்படியே, பல அசர உத்தியோகத்தர்கள் தாங்கள் வாங்கும் ஊதியத்துக்கு ஏற்ப பணியை மக்களுக்குச் செய்கிறார்கள். அண்மையில் தேனியில் வந்த கட்டுரையின்படி ஒரு சாதாரண பாராளுமன்றவாதி மக்கள் பெயரால் எவ்வளவு உழைக்கிறார்கள் என்பது தெரிகிறது. இவர்கள் தமிழர்களுக்கு என்ன செய்தார்கள்? புதைகுழிகளைத் தமிழ் நிலத்தில் வதைப்பதற்கு உதவி செய்தவர்கள் இவர்கள்.

 80 வயதை எட்டிக்கொண்டிருக்கும் தலைவர் கண்மூட, தலைமைப்பதவிக்கு இரு இளவரசர்கள் காத்திருக்கிறார்கள் மாவை என்பவர் எந்தவிதமான ஆளுமையும் கிடையாதவர். பிரேமச்சந்திரன் பிரபாகரனின் குணாம்சங்களைக் கொண்டவர் என்று பெயர் எடுத்தவர். அதாவது, தனக்குப் பிடிக்காத யாரையும் சரியாகப் பார்த்துக் கொள்வாராம். இப்படியான தலைவர்களை ஓரம் கட்டிவிட்டு ஒரு புதிய, தன்னலமற்ற தலைவர்கூட்டத்தைத் தமிழர்கள் தெரிவு செய்ய வேண்டும்.

மக்களால் தேர்ந்தெடுக்கப்படும் ஒரு தலைவன் மகாசக்தியின் அனுக்கிரகம் பெற்றவர் என்பது நம்பிக்கை. தமிழ்த் தலைவர்களால் இதுவரை எங்கள் தமிழ் இனம் உலகில் மற்ற உந்த இனமும் படாத கொடிய அனுபவங்களைப் பெற்றிருக்கிறது. இந்தத் தலைவர்களுக்குப் பயந்து கடவுளும் ஓடி ஒளிந்து விட்டாரோ தெரியாது.

 'கடவுளாலும் மறக்கப்பட்டவர்களா தமிழர்கள்? ஏன் எங்கள் இனம் இப்படித் துன்பப் படுகிறது? என்றழுதார் ஒரு தமிழ் முதியவர்.

விழிப்புக் குழுக்கள் அமைப்பது பற்றி டக்ளஸ் தலைமையில் ஆராய்வு

யாழ் குடாநாட்டின் மேலும் சில பகுதிகளில் மர்ம மனிதன் தொடர்பான வதந்திகள் பரவியதைத் தொடர்ந்து கிராமங்களில் விழிப்புக் குழுக்களை அமைப்பது பற்றி பாரம்பரிய கைத்தொழில் மற்றும் சிறுதொழில் முயற்சி அபிவிருத்தி அமைச்சர் டக்ளஸ் தேவானந்தா தலைமையில் ஆராயப்பட்டுள்ளது. யாழ்ப்பாணம் நாவாந்துறை மற்றும் வடமராட்சி பகுதிகளில் மர்ம மனிதன் நடமாட்டம் இடம்பெற்றதாகக் கூறப்பட்டதைத் தொடர்ந்து அப்பகுதிகளில் பொதுமக்களுக்கும், பாதுகாப்புத் தரப்பினருக்குமிடையில் முறுகல் நிலை ஏற்பட்டது.

நாவாந்துறை, பாஷையூர் பிரதேசங்களில் 100 பேர் கைதுசெய்யப்பட்டதுடன், 95 பேர் தடுத்துவைக்கப்பட்டனர். அதேநேரம், இருபாலை மற்றும் மல்லாகம் பகுதிகளிலும் மர்ம மனிதர்களின் நடமாட்டம் இருந்ததாக வெளியான வதந்திகளைத் தொடர்ந்து மக்கள் மத்தியில் பதற்றம் ஏற்பட்டது.

இந்த நிலையில் யாழ் குடாநாட்டில் புதிதாக ஏற்பட்டிருக்கும் மர்ம மனிதன் பிரச்சினையைத் தொடர்ந்து கிராமங்கள் தோறும் விழிப்புக் குழுக்களை அமைப்பது பற்றி அமைச்சர் டக்ளஸ் தேவானந்தா தலைமையில் நேற்றுமுன்தினம் ஆராயப்பட்டது.
பிரதிப் பொலிஸ்மா அதிபர் நீர் தளுவத்த உள்ளிட்ட சிரேஷ்ட பொலிஸ் அத்தியட்சகர், மேலதிக அரசாங்க அதிபர் உள்ளிட்ட பலர் இதில் கலந்துகொண்டனர்.
கிராமங்கள் தோறும் விழிப்புக் குழுக்களை அமைப்பதன் ஊடாகவே இவ்வாறான சம்பவங்களைக் கட்டுப்படுத்த முடியுமென்றும், விழிப்புக் குழுக்களுக்கு அந்தந்த கிராம சேவகர்கள் ஊடாக பிரதிநிதிகள் தெரிவுசெய்யப்பட வேண்டுமென்றும் பொலிஸார் தரப்பில் கூறப்பட்டது. இவ்வாறு தெரிவுசெய்யப்படும் குழுக்களுக்குத் தாம் பூரண ஒத்துழைப்பு வழங்கத் தயார் என்று சிரேஷ்ட பொலிஸ் அத்தியட்சகர் உறுதிமொழி வழங்கினார்.

விழிப்புக்குழுக்களை அமைப்பதானது மர்ம மனிதர்களின் செயற்பாடுகளுக்கு முடிவுகட்டும் அதேநேரம், கொலை, கொள்ளை போன்ற சமூக விரோதச் செயல்களுக்கு முடிவுகட்டும் வகையில் அமையும் என இக்கூட்டத்தில் கருத்துத் தெரிவித்த அமைச்சர் டக்ளஸ் தேவானந்தா கூறினார். விழிப்புக் குழுக்களுக்கு உறுப்பினர்களைத் தேர்வுசெய்யும்போது சரியானவர்களைத் தேர்வுசெய்வது அவசியம் எனச் சுட்டிக்காட்டிய அமைச்சர், பிழை செய்பவர்கள் ஈ.பி.டி.பி. கட்சியைச் சார்ந்தவர்களாக இருந்தாலும் சரி, அரச தரப்பைச் சார்ந்தவர்களாக இருந்தாலும் சரி அவர்களுக்கு எதிராக நிச்சயம் உரிய சட்ட நடவடிக்கை எடுக்கப்படும் என்று கூறினார்.

அதேநேரம், நாவாந்துறை மற்றும் பாஷையூர் பகுதியில் பொதுமக்களுக்கும் பாதுகாப்புத் தரப்பினருக்குமிடையில் ஏற்பட்ட முறுகல் நிலையைத் தொடர்ந்து காயமடைந்த 82 பேர் யாழ் போதனா வைத்தியசாலையில் சிகிச்சை பெற்று வருகின்றனர்.

இந்தப் பகுதிகளைச் சேர்ந்த மக்கள் அச்சம் காரணமாக இரவுவேளையில் தேவாலயத்திலேயே தங்கியிருப்பதாக அங்கிருந்து கிடைக்கும் தகவல்கள் தெரிவிக்கின்றன.

ரூ.15,000 முன்பணம் கட்டினால் நானோ கார்; ரூ.20,000 பணச்சலுகை

மும்பை: பண்டிகை காலத்தை முன்னிட்டு நானோ காருக்கு டாடா மோட்டார்ஸ் அதிரடி சலுகைகளை அறிவித்துள்ளது.
பண்டிகை காலம் நெருங்குவதையொட்டி கார் நிறுவனங்கள் தங்களது தயாரிப்புகளுக்கு பல்வேறு சலுகைகளை அறிவித்து வருகின்றன.

இந்த நிலையில், யாரும் எதிர்பாராத வகையில் நானோ காருக்கு டாடா மோட்டார்ஸ் பல அதிரடி சலுகைகளை அறிவித்துள்ளது.

நானோ கார் வாங்குவதற்கு குறைந்த முன்பணமாக ரூ.35,000 செலுத்த வேண்டும். ஆனால், தற்போது வெறும் ரூ.15,.000 கட்டினால் போதும். நானோ உங்கள் வீடு தேடி வரும்.

அதுமட்டுமா, நானோ காருக்கு ரூ.20,000 வரை தள்ளுபடி சலுகையையும் போனசாக கொடுக்கப்படும் என்று கூறி வாடிக்கையாளர்களை குஷியில் ஆழ்த்தியுள்ளது டாடா.
இதுகுறித்து டாடா மோட்டார்ஸ் செய்திதொடர்பாளர் தேபஷிஸ் ரே கூறியதாவது:
"பண்டிகை காலத்தை முன்னிட்டு நானோ காருக்கு சிறப்பு சலுகைகள் வழங்க உள்ளோம். குறைந்த முன்பணம், அதிக தவணை காலம் உள்ளிட்ட சலுகையுடன் கடன் வழங்கப்படும்.
இதன்மூலம், 60 மாதங்கள் வரை தவணை காலத்துடன் கடன் பெற முடியும். இதனால், குறைந்த மாதத்தவணையில் நானோ காரை வாங்கலாம்.
கார் விலையில் ரூ.20,000 வரை சலுகைகளை வழங்க இருக்கிறோம். இதனால், பண்டிகை காலத்தில் நானோ கார் விற்பனை நிச்சயம் ஏற்றம் பெறும்,' என்று கூறினார்.

இவ்வளவுதான் குனிய முடியுமா ? இன்னும் கொஞ்சம் முயற்ச்சி செய்யலாமே ?

தமிழன் என்று சொல்லடா, தலை நிமிர்ந்து நில்லடா! முடியுமா ஜெயா ஆட்சியில்? வெட்ககேடு!!

பாவம் கூனி குறுகி நிற்பது போன்று உள்ளது அணைத்து படங்களும். படம் எடுப்பவருக்கு சரியாக படம் எடுக்க தெரியவில்லை என எண்ணுகிறேன். சிலர் மட்டும் நிமிர்ந்து உள்ளனர்.

என்ன பணிவு என்ன பணிவு, பார்த்து கிழ விழுந்துட போறீங்க , இந்த பணிவு உங்களுக்கு ஓட்டு போட்ட மக்கள் கிட்ட இருக்கணும்

அம்மாடியோ இந்த குனி போதுமா இன்னும் கொஞ்சம் வேணுமா முதுகு எலும்பு இல்லாத ஆம்புள்ளைகள் ஹ ஹ ஹ ஹோ ஊ ஊ ஊ
ஏன் எல்லோருக்கும் இந்த அடிமைத்தனம்?
   ம்ம்ம் எமக்கு வாய்த்த அடிமைகள் பணிவுக்கு பேர் பெற்றவர்கள். தமிழன் எப்படிப்பட்ட வீரன் என்று  இந்த கருணாநிதிக்கு தெரியல்லையே? தெரியலையே?

அகதிகளை ஏற்க நியூசிலாந்து தயார் - 88 நம்மவர்களுக்கு மாத்திரம் இடமில்லை

அரசியல் தஞ்சம் கோரி அவுஸ்திரேலியாவில் குடிபுகுந்துள்ள இலங்கை உள்ளிட்ட நாடுகளின் அகதிகள் சிலரை பொறுப்பேற்க நியூசிலாந்து இணக்கம் தெரிவித்துள்ளது.
அவுஸ்திரேலியாவில் உள்ள அகதி முகாம்களில் இருந்து, வருடாந்தம் 750 அகதிகளை கோட்டா முறையில் பொறுப்பேற்க தீர்மானித்துள்ளதாக நியூசிலாந்து கூறியுள்ளது.
ஆனால் இந்தோனேசியாவில் உள்ள 88 இலங்கை அகதிகளை பொறுப்பேற்க முடியாதென நியூசிலாந்து பிரதமர் ஜோன் கீ தெரிவித்துள்ளார்.
குறித்த 88 பேரும் நியூசிலாந்து நோக்கிதான் பயணித்தார்கள் என்பதற்கு எதுவித ஆதாரமும் இல்லை என அவர் தெரிவித்துள்ளார்.
இதேவேளை, நியூசிலாந்தில் அகதி முகாம்களை நடத்திச் செல்லும் திட்டம் எதுவும் தம்மிடம் இல்லை என நியூசிலாந்து பிரதமர் குறிப்பிட்டுள்ளார்.

ஜெயலலிதாவின் 3வது ஆட்சி- சமச்சீர் கல்வி தோல்வியுடன் 100 நாட்களை

சென்னை: 3வது முறையாக முதல்வராகியுள்ள ஜெயலலிதா தலைமையிலான அதிமுக ஆட்சி, நேற்றுடன் தனது 100 நாட்களை நிறைவு செய்துள்ளது. சமச்சீர் கல்வி விஷயத்தில் கிடைத்த தோல்வி தவிர மற்ற அனைத்திலும் ஓரளவுக்கு வெற்றிகளுடன் இந்த 100 நாட்களைக் கடந்துள்ளது இந்த ஆட்சி.

சட்டசபைத் தேர்தலில் வரலாறு காணாத வெற்றியைப் பெற்று ஆட்சியைப் பிடித்தது அதிமுக. இதையடுத்து மே 16ம் தேதி அவர் ஆட்சிப் பொறுப்பில் அமர்ந்தார். அதன் பின்னர் தமிழகம் முழுவதும் ஏகப்பட்ட மாற்றங்கள்.

ஒடுங்கிப் போன ரவுடியிசம்
ஓவர்நைட்டில் அத்தனையும் மாறிப் போனது. அட்டகாசம் செய்து வந்து ரவுடிகள், சமூக விரோதிகள், கட்டப் பஞ்சாயத்துக் கும்பல்கள், அரசியல் ரவுடிகள் என அத்தனை பேரும் கப்சிப் என அடங்கிப் போயினர்.

ஜெயலலிதா ஆட்சிக்கு வந்த பின்னர் காவல்துறைக்கு முழு சுதந்திரத்தையும் கொடுத்து முடுக்கி விட்டுள்ளார். இதைத் தொடர்ந்து நில அபகரிப்பு உள்ளிட்ட வழக்குகள் தற்போது தமிழகத்தில் குவிந்து வருகின்றன. ஏராளமானோர் கைது செய்யபப்ட்டுள்ளனர். இவர்களில் பெரும்பாலானவர்கள் திமுகவினர் என்பது குறிப்பிடத்தக்கது.
வாக்குறுதிகளை நிறைவேற்றுவதில் தீவிரம்

கடந்த 100 நாட்களில் ஜெயலலிதா அரசு மிகப் பெரிய அளவிலான சாதனை எதையும் புரியவில்லை என்ற போதிலும், தான் தேர்தலுக்கு முன்பு அளித்த வாக்குறுதிகளை நிறைவேற்றுவதிலும், அதற்கான நிதியாதாரங்களைத் திரட்டுவதிலும், தமிழகத்தின் சட்டம் ஒழுங்கை சீராக்க முனைப்புடன் செயல்படுவதிலும், மின்பற்றாக்குறையைக் குறைப்பதிலும் ஜெயலலிதா தீவிரமாக ஈடுபட்டுள்ளார். எனவே அவரது ஆட்சியின் மகத்தான சாதனைகள் என்பது இனிமேல்தான் வரும் வாய்ப்பு உள்ளது.
ஈழத் தமிழர்களுக்குத் தீவிர ஆதரவு
இருப்பினும் இலங்கைத் தமிழர்களை கொன்றழித்த சிங்கள இனவாத அரசு மீ்து கடும் பொருளாதாரத் தடை விதிக்க வேண்டும் என்று கூறி ஜெயலலிதா சட்டசபையில் தீர்மானம் கொண்டு வந்து ஒருமனதாக நிறைவேற்றியது உண்மையிலேயே மிகப் பெரிய விஷயம். இந்த தீர்மானத்தால் இன்று இலங்கை அரசு பெரும் பீதிக்குள்ளாகியுள்ளது என்பது உண்மை.

மேலும் இலங்கைத் தமிழர் விவகாரத்தில் முன்பை விட தற்போது வலுவாக குரல் கொடுத்து வருகிறார் ஜெயலலிதா.
தமிழகத்தின் அடிப்படைக் கட்டமைப்பு வசதிகள் மோசமாக உள்ளதாக ஜெயலலிதா கூறியுள்ளார். கடந்த திமுக ஆட்சியின்போது இவை சீர்குலைக்கப்பட்டதாக கூறியுள்ள அவர் அவற்றை மேம்படுத்தும் பணியில் ஈடுபட்டுள்ளார்.
பிரமாண்ட அறிவிப்புகள்
அதேபோல கடந்த 100 நாட்களில் ஜெயலலிதா வெளியிட்ட அதிரடி அறிவிப்புகளில் முக்கியமானது புதிய தலைமைச் செயலக கட்டடத்தை பிரமாண்ட அரசு மருத்துவமனையாக்கப் போவது என்பது. இந்த வளாகத்தில் ஒரு பகுதியை அரசு மருத்துவமனையாகவும், இன்னொரு பகுதியை மருத்துவக் கல்லூரியாகவும் மாற்றவுள்ளதாக ஜெயலலிதா அறிவித்துள்ளார். இதற்கு பெருவாரியான தரப்பினர் வரவேற்பு தெரிவித்துள்ளனர்.
ஜெயலலிதா அரசின் முதல் 100 நாட்களில் பெரும் பின்னடைவாக பார்க்கப்படுவது சமச்சீர் கல்வித் திட்டத்தில் அரசு மேற்கொண்ட அணுகுமுறைதான். ஆட்சிக்கு வந்ததுமே கரும் புள்ளி போல இந்த விவகாரம் அரசுக்கு அமைந்து விட்டது. பிடிவாதப் போக்கால் உச்சநீதிமன்றம் வரை அரசு சென்று தோல்வியுடன் திரும்பியதுதான் மிச்சமானது. இருப்பினும் இப்போது சகஜ நிலை திரும்பி விட்டது.
தனது ஆட்சியின் 100 நாள் நிறைவு நாளான நேற்று மிக முக்கியஅறிவிப்பு ஒன்றை வெளியிட்டார் ஜெயலலிதா. அது. தமிழ்ப் புத்தாண்டு மீண்டும் சித்திரைக்கு மாறுகிறது என்ற அறிவிப்பு. கடந்த திமுகஆட்சியின்போது சித்திரைப் பிறப்பு தமிழ்ப் புத்தாண்டு என்ற நிலையை மாற்றி, தை முதல் தேதிக்கு புத்தாண்டை மாற்றினர். தற்போது அது மீண்டும் சித்திரைக்கேத் திரும்பியுள்ளது.
முதல்வர் ஜெயலலிதாவின் முதல் 100 நாட்களில் மக்களிடமிருந்து பெரிய அளவில் குற்றச்சாட்டுக்கள் இல்லை என்பது முக்கியமானது. சமச்சீர்கல்வித் திட்டம் தொடர்பான அதிருப்தியைத் தவிர முதல்வர் ஜெயலலிதாவும், அவரது அரசும் வேறு எந்த அதிருப்தியையும் இதுவரை சம்பாதிக்கவில்லை.
மக்களைக் கவர்ந்த எளிமை
அதை விட முக்கியமாக ஜெயலலிதாவின் அமைச்சர்கள் படு சுறுசுறுப்பாக வேலை பார்க்கிறார்கள், அரசு விழாக்கள் படு எளிமையாக நடக்கின்றன. இவையெல்லாம் மக்களைக் கவர்ந்துள்ளன.
சட்டம் ஒழுங்கு நிலை பொதுவாக சீராகவே உள்ளது என்றபோதிலும், சங்கிலிப் பறிப்புச் சம்பவங்கள் பெருமளவில் அதிகரித்துள்ளன. குறிப்பாக சென்னையில் பட்டப் பகலிலேயே சங்கிலிப் பறிப்பில் ஈடுபடுவோர் அதிகரித்துள்ளனர். இதை அடியோடு ஒழிக்க முதல்வர் ஜெயலலிதாவின் அரசு கடும் நடவடிக்கை எடுக்க வேண்டும் என்பது மக்களின் எதிர்பார்ப்பு.
சமச்சீர் கல்வி-கோர்ட்டு கொடுத்து குட்டு:
அதே நேரத்தில் மிகச் சிறந்த கல்வித் திட்டமான சமச்சீர் கல்வியை திமுக கொண்டு வந்தது என்ற ஒரே காரணத்துக்காக ஒழிக்கத் திட்டமிட்ட ஜெயலலிதாவுக்கு நீதிமன்றங்கள் பிரேக் போட்டன. இதனால் தனியார் கல்வி வியாபாரிகளின் சதியையும் மீறி சமச்சீர் கல்விக்கு வெற்றி கிடைத்தது. இந்த 100 நாட்களில் ஜெயலலிதாவுக்கு கிடைத்த பெரிய தோல்வி இது தான்.

அதேபோல தனியார் பள்ளிகள் விவகாரத்தில் தற்போது முதல்வர் நீக்குப் போக்காக நடந்து கொள்வதாக ஒரு குமுறல் உள்ளது. இதையும் முதல்வர் சரி செய்ய வேண்டும். கட்டணக் கொள்ளை நடத்தும் பள்ளிகள் மீது இரும்புக் கரம் கொண்டு அதிமுக அரசு நடவடிக்கை எடுக்க வேண்டும் என்று பெற்றோர்கள் எதிர்பார்க்கிறார்கள்.
முதல் 100 நாட்களை பெரிய அளவில் பிரச்சினை இன்றி முதல்வர் ஜெயலலிதாவும், அதிமுக அரசும் கடந்துள்ளது. இனி வரும் நாட்களில் மக்களின் அத்தனை தேவைகளையும் பூர்த்தி செய்யும் வகையில் அதிமுக அரசு தொடர்ந்து ஆக்கப்பூர்வமாக செயல்படும் என்று எதிர்பார்ப்போம்.
100 நாள் நிறைவு-ஜெயலலிதாவுக்குத் தலைவர்கள் வாழ்த்து
அதிமுக ஆட்சியின் 100வது நாள் நிறைவையொட்டி முதல்வர் ஜெயலலிதாவுக்கு, எதிர்க்கட்சித் துணைத் தலைவர் பண்ருட்டி ராமச்சந்திரன், குடியரசுக் கட்சித் தலைவர் செ.கு. தமிழரசன், மார்க்சிஸ்ட் கம்யூனிஸ்ட் கட்சித் தலைவர் எம்எல்ஏ பாலபாரதி, சபாநாயகர் ஜெயக்குமார் உள்ளிட்டோர் பூங்கொத்து கொடுத்து வாழ்த்தினர்.
இதேபோல அகில இந்திய சமத்துவ மக்கள் கட்சித் தலைவர் சரத்குமார், புதிய தமிழகம் தலைவர் டாக்டர் கிருஷ்ணசாமி உள்ளிட்டோரும் சட்டசபையில் முதல்வர் ஜெயலலிதாவையும், அதிமுக ஆட்சியையும் பாராட்டிப் பேசினர்.

திருச்சி சிறையில் அழகிரி: அனிதா ராதாகிருஷ்ணன், எஸ்ஸார் கோபியுடன் சந்திப்பு

திருச்சி சிறையில் அடைக்கப்பட்டிருக்கும் திருச்செந்தூர் திமுக எம்.எல்.ஏ. அனிதா ராதாகிருஷ்ணன் மற்றும் திமுக மதுரை மாவட்ட நிர்வாகி எஸ்ஸார் கோபி ஆகியோரை மத்திய அமைச்சர் அழகிரி இன்று நேரில் சந்தித்து பேசினார்.

திருச்செந்தூர் எம்.எல்.ஏ. அனிதா ராதாகிருஷ்ணன் தனது பகுதியைச் சேர்ந்த திமுக நிர்வாகி சுரேஷை கொல்ல ஆளைத் தூண்டுவிட்டதற்காக கைது செய்து திருச்சி சிறையில் அடைக்கப்பட்டார். இது தவிர அவர் மீது மேலும் இரு வழக்குகள் உள்ளனர். கடந்த மே மாதம் 21-ம் தேதி ஆறுமுகநேரி நகர திமுக அலுவலத்திற்கு தீவைத்தது, அடைக்கலாபுரம் ரோட்டில் சுரேஷின் தம்பி ராஜேஷ் நடத்தி வரும் டாஸ்மாக் பாரில் வெடிகுண்டு வீசியது ஆகிய இரண்டு சம்பவங்களுக்கு தூண்டுதலாக இருந்ததாகக் கூறி அவர் மீது வழக்குகள் பதிவு செய்யப்பட்டுள்ளன. இது தவிர அவர் மீது வீடு அபகரிப்பு புகாரும் கொடுக்கப்பட்டுள்ளது.

மதுரை வில்லாபுரம் அண்ணாநகரைச் சேர்ந்த ஆட்டோ டிரைவர் பாண்டியராஜன் (33) கொலை வழக்கில் திமுக நிர்வாகி எஸ்ஸார் கோபி கைது செய்யப்பட்டார். அவரும் தற்போது திருச்சி சிறையில் தான் உள்ளார்.

இன்று திருச்சி சிறைக்கு வந்த மத்திய அமைச்சர் அழகிரி அங்கிருக்கும் அனிதா ராதாகிருஷ்ணன் மற்றும் எஸ்ஸார் கோபியை சந்தித்து பேசினார். இதில் எஸ்ஸார் கோபி அழகிரிக்கு மிகவும் நெருக்கமானவர் என்பது குறிப்பிடத்தக்கது. அழகிரிக்கு நெருக்கமானவர்களில் பலர் தற்போது சிறையில் தான் உள்ளனர்.

பிரதமர், ப.சிதம்பரம், கபில் சிபலை சாட்சிகளாக அழைத்து விசாரிக்க

2ஜி ஏலத்தில் எந்தவித நஷ்டமும் அரசுக்கு ஏற்படவில்லை என்பதை நிரூபிக்க பிரதமர் மன்மோகன் சிங், நிதியமைச்சர் ப.சிதம்பரம், தற்போதைய தொலைத் தொடர்புத்துறை அமைச்சர் கபில் சிபலை சாட்சிகளாக அழைத்து விசாரிக்க வேண்டும் என்று முன்னாள் தொலைத் தொடர்புத்துறை அமைச்சர் ராசா கூறியுள்ளார்.

2ஜி ஸ்பெக்ட்ரம் வழக்கு இன்று சிறப்பு சிபிஐ கோர்ட்டுக்கு வந்தது. அப்போது ராசா வாதிடுகையில், 2ஜி ஏல நடைமுறையால் நாட்டுக்கும், அரசுக்கும் எந்த நஷ்டமும் ஏற்படவில்லை. இதை நிரூபிக்க பிரதமர் மன்மோகன் சிங், நிதியமைச்சர் ப.சிதம்பரம், தொலைத் தொடர்புத்துறை அமைச்சர் கபில் சிபலை இந்த வழக்கில் அரசுத் தரப்பு சாட்சிகளாக சேர்க்க வேண்டும்.

அவர்களை கோர்ட்டுக்கு அழைத்து அரசுக்கு நஷ்டம் ஏற்படவில்லை என்பதை நி்ரூபிக்க முடியும் என்றார் ராசா.

2ஜி ஏல நடைமுறையில் பிரதமருக்குத் தெரியாமல் எதுவும் நடைபெறவில்லை என்று ஆரம்பம் முதலே ராசா கூறி வருவது நினைவிருக்கலாம். இந்த நிலையில் பிரதமரை சாட்சியாக சேர்க்க வேண்டும் என்று அவர் கூறியிருப்பது பரபரப்பை ஏற்படுத்தியுள்ளது.