சிறுமி கொலை வழக்கில் தஷ்வந்த்துக்கு வழங்கப்பட்ட தூக்கு தண்டனையை உறுதி உயர் நீதிமனறம்

மாலைமலர் : சென்னையில் 6 வயது சிறுமியை பாலியல் வன்கொடுமை செய்து கொலை செய்த வழக்கில், குற்றவாளி தஷ்வந்துக்கு வழங்கப்பட்ட தூக்கு தண்டனையை சென்னை ஐகோர்ட் உறுதி செய்துள்ளது.
சென்னை குன்றத்தூரைச் சேர்ந்த 6 வயது சிறுமி , கடந்த 2017 பிப்ரவரி மாதம் பாலியல் வன்கொடுமை செய்யப்பட்டு எரித்துக் கொலை செய்யப்பட்டார். இந்த வழக்கில், ஐடி பொறியாளர் தஷ்வந்த் என்பவர் கைதுசெய்யப்பட்டார். சிறையிலிருந்த அவர் ஜாமினில் வெளிவந்து தனது தாயை கொலை செய்துவிட்டு மும்பை தப்பி ஓடினார். பின்னர், தனிப்படை போலீசார் மும்பை சென்று அவரை பிடித்து புழல் சிறையில் அடைத்தனர். சிறுமி பாலியல் வன்கொடுமை வழக்கில் அவருக்கு கடந்த பிப்ரவரி 19-ம் தேதி செங்கல்பட்டு மகளிர் நீதிமன்றம் தூக்குத்தண்டனை அளித்து தீர்ப்பு வழங்கியது. மேலும், 31 வருடங்கள் கடுங்காவல் தண்டனையும், குழந்தைகள் பாலியல் தடுப்புச் சட்டத்தின்கீழ் 15 வருட சிறைத் தண்டனையும் வழங்கப்பட்டது.

கொரிய மொழி வரி வடிவத்தை உருவாக்கிய தமிழ் அரசி ... ஒரு பௌத்தர்.....

Gowthama Sanna : கொரியவின் தமிழ்ராணி..
கொரியாவின் மொழி வரிவடிவத்தை உருவாக்கியவர் ஒரு இந்தியப் பெண் என்பது கொரியாவில் வழங்கும் ஒரு தொண்மம். அந்தப் பெண் அயோத்தியில் பிறந்து கொரியாவிற்கு சென்றவர் என்று வடநாட்டு பார்ப்பனர்கள் கதைகட்டி அளந்து வந்தனர். இன்றைய பாஜக அரசும் அதற்கு நிறைய மெனக்கெட்டது என்பதுத் தனிக்கதை.
ஆனால் அந்தக் கொரியராணி ஒரு தமிழ்ப்பெண் என்பதை பேராசிரியர் நா.கண்ணன் கண்டிறிந்ததின் விளைவே இந்நூல். ஆழி பதிப்பகம் வெளியிட்டுள்ளது.

அந்த கொரிய ராணி தமிழ்ப்பெண் மட்டுமல்ல, அவர் ஒரு பௌத்த பெண் என்பது எனது கருதுகோள். அதற்கான தர்க்கச் சான்றுகளை அந்நூலுக்கு எழுதிய மதிப்புரையில் விவரித்திருக்கிறேன். முழுமையான மதிப்புரை நூலில் காணலாம். மாற்று ஏற்பாடாக கீற்று இணையத்திலும் காணலாம்.
பேராசிரியர் நா கண்ணன் எழுதிய கொரியாவின் தமிழ்ராணி எனும் புத்தகத்திற்கு நான் எழுதிய மதிப்புரையின் ஒரு பகுதியை நேற்றைய தீக்கதிர் (09.06.2018) வெளியிட்டுள்ளது.

சென்னை மீன்களில் ‘பார்மாலின் .. புற்று நோய் உண்டாக்க கூடிய இரசாயானம் ... அதிர்ச்சி

tamilthehindu :தமிழ்நாடு டாக்டர் ஜெ.ஜெயலலிதா மீன்வளத்துறை பல்கலைக்கழக ஆய்வாளர்கள் மீன் மாதிகளை ஆய்வு செய்த காட்சி   -  படம்: எம். கருணாகரன்  தீபா எச். ராமகிருஷ்ணன்

சென்னையில் பிரதானமான சிந்தாதிரிப்பேட்டை, காசிமேடு மீன் விற்பனை சந்தைகளில் இருந்து இரு வெவ்வேறு நாட்களில் வாங்கப்பட்ட 30 மீன் மாதிரிகள் மீது நடத்தப்பட்ட ஆய்வில், 11 மாதிரிகளில் மனிதர்களுக்குப் புற்று நோயை உண்டாக்கக் கூடிய கொடிய வேதிப்பொருளான பார்மாலின் கலந்திருப்பது கண்டுபிடிக்கப்பட்டுள்ளது பெரும் அதிர்ச்சியை ஏற்படுத்தியுள்ளது.
இந்த ஆய்வுகள் அனைத்தும், தி இந்துவுக்காக(ஆங்கிலம்) தமிழ்நாடு டாக்டர் ஜெ.ஜெயலலிதா மீன்வளத்துறை பல்கலைக்கழகத்தில் உள்ள ஆய்வாளர்களால் நடத்தப்பட்டது.<""> <>பார்மாலின் என்றால் என்ன?< பார்மாலின் எனப்படுவது பதப்படுத்தி மற்றும் கிருமிநாசினியாகும். நிறமற்ற, வண்ணங்கள் அற்ற ஒரு வேதிப்பொருளாகும். இந்த வேதிப்பொருளைத் தண்ணீரில் கலந்து, நாம் மாமிசத்தையோ அல்லது, மீன்கள், உடலின் ஒருபகுதி என எதை வைத்தாலும் அது அழுகாமல், கெட்டுப்போகாமல் நாட்கணக்கில் இருக்கும். இந்த பார்மாலின் மனித உடற்கூறு ஆய்விலும் பயன்படுத்தப்படுகிறது.

கோவையில் தினகரனுக்கு கூடிய கூட்டம் - எடப்பாடி பழனிச்சாமி அதிர்ச்சி

வெப்துனியா : ;முதல்வர் எடப்பாடி பழனிச்சாமியின் சமூக உறவுகள் வசிக்கும் கொங்கு மண்டலத்தில் தினகரனின் பொதுக்கூட்டத்திற்கு கூடிய கூட்டம் அதிமுக தரப்பிற்கு அதிர்ச்சியை ஏற்படுத்தியுள்ளது."
கொங்கு மணடலமான கோவை, ஈரோடு, சேலம், திருப்பூர் ஆகிய மாவட்டங்கள் பல வருடங்களாகவே அதிமுகவின் கோட்டையாகவே இருந்து வருகிறது. தேர்தல்களில் அதிமுகவே தொடர்ந்து வெற்றி பெற்றும் வருகிறது.முதல்வர் மட்டுமில்லாமல் அவருக்கு மிகவும் நெருக்கமான அமைச்சர்களான எஸ்.பி. வேலுமணி, தங்கமணி, செங்கோட்டையன் என  அனைவரும் கொங்கு மண்டலத்தை சேர்ந்தவர்கள்தான்.
இப்படி அதிமுகவின் கோட்டையாக திகழும் கொங்கு மண்டலத்தின் தினகரன் நடத்திய பொதுக்கூட்டத்திற்கு கூடிய கூட்டம் அதிமுகவினரை அதிர்ச்சியடைய வைத்திருக்கிறது.
தற்போது தினகரன் தமிழகத்தின் பல்வேறு மாவட்டங்களுக்கும் சுற்றுப்பயணம் செய்து வருகிறார். இரட்டை இலைக்கு கிடைக்கும் ஓட்டுகளை தன் பக்கம் இழுக்கும் முயற்சியில் அவர் ஈடுபட்டுள்ளார்.

வளர்கிறது இந்தி... சரியும் ஏனைய மொழிகள்!

THE HINDU TAMIL;ஒவ்வொரு பத்தாண்டிலும் மத்திய அரசால் நடத்தப்படும் மக்கள்தொகைக் கணக்கெடுப்பு, கொள்கை வகுப்பாளர்களுக்கும், அரசியல் பார்வையாளர்களுக்கும் மொழியியல் மேதாவிகளுக்கும் ஒரு விஷயத்தை உணரச் செய்திருக்கிறது. 2011 மக்கள்தொகைக் கணக்கெடுப்பில் மொழிகள் தொடர்பான தரவுகளைச் சமீபத்தில் வெளியிட்டிருக்கிறது மத்திய அரசு. மிகவும் தாமதமாக, ஏழு ஆண்டுகளுக்குப் பிறகு இந்தத் தரவுகள் வெளியிடப்பட்டிருப்பது வேறு விஷயம். இந்தத் தரவுகளிலிருந்து கிடைத்திருக்கும் தகவல்களைப் பார்ப்போம்.

இந்திதான் இந்தியாவில் அதிகம் பேசப்படும் மொழி. மத்திய அரசால் பயன்படுத்தப்படும் இரண்டு அலுவல் மொழிகளில் இந்தியும் ஒன்று (இன்னொரு மொழி ஆங்கிலம்). தாய்மொழி எனும் வகையில் இந்தி பேசப்படுவது வட இந்தியாவிலும் மத்திய இந்தியாவிலும்தான் என்றாலும், நாட்டின் அலுவல் மொழி என்ற வகையில் அதற்கு அளிக்கப்பட்ட முக்கியத்துவம் அதைத் தொடர்ந்து வளர்ந்துவருவதை உணர முடிகிறது.

தமிழகத்திற்கு 39 ஆயிரம் கன அடி தண்ணீர் திறப்பு!

மின்னமம்பலம் :கிருஷ்ணராஜசாகர் மற்றும் கபினி அணைகள் நிரம்பி வருவதால், தமிழ்நாட்டிற்கு வரும் காவிரியாற்றில், வினாடிக்கு 39 ஆயிரம் கன அடி தண்ணீர் திறந்து விடப்பட்டுள்ளது.
கர்நாடகாவில் தென்மேற்கு பருவமழை தீவிரமாக பெய்து வருவதால், காவிரி ஆற்றில் வெள்ளப்பெருக்கு ஏற்பட்டு, அணைகள் நிரம்பி வருகின்றன.
கபினி அணையின் மொத்த நீர்மட்ட கொள்ளளவு 2,284 அடி. தற்போது அணை 2,283 அடியை எட்டியிருக்கிறது. அணை நிரம்ப இன்னும் ஒரு அடி மட்டுமே இருக்கிறது. நேற்றைய நிலவரப்படி கபினி அணைக்கு வினாடிக்கு 15 ஆயிரம் கன அடி தண்ணீர் வருகிறது. இதனால், அணையில் இருந்து வினாடிக்கு 35 ஆயிரம் கன அடி தண்ணீர் திறந்துவிடப்பட்டுள்ளது.
இதைப்போன்று, குடகு மாவட்டத்தில் பெய்து வரும் தொடர் மழையால் கே.ஆர்.எஸ். அணைக்கும் நீர்வரத்து அதிகரித்துள்ளது.

ர்பயா வழக்கில் குற்றவாளிகளுக்கு மரண தண்டனையை உறுதி செய்தது உச்ச நீதிமண்றம்

மாலைமலர் :மரண தண்டனையை எதிர்த்து டெல்லி நிர்பயா வழக்கு குற்றவாளிகள் 4 பேர் தொடர்ந்த மனுவை தள்ளுபடி செய்துள்ள சுப்ரீம் கோர்ட் அவர்களின் மரண தண்டனையை உறுதி செய்துள்ளது. #NirbhayaVerdict நிர்பயா வழக்கில் குற்றவாளிகளுக்கு மரண தண்டனையை உறுதி செய்தது சுப்ரீம் கோர்ட் புதுடெல்லி: டெல்லியில், கடந்த 2012-ம் ஆண்டு டிசம்பர் 16-ந் தேதி இரவு, ஓடும் பஸ்சில் மருத்துவ மாணவி நிர்பயா 6 பேர் கொண்ட கும்பலால் கற்பழித்துக் கொல்லப்பட்டார்.
குற்றவாளிகள் 6 பேரும் கைது செய்யப்பட்டனர். ஒருவன், சிறுவன் என்பதால் குறைந்தபட்ச தண்டனையுடன் தப்பினான். முக்கிய குற்றவாளி ராம்சிங், சிறையில் தற்கொலை செய்துகொண்டான். மற்ற குற்றவாளிகளான முகேஷ், பவன், வினய், அக்‌ஷய் ஆகியோருக்கு டெல்லி ஐகோர்ட்டு மரண தண்டனை விதித்தது.

அமித் ஷாவின் சென்னை வருகைக்கு எதிராக டிரென்டிங் ஆன #GobackAmitShah

மாலைமலர் :பாஜக தலைவர் அமித் ஷாவின் சென்னை வருகைக்கு எதிராக ட்விட்டரில் பலர் #GobackAmitShah என்ற ஹேஷ்டேக்கில் பதிவிட்டு வருகின்றனர். #GobackAmitShah சென்னை: பாராளுமன்ற தேர்தலில் தமிழக பாஜகவை வலிமைப்படுத்தும் நோக்கில் பாஜக தேசிய தலைவர் அமித் ஷா இன்று சென்னை வந்துள்ளார். இன்று மாலை ஈஞ்சம்பாக்கத்தில் உள்ள விஜிபி கடற்கரையில் அக்கட்சித்தொண்டர்கள் பங்கேற்கும் ஆலோசனைக்கூட்டமும் பொதுக்கூட்டமும் நடைபெற உள்ளது. இந்நிலையில், அமித் ஷாவின் சென்னை வருகைக்கு எதிராக ட்விட்டரில் பலர் #GobackAmitShah என்ற ஹேஷ்டேக்கில் பதிவிட்டு வருகின்றனர். இன்று காலை தொடங்கிய இந்த எதிர்ப்பு பிரசாரம் பிற்பகல் இரண்டு மணியளவில் சுமார் 1.20 லட்சம் ட்வீட்டுகள் உடன் இந்திய அளவிலான இன்றைய ‘டாப் டிரெண்ட்’ ஆக பரவி வருகிறது

அமித் ஷா வருகை ..வருமான வரித் துறை சோதனை எடப்பாடிக்கு டெல்லி செக்

  மின்னம்பலம் :நாடாளுமன்றத் தேர்தலை எதிர்கொள்வது குறித்து தமிழக பாஜக நிர்வாகிகளுடன் ஆலோசனை நடத்த பாஜக தேசியத் தலைவர் அமித் ஷா இன்று சென்னைக்கு வருகை தருகிறார்.
தமிழகத்தில் நாடாளுமன்றத் தேர்தலை எதிர்கொள்வது குறித்தும், அமைப்பு ரீதியாகக் கட்சியை பலப்படுத்துவது குறித்தும் பாஜக நிர்வாகிகளுடன் ஆலோசனை நடத்துவதற்காக இன்று காலை 11 மணியளவில் அமித் ஷா சென்னை வருகிறார். அமித் ஷாவின் வருகையை அடுத்து கடந்த 7ஆம் தேதி சென்னை தீவுத் திடலில் பாஜக சார்பில் நடைபெற இருந்த மந்திர மாலை தாமரை மாநாடு ஒத்திவைக்கப்பட்டுள்ளது.
பாஜக தலைமை அலுவலகமான கமலாலயத்தில் நேற்று (ஜூலை 8) செய்தியாளர்களிடம் பேசிய தமிழிசை சவுந்தரராஜன், அமித் ஷாவின் பயணத் திட்டம் குறித்த விவரங்களைத் தெரிவித்துள்ளார். "காலை 11 மணிக்கு சென்னை விமான நிலையத்திற்கு வரும் அமித் ஷா, அங்கிருந்து புறப்பட்டு விஜிபி தங்க கடற்கரை சாலைக்குச் செல்கிறார். அங்கு நாடாளுமன்றத் தேர்தலை எதிர்கொள்வதற்காக அமைக்கப்பட்டுள்ள நிர்வாகக் குழுவுடன் 12 - 2 மணி வரை உரையாட உள்ளார். மதிய உணவுக்குப் பிறகு 3 - 4 மணி வரை தமிழகம் புதுவைக்கு நியமிக்கப்பட்டுள்ள நாடாளுமன்றத் தொகுதிப் பொறுப்பாளர்கள் கூட்டத்தில் கலந்துகொண்டு உரையாற்றுகிறார்.

மாநில சுயாட்சி மாநாடு .... இங்குதான் மாநில உரிமை பறிபோகிறது.

ஆலஞ்சியார் : திராவிட நாடு கோரிக்கையை திமுக ஒத்திவைத்தபிறகு #கலைஞர் ..மாநில சுயாட்சி என்பது இந்தியாவை துண்டுதுண்டாக வெட்டுவதற்கான கொடுவாளென்றோ இந்திய ஒருமைபாட்டிற்கு குந்தகம் விளைக்க வைக்கபடும் வேட்டு என்றோ எண்ணாதீர்.. என்றார்
எடுக்கபட்ட மிக முக்கிய கோரிக்கை மாநில சுயாட்சி.. இது குறித்து
மாநிலங்களுக்கு அதிக அதிகாரம் கொண்டதாக அரசியல் சட்டம் திருத்தபட வேண்டுமென்பதே எமது கோரிக்கை என்றார் பேரறிஞர்_அண்ணா ஆம் பல்வேறு மொழி கலாச்சார பின்னணியை கொண்ட ஒரு நாட்டில் நாடென்பது கூட சரியான சொல் இல்லை துணைகண்டத்தை அதாவது ஒருங்கிணைந்த இந்திய நாட்டில் அதிகாரம் ஒரே இடத்தில் குவிதல் சமமான நீதியை தராதென்பதோடு .. ஒரு சில அதிகார அமைப்பே ஆட்சி செலுத்த வகைசெய்யும் .. அது ஒரே இடத்தில் அதிகாரத்தை வைத்தல் சர்வாதிகாரத்தை கொண்டதாக மாற்றும்..

தாய்லாந்து குகையில் இருந்து 6 சிறுவர்கள் மீட்பு: 15 நாள் போராட்டத்திற்குபின் வெற்றி

THE HINDU TAMIL : தாய்லாந்தில் குகைக்குள் சிக்கியுள்ள சிறுவர்களை உயிருடன் மீட்பதற்காக 15 நாட்களுக்கு பிறகு மேற்கொண்ட அதிரடி ஆபரேஷன் வெற்றி பெற்றுள்ளளது. முதல்கட்டமாக 6 சிறுவர்கள் உயிருடன் மீட்கப்பட்டு முகாமுக்கு கொண்டு வரப்பட்டுள்ளனர்.
தாய்லாந்து நாட்டின் சியாங்ராய் மாகாணத்தில் தாம் லுவாங் என்ற குகை உள்ளது. இந்தக் குகை 10 கி.மீ. நீளம் உடையதாகும். கடந்த வாரம் 11 வயது முதல் 16 வயதுவரை உடைய 12 சிறுவர்கள் கொண்ட கால்பந்து அணியைச் சேர்ந்தவர்கள் இந்தக் குகைக்கு சாகசப் பயணம் சென்றனர். இந்தச் சிறுவர்களுடன் சேர்ந்து அணியின் துணைப் பயிற்சியாளர் ஒருவரும் சென்றார்.

தி.மு.க. மாநில சுயாட்சி மாநாட்டிற்குஅழைப்பு .. ராகுல்காந்தி, முலாயம் சிங்,மம்தா, மாயாவதி, கேஜ்ரிவால் ..

ராகுல்காந்தி, சமாஜ்வாடி கட்சி தலைவர் முலாயம்சிங் யாதவ், பகுஜன் சமாஜ் கட்சி தலைவர் மாயாவதி, திரிணாமுல் காங்கிரஸ் தலைவர் மம்தா பானர்ஜி, தேசியவாத காங்கிரஸ் தலைவர் சரத்பவார், டெல்லி முதல்-மந்திரி அரவிந்த் கெஜ்ரிவால் உள்ளிட்டோருக்கு மு.க.ஸ்டாலின் கடிதம்
மாலைமலர்: தி.மு.க. சார்பில், மாநில சுயாட்சி மாநாட்டில் பங்கேற்க ராகுல்காந்தி, அரவிந்த் கெஜ்ரிவால் மற்றும் பல்வேறு மாநில கட்சி தலைவர்களுக்கு மு.க.ஸ்டாலின் அழைப்பு விடுத்துள்ளார்.
சென்னை: தி.மு.க. சார்பில், மாநில சுயாட்சியை வலியுறுத்தும் மாநாடு தமிழ்நாட்டில் ஆகஸ்டு மாதம் 30-ந் தேதி நடைபெற உள்ளது. இதில் கலந்துகொள்ளுமாறு ராகுல்காந்தி, அரவிந்த் கெஜ்ரிவால் மற்றும் பல்வேறு மாநில கட்சி தலைவர்களுக்கு மு.க.ஸ்டாலின் அழைப்பு விடுத்துள்ளார். நாடாளுமன்றத்துக்கு அடுத்த ஆண்டு தேர்தல் நடைபெற உள்ளது. இதை முன்னிட்டு அனைத்து கட்சிகளும் இப்போதே தேர்தல் வேலைகளை தொடங்கி விட்டன. பா.ஜனதா தலைவர் அமித்ஷா நாடு முழுவதும் கட்சி பிரமுகர்கள் மற்றும் தொண்டர்களை சந்தித்து தேர்தல் வியூகம் வகுத்து வருகிறார். காங்கிரஸ் கட்சி அந்தந்த மாநிலங்களில் நிலவும் தற்போதைய சூழலை தங்களுக்கு சாதகமாக்கும் பணிகளில் ஈடுபட்டு உள்ளது.

தாய்லாந்து குகையில் சிக்கிய சிறுவர்களை மீட்க அதிரடி நடவடிக்கை

tamil.thehindu. தாய்லாந்த்தில் குகைக்குள் சிக்கியுள்ள சிறுவர்களை உயிருடன் மீட்பதற்காக பல்வேறு வாய்ப்புகள் ஆலோசிக்கப்பட்ட நிலையில், அந்த சிறுவர்கள் மிகவும் களைத்து விட்டதால் இனிமேலும் தாமதிக்காமல் அதிரடியாக நீரில் சென்று அவர்களை மீட்டு வரும் பணி தொடங்கியுள்ளது.
தாய்லாந்து நாட்டின் சியாங்ராய் மாகாணத்தில் தாம் லுவாங் என்ற குகை உள்ளது. இந்தக் குகை 10 கி.மீ. நீளம் உடையதாகும். கடந்த வாரம் 11 வயது முதல் 16 வயதுவரை உடைய 12 சிறுவர்கள் கொண்ட கால்பந்து அணியைச் சேர்ந்தவர்கள் இந்தக் குகையை சுற்றி பார்க்கச் சென்றனர். இந்தச் சிறுவர்களுடன் சேர்ந்து அணியின் துணைப் பயிற்சியாளரும் சென்றார்.

ப.சிதம்பரம் பங்களாவில் கொள்ளை!

மின்னம்பலம் :முன்னாள் மத்திய அமைச்சர் ப சிதம்பரத்தின் வீட்டில் பல கோடி மதிப்பிலான நகைகள் மற்றும் பணம் கொள்ளை அடிக்கப்பட்டுள்ளதாக காவல் நிலையத்தில் புகார் அளிக்கப்பட்டுள்ளது.
காங்கிரஸ் மூத்த தலைவரும் முன்னாள் மத்திய அமைச்சருமான ப சிதம்பரத்தின் இல்லம் சென்னை நுங்கம்பாக்கத்தில் உள்ள பைகிராப்ட்ஸ் கார்டன் சாலையில் அமைந்துள்ளது. சிதம்பரம் மற்றும் அவரது குடும்பத்தினர் வெளியூர் சென்றுள்ள நிலையில், அவரது வீட்டில் இருந்த ரூ.1.10 லட்சம் பணம் மற்றும் பல கோடி ரூபாய் மதிப்பிலான பழங்கால நகைகள் கொள்ளைபோயுள்ளன, தங்கம், மரகதம், மாணிக்கம் உள்ளிட்ட நகைகள் கொள்ளை போயுள்ளதாக ஆயிரம் விளக்கு காவல்நிலையத்தில் புகார் அளிக்கப்பட்டுள்ளது.

மருத்துவச் சேவையில் தமிழகம் முன்னோடி!... நீட்டு கொண்டாந்துட்டோம்ல .. துணை வெங்காயம்

மின்னம்பலம்: மருத்துவச் சேவை வழங்குவதில் இந்தியாவிலேயே தமிழகம் முன்னோடியாக உள்ளது என துணை குடியரசுத் தலைவர் வெங்கையா நாயுடு தெரிவித்துள்ளார்.
தமிழ்நாடு டாக்டர் எம்ஜிஆர் மருத்துவப் பல்கலைக்கழக 30ஆவது ஆண்டு பட்டமளிப்பு விழா இன்று (ஜூலை 8) நடைபெற்றது. சென்னை பல்கலைக்கழக நூற்றாண்டு விழா அரங்கில் நடைபெற்ற விழாவில், துணை குடியரசுத் தலைவர் வெங்கையா நாயுடு சிறப்பு விருந்தினராகக் பங்கேற்று பேசுகையில், ”மருத்துவச் சேவை வழங்குவதில் தமிழகம் முன்னோடியாகத் திகழ்கிறது. ஒவ்வொரு மாவட்ட தலைநகர்களிலும் மருத்துவ கல்லூரி அமைக்க வேண்டும் என்பதே அரசின் நோக்கம்.
மருத்துவர்கள் குறைந்தது 3 ஆண்டுகளாவது கிராமப்புறங்களில் பணியாற்ற வேண்டும். கல்வி மற்றும் மருத்துவத் துறையில் தனியார் பங்களிப்பை நாம் ஊக்குவிக்க வேண்டும்.

கலைஞர் அழகிரி சந்திப்பு - உடல்நலம் விசாரித்தார்

மாலைமலர் :திமுக தலைவர் கருணாநிதியுடன் அவரது மகனும் முன்னாள் மத்திய மந்திரியுமான முக அழகிரி சென்னை கோபாலபுரம் இல்லத்தில் இன்று சந்தித்தார். திமுக தலைவர் கருணாநிதி தற்போது உலக்குறைவு காரணமாக சென்னை கோபாலபுரம் இல்லத்தில் ஓய்வு எடுத்து வருகிறார். அவ்வப்போது அண்ணா அறிவாலயம், சிஐடி காலனி சென்று வருவார். இந்நிலையில், அவரது மகனும் முன்னாள் மத்திய மந்திரியுமான முக அழகிரி கோபாலபுரம் இல்லத்துக்கு வருகை தந்தார். அங்கு, கருணாநிதி மற்றும் தாயார் தயாளு அம்மாள் ஆகியோரை சந்தித்து அழகிரி உடல்நலம் விசாரித்தார். பின்னர், சிறிது நேரம் கழித்து அங்கிருந்து புறப்பட்டுச் சென்றார். சில நாட்களுக்கு முன்னர், திமுகவில் உண்மை தொண்டர்கள் தம் பக்கம் இருப்பதாக கூறி பரபரப்பை ஏற்படுத்திய அழகிரி, ஸ்டாலின் மீதும் கடுமையான விமர்சனங்களை முன்வைத்தார் என்பது குறிப்பிடத்தக்கது

தாய்லாந்து குகைக்குள் சிக்கிய சிறுவர்களை மீட்க மலையில் 100 இடங்களில் துளை

தினமணி : குகைக்குள் அமைந்துள்ள மீட்பு முகாம்..

தாய்லாந்தில் மழை வெள்ளம் காரணமாக குகைக்குள் சிக்கியுள்ள 12 சிறுவர்கள் மற்றும் அவர்களது கால்பந்து பயிற்சியாளரை மீட்கும் முயற்சியாக, மலைகளில் 100-க்கும் மேற்பட்ட இடங்களில் துளைகள் இடப்பட்டு வருவதாக அதிகாரிகள் தெரிவித்துள்ளனர்.
இதுகுறித்து மீட்புக் குழுவின் தலைவர் நரோங்சக் ஓசோடானங்கார்ன் செய்தியாளர்களிடம் கூறியதாவது:
குகைக்குள் சிக்கியுள்ள சிறுவர்கள் மற்றும் அவர்களது கால்பந்து பயிற்சியாளரை வெள்ளத்தில் மூழ்கியிருக்கும் குகைப்பாதை வழியாக அழைத்து வருவது மிகவும் ஆபத்தானதாக இருக்கும்.
எனவே, அவர்கள் இருக்கும் இடத்தை அடைவதற்கான மாற்றுப் பாதைகளை உருவாக்கும் வகையில், மலைகளில் 100-க்கும் மேற்பட்ட இடங்களில் துளைகள் இடப்பட்டு வருகின்றன.

கரிந்தண்டன் திரைப்படம் 1700 களில் படுகொலைசெய்யப்பட்ட..

கேரள பழங்குடி மக்கள் ....  பெண்கள் அனைவரும் மேலாடையின்றியே காணப்பட்டார்கள்..! பலர் கீழே லுங்கியை அணிந்திருந்தனர், வயதான பெண்மணிகள் மேலாடை அணியாமலும், இளசுகள் மேலே ஒரு டவலை போர்த்திக்கொண்டும், சிலர் ரவிக்கையை மட்டும் அணிந்திருந்தது எனக்கு அதிர்ச்சியாக இருந்தது...! அதில் பலபேருக்கு கல்வியறி இல்லை என்பதை அவர்களுடன் பேசுவதில் அறிந்துக்கொண்டேன்..! நூறுசதம் கல்வியறிவு கொண்ட மாநிலம் என்ற அளவீடு எதைக்கொண்டு அளக்கப்படுகிறதென்றே புலப்படலை..! இந்த மக்களை மக்களாக ஏற்கப்பட்டு அந்த புள்ளிவிபர கணக்கீட்டின் படி அளக்கவில்லையா என்ற ஐயமே எனக்கு எழுந்தது..!

Savitha Munuswamy : கேரளாவில் பழங்குடி சமுகத்திலிருந்து திரைத்துறையில்
ஒரு பெண் படைப்பாளி கரிந்தண்டன் என்ற திரைப்படத்தின் மூலம் ஒரு இயக்குனராக பரிணமித்துள்ளார்..!
இத்திரைப்படம் 1700 களில் படுகொலைசெய்யப்பட்ட கரிந்தண்டன் பற்றி வரவிருக்கிரது..! நூறு சதம் கல்வியில் முதல் மாநிலம் என்று கேரளா போற்றப்படுகிறது..!
ஆனால் கடந்த 2013 ஆம் ஆண்டு கேரளாவில் '' அகில கேரளா மாவிலன் சமாஜ் ' -- என்ற பழங்குடி அமைப்பு ஏற்பாடு செய்திருந்த நிகழ்வொன்றிற்கு பேச சென்றிருந்தேன்..! இதில் Ambedkarite party of India வின் நிறுவனர் திரு விஜய் மாங்கர் அவர்களும் சிறப்பு விருந்தினராக அழைக்கப்பட்டிருந்தார்..!

சின்னக்குத்தூசிக்கு “மூன்றாம் கலைஞர்” காட்டிய மரியாதையின் லெட்சணம்

LR Jagadheesan : திருமாவேலன் கலைஞர் தொலைக்காட்சியில் சேர்ந்திருப்பதற்கு எதிராக பொங்கும் திமுகவினரைப்பார்த்து அழுவதா சிரிப்பதா என்றே தெரியவில்லை.
திமுக தலைவர் மு கருணாநிதியையும் குஷ்புவையும் தொடர்புபடுத்தி ஆபாசத்தின் உச்சிக்கே சென்று குமுதம் குழும இதழ் ஒன்று coverstory வெளியிட்டது. அப்போது அதே குமுதம் குழுமத்தின் இன்னொரு இதழில் திமுக தலைவரின் மருமகளும் இன்றைய செயல்தலைவரின் மனைவியும் திமுகவினரின் “பாசத்தோடு பயந்து நடுங்கும் அண்ணி”யாருமான திருமதி துர்கா ஸ்டாலின் தொடர் ஒன்று எழுதிக்கொண்டிருந்தார். குமுதம் குழும இதழின் அறம் வழுவிய ஆபாச cover story க்கு எதிராக திமுக ஆதரவாளரல்லாதவர்கள் கூட கண்டித்து அணிதிரண்டனர். ஆனால் இன்றைய திமுகவினரின் “அண்ணியார்” அவர் பாட்டுக்கு தன் தொடரை அதே இதழில் தொடர்ந்து எழுதி முடித்தார்.
பின்னாளில் எத்தனையோ கட்சிகள் அவரை தம் கட்சியில் சேர்க்க தூதுக்கு மேல் தூதனுப்பியபோது அவற்றையெல்லாம் புறந்தள்ளிவிட்டு திமுகவைத்தேடி வந்து இணைந்த நடிகை குஷ்பு வீட்டில் “அண்ணியாரின் வானர சேனை” அன்போடு கல்லெறிந்து அடுத்த கட்சிக்கு வழியனுப்பி வைத்தது. இப்பேர்க்கொத்த “பெருமைமிகு பத்திரிகையுலகுடான தொடர்பாடல் பாரம்பரியத்தை” உங்கள் வசம் வைத்துக்கொண்டு திருமாவேலனை எந்த முகத்தோடு எதிர்க்கிறீர்கள் அல்லது விமர்சிக்கிறீர்கள்?
சின்னக்குத்தூசி மறைவால் வாடிய அவரது சீடர்கள் கூடி அவர் நினைவைப்போற்றும் அறக்கட்டளையை நிறுவி அதன்பேரால் ஆண்டுதோறும் விருது வழங்கும் ஏற்பாட்டை செய்தார்கள். அதன்படி அந்த விருது வழங்கும் அறிவிப்பை இலவச விளம்பரமாக வெளியிட அந்த அறக்கட்டளை சார்பில் முரசொலியிடம் கோரினார்கள். ஆனால் முரசொலிக்கு புதிதாக பொறுப்பேற்றிருந்த “மூன்றாம் கலைஞர் உதயநிதி ஸ்டாலின்” காசுகட்டினால் தான் விளம்பரம் போடமுடியும் என்று “கறாராக” நிபந்தனை விதித்தார்.

வன்புணர்வு குற்றவாளிக்கு 46 நாளில் தூக்கு..! போக்சோ சட்டத்தில் முதல் மரண தண்டனை

vikatan :-muthukrishnan- காஷ்மீரில் கடந்த ஏப்ரல் மாதத்தில், 8 வயது சிறுமி வன்புணர்வு செய்து கொலை செய்யப்பட்ட சம்பவம், உன்னாவ் பகுதியில் இளம்பெண் வன்புணர்வு, அவரது தந்தை போலீஸ் நிலையத்தில் மரணம் மற்றும் பல்வேறு பகுதிகளில் சிறுமிகள் மற்றும் குழந்தைகளுக்கு எதிரான பாலியல் வன்கொடுமைகள் என அடுத்தடுத்த நடந்தது, நாடு முழுவதும் மக்களை அதிர்ச்சி அடைய வைத்தது.
எனவே, சிறுமிகள் மற்றும் குழந்தைகளை பாலியல் பலாத்காரம் செய்யும் குற்றவாளிகளுக்கு மரண தண்டனை வழங்க வேண்டும் என்று பல்வேறு தரப்பினரும் வலியுறுத்தினர். சிறுமிகள் வன்புணர்வு விவகாரம் உச்சநீதிமன்றம் சென்றது. இந்த வழக்கு விசாரணையின் போது மத்திய அரசின் சார்பில் ஆஜரான வக்கீல், ''12 வயதுக்குட்பட்ட சிறுமிகளை வன்புணர்வு செய்யும் குற்றவாளிகளுக்கு மரண தண்டனை விதிக்கப்படும். இதற்கான நடவடிக்கையை மத்திய அரசு உடனே எடுக்கும்'' என்று தெரிவித்தார். இதையடுத்து மரண தண்டனை விதிக்க வகை செய்யும் அவசர சட்டம் கொண்டு வர மத்திய அரசு தீவிரமாக இறங்கியது.

விஜயகலா மகேஸ்வரனின் கூற்று தண்டனைக்குரிய குற்றம்: நீதிமன்றத்தில் அறிக்கை

தேனீ .காம் : சட்டக்கோவையின் கீழ் தண்டனைக்குரிய குற்றம் என்பது
தெரியவருவதாக, திட்டமிட்ட குற்றச்செயல்களைத் தடுக்கும் பிரிவு கொழும்பு பிரதம நீதவான் ரங்க திசாநாயக்கவிடம் இன்று அறிக்கை சமர்ப்பித்தது. அண்மையில் யாழ்ப்பாணத்தில் நடைபெற்ற நிகழ்வொன்றில் கலந்துகொண்ட முன்னாள் இராஜாங்க அமைச்சர் விஜயகலா மகேஸ்வரன் தமிழீழ விடுதலைப் புலிகள் இயக்கத்தை மீள செயற்படுத்த வேண்டும் என தெரிவித்திருந்தார்.r /&
அரசியலமைப்பில் குறிப்பிடப்பட்டுள்ள இலங்கை தண்டனை சட்டக்கோவையின் 115 மற்றும் 120 ஆகிய சரத்துக்களின் கீழ், விஜயகலா மகேஸ்வரனின் கூற்று பயங்கரவாத தடை திருத்தச்சட்டத்தின் கீழ் வருவதாகவும் நீதிமன்றத்தில் சுட்டிக்காட்டப்பட்டுள்ளது.

வெளிநாட்டு திமுக கிளைகளுக்கு அங்கீகாரம்: கனிமொழி உறுதி!

மின்னம்பலம் திமுக தலைவர் கருணாநிதியின் 95ஆவது பிறந்த நாளை தமிழகம் மட்டுமன்றி உலகம் முழுவதும் கொண்டாடி வருகிறார்கள். அந்த வகையில் ஜூலை 6ஆம் தேதி துபாய் நாட்டில் நடந்த கருணாநிதி பிறந்த நாள் விழாவில் சிறப்பு விருந்தினராக கனிமொழி எம்.பி. கலந்துகொண்டார். சிறப்புரையாற்றிய அவர் கருணாநிதியின் அரசியல் பெருமைகளை எல்லாம் அடுக்கினார். அவர் பேசும்போது,
“இப்போது சிலர், ‘தமிழகத்துக்கு இன்று திராவிட இயக்கம் தேவைப்படவில்லை. திராவிட இயக்கக் கருத்துகள் தேவைப்படவில்லை. தமிழகம் பெரியாரைத் தாண்டி வந்துவிட்டது’ என்றெல்லாம் பேசிக்கொண்டிருக்கக் கூடிய சூழல் உருவாகியிருக்கிறது. ஆனால் ஒரே ஒரு நாள், ஒரு மனிதன் அவரை மனிதன் என்று சொல்ல முடியுமா என்று தெரியவில்லை... அவர், ‘பெரியார் சிலையை தாக்கி உடைப்போம்’ என்று சொன்னபோது தமிழகமே ஒன்று திரண்டு நின்றது. பெரியார் சிலைக்கு முன்னால் பாதுகாக்க நின்றவர்கள் இளைஞர்கள், பெண்கள். அவர்கள் திமுக, திக என்று கட்சிகளைச் சேர்ந்தவர்கள் என்றில்லை. கட்சிகளைக் கடந்த பொதுமக்கள் திரண்டு, ‘முடிந்தால் கை வைத்துபார்’ என்று திரண்டார்கள். இதன் மூலம் தமிழகத்தில் மத வாதத்துக்கு இடமில்லை, பெரியாருக்கு எதிர்ப்பு தெரிவிப்பவர்களுக்கு இடமில்லை, விஷ விருட்சங்களுக்கு இடமில்லை என்று இந்த ஒரே சம்பவம் தெளிவாக்கியது.

தமிழ் ராக்கர்ஸ் டவுண்லோடில் எது முதலிடம்? பாகமதி -13,06,53,500 டவுண்லோடுகளுடன் முதல் இடத்தில்

மின்னம்பலம் :தமிழ் ராக்கர்ஸில் இவ்வாண்டு அதிக அளவில் டவுண்லோடு செய்யப்பட்டதெலுங்கு படங்களின் பட்டியல் வெளியாகியுள்ளது.
சினிமாவுக்கு மிகப்பெரிய சிக்கலைக் கொடுத்துவரும் வலைதளங்களில் ஒன்று தமிழ் ராக்கர்ஸ். புதுப்படங்கள் இந்தத் தளத்திலேயே திருட்டுத்தனமாக வெளியிடப்படுவதால் தியேட்டருக்குச் செல்லாமல் மக்கள் இதிலேயே டவுண்லோடு செய்து பார்த்து வருகிறார்கள். இதனால் சினிமாத் துறை பல நஷ்டங்களைச் சந்தித்து வருகிறது. இதை ஒழிக்க சினிமா துறையினர் சார்பாக பல நடவடிக்கைகள் எடுக்கப்பட்டு வந்தாலும் இப்பிரச்சினை முடிவுக்கு வந்தபாடில்லை. காரணம், சில சினிமாக்காரர்கள்தான் இதுபோன்ற தளங்களுக்கு, பின்னால் இருந்து உதவுகிறார்கள் எனும் சில குற்றச்சாட்டுகளும் முன்வைக்கப்படுகின்றன. இந்த நிலையில், இந்தாண்டு தமிழ் ராக்கர்ஸ் டோரண்ட் மூலம் டவுண்லோடு செய்யப்பட்ட டாப் லிஸ்ட் தெலுங்கு படங்களின் பட்டியலை ஜெர்மனியைச் சேர்ந்த டெக்ஸிபிகோ என்ற நிறுவனம் வெளியிட்டுள்ளது. அந்த வகையில் பாகமதி -13,06,53,500 டவுண்லோடுகளுடன் முதல் இடத்தில் உள்ளது. அதற்கடுத்த இடங்களில், ரங்கஸ்தலம் - 11,00,24,000, பாரத் அனு நேனு - 1.613,404, மகாநடி - 14,99,064, நா பேரு சூர்யா - 12,60,708, தோழி பிரேமா - 10,07,922, சோலோ - 8,42,475, ஜெய் சிம்ஹா - 8,10,964 ஆகிய படங்கள் உள்ளன.
டெக்ஸிபிகோ நிறுவனம் கடந்த ஆறு ஆண்டுகளாக இதுபோன்ற இணைய திருட்டுகளைக் கண்காணித்து வருகிறது.

அழகிரியிடம் சென்ற திமுக மா.செ. ... பிரமுகர்கள்

மின்னம்பலம் :
அண்மையில் திமுக மாவட்டச் செயலாளர்கள் மாற்றம் செய்யப்பட்டனர். அதன்படி ராமநாதபுரம் மாவட்டச் செயலாளராக இருந்த சுப.த.திவாகரன் மாற்றப்பட்டு அவருக்குப் பதிலாக முத்துராமலிங்கம் மாவட்டச் செயலாளராக நியமிக்கப்பட்டார்.
இந்த நியமனம் முன்னாள் அமைச்சர் சுப.தங்கவேலனையும் அவரது ஆதரவாளர்களையும் கோபத்தில் ஆழ்த்திவிட்டது. ஏனெனில், அவரது மகன்தான் மாவட்டச் செயலாளராக இருந்து வந்தார்.
மாவட்டத்தில் இருக்கும் பல நிர்வாகிகளும் சுப.தங்கவேலனால் கொண்டுவரப்பட்டவர்கள் என்பதால் புதிய மா.செ.வை யாரும் ஏற்றுக்கொள்வதாக இல்லை. நியமன அறிவிப்பு வந்த இரண்டாவது நாளே ராமநாதபுரம் மாவட்டத்தில் இருக்கும் 11 ஒன்றியச் செயலாளர்கள், 6 நகரச் செயலாளர்கள் அறிவாலயத்துக்குச் சென்று செயல் தலைவர் ஸ்டாலினிடம், ‘புதிய மாவட்டச் செயலாளர் சரியில்லை. அவருக்கு குற்றப் பின்னணி இருக்கிறது. அவரை எங்களால் ஏற்றுக் கொள்ள முடியாது’ என்று மனு அளிக்கச் சென்றனர்.
ஆனால் ஸ்டாலினோ, “நீங்கதான் கள ஆய்வுக் கூட்டம் நடக்கும்போது மாவட்டச் செயலாளர் மீது புகார் சொன்னீங்க. இப்ப மாத்தினா அதுக்கும் புகாரா? முதல்ல ஆர்.எஸ்.பாரதியைப் போய் பாருங்க’’ என்று அனுப்பி வைத்துவிட்டார். அதன்பின் திமுக அமைப்புச் செயலாளர் ஆர்.எஸ்.பாரதியிடம் சென்று மாவட்டச் செயலாளர் முத்துராமலிங்கத்துக்கு எதிராக மனு அளித்துவிட்டுத் திரும்பியிருக்கிறார்கள். இதன் பின்னால் சுப. தங்கவேலன்தான் இருக்கிறார் என்று ஸ்டாலினுக்குத் தெரிவிக்கப்பட்டிருக்கிறது.
மேலும், புதிய மாவட்டச் செயலாளருக்கு சுப.த. ஆதரவாளர்கள் ஒத்துழைப்பு அளிக்கமாட்டார்கள் என்றும் தகவல் போயிருக்கிறது.
இதையெல்லாம்விட தலைமையை அதிர வைத்த ஒரு தகவல், ராமநாதபுரம் மாவட்டத்திலுள்ள சில திமுக பிரமுகர்கள் இந்தப் பிரச்சினையில் அழகிரியைச் சந்தித்து அவரிடம் பேசியிருப்பதாகவும் அழகிரியோ, ‘என்னய்யா என்னைதான் நீக்கி வெச்சிருக்காங்களே... நான் என்ன பண்ண முடியும்? நான் வேணா செல்விகிட்ட பேசிப் பார்க்குறேன்’ என்று பதில் சொன்னதாகவும் சொல்கிறார்கள்.
இதுபற்றி தென்மாவட்ட திமுக பிரமுகர்கள் சிலரிடம் பேசியபோது, “ராமநாதபுரம் மாவட்டத்தில் 35 வருடமாக சுப.தங்கவேலன் ஆதிக்கம்தான் இருக்கிறது. அதை உடைக்க முயற்சி செய்திருக்கிறார் செயல் தலைவர். அதனால் இத்தனை எதிர்ப்புகள் எழுவது எதிர்பார்த்த ஒன்றுதான். அதேநேரம் புதிதாக நியமிக்கப்பட்ட மாவட்டச் செயலாளர் ஊருக்கு வரும்போது 200 கார்களுடன் வந்திருக்கிறார். இன்னும் கொஞ்சம் நாள் போனால் சரியாகிவிடும். அதேநேரம் இந்தப் பிரச்சினை அழகிரியிடம் சென்றிருக்கிறது என்பதும் தலைமை கவனத்துக்குப் போயிருக்கிறது. இப்போது கட்சிப் பிரச்சினை குடும்பப் பிரச்சினை ஆகியிருக்கிறது” என்று கூறினார்கள்.

பிஹாரில் பள்ளி மாணவியை .. மாணவர்களும், தலைமை ஆசிரியர் . ஆசிரியர்களும் 7 மாதங்களாக பாலியல் பலாத்காரம்

THE HINDU TAMIL பிஹாரில் பள்ளி மாணவியை சக மாணவர்களும், தலைமை ஆசிரியர் மற்றும் இரு ஆசிரியர்களும் 7 மாதங்களாக மாறி மாறி பாலியல் பலாத்காரம் செய்த சம்பவம் பெரும் அதிர்ச்சியை ஏற்படுத்தியுள்ளது.
பிஹார் மாநிலத்தில் சமீபகாலமாகவே பள்ளி மாணவியர், இளம் பெண்கள் பாலியல் பலாத்காரத்திற்கு உள்ளாகும் சம்பவங்கள் அதிகரித்து வருகின்றன. 2017-ம் ஆண்டில் மொத்தம் 1,198 பாலியல் பலாத்கார வழக்குகள் பதிவாகியுள்ளன. இந்த ஆண்டு மார்ச் மாதம் வரை 289 பாலியல் வழக்குகள் பதிவு செய்யப்பட்டு விசாரணை நடைபெற்று வருகிறது.

இந்நிலையில் சாப்ராவில் 9-ம் வகுப்பு படிக்கும் 14 வயது பள்ளி மாணவி ஒருவரை சக மாணவர்கள் பாலியல் பலாத்காரம் செய்துள்ளனர். அதனை மொபைல் போனில் படம் எடுத்த அவர்கள், அதை காட்டியே அந்த மாணவியை மிரட்டியுள்ளனர். பின்னர் மேலும் சில மாணவர்களும்,  அவரை மீண்டும் பாலியல் பலாத்காரம் செய்துள்ளனர். மாணவியின் தந்தை வேறு வழக்கு ஒன்றில் கைது செய்யப்பட்டு சிறையில் அடைக்கப்பட்டுள்ளார்.
இதனால் வீட்டில் நிலவிய சோகமான சூழல் காரணமாக தனக்கு நேர்ந்த கொடுமையை வீட்டில் உள்ள மற்றவர்களிடம் அந்த  மாணவி சொல்லவில்லை. சக மாணவர்களின் அராஜகம் அத்துமீறியதால் வேறு வழியின்றி தனது பள்ளி தலைமை ஆசிரியரிடம் சென்று தனக்கு நேர்ந்த கொடுமையை சொல்லி மாணவி அழுதுள்ளார். இதை கேட்டு சம்பந்தப்பட்ட மாணவர்களை வரவழைத்து அவர்களிடம் இருந்த மொபைல் போன் காட்சிகளை பார்த்துவிட்டு, தலைமை ஆசிரியரும் அந்த மாணவியை பாலியல் பலாத்காரம் செய்துள்ளார்.