அழகிரி :ஸ்டாலின் செயல்தலைவராக இருக்கும் வரை திமுக ஜெயிக்காது! ..திமுக பதில்...

மின்னம்பலம் :திமுகவில் ஏதோ ஒரு மாற்றம் தேவை என்பதுதான் ஆர்.கே.நகர் இடைத் தேர்தலில் எதிரொலித்துள்ளது என்று திமுக முன்னாள் தென்மண்டல அமைப்புச் செயலாளர் மு.க.அழகிரி கூறியுள்ளார். அழகிரி தன் இருப்பைக் காட்டவே இப்படி சொல்லிக் கொண்டிருக்கிறார் என்று அவருக்கு உடனடியாக திமுக சார்பில் பதில் கொடுக்கப்பட்டிருக்கிறது.
ஆர்.கே.நகர் இடைத் தேர்தலில் சுயேச்சை வேட்பாளர் தினகரன் வெற்றிபெற்றார். திமுக வேட்பாளர் மருது கணேஷ் உள்ளிட்ட 57 வேட்பாளர்களுக்கு டெபாசிட்கூடக் கிடைக்கவில்லை. தோல்வி குறித்து திமுக செயல் தலைவர் ஸ்டாலின் அளித்த விளக்கத்தில் இது திமுகவுக்குக் கிடைத்த தோல்வி அல்ல, தேர்தல் ஆணையத்துக்குக் கிடைத்த தோல்வி என்று குறிப்பிட்டிருந்தார்.
இந்நிலையில் இன்று (டிசம்பர்-27) மு.க.அழகிரி தொலைக்காட்சிகளுக்கு அளித்த பேட்டியில், "தோல்வியை யாரும் தோல்வியென்று ஒப்புக்கொள்ள மாட்டார்கள். கட்சி ஓட்டைப் பணம் சாப்பிட்டுவிட்டது என்று துரைமுருகன் கூறுகிறார். அவர் இப்படிக் கூறலாமா, கட்சியினருக்கு எவ்வளவு வேதனையாக இருக்கும்? திமுகவினரை இப்படி கூறினால் எப்படி வருங்காலத்தில் திமுக நிலைத்திருக்கும்?” என்று கேள்விஎழுப்பினார்.
தொடர்ந்து அவரிடம் எழுப்பப்பட்ட கேள்விகளும் அவர் அளித்த பதில்களும் வருமாறு:

ஆண் வேடத்தில் 3 பெண்களை திருமணம் செய்த ஆந்திர பெண்

tamiloneindia :திருப்பதி, ஆந்திர மாநிலம் கடப்பா மாவட்டம் ஜம்மலமடுகு அருகே உள்ள இடிகலபாடு கிராமத்தைச் சேர்ந்த 18 வயது இளம்பெண், சென்னையில் உள்ள ஒரு தனியார் நிறுவனத்தில் ஊழியராக வேலை பார்த்து வருகிறார். இவர், தன்னை ஆண் எனக்கூறி வந்தார். ஆண்களை போல் வேடமிட்டு வலம் வந்த அவர், கடந்த 2 ஆண்டுகளில் 3 பெண்களை திருமணம் செய்து மோசடியில் ஈடுபட்டு உள்ளார். முதலில் அனந்தபுரம் மாவட்டம் கொத்தச்செருவு கிராமத்தைச் சேர்ந்த 18 வயது மதிக்கத்தக்க ஒரு பெண்ணை திருமணம் செய்துள்ளார்.
 பின்னர் கடப்பா மாவட்டம் பொதட்டூரைச் சேர்ந்த மற்றொரு பெண்ணை 2-வதாக திருமணம் செய்துள்ளார். அதைத்தொடர்ந்து 3-வதாக ஜம்மலமடுகு பகுதியில் உள்ள பீமகுண்டத்தைச் சேர்ந்த 18 வயது பெண்ணை திருமணம் செய்துள்ளார். ஒவ்வொரு முறையும் திருமணம் முடிந்த உடன், எனக்கு அவசர வேலைகள் உள்ளது. விரைவில் சென்னையில் வீடு பார்த்து அழைத்துச் செல்கிறேன். அதுவரை பொறுத்திருங்கள் எனக்கூறி செல்லும் அவர், பின்னர் திரும்பி வருவதே இல்லை எனத் தெரிகிறது.

BBC : பெனாசிர் படுகொலையில் பின்னணியில் இருந்தது யார்?

ஒரு முஸ்லிம் நாட்டை வழிநடத்திய முதல் பெண்மணி பேனசீர் பூட்டோ. இவர் கொல்லப்பட்ட 10 ஆண்டுகளில் பாகிஸ்தான் எப்படி இருக்கிறது என்பது வெளிப்பட்டிருக்கிறதே தவிர, இவரது கொலைக்கு உத்தரவிட்டவர்கள் கண்டுபிடிக்கப்படவில்லை. பிலால் எனப்படும் 15 வயதான தற்கொலை குண்டுதாரியால், டிசம்பர் 27-ம் தேதி 2007-ம் ஆண்டு பூட்டோ கொல்லப்பட்டார்.
ராவல்பிண்டியில் நடந்த ஒரு தேர்தல் பேரணியைப் பூட்டோ முடித்துவிட்டுச் சென்றபோது பூட்டோவின் பாதுகாப்பு வளையத்திற்குள் சென்ற பிலால், பூட்டோவை துப்பாக்கியால் சுட்டும், தற்கொலை வெடிகுண்டு தாக்குதலும் நடத்தினார். இந்த தாக்குதல் நடத்த பாகிஸ்தான் தாலிபன்களால் பிலால் கேட்டுக்கொள்ளப்பட்டார்.
பாகிஸ்தானில் ஜனநாயக முறையில் தேர்ந்தெடுக்கப்பட்ட முதல் பிரதமரான சுல்பிக்கார் அலி பூட்டோவின் மகள்தான் பேனசீர் பூட்டோ. அலி பூட்டோவின் அரசியல் வாழ்க்கையும் விரைவிலே முடிந்தது. தளபதி ஜியா-உல் ஹக்கின் ராணுவ ஆட்சியின் போது அலி பூட்டோ தூக்கிலிடப்பட்டார்.

ஃபேஸ்புக்கில் இனி ஆதார் அவசியமா? Facebook ஐ பார்த்து பயப்படும் பாஜக !

மாலைமலர் :ஃபேஸ்புக்கில் புதிதாக கணக்கு துவங்குவோர் தங்களின் உண்மையான பெயரை பயன்படுத்துவதை உறுதி செய்ய ஆதாரில் உள்ள பெயரை பதிவு செய்யக் கோரும் அம்சத்தினை சோதனை செய்து வருகிறது. புதுடெல்லி: இந்தியாவில் ஃபேஸ்புக் கணக்கு துவங்குவோர் தங்களது உண்மையான பெயரை பயன்படுத்துவதை உறுதி செய்ய தங்களது ஆதாரில் உள்ள பெயரையே பதிவு செய்ய கோரும் அம்சத்தை சோதனை செய்து வருகிறது. புதிய அம்சத்தின் மூலம் ஃபேஸ்புக்கில் புதிதாக துவங்கப்படும் கணக்குகளை கண்காணிக்க முடியும் ,ஹேக் செய்யமுடியும் , பயனாளர்களை வேவு பார்க்க முடியும். இந்தியாவில் மட்டும் சுமார் 24.1 கோடி ஃபேஸ்புக் கணக்குகள் பயன்படுத்திப்பட்டு வருகிறது. உலகளவில் ஃபேஸ்புக் பயனாளிகள் அமெரிக்காவிற்கு அடுத்த இடத்தில் இந்தியா உள்ளது. ஃபேஸ்புக் மொபைல் தளத்தில் புதிய கணக்கு துவங்குவோருக்கு ஆதாரில் உள்ள பெயர் ('name as per Aadhaar') என்ற வாசகம் இடம்பெற்றுள்ளது. ஆதாரில் உங்களது பெயர் என்ன? ஆதாரில் உள்ள பெயரை பயன்படுத்தும் போது நண்பர்களால் உங்களை மிக எளிமையாக கண்டறிய முடியும். ரெடிட் மற்றும் ட்விட்டர் பயனர்களால் முதலில் கண்டறியப்பட்டது. எனினும் இந்த அம்சம் அனைவருக்கும் வழங்கப்படவில்லை, ஹேக் செய்யப்பட்ட ஃபேஸ்புக் மொபைல் தளத்தில் மட்டும் சில வாடிக்கையாளர்களுக்கு இந்த அம்சம் காணப்பட்டது.

சசிகலா உறவினர்கள் வீடுகளில் மீண்டும் வருமானவரி சோதனை .. மிடாஸ் ஆலையிலும்

tamilthehindu :சசிகலா உறவினர் இளவரசியின் மருமகன் கார்த்திகேயன் இல்லம் உள்ளிட்ட 6 இடங்களில் வருமான வரித்துறை சோதனை நடக்கிறது. கடந்த மாதம் நடந்த சோதனைக்கு பின்னர் மீண்டும் வருமான வரித்துறை சோதனை நடக்கிறது.
சசிகலா உறவினர், இளவரசியின் மருமகன் கார்த்திகேயனுக்கு சொந்தமான 6 இடங்களில் வருமானவரி சோதனை நடைபெற்று வருகிறது. சென்னை அடையாறில் உள்ள கார்த்திகேயனின் இல்லம், பள்ளிக்கரணை, தி.நகர், வடபழனி ஸ்ரீசாய் கார்டன்ஸ், படப்பையில் உள்ள மிடாஸ் ஆலை உட்பட 6 இடங்களில் இந்த சோதனை நடைபெற்று வருகிறது. இது தவிர கோவையிலுள்ள மைலேரிபாளையத்தில் உள்ள தனியார் பொறியியல் கல்லூரியிலும் சோதனை நடக்கிறது.

தமிழ் ராக்கார்ஸிடம் கெஞ்சி கோரிக்கை வைக்கும் தயாரிப்பாளர்கள் .

Siva - Oneindia Tamil சென்னை: தயாரிப்பாளர் சங்க தலைவர் விஷால் இருக்க கோலிவுட் இயக்குனர்களோ படத்தை ரிலீஸ் செய்யும் முன்பு தமிழ் ராக்கர்ஸுக்கு கோரிக்கை விடுக்கத் துவங்கியுள்ளனர். ஒரு படத்தை எடுத்து ரிலீஸ் செய்ய இயக்குனர், தயாரிப்பாளர் என்று படக்குழு படாதபாடு படுகிறது. இந்நிலையில் படம் ரிலீஸான அன்றே அதை வெளியிட்டு தயாரிப்பாளர்களின் வயிற்றில் அடித்து வருகிறது தமிழ் ராக்கர்ஸ் இணையதளம். புதுப்படம் ரிலீஸானால் அதை எதிர்பார்த்து தமிழ் ராக்கர்ஸ் இணையதளத்திற்கு செல்லும் பழக்கம் அதிகரித்துள்ளது. படத்தை ரிலீஸ் செய்யும் முன்பு இயக்குனர்கள் தமிழ் ராக்கர்ஸுக்கு கோரிக்கை விடுக்கத் துவங்கியுள்ளனர். வேலைக்காரன் பட ரிலீஸுக்கு முன்பு மோகன்ராஜா கூட தமிழ் ராக்கர்ஸுக்கு கோரிக்கை வைத்தார். பலூன் ஏதாச்சும் பாத்து பண்ணுங்க பாஸ் என்று பலூன் பட இயக்குனர் சினிஷும் தமிழ் ராக்கர்ஸிடம் வேண்டுகோள் விடுத்துள்ளார்.

2 ஜி கட்டுக்கதை.... வினோத் ராய் ,சு சாமி போன்ற மோசடி பேர்வழிகளின் துணையுடன் பாஜக நடத்திய நாடகம் ,,

மின்னம்பலம் :மிஹிர் ஷர்மா
‘பொய்ச் செய்தி’ என்பதன் சரியான பொருள், எது தவறான ஒன்றோ அதைப் பரபரப்பாக்கி மக்களை உண்மை என நம்ப வைப்பதாகும். அமெரிக்க அதிபர் தேர்தலின்போது ஹிலாரி கிளிண்டன் குழந்தைகளைக் கடத்துவதாக வெளிவந்த செய்தி இந்த வகையைச் சார்ந்ததே. உலகமெங்கிலும் இதுபோன்ற ‘பொய்ச் செய்திகள்’ உலா வருகின்றன. இத்தகைய செய்திகள் மூலம் தவறான படிமங்களை உருவாக்க முடியும். பரபரப்பாகச் செய்திகளை வெளியிடுவதன் மூலம் ‘பொய்ச் செய்தி’யை உண்மைச் செய்தி போல் உலவவிட முடியும். கும்பலாக யோசிக்க வைக்க முடியும் (கும்பலாக யோசிக்கும்போது (Group Think) ஒருமித்தக் கருத்தை அனைவரும் ஏற்றுக்கொள்வதால் அக்கருத்து சரியா, தவறா என்ற விவாதத்துக்கு இடமில்லாமல் தவறான முட்டாள்தனமான நம்பிக்கைகளை உருவாக்க முடியும்).
இதன் வாயிலாக, சமூக வலைதளங்களையும், ஊடகங்களையும் பரபரப்பாக்க முடியும். இதற்கு, சிறியதொரு கதையை அது சிக்கலானதாக இருந்தாலும்கூட பிரமாண்டமான ஊழல் என நிறுவிட அதை மிகைப்படுத்தி மீண்டும் மீண்டும் பரப்ப வேண்டும். இதுதான் அமெரிக்க அதிபர் தேர்தலின்போது ஹிலாரியின் மின்னஞ்சல் குறித்த விவகாரத்தில் நிகழ்ந்தது.

எடப்பாடி பன்னீர் மீது பாஜக நம்பிக்கை இழந்த பாஜக... தினகரனை மீண்டும் ?

மின்னம்பலம் :ட்விட்டுக்குப் பின்னால் உள்ள ட்விஸ்ட்!
 ஆர்.கே.நகர் இரண்டு லட்சம் வாக்காளர்களைக் கொண்ட சிறு தொகுதி என்றாலும், அதன் தேர்தல் முடிவு தமிழக அரசையே அசைத்துப் பார்க்கும் வண்ணம் அமைந்துவிட்டது.
எம்.ஜி.ஆர். விழாக்கள்தோறும் இந்த அரசை ஆட்டவோ, அசைக்கவோ முடியாது என்று சொல்லிவந்த முதல்வர் எடப்பாடி பழனிசாமிக்கு ஆர்.கே.நகர் மக்கள், ‘எங்களால் அது முடியும்’ என்று எடுத்துச் சொல்லியிருக்கிறார்கள். ஆனபோதும் டிசம்பர் 25ஆம் தேதி அதிமுக தலைமைக் கழகத்தில் கூடிய நிர்வாகிகள் கூட்டத்தில், ஒட்டுமொத்த அதிமுகவின் தோல்விக்கும் திமுக மீது பழிபோட்ட எடப்பாடி - பன்னீர் கூட்டணி, மேலும் தினகரன் ஆதரவு நிர்வாகிகள் பலரையும் கட்சிப் பதவிகளில் இருந்தும், எம்.எல்.ஏ அல்லாதவர்களை கட்சியில் இருந்தும் நீக்கி அறிவிப்பு வெளியிட்டனர். இந்த நிலையில்தான் தமிழக பாஜகவின் ‘மென்ட்டர்’ என்று கருதப்படும் ஆடிட்டர் குருமூர்த்தி டிசம்பர் 26 அன்று தனது ட்விட்டரில், தமிழக முதல்வரையும் துணை முதல்வரையும் திறன் அற்றவர்கள் என்ற பொருளில் கடுமையாகத் தாக்கியிருக்கிறார்.

ஆறு மாதங்கள் சும்மா இருந்துவிட்டு ஆர்.கே.நகர் தேர்தல் முடிந்ததும் தினகரன் ஆதரவாளர்கள்மீது நடவடிக்கை எடுக்கப்படுவதைதான் அவர் இவ்வாறு விமர்சித்தார். உடனே இதுபற்றி அமைச்சர் ஜெயக்குமார் கடுமையாகப் பதிலடி கொடுத்தார். ஆனால் குருமூர்த்தியால் கடுமையாக விமர்சிக்கப்பட்ட பன்னீரும், பழனிசாமியும் இதுவரை இதுபற்றி வாய் திறக்கவில்லை.

தினகரன் ஆதரவாளர்கள் அடாவடி .... 20 ரூபாய் டோக்கனுகுக் பணம் தரமறுப்பு

வெப்துனியா :சென்னை ஆர்.கே.நகர் இடைத்தேர்தலின் கடைசி நாள் பிரச்சாரத்தின்போது தேர்தல் ஆணையத்தின் கெடுபிடி அதிகமாக இருந்ததால் ஒருசில வாக்காளர்களுக்கு ரூ.20 டோக்கன் கொடுத்துவிட்டு, அந்த டோக்கனுக்கு தேர்தல் முடிந்தவுடன் பணம் தருவதாக தினகரன் ஆதரவாளர்கள் கூறியதாக தெரிகிறது இந்த நிலையில் தேர்தல் முடிந்து முடிவும் வந்துவிட்ட நிலையில் சொன்னபடி சிலருக்கு ரூ.20 டோக்கனுக்கு பணம் தரவில்லையாம். டோக்கனை கொடுத்து பணம் கேட்டவர்களை தினகரன் ஆதரவாளர்கள் மிரட்டியதாகவும் கூறப்படுகிறது. ஆர்.கே.நகர் தொகுதி மீனாம்பாள் நகர் பகுதியில் உள்ள தினகரன் ஆதரவாளரான ஜான்பீட்டர் என்பவர் தன்னுடைய வீட்டிற்கு வந்து 20 ரூபாய் நோட்டுகளை கொடுத்து பணம் கேட்ட மூன்று பேர்களை தாக்கியதாகவும்
கூறப்படுகிறது. இதுகுறித்து விசாரணை செய்த போலீசார், தினகரன் ஆதரவாளர்கள் ஜான்பீட்டர் உள்பட நான்கு பேர்களை கைது செய்துள்ளனர். தினகரன் ஆதரவாளர்கள் வாக்களித்த மக்களுக்கு வாக்குறுதி அளித்த பணத்தை தராததால் அதிர்ச்சி அடைந்திருப்பதாக கூறப்படுகிறது

காஸ்மீரில் 3 பாகிஸ்தான் வீரரை இந்திய ராணுவம் சுட்டு கொலை ! இந்திய ராணுவம் பாகிஸ்தானுக்குள் நுழையவில்லை என்று பாகிஸ்தான் .

தினத்தந்தி :இஸ்லமாபாத்,  கடந்த சில தினங்களுக்கு முன்பு பாகிஸ்தான் ராணுவம் காஷ்மீர் எல்லையில் அத்துமீறி நடத்திய தாக்குதலில் இந்திய ராணுவத்தினர் 4 பேர் உயிரிழந்தனர். இதற்கு பதிலடி கொடுக்கும் வகையில், இந்திய ராணுவம் அந்நாட்டுப் பகுதிக்குள் ரகசியமாக ஊடுருவி திங்கள் கிழமை மாலையில் தாக்குதல் நடத்தியது. இந்திய ராணுவத்தைச் சேர்ந்த 5 வீரர்கள் ஒரு குழுவாக, சியால்கோட் உள்ள எல்லைக் கட்டுப்பாடு கோட்டுப் பகுதியில் இருந்து பாகிஸ்தான் பகுதிக்குள் 300 மீட்டர் தூரத்துக்கு ஊடுருவி, அங்கிருந்த பாகிஸ்தான் படையினர் மீது தாக்குதல் நடத்தினர்.
இந்தத் தாக்குதலில், பாகிஸ்தான் வீரர்கள் 3 பேர் கொல்லப்பட்டனர். ஒருவர் படுகாயமடைந்தார் என்று இந்திய ராணுவம் தரப்பில் தெரிவிக்கப்பட்டது. இந்தியாவின் இந்த அதிரடி நடவடிக்கை பாகிஸ்தான் தரப்புக்கு அதிர்ச்சியை ஏற்படுத்தியுள்ளது. இதையடுத்து, இஸ்லாமாபாதில் உள்ள இந்தியத் துணைத் தூதரை, அழைத்த அந்நாட்டு வெளியுறவு அமைச்சகம் இது தொடர்பாக விளக்கமளித்தது. அதில், பாகிஸ்தான் எல்லைக்குள் இந்திய ராணுவம் நுழையவில்லை என்று மறுப்புத் தெரிவிக்கப்பட்டுள்ளது. அதே நேரத்தில் இந்திய வீரர்கள் தங்கள் நாட்டின் எல்லையில் இருந்து பாகிஸ்தான் பகுதியை குறிவைத்து அத்துமீறி தாக்குதல் நடத்தி வருவதாக கண்டனம் தெரிவிக்கப்பட்டுள்ளது

தினகரன் மீது ட்ராபிக் ராமசாமி வழக்கு பாய்கிறது ... தேர்தல் பணப்பட்டுவாடா ....

tamilthehindu :டிடிவி தினகரனை அவரது துணிச்சல், தன்னம்பிக்கையைக் கண்டு மனதாரப் பாராட்டுகிறேன், ஆனாலும் அவரது தேர்தல் வெற்றியை எதிர்த்து வழக்கு போடப் போகிறேன் என்று டிராபிக் ராமசாமி பேட்டி அளித்துள்ளார்.
திருச்சி மாவட்டம் மணப்பாறையில் தனியார் நிகழ்ச்சி ஒன்றிற்கு வந்திருந்த டிராபிக் ராமசாமி செய்தியாளர்களிடம் கூறியதாவது: “டிடிவி தினகரனை மனமாரப் பாராட்டுகிறேன், அவர் பயமின்மை, தன்னம்பிக்கை, தைரியம் இந்த மூன்றையும் பணயம் வைத்து இரட்டை இலையை பாதுகாத்த ஆளும் கட்சியினரை எதிர்த்து வெற்றி பெற்ற சுயேச்சை வேட்பாளர் என்ற முறையில் அவரை மனதாரப் பாரட்டுகிறேன்.

கண்கலங்கிய அமைச்சர்கள்.. கதறி அழுத தொண்டர்கள்

tamilthehindu :அதிமுக நிர்வாகிகள் ஆலோசனைக் கூட்டம் சென்னை ராயப்பேட்டையில் உள்ள தலைமை அலுவலகத்தில் நேற்று நடைபெற்றது. கூட்டத்தில் கலந்து கொள்ள முதல்வர் பழனிசாமி, ஆர்.கே.நகர் தொகுதியில் தோல்வியடைந்த இ.மதுசூதனன் ஆகியோர் வந்தபோது கதறி அழுத தொண்டர்கள் | படங்கள்: ம.பிரபு ஆர்.கே.நகர் தொகுதி இடைத்தேர்தலில் தோல்வியடைந்ததைத் தொடர்ந்து அதிமுக நிர்வாகிகளுடன் முதல்வர் பழனிசாமி, துணை முதல்வர் ஓ.பன்னீர்செல்வம் அவசர ஆலோசனை நடத்தினர். கூட்டத்தில் பங்கேற்ற சில அமைச்சர்கள் கண் கலங்கினர். தொண்டர்கள் கதறி அழுதனர்.
ஆர்.கே.நகர் சட்டப்பேரவைத் தொகுதி இடைத்தேர்தலில் சுயேச்சையாக போட்டியிட்ட டிடிவி தினகரன், 40,707 வாக்குகள் வித்தியாசத்தில் அமோக வெற்றி பெற்றார். ஆளும் கட்சி யான அதிமுக, இரட்டை இலை சின்னத்தில் போட்டியிட்டும் 48,306 வாக்குகள் பெற்று இரண்டாம் இடமே பிடித்தது. இதனால், அதிமுகவில் அதிரடி மாற்றங்கள் நிகழுமா என்று பரபரப்பு நிலவியது.

NTK - தமிழ்ச்சாதி வெறியர்களாக அல்லது அரசியல் தெளிவற்ற அப்புராணிகளாக .... நாம் தமிழர் கட்சி?

வாசுகி பாஸ்கர் : நாம் தமிழர் களம், திராவிட அரசியலின் பாதையை நினைவுபடுத்துகிறது - நெல்சன் சேவியர்
# திராவிட அரசியல் மக்களுக்கான அரசியலை பேசி களம் கண்டவர்கள். அறிவுஜீவிகள் பார்ப்பனவாதிகளாக தான் இருப்பார்கள் என்கிற கட்டமைப்பை உடைத்து அறிவால் அதிகாரத்தை அடைந்தவர்கள்.

ஆனால் சீமானின் நாம் தமிழர்
கூட்டம், சாதிய கட்டமைப்பால் உருவான ஒரு மூடர்கூட்டம். தமிழ்த்தேசியம் என்பது எந்த காலத்துக்கும் அமையாது என்பதை ஊர்ஜிதமாய் தெரிந்துகொண்டு திமுகவை வீழ்த்த funding செய்யப்படும் ஒரு சாதிக்கூடாரம்.
அந்த கூட்டத்திற்கு இரையாகிறவர்கள் ஒன்று தமிழ்ச்சாதி வெறியர்களாக இருக்கிறார்கள் அல்லது அரசியல் தெளிவற்ற அப்புராணிகளாக இருக்கிறார்கள். நாளொரு பொய்யும், அறிவுக்கு ஒவ்வாத புனைவுகளையும் சொல்லியே மூடர் கூட்டத்தை உருவாக்கும் சீமான் போன்றவர்களை, திராவிட இயக்க ஆரம்பகால அரசியலை ஒப்பிடுவது உண்மையிலயே முரண்.

புலவர் கலியபெருமாள் அவர்களின் நினைவேந்தல் மற்றும் படத்திறப்பு விழா இன்று.

சிவசங்கர் எஸ்.எஸ்: துளார் அய்யா என்று அன்போடு அழைக்கப்பட்ட புலவர் கலியபெருமாள் அவர்களின் நினைவேந்தல் மற்றும் படத்திறப்பு விழா இன்று.
செந்துறை ஒன்றியம் துளார் கிராமத்தை சேர்ந்தவர் புலவர் கலியபெருமாள். 1930 ஆம் ஆண்டு அக்டோபர் மாதம் பிறந்தவர். பொன்பரப்பி அரசு உயர்நிலைப்பள்ளியில் பயின்றவர், பிறகு அதே பள்ளியில் தமிழாசிரியராக பணியாற்றிப் புகழ் பெற்றார்.
படிக்கும் காலத்திலேயே தமிழ் மீது பற்றுக் கொண்டு வெண்பா எழுதி பரிசுப் பெற்றவர் என அவரது பள்ளி நண்பர் சங்கரசுப்பையன் பாராட்டுகிறார். சங்கரசுப்பையன் ஓய்வுப் பெற்ற அய்.ஏ.எஸ் அதிகாரி, பொன்பரப்பியை சேர்ந்தவர். 1949 முதல் 1953 வரை ஒன்றாகப் படித்தவர்கள்.
பள்ளியில் துவங்கிய தமிழ் காதல், தமிழாசிரியர் ஆனதோடு நிறுத்தவில்லை. பிறகாலத்தில் கவிதை, கட்டுரைகள் எழுதுவது வரை நீண்டது. ஓய்வு பெற்ற பிறகு, நூல்கள் எழுதி தனது 80வது பிறந்தநாளின் போது வெளியிட்டார் அய்யா.
கவிதைப் பூங்கா, கவி சிற்பங்கள், சேற்றில் முளைத்த செந்தாமரை, வேரில் பழுத்த பலா, காதல் தீபம், அவர்கள் அப்படித்தான், குழந்தைப் பாடல்கள், என நூல்களை எழுதி வெளியிட்டவர் 2015 ஆம் ஆண்டு மனச்சுமை ஒரு பாறாங்கல் என்ற நூலையும் வெளியிட்டார்.

அதிமுக பாஜக படார் .... சு.சாமி தினகரன் கூத்தணி கனவு ஆரம்பம் ....

Special Correspondent FB Wing : படித்த முட்டாள் குருமூர்த்தி : அமைச்சர் ஜெயக்குமார் விளாசல்.
தினகரனின் ஆதரவாளர்கள் 6 மாதத்திற்கு பிறகு நீக்கப்பட்டுள்ளது குறித்து துக்ளக் ஆசிரியர் குருமூர்த்தி டிவிட்டரில் கருத்த தெரிவித்துள்ளார். அதில் முதல்வர் மற்றும் துணை முதல்வரை ஆண்மையற்றவர்கள் என அவர் குறிப்பிட்டுள்ளார்.
இதையடுத்து தலைமைச்செயலகத்தில் செய்தியாளர்களை சந்தித்த மீன்வளத்துறை அமைச்சர் ஜெயக்குமார் இதற்கு கண்டனம் தெரிவித்தார். அவர், ‘’அவதூறு கருத்தை பதிவிட்ட குருமூர்த்தி மீது அவசியம் இருந்தால் வழக்கு தொடருவோம். தனது வார்த்தைகளை குருமூர்த்தி திரும்ப பெறவேண்டும். குருமூர்த்திக்கு நாவடக்கம் தேவை. ஆண்மை இல்லாதவர்கள்தான் ஆண்மையைப்பற்றி பேசுவார்கள். அதிமுக நிர்வாகிகள் காங்கேயம் காளை போல செயல்பட்டு வருகிறார்கள்’’ என்று ஆவேசமாக கூறினார்.
மன்னார்குடி ஆதரவாளர்களுக்கு எதிராக அதிமுக தலைமை தவணை முறையில் நடவடிக்கை எடுத்தது என்றும் ஆர்.கே.நகர் தேர்தலை மன்னார்குடி ஆதரவாளர்கள் விலைக்கு வாங்கிய போதும், காவல்துறையால் நடவடிக்கை எடுக்க முடியவில்லை.

கொரியாவில் தமிழர்களுக்கு சிறப்பான எதிர்காலம்

BBC :வட கொரியா ஏவுகணை சோதனை செய்வது, அமெரிக்கா எச்சரிக்கை விடுப்பது போன்றவற்றை   தமிழகத்தில் உள்ள தங்களின் உறவினர்கள் மூலமாகதான் தெரிந்துகொள்வதாகவும், தென் கொரியாவில் பெண்கள் நாளின் 24 மணிநேரமும் பயமின்றி நடமாட முடியுமென்றும் அங்குள்ள தமிழர்கள் தெரிவித்துள்ளனர்.
தென் கொரியாவில் வசிக்கும் தமிழர்களுடன் தலைநகர் சோலில் இருந்து பிபிசி தமிழுக்காக பிபிசி செய்தியாளர் நிதின் ஸ்ரீவத்ஸவா நடத்திய ஃபேஸ்புக் நேரலையில் தென் கொரியா பற்றிய பல்வேறு விடயங்களை அங்குள்ள தமிழர்கள் விளக்கினர்.
தென் கொரியாவில் தமிழர்கள் என்ன செய்கிறார்கள்?
"கடந்த பத்து பதினைந்து வருடங்களாகவே ஆயிரக்கணக்கான தமிழர்கள் கல்விக்காகவும், தொழில்ரீதியாகவும் தென் கொரியாவின் பல்வேறு பகுதிகளில் வாழ்ந்து வருகின்றனர்" என்கிறார் தென் கொரியாவின் சுவான் பல்கலைக்கழக வேதியியல் துறை பேராசிரியரான சுரேஷ்.
தற்போது தென் கொரியாவில் -5 டிகிரி செல்சியஸ் முதல் -10 டிகிரி செல்சியஸ் வரை என கடுமையான குளிர்காலம் நிலவி வருவதாக அவர் கூறுகிறார்.re>கடந்த 12 ஆண்டுகளுக்கு மேலாக தென் கொரியாவில் தர மேலாளராகப் பணியாற்றி வரும் சரவணன், "தென் கொரியாவில் குடும்பத்துடன் இருக்கும் எங்களுக்கு வாழ்க்கை மகிழ்ச்சியாகவும், அமைதியான முறையிலும் சென்றுக் கொண்டிருக்கிறது.

பெரியபாண்டியனை முனிசேகர் சுட்டதாக பரவும் தகவல்:

ஆய்வாளர் பெரியபாண்டியனை சக ஆய்வாளரான முனிசேகர்தான் தவறுதலாக சுட்டுள்ளார் என சென்னை காவல்துறை தெரிவித்துள்ளதாக தகவல்கள் வெளியானது. ராஜஸ்தானில் கொள்ளையர்களை பிடிக்கச் சென்றபோது சென்னை மதுரவாயல் காவல் ஆய்வாளர் பெரிய பாண்டியன் சுட்டுக் கொல்லப்பட்டார். இந்நிலையில் பெரியபாண்டியனை சுட்டது யார் என்பது குறித்து பல்வேறு கேள்விகள் எழுப்பப்பட்டன. முதலில் காவல் ஆய்வாளர் முனிசேகர் துப்பாக்கியை பறித்து அவரை சுட்டு விட்டு தப்பியதாக கூறப்பட்டது. இதையடுத்து, கொள்ளையர்கள் தாக்குதலில் இருந்து தப்பியபோது, பெரிய பாண்டியனின் துப்பாக்கி தவறி விழுந்ததாகவும், அதை கொள்ளை கும்பலை சேர்ந்தவர்கள் எடுத்து சுட்டதாகவும் கூறப்பட்டது. கொள்ளையர்கள் மீது போலீஸார் தாக்குதல் நடத்தியபோது, தவறுதலாக பெரிய பாண்டியன் மீது குண்டு பட்டதாகவும் ராஜஸ்தான் போலீசார் உறுதியாக கூறினர்.

சவுக்கு : பணமில்லாவிட்டால் வெற்றியின் கடைசி படிக்கட்டை தொட முடியாது

ஆர்கே நகர் – முடிவு சொல்லும் சேதி என்ன ? 

by Savukku · December 26, 2017

ஆர்கே நகர் தேர்தல் முடிவுகள், டிடிவி தினகரனைத் தவிர, போட்டியிட்ட இதர கட்சிகள் அனைத்தையுமே கலகலத்துப் போகத்தான் வைத்திருக்கிறது.   ஜெயலலிதா இறந்த பிறகு நடைபெறும் ஒரு தேர்தல் என்பதால் இந்த இடைத் தேர்தல் மிகுந்த முக்கியத்துவம் பெற்று, இந்தியா முழுக்கவே கவனிக்கப்படும் தேர்தலாக உருமாறியிருந்தது.
டிடிவி தினகரனின் வெற்றியை மிக எளிதாக பணத்தால் கிடைத்த வெற்றி என்று புறந்தள்ளி விடலாம்.  ஆனால் உண்மை அது அல்ல.
கடந்த ஆண்டு டிசம்பர் மாதத்தில், சசிகலா தன்னை பொதுச் செயலாளராக தேர்ந்தெடுத்துக் கொண்டு, தமிழக முதல்வராகும் திட்டத்தில் இருந்தபோது, தமிழகம் முழுக்க பொங்கியெழுந்த சசிகலா மற்றும் அவர் குடும்பத்தினர் மீதான வெறுப்பு அலையை யாரும் மறந்திருக்க முடியாது.   வெளிப்படையாகவே மக்கள் சசிகலாவையும், மன்னார்குடி மாபியாவையும் சபித்தார்கள்.   ஆளுனர் வித்யாசாகர் ராவ், சசிகலாவுக்கு பதவிப் பிரமாணம் செய்து வைக்காமல், தலைமறைவாகியதும், அதன் பின் சொத்துக் குவிப்பு வழக்கில் அவருக்கு தண்டனை உறுதி செய்யப்பட்டதையும் நாம் அறிவோம்.

ரஜினியின் அரசியல் ஆசைக்கு தூபம் போடும் பாஜகா ...

ஆர்.கே.நகர்  அத்தியாயம் முடியும் தறுவாயில் அடுத்த ‘பரபரப்பு’ வந்து விட்டது. வரும் டிசம்பர் 31 அன்று
அரசியலுக்கு வருவது பற்றி திருவாளர் ரஜினி அறிவிக்கிறாராம். இலண்டன் பிபிசி முதல் தில்லி என்டிடிவி வரை அலச ஆரம்பித்துவிட்டார்கள். என்றால் தமிழின் நடுப்பக்க கருத்து கந்தசாமிகள் பற்றி சொல்ல வேண்டியதில்லை. ரஜினியின் 67-ஆவது பிறந்த நாளை முன்னிட்டு 66, 65, 64……….50 பிறந்த நாட்களில் என்னென்ன பேசினார்களோ அவையே சலிக்காமல் மீண்டும் புதிய மேக்கப்பில் வருகின்றன.
டிசம்பர் 26 முதல் ஆறு நாட்களுக்கு அடையாள அட்டை வைத்துள்ள ஆறு மாவட்ட ரசிகர்களை ரஜினி சந்திக்கிறாராம். புகைப்படமும் எடுக்கிறாராம். ரஜினியின் சமீபத்திய அரசவைப் புலவரான தமிழருவி மணியன் இந்த நாட்களின் திரைக்கதையை எழுதியிருப்பார் போலும்.
உதவி இயக்குநர்கள் விதந்தோதும் இயக்குநர் மகேந்திரன் முதல் நாள் நிகழ்ச்சியில் பேசியிருக்கிறார். அவரும் ரஜினியைப் போன்ற தலைவர் யாருமில்லை, அவருடைய அறிவிப்பிற்காக காத்திருப்பதாக பேசியிருக்கிறார்.

குருமூர்த்தியின் ஆண்மை பற்றிய ஆபாசம் ....

மின்னம்பலம் :வீர்யமற்ற தலைவர்கள் என்று அதிமுக தலைவர்களைப் பற்றி ஆடிட்டர் குருமூர்த்தி முன்வைத்த விமர்சனம் அதிமுகவினரிடையே பெரும் கொதிப்பை ஏற்படுத்தியுள்ளது. அமைச்சர் ஜெயக்குமார் இதற்குக் காட்டமாகப் பதிலடி கொடுத்திருக்கிறார்.
அதிமுக உயர்மட்டக் குழு கூட்டம் நேற்று (டிசம்பர் 25) நடைபெற்றது. இதில், தினகரன் ஆதரவாளர்களின் பதவிகள் பறிக்கப்பட்டன, சிலர் கட்சியிலிருந்து நீக்கப்பட்டனர். இது தொடர்பாக துக்ளக் ஆசிரியர் ஆடிட்டர் குருமூர்த்தி தனது ட்விட்டர் பக்கத்தில், “இந்த பலவீனமானவர்கள் ஆறு மாதங்கள் கழித்து நடவடிக்கை எடுத்துள்ளனர். வீர்யமற்ற தலைவர்கள்.. (impotent leaders)” என்று பதிவிட்டார். ஓபிஎஸ், ஈபிஎஸ் ஆகியோர் இப்போதுதான் தலைவர்கள்போல் செயல்படத் தொடங்கியுள்ளனர். தற்போதுவரை அவர்களுக்குக் காலில் விழவும் லஞ்சம் வாங்கவும் மட்டுமே தெரியும் எனவும் கடுமையாக விமர்சித்திருந்தார்.
அதிமுகவினரை ஏனைய அரசியல் கட்சிகள் தொடர்ந்து விமர்சித்துவரும் நிலையில் அவர்களையும் தாண்டி, குருமூர்த்தி கடுமையாகக் விமர்சித்துள்ளது அக்கட்சியில் அதிர்வலையை ஏற்படுத்தியுள்ளது.

மலையாள நடிகர் பாசில் புதுசேரியில் வரி எய்ப்பு .. சொகுசு கார் வாங்கியதில் ...

மின்னம்பலம் :போலி முகவரி மூலம் சொகுசு கார் வாங்கி வரி ஏய்ப்பில் ஈடுபட்ட வழக்கில் மலையாள நடிகர் பகத் ஃபாசில் கைது செய்யப்பட்டு, பிறகு விடுதலை செய்யப்பட்டார்.
மலையாள நடிகர் பகத் ஃபாசில், கடந்த சில மாதங்களுக்கு முன் ரூ.70 லட்சம் மதிப்பிலான இ கிளாஸ் பென்ஸ் காரை வாங்கியுள்ளார். இவர் தனது காரை புதுச்சேரி முகவரியில் பதிவு செய்துள்ளார்.
பகத் ஃபாசிலின் வாகன ஆவணங்களில் பதிவு செய்துள்ள முகவரியில் வேறொருவர் வசித்து வருவது தெரியவந்தது. இந்தக் காரை கேரள மாநிலத்தின் பதிவு செய்திருந்தால், 20 லட்சத்துக்கும் மேலாக வரி கட்டியிருக்க வேண்டும். ஆனால், பாண்டிச்சேரியில் 1.5 லட்சம் மட்டும் வரியாகக் கட்ட வேண்டும். இதனால் போலி வீட்டு ரசீது மூலம் பகத் சொகுசு கார் வாங்கியது தெரியவந்தது.

விகடன் குழுமத்தின் ஊடக விபசாரம் ....

தனியன்
(அரசியல், அறிவியல், திரையுலகம், இலக்கியம், வணிகம் உள்ளிட்ட சகல துறைகளையும் விமர்சிக்கும் கடமையும் உரிமையும் கொண்டது ஊடகத் துறை. அந்த ஊடகத் துறை விமர்சனத்துக்கு அப்பாற்பட்டதாக இருக்க முடியாது. ஊடகத் துறையைப் பிற துறையினர் விமர்சிப்பதைக் காட்டிலும், எல்லாத் துறைகளையும் விமர்சிக்கும் ஊடகத் துறைக்குள்ளிருந்தே அந்த விமர்சனம் வெளிவருவதே பொருத்தமாக இருக்கும். ஊடகத்தினுள் ஊடகம் பற்றிய விமர்சனம் என்பது கண்ணாடி வீட்டிலிருந்து கல்லெறிவது போலவே பொதுவாகப் பார்க்கப்படுகிறது. மாறாக, தன்னைத் தானே மேம்படுத்திக்கொள்வதற்கான சுய விமர்சனமாக, சுய பரிசோதனையாக அது பார்க்கப்படுவது ஆரோக்கியமானதாக இருக்கும். அந்த அடிப்படையில் கடித வடிவிலான இந்தக் கட்டுரை இங்கே பிரசுரிக்கப்படுகிறது - ஆசிரியர்)
அன்புள்ள விகடன் நிறுவனத்துக்கு,
இந்தக் கடிதத்துடன் இரண்டு புகைப்படங்கள் இணைக்கப்பட்டுள்ளன. ஒன்று 2ஜி ஸ்பெக்ட்ரம் ஊழல் பற்றி உங்கள் நிறுவன பத்திரிகையான ஜூவி “புலனாய்வு” செய்து (?!) வெளியிட்ட பல்வேறு கவர் ஸ்டோரிகளின் தொகுப்பு.
2ஜி ஒதுக்கீடு தொடர்பான வழக்கில் ஊழல் நடந்ததற்கான ஏற்கத்தக்க எந்த ஆதாரங்களையும் வழக்குகளைத் தொடுத்த மத்தியப் புலனாய்வுத் துறையும் அந்நிய செலாவணித் துறையும் நீதிமன்றத்தில் தாக்கல் செய்யவில்லை என்று கூறிக் குற்றம் சாட்டப்பட்ட அனைவரையும் நீதிபதி சைனி விடுவித்திருக்கும் பின்னணியில், அதில் மெகா ஊழல் நடந்ததாக ஏழாண்டுக் காலம் இடைவிடாமல் அட்டைப்படக் கட்டுரைகள் வெளியிட்ட விகடன் நிறுவனம் பகிரங்க மன்னிப்பு கேட்க வேண்டும் என்று திமுகவின் இளம் தலைமுறையினர் பலர் கோரிவருகிறார்கள்.

நீதிபதி ஓ பி சைனி ஏன் 2G ஒதுக்கீடு ஊழலே இல்லை என்கிறார்??

ஆ. ராசா முடிவுப்படி விற்றதை விட ஆடிட்டர் வினோத் ராய் முடிவுப்படி ஏலம் விட்டதில் அரசுக்கு இழப்பு 1365 கோடி ரூபாய். சரி இப்ப எது ஊழல்??
Sivasankaran Saravanan  : நீதிபதி ஓ பி சைனி ஏன் 2G ஒதுக்கீடு ஊழலே இல்லை என்கிறார்??
ரொம்ப சிம்பிள்.
ஆ ராசா தனது அமைச்சரைவயான தொலைதொடர்புத்துறை TRAI விதிமுறையின்படி முதலில் வருபவர்க்கு முன்னுரிமை (FCFS) என்ற அடிப்படையில் 2G அலைக்கற்றையை ரூ 10772 கோடிக்கு விற்கிறார்.

வினோத் ராய் என்ற ஆடிட்டர் ஆ ராசா அப்படி செய்ததால் அரசுக்கு 1.76 லட்சம் கோடி இழப்பு என்கிறார். இதை ஏலம் விட்டிருக்கவேண்டும் என்கிறார். எனவே உச்சநீதிமன்றம் ராசா தந்த உரிமங்களை ரத்து செய்கிறது.
பிறகு அதே 2G அலைக்கற்றையை அரசு ஏலம் விடுகிறது. ஏலத்தில் 9407 கோடிக்கு விற்பனை செய்கிறது. அது ராசா விற்பனை செய்ததை விட 1365 கோடி ரூபாய் குறைவு.
வினோத்ராய் சொன்னது போல ஏலம் விட்ட தொகையைவிட FCFS விதிப்படி ஆ ராசா தந்த உரிமங்களே அதிக விலைக்குத்தான் விற்றுள்ளன. ஆக நீங்கள் என்றைக்கு இதை ஏலம் விட்டீர்களோ அன்றைக்கே இது ஊழல் இல்லை என்பது நிரூபணமாகிவிட்டது என்கிறார். ஒருவேளை ராசா தந்த உரிமங்களை விட அதிக விலைக்கு விற்றிருந்தாலாவது இதில் தவறு நடந்துள்ளது எனக் கருதமுடியும். ஆனால் அதைவிட குறைவாகத்தானே ஏலம் போயிருக்கிறது? இதை எப்படி நீங்கள் ஊழல் என்று சொல்கிறீர்கள் என்பது தான் நீதிபதியின் கேள்வி!

நடிகர்களின் அரசியல் ஆசைக்கு தடை போட்ட ஆர் கே நகர் .....

தினகரனின் வெற்றிக்கு ஏராளமான 
காரணங்கள் கூறப்பட்டாலும் சில விடயங்கள் மிக தெளிவாக தெரிகிறது.
பாஜக மீது தமிழக மக்கள் கொதித்து போயுள்ளார்கள் . அதன் அளவு மிகவும் உக்கிரம் என்பது முதல் உண்மையாகும் . இதுவரை பாஜக வாங்கிய வாக்குகள் காணமல் போய் படுமோசமான நிலைக்கு அது  தள்ளப்பட்டு விட்டது . 
ரஜினி, கமல், விஜய், விஷால்  ,விஜயகாந்த் போன்ற நடிகர்கள் எல்லாமே பாஜகவின் கைப்புள்ளைகள் ஆகத்தான் மக்களின் கண்களுக்கு தெரிகிறார்கள். மத்திய அரசை சினிமாக்காரர்கள் ஒருபோதும் பகைக்கவே மாட்டர்கள். அவர்களின் ரசிகர்களுக்கு கூட இது தெரியும்,  எனவே இனி பாஜகவோடு தொடர்பு உடைய எவரும்  தமிழகத் அரசியலில்  பிரகாசிக்க முடியாது,  அது ஒரு முடிவுக்கு வந்து விட்டது.

அரசியலில் வெறும் சினிமா கவர்ச்சி என்பது கூட்டத்தை சேர்க்கத்தான் முடியுமே தவிர ஓட்டுக்களை குவிக்க பயன்படாது . அதற்கு நிர்வாக கட்டமைப்பு அரசியல் ரீதியான் தொண்டர் பலம் போன்றவை எவ்வளவு முக்கியம் என்பதை இந்த இடைதேர்தல் மிக தெளிவாக காட்டியிருக்கிறது .
எவ்வளவு பலம் வாய்ந்த  கட்டமைப்பு  திமுகவுக்கு இருந்தும், கூட்டணி பலமும் இருந்து  திமுக  டெப்பாசிட் இழந்தது என்பது சற்று  ஆழமாக சிந்திக்க வேண்டிய விடயமாகும்
 பாஜகவின் பினாமி அரசாக எடப்பாடி அரசை பார்த்த வாக்களர்களுக்கு  பாஜகவால் பந்தாடப்பட்டு  கொண்டிருக்கும் தினகரன் மீது அனுதாபமும் அவருக்கு ஆதரவும் வழங்குவது பாஜகவுக்கு கொடுக்கும் அடி என்ற எண்ணம் ஏற்பட்டது . இதை பல வாக்காளர்கள் வெளிப்படையாக தெரிவித்தார்கள்.
கூட்டம் சேருவதையும் தாண்டி பல விடயங்கள் இருக்கிறது.
சன்னி லியோனுக்கு கூட கூட்டம் சேரும் ஆனால் ஓட்டுக்கள் சேராது.

எம்ஜியார் திமுகவின் நீட்சி என்பதை வசதியாக மறந்து விட்டு வெறும் பஞ்சு டயலக்கும் டுவீட்டர் வரிகளும் மட்டும்தான் அரசியல் என்று யாரும் நினைத்தால் நிச்சயம் ஏமாறுவார்கள் .
 இவற்றை விட இன்னுமொரு முக்கிய காரணம் பண பலம்,
அதை உரியமுறையில் பயன்படுத்தும் லாவகமும் ஒரு அரசியல் கட்சிக்கு மட்டுமே இருக்க முடியும்,

காஞ்சி சங்கர மடத்தில் அதிகார போட்டி அதிமுகவை மிஞ்சிய கழுத்தறுப்பு ... சின்ன பெரியவாள் குருப் புல் கியரில்

நக்கீரன் : காஞ்சி மடத்துக்குள் பெரியவா-சின்னவா மோதல்கள் மீண்டும் வலுத்து வருகின்றன. சங்கரமடத்தின் முழுமையான அதிகாரம், நிர்வாகம், சொத்துகள் அனைத்தும் தனது கட்டுப்பாட்டில் கொண்டுவர... ஜெயேந்திரருக்கு எதிராக கச்சைக்கட்டி வருகிறார் விஜயேந்திரர். இதற்காக, ஜெயேந்திரருக்கு பைத்தியக்காரர் பட்டம் கட்டியும், உடல்நிலை மற்றும் வயோதிகத்தைக் காரணம் காட்டியும் அவரை ஓய்வு கொள்ளவைக்க பல்வேறு முயற்சிகள் சில வருடங்களாக மடத்துக்குள் நடந்து வருகின்றன. தவறான மருந்துகளை அவருக்கு கொடுப்பதும் நடக்கின்றன எனக் குற்றச்சாட்டு கிளம்புகிறது. இவைகளை அவ்வப்போது  அம்பலப்படுத்தியிருக்கிறது நக்கீரன். >இதனால் சில மாதங்களாக ஜெயேந்திரருக்கு எதிரான சதிகள் அமுங்கிக்கிடந்த நிலையில், கடந்த வாரம் திருப்பதி சென்ற அவருக்கு ஏற்பட்ட அவமானம் காஞ்சி மடத்துக்குள் பூகம்பத்தை உருவாக்கியிருக்கிறது. இதுகுறித்து மடத்தின் முக்கியஸ்தர்களிடம் நாம் விசாரித்தபோது, ""காஞ்சி சங்கரமடத்துக்குச் சொந்தமாக திருப்பதியிலுள்ள மடம் உள்ளிட்ட பல சொத்துகளை, சென்னப்புரி அறக்கட்டளையின் கட்டுப்பாட்டில் நிர்வகித்து வருகிறார் ஜெயேந்திரரின் சகோதரர் ராமகிருஷ்ணன்.