மும்பை கால்சென்டர் அமெரிக்கர்களிடம் பண மோசடி; 70 பேர் கைது

தானே : மஹாராஷ்டிராவில், 'கால் சென்டர்'கள் மூலம், அமெரிக்க நாட்டினரை
ஏமாற்றி, கோடிக் கணக்கான ரூபாய் மோசடி செய்த, 70 பேரை போலீசார் கைது செய்தனர்; 600க்கும் மேற்பட்டோர் மீது வழக்குப் பதிவு செய்யப்பட்டு மஹாராஷ்டிர மாநிலம், மும்பை புறநகர் பகுதியை சேர்ந்த, 'கால் சென்டர்' மூலம், அமெரிக்க நாட்டை சேர்ந்த பலர், பண மோசடிக்கு ஆளானதாக புகார் எழுந்தது. இதையடுத்து, தானே மாவட்டம் மிரா ரோடு பகுதியில், மூன்று கால் சென்டர்களில், தானே போலீஸ் கமிஷனர் பரம்வீர் சிங் தலைமையிலான போலீசார் அதிரடி சோதனை நடத்தினர். இதில், பல அதிர்ச்சி தகவல்கள் வெளியாகின. இதுகுறித்து, போலீஸ் கமிஷனர் பரம்வீர் சிங் கூறியதாவது:
மிரா ரோடு பகுதியில் உள்ள மூன்று கால் சென்டர்களில், 20 முதல் 30 வயதுக்குட்பட்ட, 600க்கும் அதிகமானோர் பணியமர்த்தப்பட்டுள்ளனர். அவர்களுக்கு, அமெரிக்கர்கள் பேசுவது போன்ற ஆங்கில பேச்சு பயிற்சி அளிக்கப்பட்டுள்ளது.

முதல்வருக்காக லண்டனிலிருந்து வந்த புது மருத்துவர்!

விகடன்,காம் :தமிழக  முதல்வர் ஜெயலலிதா 13 நாட்களைக் கடந்து அப்போலோ மருத்துவமனையில் சிகிச்சை பெற்று வருகிறார். 'லண்டன் மருத்துவர் ரிச்சர்ட்டைத் தொடர்ந்து,; நேற்று மற்றொரு லண்டன் மருத்துவர் முதல்வருக்கு சிகிச்சை அளித்து வருகிறார்' என்கின்றனர் கார்டன் வட்டாரத்தில். முதல்வர் ஜெயலலிதாவின் உடல்நிலை குறித்து நேற்று அறிக்கை வெளியிட்ட அப்போலோ மருத்துவமனை நிர்வாகம், ‘முதல்வரின் உடல்நிலையில் தொடர்ந்து முன்னேற்றம் ஏற்பட்டு வருகிறது. இதுவரை அளிக்கப்பட்டு வந்த சிகிச்சைகள், முதல்வருக்கு தொடர்ந்து அளிக்கப்பட்டு வருகிறது. முதல்வரின் உடல் நலத்தை டாக்டர்கள் குழுவினர் தீவிரமாக கண்காணித்து வருகின்றனர். மேலும் சில நாட்கள் அவர் மருத்துவமனையில் சிகிச்சை பெற அறிவுறுத்தப்பட்டுள்ளது’ எனத் தெரிவித்திருந்தது. முதல்வர் உடல்நிலை பற்றி அப்போலோ மருத்துவமனை வெளியிடும் தகவல்கள் மட்டுமே தொண்டர்கள் மத்தியில் ஆறுதலை ஏற்படுத்தி வருகிறது. இருப்பினும், முதல்வர் உடல்நிலை குறித்த வதந்திகள் வேகமெடுத்து வருகின்றன.

ட்ராபிக் ராமாசாமி :கொஞ்சம் கொஞ்சமாக அவிங்க உயிரை பறிக்க முயற்சிக்கிராயங்கா

ஜெயலலிதாவின் தங்கை( April 9, 2015) பெங்களூரிவில் கிட்னி பாதிப்பால் மரணமடைந்தார் Flashback

April 9, 2015  கிட்னி பாதிப்பால் அவதிப்பட்ட சைலஜா, தனது வீட்டருகே உள்ள ஒரு தனியார் மருத்துவமனையில் சிகிச்சை பெற்றார். ஆனால், சிகிச்சை செலவு அதிகரித்த நிலையில், சில நாட்களுக்கு முன்பு டிச்சார்ஜ் செய்யப்பட்டு வீட்டுக்கு அனுப்பி வைக்கப்பட்டார். எனவே உடல் நலிந்தபடியே சென்றது. இந்நிலையில் இன்று அதிகாலை சைலஜா மரணமடைந்தார்

1 அக்டோபர், 2014
கடந்த ஒரு வாரமாக கர்நாடக மாநிலத்தில் எந்த கன்னட டி.வி சேனல்களைத் திருப்பினாலும், சைலஜா என்ற பெண்ணின் பேட்டி ஒளிபரப்பப்பட்டு வருகிறது. ‘தமிழக முதல்வர் ஜெயலலிதாவின் தங்கை நான்’ என்று இவர் சொல்லிக்கொள்வதுதான், நம்மையும் கவனிக்க வைத்தது!
ஜெயராமன் – சந்தியா தம்பதியருக்கு ஜெயக்குமார் என்ற மகனும் ஜெயலலிதா என்ற மகளும்தான் என்பது இதுவரை வெளியில் தெரிந்த வரலாறு. ஆனால், சைலஜா புதிதாகச் சொல்கிறாரே என்று அவரைத் தொடர்புகொண்டோம். நம்மை பெங்களூரு ரேஸ்கோர்ஸ் அருகே உள்ள சாம்ராஜ் ஹோட்டலுக்கு வரச் சொன்னார்.அங்கு சென்றதும் முதலில் நம்மை சாப்பிடச் சொன்னார். நாம் மறுத்தோம். ”எங்க அக்கா ஊருக்கே உணவகம் திறந்து உணவளிக்கிறார். நீங்கள் சாப்பிட்டால்தான் பேட்டி கொடுப்பேன்” என்றபடி ஒரு மசால் தோசை ஆர்டர் செய்தார். தனது மகள் அமிர்தாவை அருகில் வைத்துக்கொண்டு நம்மிடம் பேச ஆரம்பித்தார். அதில் இருந்து…

”உண்மையில் நீங்கள் யார்… உங்களின் பின்புலம் என்ன?”

”என் பேரு சைலஜா. தமிழக முதல்வராக இருக்கும் ஜெயலலிதாவின் தங்கை நான். எங்க அப்பா பேரு ஜெயராமன். அம்மா பேரு வேதம்மாள் என்கிற சந்தியா. இவர்களுக்குப் பிறந்தவர்கள் அண்ணன் ஜெயக்குமார், அடுத்து அக்கா ஜெயலலிதா. கடைசியாக பிறந்தவள்தான் நான்.

சின்னம்மாவின் சுற்றம் சொந்தம் மட்டுமே அப்போலோவில்.. மற்ற எல்லோரும் அப்போலோ வாசல் வரைதான்

சென்னை: தமிழக முதல்வர் ஜெயலலிதா சிகிச்சை பெற்றுவரும், சென்னை அப்பல்லோ மருத்துவமனையில் அமைச்சர்களுக்கு கூட இல்லாத முன்னுரிமை சசிகலா மற்றும் அவரது குடும்பத்தாருக்கு கிடைத்து வருவது அதிமுக தொண்டர்களுக்கு ஆச்சரியத்தை ஏற்படுத்தியுள்ளது. மக்கள் பிரதிநிதிகளுக்கு, முதல்வரிடம் இல்லாத உரிமை தனிப்பட்ட நபர்களுக்கு கிடைத்தது எப்படி என்பது நடுநிலையாளர்கள் கேள்வி. தமிழக முதல்வர் ஜெயலலிதா கடந்த மாதம் 22ம் தேதி, சென்னை, அண்ணா சாலை பகுதியிலுள்ள அப்பல்லோ மருத்துவமனையில் சிகிச்சைக்காக அனுமதிக்கப்பட்டார். அன்று முதல், அவரது தோழி சசிகலா மற்றும் இளவரசி ஆகியோர்தான், அப்பல்லோ மருத்துவமனையில் ஜெயலலிதாவுடன் தங்கியுள்ளனர். இவர்களுக்கு 2வது மாடியில் தனி அறைகளே ஒதுக்கப்பட்டுள்ளனவாம். வேறு ஆண்கள் மட்டுமல்ல, பெண் அமைச்சர்களுக்கு கூட ஜெயலலிதா சிகிச்சை பெறும் வார்டுக்குள் போக அனுமதியில்லை என கூறப்படுகிறது. டாக்டர்கள் மற்றும் நர்சுகளை தவிர வேறு யாரும் ஜெயலலிதா அருகில் செல்லகூட அனுமதியில்லை என்கிறது அப்பல்லோ வட்டாரங்கள்.  பார்க்க முடியாமல் தவிப்பு ஆனால், சசிகலா மட்டுமின்றி, அவரது உறவுக்காரர்களும் அப்பல்லோவில் முகாமிட்டுள்ளதுதான் அதிமுக விசுவாசிகளுக்கு அதிர்ச்சியை ஏற்படுத்தியுள்ளது.

மகளை காதலித்தவரை திருமண பேச்சுக்கு அழைத்து கொலை செய்த தந்தை: நெல்லை..

சிவகுருநாதன்              லட்சுமணப் பெருமாள்

மகளை காதலித்தவரை திருமண பேச்சுக்கு அழைத்து வெட்டிக் கொலை செய்த தந்தை போலீசில் சரண் அடைந்தார்.நெல்லை மாவட்டம், சங்கரன் கோவில் அருகே தேவர்குளம் கிராமத்தைச் சேர்ந்தவர் லட்சுமண பெருமாள். இவரது மகள் கஸ்தூரி நர்சிஸ் படிப்பு முடித்து திண்டுக்கலில் உள்ள தனியார் மருத்துவமனையில் பணியாற்றி வருகிறார். அப்போது திண்டுக்கல் மாவட்டம், நெய்காரப்பட்டியைச் சேர்ந்த சிவகுருநாதனுடன் கஸ்தூரிக்கு நட்பு ஏற்பட்டு பின்னர் காதலாக மாறியது. இந்த விவகாரம் லட்சுமணப் பெருமாளுக்கு தெரிய வந்ததும், ஆரம்பத்தில் எதிர்ப்பு தெரிவித்தவர். பின்னர் சம்மதம் தெரிவித்துள்ளார்.

பொள்ளாட்சி ஜெயராமனின் மகன்: தோழி பலி: 7 பேர் படுகாயம்

தமிழக சட்டப்பேரவை துணைத் தலைவர் பொள்ளாச்சி ஜெயராமன் மகன் பிரவீண், தன்னுடன் கல்லூரியில் படிக்கும் திலக், சுரேகா, மாந்திரா, சுவாதி மற்றும் பெரிய நாயகி ஆகியோருடன் செவ்வாய்க்கிழமை மாலை கோவையில் இருந்து ஈரோடு நோக்கி சென்றார். அவினாசியை அடுத்த பெருமாநல்லூரில் ஆதியூர் பிரிவில் அதிவேகமாக வந்த கார் கட்டுப்பாட்டை இழந்து சாலையோரம் இருந்த தடுப்பையும் தாண்டி, ஈரோட்டிலிருந்து பாலக்கோடு நோக்கி வந்து கொண்டிருந்த கார் மீது மோதியது. இந்த விபத்தில் காரில் பயணம் செய்த சுரேகா என்ற பெண் சம்பவ இடத்திலேயே உயிரிழந்தார். பிரவீண் உள்ளிட்ட 7 பேரும் படுகாயம் அடைந்து திருப்பூரில் உள்ள மருத்துவமனையில் சிகிச்சைக்காக அனுமதிக்கப்பட்டுள்ளனர். இந்த விபத்து குறிதது பெருமாநல்லூர் காவல்நிலைய போலீசார் வழக்குப்பதிவு செய்து விசாரணை மேற்கொண்டு வருகின்றனர். காரை அதிவேகமாக இயக்கியதே விபத்துக்கு காரணம் என்று கூறப்படுகிறது.;அருள்குமார்   .. நக்கீரன்,இன் ;

பாம்பு தீண்டி 26 குழந்தைகள் விடுதியில் உயிரிழப்பு! பழங்குடியினர் நல விடுதியில்

26 kids killed by snake bite' ... in government run tribal welfare residential schools in Telangana since
மின்னம்பலம்,காம் :தேசிய குழந்தைகள் பாதுகாப்பு ஆணையம் தெலங்கானா மாநில அரசை, பழங்குடியினர் நல விடுதியில் தொடர்ந்து ஏற்படும் இறப்புகள் குறித்து உடனடி நடவடிக்கை எடுக்குமாறு அறிவுறுத்தியுள்ளது.
தெலங்கானாவில், 2014ஆம் ஆண்டு முதல் பழங்குடியினர் நல விடுதி ஒன்று செயல்பட்டு வருகிறது. இந்த விடுதியில் தங்கிப் படிக்கும் மாணவர்களின் இறப்பு அதிகமாகிக்கொண்டே செல்வதை சுட்டிக்காட்டி, தேசிய குழந்தைகள் பாதுகாப்பு ஆணையம், தெலங்கானா மாநிலத்தின் தலைமை செயலாளர் ராஜீவ் சர்மாவுக்கு கடிதம் அனுப்பியுள்ளது. அதில், உடனடியாக அந்த விடுதியின் கட்டமைப்பு மாற்றி அமைக்க வேண்டும் எனவும் குழந்தைகளின் பாதுகாப்பை உறுதிசெய்யும் நடவடிக்கைகளை மேற்கொள்ள வேண்டும் என்றும் கூறியிருக்கிறது.

'ம்ம்ம்... நல்லா இருக்காங்களாம்...' அம்மா பற்றி கேட்டதற்கு பன்னீரு பதில்!

மின்னம்பலம்,காம் :
"முதல்வர் ஜெயலலிதா உடல்நிலை பற்றி தினமும் ஒரு வதந்தி வருவதும் அதைத் தொடர்ந்து அப்பல்லோ மருத்துவமனை நிர்வாகம் 'மாண்புமிகு தமிழக முதலமைச்சர், உடல்நிலை தேறி வருகிறார். அதே சிகிச்சை தொடரப்படுகிறது. மருத்துவர் குழுவின் தீவிர கண்காணிப்பில் மாண்புமிகு முதலமைச்சர் இருக்கிறார். சிகிச்சைக்காக மேலும் மருத்துவமனையில் தங்கியிருக்க முதலமைச்சர் அறிவுறுத்தப்படுகிறார்' என்று, ஒரு பிரஸ் ரிலீஸ் வெளியிடுவதும் வழக்கமாகிவிட்டது.
முதல்வர் எப்படி இருக்கிறார் என்பது சசிகலா, இளவரசி தவிர வேறு யாருக்கும் தெரியாத ரகசியமாகவே வைத்திருக்கிறார்கள். இரண்டாவது தளம் வரை அனுமதிக்கப்படும் ஓ.பன்னீர்செல்வத்துக்கோ, தம்பிதுரைக்கோகூட முதல்வர் இருக்கும் அறைப்பக்கம் செல்ல அனுமதி இல்லை. அங்குள்ள ஏதாவது ஒரு அறையில்தான் முதல்வர் இருப்பார் என்ற நம்பிக்கைதான் அவர்களுக்கும். எந்த அறையில் முதல்வர் இருக்கிறார் என்பதைக் கேட்கும் தைரியம்கூட அவர்களுக்கு இல்லை.

அப்ப அல்லோ என்று மலைக்காதே... இப்போதும் அல்லவா சேம் ஸ்டோரி ... ஒரு கதை .... யா ?

அந்த காலத்தில்...ஒரு மன்னன் இருந்தான்...
அவனுக்கொரு சேனாதிபதியம் இருந்தான்..இருவரும் ஒட்டிப்பிறந்த உடன்பிறவா சகோதரர்களாக...சிலகாலம் பழகிவந்தார்கள்
மன்னனின் சபல புத்திக்கு தீனி போட்டு மான்னனை மயக்கி மெல்ல..தன் பிடிக்குள் கொண்டுவந்துவிட்டான் சேனாதிபதி.
மன்னருக்கு பல நோய்கள் இருப்பதாக செய்தி பரப்பினான் சேனாதிபதி...

அதை பயன்படுத்திக்கொண்டு...மன்னரை அரண்மனையில் சிறை வைத்தான்...அவருக்கு ராஜ் வைத்தியம் செய்து வருவதாக வெளியே செய்தி சொல்லிவந்தான்...
மன்னரை ஈ எறும்பு கூட நெருங்க முடியாத அளவில் இரகசியமாக தனிமை சிறையில் வைத்திருந்தான்..
மன்னர் நலமாக இருக்கிறார் விரைவில் சபைக்கு வருவார் என்று ..அரசவையில் இருக்கும்நபர்கள் மூலமாக செய்தி சொல்லிவந்தான்...
சேனாதிபதியின் கனிவான சேவையில் மன்னர் சுகமாக இருப்பதாகவே மக்கள் நம்பினார்கள்.
அதற்கு பின்னால் சேனாதிபதி நினைத்ததே நடந்தது...
" தனக்கு பிறகு என் உடன் பிறவா சகோதரன் சேனாதிபதியே இந்த நாட்டை ஆளவேண்டும் "" என்று மரண சாசனம் எழுதி ஒப்பம் இட்டதாக ஒரு மடல் வாசிக்க பட்டது...மக்கள் அதை நம்பினார்கள்.
சேனாதிபதி நாட்டுக்கு மன்னர் ஆனார்....
அது அப்போ அல்லோ என்று மலைக்காதே...
இப்போதும் அதே கதைகள் நடக்கிறது...நம்மை சுற்றி...

முகநூல் பதிவு : Damodaran Chennai

கமலஹாசனின் Abuse .. நடிகை கார்த்திகா தமிழ் படமே வேண்டாம் என்று ஓடிவிட்டார்

திருவனந்தபுரம்: உலக நாயகன் கமல் ஹாஸன் வேண்டும் என்றே நடிகை கார்த்திகாவை ஓங்கி அறைந்ததால் அவரது காதில் இருந்து ரத்தம் வந்தது என பிரபல மலையாள சினிமா விமர்சகர் பெல்லிசேரி தெரிவித்துள்ளார்.
மணிரத்னம் இயக்கத்தில் உலக நாயகன் கமல் ஹாஸன், சரண்யா, ஜனகராஜ் உள்ளிட்டோர் நடித்த படம் நாயகன். அந்த படத்தில் கமல் ஹாஸனின் மகளாக மலையாள நடிகை கார்த்திகா நடித்திருந்தார். கார்த்திகா நாயகன் தவிர்த்து பூவிழி வாசலிலே படத்திலும் நடித்துள்ளார்.="நாயகன் படம் குறித்து பிரபல மலையாள சினிமா விமர்சகர் பெல்லிசேரி மலையாள வார இதழ் ஒன்றுக்கு கடந்த 3 நாட்களுக்கு முன்பு பேட்டியளித்தார். அந்த .நாயகன்" நாயகன் < நாயகன் படம் குறித்து பிரபல மலையாள சினிமா விமர்சகர் பெல்லிசேரி மலையாள வார இதழ் ஒன்றுக்கு கடந்த 3 நாட்களுக்கு முன்பு பேட்டியளித்தார். அந்த பேட்டியில் அவர் கமல் மீது குற்றம் சுமத்தியுள்ளார்.நாயகன் பட போட்டோஷூட்டின்போது கமல் ஹாஸன் கார்த்திகாவின் தோளில் கை போட்டுள்ளார். இது பிடிக்காமல் அவர் கமலின் கையை தட்டியுள்ளார் என்கிறார்

காவிரி மேலாண்மை வாரியத்தை உச்சநீதிமன்றம் நிறுத்தியது தமிழகத்துக்கு பின்னடைவு

காவிரி மேலாண்மை வாரியம் அமைக்க வேண்டும் என்ற உத்தரவை, சுப்ரீம் கோர்ட், நேற்று நிறுத்தி வைத்ததால், தமிழகத்திற்கு பின்னடைவு ஏற்பட்டுள்ளது. தமிழகத்திற்கு சேர வேண்டிய தண்ணீரை, காவிரியில் இருந்து திறந்து விடும்படி, சுப்ரீம் கோர்ட், அடுத்தடுத்து பிறப்பித்து வரும் உத்தரவுகளை, கர்நாடக அரசு, தொடர்ந்து மீறி வருகிறது.இதனால், கோபமடைந்த நீதிபதிகள், இம்மாதம், 4ம் தேதிக்குள்,காவிரி மேலாண்மை வாரியம் அமைக்கும்படி, மத்திய அரசுக்கு உத்தரவிட்டனர். இந்நிலையில், திடீர் திருப்பமாக, 'காவிரி மேலாண்மை வாரியம் அமைக்க வேண்டும் என்ற உத்தரவை வாபஸ் பெற வேண்டும்' எனக்கூறி, மத்திய அரசு சார்பில், நேற்று முன்தினம், சுப்ரீம் கோர்ட்டில் மனு தாக்கல் செய்யப்பட்டது. இந்த வழக்கு, நீதிபதிகள், தீபக் மிஸ்ரா, உதய் லலித் ஆகியோர் அடங்கிய சுப்ரீம் கோர்ட் அமர்வு முன், நேற்று மீண்டும் விசாரணைக்கு வந்தது. அப்போது, அட்டர்னி ஜெனரல் முகுல் ரோஹத்கி, ''காவிரி மேலாண்மை வாரியம் அமைக்க வேண்டும் என்ற உத்தரவை வாபஸ் பெற வேண்டும் அல்லது இறுதி விசாரணை நடக்கும்,அக்.,18 வரை, ஒத்தி வைக்க வேண்டும்,'' என, வாதிட்டார். இதற்கு, தமிழக அரசு சார்பில் ஆஜரான, மூத்த வழக்கறிஞர், சேகர் நபாடே கடும் எதிர்ப்பு தெரிவித் தார்.

nano நேனோ இயந்திரங்களை வடிவமைத்த 3 விஞ்ஞானிகளுக்கு வேதியியல் நோபல்

2016-ம் ஆண்டு வேதியியல் நோபல் பரிசு 3 விஞ்ஞானிகளுக்கு அறிவிக்கப்பட்டுள்ளது. மூலக்கூறு இயந்திரங்கள் வடிவமைப்பு மற்றும் ஒருங்கிணைப்புக்காக இவர்களுக்கு நோபல் அறிவிக்கப்ப்பட்டுள்ளது. அதாவது தற்போது புழக்கத்தில் உள்ள சொல்லைப் பயன்படுத்த வேண்டுமென்றால் நேனோ-மெஷின்களை வடிவமைத்தவர்களான இந்த 3 விஞ்ஞானிகளுக்கு நோபல் அறிவிக்கப்பட்டுள்ளது. பிரான்சைச் சேர்ந்த ஜான் பியர் சாவேஜ், அமெரிக்காவின் நார்த்வெஸ்டர்ன் பல்கலைக்கழகத்தைச் சேர்ந்த ஸ்காட்லாந்து விஞ்ஞானி சர் பிரேசர் ஸ்டோடர்ட், நெதர்லாந்து, கிரோனிஞ்சன் பல்கலைக் கழக விஞ்ஞானி பெர்னர்ட் ஃபெரிங்கா ஆகியோருக்கு 2016-ம் ஆண்டு வேதியியல் நோபல் வழங்கப்படுகிறது.

மோடி, சோனியாவைச் சந்தித்தார் ரணில்!

இலங்கை பிரதமர் ரணில் விக்ரமசிங்கே 3 நாள் பயணமாக நேற்று இந்தியா வந்தார். நாளை (வியாழக்கிழமை ) 6ஆம் தேதி நடக்கவுள்ள இந்திய பொருளாதார மாநாட்டில் ரணில் பங்கேற்க உள்ளார். இந்த மாநாட்டில் மத்திய மந்திரி நிர்மலா சீதாராமன் உள்ளிட்டோர் கலந்துகொள்கின்றனர். ரணில் தன்னுடைய இந்தியப் பயணத்தின்போது ஜனாதிபதி பிரணாப் முகர்ஜி, மத்திய மந்திரிகள் சுஷ்மா சுவராஜ், ராஜ்நாத் சிங், நிதின் கட்காரி, தர்மேந்திர பிரதான் மற்றும் இந்திய தேசிய பாதுகாப்பு ஆலோசகர் அஜித் தோவால் ஆகியோரையும் இன்று சந்தித்துப் பேசவுள்ளார். இந்நிலையில், அவர் அளித்துள்ள பேட்டியில், “இலங்கைக்கும் சீனாவுக்கும் இடையே பொருளாதாரம் தொடர்பான உறவு மட்டுமே உள்ளது. சீனாவுடன் ராணுவரீதியான உறவு எதையும் இலங்கை வைத்திருக்கவில்லை. ஆனால் இந்தியாவுக்கும் இலங்கைக்கும் இடையிலான உறவு வரலாற்றுரீதியிலானது.

நீதிமன்றம் தேர்தலை ரத்து செய்ய முடியாது:ஆணையம் மனு!

மின்னம்பலம்,காம் : தமிழக மாநிலத் தேர்தல் ஆணையம் தேர்தல் அறிவிப்பாணையை வெளியிட்டு தேர்தல் பணிகள் தொடங்கிவிட்டநிலையில், தேர்தல் அறிவிப்பாணையை நீதிமன்றம் ரத்து செய்தது. தனி நீதிபதி கிருபாகரனின் இந்த தீர்ப்புக்கு எதிராக தமிழக தேர்தல் ஆணையம் இன்று உயர்நீதிமன்றத்தில் மனு தாக்கல் செய்தது.
தமிழக உள்ளாட்சித் தேர்தல் பற்றிய அறிவிப்பு, கடந்த செப்டம்பர் 25ஆம் தேதி மாலை வெளியிடப்பட்டது. அதற்கு மறுநாளே வேட்புமனு தாக்கல் தொடங்கியது. இதனால் ஆளும் கட்சியைத் தவிர மற்ற கட்சிகள் அனைத்தும் அதிருப்தி அடைந்தன. திமுக கண்டனக் குரலை எழுப்பியது. இதையடுத்து, ஆளுங்கட்சிக்கு சாதகமாக தேர்தல் ஆணையம் செயல்படுவதாக சர்ச்சை எழுந்தது. உள்ளாட்சி அமைப்புகளுக்கான தேர்தல் குறித்த இந்த அறிவிப்பில், பழங்குடியின மக்கள் தொகைக்கு ஏற்ப, இடஒதுக்கீடு வழங்கப்படவில்லை.

சசிகலா புஷ்பா படங்களை நீக்க டெல்லி நீதிமன்றம் உத்தரவு!

மினம்பலம்,காம் :சசிகலா புஷ்வாவை தவறாகச் சித்தரிக்கும் நிழற்படங்களை வெளியிடுவோர்மீது நடவடிக்கை எடுக்க மத்திய அரசுக்கு நீதிமன்றம் உத்தரவிட்டுள்ளது. சமூக வலைதளங்களில் தன்னை தவறாகச் சித்தரிக்கும் படங்களை நீக்க வேண்டும் என சசிகலா புஷ்பா வழக்கு தொடுத்திருந்தார். இதை விசாரித்த நீதிமன்றம், சசிகலா புஷ்பா தொடர்பான தவறான படங்களை நீக்குமாறு வாட்ஸ் அப், ஃபேஸ்புக், ட்விட்டர் நிறுவனங்களுக்கு டெல்லி உயர்நீதிமன்றம் உத்தரவிட்டுள்ளது. அதிமுக-வில் இருந்தவர் ராஜ்யசபா எம்.பி. சசிகலா புஷ்பா. திருச்சி சிவா உடன் டெல்லி விமான நிலையத்தில் வைத்து அவரது கன்னத்தில் அறைந்தார். இதையடுத்து, தமிழக முதல்வர் ஜெயலலிதா தன்னை அடித்தார். மிரட்டினார். எம்.பி. பதவியை ராஜினாமா செய்யச்சொல்லி கட்டாயப்படுத்தினார். ஆகவே, என் உயிருக்கு ஆபத்து என்று ராஜ்யசபாவில் பேசி பரபரப்பை ஏற்படுத்தினார் சசிகலா புஷ்பா.

ஷீலா பாலகிருஷ்ணன் தான் இன்றைய தமிழக de facto முதலமைச்சர்?

முகநூல் Sources : New power centers in TN. Bandit Queen Sheela Balakrishnan and Jayalalitha's collection manager Venkatramanan @ Kallu Mama emerge as power centers. They both are issuing orders to the CM O Panneerselvam, who meekly follows their orders. It is sad that while elected representatives are crawling before Bengaluru prison, TN's fate is being decided by two retired bureaucrats.
ஒட்டுமொத்த தமிழகமும் அப்போலா மருத்துவமனையை நோக்கியுள்ளது. முதலமைச்சர் ஜெயலலிதாவின் உடல்நிலையை அறிந்து கொள்ள தமிழகத்தின் பல்வேறு பகுதிகளிலும் இருந்து தினமும் ஆயிரக்கணக்கானோர் சென்னை வந்து, அப்போலோ வாசல் வரை சென்று வருகிறார்கள். மருத்துவமனைக்குள் சென்று வரும் அ.தி.மு.க நிர்வாகிகள், அமைச்சர்களிடம், "அம்மாவின் உடல் நிலை இப்போது எப்படி உள்ளது? மருத்துவமனையில் இருந்து எப்போது வீடு திரும்புவார்கள்?" என்று கேட்கிறார்கள்.
பின்னர் ஒருவழியாக திருப்தி அடைந்தவர்களாக திரும்பிச் செல்கிறார்கள். தாங்கள் அறிந்ததை, தங்களுக்குத் தெரிந்தவர்கள், குடும்பத்தினர் என்றெல்லாம் செல்பேசியில் தெரிவித்து, திருப்தியடைகிறார்கள்.
இதுஒருபுறமிருக்க, முதலமைச்சரின் உடல்நிலை குறித்து டிராபிக் ராமசாமி தாக்கல் செய்த மனுவை விசாரித்த, சென்னை உயர் நீதிமன்ற நீதிபதி கிருபாகரன், முதல்வரின் உடல்நிலை குறித்து 2 நாட்களில் தமிழக அரசு தெரிவிக்க வேண்டும் என்று உத்தரவிட்டுள்ளார்.

இரவிரவாக சசிகலா அன் கோ ரகசிய ஆலோசனை...

ஏழு நாட்களுக்குப் பின் கடந்த செப்டம்பர் 29-ந்தேதி இரவில் ஏழு நாட்களுக்குப் பின் கடந்த செப்டம்பர் 29-ந்தேதி இரவில் அப்பல்லோவிலிருந்து சசிகலா வெளியே வர, அவரது கார் வேகமாக சென்றது. மறுநாள் மகாளய அமாவாசை என்பதால் போயஸ்கார்டனில் சிறப்பு பூஜைகளுக்காக சின்னம்மா செல்கிறார் என்றனர் அங்கிருந்த அ.தி.மு.க.வினர். ஆனால், நள்ளிரவில் அவர் சென்றது பெசன்ட் நகர் பகுதிக்கு. அங்கு தனது முக்கியமான உறவினரை சந்தித்து விடியற்காலை 3.30 வரை விவாதித்திருக்கிறார். அதன்பிறகு அங்கிருந்து கிளம்பி கார்டனுக்கு வந்துவிட்டு விடிவதற்குள் மருத்துவமனைக்குத் திரும்பிவிட்டார். கடந்த சில நாட்களாகவே நள்ளிரவில் நடக்கின்றன ராஜ ஆலோசனைகள் என்கிறார்கள் அ.தி.மு.கவின் சீனியர்கள். பெசன்ட் நகர் வீட்டிற்கு ஐ.ஏ.எஸ்., ஐ.பி.எஸ். அதிகாரிகளின் ரகசிய வருகையும் அதிகரித்திருக்கிறது.

ஜெயலலிதா உடல்நிலையும் ஊர் சுற்றும் வதந்திகளும்! இதுவரை சசிகலா குடும்பம் மட்டுமே பார்க்க...

விகடன்,காம்  ; காவிரிக்காக உண்ணாவிரதம்!செப்டம்பர் 22-ம் தேதி இரவு 9 மணி. போயஸ் கார்டன் தூங்கி வழிந்துகொண்டு இருந்தது. ஆனால், 9 மணிக்குப் பிறகு, வேதா நிலையத்துக்குள் இருந்து, மெல்லக் கிளம்பிய தகவல், “காவிரிப் பிரச்னைக்காக முதலமைச்சர் ஜெயலலிதா உண்ணாவிரதம் இருக்கப்போகிறார்; அதற்காக உயர் அதிகாரிகளுடன் ஆலோசனை நடத்தினார்; சசிகலா புஷ்பாவை கைதுசெய்வதற்கான நடவடிக்கைகள் பற்றியும் பேசினார்’’ என்றெல்லாம் சுற்றி, கடைசியில்  அப்போலோவில் போய் நின்றது. போயஸ் கார்டனில் இருந்து ஒரு ஆம்புலன்ஸ் கிளம்பி, கிரிம்ஸ் ரோடு அப்போலோ போனது என்று தகவல் உறுதி செய்யப்பட்டது. போயஸ் கார்டன் டு அப்போலோ யார் அனுமதி? 
போயஸ் கார்டனில் இருந்து ஆம்புலன்ஸ் என்றால், அதில் இருந்தது யார் என்பதிலும் குழப்பம். ஏனென்றால், போயஸ் கார்டனில் ஜெயலலிதாவும் இருக்கிறார்; சசிகலாவும் இருக்கிறார். முதலமைச்சர் ஜெயலலிதாதான் அப்போலோவுக்குச் சென்றார் என்றால், அந்தத் தகவல் கன்ட்ரோல் ரூமுக்குச் சொல்லப்பட்டிருக்க வேண்டும். ஆனால், அங்கு விசாரித்தபோது, “சி.எம். பாஸிங் மெசேஜ் நாட் ரிசிவ்டு” என்றுதான் தகவல் சொல்லப்பட்டது.  ஆனால், விசாரித்து.. விசாரித்து.. கிரீம்ஸ் ரோடு அப்போலோ போனபோது, அங்கு, அ.தி.மு.க கரைவேட்டிகளில் சிலர் நின்றுகொண்டிருந்தனர். வேறு முக்கியப் பிரமுகர்கள் யாரும் அங்கே இல்லை. அதோடு மருத்துவமனையின் மெயின் கேட் இழுத்துப் பூட்டப்பட்டு இருந்தது.

கோவை கலவரம் : பா.ஜ.வினர் 3 பேர் கைது

கோவை: கோவை மாவட்ட இந்து முன்னணி செய்தி தொடர்பாளர் சசிகுமார் (36) கடந்த மாதம் 22ம் தேதி வெட்டிக்கொல்லப்பட்டார். முன்னதாக, சசிகுமார் வெட்டுக்காயங்களுடன் கோவை ரேஸ்கோர்ஸ் பகுதியில் உள்ள ஒரு தனியார் மருத்துவமனையில் அனுமதிக்கப்பட்டிருந்தார். அவர் இறந்துவிட்டார் என்ற செய்தி கிடைத்ததும் மருத்துவமனையில் திரண்டிருந்த சிலர், வரவேற்பு அறை கண்ணாடியை உடைத்தனர்.

 இதுதொடர்பாக ரேஸ்கோர்ஸ் போலீசார் வழக்கு பதிவுசெய்து விசாரித்து வந்தனர். இந்நிலையில், நேற்று கவுண்டம்பாளையத்ைத சேர்ந்த அசோக்குமார் (30) என்பவரை கைது செய்தனர். இதேபோல், கடந்த மாதம் 23ம் தேதி சசிகுமார் இறுதி ஊர்வலத்தின்போது காந்திபுரம் பகுதியில் அரசு பஸ்களை கல்வீசி தாக்கினர். இதுதொடர்பாக, ரஞ்சித்குமார் (30), கஜேந்திரன் (30) ஆகிய 2 பா.ஜ.க.வினரை நேற்று கைதுசெய்தனர் தினகரன்,காம்

கடைசி நேரத்தில் தமிழகத்தின் கை நழுவிய காவிரி.. நாடகம் நடத்திய கர்நாடகா

டெல்லி: காவிரி பங்கீடு விவகாரத்தில் முதலில் வெற்றிகளை சுவைத்து வந்த தமிழகம் தற்போது குப்புற தள்ளிவிடப்பட்டுள்ளது. தனது பல்வேறு வகையான துரித நடவடிக்கைள் மற்றும் ராஜதந்திரங்கள் மூலம், கர்நாடகா ஒரு சொட்டு தண்ணீரையும் 'திறந்துவிட மாட்டோம்' என்ற தனது பிடிவாதத்தில் ஜெயித்துவிட்டது. நடுவர் மன்ற உத்தரவுப்படி, ஆகஸ்ட் மாதத்தில் தமிழகத்திற்கு வழங்க வேண்டிய சுமார் 50 டிஎம்சி தண்ணீரை திறக்க உத்தரவிடுங்கள், என்று தமிழக அரசு உச்சநீதிமன்றத்தில் தாக்கல் செய்த மனுதான், இந்த பிரச்சினையின் ஆரம்ப புள்ளி. கடந்த மாதம் 2ம் தேதி நீதிமன்றம் பிறப்பித்த தனது முதல் உத்தரவில், அடுத்த 10 நாட்களுக்கு 15,000 கன அடி வீதம் தண்ணீர் திறக்க வேண்டும் என கர்நாடக அரசுக்கு உத்தரவிட்டது. உச்சநீதிமன்ற உத்தரவுக்கு கர்நாடகா எதிர்ப்பு தெரிவித்த போதிலும், உச்சநீதிமன்ற உத்தரவை மீற முடியாது என்பதால் தண்ணீரை திறந்துவிட்டது. 

அ.தி.மு.க.,வில் மீண்டும் 1984: ஊரை அடிச்சு உலையில் போடும் அமைச்சர்கள் எம் எல் ஏக்கள் கவுன்சிலர்கள் ...

அ.தி.மு.க.,வில் மீண்டும் 1984: அள்ளித்தட்டிய அமைச்சர்கள்!< தமிழக அரசியல் வரலாற் றில், மறக்க முடியாத ஆண்டு 1984. அன்றைய முதல்வர் எம்.ஜி.ஆர்.,
உடல்   நலக்குறைவால், அமெரிக்காவில் புரூக்ளின் மருத்துவமனையில் சிகிச்சை பெற்று வரும்போது, அந்தக்கட்சி சட்டசபை தேர்தலை எதிர்கொள்ள வேண்டிய நிலைமை. எம்.ஜி.ஆர்., என்ற மாபெரும் வசீகர சக்தியை வைத்து, தேர்தலில் வெற்றி கொள்வதற்கான வியூகத்தை வகுத்தது, அன்றிருந்த 12 சீனியர் அமைச்சர்கள்.<>அன்று 12 பேர்<>அவர்கள் தான், தேர்தலில் போட்டியிடும் அ.தி.மு.க.,வேட்பாளர்களையும் தேர்வு செய்தனர். நிச்சயமாக ஜெயிப்போம் என்ற நம்பிக்கையில், சொத்துக்களை விற்று லட்சங் களில், அந்த அமைச்சர்களைக் குளிப்பாட்டினர் பலர். விளைவு, 'சீட்' கிடைத்தது; ஜெயித்தார் கள்; அமைச்சர்க ளானார்கள்; செல்வத்திலும், செல்வாக்கிலும் அசாத்தியமான உயரங்களைத் தொட்டனர். அதில் மட்டும், அந்த 12 சீனியர் அமைச்சர்கள் அள்ளித்தட்டியதைப் பற்றி, ஆயிரம் கதைகள் இன்னும் உலவுகின்றன.

முதல்வரின் உடல்நிலை குறித்து மக்கள் அறிந்து கொள்ள உரிமை உள்ளது: சென்னை உயர் நீதிமன்றம் கருத்து

சமூக ஆர்வலர் டிராபிக் ராமசாமி, சென்னை உயர்நீதிமன்றத்தில் திங்கள்கிழமை பொதுநல மனு ஒன்றை தாக்கல் செய்தார். அதில், கடந்த 22ஆம் தேதி முதலமைச்சர் ஜெயலலிதா மருத்துவமனையில் அனுமதிக்கப்பட்ட நிலையில், அப்பல்லோ மருத்துவமனை நிர்வாகம் அவ்வப்போது முழுமையில்லாத அறிக்கைகளை வெளியிட்டு வருகிறது. ஆளுநர், மத்திய அமைச்சர் உள்ளிட்டோர் சென்று பார்த்த நிலையில் அவர்களும் முழுமையாக தகவல்களை வெளியிடவில்லை.

மேலும் சமூக வலைதளங்களில் பரவும் வதந்திகளால் பல்வேறு இடங்களில் கடையடைப்பும் நடத்தப்படுகிறது. முதலமைச்சரின் புகைப்படங்களை வெளியிட எதிர்க்கட்சிகள் தொடர்ந்து வலியுறுத்தி வருகின்றன. முதலமைச்சர் மருத்துவமனையில் இருந்து கொண்டே பணிகளை கவனிப்பதாகக் கூறப்பட்டாலும் அது தொடர்பான உண்மையான விவரங்கள் வெளியிடப்படவில்லை.

இந்து முன்னணியை விரட்டுவோம் – சென்னை, திருச்சி, புதுவை ஆர்ப்பாட்டம்

இந்து முன்னணியும் பிஜேபியும் தொடர்ந்து தமிழகம் முழுவதும் கலவரத்தை ஏற்படுத்த வேண்டும் என்று வெறிகொண்டு கத்திக்கொண்டு இருக்கிறார்கள், நேரம் பார்த்துக்கொண்டு இருக்கிறார்கள்.
கோவையில் போலீசு உதவியுடன் இந்து முன்னணி காலிகள் வெறியாட்டத்திற்கு எதிராக மக்கள் அதிகாரம் – சென்னையில் ஆர்ப்பாட்டம்  கோவையில் போலீசு உதவியுடன் இந்து முன்னணி காலிகள் வெறியாட்டத்திற்கு எதிராக மக்கள் அதிகாரம் ஒருங்கிணைத்து ஜனநாயக முற்போக்கு இயக்கங்கள் கலந்து கொண்ட ஆர்ப்பாட்டம் சென்னையில் வள்ளுவர் கோட்டத்தில் 01-10-2016 அன்று நடைபெற்றது.
சசிகுமார் என்ற இந்துமுன்னணியினைச் சேர்ந்த நபர் கொல்லப்பட்டதை அடுத்து தமிழகம் முழுவதும் இருந்து திரட்டப்பட்ட இந்து முன்னணி ஆர்.எஸ்.எஸ் – பி.ஜே.பி காலிகள் கோவையை சூறையாடினர், போலீசோடு சேர்ந்து கொண்டு.
இந்த வெறியாட்டத்தை கண்டித்து அடுத்த நாளே வியாபாரிகளும் முற்போக்கு அமைப்பினரும் சுமார் 800 பேர் போலீசு நிலையத்தை முற்றுகையிட்டு இருக்கிறார்கள் . இந்து முன்னணியும் பிஜேபியும் தொடர்ந்து தமிழகம் முழுவதும் கலவரத்தை ஏற்படுத்த வேண்டும் என்று வெறிகொண்டு கத்திக்கொண்டு இருக்கிறார்கள், நேரம் பார்த்துக்கொண்டு இருக்கிறார்கள். கடந்த 28 அன்று ஆர்ப்பாட்டம் நடத்திய பி.ஜே.பி – எச்சு ராஜா பார்ப்பன மதவெறியை கக்குகிறார். தங்களது நோக்கத்தை நிறைவேற்றுவதற்கு எல்லாவகையிலும் முயன்று கொண்டே இருக்கிறார்கள்.

காவிரி : தமிழினத்திற்கு எதிரான மோடி அரசின் காழ்ப்புணர்ச்சி

வினவு .காம்  : நாள் 3-10-2016:   பத்திரிகை செய்தி  :  தமிழினத்திற்கு எதிரான மோடி அரசின் காழ்ப்புணர்ச்சி >ஒருதலைப்பட்சமான ஒருமைப்பாட்டுக்குக் கட்டுப்பட மறுப்போம்உச்சநீதிமன்றம் சொன்னால் என்ன? காவிரி நடுவர் மன்றம் சொன்னால் என்ன? தமிழகமே பாலைவனமானால் என்ன? காவிரி மேலாண்மை வாரியம் அமைக்க முடியாது என மத்திய அரசு கூறுவது தமிழினத்திற்கு எதிரான மோடி அரசின் காழ்ப்புணர்ச்சியை உறுதிபடுத்துகிறது. இனியாவது தமிழகம் ஆர்.எஸ்.எஸ்.பா.ஜ.க. அமைப்புகளை அரசியல் சமூக புறக்கணிப்பு செய்தாக வேண்டும்.
இனி தமிழர்களின் உரிமையை நிலைநாட்ட சட்டத்தை மட்டும் பேசினால் நியாயம் கிடைக்காது.
இந்தியாவில் மற்ற மாநிலங்களுக்கிடையிலான நதிநீர்ப் பிரச்சினைகளை தீர்ப்பதற்கும், காவிரிப் பிரச்சினையில் தமிழகத்திற்கு எதிராக மைய அரசு கடைப்பிடிக்கும் அணுகுமுறைக்கும் ஓரவஞ்சனையும் சூழ்ச்சியும் அடங்கி இருக்கிறது.