மரக்கறி பழங்கள் பரிமாற்றத்துக்கு பிளாஸ்டிக் கூடை அவசியம்

மரக்கறி மற்றும் பழங்களை ஓரிடத்திலிருத்து இன்னொரு இடத்துக்கு கொண்டு செல்லும் போது பிளாஸ்டிக் பாத்திரங்கள் அல்லது கூடைகளில் வைத்தே கொண்டு செல்லப்படவேண்டும் என்பது இன்றுமுதல் கட்டாயமாக்கப்பட்டுள்ளது என அரச தகவல் திணைக்களம் அறிவித்துள்ளது.

மரக்கறி மற்றும் பழங்களை சாக்குகளில் எடுத்துச் செல்லும் போது 30 முதல் 35 சதவீதம் சேதமடைவதாகவும் இதனால் ஏற்படும் பாதிப்பை குறைக்கவே பிளாஸ்டிக் பாத்திரங்களில் மரக்கறி மற்றும் பழங்களை எடுத்துச் செல்ல நடவடிக்கை எடுக்கப்பட்டுள்ளதாக விவசாய அமைச்சர் மஹிந்த யாப்பா அபேவர்த்தன தெரிவித்திருந்தமை குறிப்பிடத்தக்கது.

50 எல் லஞ்சத்தின் பின்னே ஐ.ஏ.எஸ்-ஆடிட்டர்-முதலாளி-ஹவாலா..ஜெய்ஹிந்த்!

நாளிதழ்களில் அன்றாடம் வந்து போகும் மற்றொமொரு ஊழல் செய்தி என்றாலும் அண்ணா ஹசாரே குழு மூலமாக ஊடகங்கள் பேசிவரும் ஊழல் எதிர்ப்பு மூடு காரணமாக நாம் இதில் பரிசீலிப்பதற்கு சில விசயங்கள் இருக்கின்றன.

 Read More

கேரளா கம்யூனிஸ்ட் களின் வேஷம் விக்கி லீக்ஸ் அம்பலபடுதியத்தியது

  கேரள மார்க்சிஸ்ட் தலைவர்களின் இரட்டை வேடத்தை அம்பலப்படுத்தியது விக்கிலீக்ஸ். இதனால் அந்த கட்சியின் தலைவர்கள் இடையே சலசலப்பு ஏற்பட்டுள்ளது.
அமெரிக்காவுக்கு எதிராக எப்போதும் ஆக்ரோஷ குரல் கொடுக்கும் மார்க்சிஸ்ட் தலைவர்கள், எந்த ஒரு விஷயத்திலும் அந்த நாட்டுக்கு எதிராக கண்டனக்குரல் எழுபப்புவது வழக்கமானது.

ஆனால், அமெரிக்க நாட்டு முதலீட்டுக்காக கேரள மார்க்சிஸ்ட் தலைவர்கள் ரகசிய முயற்சி செய்தனர் என்ற விவரத்தை விக்கிலீக்ஸ் இணையதளம் சமீபத்தில் அம்பலப்படுத்தியது. இந்த விவகாரம், அந்த கட்சியின் தலைவர்கள் இடையே பெரும் பரபரப்பை ஏற்படுத்தியது. ‘நாங்கள் அப்படி எதுவும் செய்யவில்லை’ என்று தைரியமாக மறுத்து கூறாமல், மழுப்பலான விளக்கத்தை வெளியிட்டுள்ளனர். விக்கிலீக்ஸ் வெளியிட்டுள்ள தகவல்கள் இதோ:

கடந்த 2008 ம் ஆண்டு ஆகஸ்ட் மாதம் அமெரிக்க அரசின் உயர் அதிகாரிகள் குழு கேரளா சென்றது. மார்க்சிஸ்ட் தலைவர்கள் பலரும் அவர்களை சந்தித்து பேசினர்.
 கேரள மார்க்சிஸ்ட் என்றாலே, அச்சுதானந்தன் தலைமையில் ஒரு கோஷ்டியும், பினராய் விஜயன் தலைமையில் இன்னொரு கோஷ்டியும் செயல்பட்டு வருவது தெரிந்ததுதான்.  முதலில் அமெரிக்க குழுவினர், பினராய் விஜயன் மற்றும் அவர் ஆதரவு தலைவர்களை அழைத்து பேசினர். அமெரிக்க அதிகாரிகளிடம் அவர்கள் மனம்திறந்து பேசியுள்ளனர். முதல் கூட்டத்தின் போது அப்போதைய முதல்வர் அச்சுதானந்தன் கலந்து கொள்ளவில்லை. ஆனால், மறுமுறை தொடர்பு கொண்டபோது, அமெரிக்க அதிகாரிகளை சந்தித்து பேசினார் அச்சுதானந்தன்.

 அமெரிக்க தூதரக அதிகாரி ஒருவர் கூறுகையில், ‘அமெரிக்க முதலீடு வேண்டும். அது தான் மாநில வளர்ச்சிக்கு நல்லது என்று மார்க்சிஸ்ட் தலைவர்கள் கருத்து வேறுபாடின்றி கூறினர்’ என்றார். விஜயன் கூறுகையில், ‘பாலக்காடு பிளாச்சிமடா பகுதியில் நடந்து வந்த நீண்ட கால போராட்டத்துக்கு காரணம் உள்ளூர் சுற்றுச்சூழல் பிரச்னைதான்; கோகோ கோலா ஆலைக்கு எதிரானது  அல்ல’ என்று அமெரிக்க தூதரிடம் கூறியுள்ளார்.

‘நாங்கள் எங்கள் மாநில வளர்ச்சிக்கு எதிரான விஷயத்தில் போராட்டம் செய்வதில்லை’ என்று அப்போது விஜயன் மற்றும் பேபியுடன் அமெரிக்க அதிகாரிகளை சந்தித்த அப்போதைய நிதி அமைச்சர் தாமஸ் ஐசக் கூறியுள்ளார். இப்படி விக்கிலீக்ஸ் அம்பலப்படுத்தியதை தொடர்ந்து கேரள மார்க்சிஸ்ட் தலைவர்கள் சற்று டென்ஷன் ஆனாலும், உண்மையை ஒப்புக்கொண்டு, மழுப்பலான பதில் அளித்தனர்.

 ‘விஜயன் மற்றும் பேபியுடன் நான் அமெரிக்க அதிகாரிகளை சந்தித்தேன். வெளிநாட்டு முதலீட்டுக்கு நாங்கள் எதிரி போல பலரும் பார்க்கின்றனர்; அது உண்மை அல்ல. மாநிலத்தின் வளர்ச்சிக்கு நாங்கள் தடையாக இருக்க மாட்டோம்’ என்று ஐசக் கூறினார். மாநில திட்ட கமிஷன் உறுப்பினர் ஜான் கூறுகையில்,‘ மார்க்சிஸ்ட் இரட்டை வேடம் போடுகிறது என்பதற்கு இதை விட வேறு உதாரணம் தேவையா என்ன’ என்று கிண்டல் அடித்தார்.

பெரிய பிரச்னை அல்ல

மார்க்சிஸ்ட் கம்யூனிஸ்ட் தலைவர் பினராய் விஜயன் நேற்று அளித்த பேட்டியில், ‘‘நாட்டுக்கு நன்மை என்றால் வெளிநாட்டு முதலீட்டை பெறுவதில் தவறில்லை. அதற்காக எங்களின் வெளிநாட்டு முதலீட்டு கொள்கையை எந்த வகையிலும் சமரசம் செய்ய மாட்டோம். விக்கிலீக்ஸ் வெளியிட்டுள்ள தகவல் ஒன்றும் பெரிய விஷயமல்ல. எங்கள் கட்சியில் விவாதிக்கக் கூடிய அளவுக்கு கூட அது பெரிய பிரச்னை கிடையாது’’ என்றார்.

.கொழும்பு தூத்துக்குடி கப்பலில் தங்கம் கடத்திய பெண்

தூத்துக்குடிக்கு சென்ற கப்பலில் தங்கக் கட்டிகளை கடத்திச் சென்ற பெண் கைது!

இலங்கையிலிருந்து தூத்துக்குடிக்கு சென்ற கப்பலில் தங்கக் கட்டிகளை மறைத்துக் கொண்டு சென்ற பெண்ணொருவர் புலனாய்வுதுறை அதிகாரிகளால் கைது செய்யப்பட்டுள்ளார். இலங்கையில் இருந்து சென்ற மேற்படி பெண் ஆசனவாயிலில் தங்கக்கட்டிகளை மறைத்துக்கொண்டுச் சென்றுள்ளார்

புலனாய்வுத்துறை அதிகாரிகளுக்கு தகவல் கிடைத்ததையடுத்து, நேற்று காலை கொழும்பில் இருந்து தூத்துக்குடி துறைமுகம் வந்த பயணிகள் கப்பலில் மத்திய வருவாய் புலனாய்வு துறை அதிகாரிகள் சோதனையிட்ட பின்னரே இவர் கைது செய்யப்பட்டுள்ளார்.
இதில் ஒருவர் திருச்சி ஐயப்பன் நகரை சேர்ந்த சந்திரலிங்கம் மனைவி கோடீஸ்வரி என்பதும் அவருடன் வந்தவர் கொழும்பைச் சேர்ந்த செல்வநாயகம் மனைவி பார்வதம் என்பதும் தெரிய வந்துள்ளது. தீவிர சோதனையை மேற்கொண்டதையடுத்து கோடீஸ்வரி என்ற பெண் 7 தங்க கட்டிகளை மறைத்து வைத்திருந்தமை தெரிய வந்துள்ளது. தலா 116 கிராம் வீதம் மொத்தம் ஒரு கிலோ எடையுள்ள 276 கிராம் தங்க கட்டிகள் பறிமுதல் செய்யப்பட்டன இவர் கைது செய்யப்பட்டுள்ளார்.
நன்றி நெருப்பு 

சிவசங்கரனின் கோப்புகளை தயாநிதி தாமதப்படுத்தினார்

புதுடில்லி: ஏர்செல் நிறுவன அதிபர் சிவசங்கரனின் கோப்புகளை, தயாநிதி அமைச்சராக இருந்தபோது தாமதப்படுத்தினார் என, தயாநிதியின் உதவியாளராக இருந்த சஞ்சய் மூர்த்தி தெரிவித்துள்ளார். சி.பி.ஐ., விசாரணையின் போது சஞ்சய் குறிப்பிடுகையில், "ஏர்செல் நிறுவன அதிபர் சிவசங்கரன், டிஷ் நெட் உரிமைக்காக விண்ணப்பித்த போது, அவரது விண்ணப்பத்தை பரிசீலிக்காமல் தாமதப்படுத்தினார். அவரது உத்தரவின் பேரில், உதவியாளர் என்ற முறையில் நான் இதை செய்ய வேண்டியிருந்தது. தயாநிதி அமைச்சராக இருந்த காலகட்டத்தில், மேக்சிஸ் நிறுவன நிர்வாகிகளும், ஆஸ்ரோ நிறுவனத் தலைவரும் டில்லியில் அவரை அடிக்கடி சந்தித்துப் பேசினர்.

விசாரணைக்கு ஒத்துழைக்க "மேக்சிஸ்' நிறுவனத்திடம் சி.பி.ஐ., கோரிக்கை : தொலைத்தொடர்பு ஊழல் தொடர்பான விசாரணைக்கு ஒத்துழைக்கும்படி, மலேசியாவைச் சேர்ந்த மேக்சிஸ் நிறுவன அதிகாரிகளிடம் சி.பி.ஐ., கோரியுள்ளது. மத்திய தொலைத்தொடர்பு அமைச்சராக தயாநிதி இருந்தபோது, ஏர்செல் நிறுவன பங்குகளை மலேசியாவைச் சேர்ந்த மேக்சிஸ் நிறுவனத்துக்கு விற்கும்படி வற்புறுத்தியதாக, ஏர்செல் நிறுவன அதிபர் சிவசங்கரன் புகார் கூறியிருந்தார். 74 சதவீத ஏர்செல் பங்குகளை பெற்ற மேக்சிஸ் நிறுவனத்துக்கு, 14 லைசென்ஸ்களை தயாநிதி வழங்கியுள்ளதாக புகார் கூறப்படுகிறது. இதற்கு பிரதிபலனாக, மேக்சிஸ் நிறுவனம் - சன் குழுமம் இடையே நிதிப் பரிமாற்றம் நடந்துள்ளதாகக் கூறப்படுகிறது. சன் குழுமத்திற்கும், மேக்சிஸ் நிறுவனத்துக்கும் மலேசியாவில் உள்ள ஸ்டான்டர்டு சார்ட்டர்டு வங்கி மூலம் பணப் பரிவர்த்தனை நடைபெற்றுள்ளது. இது தொடர்பாக இந்த வங்கி நிர்வாகத்திடம் சி.பி.ஐ., விசாரணை நடத்தியது. அருண் ÷ஷாரி அமைச்சராக இருந்த காலகட்டத்தில் வழங்கப்பட்ட லைசென்ஸ்கள் குறித்து சி.பி.ஐ., ஏற்கனவே விசாரணை நடத்தி முடித்து விட்டது. தயாநிதி அமைச்சராக இருந்த கால கட்டத்தில் வழங்கப்பட்ட லைசென்ஸ்கள் குறித்து விசாரணை நடப்பதால், இந்த விசாரணைக்கு ஒத்துழைக்கும்படி மேக்சிஸ் நிறுவனத்திடம் சி.பி.ஐ., கோரியுள்ளது.

2002ல் ரூ.62 கோடி; 2010ல் ரூ.496 கோடி..காங்கிரஸ் கட்சியின் வருமானம்

காங்கிரஸ் கட்சியின் வருமானம் "கிடுகிடு' உயர்வு : 2002ல் ரூ.62 கோடி; 2010ல் ரூ.496 கோடி

சென்னை: அகில இந்திய காங்கிரஸ் கமிட்டியின் ஆண்டு வருமானம், 2002-03ல், 62 கோடியே, 55 லட்ச ரூபாயாக இருந்தது, மத்தியில் ஆட்சிக்கு வந்த பின், 496 கோடி ரூபாயாக உயர்ந்துள்ளது. நன்கொடை மற்றும் கூப்பன் விற்பனை மூலம், பெருமளவு வருவாயை ஆண்டுதோறும் ஈட்டி வந்துள்ளது. அகில இந்திய காங்கிரஸ் கமிட்டி தன் வரவு-செலவு கணக்குகளை, வருமான வரித் துறையிடம் ஆண்டுதோறும் தாக்கல் செய்து வருகிறது. அகில இந்திய காங்கிரஸ் கட்சியின், வருமான வரி கணக்கு எண் (பான் எண்) : அஅஆஊ16563ஓ.

இதில், ஊழலுக்கு எதிராக பேசி வரும் காங்கிரசின் வருவாய் ஆண்டுதோறும் அதிகரித்துள்ளது தெரியவந்துள்ளது. இக்கட்சி ஆண்டுக்கு ஒரு முறை, காங்கிரஸ் வாரம் என்ற பெயரில் ஒரு வாரத்துக்கு கூப்பன்களை விற்கிறது. 1,000 முதல் 10 ஆயிரம் ரூபாய் வரையிலான கூப்பன்களை, கட்சிக்காரர்கள் பணம் செலுத்தி வாங்க வேண்டும். "கொடி நாள்' என்ற பெயரில், ஆண்டு முழுவதும் தமிழக அரசு கொடிகளை விற்றாலும், அதற்கு கிடைப்பது, 8 முதல் 9 கோடி ரூபாய் தான். ஆனால், காங்கிரஸ், ஒரு வாரத்தில், 422 கோடி ரூபாய் அளவுக்கு கூப்பன் விற்றுள்ளது.

இதுதவிர, நன்கொடை என்ற பெயரில் வசூல் நடத்தப்படுகிறது. இந்த நன்கொடைக்காக, பெரிய பெரிய நிறுவனங்கள், தேர்தல் சீர்திருத்த அறக்கட்டளை என்ற பெயர்களில், கோடிக்கணக்கில் நன்கொடை அளித்துள்ளன. இதுதவிர, சிமென்ட் கம்பெனிகள், கட்டுமான நிறுவனங்கள், கல்வி அறக்கட்டளைகள் போன்றவை கோடிகளை நன்கொடைகளாக அளித்துள்ளன. ஒவ்வொரு ஆண்டும், இதுபோன்ற நிறுவனங்கள் கோடிகளை நன்கொடையாக காங்கிரசுக்கு கொடுத்து வந்துள்ளன.

ஆனால், கட்சியின் தலைவரான சோனியாவோ, தலா, 39 ஆயிரத்து, 534 ரூபாய் வீதம் இரண்டு காசோலைகள் கொடுத்துள்ளார். கட்சியின் மாநில முதல்வர்கள், மத்திய அமைச்சர்கள் போன்றோரும், 37 ஆயிரத்து, 500 ரூபாய் என்ற அளவில் தான் கொடுத்துள்ளனர். சில எம்.பி.,க்கள், ஒரு கோடி ரூபாயை கொடுத்து வந்துள்ளனர். சில எம்.பி.,க்கள், தங்களது பினாமி நிறுவனங்கள் மூலம் பணம் செலுத்தியுள்ளனர்.

குட்கான் மாவட்டத்தைச் சேர்ந்த காங்கிரஸ் எம்.எல்.ஏ., ராவ் தரம் பால், தலா ஐந்து லட்சம் ரூபாய் வீதம் தொடர்ச்சியாக எண் கொண்ட, 10 காசோலைகளை, அதாவது, 50 லட்சம் ரூபாயை நன்கொடையாக கொடுத்துள்ளார்.

ஜெம்ஸ் நிறுவன அமைப்பின் தலைவரான சன்னி வர்க்கி என்ற வெளிநாடு வாழ் இந்தியர், 1 கோடி ரூபாயை, 2008ல் கொடுத்துள்ளார். இவருக்கு, 2009ல், பத்மஸ்ரீ விருது வழங்கப்பட்டுள்ளது. எனவே, பத்மஸ்ரீ விருது பெறக் கூட, கோடிக்கணக்கில் நன்கொடை கொடுத்து பெற வேண்டிய நிலை உள்ளது.

சென்னை திருவல்லிக்கேணி, பெரிய வீதியில் பிரபாகர் என்ற பெயரில், 49 லட்சத்து, 50 ஆயிரம் பெறப்பட்டதாக, கணக்கில் குறிப்பிடப்பட்டுள்ளது. ஆனால், அந்த விலாசத்தில், மேன்ஷன் ஒன்று உள்ளது. இதேபோல, ரசூல் டீ எஸ்டேட் பெயரில், 25 லட்ச ரூபாய் கொடுக்கப்பட்டுள்ளது. ஆனால், அந்நிறுவனத்தின் வருமானவரி கணக்கில், நன்கொடை ஏதும் கொடுக்கப்படவில்லை என குறிப்பிடப்பட்டுள்ளது. இதுபோல நன்கொடை செலுத்துபவர்கள் தங்களது, "பான் எண்' குறிப்பிட வேண்டுமென விதி உள்ளது. ஆனால், பலரும் வருமான வரி கணக்கு எண்களை குறிப்பிடாமல், நன்கொடை அளித்துள்ளனர்.

கடந்த, 2002-03ல், காங்கிரசின் வருமானம், 69 கோடியே, 55 லட்சத்து, 69 ஆயிரத்து, 532 ரூபாயாக இருந்தது. இதில், நன்கொடையாக, 7 கோடியே, 46 லட்சத்து, 34 ஆயிரத்து, 859 ரூபாய் பெறப்பட்டுள்ளது. கூப்பன் விற்பனை மூலம், 54 கோடியே, 49 லட்சத்து, 65 ஆயிரத்து, 765 ரூபாய் வசூல் செய்துள்ளது.

அதே தொகை, 2004ல், காங்கிரஸ் ஆட்சிக்கு வந்த பின், மொத்த வருமானம், 153 கோடியே, 3 லட்சத்து, 82 ஆயிரத்து, 669 ரூபாயாக உயர்ந்தது. இதில், 8 கோடியே, 85 லட்சத்து, 66 ஆயிரம் ரூபாய் நன்கொடை மூலமும், 46 கோடியே, 9 லட்சத்து, 91 ஆயிரத்து, 844 ரூபாய், கூப்பன் விற்பனை மூலமும் பெறப்பட்டுள்ளது. தொடர்ந்து ஆட்சியில் இருந்த காங்கிரஸ், 2009-10ல், மொத்த வருமானமாக, 496 கோடியே, 87 லட்சத்து, 62 ஆயிரத்து, 59 ரூபாய் வசூலித்துள்ளது. இதில், நன்கொடை மூலம், 47 கோடியே, 91 லட்சத்து, 97 ஆயிரம் ரூபாய் வசூலித்துள்ளது.

கூப்பன் விற்பனை மூலம், 422 கோடியே, 67 லட்சத்து, 45 ஆயிரம் ரூபாய் பெற்றுள்ளது. 2002ல், வெறும், 54 கோடியாக இருந்த கூப்பன் விற்பனை, 2009ல், 422 கோடியாக உயர்ந்துள்ளது குறிப்பிடத்தக்கது.

அதேபோல, 2010-11ம் ஆண்டில், 467 கோடியே, 57 லட்சத்து, 88 ஆயிரம் ரூபாய் வருமானம் பெற்றுள்ளது. இதில், நன்கொடை மூலம், 95 கோடியே, 90 லட்சத்து, 91 ஆயிரம் ரூபாய் பெற்றுள்ளது. அதாவது, ஆட்சிக்கு வருவதற்கு முன், 2003ல், வெறும், 8 கோடியே, 85 லட்ச ரூபாயாக கிடைத்த நன்கொடை, கடந்தாண்டு, 95 கோடியே, 90 லட்சத்து, 91 ஆயிரம் ரூபாயாக உயர்ந்துள்ளது. இவற்றில் இருந்தே, காங்கிரசின் ஊழல் ஒழிப்பு கொள்கையை புரிந்து கொள்ள முடியும்

Sunday Leader பத்திரிகையிடம் 50 மில்லியன் நட்டஈடு கோருகிறார் யாழ் சட்டத்தரணி !

கடந்த ஞாயிறு 14.8.2011 திகதிய ‘சண்டே லீடர்’ பத்திரிகையில் ‘மேதகு ஜனாதிபதி மகிந்த ராஜபக்ச அவர்களுக்கு மரியாதையுடன் கூறும் ஆலோசனைகள்’ என்ற தலைப்பில் தன்னுடைய கௌரவத்திற்கும், நற்பெயருக்கும் தீங்கு விளைவிக்கும் நோக்குடன் எந்தவித அடிப்படை உண்மைகளுமற்ற அவதூறுகளை உள்ளடக்கிய ரட்ணஜீவன் கூல் என்பவருடைய கட்டுரையொன்றை பிரசுரித்தமைக்கு மானநட்ட ஈடாகவே மேற்படி 50 மில்லியன் ரூபாவை ‘சண்டே லீடர்’ பத்திரிகை ஆசிரியரிடமும் அதன் வெளியீட்டாளர்களிடமும்  சட்டத்தரணி ரெங்கன் கோரியுள்ளார். இதுபற்றி சட்டத்தரணி ரெங்கன் கருத்துத் தெரிவிக்கையில், லண்டனிலுள்ள தாரின் கொன்ரஸ்ரைன் என்னும் வியாபாரி ஒருவர் தெரிவித்ததாக எனக்கு எதிராக ஆதாரமற்ற அவதூறுகளை பேராசிரியர் கூல் தனது கட்டுரையில் எழுதியுள்ளார். எனது நற்பெயருக்கு களங்கம் ஏற்படுத்தும் இந்த அவதூறுப் பிரச்சாரத்தில் ஈடுபட்ட பேராசிரியர் கூலுக்கும், வியாபாரி கொன்ஸ்;ரன்ரைன் ஆசிரியர்களுள் ஒருவராகவுள்ள லண்டன் இணையத்தளப் பத்திரிகை ஆசிரியர் குழுவிற்கும் சட்ட நடவடிக்கைக்கு முன்னரான அறிவித்தல்கள் அனுப்பிவைக்கப்பட்டுள்ளது. ஒரு வார காலத்திற்குள் அவர்கள் எனது கோரிக்கைக்கு இணங்காவிடில் அவர்களுக்கு எதிராகவும் மான நஸ்ட வழக்கு தொடரப்படும் எனத் தெரிவித்தார்.

நல்லூரில் காதலியை கொலை செய்ய முயன்ற Ex காதலர்

 நல்லூர் ஆலயச் சூழலில் இளம் பெண் ஒருவரைக் கத்தியால் குத்தி கொலை செய்ய முயற்சி செய்தவரை யாழ். பொலிஸார் கைது செய்துள்ளனர்.

நல்லூர் ஆலயத் திருவிழாவிற்கு நேற்றிரவு சென்றிருந்த இளம்பெண்ணை நீர்கொழும்பைச் சேர்ந்த இளைஞர் ஒருவர் கத்தியால் குத்தி கொலைசெய்ய முற்பட்டுள்ளார்.

அச்சமயம் சம்பவ இடத்திற்கு சென்ற பொலிஸார் கொலை முயற்சியைத் தடுத்து நிறுத்தியதுடன் குறித்த இளைஞனை கைது செய்துள்ளனர்.

குறித்த யுவதி காயங்களுக்குள்ளான நிலையில் பொலிஸாரினால் மீட்கப்பட்டு சிகிச்சைக்காக யாழ். போதனா வைத்தியசாலையில் அனுமதிக்கப்பட்டுள்ளார்.

நீர்கொழும்பைச் சேர்ந்த இளைஞரும் யாழ்ப்பாணத்தைச் சேர்ந்த யுவதியும் கடந்த 6 மாதங்களாக காதலித்து வந்ததாகவும், யுவதி திடீரென அந்த இளைஞரை கைவிட்டு வேறு ஒருவருடன் காதல் தொடர்பை மேற்கொண்டதையடுத்தே ஆத்திரமடைந்த குறித்த நீர்கொழும்பு இளைஞர் அவரைக் கொலைசெய்ய முற்பட்டுள்ளார் எனத் தெரிவிக்கப்படுகின்றது.

இதேவேளை, கைது செய்யப்பட்ட இளைஞர் மீது கொலை முயற்சிக்கான வழக்குப் பதிவுசெய்வதற்கு நடவடிக்கை எடுத்துள்ளதாக யாழ்.பொலிஸார் தெரிவித்துள்ளனர்.

மாகாணசபைகளின் காணி அதிகாரம் குறித்த நீதிமன்றத் தீர்ப்பு

இலங்கையில் மாகாணசபைகளுக்கு காணி மற்றும் பொலிஸ் அதிகாரங்கள் வழங்கப்பட வேண்டும் என்ற கோரிக்கைகள் அதிகரித்து வரும் நிலையில், தென் மாகாணசபைக்குட்பட்ட பிரதேசத்தில், மாகாண சபையின் காணி அதிகாரம் சம்பந்தமாக முக்கியமான தீர்பபொன்றை, மேன்முறையீட்டு நீதிமன்றம் அண்மையில் வழங்கியுள்ளது.
தென் மாகாணத்திலுள்ள ‘பொரவகம’ கிராம அலுவலர் பிரிவைச் சேர்ந்த ஹெச்.ஹெச். அலிஸ் நோனா என்பவரின் காணி வழக்கொன்று தென் மாகாண மேல் நீதிமன்றில் நடைபெற்ற பொழுது, அந்த விடயம் சம்பந்தமாக தீர்ப்பு வழங்கும் அதிகாரம் தனக்கு இல்லையென மேல் நீதிமன்ற நீதிபதி தீர்ப்பு வழங்கியிருந்தார்.
அந்தத் தீர்ப்பை எதிர்த்து, மனுதாரர் மேன்முறையீட்டு நீதிமன்றத்துக்கு முறைப்பாடு செய்திருந்தார்.
அது சம்பந்தமாக மேன்முறையீட்டு நீதிபதி வழங்கிய தீர்ப்பில், காணி உரிமைப் பிரச்சினைகள் சம்பந்தமாக தீர்ப்பு வழங்கும் அதிகாரம் மாகாண மேல்நீதி மன்றுக்கு உண்டு எனத் தீர்ப்பளித்துள்ளார்.
இந்தத் தீர்ப்பு, மாகாணசபைகளின் காணி அதிகாரம் பற்றிய விடயத்தில் ஒரு முக்கியமான திருப்புமுனையாக விளங்குகிறதென சட்ட வல்லுனர்கள் சுட்டிக் காட்டியுள்ளனர்.

அழகிரி: பொய் வழக்குகளில் கைது செய்து வருவது மட்டுமே,, அரசின் 100 நாள் சாதனை

கடலூர்: தி.மு.க., வினரை பொய் வழக்குகளில் கைது செய்து வருவது மட்டுமே, அ.தி.மு.க., அரசின் 100 நாள் சாதனையாக உள்ளது, என மத்திய அமைச்சர் அழகிரி கூறினார்.

நில அபகரிப்பு வழக்கில் கைதாகி, கடலூர் மத்திய சிறையில் உள்ள முன்னாள் அமைச்சர் நேரு, முன்னாள் எம்.எல்.ஏ., அன்பில் பெரியசாமி உள்ளிட்டோரைச் சந்திக்க, மத்திய அமைச்சர்கள் அழகிரி, நெப்போலியன், மதுரை துணை மேயர் மன்னன் ஆகியோர், நேற்று காலை, கடலூர் மத்திய சிறைக்கு வந்தனர்.சிறை விதிப்படி, திங்கள், புதன், வெள்ளி ஆகிய நாட்களில் மட்டுமே, விசாரணைக் கைதிகளை பார்வையாளர்கள் சந்திக்க முடியும் என்பதால், முன்னாள் அமைச்சர் நேரு உள்ளிட்டோரை சந்திக்க, மத்திய அமைச்சர்களுக்கு அனுமதி மறுக்கப்பட்டது.இதையடுத்து, மதுரை நில அபகரிப்பு வழக்கில், குண்டர் தடுப்புச் சட்டத்தில், கடலூர் மத்திய சிறையில் அடைக்கப்பட்டுள்ள மதுரை மாநகர மூன்றாம் பகுதிச் செயலர் ஒச்சு பாலுவை சந்தித்துப் பேசினர்.

சிறையிலிருந்து வெளியே வந்த மத்திய அமைச்சர் அழகிரி, நிருபர்களிடம் கூறியதாவது :
தி.மு.க., வினரை பொய் வழக்குகளில் கைது செய்து வருவது மட்டுமே, அ.தி.மு.க., அரசின் 100 நாள் சாதனையாக உள்ளது. இதே நிலை தொடர்ந்தால், 150 நாள் சாதனையும் இதுதான். உள்ளாட்சித் தேர்தலைக் கருத்தில் கொண்டே, நில மோசடி உள்ளிட்ட பொய் வழக்குகளில், தி.மு.க.,வினர் தொடர்ந்து கைது செய்யப்பட்டு வருகின்றனர்.

இதை, நாங்கள் சட்டப்படி சந்தித்து வருகிறோம். மீண்டும் நாங்கள் ஆட்சிக்கு வந்தால், நான் ஏற்கனவே கூறியது நடக்கும்.ராஜிவ் கொலை வழக்கில், பேரறிவாளன் உட்பட மூவருக்கு விதிக்கப்பட்ட தூக்குத் தண்டனையை ரத்து செய்ய வலியுறுத்தி, தி.மு.க., எம்.பி.,க்கள் பதவியை ராஜினாமா செய்வீர்களா என்ற கேள்வி குறித்து, கட்சித் தலைமை எடுக்கும் முடிவுக்கு கட்டுப்படுவோம்.இவ்வாறு, அவர் கூறினார்.

.50 லட்சம் லஞ்சம் வாங்கிய வருமான வரி கூடுதல் கமிஷனர் கைது

சென்னையில் சிபிஐ அதிரடி ரூ.50 லட்சம் லஞ்சம் வாங்கிய வருமான வரி கூடுதல் கமிஷனர் கைது

சென்னை : ரூ.116 கோடி வரி ஏய்ப்பு புகாரில் இருந்து விடுவிக்க,ரூ.50 லட்சம் லஞ்சம் வாங்கிய வருமான வரித்துறை கூடுதல் கமிஷனர், கல்வி நிறுவன அதிபர், ஹவாலா மன்னன் ஆகியோர் சென்னையில் கைது செய்யப்பட்டனர். இதுதொடர்பாக சென்னை உட்பட 5 நகரங்களில் 11 இடங்களில் சிபிஐ அதிகாரிகள் அதிரடி சோதனை நடத்தினர்.
சென்னையில் Ôஎவரான் எஜூகேஷனல்Õ என்ற கல்வி நிறுவனம் இயங்கி வருகிறது. இந்த நிறுவனம் கல்வி தொடர்பாக பல குறிப்பேடுகளை வெளியிட்டுள்ளது.
பள்ளிகள், கல்லூரிகளுக்கும் சப்ளை செய்து வருகிறது. மேலும் வெளிநாட்டில் இருந்து நிதிகளை பெற்று, பல்வேறு நலத் திட்ட உதவிகளையும் செய்து வருவதாக கூறப்படுகிறது. இந்த நிறுவனம் பல கோடி ரூபாய் வரி ஏய்ப்பு செய்வதாக வருமான வரித்துறை அதிகாரிகளுக்கு தகவல் கிடைத்தது. அதைத் தொடர்ந்து, அதிகாரிகள் அந்த நிறுவனங்களின் அலுவலகங்களில் அதிரடிச் சோதனை நடத்தினர். அதில் ரூ.116 கோடிக்கு வரி ஏய்ப்பு செய்திருப்பது தெரியவந்தது.
இதுகுறித்து விசாரணை நடத்தி வந்தனர். இந்த நிறுவனம் பல கோடி ரூபாய் வருவாய் ஈட்டி வருவதால், ஐஏஎஸ் அதிகாரிகள் 2 பேர் அந்த நிறுவனத்தில் பணியாற்றி வருகின்றனர். இந்த நிறுவனத்தின் மீதான வரி ஏய்ப்பை ரத்து செய்ய வேண்டும் என்று வருமான வரித்துறையின் சிறப்பு கூடுதல் ஆணையர் அண்டாசு ரவீந்தர் (45) என்பவரை எவரான் நிறுவனத்தின் அதிபர் கிஷோர்குமார் அனுகியுள்ளார்.
அதற்கு அவர் ரூ.116 கோடி வரி ஏய்ப்புக்கு ரூ.40 கோடி அபராதம் விதிக்க வேண்டும். அவ்வாறு விதிக்காமல் இருக்க வேண்டும் என்றால் ரூ.5 கோடி லஞ்சம் வேண்டும் என்று கேட்டுள்ளார். 10 நாட்களுக்கும் மேலாக பேச்சுவார்த்தை நடந்துள்ளது. இந்த பேச்சு வார்த்தையின் முடிவில்,
ரூ.50 லட்சம் கொடுக்க முடிவு செய்யப்பட்டது. அந்தப் பணத்தை, அவரது வீட்டில் கொடுக்க வேண்டும் என்பதும் முடிவு செய்யப்பட்டது.

அண்டாசு ரவீந்தரின் வீடு, நுங்கம்பாக்கம் ஆயக்கர் பவன் பின்புறம் வருமான வரித்துறை அதிகாரிகளின் குடியிருப்பு வளாகத்தில் உள்ளது. இவரது வீட்டில் பணப் பரிமாற்றம் நடப்பது குறித்து சிபிஐக்கு தகவல் கிடைத்தது. ஐஜி அருணாச்சலம், டிஐஜி முருகன் ஆகியோர் தலைமையில் தனிப்படை அதிகாரிகள், அலுவலகம் மற்றும் அவரது வீட்டின் அருகே நேற்று முன்தினம் இரவு காத்திருந்தனர்.
சரியாக இரவு 8.45 மணிக்கு ஒரு கார் வந்தது. அந்த காரில் இருந்து இறங்கிய ஒருவர், மின் விசிறி படம் பொறித்த பெட்டியை தூக்கிக் கொண்டு அண்டாசு ரவீந்தர் வீட்டுக்குச் சென்றார். அங்கு அவரது மனைவிதான் இருந்தார். அவரிடம் கொடுத்ததும், வாங்கி வீட்டில் வைத்துக் கொண்டார். வழக்கமாக வருமான வரித்துறை அதிகாரிகள் பெரிய அளவில் லஞ்சம் வாங்கினால், உடனடியாக ஹவாலா ஏஜென்ட் மூலம் அதை இடமாற்றி விடுவார்கள்.

சிறிது நேரத்தில், சவுகார்பேட்டையைச் சேர்ந்த ஹவாலா ஏஜென்ட் உத்தம்சந்த் சிங் வந்தார். அவர் பெட்டியை வாங்கிக் கொண்டு புறப்படத் தயாராக இருந்தார். அப்போது சிபிஐ அதிகாரிகள் அதிரடியாக புகுந்தனர். அட்டைப் பெட்டியை பிரிக்க முயன்றபோது, அதில் மின் விசிறி இருப்பதாக தெரிவித்தனர். ஆனாலும் சிபிஐ அதிகாரிகள் அதை பிரித்துப் பார்த்தபோது எல்லாம் ஆயிரம் ரூபாய் கட்டுகளாக இருந்தது. ரூ.50 லட்சம் இருந்தது.
அதைத்தொடர்ந்து, வீட்டில் நடத்திய சோதனையில் ரூ.10 லட்சம் பணம்,  500 கிராம் தங்க நகைகள் இருந்தன. அவற்றையும் பறிமுதல் செய்தனர். அதைத் தொடர்ந்து நேற்று காலையில் ரவீந்தருக்குச் சொந்தமான வங்கி லாக்கரைத் திறந்து பார்த்தபோது 1 கிலோ 800 கிராம் தங்கம், வைர நகைகள் இருந்தன.

சவுகார்பேட்டையில் உள்ள உத்தம்சந்த் வீட்டில் நடத்திய சோதனையில்
ரூ.48 லட்சம் ரொக்கப் பணம் கண்டுபிடிக்கபட்டது. அதையும் அதிகாரிகள் பறிமுதல் செய்தனர். மேலும், ரவீந்தருக்கு சொந்தமான ஐதராபாத்தில் உள்ள 2 வீடுகள், உத்தம்சந்தின்  சகோதரிகள் வசிக்கும் 2 வீடுகள், பெங்களூர், விசாகப்பட்டினம் ஆகிய இடங்களில் உள்ள வீடுகள், சென்னையில் அதிகாரியின் வீடு, அலுவலகம் மற்றும் பணம் கொடுத்த எவரான் நிறுவன அலுவலகம் உட்பட 5 இடங்களில் சோதனை நடந்தது. அதைத் தொடர்ந்து, கைது செய்ய செய்யப்பட்ட அண்டாசு ரவீந்தர், எவரான் நிறுவன உரிமையாளர் கிஷோர்குமார், ஹவாலா புரோக்கர் உத்தம்சந்த் சிங் ஆகிய 3 பேரும், சிபிஐ சிறப்பு நீதிமன்றத்தில் ஆஜர்படுத்தப்பட்டு புழல் சிறையில் அடைக்கப்பட்டனர்.

52 பாட்டில் பாரின் சரக்கு
அண்டாசு ரவீந்தரின் வீட்டில் சோதனை நடத்தியபோது, 52 வெளிநாட்டு மது பாட்டில்கள் பறிமுதல் செய்யப்பட்டன. அதில் 30 பாட்டில் சரக்கை காலி செய்திருந்தார். 22 பாட்டில்கள் மீதம் இருந்தன. அவற்றை பறிமுதல் செய்த சிபிஐ அதிகாரிகள்,  நுங்கம்பாக்கம் போலீசில் ஒப்படைத்தனர். அவர் மீது வெளிநாட்டு மது பாட்டில்கள் வைத்திருந்ததாக தனியாக வழக்குப்பதிவு செய்யப்பட்டுள்ளது.
கைநிறைய
சம்பளம்

எவரான் நிறுவனத்தில் தமிழகத்தைச் சேர்ந்த ஐஏஎஸ் அதிகாரிகள் விவேக் ஹரி நாராயணன், விக்ரம் ஆகியோர் பணியாற்றி வருகின்றனர். இவர்கள் அரசு பணி ஒய்வு பெறுவதற்கு முன்னரே, விருப்ப ஓய்வில் சென்றனர். அதன்பின், எவரான் நிறுவனத்தில் பணியாற்றி வருகின்றனர். அவர்களுக்கு ஆண்டுக்கு தலா ஸி 50 லட்சம் சம்பளம்.

யாரந்த உத்தம்சந்த்?
வருமான வரித்துறை அலுவலகத்திற்கு அடிக்கடி பல ஹவாலா கும்பல்கள் வரும். வருமான வரித்துறை அதிகாரிகளில் சிலர், இந்த கும்பலுடன் நெருங்கிய தொடர்பு வைத்துள்ளனர். அவர்களில் ஒருவர்தான் உத்தம்சந்த் சிங். இவர், ஒரு உயர் அதிகாரியின் வீட்டில் இருந்து வெளியில் வந்தால், அவர் பணத்துடன் செல்வதாக அர்த்தம். லஞ்சம் கொடுத்த ஒரு மணி நேரத்தில், ஹவாலா பணம் வெளிநாடுகளில் முதலீடு செய்யப்பட்டு விடும். இதனால் உத்தம்சந்த் சிங்கிடம் விசாரணை நடத்த போலீசார் முடிவு செய்துள்ளனர்.

அந்த டீலிங்கே வேற...
இவருக்கும் ஆடிட்டர் ஒருவருக்கும் நெருங்கிய நட்பு உண்டு. அந்த ஆடிட்டர் சினிமாவில் உள்ள பலரையும் தெரிந்து வைத்திருப்பார். பல நடிகைகளுக்கும் அவர்தான் ஆடிட்டர். அவர் மூலமே கம்பெனிக்காரர்களும் இவரை அனுகுவார்கள். அவர்தான் பேரம் பேசி முடிப்பார். அடிக்கடி இந்த அதிகாரி பெங்களூர், மும்பைக்குச் செல்வார். அங்கு நடந்த டீலிங் வேறு என்கின்றனர். அந்த விவகாரங்களை சிபிஐ விசாரித்து வருகிறது. ஹவாலா புரோக்கரின் 2 தங்கைகள் பெங்களூரில் உள்ளனர். இருவருக்கும் ரவீந்தர் சொந்த வீடு வாங்கிக் கொடுத்துள்ளார்.

ஓய்வெடுக்க அமெரிக்கா
அண்டாசு ரவீந்திரா, ஆந்திரா மாநிலத்தைச் சேர்ந்தவர். 1991ம் ஆண்டு ஐஆர்எஸ் பணியில் சேர்ந்தார். கடந்த 6 ஆண்டுகளுக்கு முன் சென்னைக்கு வந்தார். இவர், சென்னை வருமான வரித்துறையில் கம்பெனிகள் பிரிவில் கூடுதல் ஆணையராக உள்ளார். இவர், பல ஆண்டுகளாக இதுபோல லஞ்சம் வாங்கியுள்ளார். சில நாட்களுக்கு முன் இவர், குடும்பத்துடன் அமெரிக்கா சென்று ஒரு மாதம் ஓய்வெடுத்துள்ளார்.

மங்காத்தா. அஜீத் இந்த ஆட்டத்தில் வென்றிருக்கிறார். வெங்கட் பிரபு

அஜீத், த்ரிஷா, அர்ஜுன், அஞ்சலி, லட்சுமி ராய், ஜெயப்பிரகாஷ், பிரேம்ஜி
ஒளிப்பதிவு: சக்தி சரவணன்
இசை: யுவன் சங்கர் ராஜா
இயக்கம்: வெங்கட் பிரபு
தயாரிப்பு: க்ளவுட் நைன் மூவீஸ்

பிஆர்ஓ: விகே சுந்தர் - சுரேஷ் சந்திரா

பெரும் எதிர்ப்பார்ப்புக்கிடையே வந்துள்ள அஜீத்தின் பொன்விழாப் படம் மங்காத்தா. அஜீத்துக்காக இந்த ஆட்டத்தில் வென்றிருக்கிறார் இயக்குநர் வெங்கட் பிரபு என்பதுதான் சரியாக இருக்கும். உள்ளூர் சமாச்சாரத்தை கொஞ்சம் ஹாலிவுட் சாயத்தில் முக்கியெடுத்திருக்கிறார். களைகட்டுகிறது ஆட்டம்!
இந்தியாவின் நிஜ சூதாட்டமான ஐபிஎல் கிரிக்கெட்டில், பெட்டிங் பணமாக கட்டப்படும் ரூ 500 கோடியை அப்படியே தனதாக்கிக் கொள்ள திட்டமிடுகிறார் ஜெயப்பிரகாஷ். இவர்தான் கிரிக்கெட் சூதாட்டத்தின் முக்கியப் புள்ளி.

இந்தப்பணத்தை அவரிடமிருந்து பறிக்கத் திட்டமிடுகின்றனர், ஜெயப்பிரகாஷிடம் வேலைப் பார்க்கும் வைபவ் உள்ளிட்ட நால்வர் கோஷ்டி. இன்னொரு பக்கம், இந்த சூதாட்டத் தொகை பற்றி கேள்விப்படும் போலீஸ் உஷாராகி, அர்ஜுன் தலைமையில் ஒரு போலீஸ் படையை மும்பையில் களமிறக்குகிறது. விஷயம் புரிந்து உஷாராகிறது வைபவ் கோஷ்டி. அப்போதுதான் இந்த நால் அணியை மோப்பம் பிடித்து, அவர்கள் மூலமே விஷயத்தைக் கறந்துவிடுகிறார் அஜீத். சஸ்பென்ட் செய்யப்பட்ட போலீஸ் அதிகாரி இவர்.
இப்போது இவரும் அந்த ரூ 500 கோடியை தானே திட்டமிட்டுக் கொள்ளையடிக்கிறார் அஜீத். அந்தப் பணத்துக்காக அஜீத், ஜெயப்பிரகாஷ், போலீஸ் அதிகாரி அர்ஜூன் மற்றும் அஜீத்தின் உடனிருக்கும் நால்வரும் பெரும் சேஸிங்கை நடத்துகின்றனர். இதில் யார் ஜெயிக்கிறார்கள் என்பதுதான் மங்காத்தா ஆட்டத்தின் க்ளைமாக்ஸ்.
தனது 50 வது படத்தை முன்னணி கலைஞர்களுடன் இணைந்து பங்குபோட்டுக் கொண்ட அஜீத்தின் பக்குவத்தைப் பாராட்டத்தான் வேண்டும்.

கிட்டத்தட்ட சரிபாதி வெளுத்த நரை, ஐந்தாறு நாள் தாடி, அசத்தலான கறுப்புக் கண்ணாடி கெட்டப்பில் மனதை அள்ளுகிறார் அஜீத். இதற்கு முன் முன்னெப்போதும் பார்த்திராத ஒரு அசத்தல் தோற்றம் இந்தப் படத்தில். எதிர்மறை நாயகன் வேடம் என்றாலே பலவித நடிப்பையும் பரீட்சித்துப் பார்க்கும் ஒரு சுதந்திரமும் தைரியமும் வந்துவிடுகிறது போலும். நடிப்பில் ரசிகர்களுக்கு நல்ல விருந்தே படைத்துவிடுகிறார் அஜீத். சண்டை, நடனம், ரொமான்ஸ் என கிடைத்த இடைவெளிகளிலெல்லாம் பவுண்டரி, சிக்ஸர் என வெளுத்திருக்கிறார் அஜீத்.

பல ஆண்டுகளுக்கு தனது 50வது படம் இது என தைரியமாக அவர் சொல்லிக் கொள்ளலாம்.
அஜீத்துக்கு இணையான வேடத்தில் ஆக்ஷன் கிங்காக ஜொலிப்பவர் அர்ஜூன். நடிக்க வந்து இத்தனை ஆண்டுகள் கழித்தும் சண்டைக் காட்சிகள், சேஸிங்குகளில் அர்ஜுன் காட்டும் வேகம் அசாத்தியமானது. ஆங்கிலத்தில் Show stealer என்பார்களே, அது சாட்சாத் அர்ஜூன்தான்!

ஹீரோயின் த்ரிஷாவுக்கு பெரிய ரோல் இல்லைதான். ஆனால் கிடைத்த வாய்ப்பை அழகாகப் பயன்படுத்தி மனதை கவர்கிறார். குறிப்பாக, ரொம்ப அழகாக இருக்கிறார், இதற்கு முந்தைய படங்களில் பார்த்ததை விட!
பிரேம்ஜி வழக்கம்போல. ஆனால் கடி கொஞ்சம் ஓவர். கத்தரி போட்டிருக்கலாம் சில காட்சிகளுக்கு. அஞ்சலியை வீணடித்திருக்கிறார்கள்.

மங்காத்தா பாடலில் லட்சுமிராய் அசத்தல். ஆண்ட்ரியா, வைபவ், ஜெயப்பிரகாஷ் என அனைவரிடமிருந்தும் ஒரு ஆக்ஷன் படத்துக்குத் தேவையானதை பெற்றுக் கொண்டுள்ளார் இயக்குநர்.

மைனஸ் என்று பார்த்தால் படத்தில் வரும் கெட்ட வார்த்தைகள். சென்ஸார் ஊமையாக்கிய பகுதிகளில் இடம்பெறும் வசனங்களை பாத்திரங்களின் வாயசைவை வைத்தே ரசிகர்கள் கண்டுபிடித்து கத்துகிறார்கள். இதை பெண்களால் ரசிக்க முடியுமா (வெளிப்படையாக!) என்பதை யோசித்திருக்க வேண்டும்.
ஆரம்ப காட்சிகள் கொஞ்சம் இழுவைதான். பாத்திரங்களை அறிமுகப்படுத்தவே அரைமணிநேரத்துக்கும் மேல் இயக்குநர் எடுத்துக் கொண்டது சலிப்பை தருகிறது. அஜீத், அர்ஜூன் நன்றாக சண்டை போடுவார்கள் என்பதற்காக எவ்வளவு நேரம்தான் அதையே பார்த்துக் கொண்டிருப்பது என்ற கேள்வி எழுவதை தவிர்க்க முடியவில்லை.

டெக்னிக்கலாகப் பார்த்தால், இந்தப் படம் சின்ன பட்ஜெட்டில் ஹாலிவுட் ஸ்டைலில் எடுக்கப்பட்ட படம் எனலாம். ஒளிப்பதிவில் ஜாலம் காட்டியிருக்கிறார் சக்தி சரவணன்.
யுவன் சங்கர் ராஜாவை இன்னொரு ஹீரோ எனலாம். பாடல்கள் எல்லாமே அட்டகாசம். ரசிகர்கள் ஆடித் தீர்க்கிறார்கள் அரங்கில். பின்னணி இசையும் விறுவிறுப்பு கூட்டுகிறது படத்துக்கு.

இந்தப் படத்தின் விளம்பரங்களில் எ வெங்கட் பிரபு கேம் என விளம்பரப்படுத்துகிறார்கள். அது உண்மைதான். அஜீத்துக்காக வெங்கட் ஆடிய இந்த ஆட்டத்தில் 'தல' டாப் கியரில் எகியிருக்கிறார்!

பொன்முடி கைது- ஆயிரக்கணக்கான திமுகவினர் ஆர்ப்பாட்டம்

விழுப்புரத்தில் உள்ள முன்னாள் அமைச்சர் பொன்முடி வீட்டில் இன்று காலை அதிரடி சோதனை நடத்திய போலீஸார் அவரைப் பின்னர் கைது செய்து திண்டிவனம் கொண்டு சென்றனர்.
இந்தக் கைதை எதிர்த்து ஆயிரக்கணக்கான திமுகவினர் பொன்முடி வீட்டில் குவிந்து போராட்டத்தில் ஈடுபட்டதால் பெரும் பரபரப்பு ஏற்பட்டது.
கடந்த திமுக அமைச்சரவையில் உயர் கல்வித்துறை அமைச்சராக இருந்தவர் பொன்முடி. விழுப்புரத்தில் அவரது வீடு உள்ளது. இன்று காலை திடீரென அங்கு வந்த போலீஸார் வீட்டுக்குள் சென்று சோதனை நடத்தினர். எதற்காக இந்த சோதனை என்று முதலில் தெரியவில்லை. இந்த திடீர் சோதனையால் விழுப்புரத்தில் பரபரப்பு ஏற்பட்டது.
மேலும் ஆயிரக்கணக்கில் திமுகவினர் பொன்முடி வீட்டின் முன்பு திரண்டனர். பொன்முடி கைது செய்யப்படுவதாக தகவல் பரவியதால் அவர்கள் குவிந்தனர். வீட்டின் முன்பு கூடியிருந்த போலீஸாரை முற்றுகையிட்டுப் போராட்டத்தில் குதித்தனர். வாரண்ட் இல்லாமல் பொன்முடியைக் கைது செய்ய போலீஸார் வந்திருப்பதாக கூறி அவர்களுடன் வாதிட்டனர்.
பொன்முடியின் வக்கீல்கள், போலீஸாரிடம் எதற்காக கைது நடவடிக்கை என்று கேட்டு நீண்ட நேரம் வாதாடினர். இறுதியல் பொன்முடியை போலீஸார் கைது செய்து வெளியே கொண்டு வேனில் ஏற்றினர்.
இதையடுத்து திமுகவினர் வேனை முற்றுகையிட்டு நகர விடாமல் தடுத்து நிறுத்தினர். இதனால் பெரும் பதட்டம் ஏற்பட்டது. இறுதியில் திமுகவினரை அப்புறப்படுத்தி விட்டு போலீஸார் வேனை கிளப்பிச் சென்றனர்.
ஏன் கைது?
விழுப்புரத்தில் அரசு ஊழியர் கூட்டுறவுச் சங்கத்திற்குச் சொந்தமான தந்தை பெரியார் நகர் என்ற இடம் உள்ளது. அங்குள்ள நிலத்தின் ஒரு பகுதியை கடந்த 2007ம் ஆண்டு பொன்முடி விலைக்கு வாங்கியதாக கூறப்படுகிறது. இந்த நிலையில் அந்த சங்கத்தின் அப்போதைய தலைவர் நாராயணசாமி ஒரு புகாரை போலீஸில் கொடுத்தார். அதில் சங்கத்திற்குச் சொந்தமான பூங்கா உள்ளிட்ட இடங்களை பொன்முடி சட்டவிரோதமாக ஆக்கிரமித்துக் கொண்டுள்ளார் என்று கூறப்பட்டிருந்தது.

இதன் பேரிலேயே தற்போது பொன்முடி கைது செய்யப்பட்டுள்ளதாக கூறப்படுகிறது.

பொய் வழக்கை-பொன்முடி

கைது செய்யப்பட்ட பொன்முடி செய்தியாளர்களிடம் பேசுகையில், இது முற்றிலும் பொய்யான வழக்கு. வேண்டும் என்றே பழிவாங்கும் நோக்குடன் என்னைக் கைது செய்து கதை புனைகின்றனர். இதை சட்டப்படி சந்தித்து வெளியே வருவேன் என்றார்.
சிறையில் அடைப்பு
கைது செய்யப்பட்ட பொன்முடியை போலீஸார் திண்டிவனம் கொண்டு சென்று மாஜிஸ்திரேட் சந்தோஷ் முன்பு ஆஜர்படுத்தினர். அவரை 15 நாள் சிறைக் காவலில் அடைக்க நீதிபதி உத்தரவிட்டார். இதையடுத்து சேலம் மத்திய சிறைக்கு பொன்முடியை போலீஸார் கொண்டு சென்றனர்.
4வது முன்னாள் அமைச்சர்
தற்போதைய ஆட்சியில் கைதாகியுள்ள 4வது திமுக முன்னாள் அமைச்சர் பொன்முடி. இதற்கு முன்பு வீரபாண்டி ஆறுமுகம், கே.என்.நேரு, என்கேகேபி ராஜா ஆகியோர் கைது செய்யப்பட்டனர்.

நாங்களும் தீர்மானம் போட்டு அப்சல் குருவை விடுவிக்கலாமா?- உமர் அப்துல்லா

ஸ்ரீநகர்: தமிழக சட்டசபையில் ராஜீவ் கொலையாளிகளுக்கு ஆயுள் தண்டனையாக தூக்குத் தண்டனையைக் குறைக்க வேண்டும் என்று தீர்மானம் போட்டது போல ஜம்மு காஷ்மீர் சட்டசபையிலும் தீர்மானம் போட்டு அப்சல் குருவை விடுவிக்க கோரலாமா என்று கேட்டுள்ளார் ஜம்மு காஷ்மீர் முதல்வர் உமர் அப்துல்லா. இதற்கு பாஜக கடும் கண்டனம் தெரிவித்துள்ளது.

இதுகுறித்து உமர் அப்துல்லா ட்விட்டர் மூலம் வெளியிட்டுள்ள தகவல் கடும் கண்டனத்துக்குரியது என்று பாஜக கூறியுள்ளது.

உமர் அப்துல்லா தனது ட்விட்டர் செய்தியில், தமிழகத்தில் ஒரு தீ்ர்மானம் போட்டிருப்பதைப் போல ஜம்மு காஷ்மீர் மாநில சட்டசபையிலும் ஒரு தீர்மானம் போட்டு அப்சல் குருவின் தண்டனையை ஆயுள் தண்டனையாக குறைக்கக் கூறினால் இதேபோலத்தான் அமைதி நிலவுமா? நான் அப்படி நினைக்கவில்லை என்று ராஜீவ் கொலையாளிகளுக்கு தண்டனையைக் குறைக்கக் கோரும் தமிழக சட்டசபை தீர்மானத்தை விமர்சித்துள்ளார் உமர்.

இதுகுறித்து காங்கிரஸ் கட்சி கருத்து தெரிவிக்க மறுத்து விட்டது. அதேசமயம், பாஜக கண்டனம் தெரிவித்துள்ளது. இதுகுறித்து பாஜக கூறுகையில், அப்சல் குருவின் செயலை ஆதரிப்பது போல உமர் அப்துல்லாவின் செய்தி உள்ளது. இதற்கு அவர் விளக்கம் தர வேண்டும். அவரது பேச்சு அதிர்ச்சியும், வியப்பும் தருகிறது என்று கூறியுள்ளது அக்கட்சி.

Adele Balasingham deserts LTTE Massive funds go missing ?

(Colombo Lankapuvath) Adele, who introduced the cyanide capsule to LTTE child soldiers, also the wife of late LTTE Theoretician,Anton Balasingham has deserted the LTTE and is yet to massive funds of the LTTE that were lying to the credit of her husband in banks (joint accounts with her) in several banks in the West,reports from London said.
Millions of US dollars collected as ransom and LTTE businesses in Canada, Germany, London,Switzerland and Sweden have been diverted to the accounts of Balasinghams in those countries on the orders of Prabakaran when the latter was alive.

Reports said after the death of Balsingham, Adele purchased a mansion in the outskirts of London at a cost of Pound Sterling 500,000.According to these reports a large portion of funds have been diverted to her native country, Australia, where she earlier worked as a Nurse in an adjacent township of Melbourne.

Details unfolded in an overseas LTTE network claimed that a separate joint account had been in existence for many years in London for Adele and Anton to cover medical expenses of Anton who suffered from an acute kidney ailment, to which he succumbed on December 14, 2006 in London.

Adele is reported have distanced herself from the LTTE commencing 2008 and had cut off links with the overseas 'financial network', the reports added.

The LTTE hired the prestigious Alexandra Hall in London to keep the remains of Balasingham and it cost Pound Sterling 40,000 for just seven hours.Another account had been opened at a London bank for funeral donations from the Tamil diaspora to be credited for funeral expenses. This account, according to reports had collected well over one million dollars.

Reports added that Adele Balasingham had totally cut off contacts with the overseas LTTE diaspora after the death of LTTE leader,Prabakaran

கலைஞர் டிவிக்கு ரூ.200 கோடி கொடுத்த வழக்கு- 5 நிறுவன சொத்துக்கள் முடக்கம்

டெல்லி: ஸ்பெக்ட்ரம் ஒதுக்கீட்டின்போது, கலைஞர் டிவிக்கு முறைகேடான வகையில் ரூ.200 கோடி ஒதுக்கப்பட்ட விவகாரத்தில் தொடர்புடைய ஐந்து நிறுவனங்களின் சொத்துக்களை முடக்க அமலாக்கப் பிரிவு உத்தரவிட்டுள்ளது.

டைனமிக்ஸ் ரியால்டி, கான்வுட் கன்ஸ்ட்ரக்ஷன்ஸ், எவர்ஸ்மைல் கன்ஸ்ட்ரக்ஷன், நிகார் கன்ஸ்ட்ரக்ஷன்ஸ், டி.பி.ரியால்டி ஆகியவற்றின் வங்கிக் கணக்குகள் மற்றும் அசையாச் சொத்துகள் ஆகியவை முடக்கப்படவுள்ளன.

ஸ்வான் டெலிகாம் நிறுவனத்துக்கு 2ஜி உரிமம் வழங்குவதற்காக அந்த நிறுவனத்தின் மேம்பாட்டாளர் சாஹித் உஸ்மான் பல்வாவுக்குச் சொந்தமான டி.பி. ரியால்டி நிறுவனத்திடம் இருந்து ரூ.200 கோடி கலைஞர் டி.வி.க்கு முறைகேடாக வழங்கப்பட்டதாக குற்றம்சாட்டப்பட்டுள்ளது.

இந்தப் பணம் சினியுக் பிலிம்ஸ், குசேகான் பழங்கள் மற்றும் காய்கறிகள் ஆகிய நிறுவனங்கள் வழியாக கலைஞர் டி.வி.க்கு கைமாறியதாகவும் கூறப்படுகிறது.

இது தொடர்பாக கலைஞர் டி.வி.யின் பங்குதாரர்களான கனிமொழி எம்.பி., சரத்குமார் ஆகியோர் கைது செய்யப்பட்டு சிறையில் அடைக்கப்பட்டுள்ளனர்.

இந்தப் பணப் பரிவர்த்தனையில் தொடர்புடைய நிறுவனங்களின் சொத்துகளை முடக்குவது பற்றி அமலாக்கப் பிரிவு திட்டமிட்டிருந்தது. சொத்துகளை அடையாளம் காணும் பணியும் நடந்து வந்தது.

இந்த நிலையில் 5 நிறுவனங்களின் சொத்துகளை முடக்குவதற்கு அமலாக்கப் பிரிவு உத்தரவிட்டுள்ளது. அன்னியச் செலாவணி மோசடி தடுப்புச் சட்டத்தின் கீழ் இந்தச் சொத்துகள் முடக்கப்படும் எனத் தெரிகிறது.

அதேசமயம், இதுதொடர்பாக எங்களுக்கு எந்த உத்தரவும் வரவில்லை என்று அந்த நிறுவனங்கள் கூறியுள்ளன.

அதிரடி வெற்றி மங்காத்தா-ரசிகர்கள் அமோக வரவேற்பு

அஜீத்தின் மங்காத்தா படம ரசிகர்களின் ஏகோபித்த வரவேற்பைப் பெற்றுள்ளது. பல தடைகளைக் கடந்து பெரும் எதிர்ப்பார்ப்புகிடையில் வெளியான அஜீத்தின் பொன்விழாப் படமான மங்காத்தாவை அஜீத்தின் ரசிகர்கள் கொண்டாடி வருகின்றனர்.

பில்லா படத்துக்குப் பிறகு சொல்லிக் கொள்ளும்படி அஜீத்துக்கு படமே அமையாத நிலையில், இந்த மங்காத்தா படத்தை அவர் ஒப்புக் கொண்டார்.

வெங்கட் பிரபு இயக்கத்தில் தயாநிதி அழகிரியின் தயாரிப்பில் கடந்த ஓராண்டாக இந்தப் படம் தயாராகி வந்தது. ஆனால் வெளியாகும்போது பல்வேறு சிக்கல்களை இப்படம் சந்தித்தது. படம் வெளியாகும் தேதியை கூட அறுதியிட்டு கூறமுடியாத நிலை.

ஆனால் கடைசி நேரத்தில் ரெட்ஜெயன்ட் உதயநிதி ஸ்டாலின் தலையிட்டு, படத்தை சன் பிக்சர்ஸ் மூலம் வெளியிட வைத்தார். உடன் ராதிகாவின் சரத்குமாரின் ராடான் மீடியாவும் படத்தை இணைந்து வெளியிட்டது.

இன்று காலை படத்தின் முதல்காட்சிக்கு அனைத்து இடங்களிலும் கூட்டம் அலைமோதியது. சிறப்புக் காட்சிகள் காலை 4 மணியிலிருந்தே ஆரம்பித்துவிட்டன. படம் பார்த்த அத்தனை பேரும் மீண்டும் படத்தைக் காண டிக்கெட்டுகளுக்காக அலைய ஆரம்பித்துள்ளனர்.

ரம்ஜான், விநாயகர் சதுர்த்தி மற்றும் அடுத்த இரு தினங்களில் வாரவிடுமுறை என தொடர்ந்து ஹாலிடே மூடில் உள்ள ரசிகர்களுக்கு பெரும்திரை விருந்தாக மங்காத்தா அமைந்துவிட்டது. இந்த ஒரு வாரத்தில் பல கோடிகளை மங்காத்தா அள்ளிவிடும் என்பதால் திரையரங்க உரிமையாளர்கள், விநியோகஸ்தர்கள் மிகுந்த மகிழ்ச்சியடைந்துள்ளனர்.

ரசிகர்களுடன் ரசித்தார் சிம்பு

இன்று காலை சத்யம் தியேட்டரில் மங்காத்தா படத்தை நடிகர் சிம்பு அஜீத் ரசிகர்களுடன் இணைந்து படம் பார்த்து ரசித்தார்.சிம்பு, தான் ஒரு அஜீத் ரசிகர் என்பதை பகிரங்கமாகவே பிரகடனப்படுத்தியவர் என்பது குறிப்பிடத்தக்கது.

Ramadan celebrations in Egypt

Egyptian girls buy heart shaped balloons marking Eid Al-Fitr, the feast after Ramadan celebrating the end of fasting, in Cairo, Egypt, Tuesday, Aug. 30, 2011. (AP)

சோ, சு.சாமி, இராமகோபாலன், தினமலர்…பார்ப்பன கூட்டம் பச்சையாகவே

மூவர் தூக்கை ரத்து செய்யக் கோரி தமிழகம் முழுவதும் போர்க்குணமிக்க போராட்டங்கள் நடந்து வருகின்றன. மாணவர்கள், இளைஞர்கள், வழக்கறிஞர்கள் என அனைத்து தரப்பினரும் சாலை மறியல், ரயில் மறியல், மத்திய அரசு அலுவலக முற்றுகை என்று தங்கள் உணர்வுகளை வீரஞ்செறிந்த முறையில் வெளிப்படுத்தி வருகின்றனர். ஆனாலும் இந்த போராட்டச் செய்திகள் ஆங்கில ஊடகங்கள் மற்றும் தமிழக பார்பன ஊடகங்களில் திட்டமிட்டு மறைக்கப்படுகின்றன.
இந்தப் போராட்டங்களெல்லாம் மக்களிடம் அரசியல் ஆதரவற்ற 2% பெயர்ப்பலகை அமைப்புகள் நடத்தி வருவதாக துக்ளக் சோ ஊளையிடுகிறார். மற்றபடி மூவர் தூக்கு பேஷாக நடைபெறும், முழு தமிழகமும் அமைதியாக அதை ஆதரிக்கின்றது என்பது போல அவர் பேசுகிறார். இந்து முன்னணி இராம கோபாலன் மூவர் மீதான தூக்குத் தண்டனையை ரத்து செய்யக்கூடாது என்று பகிரங்கமாக பேசி வருகிறார்.
சுப்ரமணிய சாமியோ இத்தனை ஆண்டுகளாக கருணை மனு மீதான நடவடிக்கை எடுக்கப்படவில்லை என்பதற்காக ஆகஸ்டு 15-ஆம் தேதி நீதிமன்றம் செல்ல இருந்ததாகவும், அதைக் கண்டு பயந்து மத்திய அரசு கருணை மனுவை நிராகரித்திருப்பதாக திமிரோடு பேசுகிறார். மேலும் இவாள்களின் முதல்வரான பாசிச ஜெயலலிதா தூக்குத் தண்டனையை ரத்து செய்ய தனக்கு அதிகாரமில்லை என்று கூறியிருப்பது சரிதான் என்று மெச்சுகிறார் இந்த மாமா சாமி. எனவே இனி யாரும் தூக்குத்தண்டனையை ரத்து செய்ய முடியாது, செப்டம்பர் 9 அன்று தூக்குதண்டனை நிறைவேற்றப்படும் என்றும் யாரெல்லாம் இதை எதிர்க்கிறார்களோ அவர்களெல்லாம் தேசத்துரோகிகள் என்று நரித்தனமாக, பார்ப்பன வெறியுடன் ஊளையிடுகிறார்.
மூவர் தூக்கை ரத்து செய்ய வலியுறுத்தி தமிழகம் எங்கும் நடக்கும் போராட்டங்கள் குறித்து தினத்தந்தி, தினகரன் முதலான நாளேடுகள் விரிவாக செய்திகள் வெளியிடும் போது பார்ப்பன தினமலரோ அப்படி ஒரு செய்தியைக்கூட வெளியிடவில்லை. மாறாக வேலூரில் எப்படி தூக்கு போடுவார்கள், தூக்கு போடுபவர்கள் யார், அவர்கள் ஆந்திராவிலிருந்து வருகிறார்கள், அவர்களுக்கு ஒரு தூக்கிற்கு நூறு ரூபாய் சம்பளம், வேலூர் சிறையைச் சுற்றி மூன்று அடுக்கு பாதுகாப்பு, தமிகத்தில் உள்ள அகதி முகாம்களை உளவுத் துறையினர் கண்காணிக்கிறார்கள் என்று நீரோ மன்னனை போல பார்ப்பன பிடில் வாசித்து மகிழ்கிறது இந்த பார்ப்பன நரி.

போராட்டச் செய்திகளை அதிகம் வெளியிட்டால் பத்திரிகை அதிகம் விற்கும் என்ற சந்தை இலாபத்தை விட பார்ப்பன மேலாதிக்கத்தை முன்வைத்தே தினமலர் எழுதுகிறது. காலணாவுக்கு தேறாத அண்ணா ஹசாரே போங்காட்டங்களை பக்கத்திற்கு பக்கம் பீத்தும் இந்த் தினமலர் செங்கொடியின் தியாகத்தை எள்ளி நகையாட வேண்டுமென்றால் எத்தனை வன்மம் வேண்டும்?
இதற்கு மேல் தங்கபாலு, இளங்கோவன் போன்ற பீஸ் போன பல்புகளும் மரண தண்டனையை நிறைவேற்ற வேண்டுமென்று அவ்வப்போது கத்தி வருகின்றன. அண்ணா ஹசாரேவின் இத்துப் போன் போராட்டங்களையே மாபெரும் சுதந்திரப் போராட்டமாக சித்தரித்து உருவாக்கிய ஆங்கில ஊடகங்கள் அனைத்தும் தமிழக மக்களின் போராட்டங்களை திட்டமிட்டு இருட்டடிப்பு செய்கின்றன. இது குறித்து இவர்கள் எப்போதாவது செய்தி ஒளிபரப்பினால் அதற்கு தமிழகம் சார்பில் பேசுபவர்களாக சு.சாமியும், சோவுமே விகாரமாகத் தோன்றுகிறார்கள்.
பா.ஜ.க கும்பலும் தூக்குத்தண்டனையை நிறைவேற்ற வேண்டுமென்றுதான் எப்போதும் வலியுறுத்தி வருகிறார்கள். அதில் மூவர் தூக்கை விட அப்சல் குரு என்ற காஷ்மீரத்து அப்பாவியை தூக்கில் போட்டே ஆக வேண்டுமென்பது இந்தக் கூட்டத்தின் நோக்கம்.

ஆக ஒட்டு மொத்தமாகப் பார்த்தால் பார்ப்பனக் கூட்டம் தனது முகத்தை ஒளித்து வைக்காமல் பச்சையாகவே இந்தப் பிரச்சினையில் காட்டிக் கொள்கிறது. தனக்கு அதிகாரமில்லை என்று ஜெயா கூறிவிட, அதற்குப் பின்பாட்டு பாடும் இந்தப் பார்ப்பனக் கூட்டம் கூடவே இனி யாரும் மரண தண்டனையை தடுத்து நிறுத்த முடியாது என்று கொக்கரிக்கிறது.

தற்போது மூவர் தூக்கு உயர்நீதிமன்றத்தால் எட்டு வாரத்திற்கு நிறுத்தி வைக்கப்பட்டிருப்பது கூட இந்தக்கூட்டத்திற்கு தாங்க முடியாததாக இருக்கிறது. சென்னை உயர்நீதிமன்றம் இப்படி ஒரு இடைக்காலத்தடை கொடுத்திருப்பது தனக்கு ஆச்சரியமாக இருக்கிறது என்று சோ கூறுகிறார். கூடவே ஜெயா கொண்டு வந்திருக்கும் தீர்மானம் கூட தீர்ப்பை மாற்றும் அதிகாரத்தை கொண்டிருக்கவில்லை என்று மகிழ்கிறார். எப்படியும் தூக்கு நிறைவேற்றப்படும் என்பதுதான் இவர் மட்டுமல்ல, காங்கிரசு, பா.ஜ.க, சு.சாமி, தினமலர் கூட்டத்தின் எதிர்பார்ப்பாக உள்ளது.

அதிகார, அரசு, ஊடக, முதலாளிகளது பலத்தில் காலத்தை ஓட்டும் இந்த பார்ப்பன பாசிஸ்டுக் கூட்டம் அந்த தைரியத்தில்தான் இப்படி பேச முடிகிறது. ஆனாலும் போராடும் தமிழக மக்கள் இந்தக் கூட்டத்தின் எண்ணத்திற்குக்கு வேட்டு வைக்கும் வண்ணம் தமது கோரிக்கையில் வெற்றி பெறுவார்கள். கூடவே இந்த பார்ப்பன பாசிஸ்டுகளுக்கும் ஆப்பு வைப்பார்கள்.

K.N.நேருவை சந்திக்க அழகிரிக்கு அனுமதி மறுப்பு

கடலூர் : நில அபகரிப்பு வழக்கு தொடர்பாக கைது செய்யப்பட்டு, கடலூர் மத்திய சிறையில் உள்ள முன்னாள் அமைச்சர் நேரு, முன்னாள் எம்எல்ஏ அன்பில் பெரியசாமி ஆகியோரை சந்திக்க மத்திய அமைச்சர்கள் அழகிரி, நெப்போலியன் ஆகியோர் நேற்று காலை கடலூர் வந்தனர். மத்திய அமைச்சர்களுடன் மதுரை துணை மேயர் மன்னனும் உடன் வந்திருந்தார்.

பின்னர், சிறையில் இருந்து வெளியே வந்த மத்திய அமைச்சர் அழகிரி நிருபர்களிடம் கூறியது: முன்னாள் அமைச்சர் நேருவை சந்திக்க எனக்கு அனுமதி அளிக்கவில்லை. மதுரை 3வது வட்ட செயலாளர் ஓச்சுபாலுவை மட்டுமே சந்தித்தேன். திமுகவினர் மீது பொய் வழக்கு போடுவதுதான் அதிமுகவின் 100 நாள், 150 நாள் சாதனையாக உள்ளது. உள்ளாட்சி தேர்தலை சீர்குலைக்கும் நோக்கத்தோடு ஜெயலலிதா இதுபோன்ற நடவடிக்கைகளில் தொடர்ந்து ஈடுபட்டு வருகிறார். தற்போது பொய் வழக்குகளை திமுக சந்தித்து வருகிறது. மீண்டும் நாங்கள் ஆட்சிக்கு வருவோம். இவ்வாறு அழகிரி கூறினார்.

China faces 24M bride shortage by 2020

Some 24 million Chinese men of marrying age will find themselves lacking wives in 2020, partly because of the country's one-child policy, which has led to the abortion of female fetuses, state media said Monday.
Sex-specific abortions have led to a large male population born since the 1980s, the China Daily newspaper said, citing a study conducted by the Chinese Academy of Social Sciences.
The gender imbalance means that the next decade will see many intergenerational marriages: young men married to women much older than them, the study said.

மகளிர் காவல் நிலையத்தில் நள்ளிரவில் வாலிபர் சாவு

கோவை, விளாங்குறிச்சி விநாயகபுரத்தைச் சேர்ந்தவர் சந்திரபிரகாஷ் (39). மார்பிள்ஸ் கம்பெனி அதிபர். கடந்த 27ம் தேதி அவிநாசிபாளையம் போலீஸ் நிலையத்தில் இவர் அளித்த புகாரில், ‘25ம் தேதி நண்பர் சாமிநாதனுடன் பல்லடம் சென்றேன்.

அங்கு 2 ஆயிரம் சதுர அடி மார்பிள் கல் வேண்டும் எனக்கூறி எங்களை அழைத்த 9 பேர் கும்பல், எங்களை ஒரு வீட்டுக்கு கடத்தி வந்து, என்னிடம் இருந்த அரை பவுன் மோதிரம், செல் போன், ரூ.50,000 ரொக்கம் மற்றும் காரை பறித்து கொண்டது.எனது மனைவிக்கு போன் செய்து, ரூ.25 லட்சம் பணம் கொண்டு வா. இல்லையென்றால் கணவரை கொன்றுவிடுவேன் என கும்பலை சேர்ந்தவர்கள் மிரட்டினர். பொங்கலூர் மாதப்பூர் அருகில் பணத்தை கொண்டு வந்த மனைவியின் காரில் நான் தப்பினேன்‘ என கூறியிருந்தார்.
இதன்பேரில் போலீசார் வழக்கு பதிந்து, பல்லடம் எலவந்தியை சேர்ந்த பிரபாகரன், ரமேஷ்(33), கேத் தனூரை சேர்ந்த ஆறுச்சாமி (42), பாலக்காட்டை சேர்ந்த பாலமுருகன்(36), வெள்ளகோவிலை சேர்ந்த ஆனந்தன்(37) ஆகிய 5 பேரை நேற்று அதிகாலை பிடித்து விசாரித்து வந் னர். கேத்தனூரை சேர்ந்த சாமிநாதன், ஈரோட்டை சேர்ந்த தங்கராஜ் ஆகி யோரை தேடி வந்தனர்.
பல்லடம் அனைத்து மகளிர் காவல்நிலையம் அழைத்துவந்து விசாரிக்கப்பட்ட 5 பேரிடமும் நேற்று இரவு 10 மணியளவில் வாக்குமூலங்கள் பெறப்பட்டன. தனிப்படை போலீசார் விசாரணை நடத்தினர்.
இந்நிலையில், நேற்று நள்ளிரவு 12 மணியளவில் திடீரென ரமேஷ்(33)  பல்லடம் போலீஸ் ஸ்டேஷனில் இறந்தார். அவரது உடல் கோவை அரசு மருத்துவமனைக்கு பிரேத பரிசோதனைக்காக கொண்டு செல்லப்பட்டது.
கோவை டி.ஐ.ஜி. பாலநாகதேவி, எஸ்.பி. பாலகிருஷ்ணன், கூடுதல் எஸ்.பி. (மதுவிலக்கு) ஜெயராமன் உள்ளிட்டோர் இன்று அதிகாலை பல்லடம் வந்து இது தொடர்பாக விசாரணை நடத்தினர்.
நேற்று இரவு வாக்குமூலம் பெற்ற மற்றும் விசாரணை நடத்திய போலீசாரிடம் டி.ஐ.ஜி. உள்ளிட்டோர் விசாரணை நடத்தினர்.
திருப்பூர் எஸ்.பி. பாலகிருஷ்ணனிடம் கேட்ட போது, ‘கைது செய்யப்பட் ட ரமேஷூக்கு திடீரென காக்கா வலிப்பு ஏற்பட்டது. பல்லடம் அரசு மருத்துவமனை கொண்டு செல் லும் வழியில் இறந்தார். இது தொடர்பாக விசார ணை நடந்து வருகிறது‘ என்றார்.
போலீஸ் காவலில் இருந்த வாலிபர் திடீரென இறந்ததால், பல்லடத்தில் திடீர் பதற்றம் ஏற்பட்டுள்ளது. போலீஸ் அடித்து துன்புறுத்தியதால், அவர் இறந்திருப்பார் என்று அவரது உறவினர்கள் புகார் கூறி வருகின்றனர்.

இனிவரும் காலத்தில் காவலர்களாக கடமைக்கு செல்லவிருக்கும் நண்பர்களே காவலன் என்பவன் மக்களை காப்பவனே தவிர மக்களை அடிக்க உதைக்க அவனுக்கு அதிகாரமில்லை தன கைப்பிடிக்குள் இருந்து ஒரு திருடன் தப்பமுயலும் போது அவனை மடக்கி அடக்கலாமே தவிர காட்டுமிராண்டிதனமாக இன்னொரு உயிரை வதைத்தல் கூடாது.

காணாமற்போன 700 சிறுவர்கள் கண்டுபிடிக்கப்பட்டுள்ளனர்!

முல்லைத்தீவு மற்றும் கிளிநொச்சி ஆகிய மாவட்டங்களில் காணாமற்போன சிறுவர்களில் சுமார் 700 பேர் கண்டுபிடிக்கப்பட்டுள்ளதாக வவுனியா மாவட்ட அரசாங்க அதிபர் பீ.எஸ்.எம்.சாள்ஸ் தெரிவித்துள்ளார்.

கண்டுபிடிக்கப்பட்ட சிறுவர்கள் தற்போது பெற்றோரிடம் ஒப்படைக்கப்பட்டுள்ளதாக பீ.பி.சி செய்தி சேவைக்கு அளித்த செவ்வியில் வவுனியா அரச அதிபர் சுட்டிக்காட்டியுள்ளார்.

யுத்த சூழலில் சுமார் ஆயிரத்து 800 சிறுவர்கள் காணாமற்போனதாக தகவல் கிடைத்துள்ளதென அவர் கூறியுள்ளார்.

இறுதிக் கட்ட யுத்தத்தின் போது ஓமந்தைக்கு வருகைதந்த பெற்றோர் தமது சிறார்கள் காணாமற்போனமை தொடர்பில் முறைப்பாடு செய்திருந்தனர்.

காணாமற் போன சிறார்கள் தொடர்பில் யுனிசெப் அமைப்பினால் பாதுகாப்பு அமைச்சின் செயலாளருக்கு அறிவிக்கப்பட்டதாக வவுனியா மாவட்ட அரசாங்க அதிபர் பீ.பி.சிக்கு தெரிவித்துள்ளார்.

எவ்வாறாயினும் மேலும் ஆயிரம் சிறார்கள் காணாமற் போயுள்ளதாக அரசாங்க அதிபரை மேற்கோள்காட்டி பீ.பி.சி செய்தி வெளியிட்டுள்ளது.

இந்த சிறுவர்களை கண்டுபிடிப்பதற்கு இராணுவத்தினர் பொலிஸாருடன் இணைந்து யுனிசெப் அமைப்பும் நடவடிக்கைகளை மேற்கொண்டுவருவதாக வவுனியா மாவட்ட அரசாங்க அதிபர் பீ.எஸ்.எம்.சாள்ஸ் மேலும் தெரிவித்துள்ளார்.

நோன்புப் பெருநாள் வாழ்த்துச் செய்தி

உலகெங்கிலுமுள்ள முஸ்லிம்களினால் பேருவகையுடன் கொண்டாடப்படும் ஈதுல் பித்ர் நோன்புப் பெருநாளை முன்னிட்டு இவ்வாழ்த்துச் செய்தியை அனுப்புவதில் பெருமகிழ்ச்சி அடைகின்றேன் என ஜனாதிபதி மஹிந்த ராஜபக்ஷ் விடுத்துள்ள பெருநாள் வாழ்த்துச் செய்தியில் குறிப்பிட்டுள்ளார்.

அப்பாவி மக்களை அச்சுறுத்தும் செயல்களை அனுமதிக்க முடியாது!...

மர்ம மனிதன் என்ற போர்வையில் அப்பாவி மக்களை அச்சுறுத்தும் ஈனச்செயல்களை எவராலும் அனுமதிக்க முடியாது!...

டக்ளஸ் தேவானந்தா

மர்ம மனிதன் என்ற போர்வையில் எமது மக்களின் அமைதியான வாழ்வின் மீது அச்சுறுத்தல் விடுத்து, அப்பாவி மக்களை பதற்றம் நிறைந்ததொரு இருண்ட வாழ்விற்குள் மறுபடியும் தள்ளிவிட எத்தனிக்கும் ஈனச்செயல்களை ஒருபோதும் அனுமதிக்க முடியாது என்று ஈழ மக்கள் ஜனநாயகக் கட்சியின் செயலாளர் நாயகமும் அமைச்சருமான டக்ளஸ் தேவானந்தா அவர்கள் தெரிவித்துள்ளார்.

மேலும் அவர் தெரிவிக்கையில், எமது மக்களின் கடந்த கால வரலாறு என்பது அழிவுகளையும் அவலங்களையும், அச்சம் தரும் கொடியதொரு சூழலையும் கொண்டதேயாகும்.

அழிவு யுத்தம் ஒழிந்து அமைதி தரும் சூழலுக்குள் எமது மக்கள் வாழ்ந்து வரும் இவ்வேளையில், தவறான தலைமைகளினால் எமது மக்கள் அதிக விலை கொடுத்தே இந்த அமைதி தரும் சூழலை அடைந்திருப்பினும், அந்த இழப்புக்களின் துயரங்களில் இருந்து மீண்டெழ எத்தனித்து வரும் நிலையில், கௌரவமானதொரு அரசியல் தீர்வு பெற்று எமது மக்கள் முகமுயர்த்தி வாழும் ஒரு காலச்சூழலை உருவாக்க நாம் தொடர்ந்தும் உழைத்து வரும் இத்தருணத்தில் மறுபடியும் இங்கு எமது மக்களின் இயல்பு வாழ்வை சிதைக்கும் நிகழ்வுகள் நடத்தப்பட்டு வருகின்றன.

கிறீஸ் மனிதன் என்றும், மர்ம மனிதன் என்றும் எமது மக்களின் வரலாற்று வாழ்விடங்களில் திட்டமிட்டு சில இடங்களை தெரிவு செய்து அங்கெல்லாம் அச்சம் தரும் சில நிகழ்வுகள் நடாத்தப்பட்டு வருகின்றன.

இது தவிர, இவைகள் குறித்த பொய்யான வதந்திகளும் திட்டமிடப்பட்ட வகையில் பரப்பப்பட்டு பதற்றம் நிறைந்த ஒரு சூழலை உருவாக்கும் கபட நாடகங்களும் அரங்கேறி வருகின்றன. 

அச்சம் தரும் சூழல் ஒழிந்து, அமைதி எங்கும் நிலவ வேண்டும் என்று கருதி எமது மக்களின் இயல்பு வாழ்க்கை சுதந்திரத்தின் மீது அக்கறை கொண்டு உழைத்து வரும் நாம் எமது மக்கள் இன்று புதிதாக முகம் கொடுத்து வரும் மர்ம மனிதன் பீதி குறித்து மனத்துயரம் அடைகின்றோம்.

கொடிய வன்முறைக் கலாசாரம் என்பது மறுபடியும் இங்கு உருவாகி விடாமல் தடுப்பது,  அரசாங்கம், மற்றும் பாதுகாப்பு படையினருக்கும், எமது மக்களுக்கும் இடையிலான நல்லுறவை வளர்ப்பது, அதன் ஊடாக அமைதி வழி நின்று இணக்கமான அரசியல் மூலம் எமது மக்களுக்கான சகல உரிமைகளையும் பெறுவது அழிந்து போன எமது வரலாற்று வாழ்விடங்களை அபிவிருத்தியால் தூக்கி நிறுத்துவது. இவைகளுக்காகவே நாம் இன்று நடை முறைச்சாத்தியமான வழிமுறையில் உழைத்து வருகின்றோம்.

இந்நிலையில், எமதும், எமது மக்களினதும், இந்த விருப்பங்களுக்கு மாறாக, நடத்தப்பட்டு வரும் மர்ம மனிதன் குறித்த பீதிகள் சிலருக்கு இனிப்பான செய்திகளாக இருப்பதையே காண முடிகின்றது.

ஆகவே இந்நிலையில் இருந்து எமது மக்களை மீட்டெடுப்பதற்காக, சட்டம் நீதி ஒழுங்குகளை எமது வரலாற்று வாழ்விடங்கள் தோறும் நிலை நிறுத்துவதற்காக ஜனாதிபதி மகிந்த ராஐபக்ச மற்றும் பாதுகாப்பு அமைச்சின் செயலாளர் கோட்டாப ராஜபக்ச ஆகியோருடன் நாம் இவைகள் குறித்து விரிவாக எடுத்து விளக்கியிருக்கின்றோம்.

மர்ம மனிதன் குறித்த பீதி எமது மக்களை விட்டு விரைவாக அகற்றப்பட வேண்டும் என்றும், சட்டம் ஒழுங்கு மற்றும் தனிமனித பாதுகாப்பு போன்றவை நிலைநிறுத்தப்பட வேண்டும் என்றும், திட்டமிட்டமிட்ட வதந்திகள் பரப்பப்படுவதற்கான சூழல் இல்லாதொழிக்கப்பட வேண்டும் என்றும் நாம் அரசாங்க உயர்மட்ட பிரதிநிதிகளோடு தொடர்பு கொண்டு வலியுறுத்தி வருகின்றோம்.

இதே வேளை எதிர்காலத்திலும் இது போன்ற சம்பவங்கள் மட்டுமன்றி களவு கொள்ளை போன்ற குற்றச்செயல்கள் நடவாது தடுப்பதற்காக கிராமங்கள் தோறும் விழிப்புக்குழுக்களை அமைக்கும் நடவடிக்கையிலும் துரிதமாக செயலாற்றி வருகின்றோம்.

இவ்வாறு தெரிவித்திருக்கும் அமைச்சர் டக்ளஸ் தேவானந்தா அவர்கள் கடந்த கால பேரழிவு என்ற பெரும்புயலில் இருந்து மீட்டு வரப்பட்ட எமது மக்கள் இன்று புதிதாக நிலவும் நெருக்கடிகளில் இருந்தும் விரைவாக மீட்கப்படுவார்கள் என்பது உறுதி என்றும் இது குறித்த நம்பிக்கையோடு அனைவரும் சேர்ந்துழைப்போம் என்றும் அவர் மேலும்  தெரிவித்துள்ளார்.