நாயன்மார்கட்டு வெயிலுகந்த பிள்ளையார் கோயில் சுற்றாடலில் இளைஞர்கள் சிலரின் அட்டகாசத்தால்

நாயன்மார்கட்டு வெயிலுகந்த பிள்ளையார் கோயில் சுற்றாடலில் இளைஞர்கள் சிலரின் அட்டகாசத்தால் அங்கு வழிபடச் செல்வோரும், வீதியால் செல்வோரும் பெரும் சிரமங்களை எதிர்கொள்கின்றனர் என்று தெரிவிக்கப்படுகின்றது.

மேற்படி ஆலயச் சுற்றாடலில் தினமும் ஒன்று கூடும் இந்தக் கும்பல் அங்கு வைத்து மது அருந்துவதுடன், புகைத்தலிலும் ஈடுபட்டு வருவதாகவும், அத்துடன் வீதியால் செல்லும் யுவதிகளுடனும் தகாத முறையில் நடந்து கொள்வதாகவும், இதுபற்றித் தட்டிக் கேட்பவர்கள் இந்தக் கும்பலால் தாக்கப்படுவதாகவும் கூறப்படுகின்றது.

மோட்டார் சைக்கிளில் உலாவரும் இந்தக் கும்பலில் மாணவர்கள் சிலரும் உள்ளமை பெரும் வேதனையளிப்பதாகவும், கடந்த சில தினங்களுக்கு முன்னரும் இந்த வீதியால் சைக்கிளில் வந்த இருவரை மோட்டார் சைக்கிளில் வந்த இந்தக் கும்பல் மோதி சைக்கிளைச் சேதமாக்கியதுடன் நியாயம் கேட்டவர்களை நடுவீதியில் வைத்துப் பொல்லுகளால் தாக்கியதாகவும் கூறப்பட்டது.

எனவே, இந்த விடயத்தில் கோப்பாய் பொலிஸார் தகுந்த நடவடிக்கை எடுத்து இந்தக் கும்பலின் அட்டகாசத்தை முற்றாகக் கட்டுப்படுத்துவதுடன் மேற்படி சுற்றாடலையும் ஆலய வழிபாட்டுக்கு ஏற்றவாறு சீர்செய்து தருமாறும் பொதுமக்கள் வேண்டுகோள் விடுத்துள்ளனர்.

உதயன் பத்திரிகைச் செய்தியாளர் வந்தால் நான் கூட்டத்தைப் புறக்கணிப்பேன் என எதிர்க்கட்சி உறுப்பினர்

இன்றைய யாழ் மாநகரசபையின் மாதாந்த கூட்டத்திற்கு உதயன் பத்திரிகைச் செய்தியாளர் வந்தால் நான் கூட்டத்தைப் புறக்கணிப்பேன் என எதிர்க்கட்சி உறுப்பினர் ரெமிடியஸ் தெரிவித்தார்.

முதல்வர் மாதாந்த கூட்டத்தை ஆரம்பிக்க முன்னர் உறுப்பினருக்கான அறையில் ஆளும் கட்சி, எதிர்க்கட்சி உறுப்பினர்கள் கலந்துரையாடல் ஒன்றினை மேற்கொண்டிருந்தவேளையில் திடீரென உள்ளே நுழைந்த ரெமிடியஸ் மேற்கண்டவாறு தெரிவித்தார்.

இதில் குறிக்கிட்ட அதே கட்சியைச் சேர்ந்த மாநகரசபை உறுப்பினர் பரம்சோதி இதுதொடர்பாக நீர் கருத்து எதுவும் கூறவேண்டியதில்லை என தெரிவித்தார். இதற்கு ரெமிடியஸ் "உன்னைப்பற்றியும் உனது கட்சியைப்பற்றியும் எனக்கு நன்றாகவே தெரியும்" "உனது கட்சித் தலைமை அரசாங்கத்திடம் சென்று தனது மகளின் படிப்புக்கு வெளிநாட்டு புலமைப்பரிசில் கேட்டது எனக்குத் தெரியும்" என்று கூறினார். உடனே எதிர்க்கட்சி உறுப்பினர் விந்தன் கனகரத்தினம் மேலும் பிரச்சனை ஏற்படாதவாறு சமாதானப்படுத்தினார்

முடியப்பு: உனக்கென்ன வெறியா?" யாழ் மாநகர சபையில் கூட்டமைப்பினர் கூத்து!

யாழ். மாநகர சபையின் எதிர்கட்சி உறுப்பினர் நான்தான் என்னை யாரும் எதுவும் செய்ய முடியாது என்றும் என்னைத்தான் தமிழ் தேதியக் கூட்டமைப்பு யாழ். மாவட்ட பாராளுமன்ற உறுப்பினர் மாவை சேனாதிராஜா தெரிவு செய்தது” எனத் தெரிவித்து சபை நடுவில் தமிழ் தேசியக் கூட்டமைப்பு யாழ்.மாநகர சபை உறுப்பினர் பரஞ்சோதி மீது தண்ணீர் போத்தலை வீசி எறிந்து அடாவடித்தனம் செய்துள்ளதுடன் கீழ்த்தரமான வாத்தைப் பிரயோகங்களை தொடர்ச்சியாக மேற்கொண்டு இருந்தார் யாழ். மாநகர சபை எதிர்கட்சித் தலைவர் முடியப்பு றெமிடியஸ்.

இன்று வியாழக்கிழமை காலை 10 மணிக்கு யாழ். மாநகர சபையின் 2011 ஆண்டுக்கான ஆறாவது கூட்டத் தொடர் யாழ். நகர மேயர் திருமதி யோகேஸ்வரி பற்குணராஜா தலைமையில் நடைபெற்றது.

இந்தக் கூட்டத்தில் எதிர்கட்சி உறுப்பினர் முடியப்பு றெமிடிஸை உரையாற்றுமாறு மேயர் அழைப்பு விடுத்திருந்தார். இவரது அழைப்பை எதிர்கட்சி உறுப்பினர் பரஞ்சோதி ஆட்சேபனை தெரிவித்ததும் முடியப்பு றெமிடியஸ் “நீ இருடா நாயே உனக்கு என்ன வெறியா” என மிகவும் கீழ்த்தரமான வார்த்தைப் பிரயோகங்களை சபையில் பேசியவாறு எதிர் கட்சி உறுப்பினர் மீது தாக்குவதற்கு முயன்றுள்ளார்.

உடனே யாழ்.மாநகர சபை எதிரணி உறுப்பினர் கனகரெத்தினம் விந்தன் இருவரையும் மோத விடாமல் தடுத்து நிறுத்தினர். பரஞ்சோதி முடியப்பு றெமிடியஸின் அடாவடித்தனத்துக்கு கடும் நடவடிக்கை எடுக்குமாறு மேயரிடம் வேண்டுகோள் விடுத்ததார் அவரது பணிப்பை மேயர் எதுவும் செய்யமுடியாது எனத் தெரிவித்ததும் யாழ். பொலிஸாருக்கு தொடர்பு கொண்ட பரஞ்சோதி தொலைபேசியின் ஊடாக முறையிட்டுள்ளார்.

முடியப்பு றெமிடியஸின் இந்த அநாகரிகமான செயற்பாடு காரணமாக யாழ். மாநகர சபை அல்லோலப்பட்டது. அநாகரிகமான வார்த்தைப் பிரயோகங்களினால் சபை திக்குமுக்காடியது.

உறவுக்கு கை கொடுப்போம்; உரிமைக்கு குரல் கொடுப்போம்

சென்னை: "உறவுக்கு கை கொடுப்போம், உரிமைக்கு குரல் கொடுப்போம்' என, தி.மு.க., தலைவர் கருணாநிதி தெரிவித்துள்ளார்.

அவர் வெளியிட்ட கேள்வி-பதில் அறிக்கை:

* தி.மு.க., ஆட்சியில் நிர்வாகத் திறமையின்மை காரணமாக, தமிழகத்தின் கடன் சுமை ஒரு லட்சம் கோடி ரூபாய்க்கு மேல், அதிகரித்து விட்டதாக முதல்வர் ஜெயலலிதா குற்றம் சாட்டியுள்ளாரே?

இக்குற்றச்சாட்டை எதிர்கட்சித் தலைவராக இருந்த போதிலிருந்தே கூறி வருகிறார். தி.மு.க., 2006ம் ஆண்டு ஆட்சிக்கு வருவதற்கு முன்பாக, தமிழக அரசின் மொத்தக் கடன் 57 ஆயிரத்து 457 கோடி ரூபாய். அதுதான் தற்போது ஒரு லட்சம் கோடி ரூபாயாக உயர்ந்துள்ளது. ஜெயலலிதா ஆட்சியிலிருந்த போது, மாநிலத்தின் மொத்த உற்பத்தியில், 22.29 சதவீதம் கடன் சுமை வைத்திருந்தார். தி.மு.க., ஆட்சியில், 19.58 சதவீதம்தான் கடன் இருந்தது. இது போன்ற நிதிப் பிரச்னைகளில் குற்றம் சாட்டும்போது, நிதித்துறை செயலர் போன்ற அதிகாரிகளை கலந்து, உண்மையான புள்ளி விவரங்களை அறிந்து குற்றம் சாட்டுவது, முதல்வர் பதவிக்கு அழகாகும்.

* தி.மு.க., ஆட்சியில் காவல்துறை ஏவல் துறையாக இருந்ததால், சட்டம் ஒழுங்கு கெட்டு விட்டது. அ.தி.மு.க., ஆட்சியில் காவல் துறையினருக்கு பாதுகாப்பு தரப்படும், என ஜெயலலிதா செய்த அறிவிப்பு குறித்து?

ஜெயலலிதா டில்லி சென்றபோது, அவரது கட்சியினர் இரவு கொடி கட்டிவிட்டு, ஓட்டலில் சாப்பிட்டுள்ளனர். நள்ளிரவு என்பதால், அவ்வழியே வந்த போலீஸ் துணை கமிஷனர், ஓட்டலை மூடும்படி கூறியுள்ளார். அ.தி.மு.க.,வினர் அவரை மிரட்டியுள்ளனர். அவர் மிரட்டியவர்களை போலீஸ் நிலையம் கொண்டு சென்றுள் ளார். ஆளும் கட்சி எம்.எல்.ஏ., அமைச்சர் ஆகியோர் போலீஸ் நிலையம் சென்று, அவர்களை அழைத்து சென்றுள்ளனர். அந்த அதிகாரி பட்டாலியனுக்கு மாற்றப்பட்டார். அ.தி.மு.க., தோழமை கட்சியான தே.மு.தி.க., - எம்.எல்.ஏ., ஓமலூர் போலீஸ் நிலையம் சென்று மிரட்டியுள்ளார். இவை ஒரு மாத கால ஆட்சியின் சாதனைகள். இது தான் அ.தி.மு.க., அரசு, காவல் துறைக்கு தரும் பாதுகாப்பின் லட்சணம் என மக்கள் பேசத் துவங்கி உள்ளனர்.

* ஜெயலலிதா மீதான சொத்துக் குவிப்பு வழக்கு இழுத்துக் கொண்டே போகிறதே?

தாமதிக்கப்பட்ட நீதி... மறுக்கப்பட்ட நீதி.

* "லோக்பால் மசோதாவில் பிரதமரை சேர்க்கக் கூடாது' என்று ஜெயலலிதா கூறியுள்ளாரே?

நான் பிரதமரை, அந்த வரம்பிற்குள் சேர்க்க வேண்டும் என்று சொன்னது, நாம் அதற்காக பயப்படவில்லை, தெளிவாக இருக்கிறோம், என்று உலகத்தின் முன்பு தெளிவாக்க பயன்படும் என்பதால்தான். எனது கருத்து எந்த அடிப்படையில் சொல்லப்பட்டதோ, அதே அடிப்படையில் நேற்று பிரதமரே, லோக்பால் மசோதாவில் பிரதமரை சேர்ப்பதில், ஆட்சேபனை இல்லை என தெரிவித்துள்ளார். "உறவுக்கு கை கொடுப்போம், உரிமைக்கு குரல் கொடுப்போம்' என்ற தி.மு.க.,வின் நீண்ட நாள் முழக்கத்தை நினைவு படுத்துகிறேன். இவ்வாறு கருணாநிதி தெரிவித்துள்ளார்.

 

jm praveen - londan ,யுனைடெட் கிங்டம்

கலைஞர் ஐய்யா கடந்த நான்கரை வருடங்கள் உங்கள் ஆட்சி சிறந்த ஆட்சியாகத்தான் இருந்தது .நாங்களும் உங்களுக்கு ஆதரவாகத்தான் இருந்து வந்தோம் . அதனால் தான் நாடாளுமன்ற தேர்தலில் பெருவாரியான இடங்களில் வெற்றி பெற வைத்தோம் .கடைசி அரை வருடத்தில் உங்கள் ஆட்சி மேலும் சிறப்பாகத்தான் இருந்தது .ஆனால் நாங்கள் தான் கடைசி கட்ட தேர்தல் பிரசாரத்தால் மாற்றப்பட்டு விட்டோம் . ஊழல் , ஈழம் போன்ற சில தவறான குற்றசாட்டுகளாலும் , விலைவாசி உயர்வு , மின்வெட்டு போன்ற எந்த ஆட்சி இருந்தாலும் வரக்கூடிய குறைபாடுகளாலும் சிறந்த சிந்தித்து பல திட்டங்கள் தந்த நல்லாட்சியை அவசரப்பட்டு மாற்றி விட்டோம் .செய்நன்றி மறந்து விட்டோம் .அதற்க்கான பலனை அனுபவித்து வருகிறோம் .ஆட்சியில் இல்லாவிட்டாலும் நீங்கள் ஆற்றும் ஜனநாயக கடமை எங்களை திரும்பவும் உங்கள் ஆதரவாளராக மாற்றயுள்ளது ...

மட்டக்களப்பில் வங்கிக்கொள்ளை ஆயுதமுனையில் புத்தூர் மக்கள் வங்கி

மட்டக்களப்பு மாநகர புறநகர்ப் பிரதேசமான புதூர் மக்கள் வங்கிக் கிளை இனந்தெரியாத ஆயுத தாரிகளினால் கொள்ளையிடப்பட்டுள்ளதாக மட்டக்களப்பு தலைமையக பொலிஸ் நிலைய பொறுப்பதிகாரி ரஞ்ஜித் வனராஜா தெரிவித்துள்ளார்.

இன்று பிற்பகல் வேளை மக்கள் வங்கி என்ற விளம்பரப் பலகையை மாட்டிய வேனொன்றில் வந்த ஐவரடங்கிய துப்பாக்கிதாரிகள் வங்கியில் ஆயுதத்துடனிருந்த பாதுகாப்பு உத்தியோகத்தரை வங்கி அறையொன்றினுள் பூட்டிவிட்டு அங்கிருந்த இலட்சக்கணக்கான ரூபா பணம் மற்றும் நகைகளை கொள்ளையிட்டுச் சென்றுள்ளனர். சம்பவம் தொடர்பாக காத்தான்குடிப் பொலிஸார் விசாரணைகளை மேற்கொண்டுள்ளனர். 

வக்கீல் சதீஷ்குமார் கொலையில் 2 I P S அதிகாரிகளுக்கு தொடர்பு?

திருமங்கலத்தை சேர்ந்தவர் சங்கரசுப்பு. சென்னை ஐகோர்ட்டில் வக்கீலாக உள்ளார். இவரது மகன் சதீஷ்குமார் வக்கீலுக்கு படித்துள்ளார். கடந்த 7-ந் தேதி சதீஷ்குமார் காணாமல் போனார். இது குறித்து அவரது தந்தை சங்கரசுப்பு திருமங்கலம் போலீசில் புகார் செய்தார்.

இந்த நிலையில் கடந்த 13-ந் தேதி ஐ.சி.எப். ஏரிக் கரையில் சதீஷ்குமாரின் பிணம் மீட்கப்பட்டது. தனது மகன் கடத்தி சென்று கொலை செய்யப்பட்டு இருப்பதாகவும் இச்சம்பவத்தில் இன்ஸ்பெக்டர்கள் ரியாசுதீன், கண்ணன் ஆகியோருக்கு தொடர்பு இருப்பதாகவும் சங்கரசுப்பு குற்றம் சாட்டினார்.

இதையடுத்து சதீஷ்குமார் கொலை வழக்கை சி.பி.ஐ. விசாரிக்குமாறு சென்னை ஐகோர்ட்டு உத்தரவிட்டது. ஐகோர்ட்டு நீதிபதிகள் நாகப்பன், சிவக்குமார் ஆகியோர் முன்பு 15 நாட்களுக்கு ஒரு முறை இந்த வழக்கின் விசாரணை குறித்த நிலவரத்தை சி.பி.ஐ. தெரிவிக்க வேண்டும் எனவும் உத்தரவிடப்பட்டிருந்தது.

இந்த வழக்கு மேற்கண்ட நீதிபதிகள் முன்பு இன்று விசாரணைக்கு வந்தது.

அப்போது சங்கரசுப்பு சார்பில் வக்கீல் ஆஜராகி வாதித்தார்.அவர் ‘’சதீஷ்குமார் காணாமல் போன அன்று இன்ஸ்பெக்டர்கள் ரியாசுதீன், கண்ணன் ஆகியோர் குடும்பத்துடன் வெளியூர் சென்றுள்ளனர்.

சதீஷ்குமார் உடலை கண்டுபிடிக்க பின்னர் அவர்கள் ஊர் திரும்பி உள்ளனர். ஆனால் இந்த இருவரும் விசாரணைக்காக வெளியூர் சென்றிருந்தாக கூறியிருந்தனர்.

இது அவர்கள் மீதான சந்தேகத்தை வலுப்படுத்தி உள்ளது. திருமங்கலம் போலீஸ் நிலைய அதிகாரிகள் 2 பேர் டாக்டர் விஜயகுமாரை சந்தித்து சதீஷ்குமாரின் சாவு தற்கொலை என்று சான்றிதழ் தருமாறு கேட்டுள்ளனர். இந்த கொலையில் 2 ஐ.பி.எஸ். அதிகாரிகளுக்கு தொடர்பு உள்ளது.  

சங்கரசுப்புவால் சந்தேகிக்கப்படும் 2 போலீஸ் இன்ஸ்பெக்டர்களையும் சி.பி.ஐ. தனது கஷ்டடியில் எடுத்து விசாரிக்கவில்லை. தமிழக போலீசாருக்கு கொலை செய்தது யார்? என தெரியும். அதனால்தான் திருமங்கலம் போலீஸ் நிலைய அதிகாரிகள் விஜயகுமாரை சந்தித்து பொய்யான சான்றிதழை கேட்டுள்ளனர்’’ கூறினார்

புருலியா ஆயுத கடத்தல் மத்திய அரசு சி பி ஐ கூட்டுக்களவு ?

டெல்லி: புரூலியா ஆயுத வழக்கில் முக்கியக் குற்றவாளியான கிம் டேவியை டென்மார்க்கிலிருந்து இந்தியாவுக்கு நாடு கடத்தி உத்தரவிட டென்மார்க் கோர்ட் மறுத்து விட்டது. இதனால் சிபிஐக்குப் பெரும் பின்னடைவு ஏற்பட்டுள்ளது.

1995ம் ஆண்டு இந்தியாவை பரபரப்புக்குள்ளாக்கிய சம்பவம் மேற்கு வங்க மாநிலம் புரூலியாவில் விமானத்திலிருந்து விழுந்த ஆயுதங்கள். இந்த ஆயுத மழைச் சம்பவம் பெரும் பரபரப்பை ஏற்படுத்தியது.

ஏகே 47, தாக்குதல் துப்பாக்கிகள், பீரங்கி எதிர்ப்பு வெடிகுண்டுகள் உள்ளிட்ட பல ஆயுதங்கள் 1995ம் ஆண்டு சடிசம்பர் 17ம் தேதி புரூலியாவில் உள்ள வயல் வெளியில் விழுந்தன. அந்த வழியாக சென்ற வெளிநாட்டு விமானத்திலிருந்து இவை விழுந்தன.

இந்த வழக்கு சிபிஐ வசம் ஒப்படைக்கப்பட்டது. சிபிஐ அதே ஆண்டு டிசம்பர் மாதம் 28ம் தேதி வழக்குப் பதிவு செய்தது. இந்த விசாரணையில் கிம் டேவி முக்கியக் குற்றவாளி என்பது தெரிய வந்தது. இதையடுத்து அவரைப் பிடிக்க 1996ம் ஆண்டு இன்டர்போல் மூலம் ரெட் கார்னர் நோட்டீஸ் பிறப்பிக்கப்பட்டது.

2001ம் ஆண்டு கிம் டேவி டென்மார்க்கில் இருப்பது தெரிய வந்தது. இதையடுத்து அவரை நாடு கடத்திக் கொண்டு வர இந்தியா கடுமையாக முயற்சித்தது. இரு நாடுகளுக்கும் இடையே நாடு கடத்துவது தொடர்பான ஒப்பந்தம் எதுவும் இல்லாததால் அது பெரும் சிக்கலாக இருந்து வந்தது.

இந்த நிலையில் டென்மார்க் கோர்ட்டில், கிம் டேவியை நாடு கடத்திக் கொண்டு வருவது தொடர்பாக சிபிஐ வழக்கு தொடர்ந்தது. டேவி தீவிரவாத செயலுடன் தொடர்புடையவர் என்பதற்கான ஆதாரத்தையும் கோர்ட்டில் சிபிஐ தாக்கல் செய்திருந்தது.

இந்த நிலையில் கடந்த மாதம் கிம் டேவி ஒரு டிவி பேட்டியில் அப்போதைய பிரதமர் பி.வி.நரசிம்ம ராவ், மேற்கு வங்க கம்யூனிஸ்ட் அரசை சீர்குலைத்து பதவியிலிருந்து நீக்க சதி செய்தார். இதற்காக நக்சலைட்களுக்கு ஆயுதம் வழங்க தங்களை அணுகியிருந்தார் என்று கூறியிருந்தார். இதை உடனடியாக மத்திய அரசு மறுத்து விட்டது.

இந்த நிலையில் கிம் டேவியை நாடு கடத்த அனுமதிக்க முடியாது என்று டென்மார்க் ஹைகோர்ட் உத்தரவிட்டுள்ளது. இதனால் சிபிஐக்கு பெரும் பின்னடைவு ஏற்பட்டுள்ளது.

சமீபத்தில்தான் கிம் டேவியை நாடு கடத்திக் கொண்டு செல்ல டென்மார்க் அரசு இரு நிபந்தனைகளுடன் அனுமதி கொடுத்தது. அவருக்கு மரண தண்டனை கொடுக்கக் கூடாது, சிறைத் தண்டனை விதிப்பதாக இருந்தால், அந்தத் தண்டனையை கிம் டேவி டென்மார்க் சிறைகளில் கழிக்க அனுமதிக்க வேண்டும் என்பதே அந்த நிபந்தனைகள்.

இதை எதிர்த்து டேவி டென்மார்க் ஹைகோர்ட்டில் அப்பீல் செய்தார். அதை விசாரித்த கோர்ட் தற்போது தடை உத்தரவு போட்டு விட்டதால் டேவியைக் கொண்டு வரும் வாய்ப்பை சிபிஐ இழந்துள்ளது.

இருப்பினும் இதுகுறித்து டென்மார்க் சுப்ரீம் கோர்ட்டில் அப்பீல் செய்ய சிபிஐ திட்டமிட்டுள்ளது.

English summary

Kim Davy, the main accused in the Purulia arms drop case, will not be extradited to India for now. A five-member Constitutional bench of the Danish high court has rejected Davy's extradition plea in connection with the Purulia arms drop case. The Danish government had allowed the extradition of Davy after getting a number of assurances from India with two important ones being that no death penalty would be given to him and permission to serve imprisonment, if decided by court, in Denmark prisons. The order was challenged by Davy in a Danish court which ruled in his favour.

பிரான்ஸ் அதிபர் சார்கோசி தாக்கப்பட்டார்: ஒருவர் கைது

பாரீஸ்: பிரான்ஸ் அதிபர் நிக்கோலஸ் சார்கோசியை ஒருவர் தாக்கி, கீழே தள்ளினார். இதனால் அங்கு பரபரப்பு ஏற்பட்டது.

பிரான்ஸ் அதிபர் நிக்கோலஸ் சார்கோசி தெற்கு பிரான்சி்ல் உள்ள டொலுயீசில் மேயர்கள் கூட்டத்தில் கலந்துகொண்டார். பின்னர் அவர் பிராக்ஸ் நகருக்கு சென்றார்.

அங்கு நின்றுகொண்டிருந்த ஒரு கூட்டத்தை தாண்டிச் செல்கையில் திடீர் என்று ஒருவர் சார்கோசியின் சட்டையைப் பிடித்து இழுத்தார். இதில் சார்கோசி நிலை தடுமாறி கீழே விழுந்தார்.

உடனே அவர் சுதாரித்துக் கொண்டு எழுந்துவிட்டார். இதைப் பார்த்த காவலர்கள் சார்கோசியைத் தாக்கியவைரை கைது செய்தனர். அந்த நபர் ஏன் தாக்கினார் என்று உடனடியாகத் தெரியவில்லை.

English summary

A peron in the crowd pulled French president Nicolas Sarkozi by suit in which he lost balance and fell. Police have arrested the assailant. But the motive is not known.

பொன்சேகாவை எதிரியாக்கியது இந்திய உளவுத் துறையே

இந்திய உளவுத்துறையே என்னையும், சரத் பொன்சேகாவையும் எதிரிகளாக்கியது என்று இலங்கை அதிபர் மஹிந்த ராஜபக்ச குற்றம்சாட்டியுள்ளார்.
தமக்கு மிகவும் நெருக்கமான முன்னாள் இராணுவ ஜெனரல்கள் இருவருடன் தனிப்பட்ட முறையிலான உரையாடலின்போதே மஹிந்த ராஜபக்ச மேற்கண்டவாறு குறிப்பிட்டதாக தகவல் வெளியாகி உள்ளது.
விடுதலைப் புலிகளுடனான யுத்தம் வெற்றி கொள்ளப்பட்டு சிறிது காலத்துக்குள்ளாகவே இராணுவத்தளபதி பதவியிலிருந்து சரத் பொன்சேகாவை நீக்கியது தான் செய்த தவறு என்று கூறியுள்ள ராஜபக்ச, இந்திய உளவுத்துறையின் சதியே அதற்கான காரணம் என்றும் குறிப்பிட்டுள்ளார்.
பொன்சேகா குறித்து இந்திய உளவுத்துறை போலியான தகவல்களை வழங்கி என்னை தவறாக வழிநடாத்தி விட்டது. அதன் பின்பு அதிபர்தோ்தலில் போட்டியிடுவதற்காக பொன்சேகா கூட்டுப் படைகளின் தலைமை பதவியிலிருந்து ராஜினாமாச் செய்ய முன்வந்தபோது, அவரது ராஜினாமாவை ஏற்றுக் கொண்டது அதனை விடப் பெரும் தவறாகும்.
பொன்சேகாவின் ராஜினாமாவை ஏற்றுக் கொள்ளாதிருக்கும்படி பாதுகாப்புச் செயலாளர் கோத்தாபய ராஜபக்ச எவ்வளவோ வற்புறுத்தியும், இந்தியாவின் அழுத்தத்தினால் அதனை நான் ஏற்றுக் கொண்டேன்.
அவ்வாறு அவரது ராஜினாமாவை ஏற்றுக் கொள்ளாமலிருந்தால், காலப்போக்கில் பொன்சேகாவுடன் இருந்த மனக்கசப்புகளைத் தீர்த்துக் கொண்டிருக்க முடிந்திருக்கும்.
விடுதலைப் புலிகளின் தலைவர் பிரபாகரனின் மரணத்தின் பின் பொன்சேகா புகழேணியின் உச்சத்துக்கு ஏறியிருப்பதாகவும், அதன் காரணமாக அவர் இராணுவ சதிப்புரட்சி மூலமாக அரசாங்கத்தைக் கைப்பற்ற முனைவதாகவும், அவ்வாறான சந்தர்ப்பத்தில் நாட்டில் பெரும்பாலானவர்கள் அவரை ஏற்றுக் கொள்வதற்கான வாய்ப்பு இருப்பதாகவும், உளவுத்தகவல்களை அடிப்படையாகக் கொண்டு என்னை எச்சரித்த இந்திய அதிகாரிகள், பொன்சேகாவின் அதிகாரங்களை உடனடியாக மட்டுப்படுத்துமாறு ஆலோசனை வழங்கினர்.
அதன் பிரகாரம் செயற்பட்டே நான் சரத் பொன்சேகாவின் அதிகாரங்களைக் குறைப்பதற்கான நடவடிக்கைகளை மேற்கொண்டேன்.
இராணுவத்தின் அறுபதாவது ஆண்டு நிறைவுக் கொண்டாட்டத்திற்கு தலைமை தாங்கி விட்டு, 2009 ஆம் ஆண்டு டிசம்பர் மாதம் 17 ஆம் தேதி தனது பிறந்த நாளுடன் இராணுவ சேவையிலிருந்து ஓய்வு பெற சரத் பொன்சேகா தீர்மானித்திருந்தார்.
அதன் பின் பதவி நீடிப்பு தொடர்பாக கோரிக்கை முன்வைப்பதில்லை என்று அவர் என்னிடம் தெரிவித்திருந்தார்.
முரட்டுத்தனமானதும், தன்னிச்சையானதுமான போக்குகளைக் கொண்டிருந்த போதும், பொன்சேகாவின் ஆற்றல் மற்றும் அறிவுக்கு அருகில் நெருங்க முடியாத நிலையிலேயே ஏனைய அதிகாரிகள் இருக்கின்றனர்.
வெளிநாட்டு அழுத்தங்கள் கடுமையாகிக் கொண்டிருக்கும் இவ்வாறான சந்தர்ப்பத்தில் அவரது விலகல் எனக்குப் பெரும் இழப்பாகவே இருக்கின்றது என்று கடந்த கால சம்பவங்கள் தொடர்பாக ராஜபக்ச கவலையுடன் பேசியுள்ளதாக தகவல்கள் தெரிவிக்கின்றன.
பொன்சேகா விடயத்தில் ராஜபக்ச இந்தளவுக்கு இறங்கி வருவதற்கு அரசியல்வாதிகள் சிலர், பொன்சேகா விடயத்தில் மேற்கொண்ட தலையீடுகள்தான் காரணம் என்று ராஜபக்சவுக்கு நெருக்கமான வட்டாரங்களிலிருந்து தெரிய வருவதாகவும் அத்தகவல்கள் மேலும் கூறுகின்றன.

குழந்தையை கடத்திய 3 பெண்கள் உட்பட 4 பேர் கைது.Chennai

சென்னை சைதாப்பேட்டை சாரதி நகர் முரஹரி சாலையைச் சேர்ந்தவர் முருகன். இவரது மனைவி செந்தமிழ் செல்வி. இவர்களுக்கு 3 வயதில் அஸ்வினி என்ற மகளும், 1 1/2 வயதில் மணிராஜ் என்ற மகனும் உள்ளனர்.   கடந்த 16 ந் தேதி அஸ்வினி, மணிராஜ் இருவரும் வீட்டு முன்பு விளையாடிக் கொண்டிருந்தனர்.

திடீரென மணி ராஜ் காணாமல் போய் விட்டான். இது குறித்து முருகன் சைதாப்பேட்டை போலீசில் புகார் செய்தார். போலீசார் தீவிர விசாரணை நடத்திய போது போரூர் மந்தவளி தெரு, பகுதியைச் சேர்ந்த சத்திய மூர்த்தி என்பவர் வீட்டில் மணிராஜ் இருப்பது தெரியவந்தது.

சத்தியமூர்த்தி ஆட்டோ டிரைவராவார். அவரிடம் இருந்து குழந்தையை மீட்ட போலீசார், சத்தியமூர்த்தியிடம் விசாரணை நடத்திய போது, குழந்தை கடத்தலின் பின்னணியில் ஒரு கும்பல் செயல்படுவது தெரிய வந்தது.அந்த கும்பலை கூண்டோடு பிடிக்க தென் சென்னை போலீஸ் இணைக் கமிஷனர் சண்முக ராஜேஸ்வரன் உத்தரவின் பேரில் உதவி கமிஷனர் தெய்வசிகாமணி மேற்பார் வையில் 3 தனிப்படைகள் அமைக்கப்பட்டன.

தனிப்படை போலீசார், ஆட்டோ டிரைவர் சத்திய மூர்த்தியிடம் விசாரித்த போது, ராஜஸ்தான் டிரஸ்ட் எனும் அமைப்பில் உள்ள இந்திரா என்பவர் ரூ.10 ஆயிரம் கொடுத்து குழந்தை மணிராஜை கவனித்துக் கொள்ளும்படி கேட்டுக் கொண்டதாக கூறினார்.

இதையடுத்து போலீசாரின் பார்வை இந்திரா மீது திரும்பியது. அவரிடம் விசாரணை நடத்திய போது தான், குழந்தை மணிராஜ் கடத்தலின் பின்னணியில் உள்ள முழு விவரம் தெரிய வந்தது. அது வருமாறு:
ஈரோட்டை சேர்ந்தவர் சிவசலாபதி. இவரது மனைவி சாந்தி. இவர்களுக்கு திருமணம் நடந்து நீண்ட நாட்கள் ஆகியும் குழந்தை பிறக்கவில்லை. எனவே அவர்கள் 1 வயது முதல் 2 வயதுக்குட்பட்ட ஆண் குழந்தை ஒன்றை தத்து எடுக்க முடிவு செய்தனர். இதற்காக அவர்கள் சென்னை வந்து ஆதரவற்ற குழந்தைகள் வளர்க்கப்படும் பல்வேறு டிரஸ்டுகளில் தங்களது பெயரை பதிவு செய்து வைத்திருந்தனர்.

அசோக் நகரில் உள்ள லாரன்ஸ் சாரிடபுள் டிரஸ் டில் வேலை பார்த்து வரும் ரோஸ்மேரியையும் சிவசலா பதி அணுகினார். அவர் தங்கள் டிரஸ்டில் குழந்தை இல்லை என்று சொல்லி, ராஜஸ்தான் டிரஸ்ட்டில் வேலை பார்த்து வரும் இந்திராவை அறிமுகம் செய்து வைத்துள்ளார்.

இதனால் சிவசலாபதிக்கும் இந்திராவுக்கும் பழக்கம் அதிகரித்தது. அதன் பேரில் சிவசலா பதி, இந்திராவிடம் எனக்கு உடனே குழந்தை வேண்டும் என்று வற்புறுத்தி உள்ளார். அதற்கு இந்திரா, “ஆதரவற்ற இல்லம், டிரஸ்ட் மூலம் குழந்தையை தத்து எடுக்க வேண்டுமானால் சட்ட நடவடிக்கைகளுக்காக சிறிது காலம் பொறுத்திருக்க வேண்டும். உடனே குழந்தை வேண்டும் என்றால், எங்கிருந்தாவது எடுத்து வந்து தான் தர வேண்டும்” என்று கூறியுள்ளார்.

சிவசலாபதி அதற்கு சம்மதித்தார். எங்கிருந்தாவது எனக்கு குழந்தை கிடைத்தால் போதும் என்றார். அவரது அவசரத்தை புரிந்து கொண்ட இந்திரா, குழந்தையை கடத்தி வந்து ஒப்படைக்க 3 லட்சம் ரூபாய் வேண்டும் என்று நிபந்தனை விதித்தார். நீண்ட பேரத்துக்குப் பிறகு 2 1/2 லட்சம் ரூபாய் கொடுக்க சிவசலாபதி சம்மதித்தார்.

இதையடுத்து இந்திரா குழந்தை கடத்தும் திட்டத்துக்கு வியூகம் வகுத்தார். ராஜஸ்தான் டிரஸ்ட் மூலம் வங்கி கடன், ஆட்டோ வாங்கிக் கொடுத்து உதவி செய்த வகையில் பலரை இந்திராவுக்கு தெரியும். தன்னிடம் உதவி பெற்ற மேற்கு மாம்பலம் புதுத் தெருவைச் சேர்ந்த நாகம்மாள் என்பவரை இந்திரா நாடி, விஷயத்தை கூறினார்.

இதையடுத்து குழந்தை கடத்தலுக்கான திட்டத்தை இந்திரா, நாகம்மாள், அவரது கணவர் நாராயணன், மகன் வெங்கடேசன், இந்திராவின் தோழிகள் சுமதி, கலா, இலக்கியா ஆகியோர் வகுத்தனர். கடத்தல் சைதாப்பேட்டை நெருப்பு மேடு பகுதியில் வசித்து வந்த சுமதிக்கு, பக்கத்தில் சாரதி நகரில் முருகன் செந்தமிழ்செல்விக்கு 1 1/2 வயதில் ஆண் குழந்தை இருப்பது தெரியும். அந்த குழந்தையை கடத்தலாம் என்று முடிவு செய்தனர்.

இதற்காக சிவசலாபதியிடம் அவர்கள் 60 ஆயிரம் ரூபாய் முன்பணம் பெற்றனர். திட்டமிட்டப்படி கடந்த 16 ந் தேதி வீட்டின் முன் பகுதியில் விளையாடிக் கொண்டிருந்த மணிராஜை, கலாவும், இலக்கியாவும் சேர்ந்து சாமர்த்தியமாக கடத்தினார்கள். பிறகு மணிராஜை அவர்கள் இந்திராவிடம் ஒப்படைத்தனர்.

இந்திரா, குழந்தை மணிராஜை, சிவசலாபதியிடம் காட்டினார் அந்த குழந்தையை வளர்க்க சம்மதித்த சிவசலாபதி குழந்தையை இங்கேயே இருக்கட்டும் ஈரோட்டுக்கு போய் விட்டு வந்து விடுகிறேன்” என்று கூறி சென்றார். மீட்பு குழந்தையை தனது வீட்டில் வைத்துக் கொள்ள விரும்பாத இந்திரா, போரூர், மந்தவளி தெருவில் வசிக்கும் ஆட்டோ டிரைவர் சத்திய மூர்த்தியிடம் கொடுத்து வைத்திருக்க கூறினார்.

இந்த நிலையில் தனிப்படை போலீசார் திறமையாக துப்பு துலக்கி போரூரில் சத்தியமூர்த்தி வீட்டில் இருந்த குழந்தை மணிராஜை மீட்டனர். குழந்தை கடத்தலுக்கு பயன்படுத்தப்பட்ட ஆட்டோ பறிமுதல் செய்யப்பட்டது. அதன் பிறகு குழந்தை கடத்தலில் தொடர்புடையவர்கள் வேட்டையாடப்பட்டனர். 3 பெண்கள் கைது குழந்தை கடத்தலுக்கு வியூகம் வகுத்து கொடுத்த இந்திரா, அதை செயல்படுத்திய நாகம்மாள், மற்றும் சுமதி ஆகிய 3 பேரும் போலீசாரிடம் பிடிபட்டனர்.

குழந்தை மணிராஜ் அணிந்திருந்த நகைகள் மற்றும் உடைகள் நாகம்மாளிடம் இருந்து மீட்கப்பட்டன. இன்று குழந்தை மணி ராஜை, பெற்றோர் முருகன், செந்தமிழ்செல்வியிடம் போலீசார் ஒப்படைத்தனர். குழந்தையை மீட்ட தனிப்படை போலீசாரை சென்னை மாநகர போலீஸ் கமிஷனர் திரிபாதி பாராட்டினார்.

பிறகு கமிஷனர் திரிபாதி நிருபர்களிடம் கூறுகையில், “குழந்தை மணிராஜ் கடத்தப்பட்டதும் அவனது புகைப்படத்துடன் கூடிய விளம்பர நோட்டீஸ் ஏராளமாக ஒட்டினோம். அதை பார்த்த ஒருவர் அந்த நோட்டீசில் இருந்த நம்பருக்கு தகவல் கொடுத்தார். இதன் மூலம் குழந்தை மணிராஜை மீட்க முடிந்தது என்றார்.

அப்போது கூடுதல் கமிஷனர் தாமரை கண்ணன் இணை கமிஷனர்கள் சண்முக ராஜேஸ்வரன், சங் கர், செந்தாமரை கண்ணன், உளவுப் பிரிவு இணைக் கமிஷனர் நல்லசிவம் ஆகியோர் உடன் இருந்தனர். குழந்தை கடத்தலில் தொடர்புடைய மற்றவர்களை கைது செய்ய நடவடிக்கை எடுக்கப்பட் டுள்ளது. இந்த கடத்தல் கும்பல் சென்னையில் வேறு எங்காவது குழந்தைகளை கடத்தினார்களா என்று விசாரணை நடந்து வருகிறது.

கார்த்தி - ரஞ்சனிக்கு கல்யாணம் சிவகுமாரின் காசிகவுண்டன் புதூர்.

ஒரு ஊரே திருமணத்துக்கு தயாராகிறது... நண்டு சிண்டு பொண்டு பொடிசு என ஒருவர் பாக்கியில்லாமல் 'நான் கல்யாணத்துக்கு போறேனுங்...' என்று மகிழ்ச்சியோடு சொல்லிக் கொண்டிருக்கிறார்கள்.

அந்த ஊர் காசிகவுண்டன் புதூர். கோவை சூலூருக்குப் பக்கத்தில் உள்ள கிராமம். சிவகுமாரின் இளைய மகன் கார்த்தி - ரஞ்சனிக்கு நடக்கும் திருமணம்தான் இந்த கிராமத்தினரின் மகிழ்ச்சிக்குரிய நிகழ்வாக மாறியுள்ளது. இங்குள்ள 250 குடும்பங்களும் இதனை தங்கள் வீட்டு திருமணமாகவே நினைத்து, தயாராகி வருகிறார்கள்.

நடிகர் சிவகுமாரின் சொந்த ஊர்தான் இந்த காசிகவுண்டன் புதூர். இங்கு இன்னும் அவரது பழைய வீடு அந்த கிராமத்துக்கே உரிய மணம் மாறாமல் அப்படியே உள்ளது. சிவகுமாரின் சொந்த அக்கா உள்ளிட்ட உறவுக்காரர்கள் அத்தனைபேரும் கிராமத்தில் வசிக்கின்றனர்.

கார்த்தி-ரஞ்சனி திருமணம் வருகிற 3-ந் தேதி கோவையில் கோலாகலமாக நடைபெற உள்ளது. கோவை கொடிசியா அரங்கில் நடைபெறும் இந்த திருமணத்துக்கான ஏற்பாடுகள் முழு வீச்சில் நடைபெற்று வருகின்றன.

கார்த்தியின் அண்ணன் சூர்யா-ஜோதிகா திருமணத்தின் போது குறிப்பிட்டவர்கள் மட்டுமே அழைக்கப்பட்டனர். உறவினர்கள் அனைவரையும் மகன் திருமணத்திற்கு அழைக்க முடியவில்லையே என்ற ஆதங்கம் சிவகுமாருக்கு.

அதனை போக்கும் வகையில் கார்த்தி-ரஞ்சனி திருமணத்திற்கு உறவினர்கள் அனைவரையும் அழைத்து விருந்து படைக்க முடிவு செய்து, அத்தனை பேருக்கும் நேரில் போய் அழைப்பிதழ் கொடுத்திருக்கிறார்.

ஒவ்வொரு உறவினரிடமும், "இது உங்கள் வீட்டு திருமணம். கண்டிப்பாக திருமணத்துக்கு வந்து மணமக்களை ஆசீர்வதிக்க வேண்டும்" என்று அன்பாக அழைப்பு விடுத்தனர்.

"நீங்கள் சொன்னாலும் சரி, சொல்லாவிட்டாலும் சரி, இது எங்கள் வீட்டு திருமணம்தான். கண்டிப்பாக வருவோம் என்று கூறியுள்ளனர். திருமணத்திற்கு இன்னும் 2 நாட்களே இருப்பதால் அனைத்து ஏற்பாடுகளும் ஜரூராக நடக்கின்றன.

சிவகுமாரின் பாரம்பரிய குல வழக்கப்படி திருமணம் நடைபெற உள்ளது. திருமணத்திற்கு முந்தின நாள் சிவகுமார் மற்றும் அவரது குடும்பத்தினர் அனைவரும் கோவைக்கு வந்து தங்குகிறார்கள். திருமணத்தன்று காலை சிவகுமார் குடும்பத்தினர் காசி கவுண்டன்புதூரில் உள்ள தங்களது சொந்த வீட்டுக்கு செல்கின்றனர்.

அதைத் தொடர்ந்து திருமண சடங்குகள் நடக்கின்றன. பின்னர் கார்த்தி ரஞ்சனிக்கு தாலி கட்டுகிறார்.

திருமணத்தை சொந்த ஊரில் நடத்துவது குறித்து கார்த்தி கூறுகையில், "சென்னையில் திருமணத்தை வைத்துக் கொள்ளலாம் என்றுதான் முதலில் நினைத்தோம். அப்புறம் ஒரு ஊரையே சென்னைக்கு அழைத்து வருவதில் உள்ள சிரமம், டிராபிக் ஜாம் மற்றும் சில இடையூறுகள் என எல்லாவற்றையும் யோசித்துப் பார்த்தோம்.

நமக்காக ஏன் ஒரு ஊரையே சிரமப்பட வைக்கணும். அதைவிட அந்த ஊரிலேயே நடத்திவிட்டால் என்ன என்று எண்ணிதான் கோவையில் திருமண விழா நடத்த ஏற்பாடுகள் செய்தோம். கல்யாணத்துக்காக ஒரு மாதம் படப்பிடிப்புக்கு லீவு போட்டுள்ளேன். ஒரு மாதம் கழித்து சகுனி ஷுட்டிங் ஆரம்பிக்கும்.

சிறு வயதில் அடிக்கடி குடும்பத்துடன் கோவை சென்று வருவோம். அப்போதெல்லாம் விவசாயம் பிரமாதமாக நடக்கும். இப்போது எல்லாருமே வேலை விஷயமாக ஊரை காலி செய்துவிட்டு வெளியூருக்கு வந்துவிட்டனர். விவசாயமும் அங்கு இல்லாமல் போனது.

இருந்தாலும் கோவையின் குளிரும், பசுமையும் இங்கு அப்படியே உள்ளது. ஒரு ஊருக்கே ஏ.சி. போட்ட மாதிரி அப்படி ஒரு ஜில் க்ளைமேட்... அங்கு உள்ளது," என்றார்.

பிரமாண்ட ஏற்பாடுகள்...

கார்த்தி திருமணம் நடைபெற உள்ள கொடிசியா அரங்கம் வெகு விசேஷமாக அலங்கரிக்கப்பட்டு வருகிறது. வேறு உலகத்துக்கே வந்தது போன்ற நினைப்பை பார்ப்பவருக்கு உண்டாக்கும் விதத்தில் அலங்கார வேலைகள் கடந்த 1 வாரமாக நடந்து வருகின்றன.

மணமகன்- மணமகளுக்கு தனித்தனி அறைகள் உருவாக்கப்பட்டுள்ளன. இந்த திருமணத்தில் சைவ சாப்பாடு மட்டுமே பரிமாறப்பட உள்ளது.

இந்த உணவு 2 வகைகளில் பரிமாறப்படுகிறது. வழக்கமான கல்யாண பந்தி மற்றும் பஃபே முறை என இரு விதங்களில் உணவுகள் பரிமாற ஏற்பாடு செய்யப்பட்டுள்ளது.

பட்டினி சாத விருந்து...

திருமணத்துக்கு முந்தின நாள் அதாவது சனிக்கிழமை மதியம் 1 மணிக்கு பாரம்பரிய முறைப்படி பட்டினி சாத விருந்து நடைபெறுகிறது.

இதில் நடிகர் சிவகுமார் உறவினர்கள் கலந்து கொள்கிறார்கள். 3 நாட்கள் நடைபெறும் திருமண விழாவில் முதல் நாள் நடைபெறுவதுதான் இந்த பட்டினி சாத விருந்து. அதாவது மணமக்களுக்கு அளவு குறைவான சத்தான உணவு வழங்கப்படும். மணமக்களுடன் மற்றவர்களும் சாப்பிடலாம். இதில் கொஞ்சம் சாதத்துடன் (சோறு) பழம், பழச்சாறு இடம் பெறும். வயிற்றுக்கு முழுச் சாப்பாடு சாப்பிடக் கூடாது. இது முகூர்த்தம் முடியும் வரை தொடரும்.

ரசிகர்களுக்கும்....

இந்த சிக்கன சாப்பாட்டைத்தான் பட்டினி சாத விருந்து என்கிறார்கள். முன்னதாக காலை 6 மணியில் இருந்து 7 மணிக்குள் பந்தக் கால் நடப்படுகிறது. அன்று இரவு 7 மணி முதல் 9 மணி வரை வரவேற்பு நிகழ்ச்சியும், 9.10 மணிக்கு இணை சீர் நிகழ்ச்சியும் நடைபெறுகிறது. அதனை தொடர்ந்து ரசிகர் மன்றத்தினருக்கு விருந்து அளிக்கிறார் கார்த்தி. இதற்காக அனைத்து மன்றத்தினருக்கும் தனித்தனியாக அழைப்பு அனுப்பியுள்ளார்.

இந்த சினிமா ஜோடியின் திருமண செய்திகளை எழுதாவிடின் எனது கடமையில் இருந்து நான் தவறியவன் ஆகிவிடுவேனோ என்ற ஆதங்கத்தில் இந்த அறிய செய்தியை தந்துள்ளேன் ..... ஆஆஹா  

Sivakumar's native village Kasi Koundan Puthur is getting ready for actor Karthii - Ranjani marriage which is scheduled on July 3 at Kodesia Auditorium, Coimbatore.

மாயாவதிக்கு மரண அடி கிடைக்கும் Opinion Poll

டெல்லி: உ.பி சட்டசபைத் தேர்தலில் பகுஜன் சமாஜ் கட்சி ஆட்சியை இழக்கும் என்று கருத்துக் கணிப்பு ஒன்று தெரிவித்துள்ளது. மேலும், சமாஜ்வாடி கட்சி மைனாரிட்டி ஆட்சியை அமைக்கும் என்றும் இதில் தெரிவிக்கப்பட்டுள்ளது.

அதேசமயம், இத்தேர்தலில் காங்கிரஸ் கட்சிக்கு நான்காவது இடமே கிடைக்கும் என்றும் அந்த கருத்துக் கணிப்பு தெரிவிக்கிறது.

403 தொகுதிகளைக் கொண்ட உ.பி. சட்டசபைக்கு தேர்தல் வேகமாக நெருங்கி வருகிறது. இந்த நிலையில் முதல்வர் மாயாவதி தலைமையிலான நிர்வாகம் கிட்டத்தட்ட சீர்குலைந்து கொண்டிருக்கிறது. சட்டம் ஒழுங்கு கிலோ என்ன விலை என்ற ரேஞ்சுக்குப் போய் விட்டது. தடுக்கி விழுந்தால் பாலியல் பலாத்கார வழக்குகள் குவி்ந்து வருகின்றன.

48 மணி நேரத்தில் 6 பெண்கள்-அவர்களில் பாதிப்பேர் சிறுமிகள் பாலியல் பலாத்காரம் செய்யப்பட்ட சம்பவம் நாட்டையே அதிர வைத்தது. இதுகுறித்து கேட்டால், நாட்டில் வேறு எங்குமே பாலியல் பலாத்காரம் நடக்கவில்லையா. டெல்லியில் நடக்கவில்லையா, காங்கிரஸ் ஆளும் மாநிலங்களில் நடக்கவில்லையை என்று கூறுகிறார் மாயாவதி.

சட்டம் ஒழுங்கு மோசம், பாலியல் பலாத்காரங்கள் அதிகரிப்பு ஆகியவற்றால் மாயாவதி மீது மக்கள் அதிருப்தி பெருகி வருகிறது.

இந்த நிலையில் எடுக்கப்பட்ட சர்வே ஒன்றில் மாயாவதி அரசு, வரும் தேர்தலில் ஆட்சியை இழக்கும் என்று தெரிய வந்துள்ளது. அதேசமயம், யாருக்கும் தனிப்பெரும்பான்மை பலம் கிடைக்காது என்றும் தெரிய வந்துள்ளது.

மாயாவதி தலைமையிலான பகுஜன் சமாஜ் கட்சிக்கு 112 சீட்கள் மட்டுமே வருகிற தேர்தலில் கிடைக்கும். முலாயம் சிங் யாதவ் தலைமையிலான சமாஜ்வாடிக் கட்சிக்கு 168 இடங்கள் கிடைக்கும். இக்கட்சி தனிப் பெரும் கட்சியாக உருவெடுக்கும். அதேசமயம், இக்கட்சிக்கும் பெரும்பான்மை பலம் கிடைக்காது.

3வது இடத்தை பாஜக பிடிக்கும். இக்கட்சிக்கு 53 இடங்கள் வரை கிடைக்கலாம். காங்கிரஸ் கட்சிக்கு ராகுல் காந்தியால் பெரும் பலன் கிடைக்க வாய்ப்பில்லை. அக்கட்சிக்கு 45 இடங்கள் வரை மட்டுமே கிடைக்கலாம் என்று கருத்துக் கணிப்பில் தெரிவிக்கப்பட்டுள்ளது.

சமாஜ்வாடிக் கட்சி தலைமையில் சிறுபான்மை அரசு ஆட்சியமைக்கும் வாய்ப்புகள் பிரகாசமாக உள்ளன. அந்த அரசுக்கு காங்கிரஸ் ஆதரவு கொடுக்கும். எதிர்க்கட்சி வரிசைக்கு மாயாவதி தள்ளப்படலாம் என்பது இந்தக் கருத்துக் கணிப்பின் முடிவாகும்.

சமாஜ்வாடிக் கட்சிக்கு மக்கள் மத்தியில் ஆதரவு பெருகியுள்ள போதிலும் கூட அதற்கு தனிப்பெரும்பான்மை பலம் கிடைக்கும் நிலை இல்லை. ஒரு வேளை கிடைத்தாலும் கூட மிக மெல்லிய பெரும்பான்மை பலமே கிடைக்கக் கூடும்.

மொத்த வாக்காளர்களில் 26.9 சதவீத வாக்குகளை சமாஜ்வாடிக் கட்சி பெறலாம். அதேசமயம், பகுஜன் சமாஜ் கட்சிக்கு 26.1 சதவீத வாக்குகள் கிடைக்கலாம்.

யாதவ சமூகத்தினரும், முஸ்லீ்ம்களும் சமாஜ்வாடிக் கட்சியின் முக்கியப் பலமாக உள்ளனர்.

அதேசமயம் தலித் வாக்கு வங்கியில் பெரும் ஓட்டையைச் சந்திக்கவில்லை பகுஜன் சமாஜ் கட்சி என்பது குறிப்பிடத்தக்கது. அந்த வாக்கு வங்கி அப்படியேதான் உள்ளது. மாயாவதிக்கு ஆதரவாகவே அவர்கள் முழுமையாக உள்ளனர்.மாநிலம் முழுவதும் தலித்களின் முதல் சாய்ஸ் மாயாவதியாகவே உள்ளபோதிலும், ஆட்சியில் ஏற்பட்டுள்ள குறைபாடும், நிர்வாக சீர்குலைவுமே மாயாவதியைக் கைவிடுவதாக அமைந்துள்ளது.

அதாவது வாக்கு வங்கி நன்றாக இருந்தும், திறமையற்ற ஆட்சி, குளறுபடியான ஆட்சி காரணமாக பதவியை இழக்கும் நிலைக்குத் தள்ளப்பட்டுள்ளார் மாயாவதி. சுருங்கச் சொல்வதாக இருந்தால் சட்டி சரியாக இருந்தும், சாம்பார் சரியில்லை என்ற கதைதான்.

குற்றங்களைத் தடுப்பதில் அரசு மோசமாக செயல்படுவதாக 61 சதவீதம் பேர் கருத்து தெரிவித்துள்ளனர். அடிப்படைக் கட்டமைப்பு வசதிகள் மோசமாக உள்ளதாக 55 சதவீதம் பேர் கருத்து தெரிவித்துள்ளனர். சாலை வசதிகள், குடிநீர், மின்சாரம் உள்ளிட்டவை திருப்தி தரவில்லை என்றும் இவர்கள் அதிருப்தி வெளியிட்டுள்ளனர்.

முதல்வர் பதவிக்கு தகுதியானவராக 33 சதவீதம் பேர் முலாயம் சிங் யாதவையும், 29 சதவீதம் பேர் மாயாவதியையும், 18 சதவீதம் பேர் ராஜ்நாத் சிங்கையும் கூறியுள்ளனர்.

காங்கிரஸ் தரப்பிலிருந்து யாருமே இந்தப் பட்டியலில் வரவில்லை என்பது குறிப்பிடத்தக்கது. அதாவது காங்கிரஸ் கட்சியை மக்கள் ஒரு பொருட்டாகவே கருதவில்லை என்று இதன் மூலம் தெரிகிறது.

மே 26 முதல் ஜூன் 4ம் தேதி வரை உ.பியில் உள்ள 12 சட்டசபைத் தொகுதிகளில் 2822 பேரிடம் கருத்து கேட்டு இந்த சர்வே முடிவுகளை வெளியிட்டுள்ளனர்.

English summary

An opinion poll in UP has revealed strong public sentiments when it said that the Bahujan Samaj Party (BSP) will not be able to come back to power next year. The survey also stated that the Samajwadi Party (SP) will lead a hung assembly. The poll predicted that the BSP will win just 112 seats while the SP is touted to win 168 seats falling short of a majority in the 403-seat assembly. The other contenders in the race, the BJP and Congress are expected to get 53 and 45 seats respectively.

அப்ரூவராவாரா கனிமொழி? விடுதலையாவதற்காக 2ஜி ஊழல் வழக்கில்

டெல்லி: திமுக தலைவர் கருணாநிதியின் மகள் கனி்மொழி, திஹார் சிறையிலிருந்து இப்போதைக்கு வெளியே வருவதற்கு ஒரே ஒரு வழிதான் உள்ளது. அது, வழக்கில் அவர் அப்ரூவராக வேண்டும். அப்படி ஆக முடிவு செய்தால் அவருக்கு உடனடியாக ஜாமீன் கிடைக்க வழி உள்ளது.

ஆனால் கனிமொழி அப்ரூவர் ஆவார் என்பது சந்தேகம்தான். கடந்த 2 மாதங்களாக திஹார் சிறையில் வாடி வருகிறார் கனிமொழி. 2ஜி ஸ்பெக்ட்ரம் ஊழலில் கலைஞர் டிவிக்கு கிடைத்த ரூ. 204 கோடி கடன் தொகை தொடர்பாக அவரும், கலைஞர் டிவி நிர்வாக இயக்குநர் சரத்குமார் ரெட்டியும் சிறையில் அடைக்கப்பட்டுள்ளனர்.

அவர் இதுவரை தாக்கல் செய்த 3 ஜாமீன் மனுக்களும் தள்ளுபடியாகி விட்டன. வழக்கில் குற்றச்சாட்டுப் பதிவு செய்த பின்னர், விசாரணை நீதிமன்றமான சிபிஐ கோர்ட்டை அணுகுமாறு கனிமொழிக்கு உச்சநீதிமன்றம் அறிவுறுத்தியுள்ளது. அதுவரை அவரால் வெளியே வர முடியாத நிலை.

இந்த நிலையில் வழக்கில் அப்ரூவராக கனிமொழி முடிவு செய்தால் அவருக்கு ஜாமீன் உடனடியாக கிடைக்கலாம் என்று கூறப்படுகிறது. ஆனால் கனிமொழி அப்படிச் செய்வார் என்பதும் சந்தேகம்தான்.

அப்ரூவராக கனிமொழி முடிவு செய்தால் அது திமுகவுக்கு பெரும் பாதிப்பையே ஏற்படுத்தும் என்பதால் அதுகுறித்து ஒன்றுக்கு நான்கு முறை கனிமொழியும், கருணாநிதி குடும்பத்தினரும் யோசிக்கலாம் என்று தெரிகிறது.

அதேசமயம், கனிமொழி அப்ரூவராக மாறி, மத்திய அரசுக்கு தர்மசங்கடத்தை ஏற்படுத்தும் வகையில் பல தகவல்களை வெளியிட்டால் அது காங்கிரஸுக்கு பெரும் சிக்கலை ஏற்படுத்தக் கூடும் என்பதால் கனிமொழி அப்ரூவராக மாறக் கூடிய வாய்ப்புகளையும் மறுப்பதற்கில்லை என்று கூறப்படுகிறது.

English summary

With the 2G spectrum scam hotting up and the heat of which has reached the UPA government, the daughter of DMK chief M Karunanidhi is the most distressed in the confines of the Tihar jail. After three of her bail pleas were rejected, the only hope she can enjoy freedom is by turning approver. With chances of Kanimozhi turning approver strongly emerging, she could blow the lid off the corporate-political nexus and expose how money-power influences government's policy making. The court had rejected her bail plea on the grounds that she could influence witnesses if she was released.

1000 கோடி தங்க நகைகள்.பத்மநாபசுவாமி கோவிலில் கண்டுபிடிப்பு

ருவனந்தபுரம்: திருவனந்தபுரத்தில் உள்ள பத்நாபசுவாமி கோவிலில் உள்ள நான்கு பாதாள அறைகளைத் திறந்து ஆய்வு செய்ததில் கிடைத்த நகைகளின் மதிப்பு ரூ. 1000 கோடி இருக்கும் என மதிப்பிடப்பட்டுள்ளது.

திருவனந்தபுரத்தில் உள்ள பத்மநாபசுவாமி கோவில் மிகவும் பழமையானது. இங்கு ஆறு பாதாள அறைகள் உள்ளன. அதில் என்ன உள்ளது என்பதைத் திறந்து பார்க்க உத்தரவிட வேண்டும் என்று கோரி உச்சநீதிமன்றத்தில் வழக்கு தொடர்பபட்டது. இதை விசாரித்த உச்சநீதிமன்றம் 2 முன்னாள் கேரள உயர்நீதிமன்ற நீதிபதிகள் தலைமையிலான 7 பேர் குழுவை அமைத்து பாதாள அறைகளை ஆய்வு செய்ய உத்தரவிட்டது.

அதன்படி மொத்தம் உள்ள 6 பாதாள அறைகளில் 4 அறைகளை இக்குழு ஆய்வு செய்து பார்த்தது. அப்போது பத்திரிக்கையாளர்கள் யாரும் அனுமதிக்கப்படவில்லை. இந்த ஆய்வின்போது பெருமளவிலான நகைகள்,பாத்திரங்கள், பணம் உள்ளிட்டவை கிடைத்தன. அவற்றின் மதிப்பை அறிய கணக்கீடு செய்யப்பட்டது. இந்த மதிப்பீட்டில் அவற்றின் மொத்த மதிப்பு ரூ. 1000 கோடி இருக்கும் எனத் தெரிய வந்துள்ளது.

பெரிய பெரிய தங்கச் சங்கிலிகள், தங்க நாணயங்கள், தங்கக் குடங்கள், நவரத்தினக் கற்கள் பொறித்த தங்க ஆபரணங்கள், பெருமளவிலான பணக் கட்டுக்கள் இந்த அறைகளில் இருந்துள்ளன. மிகப் பழமையான இந்த ஆபரணங்கள், பாத்திரங்கள், நகைகள் உள்ளிட்டவை கிட்டத்தட்ட 150 ஆண்டு பழமை வாய்ந்தவை என்று கூறப்படுகிறது.

மேலும் உள்ள 2 அறைகளை விரைவில் திறக்கவுள்ளனர். அங்கு வைரம் மற்றும் வைடூரிய நகைகள், பொருட்கள் இருக்கலாம் என சந்தேகிக்கப்படுகிறது.

18வது நூற்றாண்டில், திருவாங்கூர் சமஸ்தானத்தின் மார்த்தாண்ட வர்மாவால் கட்டப்பட்டது இந்தக் கோவில். திருவாங்கூர் சமஸ்தான குடும்பத்தினரைக் கொண்ட அறக்கட்டளை மூலம் இக்கோவில் நிர்வகிக்கப்பட்டு வருகிறது என்பது குறிப்பிடத்தக்கது.

அது என்னடா உலகே மாயம் என்று மாயா வாதம் பேசிய கோவிலும் அதைசார்ந்தவர்களும் தங்கம் தங்கமாக குவித்து வைத்திருக்கிறார்கள்?

பாமர ஜனங்களுக்கு ஆன்ம ஈடேற்றம் பக்தியால் உருகி உருகி இறைவனை பாடுங்கள் பணியுங்கள் என்று ஏராளமான டைவேஷன்களை காட்டி விட்டு தாங்கள் மட்டும் தங்க குவியல் சேர்பதிலேயே குறியாக இருந்திருகிறார்கள்

English summary

The process of making an inventory of the priceless articles locked up in underground cellars of the famed Sree Padmanabhaswamy temple in Thiruvananthapuram has revealed gold ornaments, vessels, jewels and precious stones worth Rs, 1000 of crores of rupees. The examination of three of the six inner chambers in the sprawling temple complex in the city, completed on Tuesday evening, showed that they contained gold chains, gold, a large number of silver and brass platters, ornaments, a stone-studded crown and glittering gold coated parasols and may other objects of great intrinsic and antique value, temple sources said.

புதுச்சேரி: வெடிகுண்டு பார்சல் அனுப்பி இளம்பெண்ணை தீர்த்துக்கட்டிய தொழில் அதிபர்

ஆசைக்கு இணங்க மறுத்ததால் வெடிகுண்டு பார்சல் அனுப்பி இளம்பெண்ணை தீர்த்துக்கட்டிய தொழில் அதிபர்
புதுச்சேரி அரியாங்குப்பம் சோலை கவுண்டர் வீதியைச் சேர்ந்த பன்னீர்செல்வம் (வயது 70) என்பவரின் மகள் ஜோதி (25). இவர் அரியாங்குப்பத்தில் உள்ள ஒரு எஸ்.டி.டி. பூத் கடையில் வேலை செய்து வந்தார். கடந்த சில மாதங்களுக்கு முன்பு அவர் வேலைக்கு செல்வதை நிறுத்தி விட்டார். தற்போது அந்த பகுதியில் உள்ள ஒரு மெழுகுவர்த்தி கம்பெனியில் வேலை செய்து வந்தார். ஜோதியின் பெற்றோர் அவருக்கு மாப்பிள்ளை பார்த்து வந்தனர்.
இந்த நிலையில் கடந்த 28.06.2011 அன்று மதியம் 3.30 மணியளவில் ஜோதியின் தந்தை பன்னீர் செல்வம் பெயருக்கு ஒரு கொரியர் பார்சல் வந்தது. அந்த பார்சலில் பன்னீர் செல்வத்தின் பெயரும், ஜோதியின் செல்போன் நம்பரும் எழுதப்பட்டு இருந்தது. அதில் அனுப்புபவரின் பெயர் அன்பு, கடலூர் என்று எழுதப்பட்டு இருந்தது. ஜோதி அந்த பார்சலை வாங்கி கொண்டு நேராக தனது படுக்கை அறைக்கு சென்று அதை பிரிக்க முயன்றார். அப்போது எதிர்பாராத விதமாக அந்த பார்சல் பயங்கர சத்தத்துடன் வெடித்து சிதறியது.
அந்த பார்சலில் இருந்த குண்டு வெடித்ததில் ஜோதியின் முகம், கை, கால் மற்றும் உடலில் பல்வேறு இடங்களில் காயம் ஏற்பட்டு மயங்கி விழுந்தார். அவரது வீட்டின் படுக்கை அறை மேலே போடப்பட்டு இருந்த சிமெண்டு கூரை சுக்குநூறாக உடைந்து சிதறியது. மேலும் அந்த அறையில் இருந்த கட்டில், மெத்தை, டி.வி. உள்பட பல்வேறு பொருட்கள் சேதம் அடைந்தன.

அருகில் உள்ளவர்கள் ஜோதியை மீட்டு புதுச்சேரி அரசு ஆஸ்பத்திரியில் சேர்த்தனர். அங்கு சிகிச்சை பலனின்றி நேற்று முன்தினம் நள்ளிரவில் அவர் பரிதாபமாக இறந்தார்.

இது தொடர்பாக போலீசார் நடத்திய விசாரணையில், அரியாங்குப்பத்தைச் சேர்ந்த துரைராஜ் என்பவரது மகன் தொழில் அதிபர் அருணகிரி (32) என்பவர் ஜோதிக்கு பார்சலில் வெடிகுண்டு அனுப்பி கொலை செய்தது தெரியவந்தது. உடனே போலீசார் அவரை பிடித்து விசாரணை நடத்தினர்.
விசாரணையில் அவர், புதுச்சேரியில் உள்ள ஒரு தனியார் கொரியர் நிறுவனம் மூலம் போலி முகவரி கொடுத்து பார்சலில் வெடிகுண்டை அனுப்பி ஜோதியை கொலை செய்ததை ஒப்புக்கொண்டார். உடனே போலீசார் அவரை கைது செய்து மேலும் விசாரணை நடத்தினார்கள்.

கைது செய்யப்பட்ட அருணகிரி போலீசாரிடம் அளித்த வாக்குமூலத்தில் கூறி இருப்பதாவது:
அரியாங்குப்பம் சோலைகவுண்டர் வீதியில் நான் மெழுகுவர்த்தி தயாரிக்கும் கம்பெனி நடத்தி வருகிறேன். எனது மனைவி பெயர் புனிதா. இறந்து போன ஜோதி எனது மனைவி புனிதாவின்
நெருங்கிய தோழி. ஜோதி மீது எனக்கு ஈர்ப்பு ஏற்பட்டது.

எனவே அவரை எப்படியாவது அடைய வேண்டும் என்று ஆசைப்பட்டேன். எனது ஆசைக்கு இணங்கும் படி வற்புறுத்தினேன். ஆனால் அவர் மறுத்து விட்டார். இருப்பினும் அவர் மீது உள்ள மோகம் எனக்கு குறையவில்லை.

நான் தொடர்ந்து வற்புறுத்தியதால் கோபம் அடைந்த ஜோதி, இதுபற்றி எனது மனைவியிடம் கூறி விடுவதாக மிரட்டினார். இதனால் அதிர்ச்சி அடைந்த நான், அவரை தீர்த்துக்கட்ட திட்டமிட்டேன். இதற்காக ஒரு பார்சலில் வெடிகுண்டு அனுப்பி அவரை கொலை செய்ய திட்டமிட்டேன்.
மேற்கண்டவாறு அருணகிரி தனது வாக்குமூலத்தில் கூறி இருப்பதாக போலீசார் தெரிவித்தனர்.

3,500 அத்துமீறும் மீனவர்கள் விரட்டியடிப்பு‌

ராமேஸ்வரம்: க‌ச்ச‌த்‌தீவு அருகே ‌மீ‌ன்‌பிடி‌த்து‌க் கொ‌ண்டிரு‌ந்த 3 ஆயிரத்து 500 தமிழக மீனவ‌ர்களை இல‌ங்கை கட‌ற்படை‌யின‌ர் அடி‌த்து ‌விர‌ட்டிய சம்பவம் மீனவ‌ர்க‌ளிடையே கொந்தளிப்பை ஏற்படுத்தியுள்ளது.

ராமே‌ஸ்வர‌த்‌தி‌ல் இரு‌ந்து 700 படகுக‌ளி‌ல் 3 ஆயிரத்து 500 ‌மீனவ‌ர்க‌ள் கடலு‌க்கு ‌மீ‌ன்ப‌ிடி‌க்கச் செ‌ன்‌றனர். அவர்கள் நே‌ற்று மாலை க‌‌ச்ச‌த்‌தீவு பகு‌தி‌ அருகே மீ‌ன் ‌பிடி‌த்து‌க் கொ‌ண்டிரு‌ந்தனர். அப்போது அ‌ங்கு 2 பட‌குக‌ளி‌ல் வந்த இல‌ங்கை க‌ட‌ற்படை‌யின‌ர், கடலில் மீன் பிடித்துக் கொண்டிருந்த ராமேஸ்வரம் மீனவர்களை விர‌ட்டி அடி‌த்தன‌ர். இதனால் மீனவ‌ர்க‌ள் உயிர் பயம் காரணமாக உடனே கரை ‌திரு‌ம்‌பின‌ர்.

இல‌ங்கை கட‌ற்படை‌யின‌ரி‌ன் இ‌ந்த செயல் மூலம் ஒவ்வொரு மீனவருக்கும் தலா ரூ. 17 ஆ‌யிர‌ம் ந‌ஷ்ட‌ம் ஏ‌ற்ப‌ட்டு‌ள்ளது என பாதிக்கப்பட்ட மீனவர் ஒருவர் வேதனையுட‌ன் த‌ெ‌ரி‌‌வி‌த்தார்

தமிழக மீனவர்கள் மீது கடந்த ஒரு வார‌த்‌தி‌ல் இல‌ங்கை கட‌ற்படை‌யின‌ர் தாக்குதல் நடத்துவது இது மூன்றாவது முறையாகும். இலங்கை கடற்படையின் இந்த செயல் கடும் கண்டனத்திற்கு உரியது என மீனவ அமைப்பு பிரநிதிகள் வேதனை தெரிவித்துள்ளனர்.

அடிக்கடி கடலில் அத்துமீறும் இலங்கை கடற்படை குறித்து சர்வதேச நீதி மன்றத்தில் வழக்கு தொடர மீனவ அமைப்புகளும், மனித உரிமை அமைப்புகளும் ஆலோசனை நடத்தி வருகின்றன.

English summary

Sri Lankan navy has driven 3, 500 TN fishermen who were fishing near Kachatheevu. This is the third attack against TN fishermen in the last one week. Fishermen association and human rights groups are discussing about filing a case against Lankan navy in the international court of justice. 

aththu meeri 

மெல்லுகின்றவாய்க்கு அவலாகும் அபலைப் பெண்கள் !தென்னிலங்கையில் தொழில் வாய்ப்பைக்

தென்னிலங்கையில் தொழில் வாய்ப்பைக் காட்டி தமிழ் பெண்கள் துஸ்பிரயோகம் செய்யப்படுவதாக வெளிவந்த செய்தி

- நமது யாழ் நிருபர்

படம் - மருதானையில் பொலிசாரால் இளம் பெண்கள் விடுவிக்கப்பட்ட விடுதி

வடக்கு கிழக்கைச் சேர்ந்த 7 பெண்கள் உட்பட 9 பெண்கள் கொழும்பில் மருதானைப்பகுதியிலிருந்த விடுதியொன்றில் வைத்து விபச்சாரத்தில் ஈடுபடுத்தப்பட்ட பரிதாபச் செய்தி இவ்வார யாழ் பத்திரிகைகளில் பிரதான செய்தியாக வெளிவந்திருந்தது. இவர்களுள் 8 பெண்கள் 16-24 வயதிற்குட்பட்டவர்களெனவும் அவர்களுள் இருவர் 18 வயதிற்குக் குறைந்தவர்களெனவும் பொலிஸ் தகவல்கள் தெரிவிப்பதாக பத்திரிகைகள் தெரிவித்திருந்தன. அத்துடன் பொலிஸ் தகவல்களை மேற்கோள்காட்டி, இவர்களுள் இருவரைப்பற்றி மட்டும் மேலதிக விபரங்களையும் பத்திரிகைகள் தெரிவித்திருந்தன. இதன்படி இவர்கள் இருவரும் வவுனியா மற்றும் முல்லைத்தீவு பகுதிகளைச் சேர்ந்தவர்களெனவும் யுத்தத்தினால் பாதிக்கப்பட்ட அபலைகள் எனவும், முகவர் ஒருவரினால் வேலைவாய்ப்புப் பெற்றுத் தருவதாக மோசடி செய்யப்பட்டு கொழும்பிற்குக் கூட்டிவரப்பட்டு ஏமாற்றப்பட்டவர்களெனவும் தெரிவிக்கப்பட்டிருந்தது. இச் செய்தி, சமூக ஆர்வலர்களினால் ஒரு அபாய அறிவிப்பாகக்கருதப்பட்டு; இந்நிலைமைகளைக் கட்டுப்படுத்தி களைந்தெறிவதற்கான நடவடிக்கைகளில் கவனம்கொள்ள வைத்துள்ளது.

இதற்கிடையில் இந்தச் செய்தியுடன் கொழும்பிற்கோ அல்லது வெளிநாடுகளுக்கோ சட்டப்படியாக வேலைவாய்ப்புகளைத் தேடிச்செல்லும் பெண்களின் நிலைமைகளை பொதுமைப்படுத்தும் இன்னொரு அபாய நிலைமை இப்போது தோன்றியுள்ளதாக மகளிர் மற்றும் இளம் மகளிர் முன்னணி அமைப்பாளர் திருமதி அகலியா சுட்டிக்காட்டியுள்ளார். இதுபற்றி அவர் தெரிவிக்கையில், இந்தச் செய்தி பத்திரிகைகளில் பிரபலமாக்கப்பட்டதைத் தொடர்ந்து வெளிநாடுகளில் வேலைவாய்ப்புகளைப் பெறுவதற்காக தொழில் முகவர்கள் ஊடாக முயற்சிகள் செய்து தோல்வியடைந்து தமது வீடுகளுக்குத் திரும்பிவந்த பெண்கள் சிலர் தமது ஊரவர்களினால் சொல்லொணா மன உழைச்சலுக்கு உள்ளாகிவருவதாகவும், இது மிகவும் கொடூரமானது எனவும் குறிப்பிட்டார். இவர்களது நிலைமைகளே இப்படியிருக்கையில், உண்மையில் பாதிக்கப்பட்ட அப்பாவிப்; பெண்கள் தமது ஊர்களுக்குத் திரும்பிவரும்போது எதிர்கொள்ளப்போகும் பரிதாப நிலைமைகளை எண்ணிப்பார்ப்பது அச்ச மூட்டுவதாக உள்ளதாக அவர் ஆதங்கப்பட்டார்.

எமது சமூகத்தின் இந்த அவல நிலைமையை மாற்ற சமூக அக்கறையுள்ள அனைவரும் முன்வரவேண்டுமெனவும், இதற்குக் காரணமான எமது சமூகப் பிரகிருதிகளை மகளிர் மற்றும் இளம் மகளிர் முன்னணி வன்மையாகக் கண்டிப்பதாகவும் அவர் குறிப்பிட்டார்.

அத்துடன் இவ்விடயம்பற்றி மேலும் கருத்துத் தெரிவித்த அவர், வன்னியிலிருந்த அப்பாவி மக்களின் அவலங்களை தமிழ் அரசியல்வாதிகளும் தமிழ் ஊடகங்களும் வெறும் அரசியல் பிரச்சாரத்திற்காகப் பயன்படுத்துவதைத் தவிர்த்து அக்கறையுடன் அணுகி அவை உருவாவதற்கான ஊற்றுமூலங்களைக் கண்டுபிடித்து அவற்றை களைவதற்கான நடவடிக்கைகளை எடுக்க முன்வரவேண்டுமென தெரிவித்தார். குறிப்பாக யாழ்ப்பாணத்தில் பிரபல பாடசாலைகளில் கல்விகற்கும் சில மாணவிகள் கருக்கலைப்புச் செய்துகொண்டதாக பொதுக் கூட்டங்களில் பகிரங்கமாகவே பேசப்பட்டவை பிரசுரமாவதை மிகவும் பொறுப்புணர்வுடன் தவிர்த்த ஊடகங்கள், இச் சம்பவத்தைமட்டும் பெட்டிச் செய்திகளாக்கி வெறும் பிரச்சாரத்திற்காகப் பயன்படுத்துவது தவறு எனக் குறிப்பிட்டார்.  இயக்கத்தில் சேர்ந்திருந்து தற்போது இலங்கை அரசினால் புனர்வாழ்வளிக்கப்பட்ட பல இளம் பெண்களை அவர்களது குடும்பங்களோ அல்லது தமிழ் சமூகமோ அரவணைக்காத அவலநிலை தொடர்ந்து இருந்துவருகிறது. இவைபற்றி இப் பிரதிநிதிகள் கவலைப்பட்டதில்லை. இது தவிர பொருளாதார நீதியாக அவலநிலையிலுள்ள இந்தப் பெண்களின் அபாயகரமான நிலைமையையிட்டு பல அறிக்கைகள் வெளிவந்தும், இந்த அரசியல்வாதிகளோ அல்லது ஊடகங்களோ இவர்கள்பற்றி பெரிதும் அலட்டிக் கொண்டதில்லை. இந் நிலையில் இச் செய்தியைமட்டும் வெறும் பிரச்சாரத்திற்காகப் பிரசுரித்து சமூக மட்டத்தில் கீழ் நிலையிலுள்ள சகல பெண்களின் எதிர்காலத்தையும் கேள்விக்குறியாக்குவது கண்டிக்கத் தக்கது எனக் குறிப்பிட்டார்.

ரெட்டி சகோதர்களின் ரொட்டிச் செலவுகளுக்கு பெல்லாரி மாவட்டத்தையே தூக்கிக் கொடுத்த எடியூரப்பா

மஞ்சுநாதர் இப்போது பெரும் சோகத்தில் ஆழ்ந்துள்ளார். கருநாடகத்தின் தர்மஸ்தலாவில் அமர்ந்து கொண்டு தானுண்டு தனது தருமப் பரிபாலனம் உண்டு என்று சிவனேயென்று இருந்த மஞ்சுநாதருக்கு சநாதன தருமத்தின் காவலர்களான பாரதீய ஜனதாவின் வடிவில் இப்போது  பெரும் சோதனை ஏற்பட்டுள்ளது. நாட்டில் அதர்மம் தலையெடுத்து தர்மம் தலைசாயும் போதெல்லாம் சம்ஜௌதா, நாண்டெட், மாலேகான் பாணியில் ஆர்.டி.எக்ஸ் அவதாரம் எடுக்கும் பாரதீய ஜனதாவே இந்த சோதனைக்கு மூலகர்த்தா என்பதால் தான் மஞ்சுநாதர் கடப்பாறையை விழுங்கியவர் கணக்காக விழித்துக் கொண்டிருக்கிறார்.
கீர்த்தணாரம்பத்திலே கருநாடகத்தில் முதன் முறையாக இராம ராச்சியத்தை அமைப்பதில் வெற்றி கண்ட பாரதிய ஜனதாவின் எடியூரப்பா, சீரோடும் சிறப்போடும் பல்வேறு ஊழல் முறைகேடுகளில் ஈடுபட்டுக் கொண்டிருந்தார். ஆர்.எஸ்.எஸ் காண்டீபத்திலிருந்து சீறிப் பாய்ந்த இராம பாணங்கள் குத்திக் கிழித்ததில் கருநாடகத்தின் சகல துறைகளிலும் ஊழல் சீழ் வடிந்து ஆறாய் ஓடத் துவங்கியது. ‘இதென்னடா நமக்கு வந்த சவால்’ என்று கங்கை ஆறே பொறாமை கொண்டது. நடக்கும் தேட்டையில் தனக்கான அவிர் பாகம் தடைபட்டுப் போனதைக் கண்ட மதச்சார்பற்ற ஜனதா தளத்தின் ஹெச்.டி. குமாரசாமி நெற்றிக் கண்ணைத் திறந்தார். ஊடகங்களில் எடியூரப்பாவின் காவிக் கோவணத்தை உருவி அம்மணக்கட்டையாக நிறுத்தினார்.
பாவப்பட்ட ஏழைகளான ரெட்டி சகோதர்களின் ரொட்டிச் செலவுகளுக்கு பெல்லாரி மாவட்டத்தையே தூக்கிக் கொடுத்த எடியூரப்பா சில பெட்டிகளை குமாரசாமியின் வாயில் திணித்து ஆறுதல்படுத்த முடியுமா என்று முயற்சித்துள்ளார். அவ்விடத்தில் வாய் கொஞ்சம் பெரிது என்பதாலோ என்னவோ பேரம் படியவில்லை. அதைத் தொடர்ந்து குமாரசாமி சற்றும் மனம் தளராமல் எடியூரப்பா தன்னிடம் நடத்திய பேரத்தை பகிரங்கமாய் அம்பலப்படுத்தி விட்டார். இது நடந்தது கடந்த பதினாறாம் தேதி. அப்போது அவர், தான் எடியூரப்பாவின் குடும்பத்தார் அடிக்கும் கொள்ளைகளைக் கண்டுகொள்ளாமல் விட்டால் எதிர்காலத்தில் அவரது கட்சியோடு பாரதிய ஜனதா கூட்டணி அமைக்கும் என்றும், பணம் கொடுப்போம் என்றும் எடியூரப்பா ஆசை காட்டியதை பத்திரிகையாளர்களிடம் தெரிவித்தார்.
தான் ஆட்டிய வெள்ளைக் கொடியைக் கிழித்து மலம் துடைத்து தன் முகத்திலேயே அப்பி விட்ட சோகத்தை மறைத்துக் கொண்ட எடியூரப்பா, தனது நேர்மையை நிரூபிக்க குமாரசாமியை ஒரு சவாலுக்கு அழைக்கிறார். சவால் என்றதும் நீதி மன்றம் வழக்கு என்பதெல்லாம் உங்களுக்கு நினைவுக்கு வரக்கூடும் – முதலில் அதை ரப்பர் வைத்து அழித்துப் போடுங்கள். நாம் பேசிக் கொண்டிருப்பது சாதா ராஜ்ஜியத்தைப் பற்றியல்ல – ராம ராஜ்ஜியத்தைப் பற்றி.
சரி விஷயத்துக்கு வருவோம். மேற்படி சவால் என்னவென்றால், குமாரசாமி தான் சொல்லும் குற்றச்சாட்டுகள் உண்மையென்று தர்மஸ்தலாவில் இருக்கும் மஞ்சுநாதரின் முன் கற்பூரம் அடித்து சத்தியம் செய்ய வேண்டியது. தான் சொல்வதே சரியானது என்று எடியூரப்பாவும் சத்தியம் செய்ய வேண்டியது. இதில் யார் சொன்னது பொய்யோ அவரை தண்டிக்க வேண்டிய பொறுப்பு மஞ்சுநாதரைச் சேர்ந்தது.
எடியூரப்பா, ஜெயலலிதா போன்றவர்களுக்கெல்லாம் சாமியும் சத்தியமும் சர்க்கரைப் பொங்கல் போலத்தான். இவரே இப்படி ஏற்கனவே பல கோயில்களில் பல்வேறு சத்தியங்களையும் ஹோமங்களையும் செய்துள்ளவர் தான். அது தான் முப்பத்து முக்கோடி தெய்வங்கள் இருக்கிறார்களே. இன்றைக்கு ஒரு சாமியோடு கூட்டணி வைத்து இன்னொரு சாமிக்கு அல்வா கொடுத்து விடலாம், நாளை வேறு ஒரு சாமியோடு கூட்டணி வைத்து மொத்தமாக எல்லோருக்குமே அல்வா கொடுத்து விடலாம். இது தான் எடியூரப்பா ஜெயலலிதா போன்றவர்களின் அசட்டுத் துணிச்சலுக்குக் காரணம்.

குமாரசாமி - எடியூரப்பா

ஆனால் இந்த முறை விசேஷம் என்னவென்றால், குமாரசாமியைப் பார்த்து ‘துண்டைப் போட்டுத் தாண்ட ரெடியா’ என்று எடியூரப்பா அடித்த  சவால் அரசுப் பணத்தில் அடித்ததாகும். மக்கள் வரிப்பணத்தை வாரியிறைத்து தான் எல்லா பத்திரிகைகளிலும் அரைப்பக்க அளவில் விளம்பரம் கொடுத்தார். ஒருவேளை என்றாவது ஒருநாள் ஆர்.எஸ்.எஸ் கும்பல் சொல்வது போல் இராம ராஜ்ஜியம் மட்டும் அமைந்து விடுமானால் நீதிமன்றங்களை எல்லாம் இழுத்து மூடிவிடுவார்கள்.

ஹிந்து சநாதன தருமத்தின் அடிப்படையில் தீமிதித்தல், கற்பூரம் அடித்தல், குழந்தையைப் போட்டு தாண்டுதல், நாக்கில் சூடு போட்டுக் கொள்ளுவது, சூத்திரன் படித்தால் காதில் ஈயத்தைக் காய்ச்சி ஊற்றுவது என்பன போன்ற வருண தருமத்தின் அடிப்படையிலான விசாரணை முறைகளும் தண்டனை முறைகளுமே கோலோச்சும்.
எடியூரப்பா சிலைமுழுங்கி என்றால் குமாரசாமி மலைமுழுங்கி. எனவே, அவரும் கற்பூரம் அடித்து சத்தியம் செய்யும் சவாலை கடந்த பதினெட்டாம் தேதி ஏற்றுக் கொள்கிறார். இதுவும் ஊடகங்களில் விமரிசையாக வெளியாகிறது. இந்தியாவின் ஐ.டி தலைநகரம் இப்படி ஐந்தாம் நூற்றாண்டு பிராணிகளின் பிடியில் இருப்பதைப் பார்த்து ஊரே சிரிப்பாய்ச் சிரிக்கிறது. இப்படியாக எடியூரப்பாவும் குமாரசாமியும் துண்டைப் போட்டுத் தாண்டுவதற்கான நாளாக 27-ம் தேதி குறிக்கப்பட்டது.
இந்த ஆன்டி கிளைமேக்ஸை ஒரிஜினல் சத்தியவான் (ISO 2000:9001) எடியூரப்பா எதிர்பார்க்கவில்லை. ஒரு விஷயம். சீனியர் கவுடாவும் ஜூனியர் கவுடாவும் ஆர்.எஸ்.எஸ் கும்பலின் அரசியல் நடைமுறையான பில்லி சூனியங்கள் மற்றும் பூஜை புனஸ்காரங்களில் போதுமான அளவுக்குக் கரைகண்டவர்கள் தான். அவர்கள் நடத்திய பல்வேறு ஹோமங்களையும் பூஜைகளையும் பார்த்து மிரண்டு போன எடியூரப்பா ஏற்கனவே ஒருமுறை ‘ கவுடா குடும்பம் எனக்கு சூனியம் வச்சிட்டானுக’  என்று புலம்பியிருக்கிறார். இங்கே தான் இந்தியப் போலி ஜனநாயகத்தின் உண்மையான மாண்பு வெளிப்படுகிறது. இவர்களுக்குள் மக்களின் அன்பையும் ஆதரவையும் பெறுவதில் போட்டி நடப்பதில்லை. மாறாக, குட்டிச்சாத்தானை யார் முதலில் கைக்குள் போட்டுக் கொள்வது என்பதில் தான் போட்டியே நிலவுகிறது.
சம்பந்தப்பட்ட நாளன்று தர்மஸ்தலாவின் மஞ்சுநாதர் ஆவலோடு ஜமுக்காளம், சொம்பு சகிதமாக காத்துக் கொண்டிருந்த நிலையில் எடியூரப்பா தனது சத்தியத்தைத் திரும்ப வாங்கிக் கொள்கிறார். புனிதமான பல்வேறு மடங்களைச் சேர்ந்த மட சாமியார்களும், புனிதத்துக்கே புனிதமாக விளங்கும் பாரதிய ஜனதா தலைவர் கட்காரியும் தன்னிடம் வேண்டிக் கொண்டதை அடுத்து தான் சவாலில் இருந்து பின் வாங்குவதாக எடியூரப்பா அறிவித்து மஞ்சுநாதரின் பஞ்சாயத்து சொம்பில் மூத்திரம் அடித்து விட்டார்.
ஊருக்கே தர்ம நாட்டாமையாக விளங்கிய ‘மஞ்சுநாதர் இப்போது என்னைத் தீர்ப்பு சொல்ல விடுங்கடா’ என்று புலம்பிக் கொண்டிருப்பதாகக் கேள்வி. பில்லி சூனியமும் துண்டைப் போட்டுத் தாண்டும் ஜனநாயக நடைமுறையும் மண்ணைக் கவ்வியதை அடுத்து ஆர்.எஸ்.எஸ் சுயம்சேவக்கான எடியூரப்பா இப்போது குமாரசாமிக்கு எதிராக நீதிமன்றத்தை நாடப்போவதாகச் சொல்லியிருக்கிறார். சமச்சீர் கல்வி வழக்கில் உச்சநீதிமன்றம் வழங்கிய தீர்ப்பையே கண்டிருக்கும் நாம்  இவையிரண்டுக்கும் வேறுபாடே இல்லையென்கிறோம். நீங்கள் என்ன சொல்கிறீர்கள்?
அரசியல் பிரச்சினைகள் என்றில்லை; தனது அரசின் மேல் எழும் ஊழல் முறைகேடுகள் குறித்த புகார்களுக்கு இவர் அளிக்கும் பதில் – ‘இதெல்லாம் பில்லி சூனிய வேலை’ என்பது தான். ஒரு மாநிலத்தை ஆளும் முதல்வர் அறிவியல் பூர்வமாகச் சிந்திக்க மறுக்கிறார் என்பதோடு பில்லி சூனியத்தையே தனது சகல பூஜைகளுக்கும் காரணமாக முன்வைக்கிறார். நாளை ஒருவேளை இராம ராஜ்ஜியம் அமைந்து விடுகிறது என்பதை கற்பனை செய்து பாருங்கள். விலைவாசி உயர்வுக்கும், வேலையில்லாப் பிரச்சினைகளுக்கும் சுடுகாட்டு முனி தான் காரணம் என்பார் இராம கோபாலன். அதற்கு ஒரு சாந்தியாகம் செய்து விட்டால் போதும் என்று எடுத்துக் கொடுப்பான்  ஜெயேந்திரன். ஆர்.எஸ்.எஸ் சொல்லும் இராம ராஜ்ஜியம் என்பது இப்படித் தான் இருக்கும் நண்பர்களே. அதன் ஒரு சின்ன ட்ரைலர் தான் கருநாடகத்தில் ஓடிக் கொண்டிருக்கிறது.
thanks www.vinavu.com

நீதிபதி தங்கராஜ் மலேசியாவில் குற்றவாளி ஒருவருடன் தங்கியுருந்தவர்

புதிய தலைமைச் செயலகம் கட்டுமானம் குறித்து விசாரிக்க உள்ள நீதிபதி தங்கராஜ் மலேசியாவில் குற்றவாளி ஒருவருடன் தங்கியுருந்தவர் என்று திமுக தலைவர் கலைஞர் கூறியுள்ளார்.
திமுக தலைவர் கலைஞர் வெளியிட்டுள்ள அறிக்கையில்,

புதிய தலைமைச் செயலகத்தை பயன்படுத்தாமல் இருக்கும் குற்றச்சாட்டில் இருந்து தப்பிப்பதற்காகத்தான் ஜெயலலிதா வெண்டுமென்றே திட்டமிட்டு விசாரணைக் கமிஷனை அமைத்துள்ளார் என்பதை தமிழக மக்கள் உணர்வார்கள்.
திமுக ஆட்சியில் கட்டப்பட்ட தலைமைச் செயலகத்தை பயன்படுத்த மறுத்து செம்மொழி தமிழாய்வு நூலகத்தை அப்புறப்படுத்திவிட்டு, அங்கே சட்டமன்றப் பேரவையை உருவாக்குவதற்காக செய்யப்பட்ட செலவு எவ்வளவு?

சாதாரண பயணிகள் விமானத்தை பயன்படுத்தாமல், தனியார் விமானத்தை முதல் அமைச்சர் கையாளுவதால் ஏற்படும் செலவு எவ்வளவு? ஜெயலலிதாவின் ஒரு நாள் டெல்லி பயணத்திற்கான வீண்செலவைப் பற்றியெல்லாம் விசாரணைகள் வேண்டாமா?

டான்சி வழக்கை தனி நீதிமன்றத்தில் தொடர்ந்து நடத்துவதற்கு தகுந்த அடிப்படை ஆதாரங்கள் எதுவும் இல்லை என தீர்ப்பு கூறிய நீதிபதி தங்கராஜ் தான், புதிய தலைமைச் செயலகத்தை பற்றி விசாரிக்க நியமிக்கப்பட்டிருக்கிறார். பின்னர் அந்த வழக்கு உச்சநீதிமன்றத்திற்கு சென்று, நிலத்தை ஜெயலலிதா அரசுக்கு திருப்பிக் கொடுக்க வேண்டும் என்று தீர்ப்பு வழங்கப்பட்டது அனைவரும் அறிந்த உண்மை.

சென்னையில் ரியல் எஸ்டேட் வழக்கில் குற்றம்சாட்டப்பட்ட கிருஷ்ணமூர்த்தி, காவல்நிலையத்தில் அளித்த வாக்குமூலத்தில், 1999ல் உயர்நீதிமன்ற நீதிபதி தங்கராஜ், வழக்கறிஞர் செல்வராஜ், ஓய்வுபெற்ற காவல்துறை கண்காணிப்பாளர் செல்வரத்தினம் ஆகியோருடன் மலேசியாவில் உள்ள நடசத்திர ஓட்டலில் 10 நாட்கள் தங்கியிருந்தார்.

குற்றவாளி கிருஷ்ணமூர்த்தியுடன் மலேசியாவில் தங்யிருந்த தங்கராஜ்தான் தற்போது, புதிய தலைமைச் செயலகத்தைப் பற்றி விசாரிக்கப்போகிறார்.

எந்த அளவுக்குப் பொருத்தமானவரை விசாரணை ஆணையத்தின் தலைவராக அதிமுக அரசு தேடிப்பிடித்து நியமித்திருக்கிறது என்பதற்கு இந்த ஒரு உதாரணம் போதாதா? இவ்வாறு கலைஞர் தனது அறிக்கையில் குறிப்பிட்டுள்ளார்.

பசில்: டொலர் மற்றும் யூரோவுக்கு ஏமாந்த சிலர் நாட்டை பிரிக்க முயற்சி

தமது பிள்ளைகளுக்கு வெளிநாடுகளில் கல்வியை பெற்றுக் கொடுக்கவென அமெரிக்க டொலர் மற்றும் யூரோவுக்கு ஏமாந்த சிலர் எமது ஒற்றுமையை சீர்குலைக்க முயற்சிப்பதாக பொருளாதார அபிவிருத்தி அமைச்சர் பசில் ராஜபக்ஷ் தெரிவித்துள்ளார்.

அதனால் இவ்வாறான நபர்களின் பொய் பிரச்சாரங்களுக்கு மீண்டும் ஒருமுறை ஏமாற வேண்டாமென அவர் கோரிக்கை விடுத்துள்ளார்.

மட்டக்களப்பு நகரில் நடைபெற்ற வெள்ளத்தினால் பாதிக்கப்பட்ட 500 விவசாயிகளுக்கு நீர் இறைக்கும் இயந்திரம் வழங்கும் நிகழ்வில் உரையாற்றிய போதே அமைச்சர் இக்கோரிக்கையை விடுத்தார்.

யுத்தத்தினால் பட்ட துன்பங்களை அனைவராலும் உணர முடியும் எனக் கூறிய அமைச்சர், குறைகள் இல்லாத நாடு எங்கும் இல்லை எனவும் குறைகளை நிவர்த்தி செய்து முன்னோக்கிச் செல்ல அனைவரும் ஒன்றிணைந்து செயற்பட வேண்டுமெனவும் கூறினார்.

காத்தான்குடியில் நீலப்படம் பார்த்தாக இரு பெண்கள் குண்டர்களால் தாக்கப்பட்ட சம்பவம்

“பெண்கள் தவறு செய்யவில்லை”

இலங்கையின் கிழக்கே மட்டக்களப்பு மாவட்டம் காத்தான்குடி பிரதேசத்தில் சில நபர்களால், கடத்தப்பட்டு தாக்கப்பட்டதாகக் கூறப்படும் இரு பதின்ம வயதுப் பெண்களும் குற்றமற்றவர்கள் என்று உள்ளூர் பள்ளிவாசல்கள் சம்மேளனம் அறிவித்துள்ளது. அவர்கள் மீது குற்றமில்லை என்று தீர்மானிக்கப்பட்டுள்ளதாக பள்ளிவாசல்களின் ஒலிபெருக்கிகள் பகிரங்கமாக அறிவித்தன.
இவர்கள் இருவரும் இணயதளங்களில் பார்க்கக் கூடாத படங்களைப் பார்த்ததாக் கூறி, சில நபர்களினால் கடந்த இருபதாம் தேதி வீதியில் வைத்து கடத்தப்பட்டனர். வீடு ஒன்றில் வைத்து தாக்கப்பட்ட அவர்கள் பின்னர் பள்ளிவாசல்கள் சம்மேளனத்தினரிடம் கையளிக்கப்பட்டதாகக் கூறப்படுகின்றது. இந்தச் சம்பவம் காத்தான்குடிப் பகுதியில் பெரும் பரபரப்பை ஏற்படுத்தியிருந்தது.
அதனையடுத்து மட்டக்களப்பு நீதிபதி உத்தரவிட்டதாகக் கூறி காத்தான்குடி பள்ள்ளிவாசல்கள் சம்மேளனத்தினால் அவர்கள் குற்றமற்றவர்கள் என்று கூறும் அறிவித்தல் புதனன்று வெளியிடப்பட்டதாக அப்பிரதேசவாசிகள் தெரிவிக்கின்றனர்.
இருந்தபோதிலும் பள்ளிவாசல்களில் வெளியான அறிவித்தல்களில் கூறப்பட்ட விடயங்களில் தனக்கு திருப்தி கிடையாது என்றும், அது மேலும் குழப்பங்களை ஏற்படுத்தியுள்ளதாகவும் பாதிக்கப்பட்ட ஒரு பெண்ணின் தந்தையான முகமது யூசுப் அப்துல் ரசாக் தெரிவித்தார்

ஜனாதிபதி: தெரிவுக்குழு எடுக்கும் தீர்மானமே இனப்பிரச்சினைக்கு இறுதி தீர்வு

பாராளுமன்ற தெரிவுக்குழு எடுக்கும் எந்த முடிவையும் நான் ஏற்றுக் கொள்வேன்

தினகரன் பிரதம ஆசிரியர் எஸ். தில்லைநாதன்

“ இனப்பிரச்சினைக்கு அரசியல் தீர்வொன்றைக் காணும் முழுப்பொறுப்பும் விரைவில் நியமிக்கப்படும் பாராளுமன்ற தெரிவுக் குழுவிடம் ஒப்படைக்கப்படவுள்ளது. இந்தக் குழு எடுக்கும் தீர்மானம் பாராளுமன்றத்தை வலுப்படுத்துவதுடன் ஜனநாயகத்தையும் தழைத்தோங்கச் செய்யும்.”

‘அதேநேரம் பாராளுமன்ற தெரிவுக்குழு எடுக்கும் தீர்மானமே இனப்பிரச்சினைக்கு இறுதித் தீர்வாகவும் அமையும். பாராளுமன்ற தெரிவுக்குழு எடுக்கும் எந்த முடிவையும் நான் ஏற்றுக்கொள்வேன்’ என்று ஜனாதிபதி மஹிந்த ராஜபக்ஷ அவர்கள் நேற்று அலரிமாளிகையில் தனியார் மற்றும் அரசாங்க பத்திரிகை ஆசிரியர்களையும், இலத்திரனியல் ஊடகங்களின் பொறுப்பாளர்களையும் சந்தித்த போது தெரிவித்தார்.

தமிழ் தேசியக் கூட்டமைப்பு தூதுக்குழு வொன்றை தாம் பல தடவைகள் சந்தித்து இனப்பிரச்சினை தீர்வு குறித்து ஆலோசனைகளை நடத்தி இருப்பதாகவும் இதன் 8வது கூட்டம் இன்று புதன்கிழமை நடைபெறவிருப்பதாக தெரிவித்த ஜனாதிபதி, தமிழ்த் தேசிய கூட்டமைப்பில் பலதரப்பட்ட கருத்துக்கள் நிலவுகின்றன என்றும், தலைவர் ஒன்றைக்கூறும் போது செயலாளர் இன்னுமொரு கருத்தை தெரிவிக்கிறார் என்றும் சுட்டிக்காட்டினார்.

நாம் சகல தமிழ் கட்சிகளுடனும் ஏனைய அரசியல் கட்சிகளுடனும் இது சம்பந்தமாக பேச்சுவார்த்தைகளை நடத்தி கருத்துக்களை பரிமாறிய பின்னர் அதனை பாராளுமன்ற தெரிவுக்குழுவிலும் கூடி ஆராய்ந்து ஒரு நல்ல முடிவை எடுக்க முடியுமென்று ஜனாதிபதி தெரி வித்தார்.

அமைச்சர் திஸ்ஸ வித்தாரணவின் அறிக்கை உட்பட பல அறிக்கைகள் இன்று மூலையில் முடக்கி வைக்கப் பட்டிருக்கிறதென்று பத்திரிகை ஆசிரியர் ஒருவர் கேட்ட கேள்விக்கு பதிலளித்த ஜனாதிபதி அவர்கள், நாம் கடந்த காலத்தில் விட்ட சிறு பிழைகளை தவிர்த்துக் கொண்டு, பாராளுமன்றத்தில் உள்ள சகல கட்சித் தலைவர்கள், கட்சி அங்கத்தவர்களை ஒன்றிணைக்கும் தெரிவுக்குழு ஊடாக இனப்பிரச்சினைக்கு ஒரு நிலையான தீர்வை ஏற்படுத்த முடியுமென்ற நம்பிக்கை தமக்கு இருப்பதாகவும் கூறினார்.

இனப்பிரச்சினைக்கான தீர்வை காலதாமதப் படுத்துவதற்காகவே அரசாங்கம் இந்த பாராளுமன்ற தெரிவுக்குழுவை நியமித்திருக்கிறதென்று ஒரு பத்திரிகை ஆசிரியர் கேட்ட கேள்விக்கு பதிலளித்த ஜனாதிபதி அவர்கள்; பாராளுமன்ற தெரிவுக்குழு இது விடயத்தில் துரிதமாக செயற்படுவது அவசியமாகும். அதனால் காலதாமதம் ஏற்பட்டால் அதற்கு தாம் பொறுப்பேற்றுக் கொள்ள முடியாதென்றும், இந்த பாராளுமன்ற தெரிவுக்குழுவின் அறிக்கை ஒரு மாதத்தில் வந்தாலோ அல்லது ஆறு மாதத்தில் வந்தாலோ அதனை தாம் நடைமுறைப்படுத்துவதற்கு தயாராக இருப்பதாகக் கூறினார்.

பாராளுமன்ற தெரிவுக்குழுவுக்கு சகல அரசியல் கட்சிகளும், அதன் தலைவர்களும் பூரண ஒத்துழைப்பை அளித்து, அவ்வறிக்கையை கூடிய விரைவில் வெளிவருவதற்கு அனைவரும் உறுதுணை புரிய வேண்டுமென்றும் கேட்டுக் கொண்டார்.

தகவல் அறியும் உரிமையில் கட்டுப்பாடு இல்லை

தகவல் அறியும் உரிமை இலங்கைப் பிரஜைகள் அனைவருக்கும் முழுமையாக இருந்து வருகின்றது. இதற்கு அரசாங்கம் எவ்வித கட்டுப்பாட்டையும் விதிக்கவில்லை.

நேற்றைய ஊடகவியலாளர் சந்திப்பின் போது ஒரு பத்திரிகை ஆசிரியர் தகவல் அறியும் சட்டமூலத்திற்கு அரசாங்கம் ஆதரவு அளிக்க தயங்கியதற்கு காரணமென்ன என்று வினவினார். அதற்கு பதிலளித்த ஜனாதிபதி, ஊடகவியலாளர்களுக்கு எனக்கு தெரியாத விடயங்களை கூட தெரிந்துக் கொள்ளும் உரிமை இருக்கிறது என்று சுட்டிக்காட்டி, உங்களுக்கு ஏதாவது தகவல்களை அறிய விரும்பினால் என்னுடன் நடைபெறும் சந்திப்பில் உங்களுடைய கேள்விகளை கொடுத்தால் அதற்கு பாராளுமன்றத்தின் ஊடாக தக்க பதிலைப் பெற்றுக் கொடுப்பேன் என்று கூறினார்.

உத்தியோகபூர்வ இரகசிய தகவல்கள் சட்டத்தில் பாதுகாக்கப்பட்டுள்ள விடயங்களைத் தவிர்ந்த சகல தகவல்களையும் அறிய இந்நாட்டு பிரஜைகளுக்கு பூரண உரிமையிருக்கிறதென்றும் ஜனாதிபதி கூறினார்.

“நான் முன்பொரு தடவை கடற்றொழில் அமைச்சராக இருந்த போது எனது அமைச்சு அமைச்சரவையின் அங்கீகாரத்திற்காக முன்வைத்த ஒரு தகவல் அமைச்சரவைக்கு செல்வதற்கு முன்னரே ஒரு கொந்தராத்துக்காரரின் கையில் இருந்ததை நான் கண்டுபிடித்தேன். இதுவிடயத்தில் எனக்கு அனுபவ அறிவு இருக்கிறது” என்று ஜனாதிபதி கூறினார்.

மகாநாம திலகரட்ண கட்டுநாயக்க கலவரம் பற்றி உங்களுக்கு கையளித்த அறிக்கை சம்பந்தமாக நீங்கள் ஊடகங்களுக்கு அறிவிக்கவில்லையே என்று அங்கு ஒரு கேள்வி எழுப்பப்பட்டதற்கு பதிலளித்த ஜனாதிபதி, எனக்கு தகவல்களை தெரிந்து கொள்வதற்காகவே திலகரட்ணவை நியமித்து விசாரணை நடத்தினேன்” என்றார். “இதுவும் பாதுகாப்பு சம்பந்தப்பட்ட விடயம் என்பதனால் அதுபற்றி தகவல்களை ஒரு சட்டத்தரணி என்ற முறையில் நான் வெளியிட விரும்பவில்லை என்று கூறினார். நீங்கள் விரும்பினால் அதனை சரத் என். சில்வாவிடம் கேட்டறிந்து கொள்ளலாம்” என்றும் ஜனாதிபதி கூறினார்.

கொழும்பு பஸ் என்ற பெயரில் ஒரு இணையத்தளம் இப்போது பஸ்களில் நடக்கும் சில முறையற்ற சம்பவங்கள் குறித்து தகவல்களை வெளியிட்டுக் கொண்டிருக்கிறது. இது சமூகத்திற்கு பொருத்தமற்ற தகவல்களை வெளியிடுகிறதென்று தெரிந்தும் கூட அதனை தணிக்கை செய்தால் அரசாங்கம் ஊடக சுதந்திரத்தை அபகரித்து விட்டதென்று எல்லோரும் கூச்சல் போட்டு எதிர்ப்பு தெரிவிப்பார்கள். அதனால் தான் உதாசீனப்படுத்தியதாக ஜனாதிபதி தெரிவித்தார்.

அரிசியில் நஞ்சு இல்லை அவர் மேலும் கூறியதாவது;

நான் நாளாந்தம் சோற்றையே விரும்பி உண்கிறேன். குறிப்பாக சிவப்பு அரிசியையே சாப்பிடுகிறேன். அரிசியில் எந்தவித நச்சுத்தன்மையும் இல்லை என்பதில் எனக்கு அசையாத நம்பிக்கை இருக்கிறது.

அரசாங்க அமைப்பொன்றுக்கு ஒரு தலைசிறந்த விஞ்ஞானியாக டாக்டர் முபாரக் தலைவராக இருக்கிறார். அவர் எங்கள் அரிசியில் நச்சுத் தன்மை இல்லையென்று ஆதாரபூர்வமாக கூறுகிறார். ஆயினும் இன்னுமொரு தரப்பினர் அரிசியில் நச்சுத்தன்மை இருக்கிறதென்று வாதாடுகிறார்கள். எனவே, இது குறித்து நாம் தக்க விசாரணைகளை நடத்தி உண்மை எது என்பதை கண்டறிவது அவசியமாகும். வடமத்திய மாகாணத்தில் மாத்திரம் உற்பத்தியாகும் அரிசியில் இந்த நச்சுத் தன்மை இருப்பதாகவும் கூறுகிறார்கள். எனவே, இந்த சர்ச்சைக்கு பின்னணியில் உள்ள உண்மைகளை கண்டறிவது அவசியமென அவர் தெரிவித்தார்.

இதே வேளை, பயிர்களுக்கு அடிக்கும் சில வகை கிருமிநாசனிகளுக்கு ஏற்கனவே தடைவிதித்திருப்பதாகவும் அரிசியில் எவ்விதமான நச்சுத்தன்மை இல்லையென்றும் ஜனாதிபதி நேற்று நடைபெற்ற ஊடகவியலாளர்களுடனான சந்திப்பின் போது கூறினார்.

ஹம்பாந்தோட்டை விளையாட்டு நகரம்

ஹம்பாந்தோட்டையை ஒரு விளையாட்டு நகரமாக அமைப்பதற்கு அரசாங்கம் துரித நடவடிக்கைகளை மேற்கொண்டு வருகிறது. 2018ம் ஆண்டில் நடைபெறவுள்ள பொதுநலவாய நாடுகளின் விளையாட்டுப் போட்டிகளை அம்பாந்தோட்டையில் நடத்துவதற்கான கட்டமைப்பு வசதிகளை மேற்கொள்வதற்கு அரசாங்கம் பெருமளவு பணத்தை செலவிட்டு வருகின்றது. இதற்கு தனியார் துறையினர் ஹோட்டல்களையும், ஏனைய வசதிகளையும் நிர்மாணிப்பதற்காக பெருந்தொகை பணத்தையும் இப்போது முதலீடு செய்துள்ளார்கள் என்று ஜனாதிபதி தெரிவித்தார்.

ஹம்பந்தோட்டைக்கு ஏன் இவ்வளவு பணத்தை செலவிடுகிaர்கள் என்று ஒரு பத்திரிகை ஆசிரியர் கேள்வி எழுப்பிய போது அதற்கு பதிலளித்த ஜனாதிபதி, வீதிகளை அமைத்தல், விளையாட்டு அரங்குகளை அமைத்தல், நீச்சல் தடாகங்களை அமைத்தல் போன்ற பல்வேறு பணிகளை நாம் மேற்கொண்டு வருகிறோம்.

அதற்கு தனியார் துறையின் மகத்தான பங்களிப்பை வழங்கி வருகிறார்கள் என்றும் தெரிவித்தார்.

கனிமொழியின் முதல் கணவன் அதிபன் போஸ் வெள்ளைகாரி யுடன் குடித்தனம்...அதோட அவரு சாமியாரம் ....

முழங்கால் அளவுக்கு காவி... மிடுக்கு குறைந்த முகம்... அசட்டை​யான சிரிப்பு... ஒரு காலத்தில் கொடி கட்டிப் பறந்த தொழில் அதிபர் அதிபன் போஸா இவர்? கனிமொழி​யுடன் திருமணம், விவா​கரத்து என பரபரப்புப் புள்ளியாக இருந்த அதிபன், இப்போது ஆன்மிக அவதாரம் எடுத்து இருக்கிறார். சித்தர் குரு அய்யாவின் அடியவராகத் தன்னைச் சொல்லிக்கொள்ளும் அதிபன் போஸ், அவருடைய மந்திரங்களைப் பாடல்களாக்கி சி.டி-யாக வெளியிட்டு இருக்கிறார்

தங்கம் காவி இவை இரண்டுக்கும் என்னதான் சம்பந்தமோ தெரியவில்லை.

 காவி தரித்த சுவாமிகள் எல்லோரும் குடும்பப்பெண்களை விட தங்க மோகம் கொண்டு திரிகிறார்கள். கோவில்களோ தங்கத்தை கிலோ கணக்கில் புதையலாக வைத்துக்கொண்டிருக்கின்றன.

முதலில் முற்றும் துறந்த காலம்சென்ற  காஞ்சி காமகோடி  மகா பெரியவாள் ஸ்ரீ சந்திர சேகர சரஸ்வதி என்று அழைக்கப்பட்ட காஞ்சி சங்கராச்சாரி தனக்கு தானே தனது சங்கர மடத்தின் அடிபொடிகள் மூலம் கனகாபிஷேகம் செய்வித்துகொண்டார். அதாவது நூற்றி எட்டு தங்க வில்வ இலைகளால் தனது  தலையில் கொட்டிகொண்டார். தங்கம் அவரது தலையில் ஏதாவது கீறல் காயங்களை ஏற்படித்தியிருகும் யார் கண்டது?

அண்மையில் கொலை கற்பழிப்பு சந்தேக நபரான ஜெயந்திர சங்கராச்சாரிக்கும் இந்த கனகாபிஷேக கூத்து நடை பெற்றது.

இந்த தங்க அபிஷேகத்திற்கு தேவையான தங்கம் இங்கிலாந்தில் இருந்து வரி விலக்கு அளிக்கப்பட்டு இறக்குமதி செய்யப்பட்டது. வாழ்க இந்திய மதசார்பு இன்மை. 

முற்றும் துறந்த இந்த காஞ்சி சங்கராச்சாரி மகா மகா ஜாதி வெறி பிடித்த பெரும் நிலச்சுவான்தார். இவரின் வாரிசுதான் தற்போது கொலை கற்பழிப்பு வழக்குகளில் சிக்கி பதுங்கி திரியும் காஞ்சி ஜெயேந்திர சங்கராச்சாரி என்பவராகும்.

தற்போது கேரளாவில் உள்ள அனந்த பத்மநாபன் கோவிலிலும் ஏராளாமான தங்கம் கிடைத்துள்ளதாம். திருப்பதிக்கும் தங்கத்திற்கும் உள்ள உறவு உலகமே அறிந்ததுதான். அது என்ன தங்கத்தின் மேல் ஆண்டவனுக்கும் மோகம்? ஏழை பக்தர்களுக்கு மாத்திரம் உலகம் ஒரு மாயை போன்ற நைலான் கயுறுகளை விழுங்கக்கொடுக்கிரார்கள் அனால் தாங்களோ தங்கத்தில் குளிக்கிறார்கள்.

ஸ்ரீ சத்திய சாய் பாபா ஒரு அவதாரம் என்று மக்களால் பெருதும் மதிக்கப்படுபவராகும். இவர் ஏராளமான சமுக நலத்திட்டங்களை அமுல் படுத்தியுள்ளார். எவ்வளவோ நற்கருமங்கள் ஆற்றிய சத்திய சாயி பாபாவின் மறைவிற்கு பின்பு அவரது வாசஸ்தலமான யஜூர் மந்திரில் இருந்து 98 கிலோ தங்க ஆபரணங்கள் கணக்கு எடுக்கப்பட்டு வங்கியில் வைக்கப்பட்டுள்ளது.

இங்கும் தங்கம் தங்கம் தங்கம் இது தான் எமக்கு புரியவில்லை.

Padmanabhaswamy temple ஆறு புதையல் அறைகளும் திறக்கும் பனி ஆரம்பிக்கபட்டுள்ளது.

The process of making an inventory of the priceless articles locked up in underground cellars of the famed Sree Padmanabhaswamy temple here has revealed gold ornaments, vessels, jewels and precious stones worth 700 more hundreds of crores of rupees.

 கேரளாவில் உள்ள அனந்தபத்மநாபன் சுவாமி கோவிலில் இதுவரை திறக்கப்படாத ஆறு புதையல் அறைகளும் திறக்கும் பனி ஆரம்பிக்கபட்டுள்ளது.

இதுவரை இரண்டு அறைகள் திறக்கப்பட்டு சுமார் எழுநூறு கோடி ரூபாய் பெறுமதி வாய்ந்த தங்கம் மற்றும் வெள்ளியிலான ஆபரணங்கள் கண்டுபிடிக்கப்பட்டுளன. 

மேலும் கணக்கு எடுக்கும் பணி நடை பெற்றுக்கொண்டு இருக்கிறது.

இந்த கோவில் திருவிதாங்கூர்  சமஸ்தானத்தை ஆண்ட மன்னர் பரம்பரைக்கு சொந்தமானவையாகும். 

இச்சொத்துக்கள் எல்லாம் மக்களை சுரண்டியும் வெள்ளைகாரனுக்கு சேவகம் செய்தும் சமபாதிதவையாகும்.

பிரித்தானியர்கள் இந்த சமஸ்தானத்தை ஒரு போதும் நேரடியாக தமது கட்டுப்பாட்டுக்குக் கொண்டு வரவே இல்லை. அந்த அளவு அவர்களுடன் மோதல் அதிகம் காட்டாமல் ஓர் அளவு நீக்கு போக்காக ஆண்டுவந்தனர், அதன் காரணமாகத்தான் இவ்வளவு தங்கம் சேர்க்க முடிந்துள்ளது போலும்.