நன்றி நெய்வேலி’ என செல்பி புகைப்படத்தை டுவிட்டரில் பகிர்ந்த விஜய்

மாலைமலர் : நெய்வேலியில் மாஸ்டர் படப்பிடிப்பின்போது ரசிகர்களுடன் எடுத்துக்கொண்ட செல்பி புகைப்படத்தை நடிகர் விஜய் டுவிட்டர் பக்கத்தில் பதிவிட்டுள்ளார். சென்னை: நடிகர் விஜய், பைனான்சியர் அன்புசெழியன் மற்றும் பிகில் திரைப்படத்தின் தயாரிப்பாளர் ஏ.ஜி.எஸ். கல்பாத்தி எஸ்.அகோரம் ஆகியோரின் வீடு மற்றும் அலுவலகங்கள் உட்பட 38 இடங்களில் வருமான வரித்துறை அதிகாரிகள் கடந்த வாரம் அதிரடி சோதனையில் ஈடுபட்டனர்.
இந்த சோதனையின்போது கணக்கில் காட்டப்படாத ரூ.77 கோடி ரொக்கம் மற்றும் பல்வேறு சொத்து ஆவணங்கள், நகைகள் பறிமுதல் செய்யப்பட்டன.

ஆஸ்கர் 2020 - விருது வென்றவர்கள் முழு விவரம்

மாலைமலர் : அமெரிக்காவின் லாஸ் ஏஞ்சல்ஸ் நகரில் நடைபெற்ற ஆஸ்கர் விழாவில் விருது வென்றவர்கள் குறித்த முழு விவரம் வெளியாகியுள்ளது. ஹாலிவுட் திரையுலகின் கவுரவமிக்க விருதாக கருதப்படுவது, ஆஸ்கர் எனப்படும் அகாடமி விருது. கதை, வசனம், இயக்கம், இசை, நடிப்பு என 24 பிரிவுகளில் இந்த விருது வழங்கப்பட்டு வருகிறது. உலகமே உற்று நோக்கிய 92-வது ஆஸ்கார் விருதுகள் வழங்கும் விழா அமெரிக்காவின் லாஸ் ஏஞ்சல்ஸ் நகரில் நடைபெற்றது. இதில் பல்வேறு பிரிவுகளில் விருதுகளை வென்றவர்கள் விவரம் வெளியாகி உள்ளது.
ஆஸ்கர் விருதை வென்ற படங்கள், கலைஞர்கள் குறித்த முழுவிவரம் வருமாறு:

சிறந்த படம் -  பாராசைட்

சிறந்த இயக்குநர் -  போங் ஜூன் ஹோ (பாராசைட்)

சிறந்த நடிகர் -  வ்வாக்வ்யீன் ஃபீனிக்ஸ்  (ஜோக்கர்)

சிறந்த நடிகை -  ரெனீ ஜெல்வேகர் (ரூடி)

சிறந்த ஆவணப்படம் -  அமெரிக்கன் பேக்டரி

சிறந்த வெளிநாட்டு படம் -  பாராசைட் (கொரியன்)

தயாநிதி மாறன் : ரஜினிக்கு சலுகை விஜய் மீது ரெயிட் : ... மக்களவையில் அதிரடி குற்றச்சாட்டு

மின்னம்பலம் : ரஜினி மற்றும் விஜய் ஆகியோரிடம் வருமான வரித் துறை நடந்துகொண்ட விதம் தொடர்பாக மக்களவையில் தயாநிதி மாறன் கேள்வி எழுப்பியுள்ளார்.
வருமான வரித் துறைக்கு தவறான தகவல் அளித்ததாக நடிகர் ரஜினிகாந்துக்கு 2005ஆம் ஆண்டு 66 லட்சம் ரூபாய் அபராதம் விதிக்கப்பட்டது. இதுதொடர்பாக ரஜினிக்கு எதிராக வருமான வரித் துறை தொடர்ந்த வழக்கு வாபஸ் பெறப்பட்டது. அதே நேரத்தில் நெய்வேலியில் படப்பிடிப்பில் இருந்த நடிகர் விஜய்யை நேரில் சென்று கையோடு சென்னை அழைத்துவந்த வருமான வரித் துறையினர், அவரது இல்லத்தில் இரண்டு நாட்கள் வரை சோதனை நடத்தினர்.
விஜய்-ரஜினி விவகாரத்தில் வருமான வரித் துறை நடந்துகொண்ட விதம் தொடர்பாக பல அரசியல் கட்சித் தலைவர்களும் விமர்சனங்களை முன்வைத்தனர். இந்த நிலையில் இந்த விவகாரம் குறித்து நாடாளுமன்றத்தில் குரல் எழுப்பியுள்ளது திமுக.
மக்களவையில் இன்று (பிப்ரவரி 10) பேசிய மத்திய சென்னை மக்களவை உறுப்பினர் தயாநிதி மாறன்,

ஜப்பான் கப்பலில் 135 பேருக்கு கொரோனா வைரஸ் தொற்று.. டைமண்ட் பிரின்சஸ் (Diamond Princess)

Samayam Tamil : 24 மணிநேரத்தில் 65 பேருக்கு வைரஸ் தொற்று பரவியுள்ளது.
இவர்களில் 45 பேர் ஜப்பானைச் சேர்ந்தவர்கள். அமெரிக்கர்கள் 11 பேர். <

யோகோஹமா துறைமுகத்தில் உள்ள கொரோனா வைரஸ் பாதிப்புக்குள்ளான பயணிகளைக் கொண்ட கப்பலில் வைரஸ் தொற்று மேலும் 65 பேருக்குப் பரவியுள்ளது. டைமண்ட் பிரின்சஸ் (Diamond Princess) என்ற சொகுசு கப்பல் கடந்த மாதம் 20ஆம் தேதி ஜப்பானிலிருந்து புறப்பட்டு ஹாங்காங்குக்கு 25ஆம் தேதி சென்றது. பின், ஹாங்காங்கிலிருந்து பிப்ரவரி 3ஆம் தேதி ஜப்பான் திருப்பியது. இதில் பயணம் செய்த ஹாங்காங்கை சேர்ந்த 80 வயது முதியவருக்கு கொரோனா வைரஸ் இருப்பது உறுதி செய்யப்பட்டது. இதனால், ஜப்பான் வந்த கப்பல் யோகோஹமா துறைமுகத்தில் நிறுத்தப்பட்டது. கப்பலில் உள்ள ஆயிரக்கணக்கான பயணிகளுக்கு தினமும் மருத்துவப் பரிசோதனை செய்யப்படுகிறது. இதுவரை 135 பேருக்கு கொரோனா வைரஸ் தொற்று உறுதி செய்யப்பட்டிருக்கிறது.
கடந்த 24 மணிநேரத்தில் 65 பேருக்கு வைரஸ் தொற்று பரவியுள்ளது. இவர்களில் 45 பேர் ஜப்பானைச் சேர்ந்தவர்கள். அமெரிக்கர்கள் 11 பேர். பேருக்கு தொற்று கண்டுபிடிக்கப்பட்டது. தவிர அமெரிக்கா, ஆஸ்திரேலியா, இங்கிலாந்து, கனடா நாட்டை சேர்ந்தவர்களும் வைரஸ் தொற்றால் பாதிக்கப்பட்டுள்ளனர்.

BBC ஆஸ்கர் சிறந்த துணை நடிகர் விருது பெற்றார் பிராட் பிட்

கடந்த 2019ம் ஆண்டு உலகம் முழுவதும் வெளியான ஆயிரக்கணக்கான திரைப்படங்களில் குறிப்பிடத்தக்க வகையில் மக்களிடையே வரவேற்பையும், சமூகத்தில் தாக்கத்தையும் ஏற்படுத்திய திரைப்படங்கள், ஆவணப்படங்கள் ஆகியவற்றிற்கு பல்வேறு பிரிவுகளின் கீழ், வல்லுநர் குழுவின் தீவிர ஆலோசனைக்கு பிறகு, ஆஸ்கர் விருதுகள் அறிவிக்கப்பட்டு வருகின்றன.
அந்த வகையில், இந்த ஆண்டுக்கான முதல் ஆஸ்கர் விருதினை பிரபல ஹாலிவுட் நடிகர் பிராட் பிட் தட்டிச் சென்றார். "ஒன்ஸ் அப்பான் ஏ டைம் இன் ஹாலிவுட்" எனும் திரைப்படத்தில் சிறந்த நடிப்பை வெளிப்படுத்திய பிராட் பிட்டுக்கு 'சிறந்த துணை நடிகர்' எனும் பிரிவில் ஆஸ்கர் விருது அறிவிக்கப்பட்டுள்ளது.
30 ஆண்டுகளுக்கு மேலாக ஹாலிவுட் திரைத்துறையில் குறிப்பிடத்தக்க நடிகராக விளங்கி வரும் பிராட் பிட் தனது நடிப்பு திறமைக்காக பெறும் முதல் ஆஸ்கர் விருது இதுதான்.
அதே போன்று, சிறந்த துணை நடிகைக்கான விருதை 'மேரேஜ் ஸ்டோரி' எனும் படத்தில் நடித்த லாரா டெர்ன் பெற்றார்.
சிறந்த ஆடை வடிவமைப்பாளருக்கான ஆஸ்கர் விருதை 'லிட்டில் வுமன்' திரைப்படத்தில் பணியாற்றியதற்காக ஜாக்குலின் டர்ரன் பெற்றார்

ஆஸ்கார் விருது 2020 நேரடி ஒளிபரப்பு லைவ் live

மின்னணு வாக்குப் பதிவு இயந்திரம்; நம்பகத்தன்மை இழக்கும் மக்களாட்சி!

ராஜன் குறை

ராஜன் குறை- மின்னம்பலம் :  எந்த ஒரு நாட்டிலும் சட்டம் ஒழுங்கையோ, பொருள் உற்பத்தி மற்றும் சமூக வாழ்வையோ ராணுவத்தாலோ, போலீசாலோ மட்டுமே உறுதி செய்துவிட முடியாது. மக்கள் அவர்களாக விரும்பி சட்டத்துக்குக் கூடியவரை கட்டுப்பட்டு நடந்தால்தான் தேசம் என்ற கருத்தாக்கம் நிலைபெறும்; சமூக அமைதியும் வளர்ச்சியும் சாத்தியமாகும். மக்களின் ஒத்துழைப்புக்கு அவர்கள் மக்களாட்சி நடைமுறைகளை, அரசின் செயல்பாட்டை, நீதியின் பாரபட்சமற்ற தன்மையை நம்புவது அவசியம். அரசும், மக்களாட்சி நடைமுறைகளும் அந்த நம்பகத்தன்மையை இழந்தால் நாடெங்கும் குற்றச்செயல்களும் கலகங்களும் பெருகும். அடக்குமுறையே ஆட்சிமுறையாகும். அதனால், சமூக வாழ்வும் வளர்ச்சியும் பெரும் பாதிப்புக்குள்ளாகும். தேசம் சீரழியும்.
இந்தியா இத்தகைய ஆபத்தை நோக்கி சென்று கொண்டிருக்கிறதோ என்று நினைக்காமல் இருக்க முடியவில்லை. ஏனெனில் சந்தேகத்துக்கு அப்பாற்பட்டதாக இருக்க வேண்டிய அரசு நிறுவனங்கள், அமைப்புகள், நீதிமன்றம் ஆகிய அனைத்துமே சந்தேகத்துக்கு உள்ளாகின்றன. வெளிப்படையாகவே மக்கள் அவர்கள் ஐயங்களை உரத்துப் பேசுகிறார்கள். ஊடகங்கள் விவாதிக்கின்றன. இந்த நிலை மெள்ள, மெள்ள கட்டுக்குமீறி சென்று கொண்டுள்ளது. பொதுவான இந்தப் பெருகும் அவநம்பிக்கை சூழலில் மின்னணு வாக்குப் பதிவு இயந்திரம் என்ற தொழில்நுட்பம் சார்ந்த உபகரணம் சிக்கலை தீவிரப்படுத்துகிறது என்றால் மிகையாகாது.

இன்று நாடாளுமன்றத்தை உலுக்கப்போகும் இட ஒதுக்கீட்டுத் தீர்ப்பு!

மின்னம்பலம் : அரசாங்க வேலைகளுக்கான பதவி உயர்வுகளுக்கான இட ஒதுக்கீடு ஓர் அடிப்படை உரிமை அல்ல என்று உச்ச நீதிமன்றம் கடந்த பிப்ரவரி 8ஆம் தேதி வழங்கிய தீர்ப்பு இப்போது நாடு முழுவதும் விவாதமாகியுள்ளது.
இட ஒதுக்கீட்டை வழங்க மாநிலங்களைக் கட்டாயப்படுத்த முடியாது என்றும், பொது சேவையில் சில சமூகங்களின் பிரதிநிதித்துவத்தின் தரவு இல்லாமல் மாநிலங்கள் அத்தகைய ஏற்பாடுகளைச் செய்ய நிர்பந்திக்க முடியாது என்றும் உச்ச நீதிமன்றம் கூறியது.
உத்தரகாண்ட் அரசாங்கத்தின் பொதுப்பணித் துறையில் 2012ஆம் ஆண்டு உதவி பொறியாளர் (சிவில்) பதவிகளுக்கு பதவி உயர்வு வழங்குவதில் எஸ்சி / எஸ்டி சமூகத்தினருக்கான இட ஒதுக்கீடு அளிக்கப்படவில்லை.

தெலுங்கு மக்களுக்கான அரசியல் கட்சி .. ரெயிடில் சிக்கிய ராம் மோகன் ராவ் தீவிரம்!

மின்னம்பலம் : ஜெயலலிதா முதல்வராக இருந்தபோது செயலாளராகவும், அரசின் தலைமைச் செயலாளராகவும் இருந்த ஐ.ஏ.எஸ். அதிகாரி ராம் மோகன் ராவ் இப்போது வெளிப்படையான அரசியல் நடவடிக்கைகளில் இறங்கிவிட்டார்.
ஜெயலலிதா இறந்த சில நாட்களிலேயே சேகர் ரெட்டி, ராம் மோகன் ராவ் ஆகியோரது வீடுகளைக் குறிவைத்து மத்திய அரசின் வருமான வரித்துறை அதிரடி ரெய்டு நடத்தியது. ‘அம்மா இருந்திருந்தால் இப்படி நடந்திருக்குமா?’ என்று கேட்ட ராம் மோகன் ராவ் பின்னர் காத்திருப்புப் பட்டியலில் வைக்கப்பட்டார். தொழில் முனைவோர் மேம்பாட்டுக் கழகத்தில் பணி நியமனம் செய்யப்பட்டு பின் ஓய்வு பெற்றார்.

போலீஸ் வேலைக்கு தேர்வான 800 பேர் தகுதி நீக்கம் .. விளையாட்டு பிரிவு சான்றிதழ் சரி இல்லாததால்

தினத்தந்தி  : விளையாட்டு பிரிவு சான்றிதழ் சரி இல்லாததால் போலீஸ் வேலைக்கு தேர்வான 800 பேரை தமிழ்நாடு சீருடை பணியாளர் தேர்வாணையம் தகுதி நீக்கம் செய்து உள்ளது. சென்னை, போலீஸ்துறை, தீயணைப்புத்துறை, சிறைத்துறை ஆகியவற்றுக்கு காவலர்கள், தீயணைப்பு வீரர்கள், ஜெயில் வார்டர்கள் என 8 ஆயிரத்து 888 பேர் தேர்வு செய்யப்படுவார்கள் என்று தமிழ்நாடு சீருடை பணியாளர் தேர்வாணையம் கடந்த ஆண்டு ஆகஸ்டு மாதம் அறிவிப்பு வெளியிட்டு இருந்தது. இதற்காக ஆகஸ்டு 25-ந் தேதியன்று எழுத்துத்தேர்வு நடந்தது. 3 லட்சத்து 25 ஆயிரம் பேர் தேர்வு எழுதினார்கள். அதில் வெற்றி பெற்றவர்களுக்கு 15 மையங்களில் உடல் தகுதித்தேர்வு நடந்தது. இறுதியில் தேர்வு முடிவுகள் அறிவிக்கப்பட்டது. இதில் விளையாட்டு பிரிவினருக்கு 10 சதவீத இடங்கள் ஒதுக்கீடு செய்யப்பட்டன. விளையாட்டு பிரிவு இட ஒதுக்கீட்டின்மூலம் தேர்வான சுமார் 800 பேரை, சான்றிதழ்கள் சரியில்லை என்று தமிழ்நாடு சீருடை பணியாளர் தேர்வாணையம் தகுதி நீக்கம் செய்து அறிவித்தது.

ஆசிரியர் கே. வீரமணி : வடலூர் வள்ளலாரை வெறும் சடங்கு என்னும் சிமிழுக்குள் அடைக்காதீர்!

Asiriyar K Veeramani : ஆரிய சனாதனங்களையும்  மூடநம்பிக்கைகளையும் சாடிய
வடலூர் வள்ளலாரை வெறும் சடங்கு என்னும் சிமிழுக்குள் அடைக்காதீர்!
இன்று வடலூர் இராமலிங்க அடிகளார் நாள்.
வடலூரில் வாழ்ந்து இறுதிக் காலத்தில் ஜாதி, மதம், மூடச் சடங்குகள் - இவைகளை வெறுத்து - தெளிவடைந்த நிலையில், ஆரியப் பண்பாட்டை எதிர்த்து, அதன் அடிக்கட்டுமானம் எத்தகைய அறிவுக்கு ஒவ்வாத - மக்களை மதம், ஜாதி என்று பிளவுபடுத்தும் ஹிந்து மதம் - சனாதனம், வேத மதம் என்று பேதம் பரப்பிய நிலைகளைக் கண்டித்து ஆறாம் திருமுறை என்ற அருட்பாவின் பகுதியில் தாம் உணர்ந்தவைகளை ஓதினார்.
அதன் காரணமாகவே வடலூரார் வள்ளலார் - இறுதி முடிவு மர்மமானதாகவே ஆரியச் சூழ்ச்சியினால் அமைந்தது.
சோதியில் கலந்தார் என்பது உண்மையா?
சோதியில் கலந்தார் என்று கூறிமுடித்து, அவரை வெறும் சடங்கு, ஆச்சார நிகழ்வுகளுக்கு உரியவராகவே ஆக்கி விட்டனர்.

ஹால்டியா பெட்ரோ கெமிக்கல் லிமிடெட் .. முதல்வர் எடப்பாடி சந்திப்பு ... என்னதான் நடக்கிறது?

Aburayan Dmk : முந்தாநாள் செய்தி
சென்னை: முதல்வர் எடப்பாடி பழனிசாமி கடந்தாண்டு அமெரிக்க நாட்டிற்கு சுற்றுப்பயணம் மேற்கொண்டார். அப்போது, ஹால்டியா பெட்ரோ கெமிக்கல் லிமிடெட் நிறுவனத்துடன் ஒரு கொள்கை ரீதியான ஒப்பந்தம் மேற்கொள்ளப்பட்டது. அதன் தொடர்ச்சியாக, ₹50 ஆயிரம் கோடி முதலீட்டில் கடலூர் மாவட்டத்தில் பெட்ரோலிய சுத்திகரிப்பு மற்றும் பெட்ரோ கெமிக்கல் ஆலை நிறுவுவது தொடர்பாக முதல்வர் எடப்பாடி தலைமையில் நேற்று சென்னை கிரீன்வேஸ் சாலையில் உள்ள அவரது முகாம் அலுவலகத்தில் ஹால்டியா பெட்ரோ கெமிக்கல் லிமிடெட் நிறுவனத்தின் தலைவர் புரனேந்து சாட்டர்ஜி மற்றும் நிர்வாக துணை தலைவர் ராபின் முகோபத்யாய் ஆகியோருடன் ஆலோசனை கூட்டம் நடந்தது.

இன்றைய செய்தி
காவிரி டெல்டா பகுதிகளில் ஹைட்ரோகார்பன் திட்டத்துக்கு தமிழக அரசு அனுமதி தராது. மேலும் காவிரி டெல்டா பகுதிகள் பாதுகாக்கப்பட்ட வேளாண் மண்டலமாக்க சிறப்பு சட்டம் கொண்டு வரப்படும் - முதல்வர் பழனிசாமி
படம் : ஹால்டியா பெட்ரோ கெமிக்கல் லிமிடெட் நிறுவனத்தின் தலைவர் புரனேந்து சாட்டர்ஜி மற்றும் நிர்வாக துணை தலைவர் ராபின் முகோபத்யாய் ஆகியோருடன் எடப்பாடி

வயசுக்கு வந்தால் போதும்... பெண்ணை கடத்தி கல்யாணம் செய்யலாம்.. தப்பில்லை.. பாக். கோர்ட் ஷாக் தீர்ப்பு

https://www.albawaba.com/node/new-pakistan-law-allows-men-marry-underage-girls-sparks-outrage   By Hemavandhana - tamil.oneindia.com :  இஸ்லாமாபாத்: "பொண்ணு வயசுக்கு வந்தாச்சு இல்லே.. அப்ப கடத்திட்டு போய் தாலி கட்டறது ஒன்னும் தப்பு இல்லை" என்று பாகிஸ்தான் கோர்ட்

தீர்ப்பு சொல்லி உள்ளது உலக நாடுகளை அதிர்ச்சிக்கு உள்ளாக்கி உள்ளது.. 

14 வயது சிறுமியின் கட்டாய திருமணத்தை அங்கீகரித்து பாகிஸ்தான் கோர்ட் இவ்வாறு தீர்ப்பு சொல்லி உள்ளது! 

14 வயது சிறுமி.. கிறிஸ்துவ மதத்தை சேர்ந்தவர்.. ஹுமா என்பது இந்த பெண்ணின் பெயர்!

கடந்த வருடம் அக்டோபா் மாதம் இந்த பெண்ணை சிலர் கடத்தி விட்டதாக, அவரது பெற்றோர் யூனிஸ் - நகீனா மஸை தம்பதி குற்றம் சாட்டி வருகின்றனர். மேலும், ஹுமாவை இஸ்லாம் மதத்துக்கு மாற்றியதுடன், அப்துல் ஜாபா் என்பவருக்கு வலுக்கட்டாயமாக மகளை கல்யாணம் செய்து வைத்ததாகவும் பெற்றோர் புகார் தெரிவித்து வருகின்றனர். 

இதுதொடா்பாக சிந்து ஹைகோர்ட்டிலும் வழக்கு தொடர்ந்தனர்.. அந்த வழக்கை கோர்ட் விசாரித்தது.. அப்போது நீதிபதிகள் சொன்னதாவது, "ஹுமாவுக்கு திருமண வயது வரவில்லைதான்.. ஆனால் அவர் வயசுக்கு வந்தாச்சு அல்லவா?

சங்கராச்சாரிக்காக கலைஞரிடம் தூது போன ரஜினி ... இந்துத்வா பிரசாரகர் ரஜினி

சாவித்திரி கண்ணன் : எல்லோரும் நினைப்பது
போல பாஜகவும்,இந்துத்துவ
சக்திகளும் ரஜினியை பின்னிருந்து இயக்குவது என்பது ரஜினியின் அரசியல் பிரவேசத்தை மையப்படுத்தி மட்டுமல்ல!
உண்மையில் ரஜினி அரசியல் மைய நீரோட்டத்தில் நேரடியாக இல்லாவிட்டாலும் கூட மறைமுக இந்துத்துவ ஆதரவாளராக இருபதாண்டுகளுக்கும் மேலாக களத்தில் இயங்கி கொண்டு தான் உள்ளார்!
அவரது பாபா படமே பகிரங்கமாக இந்துத்துவ அரசியலை ஆதரித்து எடுக்கப்பட்ட படம் தான்!
அதுவும் எந்த காலகட்டத்தில் அந்தப் படம் வந்தது என்பதும் கவனத்திற்குரியது. மத்தியில் வாஜ்பாய் தலைமையில் பாஜக அரசு ஆண்டு கொண்டிந்தது. அயோத்தியில் ராமர் கோயில் கட்ட வேண்டும் என்ற கோரிக்கை வலுப்பெற்றுக் கொண்டிருந்தது.
அப்போது நடந்த ஒரு சம்பவம் என் நினைவுக்கு வருகிறது....!
தீடிரென்று ஒரு நாள் ரஜினி கலைஞரை வீடு தேடிச் சென்று சந்தித்தார். எதற்காக அவர் கலைஞரை சந்தித்தார் என்று பத்திரிகையாளர்கள் பலவாறாக யூகித்தும் சரியான விடை கிடைக்கவில்லை.
ஆனால்,ஒருசில நாட்களில் ஒரு பத்திரிகையாளர் சந்திப்பில் கலைஞரே அதனைச் சொன்னார்.

காவிரி டெல்டா: வேளாண் பாதுகாப்பு மண்டலம் - சந்தேகம் எழுப்பும் செயற்பாட்டாளர்கள்

மு. நியாஸ் அகமது - பிபிசி தமிழ் : சர்ச்சை மிகுந்த திட்டமாக அறியப்பட்ட ஹைட்ரோகார்பன் எடுக்கும் திட்டம் காவிரி டெல்டா பகுதியில் செயல்படுத்தப்படமாட்டாது என்றும் டெல்டா பகுதி பாதுகாக்கப்பட்ட வேளாண் மண்டலமாக அறிவிக்கப்படும் என்றும் தமிழக முதல்வர் பழனிசாமி இன்று சேலத்தில் அறிவித்துள்ளார். இந்த அறிவிப்பு சமூக ஊடகங்களில் கொண்டாடப்படுகிறது. அதுமட்டுமல்ல இந்த அறிவிப்புக்கு தாங்கள்தான் காரணம் எனப் பல அமைப்புகள் உரிமை கோரியும் உள்ளன. ஆனால், அதே நேரம் இந்த அறிவிப்பு குறித்து சந்தேகங்களையும் எழுப்புகின்றனர் செயற்பாட்டாளர்கள்.
இது குறித்து பிபிசி தமிழிடம் பேசிய சூழலியல் செயற்பாட்டாளர் நித்தியானந்த் ஜெயராமன், "இந்த அறிவிப்புக்கு சட்ட வடிவம் கொடுக்கப்பட்டால் மகிழ்ச்சிதான். ஆனால், எங்களுக்கு சில சந்தேகங்களும் இருக்கிறது," என்கிறார். சந்தேகம் மற்றும் அச்சம்.. அவர், " கடந்தாண்டு முதல்வர் எடப்பாடி பழனிசாமி அமெரிக்கா சென்றார் அல்லவா? அப்போது ஒரு பெட்ரோல் கெமிக்கல் நிறுவனம் தமிழக அரசுடன் ஒரு புரிந்துணர்வு ஒப்பந்தத்தில் கையெழுத்திட்டிருக்கிறது. அதன்படி அவர்கள் 50 ஆயிரம் கோடி வரை இங்கு முதலீடு செய்யப்போவதாக அறிவித்திருக்கிறார்கள். இதன்படி அவர்கள் கடலூர் மாவட்டத்தில் ஒரு பெட்ரோல் கெமிக்கல் வளாகத்தை அமைக்கப் போகிறார்கள். இதுதான் எங்களுக்கு சந்தேகத்தையும், அச்சத்தையும் ஒரு சேர ஏற்படுத்துகிறது," என்கிறார்.

அதிமுக கூட்டணியில் இணைய சீமான் திட்டம்.. முதல்வர் எடப்பாடி சந்திப்பின் ரகசியம்?

தினகரன்:  சென்னை: முதல்வர் எடப்பாடி பழனிசாமியை கடந்த 6ம் தேதி, நாம் தமிழர் கட்சியின் தலைமை ஒருங்கிணைப்பாளர் சீமான் மற்றும் நிர்வாகிகள் சென்னையில் உள்ள அவரது இல்லத்தில் சந்தித்து பேசினர். முதல்வரை சந்தித்து பேசிய சீமான் நிருபர்களிடம் கூறும்போது, சிறையில் உள்ள 7 தமிழர்களை விடுதலை செய்ய வேண்டும் என்று கூறியதுடன், நடிகர் ரஜினிகாந்த்துக்கு எதிராகவும் கருத்துக்களை கூறினார். ஜெயலலிதா முதல்வராக இருந்தவரை அதிமுகவை எதிர்த்து சீமான் பேசவே இல்லை. ஆனால் முதல்வராக எடப்பாடி பழனிசாமி பதவியேற்றதில் இருந்து தமிழக அரசை சீமான் தொடர்ந்து எதிர்த்து வந்தார். அதிமுக அரசின் முடிவுகளை கடுமையாக எதிர்த்ததுடன், ஆட்சிக்கு எதிராக பல்வேறு போராட்டங்களையும் நடத்தினார். முதல்வர், துணை முதல்வர், அமைச்சர்களை பொதுக்கூட்டங்களில் கடுமையாக விமர்சனம் செய்தும், கிண்டல் செய்தும் பேசினார்.

ரஜினி ஏப்ரலில் புதிய கட்சி- மக்களை சந்திக்க ரஜினி தயார் ... இந்த முறை நிச்சயமாம்!

மாலைமலர் : வருகிற ஏப்ரல் மாதத்தில் புதிய கட்சியை தொடங்கி பொதுமக்களை சந்திக்க நடிகர் ரஜினிகாந்த தயார் ஆகிறார். 8 ஊர்களில் மாநாடு நடத்தவும் திட்டமிட்டுள்ளார். சென்னை: தமிழ் சினிமாவில் சூப்பர் ஸ்டாராக வலம் வரும் ரஜினிகாந்த். கடந்த 2017-ம் ஆண்டு டிசம்பர் மாதம் அரசியல் வருகை யை அறிவித்தார்.
தனிக்கட்சி தொடங்கி 234 தொகுதிகளிலும் நிற்க போவதாக அறிவித்தார். அதன் பின் அவரது அரசியல் பணிகள் வேகம் எடுத்தன.
ரசிகர் மன்றத்தை மக்கள் மன்றமாக மாற்றி அதற்கு மாநில அளவிலும் மாவட்ட அளவிலும் நிர்வாகிகளை நியமித்தார். உறுப்பினர் சேர்க்கையையும் பூத் கமிட்டிகள் அமைக்கும் பணிகளையும் தீவிரப்படுத்தினார்.
ரஜினிகாந்த் அரசியலுக்கு வருவதாக அறிவித்து 2 ஆண்டுகள் முழுமையாக கடந்த நிலையில் இன்னும் கட்சி அறிவிப்பை வெளியிடவில்லை. ஆனால் இந்த 2 ஆண்டுகளாக பல்வேறு பிரச்சினைகளில் பரபரப்புகளை ஏற்படுத்தியே வருகிறார்.

A.R. முருகதாஸை கிழித்த T.R! வீடியோ

மின்னம்பலம் : ரஜினிகாந்த் நடித்து வெளிவந்த தர்பார் திரைப்படத்தால் ஏற்பட்ட இழப்பிற்கு, நஷ்ட ஈடு கேட்டு விநியோகஸ்தர்கள் போராடி வருகின்றனர். இந்த நிலையில் இதுகுறித்து நடிகரும், இயக்குநருமான டி.ராஜேந்தர் செய்தியாளர்களிடம் பேட்டி அளித்தார்.
சென்னை-காஞ்சீபுரம்-திருவள்ளூர் மாவட்ட வினியோகஸ்தர்கள் சங்க தலைவரான டி.ராஜேந்தர் சென்னையில் நேற்று(பிப்ரவரி 9) மாலை செய்தியாளர்களுக்குப் பேட்டியளித்தார். அவர் உரையாற்றும் போது, “லைகா புரொடக்‌ஷன்ஸ் தயாரிப்பில், ஏ.ஆர்.முருகதாஸ் இயக்கி ரஜினிகாந்த் கதாநாயகனாக நடித்த தர்பார் திரைப்படம் நஷ்டத்தை சந்தித்ததாக விநியோகஸ்தர்கள் பல்வேறு சங்கங்களிலும் புகார் அளித்து வருகின்றனர். அதே புகாரை எங்கள் சங்கத்திலும் அளித்திருந்தனர். விநியோகஸ்தர்கள் விளக்கில் விட்டில் பூச்சி விழுவதை போல் விழுந்துவிட்டார்கள். தர்பார் படத்தை அதிக விலைக்கு வாங்கி இருக்கக் கூடாது.

சீமானுக்கு, நடிகை விஜயலட்சுமி கடும் கண்டனம் .. தஞ்சை பெருவுடையார் கோயில் தரிசனம்

   மாலைமலர்:  தஞ்சை பிரகதீஸ்வரர் கோவிலுக்கு சென்று நாம் தமிழர் கட்சி தலைவர் சீமான் வழிபட்டதற்கு நடிகை விஜயலட்சுமி கண்டனம் தெரிவித்துள்ளார். சென்னை:
நாம் தமிழர் கட்சியின் தலமை ஒருங்கிணைப்பாளரான சீமான் மீது சில ஆண்டுகளுக்கு முன்பு பரபரப்பான புகாரை அளித்தவர் ‘பிரண்ட்ஸ்’ பட நடிகை விஜயலட்சுமி.
தன்னுடன் பழகிவிட்டு ஏமாற்றியதாக விஜயலட்சுமி அளித்த புகாரின் பேரில் சீமான் மீது வழக்கும் போடப்பட்டது.
இந்த நிலையில் அவர் சிமானை கடுமையாக விமர்சித்து வீடியோ ஒன்றை வெளியிட்டுள்ளார். அதில் கடவுள்களை விமர்சனம் செய்துவிட்டு இப்போது பிரகதீஸ்வரர் கோவிலுக்கு சென்று சீமான் வழிபட்டது வடிவேலு காமெடியை விட பெரிய காமெடி என்று கூறியுள்ளார்.
விஜயலட்சுமி வீடியோவில் பேசி இருப்பதாவது:-
நாம் தமிழர் கட்சி தலைவர் சீமான் தஞ்சை பெரிய கோவிலில் சாமி தரிசனம் செய்துள்ளார். அங்கு அவருக்கு லிங்கத்தின் முன்னால் மரியாதை செய்வது போன்ற வீடியோவை நான் பார்த்தேன். இதைவிட அசிங்கம் வேறு எதுவும் இருக்க முடியாது.

டெல்லி தேர்தல் முடிவுகள் தாமதம் .. EVM மோசடி? . தேர்தல் ஆணையம் என்ன செய்கிறது? அதிர்ச்சி அடைந்த அரவிந்த் கெஜ்ரிவால்!

tamil.oneindia.com : டெல்லி சட்டப்பேரவை தேர்தலில் பதிவான வாக்குகளின் மொத்த சதவிகிதம் மிகவும் தாமதமாக அறிவிக்கப்பட்டது அதிர்ச்சி அளிக்கிறது என்று டெல்லி முதல்வர் அரவிந்த் கெஜ்ரிவால் தெரிவித்துள்ளார். டெல்லி: டெல்லி சட்டப்பேரவை தேர்தலில் பதிவான வாக்குகளின் மொத்த சதவிகிதம் மிகவும் தாமதமாக அறிவிக்கப்பட்டது அதிர்ச்சி அளிக்கிறது என்று டெல்லி முதல்வர் அரவிந்த் கெஜ்ரிவால் தெரிவித்துள்ளார். டெல்லி சட்டப்பேரவை தேர்தலில் 62.59% வாக்குகள் பதிவானது என்று டெல்லி தேர்தல் ஆணையர் தெரிவித்துள்ளார்.
டெல்லி சட்டசபை தேர்தல் நேற்று நடந்து முடிந்தது.வரும் 11ம் தேதி தேர்தல் முடிவுகள் அறிவிக்கப்பட உள்ளது. டெல்லி சட்டப்பேரவை தேர்தலில் பதிவான வாக்குகளின் மொத்த சதவிகிதம் குறித்து 24 மணி நேரம் கழித்து இன்று மாலைதான் அறிவிக்கப்பட்டது. இந்த தாமதம் குறித்து டெல்லி முதல்வர் அரவிந்த் கெஜ்ரிவால் கருத்து தெரிவித்துள்ளார்.
அதில், எனக்கு பெரிய அதிர்ச்சி அளிக்கிறது. தேர்தல் ஆணையம் என்ன செய்து கொண்டு இருக்கிறது. இன்னும் ஏன் தேர்தல் முடிவுகளை அறிவிக்காமல் காலம் தாழ்த்தி வருகிறார்கள்.
தேர்தல் முடிந்து பல மணி நேரம் ஆகிவிட்டது என்று அரவிந்த் கெஜ்ரிவால் குறிப்பிட்டு இருந்தார். இவரின் இந்த டிவிட் டெல்லி தேர்தல் களத்தில் பெரிய அதிர்வலைகளை ஏற்படுத்தியது. இவரின் கருத்துக்கு பின்பே டெல்லி தேர்தல் ஆணையம் இறுதி வாக்குப்பதிவு சதவிகிதத்தை வெளியிட்டது.

விப்லவ் தாக்கூர்: ‘மோதி, அமித்ஷா, பாகிஸ்தான்’’ கர்ஜித்த மாநிலங்களவை உறுப்பினர்

BBC: விப்லவ் தாக்கூர்: ‘மோதி, அமித்ஷா, பாகிஸ்தான்’’ கர்ஜித்த மாநிலங்களவை உறுப்பினர் – யார் இவர்? பேசியவை என்ன? – 5 தகவல்கள்">விப்லவ் தாக்கூர்: ‘மோதி, அமித்ஷா, பாகிஸ்தான்’’ கர்ஜித்த மாநிலங்களவை உறுப்பினர் – யார் இவர்? பேசியவை என்ன? – 5 தகவல்கள் கடந்த இரண்டு தினங்களாக தமிழகத்தில் இணையத்தில் அதிகம் தேடப்பட்ட வார்த்தை விப்லவ் தாக்கூராகதான் இருக்கும்.

புதன்கிழமை வரை பெரும்பாலான தமிழர்கள் விப்லவ் என்ற பெயரைக் கூட கேட்டிருக்கமாட்டார்கள். ஆனால், வெள்ளிக்கிழமை அதிகம் பேர் நாடாளுமன்றத்தில் வில்பவ் பேசிய பேச்சின் காணொளியை பகிர்ந்தார்கள்.
சரி யார் இந்த விப்லவ்?விப்லவ் தாக்கூர் – 76 வயதான இந்த காங்கிரஸ் மாநிலங்களவை உறுப்பினர் இமாச்சல் பிரதேசத்தை சேர்ந்தவர். 1943 அக்டோபர் மாதம் இமாச்சல பிரதேசத்தில் உள்ள தர்மசாலாவில் பிறந்தார். அரசியலில் முதுகலை வரை படித்துள்ளார். இவரது பெற்றோர் சுதந்திரப் போராட்ட வீரர்கள்.

இவரது தந்தை பரஸ் ராம், இமாச்சல் பிரதேசத்தை சேர்ந்த முக்கிய சுதந்திரப் போராட்ட வீரர். இவரது தாய் சர்லா சர்மா காங்கிரஸ் கட்சியில் பல முக்கிய பதவிகளை வகித்தவர்.

ரூ .84 கோடியில் ‘வாக்கி-டாக்கி’ வாங்கியதில் முறைகேடு: 14 தமிழக போலீஸ் அதிகாரிகள் வீடுகளில் லஞ்ச ஒழிப்பு போலீசார் சோதனை

  தினத்தந்தி :  தமிழக காவல் துறைக்கு ரூ.84 கோடிக்கு வாக்கி-டாக்கி உள்ளிட்ட கருவிகள் வாங்கியதில் நடந்த முறைகேடு தொடர்பாக 14 போலீஸ் அதிகாரிகளின் வீடுகளில் லஞ்ச ஒழிப்பு போலீசார் அதிரடி சோதனை நடத்தினார்கள். சென்னை, 2017-18-ம் ஆண்டுக் கான தமிழக அரசின் பட்ஜெட்டில் போலீஸ்துறையை நவீனமயமாக்க ரூ.47 கோடியே 56 லட்சம் நிதி ஒதுக்கீடு செய்யப்பட்டது. இந்த நிதி மூலம் தமிழக காவல்துறைக்கு 10 ஆயிரம் ‘வாக்கி-டாக்கி’ உள்ளிட்ட கருவிகள் வாங்குவதற்கு போலீஸ்துறையில் இயங்கும் தொழில்நுட்ப பிரிவு முடிவு செய்தது.
ஆனால் நிர்ணயிக்கப்பட்ட தொகைக்கு மாறாக ரூ.83 கோடியே 45 லட்சம் ‘டெண்டர்’ ஒப்பந்தம் போடப்பட்டதாகவும், 10 ஆயிரம் கருவிகளுக்கு பதில் 4 ஆயிரம் கருவிகள் மட்டுமே வாங்கப்பட்டதாகவும் குற்றச்சாட்டு எழுந்தது.

பாரதிராஜாவுக்கு வலைவீசிய பாஜக .. ஆசைவார்த்தைகள் கூறினார்களாம்

tamil.oneindia.com : சென்னை: பாஜகவில் இணைய தம்மிடம் பேசினார்கள்.. நிறைய செய்வதாகவும் வாக்குறுதி அளித்தனர் என இயக்குநர் பாரதிராஜா பரபரப்பு தகவல்களை வெளியிட்டுள்ளார். தமிழகத்தில் பாஜக காலூன்றுவதற்கு பல்வேறு பிரபலங்களை வளைத்துப் போட்டுக் கொண்டிருக்கிறது.
திரைத்துறை பிரபலங்களை இழுப்பதை தொடர் நடவடிக்கையாக பாஜக மேற்கொண்டு வருகிறது. இந்நிலையில் சன்நியூஸ் தொலைக்காட்சிக்கு அளித்த பேட்டியில் பாரதிராஜா கூறியதாவது: தமிழகத்தில் தமிழர்கள் சிறுபான்மையினராக இருக்கின்றனர். ஆனால் கர்நாடகா, கேரளாவில் அந்த மண்ணின் மக்கள்தான் பெரும்பான்மையினராக இருக்கிறார்கள். தமிழகத்தில் தமிழர்கள் ஒன்று சேர்ந்து குரல் கொடுத்தால் நிச்சயம் ஜெயித்துவிடலாம்.;
கை நீட்ட சொல்லும் அரசியல் ஆனால் தமிழர்கள் ஒன்று சேரும் போது யார் தலைவர் என நினைக்கிறார்கள்.. அதேபோல் எல்லோரும் முன்னால் நிற்க வேண்டும் என விரும்புகின்றனர்.
பாதரசம் போல் இருக்கும் தமிழர்களை ஒன்று சேர்ப்பதும் கஷ்டமான ஒன்று. நான் இதுவரை அரசியல் கட்சி தொடங்கலாம் என நினைத்தது இல்லை. ஏனெனில் அரசியல் என்றாலே கை நீட்டத்தான் வேண்டும். அதிகாரம், அரசியல் இதுவரை நல்ல கலைஞனாக இருந்துவிட்டேன். போகும் போது நல்ல கலைஞன் போகிறான் என சொல்ல வேண்டும். கரப்டெட் போகிறான் என சொல்லக் கூடாது. அதிகாரங்கள் நம்மை அச்சுறுத்தும் போது நமக்கு இயல்பாகவே கோபம் வரும்.. அதனால்தா ஏன் அந்த அதிகாரத்தைக் கையில் எடுக்கக் கூடாது என சிந்திக்கிறார்கள்.

கொரோனா வைரஸைக் கண்டறிந்த சீன மருத்துவர் லீ உயிரிழப்பு

`ராம் பிரசாத்  - விகடன் : லீ... நீங்கள்தான் எங்கள் ஹீரோ!’ -கொரோனா வைரஸைக் கண்டறிந்த
சீன மருத்துவருக்கு நேர்ந்த கதி
கொரோனா வைரஸ் நோய் தாக்கத்தை முதலில் கண்டறிந்த சீன மருத்துவர், நோயின் தாக்கம் காரணமாக மருத்துவமனையில் அனுமதிக்கப்பட்டுள்ளார்.
கொரோனா வைரஸ் தாக்குதல் குறித்து சீன மருத்துவரான லீ வெண்லியாங் (Li Wenliang) கடந்த டிசம்பர் மாதமே எச்சரித்துள்ளார். சீனாவின் வுஹான் மாகாணத்தில் தான் லீ வெண்லியாங் பணியாற்றிவந்துள்ளார். அவரிடம் சிகிச்சைக்காக வந்த நோயாளிகள், தீராத காய்ச்சல் காரணமாக அவதிப்பட்டு வந்துள்ளனர். அவர்கள் அனைவரும் கடல் உணவுப் பொருள்களை விற்பனை செய்யும் சந்தையில் பணியாற்றியவர்கள் என்பது தெரியவந்துள்ளது. முதலில், இது கொரோனா வைரஸ் தாக்குதல் என்பது அவருக்குத் தெரியவில்லை. புதிய வகையான காய்ச்சல் என்பதை மட்டும் உறுதிசெய்துகொண்டார்.
2003-ம் ஆண்டு, உலக நாடுகளை அச்சுறுத்திய சார்ஸ் (SARS) வைரஸ் போன்றது என நினைத்துள்ளார். இதுதொடர்பாக, அவரது நட்பு வட்டத்தில் இருக்கும் மருத்துவர்களுக்கு, டிசம்பர் 30-ம் தேதி WECHAT மூலம் இதுகுறித்த தகவல்களை அனுப்பியுள்ளார். நோயாளிகளைக் கையாளும்போது பாதுகாப்புக்காக மாஸ்க் அணிந்துகொள்ளுங்கள் என நண்பர்களை அறிவுறுத்தியுள்ளார்.

‘விஜய் , அன்புசெழியன். ஏஜிஎஸ் திடீர் ரெய்டு’’ ‘.. ரஜினி அண்டு குருமூர்த்தி கேங் பின்னணி?

- ஜூனியர் விகடன் : ‘‘ஏன் இந்தத் திடீர் ரெய்டு?’’
‘‘ரஜினிதான் காரணம் என்கின்றனர். `தர்பார்’ படம் நஷ்டத்தை ஏற்படுத்தியதாக சில விநியோகஸ்தர்கள் தரப்பில் போர்க்கொடி உயர்த்தப்பட்டது. ரஜினியை நேரில் சந்தித்து நஷ்டஈடு பெறவும் முடிவெடுக்கப்பட்டது. மதுரை, திருநெல்வேலி, தூத்துக்குடியைச் சேர்ந்த இந்த விநியோகஸ்தர்களைத் தூண்டிவிட்டதே, அவர்களுக்கு ஃபைனான்ஸ் செய்த அன்புச்செழியன்தான் என்று கூறப்படுகிறது.’’
‘‘ஓஹோ...’’

‘‘இதுகுறித்து பிரபல ஆடிட்டரிடம் ரஜினி விவாதித்ததாகவும் கூறப்படு கிறது. ரஜினிக்குத் தெம்பூட்டிய அந்த ஆடிட்டர், டெல்லிக்கும் தகவலை பாஸ் செய்துவிட்டாராம். இதன் பிறகே ரஜினியைச் சீண்டிய அன்புமீது வருமானவரித் துறை பாய்ந்ததாம். சமீபத்தில் ரஜினியின் பெரியார் பற்றிய பேச்சுக்கு
ஓ.பி.எஸ், செல்லூர் ராஜு உள்ளிட்டோர் கடுமையாக எதிர்வினை ஆற்றியிருந்தனர். `அப்படிப் பேசக் கூடாது’ என்று அவர்களுக்கும் மறைமுகமாக எச்சரிக்கை விடுக்கப்பட்டதாம்.’’