புதிய கள்ள நோட்டுகள் ரூ.2.55 கோடி!

பணமதிப்பழிப்பு நடவடிக்கைக்குப் பிறகு ரூ.2.55 கோடி மதிப்பிலான கள்ள நோட்டுகள் கண்டறியப்பட்டுள்ளதாக மத்திய அரசு தெரிவித்துள்ளது.
இன்றைய (ஆகஸ்ட் 8) மக்களவையின் கேள்வி நேரத்தின் போது இதுகுறித்து எழுப்பப்பட்ட கேள்விக்கு மத்திய உள்துறை இணையமைச்சரான ஹன்சராஜ் ஜி.அஹிர் எழுத்துப்பூர்வமாகப் பதிலளிக்கையில், “கடந்த ஆண்டின் நவம்பர் மாதம் 8ஆம் தேதி பிரதமர் நரேந்திர மோடியால் பணமதிப்பழிப்பு நடவடிக்கை மேற்கொள்ளப்பட்டது. அதன் பின்னர் நவம்பர் 9ஆம் தேதியிலிருந்து 2017 ஜூலை 14ஆம் தேதி வரையில் மொத்தம் 23,429 கள்ள நோட்டுகள் கைப்பற்றப்பட்டுள்ளன. இவையனைத்தும் மதிப்பு நீக்கம் செய்யப்பட்ட ரூ.500 மற்றும் ரூ.2,000 நோட்டுகளாகும். குஜராத், மிசோரம், மேற்கு வங்கம் மற்றும் பஞ்சாப் ஆகிய மாநிலங்களில் அதிகளவிலான கள்ள நோட்டுகள் பறிமுதல் செய்யப்பட்டுள்ளன.

குஜராத் ..ராஜ்யசபா தேர்தலில் முறைகேடு: காங்கிரஸ் புகார்

மின்னம்பலம் :பொதுத் தேர்தலை மிஞ்சும் ட்விஸ்டுகளை சந்தித்து வருகிறது குஜராத் ராஜ்யசபா தேர்தல்.
குஜராத் மாநிலத்தில் இருந்து ராஜ்யசபாவுக்கு 3 உறுப்பினர்களைத் தேர்ந்தெடுக்க இன்று ஆகஸ்டு 8 ஆம் தேதி காலை 10 மணிக்குத் தொடங்கிய வாக்குப்பதிவு மாலை 3 மணிக்கு முடிவடைந்தது.
பாஜக சார்பில் பாஜக தேசிய தலைவர் அமித்ஷா, மத்திய அமைச்சர் ஸ்மிருதி இராணி, பல்வந்த்சிங் ராஜ்புத் மற்றும் காங்கிரஸ் சார்பில் சோனியா காந்தியின் அரசியல் செயலாளர் அகமது பட்டேல் ஆகியோர் போட்டியிடுகின்றனர்.
குஜராத் மாநில எம்.எல்.ஏ.க்கள் எண்ணிக்கை அடிப்படையில் பாஜக-வைச் சேர்ந்த அமித்ஷா, ஸ்மிருதி இராணியும், காங்கிரசைச் சேர்ந்த அகமது பட்டேல் ஆகிய ஆகியோரும் எளிதில் வெற்றி பெற்றுவிட முடியும் என்ற நிலையில்... பாஜக தனது மூன்றாவது வேட்பாளராக பல்வ்ந்த்சிங் ராஜ்புத் என்பவரை நிறுத்தி, காங்கிரசின் அகமது பட்டேலை தோற்கடிக்கத் திட்டமிட்டது.

முரசொலி பவள விழாவுக்கு அழகிரிக்கு அழைப்பு .. அண்ணன் பிடி கொடுக்கலையாம்!

 “முரசொலி பவள விழா கொண்டாட்டத்துக்குத் தயாரானபடியே இருக்கிறது திமுக. ‘என் முதல் குழந்தை முரசொலி’ என திமுக தலைவர் கருணாநிதி அடிக்கடி சொல்வார். அந்தக் குழந்தைக்குப் பவள விழா என்பதால் ரொம்பவே ஸ்பெஷலாக நடத்த வேண்டும் என ஸ்டாலின் நினைக்கிறார்.
இந்தச் சமயத்தில் முரசொலி ஆசிரியர் செல்வம் ஸ்டாலினிடம் பேசி இருக்கிறார். அப்போது, ‘ஆரம்ப காலத்துல அழகிரியை தலைவர் மதுரைக்கு அனுப்பியபோது, மதுரையில் முரசொலியோட வளர்ச்சிக்குக் காரணமாக இருந்தவர் அழகிரிதான். அதுவும் சைக்கிளில் மதுரையைச் சுற்றி வந்து பல இடங்களுக்கு ஏஜெண்ட்களை நியமித்தது அவர்தான். அதனால் அவரையும் இந்த விழாவுக்கு கூப்பிட்டா நல்லா இருக்கும். அப்புறம், தலைவர் எமர்ஜென்சி காலத்தில் நெருக்கடிக்கு மத்தியில் அண்ணாசாலையில் முரசொலி பேப்பரை விநியோகித்தபோது அவரோடு இருந்தது தமிழரசுதான். அதனால, இந்த ரெண்டு பேருக்கும் அழைப்பு கொடுக்கணும்னு நினைக்கிறேன்’ என்று சொல்லியிருக்கிறார். ஆரம்பத்தில் யோசித்த ஸ்டாலின், பிறகு முரசொலி நிர்வாக மேலாண்மை இயக்குனரான உதயநிதியிடம் சொல்லி அழகிரியை அழைக்கச் சொல்லியிருக்கிறார்.

ஆணவக் கொலைகளை தடுக்க தனிப் பிரிவு: தீண்டாமை ஒழிப்பு முன்னணி வழக்கால் வெற்றி!

thetimestamil :தீண்டாமை ஒழிப்பு முன்னணியின் மாநில பொதுச்செயலாளர் சாமுவேல் ராஜ் வெளியிட்டுள்ள அறிக்கை:
நீதிமன்ற அவமதிப்பு வழக்கு விசார ணைக்கு வரவுள்ளதையொட்டி மதுரை மாநகர் மற்றும் சேலத்தில் மட்டும் சாதி ஆணவக் கொலைகளை தடுப்பதற்கான சிறப்புப் பிரிவு அமைக்கப்பட்டுள்ளது.
மதுரை மாவட்டம் உசிலம்பட்டியை அடுத்துள்ள பூதிப்புரத்தைச் சேர்ந்தவர் விமலாதேவி. இவர் உசிலம்பட்டி போலிப்பட்டியைச் சேர்ந்த தலித் சமூகத்தைச் சேர்ந்த திலீப்குமார் என்ற இளைஞரை திருமணம் செய்துகொண்டார்.
இதனைப் பொறுத்துக்கொள்ள முடியாத சாதி ஆதிக்க சக்திகள் விமலாதேவியை 1.10.2014 அன்று படுகொலை செய்து எரித்துவிட்டனர். இதனைத் தொடர்ந்து தமிழ்நாடு தீண்டாமை ஒழிப்பு முன்னணி, அனைத்திந்திய ஜனநாயக மாதர் சங்கம் ஆகிய அமைப்புக்களின் துணையோடு சென்னை உயர்நீதிமன்றத்தில் திலீப்குமார் வழக்குத் தொடர்ந்தார்.

சோழர் வரலாறு மட்டுமே இந்தியாவில் தெளிவான கல்வெட்டு சான்று உடையது

krishnavel T.S :இந்திய வரலாற்றிலேயே தெளிவான கல்வெட்டு சான்றுகள் உடைய ஒரே வரலாறு சோழர் வரலாறு
431 வருடம் இந்தியாவை ஆண்ட இந்தோனேசியா வரை படை எடுத்து வென்ற ஒரே இந்திய அரச வம்சமான சோழர் பற்றி தமிழ் நாட்டு பள்ளி வரலாற்று புத்தகங்களில் கூட 4-5 பக்கங்கள் மட்டுமே உள்ளது.
மற்ற மாநில குறிப்பாக CBSE பள்ளி வரலாற்று புத்தகங்களில் ஒன்றுமே கிடையாது

தமிழன் என்பதால் வரலாறும் இல்லை என்றாகிவிடுகிறது
. 431 வருடம் எந்த இடைவெளியும் இல்லாமல் ஆண்ட பிற்கால சோழர்களும் அவர்களின் காலமும்
இவர்களின் முக்கிய அஐண்டாவே வரலாற்றை மறைப்பதும் மாற்றுவதும்தான் மகாராஷ்டிராவில் பள்ளிகளில் சிவாஜிக்கு முந்தயவரலாறு நீக்கப்பட்டுவிட்டதாம்.
Vijayalaya Chola 848–891
Aditya Chola I 891–907

ஜெர்மனியில் பெரியார் தத்துவ முழக்கம் .. கொலோன் பல்கலை கழகத்தில் எழுச்சியுடன் மாநாடு

காவிரிக்கரையில் படர்ந்த பெரியார் தத்துவங்கள்
ஜெர்மனி ரைன் நதிக்கரையில் கிளைத்தன!:
கி.வீரமணி .ஜெர்மனி கொலோன் பல்கலைக்கழகத்தில் மிகுந்த எழுச்சியுடன் நடைபெற்ற பெரியார் சுயமரியாதை இயக்கப் பன்னாட்டு மாநாட்டில் காவிரிக் கரையில் படர்ந்த பெரியார் தத்துவங்கள் ஜெர்மனி ரைன் நதிக் கரையில் கிளைத்தன! என இம்மாநாட்டை தலைமையேற்று நடத்திய திராவிடர் கழகத் தலைவர்  கி.வீரமணி விடுத்துள்ள  அறிக்கை வருமாறு:-’’2017 ஜூலை 27, 28, 29 ஆகிய மூன்று நாள்களும் பெரியார் தொண்டர்கள், பெரியார் மாணாக்கர்கள், பெரியார் பற்றாளர்கள், கருஞ்சட்டையினர், பகுத்தறிவாளர்கள், திராவிடர் இயக்கத்தினர் ஆகியோர் தம் வாழ்வில் தனிப் பெரும் திருவிழா நாள்கள் ஆகும்!
உண்ணத் தெவிட்டாத உன்னத மருந்து: காரணம் அமெரிக்காவைத் தலைமையிடமாகக் கொண்டு இயங்கும் பெரியார் பன்னாட்டு அமைப்பும்  தமிழகத்தின் தஞ்சை வல்லத்தில் உள்ள பெரியார் மணியம்மைப் பல்கலைக்கழகமும் இணைந்து ஜெர்மனியில் கொலோன் நகரத்தில் உள்ள கொலோன் பல்கலைக்கழக வளாகத்தில் பெரியார் சுயமரியாதை இயக்கப் பன்னாட்டு மாநாடு என்ற தலைப்பில் பெரியார் தந்த தத்துவங்களின் மய்யமான சுயமரியாதைக் கொள்கை - லட்சியத்தினை முன்னிறுத்தி, பெரியார் பன்னாட்டு அமைப்பின் ஜெர்மனி கிளை முன்னெடுத்து நடத்திய மூன்று நாள் மாநாடும், அதன் ஆழமான கருத்தரங்கக் கட்டுரைகளும், கருத்துரைகளும் பகுத்தறிவாளர் - சுயமரியாதை இயக்கத்தவர்களின் உண்ணத் தெவிட்டாத உன்னத மருந்தேயாகும், அரிய உணவு ஆகும்!

பன்னீர்செல்வம் எடப்பாடி அணிகள் இரகசிய பேச்சுவார்த்தை

Mayura Akilan Oneindia Tamil சென்னை: எடப்பாடி பழனிச்சாமி அரசுக்கு எதிராக டெங்கு காய்ச்சல் போராட்டத்தை திடீரென ஒருவாரத்திற்கு ஒத்திப்போட்டுள்ளார் ஓபிஎஸ். இதற்கு காரணம் போலீசார் அனுமதி வழங்கவில்லை என்பது மட்டுமல்ல, அமைச்சர்களுடனான ரகசிய பேச்சுவார்த்தையும்தானாம். தமிழக அரசின் செயல்பாடுகளை கண்டித்து வருகிற 10ஆம் தேதி ஓ.பி.எஸ். முன்னிலையில் போராட்டம் நடத்தப்படும் என்று அறிவிக்கப்பட்டது. காவல்துறை அனுமதி கிடைத்தாலும் கிடைக்காவிட்டாலும் போராட்டம் தொடரும் என்று கூறப்பட்ட நிலையில் திடீரென போராட்டம் 18ஆம் தேதிக்கு ஒத்தி வைத்துள்ளனர். அதிமுகவில் ஓபிஎஸ் அணி, ஈபிஎஸ் அணி, டிடிவி தினகரன் அணி பகிரங்கமாக மூன்று அணிகள் செயல்பட்டு வருகின்றன. ஓபிஎஸ், ஈபிஎஸ் அணிகள் இணைப்பு பற்றிய பேச்சுவார்த்தை ஒரு பக்கம் நடந்து வருகிறது. அணிகள் விரைவில் இணையும் என்று முதல்வர் எடப்பாடி பழனிச்சாமி அறிவித்தார்.

பண மதிப்பழிப்பு என்னும் பேரழிவு!.. மன்மோகன் சிங்: :இது ஒழுங்கமைக்கப்பட்ட கொள்ளை!

மின்னம்பலம : கறுப்புப் பணத்தை வெளிக்கொண்டுவருவது, கள்ள நோட்டுகளை ஒழிப்பது ஆகிய காரணங்களுக்காக மோடி மேற்கொண்ட பண மதிப்பழிப்பு நடவடிக்கை அதன் இலக்கை அடையத் தவறிவிட்டது என்பதை நாடாளுமன்றக் குழு ஒன்றின் அறிக்கை தெரிவித்துள்ளது. இதுவரையில் வங்கிகளில் எவ்வளவு கள்ள நோட்டுகள் டெபாசிட் செய்யப்பட்டன, எவ்வளவு கறுப்புப் பணம் வெளிக்கொணரப்பட்டது என்பன குறித்த மிகச் சரியான தவல்களை மத்திய அரசோ, ரிசர்வ் வங்கியோ இதுவரை வெளியிடவில்லை. டெபாசிட் செய்யப்பட்ட நோட்டுகளை இன்னும் எண்ணிக்கொண்டிருப்பதாக ரிசர்வ் வங்கி கூறி வருகிறது. எனில், இந்தப் பண மதிப்பழிப்பு நடவடிக்கை எதற்கு மேற்கொள்ளப்பட்டது? மக்களை, தினசரி தங்களை வேலைகளை விடுத்து வங்கி மற்றும் ஏ.டி.எம். வாசல்களில் நிற்க வைத்தது எதற்கு? இந்தியப் பிரதமர் நரேந்திர மோடியால் இந்த வரலாற்றுச் சிறப்புமிக்க பண மதிப்பழிப்பு அறிவிப்பு கடந்த நவம்பர் மாதம் 8ஆம் தேதி வெளியிடப்பட்டது. அதுவரையில் புழக்கத்தில் இருந்த ரூ.500 மற்றும் ரூ.1,000 நோட்டுகள் இனி செல்லாது என்ற மோடியின் அறிவிப்பு மக்களை அதிர்ச்சியில் ஆழ்த்தியது. மதிப்பிழந்த இந்நோட்டுகளை டிசம்பர் மாதம் 30ஆம் தேதிக்குள் வங்கிகளில் செலுத்த வேண்டும் என அறிவிக்கப்பட்டதால், மக்கள் அனைவரும் தங்களது அன்றாட வேலைகளை விடுத்து வங்கிகளின் வாசல்களில் நின்றுகொண்டிருந்தனர். வரிசையில் காத்திருந்ததால் ஏற்பட்ட உடல் பாதிப்பாலும், மன உளைச்சலாலும் சிலர் தங்களது உயிரைவிட்ட சம்பவங்களும் நிகழ்ந்தன. கறுப்புப் பணமும் கள்ள நோட்டுகளும் ஒழிக்கப்பட்டுத் தூய்மையான இந்தியா உருவாகும் என்ற ஒரே நம்பிக்கையில் மக்கள் இந்த அனைத்து இடர்ப்பாடுகளையும் ஏற்றுக்கொண்டனர்.

Gem மாணிக்க கல் என்பதே சரியான தமிழ் சொல் ... ரத்னா அல்லது இரத்தினக்கல் என்பது சமஸ்கிருதம்

எல்லாவகையான Gemstone களும் இலங்கையில் மாணிக்க கல் என்றே கூறப்படுகிறது.. மண்ணை அகழ்ந்து எடுக்கப்படுவதால் மாணிக்க கல் என்பது பொருத்தமான பெயராக தோன்றுகிறது. பலவகையான் கற்களையும் நீல மாணிக்கம் சிவப்பு மாணிக்கம் என்றே குறிப்பிடுவர். இதற்கான அரசு துறையும் "இலங்கை மாணிக்க கல் ஆபரண அதிகார சபை " என்றே குறிப்பிடப்படுகிறது. தமிழ்நாட்டில் Gemstone இன் பொதுப்பெயராக இரத்தினக்கல் என்ற சொல் வழக்கத்தில் உள்ளது. ரத்னா என்ற சம்ஸ்கிருத சொல்லையே ரத்தினம் இரத்தினக்கல் என்று குறிப்பிடப்படுகிறது . நல்ல தமிழ் சொல் இருக்க சம்ஸ்கிருத நிழலில் ஏன் இருக்க வேண்டும்? மொழியின் வேர் சிதைந்து விடாமல் இருக்க ஆவன செய்வோம்..

இலங்கையில் முழுக்க முழுக்க மாணிக்க கல் என்ற சொல்லே பாவிக்கப்படுகிறது ..
உதாரணமாக இந்த ஒரு செய்தியை பாப்போம் : நாடளாவிய ரீதியில்
சட்டவிரோதமாக முன்னெடுக்கப்பட்டு வருகின்ற மாணிக்க கல் அகழ்வுகளை சுற்றிவளைப்பதற்காக விசேட பொலிஸ் குழுவை நியமிக்குமாறு ஜனாதிபதி மைத்திரிபால சிறிசேன ஆலோசனை விடுத்துள்ளார்.

பெரிய மடங்களை மடக்கும் நித்தியானந்தா ... அவாள் வித்தையை அவாளுக்கே காட்டும் நித்தி?

நித்தியானந்தாவின் பெயரைக் கேட்டாலே சக சாமியார்கள் அதிர்கிறார்கள். பெங்களூரு நித்தியானந்தா மடத்துக்கு மதுரை ஆதீனம் ஸ்ரீலஸ்ரீ அருணகிரிநாத ஸ்ரீஞானசம்பந்த தேசிக பரமாச்சார்ய சுவாமிகள் விசிட் அடித்துவிட்டு வந்த பிறகு, மதுரை ஆதீன மடத்துக்கு வந்தார் நித்தி. வந்ததும் "ஆதீன மடத்தின் அடுத்த மடாதிபதி நான்தான்' என்றார்.""நான் பெங்களூருவில் இருந்தபோது, பாலில் என்னத்தையோ ஊத்திக் கொடுத்தாய்ங்க, அதுலயிருந்து கெறக்கமாவே இருக்கு. மதுரை ஆதீனமடத்தின் மடாதிபதி பதவியிலிருந்து நித்தியானந்தாவை நீக்குகிறேன்''’-தெளிவு நிலைக்கு வந்தபின் மதுரை ஆதீனம் இப்படிச் சொன்னார்."
;நித்தியின் சிஷ்ய கோடிகள், சமீபத்தில் திருவண்ணாமலை பவளக்குன்று மலைக்குச் சென்று பூஜை செய்கிறோம் என்ற பெயரில் ஆக்கிரமிப்பு செய்ய முயன்றபோது, பொதுமக்களால் விரட்டியடிக்கப்பட்டனர். அதற்கடுத்து சென்னை பல்லாவரத்தில் தனிநபர் ஒருவருக்குச் சொந்தமான இடத்தில் கட்டில், மெத்தை, கேரவன் வேன்களுடன் டெண்ட் அடித்து அக்கப்போர் பண்ணினர். 
;இப்போது அவர்களின் அடுத்த இலக்கு, காஞ்சிபுரம் தொண்டை மண்டல ஆதீன மடம். 2000 ஆண்டுகள் பாரம்பரியம் கொண்ட இந்த ஆதீனமடம், காஞ்சிபுரம் ஏகாம்பரேஸ்வரர் ஆலயத்தின் நிர்வாகத்திற்குட்பட்டது. "ஆதீனம் ஞானப்பிரகாசர் மடம்' என்ற பெயரில் செயல்பட்டுவரும் இம்மடமானது கொண்டைகட்டி முதலியார் சமுதாயத்திற்கு பாத்தியப்பட்டது.

Kakkoos to Oscar ? ஆஸ்கார் பெறப்போகிறது கக்கூஸ் ஆவணப்படம்?

S P Udayakumaran :கக்கூஸ், சிட்டுக்குருவி...   தங்கை திவ்யா இயக்கியிருக்கும் கக்கூஸ் ஆவணப்படத்தை இன்றுதான் பார்த்தேன். நோபல் பரிசு கொடுக்கப்படவேண்டிய அவருக்கு, பொய் வழக்கையும், கைது நடவடிக்கையையும் பரிசாக வழங்குகின்றன கையாலாகாத நமது அரசுகள். பாழாய்ப்போன நமது சமூகத்தின் சாதிக் கொடுமைகள், தாழ்த்தப்பட்ட மக்கள் அனுபவிக்கும் சித்திரவதைகள், துப்புரவுத் தொழிலாளர்கள் சந்திக்கும் அவலங்கள், அவர்கள் வாழ்வில் தாண்டவமாடும் துன்பங்கள், துயரங்கள் - இவற்றை எல்லாம் பார்க்கும்போது, கோபம்தான் கொப்பளிக்கிறது. பீ அள்ள முடியாத நாடு அணுசக்தி வல்லமை பற்றி பீற்றிக்கொள்வது கேவலமானது, அநாகரிகமானது.

அருட்சகோதரி ஜாக்குலின் ஜெயின் எழுதியிருக்கும் புதிய நாவல் "சிட்டுக்குருவி" (திண்டுக்கல்: ஓவியா பதிப்பகம், 2017; 7667557114) இம்மக்களின் வாழ்க்கையைத்தான் படம்பிடித்துக் காட்டுகிறது. வாழ்க்கை அல்ல இது, அர்த்தமற்ற உயிர் தரித்தல். அதைவிட மோசமான துன்பியல் நிகழ்வு. சகோதரி ஜாக்குலின் அவர்களின் புதினம் தங்கை திவ்யாவின் ஆவணப்படம் சொல்வதை இலக்கிய வடிவில் பகர்கிறது. இரண்டு படைப்புக்களையும் ஒரே நேரத்தில் எதிர்கொள்வது நிலைகுலையச் செய்கிறது.  சிறந்த ஆவணப்படங்களுக்கு வழங்கப்படும் ஆஸ்கர் மற்றும் கான் போன்ற சரவதேச அங்கீகாரங்களை திவ்யாவின் கக்கூஸ் திரைப்படம் பெறும் என்று பல நாடுகளையும் சேர்ந்த  திரைப்பட ஆர்வலர்கள் கருத்துக்களை பதிவு செய்துள்ளனர்

மார்க்கண்டேய கட்ஜுவை எங்குமே காண முடியவில்லை. .. சமுக ஊடகங்களில் எதிலுமே... ஏன்? .

Sutha Oneindia Tamil சென்னை: ஓய்வு பெற்ற சுப்ரீம் கோர்ட் நீதிபதி மார்க்கண்டேய கட்ஜு தமிழர்களின் மனதைத் தொட்டவர், இதயம் கவர்ந்தவர். காரணம், தன்னைத் தமிழனாக வரித்துக் கொண்டு பாசம் காட்டியவர் இந்த சட்டமேதை. ஆனால் இவரை இப்போது சமூக ஊடகங்களில் எங்குமே காண முடியவில்லை.
கடந்த மே மாதத்தோடு சமூக வலைதளங்கிலிருந்து விடை பெற்று விட்டார் கட்ஜு. அதன் பிறகு டிவிட்ட்டர், பேஸ்புக், பிளாக் என எதிலுமே அவர் இல்லை. அவரது கருத்துக்களும், கட்டுரைகளும் வெளியாவது போல தெரியவில்லை. மற்ற மாநில மக்களுக்கு எப்படியோ தமிழ்நாட்டு மக்களால் மறக்க முடியாதவர் கட்ஜு. காரணம், ஜல்லிக்கட்டு விவகாரத்தின்போதும் அதைத் தொடர்ந்தும் பல விதமான யோசனைகளை தமிழ்நாட்டு மக்களுக்கு தொடர்ந்து தந்து கொண்டிருந்தவர் கட்ஜு. ஜல்லிக்கட்டுக்காக தொடர்ந்து குரல் கொடுத்தவர் கட்ஜு. தேவையான சட்ட யோசனைகளையும் தொடர்ந்து வழங்கி வந்தார். அதைக் கேட்காத தமிழக அரசையும் கடுமையாக விமர்சித்தவர் கட்ஜு. மெரீனா கடற்கரையில் தமிழ்நாட்டு இளைஞர்கள் நடத்திய புரட்சிப் போராட்டம் அவரை நெகிழ வைத்தது. நானும் ஒரு தமிழன் என்று முழக்கமிட்டு தனது மகிழ்ச்சியை வெளிப்படுத்தினார் கட்ஜு.

விஜயதரணி + தினகரன் சந்திப்பு ... தமிழக காங்கிரசில் பூகம்பமாம்?

ஒன்னா இருக்க... இல்லன்னா ஓடிப்போங்க! அவர்களுக்கு அருகதையில்லை! விஜயதாரணி தாக்கு!
நக்கீரன் :ஜெயலலிதா மரணத்திற்கு பின்னர் அதிமுக அம்மா அணி, புரட்சித் தலைவி அணி, தினகரன் அணி என மூன்றாக செயல்படுகிறது. இந்த அணிகளை பாஜகதான் இயக்குகிறது என்று மக்கள் மத்தியில் பேச்சு இருந்து வருகிறது. இந்த நிலையில் காங்கிரஸ் சட்டமன்ற கொறடா விஜயதாரணி, தினகரனை சந்தித்து அவரது மாமியார் இறந்த துக்கம் விசாரித்துவிட்டு அதிமுகவின் மூன்று அணிகளும் இணைய வேண்டும் என பேட்டி அளித்தார்.
இது மக்கள் மத்தியிலும் காங்கிரஸ் கட்சியினர் மத்தியிலும் பெரும் பரபரப்பை ஏற்படுத்தியது.காங்கிரஸ் எம்எல்ஏ பிரின்ஸ், 'காமராஜர் ஆட்சி என்ற கோசத்தோடு காங்கிரஸ் கட்சி எழுச்சி பெற்று வரும் நிலையில், அதிமுகவை இணைக்க முயற்சிப்பது காங்கிரஸ் கட்சியின் வேலை இல்லை. காங்கிரஸ் தலைமை விரைவில அவர் மீது நடவடிக்கை எடுக்க வேண்டும்' என்று கூறியுள்ளார். மற்றொரு காங்கிரஸ் எம்எல்ஏ ராஜேஷ்குமார், 'காங்கிரஸ் எம்எல்ஏ என்பதை மறந்து பேசுகிறார். இவர் மீது கட்சி தலைமை நடவடிக்கை எடுக்க வேண்டும்' என்று கூறியுள்ளார். மேலும் ராகுல்காந்தி வரை புகார் அனுப்பப்படும் என்றும் தெரிவித்துள்ளனர். இவர்கள் குற்றச்சாட்டு குறித்து விஜயதாரணியிடம் கேட்டபோது

ராகுல்காந்தியே ஜெயலலிதா மரணத்திற்கு வந்ததோடு இல்லாமல் அடக்கம் செய்யப்படும்வரை இருந்தார். மோடி கூட வந்தவுடனேயே திரும்பிவிட்டார். ராகுல்காந்தி கடைசி வரைக்கும் இருந்தார். இதுமட்டும் சரியா?

நக்கீரன் உதவி ஆசிரியர் ஆரணி எஸ்.சம்பத் அவர்கள்

சம்பத் அய்யா' என்று அனைவராலும் அன்புடன் அழைக்கப்படும் நக்கீரன் உதவி ஆசிரியர் ஆரணி எஸ்.சம்பத் அவர்கள் 04.08.2017 வெள்ளிக்கிழமை காலை காலமானார். அவருக்கு வயது எழுபத்தி இரண்டு. கடந்த இருபத்தி இரண்டு ஆண்டுகளாக நக்கீரனில் பணியாற்றிய இவரின் பத்திரிகைத் துறை அனுபவம் ஐம்பது ஆண்டுகளையும் தாண்டியது. அலை ஓசை, தீபம், சாவி உள்ளிட்ட பத்திரிகைகளில் பணியாற்றியுள்ள இவரின் எழுத்துகள் தினத்தந்தி, ராணி போன்ற பத்திரிகைகளில் வெளிவந்துள்ளன. சிறுகதைகளும் எழுதியுள்ளார். மூத்த பத்திரிகையாளர்கள் பலருடன் நட்பு வைத்திருந்தவர். பெரியாரின் வழியில் திராவிட இயக்க செயல்பாடுகள் கொண்ட இவர் ஈ.வெ.கி.சம்பத்தின் தமிழ் தேசிய கட்சியில் பங்காற்றினார்.

 'நடிகர் திலகம்' சிவாஜியின் மீது மிகுந்த அபிமானமும் அன்பும் கொண்ட சம்பத் அய்யா, சிவாஜி ரசிகர்களுக்காக தன் சொந்த செலவில் பத்திரிகை நடத்தியவர். நக்கீரனில் மெய்ப்புத் திருத்தும் பணியுடன், இதழ் சார்ந்த அனைத்து ஒருங்கிணைப்புகளையும் அக்கறையுடன் செய்தவர். தன் ஆழ்ந்த அரசியல் அறிவையும் அனுபவங்களையும் நக்கீரனின் அனைத்து ஊழியர்களிடமும் பகிர்ந்து கொண்டவர். வயது, இவரது வாசிப்பை என்றுமே தடை செய்யவில்லை. ஒரு துண்டுத் தாள் கண்ணில் பட்டாலும், அதைப் படிக்காமல் விடமாட்டார், படித்ததைப் பிறரிடம் பகிராமல் விடமாட்டார்.

இலங்கை துறைமுகம் சீனாவுக்கு 99 வருடகால குத்தகை கைச்சாத்து! காலி அம்பாந்தோட்டை ...

அம்பாந்தோட்டைத் துறைமுகத்தை நிர்வகிப்பதற்காக சீன கம்பனியுடன் செய்து கொண்ட 1.1 பில்லியன் அமெரிக்க டொலருக்கான 99 வருடகால குத்தகை ஒப்பந்தம் கடந்தவார முக்கிய பேசு பொருளாக அமைந்தது.
அம்பாந்தோட்டைத் துறைமுகம். இலங்கையின் தென்பகுதியில் அமைந்த ஆழமான துறைமுகமாக இருந்த போதிலும் இத்துறைமுகத்திற்குக் கப்பல்கள் வருகை பெருமளவில் குறைந்திருந்தது. இத்தனைக்கும் ஆசிய ஐரோப்பிய கப்பல்பாதைக்கு 10 கடல் மைல்கள் தூரத்திற்குள்ளேயே இத்துறைமுகம் அமைந்துள்ளது.
இவ்வருடம் இதுவரை 10 கப்பல்கள் மட்டுமே ஹம்பாந்தோட்டைத் துறைமுகத்திற்கு வருகை தந்துள்ளன. கடந்த வருடம் முழுவதிலும் 14 கப்பல்கள் மட்டுமே இங்கு தரித்து நின்றன. இதன் காரணமாகத்தான் அம்பாந்தோட்டைத் துறைமுகத்தை சீன கம்பனியொன்றுக்கு 99 வருட குத்தகையில் கொடுப்பதற்கு அரசாங்கம் தீர்மானித்தது. இந்த குத்தகை ஒப்பந்தத்தின்படி 30 சதவீத உரிமையை இலங்கை அரசாங்கமும் 70 சதவீத உரிமையை சீன வர்த்தக கம்பனியும் பெற்றுக் கொள்ளும்.

ஒரு விளம்பர மாடலிடம் ஆட்சியை கொடுத்து விழிபிதுங்கி நிற்கிறது இந்தியா.

அட்டைக்கத்தி மோடி..
அன்று, இலங்கை திரிகோணமலையில் அமெரிக்கா ஆயுதகளம் அமைத்தபோது இந்தியாவை மீறி இலங்கையில் எது நடந்தாலும் அதை இந்தியாவுக்கு எதிரான செயலாகவே இந்தியா கருதும் என்றார் இந்திரா காந்தி..திட்டத்தை போட்டுவிட்டு ஓடியது அமெரிக்கா..
இன்று, இலங்கையை வாங்கி விட்டது சீனா. 56 இஞ்ச் வாய்
சவடால் புலி செத்துக்கிடக்கிறது....

நேற்றுவரை இந்தியாவை தாண்டி யோசிக்காத ரஷ்யா.. இன்று பாகிஸ்தானோடு ஒப்பந்தம் போடுகிறது...
வெறும் அருணாச்சல் பிரதேசத்தில் மட்டும் அவ்வபோது ஊடுருவி பிரச்சனை செய்த சீனா, இப்போ, சிக்கிம், உத்ராகன்ட் என ஊடுருவலை விரிவுபடுத்தியுள்ளது.. இந்தியாவோ வாய்பொத்தி உள்ளது, இந்நேரம் பாகிஸ்தான் என்றால், தேச பக்தி சும்மா குபீர்ன்னு பீறிட்டு கிளம்பியிருக்கும்.... ஆனா, சீனாவா போச்சே.. தேச பக்திய ஓரங்கட்டிட்டாங்க...
நேப்பாளம், பங்களாதேஷ், இலங்கை, பாகிஸ்தான் என எல்லா அண்டை நாடுகளையும் சீனா கைக்குள் கொண்டுவந்துவிட்டது..
ஆக..வெளியுறவுகொள்கைகளில் படுதோல்வி.
ஊடக விளம்பரங்களை நம்பி இந்திய பாராளுமன்றத்தை ஒரு பயங்கரவாத கும்பலிடம் ஒப்படைத்ததன் விளைவு, நெருப்பு வட்டத்திற்குள் பஞ்சு மூட்டையாக இந்தியா..

பகத்சிங் மண்ணிலிருந்து தோழர் தத்தார் சிங்: காந்தி செய்த அதே தவறை நாம் செய்தால் நம் சந்ததியே அழிந்து விடும். - ஒரு போர்க்குரல் !

விவசாயியை வாழவிடு! ஆக -5, மக்கள் அதிகாரம் சார்பில் தஞ்சையில் நடைபெற்ற மாநாட்டின் மாலை அமர்வில். பகத்சிங் பிறந்த மண்ணில் இருந்து நான் உங்களிடம் உரையாற்ற வந்திருக்கிறேன் என அறிமுகம் செய்து கொண்டு பேசத்தொடங்கிய – தோழர் தத்தார் சிங், (அகில இந்திய கிசான் மஸ்தூர் சங்கம், பஞ்சாப்) அவர்களின் சுருக்கப்பட்ட உரை.

இந்தியாவில் இப்போது இரண்டு விதமான போராட்டங்கள் தீவிரமடைந்துள்ளன. முதலாவதாக, விவசாயிகள் தற்கொலை செய்து கொண்டு சாவதைத் தடுக்க அரசு நடவடிக்கை எடுக்க வேண்டும் என்று கோரியும், இரண்டாவதாக விளை பொருட்களுக்கான உரிய விலையை நிர்ணயிக்கக் கோரியும் நடைபெறும் போராட்டங்கள் ஆகும்.
இந்திய விடுதலைப் போராட்டத்தில் இரண்டு விதமான தீர்வுகளை முன்வைத்து போராட்டங்கள் நடந்தது. ஒன்று காந்தி முன்னிறுத்திய பிரிட்டிஷாரின் நிழல் ஆட்சியின் தொடர்ச்சிக்கான போராட்டம், இன்னொன்று மாவீரன் பகத்சிங் முன்னிறுத்திய சோசலிச சமூக ஆட்சிக்கான போராட்டம்.

பாலியல் பாலத்காரத்தில் ஈடுபடும் ஐ.நா அமைதிப்படை

உலகெங்கும் வன்முறைகளைத் தடுக்கவும் நாடுகளிடையே அமைதியை நிலைநாட்டவும், ஐ.நா-வின் அமைதிப்படையினர் இயங்கி வருவதாக தான் பொதுவாக மக்கள் நம்புகின்றனர். ஆனால் வேலியே பயிரை மேய்ந்த கணக்காக ஐ.நா படை மீது அதிகரித்து வரும் பாலியல் வன்முறைக் குற்றச்சாட்டுகள் அந்த நம்பிக்கையைத் தவிடு பொடியாக்குகின்றன.
உலகம் முழுவதும் ஐநா அமைதிப்படையில் பல்வேறு நாடுகளைச் சேர்ந்த ஒரு இலட்சத்திற்கும் அதிகமானோர் பணியாற்றுகின்றனர். அதில் கிட்டத்தட்ட 90,000 படைவீரர்களும் காவல்துறையினரும் இருக்கின்றனர். ஊழியர்கள், அதிகாரிகள் என உள்ளூர் மற்றும் வெளிநாடுகளைச் சேர்ந்தவர்களும் சிறிய அளவில் உள்ளனர். இதற்கான செலவீனங்களுக்காக 2017-18 –ம் நிதி ஆண்டிற்கென இந்திய மதிப்பில் 43 ஆயிரம் கோடிக்கும் (6.8 பில்லியன் டாலர்) அதிகமாக ஒதுக்கப்பட்டுள்ளது.

Facbook பெண்கள் மீது பாலியல் வார்த்தை வன்முறை.. அளவே இல்லையா?

Lulu Deva Jamla : இந்த ஸ்க்ரீன்ஷாட்ல இருக்கிற மெசேஜஸ் மாதிரி எனக்கு தினமும் குறைஞ்சது 50 மெசேஜஸ் வந்துகிட்டிருக்கிறதால கடேசி கடேசியா இந்த பதிவு...
முக நூல் என்ற சமூக வலைத்தளத்தை நீங்கள் எல்லாரும் எதற்காய் உபயோகித்து வருகிறீர்கள் என்று எனக்கு தெரியாது... தெரிந்து கொள்ள ஆர்வமும் இல்லை...
நான் இங்கு வருவது என் சிந்தனைச் சிதறல்களை
பகிரவும், எனக்கான நட்புகளை கண்டுபிடித்து உறவுகளை உருவாக்கி கொள்ளவும் தான். என்னுடைய எழுத்துக்கள், என் டைம்லைன் எப்படி இருக்க வேண்டும், அதில் யாரை கமெண்ட் இட அனுமதிக்க வேண்டும், யாரை ப்ளாக் செய்ய வேண்டும் என்பதெல்லாவற்றையும் தீர்மானிப்பது நான், நான் மட்டுமே!

நீ எந்த நாயாக இருந்தாலும் எனக்கு கவலையில்லை! என் எழுத்துக்களின் கீழ் எனக்கு பிடித்தவிதத்தில் உன் கமெண்ட் இல்லாதிருந்தால் உன்னை தூக்கி கடாசுவதோடு உன் கருத்தையும் கருப்புவேன். இதற்கு நான் எந்த கஸ்மாலத்துக்கும் விளக்கம் தர வேண்டிய அவசியமில்லை!
உங்கள் தரத்தினரோடு நிறுத்திக் கொள்ளுங்கள் இது போன்ற உங்கள் காமெடிகளை!

கார்த்திக் சிதம்பரம் தேடப்படும் குற்றவளியாக அறிவிப்பு .. வெளிநாட்டுக்கு தப்பி ஓடிவிடுவாராம்..

மாலைமலர்:  வெளிநாட்டிற்கு தப்பிவிடுவார் என்பதால் கார்த்தி சிதம்பரத்தை தேடப்படும் குற்றவாளியாக அறிவித்ததாக, சென்னை உயர்நீதிமன்றத்தில் மத்திய அரசு விளக்கம் அளித்துள்ளது. வெளிநாட்டிற்கு தப்பிவிடுவார் என்பதால் கார்த்தி சிதம்பரம் தேடப்படும் குற்றவாளியாக அறிவிப்பு: மத்திய அரசு சென்னை: முன்னாள் மத்திய மந்திரி ப.சிதம்பரத்தின் மகன் கார்த்தி சிதம்பரம். ஐ.என்.எக்ஸ். மீடியா நிறுவனத்திற்கு அன்னிய முதலீட்டு மேம்பாட்டு வாரியத்தின் தடையில்லாத சான்றிதழ் பெற்றுத்தருவதாக கூறி, மொரிஷியசில் இருந்து சட்டவிரோதமாக பணம் பெற்றதாக சி.பி.ஐ. வழக்குப்பதிவு செய்தது. சட்ட விரோத பண பரிவர்த்தனை சட்டத்தின் கீழ் மத்திய அமலாக்கப்பிரிவு அதிகாரிகளும், கார்த்தி சிதம்பரத்துக்கு எதிராக வழக்குப்பதிவு செய்துள்ளனர்.

700 கோடி மதிப்பு கோதுமை.. வீணாக்கிய இந்திய உணவு கழகம்

மின்னம்பலம் :சுமார் 700.30 கோடி ரூபாய் மதிப்பிலான கோதுமையை இந்திய உணவுக் கழகம் வீணடித்துள்ளதாக பொதுக்கணக்கரின் அறிக்கை கூறுகிறது.
இந்திய உணவுக் கழகத்தின் செயல்பாடுகள் பற்றி பொதுக்கணக்கர் ஆய்வு செய்தது. ஆகஸ்ட் 4ஆம் தேதி நாடாளுமன்றத்தில் பொதுக்கணக்கரின் அறிக்கை தாக்கல் செய்யப்பட்டது. இந்த அறிக்கையில், ’வடகிழக்கு பகுதிகளில் உள்ள போக்குவரத்து காண்ட்ராக்டர்களுக்கு மோசடி பணம் 14.73 லட்சம் ரூபாய் மற்றும் 37.89 லட்சம் ரூபாய் கூடுதலாக வழங்கப்பட்டுள்ளது. உணவு தானியங்கள் இடம் மாற்றப்பட்ட தொலைவை விட அதிகமான தொலைவுக்கு ரசீதுகள் வழங்கப்பட்டுள்ளன. மேலும் அதிகமான விகிதங்களுக்கு பணம் வழங்கப்பட்டுள்ளது.

BBC :பாகிஸ்தான் இந்து அமைச்சர் .. 25 ஆண்டுகளுக்கு பின்பு ...அமைச்சர் தர்ஷன் லால் ..

பாகிஸ்தானில் கடந்த 25 ஆண்டுகளில் முதன்முறையாக மத்திய அமைச்சரவையில் இந்து ஒருவர் இடம்பெற்றுள்ளார். சிந்து மாகாணத்தை சேர்ந்த டாக்டர் தர்ஷன் லால், பாகிஸ்தானின் இடைக்காலப் பிரதமர் ஷாஹித் ககான் அப்பாஸியின் அமைச்சரவையில் சேர்க்கப்பட்டுள்ளார். அப்பாஸி கடந்த வெள்ளிக்கிழமையன்று பதவியேற்றுக்கொண்டார். புதிய அமைச்சரவையில் அறிமுகமாகியிருக்கும் ஆறு புதுமுகங்களில் டாக்டர் தர்ஷன் லாலும் ஒருவர். பாகிஸ்தானின் பஞ்சாப், பக்துன்க்வா, சிந்து, பலுச்சிஸ்தான் ஆகிய நான்கு மாகாணங்களையும் ஒருங்கிணைக்கும் பணி தர்ஷன் லாலிடம் ஒப்படைக்கப்பட்டுள்ளது.

சர்வோபரி பாலக்காரன் .. கேரளா முத்தப்போராட்டம் திரைப்படமாகி உள்ளது Kiss of love

கேரள மாநிலத்தில் தொடங்கி பின்னர் இந்தியா முழுவதிலும் உள்ள மாணவர்கள் அனைவரும் பங்கேற்ற போராட்டம் ‘கிஸ் ஆஃப் லவ்’. இப்போராட்டத்தை மையமாகக்கொண்டு வெளிவந்துள்ள படம் ‘சர்வோபரி பாலக்காரன்’. அனுப் மேனன், அபர்ணா பாலமுரளி, அனு சித்ரா உள்ளிட்ட பலர் நடித்துள்ளனர். படத்தின் கதை மற்றும் திரைக்கதையை சுரேஷ் பாபு எழுத, வேணுகோபன் இயக்கியுள்ளார்.
இந்தப் படத்தில் ‘கிஸ் ஆஃப் லவ்’ போராட்டம் குறித்த கருத்துகளும் முன்வைக்கப்பட்டுள்ளன. 2014 அக்டோபர் மாதம் கேரள மாநிலம் கோழிக்கோட்டில் பொது இடத்தில் கட்டிப்பிடித்து முத்தம் கொடுத்ததற்காக பாஜக மற்றும் சங்பரிவார் அமைப்பினரால் காதலர்கள் தாக்கப்பட்டனர். கலாச்சார சீர்கேட்டில் ஈடுபட்டதற்காக காதலர்கள் தாக்கப்பட்டனர் என காரணம் கூறப்பட்டது. இந்தக் காட்சி தொலைக்காட்சிகளில் ஒளிபரப்பாகி பெரும் பரபரப்பை உண்டாக்கியது. சமூக வலைதளங்களில் ‘கிஸ் ஆஃப் லவ்’ என்ற பெயரில் முகநூல் பக்கம் உருவாக்கப்பட்டு காதலர்கள் தாக்கப்பட்டது குறித்த பிரசாரம் மேற்கொள்ளப்பட்டது.

ஊழலுக்கு ஒத்துவராத உதயசந்திரன் மாற்றம்? செங்கோட்டையன் கைங்கரியம்?

எடப்பாடி பழனிசாமி முதல்வராக பொறுப்பேற்றுக் கொண்டபோது, செங்கோட்டையன் பள்ளிக் கல்வித்துறை அமைச்சராக நியமிக்கப்பட்டார். அதன்பிறகு பள்ளிக் கல்வித்துறை செயலாளராக நேர்மையான அதிகாரி என்று பெயரெடுத்த ஐ.ஏ.எஸ். அதிகாரி உதயசந்திரன் நியமிக்கப்பட்டார்.
செங்கோட்டையனும் உதயசந்திரனும் பள்ளிக் கல்வித்துறையில் பல புதுமைகளைப் புகுத்தினர். ரேங்க் பட்டியல் முறை ஒழிப்பு, ஆசிரியர் பணியிட மாற்றத்தில் வெளிப்படைத் தன்மை, புதிய பாடத் திட்டம் தயாரிக்கும் பணிகளில் மும்முரம் என்று இந்த கூட்டணியின் நடவடிக்கைகளைப் பலரும் பாராட்டினர்.
இந்த நிலையில் கடந்த சில நாள்களாக பள்ளிக் கல்வித்துறை செயலாளர் பதவியில் இருந்து உதயசந்திரன் மாற்றப்பட இருக்கிறார் என்ற தகவல் கோட்டை வட்டாரத்திலும் அரசியல் வட்டாரத்திலும் பரவி வருகிறது.

தனியார் பள்ளி மாணவர்களையும் ஈர்க்கும் அதிசயம்: தரமான கல்வியால் வளரும் செல்வநாயகபுரம் அரசுப் பள்ளி

tamilthehindu :ராமநாதபுரம் மாவட்டம் செல்வநாயகபுரம் தொடக்கப் பள்ளி மாணவர்கள், மணிச்சட்டம் உதவியோடு கணிதம் பயில்கின்றனர்.  ராமநாதபுரம் மாவட்டத்தின் சிறந்த அரசுப் பள்ளி தலைமை ஆசிரியருக்கான விருது (2014), சிறந்த அரசுப் பள்ளிக்கான காமராசர் விருது (2015) என பல விருதுகளையும், பரிசுகளையும் தொடர்ந்து பெற்று வருகிறது ராமநாதபுரம் மாவட்டத்தின் முதுகுளத்தூர் ஒன்றியம் செல்வநாயகபுரத்தில் உள்ள ஊராட்சி ஒன்றிய தொடக்கப் பள்ளி. இந்தப் பரிசுகளையெல்லாம் விட மேலாக, சிறந்த பள்ளிக்கூடம் என்று கிராம மக்கள் மனதார இப்பள்ளியை அங்கீகரித்துள்ளனர். அதனாலேயே தனியார் பள்ளிகளில் பயின்று வந்த தங்கள் குழந்தைகளை பல பெற்றோரும் இந்த அரசுப் பள்ளியில் சேர்த்து வருகிறார்கள்.
தனியார் ஆங்கிலப் பள்ளிகளின் வரவால் மற்ற ஊர்களில் அரசுப் பள்ளிகளில் மாணவர் சேர்க்கை குறைந்ததுபோல, இந்தப் பள்ளியிலும் கணிசமாகக் குறைந்தது. 2010-ல் 54 மாணவர்கள் மட்டுமே இருந்தனர். இந்த ஆண்டில் 117 மாணவர்கள் படிக்கிறார்கள். பல அரசுப் பள்ளிகளில் மாணவர் சேர்க்கை குறைந்து வரும் காலகட்டத்தில், குறைந்து போன மாணவர் எண்ணிக்கை இந்தப் பள்ளியில் மட்டும் உயர்ந்துகொண்டே வருகிறது. 1 முதல் 5-ம் வகுப்பு வரை ஆங்கிலவழி வகுப்புகள் செயல்படுகின்றன. இதுபற்றி தலைமை ஆசிரியர் எம்.ஏ.ஜோசப்ராஜ் கூறியதாவது: