tamil.samayam.com - பஹன்யா ராமமூர்த்தி : மோசமாகும் மன்னர் சார்லஸின் உடல்நிலை.. தயாராகும் 'ஆபரேஷன் மெனாய் பாலம்' இறுதிச்சடங்கு திட்டங்கள்!
இங்கிலாந்து மன்னர் இரண்டாம் சார்லஸின் உடல்நிலை நாளுக்கு நாள் மோசம் அடைந்து வருவதால் அவருடைய இறுதிச்சடங்கு குறித்த திட்டங்கள் நாளுக்கு நாள் புதுப்பிக்கப்பட்டு வருவதாக தகவல்கள் வெளியாகி உள்ளன. மன்னரின் இறுதிச்சடங்கு ஏற்பாடுகள் ஆபரேஷன மெனாய் பாலம் என்ற மறைமுக பெயரில் மேற்கொள்ளப்பட்டு வருகிறது.
இங்கிலாந்து ராணி இரண்டாம் எலிசபெத் கடந்த 2022 ஆம் ஆண்டு செப்டம்பர் மாதம் உடல் நல குறைவு மற்றும் வயது முதிர்வால் காலமானார். இதை அடுத்து கடந்த 2023 ஆம் ஆண்டு இங்கிலாந்து மன்னராக இரண்டாம் சார்லஸ் பதவியேற்றார். அவரது மனைவி கமிலா சார்லஸ் இங்கிலாந்து ராணியாக பதவியேற்றார். அவர்களின் பதவி ஏற்பு விழா உலக நாடுகளின் தலைவர்கள் பங்கேற்க கோலாகலமாக நடைபெற்றது.
இந்நிலையில் கடந்த பிப்ரவரி மாதம் மன்னர் இரண்டாம் சார்லஸ் புற்றுநோயால் பாதிக்கப்பட்டு இருப்பதாக பகிங்காம் அரண்மனை தகவல் வெளியிட்டது. இதற்காக கடந்த ஜனவரி மாதமே மன்னர் சார்லஸ் மருத்துவமனையில் தங்கி சிகிச்சை பெற்று வந்ததாகவும் அதிகாரப்பூர்வ அறிக்கையில் தெரிவிக்கப்பட்டது. தொடர்ந்து மன்னர் வழக்கம்போல் தனது அரச பணிகளை மேற்கொள்வார் என்றும் தெரிவிக்கப்பட்டது.
பெண் விஏஓ மீது தாக்குதல்.. திமுவினர் தொடர் அராஜகத்திற்கு காரணம் இதுதான்.. ஸ்டாலினுக்கு அண்ணாமலை கடும் கண்டனம்!
மருத்துவ கண்காணிப்பில் இருந்து வரும் மன்னர் சார்லஸின் உடல்நிலை தற்போது நாளுக்கு நாள் மிகவும் மோசமடைந்து வருவதாக தகவல் வெளியாகி உள்ளது. இதன் காரணமாக மன்னரின் இறுதி சடங்குகள் குறித்த திட்டங்களை மன்னரின் உதவியாளர்கள் மேற்கொண்டுள்ளதாக கூறப்படுகிறது. மன்னரின் உடல்நிலை கவலைக்கிடமாக உள்ளதால் ஒருவேளை மன்னரின் உயிருக்கு ஆபத்து ஏற்படும் பட்சத்தில் அவருடைய இறுதிச்சடங்கு நிகழ்ச்சி நிகழ்வை பிரம்மாண்டமாக நடத்த அரண்மனை நிர்வாகம் திட்டமிட்டுள்ளது.
அதற்கான ஆவணங்களை தயார் செய்யும் பணிகள் மேற்கொள்ளப்பட்டு வருவதாக தகவல் வெளியாகி உள்ளன. மன்னரின் இறுதி சடங்கு நிகழ்வுக்கான திட்டங்கள் ஆபரேஷன் மெனாய் பாலம் என்ற மறைமுக பெயரில் தயாராகி வருகின்றன. இருப்பினும் ராணி எலிசபெத் இறுதிச்சடங்கு முடிந்த மறுநாளே, மன்னர் சார்லஸின் இறுதிச்சடங்குக்கான திட்டமிடல் ஆவணங்கள் தயாரிக்கும் பணி தொடங்கிவிட்டதாக அந்நாட்டு ஊடகங்கள் தெரிவிக்கின்றன
கருத்துகள் இல்லை:
கருத்துரையிடுக