தி.மு.க. பாணியில் பா.ம.க.வை கழட்டிவிட வேண்டும்” - எடப்பாடிக்கு அ.தி.மு.க. நிர்வாகிகள் வலியுறுத்தல் !

nakkheeran.in : பா.ம.க.வுக்கு தி.மு.கவின் கதவு அடைக்கப்பட்டுவிட்டதால்,

“டாக்டர் ராமதாஸின் பேர அரசியலுக்குத் துணை போக வேண்டாம்” என்று தெற்கு மற்றும் மேற்கு மாவட்ட அ.தி.மு.க.வினர் தங்கள் தலைமையை அறிவுறுத்தியுள்ளனர். 2019 நாடாளுமன்ற தேர்தலோடு 22 சட்டமன்றத் தொகுதிகளுக்கும்  இடைத் தேர்தல் நடந்தது. அதில் வட தமிழகத்தில் 10 சட்டமன்றத் தொகுதிகள் இருந்ததால் தான் ஆட்சியைத் தக்கவைத்துக் கொள்ள,  நாம் பா.ம.க.வின் பேர அரசியலுக்கு சரண் அடைந்தோம். ஆனால், பாராளுமன்றத் தேர்தலில் படுதோல்வி அடைந்ததோடு மட்டுமின்றி  வட தமிழகத்தில் 10 சட்டமன்றத் தொகுதிகளில் 7 -ஐ தி.மு.க விடம் பறிகொடுத்துவிட்டு, 3 இடங்களில் மட்டும் வெற்றி பெற்றோம்.

 அதிலும் சோளிங்கரில் நம் கட்சி மட்டுமே வன்னியர் வேட்பாளரை நிறுத்தியதால் வெற்றி பெற்றோம். அதேசமயம், ஆம்பூர், பாப்பிரெட்டிபட்டியில் நாம் அதிக வாக்கு வித்தியாசத்தில் வெற்றி பெற்றோம். ஆனால், தர்மபுரி பாராளுமன்றத்திற்கு போட்டியிட்ட டாக்டர் அன்புமணியை விட இந்த இரண்டு தொகுதியிலும் தி.மு.க வேட்பாளருக்கே அதிக வாக்குகள் கிடைத்தது.

ரஜினி படப்பிடிப்பில் கொரோனா ... தனிமைப்படுத்தி கொண்ட ரஜினியும் படக்குழுவும்.. ஐதராபாத்தில்

மாலைமலர் : படக்குழுவினர் சிலருக்கு கொரோனா தொற்று ஏற்பட்டதால் அண்ணாத்த படப்பிடிப்பு நிறுத்தப்பட்ட நிலையில், நடிகர் ரஜினி கொரோனா சோதனை செய்து தனிப்படுத்திக் கொண்டார். 

நடிகர் ரஜினிகாந்த் அடுத்த மாதம் தனி கட்சி தொடங்கி அரசியலில் ஈடுபட இருப்பதால், அதற்கு முன்பாக தனது காட்சிகளை படமாக்கி முடித்து விடும்படி ‘அண்ணாத்த’ படக்குழுவினரை அறிவுறுத்தினார்.                         இதையடுத்து கொரோனா பரவல் காரணமாக கடந்த மார்ச் மாதம் நிறுத்தப்பட்ட படப்பிடிப்பு 9 மாதங்களுக்கு பிறகு கடந்த டிசம்பர் 14-ந் தேதி ஐதராபாத்தில் மீண்டும் தொடங்கி நடந்து வந்தது.                                    இதில் ரஜினி, குஷ்பு, நயன்தாரா, மீனா உள்ளிட்டோர் கலந்து கொண்டனர். இந்நிலையில், படப்பிடிப்பில் 8 பேருக்கு கொரோனா தொற்று ஏற்பட்டதால் அண்ணாத்த படத்தின் ஷூட்டிங் தற்காலிகமாக நிறுத்தப்பட்டது.                       இதையடுத்து படக்குழுவினர் அனைவருக்கும் கொரோனா சோதனை செய்யப்பட்டது. இதில் ரஜினிக்கு நெகட்டிவ் என தகவல் வெளியாகியுள்ளது. இதையடுத்து ஐதராபாத்தில் நடிகர் ரஜினிகாந்த் தன்னைப் படுத்திக் கொண்டுள்ளார் என்று செய்திகள் வெளியாகியுள்ளது. மேலும் விரைவில் ரஜினி சென்னை திரும்ப இருக்கிறார்.

ஜம்மு - காஷ்மீர் எதிர்க்கட்சி கூட்டணி அபார வெற்றியை நோக்கி ..உள்ளாட்சி தேர்தல் முடிவுகள்

dhinamalar :ஸ்ரீநகர்: ஜம்மு - காஷ்மீரில் நடந்த உள்ளாட்சித் தேர்தலில், எதிர்க்கட்சிகளின் கூட்டணி அதிக இடங்களில் முன்னிலை பெற்றுள்ளது. பா.ஜ., இரண்டாவது இடத்தில் உள்ளது. ஜம்மு - காஷ்மீருக்கான சிறப்பு அந்தஸ்து, கடந்தாண்டு ஆகஸ்டில் ரத்து செய்யப்பட்டது. மேலும், ஜம்மு - காஷ்மீர், லடாக் என, இரண்டு யூனியன் பிரதேசங்களாக பிரிக்கப்பட்டன.இந்நிலையில், ஜம்மு - காஷ்மீரில், மாவட்ட வளர்ச்சி கவுன்சிலுக்கான தேர்தல், சமீபத்தில் நடந்தது. மொத்தமுள்ள, 20 மாவட்டங்களில், தலா, 14 இடங்கள் என, 280 இடங்களுக்கு தேர்தல் நடந்தது.இதில், தேசிய மாநாட்டுக் கட்சி, மக்கள் ஜனநாயகக் கட்சி உள்ளிட்ட, ஏழு எதிர்க்கட்சிகள் இணைந்து, 'குப்கர் தீர்மானத்துக்கான மக்கள் கூட்டணி' என்ற பெயரில் போட்டியிட்டன.

ஜம்மு பிராந்தியத்தில், பா.ஜ., 57 இடங்களிலும், எதிர்க்கட்சிகள் கூட்டணி, 37 இடங்களிலும் முன்னிலையில் உள்ளன. அதே நேரத்தில், காஷ்மீர் பிராந்தியத்தில், எதிர்க்கட்சிகள் கூட்டணி, 71 இடங்களிலும், பா.ஜ., மூன்று இடங்களிலும் முன்னிலையில் உள்ளன.ஒட்டு மொத்தமாக, எதிர்க்கட்சிகள் கூட்டணி, 108 இடங்களிலும், பா.ஜ., 60 இடங்களிலும், காங்கிரஸ், 22 இடங்களிலும் முன்னிலை பெற்றுள்ளன.எதிர்க்கட்சி கூட்டணி, 13 மாவட்டங்களையும், பா.ஜ., ஏழு மாவட்டங்களையும் கைப்பற்றும் என, எதிர்பார்க்கப்படுகிறது.

கனடாவில் பலுசிஸ்தான் விடுதலை செயல்பாட்டாளர் பலூச் மர்ம மரணம் .. பாகிஸ்தானின் பலூச்சிஸ்தான் விடுதலை

BBC :கனடாவில் தங்கியிருந்த பாகிஸ்தான் மனித உரிமைச் செயற்பாட்டாளர் கரீமா பலூச் சடலமாக கண்டெடுக்கப்பட்டுள்ளார்.  37 வயதான கரீமா மேற்கு பாகிஸ்தானில் உள்ள பதற்றம் மிகுந்த பலுசிஸ்தான் பகுதியை சேர்ந்தவர்.    பாகிஸ்தான் அரசு, ராணுவம் ஆகியவை குறித்து கடுமையான விமர்சனங்களை வைத்துவந்த இவர் மீது பயங்கரவாதக் குற்றச்சாட்டு சுமத்தப்பட்டவுடன், அங்கிருந்து தப்பி வந்து கடந்த 5 ஆண்டுகளாக கனடாவில் தங்கியிருந்தார்.   கனடாவில் இருந்தபடியே சமூக ஊடகம் வழியாகவும், நேரடியாகவும் பலுசிஸ்தான் மக்களின் உரிமைகளுக்காக குரல் கொடுத்துவந்தார்.    அவர் காணாமல் போனதாக டொரன்டோ நகர போலீஸ் கடந்த ஞாயிற்றுக்கிழமை அறிவித்தது. பிறகு அவரது உடல் கண்டெடுக்கப்பட்டதாக போலீசார் உறுதிப்படுத்தினர்.   ஆனால், "சந்தேகப்படுவதற்கு உரிய சூழ்நிலை ஏதும் இல்லை" என்று போலீசார் கூறினர்.

மனுநீதி சோழனே ஒரு கற்பனை தான்! – ‘படைவீடு’ தமிழ்மகன்

பீட்டர் துரைராஜ்- aramonline.in: ஒரு பத்திரிகையாளன் பார்வையில் வரலாற்றை உள்வாங்கி, கடந்த கால வரலாற்றை சமகால அரசியலோடு தொடர்புபடுத்தும் கண்ணிகளைக் கண்டறிந்து வரலாற்று புதினங்களை படைப்பதில் வல்லவர் தமிழ்மகன்! மறைக்கட்ட வரலாறுகளை, திரிக்கப்பட்ட வரலாறுகளின் உண்மைத் தன்மையை நாவல் வழியே சொல்வதன் மூலம் ஒரு மிகச் சிறப்பான வரலாற்று பங்களிப்பை செய்து வருகிறார்!

பொதுவாக வரலாற்று நாவல் என்றால் சேர,சோழ,பாண்டியன் கதைகளைத்தான் நாம் படித்து இருப்போம். அதில் சண்டை இருக்கும்; காதல் இருக்கும்; வருணனை இருக்கும். ஆனால் வரலாற்றில் மறைக்கப்பட்ட , போரை விரும்பாத மன்னனின் கதையை இந்த நாவல் பேசுகிறது.அந்த வகையில் இது ஒரு வித்தியாசமான நாவல்

14 ம் நூற்றாண்டின் கடைசி தமிழ் மன்னனின் கதையை ‘படைவீடு’ என்ற வரலாற்று நாவல் மூலம் தமிழ்மகன் தந்துள்ளார். தமிழ்நாட்டில் சாதி எப்படி நிலைபெற்றது, இடங்கை- வலங்கை மோதலின் அடிப்படை என்ன ? ஆடி மாதங்களில் படவேட்டம்மன் கோவில் திருவிழா வட தமிழகத்தில் பரவலாக ஏன்  நடைபெறுகிறது, களப்பிரர் காலம் “இருண்ட காலமாக” மாற்றப்பட்டது எப்படி என்பது போன்ற செய்திகளை இந்த நாவல் மூலம்  விளங்கிக்கொள்ள இயலும்.

வனவாசத்தை முழுதும் படிக்காமல் தப்புப் தப்பாக வேண்டுமென்றே திரித்து வெளியிடுகிறார்கள்

  அ. வெற்றிவேல் : · வெறும் ஐந்து கவிதைகள் எழுதிய கண்ணதாசனை , அவரின் potential யை அறிந்து “ கவிஞர்” என்று அடைமொழியிட்டு பொள்ளாச்சி மேடையில் அறிமுகப்படுத்திய கலைஞரை - இடையில் 1965 ல் மனம் வருந்திப் போனாலும் பின்னாளில் - 1971 ல் மனம் திருந்திய மைந்தனாகி கவியரசராகித் திரும்பி வந்து தன் ஆத்ம நண்பனுக்கு பிறந்த நாள் விழா எடுத்து, அது சமயம் தன் நண்பனைக் குறித்து எழுதிய “ கலைஞரைப் பாராட்டுகிறார் கவிஞர்”என்ற புத்தகத்தில் இருந்து சில பகுதிகள் ”கலைஞருக்கு வயது கொஞ்சம் குறைவாக இருப்பதால் அகில இந்தியாவிலும் அவர் திறமை இன்னும் உணரப் படாமல் இருக்கலாம். ஆனால் இந்திய வரலாற்றில் அவர் ஒரு பகுதி என்பதைக் காலம் காட்டத்தான் போகிறது

பாதுஷா அக்பருக்குப் பிறகு பாரதம் இந்திராவையும் மூவேந்தர்களுக்குப் பிறகு தமிழகம் ஒரு கருணாநிதியையும் சந்திக்கின்றன

நான் யாரை யாரையெல்லாம் மதிக்கிறேனோ அவர்களுக்கு திருவிழா எடுப்பது என் மனதுக்குப் பிடித்த வேலை. அறிஞர் அண்ணா அவர்களின் ஐம்பதாம் ஆண்டின் நிறைவை நான் தான் உலகுக்குச் சொன்னேன். மனோன்மணியம் சுந்தரம் பிள்ளையின் நூறாவது ஆண்டு நிறைவை நான் தான்

ஆட்சியர் அலுவலக வளாகத்தில் ஆசிரியை படுகொலை ... கொன்ற கணவன் சரவணன் மடக்கி பிடிப்பு

  minnambalam :ராமநாதபுரம் மாவட்ட ஆட்சியர் அலுவலக வளாகத்திலேயே ஆசிரியை ஒருவர் வெட்டி படுகொலை செய்யப்பட்ட சம்பவம் பொது மக்களிடையே அச்சத்தை ஏற்படுத்தியுள்ளது.

ராமநாதபுரம் மாவட்டம் சக்கந்தியான் வலசை கிராமத்தைச் சேர்ந்தவர் சரவணன் (35). தனியார் வாகன ஓட்டுநரான இவர் பரமக்குடியில் வசித்து வருகிறார். இவரது மனைவி சிவபாலா (32). காதல் திருமணம் செய்து கொண்ட இவர்களுக்கு இரண்டு பெண் மற்றும் ஒரு ஆண் குழந்தை உள்ளன. சிவபாலா ராமநாதபுரம் ஆட்சியர் அலுவலக வளாகப் பகுதியில் உள்ள தனியார் பள்ளியில் ஆசிரியராகப் பணியாற்றி வந்தார்.

எம்ஜியார் உள்ளும் புறமும் 5 - கவிஞர் கண்ணதாசன் S .S .ராஜேந்திரன்

கவிஞர் கண்ணதாசன் : கழகத்துக்கு யாரவது ஒரு புதிய நடிகன் வருகிறான் என்றால் எம்ஜியார் பரபரப்படைவார்.   அந்த நடிகன்  முன்னனுக்குக் வந்துவிடாதபடி எல்லா வேலைகளையும் செய்வார் . பணமும்

செலவழிப்பார்.       அந்த நடிகனை வைத்து படம் எடுக்கும் கம்பனிக்கு போன் செய்து அந்த படத்தில் குறைந்த சம்பளத்தில் நான் நடித்து தருகிறேன் என்பார் .     இதை அவர் என்னிடமே செய்தார்.      அவரது பேச்சை நம்பி நான் ஊமையன் கோட்டை என்ற படத்தை ஆரம்பித்தேன்.            அற்புதமான கதை . அந்த படம் வெளிவந்திருந்தால் மாபெரும் வெற்றியை பெற்றிருக்கும்.              அதற்காக என்னிடமிருந்து சுமார் 21 ஆயிரம் ரூபாய் எம்ஜியார் பெற்றிருக்கிறார். அது ரொக்கமாக கொடுத்த பணம்.        ஆகவே அதை அவர் மறுத்தாலும் எழுத்து பூர்வமான ஆதாரம் என்னிடம் இல்லை. அந்த படத்தை எனக்கு கடனாக கொடுத்தவர்கள் இன்னும் உயிரோடுதான் இருக்கிறார்கள். 

பணம் வாங்கி கொண்டாரே தவிர ஒரு நாள் கூட படத்தில் நடிக்கவில்லை.
62 ஆயிரத்தி 500 ருபாயோடு அந்த படம் நிறுத்தப்பட்டது.
நான் கடன்காரன் ஆனேன்.
இனி பெரிய நடிகன் வேண்டாம் என்று முடிவு கட்டி .
பொருளாதாரத்தில் மிகவும் சிரமத்தில் இருந்த டி ஆர் மகாலிங்கத்தை வைத்து போட்டு படம் எடுக்க முடிவு கட்டினேன்.
என்னுடைய எழுத்து திறமையை நம்பியே படம் எடுக்க தொடங்கினேன்.
கொடுத்த பணத்தை கேட்பதற்காக வாகினி ஸ்டூடியோவில் இருந்த எம்ஜியாரை பார்க்க போனேன்

எம்ஜியார் உள்ளும் புறமும்- 4 - கவிஞர் கண்ணதாசன் - பாவம் வெங்கிடசாமி - கோல்டன் நாயுடு !

கவிஞர் கண்ணதாசன் :     25 ஆண்டுகளுக்கு முன்பு தோழர் எம்ஜியார் மிகுந்த கஷ்ட திசையில் இருந்தார் . ஒரு மனிதன் கஷ்ட திசையில் இருந்தார் என்பது கேலிக்கு உரிய விஷயம் அல்ல. எல்லாருமே சேற்றுக்கு பிறகு சந்தனத்தை கண்டவர்கள்தான் . ஆனால் கஷ்டகாலத்தில் உதவி செய்தவனை மறந்து 

விடுவதும் , தன்னிடம் அவன் உதவிக்கு வரும்போது சித்திரவதை செய்வதும் கொடிய பாவமாகும். செய்நன்றி கொன்றவருக்கு உய்வே கிடையாது என்கிறார் வள்ளுவர். எம்ஜியார் கஷ்டப்பட்ட காலங்களில் அவருக்கு உதவியவர்களில் முக்கியமானவர் ஜூபிடர் பிக்சர்ஸ் மானேஜராக இருந்தவர் டி எஸ் வெங்கிடசாமி அவர்கள் இவர் யு ஆர் ஜீவரத்தினத்தின் கணவராகும். எனக்கு பாட்டெழுத முதல் முதலில் சந்தர்ப்பம் கொடுத்தவர் அவர்தான் எனது வனவாசத்தில் குறிப்பிட்டு இருக்கிறேன். பாகவதர் நடித்த அசோக்குமாரில் ஒரு சிறு வேஷத்தில் நடித்த எம்ஜியாரை ஜுபிடர் பிக்சர்ஸ் தங்கள் ராஜகுமாரி படத்தில்  கதாநாயகனாக போட்டார்கள்.

அந்த படத்துக்கு வசனம் எழுதியவர் கலைஞர் கருணாநிதிதான்.     அவரது வசனம் படத்தில் ஒரு சிறப்பான அம்சம் .   அதையொட்டிய காலங்களில் ஜூபிட்டர்ஸ் பிக்சர்ஸுக்கு பாட்டெழுத நானும் போயிருந்தேன்.

அங்கே மானேஜரை அறைக்கு நேராக இருந்த நாற்காலிகளில் தோழர் சக்கரபாணியும் எம்ஜியாரும் உட்கார்ந்து இருப்பார்கள்.    நானும் அங்கே உட்கார்ந்து இருப்பேன்.   எம்ஜியாரை வெகு நேரம் காக்க வைக்காமல் சீக்கிரம் கூப்பிட்டு பணம் கொடுத்து அனுப்புவார் வெங்கிடசாமி .    அவர் மற்றவர்களை மதிக்க தெரிந்தவர்.   சாதாரண துணை நடிகரை கூட அவமானப்படுத்த மாட்டார்.

இளையராஜா vs பிரசாத் ஸ்டூடியோ... என்னதான் பிரச்சனை? இளையராஜா வாதம் பலவீனமாக உள்ளது?

nakkheeran.in - இரா.சிவா : >தமிழ் இனத்தின் இசை சொத்தாகக் கருதப்படும் இளையராஜாவிற்கும் இத்தனையாண்டு காலமாக அவர் இசையமைத்து வந்த பிரசாத் ஸ்டூடியோ நிர்வாகத்திற்கும் இடையேயான மோதல் தொடர்ந்து நீடித்துவருகிறது. இசைஞானி இளையராஜாவை ஸ்டூடியோ நிர்வாகம் வெளியேறக் கூறியது முதல் இன்று வரை என்னதான் நடக்கிறது?

 பிரசாத் ஸ்டூடியோவானது சாலிகிராமத்தில் அமைந்துள்ள பிரபல சினிமா ஸ்டூடியோ ஆகும். சின்னத்திரை, வெள்ளித்திரை படப்பிடிப்புத் தொடங்கி பின்தயாரிப்பு பணிகளுக்கான வேலையில் ஈடுபடுவது வரையிலான அத்தனை வசதிகளும் இதன் வளாகத்திற்குள் உள்ளடங்கியுள்ளது. கடந்த 40 ஆண்டுகளுக்கும் மேலாக, இசைஞானி இளையராஜா இங்குதான் இசையமைத்துவந்தார். இன்று நாம் கொண்டாடும் இசைஞானியின் அத்தனை பாடல்களும் இந்த வளாகத்திற்குள் பிறப்பெடுத்தவையே. பிரசாத் ஸ்டூடியோவின் நிறுவனரான எல்.வி.பிரசாத் தனிப்பட்ட முறையில் பயன்படுத்தி வந்த அறையே இத்தனையாண்டு காலமாக இளையராஜா இசையமைத்து வந்த அறையாகும். இங்கிருந்து தனது இசைப் பணிகளைக் கவனித்து வந்த இளையராஜாவுக்கு இந்த அறை சற்று கூடுதல் சிறப்பு வாய்ந்தது. தனது குடும்பத்தினருடன் செலவழித்த நேரத்தைவிட அதிகப்படியான நேரத்தை இளையராஜா இங்குதான் செலவழிப்பது வழக்கம். "காலை 7 மணிக்கு அவரது கார் பிரசாத் ஸ்டூடியோ வளாகத்திற்குள் நுழைந்துவிடும். அவரது கார் உள்ளே நுழைகிறது என்றால், மணி 7 ஆகிவிட்டது என்று நாம் உறுதிப்படுத்திக்கொள்ளலாம்" என்கின்றனர் பிரசாத் ஸ்டூடியோவின் அக்கம் பக்கத்துவாசிகள். 

உருமாறிய கொரோனா வைரஸ் கட்டுப்பாட்டுக்குள் தான் இருக்கிறது

dhinamalar : ஜெனிவா: பிரிட்டனில் கண்டுபிடிக்கப்பட்டு சில நாடுகளில் பரவியுள்ள உருமாறிய கொரோனா வைரஸ், கட்டுப்பாட்டுக்குள் தான் இருப்பதாக உலக சுகாதார அமைப்பு தெரிவித்துள்ளது.பிரிட்டனில் பரவி வரும் புதிய வகை கொரோனா வைரஸ், உருமாற்றம் பெற்று அதிக வீரியத்துடன் இருப்பதாக தகவல் வெளியாகியுள்ளது. மேலும், இது 70 சதவீதம் அதிக வேகமாக பரவுவதாகவும் கூறப்படுகிறது. பிரிட்டனில் இருந்து சென்ற பயணிகள் வாயிலாக சில நாடுகளிலும் இத்தகைய வைரஸ் கண்டறியப்பட்டுள்ளதாக கூறப்படுகிறது.

திமுக சுவரொட்டிகளில் பெரியார் அண்ணா கலைஞர் ஸ்டாலின் படங்கள் மட்டுமே .. திமுக அறிவிப்பு

minnambalam : பேனர், சுவரொட்டிகள் தொடர்பாக திமுகவினருக்கு அக்கட்சியின் தலைவர் ஸ்டாலின் உத்தரவிட்டுள்ளார்.

சட்டமன்றத் தேர்தலுக்காக திமுக இப்போதே தயாராகிவிட்டது. ஸ்டாலின் காணொலி வாயிலாக பிரச்சாரம் மேற்கொள்ளும்போதே, விடியலை நோக்கி ஸ்டாலின் குரல் என்ற தலைப்பில் கனிமொழி, உதயநிதி உள்ளிட்டோர் பிரச்சாரத்தை ஆரம்பித்துவிட்டனர். சமீபத்தில் நடந்த திமுக நிர்வாகிகள் கூட்டத்தில் அதிமுக அமைச்சர்கள் அனைவரையும் தோற்கடிக்க வேண்டும். 200 தொகுதிகளில் வெற்றிபெற வேண்டும் என்ற இலக்கை ஸ்டாலின் நிர்ணயித்தார். நாளை முதல் 16 ஆயிரத்து 500 ஊராட்சி மற்றும் வார்டுகளில் திமுக கிராமசபை மற்றும் வார்டு கூட்டங்களை நடத்த இருக்கிறது.

97 பக்க ஊழல் புகார் பட்டியல் - ஆளுநரிடம் கொடுத்தார் முக ஸ்டாலின்

maalaimalar : அமைச்சர்கள் மீதான ஊழல் புகார் குறித்து விசாரணை நடத்த உத்தரவிட வேண்டும் என ஆளுநர் பன்வாரிலால் புரோகித்திடம் திமுக தலைவர் முக ஸ்டாலின் கோரிக்கை விடுத்துள்ளார். சென்னை: சென்னை ராஜ்பவனில் தமிழக ஆளுநர் பன்வாரிலால் புரோகித்தை திமுக தலைவர் முக ஸ்டாலின் சந்தித்து பேசினார். இந்த சந்திப்பின் போது திமுக தலைவர் முக ஸ்டாலினுடன், திமுக பொதுச்செயலாளர் துரைமுருகன், பொருளாளர் டிஆர் பாலு உள்பட முக்கிய தலைவர்கள் உடன் இருந்தனர்.

இதனை தொடர்ந்து ஆளுநர் உடனான சந்திப்பிற்கு பிறகு திமுக தலைவர்

முக ஸ்டாலின் செய்தியாளர்களை சந்தித்து பேசினார்.
  அப்போது அவர் கூறியதாவது;-
“அதிமுக ஆட்சியில் அனைத்துத் துறைகளிலும் ஊழல் அதிகரித்துள்ளது. இது குறித்து லஞ்ச ஒழிப்புத் துறையிடம் பல்வேறு புகார்கள் கொடுத்திருக்கிறோம். ஆனால் அவர்கள் உரிய நடவடிக்கை எடுக்கவில்லை.

50 தொகுதிகளில் ராதாபுரம் பாணி மோசடியை அரங்கேற்றினால் .. நீண்ட சதிகளின் வரலாறு

செல்லபுரம் வள்ளியம்மை

  :  எம்ஜியாரை வைத்து இந்திரா காங்கிரஸ்காரர்கள் செய்த சதி, பத்மநாப கொலையை வைத்து சுப்பிரமணியன் சாமியும் ஆர் வேங்கடராமனும் செய்த சதி. ராஜீவ் காந்தியை கொன்று பழியை திமுக மேல் போட்ட அதிமுக காங்கிரஸ் ராவின் சதி என்று எந்த சதிமோசடிகளை நோக்கினாலும் அவை எல்லாமே திமுகவை தொலைத்து கட்ட பார்ப்பனர்களும் ரா அதிகாரிகளும் இணைந்து நடத்திய மோசடிகள்தான், ராதாபுரம் தொகுதி தேர்தல் வெற்றி என்பது அப்பாவு அவர்களிடம் இருந்து இன்றுவரை திருடப்பட்டு கொண்டு இருக்கிறது என்பதை எப்படி புறம் தள்ளிவிட முடியும் . நீதி துறை . தேர்தல் ஆணையம் எல்லாம் கேலிக்கூத்தாகி உள்ள நிலையில் நடக்க இருக்கும் சட்டப்பேரவை தேர்தலில் எப்படி பட்ட மோசடிகளை மீண்டும் அரங்கேற்ற அவர்கள் முயல்கிறார்கள் என்ற சந்தேகம் எழுகிறது . அண்மைக்கால நடவடிக்கைகளை நோக்கினால் இந்த சந்தேகம் நியாயமானவை என்று தோன்றுகிறது

LR Jagadheesan : · அரசு இயந்திரத்தின் முழுமையான

ஒத்துழைப்போடு நடக்க வாய்ப்பிருக்கும் இந்த மோசமான முறைகேட்டை தடுப்பதில் திமுகவும் அதன் கூட்டணி கட்சியினரும் எந்த அளவுக்கு விழிப்போடும் பொறுப்போடும் இருக்கப்போகிறார்கள் என்பது அந்த கூட்டணியின் சட்டமன்றத்தேர்தல் வெற்றி தோல்வியை நிர்ணயிக்கும் காரணியாக இருக்கலாம். சந்தேகம் இருந்தால் அப்பாவு தேர்தல் முடிவு ஏன் இன்றும் வெளியிடப்படாமல் இருக்கிறது என்பதை ஒருமுறை நினைவுபடுத்திக்கொள்ளுங்கள்.    ஒரு அப்பாவுக்கு நடந்ததை 50 அப்பாவுகளுக்கு நடத்தினால் தமிழ்நாட்டு அரசியலின் எதிர்காலம் மிக எளிதில் அழியும். அதை செய்யக்கூடியவர்கள் தான் மத்தியிலும் மாநிலத்திலும் ஆட்சி அதிகாரத்தில் இருக்கிறார்கள்.           அந்த அநீதிகளை தடுப்பதில் திமுக கூட்டணியினர் கவனம் செலுத்தாமல் இருக்கவும் அல்லது செலுத்தவிடாமல் செய்யவும் திட்டமிட்டு இறக்கிவிடப்பட்ட கூலிப்படைகளே மையமும் மணியனின் புதிய எஜமானனுமோ என்கிற சந்தேகம் எழுவது இயல்பே.             

ஓய்வு பெற்ற நீதிபதி கர்ணன் சிறையில் அடைக்கப்பட்டார்

nakkeeran :  நீதிபதிகளையும், நீதிமன்ற ஊழியர்களையும் ஓய்வுபெற்ற நீதிபதி கர்ணன் அவதூறாகப் பேசியதாக தமிழ்நாடு புதுச்சேரி பார் கவுன்சில், சென்னை மத்திய குற்றப்பிரிவில் புகார் அளித்தது. அதன் பேரில் மத்திய குற்றப்பிரிவு போலீஸார் 4 பிரிவுகளின் கீழ் வழக்குப் பதிவு செய்தனர். ஆனால், புகார் தொடர்பாக நடவடிக்கை எடுக்கப்படவில்லை என சென்னை உயர்நீதிமன்றத்தில் வழக்கு தொடரப்பட்டது. இந்த வழக்கு கடந்த முறை விசாரணைக்கு வந்தபோது, நிலை அறிக்கை தாக்கல் செய்ய வேண்டுமென காவல்துறைக்கு உத்தரவிடப்பட்டது. இந்நிலையில், கர்ணனை நேரில் அழைத்து விசாரணை நடத்தியதாகவும், இனிமேல் வீடியோ வெளியிடமாட்டேன் என உறுதியளித்திருந்தார் எனவும் காவல்துறை சார்பில் நீதிமன்றத்தில் விளக்கம் அளிக்கப்பட்டது. இதையடுத்து, அவரை ஏன் கைது செய்யவில்லை என நீதிபதிகள் அதிருப்தியை வெளிப்படுத்தினர்..... இந்தநிலையில், சென்னையை அடுத்த ஆவடியிலிருந்த ஓய்வு பெற்ற நீதிபதி கர்ணனை சென்னை மத்திய குற்றப்பிரிவு போலீஸார் கைது செய்து சிறையிலடைத்தனர். 

தமிழக தேர்தலை ஒரே கட்டமாக நடத்த வேண்டும்: தேர்தல் ஆணைய குழுவினரிடம் அதிமுக, திமுக வலியுறுத்தல்

hindutamil.in  : சட்டப்பேரவைத் தேர்தல் முன்னேற்பாடுகள் குறித்து சென்னையில் அரசியல் கட்சிகளின் பிரதிநிதிகளுடன் தேர்தல் ஆணைய குழுவினர் நேற்று ஆலோசனை நடத்தினர். இதில் அதிமுக சார்பில் பொள்ளாச்சி ஜெயராமன், மனோஜ் பாண்டியன், திமுக சார்பில் ஆர்.எஸ்.பாரதி, என்.ஆர்.இளங்கோ உள்ளிட்ட நிர்வாகிகள் பங்கேற்றனர்.படங்கள்: க.ஸ்ரீபரத்.. தமிழகத்தில் சட்டப்பேரவை பொதுத்தேர்தலை ஒரே கட்டமாக நடத்தி முடிக்க வேண்டும் என்று தேர்தல் ஆணைய குழுவினரிடம் அதிமுக, திமுக உள்ளிட்ட அரசியல் கட்சிகள் வலியுறுத்தின.

 தமிழக சட்டப்பேரவை தேர்த லுக்கு சில மாதங்களே உள்ளன. இதையடுத்து, தேர்தல் முன்னேற் பாடுகளை ஆய்வு செய்வதற்காக இந்திய தேர்தல் ஆணையத்தின் செயலர் (பொது) உமேஷ் சின்கா தலைமையில், துணை தேர்தல் ஆணையர்கள் சுதீப் ஜெயின், ஆஷிஷ் குந்த்ரா, பிஹார் மாநில தலைமை தேர்தல் அதிகாரி ஹெச்.ஆர்.வத்சவா, தேர்தல் ஆணைய இயக்குநர் பங்கஜ் வத்சவா, தேர் தல் ஆணைய செயலர் மலேய் மாலிக் ஆகியோர் அடங்கிய உயர் நிலைக் குழுவினர் நேற்று சென்னை வந்தனர்.

புதிய கொரோனா வைரஸ்: தமிழகத்தில் முன்னெச்சரிக்கை நடவடிக்கை தீவிரம்!

/minnambalam.com : இங்கிலாந்தில் புதிய வகை கொரோனா வைரஸ் பரவி வரும் நிலையில் இந்தியாவில் முன்னெச்சரிக்கை நடவடிக்கைகள் தீவிரப்படுத்தப்பட்டு வருகின்றன. அதன்படி, சென்னை விமான நிலையத்துக்கு இங்கிலாந்திலிருந்து வந்த 15 பேர் தனிமைப்படுத்தப்பட்டுள்ளனர்.

 

இங்கிலாந்தில் சமீப நாட்களாக கொரோனா வைரஸ் புதிய வடிவம் பெற்று வேகமாகப் பரவி வருவதாக அந்நாட்டு அரசு அறிவித்துள்ளது. முன்பு பரவிய வைரஸைக் காட்டிலும், இது 70 சதவிகிதம் அதிகளவு பரவி வருகிறது என்றும், நிலைமை கட்டுப்பாட்டை மீறிச் சென்றுவிட்டதாகவும் அந்நாட்டு சுகாதாரத் துறை கூறியுள்ளது. இதனால் பிரிட்டனிலிருந்து வரும் அனைத்து விமானங்களையும், அயர்லாந்து, நெதர்லாந்து, இத்தாலி, ஆஸ்திரேலியா என பல்வேறு நாடுகளும் தடை விதித்துள்ளன.  இந்தியாவிலும் பிரிட்டன் விமானங்களுக்குத் தடை விதிப்பதாக மத்திய விமானப் போக்குவரத்து அமைச்சகம் அறிவித்துள்ளது. அந்த அறிவிப்பில், ”இங்கிலாந்தில் கொரோனா பரவும் சூழல் நிலவுவதால், அந்நாட்டிலிருந்து இந்தியாவுக்கு வரும் அனைத்து விமானங்களுக்கும் வரும் 31ஆம் தேதி இரவு 23:59 வரை தடை விதிக்கப்படுகிறது. இந்த தடை டிசம்பர் 22ஆம் தேதி இரவு 23:59 மணியிலிருந்து அமலுக்கு வரும். எனினும், சரக்கு விமானங்கள் மற்றும் சிவில் போக்குவரத்துத் துறை இயக்குநரகத்தால் அனுமதி அளிக்கப்பட்ட விமானங்களுக்கு இந்த தடை பொருந்தாது.

RSS குருமூர்த்தியால் கதை கந்தலாகிய தமிழக பாஜக.. முட்டி மோதும் மயிலாப்பூர் .. ஒரு வாட்சாப் டைரி குறிப்பு

நூடுல்ஸ் சிக்கலை சாணக்கியன் குருமூர்த்தி தனது அறிவால் இடியாப்பச் சிக்கலாக்கி பாஜகவின் 2.5 வாக்கு வங்கியை ஆளுக்கு கால் பங்கு என்று பிரிக்க பத்து பேரை இறக்கி மண்ணை குத்துகுத்தாக அள்ளிப்போட்டிருக்கிறாராம்

மீண்டும் தமிழ்நாடு பாஜகவில் ஆரிய திராவிட யுத்தம் தொடங்கியிருக்கிறது. முதல் கட்டப் போரில் தமிழிசை , பொன்னர் இருவரும் தோற்று ஒதுங்கினர்கள். அவர்கள் மட்டுமல்ல . அவர்கள் சார்ந்த சமூகமும் மொத்தமாக பாஜகவுக்கு கணக்கை முடித்து சிட்டையைக் கொடுத்துவிட்டார்களாம்.   இனி அண்ணாச்சி வகையறா வாக்குகளும் நோட்டுகளும் பாஜகவுக்கு இல்லை . அதிலே ஆடிப்போன பாஜக மேலிடம், வென்ற எச் ராஜா எஸ் வீ சேகர் சார்ந்தோரிடம் தற்சமயம் கொஞ்சம் அமைதியாக இருங்கள். சிலரைப் பொறிவைத்துப் பிடிக்க உங்கள் பதவிகளைத் தற்சமயம் தாருங்கள். சில வேலைகள் முடிந்ததும், மீண்டும் உங்கள் ராஜாங்கமே நடக்கும் என்று கெஞ்சிக் கூத்தாடி முருகன் அண்ணாமலை போன்றோர்களுக்கு டம்மி சேர்களைக் கொடுத்து உட்காரவைத்திருந்தது நாம் அறிந்ததே . பதவி என்று வந்தால் அதில் எவ்வளவு ஸ்கோர் பண்ணணுமோ அதைச் செய்து இடத்தைத் தக்க வைத்துக்கொள்ள வேண்டும் என்று திட்டமிட்ட நியூலி அப்பாய்ண்டட் சங்கிகள், களமிறங்கி காசும் காரியமும் பார்க்க ஆரம்பிக்க...

எம்ஜியார் உள்ளும் புறமும் -3 ! கவிஞர் கண்ணதாசன் .. மலையாளிகள் பற்றி .

கவிஞர்  கண்ணதாசன் : தமிழ்நாட்டில் மலையாளிகள் வாழக்கூடாது என்றோ  ,  

அவர்கள் கேரளாவுக்கு ஓடி விடவேண்டும் என்றோ கருணாநிதி எப்போதாவது சொன்னாரா?     இல்லை திமுக பேச்சாளர்களாவது அப்படி பேசினார்களா  ?  இல்லை நானாவது  எழுதினேனா?     இந்தியாவில் இரண்டு கேரளா ராஜ்ஜியங்கள் இருக்க முடியாது என்றுதான் கருணாநிதி சொன்னார்.    அந்த கருத்தில் இந்தியாவில் உள்ள எவருக்கும் அபிப்பிராய பேதம் இருக்க முடியாது .    தேசிய ஒருமைப்பாடு என்பது எல்லோரும் ஒருவருக்கு ஒருவர் விட்டு கொடுத்து எல்லோரும் ஒற்றமையாக இருப்பதுதானே தவிர    சிலர் மீது மட்டும் குதிரை ஏற இடம் கொடுப்பதல்ல.     

தமிழ்நாட்டில் ஒரு மலையாளி முதலமைச்சராக வரலாமா?     வரலாம் தாராளாமாக வரலாம்    அரசியல் சட்டம் அதை அங்கீகரிக்கிறது.   ஆனால் தார்மீக அடிப்படையில் கேரளாவில் ஒரு தமிழன் முதலமைச்சராக வரமுடியுமானால்,    குஜராத்தில் ஒரு மராட்டியர் வரமுடியுமானால்,  வங்காளத்தில் ஒரு ஆசாமி வரமுடியுமானால் ,தமிழ்நாட்டில் வேறு ஒரு மாநிலத்துக்காரர் வரலாம்.    லட்சக்கணக்கான தமிழர்கள் வாழும் பம்பாயில் மராட்டிய  அசெம்பிளிக்கு இரு தமிழர்கள் தேர்ந்தெடுக்க படுகிறார்கள் .   அவர்களில் யாரவது மந்திரசபையில் சேர்த்து கொள்ளப்பட்டார்களா?   இல்லை . அவர்களில் ஒருவர் முதலமைச்சராக வருவதை அனுமதிப்பார்களா?

"காதலையே" படுகொலை செய்வது என்ற நுணுக்கமான ஆயுதம் "பாசம்".

 

AThi Asuran : · அரிவாள்களைவிடக் குரூரமானது பாசம்! 1. இந்தப் படத்தில் மட்டுமல்ல; பெரும்பான்மையான ஆணவப் படுகொலைகளில் ஆயதங்கள் வெவ்வேறாக இருக்கும். அரிவாள், ரயில் தண்டவாளம், விஷம் என மாறுபடும். ஆனால் இவை எல்லாவற்றையும்விட கொடுமையான ஆயுதம் - இன்னும் நாம் விவாதிக்காத - விவாதிக்க விரும்பாத ஆயுதம் 'பாசம்' அரிவாள்களால் வெட்டப்பட்ட படுகொலைகளைப் பற்றி மட்டுமே நாம் விவாதிக்கிறோம். அரிவாள் படுகொலைகளுக்கும்கூட தாய்ப்பாசமோ, தந்தைப் பாசமோ, குடும்பப்பாசமோ தான் பின்னணியாக இருக்கின்றன. ஜாதி கடந்த காதலை அரிவாள்கள் தடுப்பதைவிட தாய், தந்தை, குடும்பப் பாசங்கள் தான்

அதிகமாக,  மிக மிக அதிகமாகத் தடுக்கின்றன.

திருமணம் செய்து கொண்ட பிறகு தான் ஆணவப் படுகொலைகள் நடக்கின்றன. திருமணம் என்ற நிலைக்கே செல்லவிடாமல் ஜாதி கடந்த "காதலையே" படுகொலை செய்வது என்ற நுணுக்கமான ஆயுதம் "பாசம்".

உண்மையில், பாசம் எனும் ஆயுதம் மற்ற எல்லா ஆயுதங்களையும் விடக் கொடுமையானது. குரூரமானது. ஜாதி கடந்த காதல்களுக்கு மட்டுமல்ல; ஒரு பெண்ணின் சுயமரியாதைக்கும்,

விவசாயிகள் போராட்டம் இன்னும் பலருக்கு சரிவரப் புரியவில்லை..!

  சாவித்திரி கண்ணன் : · இந்தியாவை ஆட்சி செய்வது அம்பானியா? அதானியா? மோடியா? விவசாயிகள் போராட்டம் இன்னும் பலருக்கு சரிவரப் புரியவில்லை..! ஏன் விவசாயிகள் இவ்வளவு ஆக்ரோசமாகப் போராடுகிறாங்க…அப்படி என்ன பெரிய தீமை நடந்திருச்சு..? ஒன்னும் பெரிசா நடந்திடலை..! விவசாயத்தையும்,உணவு பாதுகாப்பையும் தன் பொறுப்பிலிருந்து அம்பானிக்கு கொஞ்சமும், அதானிக்கு கொஞ்சமுமாக அரசாங்கம் பிரித்து தாரை வார்த்துவிட்டது! அவ்வளவு தான்! அதெப்படி கொடுக்க முடியும்? இப்படி புரூடா விடக்கூடாது’’ ன்னு சொல்றவங்க பொறுமையாக ஐந்து நிமிடம் இதைப் படியுங்கள்!

விவசாயிகளுக்கும், அரசாங்கத்திற்குமான தொடர்பு என்ன? விவசாயிகள் அரசாங்கத்திடம் எதிர்பார்ப்பது என்ன?

’’எனக்கு ஒன்னுன்னா அரசாங்கம் துணையிருக்கு’’ என்ற ஒரு நம்பிக்கை தான் அரசாங்கத்திற்கும், விவசாயிக்குமான உறவுப்பாலமாகும்!

அடுத்ததாக தாங்கள் கஷ்டப்பட்டு உற்பத்தி செய்வதை, எவனும் அடித்து,பறித்து அடிமாட்டு விலைக்கு அபகரிச்சுட்டுப் போகாமல், நியாயமான விலைக்கு விற்க உதவணும்!

எம்ஜியாரின் உள்ளும் புறமும் (2 ) ...கவிஞர் கண்ணதாசன் நாங்களே தேடிக்கொண்ட வினை

சுபாவத்திலேயே எம்ஜியாருக்கு ஆணவம் உண்டு     அவரது ஒரு படம் வெற்றிகரமாக ஓடிவிட்டால் மற்ற  தயாரிப்பாளர்களை சித்திரவதை செய்து விடுவார்.  யாரையும் அலட்சியமாகவே பார்ப்பார்.

அதே நேரத்தில் அவரது பலவீனமும் அவருக்கு தெரியும்.        தான் ஒரு திறமையான நடிகன் இல்லை என்பதை அவர் உணர்ந்து  இருந்தார்     அதனால் மற்ற நடிகர்களின் படங்கள் வெளிவரும்போது தனது ரசிகர்களை அனுப்பி கேலி செய்வது ... மற்ற போஸ்டர்கள் மீது சாணி வீச செய்வது . 

தன் படங்களுக்கு முன் கூட்டியே டிக்கெட் வாங்கி தந்து ரசிகர்களை கைதட்ட செய்வது ஆகிய அனைத்தும் செய்வார்.       கதைகளில் உருக்கமான சீன்கள் இருந்தால் தன்னால் நடிக்க முடியாது என்று கதாசிரியருக்கு தெரியமாலே சீன்களை மாற்றிவிடுவார்.         கதாசிரியர்களிடம் சொல்லும் போது நீங்கள் எழுதியதை ரசிகர்கள் விரும்பமாட்டார்கள் என்பார்.     ஒவ்வொரு படத்திலும் தன்னை புகழ்ந்து பாடலை எழுதுவதை விரும்புவார் .    அத்தகைய பாடல்களுக்குதான் முதலிடம் தருவார்.     இந்த வகையில் அவரது திறமையை மெச்சுகிறேன்.     ஜனங்களை எதிலே மயங்க வைப்பது எப்படி நீண்ட நாள் வசூல் சக்கரவர்த்தியாக இருப்பது என்பதெல்லாம் அவருக்குதெரியும். சிலரை பலகாலம் ஏமாற்றலாம் பலரை சிலகாலம் ஏமாற்றலாம் ஆனால் எல்லோரையும் எப்போதும் ஏமாற முடியாது என்றொரு பழமொழி உண்டு.   அந்த பழமொழியை பொய்யாக்கியவர் எம்ஜியார்.

அதிமுக தலைமையகத்தில் மோதல் ! பொதுக்குழுவை கூட்ட ஓபிஎஸ் எதிர்ப்பு!

 

dinakaran :  இபிஎஸ்சுடன் கடும் வாக்குவாதம் * மூத்த தலைவர்கள் பஞ்சாயத்து ..சென்னை: அதிமுக தலைமை அலுவலகத்தில் நடந்த ஆலோசனை கூட்டத்தில் பொதுக்குழுவை கூட்டுவது தொடர்பாக நடந்த விவாதத்தில் இபிஎஸ்-ஓபிஎஸ் இடையே கடும் மோதல் ஏற்பட்டதால் பரபரப்பு ஏற்பட்டது. தமிழகத்தில் சட்டமன்ற தேர்தல் வரும் மே மாதம் நடைபெறுகிறது. இந்த தேர்தலை எதிர் கொள்வது குறித்து அதிமுக தலைவர்கள பல கட்டங்களாக ஆலோசனை நடத்தி வருகின்றனர். இந்நிலையில், யார் தலைமையில் கூட்டணி என்பது குறித்து அதிமுக, பாஜ கட்சியினரிடையே மோதல் ஏற்பட்டு வருகிறது. இந்த விவகாரம் விஸ்வரூபம் எடுத்ததை தொடர்ந்து, கூட்டணி தொடர்பாக பாஜ மூத்த தலைவரும் மத்திய உள்துறை அமைச்சருமான அமித்ஷா கடந்த மாதம் தமிழகம் வந்து அதிமுக தரப்பில் பேச்சுவார்த்தை நடத்தினார்.

அப்போது, வரும் சட்டசபை தேர்தலில் பாஜவுக்கு 60 தொகுதிகளை ஒதுக்க வேண்டும் என்று அதிமுக தலைமைக்கு அழுத்தம் கொடுக்கப்பட்டது. குறிப்பிட்ட சில தொகுதிகளை தங்களுக்கு ஒதுக்க வேண்டும் என்று இபிஎஸ், ஓபிஎஸ்சிடம் பாஜ தலைவர்கள் பட்டியல் கொடுத்துள்ளனர். இந்நிலையில், தேமுதிக மாவட்ட செயலாளர் கூட்டத்தில், 2011ம் ஆண்டு தேர்தல் போன்று தேமுதிகவுக்கு அதிமுக கூட்டணியில் 41 இடங்கள் ஒதுக்க வேண்டும், இல்லையென்றால் தனித்து போட்டியிடுவது என்று முடிவு செய்யப்படும் என்று முடிவு செய்யப்பட்டுள்ளது. பாமகவும் குறைந்தபட்சம் 50 இடங்களை கேட்கும் என்று கூறப்படுகிறது.

அறிவாலயத்தில் ஐபேக் கெடுபிடிகள்!

மின்னம்பலம் மற்ற எந்த கட்சியின் அலுவலகத்தை விடவும், திமுக தலைமை அலுவலகமான அறிவாலயத்தில்தான் பத்திரிகையாளர்கள் சுதந்திரமாக உணருவார்கள். அந்த அளவுக்கு திமுக தலைவராக இருந்தபோது கலைஞரையே பத்திரிகையாளர்கள் நினைத்தால் எளிதில் சந்திக்க முடியும்.

அப்பேற்பட்ட அறிவாலயத்தில் நேற்று (டிசம்பர் 20) மாவட்டச் செயலாளர்கள், நகரச் செயலாளர்கள், ஒன்றிய செயலாளர்கள் உள்ளிட்ட நிர்வாகிகளை கொரோனா ஊரடங்குக்குப் பிறகு ஸ்டாலின் நேரடியாக சந்திக்கும் நிகழ்ச்சி நடைபெற்றது. இதற்காக பத்திரிகையாளர்களும், பத்திரிகை, தொலைக்காட்சி கேமராமேன்களும் திரண்டிருந்தனர்.

அதானி நிறுவனத்துக்குப் பயிற்சியா?: மின்துறை அமைச்சர் தங்கமணி பதில்!

minnambalam.com :தமிழ்நாடு மின்வாரியத்தில் காலியாக உள்ள 30 ஆயிரத்துக்கும் மேற்பட்ட பணியிடங்களைத் தனியார் மூலம் ஒப்பந்த ஊழியர்களை நிரப்புவது தொடர்பான ஒப்பந்தப் புள்ளிகளைத் தேர்வு செய்வதற்கு மின்வாரியம் ஒப்புதல் அளித்து, அதற்காக நிதியும் ஒதுக்கப்பட்டுள்ளதாகத் தகவல் வெளியானது. இதன் மூலம் ஐடிஐ முடித்தவர்கள் மின் வாரியத்தில் வயர்மேன் வேலைக்கு நேரடியாகச் சேர முடியாது என்று கூறப்பட்டது.எனவே இதற்கு எதிர்க்கட்சிகளும், மின்துறை தொழிற்சங்கங்களும் எதிர்ப்புத் தெரிவித்திருந்தன. எதிர்க்கட்சித் தலைவர் ஸ்டாலின், “புதிய துணை மின் நிலையங்களைத் தனியாருக்கு 2 ஆண்டுக்கால ஒப்பந்தத்தில் தாரைவார்த்துள்ள ஆட்சியாளர்கள், தமிழகம் முழுவதும் உள்ள 650 மின் விநியோக உட்கோட்டங்களில் உள்ள பணிகளுக்கு, அவசர அவசரமாக ஒரு கோட்டத்திற்கு 1 கோடியே 80 லட்சத்து 88 ஆயிரம் ரூபாய்க்கு உள்நோக்கத்துடன் ஒப்பந்தம் போடுவது, மின்சாரத் தாக்குதலுக்கு ஒப்பான அதிர்ச்சியை அளிக்கிறது.

மின்வாரியத்தில் ஏற்கெனவே பணியில் உள்ள ஒப்பந்தத் தொழிலாளர்களுக்கு வழங்க ஒப்புக் கொள்ளப்பட்ட 380 ரூபாய் தினக்கூலியைத் தர மறுக்கும் தமிழக அரசு, தனியாரிடம் தினக்கூலிக்கு அளிக்க வேண்டிய தொகை ரூ.412 என அதிகப்படுத்தி ஒப்பந்தம் போடவேண்டிய அவசியம் என்ன? தமிழக இளைஞர்களின் வேலைவாய்ப்புக் கனவில் மண் அள்ளிப்போடும் இதுபோன்ற செயல் கண்டிக்கத்தக்கது” என்று தெரிவித்திருந்தார்.