கொட நாடு கொலை ..காணாமல் போன சாட்சி கோர்ட்டில் ஆஜர்.. சூடுபிடிக்கும் வழக்கு!

vikatan.com - சதீஸ் ராமசாமி = கே.அருண் காணாமல் போனதாக தனிப்படை அமைத்து தேடப்பட்டு வந்த கொடநாடு கொலை வழக்கின் முதல் சாட்சியான கிருஷ்ண தாப்பா நீதிமன்றத்தில் இன்று திடீரென ஆஜரானார்.
மறைந்த முன்னாள் முதல்வர் ஜெயலலிதாவுக்குச் சொந்தமான தேயிலை எஸ்டேட் மற்றும் பங்களாவுக்குள் கடந்த 2017-ம் ஆண்டு ஏப்ரல் மாதம் 24-ம் தேதி நுழைந்த கும்பல் அங்கு பாதுகாப்பு பணியில் இருந்த காவலாளி ஓம்பகதூரைக் கொலை செய்து மற்றொரு காவலாளியைத் தாக்கிவிட்டு உள்ளே சென்றது.
பின்னர் பங்களாவில் இருந்த சில ஆவணங்களைக் கொள்ளையடித்துச் சென்றதாகக் கூறப்படுகிறது. இந்த வழக்கில், முக்கியக் குற்றவாளியான கனகராஜ் சேலம் அருகில் வாகன விபத்தில் உயிரிழந்தார். அன்றைய தினமே பாலக்காட்டில் ஏற்பட்ட விபத்தில் இந்த வழக்கில் தொடர்புடைய சயான் காயங்களுடன் தப்பினாலும் சயானின் மனைவி, மகன் உயிரிழந்தனர்.

ராமேஸ்வரம் ..`கஞ்சா இலைகளைக் கொடுத்தால் தங்கக் கட்டி!’ – மிரளவைக்கும் கடத்தல் கதைகள்

;கஞ்சா இலைகளைக் கொடுத்தால் தங்கக் கட்டி!’ – சுங்கத்துறையை மிரளவைக்கும் ராமேஸ்வரம் மீனவர்கள் vikatan.com = இரா.மோகன்; = உ.பாண்டி : கடத்தல் பீடி இலைகளை கைப்பற்றிய கடலோரக் காவல்படை.

ராமநாதபுரம் மாவட்ட கடலோரப் பகுதிகளிலிருந்து கஞ்சா மற்றும் கடல் அட்டை, கடல் பல்லி போன்றவையும் தூத்துக்குடி கடலோரப் பகுதிகளிலிருந்து பீடி இலைகளும் கடத்தப்பட்டு வருகின்றன.

ராமேஸ்வரம் கடல் மற்றும் கரையோரப் பகுதிகளில் கடந்த 3 நாள்களாக அடுத்தடுத்து பீடி இலை மூட்டைகள் ஒதுங்கி வருகின்றன. கடல் பகுதி கண்காணிப்பினை உறுதி செய்யும் ‘சாகர் கவாஜ்’ ஆய்வு மேற்கொள்ளப்பட்ட நிலையில் தொடர்ந்து பீடி இலை மூட்டைகள் சிக்கி வருவதால் கடத்தல் வேட்டையைக் கட்டுப்படுத்த முடியாமல் போலீஸாரும் சுங்கத்துறையினரும் திணறி வருகின்றனர்.

சீனாவில் 1,110 பேர் கொரொனோ வைரஸ் தாக்குதில் உயிரிழப்பு .. மேலும் தொடரும்?

தினமலர் : பீஜிங்; அண்டை நாடான சீனாவில் 'கொரோனா' வைரஸ் வேகமாக பரவுவதால் இதுவரை 1,110 பேர் பலியாகியுள்ளார்.
சீனாவில் 'கொரோனா' எனப்படும் கொடூரமான வைரஸ் அந்த நாடு முழுவதும் பரவி வருகிறது. ஜப்பான் தென் கொரியா போன்ற நாடுகளிலும் இந்த வைரஸ் தாக்குதல் அதிகரித்துள்ளது. சீனாவின் வூஹான் நகரில் தான் இந்த வைரஸ் முதலில் கண்டறியப்பட்டது.
இந்நிலையில் சீனாவில் இதுவரை கொரோனா வைரஸ் தாக்குதலுக்கு பலியானோர் எண்ணிக்கை 1,110 ஆக அதிகரித்துள்ளது. இன்னும் 42,200 பேர் கொரோனா வைரஸ் பாதிப்புடன் மருத்துவமனையில் சிகிச்சைக்காக அனுமதிக்கப்பட்டுள்ளனர்.

எடப்பாடி- உதயநிதி- அமித் ஷா: திமுகவுக்கு பிகேவின் மூன்று எச்சரிக்கைகள்!

மின்னம்பலம் : மொபைல் டேட்டா ஆன் செய்யப்பட்டதும் வாட்ஸ் அப் ஆன் லைனுக்கு வந்தது.
“திமுகவின் தேர்தல் உத்தி வகுப்பாளராக பிரசாந்த் கிஷோர் ஒப்பந்தம் செய்யப்பட்டது குறித்து கடந்த வாரம் திமுக தலைவர் ஸ்டாலின் அதிகாரபூர்வமாக அறிவித்தார். அதை ஒட்டி திமுக மீது பல்வேறு விமர்சனங்கள் அரசியல் வட்டாரத்தில் வைக்கப்பட்டு வருகின்றன. ஆனால் பிரசாந்த் கிஷோர் திமுகவை வரப் போகும் சட்டமன்றத் தேர்தலில் வெற்றி பெற வைப்பதற்கான வியூகப் பணிகளைத் தொடங்கிவிட்டார்.
ஸ்டாலினுடன் பிகே நடத்தியிருக்கும் முதல் கட்ட உரையாடலில், ‘தமிழ்நாட்டில் திமுகவுக்கு இப்போது சாதகமான அம்சங்களே இருக்கின்றன. ஆனால் கட்சி அளவில் சில வேலைகளை செய்ய வேண்டும். எல்லா விஷயங்களுக்கும் தலைவரான உங்களையே முன்னிலைப்படுத்தும் போக்கு இருப்பதாக நிர்வாகிகள் நினைக்கிறார்கள். இதை மாற்றிக் கொள்ள வேண்டும்.

ஆம் ஆத்மி எம்.எல்.ஏ.வின் பாதுகாப்பு வாகனம் மீது துப்பாக்கி சூடு; ஒருவர் உயிரிழப்பு

தினத்தந்தி : டெல்லியில் ஆம் ஆத்மி எம்.எல்.ஏ.வின் பாதுகாப்பு வாகனம் மீது நடந்த துப்பாக்கி சூட்டில் ஒருவர் கொல்லப்பட்டார்.
புதுடெல்லி, 70 உறுப்பினர்களை கொண்ட டெல்லி சட்டசபை தேர்தலுக்கான வாக்கு பதிவு, கடந்த 8ந்தேதி நடந்தது. இதன் வாக்கு எண்ணிக்கை நேற்று நடந்தது. இந்த தேர்தல் முடிவில் அரவிந்த் கெஜ்ரிவால் தலைமையிலான ஆம் ஆத்மி கட்சி 60க்கும் மேற்பட்ட தொகுதிகளில் முன்னிலை பெற்று வெற்றி பெற்றுள்ளது. டெல்லி சட்டசபையில் பெரும்பான்மையை நிரூபிக்க 36 உறுப்பினர்கள் தேவை என்ற நிலையில், ஆம் ஆத்மி கட்சி 3வது முறையாக ஆட்சி அமைக்கிறது. இந்த தேர்தலில் மெஹ்ராலி தொகுதியில் இருந்து புதிய எம்.எல்.ஏ.வாக தேர்ந்தெடுக்கப்பட்ட சுரேஷ் யாதவ் தனது ஆதரவாளர்களுடன் கோவிலுக்கு சென்று சாமி தரிசனம் செய்து விட்டு நேற்றிரவு வீடு திரும்பி கொண்டு இருந்துள்ளார்.

பழனிபாபா - வாசிக்கப்படவேண்டிய வரலாறு .. 28 January 1997 நினைவு நாள்

கீற்று.com : எண்பதுகளின் துவக்கத்திலிருந்து தொண்ணூறுகளின் மத்தி வரை ஆளும் வர்க்கதிற்கும் அடக்குமுறையாளர்களுக்கும் தூக்கம் கெடுத்த சிம்மசொப்பனம்...
தனக்கென பெரிய அமைப்பில்லை... தனியான அலுவலகமில்லை... பின்பற்றி வரக்கூடிய தொண்டர்படையில்லை... சொந்த சமுதாயதிற்குள்ளும் பெரியளவில் ஆதரவில்லை... எந்தவிதமான அதிகாரப் பதவியும் இல்லை... ஆனால் மேற்குறிபிட்ட அனைத்தும் இருப்பவர்களால் சாதிக்க முடியாத பலவற்றை சாதித்த தனிமனித இராணுவம்தான் பழனிபாபா...
கண்ணியத் தலைவர் காயிதே மில்லத் அவர்களின் மறைவிற்குப் பிறகு தமிழக இஸ்லாமிய சமுதாயத்தின் எதிர்பார்ப்புகளை, உரிமைகளை அரசுக்குக் கொண்டு செல்லக்கூடிய வீரியமான தலைமை வெற்றிடமாகிப் போனபோது... முஸ்லிம்களுக்கு எதிராக சங் பரிவாரங்கள் தங்களது கட்டுக்கதைகளை கட்டவிழ்த்துவிட்டபோது தட்டிக் கேட்க யாருமே இல்லையா என்கிற ஏக்கப் பொருமல்கள் முஸ்லிம் சமுதாய சாமானிய மக்களிடம் பரவிவந்தபோது, தனது வீரியமான வீரமான உரைகளால் தமிழக முஸ்லிம்களுக்கு குறிப்பாக இளைஞர்களுக்கு தைரியமூட்டியவர் பழனிபாபா. "நாங்கள் கைபர் போலன் கணவாய் வழியாக ஆடுமாடுகளை ஒட்டிக்கொண்டு இந்திய தேசத்திற்குள் அத்துமீறி நுழைந்த கூட்டமல்ல... இந்த மண்ணின் மைந்தர்கள்... ஆரிய அடிமைத்தன‌த்தில் இருந்து எம்மக்களை மீட்டெடுக்க இஸ்லாம் என்கிற மார்க்கத்தைத்தான் நாங்கள் இறக்குமதி செய்துகொண்டோம். மாறாக நாங்களே இறக்குமதி செய்யப்பட்ட மக்கள் அல்ல..." என வீரியமாக முழங்கி இஸ்லாமிய மக்களின் இந்தியப் பற்றை பறைசாற்றியவர் பழனிபாபா.

ஆம் ஆத்மியின் வெற்றிக்கு .. தண்ணீர் மின்சாரம் கல்வி ஆகிய மூன்று முக்கிய .. ..

Shalin Maria Lawren : இன்று உலக வாக்குறுதிகளின் நாள் (global promise day)
இந்தியாவில் அதிகமாக வாக்குறுதிகள் கொடுக்கப்பட்டு அவை
நிறைவேற்றப்படாத இடமாக அரசியல் இருக்கிறது. அரசியல் என்றாலே கொடுத்த வாக்குறுதிகளை நிவர்த்தி செய்யாத ஒரு இடமாகவே பார்க்கப்படுகிறது. அரசியல் என்றாலே பொய் வாக்குறுதிகள் என்று மக்கள் மனதில் ஆழப் பதிந்துள்ளது.
இத்தகைய சூழலில்தான் 2015ஆம் ஆண்டு ஆம் ஆத்மி கட்சி ஆட்சிக்கு வந்தது. அப்போது அவர்கள் தங்கள் தேர்தல் அறிக்கையில் மொத்தம் 70 வாக்குறுதிகளை கொடுத்து இருந்தனர்.
கடந்த ஐந்து ஆண்டுகளில் அதில் 30 சதவிகிதம் நிறைவடைந்து உள்ளதாகவும், 60 சதவிகிதம் வேலைகள் நடந்து வருவதாகவும், 10 சதவிகிதம் எதுவும் நடைபெறவில்லை என்றும் இந்தியா நடத்திய ஆய்வு கூறுகிறது.
தில்லியில் காங்கிரஸ் கட்சி செய்த சேதாரம் மிக பெரியதாக இருந்தது. அந்தக் காரணத்தினால்தான் கேஜ்ரிவால் முதல்முறை இராஜினாமா செய்துவிட்டு சென்ற போதும் அதற்கு அடுத்த தேர்தலில் அவர் அமோக வெற்றி பெற்றார்.
அப்பொழுது அவர்கள் மூன்றே மூன்று விஷயத்தை திரும்பத் திரும்ப கூறினார்கள்
"நாங்கள் உங்களுக்கு தண்ணீர் கொடுப்போம், உங்கள் மின்சாரத்தை பாதுகாப்போம் மற்றும் கட்டணங்களை குறைப்போம், உங்கள் கல்வி தரத்தை உயர்த்துவோம்".

CoronaVirus உயிரிழப்பு 1000ஐ கடந்தது!

ns7.tv  :   நேற்று (திங்கள்) மட்டும் புதிதாக 2,478 பேருக்கு கொரோனா வைரஸ் பாதிப்பு உறுதியான நிலையில் பலி எண்ணிக்கை 1000ஐ கடந்தது.
சீனாவின் வுஹான் மாகானத்தில் முதல்முறையாக கண்டறியப்பட்ட கொரோனா வைரஸ் பாதிப்பு, சீனா மற்றும் இதர நாடுகளில் வேகமாக பரவி வரும் நிலையில் இந்த வைரஸ் தாக்குதலுக்கு உயிரிழந்தோரின் எண்ணிக்கை 1000ஐ கடந்தது. நேற்று ஒரே நாளில் மட்டும் 108 பேர் பலியாகியுள்ளனர்.
கொரோனா வைரஸுக்கு இதுவரை முறையான தடுப்பு மருந்து கண்டறியப்படாத நிலையில் அதன் பாதிப்பின் வரம்பு வெகுவாக அதிகரித்து வருகிறது. இதுவரை 27 நாடுகளுக்கு கொரோனா வைரஸ் பரவியுள்ள நிலையில் உலகம் முழுவதும் 43,000க்கும் மேற்பட்டோருக்கு இந்த வைரஸ் இருப்பது உறுதியாகியிருக்கிறது. அதே நேரத்தில் வைரஸ் பாதிப்புக்குள்ளான 4,000 பேர் குணப்படுத்தப்பட்டு வீட்டிற்கு அனுப்பப்பட்டுள்ளதாக சீன சுகாதாரத்துறையினர் தெரிவித்துள்ளனர்.

துப்பாக்கியால் சுட சொன்னீங்களே.. துடைப்பத்தால் விரட்டியடித்து விட்டார்கள்.. பிரகாஷ் ராஜ் ஆவேசம்!

tamil.oneindia.com : சென்னை: "துப்பாக்கியால் சுடச் சொன்னவர்களை டெல்லி மக்கள் துடைப்பத்தால் அடித்துள்ளார்கள் மக்கள்" என்று பிரகாஷ்ராஜ் போட்ட ட்வீட்தான் சோஷியல் மீடியாவில் பற்றிக் கொண்டு வைரலாகிறது! காரசார ட்வீட் போடுவதென்றால் முன்னாடி வந்து நிற்பார் பிரகாஷ்ராஜ்.. அதுவும் பாஜகவுக்கு எதிரான ட்வீட் என்றால் அவருக்கு இன்னும் குஷியாகிவிடும். பாஜகவை விமர்சித்தும், சுட்டிக்கட்டியும் பிரகாஷ்ராஜ் போடும் ட்வீட்கள் பல சர்ச்சையானவை! சில ட்வீட்கள் அதிகம் பேசப்பட்டவையும்கூட!
"அயோத்தி வீதியில் கஷ்டப்படும் ஏழை மக்களை பாருங்கள்" என்று பாஜக தலைவர்களுக்கு அட்வைஸ் செய்வார் பிரகாஷ் ராஜ்.. பிறகு, "இந்த தேசத்திற்கு தேவை 3000 கோடி செலவு செய்து வைத்த சிலை இல்லை..
தேசிய குடிமக்கள் பதிவேட்டினை தயார் செய்வதை விட வேலையின்றி தவிக்கும் இளைஞர்கள், அடிப்படை கல்வியறிவு கூட பெறாத குழந்தைகளின் பட்டியலை தயார் செய்யவேண்டும்" என்று வேண்டுகோளும் விடுப்பார்.
இந்நிலையில், ஆம் ஆத்மி கட்சி மீண்டும் ஆட்சியை டெல்லியில் தொடர உள்ளது... ஆட்சி அமைக்க தேவையான தொகுதிகளைவிட அதிக தொகுதிகளே அக்கட்சிக்கு கிடைத்தும் விட்டது. ஆம் ஆத்மி வெற்றி குறித்து பலரும் தங்கள் கருத்துக்களை தெரிவித்துவரும் நிலையில், பிரகாஷ்ராஜும் ஒரு ட்வீட் போட்டுள்ளார்.
"சிஐஏ சட்டத்தை எதிர்த்து போராடியவர்களை துப்பாக்கியால் சுட சொன்ன பாஜக தலைவர்களை டெல்லி மக்கள் துடைப்பத்தால் அடித்து விரட்டி உள்ளனர்" என்று பதிவிட்டுள்ளார். அரவிந்த் கெஜ்ரிவாலின் ஆம் ஆத்மி கட்சியின் சின்னம் துடைப்பம் என்பது தெரிந்த விஷயம்தான்.. இருந்தாலும், பிரகாஷ்ராஜ் வேறு தொனியில் இந்த ட்வீட்டை பதிவிட்டுள்ளதுதான் திரும்பவும் பரபரப்பு கலந்த சர்ச்சையை ஏற்படுத்தி உள்ளது.

டெல்லி ஆம் ஆத்மி 62.. பஜக 8 .. காங்கிரஸ் 0 ! மூன்றாவது முறையும் ஆட்சி அமைக்கும் அர்விந்த் கேஜ்ரிவால்

மாலைமலர் : டெல்லி சட்டசபை தேர்தலில் ஆம் ஆத்மி கட்சி பெற்ற வெற்றியை தொடர்ந்து தொண்டர்களை சந்தித்த அரவிந்த் கெஜ்ரிவால், இது டெல்லி மக்களுக்கு கிடைத்த வெற்றி என தெரிவித்தார்.
புதுடெல்லி: தலைநகர் டெல்லியில் நடைபெற்ற சட்டசபைத் தேர்தலில் முதல் மந்திரி அரவிந்த் கெஜ்ரிவாலின் ஆம் ஆத்மி கட்சி மீண்டும் தனிப்பெரும்பான்மையுடன் ஆட்சி அமைக்க உள்ளது. இந்த வெற்றியை ஆம் ஆத்மி கட்சியினர் உற்சாகத்துடன் கொண்டாடி வருகின்றனர இதையடுத்து கட்சி அலுவலகம் சென்ற அரவிந்த் கெஜ்ரிவால் தொண்டர்களிடம் உற்சாகமாக பேசினார். அப்போது அவர் பேசியதாவதுஇந்த தேர்தல் முடிவு மூலம் புது மாதிரியான அரசியல் பிறக்க வழி கிடைத்துள்ளது. இது புதிய அறிகுறி.
அனைவருக்கும், ஒரு தெளிவான செய்தியை டெல்லி அனுப்பியுள்ளது. வளர்ச்சிக்காக டெல்லி மக்கள் ஓட்டளித்துள்ளனர். இந்த வெற்றி டெல்லி மக்களின் வெற்றி. இது டெல்லியின் வெற்றி மட்டுமல்ல, இந்தியாவின் வெற்றியும்கூட. டெல்லி மக்கள் சிறந்த வாய்ப்பை வழங்கி உள்ளனர். மக்களின் நம்பிக்கையை மீண்டும் பெற்று உள்ளோம். கடவுள் அனுமன் நம்மை ஆசிர்வதித்துள்ளார். அடுத்த 5 ஆண்டுகள் சிறப்பானதாக அமைய வேண்டும் என கடவுளை வேண்டிக் கொள்கிறேன் என பெருமிதத்துடன் குறிப்பிட்டுள்ளார்.

ஜாமியா மாணவர்கள் மீது ரசாயனத் தாக்குதல்!

மின்னம்பலம : குடியுரிமை திருத்தச் சட்டத்துக்கு எதிராக ஜாமியா மில்லியா பல்கலைக்கழக மாணவர்கள் தொடர்ச்சியாகப் போராட்டத்தில் ஈடுபட்டு வரும் நிலையில் அவர்கள் மீது டெல்லி போலீஸ் தாக்குதல் நடத்தி வருகிறது.
சிஏஏவுக்கு எதிராகப் போராடிய மாணவர்கள் மீது ஏற்கெனவே பல்கலை வளாகத்தில் புகுந்தே போலீசார் தாக்கியதாகக் குற்றச்சாட்டு எழுந்தது. ஆனால், இதற்கு போலீஸ் தரப்பில் மறுப்புத் தெரிவிக்கப்பட்டது. இந்த நிலையில் மீண்டும் மாணவர்கள் மீது தாக்குதல்களைக் கட்டவிழ்த்துவிட்டுள்ளது டெல்லி போலீஸ்.
நேற்று மாலை நாடாளுமன்றம் நோக்கி பேரணியாகச் சென்ற மாணவர்களை பேரிகார்டுகள் வைத்து போலீசார் தடுத்து நிறுத்தியுள்ளனர். அதனைத் தொடர்ந்தும் நாடாளுமன்றம் நோக்கிச் செல்ல முயன்றபோது போலீசாருக்கும் மாணவர்களுக்கும் இடையே தள்ளுமுள்ளு ஏற்பட்டது. இதையடுத்து மாணவர்கள் மீது போலீசார் கண்மூடித்தனமான தாக்குதல்களை நடத்தியுள்ளனர்.
இதுதொடர்பான புகைப்படம் மற்றும் வீடியோக்கள் வெளியாகி அதிர்ச்சியை ஏற்படுத்தியது. இதில் பத்துக்கும் மேற்பட்ட மாணவிகளுக்குப் பிறப்புறுப்பு, மார்பு பகுதிகளில் தாக்குதல் காயம் ஏற்பட்டுள்ளது என்று ஜாமியா சுகாதார மைய மருத்துவர்கள் கூறுகின்றனர்.

சீன கோடீஸ்வரர் வெளியிட்ட அதிர்ச்சி தகவல் ...கொரோனா வைரஸ் பாதிப்பால் 50 ஆயிரம் பேர் உயிரிழப்பு?

https://www.ccn.com/billionaire-whistleblower-wuhan-coronavirus-death-toll-is-over-50000/
Billionaire Whistleblower: Wuhan Coronavirus Death Toll Is Over 50,000. Exiled Chinese businessman Guo Wengui recently revealed leaks from Wuhan crematoriums. He claims based on the number of bodies their furnaces are burning, the death toll could be as high as 50,000. தினத்தந்தி  : சீனாவில் கொரோனா வைரஸ் பாதிப்பால் 50 ஆயிரத்துக்கும் மேற்பட்ட உடல்கள் எரிக்கப்பட்டிருக்கலாம் என அந்நாட்டைசேர்ந்த பெரும் கோடீஸ்வரரான குவோ வெங்கூய் தெரிவித்துள்ளார்.
பெய்ஜிங், சீனாவில் கொரோனா வைரஸ் அசுர வேகத்தில் பரவி வருகிறது. வைரஸ் பாதிப்பு மற்றும் உயிரிழப்பு நாளுக்கு நாள் அதிகரித்து கொண்டே செல்கிறது. சீனாவின் பிற பகுதிகளை மட்டுமின்றி 28 நாடுகளுக்கும் வேகமாகப் பரவியது. 'கொரோனா வைரசால் தற்போது வரை, 908 பேர் உயிரிழந்துள்ளனர்.  40 ஆயிரத்துக்கும் மேற்பட்டவர்கள் பாதிக்கப்பட்டு தீவிர சிகிச்சை பெற்று வருகின்றனர்  என  உலக சுகாதார அமைப்பு தெரிவித்துள்ளது.
இந்நிலையில், அமெரிக்காவில் வசிக்கும், சீனாவைச் சேர்ந்த பெரும் கோடீஸ்வரரான குவோ வெங்கூய் டுவிட்டரில் வெளியிட்டுள்ள பதிவில், உகான் நகருக்குள் யாரும் நுழைய முடியாத படி கட்டுப்பாடுகளை விதித்துள்ள சீன அரசு கொரோனா பாதிப்பால் உயிரிழந்தவர்களின் உடல்களை யாருக்கும் தெரியாமல் அங்கு எரித்து வருகிறது.

டெல்லி ஆம் ஆத்மி 55 .. பாஜக 15 , காங்கிரஸ் 1 முன்னிலை நிலவரம் நேரடி ஒளிபரப்பு

விஜய்யை தியாகியாக்கினால்தான் தலைவனாக்க முடியும்- மனுஷ்ய புத்திரன்"

uyirmmai.com : விஜய் ஏன் மிரட்டப்படுகிறார் என்ற கேள்விக்கு இருட்டு அறையில் முரட்டுக்குத்துகளாக மனம்போன போக்கில் விவாதங்கள் நடந்துகொண்டிருக்கின்றன. ஏன் இந்த நெருக்கடி கொடுக்கப்படுகிறது என்பதற்கான தர்க்கரீதியான காரணங்கள் எங்கும் வைக்கப்படவில்லை.
நடிகர் விஜய்யை அரசியலுக்கு கொண்டுவர பா.ஜ.க நிர்பதிக்கிறது என நேற்று எழுதியிருந்தேன். அது இன்று உறுதிப்படுத்தப்பட்டிருக்கிறது. விஜய்யின் படப்பிடிப்பு நடக்கும் நெய்வேலி என் எல் சி முன்பாக இன்று பா.ஜ.கவினர் படப்பிடிப்பு நடத்தவிடக்கூடாது என ஆர்பார்ட்டம் செய்திருக்கின்றனர். இந்த ஆர்பாட்டத்ற்கு ஏதேனும் அடிப்படை ஏதேனும் இருக்கிறதா?
தமிழக அமைச்சர்கள் வீடுகளிலேயே வருமானவரி சோதனைகள் நடந்திருக்கின்றன. தலைமை செயலாளர் ராம் மோகன் ராவ் அலுவலகத்தில் நடந்திருக்கிறது. பல நடிகர்கள், தொழில் நிறுவனங்கள் இடங்களில் நடந்திருக்கின்றன. சசிகலா தொடர்புடைய இடங்களில் நடந்திருக்கின்றன. ஆனால் எப்போதாவது ஒரு வருமானவரி சோதனையை முன்னிட்டு பா.ஜ,க ஒருவருக்கு எதிராக ஆர்ப்பாட்டம் நடத்தியிருக்கிறதா? அர்ஜின் சம்பத் போன்றவர்கள் விஜய்யின் சொத்துகளை பறிமுதல் செய்ய வேண்டும் என்ற அளவு செல்கிறார்கள்.

யாழ் பல்கலைக்கழக ராக்கிங் ஆடியோ லீக் .. பாலியல் சித்திரவதை என்கிறார் வரதராஜ பெருமாள்

பல்கலைக்கழகங்களில் ராக்கிங் நடப்பதை ஒரு போதும் ஏற்றுக்கொள்ள முடியாது என வடகிழக்கு மாகாணத்தின் முன்னாள் முதலமைச்சர் வரதராஜ பெருமாள் தெரிவித்துள்ளார். யாழ்ப்பாணத்தில் இன்றைய தினம் இடம்பெற்ற செய்தியாளர் சந்திப்பில் பங்கேற்று உரையாற்றும் போதே அவர் இதனை குறிப்பிட்டார்.

IBC :  யாழ்ப்பாணப் பல்கலைக்கழக கிளிநொச்சி வளாகத்தில், பகிடிவதையில் ஈடுபட்டகுற்றச்சாட்டில், எட்டு மாணவர்களுக்கு, இன்று (10) முதல், பல்கலைக்கழக நிர்வாகத்தால் இடைக்கால தடை விதிக்கப்பட்டுள்ளது.
சம்பந்தப்பட்ட மாணவர்கள் மீதான ஒழுக்காற்று விசாரணைகளை முன்னெடுப்பதற்கு ஏதுவாகவும் விசாரணைகளில் தலையீடுகளைத் தவிர்ப்பதற்காகவும் பல்கலைக்கழக எல்லைக்குள் நுழைவதற்கான (Out of Bounds) இடைக்காலத் தடை விதிக்கப்படுவதாக யாழ்ப்பாண பல்கலைக்கழக நிர்வாகத்தால் தெரிவிக்கப்பட்டுள்ளது.
அத்துடன், விசாரணைகள் முன்னெடுக்கப்பட்டுள்ள நிலையில் பகிடிவதை தொடர்பில் சான்றாதாரங்கள் கிடைக்கப்பெறும் பட்சத்தில் மேலும் சில மாணவர்களுக்கு உள்நுழைவதற்கான தடை விதிக்கப்படும் என்று பல்கலைக்கழக நிர்வாகம் சார்பில் தெரிவிக்கப்பட்டிருந்தது. இதன் அடிப்படையிலேயே குறித்த எட்டுப்பேருக்கும் தடை விதிக்கப்பட்டுள்ளது.
முதல்கட்ட விசாரணைகளின் அடிப்படையிலேயே இந்த உள்நுழைவதற்கான தடை விதிக்கப்படும் நிலையில் சம்பந்தப்பட்ட மாணவர்கள் தொடர்பில் விசாரணைகளின் அடிப்படையில் குற்றச்சாட்டுக்கள் நிரூபிக்கப்பட்டால் கடுமையான தண்டனைக்கு உள்ளாகுவார்கள் என்று தெரிவிக்கப்பட்டுள்ளது.

MyFinanza - Income and Expense Tracker.. தனிநபர் நிதிமேலாண்மை திறம்பட கையாள ஒரு மொபைல் செயலி

Karthikeyan Fastura : என் அப்பா என்பீல்டு நிறுவனத்தில் 16 ஆண்டுகள் வேலை செல்ல வேண்டிய சூழலுக்கு வந்து ஒரு கிரானைட் கம்பெனியில் சூப்பர்வைசராக வேலை பார்த்தார். அடுத்த ஐந்து வருடங்கள் போராட்டமாக சென்றது. 2005க்கு பிறகு நான் வேலைக்கு சென்று ஓரளவிற்கு அவருக்கு உதவினேன்.
பார்த்து வெளியில் வந்தபோது ஒண்ணே கால் லட்ச ரூபாய் அவரது வங்கி கணக்கிற்கு வந்தது. வேலை பார்த்து மாதா மாதம் சம்பளம் வாங்கிய அவரால் ஒரு மிகப் பெரும் தொகை கிடைத்த போது அதை சரியாக முதலீடு செய்ய தெரியவில்லை. ரெம்பவும் சிக்கனமானவர். வரவு செலவு கணக்குகளை எழுதி வைப்பவர். எந்த கெட்ட பழக்கமும் இல்லாதவர். பத்து வருடங்கள் இந்த பணத்தை வைத்து பலசரக்கு கடை, தவணைக்கு கொடுத்தல் என்று பார்த்து எங்களை காப்பாற்றினார். அதன் பிறகு மீண்டும் வேலைக்கு

வரவு செலவு கணக்குகளை குறித்து வைத்துக் கொள்வது நாம் என்ன செலவு செய்கிறோம் நமக்கு என்ன வருவாய் வருகிறது, எதில் அதிகமாக செலவு செய்கிறோம் என்று தெளிவாக தெரிந்து கொண்டு நம்மை சரியாக வழிநடத்த உதவும். அப்படிதான் என் அப்பா எங்களை பாதுகாத்தார். அவருக்கு அந்த பழக்கம் இல்லையென்றால் மிகப் பெரும் நெருக்கடிக்கு உள்ளாகி இருப்போம்.
ஆனால் அது மட்டும் போதாது. அவர் சரியான வழிகளில் அளவில் முதலீடு செய்திருந்தால் இன்னும் பல்கி பெருகி இருக்கும். தனிநபர் நிதிமேலாண்மை என்பது வரவு செலவு அறிவதும் சிக்கனமும் மட்டுமல்ல. சரியான வழிகளில் முதலீடு செய்வதும், காப்பீடு செய்து கொள்வதும் என்று பல நிலைகள் இருக்கிறது. அவ்வப்போது அது மாறிக்கொண்டேவும் இருக்கிறது. அவற்றை அறிந்து கொண்டு நமது நிதி மேலாண்மையை இன்னும் மேம்படுத்திக் கொள்வதும் அவசியம்.

மர்ம உறுப்பை குறிவைத்து தாக்கினர்.. லத்தியால் அடித்தனர்.. போலீஸ் மீது ஜாமியா மாணவிகள் பகீர் ..

tamil.oneindia.com : மர்ம உறுப்பை குறிவைத்து தாக்கினர்.. லத்தியால் அடித்தனர்.. போலீஸ் மீது ஜாமியா மாணவிகள் பகீர் புகார்
டெல்லி: நாடாளுமன்றத்தை நோக்கிய CAA எதிர்ப்பு பேரணியில் இன்று பங்கேற்றபோது ஜாமியா மிலியா பல்கலைக்கழகத்தின் 10க்கும் மேற்பட்ட மாணவர் மற்றும் மாணவிகள் போலீசாரால் தாக்கப்பட்டதாகவும், அதுவும் அந்தரங்க உறுப்புகளை குறி வைத்து தாக்குதல் நடத்தப்பட்டதாகவும் பகீர் குற்றச்சாட்டை முன் வைத்துள்ளனர்.
காயமடைந்தவர்கள், ஜாமியா சுகாதார மையத்தில் அனுமதிக்கப்பட்டுள்ளனர். நிருபர்களிடம் பேசிய சுகாதார மையத்தில் வசிக்கும் மருத்துவர்கள், கூறுகையிில், சில காயங்கள் மிகவும் கடுமையானவை, இதனால் மாணவர்களை அல்-ஷிஃபா மருத்துவமனைக்கு மாற்றப்பட வேண்டியுள்ளது.

10க்கும் மேற்பட்ட பெண் மாணவர்களுக்கு பிறப்புறுப்பில் தாக்குதல் காயம் ஏற்பட்டுள்ளது.
நாங்கள் காயங்களைக் கண்டறிந்துள்ளோம், மேலும் சிலர் காயமடைந்திருக்கிறார்கள். காயங்கள் தீவிரமாக இருப்பதால் நாங்கள் அவர்களை அல் ஷிஃபாவுக்கு மாற்ற வேண்டியிருந்தது. இவ்வாறு மருத்துவர்கள் தெரிவித்தனர்.

பழிவாங்கப்படுகிறாரா வீரபாண்டி ராஜா? -கொந்தளிக்கும் ஆதரவாளர்கள் !

இரா.இளையசெல்வம் - நக்கீரன்: சேலம் கிழக்கு மாவட்ட திமுக பொறுப்பாளராக இருந்த வீரபாண்டி ஆ.ராஜாவை அப்பொறுப்பிலிருந்து தூக்கியது திமுக தலைமை! சமீபத்தில் நடந்த ஊரக உள்ளாட்சி தேர்தலில் மு.க.ஸ்டாலின் எதிர்ப்பார்த்த வெற்றியை வீரபாண்டி ராஜாவால் பெற்றுத்தர முடியவில்லை என்கிற குற்றாச்சாட்டுகளின் அடிப்படையிலேயே அவரது பதவி பறிக்கப்பட்டது என திமுக தரப்பில் சொல்லப்பட்டது. ஆனால், ’’ இது உண்மையான காரணம் இல்லை ‘’  என கொந்தளிக்கிறார்கள் சேலம் மாவட்ட உடன்பிறப்புகள்.
உள்ளாட்சித் தேர்தலின் வெற்றி-தோல்வி குறித்து விவாதிக்க கட்சியின் செயற்குழு கூட்டத்தை சமீபத்தில் கூட்டியிருந்தார் திமுக தலைவர் மு.க.ஸ்டாலின். அப்போது மாவட்ட செயலாளர்கள், பொருப்பாளர்கள் மற்றும் மாவட்ட நிர்வாகிகள் என பலரும் தேர்தல் குறித்துப் பேசினார்கள். குற்றச்சாட்டுகளும் ஆதங்கங்களும் எதிரொலித்தன. அந்த வகையில், தனது மாவட்டம் குறித்து சில பல விளக்கங்களை சுட்டிக்காட்டிப் பேசினார் வீரபாண்டி ஆ.ராஜா. அதுதான் அவரது பதவி பறிப்புக்கு காரணம் என சொல்லப்பட்டு வரும் சூழலில், இது குறித்து செயற்குழுவில் கலந்துகொண்ட சேலம் மாவட்ட உடன்பிறப்புகளிடம் நாம் பேசினோம்.

திமுகவின் நடவடிக்கையில் பாரபட்சம்? எழுப்பும் உடன்பிறப்புகள்!

நக்கீரன் : உள்ளாட்சியில் எதிர்ப்பார்த்த வெற்றியைத் தராத மாவட்ட செயலாளர்கள் மீது சாட்டையை சுழற்றி வருகிறார் திமுக தலைவர் மு.க.ஸ்டாலின். சமீபத்தில் நடந்த செயற்குழு விவாதங்களைத் தொடர்ந்து இந்த நடவடிக்கை எடுக்கப்பட்டு வருகிறது. திமுகவில் தற்போது எடுக்கப்பட்டுள்ள நடவடிக்கை ஆரோக்கியமானதுதான் என்கிற குரல்கள் உழைக்கும் தொண்டர்களிடம் எதிரொலிக்கும் நிலையில், ‘’ விருப்பு வெறுப்புகளுக்கு உட்பட்டே நடவடிக்கை எடுக்கப்படுகிறது ‘’ என்கிற குரலும் அவர்களிடம் வெளிப்படுகிறது.
நம்மிடம் பேசிய தென்மாவட்ட உடன்பிறப்புகள், ‘’ தேர்தல் தோல்விக்கு காரணமானவர்கள் களை எடுக்கப்பட வேண்டும் என்பதில் யாருக்கும் மாற்றுக்கருத்து கிடையாது. ஆனால், ஒரு கண்ணுக்கு மை; மறு கண்ணுக்கு சுண்ணாம்பு என்கிற பாகுபாடுதான் ஜீரணிக்க முடியவில்லை. சேலம், நாமக்கல், வேலூர் மாவட்டங்களில் நடவடிக்கை எடுத்தீர்கள். ஓ.கே.! ஆனால், தென்மாவட்டங்களில் ஏன் நடவடிக்கை எடுக்கவில்லை ? தென் மாவட்டங்களில் கட்சி தலைமை எதிர்பார்த்த 100 சதவீத வெற்றி திமுகவுக்கு கிடைத்து விட்டதா?

சீன அதிபர் ரகசிய இடத்தில பதுங்கல் .. மக்கள் கடும் கோபம் ...

மாலைமலர் : கொரோனா வைரசில் இருந்து தப்பிக்க சீன அதிபர் ஜி ஜின்பிங் பாதுகாப்பான இடத்தில் ரகசியமாக தஞ்சம் புகுந்து இருப்பதாக தகவல்கள் வெளியாகி உள்ளது. சீனாவில் கொரோனா வைரஸ் வேகமாக பரவி வரும் நிலையில் அந்நாட்டு அதிபர் ஜி ஜின்பிங் ரகசிய இடத்தில் தஞ்சம் புகுந்து இருப்பது தெரிய வந்துள்ளது.
3 வாரங்களுக்கு முன்பு அவர் பீஜிங்கில் நடந்த ஒரு கூட்டத்தில் பேசினார்.
அப்போது அவர் கூறுகையில், “ஒவ்வொரு சீனரும் இந்த நாட்டில் வாழ்வதற்காக பெருமைபடும் வகையில் இந்த ஆண்டு முன்னேற்றம் இருக்கும். நமது நாட்டின் வளர்ச்சியை எந்த சக்தியாலும் தடுக்க முடியாது. அதை நீங்கள் ஒவ்வொருவரும் பார்க்க போகிறீர்கள்” என்று பேசினார்.

நன்றி நெய்வேலி’ என செல்பி புகைப்படத்தை டுவிட்டரில் பகிர்ந்த விஜய்

மாலைமலர் : நெய்வேலியில் மாஸ்டர் படப்பிடிப்பின்போது ரசிகர்களுடன் எடுத்துக்கொண்ட செல்பி புகைப்படத்தை நடிகர் விஜய் டுவிட்டர் பக்கத்தில் பதிவிட்டுள்ளார். சென்னை: நடிகர் விஜய், பைனான்சியர் அன்புசெழியன் மற்றும் பிகில் திரைப்படத்தின் தயாரிப்பாளர் ஏ.ஜி.எஸ். கல்பாத்தி எஸ்.அகோரம் ஆகியோரின் வீடு மற்றும் அலுவலகங்கள் உட்பட 38 இடங்களில் வருமான வரித்துறை அதிகாரிகள் கடந்த வாரம் அதிரடி சோதனையில் ஈடுபட்டனர்.
இந்த சோதனையின்போது கணக்கில் காட்டப்படாத ரூ.77 கோடி ரொக்கம் மற்றும் பல்வேறு சொத்து ஆவணங்கள், நகைகள் பறிமுதல் செய்யப்பட்டன.

ஆஸ்கர் 2020 - விருது வென்றவர்கள் முழு விவரம்

மாலைமலர் : அமெரிக்காவின் லாஸ் ஏஞ்சல்ஸ் நகரில் நடைபெற்ற ஆஸ்கர் விழாவில் விருது வென்றவர்கள் குறித்த முழு விவரம் வெளியாகியுள்ளது. ஹாலிவுட் திரையுலகின் கவுரவமிக்க விருதாக கருதப்படுவது, ஆஸ்கர் எனப்படும் அகாடமி விருது. கதை, வசனம், இயக்கம், இசை, நடிப்பு என 24 பிரிவுகளில் இந்த விருது வழங்கப்பட்டு வருகிறது. உலகமே உற்று நோக்கிய 92-வது ஆஸ்கார் விருதுகள் வழங்கும் விழா அமெரிக்காவின் லாஸ் ஏஞ்சல்ஸ் நகரில் நடைபெற்றது. இதில் பல்வேறு பிரிவுகளில் விருதுகளை வென்றவர்கள் விவரம் வெளியாகி உள்ளது.
ஆஸ்கர் விருதை வென்ற படங்கள், கலைஞர்கள் குறித்த முழுவிவரம் வருமாறு:

சிறந்த படம் -  பாராசைட்

சிறந்த இயக்குநர் -  போங் ஜூன் ஹோ (பாராசைட்)

சிறந்த நடிகர் -  வ்வாக்வ்யீன் ஃபீனிக்ஸ்  (ஜோக்கர்)

சிறந்த நடிகை -  ரெனீ ஜெல்வேகர் (ரூடி)

சிறந்த ஆவணப்படம் -  அமெரிக்கன் பேக்டரி

சிறந்த வெளிநாட்டு படம் -  பாராசைட் (கொரியன்)

தயாநிதி மாறன் : ரஜினிக்கு சலுகை விஜய் மீது ரெயிட் : ... மக்களவையில் அதிரடி குற்றச்சாட்டு

மின்னம்பலம் : ரஜினி மற்றும் விஜய் ஆகியோரிடம் வருமான வரித் துறை நடந்துகொண்ட விதம் தொடர்பாக மக்களவையில் தயாநிதி மாறன் கேள்வி எழுப்பியுள்ளார்.
வருமான வரித் துறைக்கு தவறான தகவல் அளித்ததாக நடிகர் ரஜினிகாந்துக்கு 2005ஆம் ஆண்டு 66 லட்சம் ரூபாய் அபராதம் விதிக்கப்பட்டது. இதுதொடர்பாக ரஜினிக்கு எதிராக வருமான வரித் துறை தொடர்ந்த வழக்கு வாபஸ் பெறப்பட்டது. அதே நேரத்தில் நெய்வேலியில் படப்பிடிப்பில் இருந்த நடிகர் விஜய்யை நேரில் சென்று கையோடு சென்னை அழைத்துவந்த வருமான வரித் துறையினர், அவரது இல்லத்தில் இரண்டு நாட்கள் வரை சோதனை நடத்தினர்.
விஜய்-ரஜினி விவகாரத்தில் வருமான வரித் துறை நடந்துகொண்ட விதம் தொடர்பாக பல அரசியல் கட்சித் தலைவர்களும் விமர்சனங்களை முன்வைத்தனர். இந்த நிலையில் இந்த விவகாரம் குறித்து நாடாளுமன்றத்தில் குரல் எழுப்பியுள்ளது திமுக.
மக்களவையில் இன்று (பிப்ரவரி 10) பேசிய மத்திய சென்னை மக்களவை உறுப்பினர் தயாநிதி மாறன்,

ஜப்பான் கப்பலில் 135 பேருக்கு கொரோனா வைரஸ் தொற்று.. டைமண்ட் பிரின்சஸ் (Diamond Princess)

Samayam Tamil : 24 மணிநேரத்தில் 65 பேருக்கு வைரஸ் தொற்று பரவியுள்ளது.
இவர்களில் 45 பேர் ஜப்பானைச் சேர்ந்தவர்கள். அமெரிக்கர்கள் 11 பேர். <

யோகோஹமா துறைமுகத்தில் உள்ள கொரோனா வைரஸ் பாதிப்புக்குள்ளான பயணிகளைக் கொண்ட கப்பலில் வைரஸ் தொற்று மேலும் 65 பேருக்குப் பரவியுள்ளது. டைமண்ட் பிரின்சஸ் (Diamond Princess) என்ற சொகுசு கப்பல் கடந்த மாதம் 20ஆம் தேதி ஜப்பானிலிருந்து புறப்பட்டு ஹாங்காங்குக்கு 25ஆம் தேதி சென்றது. பின், ஹாங்காங்கிலிருந்து பிப்ரவரி 3ஆம் தேதி ஜப்பான் திருப்பியது. இதில் பயணம் செய்த ஹாங்காங்கை சேர்ந்த 80 வயது முதியவருக்கு கொரோனா வைரஸ் இருப்பது உறுதி செய்யப்பட்டது. இதனால், ஜப்பான் வந்த கப்பல் யோகோஹமா துறைமுகத்தில் நிறுத்தப்பட்டது. கப்பலில் உள்ள ஆயிரக்கணக்கான பயணிகளுக்கு தினமும் மருத்துவப் பரிசோதனை செய்யப்படுகிறது. இதுவரை 135 பேருக்கு கொரோனா வைரஸ் தொற்று உறுதி செய்யப்பட்டிருக்கிறது.
கடந்த 24 மணிநேரத்தில் 65 பேருக்கு வைரஸ் தொற்று பரவியுள்ளது. இவர்களில் 45 பேர் ஜப்பானைச் சேர்ந்தவர்கள். அமெரிக்கர்கள் 11 பேர். பேருக்கு தொற்று கண்டுபிடிக்கப்பட்டது. தவிர அமெரிக்கா, ஆஸ்திரேலியா, இங்கிலாந்து, கனடா நாட்டை சேர்ந்தவர்களும் வைரஸ் தொற்றால் பாதிக்கப்பட்டுள்ளனர்.

BBC ஆஸ்கர் சிறந்த துணை நடிகர் விருது பெற்றார் பிராட் பிட்

கடந்த 2019ம் ஆண்டு உலகம் முழுவதும் வெளியான ஆயிரக்கணக்கான திரைப்படங்களில் குறிப்பிடத்தக்க வகையில் மக்களிடையே வரவேற்பையும், சமூகத்தில் தாக்கத்தையும் ஏற்படுத்திய திரைப்படங்கள், ஆவணப்படங்கள் ஆகியவற்றிற்கு பல்வேறு பிரிவுகளின் கீழ், வல்லுநர் குழுவின் தீவிர ஆலோசனைக்கு பிறகு, ஆஸ்கர் விருதுகள் அறிவிக்கப்பட்டு வருகின்றன.
அந்த வகையில், இந்த ஆண்டுக்கான முதல் ஆஸ்கர் விருதினை பிரபல ஹாலிவுட் நடிகர் பிராட் பிட் தட்டிச் சென்றார். "ஒன்ஸ் அப்பான் ஏ டைம் இன் ஹாலிவுட்" எனும் திரைப்படத்தில் சிறந்த நடிப்பை வெளிப்படுத்திய பிராட் பிட்டுக்கு 'சிறந்த துணை நடிகர்' எனும் பிரிவில் ஆஸ்கர் விருது அறிவிக்கப்பட்டுள்ளது.
30 ஆண்டுகளுக்கு மேலாக ஹாலிவுட் திரைத்துறையில் குறிப்பிடத்தக்க நடிகராக விளங்கி வரும் பிராட் பிட் தனது நடிப்பு திறமைக்காக பெறும் முதல் ஆஸ்கர் விருது இதுதான்.
அதே போன்று, சிறந்த துணை நடிகைக்கான விருதை 'மேரேஜ் ஸ்டோரி' எனும் படத்தில் நடித்த லாரா டெர்ன் பெற்றார்.
சிறந்த ஆடை வடிவமைப்பாளருக்கான ஆஸ்கர் விருதை 'லிட்டில் வுமன்' திரைப்படத்தில் பணியாற்றியதற்காக ஜாக்குலின் டர்ரன் பெற்றார்