சபரிமலை நாளை பெண்களும் அனுமதி .. தடுப்பவர்கள் மீது கடும் நடவடிக்கை .. முதல்வர் பினராயி விஜயன் அறிவிப்பு

tamiloneinida -Veerakumar திருவனந்தபுரம்: சபரிமலை சுவாமி ஐயப்பன் கோவிலில் அனைத்து வயது பெண்களையும் அனுமதிக்கலாம் என்று, உச்சநீதிமன்றம் தீர்ப்பளித்த பிறகு, நாளை சபரிமலை ஐயப்பன் கோயில் நடை தரிசனத்திற்காக முதல் முதலில் திறக்கப்பட்டுள்ளது. இதையடுத்து அங்கு உச்சகட்ட பாதுகாப்பு வழங்கப்பட்டுள்ளது. பெண்கள் யாரேனும் சபரிமலைக்கு வருகிறார்களா என்பதை கேரளாவிலுள்ள பெண்களே கண்காணித்து வருகிறார்கள். பஸ்களில் பெண்களே அதிரடியாக சோதனையிட்டு, சபரிமலை நோக்கி வரும் பெண்களை ஆங்காங்கு இறக்கிவிட்டு, தங்கள் எதிர்ப்பை காட்டி வருகிறார்கள்.

கேரள கம்யூனிஸ்ட் அரசின் நிலைப்பாட்டை எதிர்த்து, பாஜக சார்பில் பந்தளத்தில் இருந்து திருவனந்தபுரத்திற்கு 90 கி.மீ. தொலைவுக்கு நேற்று பெண்கள் பேரணி நடத்தப்பட்டது.
இந்த பேரணிக்கு பிரமாண்ட ஆதரவு கிடைத்தது. ஒரு லட்சத்திற்கும் அதிக ஆண், பெண்கள் இதில் பங்கேற்றனர்.

சுவிசில் நடந்ததென்ன அதிக பணம் கேட்டு சின்மயியும் தாயும் செய்த கலாட்டா சொல்லி மாளாது ... விடியோ

மின்னம்பலம்: வைரமுத்து மீது சின்மயி வைத்திருக்கும் பாலியல் குற்றச்சாட்டுகள் குறித்து விளக்கம் அளித்துள்ளார் இசையமைப்பாளர் இனியவன்.
சின்மயி குற்றம் சாட்டிய சுவிட்சர்லாந்து நிகழ்ச்சியில் இசையமைப்பாளர் இனியவனின் பாடல்கள் வெளியிடப்பட்டன. இந்நிலையில் சின்மயி விவகாரம் தொடர்பாக சுவிட்சர்லாந்தில் நடைபெற்றது குறித்து அவர் விளக்கம் அளித்துள்ளார். நியூஸ் செவன் தொலைக்காட்சிக்கு அவர் அளித்த பேட்டியில், “சுனாமிக்காக வைரமுத்து எட்டு பாடல்கள் எழுதியிருந்தார். அந்த பாடலின் இசை வெளியீட்டு விழாவை சுவிட்சர்லாந்தில் நடத்த சுரேஷ் ஏற்பாடு செய்திருந்தார். அந்த எட்டு பாடல்களில் ஒரு பாடலை சின்மயி பாடியிருந்தார். 2005ஆம் ஆண்டு மே 9, 10 தேதிகளில் அங்கு நிகழ்ச்சி நடைபெற்றது. மாணிக்க விநாயகம், உன்னி மேனன், சின்மயி மூவரும் கலந்து கொண்டனர். சின்மயிக்கு அந்த நேரத்தில் மாணிக்க விநாயகத்தைவிட குறைவான பணம் கொடுக்கப்பட்டது. அந்த விஷயத்தை சின்மயிடம் மாணிக்க விநாயகம் சொல்லிவிட்டார். இதைத் தெரிந்ததும் அவரும் அவரது அம்மாவும் சேர்ந்து செய்த கலாட்டாவை சொல்ல முடியாது.
அதிலும் சின்மயியின் அம்மா பெரும் பிரச்சினையையே உண்டாக்கிவிட்டார்” என்று இனியவன் கூறினார்.
மேலும் சின்மயி கூறுவது போன்று எந்த சம்பவமும் நடைபெறவில்லை என்றும் அவர் கூறியுள்ளார். “அந்த நிகழ்ச்சி குறித்து வைரமுத்து மீது குற்றம் சுமத்துகிறார்கள். ஆனால், இவர்கள் ‘யாரோ ஒரு நபர் அழைத்தார்’ என்றுதான் சொல்கிறார்கள்.

தூத்துக்குடி துப்பாக்கிச் சூடு: கோமா நிலையிலிருந்த வாலிபர் உயிரழப்பு

மின்னம்பலம்:  தூத்துக்குடி துப்பாக்கிச் சூட்டில் காயமடைந்து கோமா நிலையில் இருந்துவந்த ஜஸ்டின் என்ற இளைஞர், சிகிச்சை பலனின்றி இன்று உயிரிழந்தார்.
ஸ்டெர்லைட் ஆலையை நிரந்தரமாக மூடக் கோரி, தூத்துக்குடி மாவட்டத்தைச் சுற்றியுள்ள மக்கள் போராட்டத்தில் ஈடுபட்டனர். 100ஆவது நாள் நடந்த போராட்டத்தில் போலீசாருக்கும், மக்களுக்குமிடையே கலவரம் வெடித்தது. இதில் போலீசார் நடத்திய துப்பாக்கிச் சூட்டில் 13 பேர் பலியாகினர்; காயமடைந்த பலர் மருத்துவமனையில் சேர்க்கப்பட்டனர்.
இந்த போராட்டத்தில் படுகாயமடைந்த ஜஸ்டின் என்ற இளைஞர், கோமா நிலைக்குச் சென்றார். பாளையங்கோட்டையிலுள்ள ஹைகிரவுண்ட் மருத்துவமனையில், இவருக்குத் தொடர்ந்து சிகிச்சைகள் அளிக்கப்பட்டு வந்தது. இந்நிலையில், சிகிச்சை பலனின்றி அவர் இன்று (அக்டோபர் 16) உயிரிழந்தார். இதனால், தூத்துக்குடி போராட்டத்தில் உயிரிழந்தவர்களின் எண்ணிக்கை 14ஆக அதிகரித்துள்ளது.
தூத்துக்குடி மாவட்டம் ஓட்டப்பிடாரம் தாலுகாவுக்கு உட்பட்ட கீழமுடிமண் என்ற கிராமத்தைச் சேர்ந்தவர் ஜஸ்டின். ஷிப்பிங் நிறுவனமொன்றில் ஓட்டுநராகப் பணியாற்றி வந்தார்.

இலங்கை அரசு இந்திய மீனவர்களுக்கு தலா 60 லட்சம் தண்டம் .. ஸ்டாலின் கடும் கண்டனம்

தினகரன்: சென்னை: இலங்கை படையினரின் தாக்குதலில் சிக்கி தவிக்கும் தூத்துக்குடி மீனவர்கள் தாயகம் திரும்ப நடவடிக்கை எடுக்க வேண்டும் என திமுக தலைவர் மு.க.ஸ்டாலின் வலியுறுத்தியுள்ளார். மேலும் இந்திய மீனவர்கள் மீது அபராதம் விதிக்கும் புதிய சட்டத்தை ரத்து செய்ய கோரியுள்ளார். வழக்கம் போலவே மீனவர்கள் நலனில் அக்கறை காட்டாத அரசாக மத்திய, மாநில அரசுகள் உள்ளதாக அவர் குற்றம் சாட்டியுள்ளார். இது தொடர்பாக அவர் வெளியிட்டுள்ள அறிக்கையில் கூறியதாவது: தூத்துக்குடி மீனவர்கள் 8 பேரை இலங்கை கடற்படை கைது செய்து, அவர்களது படகுகளைப் பறிமுதல் செய்திருக்கும் வழக்கில் மீனவர்களுக்கு தலா 60 லட்சம் ரூபாய் அபராதமும், மூன்று மாதம் சிறைத் தண்டனையும் விதித்து இலங்கை கல்பிட்டி நீதிமன்றம் தீர்ப்பளித்திருப்பது அதிர்ச்சியளிக்கிறது.

விக்கிப்பீடியாவில் அவாள் கைவரிசை.. வைரமுத்து பெயரை அவதூறாக மாற்றிய விக்கிப்பீடியா..!

nakkheeran.in/author/santhosh:

கவிஞர் வைரமுத்து தன்னை பாலியல் ரீதியாக துன்புறுத்தியதாக பாடகி சின்மயி சமீபத்தில் குற்றம் சாட்டினார். பின்னர் வைரமுத்து இதற்கு மறுப்பு தெரிவித்து வீடியோ வெளியிட்டார். பின்னர் இந்த வீடியோவிற்கு வைரமுத்து ஒரு 'பொய்யர்' என பதிவிட்டு தன் எதிர்ப்பை மீண்டும் காட்டினார் சின்மயி. இதையடுத்து தமிழ் சினிமாவிலும், பொதுவெளியிலும் பரபரப்பை ஏற்படுத்தி வரும் இந்த குற்றசாட்டுகளுக்கு ஆதரவாகவும் எதிர்ப்பாகவும் பல குரல்கள் எழுந்துவரும் நிலையில் தற்போது கவிஞர் வைரமுத்துவின் விக்கிப்பீடியா பக்கத்தில் அவரின் நேட்டிவ் நேம் என்ற இடத்தில் 'செக்ஸ் டார்ச்சர் வைரமுத்து' என பதிவிட்டுள்ளனர். இது தற்போது மக்களிடையே மிகுந்த அதிர்ச்சியும், பரபரப்பையும் ஏற்படுத்தியுள்ளது. மேலும் இதை யார் செய்திருப்பார்கள் என மக்கள் குழம்பியுள்ளனர்.

பகத்சிங் பிறந்தநாள் விழா கொண்டாடியதால் கோவை அரசு கல்லூரி மாணவி சஸ்பெண்ட்

tamil.thehindu.com : பகத்சிங் பிறந்தநாள் விழா கொண்டாடியதால் கோவை அரசு கலைக்கல்லூரி மாணவி சஸ்பெண்ட் செய்யப்பட்ட சம்பவம் பல்வேறு தரப்பினரிடையே எதிர்ப்பை ஏற்படுத்தியுள்ளது.
கோவை அரசு கலைக் கல்லூரியில் முதலாமாண்டு பயிலும் மாணவி மாலதி. கடந்த மாதம் 28-ம் தேதி கல்லூரி மைதானத்தில் மாணவ-மாணவிகளுடன் இணைந்து பகக்சிங் பிறந்தநாள் கொண்டாடியுள்ளார். இந்த கொண்டாட்டத்தின்போது பகத்சிங் தொடர்பான உரையாடல்களும் நடந்துள்ளது.

இந்தநிலையில் ஒருங்கிணைப்பாளர் என்ற முறையில் முதலாமாண்டு பயிலும் மாணவி மாலதி மட்டும் கல்லூரி நிர்வாகத்தால் சஸ்பெண்ட் செய்யப்பட்டுள்ளார். இதுகுறித்து கோவை அரசு கலைக் கல்லூரியில் ஒழுங்கு நடவடிக்கை கடிதத்தில் குறிப்பிடப்பட்டுள்ளதாவது:-
கோவை அரசு கலைக் கல்லூரியில் முதலாமாண்டு எம்.ஏ வரலாறு பயின்று வரும் மாணவி மாலதி கடந்த 28-ம் தேதி வகுப்புகளில் உள்ள மாணவ-மாணவிகளை அழைத்து கல்லூரி வளாகத்தில் தனியாக கூட்டம் நடத்தியுள்ளார்.

சபரிமலைக்கு 1991 வரை பெண்களும் அனுமதிக்கப்பட்டனர் .. விஜயகாந்த் பட ஷூட்டிங் .. நடிகைகள் பாடும் காட்சியும் சூட் செய்யப்பட்டது

Till 1991 women had been allowed in Sabarimal regardless of age-restriction. Even film shooting was permitted and the temple authority had charged Rs7,500 to shoot this film - Nambinal Keduvathillai (Tamil, 1986)
தேவி சோமசுந்தரம்: 1991 வரை வயது வித்தியாசம் இல்லாமல் அனைத்து பெண்களும் சபரிமலை கோவிலுக்கு அனுமதிக்கப்பட்டனர் 1986இல் நம்பினார் கெடுவதில்லை என்ற பெண்களும் கலந்து கொண்ட;தமிழ் திரைப்பட படப்பிடிப்பு நடந்தது . இந்தப் படத்திலிருந்து சில காட்சிகள் அந்த படப்பிடிப்பிற்குகட்டணமாக 7,500 ரூபாய் சபரிமலை தேவஸ்தானம் வசூலித்துள்ளது. இந்துத்துவா அமைப்பினர் சொல்லும் சபரிமலை பாரம்பரியத்தின் ஆண்டுகள் 27 ஆண்டுகள் மட்டுமே.

அன்னா ஹசாரே கும்பலை ஆதரிக்காதவன் எல்லாம் எல்லாம் ஊழல் குற்றவாளி

Valan Antony :எல்லாவற்றுக்கு பின்னாலும் அரசியல். அன்னா ஹசாரே கும்பலை ஆதரிக்காதவன் எல்லாம் எல்லாம் ஊழல் குற்றவாளி ரேஞ்சுக்கு ஒரு பில்டப் இருந்த காலம். நான் ஒரு அன்னா ஹாசாரே எனபது போன்ற வாசகம் அடங்கிய குல்லாக்களை அணிந்த வெகுளிகளின் காலம் அது. ஐடி கம்பனிகளில் மாலை பணி முடிந்ததும் கூட்டம் கூட்டமாக அன்னாஹசாரேவுக்கு ஆதரவாக ஐடி பணியாளர்களின் பேரணிகள்.
நம்ம நாட்டுல உள்ள வேறெந்த முக்கிய பிரச்சினைகளுக்கும் இது போன்ற ஐடி ஊழியர் பேரணிகளை பெங்களுரில் நான் அதற்கு முன்னும் பின்னும் பார்த்ததில்லை.
பணத்தாள் நீக்கம் விலைவாசி உயர்வு பல ஐடி பெண்களின் தற்கொலை என நடப்பு பிரச்சினைகள் எதற்கும் எப்போதும் கூடாத மக்கள் அன்னா ஹசாரே என்ற மாங்கா மடையனை நம்பி கோசம் போட்டார்கள்.
ஊழலுக்கு எதிரான கோசமாகவே இருந்தாலும் அந்த மடையனுக்கு பின்னால் ஒரு முக்கிய அரசியல் அஜென்டா இருந்தது என்பதை எவனாவது அன்று உணர்ந்தானா.
சில இணைய பத்திரிக்கைகள் அன்னா ஹசாரேவை கிழித்து தொங்க விட்டன. அந்த கும்பலில் இருந்த கிரன்பேடியின் அயோக்கியத் தனங்களை எழுதின. அன்னாஹசாரேவின் சாதிய பாகுப்பாட்டு அரசியலை எழுதின. இதற்கு பின்னால் பிஜேபி இருந்தது என்பதை சிலர் சொன்னார்கள்.
பலர் காலம் கடந்து உணர்ந்தார்கள். விலையாக என்ன கொடுத்தோம். ஊழல் என்று முத்திரை குத்தி காங்கிரசை ஆட்சியில் இருந்து தூக்க சிறு வழியை நாமே திறந்து விட்டோம். சரி..

லீலா மணிமேகலை : வழக்கு போட்டால் சுசி கணேசனுக்குத்தான் ஆபத்து! me too..

விகடன் -கே.ஜெரோம் கலிலுல்லா.ச : கணேசன் மேல் நான் வழக்குப் போடுவதற்குத் தயாராக இல்லை. அவர் என் மீது வழக்கு தொடர்ந்தால், அவருக்குத்தான் ஆபத்து” என எழுத்தாளரும் இயக்குநருமான லீனா மணிமேகலை தெரிவித்துள்ளார்.
சென்னை பத்திரிகையாளர் மன்றத்தில் செய்தியாளர்களைச் சந்தித்த லீனா மணிமேகலை, ``மீடூ மூலம் சமீபத்தில் சினிமா பிரபலங்கள் தனக்கு நடந்த பாலியல் ரீதியான துன்புறுத்தலை வெளிப்படுத்தி வருகிறார்கள்...
 பாலியல் துன்புறுத்தலை வெளிப்படுத்தும் சூழல், தற்போது மீடூ மூலம் ஏற்பட்டுள்ளது. இதுநாள் வரை பாலியல் துன்புறுத்தலை வெளியே சொல்லாமல் இருப்பதற்குக் காரணம், அச்சம்தான். தற்போது இந்தச் சூழல் மாறியுள்ளது.
தான் அவமானப்பட்டதை வெளிப்படையாகச் சொல்வதற்குக் காரணம், இனி வரும் காலங்களில் வேறு எந்தப் பெண்ணுக்கும் இந்த நிலை வரக்கூடாது என்பதே. அதிகாரத்தின் மூலம் பாதிக்கப்பட்ட பெண்களைக் கட்டுக்குள் கொண்டுவர முடியும் என்று சில அதிகாரம் படைத்தவர்கள்

அரசு வேலைவாய்ப்பில் விளையாட்டு வீரர்களுக்கு இடஒதுக்கீடு 3 சதவீதமாக உயர்வு- முதல்வர் அறிவிப்பு

மாலைமலர் :அரசு வேலைவாய்ப்பில் விளையாட்டு வீரர்களுக்கு இடஒதுக்கீட்டை 3 சதவீதமாக உயர்த்தி தமிழக முதல்வர் எடப்பாடி பழனிசாமி அறிவித்துள்ளார். சென்னை: தேசிய மற்றும் சர்வதேச விளையாட்டு போட்டிகளில் சாதித்த வீரர்-வீராங்கனைகளுக்கு தமிழக அரசு மற்றும் பொதுத்துறை நிறுவனங்களின் வேலைவாய்ப்பில் 2 சதவீத இடஒதுக்கீடு வழங்கப்படும் என்று சுதந்திர தின விழாவின் போது தமிழக முதல்-அமைச்சர் அறிவித்தார்.v> இதையடுத்து தமிழக அரசுக்கு, தமிழ்நாட்டில் உள்ள அனைத்து விளையாட்டு சங்கங்கள் சார்பில் இன்று பாராட்டு விழா நடத்தப்பட்டது. சென்னை நேரு உள்விளையாட்டு அரங்கில் நடைபெற்ற இவ்விழாவில் முதல்-அமைச்சர் எடப்பாடி பழனிச்சாமி கலந்துகொண்டு பேசும்போது, விளையாட்டு வீரர்களுக்கு அரசு வேலை வாய்ப்புகளில் வழங்கப்படும் இடஒதுக்கீடானது 3 சதவீதமாக உயர்த்தப்படும் என அறிவித்தார்.

காதல் ஜோடி மீது நாம் தமிழர் கொலை வெறியாட்டம் .. கடுமையான நிலையில் மருத்துவ மனையில்

பாலிமார் நியூஸ் : நாகர்கோவில் அருகே காதலித்து திருமணம் செய்து
கொண்ட ஜோடியின் காரை மறித்து நாம் தமிழர் கட்சியினர் கொலை வெறி தாக்குதலில் ஈடுபட்ட சம்பவம் அதிர்ச்சியை ஏற்படுத்தி உள்ளது. காதல் ஆசையால் கை,கால்களில் வெட்டுப்பட்டு தவிக்கும் இளைஞரின் பரிதாப நிலை குறித்து விவரிக்கிறது
கன்னியாகுமரி மாவட்டம் உசரவிளை பெருமாள்புரத்தை சேர்ந்தவர் ஸ்டாரின். இவர் அதே பகுதியை சேர்ந்த நாம் தமிழர் கட்சி ஒன்றிய செயலாளர் ஜெயபால் என்பவரது மகள் டிக்சோனாவிடம் காதல் ஆசையை வெளிப்படுத்தி உள்ளார்.
பள்ளிப்படிப்பை கூட தாண்டாமல் பெயிண்டராக வேலைப்பார்த்து வரும் 25 வயதான இளைஞர் ஸ்டாரின் மீது மென்பொறியாளரான டிக்சோனாவுக்கு காதல் மலர்ந்துள்ளது. இருவரும் கடந்த ஐந்து வருடங்களாக காதலித்து வந்ததாக கூறப்படுகின்றது.
இவர்களது காதல் டிக்சோனாவின் வீட்டுக்கு தெரிய வர அவரது பெற்றோர் டிக்சோனாவிற்கு வேறு இடத்தில் திருமணம் செய்து வைக்க திட்டமிட்டு மாப்பிள்ளை பார்த்துள்ளனர்.

தேவேந்திரகுல மக்கள் நலன்களை விற்றுவிட்ட கிருஷ்ணசாமி – தேவேந்திரர் சமூக பாதுகாப்பு கூட்டமைப்பு பரபரப்பு குற்றச்சாட்டு

தீக்கதிர் :புதிய தமிழகம் கட்சியின் தலைவர் டாக்டர் கிருஷ்ணசாமி பாஜக
மற்றும் ஆர்எஸ்எஸ் கும்பலுடன் இணைந்து தனது சுய ஆதாயத்திற்காக தேவேந்திரகுல மக்கள் நலன்களை காவு கொடுக்கும் வேலையில் ஈடுபட்டு வருகிறார். அவரின் இந்தநடவடிக்கையை முறியடித்து தேவேந்திர குல மக்களை பாதுகாப்போம் என்று தேவேந்திர சமுக பாதுகாப்பு கூட்டமைப்பு அறிவித்திருக்கிறது.
இதுகுறித்து சென்னையில் பத்திரிகையாளர்களை சந்தித்த இந்தகூட்டமைப்பின் ஒருங்கிணைப்பாளர்கள் பூ.சந்திரபோஸ், முன்னாள் சட்டமன்ற உறுப்பினர் க.முருகவேல்ராஜன், மு.ஊர்காவலன், டாக்டர் இளங்கோ, எம்.சி.கார்த்திக் ஆகியோர் கூறியதாவது:
புதிய தமிழகம் கட்சி தலைவர் டாக்டர் கிருஷ்ணசாமி தேவேந்திர குல மக்களின் ஏகோபித்த பிரதிநிதி அல்ல. பாஜக, ஆர்எஸ்எஸ் இயக்கங்கள் தமிழ்நாட்டில் தனங்களுக்கென ஒரு வாக்கு வங்கியை உருவாக்குவதற்கும், ஒடுக்கப்பட்ட சமூகங்களுக்கு இடையே மோதலை உருவாக்கி ஒடுக்கப்பட்டோர் ஒற்றுமையை சிதைப்பதற்கு திட்டம் வகுத்து அதை நடைமுறை படுத்துவதற்கு புதிய தமிழகம் கட்சி தலைவர் டாக்டர் கிருஷ்ணசாமி ஒரு கருவியாக பயன்படுத்துகிறது.

படத்தொகுப்பாளர்களுக்கு உதவும் இளையராஜா

மின்னம்பலம்:  நிதி சிக்கலில் இருக்கும் தென்னிந்திய படத் தொகுப்பாளர் (எடிட்டர்) சங்கத்துக்கு இளையராஜா உதவுகிறார்.
1000 படங்களுக்கு மேல் இசையமைத்துவிட்ட இளையராஜா எண்ணில் அடங்கா பாடல்களை தந்தவர். 75 வயதைக் கடந்துவிட்டவர். தற்போதும் படங்களுக்கு இசையமைத்து வரும் இளையராஜா, பல்வேறு நாடுகளில் இசை நிகழ்ச்சிகளும் நடத்தி வருகிறார்.
இந்த நிலையில், நிதி சிக்கலில் இருக்கும் தென்னிந்திய படத் தொகுப்பாளர் (எடிட்டர்) சங்கத்துக்கு இளையராஜா உதவுகிறார். இதுகுறித்து அந்தச் சங்கம் விடுத்துள்ள அறிக்கையில், “கடந்த 1991ஆம் ஆண்டு தென்னிந்திய படத் தொகுப்பாளர்கள் சங்க நிர்வாகிகள் படத் தொகுப்பாளர்கள் சங்கத்துக்குச் சொந்தமாக இடம் வேண்டும் என்று சங்க நிர்வாகிகள் இளையராஜாவை அணுகியபோது, ஓர் இசை நிகழ்ச்சி நடத்தி சங்கத்திற்கு இடம் வாங்கிக் கொடுத்தார் இளையராஜா. அதை இன்று வரை நாங்கள் மறக்கவில்லை.

சபரிமலை விரதம்: பெண்ணுக்கு மிரட்டல்!

மின்னம்பலம்: சபரிமலையில் ஐயப்பனை வணங்க 41 நாட்கள் விரதமிருந்து வருவதாகத் தனது ஃபேஸ்புக் பக்கத்தில் பதிவிட்ட பெண், தன்னை மிரட்டும் விதமாகப் பலரும் கருத்துகளை வெளிப்படுத்தி வருவதாகக் கூறியுள்ளார்.
கேரள மாநிலம் கண்ணூரைச் சேர்ந்தவர் ரேஷ்மா நிஷாந்த். 32 வயதான இவர், கல்லூரியொன்றில் ஆசிரியராகப் பணியாற்றி வருகிறார். இவர், தனது கணவர் மற்றும் மகளுடன் வசித்து வருகிறார். கடந்த ஞாயிற்றுக்கிழமையன்று (அக்டோபர் 14) இவர் தனது ஃபேஸ்புக் பக்கத்தில் ஒரு தகவலையும் தனது புகைப்படத்தையும் பதிவிட்டார். சபரிமலைக்கு அனைத்து வயதுப் பெண்களும் செல்ல அனுமதியளித்த உச்ச நீதிமன்றம் தீர்ப்பு வழங்கியதையடுத்து, தான் 41 நாட்கள் விரதத்தைத் தொடங்கியதாகத் தெரிவித்தார்.

கலைஞர் சிலைதிறப்பு அறிவிப்பு ..... டி.கே.எஸ். இளங்கோவன் நீக்கம்?

மின்னம்பலம் : மறைந்த திமுக தலைவர் கலைஞரின் சிலை தொடர்பாக பேட்டியளித்த அக்கட்சியின் செய்தித் தொடர்புத் துறை செயலாளர் டி.கே.எஸ். இளங்கோவன் அந்தப் பொறுப்பில் இருந்து நேற்று இரவு (அக்டோபர் 15) அதிரடியாக நீக்கப்பட்டிருக்கிறார்.
அறிவாலயத்தில் மறைந்த திமுக தலைவர் கலைஞரின் சிலை அமைக்கும் பணிகள் வேகவேகமாக நடைபெற்று வருகின்றன. சென்னையை அடுத்த மீஞ்சூரில் சிற்பி தீனதயாளன் தலைமையிலான குழுவினர் கலைஞரின் சிலையை உருவாக்கி முடித்துள்ளனர். இந்த நிலையில் கலைஞரின் சிலையை வரும் நவம்பர் 15ஆம் தேதிவாக்கில் சோனியா காந்தி திறந்து வைப்பார் என்று நேற்று பகலில் வாட்ஸ் அப் செய்திகள் பரவின.

சபரிமலை பெண்கள் அனுமதிக்கு வவுனியாவில் எதிர்ப்பு பேரணி.

tamilthehindu :சபரிமலையில் ஐப்பசி மாத பூஜைக்காக நாளை மறுதினம் நடை திறக்கப்படும் நிலையில், கேரளா, தமிழகத்தை தொடர்ந்து இலங்கையிலும் சபரிமலையில் பெண்களை அனுமதிக்க எதிர்ப்பு தெரிவித்து போராட்டங்கள் வலுப்பெறத் தொடங்கி உள்ளன.
சபரிமலை ஐயப்பன் கோயிலுக்கு 10 வயது முதல் 50 வயதுடைய பெண்கள் செல்ல நூற்றாண்டுகளாகத் தடை இருக்கிறது. இந்தத் தடையை எதிர்த்துத் தொடரப்பட்ட வழக்கில் தீர்ப்பளித்த உச்ச நீதிமன்றம், சபரிமலை ஐயப்பன் கோயிலுக்கு அனைத்து வயது பெண்களும் சென்று சுவாமி தரிசனம் செய்யலாம் எனத் தீர்ப்பளித்தது.

BBC :தி.மு.க. செய்தித் தொடர்பாளர் டி.கே.எஸ். இளங்கோவன் விடுவிப்பு ஏன்?.. பிற் சேர்க்கை..

தி.மு.கவின் செய்தித் தொடர்பு செயலாளராக இருந்த டி.கே.எஸ்.
இளங்கோவன் அதிலிருந்து விடுவிக்கப்பட்டிருக்கிறார். இதற்கான அறிவிப்பை அக்கட்சியின் பொதுச் செயலாளர் க. அன்பழகன் வெளியிட்டிருக்கிறார். தி.மு.கவின் செய்தித் தொடர்பாளராக நீண்ட காலமாக செயல்பட்டுவரும் அவர், திடீரென அந்தப் பொறுப்பிலிருந்து விடுவிக்கப்பட்டிருப்பது கட்சி வட்டாரங்களில் வியப்பை ஏற்படுத்தியுள்ளது.

60 லட்சம் ரூபாய் அபராதம்! இலங்கை நீதிமன்றத்தின் தீர்ப்பினால் தூத்துக்குடி மீனவர்கள் சோகம்

நக்கீரன் :நாகேந்திரன் தூத்துக்குடி திரேஸ்புரம் மீனவர்கள் எட்டு நபர்களுக்கு 3 மாத சிறைத் தண்டனையுடன், தலா ஒருவருக்கு 60 லட்சம் ரூபாய் அபராதம் விதித்து உத்தரவிட்டுள்ளது இலங்கை கல்பிட்டி நீதிமன்றம்.
கச்சத்தீவினை தாரை வார்த்ததிலிருந்து இன்று வரை எல்லைத் தாண்டி மீன்பிடித்ததாகக் கூறி தமிழக மீனவர்களும், படகுகளும் இலங்கை கடற்படையால் சிறைப்படுத்தப்படுவதும் வழக்கமான ஒன்று. அவ்வகையில், கடந்த மாதம் 18.08.2018 ந் தேதி தூத்துக்குடி மாவட்டம் திரேஸ்புரத்தில் இருந்து மீன்பிடிக்க சென்ற எட்டு மீனவர்களையும், எல்லை தாண்டி மீன்பிடித்ததாகக் காரணத்தைக் கூறி கைது செய்து சிறையில் அடைத்தது இலங்கை கடற்படை.

நடிகர் சண்முகராஜன் மீதான பாலியல் புகார்.. திடீரென வாபஸ் பெற்றார் நடிகை ராணி

tamil.oneindia.com - lakshmi-priya : சென்னை: நடிகர் சண்முகராஜன் மீது கொடுத்த பாலியல் புகாரை வாபஸ் பெற்றார் நடிகை ராணி.
வில்லுப்பாட்டுக்காரன் படத்தில் கதாநாயகியாக நடித்துள்ளார். காதல் கோட்டை படத்தில் வெள்ளரிக்கா பிஞ்சு வெள்ளரிக்கா என்ற பாட்டிலும் நடனமாடியுள்ளார். நாட்டாமை படத்தில் டீச்சர் கேரக்டரில் நடித்து சரத்குமார் குடும்பத்தை கெடுக்கும் கதாபாத்திரத்தில் நடித்தவர் நடிகை ராணி (44). இவர் நடிகர் விக்ரமின் ஜெமினி படத்தில் வரும் ஓ போடு பாடல் மூலம் திரையுலகில் பிரபலமடைந்தார். இதுதவிர நந்தினி சீரியலிலும் நடித்து வருகிறார். இவர் வடபழனி சாலிகிராமத்தில் அருணாசலம் சாலையில் கணவர் பிரசாந்துடன் தங்கியுள்ளார். கேளம்பாக்கத்தில் உள்ள அடுக்குமாடி குடியிருப்பில் வசித்து வருபவர் சண்முகராஜன் (55). நந்தினி சீரியலில் நடிகை ராணியின் கணவராக நடித்து வருகிறார். கடந்த 11-ஆம் தேதி சென்னை வடபழனியில் தொலைக்காட்சி தொடருக்கான படப்பிடிப்பு நடந்தது. அப்போது நடிகை ராணி சண்முகராஜனை கன்னத்தில் அறைவது போன்ற காட்சி எடுக்கப்பட்டது. அப்போது ராணியோ சண்முகராஜனை நிஜமாகவே அறைந்துவிட்டார்.

மகா புஷ்கரம் என்ற புளுகு ..144 வருடங்களுக்கு முன்பு மகா புஷ்கரம் நடந்ததா?: வரலாறு சொல்லும் உண்மை!

thetimestamil.com-கார்த்திக் புகழேந்தி : சமீபமாக திருநெல்வேலி குறித்து
உறவினர்கள், நண்பர்கள் யாரிடமேனும் பேச்செடுத்தால், மறுவார்த்தையே “ஓ.. உங்க ஊரில் ‘தாமிரபணி மகா புஷ்கரணி’ ரொம்ப பேமஸாச்சே? ஊருக்குப் போறீங்களா புஷ்கரணிக்கு?” என்று தான் தொடர்கிறார்கள்.
அது என்ன புஷ்கரணி- புஷ்கரம் ?
இந்தியாவில் தென்கோடியில் தாமிரபரணி துவங்கி, சிந்து, கங்கை, பிரம்ம புத்திரா, ராபி, பியாஜ், ஜீலம், சென்னாப் என வற்றாத நதிகள் வெகுசில உண்டு. இவற்றில், சிந்து, கங்கை, யமுனை, நர்மதை, சரஸ்வதி, கிருஷ்ணா, கோதாவரி, காவிரி, பிரம்மபுத்ரா, துங்கபத்ரை, பிராணகிதா போன்ற ஆறுகளைப் புண்ணிய தீர்த்தங்கள் என புராணங்கள் வாயிலாகவும், மத நம்பிக்கைகளின் அடிப்படையிலும் நீராடி, மலர்த்தூவி, தீபாராதனை காட்டி, வழிபடுகிற சடங்கிற்கு புஷ்கரம் என்று பெயர் சூட்டி வழங்குகின்றார்கள்.

யாழ்ப்பாணத்தில் பாரதிராஜா ... me too .. நீ பாத்தியா? ஆதாரம் இல்லாமல் பேசக்கூடாது .. விடியோ

இலங்கை நக்கீரன் :யாழ்ப்பாணத்தில் இயக்குநர் பாரதிராஜா செய்தியாளர்களுக்கு பேட்டி அளித்தார். அப்போது #MeToo விவகாரத்தில் கவிஞர் வைரமுத்து மீது பாடகி சின்மயி கூறியிருக்கும் பாலியல் குற்றச்சாட்டு குறித்து கேள்வி எழுப்பப்பட்டது. உடனே பாரதிராஜா கேள்வி கேட்ட செய்தியாளர்களை ஒருமையில் பேசினார். ‘’நீ பார்த்தியா? நீ பார்த்தியா. ஆதாரம் இல்லாமல் பேசக்கூடாது. கேள்விப்பட்டதுக்கெல்லாம் பதில் சொ

டி கே எஸ் இளங்கோவன் விடுவிப்பு .. திமுக செய்தி தொடர்பாளர் பதவியில் இருந்து ... பேராசிரியர் அனபகழகன் அறிவிப்பு

திமுக மாநிலங்களவை உறுப்பினர் டிகேஎஸ் இளங்கோவன் அக்கட்சியின் செய்தித்தொடர்பு செயலாளர் பொறுப்பில் இருந்து விடுவிக்கப்பட்டுவதாக பொதுச்செயலாளர் க.அன்பழகன் அறிவித்துள்ளார்.
சென்னை : திமுக செய்தித்தொடர்பு செயலாளராக நியமிக்கப்பட்டிருந்த டி.கே.எஸ்.இளங்கோவன் அப்பொறுப்பிலிருந்து விடுவிக்கப்படுவதாக அக்கட்சியின் பொதுச்செயலாளர் க.அன்பழகன் அறிவிப்பு வெளியிட்டுள்ளார். திமுக சார்பாக ஊடக நேர்காணல் நிகழ்ச்சிகளில் பங்கேற்போர் என க.பொன்முடி, ஆர்.எஸ் பாரதி, செல்வகணபதி, ஆ.ராசா, ஜெ. அன்பழகன், பழ.கருப்பையா மற்றும் டி.கே.எஸ்.இளங்கோவன் உள்பட 7 பேர் அடங்கிய பட்டியலை அக்கட்சியின் தலைமை கழகம் இன்று வெளியிட்டது.

metoo அமிதாப் பச்சன் மீது நடிகை பாலியல் குற்றச்சாட்டு

வெப்துனியா :மீ டூ பாலியல் புகாரில் பாலிவுட் சூப்பர் ஸ்டார் அமிதாப்பச்சன்  சிக்கியுள்ளது அதிர்ச்சியை ஏற்படுத்தியுள்ளது.மீ டூ விவகாரம் தற்போது நாடெங்கும் பற்றி எரிகிறது.  நானா பாடேகர், அலோக் நாத், விகாஸ் பால், சஜித் கான், அனு மாலிக் உள்ளிட்ட பல ஹாலிட் பிரபலங்கள் பாலியல் புகாரில் சிக்கியுள்ளனர். அதேபோல், கோலிவுட்டில் கவிஞர் வைரமுத்து மீது பாடகி சின்மயி பாலியல்  புகாரை கூறியுள்ளார். அதைத் தொடர்ந்து பல்வேறு துறையை சேர்ந்த பல பெண்களும், தாங்கள் சந்தித்த பாலியல் தொல்லைகள் குறித்து தற்போது வெளிப்படையாக கூறி வருகின்றனர்.

தேனிலவில் கணவனை போட்டுத்தள்ள திட்டமிட்ட மனைவி .. மீண்டும் முயற்சியில் மனம் தளராத

வெப்துனியா: காதலனுடன் சேர்ந்து கணவரை தேனிலவு சென்றபோதே கொலை செய்த முயற்சி செய்த மனைவியையும் காதலனையும் போலீசார் கைது செய்து விசாரணை செய்து வருகின்றனர்.
தூத்துகுடியை சேர்ந்த அனிதாவுக்கு கடந்த பத்து நாட்களுக்கு முன் அருப்புக்கோட்டையை சேர்ந்த கதிரவன் என்பவருடன் திருமணம் நடந்தது. ஆனால் திருமணத்திற்கு முன்னரே அனிதா, தனது பள்ளித்தோழர் ஜெகன் என்பவரை காதலித்து வந்தார். இந்த காதலுக்கு பெற்றோர் மறுப்பு தெரிவித்ததோடு உடனே அவருக்கு திருமணமும் செய்து வைத்துவிட்டனர்.
 கதிரவனை வேண்டாவெறுப்புடன் திருமணம் செய்து கொண்ட அனிதா, கோத்தகிரிக்கு தேனிலவு சென்றபோதே கணவர் கதிரவனை கொலை செய்ய முயற்சித்துள்ளார். ஆனால் அவரது திட்டம் அங்கு கைகூடவில்லை.

வீரமணி : மனோன்மணியம் பல்கலைக்கழகத்தில் தமிழில் தேர்வு எழுதக்கூடாதா? நாடு தழுவிய கிளர்ச்சி வெடிக்கும்

மனோன்மணியம் சுந்தரனார் பல்கலைக்கழகத்தில் தமிழில்
தேர்வு எழுத அனுமதிக்காவிட்டால் நாடு தழுவிய கிளர்ச்சி வெடிக்கும் என, திராவிடர் கழகத் தலைவர் கி.வீரமணி எச்சரித்துள்ளார்.
இதுதொடர்பாக கி.வீரமணி இன்று (திங்கள்கிழமை) வெளியிட்ட அறிக்கையில், “இன்றைய ‘இந்து தமிழ் திசை’ நாளேட்டில் ஒரு கண்ணீர்க் கடிதத்தினை, நெல்லை மனோன்மணியம் சுந்தரனார் பல்கலைக்கழக முன்னாள் துணைவேந்தர் வசந்தி தேவி எழுதியுள்ளார். திருநெல்வேலியில் உள்ள மனோன்மணியம் சுந்தரனார் பல்கலைக்கழகத்தினைச் சேர்ந்த ஆயிரக்கணக்கான மாணவர்களுக்குத் தமிழில் தேர்வு எழுத அனுமதி மறுக்கப்பட்டிருக்கிறது என்ற செய்தி அதிர்ச்சி அளிக்கிறது என்று தொடங்கியுள்ளது அக்கடிதம். தமிழ்நாட்டு மக்களில் பெரும்பாலோருக்கும், கல்வியாளர்களுக்கும் வெட்கமும், வேதனையும் அளிக்கக்கூடியதொன்றாகும். மனோன்மணியம் சுந்தரனார் பல்கலைக்கழகத் துணைவேந்தர் பாஸ்கரன் என்பவர் நெல்லை கோயில் ஒன்றுக்குச் சென்று காவி வேட்டி அணிந்து உடுக்கடிக்கு ஆட்டம் போட்டுள்ளார்.