தமிழறிஞர் பேராசிரியர் மா.நன்னன் காலமானார்

tamilthehindu :தமிழகத்தின் தலைசிறந்த தமிழறிஞர்களில் ஒருவரும் தொலைக்காட்சிகளில் தமிழ் சார்ந்த நிகழ்ச்சிகளை எளியமுறையில் நடத்தி மக்களிடம் தமிழறிவை பரப்பி வந்தவருமான பேராசிரியர் மா.நன்னன் (94) சென்னையில் காலமானார்.
கடலூர் மாவட்டம், விருத்தாசலத்தை அடுத்த சாத்துக்குடல் எனும் ஊரில் பிறந்தவர். இவரது இயற்பெயர் திருஞானசம்பந்தன். அண்ணாமலைப் பல்கலைக்கழகத்தில் புலவர் பட்டம் பெற்ற அவர் தமிழ் மீது கொண்ட அளவு கடந்த பற்றால், தன் பெயரை ‘நன்னன்’ என மாற்றிக் கொண்டார்.

கல்லூரியில் பயின்றபோது ‘வெள்ளையனே வெளியேறு’ இயக்கத்தில் பங்கேற்றார். தொடக்கப்பள்ளி ஆசிரியராகப் பணியைத் தொடங்கினார். ஆசிரியராகப் பணியாற்றிக் கொண்டே சென்னை பல்கலைக்கழகத்தில் இன்டர்மீடியட், பி.ஏ., எம்.ஏ. பட்டங்களைப் பெற்றார். தொல்காப்பியம் பற்றி ஆய்வு செய்து முனைவர் பட்டமும் பெற்றார். உயர்நிலைப் பள்ளி, பயிற்சிக் கல்லூரி, கலைக்கல்லூரி, மாநிலக் கல்லூரி ஆகியவற்றில் பணியாற்றினார்.

கோவில் சாமி சிலைகள் கடத்தல் விவகாரத்தில் ஐ.ஜி.பொன்மாணிக்கவேல் திட்டவட்டம்

Special Correspondent FB Wing   : திருச்சியில் செய்தியாளர்களை சந்தித்த சிலை கடத்தல் தடுப்புப் பிரிவு ஐ.ஜி. பொன்மாணிக்கவேல், தமிழர்களின் அரிய கலை பொருட்களான கோயில் சிலைகளை வாங்குவதில் வெளிநாட்டினருக்கு அதிக மோகம் உள்ளது. இதை பயன்படுத்தி சிலை கடத்தல் கும்பல்கள், தமிழக கோயில்களின் சிலைகளை கடத்தி வெளிநாட்டிற்கு சட்டவிரோதமாக விற்று பணம் சம்பாதித்துள்ளனர் என்று கூறியுள்ளார். இதில் அமெரிக்காவுக்கு மட்டும் 1000க்கும் மேற்பட்ட சிலைகள் கடத்தப்பட்டுள்ளது எனவும், இதுதவிர பிரிட்டன், பிரான்ஸ், ஆஸ்திரேலியா, கனடா, சிங்கப்பூர் ஆகிய நாடுகளுக்கும் சிலைகள் கடத்தப்பட்டு விற்பனை செய்யப்பட்டுள்ளன என்றும் தெரிவித்துள்ளார்.

கிரிஜா வைத்தியநாதன் நேரில் வருமாறு நீதிமன்றம் ,,,,தமிழக தலைமை செயலருக்கு நீதிபதி குட்டு

Special Correspondent FB Wing  : நீதிமன்ற அவமதிப்பு வழக்கில் தலைமை செயலாளர் உட்பட 4 அதிகாரிகள் நாளை ஆஜராக சென்னை உயர்நீதிமன்றம் உத்தரவிட்டுள்ளது.
சென்னை கோயம்பேட்டில் மொத்த விற்பனை அங்காடி வளாகம் கட்டுவதற்காக சோமு உட்பட 12 பேரிடம் நிலம் கையகப்படுத்தப்பட்டது. என்ன காரணத்திற்காக நிலம் கையகப்படுத்தப்பட்டதோ அதற்கு பயன்படுத்தாததால் நிலத்தை திருப்பி அளிக்க கோரி சென்னை உயர்நீதிமன்றத்தில் மனுத்தாக்கல் செய்தனர்.
இந்த மனுவை விசாரித்த உயர்நீதிமன்றம் 2013ல் நிலத்தை திருப்பி அளிக்க உத்தரவிட்டது. இந்த உத்தரவை எதிர்த்து உச்சநீதிமன்றத்தில் தாக்கல் செய்யப்பட்ட மேல்முறையீடு மற்றும் சீராய்வு மனுவும் தள்ளுபடி செய்யப்பட்டது.

கட்டலோனியாவும் தமிழகமும் - 1

கீற்று -க.இரா.தமிழரசன் :உலகெங்கிலும் ஒவ்வொரு தேசிய இனங்களும் ஒடுக்குமுறைக்கு எதிராக கிளர்ந்தெழுந்து கொண்டிருக்கின்றன. தனக்கென தனி அரசுகளை அமைத்துக் கொள்ளும் போராட்டங்களை நடத்திக் கொண்டிருக்கின்றன. அப்படி ஸ்பெயினிலிருந்து பிரிந்து கட்டலோனியா தேசமும் தனிநாடாக தன்னை 27.10.2017 அன்று பிரகடனபடுத்திக் கொண்டுள்ளது.

ஸ்பெயினின் தன்னாட்சி பெற்ற மாகாணமாக இருந்து வந்த கட்டலோனியாவில் தனிநாடு கோரி அக்டோபர் 1ல் பொது வாக்கெடுப்பு நடத்தப்பட்டது. ஸ்பெயின் நாட்டுடன் இணைந்து இருப்பதா..? அல்லது தனிநாடாக பிரிந்து செல்வதா..? என்பதை அடிப்படையாகக் கொண்டு நடத்தப்பட்டது.

மதுரை தலித் ஒடுக்குமுறை எதிர்ப்பு முன்னணி மாநாட்டில் கேரள முதல்வர் பினராயி

மின்னம்பலம் :  மதுரையில் நேற்று (நவ.6) நடைபெற்ற தலித் ஒடுக்குமுறை எதிர்ப்பு முன்னணி மாநாட்டில் கேரள முதல்வர் பினராயி கலந்துகொண்டு பேசினார். அப்போது அவர், “சாதிய ஒடுக்குமுறைக்கு எதிராகப் போராடிய பெரியாரின் பணியை இந்த நேரத்தில் நாம் நினைவுகூர வேண்டும்.
சாதிய ஒடுக்குமுறைகள் ஒழிக்கப்பட வேண்டும் என்ற நோக்கில் முற்போக்காகச் செயல்பட்டவர் அவர். பெண்கள் சம உரிமைகள் பெற வேண்டும் எனப் பெரியார் போராடினார். கேரளாவில் வைக்கம் கோயில் நுழைவுப் போராட்டத்தில் பெரியாரின் பங்கு முக்கியமானது” எனப் பெரியாருக்குப் புகழாரம் சூட்டினார்.
பின்னர், ஒவ்வொரு 18 நிமிடங்களுக்கும் இந்தியாவில் சாதிய ஒடுக்குமுறை நிகழ்ந்து வருவதாகக் குறிப்பிட்ட அவர், தினமும் மூன்று தலித் பெண்கள் பாலியல் பலாத்காரம் செய்யப்படுவதாகத் தெரிவித்தார்.
உ.பி. மாநிலம் சஹாரன்பூரில் தலித்துகள்மீது கொடூர தாக்குதல் நடத்தியதால் வெளியேறினர். இறந்த பசுவின் தோலை உரித்ததற்காகத் தலித்துகள் தாக்கப்பட்டனர். ம.பியில்தான் தலித்துகள் மீதான தாக்குதல்கள் அதிகம் நடைபெறுகின்றன எனக் குற்றஞ்சாட்டினார்.

BBC : பனாமா பேப்பர்ஸ் முதல் ஆஃப்ஷோர் லீக்ஸ் வரை .. இந்தியா உட்பட உலக நாடுகளின் திருடர்கள் ....

பாரடைஸ் பேப்பர்ஸ்` - இது அண்மையில் கசிந்த ரகசிக கோப்புகளின் மற்றொரு தொகுப்பு. இந்த தொகுப்பில் முக்கியமான கோப்புகள் அனைத்தும் வெளிநாட்டில் பதிவு செய்யப்பட்ட ஒற்றை சட்ட நிறுவனத்துக்கு உரியவை. இந்த கோப்புகள் அனைத்தும் பணக்காரர்கள் மற்றும் பிரபலமானவர்கள் செலுத்திய வரி குறித்தவை. இது போன்ற ரகசிய கோப்பு கசிவுகளில் இதுதான் சமீபத்தியது இந்த பாரடைஸ் பேப்பர்ஸ் பெருமளவில் தரவுகளை கொண்டு இருக்கிறது. இது அனைத்தையும் படிப்பது, ஆராய்வது மிகவும் கடினம். விஷயம் என்னவென்றால், இது போன்ற ரகசிய கோப்புகள் கசிவது இது முதல் முறை அல்ல.

சவுதியில் அடுத்தடுத்து இளவரசர்கள் மரணம் ,,, இரண்டு அல்லது மூன்று இளவரசர்கள் ....?

Siva Oneindia Tamil : சவுதி அரேபியாவில் ஹெலிகாப்டர் விபத்து.. இளவரசர் உட்பட 8 பேர் பலி- வீடியோ ரியாத்: சவுதியில் 24 மணிநேரத்தில் இரண்டு இளவரசர்கள் மரணம் அடைந்துள்ளனர். சவுதி அரேபியாவில் உள்ள அசிர் மாகாண ஆளுநராக இருந்த மன்சூர் பின் முக்ரின் ஹெலிகாப்டர் விபத்தில் பலியானார். அவர் முன்னால் முடி இளவரசர் முக்ரின் பின் அப்துல் அஜீஸின் மகன் ஆவார். இந்நிலையில் இளவரசர் அஜீஸ் இறந்துவிட்டதாக அறிவிக்கப்பட்டுள்ளது. 24 மணிநேரத்தில் இரண்டு இளவரசர்கள் இறந்துள்ளனர். 44 வயதான அஜீஸ் கடந்த ஞாயிற்றுக்கிழமை கைது செய்யப்பட்டதாக கூறப்பட்டது. கைது செய்ய வந்தபோது அதை அவர் எதிர்த்த போது நடந்த துப்பாக்கிச்சூட்டில் அவர் காயம் அடைந்து மருத்துவமனையில் சேர்க்கப்பட்டதாகவும் அங்கு அவர் இறந்ததாகவும் கூறப்படுகிறது. கைதை எதிர்த்தபோது அஜீஸ் பலியானதாக சில ஊடகங்கள் தெரிவித்துள்ளன. மன்னர் ஃபஹதின் இளைய மகன் அஜீஸ் என்பது குறிப்பிடத்தக்கது.

2ஜி வழக்கு தீர்ப்பு தேதி மீண்டும் ஒத்தி வைப்பு .... அடுத்த மாதம் 5 ஆம் தேதிக்கு தள்ளி வைப்பு

Sivasankaran Saravanan : 2G வழக்கு தீர்ப்பு தேதி மீண்டும் ஒத்திவைப்பு! குற்றஞ்சாட்டப்பட்டவர்கள் வாய்தா வாங்கி பார்த்திருக்கிறோம், வழக்கறிஞர்கள் வாய்தா வாங்கி பார்த்திருக்கிறோம்! உலக நீதிமன்ற வரலாற்றிலேயே நீதிபதி வாய்தா மேல வாய்தா வாங்குற கேலிக்கூத்தை இப்போது தான் பார்க்கிறோம்! ஆ ராசா மீது முன்முடிவோடு தீர்ப்பெழுதிய ஊடகங்கள் திராணி இருந்தால் நீதிமன்ற நடவடிக்கைகளை பற்றி விமர்சனம் செய்யட்டும் பார்க்கலாம்..!

தினமணி :: 2-ஜி அலைக்கற்றை ஒதுக்கீட்டில் முறைகேடு நடந்ததாக தொடரப்பட்ட வழக்கில் தீர்ப்பு தேதியை சி.பி.ஐ. சிறப்பு நீதிமன்ற நீதிபதி ஓ.பி.ஷைனி இன்று அறிவிக்கிறார்.
 முறைகேடு புகார் மத்தியில் காங்கிரஸ் தலைமையிலான ஐக்கிய முற்போக்கு கூட்டணி ஆட்சியில் 2 ஜி ஸ்பெக்ட்ரம் எனப்படும் அலைக்கற்றை ஒதுக்கீட்டில் முறைகேடு நடந்ததாக புகார் கூறப்பட்டது. இதுதொடர்பாக முன்னாள் தொலை தொடர்பு துறை அமைச்சர் ஆ.ராசா, தி.மு.க. எம்.பி. கனிமொழி மற்றும் சில நிறுவன நிர்வாகிகள் மீது குற்றம் சாட்டப்பட்டது.

தமிழறிஞர் பேராசிரியர் நன்னன் மறைந்தார் ! உடல் நலக்குறைவு ,,,

விக்கிபீடியா :இவர் விருத்தாசலத்தை அடுத்த சாத்துக்குடல் எனும் ஊரில் பிறந்தவர். அண்ணாமலைப் பல்கலைக்கழகத்தில் புலவர் பட்டமும், சென்னைப் பல்கலைக்கழகத்தில் முனைவர் பட்டமும் பெற்றவர். தொடக்கப் பள்ளி ஆசிரியராகப் பணியைத் தொடங்கிய இவர் உயர்நிலைப்பள்ளி, பயிற்சிக் கல்லூரி, கலைக்கல்லூரி, மாநிலக் கல்லூரி ஆகியவைகளில் பணிபுரிந்துள்ளார். மாநிலக் கல்லூரியில் தமிழ்ப் பேராசிரியராகப் பணியாற்றி, பின் தமிழ் வளர்ச்சித் துறையின் இயக்குநராக 11.2.1980 முதல் 31.5.1983 வரை பணியாற்றியவர்.[1] வயது வந்தோர் கல்வி வாரியத் துணைத் தலைவராகப் பொறுப்பு வகித்தவர். எழுத்தறிவித்தலில் நன்னன் முறை எனும் புதிய முறையை ஏற்படுத்தியவர்.[சான்று தேவை] சென்னைத் தொலைக்காட்சியில் 17 ஆண்டுகள் எண்ணும் எழுத்தும் என்ற தலைப்பில் கற்பித்துள்ளார். பல பாடநூல்களையும் துணைப்பாடநூல்களையும் எழுதிய நன்னன், 1990-2010 காலகட்டத்தில் சுமார் எழுபது நூல்களை எழுதியுள்ளார்.
பெரியார் கொள்கைகளின் மீது பற்று கொண்ட இவர் பெரியார் கொள்கைகள் குறித்து பல நூல்களை எழுதியுள்ளார்.

"உள் இட ஒதுக்கீடு" மாதிகா மக்கள் மீது போலீஸ் வெறியாட்டம் ஒரு பெண் உயிரழப்பு!

Beema Veeran : மாதிகா "உள் இட ஒதுக்கீடு" கோரிக்கை வலியுறுத்தி நடைபெற்ற போராட்டத்தில் காவல்துறை தாக்குதலில் உயிர் பலி : தெலுங்கான மாநிலத்தின் தலைநகரான ஐதராபாத்தில் மாதிகா மக்களுக்கு "உள் இட ஒதுக்கீடு" வேண்டி ஆட்சியர் அலுவலகத்தை முற்றுகையிட்ட சென்ற 700 க்கு‌ம் மே‌ற்ப‌ட்ட மாதிகா மக்களின் மீது போலீஸ் தடியடி நடத்தி வெறியாட்டத்தில் ஈடுபட்டது. இதில் தள்ளு முள்ளு ஏற்பட்டு காவல் துறை தாக்குதலில் திருமதி பாரதி என்ற மாதிகா பெண் உயிரிழந்தார். இந்தியா முழுவதும் மிகவும் தாழ்த்தப்பட்ட சமூகத்தின் சனநாயக உரிமை நசுக்கப்படுவதை புரட்சிப்புலிகள் வண்மையாக கண்டிக்கிறோம். தெலுங்கனா முதல்வர் சந்திரசேகர ராவ் உடனே பதவி விலக வேண்டும்.

பரடைஸ் பேப்பர்ஸ் கறுப்புபணம் .. விஜய் மல்லையா, அமிதாப் பச்சன்: கார்த்தி சிதம்பரம்,வயலார் ரவி ..

தினகரன் :புதுடெல்லி: உலகில் உள்ள 96 செய்தி நிறுவனங்களும் இணைந்து நடத்திய புலனாய்வில் வெளிநாடுகளில் உள்ள வரிச் சலுகையை பயன்படுத்தி உலகச் செல்வந்தர்கள் பலர் வெளிநாடுகளில் முதலீடு செய்துள்ளது தெரியவந்துள்ளது. பாரடைஸ் பேப்பர்ஸ் என்னும் தகவலின்படி இந்தியாவில் உள்ள பலர் வெளிநாடுகளில் முதலீடு செய்துள்ளதும் இந்த புலனாய்வில் அம்பலம் ஆகியுள்ளது. பாரடைஸ் பேப்பர்ஸ் என்பது 1,34,00,000 ஆவணங்களின் அடிப்படையில் கொடுக்கப்பட்டுள்ள தகவல்கள் ஆகும். அதன்படி வெளியான 180 நாடுகள் பட்டியலில் இந்தியா 19ம் இடத்தை பிடித்துள்ளதாக தகவல்கள் வெளியாகியுள்ளது. மேலும் 714 இந்தியர்கள் பாரடைஸ் பேப்பர்ஸ் பட்டியலில் இடம்பெற்றுள்ளனர்.

இந்தியர்களில் அமிதாப் பச்சன், விஜய் மல்லையா, சிவில் விமான போக்குவரத்து அமைச்சர் ஜயந்த் சின்ஹா ஆகியோரின் பெயர்களும் உள்ளன. வயலார் ரவி , கார்த்தி சிதம்பரம், சச்சின் பைலட்,வீரப்ப மொய்லி  ஆகிய அரசியல்வாதிகளின் பெயர்களும் இந்த பட்டியலில் இடம் பெற்றுள்ளன. இது தவிர பிரபல பாலிவுட் நடிகரும் சர்ச்சைக்குரியவருமான சஞ்சய் தத்தின் மனைவி மன்யாதா தத், ஊழல் வழக்கில் இடைத்தரகரகராக செயல்பட்டதாகக் கூறப்படும் நீரா ராடியா ஆகியோரும் இந்தப் பட்டியலில் உள்ளனர்.

பஞ்சமி நிலங்களை மீட்ப்போம்.,,, ஆட்சியர் அலுவலகங்கள் முன் போராட்டம் ,, விடுதலை சிறுத்தைகள் அறிவிப்பு!

Vadamalai Kandaswamy : பஞ்சமி நிலங்களை மீட்ப்போம். பஞ்சமி நிலங்களை இன்னும் 3 மாதங்களில் பட்டியல் இனத்தவரிடம் ஒப்படைக்காவிட்டால் திருவண்ணாமலை ஆட்சியர் அலுவலகம், செய்யாறு சார் ஆட்சியர் அலுவலகங்கள் முன் போராட்டம் நடத்தப்படும் என, விடுதலைச் சிறுத்தைகள் கட்சித் தலைவர் தொல். திருமாவளவன் எச்சரித்தார்.
செய்யாறு தொகுதி விடுதலைச் சிறுத்தைகள் கட்சி சார்பில், பஞ்சமி நில மீட்பு மாவட்ட மாநாடு ஞாயிற்றுக்கிழமை இரவு நடைபெற்றது.

மாநாட்டுக்கு மாவட்டத் துணைச் செயலாளர் எ.குப்பன் தலைமை வகித்தார். நகரச் செயலாளர் இ.தெய்வசிகாமணி வரவேற்றார்.
நிகழ்ச்சியில் விடுதலைச் சிறுத்தைகள் கட்சியின் தலைவர் தொல்.திருமாவளவன் பேசியதாவது:
பஞ்சமி நிலங்களை மீட்க 10-10-1992-இல் ஜான்சன்தாமஸ், ஏழுமலை ஆகியோர் உயிரை தியாகம் செய்தனர். தமிழகத்தில் 12 லட்சத்து 616 ஏக்கர் பஞ்சமி நிலங்கள் உள்ளன.

கலைஞர் - மோடி சந்திப்பில் அரசியல் எதுவும் இல்லை: ஸ்டாலின் திட்டவட்டம்

Lakshmi Priya = Oneindia Tamil : சென்னை: திமுக தலைவர் கலைஞர் கருணாநிதியுடனான பிரதமர் மோடியின் சந்திப்பில் அரசியல் எதுவும் இல்லை என அக்கட்சியின் செயல் தலைவர் மு.க.ஸ்டாலின் திட்டவட்டமாக கூறியுள்ளார். இதுகுறித்து பெரம்பூரில் மு.க.ஸ்டாலின் கூறுகையில், மரியாதை நிமித்தமாக பிரதமர் மோடி நலம் விசாரித்தார்.
எங்கே கமிஷன் வாங்கலாம் என்பதிலேயே அமைச்சர்கள் கவனமாக உள்ளனர். உள்ளாட்சித் தேர்தலை நடத்த அதிமுக அரசு விரும்பவில்லை. மழையால் பாதிக்கப்பட்டவர்களுக்கு எந்த நிவாரணமும் வழங்கப்படவில்லை. பொதுப்பணித்துறைக்கு ஒதுக்கப்பட்ட ரூ.450 கோடி குறித்து வெள்ளை அறிக்கை வெளியிட வேண்டும். பருவமழை குறித்து வானிலை ஆய்வு மையம் முன்கூட்டியே எச்சரிக்கை விடுத்தும் முன்னெச்சரிக்கை நடவடிக்கைகள் ஏதும் எடுக்கப்படவில்லை.

நீரில் மூழ்கிய பள்ளிக்கரணை: தூங்கி வழியும் மாநகராட்சி – களத்தில் இறங்கிய மக்கள் அதிகாரம் !

வினவு :நீர் வழிதடங்கள் அனைத்தும். முதலாளிகள் மற்றும் கார்ப்ரேட் நிறுவனங்களின் ஆக்கிரமிப்பால் தண்ணீர் வெளியேற வாய்ப்பு இல்லாமல் மக்கள் தத்தளித்துவருகின்றனர். இது பள்ளிக்கரணை நாராயணபுரம் பகுதியில் மட்டுமல்ல, சென்னையின் பல இடங்களிலும் பார்த்தாலே தெரியும் உண்மையாகும்.
வட- கிழக்கு பருவ மழை தீவிரமடைந்து கடந்த சில நாட்களாக கனமழை கொட்டி தீர்த்ததால், சென்னை மாநகரமே வெள்ளத்தில் தத்தளிக்கிறது.
பன்னாட்டு கம்பெனிகள், ஷாப்பிங் மால்கள், பொறியியல் கல்லூரிகள், தனியார் மருத்துவமனைகள் ஆகிய வளர்ச்சியின் அடையாளங்களாக சொல்லப்படும் இவைதான், தமிழகம் முழுவதும் நீர்வழி பாதைகளையும், நீர் நிலைகளையும் ஆக்கிரமித்து கட்டப்பட்டுள்ளன. இதன் விளைவு தண்ணீர் வெளியேற வழியில்லாமல், மக்களின் இயல்பு வாழ்க்கை பெரிதும் பாதிப்புக்குள்ளாகியுள்ளது.

நிரம்பி வழியும் பள்ளிக்கரணை நாராயணபுரம் ஏரி

அப்படி பாதிக்கப்பட்டுள்ள பகுதிகளில் ஒன்றான பள்ளிக்கரணை நாராயணபுரம் அண்ணாநகர் மேற்கு பகுதிக்கு உட்பட்டு மொத்தம், 10 தெருக்களில் 6,7,8,9 ஆகிய தெருக்களில் முழங்கால் அளவு முதல் இடுப்பு அளவு வரை தண்ணீர் தேங்கியுள்ளது. இதனால் குழந்தைகள், முதியவர்கள், கர்ப்பிணி பெண்கள் என மக்கள் அனைவரும் மிகுந்த சிரமத்திற்கு உள்ளானார்கள்.

வைகோ கிறிஸ்தவ மதத்தில் சேர்ந்துவிட்டாரா? வைரலாக பரவும் விடியோ!

நக்கீரன் : மதிமுக பொதுச்செயலாளர் வைகோவின் மனைவியும் மகள் மருமகன் ஆகியோர் கிறிஸ்தவ மதத்தில் சேர்ந்துவிட்டதாக பிரபல மதபோதகர் மோகன் சி லாஸரஸ் தெரிவித்துள்ளார். மதபிரசங்கம் ஒன்றில் அவர் இதுதொடர்பாக பேசிய பேச்சு விடியோவாக சமூக வலைத்தளங்களில் வைரலாக பரவிவருகிறது. அந்த உரையில் வைகோவின் மனைவி, மகள் உள்ளிட்டோர் குடும்பத்துடன் கிறிஸ்தவ மதத்தில் சேர்ந்துவிட்டனர். அரசியல் கட்சியின் தலைவராக இருப்பதால் அவர் சொல்ல தயங்குகிறார். ஆனால் காலை மாலை இருவேளையும் பைபிள் வாசிப்பதாகவும், ஜெபிப்பது எப்படி என்று தன்னிடம் கேட்டுத் தெரிந்துகொண்டதாகவும் கூறினார். இதுதவிர, வைகோவின் மகளும் மருமகனும் அமெரிக்காவில் இருப்பதாகவும், சனி, ஞாயிறு ஆகிய நாட்களில் மதத்துக்கு ஊழியம் செய்வதாகவும் மோகன் சி லாசரஸ் தெரிவித்துள்ளார். இதுதொடர்பான விடியோ வைரலாக பரவி வருகிறது.

வழக்கறிஞர் செம்மணி மீது தாக்குதல்: நீதிமன்ற புறக்கணிப்புக்கு வழக்கறிஞர் சங்கம் அழைப்பு

thetimestamil :நாளை 07/11/2017 தமிழகம், புதுச்சேரி மாநிலங்களில் உள்ள அனைத்து நீதிமன்றங்களிலும் பணிபுறக்கணிப்பு செய்ய அனைத்து வழக்கறிஞர் சங்கங்களின் கூட்டு நடவடிக்கை பெருமன்றம் அழைப்பு விடுத்துள்ளது. திருநெல்வேலி மாறன்குளம் வழக்கறிஞர் இராஜரத்தினம் @ செம்மணி அவர்கள் தனது கட்சிக்கார் ஒருவரது புகாரை பெற மறுத்த போலீசார் மீது நீதிமன்றத்தில் புகார் மனு தாக்கல் செய்துள்ளார் இவர். அதனால்,  3/11/17 இரவு வீட்டில் இருந்த அவரை குற்றத்தடுப்பு பிரிவு இன்ஸ்பெக்டர் செல்லதுரை, பலவந்தமாக வெளியே இழுத்துள்ளார். ராதாபுரம் உதவி ஆய்வாளர் பழனி, பழவூர் உதவி ஆய்வாளர்கள் விமலகுமார், முகமது சம்சீர், சிறப்பு பிரிவு காவலர்கள் ஜோஸ் , சாகர் உட்பட பலர் இதில் பங்கேற்றனர்.
கை,கால்களை ஒன்றாக இருக்கி கட்டி உடலை வில் போல் வளைத்து, இரும்பு பைப், லத்தி, ஆகியவற்றால் அடித்து , பூட்ஸ் காலால் மிதித்ததால் இடது கால் பாதம், வலது பெருவிரல் ஆகிய இடங்களில் எலும்பு முறிவு ஏற்பட்டுள்ளது.
இரண்டு கால் மூட்டுகளிலும் கன்றிய காயம், உடல் முழுக்க வீக்கங்கள் ஏற்பட்டுள்ளது.

கேலிச்சித்திரம் ஆபாசமென்றால், இசக்கிமுத்து குடும்பத்தின் நிர்வாணச் சாவும் ஆபாசமில்லையா?

thetimestamil.com : கேலிச்சித்திரம் ஆபாசமென்றால், கந்துவட்டி கொடுமையும் இசக்கிமுத்து குடும்பத்தின் நிர்வாணச் சாவும் ஆபாசமில்லையா? என கேள்வி எழுப்பியுள்ளார் விடுதலைச் சிறுத்தைகள் கட்சியின் தலைவர் தொல். திருமாவளவன். இதுகுறித்து அவர் வெளியிட்டுள்ள அறிக்கையில்,
“கேலிச்சித்திரங்களை வரையும் ஓவியர் ‘கார்டூனிஸ்ட்’ பாலாவைத் தமிழகக் காவல்துறை திடீரென கைது செய்துள்ளது. அவர் தனது கேலிச்சித்திரங்களின் மூலம் ஆபாசத்தை பரப்பினார் என வழக்குப் பதிவு செய்து அவரை கைது செய்துள்ளனர்.
அண்மையில் ஆட்சியாளர்களையும் அதிகாரிகளையும் விமர்சித்து அவர் தீட்டிய கேலிச்சித்திரம் இலட்சக்கணக்கான மக்களின் கவனத்தை ஈர்த்துள்ளது. இதனால் தமிழக முதலமைச்சர் மற்றும் காவல்துறை உயரதிகாரிகள், பொதுமக்களிடையே வெகுவாக அம்பலப்பட்டுள்ளனர்.
கடந்த 23.10.2017 அன்று நெல்லை மாவட்ட ஆட்சியர் அலுவலகத்தின் எதிரே நடந்த கொடூர சம்பவம், பார்த்தோர் நெஞ்சை பதறவைத்தது. உள்ளத்தை அதிர்ச்சியில் உறையவைத்தது. இசக்கிமுத்து என்னும் கூலித்தொழிலாளியின் குடும்பமே பட்டப்பகலில் தீவைத்து உயிரை மாய்த்துக்கொண்டது. இசக்கிமுத்து, அவரது மனைவி மற்றும் இரு பிஞ்சுக்குழந்தைகள் என நான்குபேரும் தீயில் கருகி மண்ணில் சாய்த்து வீழ்ந்தனர். இந்தக் கொடூரம் கந்துவட்டி கொடுமைகளின் தாக்கம்தான் என்பதை தங்களின் சாவின் மூலம் உலகுக்கு உணர்த்தினர்.

மரகதலிங்கத்தை கடத்தியவர்கள் கைது .. ஈரோட்டில் ...

tamilthehindu : ஈரோட்டில் பறிமுதல் செய்யப்பட்ட ரூ.7 கோடி மதிப்புள்ள மரகத லிங்கம் மற்றும் நந்தி.< திருச்செங்கோடு சிவன் கோயிலில் 4 ஆண்டுகளுக்கு முன்பு திருடப்பட்ட, ரூ.7 கோடி மதிப்பிலான மரகத லிங்கம் மற்றும் நந்தியை சிலைக்கடத்தல் தடுப்புப்பிரிவு போலீஸார் ஈரோட்டில் பறிமுதல் செய்தனர். இவற்றை விற்பதற்கான முயற்சியில் ஈடுபட்ட 3 பேரை கைது செய்தனர்.>ஈரோட்டில் மேட்டூர் சாலையில் உள்ள தனியார் தங்கும் விடுதியில், சிலை கடத்தலில் தொடர்புடையவர்கள் தங்கியிருப்பதாக போலீஸாருக்கு ரகசிய தகவல் வந்தது. இதையடுத்து, விடுதியின் அறையில் சிலை கடத்தல் தடுப்புப் பிரிவு போலீஸார் திடீர் சோதனையிட்டனர்.

விடுதி அறையில் மரகத லிங்கம் ஒன்றும், மரகத நந்தி ஒன்றும் மறைத்து வைக்கப்பட்டிருந்தது தெரியவந்தது. அந்த அறையில் தங்கியிருந்த ஈரோட்டைச் சேர்ந்த கஜேந்திரன்(48), சந்திரசேகரன் (50), நாமக்கல் மாவட்டம் திருச்செங்கோட்டைச் சேர்ந்த மணிராஜ் (50) ஆகிய 3 பேரை போலீஸார் கைது செய்தனர். அவர்களிடம் இருந்து மரகத லிங்கம் மற்றும் மரகத நந்தி பறிமுதல் செய்யப்பட்டன.

வெள்ளம் ..அக்கறை இல்லாத ஆட்சியாளர்கள்!

மின்னம்பலம் :சென்னையில் 8 நாட்களாக தண்ணீர் தேங்கியுள்ளது என்பது நகரின் பெருமையை சிதைத்துவிடும், ஆனால் இதுகுறித்து எவ்வித அக்கறையும் இல்லாமல் ஆட்சியாளர்கள் செயல்பட்டு வருவதாக பாமக நிறுவனர் ராமதாஸ் குற்றம் சாட்டியுள்ளார்.
வடகிழக்குப் பருவமழையின் தீவிரம் காரணமாக சென்னையில் பெய்த கனமழையால், நகரின் பல்வேறு பகுதிகள் பாதிக்கப்பட்டுள்ளன. பல இடங்களில் தண்ணீர் தேங்கி சுகாதார சீர்கேடு ஏற்படும் அபாயமும் ஏற்பட்டள்ளது. மழையினால் பாதிக்கப்பட்ட மக்கள் தற்காலிக முகாம்களில் தங்க வைக்கப்பட்டுள்ளனர். தமிழக அரசின் சார்பில் முதல்வரும், அமைச்சர்களும் மழையால் பாதிக்கப்பட்ட இடங்களில் நடைபெற்றுவரும் சீரமைப்பு மற்றும் நிவாரணப் பணிகளை பார்வையிட்டு ஆய்வு செய்துவருகின்றனர்.

மோடி எதற்காக கோபாலபுரம் போனார்?

மின்னம்பலம் : பவளவிழாவில் கலந்துகொள்ள மோடியின் வருகை உறுதிசெய்யப்பட்டபோது, கோபாலபுரம் செல்வது அவரது பயணத் திட்டத்தில் இல்லை. நேற்று முன்தினம் இரவுதான், சென்னைக்குச் செல்லும்போது கருணாநிதி வீட்டுக்கு மோடி செல்வது உறுதியானது. ஆனால், அதை அதிகாரபூர்வமாக டெல்லி அறிவிக்கவில்லை. ஷார்ஜாவில் இருந்த ஸ்டாலினுக்கு நேற்று காலை பிரதமர் சென்னை விசிட் பற்றியும் கருணாநிதியைச் சந்திக்க கோபாலபுரம் வர அவர் விருப்பம் தெரிவித்திருப்பது குறித்தும் சொன்னார்கள். ஸ்டாலினும் உடனே சம்மதம் சொன்னார். வரும் 9ஆம் தேதிதான் ஸ்டாலின் ஷார்ஜாவிலிருந்து தமிழகம் திரும்பத் திட்டமிட்டிருந்தார். பிரதமர் வருகை காரணமாகத் தன் பயணத் திட்டத்தை மாற்றிக்கொண்டு நேற்று நள்ளிரவு 2 மணிக்குச் சென்னை வந்து சேர்ந்தார். கருணாநிதியைப் பார்த்துக்கொள்பவர்களுக்கு மட்டும் நேற்று ஸ்டாலின் தகவல் சொல்லி இருக்கிறார். ‘அப்பாவை சீக்கிரமே தூங்க வெச்சுடுங்க... காலையில் சீக்கிரமா அவரை எழுப்பி கிளம்ப வைக்கணும்...’ என்று தொடங்கி சில இன்ஸ்ட்ரக்‌ஷன்களை ஸ்டாலின் கொடுத்திருக்கிறார். அதன்படியே கோபாலபுரம் தயாராகியிருக்கிறது.

மோடி வருகை: கலைஞரின் இல்லத்தில் தமிழிசை சவுந்தரராஜன்... கடும் பாதுகாப்பு

நக்கீரன்:  தினத்தந்தி பவளவிழா மற்றும் திருமண நிகழ்ச்சி ஒன்றில் கலந்து கொள்ள வந்துள்ள பிரதமர் நரேந்திர மோடி, இன்று மதியம் திமுக தலைவர் கலைஞரை அவரது கோபாலபுரம் இல்லத்தில் சந்திக்க உள்ளார். மோடி மதியம் 12.30 மணி அளவில் வர உள்ளார். இதற்காக பாஜக மாநிலத் தலைவர் தமிழிசை சவுந்தரராஜன் மற்றும் அக்கட்சியின் நிர்வாகிகள் சிலர் காலை 10.45 மணி அளவில் கலைஞரின் இல்லத்திற்கு சென்றனர். கலைஞரின் கோபாலபுரம் இல்லம் உள்ள பகுதியில் பலத்த போலீஸ் பாதுகாப்பு போடப்பட்டுள்ளது. படங்கள்: ஸ்டாலின்

கார்ட்டூனிஸ்ட் பாலாவுக்கு ஜாமீன் வழங்கப்பட்டது

நெல்லை: கந்துவட்டிக்கு எதிராக கேலிச்சித்திரம் வரைந்தாக கார்ட்டூனிஸ்ட் பாலா நேற்று கைது செய்யப்பட்டார். இந்த வழக்கு தொடர்பாக விசாரணைக்கு அவர் நெல்லை நீதிமன்றத்தில் ஆஜர் படுத்தப்பட்டார்.இன்று நெல்லை நீதிமன்றம் அவருக்கு ஜாமீன் வழங்கியது ,

பிரதமர் மோடி எடப்பாடி பழனிசாமி, ஓ.பன்னீர் செல்வம் மழை வெள்ளம் குறிந்து ஆலோசனை

தினத்தந்தி : தமிழக மழை பாதிப்புகள் குறித்து பிரதமர் மோடி முதல்-அமைச்சர் எடப்பாடி பழனிசாமி, துணை முதல்-அமைச்சர் ஓ.பன்னீர் செல்வம் ஆலோசனை நடத்தினார். சென்னை< இந்தியாவின் ‘நம்பர் 1’ தமிழ் நாளிதழ் என்ற சிறப்பை பெற்ற ‘தினத்தந்தி’ பவள விழா ஆண்டை கொண்டாடிக்கொண்டிருக்கிறது. அதை கொண்டாடும் விதமாக, சென்னை பல்கலைக் கழக நூற்றாண்டு விழா மண்டபத்தில் இன்று (திங்கட் கிழமை) ‘தினத்தந்தி’யின் பவள விழா வெகு விமரிசையாக நடைபெறுகிறது.< இந்த விழாவில் பங்கேற்பதற்காக, பிரதமர் நரேந்திர மோடி டெல்லியில் இருந்து இன்று காலை 7.10 மணிக்கு தனி விமானம் மூலம் சென்னை புறப்பட்டார். காலை 9-10 மணி அளவில் சென்னை விமான நிலையத்தை அவர் வந்தடைந்தார். சென்னை விமானநிலையம் வந்திறங்கிய பிரதமரை தமிழிசை, எச்.ராஜா,இல. கணேசன். எம்.பி உள்ளிட்டோர் வரவேற்றனர். அங்கு பிரதமர் நரேந்திர மோடியை கவர்னர் பன்வாரிலால் புரோகித், முதல்-அமைச்சர் எடப்பாடி பழனிசாமி, துணை முதல்-அமைச்சர் ஓ.பன்னீர்செல்வம், மத்திய நிதி மற்றும் கப்பல் போக்கு வரத்து துறை ராஜாங்க மந்திரி பொன்.ராதாகிருஷ்ணன், இல.கணேசன் எம்.பி., தமிழக பாரதீய ஜனதா தலைவர் டாக்டர் தமிழிசை சவுந்தர ராஜன் ஆகியோர் பூங்கொத்து வரவேற்றார்கள்.

வங்கம் தலைவணங்கும் கலைஞர் கருணாநிதி Kalaignar Karunanidhi is a warrior for future peace... fight of all non-Hindi people in India

http://www.newagebd.net/print/article/24505  
Kalaignar Karunanidhi is a warrior for future peace.
English provided a lifeline for upwardly mobile non-Hindi peoples when New Delhi wanted to close all avenues of progress for them. That struggle, which ought to have been fought by all non-Hindi people, was fought by Tamils, for the rest, writes Garga Chattejree
இந்தியாவின் கூட்டாட்சித் தத்துவத்தின் தரத்தைக் கற்பனை செய்ய முடியாத அளவுக்கு உயர்த்தியவர் கலைஞர் கருணாநிதி.
அவருடைய உயரத்தை வங்காளிகளான நாங்கள் இதுவரை எட்டவில்லை. சுதந்திரம் அல்லது சுயாட்சி என்ற வார்த்தைகளே இங்கு பேசப்படக் கூடாதவையாகப் பார்க்கப்படும் சூழலில், அவற்றை உயிர்மூச்சுபோல ஆக்கிக்கொண்ட பேரறிஞர் அண்ணா, கலைஞர் கருணாநிதியின் போராட்டங்களை இன்று தமிழ் மக்களுக்கான போராட்டங்களாக மட்டும் பார்க்க முடியவில்லை.
நாட்டின் கூட்டாட்சி அமைப்பை வலுப்படுத்துவதற்கான, இந்தி பேசாத ஒவ்வொரு மாநிலத்துக்குமான போராட்டங்களாகவே பார்க்கிறோம். நான் தமிழனாக இல்லாமல் இருக்கலாம்; இப்போது வங்க அரசுக்கென்று சில தனி உரிமைகள் இருக்கின்றன என்றால், அதற்கு கலைஞர்  கருணாநிதி தமிழ்நாட்டுக்காகப் போராடிப் பெற்ற உரிமைகள்தான் காரணம் என்பதை உணர்கிறேன்.

கலைஞரை சந்திக்கிறார் பிரதமர் மோடி ... மரியாதை சந்திப்பு,,,, ?

தினமனி :  சென்னை: தினத்தந்தி நாளிதழின் பவளவிழா மற்றும் பல்வேறு நிகழ்ச்சிகளில் பங்கேற்பதற்காக இன்று சென்னை வரும் பிரதமர் நரேந்திர மோடி, திமுக தலைவர் கருணாநிதியை மதியம் 12.30 மணியளவில் சென்னை கோபாலபுரம் இல்லத்தில் சந்தித்து நலம் விசாரிக்க உள்ளதாக தகவல் வெளியாகி உள்ளது. 

சென்னை பல்கலைக்கழக நூற்றாண்டு அரங்கில் இன்று திங்கள்கிழமை காலை 10.30 மணிக்கு நடைபெற உள்ள தினத்தந்தி நாளிதழ் பவள விழாவில் பிரதமர் மோடி பங்கேற்கிறார். சென்னை விமான நிலையம் வரும் பிரதமர் மோடி, அங்கிருந்து சென்னை கடற்கரை சாலையில் உள்ள ஐ.என்.எஸ். அடையாறு விமானப் படையின் தளத்துக்கு ஹெலிகாப்டரில் வருகிறார். அந்த இடத்திலிருந்து அவர் கார் மூலம் சென்னை பல்கலைக்கழக நூற்றாண்டு விழா அரங்கத்துக்கு வருகிறார்.

தினத்தந்தி பவள விழா நிகழ்ச்சியில் ஒரு மணி நேரம் பங்கேற்று விட்டு, சென்னை சாந்தோமில் நடைபெறும் தில்லியில் பிரதமர் அலுவலக இணைச் செயலாளர் டி.வி.சோமநாதனின் இல்லத் திருமண விழாவில் பிரதமர் மோடி பங்கேற்று விட்டு, ஐ.என்.எஸ். அடையாறு விமானப் படைத் தளத்துக்கு வந்து ஹெலிகாப்டரில் சென்னை விமான நிலையம் சென்று தில்லிக்கு திரும்புகிறார் என தெரிவிக்கப்பட்டிருந்தது.