1200 பேர் விரைவில் விடுதலை அமைச்சர் ஹக்கீம் தகவல்

பயங்கரவாத தடைச் சட்டத்தின் கீழ் தடுத்து வைக்கப்பட்டுள்ளோரை விடுவிக்க விசேட சட்டமூலம்

*அமைச்சரவை அங்கீகாரம் பெற முடிவு - *1200 பேர் விரைவில் விடுதலை

அமைச்சர் ஹக்கீம் தகவல்

அவசரகால சட்ட ஒழுங்கு விதிகளின் கீழ் கைது செய்யப் பட்டு தடுத்து வைக்கப்பட்டுள்ள 1200 பேரை விரைவில் விடுதலை செய்வதற்கான நடவடிக்கைகளை அரசாங்கம் மேற்கொண்டு வருவதாக நீதியமைச்சர் ரவூப் ஹக்கீம் தினகரனுக்குத் தெரிவித்தார்.

இவ்வாறு தடுத்து வைக்கப்பட்டுள்ளவ ர்கள் தொடர்பான வழக்குக் கோவை களை சட்ட மா அதிபர் திணைக்களம் பரிசீலித்து வருவதாகக் குறிப்பிட்ட அமைச்சர் ரவூப் ஹக்கீம், அவசரகால சட்டத்தின் ஒழுங்கு விதிகளுக்கமைய தடுத்து வைக்கப்பட்டவர்களைத் தொடர்ந்தும் தடுத்து வைக்க முடியாது என்ற கருத்தையும் தெரிவித்தார்.

அதேவேளை; பாரதூரமான குற்றங்களுக்குள்ளானவர்கள் தொடர்பாகவும் கவனம் செலுத்தப்பட்டு வருவதாகத் தெரிவித்த அமைச்சர், அவர்களுக்கு எதிரான சட்ட நடவடிக்கைகளுக்கு ஏதுவாக அவசரகால சட்ட பின்னேற்பாடுகள் சட்டமூலமொன்றை பாராளுமன்றத்தில் சமர்ப்பிக்கவுள்ளதாகவும் தெரிவித்தார்.

தேசிய நலன் கருதிய அவசர சட்டமூலமாக இச்சட்டமூலம் பாராளுமன்றத்திற்கு அறிமுகப்படுத்தப்பட வுள்ளதாகவும் அதற்கு முன்னதாக அதனை அமைச்சரவைக்குச் சமர்ப்பித்து அங்கீகாரத்தைப் பெற்றுக்கொள்ளத் தீர்மானித்துள்ளதாகவும் அமைச்சர் தெரிவித்தார்.

அவசரகால சட்டம் முற்றாக நீக்கப்பட்டுள்ளதையடுத்து, அதன் ஒழுங்கு விதிகளுக்கமைய தடுத்து வைக்கப்பட்டு ள்ளவர்களை விடுதலை செய்வதற்காக அரசாங்கம் மேற்கொள்ளும் நடவடிக்கைகள் குறித்து அமைச்சர் ரவூப் ஹக்கீமிடம் வினவியபோதே அவர் இவ்வாறு தெரிவித்தார். இது தொடர்பில் அமைச்சர் மேலும் தெரிவிக்கையில்;

அவசரகால சட்டம் முற்றாக நீக்கப்பட்டுள்ளதையடுத்து, அதன் ஒழுங்கு விதிகளுக்கமைய பல்வேறு காலகட்டங்களி லும் நாட்டின் பல பகுதிகளிலுமிருந்தும் கைது செய்யப்பட்டு தடுத்து வைக்கப்பட்டுள்ளவர்களை விடுவிப்பதற்கான பூர்வாங்க நடவடிக்கைகள் முன்னெடுக்கப்பட் டுள்ளன. சாதாரண குற்றவாளிகளாகக் காணப்படுபவர்களில் கணிசமானோரின் வழக்குக் கோவைகள் தற்போது பரிசீலனைக்கு உட்படுத்தப்பட்டு வருகின்றன. அவர்களில் 1200 பேரை விரைவில் விடுவிக்க முடியும்.

அதேவேளை; பாரதூரமான குற்றங்களுக்காகத் தடுத்து வைக்கப்பட்டுள்ளவர்கள் தொடர்பில் சட்ட நடவடிக்கைகளை மேற்கொள்ளும் வகையில் அவர்களுக்கு எதிரான சாட்சியங் கள் தற்போது பரிசீலனைக்குட்படுத்தப்பட்டு வருகின்றன.

இவர்களின் விசாரணை தொடர்பிலான நடவடிக்கைகளை மேற்கொள்ளும் வகையிலேயே அவசரமான சட்டமூலமொன் றைப் பாராளுமன்றத்தில் சமர்ப்பிக்கத் தீர்மானித்துள்ளதாகவும் அமைச்சர் தெரிவித்தார்.

இவ்வாறு பாரதூரமான குற்றங்களுக்கு உட்பட்டவர்கள் ஆயிரத்துக்கும் மேற்பட்டோர் உள்ளதாக அமைச்சர் ரவூப் ஹக்கீம் மேலும் தெரிவித்தார்.

பெண் குழந்தைகள் பற்றாக்குறை: வெளிநாடுகளில் இருந்து சீனாவுக்கு மணப்பெண்கள் இறக்குமதி

சீனாவில் ஒரு குடும்பத்துக்கு ஒரு குழந்தை என்ற கட்டாய சட்டம் அமலில் உள்ளது. எனவே, அந்த குழந்தை ஆணாக இருக்க வேண்டும் என இந்நாட்டு மக்கள் விரும்புகின்றனர். எனவே, கருவில் இருக்கும் குழந்தை ஆணா? பெண்ணா? என ஸ்கேன் மூலம் கண்டறிகின்றனர். பெண் குழந்தையாக இருந்தால் அதை கருவிலேயே அழித்து விடுகின்றனர். இதனால் அங்கு பெண் குழந்தைகள் பிறப்பு விகிதம் மிகவும் குறைந்துள்ளது.  எனவே, திருமணம் செய்ய பெண் கிடைக்காமல் லட்சக்கணக்கான சீன இளைஞர்கள் தவித்து வருகின்றனர். எனவே, இக்குறையை போக்க தங்களது பக்கத்து நாடுகளான வியட்நாம், லாவோஸ் மற்றும் வடகொரியாவில் இருந்து மணப்பெண்களை இறக்குமதி செய்ய சீன அரசு முடிவு செய்துள்ளது. முதலில் 36 ஆயிரம் மணப்பெண்கள் பக்கத்து நாடுகளில் இருந்து இறக்குமதி செய்யப்பட உள்ளனர். தற்போதைய மக்கள் தொகை கணக்கெடுப்பின்படி சீனாவில் ஆண்களை விட 13 சதவீதம் பெண்கள் குறைவாக உள்ளனர்.

LTTE Diary: Prabakaran killed 300 Mahattaya's cadres

(Colombo Lankapuvath) An LTTE diary  in the hands of a  Tiger cadre in Germany has revealed that slain LTTE leader, Velupillai Prabakaran ordered the massacre of 300 cadres loyal to his one time deputy leader,Mahendrarajah alias Mahattaya.Notes pertaining to threats on Anton Balasingham not to talk  'peace moves' issued by Prabakaran are also included in that diary,reports from Berlin said.
Prabakaran who fell out with Mahattaya over the latter's stand to seek a negotiated political settlement with the Colombo Government at that time, had personally shot dead Mahattaya near a Red Chilly chena cultivation in the thick jungles of Mullaitivu in the presence of Kittu,Raheem and Yogaratnam alias Yogi.At the time Mahattaya was killed, the trio Kittu, Raheem and Yogi were the trusted lieutenants of Prabakaran who spearheaded ground operations against the Sri Lankan military in the North.

Having shot dead Mahattaya, the remains of the slain LTTE deputy leader had been carried into the thick jungles and cremated, the diary has revealed.

Thereafter, 300 hundred hard core cadres allocated to Mahattaya had been targeted by Prabakaran and killed within six months laying booby traps,land mines and anti-personnel bombs on the paths they were directed to travel,the diary has noted.

The diary unfolds that the manner of the killing of Mahattaya was kept a well guarded secret in order to put the blame on the government security forces on the sudden disappearance of Mahattaya.However, after Prabakaran penalized Yogi and the LTTE 'Top Command' split,many well guarded secrets of the LTTE had been let out by disgruntled cadres.Many of them have been punished with death while Yogi was barricaded in Jaffna as a cricket coach prohibited to leave the peninsula without the consent of Prabakaran,the diary has unfolded.

புலிகள் நம் உதவிகளை பெற்று நம் பிரதமரையே கோரமாக கொலை செய்திருக்கின்றனர்

  இன்று ராஜிவ் கொலை செய்யப்பட்டு, 20 ஆண்டுகளை கடந்த பின், இப்போது தான் ஒரு முடிவுக்கு வந்துள்ளனர். இந்நிலையில், அதுவும் நிறைவேற்றப்படக் கூடாது என்று, சிலர் முட்டுக்கட்டை போடுகின்றனர். இவர்களின் கூற்றுபடி, ராஜிவ் கொலைக் குற்றவாளிகளை தூக்கில் போடுவது, மனித உரிமை மீறல் என்றால், அவர் கொலை செய்யப்பட்டது மனித உரிமையா?

உலக வரலாற்றில், தமிழகம் ஒரு கருப்பு புள்ளியை பெற்றுள்ளது என்றால், அது, ராஜிவ் இந்த மண்ணில் கொடூரமாக கொலை செய்யப்பட்டது தான் என்பதை, இவர்கள் மறந்து விட்டனரா?
இலங்கையில் இனப்பிரச்னை ஏற்பட்ட காலங்களிலிருந்து, பல்வேறு வகையில் உதவிகள் புரிந்தது நம் தமிழகம் தான். அப்போதைய பிரதமர் இந்திரா முதற்கொண்டு, தமிழகத்தில் எம்.ஜி.ஆர்., என்று அனைத்து தலைவர்களும், ஏன் தமிழக மக்களும் அளவு கடந்த ஆதரவு தெரிவித்து வந்தனர்.
ராஜிவ் கூட, இலங்கையில் அமைதி ஏற்பட வேண்டும் என்று தான் பாடுபட்டார். ஆனால், விடுதலைப் புலிகள், தங்களின் நோக்கம் நிறைவேற வில்லை என்பதற்காக, மனிதாபிமானமின்றி, ஈவு, இரக்கமின்றி, மிகவும் கொடூரமான முறையில் மனித வெடிகுண்டு மூலம், ராஜிவை சின்னா பின்னமாக்கினர்.

இன்றைக்கும் கூட, அவர் கொல்லப்பட்ட படங்களைப் பார்த்தால், மனிதாபிமான மிக்க எவருமே, இந்த குற்றத்தை நியாயப்படுத்த மாட்டார்கள். அப்படியிருக்க, இங்குள்ள சில புள்ளிகள் போராடுவது எந்த வகையில் நியாயம்?அப்படியென்றால், இந்தியாவில் தாக்குதல் நடத்திய பாகிஸ்தான் பயங்கரவாதிகளுக்கு அளிக்கப்பட்ட மரண தண்டனையையும், இவர்கள் மனித உரிமை மீறல் என்று சொல்கின்றனரா? இப்படி எதற்கெடுத்தாலும், மனித உரிமை, மனித உரிமை மீறல் என்று சொன்னால், குற்றங்கள் எப்படி குறையும்? பயங்கரவாதமும், வன்முறையும், கொலைகளும் பெருகத்தான் செய்யும்.

அண்டை நாட்டின் விடுதலைப் போராளிகள், நம்மிடம் இருந்து உதவிகளை பெற்றுக் கொண்டு, நம் நாட்டிற்குள்ளேயே, நம் நாட்டு பிரதமரை அகோரமாக கொலை செய்திருக்கின்றனர். அதற்கு, 20 ஆண்டுகள் கழித்து, இப்போது தண்டனை வழங்கலாம் என்ற நிலையில், இது தவறு என்று போராடும் இவர்களை எப்படி ஏற்றுக் கொள்வது? மனிதாபிமானமிக்க யாரும் இதை ஏற்றுக் கொள்ள மாட்டார்கள்.ஒரு வேளை மத்திய அரசும், சுப்ரீம்கோர்ட்டும், ஜனாதிபதியும் குற்றவாளிகளின் தண்டனையை ரத்து செய்தால், வரும் காலங்களில் யாரையும் யாரும் கொலை செய்யலாம். அது தான் இந்திய ஜனநாயகத்தின் மனித உரிமை என்று சட்டம் இயற்றிவிடலாம்.
தினமலர்

ஊர்காவற்றுறை,11 வயதில் பிரதேச சபைத்தலைவரை படுகொலை செய்த மாணவ

பிரதேச சபைத் தலைவரை படுகொலை செய்ததாக ஊர்காவற்றுறையில் மாணவர் கைது!

பதினொரு வயதில் பிரதேச சபைத்தலைவரை படுகொலை செய்ததாக குற்றஞ்சாட்டி பாடசாலை மாணவனொருவன் ஊர்காவற்றுறை தம்பாட்டி பகுதியினில் கைது செய்யப்பட்டுள்ளான். எனினும் ஊர் மக்களிடையே எழுந்த கடும் எதிர்ப்பினையடுத்து கைது செய்யப்பட்ட மாணவன் இன்று விடுவிக்கப்பட்டுள்ளான். ஊர்காவற்றுறை பொலிஸ் நிலையத்தினில் இருந்து வந்த குற்றப்புலனாய்வுப்பிரிவு பொலிஸாரே நேற்றிரவு இம்மாணவனை கைது செய்துள்ளனர்.

16 வயதுடைய கிருஸ்ணகுமார் மணி எனும் மாணவனே கைது செய்யப்பட்டுள்ளான். சுமார் ஜந்து வருடங்களுக்கு முன்னர் அப்பகுதியில் படுகொலை செய்யப்பட்டிருந்த ஈபிடிபி கட்சியின் பிரதேச சபைத்தலைவரொருவரது மரணத்துடன் இம்மாணவன் தொடர்பு பட்டிருந்ததாக பொலிஸார் குற்றஞ்சாட்டியுள்ளனர்.

இதையடுத்து ஏற்பட்டிருந்த இழுபறிகளையடுத்து காலை இம்மாணவன் விடுவ்க்கப்பட்டுள்ளான். எனினும் அண்மையில் இப்பகுதியினில் சர்ச்சைக்குரிய வகையினில் புலிக்கொடி பறக்க விடப்பட்ட சம்பவம் தொடர்பினில் இக்கைது இடம்பெற்றிருக்கலாமென சந்கேகிக்கப்படுகின்ற து

இலங்கையர் சென்னையில் இன்டர்போலினால் கைது!

இலங்கைக்கு டயோனியல் குளோரைட் எனும் இரசாயன பொருளை இறக்குமதி செய்த குற்றச்சாட்டின் காரணமாக பிடிவிறாந்து பிறப்பிக்கப்பட்டிருந்த ஒருவர், சென்னை வானூர்தி நிலையத்தில் வைத்து இன்டர்போலினால் கைதுசெய்யப்பட்டுள்ளார்.

கென்யூட் சிறிபாலன் பீரிஸ் அல்லது கனீ பீரிஸ் என்பவருக்கு இலங்கை நீதிமன்றமொன்று பிடிவிறாந்து பிறப்பித்திருந்தது.

தற்போது அவரை இலங்கைக்கு கொண்டுவருவது குறித்து இன்டர்போல் அதிகாரிகளுடன் தாம் கலந்துரையாடி வருவதாக இலங்கை குற்றப்புலனாய்வு பிரிவினர் தெரிவித்துள்ளனர்.
கொஸ்கமவிலுள்ள பொம்மை தயாரிப்பு தொழிற்சாலை ஒன்றின் பயன்பாட்டிற்காக என்ற போர்வையில் இந்த இரசாயனப் பொருள் இறக்குமதி செய்யப்பட்டிருந்தது.
எனினும் நச்சுப் பானமொன்றுக்காக அது இறக்குமதி செய்யப்பட்டிருந்தமை பின்னர் கண்டுபிடிக்கப்பட்டது.

எனது சகோதரர் மகிந்த ராஜபக்ச யாருக்கும் பயப்படுபவரில்லை.

அமெரிக்கா:இங்கிலாந்து:இந்தியாவின் நெருக்குதலால் தான் எனது சகோதரர் மகிந்த ராஜபக்ச அவசரகாலச் சட்டத்தை எடுத்தார் என்று சொல்வது தவறு.கோத்தபாய ராஜபக்ச!

அமெரிக்கா:இங்கிலாந்து:மற்றும் இந்தியாவின் நெருக்குதலால் தான் எனது சகோதரர் மகிந்த ராஜபக்ச அவசரகாலச் சட்டத்தை எடுத்தார் என்று சொல்வது தவறு. அவர் யாருக்கும் பயப்படுபவரில்லை. அவர் எப்போதும் பயப்படப் போவதுமில்லை என்று கோத்தபாய ராஜபக்ச தெரிவித்தார்.

கடந்த வாரம் கிறீஸ் பூத விவகாரம் தொடர்பாக முஸ்லீம் சமூகத் தலைவர்களையும் முஸ்லீம் மதத் தலைவர்களையும் சந்தித்த போதே இவ்வாறு தெரிவித்த கோத்தபாய ராஜபக்ச,

அதேபோல அவசரகாலச் சட்டத்தை நீடிப்பதற்காக அரசாங்கமே கிறீஸ் பூதம் என்ற திட்டத்தைக் கொண்டு வந்தது என்ற புரளியும் நாட்டில் பரவியுள்ளது.

ஆனால் உண்மை என்னவென்றால் எங்களுடைய அரசாங்கத்திற்கு அப்படிச் செய்ய வேண்டிய தேவை இல்லை என்று தெரிவித்துள்ளார்.

நாட்டுக் நண்மை பயக்க என்ன செய்ய வேண்டும் என்பது எனது சகோதரினிற்குத் தெரியும் அதனால் தான் அவர் பாராளுமன்றத்தின் உதவியுடன் அவசரகாலச் சட்டத்திற்கு முடிவு கட்டியுள்ளார் எனத் தெரிவித்த கோத்தபாயவிடம்,
படைகளும் அரசும் கிறீஸ் பூத விவகாரத்தில் உடனடி நடவடிக்கை எடுக்கவில்லை என்ற அதிருப்தியை வெளியிட்ட மேற்படி முஸ்லீம் தலைவர்கள் கிறீஸ் பூத விவகாரத்தில் 25வீதம் உண்மையாக சம்பவங்கள் இடம்பெற அதையொட்டிய வதந்தி 75 வீதமாக இருக்கிறதென்றும் எனினும் அந்த 25வீத உண்மைச் சம்பங்களும் ஆராயப்பட வேண்டும் எனக் கேட்டுக் கொண்டனர்.

கச்சதீவில் மீன்பிடிக்க தமிழக மீனவர்களை அனுமதிக்க மாட்டோம்

இலங்கைக்குச் சொந்தமான கச்சதீவில் மீன்பிடிக்க தமிழக மீனவர்களை அனுமதிக்க மாட்டோம் இந்தியாவுக்கான இலங்கைத் தூதர் பிரசாத் காரியவசம்!

இலங்கைக்குச் சொந்தமான கச்சதீவில் மீன்பிடிக்க தமிழக மீனவர்களை அனுமதிக்க மாட்டோம் என்று இந்தியாவுக்கான இலங்கைத் தூதர் பிரசாத் காரியவசம் திட்டவட்டமாகத் தெரிவித்துள்ளார்.

இது குறித்து சனிக்கிழமை அவர் பெங்களூரில் செய்தியாளர்களிடம் கூறியவை வருமாறு:

இந்திய - இலங்கை ஒப்பந்தப்படி இலங்கைக்கு அளிக்கப்பட்ட கச்சதீவில் தமிழக மீனவர்கள் மீன்பிடிக்க அனுமதிக்க மாட்டோம்.

ஒப்பந்தத்தில் கூறியுள்ளபடி அங்குள்ள புனித அந்தோனியார் ஆலயத்திற்கு பொதுமக்கள் ஆண்டுக்கு ஒரு முறை சென்று வழிபாடு நடத்த மட்டும் அனுமதிக்கப்படுவார்கள்.

கடந்த ஆண்டு வரை தமிழக மீனவர்கள் இலங்கை இராணுவத்தினரால் சந்தேகத்தின் பேரில் தாக்கப்பட்டது உண்மைதான்.

ஆனால் கடந்த 6 மாதமாக ஒன்று இரண்டைத் தவிர வேறு எந்தவித அசம்பாவிதமும் கடல் பகுதியில் நடக்கவில்லை.

சீனா எங்கள் நட்பு நாடு. இந்தியா எங்கள் உறவு நாடு. இந்தியாவின் உறவுடன் வர்த்தகத்தை மேம்படுத்த விரும்புகிறோம்.

இதனால்தான் பெங்களூரில் இலங்கை கௌரவப் பிரதிநிதி அலுவலகம் தொடங்கப்பட்டுள்ளது. கௌரவப் பிரதிநிதியாக கே.சுதாகர் நியமிக்கப்பட்டுள்ளார்.

இந்தியா எங்கள் வர்த்தகத்திற்கும், சுற்றுலாவிற்கும் பெரிதும் உதவுகிறது. எனவே இந்தியாவுடனான வர்த்தக உறவை மேலும் பெருக்க விரும்புகிறோம். இவ்வாறு கூறினார் பிரசாத் காரியவசம் அவ ர்கள்.

இந்தியா இலங்கையிடமிருந்து 80 போர்ப்படகுகளை கொள்வனவு செய்யும்

இலங்கையிடம் இருந்து 80 அதிவேக இடைமறிப்புப் படகுகளை கொள்வனவு செய்வதற்கான உடன்பாடு ஒன்றில் இந்தியப் பாதுகாப்பு அமைச்சு கையெழுத்திட்டுள்ளது.

250 கோடி ரூபா பெறுமதியான இந்த உடன்பாட்டு கடந்த வெள்ளிக்கிழமை கையெழுத்திடப்பட்டதாக இந்திய பாதுகாப்பு அமைச்சு வட்டாரங்கள் தகவல் வெளியிட்டுள்ளன.

இந்தியக் கடற்படையில் அண்மையில் உருவாக்கப்பட்ட சாகர் பிரஹாரி பால் என்ற சிறப்புப் படைப்பிரிவுக்காகவே இந்தப் படகுகள் கொள்வனவு செய்யப்படவுள்ளன.

கடற்புலிகளின் போர்த்தந்திரங்களை அடியொற்றி இலங்கை கடற்படை உருவாக்கியிருந்த சிறப்புப் படகுப் படையணியை முன்னுதாரணமாகக் கொண்டே இந்தியா சாகர் பிரஹாரி பால் என்ற இந்தப் படைப்பிரிவை உருவாக்கியுள்ளது.

சந்தேகத்துக்கிடமான கப்பல்கள், படகுகளை வழிமறித்தல், மற்றும் கரையோரப் பாதுகாப்பு நடவடிக்கைகளை வலுப்படுத்தவதற்கே இந்தப் படகுகளை இந்தியா பயன்படுத்தவுள்ளது எனத் தெரிவிக்கப்படுகிறது.

இந்தப் படகுகளை இலங்கையின் சோலாஸ் மரைன் நிறுவனம் 36 மாதங்களுக்கள் கட்டிக் கொடுக்கவுள்ளது.

இலங்கை கடற்படையின் சிறப்புப் படகு அணியை சேர்ந்த 42 கொமாண்டோக்கள் சில மாதங்களுக்கு முன்னர் மும்பைக்குச் சென்று இந்திய கடற்படையினருடன் தமது அனுபவங்களைப் பகிர்ந்து கொண்டிருந்தனர் என்பது குறிப்பிடத்தக்கது.

செட்டியார் ஜாதியினர் புலிவேசம் சினிமாமீது ஆவேசம்

புலிவேசம் சினிமா : செட்டியார் இனம் ஆவேசம்சேலத்தில் ஆர்ய வைஸ்ய முன்னேற்ற பேரவை மற்றும் அனைத்து செட்டியார்கள் முன்னேற்ற பேரவையின் ஆலோசனை கூட்டம் நடந்தது. கூட்டத்திற்கு மாநில இளைஞரணி துணை செயலாளர் முரளி தலைமை வகித்தார். ஷண்முக சுந்தரம், கணேசன், கேசவன், குமரன், தனகோபால் ஆகியோர் முன்னிலை வகித்தனர்.

சிறப்பு அழைப்பாளராக அனைத்து செட்டியார்கள் முன்னேற்ற பேரவை மாவட்ட தலைவரும், ஆர்ய வைஸ்ய முன்னேற்ற பேரவை மாநில தலைவர் ஆர்.அரவிந்தன் கலந்து கொண்டு பேசினார். கூட்டத்தில் தீர்மானங்களும் நிறைவேற்றப்பட்டது.

புலிவேசம் படத்தில் செட்டியார் இன மக்களை இழிவுப்படுத்தி பேசும் காட்சிகளை உடனே நீக்க வேண்டும் என்பது உள்பட பல தீர்மானங்கள் நிறைவேற்றப்பட்டது.

Zimbawe கடாபி?-மனைவி, பிள்ளைகள் அல்ஜீரியாவுக்கு ஓட்டம்

திரிபோலி:  பதவியிறக்கப்பட்ட லிபிய அதிபர் கடாபி ஜிம்பாப்வேயில் ஒளிந்திருக்கக்கூடும் என்று இங்கிலாந்து ஊடகங்கள் செய்தி வெளியிட்டுள்ளன.
இது குறித்து இங்கிலாந்தைச் சேர்ந்த நாளிதழான டெய்லி மெயிலில் வெளியிடப்பட்டுள்ள செய்தியில் கூறியிருப்பதாவது,
கடாபி ஜிம்பாப்வே அதிபர் ராபர்ட் முகாபேக்கு சொந்தமான ஜெட் விமானத்தில் கடந்த வாரம் ஜிம்பாப்வேயில் வந்து இறங்கினார். ஆனால் முகாபேயின் செய்தித் தொடர்பாளர் ஜார்ஜ் சரம்பா இதை மறுத்துள்ளார். கடாபியைப் பார்த்தால், என் சார்பில் நலம் விசாரியுங்கள் என்று அவர் கூறினார்.
ஒரு வேளை கடாபி ஜிம்பாப்வேயில் தஞ்சம் புக அனுமதி கேட்டால் கொடுக்கப்படுமா என்றதற்கு சரம்பா பதில் அளிக்கவில்லை. இவ்வாறு அதில் தெரிவிக்கப்பட்டுள்ளது.
அதேசமயம், கடாபி ஜிம்பாப்வேயில் தான் பதுங்கி இருக்க வேண்டும் என்று ஏராளமானோர் கருதுகின்றனர். அவர் கடந்த புதன்கிழமையே ஹராரே வந்துவிட்டதாகவும் கூறப்படுகிறது. கடந்த புதன்கிழமை ஹராரேவில் மின்வெட்டு ஏற்பட்டது. அது கடாபி வருவதை யாரும் தெரிந்து கொள்ளாமல் இருப்பதற்காகத் தான் என்று சிலர் கருதுகின்றனர்.
முகாபேயின் அரசியல் எதிரிகள் கடாபி ஜிம்பாப்வேயில் வந்திறங்கியதைப் பார்த்ததாக டெய்லி மெயில் செய்தி வெளியிட்டுள்ளது. கடாபியுடன் அவரது மகன் சைப் அல் இஸ்லாமும் தப்பித்திருக்க வேண்டும் என்று கூறப்படுகிறது.

கடாபியின் இன்னொரு மகனான காமிஸ் போராட்டத்தில் கொல்லப்பட்டிருக்கலாம் என்று புரட்சிக்காரர்கள் தெரிவித்தனர். ஒன்று காமிஸ் இறந்திருக்கக்கூடும் அல்லது அவர் எப்பொழுதோ நாட்டை வி்ட்டு வெளியேறிவிட்டார் என்று அவர்கள் மேலும் தெரிவித்தனர்.
மனைவி, மகன்,மகள் அல்ஜீரியாவில்
அதேசமயம், கடாபியின் மனைவி சபியா, மகன்கள் ஹன்னிபல், முகமது, மகள் ஆயிஷா ஆகியோர் தரை வழியாக அல்ஜீரியாவுக்கு தப்பியோடிவிட்டார்கள். அல்ஜீரியா கடாபியின் குடும்பத்தை வரவேற்று தஞ்சம் அளித்திருப்பதில் ஆச்சரியம் இல்லை என்று புரட்சியாளர்களின் செய்தித் தொடர்பாளர் அகமது பானி தெரிவித்துள்ளார்.
லிபிய போராட்டத்தை அடக்குவதற்காக அல்ஜீரியா கடாபிக்கு உதவியதாக அவர் தெரிவித்தார்.
6 மெர்சிடீஸ் செடான்கள் கடந்த வாரம் லிபியாவில் இருந்து அல்ஜீரியாவுக்குள் நுழைந்ததைப் பார்த்ததாக ஒரு போராளி தெரிவித்தார் என்று எகிப்து நியூஸ் ஏஜென்ஸியான மெனா தெரிவித்துள்ளது. இந்நிலையில் கடாபியின் மனைவி, 3 பிள்ளைகள் அல்ஜீரியாவுக்கு வந்துள்ளதை அந்நாட்டு வெளியுறவு அமைச்சகம் ஒப்புக் கொண்டுள்ளது.

கடாபி பதவிக்காக எதையும் செய்யக்கூடியவர். கடைசி நிமிடத்தில் கூட அவர் ஏதாவது செய்யக்கூடும் என்று போராளிகளின் தலைவர் அப்துல் ஜலீல் நேட்டோ அதிகாரிகளிடம் தெரிவித்துள்ளார்.

அரசு கேபிள்: ரூ 70க்கு 90 சேனல்கள் - ஜெயலலிதா அறிவிப்பு

செப் 2 முதல் அரசு கேபிள்: ரூ 70க்கு 90 சேனல்கள் - ஜெயலலிதா அறிவிப்பு

சென்னை: வரும் செப்டம் 2-ம் தேதி முதல் அரசு கேபிள் கார்ப்பரேஷன் செயல்படத் தொடங்கும் என்றும், இதன் மூலம் மக்களுக்கு 90 சேனல்கள் ரூ 70-க்கே கிடைக்கும் என்றும் இன்று முதல்வர் ஜெயலலிதா அறிவித்துள்ளார்.

சட்டசபையில் முதல்வர் ஜெயலலிதா இன்று 110-வது பிரிவின் கீழ் ஒரு அறிக்கை வாசித்தார். அதில் கூறியிருப்பதாவது:
கேபிள் டி.வி. இணைப்பின் மூலம் தொலைக்காட்சி நிகழ்ச்சிகளை வழங்குவதில் ஏகபோக நிலை ஏற்படுத்தப்பட்டு, அதன்மூலம் பொதுமக்களிடமிருந்து அதிக அளவில் கட்டணம் வசூலிக்கப்படுகிறது என்பதையும், இதன் காரணமாக இந்த தொழிலில் ஏகபோக நிலையை ஏற்படுத்தியவர்கள் அதிக லாபம் பெற்று வருகின்றனர், என்பதையும், இந்த மாமன்ற உறுப்பினர்களாகிய நீங்கள் நன்கு அறிவீர்கள்.
முந்தைய அரசால் 2007-ம் ஆண்டு தொடங்கப்பட்ட அரசு கேபிள் டி.வி. நிறுவனம் 2008-ம் ஆண்டு ஜூலை மாதம் முதல் தனது ஒளிபரப்பை தொடங்கியது. இந்த நிறுவனம் 50 ஆயிரத்திற்கும் அதிகமான இணைப்புகளை வழங்கியது. பின்னர் முந்தைய ஆட்சியாளர்களின் சுயநலம் காரணமாக அரசு கேபிள் டி.வி. நிறுவன இணைப்புகளின் எண்ணிக்கை படிப்படியாக குறைந்து 31.3.2011 அன்றைய நிலவரப்படி 432 இணைப்புகளாக சுருங்கி விட்டது.
திமுக அரசு முடக்கியது
அதாவது முந்தைய மைனாரிட்டி தி.மு.க. அரசால் தொடங்கப்பட்ட அரசு கேபிள் டி.வி. நிறுவனம் அந்த அரசாலேயே முடக்கப்பட்டு விட்டது. எனவேதான் அ.தி. மு.கழகத்தின் தேர்தல் அறிக்கையில் கேபிள் டி.வி. தொழிலில் உள்ள ஏக போகத்தை தடுத்து அனைவருக்கும் தொழில் செய்ய வாய்ப்பு அளிக்கும் வகையிலும், அனைத்து மக்களுக்கும் குறைந்த கட்டணத்தில் அரசு கேபிள் டி.வி. இணைப்பு கொடுக்கும் வகையிலும், நடவடிக்கை எடுக்கப்படும் என தமிழக மக்களுக்கு வாக்குறுதி அளித்திருந்தோம்.
இந்த தேர்தல் வாக்குறு தியை நிறைவேற்றும் வகையில், அரசு கேபிள் டி.வி. நிறுவனத்தின் நடவடிக்கை களை புனரமைப்பதற்கான அனைத்து நடவடிக்கை களையும எனது அரசு தீவிரமாக மேற்கொண்டது. இந்நிறுவனத்திற்கு ஒரு முழு நேர தலைவர் மற்றும் இந்திய ஆட்சிப் பணியை சேர்ந்த ஒரு நிர்வாக இயக்குனர் ஆகியோர் நியமிக்கப்பட்டனர்.
சென்னை தவிர, அனைத்து மாவட்டங்களிலும்
ஏற்கனவே தஞ்சாவூர், திருநெல்வேலி, கோயம் புத்தூர் மற்றும் வேலூர் ஆகிய நகரங்களில் அமைக்கப்பட்டிருந்த டிஜிட்டல் தலைமுனைகள் பராமரிப்பு செய்யப்பட்டன. மீதமுள்ள 27 மாவட்டங்களில் தனியார் வசம் உள்ள தலைமுனைகள் வாடகைக்கு பெறப்பட்டும், புதிதாக அனலாக் தொழில் நுட்ப கேபிள் டி.வி. கட்டுப்பாட்டு அறைகள் நிறுவப்பட்டும், அரசு கேபிள் டி.வி. புனரமைக்கப்பட்டது. மேலும் இந்த நிறுவனம் தமிழ்நாடு அரசு கேபிள் டி.வி. நிறுவனம் என பெயர் மாற்றம் செய்யப்பட்டது.

சென்னை நீங்கலாக அனைத்து மாவட்டங்களிலும் கேபிள் டி.வி. சேவையைத் தொடங்கும் பொருட்டு, உள்ளூர் கேபிள் ஆப்ரேட்டர்கள் மற்றும் எம்.எஸ்.ஓ.க்களை தமிழ்நாடு அரசு கேபிள் டி.வி. நிறுவனத்தில் சேர அழைப்பு விடுக்கப்பட்டதன் அடிப்படையில் தமிழகத்தில் உள்ள 34,344 கேபிள் ஆப்ரேட்டர்கள் மற்றும் எம்.எஸ்.ஓ.க்கள் மிகுந்த ஆர்வத்துடன் தமிழ்நாடு அரசு கேபிள் டி.வி. நிறுவனத்தில் தங்களை இணைத்துக் கொண்டனர். இவர்களிடம் 1 கோடியே 45 லட்சம் இணைப்புகள் உள்ளன.
கட்டணச் சேனல்களும்
31 மாவட்டங்களிலும் நிறுவப்பட்டுள்ள ஒளிபரப்பு மையங்களை 24 மணி நேரமும் பராமரிக்கவும், ஒளிபரப்பு சேவையை தங்கு தடையின்றி மக்களுக்கு வழங்கவும், நடவடிக்கைகள் எடுக்கப்பட்டுள்ளன. தமிழ்நாடு அரசு கேபிள் டி.வி. ஒளிபரப்பின் மூலம் கட்டணச் சேனல்கள் உள்பட 90 சேனல்களை ஒளிபரப்பிட நடவடிக்கைகள் எடுக்கப்பட்டு உள்ளன. முதலில் இலவச சேனல்கள் ஒளிபரப்பு செய்யப்படும்.

கட்டணச் சேனல்களைப் பெறுவதற்கான நடவடிக்கைகள் மேற்கொள்ளப்பட்டு வருகின்றன.

வெறும் ரூ 70 மட்டுமே

விரைவில் கட்டணச் சேனல்களும் தமிழ்நாடு அரசு கேபிள் டி.வி. மூலம் வழங்கப்படும். 2.9.2011 முதல் ஒளிபரப் புச்சேவைகள் தொடங்கப்பட்டு குறைந்த செலவில் நிறைவான சேவையை தமிழ்நாடு அரசு கேபிள் டி.வி. நிறுவனம் தமிழக மக்களுக்கு வழங்கும் என்பதையும், தமிழ்நாடு அரசு கேபிள் டி.வி. நிறுவனத்தில் சேர்ந்துள்ள கேபிள் ஆப்பரேட்டர்கள் மூலம் தொலைக்காட்சி சேவையை பெறும் சந்தாதாரர்களிடமிருந்து மாதச் சந்தாவாக 70 ரூபாய் மட்டுமே கேபிள் டி.வி. ஆப்பரேட்டர்களால் வசூலிக்கப்படும் என்பதையும் மகிழ்ச்சியுடன் தெரிவித்துக் கொள்கிறேன்.

இந்த ஒளிபரப்பை வழங்கும் கேபிள் டி.வி. ஆப்பரேட்டர்களிடமிருந்து கட்டணமாக ஒரு இணைப்பிற்கு 20 ரூபாய் தமிழ்நாடு அரசு கேபிள் டி.வி. நிறுவனத்தால் வசூலிக்கப்படும். எனது தலைமையிலான தமிழ்நாடு அரசின் இந்த நடவடிக்கையின் மூலம் மிகக் குறைந்த கட்டணத்தில் கேபிள் டி.வி. இணைப்பை தமிழக மக்கள் பெறுவது உறுதி செய்யப்பட்டுள்ளது.

இதன் மூலம் கேபிள் இணைப்பு பெற்றுள்ள ஒவ்வொருவருக்கும் மாதம் ஒன்றுக்கு சுமார் 70 ரூபாய் முதல் 100 ரூபாய் வரை சேமிப்பு ஏற்படும் என்பதை மட்டற்ற மகிழ்ச்சியுடன் இந்த மாமன்றத்திற்குத் தெரிவித்துக் கொள்கிறேன்.

-இவ்வாறு ஜெயலலிதா அறிவி்த்தார்.

சென்னை ராஜீவ் காந்தி சிலைகள் மீது தார் பூசி அவமதிப்பு

சென்னை: சென்னை சைதாப்பேட்டையில் உள்ள ராஜீவ் காந்தி சிலை தார்ப் பூசி அவமதிக்கப்பட்டதால் பதட்டம் ஏற்பட்டுள்ளது.

தமிழகம் முழுவதும் ராஜீவ் காந்தி கொலை வழக்கில் தூக்குத் தண்டனை நிறைவேற்றப்படவுள்ள மூவரையும் காக்கக் கோரி பல்வேறு வழிகளில் போராட்டங்கள் தீவிரமாக நடந்து வருகின்றன. இதனால் தமிழகம் முழுவதும் பரபரப்பு நிலவுகிறது.
இந்த நிலையில், சென்னை சைதாப்பேட்டையில் உள்ள ராஜீவ் காந்தி சிலையில் தார் பூசி அவமதிக்கப்பட்டுள்ளது. நள்ளிரவில் இந்த செயலை சிலர் செய்து விட்டு தப்பி விட்டனர்.
இதுகுறித்துப் போலீஸாருக்குத் தகவல் போய் அவர்கள் விரைந்து வந்து சிலைக்குப் பாதுகாப்பு கொடுத்துள்ளனர். சிலை அவமதிக்கப்பட்ட தகவல் பரவியதும் காங்கிரஸார் அங்கு குவிந்துள்ளனர். சிலையை அவமதித்தவர்கள் மீது நடவடிக்கை எடுக்கக் கோரி அவர்கள் போராட்டத்தில் குதித்துள்ளதால் பரபரப்பும், பதட்டமும் நிலவுகிறது.

வேப்பேரியிலும்

இதேபோல வேப்பேரி காவல் நிலையம் அருகே உள்ள ராஜீவ் சிலையும் அவமதிக்கப்பட்டுள்ளது.

Thenee.com எஸ்.மனோரஞ்சன் இலங்கை வந்துள்ளார்.

புலம்பெயர்ந்தோர் அரசியலில் இலங்கைத் தமிழர் தேசியம்

இலங்கையில் வெளிவந்த "அமுது' என்ற தமிழிதழின் ஆசிரியரும் ஊடகவியலாளருமான எஸ்.மனோரஞ்சன் புலம்பெயர்ந்து தற்போது கனடாவில் வாழ்பவர். இவர் இலங்கை வந்துள்ளார். இலங்கை முற்போக்குக் கலை,இலக்கிய மன்றத்தின்  அழைப்பை ஏற்றுப் " புலம்பெயர் அரசியலில் இலங்கைத் தமிழர் தேசியம்' என்ற விடயம் பற்றி உரை நிகழ்த்தினார். அண்மையில் கொழும்பு6, தர்மராம வீதியிலுள்ள பெண்கள் கல்வி ஆய்வு மையத்தின் கேட்போர் கூடத்தில் இவ்வுரை நிகழ்த்தப்பட்டது. உரையின் பின் கலந்துரையாடலும் செய்யப்பட்டது. சிவா சுப்பிரமணியம் (தினகரன் முன்னாள் ஆசிரியர்) தலைமை வகித்து நிகழ்வை நெறிப்படுத்தினார்.

தலைமையுரை: சிவா சுப்பிரமணியம்

இலங்கை அரசியலில் தமிழ்ப் பிரச்சினை பல கட்டங்களைத் தாண்டி வந்துள்ளது. முதல் தேர்தலில் ஒரே அணி. ஒரே கட்சி. ஒரே தேர்தல் விஞ்ஞாபனம். முற்போக்குச் சிங்களக் கட்சிகளோடு ஒற்றுமை என்ற அடிப்படையில் ஒத்துழைப்பது.பின்னர் ஐக்கிய தேசியக் கட்சிக்கு ஒத்துழைப்பு. அதன் பின்னர் அகில இலங்கைத் தமிழரசுக் கட்சி சமஷ்டிக் கோரிக்கையைக் கொண்டு வந்தது. இதன் பிறகு சமஷ்டிக் கோரிக்கை கைவிடப்பட்டுத் தனிநாடு கேட்கப்பட்டது. சமஷ்டிக் கோரிக்கையில் தமிழரசுக் கட்சியும் தமிழ்க் காங்கிரஸ் கட்சியும் ஒன்றுபட்டுழைத்தன. தனிநாடு கோரிக்கை சந்தர்ப்பவாதமானதே. எதிலும் தமிழ் அரசியல் நிலையாக நிற்கவில்லை.மாவட்ட சபை,மாகாண சபை போன்றவை முன்வைக்கப்பட்டன. முன்னாள் ஜனாதிபதி சந்திரிகா பண்டாரநாயக்க குமாரதுங்கவின் தீர்வுத் திட்டமும் கொண்டுவரப்பட்டது. தமிழர் கூட்டணி விடுதலைப்புலிகளோடு சேர்ந்து கொண்டது. அணுகுமுறையில் கூட்டணியினர் பெரிய வித்தியாசத்தைக் காட்டினர். தமிழ்நாடு,இந்தியா,சர்வதேசம் என்பவைகளின் ஆதரவு கிடைக்குமென நம்பியிருந்தனர்.

புலம்பெயர்ந்த இலங்கைத் தமிழர்களது உதவிகளும் வரும் என எதிர்பார்த்தனர். இப்படி மற்றவர்களை எதிர்பார்த்துக் கொண்டு சுய முயற்சியற்றிருந்தனர். தீர்வு தேடி வருமென எதிர்பார்த்தனர். ஆயுதமேந்திய இயக்கத்தினர் தீர்வைப் பெறுவரெனக் காத்திருந்தனர். தீர்வொன்றைத் தமிழ்ப் பிரச்சினைக்குப் பெற்றுத்தர தீவிர ஜனநாயக அரசியல் செயற்பாட்டாளர்கள் தான் பொருத்தம்.

உரை: புலம்பெயர்ந்தோர் அரசியலில் இலங்கைத் தமிழர் தேசியம்

எஸ்.மனோரஞ்சன்

குடும்பத்தோடு கனடாவுக்குப் புலம்பெயர்ந்தது எனக்கு வேதனைதான். இரண்டு இலட்சத்து எண்பத்தைந்தாயிரம் தமிழர்கள் இன்று கனடாவில் வாழ்கின்றனர். 2003 இல் தவிர்க்க முடியாத நிர்ப்பந்தத்தால் புலம்பெயர்ந்தேன். 1958 அக்டோபர் மாதம் கொழும்பு நகரசபை மண்டபத்தில் நடந்த கூட்டமொன்றில் கலாநிதி என்.எம்.பெரேரா (லங்கா சமசமாஜக்கட்சிஇன் முன்னாள் தலைவர்) தீர்க்கதரிசனமாக தனிச் சிங்களத் தேசியவாதம் நம்மெல்லோருக்கும் ஆபத்தைத் தரக் கூடியதென எச்சரிக்கை செய்தார். இதைத் தமிழ் அரசியல்வாதிகளும் கவனத்துக்கு எடுத்திருக்க வேண்டும். நீர்ச்சுழியைப் போன்றதாகவே அனைத்து தமிழ் அரசியல் குரல்களும் இருந்தன. குறுகிய புள்ளியை நோக்கிச் சென்றது. தமிழ்த் தேசியம் ஓங்கி வளர்ந்தது. இந்தியாவோடு இணைந்து கொண்டனர். தமிழ்த் தேசியத்துக்கு இந்தியா பிராணவாயுவாகச் செயற்பட்டது. இதுதான் அழிவுக்குக் கொண்டு சென்றது. இதற்கும் தமிழ்ப் பொதுமக்களது அங்கீகாரம் இருக்கவில்லை. இது ஆபத்து.

இனத்துவ அரசியல் ஒருபோதும் மேலெழும்ப விடாது. குறிப்பிட்ட வர்க்க அரசியலால் மக்களை ஒன்றுபடுத்த முடியாது. 1980 இல் இடதுசாரி அரசியலாளர்கள் பிரிந்தனர். தமிழின அரசியலால் கண்மூடித்தனமான அலைக்குள் தமிழ் மக்கள் இழுத்துச் செல்லப்பட்டனர். கனடா போன்ற புலம்பெயர்ந்த நாடுகளிலும் குறுகிய தமிழ்த் தேசியவாதம் இங்கு போல் தமிழ்ப் பண்பாடு,கலாசாரத்தைப் பேண வைத்தது. இங்குள்ளது போல் ரொறன்ரோவில் செறிவாகத் தமிழர் வாழ்கின்றனர். பலருக்கு ஆங்கிலம் தெரியாது. ஆட்சியிலும் பங்கு பற்றுகின்றனர். இங்குள்ளதுபோல் கனடாவில் சாதிப் பாகுபாடு காட்டப்படுகிறது. தாழ்த்தப்பட்ட இளைஞன் மகளைக் காதலித்ததற்காக அவனைக் காரால் மோதிக் காயப்படுத்தியுள்ளார் ஒரு இலங்கைத் தமிழ்த் தந்தையார். இதே பேர்வழிகள் முற்போக்கு அரசியலையும் பேசுகின்றனர். தமிழ்ப் பண்பாட்டுக்கட்டுமானம் கனடாவில் நடைபெறுகின்றது. இங்கு கூட இல்லாத வகையில் அங்கு 30 இற்கும் மேற்பட்ட பத்திரிகைகள் வெளிவருகின்றன. 6 வானொலிகளும் 2 தொலைக்காட்சிகளும் சேவையிலுண்டு.அங்கு இடதுசாரிச் சிந்தனை பலமற்றதாகிவிட்டது. அவசியம் இப்போக்குக்கு சத்திரசிகிச்சை தேவை. ஆப்கானிஸ்தான்,பாலஸ்தீனம், சோமாலியா போன்றவைகளின் சமூக, அரசியல் இயக்கங்களும் அங்கு இயங்குகின்றன. சீக்கிய இன அமைப்பும் உண்டு.

தமிழ்த் தேசியவாதிகளின் ஆதிக்கம் கனடாவின் பாதுகாப்புத்துறையை மெய்சிலிர்க்க வைத்தது. அதன் ஆதிக்கம் பெரும் தாக்கத்தை ஏற்படுத்தியது. இதனால் இதை அரசாங்கத்தால் ஒதுக்க முடியாது போய்விட்டது. விடுதலைப்புலிகள் இயக்கத்தின் அரசியல் பொறுப்பாளர் தமிழ்ச்செல்வனின் மறைவுக்கு அனுதாபம் தெரிவிக்க பிரமாண்டமான மேடை அமைக்கப்பட்டது. சகல கட்சிகளைச் சேர்ந்தவர்களும் கலந்துகொண்டு பேசினர். தமிழ் அச்சு ஊடகங்கள் கொளுத்த தலையங்கங்களைத் தீட்டின. முட்டி மோதுவது பிரச்சினையை ஏற்படுத்தும் என்ற பயம். மானபங்கம் ஏற்படும். எனவே, பிரச்சினை வராமலிருக்க ஊடகங்கள் நடந்து கொண்டன. "இந்த மண் எங்களின் சொந்த மண்' பாடல் ஒலிபரப்பானது. ஒட்டாவா பாராளுமன்றத்தில் புலிகள் இயக்கத் தடையை நீக்கும்படி கேட்கப்பட்டது. இந்த இயக்கத்தவரை இலங்கைத் தமிழரது ஏகப் பிரதிநிதிகளாக ஏற்க வேண்டுமென அழுத்தம் கொடுக்கப்பட்டது.

தமிழீழப் புலிகள் அழிக்கப்பட்ட (18.05.2009) இப்போ கனடாவில் தமிழ்த் தேசிய அரசியல் நிதானமாகச் சென்று கொண்டிருக்கிறது. தமிழ்த் தேசியவாத அரசியலுக்கு மீண்டுமொரு முகம் வந்துள்ளது. இது புலிகள் அழிப்பினாலேற்பட்ட திருப்பம். கனடா பாராளுமன்றத்துக்கு இலங்கைத் தமிழரான ராதிகா சிற்சபேசன் உறுப்பினராக இருக்கிறார். இதற்கெல்லாம் புலிகளின் அழிவுதான் வசதியை ஏற்படுத்திக் கொடுக்கிறது. தமிழருக்குத் தனிநாடு அவசியம் என்ற நிலைப்பாடு பலமாக இருக்கிறது. உணர்ச்சிவசமான இனத்துவ தேசிய அரசியல் தமிழ் மக்களுக்குப் பாதிப்பைத்தான் ஏற்படுத்தும். மக்களைத் தூண்டித் தமது அரசியல் பதவியை தக்கவைக்கத் தமிழ் அரசியல்வாதிகள் முயல்கின்றனர். சமூக,பொருளாதாரப் பிரச்சினைகளில் முற்போக்கான பார்வை இல்லை. உணர்ச்சி வசமானவைகளாகவே காணப்படுகின்றன.இப்போக்குப் பலமான தளத்தை ஏற்படுத்தாது. மாறாக அழிவைத்தான் ஏற்படுத்தும். இலங்கைத் தமிழர் போராட்டம் இலங்கைத் தேசியத்துக்குள்ளானதாக இருக்க வேண்டும்.

கலந்துரையாடல்: விமர்சகர் கே.எஸ்.சிவகுமாரன்

தமிழ்த் தேசியவாதம் இருந்து கொண்டுதான் இருக்கும். எமக்குள் நிறையப் பிரச்சினைகள் உண்டு. இவைகளை வெல்ல முடியாது. 14% மானவர்களே உள்ளோம். தம் இனத்தையும் மதத்தையும் பாதுகாக்க வேண்டுமென்ற பயம் பெரும்பான்மை இனத்தவருக்கு உண்டு. இங்கும் தென்னிந்தியாவிலும் தமிழர்கள் இருக்கின்றனர். எமது ஜனாதிபதி இக்கட்டான நிலையில் உள்ளார். இரு பக்கத்தையும் பார்க்க வேண்டி உள்ளது. எவரும் மனநோகக்கூடாது. கொழும்புத் தமிழரது பிரச்சினைகள் வேறு. வடக்கு,கிழக்குத் தமிழரது பிரச்சினை வேறானது. அவர்கள் பாதிக்கப்படுகிறார்கள். தமிழ் அரசியல்வாதிகளுக்குச் சொல்வதென்னவென்று தெரியாது.

பிறமொழி தெரிந்திருந்தால் தான் பிரச்சினைகளைப் புரிந்துகொள்ள முடியும். விக்கிரமபாகு கருணாரத்ன, தர்மஸ்ரீ பண்டாரநாயக்க ஆகிய நியாயமான பெரியோர்களைத் தமிழ் அரசியல்வாதிகள் வெறுக்கின்றனர். தமிழ்க் கட்சிகளுக்குள் நியாயமாகக் கதைக்கக் கூடியவர்கள் இல்லை. உணர்ச்சி வசப்பட்டே பேசுகின்றனர். அவர்கள் சொ ல்வதெல்லாவற்றையும் ஊடகங்களும் தூக்கிப் பிடிக்கின்றன. தமிழினத்தின் பிரச்சினையைத் தீர்க்கப் பெரும்பான்மை இனத்தவர்கள் முன்வர வேண்டும். டெய்லிநியூஸ் கலைப் பத்தியில் தமிழர் சம்பந்தமான எழுத்துகள் கவனிக்கப்படுவதில்லை. எழுதினேன் போடவில்லை. ஐலண்ட் பத்திரிகை பிரசுரித்தது. பேராசிரியர் கார்த்திகேசு சிவத்தம்பியின் இழப்புக்கு அனுதாபம் தெரிவித்து டெய்லிநியூஸ் பத்திரிகைக்கு எழுதினேன். இரண்டு வரிகளை மட்டுமே பிரசுரித்தது. இனத்துவ விடயத்தை நிறுவன ரீதியாகச் சிந்தித்து ஒரு முடிவுக்கு வர வேண்டும்.

ஊடகவியலாளர் கே.விஜயன்

தேசிய இனப் போராட்டம் அழிவானது என்பது சுட்டிக்காட்டப்பட்டது. இதற்கு என்ன மாற்றுவழி? பெரும்பான்மை இனங்கள் சிறுபான்மை இனத்தோருக்குப் பிரச்சினைகளை ஏற்படுத்தினால் அது பிரிவினையைத்தான் ஏற்படுத்தும் என சோசலிஷ சிந்தனையாளர் லெனின் கருத்தொன்றைத் தெரிவித்துள்ளார். எனவே, இனங்கள் ஒன்று சேர்வது எப்படி என்பதைப் பற்றிய முடிவுக்கு வர வேண்டும்.

வேறு சிலரது கருத்துகளும் பரிமாறப்பட்டன.

பதிலுரை: மனோரஞ்சன்

இன்றைய ஈழத்தமிழர்களை மூன்று பிரிவினர்களாக வகுக்கலாம். தமிழீழப் புலிகளை ஏற்றுக்கொள்பவர்கள், அனுதாபிகள், தமிழ் மக்கள். தமிழ் மக்களுக்கான ஆபத்துகளை நிறுத்துவதற்கான சரியான திட்டங்கள் தமிழரிடமில்லை. இதற்கான பூரண ஆய்வுகள் தேவை. புலம்பெயர்ந்த நாடுகளில் இலங்கையர்கள் செல்வச் செழிப்போடு வாழ்கின்றனர். இங்குள்ள தமிழர் பிரச்சினைகளை அவர்களைப் பயன்படுத்தி மாற்றம் பெற நாம் புதிய வழிகளைச் சிந்திக்க வேண்டும். இதற்கான உந்தல்கள் இங்கிருந்து தான் கிளம்ப வேண்டும். பத்திரிகைக் கட்டுரையொன்றில் பேராசிரியர் கா.சிவத்தம்பி புலிகளிடத்தில் ஓட்டை இருந்ததாகச் சொன்னார்.நான் சொல்லி வெளிவந்த மற்றொரு அபிப்பிராயத்தை அடுத்தநாள் மறுதலித்தார். ஜனாதிபதி மகிந்த ராஜபக்ஷவின் கருத்துப்படி மாகாண சபைக்கு காவல் படை,காணி அதிகாரங்கள் இல்லை. ஆனால், முன்னாள் ஜனாதிபதி சந்திரிகா பண்டாரநாயக்க குமாரதுங்கவின் தீர்வுத் திட்டத்தில் அவைகள் இருந்தன.

ஆனால், தமிழ் அரசியல் தலைமைகள் அதை ஏற்றுக்கொள்ளவில்லை. இந்திய ஜனாதிபதிக்கு அங்குள்ள சட்ட சபைகளைக் கலைக்கும் அதிகாரமுண்டு. இலங்கைத் தேசிய கீதத்தில் எதுவித இன,மத, பேதமும் இல்லை. நல்லதம்பிப் புலவர் அதை தமிழாக்கினார். எம்மில் எத்தனை பேருக்குத் தேசிய கீதம் தெரியும்? இன்றைய வீரகேசரியில் எதுவுமில்லை. இந்தியத் தீர்வுத் திட்டத்துக்கு ஆதரவு இருந்தது. புலி அச்சுறுத்தலுமிருந்தது. ஜனதா விமுக்தி பெரமுன (ஜே.வி.பி.) நீதிமன்றத்தில் வழக்குத் தொடுத்து இணைக்கப்பட்ட வடக்கு,கிழக்கை வெவ்வேறாகப் பிரித்தபோது குதித்தனர் கோபாவேசத்தோடு. சாதாரண தமிழ் மக்கள் இருட்டில் வாழ்கின்றனர். சந்திரிகா தீர்வுத் திட்டம் பற்றி அவர்களுக்கு எதுவும் தெரியாது. ஊடகங்களில் செய்திகள் இருட்டடிப்பு செய்யப்படுகின்றன. வாசகன் உரிமைதான் ஊடக உரிமை என்பதை விளங்கிக்கொள்ள வேண்டும். ஊடகத்தை திருத்த முடியாது. தமிழ் மக்களது பிரச்சினைகளுக்கான தீர்வு அணி திரண்ட மக்கள் கையில்தான் உண்டு.

தொகுப்புரை: சிவா சுப்பிரமணியம்

இலங்கைத் தமிழர் பிரச்சினை 60 வருடங்களாக ஒரே தமிழ்த் தலைமையின் கீழ்தான் கையாளப்படுகிறது. நாட்டைச் சங்கடப்படுத்திக் கொண்டிருக்கும் இனப்பிரச்சினை தீர்வுக்கு அனைத்து இனங்களதும் சங்கமம் தேவை. தோழர் மு.கார்த்திகேசன் ஈழம்,ஈழமென்றால் சிங்களம் நீளம் நீளமாக நீளுமென்றார்.இந்த விடயத்தைப் புலம்பெயர்ந்து வெளிநாடுகளில் வாழும் இலங்கையர் சமூகம் ஆழமாக ஆராய வேண்டும். புலிகள் மாகாண சபையைக் கலைக்கச் சொன்னார்கள். தேர்தலில் போட்டியிட மறுத்தனர். இந்தியாவின் திட்டத்தில் உள்ளதை மகிந்த ராஜபக்ஷ தர மறுக்கிறார்.

இந்தியாவின் வெளியுறவுச் செயலர் நிருபமா ராவ் அவை தயாரித்த திட்டத்தில் இருக்கும் குறைபாடுகளை இப்போ இலங்கைதான் சரிப்படுத்த வேண்டுமென்கிறார். எமக்கிங்கு ஏற்ற வசதிகள் இல்லை. இனப்பிரச்சினைகளுக்கான தீர்வுக்கு நாமும் முயற்சிகள் எடுப்போம். துண்டுப் பிரசுரங்கள் மூலமாகவாவது இத்திட்டத்தைச் செயற்படுத்துவோம். போராட்டத்துக்குப் பின்னரான நிலைமையை ஆராய வேண்டும். இங்கு ஊடக வசதிகள் இல்லை. புலம்பெயர் சமூகம்தான் இலங்கைத் தமிழரின் இனப்பிரச்சினைக்கான தீர்வில் முன்னின்று உழைக்க வேண்டும்.

- தினக்குரல் -

CBI:ஆதாரம் இல்லை ராசாவுக்கு யூனிடெக் லஞ்சம் தந்ததற்கான

டெல்லி: 2ஜி ஸ்பெக்ட்ரம் பெறுவதற்காக முன்னாள் தொலைத் தொடர்புத்துறை அமைச்சர் ராசாவுக்கு யூனிடெக் நிறுவனம் லஞ்சம் ஏதும் தந்ததற்கான ஆதாரம் ஏதும் இல்லை என்று சிபிஐ கூறியுள்ளது.

இதன்மூலம் ராசாவுக்கு எதிரான வழக்கில் சிபிஐக்கு அடுத்த சறுக்கல் ஏற்பட்டுள்ளது.

முதலில் யூனிடெக் வயர்லெஸ் நிறுவனம் ராசாவுக்கு பெருமளவில் லஞ்சம் தந்ததாக புகார் கூறப்பட்டது. இந் நிலையில் சிறப்பு நீதிமன்றத்தில் நடந்த இந்த வழக்கு விசாரணையின்போது சிபிஐ சார்பில் ஆஜரான வழக்கறிஞர் லலித் கூறுகையில்,

ஸ்வான் டெலிகாம், யூனிடெக் வயர்லெஸ் ஆகியவை 2ஜி ஸ்பெக்ட்ரம் பெற எந்தத் தகுதியும் பெற்றிருக்கவில்லை. ஆனாலும், அவர்களுக்கு ராசா ஸ்பெக்ட்ரத்தை ஒதுக்கினார். இந்த லைசென்ஸ்களை பெற்ற இந்த இரு நிறுவனங்களும் தங்களது பங்குகளை விற்று ரூ. 7,300 கோடி அளவுக்கு லாபம் அடைந்தன.

ஆனால், இந்த லைசென்ஸ்களைப் பெற்றதற்காக ராசாவுக்கு யூனிடெக் நிறுவனம் ராசாவுக்கு லஞ்சம் கொடுத்ததற்கான ஆதாரம் ஏதும் இல்லை. அதே நேரத்தில் 2ஜி லைசென்ஸ் பெற தகுதியில்லாத இந்த நிறுவனத்துக்கு அதைத் தந்தது தவறு. இதன்மூலம் தகுதி உடைய பிற நிறுவனங்களுக்கு லைசென்ஸ் கிடைக்காததால், அவை நஷ்டம் அடைந்துள்ளன.

ஆனால், இதற்காக ராசாவுக்கு யூனிடெக் லஞ்சம் தந்தது என்பதை நிரூபிக்க ஆதாரம் ஏதும் இல்லை என்றார்.

யூனிடெக் நிறுவன வழக்கறிஞர்கள் கூறுகையில், ஸ்பெக்ட்ரம் கிடைத்ததும் எங்களது பங்குகளை விற்பனை செய்து லாபம் அடைந்தோம் என்றக் குற்றச்சாட்டு தவறு. நாங்கள் எந்தப் பங்கையும் விற்கவில்லை. புதிய பங்குகளைத் தான் வெளியி்ட்டோம். இதனால் எங்களுக்கு நேரடியாக எந்த லாபமும் கிடைக்கவில்லை. புதிய முதலீட்டாளர்களுக்கு தான் லாபம் கிடைத்தது. இந்த முதலீடுகளைக் கூட முறைப்படி, மத்திய வெளிநாட்டு முதலீடு வளர்ச்சி வாரியத்தின் அனுமதியுடன் தான் செய்தோம். ஸ்பெக்ட்ரம் பெற யாருக்கும் எந்த லஞ்சமும் தரவில்லை என்று கூறியுள்ளது.

இந்த விவகாரத்தில் ராசாவுடன் யூனிடெக் அதிபர் சஞ்சய் சந்திராவும் கைது செய்யப்பட்டு சிறையில் உள்ளது குறிப்பிடத்தக்கது.

இந் நிலையில் இந்த வழக்கில் கைது செய்யப்பட்ட ராசா, திமுக எம்பி கனிமொழி உள்ளிட்ட 15 பேர் மீது குற்றச்சாட்டுகளை பதிவு செய்வதா இல்லையா என்பது குறித்து வரும் செப்டம்பர் 15ம் தேதி முடிவு செய்யப்படும் என நீதிபதி சைனி அறிவித்தார்.

இளங்கோவன்:ராஜிவ் உயிரோடு வந்தால் தூக்கு தண்டனையை குறைக்கலாம்:

ஈரோடு: ராஜிவ் காந்தியும் அவருடன் கொல்லப்பட்ட அத்தனை பேரும் திரும்ப உயிரோடு திரும்ப வந்தால் 3 பேரின் தூக்கு தண்டனையை ரத்து செய்து ஆயுள் தண்டனை கொடுப்பது குறித்து பரிசீலிக்கலாம் என்று காங்கிரஸ் கட்சியின் மூத்த தலைவரான ஈ.வி.கே.எஸ். இளங்கோவன் கூறியுள்ளார்.

அவர் அளித்துள்ள பேட்டி:

கேள்வி: ராஜீவ் காந்தி கொலை வழக்கில் தூக்கு தண்டனை விதிக்கப்பட்ட 3 பேர் தண்டனையை குறைக்க வலியுறுத்தி போராட்டம் தீவிரம் அடைந்துள்ளதே?

இளங்கோவன்: தவறு செய்தவர்கள் தண்டிக்கப்பட வேண்டும். தூக்கு தண்டனையை நிறைவேற்ற வேண்டும். தலைவர் ராஜீவ் காந்தியும், தியாகி லீக் முனுசாமியும் அவர்களுடன் கொல்லப்பட்ட அத்தனை பேரும் திரும்ப உயிரோடு வந்தால் தூக்கு தண்டனையை ரத்து செய்து ஆயுள் தண்டனை கொடுப்பது குறித்து பரிசீலிக்கலாம்.

கேள்வி: தூக்கு தண்டனை விவகாரத்தில் முதல்வர் ஜெயலலிதா நேற்று கொடுத்த விளக்கம் பற்றி?

இளங்கோவன்: இந்தப் பிரச்சனையில் ஜெயலலிதா சரியான தகவலை தந்திருக்கிறார். அதற்காக அவரைப் பாராட்டுகிறேன். சில ஆண்டுகளுக்கு முன்பு 3 பேரையும் தூக்கில் போடலாம் என்று சொல்லி விட்டு இப்போது கூடாது என சொல்வது கருணாநிதியின் அரசியல் நாடகம்.

கேள்வி: 3 பேரையும் தூக்கிலிட்டால் தமிழகத்தில் காங்கிரசின் எதிர்காலம் பாதிக்கும் என்று சொல்லப்படுகிறதே?

இளங்கோவன்: கொலை செய்தவனுக்கு என்ன தண்டனை என்று கோர்ட்டு சொல்லியிருக்கிறது. அதை நிறைவேற்றுவதால் காங்கிரசின் எதிர்காலம் எந்த விதத்திலும் பாதிக்காது என்றார்.

சென்னை மாநகராட்சி மன்றத்தின் கடைசி கூட்டம்

சாதனையை மக்கள் அங்கீகரித்தால் அடுத்தமுறை வெற்றி பெறுவோம்

 சென்னை மாநகராட்சி மன்றத்தின் கடைசி கூட்டம் நேற்று நடைபெற்றது. கூட்டத்தில் கட்சி தலைவர்கள் உருக்கமாக பேசினர். அது வருமாறு:
சைதை பி.ரவி ( எதிர்க்கட்சி தலைவர்): எதிர்க்கட்சி என்ற முறையில், ஆர்ப்பாட்டம் நடத்தி அல்லது வெளிநடப்பு செய்து எங்கள் கோரிக்கைகளை இந்த மன்றத்தில் வைக்காமல் மென்மையாக சொல்லி அனைத்தையும் நிறைவேற்றியுள்ளோம்.

ராமலிங்கம் (ஆளுங்கட்சி தலைவர்): புதிய தலைமை செயலக கட்டிடத்தை மருத்துவமனையாக மாற்றப்போவதாக ஜெயலலிதா அறிவித்துள்ளார். அதை கைவிட்டு ராஜீவ்காந்தி அரசு பொது மருத்துவமனை, ஸ்டான்லி மற்றும் கீழ்ப்பாக்கம் மருத்துவமனைகளை தரம் உயர்த்த நடவடிக்கை எடுக்க வேண்டும். மேயர் மா.சுப்பிரமணியன்: நாங்கள் புதிதாக பதவியேற்றபோது,

அதிமுக போன்ற பிரதான எதிர்க்கட்சி உறுப்பினர்கள் யாரும் இல்லாதநிலையில் மக்கள் குறையை எப்படி நிறைவேற்றுவீர்கள் என்று பத்திரிகையாளர்கள் கேட்டனர். உங்களை (பத்திரிகை) பிரதான எதிர்க்கட்சியாக கருதி, நீங்கள் எழுதும் குறைகளை சரி செய்வோம் என்றேன். அதேபோன்று தினமும் சென்னை சாலைகளில் ஏற்படும் பிரச்னை குறித்து பத்திரிகைகளில் செய்தியாக வந்தது.

நான் அதை படிக்கும் முன்பே, அதிகாலை 5 மணிக்கெல்லாம் திமுக தலைவர் கருணாநிதி, மு.க.ஸ்டாலின் ஆகியோர் படித்து விட்டு எனக்கு போன் செய்வார்கள். நான் அதிகாரிகளிடம் சொல்லி அந்த பணிகளை உடனே சரி செய்வோம். பத்திரிகைகளிலும் மறுநாள் ‘பத்திரிகை செய்தி எதிரொலி‘ என்று வரும். அந்தளவுக்கு எதிர்க்கட்சியாக இருந்து செயல்பட்ட அனைத்து பத்திரிகையாளர்களுக்கும் நன்றி. அடுத்தமுறை வெற்றி பெற்று வருவோம் என்பது காலத்தின் முடிவு. நமது சாதனையை மக்கள் அங்கீகரித்து நம்மை ஆதரிப்பார்கள் என்று நம்புகிறேன். இவ்வாறு உறுப்பினர்கள் பேசினர்.

பறந்து செல்கின்றோம் பிரிந்து செல்கின்றோம்

சென்னை மாநகராட்சி மன்ற கூட்டத்தின் கடைசி கூட்டம் நேற்று நடைபெற்றது. ஒவ்வொரு உறுப்பினரும் பேசும்போது, கடந்த 5 ஆண்டுகளில் மக்களுக்கு செய்த நன்மைகளை பட்டியலிட்டனர். அதிகாரிகளும் மக்கள் பணிகள் விரைவாக நடைபெற முழு ஒத்துழைப்பு கொடுத்ததாக பாராட்டினர். இறுதியாக பேசிய பெண் உறுப்பினர் மாலினி ரமேஷ் கண்ணன் (காங்கிரஸ்) பேசும்போது, “பசுமை நிறைந்த நினைவுகளே, பாடி திரிந்த பறவைகளே, பழகி களித்த தோழர்களே, பறந்து செல்கின்றோம்... நாம் பிரிந்து செல்கின்றோம்...“ என்ற பாடல் வரியை நினைவு படுத்தினார். இதையடுத்து கூட்டம் முடிந்ததும் ஒவ்வொரு உறுப்பினர்களும் ஒருவருக்கொருவர் கைகுலுக்கி வாழ்த்து தெரிவித்துக் கொண்டனர்.

தூக்கிலிட தடை, ராஜீவ் காந்தி கொலை வழக்கில் 8 வாரங்களுக்கு இடைக்காலத் தடை

சென்னை: ராஜீவ் காந்தி கொலை வழக்கில் தூக்குத் தண்டனை விதிக்கப்பட்டுள்ள பேரறிவாளன், முருகன் மற்றும் சாந்தன் ஆகியோரை எட்டு வாரங்களுக்குத் தூக்கிலிடக் கூடாது என்று சென்னை உயர்நீதிமன்றம் இன்று இடைக்காலத் தடை விதித்து உத்தரவிட்டது.

முருகன், சாந்தன், பேரறிவாளன் ஆகிய மூவரும் தங்களுக்கு விதிக்கப்பட்டுள்ள தூக்குத் தண்டனையை நிறுத்தக் கோரி தாக்கல் செய்துள்ள மனு மீதான விசாரணை இன்று சென்னை உயர்நீதிமன்றத்தில் நீதிபதிகள் நாகப்பன், சத்யநாராயணன் ஆகியோர் முன்னிலையில் விசாரணைக்கு வந்தது. மனுவை விசாரணைக்கு ஏற்ற நீதிபதிகள், தூக்குத் தண்டனையை 8 வாரங்களுக்கு நிறுத்தி வைத்து உத்தரவிட்டனர். மேலும் சம்பந்தப்பட்டவர்களுக்கு நோட்டீஸ் அனுப்பி விளக்கம் அளிக்கவும் உத்தரவிட்டனர்.

டெல்லியிலிருந்து பிரபல வக்கீல்கள் ராம்ஜேத்மலானி, மோஹித் செளத்ரி, காலின் கோன்சாலின் ஆகியோர் வழக்கில் ஆஜராக வந்தனர். மூவரின் வக்கீல்களான துரைசாமி, சந்திரசேகர் ஆகியோரும் அவர்களுடன் வந்திருந்தனர். மதிமுக பொதுச் செயலாளர் வைகோ, பேரறிவாளனின் தாயார் அற்புதம் அம்மாள் மற்றும் நூற்றுக்கும் மேற்பட்ட வக்கீல்களும் குவிந்து விட்டனர்.

வழக்கை விசாரித்த பெஞ்ச், அதை விசாரணைக்கு ஏற்பதாக அறிவித்து 8 வார இடைக்காலத் தடையை அறிவித்தது.

உற்சாக வெள்ளத்தில் ஸ்தம்பித்தது உயர்நீதிமன்றம்

இதைக் கேட்டதும் வக்கீல்கள் உற்சாகக்குரல் எழுப்பி மகிழ்ச்சியை வெளிப்படுத்தினர். மேலும் உயர்நீதிமன்ற வளாகத்தில் திரண்டிருந்த வரலாறு காணாத மிகப் பெரிய வக்கீல்கள், தமிழ் ஆர்வலர்கள், பொதுமக்கள் கூட்டமும் பூரிப்பில் மூழ்கியது.

அனைவரும் பரஸ்பரம் மகிழ்ச்சி தெரிவித்து முழக்கமிட்டதால் உயர்நீதிமன்றமே கிட்டத்தட்ட ஸ்தம்பித்துப் போனது.

தமிழகம் முழுவதும் கொண்டாட்டம்

தூக்குத் தண்டனை 8 வாரங்குக்கு நிறுத்தி வைக்கப்பட்ட தமிழகம் முழுவதும் காட்டுத் தீ போல பரவியது. இதையடுத்து ஆங்காங்கு போராட்டத்தில் ஈடுபட்டிருந்தவர்கள் இனிப்புகளை வழங்கியும், மகிழ்ச்சி முழக்கமிட்டும் சந்தோஷத்தைப் பகிர்நது கொண்டனர்.

பொதுமக்களும் மகிழ்ச்சி

பொதுமக்களுக்கும் இந்த உத்தரவு பெரும் மகிழ்ச்சியைக் கொடுத்துள்ளது. 21 வருடமாக சிறையில் கிட்டத்தட்ட ஆயுள் தண்டனையை அனுபவித்தவர்களுக்கு தூக்குத் தண்டனை என்பது இரண்டு தண்டனை கொடுப்பதற்குச் சமம். இது நியாயமற்றது என்று பொதுமக்கள் கருத்து தெரிவித்தனர்.

மனுவில் கூறப்பட்டிருந்தது என்ன?

முன்னதாக தங்களுக்கு விதிக்கப்பட்டுள்ள தூக்குத் தண்டனையை நிறுத்தி வைக்கக் கோரி ராஜீவ் காந்தி கொலை வழக்கில் குற்றம்சாட்டப்பட்டுள்ள முருகன், சாந்தன், பேரறிவாளன் ஆகியோர் சார்பில் நேற்று வழக்கறிஞர் தடா சந்திரசேகர் ரிட் மனுக்களை உயர்நீதிமன்றத்தில் தாக்கல் செய்தார்.

அந்த மனுக்களில், 1991-ல் கைது செய்யப்பட்ட நாங்கள் 20 ஆண்டுகளுக்கும் மேலாக சிறையில் உள்ளோம். எங்களுக்கு தூக்கு தண்டனை விதித்து 1998 ஜனவரியில் தடா சிறப்பு நீதிமன்றம் உத்தரவிட்டது.

இதனை உறுதி செய்து 1999 மே மாதம் உச்ச நீதிமன்றம் தீர்ப்பளித்தது. அதன் பிறகு தமிழக ஆளுநருக்கு நாங்கள் 2 முறை அளித்த கருணை மனுக்களும் நிராகரிக்கப்பட்டன.

இதன் தொடர்ச்சியாக 26.4.2000-ல் குடியரசுத் தலைவருக்கு கருணை மனு அனுப்பினோம். எனினும், எங்கள் மனு மீது பல ஆண்டுகளாக எந்த முடிவும் எடுக்கப்படாத நிலையில், உடனடியாக முடிவெடுக்கும்படி நினைவுபடுத்தி அடுத்தடுத்து கடிதம் எழுதினோம். எனினும் எந்த முடிவும் எடுக்கப்படவில்லை.

இந்நிலையில் 11 ஆண்டுகளுக்குப் பின் இம்மாதம் 12-ம் தேதி எங்கள் கருணை மனுக்களை நிராகரித்து குடியரசுத் தலைவர் உத்தரவு பிறப்பித்துள்ளார். மேலும், வரும் செப்டம்பர் 9-ம் தேதி நாங்கள் தூக்கிலிடப்பட உள்ளதாக எங்களுக்கு தகவல் தெரிவிக்கப்பட்டுள்ளது.

நாங்கள் ஏற்கெனவே 20 ஆண்டுகளுக்கும் மேலாக சிறையில் அடைக்கப்பட்டுள்ளோம். இது ஆயுள் தண்டனை காலத்தைவிட அதிகமாகும். மேலும், இந்த தண்டனைக் காலத்தில் பாதிக்கும் மேற்பட்ட ஆண்டுகள் தனிமைச் சிறையில் அடைக்கப்பட்டு, வாடி வருகிறோம்.

இவ்வளவு நீண்ட காலம் நாங்கள் சிறையில் வாடிய பிறகும்கூட, எங்களுக்கு தூக்கு தண்டனையை நிறைவேற்றுவது என்பது ஒரு குற்றத்துக்கு 2 தண்டனை அளிப்பதாகும். இவ்வாறு தண்டனை அளிப்பது சட்ட விரோதமானதாகும். மேலும், இது வாழ்வதற்குரிய சட்ட ரீதியிலான எங்களின் அடிப்படை உரிமையைப் பறிப்பதாகும்.

மேலும், கருணை மனுக்களின் மீது உடனடியாக முடிவெடுக்கப்பட வேண்டும் என்று ஏற்கெனவே உச்ச நீதிமன்றம் உத்தரவிட்டுள்ளது. கருணை மனுக்களின் மீதான முடிவுகள் தாமதமானதால் ஏராளமான தூக்கு தண்டனை உத்தரவுகளை உச்ச நீதிமன்றமும், உயர் நீதிமன்றங்களும் ரத்து செய்துள்ளன.

இந்நிலையில், நாங்கள் குடியரசுத் தலைவருக்கு கருணை மனுவை அனுப்பிவிட்டு அதன் முடிவு தெரியாமல் 11 ஆண்டுகளுக்கும் மேலாகத் தவித்தோம். வாழ்வோமா, சாவோமா எனத் தெரியாமல் 11 ஆண்டுகளாக ஒவ்வொரு நாளும் நாங்கள் தனிமைச் சிறையில் தவித்த தவிப்பும், அனுபவித்த சித்திரவதையும் மரண தண்டனையை விடவும் மிகக் கொடுமையானது.

ஆகவே, 11 ஆண்டுகளுக்கும் மேலாக எங்கள் கருணை மனு மீது முடிவெடுக்காமல் காலதாமதம் செய்ததால், எங்களின் தூக்கு தண்டனையை ரத்து செய்ய வேண்டும் என்று கூறப்பட்டிருந்தது.

காப்பாற்ற முடியும்-ராம்ஜேத்மலானி:

முன்னதாக உயர்நீதிமன்றத்திற்கு வந்த ராம்ஜேத்மலானியிடம் செய்தியாளர்கள் வழக்கின் தன்மை குறித்து கேட்டபோது, இது மிகவும் சவாலான வழக்கு. இருப்பினும் திறமையாக வாதாடினால் நிச்சயம் மூவரையும் காப்பாற்ற முடியும். காப்பாற்ற முடியும் என்ற நம்பிக்கை எனக்கு உள்ளது என்றார்.

Jack layton honoured with state funeral ஜாக் லேடனின் இறுதி யாத்ரை

மூவரையும் காப்பாற்ற முடியும்: ராம்ஜெத்மலானி

முருகன், சாந்தன், பேரறிவாளனை தூக்கில் இருந்து காப்பாற்ற முடியும் என அவர்கள் சார்பில் உயர்நீதிமன்றில் இன்று வாதாடவுள்ள சட்டத்தரணி ராம்ஜெத்மலானி தெரிவித்துள்ளார்.
முருகன், சாந்தன், பேரறிவாளன் தொடர்பிலானதுமான மனு பரிசீலனையை முன்னிட்டு நீதிமன்றத்திற்கு வந்த சட்டத்தரணி ராம்ஜெத்மலானி ஊடகவியலாளருக்கு கருத்து தெரிவிக்கும் போதே இவ்வாறு தெரிவித்தார்.

மேலும், முருகன், சாந்தன், பேரறிவாளனை தூக்கில் இருந்து காப்பாற்ற முடியும் என அவர் தெரிவித்துள்ளார்.

மறைந்த முன்னாள் பிரதமர் ராஜீவ்காந்தி கொலை வழக்கில் தூக்கு தண்டனை விதிக்கப்பட்டுள்ள சாந்தன், முருகன், பேரறிவாளன் ஆகியோர் தங்கள் தண்டனையை ஆயுள் தண்டனையாக குறைக்கக்கோரி அவர்கள் சார்பில் சென்னை உயர்நீதிமன்றில் நேற்று தனித்தனியே மனுக்கள் தாக்கல் செய்யப்பட்டன.
பேரறிவாளன் சார்பில் சட்டத்தரணி தடா சந்திரசேகரன், சாந்தன், முருகன் சார்பில் சட்டத்தரணி வைகை ஆகியோர் நேற்று மனுக்களை தாக்கல் செய்தனர்.
அப்போது நீதிபதி பால் வசந்தகுமார் முன்பு சட்டத்தரணி தடா சந்திரசேகரன் ஆஜராகி, தூக்கு தண்டனை பிரச்சினை தமிழகம் முழுவதும் பெரும் பரபரப்பை ஏற்படுத்தி இருப்பதால் அதன் முக்கியத்துவம் கருதி மனுவை அவசர வழக்காக கருதி விசாரிக்க வேண்டும் என்று வேண்டுகோள் விடுத்தார்.
இதையடுத்து, இந்த மனுக்கள் அவசர வழக்காக ஏற்கப்படுவதாகவும், விசாரணை நாளை (இன்று) நடைபெறும் என்றும் நீதிபதி பால் வசந்தகுமார் உத்தரவிட்டார்.

இந்த நிலையில், இந்த வழக்கு உயர்நீதிமன்றில் இன்று விசாரணைக்கு வந்தது. நீதிபதிகள் சி.நாகப்பன், எம்.சத்தியநாராயணா ஆகியோர் அடங்கிய டிவிஷன் பெஞ்ச் இந்த வழக்கை அவசர வழக்காக விசாரித்து வருகிறது.

மனுதாரர்கள் சார்பில் டெல்லியை சேர்ந்த பிரபல மூத்த சட்டத்தரணி ராம்ஜெத்மலானி, மும்பை மூத்த சட்டத்தரணி மோகீத் சவுத்ரி, காலின் சால்வேல்ஸ் ஆகியோர் ஆஜராகியுள்ளனர்.

துரைசாமி, சந்திரசேகர் உள்ளிட்ட பிரபல சட்டத்தரணிகளும் நீதிமன்றத்தில் ஆஜராகியுள்ளனர். வைகோ, அற்புதம்மாள் மற்றும் பல தமிழ் ஆர்வலர்களும் நீதிமன்றில் குழுமியுள்ளனர்.

சட்டசபையில் ஜெ கக்கிய விஷமும், 'ஐந்து' கேள்விகளும்!

மூன்று மரணதண்டனைக் கைதிகளின் தூக்கை ரத்து செய்யும் அதிகாரம் தனக்கு இல்லை என ஜெ இன்று சட்டசபையில் விதி 110ன் கீழ கூறியிருக்கிறார். அவர் பேசியது உண்மையா இல்லையா எனப் பார்ப்பதற்கு முன், விதி110ஐப் பற்றிப் பார்க்கவேண்டும். இந்த விதியின் கீழ் சட்டசபையில் முதல்வர் பேசினால் அது விவாதத்துக்கு வராது. அதைப் பற்றி விவாதிக்கக் கூடாது என்பதுதான் விதி110.

கேள்வி1: எதற்காக விவாதிக்க முடியாதபடி விதி110ஐ பயன்படுத்தி இந்த அறிவிப்பைச் செய்ய வேண்டும்?

முதல்வர் 'ஜெ' சொல்லியிருப்பதைப் போல யாரும் அவரை ரத்து செய்யச் சொல்லவில்லை. தூக்கை நிறுத்துமாறு தீர்மானம் நிறைவேற்றி அந்த தீர்மானத்தின் படி பரிந்துரைக்கச் சொல்லியிருக்கிறார்கள். அதைக் கூட செய்யவில்லை அவர். ஜெயலலிதாவின் கூற்று பச்சைப் பொய் என்றும், ஒரு மாநில முதல்வர் விதி161ன் கீழ் தன் அமைச்சரவையில் நிறைவேற்றும் தீர்மானத்தில் தலையிட பிரதமருக்கோ, குடியரசுத் தலைவருக்கோ கூட உரிமையில்லை என்றும், தன் கையாளாகாத்தனத்தை ஒரு பொய்யால் மறைக்கப் பார்க்கிறார் ஜெ என்றும் பிரபல வழக்குரைஞர் துரைசாமி இன்று பேட்டியளித்துள்ளார். இந்த விதி எண்161 என்பது எவ்வளவு சக்தி வாய்ந்தது என்பதற்கு ஒரு உதாரணமும் உண்டு. கேரளத்தில் சி.ஏ.பாலன் கருணை மனுவை அப்போது குடியரசுத் தலைவர் நிராகரித்தப் பின் முதலமைச்சராக இருந்த இ.எம். எஸ் நம்பூதிரிபாடுஅவர்களும் (1957) அப்போது கேரளா சட்ட அமைச்சராக இருந்த வீ.ஆர். கிருஷ்ண அய்யர் அவர்களும் தாங்கள் விதி 161ஐ பயன்படுத்தி சி.ஏ.பாலன் கருணை மனுவை ஏற்று தூக்குத் தண்டனை நீக்கப் போவதாக அறிவித்தார்கள். அதன்பிறகு இந்திய அரசு இறங்கி வந்து சி.ஏ.பாலன் கருணை மனுவை ஏற்று அவரது தூக்குத் தண்டனையை நீக்கியது.

கேள்வி2: கேரளா இந்திய மாநிலம் என்ற நிலையில், கேரள முதல்வருக்கு இருக்கும் அதிகாரம் எப்படி தமிழக முதல்வருக்கு இல்லாமல் போனது?

கேள்வி3: ஒருவேளை உண்மையிலேயே முதல்வருக்கு அதிகாரம் இல்லை என்றே வைத்துக்கொண்டாலும் கூட, எதிர்கட்சித்தலைவர் விஜயகாந்த் உட்பட அனைவரும் தூக்கு தண்டனைக்கு எதிராக ஜனாதிபதியிடம் கோரிக்கை வைத்திருக்கும் நிலையில் ஒரு சாதாரண குடிமகள் என்ற இடத்தில் இருந்து கூட எந்த ஒரு கோரிக்கையும் முதல்வர் ஜெ வைக்காததன் மர்மம் என்ன? எதிர்த்து குரல் கொடுக்க கூட அதிகாரம் வேண்டுமா என்ன?

தான் தீர்மானம் நிறைவேற்றாமல் இருப்பதோடு மட்டுமல்லாமல் கருணாநிதி மேலும் பழி போட்டுள்ளார் முதல்வர். அதாவது ராஜிவ் கொலை வழக்கில் குற்றவாளிகளான 3 பேர் பிரச்னையை அப்போதைய கருணாநிதி தலைமையிலான அரசு அமைச்சரவையை கூட்டி ஒரு தீர்மானத்தை நிறைவேற்றியது. அதாவது கடந்த 2000 ஆண்டு ஏப்ரல் மாதம் 19ம் தேதி கருணாநிதி தலைமையில் அமைச்சரவை கூட்டம் நடந்தது .இதில் நளினி ஒரு பெண் குழந்தைக்கு தாயாக இருப்பதால் இவரது தண்டனையை ஆயுள் தண்டனையாக குறைக்கலாம், ஏனைய 3 பேருக்கு தூக்கு தண்டனையை உறுதி செய்யலாம் என்றும், தீர்மானம் நிறைவேற்றி கடிதம் ஒன்றை கவர்னருக்கு எழுதியது என்றும் கூறியுள்ளார். அதே 2000ஆண்டில் கலைஞரின் அமைச்சரவையால் நிறைவேற்றப்பட்ட இந்த தீர்மானத்திற்கு எதிராக பக்கம் பக்கமாக நமது எம்.ஜி.ஆரில் அறிக்கைகள் வெளியிட்டுள்ளார் ஜெ. அவற்றில் ஒரு பகுதி இப்படி போகிறது,
"ராஜீவ் காந்தி கொலைவழக்கு குறித்து சி.பி.ஐ விசாரித்தபோது, எனது தலைமையிலான தமிழக அரசு அதற்கு முழு ஒத்துழைப்பையும் நல்கியது. நளினி உட்பட இன்னும் சிலருக்கு நிர்ணயிக்கப்பட்ட நீதிமன்றத்தால் மரணதண்டனை வழங்கப்பட்டது. இதை சென்னை உய்ரநீதிமன்றமும் உறுதிபடுத்தியது. உச்சநீதிமன்றமும் 1999 ஆம் ஆண்டு நிர்ணயிக்கப்பட்ட நீதிமன்றத்தால் வழங்கப்பட்ட மரணதண்டனையை உறுதி செய்தது. உச்ச நீதிமன்றத்தால் உறுதி செய்யப்பட்டு ஒன்பது வருடங்கள் ஆகியும், மரணதண்டனை நிறைவேற்றப்படவில்லை. மாறாக, நளினிக்கு விதிக்கப்பட்ட மரணதண்டனை ஆயுள் தண்டனையாக ஆக்கப்பட்டுவிட்டது. இவ்வாறு நளினியை காப்பாற்றியது படுகொலை செய்யப்பட்ட ராஜீவ் காந்தியின் மனைவியும், காங்கிரஸ் கட்சியின் தலைவியுமான சோனியா காந்தி. மேற்படி நளினியை, கொலை செய்யப்பட்ட முன்னாள் பாரத பிரதமரின் மகள் ப்ரியங்கா சிறையில் சென்று பார்கிறார். இப்படி பொய் பார்க்கலாமா? எது அடுக்குமா? இப்போது நளினி ஏதோ உரிமைக்காக போராடுவதுபோல் தன்னை விடுதலை செய்யவேண்டும் என்று உயர்நீதிமன்றத்தில் மனு போடுகிறார். உலகத்தில் வேறு எந்த நாட்டிலும் நடக்காதது எல்லாம் இந்தியாவில் நடக்கிறது! இது சோனியா மற்றும் பிரியங்கா ஆகியோருடைய சொந்த பிரச்சனை அல்ல. அவர்களுடைய குடும்ப பிரச்சனை அல்ல. இது ஒரு நாட்டு பிரச்சனை. ஒரு முன்னாள் பாரத பிரதமர் படுகொலை செய்யப்பட்ட சம்பவம் இந்த நாட்டின் இறையாண்மைக்கு விடப்பட்ட சவால். யாருடைய தனிப்பட்ட உரிமையும் இதில் இல்லை. இப்போது தமிழகத்தில் எனது தலைமையிலான ஆட்சி நடைபெற்றுகொண்டிருந்தால், தடை செய்யப்பட்ட இயக்கங்களுக்கு ஆதரவாக பேசியிருப்பவர்களை நிச்சயமாக கைது செய்திருப்பேன்.

 சட்டவிரோதமான நடவடிக்கைகள் தடுப்பு சட்டத்தின் கீழ், இந்திய இறையாண்மைக்கு எதிராக பேசுபவர்கள் மீது நடவடிக்கை எடுக்கலாம். ஆனால் நடவடிக்கை எடுக்க மைனாரிட்டி தி.மு.க அரசின் முதலமைச்சருக்கு மனமில்லை. எப்போதெல்லாம் கருணாநிதி ஆட்சிக்கு வருகிறாரோ, அப்போதெல்லாம் விடுதலைபுலிகள் அமைப்புக்கு ஆதரவான பேச்சுக்கள் தமிழ்நாட்டில் பகிரங்கமாகவே நடைபெறுகின்றன.” இவ்வாறு செல்கிறது அறிக்கை. இதில் இருந்து மரணமடைந்தவரின் குடும்பமான சோனியாவும், ப்ரியங்காவும் குற்றவாளிகளை மன்னிப்பதைக் கூட ஜெயால் பொறுத்துக்கொள்ள முடியவில்லை. அவரிடம் எப்படி தூக்கு தண்டனை ரத்து தீர்மானத்தை எதிர்பார்க்க முடியும்.

கேள்வி3:முதல்வர் தனக்கு அதிகாரம் இல்லை என்பதால் தூக்குக்கு எதிராக தீர்மானம் போட மறுக்கிறாரா அல்லது மரண தண்டனையை எதிர்ப்பது தன் கொள்கைக்கு எதிரானது என்பதால் தீர்மானம் போட மறுக்கிறாரா?  
கேள்வி5: கருணாநிதியால் தீர்மானம் நிறைவேற்றி நளியைக் காப்பாற்ற முடியுமானால் 'ஜெ'யாவால் தீர்மானம் நிறைவேற்றி ஏன் பேரறிவாளனைக் காப்பாற்ற முடியாது? (தன் வாயாலேயே தனக்கு அதிகாரம் உண்டு ஆனால் தான் செய்யவில்லை எனவும், நளினியைக் காப்பாற்றியது கலைஞர்தான் எனவும் ஒப்புக்கொண்டுள்ளார் ஜெயா)

இந்திய அரசாங்கம் சட்டப்படி இலங்கைக்கு தாரைவார்த்துக் கொடுத்த கச்சத்தீவை, "மீட்போம்" என இந்திய அரசாங்கத்தின் கீழ் இயங்கும் ஒரு மாநில அரசு போர் முரசு கொட்டி தீர்மானம் போட முடியுமாம்! ஆனால் "தூக்கை கருணை அடிப்படையில் நிறுத்துங்கள்" என தீர்மானம் போட முடியாதாம்! இதான் 'சட்டத்துக்கு உட்பட்டு' நடக்கும் லட்சணம் போல! இதையும் நம்புவதற்கு நான்கு பேர் இருப்பதுதான் கொடுமை!

மலைப்பாம்பு நன்றாக உண்டுவிட்டால் மூன்று மாதங்கள் இரைதேடாது. பின் அந்த உணவு செரித்த பின் இரைவிழுங்க கிளம்பி விடும். தேர்தலில் நன்றாக உண்டுவிட்ட மலைப்பாம்பு ஒன்று மூன்று உயிரகளைக் காவு வாங்க கிளம்பியுள்ளது! ராம்ஜெத்மலானி தான் இப்போதைக்கு ஒரே வழி! கடைசியாக விஜயகாந்தும் இன்று மரண தண்டனைக்கு எதிராக தன் கருத்தைப் பதிந்திருக்கிறார். பொறுத்திருந்து பார்ப்போம்....

R.K நடிப்பில் இன்னும் பல மைல் தூரம் போக வேண்டியிருக்கிறது

ஆர்.கே நடித்து வெளிவரும் நான்காவது படம் என்று நினைக்கிறேன். பி.வாசுவின் இயக்கத்தில் வெளிவந்திருக்கும் படம். தொடர்ந்து பத்து மாதங்கள் வாசுவை தொந்தரவு செய்து தன்னை இயக்கும்படி கேட்டுக் கொண்டதற்கு இணங்க எடுக்கப்பட்ட படமாம். அப்படி என்னதான் எடுத்திருக்கிறார்கள் என்று பார்ப்போம்.

ஆர்.கே ஒரு படிக்காத அனாதை சிறுவன். ஒரு ஆஸ்பத்திரியில் தாமரை என்கிறவருக்காக கட்டுக் கட்டாய் பணம் கொடுக்கிறான். பின்னர் ஹேர் ஸ்ட்ரெயிட்டனிங் செய்து ஸ்டைலிஷ் லுக்கோடு பஜுரோவில் வருகிறார். யார் இவர்? எப்படி இப்படி மாறினார்? யார் அந்த தாமரை?. அவர் ஏன் ஒரு பழைய வீட்டில் பனையோலை மறைத்த வீட்டில் வசிக்க வேண்டும்?. கார்த்திக் ஒரு நேர்மையான போலீஸ் ஆபீசர். உடனிருக்கும் ஆபிசர் செய்த துரோகத்தினால் தன் உயிர் நண்பனை இழந்துவிடுகிறார். அந்த கோபத்தில் துரோகம் செய்த போலீஸ்காரர்களை சட்டத்தை ஏமாற்றி கொல்கிறார். ஆனாலும் சஸ்பெண்ட் ஆகிறார். அதற்கு நன்றி சொல்லிவிட்டு, நேரே ஆர்.கேயிடம் வந்து ஊரில் இருக்கும் ரவுடிகளை எல்லாம் காசு கொடுத்து கொல்லச் சொல்கிறார். ஏன்? இப்படி பல ட்டுவிஸ்டுகளை அடக்கிய படம் தான் என்றாலும் முடிச்சவிழ்க்கும் போது மணம் வீசிவிடுவதால் வீச்சம் அடிக்கத்தான் செய்கிறது.
கொஞ்சம் காக்கை சிறகினிலே, கொஞ்சம் கிழக்கு கரை, கொஞ்சம் தன்னுடய் பழைய படங்களின் காட்சிகள். என்று கலந்து கட்டி ஒரு படத்தை நேரடியாய் சொல்லாமல் முதல் பாதியில் கொஞ்சம் திரைக்கதையில் நான் லீனியராய் சொல்ல முயற்சித்து வெற்றியும் பெற்றிருக்கிறார் என்றே சொல்ல வேண்டும். அதன் பிறகு வரும் ப்ளாஷ்பேக் எல்லாம் படு சொதப்பல். ஒரு சின்னத்தம்பி தாலின்னா என்னான்னு தெரியாதுன்னு சொன்னதை நம்பி படத்தை ஓட்டினவங்க தன்னுடய எலலா படத்தையும் ஓட்டிடுவாங்கனு நினைச்சார்னா வாசு சார் பாவம். ப்ளாஷ் பேக் எபிசோட் படு மொக்கையாய் இருக்கத்தான் செய்கிறது.
ஆர்.கே கிரமத்தானாக இருக்கும் போது இருக்கும் ஒரு ஸ்பார்க், அல்ட்ரா மாடர்னாய் ஜீரோ கட் மீசை, தாடி வைத்து ஹேர் ஸ்ட்ரெயிட்டினிங் செய்து வரும் போது செம காமெடியாய் இருக்கிறது அவரது பாடி லேங்குவேஜ். நடிப்பில் இன்னும் பல மைல் தூரம் போக வேண்டியிருக்கிறது இவருக்கு.

கார்த்திக் தான் படத்தின் ஹீரோ போல படத்தின் ஆரம்பம் முதல் வருகிறார். ஏதோ ஹாலிவுட் பட ஹீரோ போல கொழ் கொழவென இங்கீலீஷ் பேசுகிறார். எதோ செய்யப் போகிறார் என்று நினைதால் கான்ஸ்டபிள் கூட கொஞ்சம் நன்றாக யோசிப்பான் போலிருக்கு. சதா நிஜமாகவே சப்பிப் போட்ட மாங்கொட்டை போல இருக்கிறார். நடுவில் ஒரு பாட்டில் அடிப் பாடுவதோடு சரி. அவர் அண்டர் கவர் ஏஜெண்டாம். அதுவும் நான்கு மாதத்தில் ரௌடி ஆனவருக்கு. கொடுமைடா சாமி. கஞ்சா கருப்பு, ஜீவா, மயில்சாமியெல்லாம் இருந்தும் சிரிப்பு ஒண்ணும் விளங்கலை. ஸ்ரீகாந்த் தேவாவின் இசையில் பெரிதாய் சொல்ல ஏதுமில்லை. ஒளிப்பதிவு எல்லாம் ஓகே. க்ளைமாக்ஸ் மட்டும் கொஞ்சமே கொஞ்சம் ஓகே.

புலி வேஷம்.-  வெறும் வேஷம்.

சங்கர் நாராயண் @கேபிள் சங்கர்

நெடுஞ்செழியன் மற்றும் கருணாநிதி. இருவருமே தங்களுக்கு அமைச்சர் பதவி வேண்டாம் என்று அண்ணாவிடம்

12 ஜனவரி 1967 அன்று வெளியான ஒரு செய்தி தேர்தல் களத்தை வெப்பமாக்கியது. ஆம். ராமாவரம் தோட்டத்தில் வைத்து எம்.ஜி.ஆர் சுடப்பட்டார்; சுட்டவர் எம்.ஆர். ராதா; அந்தச் செய்தி தமிழ்நாட்டின் ஒவ்வொரு அங்குலத்தையும் சென்றடைந்தது. எம்.ஜி.ஆர் ரசிகர்கள் கொந்தளித்துப் போயினர். எங்கு பார்த்தாலும் கலவரம். வன்முறை. மறுநாள் முரசொலி இதழில் செய்தி வெளியாகி இருந்தது.
புரட்சி நடிகர் என்று கழகத் தோழர்களாலும் மக்கள் திலகம் என்று பொதுமக்களாலும் கொடை வள்ளல் என்று மாற்றுமுகாமில் இருப்பவர்களாலும் போற்றிப் புகழப்படும் நமது அருமைச் சகோதரர் எம்.ஜி.ஆர் அவர்களைச் சுட்டுக்கொல்வதற்கு நடைபெற்ற முயற்சி தோல்வியுற்று, நமது கழகக் கலைமாமணியை நாம் உயிருடன் திரும்பப் பெற்றோம்.
மருத்துவமனையில் சிகிச்சை எடுத்துக்கொண்டிருந்த எம்.ஜி.ஆர், அங்கிருந்தபடியே மனுவில் கையெழுத்திட்டு வேட்புமனு தாக்கல் செய்தார். அதற்குத் தேவையான உதவிகளைச் செய்துகொடுத்தவர் என்.வி. நடராசன். பரங்கிமலை தொகுதி அவருக்காக ஒதுக்கப்பட்டிருந்தது. திமுகவின் பிரதான பிரசார பீரங்கியாக இருந்தவர் எம்.ஜி.ஆர். கடந்த தேர்தலின்போது சூறாவளிப் பிரசாரம் செய்தவர். அதற்குப் பரிசாக மேலவை உறுப்பினர் பதவியைப் பெற்றவர். தற்போது குண்டடி பட்டிருந்ததால் அவருக்குப் பதிலாக அவர் கட்டுடன் இருப்பது போன்று எடுக்கப்பட்ட புகைப்படம் இடம்பெற்ற சுவரொட்டிகள் தமிழகத்தின் எல்லா இடங்களிலும் ஒட்டப்பட்டன. பிரசார வாகனங்களிலும் சுவரொட்டிகள் ஒட்டப்பட்டன.
பிரசாரம் தீவிரமாக நடந்துகொண்டிருந்த சூழலில் ஆனந்த விகடன் இதழில் கேலிச்சித்திரம் ஒன்று வெளியானது. அண்ணா, ராஜாஜி, காயிதே மில்லத், ம.பொ. சிவஞானம், பி. ராமமூர்த்தி ஆகியோர் கழுதை மீது ஏறிக்கொண்டு கோட்டை நோக்கிச் செல்வதாக அந்தச் சித்திரம் வரையப்பட்டிருந்தது. எதிர்க்கட்சித் தலைவர்களை அவமதிக்கும் வகையில் வரையப்பட்ட அந்தக் கேலிச்சித்திரத்தை சுவரொட்டியாக மாற்றிப் பிரசாரம் செய்தது காங்கிரஸ் கட்சி.
ஆவேசம் வந்துவிட்டது கருணாநிதிக்கு. காரணம், காங்கிரஸ் கட்சியின் குறைகளை வெளிப்படுத்தும் வகையில் ஒட்டும் சுவரொட்டிகளை அனுமதிக்க மறுத்த காங்கிரஸ் அரசு, அந்த அரசியல் சுவரொட்டிகளை ஒட்டியவர்கள் மீது ஆபாச சுவரொட்டி தடுப்புப் பிரிவின்கீழ் நடவடிக்கை எடுத்தது. தற்போது கழுதை சுவரொட்டி விஷயத்தில் காங்கிரஸ் அரசு மெளனம் காப்பதுதான் அவருடைய கோபத்துக்குக் காரணம். மயிலாப்பூரில் நடந்த தேர்தல் பிரசாரக் கூட்டத்தில் அது வெளிப்பட்டது.
எவ்வளவு அரசியல் அநாகரிகமும் காட்டுமிராண்டித்தனமும் கழிசடைப்புத்தியும் இருக்குமேயானால் மரியாதைக்கும் வணக்கத்துக்கும் உரிய தலைவர்களைக் கழுதை மீது வைத்துப் படம் போட்த் துணிவீர்கள்? நாங்கள் நாட்டுநிலையைச் சித்திரித்துப் படம் போட்டால் அதை எடுக்க மட்டும் ஓடோடி வருகிறீர்களே? எவ்வளவு நாளைக்கு இந்த அதிகாரம் செய்ய முடியும் ஆட்சியாளர்களே! அதிகாரிகளே! இன்னும் ஆறே நாள்! அதிகாரம் மாறும்!
தேர்தல் நெருங்கிய சமயத்தில் புதிய அறிவிப்பு ஒன்றை வெளியிட்டார் அண்ணா. ஒரு ரூபாய்க்கு மூன்று படி அரிசி போடுவதாக காங்கிரஸ் கட்சி ஒப்புக்கொண்டால் திமுக தேர்தலில் இருந்து விலகிக்கொள்ளும் என்றார் அண்ணா. அதற்கு பதிலளித்த காங்கிரஸ் தலைவர்கள், ‘திமுகவால் முடியுமா?’ என்று சவால் விடுத்தனர். இதற்காகவே காத்துக் கொண்டிருந்த அண்ணா, ரூபாய்க்கு மூன்று படி அரிசி லட்சியம்; ஒரு படி நிச்சயம் என்ற தேர்தல் வாக்குறுதியைக் கொடுத்தார்.
தினத்தந்தி அதிபர் சி.பா. ஆதித்தனாரின் நாம் தமிழர் இயக்கம் அப்போது திமுக கூட்டணியில் இருந்தது. அண்ணாவின் மூன்று படி அரிசி வாக்குறுதி தினத்தந்தியின் உதவியால் அனைத்துத் தரப்பு மக்களையும் மின்னல் வேகத்தில் சென்றடைந்தது. நடப்பவை அனைத்துமே திமுகவுக்குச் சாதகமாக இருந்தன. அது, தேர்தல் முடிவுகளில் வெளிப்பட்டது.
வாக்கு எண்ணிக்கை தொடங்கியபோதே திமுக வேட்பாளர்கள் பலரும் வெற்றிமுகத்தில் இருந்தனர். மெல்ல மெல்ல வெற்றிச் செய்திகள் வரத் தொடங்கின. அப்போது அண்ணாவின் வீட்டில் இருந்த கருணாநிதிக்கு ஒரே வேலைதான். தொலைபேசியில் எண்களைச் சுழற்றுவது; தினந்தந்தி நிருபர்களிடம் செய்தி சேகரிப்பது; மறுநொடி அண்ணாவுக்குத் தகவல் சொல்வது. அப்போது அதிர்ச்சியூட்டும் செய்தி ஒன்று வந்து சேர்ந்தது. விருதுநகரில் காமராஜர் தோல்வி.
தேர்தல் முடிவுகள் முழுமையாக வெளியானபோது திமுக 138 இடங்களைக் கைப்பற்றித் தனிப்பெரும்கட்சியாக உருவெடுத்தது. ஆட்சி அமைப்பதற்கான அறுதிப்பெரும்பான்மையைக் காட்டிலும் அதிக இடங்களைக் கைப்பற்றியது. ஆட்சி அதிகாரத்தில் இருந்து காங்கிரஸ் கட்சி அகற்றப்பட்டது. சைதாப்பேட்டையில் பதினோரு லட்சம் (கருணாநிதி) வெற்றிபெற்றிருந்தார். நாடாளுமன்றத் தேர்தலிலும் திமுகவுக்கு அபாரவெற்றி. 25 மக்களவைத் தொகுதிகளைக் கைப்பற்றியிருந்தது திமுக. தென் சென்னை மக்களவைத் தொகுதியில் இருந்து அண்ணா வெற்றி பெற்றிருந்தார்.
1 மார்ச் 1967 அன்று திமுக சட்டமன்ற உறுப்பினர்களின் கூட்டம் கூடியது. யார் திமுகவின் சட்டமன்றக்குழுவின் தலைவர் என்பது முக்கியமான கேள்வி. ஏனென்றால், அந்தப் பதவிக்குத் தேர்ந்தெடுக்கப்பட வேண்டிய அண்ணா சட்டமன்றத்துக்குத் தேர்வாகவில்லை. மாறாகம் தென்சென்னை மக்களவை உறுப்பினர். எனினும், சட்டமன்றத்துக்குத் தேர்வாகாமலே சட்டமன்றக் குழுவுக்குத் தலைவராகலாம்; முதலமைச்சராகலாம்; ஆறு மாதங்களுக்குள் சட்டமன்றத்துக்கோ அல்லது சட்டமன்ற மேலவைக்கோ தேர்வுபெற்று முதலமைச்சர் பதவியில் தொடரலாம் என்ற விதிமுறைகளின்படி திமுகவின் சட்டமன்றக் குழுவின் தலைவராகத் தேர்வுசெய்யப்பட்டார் அண்ணா.
அதனைத் தொடர்ந்து ஆளுநர் உஜ்ஜல் சிங்கைச் சந்தித்து ஆட்சி அமைக்க உரிமை கோரிய அண்ணா, உடனடியாகத் திருச்சி புறப்பட்டார் அண்ணா. ஆம். பெரியாரைச் சந்திக்க. வாழ்த்துகளைப் பெற. பதினெட்டு ஆண்டுகளாகப் பிரிந்திருந்த இரண்டு தலைவர்களும் நேருக்கு நேர் சந்தித்தனர். அபூர்வ சந்திப்பு. அருகே நெடுஞ்செழியனும் கருணாநிதியும் சாட்சிகளாக நின்றிருந்தனர்.
அடுத்து அமைச்சரவையில் யார் யாரெல்லாம் இடம்பெறவேண்டும் என்பது பற்றிய பேச்சுகள் எழுந்தன. கட்சி தொடங்கிய பதினெட்டு ஆண்டுகளில் கட்சி வளர்ச்சிப் பணியில் ஏராளமான தலைவர்கள் ஈடுபட்டுள்ளனர்; போராட்டங்களில் கலந்துகொண்டுள்ளனர்; உழைப்பைச் செலுத்தியுள்ளனர்; சிறையில் அடைபட்டுள்ளனர்; தியாகங்களைச் செய்துள்ளனர்; சொத்துசுகங்களை இழந்துள்ளனர். எல்லோருக்கும் வாய்ப்பு கொடுக்கவேண்டுமே என்ற கவலை அண்ணாவுக்கு.
அதைப் புரிந்துகொண்டவர்கள் இருவர். நெடுஞ்செழியன் மற்றும் கருணாநிதி. இருவருமே தங்களுக்கு அமைச்சர் பதவி வேண்டாம் என்று அண்ணாவிடம் கேட்டுக்கொண்டனர். இத்தனைக்கும் கருணாநிதிக்கு போலீஸ் இலாகா ஒதுக்கப்படும் என்ற செய்தி உலவிக் கொண்டிருந்தது. அண்ணாவுக்கே நேரடியாக சில தந்திகள் அனுப்பப்பட்டிருந்தன.
தீவிர யோசனைகளுக்குப் பிறகு அண்ணா தன்னுடைய அமைச்சரவைப் பட்டியலைத் தயாரித்தார். நெடுஞ்செழியனுக்குக் கல்வித்துறை. மதியழகனுக்கு உணவுத்துறை. ஏ.கோவிந்தசாமிக்கு விவசாயத்துறை. சாதிக் பாட்சாவுக்கு சுகாதாரத்துறை. சத்தியவாணி முத்துவுக்கு அரிசன நலத்துறை. மாதவனுக்கு சட்டத்துறை. முத்துசாமிக்கு உள்ளாட்சித்துறை. திமுகவின் பொருளாளரான கருணாநிதிக்கு அண்ணா ஒதுக்கிய துறை, பொதுப்பணித்துறை!
6 மார்ச் 1967 அன்று சென்னை ராஜாஜி மண்டபத்தில் திமுக அமைச்சரவை பதவியேற்றது. அதற்கடுத்த பத்தாவது நாள் பெரியாரிடம் இருந்து அறிவுரை ஒன்று வந்தது. அண்ணாவுக்கு அல்ல; கருணாநிதிக்கு!
0

மூவர் தூக்கு ரத்து: பாசிச ஜெயா மறுப்பு!

போர் என்றால் மக்கள் சாகத்தான் செய்வார்கள்” என்று திமிராக பேசிய இந்த நரி எப்படி தீடீரென்று பரியாக முடியும்?
ராஜீவ் காந்தி கொலை வழக்கில் பொய்யாக குற்றம்சாட்டி தூக்குத் தண்டனை விதிக்கப்பட்ட மூவரையும் தூக்கிலடக்கூடாது என்று தமிழகம் முழுவதும் தன்னெழுச்சியான போராட்டங்கள் நடைபெற்று வருகின்றன. இதில் சீமான், வைகோ, பெரியார் திராவிடர் கழகம், மே 17 இயக்கம் முதலான தமிழின ஆர்வலர்கள் தூக்குத் தண்டனையை ரத்து செய்வதற்காக ஜெயவிடம் கோரிக்கை வைத்து போராடி வருகிறார்கள்.
கோயம்பேட்டில் நடக்கும் வழக்கறிஞர் உண்ணாவிரதப் போராட்டத்திற்கு வருகை தரும் தலைவர்களும், திரைத்துறையினரும் கூட இப்படித்தான் ஜெயலலிதாவிடம் கோரிக்கை வைத்து பேசி வருகிறார்கள். மக்கள் மன்றத்திலும், நீதிமன்றத்திலும் மூவர் தூக்கை ரத்து செய்ய போராடுவதற்கு பதில் இப்படி ஜெயலலிதாவிடம் விசேடமாக கோரிக்கை வைப்பது சரியா? கேட்டால் இது மூவரது உயிர் சம்பந்தப்பட்ட பிரச்சினை, இதில் நமது மான அவமானத்தை பார்க்க்க் கூடாது என்றும் நியாயப்படுத்துகிறார்கள்.
மூவரையும் தூக்கில் போடவேண்டுமென்று எப்போதும் பேசி வரும் ஜெயாவிடம் எதை எதிர்பார்த்து இந்தக் கோரிக்கை? “போர் என்றால் மக்கள் சாகத்தான் செய்வார்கள்” என்று திமிராக பேசிய இந்த நரி எப்படி தீடீரென்று பரியாக முடியும்?
தற்போது இந்தப் பிரச்சினை தொடர்பாக ஜெயாவே தனது முகம் இதுதான் என்று காட்டியிருக்கிறார். தமிழின ஆர்வலர்கள் வெட்கப்படாமல் அதை பார்ப்பார்களா?
தனக்கு அதிகாரமில்லை என்பதை சட்டபூர்வமாக மெனக்கெட்டு சொல்லியிருக்கிறார். அதிலும் கருணை மனுவை குடியரசுத் தலைவர் நிராகரித்து விட்ட நிலையில், புதிய சூழ்நிலை, ஆதாரங்கள் இருப்பின் அதை மறு ஆய்வுக்குட்படுத்துமாறு சம்பந்தப்ட்டவர்களோ, வேறு யாரோ குடியரசுத்தலைவரிடம் கோரலாம் என்பதையும் கூறியிருக்கிறார். அந்த வேறு யாரோவில் ஏன் புரட்சித் தலைவி இல்லை? ஏன் தமிழக அரசு இல்லை?
கருணாநிதி அமைச்சரவை கருணை மனைவை நிராகரிக்குமாறு ஆளுநருக்கு ஆலோசனை கூறியது நிஜம்தான். அதனால் இன்று தூக்குத் தண்டனையை நிறுத்துமாறு கருணாநிதி கோருவது பித்தலாட்டம் என்பதையும் ஏற்றுக் கொள்வோம். ஆனால் ஈழப்பிரச்சினையில் கருணாநிதியின் துரோகத்தை ‘புரிந்து’ கொண்டு அவரை எதிர்த்தவர்கள்தானே வைகோவும், சீமானும், பெரியார் தி.கவும்? அதனால்தானே ஈழத்தின் எதிரி ஜெயாவை அவர்கள் தேர்தலில் ஆதரிக்கவும் செய்தார்கள். அந்த அடிப்படையில்தானே ஜெயலலிதாவிடம் கோரிக்கை வைக்கிறார்கள்? அதை ஏற்பதில் என்ன பிரச்சினை?
இந்த நெடிய அறிக்கையில் முதலமைச்சரான தனக்கு அதிகாரம் இல்லை என்பதை அழுத்தம் திருத்தமாக சொல்கிறார் ஜெயலலிதா. ஆனால் குடியரசுத் தலைவர் கருணை மனுக்களை நிராகரித்து விட்ட நிலையிலும் தூக்குத் தண்டனையை ரத்து செய்யலாம் என்பதை சிலர் கூறுகிறார்கள். அதற்கு நம்பூதிரிபாடு, சி.என்.அண்ணாத்துரை போன்றோர் முதலமைச்சராக இருந்த போது நடந்த வரலாற்றினையும் கூறுகிறார்கள். இது ஒருபுறமிருக்கட்டும்.
தனக்கு அதிகாரமில்லை என்பதை இப்படி மாய்ந்து மாய்ந்து சொல்லும் பாசிச ஜெயலலிதா மூவர் தூக்கிலடப்படுவதும் தனக்கு உடன்பாடு இல்லை என்று கூட ஏன் சொல்லவில்லை? தனக்கு அதிகாரமில்லை என்றாலும் மூவர் தூக்கு ரத்து செய்யப்படவேண்டும் என்று தான் விரும்புவதாக ஏன் கூறவில்லை?
இல்லை குடியரசுத் தலைவருக்கு தமிழக போராட்ட நிலைவரங்களை அறிக்கை மூலம் தெரிவித்து அவரது முடிவை மறு ஆய்வு செய்யுமாறு ஏன் கோரவில்லை? இதற்கு கூட அதிகாரமில்லையா, இல்லை மனமில்லையா? காவிரிப் பிரச்சினையில் கூட உச்சநீதிமன்றத்தின் தீர்ப்பினை இன்று வரை கருநாடக அரசு அமல்படுத்த மறுக்கிறது. இதினாலொன்றும் அரசியல் சட்டப்பிரச்சினைகள் வந்துவிடவில்லை. அதே போல மூவரை தூக்கில் போட்டால் தமிழகத்தில் சட்டம் ஒழுங்கை பராமரிக்க முடியாது என்றும் அதனால் மூவர் தூக்கை ரத்து செய்யுமாறு மத்திய அரசுக்கு கோரிக்கை விடுக்கலாமே?
கருணாநிதி கொண்டு வந்தார் என்பதற்காகவே சமச்சீர் கல்வியை ரத்து செய்ததும், அதற்காக கோடிக்கணக்கில் செலவழித்து உச்சநீதிமன்றத்தில் பிரபலமான வழக்கறிஞர்களை வைத்து வாதடியதாகட்டும் அந்த ஈடுபாடு இந்த மூவர் மீதான உயிர் குறித்து ஏன் இல்லை? புதிய சட்டசபை அலுவலகத்தை மருத்துவமனையாக்க போகிறேன் என்று மக்கள் பணத்தோடு விளையாடும் ஜெயலலிதா மூன்று பேரின் உயிர் குறித்தும் அதேமாதிரிதான் விளையாடுகிறார் என்பது எத்தனை பேருக்குத் தெரியும்?
மேலும் மூவர் தூக்கை ரத்து செய்யுமாறு வந்த கோரிக்கைகளை அவர் பத்திரிகைகள் மூலம்தான் அறிந்து கொண்டாராம். அன்றாடம் பல்வேறு ஊர்களில், கல்லூரிகளில் நடக்கும் போராட்டங்களும், ரயில் மறியலும் குறித்து உளவுத் துறை போலீசு அவருக்கு சேதி சொல்லவில்லையா?
மூவரையும் தூக்கில் போட வேண்டுமென்று முந்தாநாள் வரை நரம்பு புடைக்க பேசியவரிடம் ஏன்தான் இந்த தமிழின ஆர்வலர்கள் கோரிக்கை வைக்கிறார்கள் என்று தெரியவில்லை? 2000-ஆம் ஆண்டு  கருணாநிதி கூட கருணை மனுவை நிராகரிக்குமாறு சொல்தவற்கு பாசிச ஜெயாவின் மீதான பயம்தான் முதன்மைக் காரணம். அதுவே பின்னர் சீமானைக் கைது செய்வதற்கும் காரணமாக இருந்தது. பாசிச ஜெயா தலைமையிலான பார்ப்பனக் கூட்டத்திற்கு பயந்து கொண்டுதான் கருணாநிதி ஈழம் தொடர்பான விவகாரங்களில் நடந்து கொண்டார் என்பது ஊரறிந்த விசயம்.
ஆக பாசிச ஜெயா ஒரு போதும் ஈழத்திற்காகவோ, மூவர் தூக்கு தண்டனையை ரத்து செய்வதற்காகவோ குரல் கொடுக்க மாட்டார். இனியாவது தமிழின ஆர்வலர்கள் தமது கோரிக்கைகளை மக்கள் மன்றத்திலும், நீதிமன்றத்திலும் வைத்து போராடட்டும். சொல்லப் போனால் இந்த மூவரையும் எப்படியாவது தூக்கில் போட வேண்டும் என்று குறியாக இருப்பவர்தான் இந்த பாசிச ஜெயா. நம்மைக் கொல்ல வரும் கொலைகாரனிடமே நம்மைக் கொல்ல வேண்டாமென்று மன்றாடுவது என்ன வகை அரசியல்?
இன்னும் ஆதாரம் வேண்டுமா?
இரண்டு வருடங்களுக்கு முன்னர் ஜெயலலிதா பேசியதைப் பாருங்கள்:

“ ராஜீவ் காந்தி கொலைவழக்கு குறித்து சி.பி.ஐ விசாரித்தபோது, எனது தலைமையிலான தமிழக அரசு அதற்கு முழு ஒத்துழைப்பையும் நல்கியது. நளினி உட்பட இன்னும் சிலருக்கு நிர்ணயிக்கப்பட்ட நீதிமன்றத்தால் மரணதண்டனை வழங்கப்பட்டது. இதை சென்னை உயர்நீதிமன்றமும் உறுதிபடுத்தியது. உச்சநீதிமன்றமும் 1999 ஆம் ஆண்டு நிர்ணயிக்கப்பட்ட நீதிமன்றத்தால் வழங்கப்பட்ட மரணதண்டனையை உறுதி செய்தது. உச்ச நீதிமன்றத்தால் உறுதி செய்யப்பட்டு ஒன்பது வருடங்கள் ஆகியும், மரணதண்டனை நிறைவேற்றப்படவில்லை. மாறாக, நளினிக்கு விதிக்கப்பட்ட மரணதண்டனை ஆயுள் தண்டனையாக ஆக்கப்பட்டுவிட்டது. இவ்வாறு நளினியை காப்பாற்றியது படுகொலை செய்யப்பட்ட ராஜீவ் காந்தியின் மனைவியும், காங்கிரஸ் கட்சியின் தலைவியுமான சோனியா காந்தி. மேற்படி நளினியை, கொலை செய்யப்பட்ட முன்னாள் பாரத பிரதமரின் மகள் ப்ரியங்கா சிறையில் சென்று பார்கிறார். இப்படி பொய் பார்க்கலாமா? அது அடுக்குமா? இப்போது நளினி ஏதோ உரிமைக்காக போராடுவதுபோல் தன்னை விடுதலை செய்யவேண்டும் என்று உயர்நீதிமன்றத்தில் மனு போடுகிறார். உலகத்தில் வேறு எந்த நாட்டிலும் நடக்காதது எல்லாம் இந்தியாவில் நடக்கிறது! இது சோனியா மற்றும் பிரியங்கா ஆகியோருடைய சொந்த பிரச்சனை அல்ல. அவர்களுடைய குடும்ப பிரச்சனை அல்ல. எது ஒரு நாட்டு பிரச்சனை. ஒரு முன்னாள் பாரத பிரதமர் படுகொலை செய்யப்பட்ட சம்பவம் இந்த நாட்டின் இறையாண்மைக்கு விடப்பட்ட சவால். யாருடைய தனிப்பட்ட உரிமையும் இதில் இல்லை. இப்போது தமிழகத்தில் எனது தலைமையிலான ஆட்சி நடைபெற்றுகொண்டிருந்தால், தடை செய்யப்பட்ட இயக்கங்களுக்கு ஆதரவாக பேசியிருப்பவர்களை நிச்சயமாக கைது செய்திருப்பேன்.
தற்போது பொடா சட்டம் ரத்து செய்யப்பட்டுவிட்டது என்ற அசட்டு தைரியத்தில் சிலர் பகிரங்கமாக தேச விரோத கருத்துக்களை பேச ஆரம்பித்துவிட்டனர். POTA இல்லாவிட்டாலும், தற்போதுள்ள சட்டவிரோதமான நடவடிக்கைகள் தடுப்பு சட்டத்தின் கீழ், இந்திய இறையாண்மைக்கு எதிராக பேசுபவர்கள் மீது நடவடிக்கை எடுக்கலாம். ஆனால் நடவடிக்கை எடுக்க மைனாரிட்டி தி.மு.க அரசின் முதலமைச்சருக்கு மனமில்லை. எப்போதெல்லாம் கருணாநிதி ஆட்சிக்கு வருகிறாரோ, அப்போதெல்லாம் விடுதலைபுலிகள் அமைப்புக்கு ஆதரவான பேச்சுக்கள் தமிழ்நாட்டில் பகிரங்கமாகவே நடைபெறுகின்றன.”
- புரட்டுத் தலைவி ஜெ. ஜெயலலிதா (நமது எம்.ஜி.ஆர் 23.10.2008)

நக்கீரன் கோபால் பேச்சு:மரண தண்டனையை தூக்கில் போட வேண்டும்

ராஜீவ்காந்தி கொலை வழக்கில் பேரறிவாளன், சாந்தன், முருகன் ஆகியோருக்கு நிறைவேற்றவிருக்கும் தூக்கு‌த் தண்டனையை ரத்து செய்யக்கோரி, சென்னை உய‌ர் ‌‌நீ‌திம‌ன்ற வழ‌க்க‌‌றிஞ‌ர்கள் கயல்விழி, அங்கையற்கன்னி, வடிவாம்பாள் ஆகிய மூன்று பேர் சென்னை கோயம்பேடு பேரு‌ந்து நிலையம் அருகே இ‌ன்று 4வது நாளாக உண்ணாவிரதம் இரு‌ந்து வரு‌கி‌ன்றன‌ர்.


இவ‌ர்களு‌க்கு அ‌ர‌சிய‌ல் க‌ட்‌சி‌த் தலைவ‌ர்க‌‌ள், நடிக‌ர்க‌ள், இய‌க்குந‌ர்க‌ள் உ‌ள்‌ளி‌ட்ட ப‌ல்வேறு தர‌ப்‌பி‌னர் ஆதரவு தெ‌ரி‌வி‌த்து வரு‌கி‌ன்றன‌ர்.
இந்த தொடர் உண்ணாவிரத போராட்டத்தில் இன்று பத்திரிகையாளர்கள் பங்கேற்றனர். அதில் நக்கீரன் ஆசிரியர்,நக்கீரன்’ கோபால் பங்கேற்றார்.

 மூவரின் தூக்குத்தண்டனைக்கு எதிராகவும்,  உண்ணாவிரதம் இருக்கும் மூவருக்கு ஆதரவாகவும் நக்கீரன் கோபால் குரல் கொடுத்தார்.

அவர்,பொதுவாக நமக்கெல்லாம் இல்லாத தைரியம் இந்த மூன்று பேருக்கும் இருக்கிறது.; இதை நாம் பாராட்டித்தான் ஆகவேண்டும்.   

யாராவது ஒரு கல்லெறியனுமே; அந்த கல்லு இந்த மூன்று பேரின் உருவமாக வந்திருக்கிறது.    இன்று 4வது நாளாக உண்ணாவிரதம் இருக்கிறார்கள்.

தேகம் ஒல்லியாக இருப்பவர்களுக்கு உண்ணாநோன்பு இருப்பதில் கஷ்டம் இருக்காது.  ஆனால் உடம்பு குண்டாக

இருப்பவர்கள் உண்ணாநோன்பு இருப்பதில் மிகவும் கஷ்டப்படுவார்கள்.  அப்படி இருந்தும் உண்ணாவிரதம் இருக்கிறார்கள். 

இது பெரிய விசயம். ஒரு விடியலை நோக்கி இந்த மூவரும் உண்ணாவிரதம் இருப்பதை

தமிழகமே இன்று கவனிக்கிறது.

தூக்கில் போட வேண்டும் .....மரண தண்டனையை தூக்கில் போட வேண்டும்.    இன்றைக்கு ஜனநாயம் பேசுகிறோம்.  காந்தியம் பேசுகிறோம்.; காந்திய முறையில்தான் நாம் சுதந்திரத்தை வாங்கியிருக்கோம் என்று படிக்கிறோம்; சொல்கிறார்கள்.  காந்திய வழியில்தான் நம் நாடு நடக்கிறது என்கிறார்கள்.

ஆனால், அரசாங்கம் இன்று மூன்று பேரை  காட்டுமிராண்டித்தனமாக தூக்கில் போட்டுத்தான் ஆவேன் என்று தேதியை குறித்திருக்கிறது.

நாம் காட்டுமிராண்டிகள்தான் என்று சொல்லாமல் சொல்கின்ற ஒரு நிர்வாகத்தின் கீழ்தான் இருக்கின்றோம். 

ஒரு அன்னா ஹசாரே என்கிற காந்தியவாதி உண்ணாவிரதம் இருக்கிறார்.  பாராளுமன்றத்தில் இந்த விவகாரத்தை விவாதிக்கிறார்கள்.    இந்த அளவிற்கு பாராளுமன்றம் இந்த விவகாரத்தை கையில் எடுத்ததற்கு காரணம்,  மீடியாதான்.  

மீடியாவின் முயற்சியால்தான் மக்களிடையே எழுச்சி ஏற்பட்டது.   இதனால்தான் மத்திய அரசே பயந்து பாராளுமன்றத்தில் லோக்பால் நிறைவேற்றியிருக்கிறது.  இதே போல்,  இந்த மூன்று சகோதரிகளின் உண்ணாவிரதத்தை மீடியாக்கள் மக்களிடையே கொண்டு செல்ல வேண்டும்.   பிரிவிணை பார்க்காமல் மீடியாக்கள் இந்த விசயத்தில் ஒன்றுபடவேண்டும். 

கால அவகாசம் குறைவாக இருப்பதால் இந்த நிமிடத்தில் இருந்து உறுதிமொழி எடுத்து மக்களிடையே கொண்டு செல்ல வேண்டும் மீடியாக்கள்.   ஏன் என்றால் விட்டுவிட்டால் பிடிக்க முடியாது.

செவிடன் காதில் ஊதிய சங்கு மாதிரி இந்த விவகாரம் ஆகிவிடக்கூடாது.   அதனால் அன்னா ஹசாரே

மாதிரியான பொதுவான ஒரு நபரை வைத்து போராடவும் வேண்டும்.  

தூக்குதண்டனையை தடுப்பதற்கு ஒரு குழு அமைத்து ஆய்வு செய்ய வேண்டும்.  இன்னும் பத்து நாட்கள்தான் இருக்கிறது.  அதற்குள் விரைந்து நடவடிக்கை எடுக்க வேண்டும்.

மனிதநேயமிக்க அனைவரையும் ஒன்றினைத்து பெரும் போராட்டமாக ஆரம்பித்து மக்கள் எழுச்சியை ஏற்படுத்த வேண்டும்.   அப்படிப்பட்ட எழுச்சியால்தான் தூக்குத்தண்டனையை நிறுத்த முடியும்.  

மூன்று உயிர்களுக்காக நேற்று ஒரு உயிர் தீக்குளித்து இறந்தது.  இப்போது மூன்று உயிர்கள் போராடிக்கொண்டிருக்கிறது.

இதற்கெல்லாம் முற்றுப்புள்ளி வைக்க வேண்டும்.   அதற்கு அனைத்து பத்திரிகை முதலாளிகளையும் சந்தித்து இந்த போராட்டத்தை மக்களிடையே பெரிய அளவில் கொண்டு செல்ல வேண்டும் என்று கெஞ்சிக்கேட்க வேண்டும்.   அதற்கு நான் தயாராக இருக்கிறேன்.

நிச்சயமாக நக்கீரன் மற்றும் நக்கீரன் சார்ந்த ஊடகம் இந்த பிரச்சனையை மக்களிடம் தொடர்ந்து எடுத்துச்செல்லும்.    மக்கள் எழுச்சி மூலமாக இந்த மூன்று பேரின் மரணதண்டனை நிச்சயமாக நிறுத்தப்படும்.

நான்காவது நாளாக இந்த பெண்கள் உண்ணாவிரதத்தை தொடர்கிறார்கள்.   இந்த உண்ணாநோன்பு, வெற்றி பெற்ற உண்ணா நோன்பாக முடியும் என்று நம்புகிறேன்’’ என்று பேசினார்.