முழு ஊரடங்கின் போது எதற்கெல்லாம் அனுமதி? எதற்கெல்லாம் தடை? டாஸ்மாக் கடைகள் திறக்கப்படமாட்டாது !

malaimalar : முழு ஊரடங்கு காலத்தில் டாஸ்மாக் கடைகள் திறக்கப்படமாட்டாது என தமிழக அரசு அறிவித்துள்ளது.

அரசு பேருந்துகள்

சென்னை:

தமிழக அரசு இன்று வெளியிட்டுள்ள அறிக்கையில் கூறப்பட்டுள்ளதாவது:-

• கொரோனா பரவலை தடுக்க வரும் 10-ந்தேதி முதல் 24-ந்தேதி வரை தமிழகத்தில் முழு ஊரடங்கு அமல்படுத்தப்படுகிறது.

இந்த முழு ஊரடங்கின் போது, பின்வரும் செயல்பாடுகளுக்குத் தடை விதிக்கப்படுகிறது.

• மத்திய உள் துறை அமைச்சகத்தால் அனுமதிக்கப்பட்ட வழித்தடங்களைத் தவிர, சர்வதேச விமான போக்குவரத்திற்கான  தடை மத்திய அரசால் நீட்டிக்கப்பட்டுள்ளதால், இதற்கான தடை தொடரும்.

• வெளிநாடுகள் மற்றும் இதர மாநிலங்களிலிருந்து விமானம் மற்றும் இரயில் போக்குவரத்து மூலம் வரும் பயணியர்களை தொடர்ந்து கண்காணிக்க இ-பதிவு முறை (e-Registration) தொடர்ந்து செயல்படுத்தப்படும்.  (https://eregister.tnega.org). இரயில் மற்றும் விமான நிலையங்களுக்கு பயணிகள் சென்று வர,  பயணச் சீட்டுடன் அனுமதிக்கப்படும்.  

• 3000 சதுர அடி மற்றும் அதற்கு மேற்பட்ட பரப்பு கொண்ட பெரிய கடைகள் (Big format Shops), வணிக வளாகங்கள்  (Shopping Complex & Malls) இயங்க 26.04.2021 முதல் ஏற்கனவே தடை விதிக்கப்பட்டுள்ளது. வணிக வளாகங்களில் இயங்கும் பலசரக்கு கடைகள் மற்றும் காய்கறி கடைகளுக்கும் ஏற்கனவே தடை விதிக்கப்பட்டுள்ளது. இவை தவிர, தனியாக செயல்படுகின்ற மளிகை, பலசரக்குகள், காய்கறிகள், இறைச்சி மற்றும் மீன் விற்பனை செய்யும் கடைகள் மட்டும் குளிர்சாதன வசதி இன்றி நண்பகல் 12.00 மணி வரை இயங்க அனுமதிக்கப்படுகிறது. இவற்றில், ஒரே சமயத்தில் 50 சதவிகிதம் வாடிக்கையாளர்கள் மட்டுமே அனுமதிக்கப்பட வேண்டும். Dunzo போன்ற மின் வணிக நிறுவனங்கள்  (e-commerce) மூலம் மளிகை, பலசரக்குகள், காய்கறிகள், இறைச்சி மற்றும் மீன் விநியோகம் செய்ய நண்பகல் 12.00 மணி வரை அனுமதிக்கப்படும். மேற்கூறிய மளிகை, பலசரக்குகள், காய்கறிகள், இறைச்சி, மீன் கடைகள் தவிர, இதர கடைகள் அனைத்தும் திறக்க தடை விதிக்கப்படுகிறது.

பெண்களின் தலைமுடியை பிடித்து இழுத்து கொடூரமாக தாக்கி பேயோட்டிய 'பிராந்தி சாமியார்' கைது!

nakkheeran.in - இளையராஜா :

 நாமக்கல் அருகே, பெண்களின் தலைமுடியைப் பிடித்து இழுத்து சாட்டையாலும் பிரம்பாலும் கொடூரமாகத் தாக்கி பேயோட்டிய பிராந்தி சாமியாரை காவல்துறையினர் கைது செய்தனர்.நாமக்கல் மாவட்டம் வேலகவுண்டம்பட்டி அருகே உள்ள காதப்பள்ளியைச் சேர்ந்தவர் அனில்குமார் (வயது 42). கடந்த சில ஆண்டுகளாக, மஞ்சநாய்க்கணூரில் உள்ள கருப்பண்ணசாமி கோயிலில் செவ்வாய், வெள்ளிக்கிழமைகளில் அருள்வாக்கு கூறி வந்தார்.

 உடல்நலம் சரியில்லாதவர்கள், குழந்தை பாக்கியம் வேண்டுவோர், மகன், மகள் திருமணத்தடை அகல வேண்டுவோர் என அவரிடம் ஏராளமான பக்தர்கள் அருள்வாக்கு கேட்டு வந்தனர். குறிப்பாக, பேய் பிடித்ததாகக் கருதப்படும் பெண்களுக்குப் பேய் ஓட்டும் பணிகளையும் செய்து வந்தார். 

பொய் சொல்ல வேண்டாம்.. புகழ்ச்சி வேண்டாம்.. உண்மையை சொல்லுங்கள்.. முதல் நாளே அதிர வைத்த முக ஸ்டாலின்

 /tamil.oneindia.com : சென்னை: தமிழகத்தின் முதல்வராக இன்று பதவியேற்ற முக ஸ்டாலின் அனைத்து மாவட்ட ஆட்சி தலைவர்களுடன் ஆலோசனை நடத்தினார்
ஆலோசனை கூட்டத்தில் பேசிய ஸ்டாலின், பொய் சொல்ல வேண்டாம்.. புகழ்ச்சி வேண்டாம்.. உண்மை நிலவரத்தை சொல்லுங்கள், முழு உண்மையை நேருக்கு நேர் சந்திப்போம் என்று தெரிவித்தார்.
இதனால் திகைத்துப்போன அதிகாரிகள், ஒவ்வொரு மாவட்டத்திலும் உள்ள உண்மை நிலவரத்தை விவரித்துள்ளார்கள்,
அவர்களிடம் ஆக்ஸிஜன் தேவைகள் குறித்தும், படுக்கை வசதிகள் குறித்து கேட்டறிந்த முதல்வர் ஸ்டாலின், மேல் அதிகாரிகளுக்கு உரிய நடவடிக்கை எடுக்க உத்தரவிட்டார்
கொரோனா பெருந்தொற்று தமிழகத்தில் மிக மோசமாக பரவி வரும் இந்த இக்கட்டான நேரத்தில் தமிழகத்தின் முதல்வராக பொறுப்பேற்றுள்ள முக ஸ்டாலின், முதல் நாளிலேயே பல்வேறு அதிரடியாக விஷயங்களை செய்துள்ளார்.

மகளிர் பயணம் செய்ய கட்டணமில்லை’ - உடனடி அரசாணை... தயாராகும் பேருந்துகள் : மகிழ்ச்சியில் பெண்கள்!

கலைஞர் செய்தி : தமிழ்நாட்டில் நடைபெற்று முடிந்த சட்டப்பேரவைத் தேர்தலின் பெருவெற்றிக்குப் பிறகு இன்று முதல்வராகப் பதவி ஏற்ற மு.க.ஸ்டாலின், கொரோனா நிவாரண நிதி, ஆவின் பால் விலை குறைப்பு, மகளிருக்கு இலவச பேருந்து கட்டணம் உள்ளிட்ட 5 திட்டங்களுக்கான கோப்புகளில் கையெழுத்திட்டார்.
கொரோனா நிவாரணமாக குடும்ப அட்டை ஒன்றுக்கு ரூ.4,000 என்றும் முதல் தவணையாக மே மாதத்திலேயே ரூ.2,000-ஐ குடும்ப அட்டைதாரர்களுக்கு வழங்கவும் அரசாணை வெளியிடப்பட்டுள்ளது.
அரசுப் போக்குவரத்துக் கழகக் கட்டுப்பாட்டில் இயங்கும் சாதாரண கட்டண நகரப் பேருந்துகளில் பயணம் செய்யும் பணிபுரியும் மகளிர், உயர்கல்வி பயிலும் மாணவியர் உள்ளிட்ட அனைத்து மகளிரும் கட்டணமில்லாமல் நாளை முதல் பயணம் செய்ய வகை செய்யும் கோப்பிலும் கையெழுத்திட்டார் முதல்வர் மு.க.ஸ்டாலின்.

அடுத்த இரண்டு நாட்களில் தமிழகத்திற்கு 40 மெட்ரிக் டன் ஆக்சிஜன் தேவை'' - பிரதமருக்கு ஸ்டாலின் கடிதம்!

 நக்கீரன் :தமிழகத்தில் கரோனா இரண்டாம் அலை பரவல் தீவிரமடைந்திருக்கும் நிலையில் மறுபுறம் நாடுமுழுவதும் ஆக்சிஜன் தட்டுப்பாடு பேசுபொருளாகியுள்ளது. தமிழகத்தில் கடந்த 24 மணிநேரத்தில் 26,465 பேருக்கு கரோனா உறுதி செய்யப்பட்டுள்ளது. இன்று வெளியிடப்பட்ட அறிவிப்பின்படி தமிழகத்தில் 197 பேர் கரோனாவிற்கு உயிரிழந்துள்ளனர். அரசு மருத்துவமனைகளில் 124 பேரும் தனியார் மருத்துவமனைகளில் 73 பேரும் கரோனாவிற்கு உயிரிழந்துள்ளனர். இதனால் தமிழகத்தில் கரோனா உயிரிழப்பு மொத்த எண்ணிக்கை 15,171 ஆக அதிகரித்துள்ளது.
இன்று தமிழக முதல்வராகப் பொறுப்பேற்றுக் கொண்ட திமுக தலைவர் ஸ்டாலின், கரோனா தடுப்பு நடவடிக்கைகள் குறித்து தொடர்ந்து ஆலோசனை மேற்கொண்டு வருகிறார். இந்நிலையில் தற்போது ஆக்சிஜன் தொடர்பாக பிரதமர் மோடிக்கு முதல்வர் மு.க.ஸ்டாலின் கடிதம் எழுதியுள்ளார். 

சபாநாயகர் – எம்.அப்பாவு! துணை சபாநாயகர் - கு.பிச்சாண்டி!

malaiamurasu : ஸ்டாலின் தலைமையிலான அமைச்சரவையில் சபாநாயகராக  அப்பாவு நியமிக்கப்படவுள்ளார். துணை சபாநாயகர் பொறுப்பில் கு.பிச்சாண்டி அமர்த்தப்பட உள்ளதாக தகவல் வெளியாகியுள்ளது. >தென்மாவட்டங்களில் முக்கியத்துவம் பெற்ற திருநெல்வேலி மாவட்டத்திலிருந்து இந்த முறை அமைச்சர்கள் நியமிக்கப்படாதது குறித்து மக்களிடையே பரவலாக பேசப்பட்டு வருகிறது. மதுரைக்கு பிறகு தென்மாவட்டங்களில் மிக முக்கியத்துவம் வாய்ந்த மாவட்டமாக திருநெல்வேலி கருதப்படுகிறது. ஒவ்வொரு சட்டமன்ற தேர்தலிலும் இந்த மாவட்டத்திலிருந்து ஒருவருக்கு அமைச்சர் பதவி கண்டிப்பாக கிடைக்கும். எந்த கட்சி ஆட்சியிலிருந்தாலும் சரி.. அமைச்சர் பதவி மிஸ் ஆகாது.

வன்னியர்களுக்கு இடஒதுக்கீடு கொடுத்ததால் தான் தோற்றோம்'' - இபிஎஸ், ஓபிஎஸ் இடையே கடும் வாக்குவாதம்!

nakkeeran :தமிழகத்தில் சட்டமன்றத் தேர்தல் நடந்துமுடிந்த நிலையில் இன்று திமுக தலைவர் ஸ்டாலின் தமிழக முதல்வராகப் பதவியேற்றுக் கொண்டார். வெளியான தேர்தல் முடிவுகளின் பின் கடந்த 10 ஆண்டுகளாக ஆளுங்கட்சியாக இருந்த அதிமுக எதிர்க்கட்சியாக தன்னை நிலைநிறுத்தியது. இன்று மாலை அதிமுக எம்.எல்ஏக்கள் கூட்டம் நடைபெறும் என அறிவிக்கப்பட்டிருந்த நிலையில் ஓபிஎஸ், இபிஎஸ் தரப்பினரின் வாக்குவாதத்தோடே  கூட்டம் தொடங்கியது..... இந்நிலையில் அதிமுக எம்.எல்.ஏக்கள் கூட்டத்தில் முடிவு ஏதும் எட்டப்படாமல் கூட்டமானது ஒத்திவைக்கப்பட்டுள்ளது. திங்கட்கிழமை காலை 9.30 மணிக்கு அதிமுக எம்.எல்.ஏக்கள் உடன் மீண்டும் ஆலோசனை நடத்த இருப்பதாக அதிமுக தலைமை அறிவித்துள்ளது. பலம்வாய்ந்த எதிர்க்கட்சித் தலைவர் தேர்ந்தெடுக்கப்படுவார் என முன்னாள் அமைச்சர் ஜெயக்குமார் தெரிவித்துள்ளார். ''திமுகவை விட 3 சதவீதம் குறைவான வாக்குகள் தான் பெற்றுள்ளோம். அதிமுகவின் வாக்கு வங்கி சரிவு அடையவில்லை. வாழ்த்துத் தெரிவிக்கும் கூட்டம் மட்டுமே இன்று நடைபெற்றது'' என ஜெயக்குமார் தெரிவித்துள்ளார்.

முத்துவேல் கருணாநிதி ஸ்டாலின், I BELONG TO DRAVIDIAN STOCK திராவிட அடையாளங்களை பாது காப்போம் .. மீட்டு எடுப்போம்!

வரலாற்று அடையளங்களாக திகழும் நினைவு நாட்களில் பொதிந்திருக்கும் வரலாறுகளை மறக்கடிக்கும் விதமாக அவற்றின் பெயர்களை மாற்றுவது, அந்த நாட்களிளில் வேறொரு விடயத் தை முன்னிறுத்துவது போன்ற இடைச் செருகல் முயற்சிகளை பார்ப்பனீயம் தான் காலம் காலமாக கையாண்டு வருகிறது.அதே பார்ப்பனீய தந்திரத்தை அதன் நீட்சியா ன பாசிஸ்டுகள் கடந்த சில ஆண்டுகளா க முன்னெடுத்து வருகின்றனர்.இதில் போனால் போகட்டும் என்று விட்டுவிட கூடாது. இந்த முயற்சிகளின் பின்னால் ஆரிய பார்ப்பனீய சதி இருக்கிறது.

மண்ணின் மைந்தர்களே உங்களுக்கு என்று ஒரு வரலாறு கிடையாது.நீங்கள் வெறும் பாமர பழங்குடிகள் மட்டுமே . எந்த கல்வி அறிவும் நாகரீக வளர்ச்சியும் அற்ற வெறும் மனித கூட்டமே என்று

மெதுவாக இந்த மண்ணின் மக்களை யே நம்பவைக்கு முயற்சிதான் இது.

இதில் அவர்கள் பெரு வெற்றி பெற்றுள் ளார்கள்.

இல்லையெனில் திராவிடர்கள் வாழும் நாடுகள் தோறும் காஞ்சி சங்கரனின் சிஷ்யகோடிகள் எப்படி பறந்து பறந்து பணம் சேர்க்க முடியும்?வெறும் பணந்தா னே சேர்க்கிறான் போகட்டும் விட்டு விடு வோமே என்று வாளாதிருந்து விடுமா னால் அவர்களின் பேராசை அத்துடன் நிற்காதே?

எவ்வளவு பெரிய சுதந்திர போரை முன் னெடுத்த இனம் இன்று எப்படி வீழுந்து போயிருக்கிறது?ஒவ்வொரு சகோதர படுகொலைகளின் பின்னாலும் பார்ப்ப னீய நச்சு விதை இருக்கிறது . இந்த உண்மையை ஏற்று கொள்ள நமக்கு தற்போது கொஞ்சம் தயக்கம் இருக்க கூடும்.

திமுக அமைச்சரவை சமூகரீதியாக பட்டியல்

 திமுக அமைச்சரவை    சமூகரீதியாக பட்டியல்
முக  ஸ்டாலின் முதல்வர்
(இசைவேளாளர்)
கொங்கு வேளாள கவுண்டர் :(04)
1.சக்கரபாணி , உணவுத்துறை
2.சு.முத்துசாமி, வீட்டு வசதித்துறை
3.வெள்ளாக்கோவில் சாமிநாதன் , செய்தித்துறை
4.செந்தில்பாலாஜி , மின்சாரத்துறை
முக்குலத்தோர் : (04)
1.ஐ.பெரியசாமி , கூட்டுறவுத்துறை
2.பி.மூர்த்தி , பத்திரப்பதிவு துறை
3.மகேஷ் பொய்யா மொழி , பள்ளிக்கல்வி துறை
4) தங்கம் தென்னரசு , தொழில்துறை
வன்னியர் : (03)
1.துரைமுருகன் , நீர்வளத்துறை
2.பன்னீர்செல்வம் , வேளாண்மை துறை
3.சிவசங்கர் , பிற்படுத்தப்பட்டோர் நலத்துறை
கம்மவார்நாயுடு : (03)
1.வேலு , பொதுப்பணித்துறை
2.காந்தி , கைத்தறித்துறை
3.சேகர்பாபு , அறநிலையத்துறை
யாதவர் : (02)
1.இராஜகண்ணப்பன் , போக்குவரத்து துறை

முதல்வர் ஸ்டாலினுக்கு அமைச்சர் டக்ளஸ் தேவானந்தா வாழ்த்து : உங்களின் ஓய்வறியா உழைப்பால் இன்று மீண்டும் திமுக ஆட்சி மலர்ந்து கலைஞரின் கனவு நிறைவேறியுள்ளது!

தமிழக முதலமைச்சருக்கு அமைச்சர் டக்ளஸ்   தேவானந்தா   வாழ்த்து!
தமிழகத்தின் முதலமைச்சராக இன்று(07.05.2021) பதவியேற்றுள்ள மு.க.ஸ்டாலினுக்கு இலங்கை கடற்றொழில் அமைச்சரும் ஈழ மக்கள் ஜனநாயகக் கட்சியின் செயலாளர் நாயகமுமான டக்ளஸ் தேவானந்தா  வாழ்த்து செய்தியை அனுப்பி  உள்ளார்.
‘காலம் ஒரு செங்கோலை எம் கையில் தரும். இது மறைந்தும் மறையாத தமிழகத்தின் ஔிச் சூரியன் கலைஞரின் இலட்சிய நம்பிக்கை.
ஓய்வறியா உங்கள் உழைப்பால் தமிழகத்தில் மீண்டும்  தி.மு.க. ஆட்சி மலர்ந்து கலைஞரின் கனவு நிறைவேறியுள்ளது.
தமிழக மக்களின் மனங்களில் மட்டுமன்றி, அவர்களின் கனவுகளை வெல்லும் ஆட்சிப் பீடத்திலும் உங்களுக்கு சிம்மாசனம் கிடைத்துள்ளது.
ஈழத் தமிழர்களின் நீதியான உரிமைப் போராட்ட காலத்தில் அரசியல் ஏதிலிகளாக தமிழகம் வந்த எமது மக்களை அன்பால் அரவணைத்து வரவேற்றவர்கள் தமிழக மக்கள்.

புதிய தலைமை செயலாளர் வெ.இறையன்பு ஐ.ஏ.எஸ் கடந்து வந்த பாதை

தமிழ் நாட்டின் தலைமைச் செயலாளராக நியமிக்கப்பட்டுள்ள முனைவர் வெ. இறையன்பு அவர்களின் கல்வித் தகுதிகள்..!!

விவசாயத்தில் இளங்கலைப் பட்டம்

வணிக மேலாண்மையில் முதுகலைப் பட்டம்

ஆங்கில இலக்கியத்தில் முதுகலைப் பட்டம்

தொழிலாளர் மேலாண்மையில் முதுகலைப் பட்டம்

உளவியலில் முதுகலைப் பட்டம்

வர்த்தக நிர்வாகத்தில் முனைவர் பட்டம்

ஆங்கில இலக்கியத்தில் முனைவர் பட்டம்

மேலாண்மையில் முதுமுனைவர் பட்டம்

இந்தி மொழியில் பிரவீன்

சமஸ்கிருதத்தில் கோவிதஹா

விவசாய இளங்கலைப் பட்டத் தேர்வில் பல்கலைக்கழகத்திலேயே முதல் மாணவராகத் தேர்ச்சி பெற்றார்.

1987-இல் நடைபெற்ற குடியுரிமைப் பணித் தேர்வில் அனைத்திந்திய அளவில் 15-ஆவது இடத்தையும், தமிழக அளவில் முதல் இடத்தையும் பிடித்தார்.

 puthiyamugam.com :  தமிழகத்தின் முதல்வராக மு.க.ஸ்டாலின் இன்று பொறுப்பேற்றுக் கொண்ட நிலையில் தமிழகத்தின் தலைமைச் செயலாளர் மாற்றப்பட்டுள்ளார்.
தமிழக தலைமைச்செயலாளராக இருந்த ராஜீவ் ரஞ்சனுக்கு பதிலாக ஆளுநரின் ஒப்புதலுடன் வெ.இறையன்பு ஐ.ஏ.எஸ் புதிய தலைமைச் செயலாளராக நியமனம் செய்யப்பட்டுள்ளார்.
கூடுதல் தலைமைச் செயலர் பொறுப்பில் இருந்த வெ.இறையன்பு ஐ.ஏ.எஸ் அண்ணா மேலாண்மை நிலையத்தின் இயக்குனராக இருந்து வந்தார்.
தலைமைச் செயலாளராக இருந்த ராஜீவ் ரஞ்சன் ஐஏஎஸ் தமிழ்நாடு செய்தித்தாள் காகித நிறுவனத்தின் தலைவராக பணியிட மாற்றம் செய்யப்பட்டுள்ளார்.

முதல்வர் ஸ்டாலினின் தனிச்செயலர்கள்

உமாநாத் IAS    :  ரேபிட் கிட் விலையை பத்திரிக்கையாளர்களிடம் தெரிவிக்கும் போது அமைச்சர் விஜயபாஸ்கரை நீங்களே விலையை சொல்லுங்கள் என்று கோர்த்துவிட்டவர்.
அனு ஜார்ஜ் IAS
ஆளுங்கட்சியின் அதிகார மிரட்டலுக்கு அடிபணியமல் அங்கன்வாடி ஊழியர் நியமனங்களில் தகுதி அடிப்படையில் ஊழியர் நியமனம் செய்தவர். அதனாலயே பழிவாங்கப்பட்டவர்
சண்முகம் IAS
எடப்பாடியும் உதயகுமாரும் கொள்ளையடிக்க முயன்ற பாரத் நெட் டெண்டரில் முறைகேடு என கையெழுத்து மறுத்து கோப்பை திருப்பி அனுப்பியவர்
உதயசந்திரன் IAS
 • தமிழகத்திற்கே அவமானச்சின்னமாக இருந்த பாப்பாபட்டி கீரிப்பட்டி தேர்தல்களை முன்னின்று நடத்தியவர்
 • பலநூறு கோடிகள் கல்விக் கடனாக வழங்க ஏற்பாடுசெய்தவர்
• இடஒதுக்கீடு குறித்து சரியான புரிதலை தரும் வகையில் பாடத்திட்டத்தை உருவாக்கியர்.  மிகச் சரியான தேர்வு

5 கோப்புகளில் 5 கையொப்பம். சொன்னதைச் செய்வோம், செய்வதையே சொல்வோம்.

கொரோனா நிவாரணமாக குடும்பத்திற்கு 4000 ரூபாய்.
முதல் தவணையாக 2.07 கோடி கார்டுகளுக்கு 2000 ரூபாய்! இம்மாதமே கொடுக்க உத்தரவு!
கொரோனாவுக்கு  தனியார் மருத்துவமனையில் சிகிச்சை பெற்றுவரும் செலவுகளே தமிழ்நாடு அரசு ஏற்கும்!.
ஆவின் லிட்டருக்கு 3 ரூபாய் குறைப்பு!
அனைத்து மகளிரும் கட்டணமில்லாத பேருந்தில் பயணிக்கலாம்!.
மக்களின் புகார்களை 100 நாட்களில் தீர்த்துவைக்க, ' உங்கள் தொகுதியில் முதலமைச்சர்' என்ற புதிய துறை.
5 கோப்புகளில் 5 கையொப்பம்.
சொன்னதைச் செய்வோம், செய்வதையே சொல்வோம்.
ஆரம்பமே அட்டகாசம்.

புதுச்சேரி முதல்வராக என்.ரங்கசாமி பதவியேற்றார்

maalaimalar :ரங்கசாமி பதவியேற்பு விழாவில், எம்.எல்.ஏ.க்கள், அரசு செயலாளர்கள், அங்கீகரிக்கப்பட்ட அரசியல் கட்சிகளின் தலைவர்கள் பங்கேற்றனர். புதுச்சேரி: புதுவை சட்டமன்ற தேர்தலில் என்.ஆர்.காங்கிரசும், பா.ஜ.க.வும் கூட்டணி அமைத்து போட்டியிட்டது. இதில், என்.ஆர்.காங்கிரஸ் 10 இடங்களிலும், பா.ஜ.க. 6 இடங்களிலும் வெற்றிபெற்றது. இந்த கூட்டணிக்கு மெஜாரிட்டி கிடைத்ததால் ஆட்சி அமைக்கும் பணியை தொடங்கின.என்.ஆர். காங்கிரஸ் எம்.எல்.ஏ.க்கள் கூட்டத்தில் ரங்கசாமி சட்டமன்ற குழு தலைவராக (முதல்-அமைச்சர்) தேர்வு செய்யப்பட்டார். இதைத்தொடர்ந்து கடந்த 3-ந்தேதி கவர்னரை சந்தித்து ஆட்சி அமைக்க உரிமை கோரினார். அப்போது பா.ஜ.க. எம்.எல்.ஏ.க்களின் ஆதரவு கடிதத்தையும் அவர் வழங்கினார்.

எதிர்க்கட்சி தலைவர் பதவி: ஓ.பி.எஸ்.,- இ.பி.எஸ்., போட்டி

dinamalar.com : சென்னை : சட்டசபை எதிர்க்கட்சி தலைவர் யார் என்பதில், ஓ.பி.எஸ்., -- இ.பி.எஸ்., இடையே, போட்டி நிலவுவதாக, தகவல் வெளியாகி உள்ளது.
சட்டசபை தேர்தலில், 66 இடங்களில் வெற்றி பெற்ற அ.தி.மு.க., பிரதான எதிர்க்கட்சியாக உருவெடுத்துள்ளது. சட்டசபை எதிர்க்கட்சி தலைவரை தேர்வு செய்ய, அ.தி.மு.க., - எம்.எல்.ஏ.,க்கள் கூட்டம், இன்று மாலை, 4:30 மணிக்கு, சென்னையில் உள்ள கட்சி தலைமை அலுவலகத்தில் நடக்க உள்ளது.
இந்நிலையில், எதிர்க்கட்சி தலைவராக, ஓ.பி.எஸ்., -- இ.பி.எஸ்., ஆகிய இருவரும் விரும்புவதாக, தகவல் வெளியாகி உள்ளது. எதிர்க்கட்சி தலைவராக, இ.பி.எஸ்., தேர்வு செய்யப்படுவார் என, அவரது ஆதரவாளர்கள் கூறி வந்தனர்.

மு.க.ஸ்டாலின், அமைச்சர்கள் பதவியேற்பு விழாவில் கலந்து கொண்டவர்கள் பட்டியல்

  மாலைமலர் :சென்னை:  முதல்- அமைச்சராக மு.க.ஸ்டாலின் இன்று காலை பதவி ஏற்றுக்கொண்டார். அவரை தொடர்ந்து 33 அமைச்சர்களும் பதவி ஏற்றனர்.
பதவி ஏற்பு விழாவில் கலந்து கொள்ள அனைத்துக் கட்சித் தலைவர்களுக்கும், முக்கிய பிரமுகர்களுக்கும் அழைப்பு விடுக்கப்பட்டு இருந்தது. அதை ஏற்று பதவி ஏற்பு விழாவில் ஏராளமானோர் கலந்து கொண்டு மு.க.ஸ்டாலினை வாழ்த்தினார்கள்.
அ.தி.மு.க. சார்பில் முன்னாள் துணை முதல்- அமைச்சர் ஓ.பன்னீர் செல்வம், முன்னாள் சபாநாயகர் தனபால் கலந்து கொண்டனர். காங்கிரஸ் சார்பில் முன்னாள் மத்திய மந்திரி ப.சிதம்பரம், தமிழக காங்கிரஸ் தலைவர் கே.எஸ். அழகிரி, கோபண்ணா, ம.தி.மு.க. பொதுச்செயலாளர் வைகோ, மார்க்சிஸ்டு கம்யூனிஸ்டு செயலாளர் கே.பாலகிருஷ்ணன், இந்திய கம்யூனிஸ்டு செயலாளர் முத்தரசன்,
மக்கள் நீதி மய்யம் கட்சி தலைவர் கமல்ஹாசன், விடுதலை சிறுத்தைகள் கட்சி தலைவர் திருமாவளவன், பா.ம.க. மாநில தலைவர் ஜி.கே.மணி, பா.ஜனதா மூத்ததலைவர் இல.கணேசன், தமிழக வாழ்வுரிமை கட்சி தலைவர் வேல்முருகன்,
மனித நேய மக்கள் கட்சி தலைவர் ஜவாஹிருல்லா, சமத்துவ மக்கள் கட்சி தலைவர் சரத்குமார், சமத்துவ மக்கள் கழக தலைவர் எர்ணாவூர் நாராயணன், கொங்கு நாடு மக்கள் கட்சி தலைவர் ஈஸ்வரன், முஸ்லிம் லீக் முன்னாள் எம்.எல்.ஏ. அபுபக்கர்,
தி.மு.க. பொருளாளர் டி.ஆர்.பாலு, ஆ.ராசா, கனிமொழி, ஆர்.எஸ்.பாரதி, திருச்சி சிவா, ஆற்காடு வீராசாமி, ஐபேக் நிறுவனத் தலைவர் பிரசாந்த் கிஷோர், உதயநிதி ஸ்டாலின், மு.க.அழகிரி மகன் துரை தயாநிதி, மகள் கயல்விழி, கவிஞர் வைரமுத்து, மற்றும் மு.க.ஸ்டாலின் குடும்பத்தினர் பதவி ஏற்பு நிகழ்ச்சியில் கலந்து கொண்டனர்.

உதயநிதி பொறுப்பில் பொதுமக்களின் கோரிக்கைகள் மீதான தீர்வு சிறப்பு பிரிவு

tamil.samayam.com :கிராம சபை கூட்டங்களில் பொதுமக்களிடம் கோரிக்கை மனுக்கள் பெறப்பட்டன.
இந்த மனுக்கள் மீது 100 நாட்களில் தீர்வு என்று ஸ்டாலின் வாக்குறுதி.
வாக்குறுதியை நிறைவேற்ற உதயநிதி தலைமையில் சிறப்பு பிரிவு.
தமிழக சட்டமன்ற தேர்தல் பிரசாரத்தின் ஒரு பகுதியாக, திமுக தலைவர் ஸ்டாலின் ஒவ்வொரு மாவட்டத்திலும் மக்கள் கிராம சபை கூட்டத்தை நடத்தினார். இந்த கூட்டத்தின் முக்கிய அம்சமாக பொதுமக்களின் குறைகள் கோரிக்கை மனுக்களாக பெறப்பட்டன.

தலைமைச் செயலாளராக இறையன்பு ஐ.ஏ.எஸ் நியமனம்!

nakkheeran.in - நக்கீரன் செய்திப்பிரிவு : தமிழக சட்டமன்றத் தேர்தலில் திமுக வெற்றி பெற்றதைத்  தொடர்ந்து தமிழகத்தின் முதலமைச்சராக மு.க.ஸ்டாலின் இன்று பதவியேற்றுக் கொண்டார். சென்னை ஆளுநர் மாளிகையில் நடந்த நிகழ்ச்சியில் மு.க.ஸ்டாலினுக்கு தமிழக ஆளுநர் பன்வாரிலால் புரோஹித் பதவிப் பிரமாணமும், ரகசிய காப்புப் பிரமாணமும் செய்துவைத்தார். அதேபோல், முதல்வர் மு.க.ஸ்டாலினுடன் 33 அமைச்சர்களும் பதவியேற்றுக் கொண்டனர்....இந்நிலையில் தமிழக தலைமைச் செயலாளராக இறையன்பு ஐ.ஏ.எஸ் நியமனம் செய்யப்பட்டுள்ளார். தற்பொழுது தலைமைச் செயலாளராக இருக்கக் கூடிய ராஜீவ் ரஞ்சன் தமிழ்நாடு செய்தித்தாள் கழகத்துக்கு மாற்றப்பட்டு புதிய தலைமைச் செயலாளராக இறையன்பு நியமனம் செய்யப்பட்டுள்ளார். 1988 ஆம் ஆண்டு ஐ.ஏ.எஸ் பிரிவைச் சேர்ந்தவர் இறையன்பு ஐ.ஏ.எஸ். சேலம் மாவட்டத்தைச் சேர்ந்த இறையன்பு பல புத்தகங்களை எழுதியுள்ளார் என்பது குறிப்பிடத்தக்கது.

கொரோனா நிவாரணம் ரூ.4000... முதல்வர் ஆனதும் மு.க.ஸ்டாலின் போட்ட முதல் கையெழுத்து

 தினமணி : சென்னை:  தி.மு.க. தலைவர் மு.க.ஸ்டாலின் தனது தேர்தல் அறிக்கையில் ஆட்சிக்கு வந்ததும் பல்வேறு திட்டங்களை செயல்படுத்துவதாக அறிவித்து இருந்தார்.
இதற்காக 500-க்கும் மேற்பட்ட வாக்குறுதிகளை அறிவித்து இருந்தார். அதில் அரிசி ரே‌ஷன் கார்டுதாரர்களுக்கு கொரோனா நிவாரண நிதியாக ரூ.4 ஆயிரம் வழங்கப்படும் திட்டம் முக்கியமான திட்டமாகும்.
அதன்படி, தேர்தலில் தி.மு.க. அமோக வெற்றி பெற்று தனிப்பெரும்பான்மையுடன் ஆட்சி அமைத்துள்ளது. தி.மு.க. தலைவர் மு.க.ஸ்டாலின் முதல்-அமைச்சராக இன்று பதவியேற்றார்.
அவர் தலைமையிலான அமைச்சரவையில் இடம்பெற்றுள்ள அமைச்சர்களும் பதவியேற்றனர்பதவி ஏற்றதும் கலைஞர் , அண்ணா, பெரியார் நினைவிடங்களுக்கு சென்று மு.க.ஸ்டாலின் மரியாதை செலுத்தினார்.
அதன் பிறகு கோட்டைக்கு சென்றார். அங்கு முதல்-அமைச்சர் இருக்கையில் அமர்ந்து தனது பணிகளை தொடங்கினார். முதல் பணியாக, 5 முக்கிய கோப்புகளில் அவர் கையெழுத்திட்டார்.

திரு மு க ஸ்டாலின் பதவி ஏற்பு நிகழ்ச்சி நேரடி ஒளிபரப்பு Live தமிழக முதல்வராக இன்று

tamil.news18.com  : தமிழக முதலமைச்சராக திமுக தலைவர் மு.க.ஸ்டாலின் வெள்ளிக்கிழமை காலை 9 மணிக்கு பதவியேற்கிறார். பதவியேற்பு விழாவை தொலைக்காட்சியில் காணும்படி தொண்டர்களுக்கு அவர் அறிவுறுத்தியுள்ளார்.
 தமிழக சட்டப்பேரவை தேர்தலில் திமுக கூட்டணி 159 இடங்களில் வெற்றி பெற்றது. இதில், திமுக மட்டும் 125 இடங்களில் வென்று தனிப்பெரும்பான்மை பெற்றது. இதனை தொடர்ந்து திமுக சட்டமன்ற கட்சி தலைவராக மு.க.ஸ்டாலின் ஒருமனதாக தேர்வு செய்யப்பட்டார். திமுக சட்டமன்ற கட்சி தலைவராக தேர்வு செய்யப்பட்டதற்கான கடிதத்தை ஆளுநர் பன்வாரிலால் புரோகித்திடம் வழங்கி ஆட்சியமைக்க உரிமை கோரினார்.

இதனையேற்றுக் கொண்ட ஆளுநர் பன்வாரிலால் புரோகித் தமிழக முதலமைச்சராக ஸ்டாலினை பதவியேற்க அழைப்பு விடுத்தார். இதன்படி, ஆளுநர் மாளிகையில் இன்று காலை 9 மணிக்கு எளிய முறையில் பதவியேற்பு விழா நடைபெற உள்ளது. அப்போது ஸ்டாலினுக்கு ஆளுநர் பதவிப்பிரமாணமும், ரகசிய காப்பு பிரமாணமும் செய்து வைக்கிறார். அவரைத் தொடர்ந்து 33 பேர் அமைச்சர்களாக பதவியேற்க உள்ளனர்.

தடுப்பூசி அறிவியல்: யாருடைய அறிவியல் சொத்து? காப்புரிமை சட்டம் திருத்த படுகிறது?

 hindutamil.in : டிசம்பர் 2019-ல் கரோனா தலைகாட்ட ஆரம்பித்தது. ஜனவரி 2020-ல் அதன் மரபுக் கட்டமைப்பு அறியப்பட்டது.
அடுத்த 10 மாதங்களில் தடுப்பூசிகள் தயாராகிவிட்டன.
இம்மாதிரி உயிர் காக்கும் மருந்துகள் மக்களைச் சென்றடைவதில் ஒரு சிக்கல் இருந்துவருகிறது. மருந்து நிறுவனங்கள் புதிய மருந்துகளைக் கண்டறியப் பல்வேறு ஆய்வுகளை மேற்கொள்கின்றன.
ஆய்வு வெற்றியடையும்போது நிறுவனங்கள் மருந்தின் கலவையையும் செய்முறையையும் பகிர்ந்துகொள்வதில்லை.
எனவே, மருந்துகள் அதீத விலைக்கு விற்கப்படுவதைத் தடுக்க முடிவதில்லை. 1995-ல் உலக வணிக அமைப்பு உருவாக்கிய ஒப்பந்தம் இவர்களின் நலனைக் காக்கிறது. அறிவுசார் சொத்துரிமையில் வணிகம் தொடர்பான சட்டங்கள் (டிரிப்ஸ்) என்பது அந்த ஒப்பந்தத்தின் பெயர்.
டிரிப்ஸ் சட்டத்துக்கு ஆதரவாகச் சொல்லப்படும் வாதம், சிலர் பாடுபட்டு உருவாக்கிய அறிவுசார் சொத்து பகிர்ந்துகொள்ளப்பட்டால், நிறுவனங்களுக்குத் தொடர்ந்து ஆராய்ச்சியில் ஈடுபடும் ஆர்வம் இராது என்பதாகும்.

ஸ்டாலின் அமைச்சரவை: சீனியர்கள் மத்தியில் சலசலப்பு?

minnambalam : தமிழக முதல்வராக திமுகவின் தலைவர் மு.க.ஸ்டாலின் இன்று காலை (மே 7) அதிகாரபூர்வமாக சென்னை ஆளுநர் மாளிகையில் பதவியேற்கிறார். பிரமாண்டமாக நடக்க வேண்டிய நிகழ்வு, கொரோனா கட்டுப்பாடுகள் காரணமாக எளிமையாக நடக்கிறது. கலைஞர் இல்லாத நிலையில் பத்து வருடங்களுக்குப் பிறகு திமுக ஆட்சியைப் பிடித்து பதவியேற்கிற இந்த நிலையில், நேற்று ஆளுநர் அலுவலகம் வெளியிட்ட அமைச்சரவைப் பட்டியல் கட்சியின் சீனியர்களிடையே பலத்த சலசலப்பை ஏற்படுத்தியுள்ளது.

முதல் சலசலப்புக்குக் காரணம், கரூர் மாவட்டப் பொறுப்பாளர் செந்தில் பாலாஜிக்குக் கொடுக்கப்பட்டிருக்கும் துறை. மின்சாரம், மதுவிலக்கு மற்றும் ஆயத்தீர்வைத்துறை அமைச்சர் என்று அழைக்கப்படும் செந்தில் பாலாஜி மின்சாரம் மரபுசாரா எரிசக்தி மேம்பாடு, மதுவிலக்கு ஆயத்தீர்வை மற்றும் கருப்பஞ்சாற்று கசண்டு (மொலாசஸ்) துறைகளை நிர்வகிப்பார் என்று பட்டியல் தெரிவிக்கிறது.

பொள்ளாச்சி குற்றவாளிகள் இனி லஞ்சம் கொடுத்து தப்பிவிட முடியாது

Shali Mary  : சுடலைமாடனின் ஆட்டம் இனிமேல் தான்.
அஞ்சாதே திரைப்படம் கண்டிருக்கிறீர்களா? அந்தத் திரைப்படத்தின் பாணியில் நடைபெற்ற ஒரு கொடூர சம்பவம்
கடந்த 2010ஆம் ஆண்டு கோவையில் ரஞ்சித்ஜெயின் என்பவரது குழந்தைகளான முஸ்கான் - ரித்திக் இருவரையும் பள்ளிக்கு அழைத்துச்செல்லும் கால்டாக்சி ஓட்டுநர் மோகனசுந்தரமும் அவனது கூட்டாளி மனோகரனும் பாவம் அந்த பிஞ்சுகளைக் கடத்திச்சென்று பொள்ளாச்சி அருகே காட்டுக்குள் PAP கால்வாய்க் கரையோரம் சிறுமியான முஸ்கானைப் பாலியல் வல்லுறவு செய்து கொன்றும்,
அவரது தம்பியையும் கொன்றும் கால்வாயில் வீசினர்,
அப்பொழுது கலைஞர் ஆட்சி, அடுத்த நாளே கொலையாளிகளைப் போலீசார் பிடித்தனர், அதற்கடுத்த இரு தினங்களில் அக்குழந்தைகளை கொன்ற பொள்ளாச்சி PAP கால்வாய் அருகே விசாரணைக்காக அழைத்துச் சென்ற போலீசார் முக்கியக் குற்றவாளியான மோகனசுந்தரத்தை தப்பி ஓட முயற்சித்த காரணத்திற்காக என்வுண்டர் செய்தனர்.

2-ம் வாய்ப்பாடு தெரியாத மணமகன் எனக்கு வேண்டாம் என திருமணத்தை நிறுத்திய மணமகள்!

 தினத்தந்தி : உத்தரபிரதேசத்தில் மாப்பிள்ளைக்கு 2ம் வாய்ப்பாடு தெரியததால் மணப்பெண் திருமணத்தை நிறுத்திய சம்பவம் பரபரப்பை ஏற்படுத்தியுள்ளது.
உத்தரபிரதேச மாநிலம் மஹோபா மாவட்டத்தை சேர்ந்த இளைஞர் ஒருவருக்கும் அதே பகுதியை சேர்ந்த இளம் பெண் ஒருவருக்கும் பெற்றோர்களால் திருமணம் நிச்சயிக்கப்பட்டது. திருமண நாளில் மாப்பிள்ளை தனது உறவினர்களுடன் ஊர்வலமாக திருமண மண்டபத்துக்கு வந்தடைந்தார்.
அப்போது மணப்பெண், திருமணம் நடைபெறுவதற்கு சில மணி நேரங்களுக்கு முன்பு மாப்பிள்ளையின் கல்வித் தகுதியை சோதித்து பார்க்க முயன்றுள்ளார்.
அதனால் மாப்பிள்ளையிடம் 2ம் வாய்ப்பாட்டை கூறுமாறு கேட்டார். ஆனால் மணப்பெண்ணின் கேள்விக்கு விடை அளிக்க முடியாமல் மாப்பிள்ளை வாய்ப்பாடு கூற திணறியுள்ளார்.

முன்னாள் மத்திய அமைச்சர் அஜித் சிங் காலமானார்!

nakkheeran.in - நக்கீரன் செய்திப்பிரிவு :ராஷ்ட்ரீய லோக் தள கட்சியின் தலைவரும், முன்னாள் மத்திய அமைச்சருமான அஜித் சிங்குக்கு செய்யப்பட்ட கரோனா மருத்துவ பரிசோதனையில் அவருக்கு கரோனா தொற்று இருப்பது உறுதியானது. இதனையடுத்து, அவர் கடந்த ஏப்ரல் 20ஆம் தேதி டெல்லி குருகிராமில் உள்ள மருத்துவமனையில் அனுமதிக்கப்பட்டு சிகிச்சை பெற்று வந்தார். இந்தநிலையில், சிகிச்சைப் பலனின்றி இன்று (06/05/2021) காலை உயிரிழந்தார். அவருக்கு வயது 82.முன்னாள் மத்திய அமைச்சர் அஜித் சிங் குறித்து பார்ப்போம்!....

முன்னாள் பிரதமர் சரண் சிங்கின் மகனான அஜித் சிங், ஏழுமுறை மக்களவை உறுப்பினராக பணியாற்றியவர்.         முன்னாள் பிரதமர்கள் வி.பி. சிங், நரசிம்ம ராவ், வாஜ்பாய், மன்மோகன் சிங் ஆகியோரின் அமைச்சரவைகளில் இடம்பெற்றிருந்தவர். உணவுத்துறை, உணவு பதப்படுத்துதல் துறை, வணிகத்துறை உள்ளிட்ட துறைகளில் மத்திய அமைச்சராக அஜித் சிங் பணியாற்றியுள்ளார்.       அஜித் சிங் உத்தரப்பிரதேச அரசியலில் நுழையும் முன் அமெரிக்காவில் 15 ஆண்டுகள் கம்ப்யூட்டர் துறையில் பணியாற்றியிருந்தார் என்பது குறிப்பிடத்தக்கது.