குமாரபாளையத்தில் தி.மு.க நிர்வாகி படுகொலை..!

nakkheeran.in - ஜீவாதங்கவேல் : 

நாமக்கல் குமாரபாளையத்தில், தி.மு.க வார்டு செயலாளர் படுகொலை செய்யப்பட்ட சம்பவம் மாவட்டத்தையே பரபரப்பாக்கியுள்ளது. நாமக்கல் மாவட்டம் குமாரபாளையம் காவேரி நகர் பகுதியைச் சேர்ந்தவர் சரவணன். இவர் அந்தப் பகுதியின் (தி.மு.க.வின்) வார்டு செயலாளர். இவர் கடந்த 20-ஆம் தேதி இரவு சுமார் 10 மணியளவில் தனது நண்பர்களுடன், காவேரி நகர் பேருந்து நிறுத்தம் அருகே உள்ள ஒரு கடையில் பேசிக்கொண்டிருந்த போது, அதே பகுதியைச் சேர்ந்த பிரகாஷ் என்ற இளைஞன் டூவீலரில் வந்து வேகமாக இறங்கியதோடு, திடுதிப்பென சரவணனை கீழே தள்ளிவிட்டு சரவணன் மீது அமர்ந்து, தனது கையில் மறைத்து வைத்திருந்த ஆயுதத்தால் சரமாரியாகக் குத்தினார்.

புத்தாண்டு கொண்டாட்டத்திற்கு அனுமதி இல்லை- தமிழக அரசு

maalaimalar : சென்னை: தமிழக அரசு வெளியிட்டுள்ள அறிவிப்பில் கூறியிருப்பதாவது, அனைத்து கடற்கரைகளிலும் சாலைகளிலும் 2021 புத்தாண்டு கொண்டாட அனுமதி இல்லை. டிசம்பர் 31 நள்ளிரவு மற்றும் ஜன 1ஆம் தேதி பொதுமக்கள் கடற்கரையில் அனுமதிக்கப்பட மாட்டார்கள். தங்கும் விடுதிகள், கேளிக்கை விடுதிகளில் உணவகம் மட்டும் வழக்கம்போல் செயல்படும். மெரினா கடற்கரை புத்தாண்டு கொண்டாட்டங்களில் அதிக அளவில் மக்கள் பங்கேற்க வாய்ப்புள்ளதால் கொரோனா அதிகரிக்கக்கூடும் என கருதி கட்டுப்பாடு விதிக்கப்பட்டுள்ளது. சில வெளிநாடுகளில் கொரோனா தொற்று மீண்டும் பரவி வரும் சூழலில் தமிழக அரசு இந்த நடவடிக்கை எடுத்துள்ளது.

திரைத்துறையில் மட்டுமில்லை , அரசியலிலும் MGRருக்கு பொருத்தமான வாரிசாகவே இருப்பார் கமல்.

சுமதி விஜயகுமார் : · பொதுவாகவே தமிழ்நாட்டில் திராவிட ஆட்சியை எதிர்ப்பவர்கள், நேர்மைக்கு எடுத்துக்காட்டாய் முன்னிறுத்துவது காமராஜரை தான். அவருக்கு முன்போ பின்போ நல்லாட்சி செய்த தலைவர்கள் யாருமே இல்லையா என்ற கேள்வியை புறந்தள்ளிவிட்டு பார்த்தால், காமராஜரின் ஆட்சி ஏழை எளிய மக்களுக்கான ஆட்சி என்பதில் மாற்று கருத்து இல்லை. 

ஆனால் இப்போது புதிதாக, திரைத்துறையில் வாய்ப்பிழந்த நடிகைகள் தொலைக்காட்சிக்கு போவது போல் நடிகர்கள் சிலர் அரசியலுக்கு வந்து கொண்டிருக்கிறார்கள். அதில் முக்கியமாக கமல் மற்றும் ரஜினி இருவரும் முன்னிறுத்தும் தலைவர் எம்ஜிஆர். உண்மையில் கமல் ரஜினியின் நோக்கம் என்ன , உண்மையான மக்கள் தொண்டிற்காகத்தானா , அப்படியென்றால் அவர்கள் மக்களுக்காக எதனை பிரச்சனைகளில் குரல் கொடுத்தார்கள் , எத்தனை போராட்டங்களை முன்னெடுத்தார்கள் என்பதையும் ஒதுக்கி விடுவோம். அவர்கள் முன்னிறுத்தும் எம்ஜிஆரின் ஆட்சி எவ்வளவு சிறப்பாய் இருந்தது என்பதை பார்ப்போம். ஒருவரின் திருமண வாழ்க்கை என்பது அவரவர் விருப்பம். பொது வாழ்க்கைக்கு வந்தாலும் அவரது திருமண வாழ்க்கை பற்றி விமர்சிப்பதில் எனக்கு உடன்பாடில்லை.       ஆனாலும் கலைஞரின் மனைவியை ஒன்று , இரண்டு , மூன்று என்று வரிசை படுத்தும் யாரும் தவறி கூட எம்ஜிஆரின் மனைவியை பற்றி மூச்சு விடுவதில்லை.

ஸ்டாலின் மற்றும் 4 மாநில முதல்வர்களுக்கு மம்தா பானர்ஜி நன்றி தெரிவித்துள்ளார்

  dinakaran  : கொல்கத்தா: மத்திய அரசின் நடவடிக்கையை கண்டித்த திமுக தலைவர் மு.க.ஸ்டாலின் மற்றும் 4 மாநில முதல்வர்களுக்கு மம்தா பானர்ஜி நன்றி தெரிவித்துள்ளார். மேற்கு வங்கத்தில் தேர்தல் பிரசாரத்தில் ஈடுபட்ட போது, பாஜ தேசிய தலைவர் ஜே.பி.நட்டாவின் பாதுகாப்பு வாகனம் மீது தாக்குதல் நடத்தப்பட்டது. இந்த சம்பவத்தில் நட்டாவுக்கு உரிய பாதுகாப்பு அளிக்கத் தவறியதாக 3 ஐபிஎஸ் அதிகாரிகளை மத்திய அரசு பணிக்கு மாற்றி மத்திய உள்துறை அமைச்சகம் உத்தரவிட்டது. இது கூட்டாட்சி தத்துவத்துக்கு எதிரானது என திமுக தலைவர் மு.க.ஸ்டாலின் உள்ளிட்ட அரசியல் கட்சி தலைவர்கள் கண்டனம் தெரிவித்திருந்தனர். இந்நிலையில், இந்த விவகாரத்தில் தனக்கு ஆதரவளித்த மு.க.ஸ்டாலின் மற்றும் பஞ்சாப் முதல்வர் அமரீந்தர் சிங், டெல்லி முதல்வர் கெஜ்ரிவால், சட்டீஸ்கர் முதல்வர் பூபேஷ் பாகல், ராஜஸ்தான் முதல்வர் அசோக் கெலாட் ஆகியோருக்கு மேற்கு வங்க முதல்வர் மம்தா பானர்ஜி தனது ட்விட்டரில் நன்றி தெரிவித்துள்ளார்.

தமிழர்களுக்குப் பிச்சை போடுகிறீர்களா?' - கொதித்த உயர் நீதிமன்ற நீதிபதிகள்... `வட மாநில இளைஞர்கள் இந்தியில் ஃபெயிலாவதும் தமிழில் பாஸாவதும் ???

Selvaraj Mannai : *தமிழர்களுக்குப் பிச்சை போடுகிறீர்களா?' - கொதித்த உயர் நீதிமன்ற நீதிபதிகள்...!* பிற மாநிலங்களில் அந்தந்த மாநிலங்க ளைச் சேர்ந்தவர்களுக்கு மட்டும் பணி வழங்கிவரும் நிலையில், தமிழ்நாட்டில் மட்டும் பிற மாநிலத்தவர்கள் அதிக எண்ணிக்கையில் அரசுப் பணிகளில் நியமிக்கப்படுவது ஏன்?'' இப்படியொரு கேள்வியை எழுப்பியிருப்பது தமிழர் உரிமை சார்ந்து போராடும் இயக்கங்க ளோ, மாநில சுயாட்சி பேசும் அரசியல் கட்சிகளோ அல்ல...சென்னை உயர்நீதி மன்ற நீதிபதிகள்தான் இப்படியொரு கேள்வியை தமிழக அரசை நோக்கி எழுப்பியிருக்கிறார்கள். உயர் நீதிமன்ற மதுரைக் கிளைஉயர் நீதிமன்ற மதுரைக்கிளை எப்போது, ஏன்? ஊட்டி ஆயுதத் தொழிற்சாலையில், கெமிக்கல் பிராசஸிங் பிரிவில் 140 பணியிடங்களை நிரப்ப 2015-ல் அறிவிப் பாணை வெளியிடப்பட்டது. அந்தப் பணிக்கான எழுத்துத் தேர்வில் ஓட்டப் பிடாரத்தைச் சேர்ந்த சரவணன் 40 மதிப் பெண்கள் பெற்றார். ஆனால், அவரை விடக் குறைவான மதிப்பெண் பெற்ற வெளிமாநிலங்களைச் சேர்ந்த 6பேருக்கு பணி நியமன உத்தரவு வழங்கப்பட்டது. அந்த ஆறு பேரின் பணி நியமனத்தை ரத்துசெய்யக் கோரியும், தனக்குப் பணி வழங்கக் கோரியும் சரவணன், சென்னை உயர் நீதிமன்ற மதுரைக் கிளையில் மனுத்தாக்கல் செய்தார்.

அந்த வழக்கை விசாரித்த நீதிபதி, அவருக்குப் பணி வழங்க உத்தரவிட்டார். ஆனால், நீதிபதியின் ஆணையை ரத்துசெய்யக் கோரி ஆயுதத் தொழிற் சாலை சார்பில் மேல்முறையீட்டு மனு தாக்கல் செய்யப்பட்டது. இந்த மனு நீதிபதிகள் என்.கிருபாகரன், பி.புகழேந்தி அமர்வில் நேற்று விசார ணைக்கு வந்தது. அப்போதுதான் நீதிபதிகள், இப்படியொரு கேள்வியைத் தமிழக அரசை நோக்கி எழுப்பியிருக்கின்றனர்.

எம்ஜியாரின் உள்ளும் புறமும் ( 1 ) .கவிஞர் கண்ணதாசன் . அரங்கமும் அந்தரங்கமும் .

 என் இனிய நண்பர்களே எம்ஜியாரை பற்றிய ரகசியங்கள்      எம்ஜியாரை பற்றி என்னென்ன ரகசியங்களை சொன்னால் அவர் பதறுவார் துடிப்பார் என்பது  எனக்கு தெரியும்.    அவரது அந்நிய செலாவணி ஊழல் பற்றி நாலே நாலு வரிகள்தான் சொன்னேன் .

அதற்கு அவரது கறுப்பு பணத்தால் நடத்தப்படும் பத்திரிக்கை மான்குட்டி மீது பன்றி ஏறி விழுவது போல விழுந்திருக்கிறது.

ஆகவே அவரது எல்லா ரகசியங்களையும் வெளியிடவேண்டிய அவசியம் எனது கடமையாகிறது.   அவர் கூட்டம் என்னை ஏசுவது போல் முட்டாளே நாயெ கழுதையே என்று நான் அர்ச்சிக்க போவதில்லை.

பாவம் . அந்த பிராணிகளுக்கு நான் அவமானத்தை தேடி தரப்போவதில்லை.   ஒரு நடிகனுக்கு வேண்டிய திறமையோ தலைவனுக்கு வேண்டிய பொறுமையோ நிதானமா இல்லாதவர் அவர்.      இன்றைக்கும் அவரை பகுத்தறிவு இல்லாத ஏழை மக்களும் படித்த முட்டாள்கள்  மட்டுமே நம்புகிறார்கள்.   தமிழ்நாட்டின் நூறுக்கணக்கான கல்லூரிகளில் ஒரு கல்லூரியில் கூட அவரை ஆதரிக்கும் மாணவர்கள் வெற்றி பெறவில்லை.

நடந்து முடிந்த தேர்தலில் கூட படித்தவர்கள் ஓட்டும் சிந்திக்கும் திறனுடையவர்கள் ஓட்டும் அவருக்கு விழவில்லை.    கருத்து பிரசாரம் தீவிரமாக இல்லாத இடங்களில் அவர் காலூன்றி உள்ளார்.   

பிரதமர் மோடியும் அவரது குடும்ப உறுப்பினர்களும் ஊரை அடித்து உலையில் போட்ட little known info on the Modi family. சொத்துக்கள் விபர பட்டியல்

 யவன குமாரன் : · சின்னவீடு படத்தில் கணவன் பாக்யராஜை அவருடைய சின்ன வீடு செட்டப் கூத்தியாள் அனுவிடமிருந்து காப்பாற்ற சில
டாக்குமெண்ட்டுகளை  அவள் முன் தூக்கி போடுவார் பாக்கியராஜின் மனைவி கல்பனா. அதில் அனு எங்கெல்லாம் விபச்சாரம் செய்து சிக்கினாள்,எந்தெந்த வியாபாரிகளை எப்படியெல்லாம் மிரட்டி பணம் கறந்தாள் என்பதற்கான ஆதாரங்கள் இருக்கும்.அதை விட கேவலமாக நாறுகிறது செல்வத்தில் கொழிக்கும் ஊழலை ஒழிக்க வந்த உத்தம புருஷர் மோடியின் குடும்ப பின்னணி. மோடிஜியின் குடும்பத்தைப் பற்றி தேடி கண்டடைந்த சில சுவாரஸ்யமான தகவல்கள் 1.சோமாபாய் மோடி (75 வயது) ஓய்வு பெற்றமாநில சுகாதார துறை அதிகாரி - தற்போது குஜராத்தில் மாநில பணியாளர் தேர்வாணையத்தின் தலைவர்.

2.அமிர்தபாய் மோடி (72 வயது) முன்பு ஒரு தனியார் தொழிற்சாலையில் பணிபுரிந்தவர்,தற்போது அகமதாபாத் மற்றும் காந்திநகரில் மிகப்பெரிய ரியல் எஸ்டேட் தொழிலதிபர்.

3.பிரஹ்லாத் மோடி (64 வயது) ஒரு ரேஷன் கடை வைத்திருந்தவர,தற்போது இவர் வசம் ஹூண்டாய்,மாருதி மற்றும் ஹோண்டா ஃபோர் வீலர் ஷோ ரூம்கள் வதோதரா மற்றும் அகமதாபாத்தில் உள்ளன.

அம்பானி – அதானி கொழுக்கவே வேளாண் சட்டத் திருத்தம்!

நிலத்தில் எதைப் பயிரிட வேண்டும்; எந்த உரத்தை போட வேண்டும், என்ன விலையைத் தீர்மானிக்க வேண்டும் போன்ற அனைத்து உரிமைகளையும் விவசாயிகளிடமிருந்து பறித்து கார்ப்பரேட்டுகளுக்குக் கொடுப்பதே வேளாண் திருத்தச் சட்டம்.

 vinavu.com  - வினவு செய்திப் பிரிவு : ஆயிரம் ஆயிரமாய் அணிவகுத்து இந்திய தலைநகர் டெல்லியில் இலட்சக்கணக்கான  விவசாயிகள் முற்றுகையிட்டு நிற்கின்றனர். பல்லாயிரக்கணக்கான  ட்ராக்டர் வாகனங்களில் அணி அணியாய் விவசாயிகள் டெல்லியை நோக்கி போர்ப்பரணி பாடி வருகின்றனர்.

நாடாளுமன்றத்தில் எந்த விவாதமும் இன்றி மோடி அரசு கொண்டு வந்திருக்கின்ற வேளாண்மை திருத்த சட்டங்கள் விவசாயிகளின் வாழ்வாதாரத்திற்கு வேட்டு வைத்து விடும் என்று மிகப்பெரும் அச்ச உணர்வு விவசாயிகள் மத்தியில் ஏற்பட்டுள்ளது. உலகமயத்தின் கோரப்பிடியில் சிக்கி சீரழிந்து கொண்டிருக்கும் இந்திய விவசாயிகளின் தலையில் பேரிடியாக இந்த சட்டம் அமைந்துள்ளது.

ஸ்டாலினின் முழு பேச்சு : அதிமுகவை நிராகரிக்க வைப்போம்.. தி.மு.க.வை ஆட்சியில் அமர வைப்போம்!.Full details of MK Stalins speech in Anna Arivalayam

tamil.oneindia.com  -  Vishnupriya R  :   சென்னை: மிஷன் 200 என்ற இலக்கை நோக்கி டிசம்பர் 23 ஆம் தேதி முதல் கழகத்தினர் பிரச்சாரத்தைத் தொடங்கிட வேண்டும் என திமுக தலைவர் மு.க.ஸ்டாலின் உரையாற்றியுள்ளார். இதுகுறித்து திமுக தலைவர் மு.க.ஸ்டாலின் தனது உரையில் மிக மிக முக்கியமான காலகட்டத்தில் நாம் இந்தக் கூட்டத்தை நடத்திக் கொண்டிருக்கிறோம். இந்த அரங்கத்தில் 1659 பேர் கூடியிருக்கிறீர்கள். உங்கள் கையில் தான் 234 தொகுதிகளும் அடங்கி இருக்கிறது. அதனால் தான் இதை மிக மிக முக்கியமான பொதுக்கூட்டம் என்றேன். 234 தொகுதிகளின் வெற்றி உங்கள் கரங்களில் ஒப்படைக்கப்பட்டிருக்கிறது. அதைச் சொல்வதற்காகத்தான் உங்களை நான் இன்று இங்கு அழைத்திருக்கிறேன்! நம்மைத் தாண்டி நமக்கு இரண்டு பலம் இருக்கிறது. அதுதான் பேரறிஞர் அண்ணா! முத்தமிழறிஞர் கலைஞர்! அவர்கள் இருவரும் நம்மை எல்லாம் நமக்குள்ளே இருந்து உணர்வால், ரத்தத்தால் இயக்கிக் கொண்டு இருக்கிறார்கள். ....... 

 

அண்ணா அறிவாலயத்தில், கலைஞர் அரங்கத்தில் - திராவிட முன்னேற்றக் கழகத்தின் இதயமாக விளங்கக் கூடிய மாவட்டக் கழக - ஒன்றியக் கழக - நகரக் கழக - பகுதிக் கழக - பேரூர்க் கழகச் செயலாளர்களும் - சட்டமன்ற உறுப்பினர்களும் - நாடாளுமன்றக் கழக உறுப்பினர்களும் கலந்துகொண்டுள்ள இந்தக் கூட்டத்தின் மூலமாக நான் சொல்ல விரும்புவது, "அடுத்து அமையப் போவது நமது ஆட்சி தான்! நம்மால்தான் தமிழகத்தை வெல்ல முடியும்! நம்மால்தான் தமிழகத்தை ஆள முடியும்! நம்மால்தான் தமிழகத்துக்கு சிறப்பான திட்டங்களை - சாதனைகளைப் படைத்திட முடியும்! அதில் யாருக்கும் எந்தச் சந்தேகமும் வேண்டாம்!

துணை முதல்வர் ஓபிஎஸ் உத்தரவால் நிருபர்கள் செல்போன்கள் பறிப்பு

  dhinakaran:  போடி:  தேனி மாவட்டம், போடி ஜக்கம்மநாயக்கன்பட்டியில் பொதுப்பாதை தொடர்பாக இருதரப்பினருக்கு இடையே கடந்த 17ம் தேதி மோதல் ஏற்பட்டது.  இதில் பலர் காயமடைந்தனர். இது பற்றி முறையிட 20க்கும் மேற்பட்டோர் போடியில் உள்ள துணை முதல்வர் ஓ.பன்னீர்செல்வம் அலுவலகத்திற்கு நேற்று மாலை சென்றனர். இதை சில ஊடகத்தினர் செல்போனில் பதிவு செய்தனர். அப்ேபாது துணை முதல்வர் ஓ.பன்னீர்செல்வம் அலுவலகத்திற்கு காரில் வந்தார். அங்கு சில நிருபர்கள், காட்சிகளைப் பதிவு செய்து கொண்டிருப்பதைப் பார்த்து, அவர்களின் செல்போன்களை வாங்க உத்தரவிட்டார். உடனடியாக நிருபர்களின் செல்போன்கள் பறிக்கப்பட்டதால் பரபரப்பு ஏற்பட்டது. இதன் பின் பறிக்கப்பட்ட செல்போன்களில் இருந்து காட்சிகள் அழிக்கப்பட்ட பின், உரியவர்களிடம் ஒப்படைக்கப்பட்டது.

ஸ்டாலின் அறிவிப்பு ! 16000 கிராம சபை கூட்டங்கள் ..Live

பொது செயலாளர் துரைமுருகன்  பேசும்பொழுது கிராம சபை கூட்டங்களை கூட்டி மக்களிடம் நேரடியாக கருத்துக்களை கேட்கவேண்டும் . இந்த அதிமுக ஆட்சி தேவையா உங்களுக்கு என்று மக்களிடம் நேரடியாக கேட்கவேண்டும் என்று மிகவும் உணர்ச்சி வசப்பட்ட நிலையில் கூறினார்  அவர் மேலும் கூறுகையில் கட்சி தொண்டர்கள் ஒருவரோடு ஒருவர் பகைமை கொண்டு அதன் காரணமாக இன்னல்களை ஏற்படுத்த கூடாது என்று வேண்டி கொண்டார்.  நாடும் கட்சியும் நம் எல்லோரையும் விட முக்கியம் என்று கூறினார்   அதிமுகவை நிராகரிக்கிறோம்  என்ற காணொளி வெளியிடப்பட்டது .

அமைச்சர் செல்லூர் ராஜூ யாதவர்கள் பேச்சு எதிரொலி. வீடு முற்றுகை, ஆர்ப்பாட்டம்: மதுரையில் பரபரப்பு

  dinakaran: மதுரை: ஒரு சமுதாயத்தினரை இழிவாகப் பேசியதை கண்டித்து மதுரையில் நேற்று அமைச்சர் செல்லூர் ராஜூ வீட்டை, முற்றுகையிட்டு ஆர்ப்பாட்டத்தி–்ல ஈடுபட்ட யாதவர் அமைப்பினரை போலீசார் கைது செய்தனர்.
மதுரையில் நடந்த விழாவில் அமைச்சர் செல்லூர் ராஜூ, ஒரு சமூகத்தினர் குறித்து பேசியது பெரும் சர்ச்சைக்குள்ளானது. தமிழ்நாடு யாதவர் இளைஞர் அமைப்பு, யாதவர் ஒருங்கிணைப்பு குழு மற்றும் தமிழ்நாடு யாதவ மகாசபை உள்ளிட்ட அமைப்பினர் நேற்று மாலை அமைச்சர் செல்லூர் ராஜூ வீட்டருகே திரண்டனர். இவர்கள் அமைச்சரின் வீட்டை முற்றுகையிட்டு, ஆர்ப்பாட்டத்தில் ஈடுபட்டனர். இதனால் பரபரப்பு ஏற்பட்டது. இவர்களில் 38 பேரை முதலில் செல்லூர் போலீசார் கைது செய்தனர்.  தொடர்ந்து அடுத்தடுத்து போராட்டங்களில் ஈடுபட்ட மேலும் 20க்கும் மேற்பட்டவர்கள் கைதாகினர்.  போராட்டம் குறித்து வக்கீல் ரகுநாத் கூறும்போது, ‘‘மதுரை செல்லூரில் வீரன் அழகு முத்துகோன் சிலை அமைத்திட இடம் தேர்வு செய்து மாநகராட்சி அனுமதிக்கு கேட்டிருந்தோம். சிலை வைத்தால் போக்குவரத்து நெரிசல் எனக் கூறினர்.

ஸ்டாலின் ஜாதியை குறித்து பேசிய அமைச்சர் செல்லூர் ராஜு . தவறுக்கு மன்னிப்பு கேட்டார்

newstm.in  :திமுக தலைவர் மு.க.ஸ்டாலினை குறிப்பிட்ட சாதியை குறிப்பிட்டு விமர்சித்த விவகாரம் தொடர்பாக கூட்டுறவுத்துறை அமைச்சர் செல்லூர் ராஜூ மன்னிப்பு கோரியுள்ளார். மதுரையில் அம்மா கிளினிக்கை தொடங்கிவைத்த பிறகு செய்தியாளர்களிடம் பேசிய அமைச்சர் செல்லூர் ராஜூ, குறிப்பிட்ட ஒரு சமூகத்தின் பெயரைச் சொல்லி, அந்த புத்திதானே இருக்கும் என்று பேசியிருந்தார். அவரது இந்த பேச்சு பெரும் சர்ச்சையை ஏற்படுத்தியது. இந்நிலையில் தாம் பேசியதற்க அவர் மன்னிப்பு கோரியுள்ளார். மதுரையில் செய்தியாளர்களிடம் பேசிய அவர், யதார்த்தமாக பழமொழியை குறிப்பிட்டதாக கூறினார். மேலும், நான் ஜாதி, மதம் பார்ப்பதில்லை, செய்தியாளர் சந்திப்பில் ஜாதி குறித்து பேசவில்லை என விளக்கமளித்தார். தேர்தல் நேரத்தில் எனக்கு யாரும் ஜாதி சாயம் பூச வேண்டாம் என்றும், அப்படி பேசியதற்கு நான் மன்னிப்பு கேட்டுக்கொள்கிறேன் எனவும் அமைச்சர் செல்லூர் ராஜூ தெரிவித்துள்ளார்.

அதானி சொல்லியிருப்பது கொஞ்சம் உண்மை. நிறைய பொய். .. ஒற்றைப் பயிர் உற்பத்தி என்பது ஒரு இயற்கைப் பேரழிவு

திரு. மருதையன் அவர்கள் : அதானி ரெம்ப நல்லவராம் ! அமித்ஷாவைக் கண்டு அடிமை எடப்பாடி அரசு நடுங்குவதை வைத்து, “அமித் ஷா பெரிய அப்பாடக்கர்” என்று பில்டப் கொடுக்கும் தமிழ் ஊடக 'வைத்தி'கள், நேற்று விவசாயிகள் வெளியிட்டிருக்கும் அறிக்கை பற்றி என்ன சொல்வார்கள்? “நான் சொன்னபடி புராரி மைதானத்துக்கு வா, 3 ஆம் தேதி பேசுவோம்” என்று தெனாவெட்டாக அறிவித்த அமித் ஷாவின் முகத்தில் சப்பென்று அறைந்திருக்கிறார்க்கள் விவசாயிகள். “அரசு முன்வைத்த தீர்வுகளை நிராகரிக்கிறோம்” என்று மட்டும் அவர்கள் சொல்லவில்லை. “நாங்கள் 3 சட்டங்களையும் திரும்ப பெறு என்று கோருகிறோம்.

அதற்கு பதில் சொல்லாமல், பிரச்சனையை திசை திருப்பி விவசாயிகளை அவமானப்படுத்தியிருக்கிறீர்கள்”என்று சாடியிருக்கிறார்கள்.

ரிலையன்ஸ், அதானி பொருட்கள் புறக்கணிப்பு,

ஜியோ புறக்கணிப்பு,

டோல் பிளாசாக்களில் கட்டணம் செலுத்த மறுப்பு,

பாஜக எம்.எல்.ஏ , எம்.பி, அமைச்சர்களின் வீடுகள் முற்றுகை,

ஜெய்ப்பூர் சாலை மறியல்!

காங்கேசன்துறை - காரைக்குடி கப்பல் போக்குவரத்து விரைவில் ஆரம்பம் வடக்கு மாகாண ஆளுநர் பி.எஸ்.எம் சார்ள்ஸ் அறிவிப்பு

ஐபிசி  :தமிழக இலங்கை  மக்களுக்கு ஓர் நல்ல செய்தி.  காங்கேசன் துறை காரைக்குடி பயணிகள் கப்பல் சேவை .விரைவில் ஆரம்பம்     யாழ்பாணம் . காங்கேசன்துறை துறைமுகத்திலிருந்து தமிழகத்தின் காரைக்குடிக்கான படகுச்சேவை பணிகள் ஆரம்பிக்கப்படவுள்ளதாக வடமாகாண ஆளுநர் பி.எஸ்.எம் சாள்ஸ் தெரிவித்தார்.       வவுனியா மாவட்ட ஒருங்கிணைப்புக் குழுக்கூட்டம் ஆளுநர் மற்றும் ஒருங்கிணைப்பு குழுவின் தலைவர் கு.திலீபன் ஆகியோரது இணைத்தலைமையில் நேற்று நடைபெற்றது.      இதன்போது கருத்து தெரிவித்த ஆளுநர்,காங்கேசன்துறை துறைமுகத்தை மீள் நிர்மாணம் செய்து, அங்கிருந்து தமிழகத்தின் காரைக்குடிவரை படகு சேவையை ஏற்படுத்துவதற்கான பணிகள் ஆரம்பிக்கப்படவுள்ளது.           துறைமுகப்பகுதியில் உள்ள அணைக்கட்டு அண்மையில் ஏற்பட்ட சூறாவழி காரணமாக சேதமடைந்துள்ளது.          

அரசியல் தொடர்பு! அபார வளர்ச்சி! முல்லை சித்ரா (தற்)கொலை மர்மம்! அமைச்சர் ஒருவரின் மகனுக்கு சித்ரா மீது ஒரு கண்

nakkheeran.in - அரவிந்த் : பாண்டியன் ஸ்டோர்ஸ்' சீரியல் நடிகை முல்லை சித்ரா, கடந்த 9ஆம் தேதி தற்கொலை செய்த தகவல் மீடியாக்கள் வழியே அதிர்ச்சி யை உண்டாக்க, காலை 7.30 மணிக்கெல்லாம் கே.எம்.சி. மருத்துவ மனைக்கு உடல் அனுப்பப்பட்ட போதும், மறுநாள்தான் உடற்கூராய்வு நடந்தது. எங்கிருந்தோ வந்த உத்தரவுகளால் ஒரு நாளைக் கடத்தியது போலீசும் மருத்துவமனை நிர்வாகமும். போஸ்ட் மார்ட்டம் முடிந்து அவரது பெற்றோரிடம் சித்ராவின் உடல் ஒப்படைக்கப்பட்டு, மறுநாள் தகனம் செய்யப்பட்டது. கொலையா- தற்கொலையா என்ற சந்தேக வலை நீங்காத நிலையில், சித்ராவின் கணவர் ஹேமந்த் தொடர்ந்து விசாரிக்கப்பட்டார். சித்ரா தாயாரின் கோபாவேசப் பேச்சு, ஸ்பாட்டில் டைரக்டரின் அவமரியாதை என பல கோணங்களில் போலீசார் பலரை விசாரித்து சிலரை அனுப்பிவிட்டனர். போலீசின் விசாரணை வளையத்துக்குள் தொடர்ந்தவர் சித்ராவின் கணவர் ஹேமந்த்.

நீலகிரி மாவட்டத்தில் கோத்தகிரி¸ குன்னூர்¸ ஊட்டி ஆகிய இடங்களில் சென்று குடியேறிய மலையக மக்களின் வாழ்க்கை

Murugan Sivalingam : · சாஸ்திரி...சிறிமா வதைப் படலம்..! (பழையன நினைத்தல்- 2) : நீலகிரி மாவட்டத்தில் கோத்தகிரி¸ குன்னூர்¸ ஊட்டி ஆகிய இடங்களில் புனர்வாழ்வில் சென்று குடியேறிய நமது மக்களின் வாழ்க்கை நிலைமைகளை அறிந்துக் கொள்வதற்காக எனது நண்பர்களின் வீட்டில் கடந்த 2002 ம் ஆண்டு ஜூலை மாதம் ஒரு வாரக்காலம் தங்கியிருந்தேன். அவர்களின் வாழ்க்கை நிலைமைகளை அடுத்து வரும் பதிவில் அறியத் தரவுள்ளேன்.. நீலகிரி மாவட்டத்தை களமாகக்கொண்டு புனர் வாழ்வில் வந்த தாயகம் திரும்பிய இலங்கை மக்களின் வாழ்க்கைத் துயரங்கள் பற்றி பல ஆய்வு நூல்கள் எழுதப்பட்டுள்ளதை நாம் அறிதல் அவசியமாகின்றது. 01)வரிசைப்படி எங்கெங்கும் அந்நியமாக்கப்பட்டவர்கள் ( Alienated everywhere) என்ற ஆய்வு நூலை கொடைக் கானல் சிராக் அமைப்பு ) (Ceylon Repatriate Association - Kodaikanal)1984ஆண்டில் வெளியிட்டது.

இந்த நூலின் ஆய்வு குழுவினர்களைக் கீழ் வருமாறு காணலாம். எஸ்.பன்னீர் செல்வம் (இலங்கை மலையக எழுத்தாளர்;;¸ தனது “இலவு காத்தக் கிளி” சிறு கதைக்கு மலைநாட்டு எழுத்தாளர் மன்றம் நடத்திய போட்டியில் பரிசு கிடைத்தது. சமீப காலத்தில் சூரியகாந்தி மலையகப் பதிப்பில் “தேயிலைப் புக்கள்” என்ற தொடர் காவியத்தை எழுதியவர் அகதிகள் தெரு..ஜென்ம பூமி ..திறந்தே கிடக்கும் வீடு…ஒரு சாலையின் சரிதம்.. விரல்கள் போன்ற படைப்புக்களை தந்தவர்… உணர்வுமிக்க சமூகவாதி.. கண்டி மாவட்டம் ரங்கல்ல தோட்டத்தைச் சேர்ந்தவர். திண்டுக்கல் காந்தி கிராமிய பல்கலைக்கழகத்தில் 2017ம் ஆண்டு நாங்கள் நடத்திய மலையக இலக்கிய விழாவில் பங்குகொண்டவர். தற்போது மதுரையில் வசிக்கிறார்.) ¸ பி.எஸ்.நாதன்¸ ஏ.சிவானந்தன் (கவிஞர்.. சென்று வருகிறேன் ஜென்ம பூமியே.. டீ.எஸ்.ராஜூ நுவரெலியா சிக்கன் ராஜூ.- சிவா சாந்த குமார் - உருசுலா நாதன் - குணசீலி - அந்தோனியம்மாள். ஆலோசகர்கள் :- ஸ்டான் லூர்துசாமி - எஸ்.செபஸ்டியன் ஆகியோராவர்.

பாஜகவில் இணைந்த திரிணாமுல் காங்கிரஸ் முன்னாள் மந்திரி சுவேந்தி அதிகாரி, 10 எம்.எல்.ஏ.க்கள்

maalaimalar : திரிணாமுல் காங்கிரஸ் முன்னாள் மந்திரி சுவேந்தி அதிகாரி இன்று பாஜகவில் இணைந்தார். அவரை தொடர்ந்து திரிணாமுல் காங்கிரஸ் கட்சி மற்றும் பிற கட்சியை சேர்ந்த மொத்தம் 10 எம்.எல்.ஏ.க்கள் அமித்ஷா முன்நிலையில் பாஜகவில் இணைந்தனர்.

கொல்கத்தா:மேற்கு வங்காளத்தில் மம்தா பானர்ஜி தலைமையில் திரிணாமுல் காங்கிரஸ் கட்சி ஆட்சி நடைபெற்று வருகிறது. அங்கு ஏப்ரல், மே மாதங்களில் சட்டசபை தேர்தல் நடபெற உள்ளது.

மோடி கூறுவது அப்பட்டமான பொய் - விவசாயிகள் திட்டவட்டம்!

kalaignarseithigal.com - Vignesh Selvaraj: பிரதமர் மீண்டும் மீண்டும் போராடும் விவசாயிகள் மீது குற்றம் சாட்டி மிக மோசமான அரசியல் செய்கிறார் என்றும் அகில இந்திய கிசான் சங்க நிர்வாகிகள் தெரிவித்துள்ளனர். ">இன்று காணொளிக்காட்சி மூலம் அகில இந்திய கிசான் சங்க நிர்வாகிகள் செய்தியாளர்களைச் சந்தித்தனர். அப்போது பேசிய அகில இந்திய கிசான் சங்க பொதுச் செயலாளர் ஹன்னாமோலா, “தேர்தலுக்கு முன்பு 50% உயர்த்தி வழங்குவதாக பா.ஜ.க கூறியது. ஆனால் இன்றும் 25% குறைவாகவே ஆதாரவிலை வழங்கப்பட்டுவருகிறது. ஒன்றரை மடங்கு குறைந்தபட்ச ஆதாரவிலை வழங்கிவருவதாக பிரதமர் கூறுவது அப்பட்டமான பொய்.

புதிய சட்டங்கள் மூலம் விவசாயிகளை நிலத்திலிருந்து அப்புறப்படுத்திவிட்டு கார்ப்பரேட்டுகளை நேரடியாக விவசாயம் செய்யவைக்க அரசு முடிவு செய்துள்ளது.

BBC :போலி கொரோனா தடுப்பு மருந்து லண்டனில் பதஞ்சலி நிறுவனம் மோசடி

பல்லாயிரம் கோடி ரூபாய் சந்தை மதிப்புள்ள பதஞ்சலி நிறுவனத்தை ஆச்சார்யா பாலகிருஷ்ணா (இடது) மற்றும் பாபா ராமதேவ் ஆகியோர் நிறுவினர். 

கொரோனா வைரஸ் தொற்றுக்கு எதிரான நோய் எதிர்ப்பு ஆற்றலை வலுப்படுத்தும் என்று கூறப்படும் போலி மருந்துகள் லண்டனில் உள்ள பல்வேறு மருந்தகங்களில் விற்கப்பட்டு வருவது பிபிசி புலனாய்வு ஒன்றில் கண்டறியப்பட்டுள்ளது.                  இந்தியாவின் 'பதஞ்சலி ஆயர்வேத்' நிறுவனத்தால் உற்பத்தி செய்யப்படும் கொரோனில் மருந்து லண்டனில் ஆசிய மக்கள் அதிகமாக வசிக்கும் பகுதிகளில் அமைந்துள்ள கடைகளில் "கோவிட்-19 தொற்றுக்கு எதிரான நோய் எதிர்ப்பாற்றலை வலுப்படுத்தும்" என்ற விளம்பரத்துடன் விற்பனை செய்யப்பட்டு வருகிறது. .....

அரிசி குடும்ப அட்டைதாரர்களுக்கு பொங்கல் பரிசு ரூ.2,500 -முதல்வர் அறிவிப்பு

  maalaiamalar " :அரிசி குடும்ப அட்டைதாரர்களுக்கு பொங்கல் பரிசு ரூ.2,500 -முதல்வர் அறிவிப்பு சென்னை: தமிழகத்தில் பொங்கல் பண்டிகையை முன்னிட்டு அரிசி ரேசன் அட்டைதாரர்களுக்கு பரிசுத் தொகுப்பு வழங்கப்படும். அவ்வகையில் 2021ம் ஆண்டுக்கான பொங்கல் பரிசுத் தொகுப்பை முதல்வர் எடப்பாடி பழனிசாமி இன்று அறிவித்துள்ளார். அரிசி குடும்ப அட்டைதாரர்களுக்கு பொங்கல் பரிசு ரூ.2,500 மற்றும் ஒரு கிலோ பச்சரிசி, ஒரு கிலோ சர்க்கரை, ஒரு முழுக் கரும்பு உள்ளிட்ட பொருட்கள் வழங்கப்படும் என முதலமைச்சர் அறிவித்துள்ளார். பொங்கல் பரிசுத்தொகுப்பு ஜனவரி 4ஆம் தேதி முதல் வழங்கப்படும். வீடு வீடாக சென்று டோக்கன் வழங்கப்பட்டு பொங்கல் பரிசு வழங்கப்படும். எந்த தேதியில் யார் வர வேண்டும் என டோக்கனில் குறிப்பிடப்பட்டிருக்கும் என்றும் முதலமைச்சர் கூறி உள்ளார்.

இந்திய பட்ஜெட்டை தயாரிப்பது அம்பானி அதானி gang ? உறுதிப்படுத்திய முகேஷ் அம்பானியின் கூற்று

Seetha Ravi Suresh : · அடுத்த 20 ஆண்டுகளில் உலகின் மூன்றாவது பெரிய பொருளாதாரம் கொண்ட நாடாக இந்தியா உருவாகும் - முகஷ் அம்பானி இதிலிருந்து என்ன தெரியுதுன்னா? 

1, அம்பானியும், அதானியும் சேர்ந்து பாஸிட் பாஜகவினரை இந்தியா வல்லரசாகுமென நம்பவைத்திருக்கிகிறார்கள்.        2, அம்பானி, அதானியை வளர்த்துவிட்டால் நாட்டின் பொருளாதாரம் வளர்ந்திடும்னு, யாரோ ஒரு பொருளாதார ஆலோசகர், பாஜகவை நம்பவைத்திருக்கிறார்.      3, இதுவரை பாஜக செய்துவந்த பொருளாதார ரீதியான திட்டங்களென கூறப்படுகிறவையெல்லாம், தங்களுக்கு சாதகமாக அம்பானியும், அதானியும் சேர்ந்து வடிவமைத்துக்கொடுத்தவையே என, அம்பானியே ஒப்புக்கொள்வதுபோல உள்ளது.

4, அம்பானியின் சகலைதான் பணமதிப்பிழப்பின்போது, ரிசர்வ் பேங்க் தலைவராக இருந்தார் (ஊர்ஜித் படேல்) என்பதில், பாஜகவின் திட்டங்களை தீட்டித்தருவது அம்பானியென தெரிகிறது.

பாவ கதைகள் ... அல்ல பரிதாப கதைகள் .. வெறும் contact மட்டும் இருந்தால் போதும் ..

Arun Mo : · பரிதாபக் கதைகள் விக்னேஷ் சிவன் உள்ளிட்ட பாவக் கதைகள் இயக்குநர் எல்லாரும் பணம் இருக்கிறது ஒரு சிறு படம் எடுத்துக்கொடுங்கள் என்று சொன்னால் அந்த வடிவத்திற்கும் தளத்திற்கும் ஏற்றவாறு ஒரு கதை இல்லை எனில் முடியாது என்று மறுத்துவிட வேண்டும். சும்மா இருக்கும் நேரத்தில் பணம் வருகிறது என்று நினைத்து செய்ய இது ஒன்றும் அன்றாட வேலை அல்ல. சமூக பொறுப்புள்ள கடமை. எல்லாவற்றையும் தாண்டி கலை. வெற்றிமாரனின் பகுதியில் வந்த கதையை பிரகாஷ்ராஜ் போன்ற ஒரு நடிகர் காப்பாற்றியிருக்கிறார், ஒரு நடிகர் ஒரு படத்தை காப்பாற்றியிருக்கிறார் என்று சொல்வது அந்த படத்தின் இயக்குனருக்கு எவ்வளவு அவமரியாதை. ஆனால் அதுதான் நடந்திருக்கிறது. விக்னேஷ் சிவன் சமூக பொறுப்புள்ள ஒரு படத்தை எடுப்பதாக நினைத்து சமூக அவமதிப்புதான் செய்திருக்கிறார்.

சமாஜ்வாதி, பிஎஸ்பி, காங்கிரஸ், ஆம் ஆத்மி, ஒவைஸி கட்சிகள் தனித்தனியாகப் போட்டி: உ.பி. தேர்தலில் எதிர்க்கட்சிகள் வாக்குகள் பிரிவது உறுதி

hindutamil.in : வரும் 2022-ம் ஆண்டு உத்தர பிரதேசத்தின் சட்டப்பேரவை தேர்தலில் பாஜக.வுக்கு சாதகமாக வாக்குகள் பிரிவது உறுதியாகி வருகிறது. இங்கு புதிதாக அசாதுதீன் ஒவைஸி அணி, சமாஜ்வாதி, பகுஜன் சமாஜ் (பிஎஸ்பி), காங்கிரஸ்மற்றும் ஆம் ஆத்மி என தனித்தனியாக போட்டியிட உள்ளன. ராஜ்பர் எனும் பிற்படுத்தப்பட்ட சமூகத்தினருக்காக, ஓம் பிரகாஷ் ராஜ்பர் என்பவரால் செயல்பட்டு வருகிறது சுஹல்தேவ் பாரதிய சமாஜ் கட்சி (எஸ்பிஎஸ்பி). இது, கடந்த முறை சட்டப்பேரவை தேர்தலில் பாஜக கூட்டணியில் 8 இடங்களில் போட்டியிட்டு நான்கு தொகுதிகளை பெற்றிருந்தது. உத்தர பிரதேசத்தின் கிழக்கு பகுதியிலுள்ள 11 மாவட்டங்களில் செல்வாக்கு கொண்ட இக்கட்சி சட்டப்பேரவை தேர்தலில் பாஜக.வின் வெற்றிக்கும் உதவியாக இருந்தது. இதனால் உத்தர பிரதேசமாநில அமைச்சராகவும் இருந்தஒம் பிரகாஷ், கடந்த ஆண்டு மக்களவை தேர்தலில் பாஜக கூட்டணியில் இருந்து விலகினார். பிறகுமக்களவை தேர்தலில் 38 தொகுதிகளில் தனித்து போட்டியிட்டவருக்கு ஒரு இடத்தில் கூட வெற்றி கிடைக்கவில்லை.

சென்னையில் கிலோ கணக்கில் புத்தகங்கள் விற்பனை; கண்காட்சியில் குவியும் வாசகர்கள்

tamil.indianexpress.com : சென்னை ஆழ்வார்பேட்டை கண்காட்சியில் நூதன முறையில் புத்தகங்கள் கிலோ கணக்கில் எடைபோட்டு விற்பனை செய்யப்படுவதால் வாசகர்கள் புத்தகங்களை வாங்க குவிந்து வருகின்றனர். >சென்னை ஆழ்வார்பேட்டையில் பழைய உத்தகங்களை கிலோ கணக்கில் விற்பனை செய்யும் புதிய முறையிலான கண்காட்சி நடைபெற்று வருகிறது. இந்த கண்காட்சியில் புத்தகங்களை எடைபோட்டு வாங்கிச் செல்ல பார்வையாளர்கள் குவிந்து வருகின்றனர்.

சென்னையில் டிசம்பர் மாதம் என்றாலே கர்நாடக சங்கீதம், பரத நாட்டியம், சபா நிகழ்ச்சிகள், கேட்லெஸ் கலெக்டிவ் இசை நிகழ்ச்சிகள் என்பதே பலரின் நினைவுக்கு வரும். அதே போல, புத்தகப் பிரியர்களுக்கும் வாசகர்களுக்கும் நினைவுக்கு வருவது புத்தகக் கண்காட்சிதான்.