ரஃபேல் – நிர்மலாவுக்கு 10 கேள்விகள்

savukkuonline.com :  பாதுகாப்பு அமைச்சர் ஒரு அப்பாவி. அவர் 2017, செப்டம்பர் 3இல் பொறுப்பேற்பதற்கு முன் ரஃபேல் விவகாரத்தில் நடந்த பல விஷயங்கள் அவருக்குத் தெரியாது. அவர் தன் சொந்த நிகழ்ச்சி நிரலைக்கூடச் சரியாகப் பார்க்கத் தவறிவிட்டார் என்று தெரிகிறது.
இந்திய மற்றும் பிரான்ஸ் அரசுகளுக்கு இடையிலான ரஃபேல் விமான ஒப்பந்தம் 2015, ஏப்ரல் 10 அன்று பாரீசில் பிரதமர் நரேந்திர மோடியால் அறிவிக்கப்பட்டு, 2016 செபடம்பர் 23இல் ஒப்பந்தம் கையெழுத்தானது. இது சர்ச்சையை உண்டாக்கி, விசாரணைக்கான கோரிக்கையை எழுப்பியது. அண்மையில், பாதுகாப்பு அமைச்சர், “நான் ஏன் விசாரணைக்கு உத்தரவிட வேண்டும்’ என கேட்டார். அப்பாவிகளுக்கு நாம் காட்டும் சலுகையின்படி அவருக்குக் காரணங்களை எடுத்துச் சொல்வதே முறை. இதோ பத்துக் காரணங்கள்:
1) இந்தியா மற்றும் பிரான்ஸ் அரசுகள், 126 ரஃபேல் இரட்டை இஞ்சின் பல் நோக்கு போர் விமானத்தை வாங்குவதற்கான புரிந்துணர்வு ஒப்பந்தம் செய்து கொண்டன. 2012 டிசம்பர், 12இல் திறக்கப்பட்ட சர்வதேச அளவிலான ஏலத்தில் ஒரு விமானத்திற்கான விலை ரூ.526.10 கோடி எனக் கண்டறியப்பட்டது.

அதிமுக பாஜகவை ஆதரிக்கல்லியாம் ... முத்தலாக் நூல் வெளியீடு ... தேர்தலுக்கு அப்புறம்தான் ஆதரிப்பாங்க ?

மின்னம்பலம்: ஒரு அழைப்பிதழ் வந்து விழுந்தது. “இது வெறும் அழைப்பிதழ் மட்டுமல்ல... கூட்டணிகளை நிர்ணயிக்கப்போகும் அழைப்பிதழ் என்று அதிமுக வட்டாரத்தில் பேச்சு கிளம்பியிருக்கிறது. பார்த்துக் கொண்டே இருங்கள் விரைவில் செய்தி வரும்’” என்று ஒரு முன்குறிப்பை அனுப்பியிருந்தது. அதை படித்து முடிக்கும் முன்பே அந்த அழைப்பிதழ் பற்றிய தகவல்களையும் டைப் செய்ய ஆரம்பித்தது வாட்ஸ் அப்.
“இந்தப் புத்தகத்துக்குள் போவதற்குள் ஒரு சிறிய ஃப்ளாஷ் பேக். முத்தலாக் சட்ட மசோதா கடந்த வருடம் டிசம்பர் மாதம் நாடாளுமன்ற மக்களவையில் கொண்டுவரப்பட்டபோது அதை அதிமுக கடுமையாக எதிர்த்தது. அதையடுத்து இந்த வருடம் பிப்ரவரி மாதம் குடியரசுத் தலைவருக்கு நன்றி தெரிவிக்கும் தீர்மானத்தை ஒட்டிய விவாதத்தில் அதிமுக எம்பி அன்வர் ராஜா பேசினார். ‘இதுவரை யாரும் செய்யாத வகையில் ஒரு குறிப்பிட்ட சமூகத்தினரை அடக்கி ஆள நீங்கள் முயற்சி செய்துவருகிறீர்கள். 1948ஆம் ஆண்டு டிசம்பர் 21ஆம் தேதி இந்த அவையில் உரையாற்றிய டாக்டர் பாபா சாஹிப் அம்பேத்கர், ’முஸ்லிம் சமூகத்தினர் கிளர்ந்து எழும் வகையில் எந்த அரசும் தனது அதிகாரத்தைப் பயன்படுத்தக் கூடாது. அவ்வாறு ஒரு அரசு செயல்படுமானால் அது புத்திசுவாதீனமற்ற அரசாகவே இருக்கும் என்று நான் கருதுகிறேன்’ என்று கூறினார். அம்பேத்கர் சொன்னதை நான் சுட்டிக்காட்ட விரும்புகிறேன். இடிப்பாரை இல்லாத ஏமரா மன்னன் கெடுப்பார் இலானும் கெடும் என்று திருவள்ளுவர் சொல்லியிருக்கிறார்.

ப சிதம்பரம் குடும்பத்தினர் சொத்துக்கள் முடக்கம்!

மின்னம்பலம் : ஐ.என்.எக்ஸ் மீடியா வழக்கில் ப.சிதம்பரம் குடும்பத்தினரின் சொத்துகளை அமலாக்கத் துறை முடக்கியுள்ளது.
ஐ.என்.எக்ஸ் மீடியா வழக்கில் ப.சிதம்பரத்தின் மகன் கார்த்தி சிதம்பரத்திற்கு சொந்தமான ரூ.54 கோடி மதிப்பிலான சொத்துக்களை அமலாக்கத் துறை இன்று (அக்டோபர் 11) முடக்கியுள்ளது.
கொடைக்கானலில் உள்ள ரூ.25 லட்சம் மதிப்பிலான விவசாய நிலம், ஊட்டியில் உள்ள ரூ.3.75 கோடி மதிப்பிலான பங்களா, கோத்தகிரியில் உள்ள ரூ.50 லட்சம் மதிப்பிலான பங்களா மற்றும் டெல்லியில் உள்ள ரூ.16 கோடி மதிப்பிலான நிலம் மற்றும் சொத்துகள் முடக்கப்பட்டுள்ளன.
டெல்லியில் உள்ள சொத்தில் சிதம்பரத்தின் மனைவி நளினி சிதம்பரத்திற்கும் பங்கு உண்டு என்பது குறிப்பிடத்தக்கது.
இதேபோல், கார்த்திக்கு சொந்தமாக பிரிட்டனில் உள்ள ரூ.8.67 கோடி மதிப்பிலான வீடு, காட்டேஜ் மற்றும் ஸ்பெயினில் உள்ள ரூ. 14.50 கோடி மதிப்பிலான டென்னிஸ் கிளப் ஆகிய சொத்துக்களும் முடக்கப்பட்டுள்ளன.

ரூட்டு மாறும் சின்மயி விவகாரம் -

வெப்துனியா : பாடகி சின்மயியை தொடர்ந்து பல்வேறு துறையை சேர்ந்த பல பிரபலங்கள் மீது பல பெண்கள் பாலியல் புகார்களை கூறி வருகின்றனர். சமீபகாலமாக #Metoo மற்றும் #Metooindia என்கிற ஹேஷ்டேக்கில் நடிகைகள், பெண் பத்திரிக்கையாளர்கள் உட்பட பலரும் தாங்கள் வாழ்வில் சந்தித்த பாலியல் தொல்லைகள் குறித்து தைரியமாக பேசி வருகின்றனர். பாலியல் நடிகை தனுஸ்ரீ தத்தா, நடிகர் நானா படேகர் மீது பாலியல் புகார் கூறினார். அவரைத் தொடர்ந்து நடிகை கங்கனா ரனாவத், இயக்குனர் விகாஸ் மீது புகார் தெரிவித்தார். அவர்களை தொடர்ந்து பாலிவுட்டில் பல பெண்கள், சினிமா பிரபலங்கள் மீது தைரியமாக புகார் கூறி வருகின்றனர்.

தமிழக ராணுவ வீரர் பஞ்சாபில் சுட்டு கொலை . சக ராணுவ வீரரே சுட்டார் .. வீர மரணம் அல்லவாம்!

தினத்தந்தி: அரசு மரியாதை செலுத்தாத‌தால் குழப்பமடைந்த ஜெகனின் உறவினர்கள் உடலை ஒப்படைக்க வந்த ராணுவ வீர‌ர்களிடம் அதுபற்றி கேட்டபோது அவரது மரணம் வீர‌ மரணம் அல்ல என தெரிவித்துள்ளனர்.
தக்கலை தக்கலை அருகே பருத்திக்காட்டுவிளையை சேர்ந்தவர் வேலப்பன். இவருடைய மகன் ஜெகன் (வயது 38). இவர் கடந்த 18 ஆண்டுகளாக ராணுவத்தில் பணியாற்றி வந்தார். இந்தநிலையில் கடந்த 2 நாட்களுக்கு முன்பு பஞ்சாப் மாநிலம் எல்லை பகுதியில் தீவிரவாதிகளுக்கும், ராணுவ வீரர்களுக்கும் துப்பாக்கி சண்டை நடந்தது. அப்போது தீவிரவாதிகள் சுட்டதில் துப்பாக்கி குண்டு பாய்ந்து ஜெகன் சம்பவ இடத்திலேயே பரிதாபமாக இறந்ததாக கூறபட்டது. 
பின்னர், அவரது உடல் பிரேத பரிசோதனைக்கு பின் டெல்லியில் இருந்து விமானம் மூலம் திருவனந்தபுரத்திற்கு கொண்டு வரப்பட்டது. அங்கிருந்து இன்று காலை குமரி மாவட்டத்தில் உள்ள அவரது சொந்த ஊரான பருத்திக்காட்டுவிளைக்கு கொண்டு வரப்பட்டு பொதுமக்கள் அஞ்சலிக்காக வைக்கப்பட்டது.

மேல்முறையீடு..! - நக்கீரன் கோபால் விவகாரத்தில் ஆளுநர் மாளிகை

விகடன் -அ.சையது அபுதாஹிர் :

நக்கீரன் கோபால் மீது ஆளுநர் பன்வாரிலால் புரோஹித்தின் துணைச் செயலாளர் செங்கோட்டையன் அளித்தப் புகாரின் அடிப்படையில் அவர் நேற்று காலை கைது செய்யப்பட்டார். சட்டப்பிரிவு 124-ன் படி அவர் மீது காவல்துறை வழக்கு பதிவு செய்து அவரை நீதிமன்றக் காவலில் அடைக்க எழும்பூர் நீதிமன்றத்தில் ஆஜர்படுத்தியது. ஆனால், நீதிபதி கோபிநாத் நீண்ட விசாரணைக்குப் பிறகு சட்டப்பிரிவு 124-ன் அடிப்படையில் நக்கீரன் கோபால் கைது செய்தது தவறு, அவரைச் சிறையில் அடைக்க உத்தரவிடமுடியாது என்ற அதிரடி தீர்ப்பை வழங்கினார்.
இந்தத் தீர்ப்பைத் தொடர்ந்து நக்கீரன் கோபால் விடுவிக்கப்பட்டுள்ளார். இந்த நிலையில், ஆறுமாதத்துக்கு முன்பு வெளியான நக்கீரன் இதழை அடிப்படையாக வைத்தே இந்தப் புகார் ஆளுநர் மாளிகையிலிருந்து அளிக்கப்பட்டது.

இந்து அறநிலையத்துறை கூடுதல் ஆணையர் கவிதா பணியிடை நீக்கம்

tamil.thehindu.com ; இந்து சமய அறநிலையத் துறை கூடுதல் ஆணையர் கவிதாவை பணியிடை நீக்கம் செய்ய வேண்டுமென்ற கோரிக்கை தொடர்பாக இந்து சமய அறநிலையத்துறை ஒரு வாரத்தில் பதிலளிக்க சென்னை உயர் நீதிமன்றம் உத்தரவிட்டிருந்த நிலையில் இன்று அவர் திடீரென சஸ்பெண்ட் செய்யப்பட்டார்.
காஞ்சிபுரம் ஏகாம்பரநாதர் கோயிலில் 1000 ஆண்டுகள் பழமை வாய்ந்த சோமாஸ்கந்தர், ஏல்வார்குழலி சிலைகள் சேதமடைந்ததால், அதற்கு பதிலாக புதிய சிலை செய்யப்பட்டது. இதில் முறைகேடு நடந்திருப்பதாக அண்ணாமலை என்பவர் அளித்த புகாரில் வழக்குப்பதிவு செய்த சிலை கடத்தல் தடுப்பு பிரிவு முன்னாள் தலைமை ஸ்தபதி முத்தையா, செயல் அலுவலர் முருகேசன், சிலை செய்த மாசிலாமணி உள்ளிட்ட பலர் மீது வழக்கு பதிவு செய்தது.

ஸ்டாலின் மீது ஒரே ஒரு எஃப்ஐஆராவது போட துடிக்கும் எடப்பாடி .. கலைஞர் மீதும் இறக்குமுன்பாகவே ஊழல் வழக்கு போட துடித்தாராம் ..

மின்னம்பலம்:  புதிய தலைமைச் செயலகக் கட்டுமானம் தொடர்பாக தமிழக அரசு, திமுக தலைவர் ஸ்டாலினுக்கு எதிராக வரிந்துகட்டிக் கொண்டு செயல்படத் தொடங்கியுள்ளது.
2006-11 திமுக ஆட்சிக் காலத்தில் அப்போதைய முதல்வர் கலைஞர் சென்னை ஓமந்தூரார் அரசினர் தோட்டத்தில் புதிய தலைமைச் செயலகக் கட்டடத்தைக் கட்டினார். ஆனால், 2011ஆம் ஆண்டு ஆட்சிக்கு வந்த அதிமுக பொதுச் செயலாளர் ஜெயலலிதா, புதிய தலைமைச் செயலகத்தைப் பயன்படுத்த மாட்டேன் என்று அறிவித்தார். கோட்டையிலேயே தலைமைச் செயலகம் செயல்பட்ட நிலையில், புதிய தலைமைச் செயலகத்தைப் பன்னோக்கு மருத்துவமனையாக மாற்றினார்.
மேலும், புதிய தலைமைச் செயலகம் கட்டுவதில் நடந்ததாகக் கூறப்படும் முறைகேடுகளை விசாரிக்க ஓய்வுபெற்ற நீதிபதி ரகுபதி தலைமையில் ஒரு நபர் ஆணையத்தை அமைத்தார் ஜெயலலிதா.

விஜிலென்ஸ் எஸ்பி ஒருவரின் துணையோடு இதுபற்றி விசாரணையைத் தொடங்கிய ரகுபதி ஆணையம், ‘புதிய தலைமைச் செயலகம் கட்டியதில் அரசுக்கு 261 கோடி ரூபாய் அளவுக்கு வருவாய் இழப்பு ஏற்பட்டிருக்கலாம்’ என்று ஓர் ஆரம்பகட்ட அறிக்கையை அரசுக்கு அனுப்பியது.

மகளை துன்புறுத்தி பாலியல் தொல்லை கொடுத்த தாய்.... தந்தையின் புகாரால் போக்சோ சட்டத்தில் கைது ,, தேனாம்பேட்டை

tamilthehindu :தேனாம்பேட்டையில் பெற்ற மகளையே அடித்து துன்புறுத்தியதாக தந்தை அளித்த புகாரில், போக்சோ சட்டத்தில் தாயை போலீஸார் கைது செய்தனர்.
சென்னை தி.நகர் அபிபுல்லா சாலையில் வசிப்பவர் செந்தில்குமார்(43). இவரது மனைவி பழனிபிரியா(42). இவர்களுக்கு திருமணமாகி 16 ஆண்டுகள் ஆகிறது. இவர்களுக்கு 14 வயதில் ஒரு மகள் இருக்கிறாள். இந்நிலையில், 2 நாட்களுக்கு முன் தேனாம்பேட்டை காவல் நிலையம் வந்த செந்தில்குமார் தன் மனைவி மீது புகார் ஒன்றை அளித்தார்.

அதை படித்துப்பார்த்த போலீஸார் அதிர்ச்சி அடைந்தனர். அதில், பெற்ற மகளையே தாய் பழனிபிரியா உடல் ரீதியாகவும், மனரீதியாகவும் தொடர்ந்து துன்புறுத்தி பாலியல் தொல்லை கொடுத்து வந்ததாக புகார் அளித்திருந்தார். மேலும் இணங்க மறுக்கும் மகளை அடித்து காயப்படுத்துகிறார். அவர் மீது நடவடிக்கை எடுக்க வேண்டும்’ என்று கூறியிருந்தார்.

ஆளுநர் .. ஆண்டாள் .. சின்மயி ... வைரமுத்து .....

tamil.oneindia.com - hemavandhana.;சென்னை: சின்மயி - வைரமுத்து விவகாரத்தை இரண்டு விதமாக பார்க்க வேண்டியுள்ளது. முதலில் சின்மயி தரப்பில் எடுத்து கொள்ளலாம்.
தன்னையும் தன் தாயாரையும் வைரமுத்து ஒரு ஓட்டலில் சந்திக்க சொன்னதாக சின்மயி சொல்கிறார். சந்திக்க தானே வைரமுத்து சொன்னார். இதில் எங்கே பாலியல் தொந்தரவு வந்தது? சின்மயியை தமிழ்த்தாய் வாழ்த்து பாடத்தான் வைரமுத்து சொன்னார். அதற்கு சின்மயி மறுத்துவிட்டாராம். அவ்வளவுதானே?
இங்கே எங்கே பாலியல் தொந்தரவு நடந்தது?
இன்றைய காலகட்டங்களில் நேரிடையாக பாலியல் தொல்லைகளுக்கு ஆளான பெண்கள் போலீசிலும், கோர்ட்டிலும் நீதி தேடி அலையும் நிலையில், வைரமுத்துவால் பாதிக்கப்பட்ட அந்த பெண் ஏன் வெளிவந்து பகிரங்க புகார் அளிக்கவில்லை?ஒரு சினிமா பிரமுகர், அதிலும் பிரபலமானவர் பாலியல் தொல்லை கொடுத்தால் எந்த பாதிக்கப்பட்ட பெண்ணாவது சும்மா விடுவார்களா சந்தி சிரிக்க வைக்க கிளம்பி விட மாட்டார்களா? இதை அப்பட்டமாக நிரூபித்து.. வழக்கு தொடுத்து... கோர்ட்டில் ஆதாரத்தை காட்டி இருக்கலாமே? அதைவிட்டுவிட்டு இப்படி பொத்தாம் பொதுவாக, சமூக வலைத்தளங்களில் அவதூறு பரப்புவது சரியான செயலா என்ற கேள்வி எழுப்பப்படுகிறது.

துருக்கி.. சவூதி தூதரகத்திற்குள் பத்திரிகையாளரை கொலை செய்த சவுதி புலனாய்வாளர்களின் வீடியோ ...

வீரகேசரி :தூதரகத்திற்குள் பத்திரிகையாளரை கொலை செய்த சவுதி புலனாய்வாளர்களின் வீடியோ வெளியாகியது.
சவுதிஅரேபிய பத்திரிகையாளர் ஜமால்கசோகியை தூதரகத்திற்குள் வைத்து கொலை செய்தவர்கள் என சந்தேகிக்கப்படுபவர்கள் காணப்படும் சிசிடிவி வீடியோக்களை துருக்கி ஊடகங்கள் வெளியிட்டுள்ளன.
சவுதி அரேபிய ஆட்சியாளர்களை கடுமையாக விமர்சித்து வந்த பத்திரிகையாளர் ஜமால் கசோகி துருக்கிக்கான சவுதி அரேபிய தூதரகத்திற்குள் வைத்து கொலை செய்யப்பட்டுள்ளார் என்ற சந்தேகம் நிலவுகின்ற ஒரு சூழ்நிலையிலேயே துருக்கி ஊடகங்கள் இந்த வீடியோக்களை வெளியிட்டுள்ளன.
சவுதிஅரேபியாவின் புலனாய்வு துறையை சேர்ந்தவர்கள் என கருதப்படுபவர்கள் துருக்கிக்குள் விமானநிலையம் ஊடாக நுழைவதையும் பின்னர் அவர்கள் விமானநிலையம் ஊடாக மீண்டும் சவுதி அரேபியாவிற்கு செல்வதையும் காண்பிக்கும் வீடியோக்களை ஊடகங்களை வெளியிட்டுள்ளன.

பாடகி சின்மயின் தாய் பத்மாசினி .. இசைமேதை லால்குடி ஜெயராமனின் 42 வருட உழைப்பை ஒரேயடியாக முழுங்கிய கில்லாடி

maamallan.com :இலக்கியத்தில் தி.ஜானகிராமன் போல திரை இசையில்
எஸ்.பி.பாலசுரமணியம் போல கர்நாடக சங்கீத்தத்தில் லால்குடி ஜெயராமன் அவர்கள் மாபெரும் சாதனையாளர். மடியோடு சாஸ்த்ரீய இசையை அணுகுவோர் மன்னிக்கவும். இணைய இளைஞர்களுக்கு புரியும்படியாக சொல்லவேண்டும் என்பதற்காகக் கூறிய வார்த்தைகளே இவை. சிலருக்கு இது  லால்குடியை அவமதிப்பாகக்கூட தோன்றலாம். குறிப்பாக, பணிவின் சிகரமான எஸ்.பி.பி காதுக்கு இது போகாமல் இருக்க வேண்டும். தவறிப் போய்விட்டால் என்கதி அதோகதிதான். யாரைய்யா அவன் மாமல்லன் என்று விசாரித்து, என் கல்லூரித்தோழன்தான் இயக்குநர் வசந்த் என்பதைக் கண்டுபிடித்து, அவனிடம் என் அலைபேசி எண்ணை வாங்கி, லால்குடி எங்கே நான் எங்கே அவரோடு போய் என்னை எப்படி ஒப்பிடப் போயிற்று என்று எஸ்.பி.பி என்னிடம் சண்டைக்கே வந்தாலும் வியப்பில்லை. ஏனென்றால் பாலமுரளி கிருஷ்ணா அவர்களின் எதிரில் காஞ்சிப் பெரியவர் தன்னைப் பாடச்சொல்லிக் கேட்டதைத் தம் வாழ்நாள் பாக்கியம் என்று வாய்ப்பு கிடைக்கும் போதெல்லாம் சொல்லி மகிழ்பவர் எஸ்.பி.பி.

வைரமுத்து தரப்பில் இருந்து எனது மகளுக்கு பாலியல் ரீதியான அழுத்தம் வந்தது – பாடகி சின்மயியின் தாயார்

RED BULL பானத்தில் மாட்டு விந்து ...இதைத்தான் எனர்ஜி டிரிங் என்று குடித்தீர்களா..?

vivasaayathaikappom.com :ரெட்புல் எனர்ஜி குளிர் பானங்களில் சேர்க்கப்படும் கெஃபைன் மூலப்பொருள், அளவுக்கு அதிகமாக சேர்க்கப்படுவதாக, இந்நிறுவனங்களுக்கு மத்திய சுகாதார மற்றும் சுற்றுப்புற மையம் எச்சரிக்கை விடுத்துள்ளது.
சுற்றுப்புற சுகாதார மையம் 16 வகையான இதுபோன்ற பானங்களைக் கடைகளில் வாங்கி சோதனை கூடங்களில் வைத்து சோதனை செய்ததில் ஒவ்வொரு பானங்களின் லேபில்களிலும் குறிப்பிட்டுள்ளது.

அதாவது அரசு நிர்ணயித்துள்ள அளவைக் காட்டிலும் கூடுதலாக கெஃபைன் என்ற மூலப்பொருளைச் சேர்த்துள்ளன என்ற அதிர்ச்சி தகவல் வெளியாகியுள்ளது.
“ஒருவர் பருகும் ரெட்புல் எனர்ஜி பானத்தில், ஒரு கப் காபி சாப்பிடுவதற்குச் சமமான அளவிலேயே, கெஃபைன் சேர்க்கப்பட்டு தயாரிக்கப்படுகிறது” என்று, ரெட்புல் நிறுவனம் அறிவித்திருக்கிறது.

டெல்லி சிக்னல், வேட்பாளர் தேர்வில் எடப்பாடி

மின்னம்பலம்: டெல்லி பயணத்துக்குப் பின் தமிழக முதல்வர் எடப்பாடியின் நடவடிக்கைகளில் மாற்றங்கள் தென்பட ஆரம்பித்துவிட்டன என்கிறார்கள் அவரைச் சுற்றியிருப்பவர்கள். டெல்லியில் பிரதமருடனான சந்திப்பு குறித்து நாம் ஏற்கனவே டிஜிட்டல் திண்ணையில் செய்தி வெளியிட்டிருந்தோம். அதிமுக - பாஜக கூட்டணி ஏற்படுமா என்ற பிரதமரின் நேரடிக் கேள்விக்கு தமிழகத்தில் தற்போதைய அரசியல் நிலைமையை எடப்பாடி பிரதமரிடம் எடுத்துச் சொல்லியதையும், அதை இப்போதைக்குப் பிரதமர் ஏற்றுக்கொண்டதையும் நாம் சொல்லியிருந்தோம். மற்றபடி தமிழக நலன்களுக்காக பிரதமரிடம் வைத்த கோரிக்கை மனுக்கள் பற்றி எந்த பதிலும் வரவில்லை.

டெல்லி .. தீப்பிடித்த கட்டிடத்தில் எல்லோரையும் காப்பாற்றிய சுவாதி உயிரிழப்பு

tamil.oneindia.com-hemavandhana.:
டெல்லி: துணிச்சலான.. தைரியமான.. இளகிய மனம் உடைய பெண்தான்... ஆனால் காப்பாற்ற யாருமே இன்றி அநியாயமாக உயிரை விட்டது நெஞ்சை பிசைந்து நிற்கிறது.
டெல்லி அருகே உள்ள குருகிராமில் 70-வது செக்டரில் துலிப் ஆரஞ்ச் என்ற ஒரு பெரிய அபார்ட்மெண்ட் இருக்கிறது. மொத்தம் 9 தளங்கள் உள்ளன. ஒவ்வொரு தளத்திலும் 4 வீடுகள் உள்ளன. 4 வயது மகள்
; இங்கு 5-வது மாடியில் குடியிருப்பவர் பெயர் ஸ்வாதி. 34 வயதுடைய ஸ்வாதி, கட்டிட வடிவமைப்பாளர் (இன்டீரியர் டிசைனர்) வேலை பார்க்கிறார். தனது கணவன் மற்றும் 4 வயது மகளுடன் இந்த வீட்டில் வசித்து வருகிறார்.தீ பிடித்தது கடந்த ஞாயிறு அன்று நடுராத்திரி 2 மணி இருக்கும். முதல் மாடியில் திடீரென்று தீப்பிடித்தது. காரணம், அங்கு வைக்கப்பட்டிருந்து கரண்ட் பாக்சில் கசிவு ஏற்பட்டுள்ளது. அதனால் பக்கத்திலிருந்த பொருட்கள் குபீர் என்று பற்றிக் கொண்டு எரிந்தன.

MeToo :பாலியல் சிக்கிய மத்திய அமைச்சர்... குற்றச்சாட்டுகளை பதிவு செய்யும் ஊடகவியலாளர்கள்

tamil.indianexpress.com  : இந்தியாவின் தற்போதைய வெளியுறவுத் துறை இணை
அமைச்சர் எம்.ஜே. அக்பர் மீது தொடர்ந்து பாலியல் புகார்கள் #MeTooIndia ஹேஷ்டேக் மூலம் பகிரங்கப்படுத்த ப்பட்டுள்ளன.  எம்.ஜே. அக்பர் செய்தித் துறையில் ஆசிரியராக பணியாற்றிய காலத்தில் பெண்களிடம் எல்லை மீறி நடந்து கொண்டதை தற்போது புகார்களாக முன் வைத்திருக்கிறார்கள். அக்பர் தற்போது, வணிகம் தொடர்பான ஒரு நிகழ்வில் பங்கேற்க நைஜீரியா சென்றிருக்கிறார். இது புகார்கள் தொடர்பாக அவருக்கு அனுப்பபட்ட மின்னஞ்சல், அழைப்பு, மற்றும் வாட்ஸ்ஆப்
குறுஞ்செய்திகளுக்கு அவரிடம் இருந்து எந்த விதமான பதிலும் இல்லை.< #MeTooIndia புகார்கள் : ஒரு வாரமாக சமூக வலைதளங்களில் திரைப்பட உலகம், ஊடகம், இலக்கியத் துறை போன்ற இடங்களில் நடைபெறும் பாலியல் தொல்லைகள் குறித்து மீடூ மூமெண்ட் மூலமாக பொது வெளியில் பேசி வருகிறார்கள்.

வடிவேலு . குலுங்க சிரிக்க வைத்தவர்... இன்று திரையில் முகத்தையே காட்டாமல் ஒதுங்கி இருக்கிறார்!

tamil.indianexpress.com :திரையில் எல்லோரையும் வயிறு குலுங்க சிரிக்க வைத்தவர்... இன்று திரையில் முகத்தையே காட்டாமல் ஒதுங்கி இருக்கிறார்! “வந்ததுட்டான்யா வந்ததுட்டான்யா” மற்றும் சந்திரமுகி திரைப்படத்தில் இடம்பெற்ற “மாப்பு வச்சுட்டான்யா ஆப்பு” போன்றவை மிகவும் பிரபலமானவை. சிலர் பேசுவதை கேட்டால் சிரிரிப்பு வரும்.. சிலர் செய்யும் செயலை பார்த்தால் சிரிப்பு வரும். ஆனால் திரை உலகில் ஒருவரை பார்த்தாலே சிரிப்பு வரும் என்றால் அது வைகைப்புயல் வடிவேலு வைத்தான். ஒரு மனிதனால் எப்படி இத்தனை உள்ளங்களையும் கொள்ளையடித்திருக்க முடியும் என்று பலராலும் பொறாமை பட வைத்திருக்கிறார் இந்த மகா கலைஞன்.

ஒல்லியான உருவம், தமிழர்களுக்கே உரிதான நிறம், எத்துப்பல் என்று பலரும் கிண்டலடிக்கும் தோற்றத்தில் இருந்த வடிவேலு தான், நாளடைவில் அஜித், விஜய் போன்ற ஆன்ஸம் ஹீரோக்களையும் அசால்ட்டாக கலாய்த்து கைத்தட்டல்களை அள்ளினார்.

வைரமுத்து காலில் விழுந்து ஆசி வாங்கிய சின்மயி ஸ்ரீ பாதா

வெப்துனியா :பாடகி சின்மயி சமீபகாலமாக தனக்கும் தன்னை சேர்ந்த பெண்களுக்கும் நடந்த பாலியல் தொந்தரவுகள் குறித்த தகவல்களை தனது டுவிட்டர் இணையதளத்தில் பதிவு செய்து வருகிறார். குறிப்பாக அவர் பாடலாசிரியர் வைரமுத்து மீது சுமத்திய பாலியல் குற்றச்சாட்டால் பெரும் பரபரப்பு ஏற்பட்டுள்ளது.
இந்த நிலையில் சின்மயி தன்னுடைய திருமணத்தில் க்லந்து கொண்ட வைரமுத்துவிடம் காலில் விழுந்து ஆசி வாங்கிய வீடியோ ஒன்று தற்போது இணையதளங்களில் வைரலாகி வருகிறது.கடந்த 2005ஆம் ஆண்டு முதல் வைரமுத்துவின் இன்னொரு முகம் தனக்கு தெரியும் என்று கூறி வரும் சின்மயி, 2014ஆம் ஆண்டு நடந்த திருமணத்தின்போது காலில் விழுந்து ஆசி பெற்றது முரண்பாடாக இருப்பதாக நெட்டிசன்கள் கருத்து தெரிவித்து வருகின்றனர். வைரமுத்து பாலியல் தொல்லை கொடுத்தவர் என்று தெரிந்தும் காலில் விழுந்து ஆசி வாங்கியது ஏன்? என்ற கேள்வியை நெட்டிசன்கள் கேட்டு வருகின்றனர். இதற்கு சின்மயி என்ன பதில் சொல்ல போகிறார் என்பதை பொறுத்திருந்து பார்ப்போம்&n

நிதின் கத்காரி வீடியோ : ஆட்சிக்கு வரப்போவதில்லை என்ற எண்ணத்தில் வாக்குறுதிகளை சும்மா அள்ளி வீசினோம்

மாலைமலர் :நாங்கள் ஆட்சிக்கு வர மாட்டோம் என நினைத்து பொய்யான வாக்குறுதிகள் அளித்தோம், ஆனால் மக்கள் எங்களுக்கு வாக்களித்து வெற்றி பெற செய்துவிட்டனர் என மத்திய மந்திரி நிதின் கட்கரி வெளிப்படையாக கூறியுள்ளார். மும்பை : மத்திய கப்பல் மற்றும் சாலை போக்குவரத்துத்துறை மந்திரி நிதின் கட்கரி மற்றும் காலா பட வில்லன் நடிகர் நானா படேகர் ஆகியோர் பங்குபெற்ற தொலைக்காட்சி நிகழ்ச்சி ஒன்று கடந்த 4 மற்றும் 5-ம் தேதிகளில் ஒளிபரப்பானது. அந்த நிகழ்சியில் நிதின் கட்கரி கூறியதாவது, ‘ கடந்த தேர்தலின் போது நாங்கள் ஆட்சிக்கு வருவோம் என எதிர்ப்பார்க்கவில்லை, அதனால் நாட்டு மக்களுக்கு பெரிய பெரிய வாக்குறுதிகளை கொடுத்தோம். ஒருவேலை நாங்கள் ஆட்சிக்கு வராமல் போயிருந்தால் அதற்கு நாங்கள் பொருப்பேற்று இருக்க வேண்டியதில்லை.

சுவிட்சர்லாந்தில்....அறையில் காத்திருந்த வைரமுத்து - சின்மயி ஸ்ரீபாதா

வெப்துனியா:  கவிஞர் வைரமுத்து மீது

ஏற்கனவே இரு பெண் பத்திரிக்கையாளர்கள் பாலியல் புகார் கூறியிருந்த நிலையில், பிரபல பின்னணிப் பாடகி சின்மயி கூறியுள்ள புகார் பரபரப்பை ஏற்படுத்தியுள்ளது.18 வயது இருக்கும் போது பயிற்சிக்காக வைரமுத்துவின் வீட்டிற்கு சென்ற போது அவர் கட்டிப்பிடித்து, முத்தம் கொடுத்து பாலியல் தொல்லை கொடுத்ததாக பெண் பத்திரிக்கையாளர் சந்தியா மேனன் மற்றும் மற்றொரு பெண்ணும் ஏற்கனவே கூறியிருந்த புகார் சினிமா உலகில் அதிர்ச்சியை ஏற்படுத்தியுள்ளது.இந்நிலையில், ஏற்கனவே, சினிமா விமர்சகர் பிரசாந்த் தன்னிடம் தவறாக நடந்து கொண்டதற்கான ஆதாரங்களை வெளியிட்டு பரபரப்பை ஏற்படுத்திய பாடகி சின்மயி, வைரமுத்து பற்றிய சில தகவல்கள் வெளியிட்டுள்ளார்.

கலைஞர் பெயரை தார் பூசி அழித்து விட்டு கோயம்பேடு பேருந்து நிலையத்திற்கு எம்ஜியார் பெயரை வைத்த கயவர்கள்

LR Jagadheesan : எத்தனையோ துணைநடிகர்களில் ஒருவராக இருந்த
எம்ஜிஆருக்கு சினிமாவில் முக்கிய வேடங்களில் நடிக்க வாய்ப்பு வாங்கிக்கொடுத்து கயாநாயகனாக வளர வழி ஏற்படுத்திக்கொடுத்தவர் கலைஞர்.
பழுத்த காங்கிரஸ்காரராக இருந்த ராமச்சந்திரமேனனை திராவிடர் இயக்கம் பக்கம் ஈர்த்து “புரட்சிநடிகர்” ஆக்கி எம்ஜிஆரின் எதிர்கால அரசியல் வளர்ச்சிக்கு வித்திட்டவரும் அதே கலைஞர்.
அண்ணா மறைந்தபின் எம்ஜிஆருக்கு திமுகவில் முக்கிய கட்சிப்பதவிகொடுத்து முழுநேர அரசியல்வாதியாக்கியவரும் கலைஞரே.

1972இல் எம்ஜிஆர் தனிக்கட்சி ஆரம்பிக்க காரணமாக இருந்தவரும் அதே கலஞர் தான்.
எம்ஜிஆர் இறந்தபின் அவருக்கு பொருத்தமான நேர்த்தியான சமாதி கட்டியவரும் கலைஞர்.
தான் ஆட்சியில் அதிகாரத்தில் இருந்தும் எம்ஜிஆர் பெயரில் மருத்துவ பல்கலைக்கழகம் அமைய அனுமதித்தவரும் அதே கலைஞர் தான்.
சென்னை தரமணி திரைப்பட நகருக்கு எம்ஜிஆர் பெயர் சூட்டியவரும் கலைஞரே.
அந்த எம்ஜிஆர் உருவாக்கிய அடிமைகும்பல் இதுநாள்வரை எம்ஜிஆரின் பேர் சொல்லும்படி எதையுமே உருவாக்காததால் கலைஞர் பார்த்துப்பார்த்து கட்டிய ஆசியாவின் மிகப்பெரிய பேருந்து நிலையமாக விளங்கிய சென்னை கோயம்பேடு பேருந்து நிலையத்துக்கு இரவோடிரவாக எம்ஜிஆர் பெயர்சூட்டியிருக்கிறார்கள்.
இந்த எடுபிடிகளை சொல்லி பயனில்லை. அந்த எம்ஜிஆரே தன் ஆட்சிக்காலத்தில் கலைஞர் பெயர்பலகைகளை அகற்றிய அசிங்க அசூயை பிடித்த அரசியல்வாதி தான்.

நக்கீரன் பத்திரிக்கையை முடக்க நினைக்கின்றனர்- நக்கீரன் கோபால்

தினத்தந்தி :சென்னை தமது விடுதலைக்கு
போராடிய வைகோவை  நேரில் சந்தித்த பின் நக்கீரன் கோபால் நன்றி கூறினார். திமுக தலைவர் ஸ்டாலினுடன் சென்னை அண்ணா அறிவாலயத்தில் கோபால் சந்தித்தார்,  தாம் கைது செய்யப்பட்டதை எதிர்த்து குரல் கொடுத்ததற்காக ஸ்டாலினுக்கு கோபால் நன்றி தெரிவித்தார். சென்னையில் நக்கீரன் ஆசிரியர் கோபால் பேட்டி அளித்தார். அப்போது அவர் கூறியதாவது;- நக்கீரன் பத்திரிகையை முடக்க நினைக்கின்றனர்; சிறையில் இருக்கும் நிர்மலாதேவி உயிருக்கு ஆபத்து என செய்தி வெளியிட்டதால்தான் கைது நடவடிக்கை, கைதுக்கு டிடிவி தினகரன் ஆதரவு தெரிவித்ததை பொருட்படுத்த வேண்டாம் என கூறினார்.

ரபேல் ஒப்பந்தத்திற்கு எதிரான வழக்கு - மத்திய அரசு அறிக்கை அளிக்க உச்ச நீதிமன்றம் உத்தரவு

மாலைமலர் : ரபேல் போர் விமான ஒப்பந்தம்
தொடர்பான பொதுநல வழக்கை விசாரித்த உச்ச நீதிமன்றம், இந்த ஒப்பந்த நடைமுறைகள் தொடர்பாக அறிக்கை அளிக்கும்படி மத்திய அரசுக்கு உத்தரவிட்டுள்ளது.
RafaleScam #SupremeCourt புதுடெல்லி: பிரான்ஸ் நிறுவனத்திடம் இருந்து அதிநவீன ரபேல் போர் விமானங்களை வாங்குவதற்கு மத்திய அரசு ஒப்பந்தம் செய்துள்ளது. இந்த கொள்முதல் ஒப்பந்தத்தில் பெரிய அளவில் முறைகேடுகள் நடந்திருப்பதாக காங்கிரஸ் தொடர்ந்து குற்றம்சாட்டி வருகிறது. இதனை மத்திய அரசு மறுத்து வரும் நிலையில், ரபேல் விவகாரம் தொடர்பாக உச்ச நீதிமன்றத்தில் வழக்கறிஞர் எம்.எல்.சர்மா பொதுநல வழக்கு தொடர்ந்துள்ளார். அதில், ரபேர் போர் விமான ஒப்பந்தத்தில் முறைகேடு நடந்திருப்பதால், இந்த ஒப்பந்தத்தை ரத்து செய்ய வேண்டும் என எம்எல் சர்மா கூறியிருந்தார்.

இன்டெர் போல் போலீஸ் தலைவர் சீனாவில் கைது செய்யப்பட்டது உறுதி

தினத்தந்தி : காணமல் போனதாக  கூறப்பட்ட சர்வதேச போலீஸ் அமைப்பின் தலைவர் ராஜினாமா செய்துள்ளார். இதனால் சீனாவில் கைது செய்யப்பட்டது உறுதியாகி உள்ளது.
பீஜிங், சர்வதேச போலீஸ் அமைப்பின் (இன்டர்போல்) தலைவர் மெங் ஹோங்வெய், தனது சொந்த நாடான சீனாவுக்கு சென்றபோது திடீரென மாயமானார். அவர் கைது செய்யப்பட்டதாக தகவல்கள் பரவின. ஆனால் இதுபற்றி சீனா கருத்து ஏதும் தெரிவிக்காமல் இருந்து வந்தது. இந்த நிலையில், மெங் ஹோங்வெய் கைது செய்யப்பட்டதை சீனா தற்போது உறுதிபடுத்தி உள்ளது. சீனாவின் பொது பாதுகாப்பு துறையின் துணை மந்திரியாகவும் பதவி வகித்து வரும் மெங் ஹோங்வெய், சட்டங்களை மீறியதற்காக கைது செய்யப்பட்டிருப்பதாக தெரிவிக்கப்பட்டு உள்ளது.