போருக்குப் பிந்திய யாழ்!சிங்கள மக்கள் இடிந்த வீடுகளைப் பார்க்கிறார்கள். அழிந்த ஊர்களைப் பார்க்கிறார்கள்.

யாழ்ப்பாணத்துக்கு ஏராளமாய்ச் சிங்களவர்கள் வருகிறார்கள். வந்து எல்லா இடங்களுக்கும் போகிறார்கள். போய் எல்லாவற்றையும் பார்க்கிறார்கள். போகுமிடங்களில் தங்களுக்குத் தேவையான பொருட்களை வாங்குகிறார்கள்.
வருகின்ற சிங்கள மக்கள் இடிந்த வீடுகளைப் பார்க்கிறார்கள். அழிந்த ஊர்களைப் பார்க்கிறார்கள். பாதிக்கப்பட்ட சனங்களைப் பார்க்கிறார்கள். கோவில்களுக்குப் போகிறார்கள். நேர்த்திக்கடனை நிறைவேற்றுகிறார்கள். தட்சணை கொடுக்கிறார்கள். இதில் சைவக் கோவில்களே அதிகம்.
இதைப் பற்றி ஒரு நண்பர் இந்தச் சிங்கள மக்கள் சிலரிடம் விசாரித்தார். அப்போது ஆச்சரியமான ஒரு தகவல் கிடைத்தது. போரின் போது பல சிங்கள இளைஞர்கள் தாங்கள் இருந்த இடங்களில் உள்ள கோவில்களுக்கு நேர்த்தி வைத்திருக்கிறார்கள். இப்போது சிலர் அந்தநேர்த்திகளை குடும்பத்தோடு வந்து நிறைவேற்றுகிறார்கள்.
பொருட்களை வாங்கும் சிங்களவர்களால் சந்தைகளில் உள்ளுர்ப்பொருட்களின் விலை ஏறிவிட்டது. அதைவிடத் தட்டுப்பாடும் நிலவுகிறது. இது யாழ்ப்பாண மக்களுக்கு கொஞ்சம் கசப்பான விசயம்தான். ஆனால், உற்பத்திகள் திடீரெனப் பெருகி விட்டன.

மோடியின்Turn உண்ணாவிரத நாடக அரசியல் ஆரம்பம்

உலக நாடுகளுக்கு குஜராத் எடுத்துக்காட்டு ” - மோடி பெருமிதம்; சத்பவானா விரதம் துவக்கினார்!

ஆமதாபாத்: நாட்டில் அமைதி - சமூகஒற்றுமை ஏற்பட வேண்டும் என்ற கருத்தை மையப்பொருளாக முன்வைத்து குஜராத் முதல்வர் நரேந்திரமோடி 3 நாள் ( 72 மணி நேரம்) தொடர் உண்ணாவிரதத்தை மேற்கொள்கிறார். இந்த விரதத்தில் பா.ஜ., மூத்த தலைவர் அத்வானி, , அருண்ஜெட்லி, ராஜ்நாத்சிங் ஆகியோருடன் முஸ்லிம் மக்கள் 10 ஆயிரம் பேர் பங்கேற்கின்றனர்.

பிரதமர் பதவிக்கு கூட முன்நிறுத்தப்படலாம் : குஜராத் மாநிலத்தின் முதல்வர் மோடி தற்போது உலக அளவில் பேசப்படும் தலைவராக உருவகம் பெற்று வருகிறார்.இவரது ஆட்சி காலத்தில் குஜராத் மாநிலம் இந்தியாவில் நல்ல வளர்ச்சி பெற்று வருவதாக ஆய்வறிக்கைகள் தெரிவிக்கின்றன. தொழில்வளர்ச்சியில் முன்னணி பாதை நோக்கி சென்று மாநில வளர்ச்சிக்கு மோடி பெரிதும் துணையாக இருந்து வருவதாக பல புள்ளிவிவர அறிக்கைகள் தெரிவிக்கின்றன. இந்நிலையில் குஜராத் வன்முறை விஷயத்தில் சுப்ரீம் கோர்ட் தலையிட வேண்டிய அவசியமில்லை என்றும் இந்த விவகாரத்தில் கீழ்கோர்ட்டே முடிவு செய்து கொள்ளலாம் என்று கடந்த வாரம் தீர்ப்பளித்தது. இந்த தீர்ப்பு பா.ஜ.,வுக்கு கூடுதல் மகிழ்ச்சியை தந்தது. நாங்கள் குற்றமற்றவர்கள் என்பதை தெளிவுப்படுத்துவதாக பா.ஜ., அறிவித்தது. வரும் காலத்தில் மோடி பிரதமர் பதவிக்கு பா.ஜ., முன்நிறுத்தும் ஒரு நபராக திகழ்வார் என அமெரிக்க பார்லி., அறிக்கையில் தெரிவிக்கப்பட்டுள்ளது என்பதும் குறிப்பிடத்தக்கது.

நவநீதம்பிள்ளைக்கு எதிராக முறையிட அரசு முடிவு!

இலங்கை விவகாரங்களில் ஐக்கிய நாடுகளின் மனித உரிமைகள் ஆணையாளர் நவநீதம்பிள்ளை ஒருதலைப்பட்சமாக தமிழர் தரப்புக்குச் சாதகமாக நடந்துகொள்கிறார் என்று போர்க்கொடி தூக்கியிருக்கும் அரசு, இது குறித்து ஐக்கிய நாடுகள் சபையின் பொது செயலாளர் பான் கீ மூனுக்கு எழுத்து மூலம் முறையிடுவது என்று தீர்மானித்துள்ளது.ஐக்கிய நாடுகள் மனித உரிமைகள் சபைக் கூட்டம் ஜெனிவாவில் நடந்தபோது ஐ.நா. மனித உரிமைகள் ஆணையர் நவநீதம்பிள்ளை, இலங்கைக்கு எதிரான மனித உரிமை மீறல் குற்றச்சாட்டுகள் குறித்து கூடுதல் கவனம் செலுத்தி இருந்தார்.

இது அரசுக்குக் கடும் அதிருப்தியை ஏற்படுத்தி இருக்கிறது.

அளவ்வையில் இரு ரயில்கள் மோதல், ஒருவர் பலி

அளவ்வ பகுதியில் சற்று முன்னர் இரு ரயில்கள் மோதிக்கொண்டதாக தெரிவிக்கப்படுகின்றது. இந்த சம்பவத்தில் ஒருவர் உயிரிழந்ததுடன் 20 க்கும் மேற்பட்டோர் காயமடைந்துள்ளதாகவும் தெரிவிக்கப்பட்டுள்ளது.

காயமடைந்தவர்கள் அளவ்வ வைத்தியசாலையில் அனுமதிக்கப்பட்டுள்ளதாகவும் எமது செய்தியாளர்கள் தெரிவிக்கின்றனர்.
 Two trains collided in Alawwa, Kurunegala a short while ago. Over 20 persons were injured in the accident.
Reports say that the incident took place at a time a train was parked in the station when an oncoming train collided with it. Officials say that every effort is being made to remove passengers who are trapped inside the compartments.

ஜெயலலிதாவின் இழுத்தடிப்புக்கு ஆப்பு சொத்துகுவிப்பு வழக்கு

ஜெ சொத்து குவிப்பு வழக்கு-தமிழக போலீஸ் மீண்டும் விசாரிக்க கர்நாடக நீதிமன்றம் அனுமதி மறுப்பு

பெங்களூர்: முதல்வர் ஜெயலலிதா மீதான சொத்துக் குவிப்பு வழக்கை மீண்டும் விசாரிக்க அனுமதி கோரி தமிழக லஞ்ச ஒழிப்பு போலீசார் தாக்கல் செய்த மனுவை கர்நாடக உயர் நீதிமன்றம் தள்ளுபடி செய்துவிட்டது.

ஜெயலலிதா, சசிகலா, இளவரசி, சுதாகரன் ஆகியோர் மீதான சொத்து குவிப்பு வழக்கு பெங்களூர் தனி நீதிமன்றத்தில் கடந்த 14 ஆண்டுகளாக நடந்து வருகிறது. இந்த வழக்கில் ஜெயலலிதா ஆஜராகாமல் இருந்து வந்தார். நேரில் ஆஜராவதில் இருந்து விலக்கு கோரி ஜெயலலிதா தாக்கல் செய்த மனுவை உச்ச நீதிமன்றம் சமீபத்தில் தள்ளுபடி செய்தது.

அமெரிக்காவில் தமிழக பெண் இன்ஜினியர் சாவில் மர்மம்: தந்தை புகார்

அமெரிக்காவில் தனது மகள் மர்மமாக இறந்துவிட்டதாகவ, ஈரோட்டைச் சேர்ந்தவர் போலீசாரிடம் புகார் அளித்துள்ளார்.

ஈரோடு மாவட்டத்தை ராமலிங்கம் (65) மாவட்ட போலீஸ் சூப்பிரண்டு ஜெயசந்திரனிடம் அளித்துள்ள புகாரில், "கடந்த 2007ம் ஆண்டு எனது மகள் சங்கீதாவிற்கும் கோவை மேட்டுப்பாளையத்தை சேர்ந்த சிவசந்திரன் என்பவருக்கும் திருமணம் நடந்தது.

அமெரிக்காவில் ஐ.டி. இன்ஜினியராக இருந்த சிவசந்திரன் திருமணத்திற்கு பின் சங்கீதாவையும் அமெரிக்காவிற்கு அழைத்துச் சென்றார். இருவரும் அமெரிக்காவில் உள்ள இலினாய்ஸ் மாகாணம் நேபர்வில்லி என்ற நகரில் வசித்து வந்தனர். சங்கீதாவும் இன்ஜினியரிங் படித்துள்ளார்.

இந்நிலையில் கடந்த 14ம் தேதி சங்கீதா திடீரென இறந்துவிட்டதாக அமெரிக்காவில் இருந்து தகவல் வந்துள்ளது. சங்கீதா எப்படி இறந்தார் என்பது குறித்து எந்த தகவலும் தெரிவிக்கவில்லை. இதுகுறித்து தகவல் அறிய சிவசந்திரனை தொடர்பு கொண்டால் அவர் மொபைல்போனை எடுக்கவில்லை.
இதனால் சங்கீதாவின் சாவில் மர்மம் இருப்பதாக தெரிகிறது. சங்கீதா இறந்த காரணத்தை கண்டறிந்து அவரது உடலை இந்தியாவிற்கு கொண்டு வர நடவடிக்கை எடுக்க வேண்டும்.
இவ்வாறு அந்த மனுவில் தெரிவிக்கப்பட்டுள்ளது.
இதுதொடர்பான முதல்கட்ட விசாரணைக்கு போலீசார் உத்தரவிட்டுள்ளனர்.

பிரதமர் பதவி- மோடிக்கு ஆதரவா?- நேரடியாக பதிலளிக்க ஜெ மறுப்பு

சென்னை: வரும் 2014ம் ஆண்டு நடக்கவுள்ள நாடாளுமன்றத் தேர்தலில் நரேந்திர மோடி பிரதமர் வேட்பாளராக நிறுத்தப்பட்டால் ஆதரிப்பீர்களா என்று கேட்டதற்கு, நேரடியாக பதில் சொல்லாமல் தவிர்த்தார் முதல்வர் ஜெயலலிதா.

அடுத்த பிரதமர் ஜெயலலிதாவே என்று அவரை கொம்பு சீவும் முயற்சிக்கு குறைவே இல்லை.ஆனால் என்ன செய்வது சொத்து குவிப்பு வழக்கு வேறு பிராணனை வாங்குகிறது.

சென்னையில் இன்று நிருபர்களுக்கு அவர் அளித்த பேட்டி:

அதிமுக கூட்டணியில் தேமுதிக நீடிக்குமா?விஜய்காந்துக்கு பெரும் அதிர்ச்சி

முதல்வர் ஜெயலலிதா வேறு பதவிகளைக் கூட விட்டுத் தராமல், அனைத்து மேயர் பதவிகளுக்கும் தனது வேட்பாளர்களை அறிவித்து விஜய்காந்துக்கு பெரும் அதிர்ச்சி தந்துள்ளார்.

சென்னை: உள்ளாட்சி தேர்தல் இடப்பங்கீடு குறித்து அதிமுக நடத்திய பேச்சுவார்த்தையில் தேமுதிக கலந்து கொள்ளவில்லை. எனவே, அதிமுக கூட்டணியில் தேமுதிக நீடிக்குமா என்பது சந்தேகமாகியுள்ளது.


கடந்த சட்டசபை தேர்தலில் அதிமுகவுடன், விஜய்காந்தின் தேமுதிக கூட்டணி அமைத்து போட்டியிட்டது. இந்த தேர்தலில் 29 சட்டசபை தொகுதிகளில் தேமுதிக வெற்றி பெற்றது. ஆனால், தேமுதிகவுக்கு இடங்கள் ஒதுக்குவதில் பெரும் டிராமா நடந்தது.

அனுராதபுரத்தில் சாதனை புரிந்த தமிழ்..விசுவமடுவிலும் தொடர்ந்துள்ளது!

தெற்கில் களுத்துறை மகளிர் வித்தியாலய மாணவி சசிபிரபா பொன்சேகா, களுத்துறை மிரிஸ்வத்தை மகா வித்தியாலய மாணவி நெத்மி ரணவீர, கெக்கிராவை முஸ்லிம் மகா வித்தியாலய மாணவன் ஸக்கீ அகமட் ஆகியோரே 195 அதிகூடிய புள்ளிகளைப் பெற்றுள்ளனர். அதில் ஸகி அஹமட் தமிழ் மொழிமூலம் தோற்றியமை குறிப்பிடத்தக்கது.

The 13th Colombo International Book Fair

The 13th Colombo International Book Fair organized by the Sri Lanka Book Publishers Association will open at the BMICH Colombo at 9 a.m. today. The book fair featuring a large number of local and foreign book publishers will continue till September 25. A bookseller is seen preparing for today’s opening of the book fair.
Pic by Pradeep Patirana

மனு தர்மத்தில் வேதம் கேட்ட காதில் ஈயத்தை ஊற்றுவது, உச்சரித்த நாக்கை வெட்டுவது

சிறுபான்மையினர்க்கு எதிரான ஆர்.எஸ்.எஸ்இன் பொய்யும் புரட்டும் – 8

”இந்த மண்ணின் மைந்தர்களான இந்துக்களுக்குக் கூட கொடுக்கப்படாத சலுகைகள் மதம் மாறிப் போனவர்களுக்கு அளிக்கப்படுவது மிகப் பெரிய கொடுமையாகும். பள்ளிக் கூடம் தொடங்குவது நடத்துவது போன்ற விசயங்களில் கூட முசுலீம், கிறித்தவர்களுக்கு உள்ள சலுகைகளையாவது தாருங்கள் என்று கேட்கின்ற நிலையில் இந்துக்கள் தள்ளப்பட்டிருக்கிறார்கள்.”

- ”இந்துக்களுக்கு உரிமையே கிடையாதா”

இந்து முன்னணி வெளியீடு. பக்.19

இயற்கையையும், சமூகத்தையும் அறிவியல் நோக்கிலிருந்து புரிந்து கொள்வதே கல்வி. முட்டாள்தனங்களையும், மூடநம்பிக்கைகளையும் உயிராகக் கொண்டுள்ள மதங்கள் கல்வியுடன் உறவு கொள்ள எவ்வித அடிப்படையும் இல்லை. இந்தியாவில் பல நூறு ஆண்டுகளாக மதத்தின் பிடியில் சிக்கியிருக்கும் கல்வியை விடுவிக்க வேண்டும் என்பதுதான் மதச் சார்பின்மையின் முக்கியக் கோரிக்கை. இந்தியாவில் மதத்தோடு கல்வி கொண்டுள்ள உறவின் வரலாறு என்ன?
பெரும்பான்மை உழைக்கும் மக்களுக்கு கல்வி கிடையாது என்பதைத்தான் பார்ப்பனியம் ஈராயிரம் ஆண்டுகளாகப் பின்பற்றி வருகிறது. ஷாகாவில் ஸ்வயம் சேவகர்கள் ஆராதனை செய்யும் ‘மனு’ தனது தர்மத்தில் வேதம் கேட்ட காதில் ஈயத்தை ஊற்றுவது, உச்சரித்த நாக்கை வெட்டுவது உட்பட கல்வி மறுப்பிற்காகப் பெரும் தண்டனைப் பட்டியலையே உருவாக்கியிருந்தான். நடைமுறையிலும் கட்டை விரல் வெட்டப்பட்ட ஏகலைவனிலிருந்து, கண்பறிக்கப்பட்ட சேலம் கட்டிநாயக்கன்பட்டி தனம் வரை அதே ‘தர்மம்’ தான் நிலவுகின்றது.

றொபேட் பிளேக், தயவுசெய்து ஸ்ரீலங்கா மக்களுக்குப் பதில் சொல்லுங்கள்

 செனாலி வடுகே

பயங்கரவாத பின்னணி தொடர்பாக பலவித குழப்பங்கள் உள்ளன. உள்ளக இடப்பெயர்ச்சி, மறுவாழ்வு, மீள்ஒருங்கிணைப்பு, மீள்குடியேற்றம்,மனித உரிமை மீறல்கள் போன்ற மற்றும் பல கேள்விக்கணைளை அமெரிக்கா, ஐக்கிய இராச்சியம், ஐக்கிய நாடுகள் சபை மற்றும் பல தனியார் தொண்டு நிறுவன உபசரிப்பாளர்கள் போன்றவர்கள் ஸ்ரீலங்காமீது பலமாகத் தொடுத்து அதன்மீது தொடர்ந்து குற்றங்களைச் சுமத்தி மகிழ்ச்சியடைவது போலத் தெரிகிறது. ஒரு அரசாங்கமானது மக்களால் தெரிவு செய்யப்பட்டது. எனவே பல முனைகளிலிருந்தும் ஸ்ரீலங்கா அரசாங்கத்தின்மீது வீசியெறியப்படும் இந்தக் குற்றச்சாட்டுகள் பற்றி மக்களாகிய நாங்கள் உங்களிடம் சில பதில்களை இப்போது அறிந்து கொள்ள விரும்புகிறோம்.

எல்.ரீ.ரீ.ஈ ஒரு பயங்கரவாத இயக்கமா? அமெரிக்கா, ஐக்கிய இராச்சியம் மற்றும் ஐரோப்பிய ஒன்றியம் என்பன எல்.ரீ.ரீ.ஈயினை தடைசெய்துள்ளதோடு மற்றும் ஏனைய 32 நாடுகளும் எல்.ரீ.ரீ.ஈ யினை ஒரு பயங்கரவாத இயக்கம் என்கிற பட்டியலில் உட்படுத்தியிருக்கின்றனவா? அப்படியானால் வெளிநாட்டு மண்ணிலிருந்து கொண்டு தொடர்ந்து எல்.ரீ.ரீ.ஈ யினரது பயங்கரவாத நிர்வாகத்தை வெளிப்படையாக மேற்கொண்டுவரும் தொண்டு நிறுவனங்கள் உட்பட்ட தனியார் இயக்கங்கள் மீது  உங்கள் அரசாங்கம் நடவடிக்கை மேற்கொள்வதை தடுப்பது எது? எல்.ரீ.ரீ.ஈ யினரது மற்றொரு ஆயுதமாக தற்போது உருவாக்கப்பட்டிருக்கும் நாடு கடந்த அரசாங்கத்தைப்பற்றி அமெரிக்க அரசாங்கத்தின் நிலைப்பாடு என்ன? ஏனெனில் இதை நடத்துபவர்களின் அவாவானது தொடர்ந்தும் திருட்டுத்தனமான நடவடிக்கைகளான பணமோசடி, போதைப்பொருள் கடத்தல்,  மனிதக் கடத்தல்கள் போன்றவற்றை மேற்கொண்டு நிதி சேகரித்து அதன் தலைமையகங்கள் இடையில் பங்கு பிரித்துக் கொள்வதே.

சோ: நீங்கள் அன்னியர்கள்; நாங்களும் சிங்களர்களும் சகோதரர்கள்;

இது வேறு; அது வேறு! – சோ 

‘வங்காள தேசத்தை உருவாக்கியது போல, இலங்கையில் தமிழர்களுக்குத் தனி ஈழம் என்ற தேசத்தை மத்திய அரசு ஏற்படுத்தித் தர வேண்டும்’ – என்று பாராளுமன்றத்தில் தமிழக எம்.பி.க்கள் சிலர் பேசியுள்ளனர். பங்களாதேஷ் விவகாரத்தையும், இலங்கை விவகாரத்தையும் ஒப்பிட்டுப் பேசுவதே தவறு. பங்களா தேஷீக்கும், பாகிஸ்தானுக்கும் இடையே 1600 கிலோ மீட்டருக்கு இந்தியப் பகுதி இருக்கிறது. அதாவது பங்களாதேஷ், பாகிஸ்தானுடன் ஒட்டி இல்லை. நடுவே இந்தியா இருக்கிறது. பங்களாதேஷில் தேர்ந்தெடுக்கப்பட்ட அரசை பதவி ஏற்க முடியாமல் பாகிஸ்தான் செய்தபோது, அங்கே கிளர்ச்சி எழுந்தது. பாகிஸ்தான் ராணுவம் அந்தக் கிளர்ச்சியை அடக்க முற்பட்டபோது, இந்தியாவுக்கு லட்சக்கணக்கான அகதிகள் வந்துவிட்டார்கள். இந்திய எல்லைப் பிரதேசங்களில் ஜனத்தொகையின் சதவிகிதங்களே மாறிவிடும் என்கிற அளவுக்கு, அகதிகள் வருகை அதிகரித்து விட்டது; நமது உதவி நாடப்பட்டது. இந்த நிலையில் அங்கு தோன்றிய கிளர்ச்சிக்கு இந்தியா ஆதரவளித்தது. இதில் ஒரு அம்சமும் இலங்கைத் தமிழர் பிரச்சனையில் இல்லை. இலங்கையில் வட பகுதிக்கும், தென் பகுதிக்கும் இடையே இந்தியப் பகுதி இல்லை; அகதிகள் வரவு, கவலைக்கிடமளிக்கிற அளவிற்கும் போகவில்லை. இலங்கைத் தமிழர் விஷயத்தை எடுத்துக் கொண்டால், அங்கு விடுதலைப் புலிகள் இந்திய உதவியை நன்றாகப் பெற்று, இந்தியாவினால் ஆயுதப் பயிற்சி அளிக்கப்பட்டு, நிதியும் பெற்று, அதன் பிறகு இந்தியாவையே பார்த்து, ‘நீங்கள் அன்னியர்கள்; நாங்களும் சிங்களர்களும் சகோதரர்கள்; எங்களுக்குள் ஆயிரம் பிரச்சனை இருக்கும். அதில் அன்னியர்களான நீங்கள் தலையிட வேண்டியதில்லை’ என்று கூறினர். இப்படிப்பட்ட விடுதலைப் புலிகளை மீறி, இந்தியா, இலங்கைத் தமிழர்களுக்கு சிங்களவர்களோடு சம உரிமை பெற்றுத் தர ஒரு ஒப்பந்தத்தையே உருவாக்கியது. அதுவும் இலங்கைத் தமிழர்கள் சார்பில் நிராகரிக்கப்பட்டது. இந்திய ராணுவத்தினர் மீது என்னென்ன அவதூறு சொல்ல நினைத்தார்களோ – இப்போது சிங்கள ராணுவத்தினர் மீது சொல்கிறார்களோ அது போல – அத்தனையும், இலங்கைத் தமிழர்கள் சார்பில் சொல்லப்பட்டது. இத்தனைக்கும் பிறகு, பங்களாதேஷையும் இலங்கை தமிழர் பிரச்சனையையும் ஒப்பிட்டு, இந்தியாவின் குறுக்கீட்டைக் கோருவது சரியல்ல.

ஸ்பெக்ட்ரம்' வழக்கு; அரசியல் நோக்கில் நடக்கிறது: கருணாநிதி

சென்னை :"ஸ்பெக்ட்ரம்' வழக்கு, அரசியல் நோக்கத்தோடு நடத்தப்படுகின்ற வழக்காகவே தெரிகிறது' என, தி.மு.க., தலைவர் கருணாநிதி குற்றம் சாட்டியுள்ளார்.

தி.மு.க., தலைவர் கருணாநிதி வெளியிட்டுள்ள அறிக்கை:" ஸ்பெக்ட்ரம்' ஒதுக்கீட்டில் கைதாகியிருக்கும் பலருக்கு, விசாரணை ஏதுமில்லாமல், ஜாமினும் வழங்கப்படவில்லை."ஸ்பெக்ட்ரம்' முறைகேடு குறித்து, வழக்கு நடக்கும் கோர்ட்டில், ஏதேதோ காரணங்களைக் கூறி, காலம் கடத்திக் கொண்டேயிருக்கிறார்கள்.இந்த ஒதுக்கீடு விவகாரத்தில், கடும் கண்டனங்களைத் தெரிவித்து செய்தி வெளியிட்ட பல ஏடுகள் கூட, ஜாமின் வழங்காமல் இருப்பதையும் கண்டித்து, கட்டுரை மற்றும் தலையங்கம் எழுதியுள்ளன.இந்த வழக்கில், முன்னாள் மத்திய அமைச்சர் ராஜா மற்றும் சிறையிலே உள்ள பல நிறுவனங்களைச் சேர்ந்தவர்களும்,"ஸ்பெக்ட்ரம்' ஒதுக்கீட்டுப் பிரச்னையில், ஏதோ ஒரு வகையில் சம்பந்தப்பட்டிருந்ததாகச் சொல்லப்பட்டபோதிலும்; கனிமொழி, சரத்குமார் மீது, கலைஞர் "டிவி' சம்பந்தமான காசோலை கொடுக்கல், வாங்கல் என்ற நிலையில் தான் குற்றம் சாட்டப்பட்டுள்ளது.

UK MP -brain binley : இலங்கை மீது பிரயோகிக்கப்படக் கூடாது பிரிட்டன்

வெளிநாட்டு அழுத்தங்கள் இலங்கை மீது பிரயோகிக்கப்படக் கூடாது பிரிட்டன் கன்சர்வேடிவ் கட்சியின் நாடாளுமன்ற உறுப்பினர்-MP-brain binley!

இலங்கை மீது வெளிநாட்டு அழுத்தங்கள் பிரயோகிக்கப்படக் கூடாது என்று பிரிட்டன் கன்சர்வேடிவ் கட்சியின் நாடாளுமன்ற உறுப்பினர் கருத்து வெளியிட்டுள்ளார்.
பிரிட்டன் கன்சர்வேடிவ் கட்சியின் நாடாளுமன்ற உறுப்பினரும், பிரிட்டன் அனைத்துக் கட்சி பாராளுமன்ற உறுப்பினர் குழுவின் செயலாளருமான பிரையன் பின்லே என்பவரே பிரித்தானிய நாடாளுமன்றத்தில் நடைபெற்ற இந்திய உபகண்ட நாடுகளின் மனித உரிமைகள் தொடர்பான விவாதத்தில் கலந்து கொண்டு உரையாற்றும்போதே அவர் மேற்கண்ட கருத்தினை வெளியிட்டுள்ளார்.

சமூக சேவகரான டிராபிக் ராமசாமி

ஸ்பெக்ட்ரம் வழக்கு நீர்த்துப் போகும் காரணம் என்ன?

ஒருலட்சத்து எழுபத்தாறாயிரம் கோடிகள் எனும் பிரம்மாண்டம் அளித்த அதிர்ச்சி மயக்கத்திற்கு இப்போது சி.பி.ஐ விசாரணையின் பித்தலாட்டங்கள் தண்ணீர் தெளித்து எழுப்பி விட்டுக் கொண்டிருக்கிறது

ஸ்பெக்ட்ரம் ஒதுக்கீடு தொடர்பாக நடந்த பிரம்மாண்டமான ஊழலை மத்திய கணக்குத் தணிக்கை அதிகாரியின் அறிக்கை அம்பலப்படுத்தியதைத் தொடர்ந்து நாடே அதிர்ச்சியில் ஆழ்ந்தது.  நாமோ அப்போதே இதை வெறும் ஊழல் மட்டுமல்ல – கார்ப்பரேட் பகற்கொள்ளை என்றோம். மட்டுமல்லாமல், இந்த ஊழல் தனியார்மய தாராளமயக் கொள்(ளை)கை  எனும் அடித்தளத்தில் நிற்கிறது என்பதை எமது பதிவுகளிலும், பத்திரிகைகளிலும் சுட்டிக் காட்டி எழுதினோம். தனியார்மயத்தை  ஆதரித்துக் கொண்டே ஸ்பெக்ட்ரம் ஒதுக்கீட்டை  ஊழல் என்று தனியாக பிரிக்க முடியாது என்பதையும் வலியுறுத்தியிருந்தோம்.
கடந்த மாதத்தில் அண்ணா ஹசாரேவின் ஊழல் எதிர்ப்பு சர்க்கஸ் நடந்து கொண்டிருந்த அதே சமயத்தில் இந்த வழக்கு விசாரணைகளில் நடந்துள்ள சில முக்கியமான விஷயங்கள் ஏற்கனவே நாம் வைத்த வாதங்களை மெய்பிப்பதாக உள்ளது. ஸ்பெக்ட்ரம் ஒதுக்கீட்டில் முதலில் ஒரு லட்சத்து எழுபத்தாறாயிரம் கோடிகள் இழப்பு ஏற்பட்டதாக மத்திய கணக்குத் தணிக்கை அதிகாரி தனது அறிக்கையில் தெரிவித்திருந்தார். அதைத் தொடர்ந்து ஸ்பெக்ட்ரம் ஊழல் தேசிய அளவிலான ஒரு விவாதப் பொருளாக ஆனபின் உச்சநீதிமன்ற உத்திரவின் கீழ் விசாரணையைத் துவக்கும் சிபிஐ, இதில் சுமாராக முப்பதாயிரம் கோடிகள் அளவுக்கு ஊழல் நடந்திருக்கலாம் என்று ஒரு குத்துமதிப்பாக தனது விசாரணை அறிக்கையில் குறிப்பிட்டது.
பின்னர், இந்த ஊழலில் குறிப்பாக ஏற்பட்ட இழப்பின் அளவு என்ன என்பதை தொலை தொடர்புத்துறை ஒழுங்குமுறை ஆணையத்திடம் ஜனவரி 19-ம் தேதி சி.பி.ஐ கேட்டது. இதற்காக ஒரு ‘நிபுணர்’ குழுவை தொலைதொடர்புத் துறை ஒழுங்குமுறை ஆணையம் (டிராய்) அமைத்தது. சி.பி.ஐயிடம் செப்டெம்பர் முதல் வாரத்தில் தனது அறிக்கையை சமர்ப்பித்த அக்குழு, அதில், ஸ்பெக்ட்ரம் ஒதுக்கீட்டில் இழப்பு ஏதும் இல்லையென்றும், நியாயமாகப் பார்த்தால் மூவாயிரம் கோடியில் இருந்து ஏழாயிரம் கோடிகள் வரை லாபம் கிடைத்துள்ளது என்றும் குறிப்பிட்டிருந்தது.

இலவசங்களே கூடாது என்று கூப்பாடு பார்ப்பன ஊடகங்கள் இப்போது இலவச துதிபாடிக் கொண்டிருக்கின்றன.

ஏழைகளின் கோவணத்தைப் பிடுங்காத குறையாக வரிவிதிப்பைத் தீவிரப்படுத்துவது, தமிழனைப் போதையில் தள்ளி சாராயத்தின் மூலம் கிடைக்கும் கொழுத்த வருவாயிலிருந்து எலும்புத்துண்டு போல கவர்ச்சித் திட்டங்களுக்கு வாரியிறைப்பது என்ற உத்தியுடன் கிளம்பியிருக்கிறது, பாசிச ஜெயா அரசு. தமிழச்சிகளின் தாலியறுத்து இலவச கலர் டிவிக்களை கருணாநிதி கொடுத்தார் என்றால், அதே சாராய உத்தியோடு கலர் டிவிக்களுக்குப் பதிலாக மிக்சி, கிரைண்டரைக் கொடுக்கக் கிளம்பியிருக்கிறார், ஜெயலலிதா. மதுபானங்கள் மூலம் கடந்த ஆண்டில் ரூ. 6,246 கோடி கிடைத்த விற்பனை வரி, இந்த ஆண்டு ரூ. 7,755 கோடியாக அதிகரிக்கும் என்றும், கடந்த ஆண்டைவிட கலால் வரி மூலம் ரூ. 2,076 கோடி கூடுதலாகக் கிடைக்கும் என்றும் ஜெயா அரசின் 201112ஆம் ஆண்டுக்கான திருத்தப்பட்ட நிதிநிலை அறிக்கையில்(பட்ஜெட்டில்) தெரிவிக்கப்பட்டுள்ளது. அதாவது, முந்தைய கருணாநிதி ஆட்சியைப் போலவே தமிழக மக்களைக் குடிபோதையில் ஆழ்த்தி, சாராய விற்பனை மூலம் கூடுதலாகக் கொள்ளையடிக்க ஜெயா அரசு தீர்மானித்துள்ளது.
இலவசத் திட்டங்களை தி.மு.க. அரசு அறிவித்தபோதெல்லாம், மக்களை ஏழைகளாக வைத்திருக்கும் திட்டங்கள் என்று கேலி செய்த ஜெயலலிதா, இப்போது 6ஆம் வகுப்பு முதலாக மாணவர்களுக்கு பேண்ட் சர்ட், மாணவிகளுக்கு சல்வார் கமீஸ், ஏழைகளுக்கு மிக்சிகிரைண்டர், மின்விசிறி, மேல்நிலைப்பள்ளி மற்றும் கல்லூரி மாணவர்களுக்கு லேப்டாப்  என 8,900 கோடி ரூபாய்க்குப் புதிய திட்டங்களையும் சலுகைகளையும் பட்ஜெட்டில் அறிவித்துள்ளதோடு, வறுமையில் வாடும் குடும்பங்களுக்கு ஆடுமாடுகள் தரப்போவதாகவும் அறிவித்துள்ளார்.

கூடங்குளம் அணுமின் நிலையம் பாதுகாப்பானது: முதல்வர் விளக்கம்!

சென்னை: கூடங்குளம் அனுமின் நிலையம் பாதுகாப்பானது என்பதால் யாரும் எந்தவித அச்சமும் கொள்ளத் தேவையில்லை. எனவே உண்ணாவிரதப் போராட்டத்தை அப்பகுதி மக்கள் கைவிட வேண்டும் என்று முதல்வர் ஜெயலலிதா கேட்டுக் கொண்டுள்ளார்.

இதுகுறித்து அவர் வெளியிட்ட அறிக்கை:

இந்தியாவில் தற்போது 20 அணு உலைகள், தமிழ்நாடு உள்ளிட்ட 6 மாநிலங்களில் இயங்கி வருகின்றன. இவற்றின் மொத்த நிறுவு திறன் 4,780 மெகாவாட். உலக அளவில் எடுத்துக் கொண்டால், சுமார் 47 நாடுகளில், மொத்தம் 3,78,910 மெகாவாட் நிறுவு திறன் கொண்ட அணு மின் நிலையங்கள் செயல்பட்டு வருகின்றன.

திருநெல்வேலி மாவட்டம், கூடங்குளத்தில் 1,000 மெகாவாட் திறன் கொண்ட இரண்டு அணு மின் நிலையங்களை அமைப்பதற்கு, 1988 ஆம் ஆண்டு இந்தியா மற்றும் சோவியத் ரஷ்யாவின் இடையே ஒரு ஒப்பந்தம் கையெழுத்தானது. பின்னர் 1998 ஆம் ஆண்டு மீண்டும் ஒரு ஒப்பந்தம் போடப்பட்டு, இரு நாடுகளும் மேற்கொள்ள வேண்டிய பணிகள் குறித்த ஒப்பந்தம் 2001 ஆம் ஆண்டு ஏற்படுத்தப்பட்டது. இந்திய அணு மின் கழகத்தால் 2001 ஆம் ஆண்டு பணிகள் துவக்கப்பட்டு, தற்போது முதல் மின் நிலையத்தின் பணிகள் முடிவடையும் நிலையில் உள்ளன. இரண்டு மின் நிலையங்களின் பணிகளும் முடிவடைந்தவுடன், இந்த அணு மின் நிலையத்தில் இருந்து தமிழ்நாட்டிற்கு 925 மெகாவாட் மின்சாரம் கிடைக்கப் பெறும்.

சில மாதங்களுக்கு முன்னர் ஜப்பானில் உள்ள புகுஷிமாவில் சுனாமியால் ஏற்பட்ட பாதிப்பின் காரணமாக, புகுஷிமா அணு மின் நிலையத்தில் ஏற்பட்ட கதிரியக்க பிரச்சனை காரணமாக, இந்தியாவில் உள்ள அணு மின் நிலையங்களில் உள்ள பாதுகாப்பு ஏற்பாடுகள் குறித்து, சில ஐயப்பாடுகள் மக்கள் மனதில் எழுந்துள்ளன.

செக்ஸ், காதல் பாடத்தை கட்டாயமாக்கிய சீனா

பீஜிங்: இந்த மாதம் முதல் சீனாவில் உள்ள அனைத்துக் கல்லூரிகளிலும் செக்ஸ் மற்றும் காதல் பாடங்களை உள்ளடக்கிய உளவியல் படிப்பு கட்டாயப் பாடமாக்கப்படுகிறது.

சீனாவில் உள்ள அனைத்துக் கல்லூரிகளிலும் இந்த மாதம் முதல் செக்ஸ் மற்றும் காதல் பாடங்களைக் கொண்ட உளவியல் படிப்பு கட்டாயப் பாடமாகிறது.

அதிமுக வேட்பாளர்கள் அறிவிப்பு: 6 பேர் பெண்கள்

செ‌ன்னை மாநகரா‌ட்‌‌சி மேய‌ர் தேர்தலில் அதிமுக வே‌ட்பாளராக சைதை துரைசா‌மியும், மதுரை ‌மாநகரா‌ட்‌சி மேய‌‌ர் வே‌ட்பாள‌ராக வி‌.வி.ராஜ‌ன் செ‌ல்ல‌ப்பாவு‌ம் ‌நிறு‌த்த‌ப்ப‌ட்டு‌ள்ளன‌ர்.

தமிழகத்தில் உள்ளாட்சி அமைப்புகளுக்கு வரும் அக்டோபர் மாதம் தேர்தல் நடக்கிறது.

இந் நிலையில் தமிழகத்தில் உள்ள 10 மாநகராட்சிகளில் மேயர் தேர்தலில் போட்டியிடும் அதிமுக வேட்பாளர்கள் பட்டியலை அக் கட்சியின் பொதுச் செயலாளரும் முதல்வருமான ஜெயலலிதா இன்று அறிவித்தார்.

10ல் 6 மேயர் பதவிகளுக்கு பெண்கள்:

இதில் திருச்சி, நெல்லை,வேலூர், தூத்துக்குடி, ஈரோடு, திருப்பூருக்கு பெண் வேட்பாளர்களை அறிவித்துள்ளார்.

வேட்பாளர்கள் விவரம்:

1. சென்னை - சைதை துரைசாமி
2. மதுரை - வி.வி.ராஜன் செல்லப்பா
3. திருச்சி - எம்.எஸ்.ஆர்.ஜெயா
4. சேலம் - சவுண்டப்பன்
5. கோவை - செ.ம.வேலுசாமி
6. நெல்லை - விஜிலா சத்தியானந்த்
7. வேலூர் - கார்த்தியாயிணி
8. ஈரோடு - மல்லிகா பரமசிவம்
9. திருப்பூர் - திருப்பூர் ஆர்.விசாலாட்சி
10. தூத்துக்குடி - எல்.சசிகலா புஷ்பா

டிராபிக் ராமசாமி மனு ஜெயலலிதாவை முதல்வர் பதவிலிருந்து நீக்கக் கோரி உச்ச நீதிமன்றத்தில்

டெல்லி: வருமானத்துக்கு அதிகமாக சொத்துக் குவித்ததாக வழக்கு உள்ளதால் தமிழக முதல்வர் ஜெயலலிதாவை முதல்வர் பதவியிலிருந்து நீக்க வேண்டும் என்று கோரி சமூக சேவகரான டிராபிக் ராமசாமி உச்ச நீதிமன்றத்தில் மனு தாக்கல் செய்துள்ளார்.

அதில், உயர் பதவி வகிப்பவர்கள் அப்பழுக்கற்றவர்களாக இருக்க வேண்டும் என்று கூறி, மத்திய ஊழல் கண்காணிப்பு ஆணையராக இருந்த சி.வி. தாமஸைப் பதவி நீக்கம் செய்ய உச்ச நீதிமன்றம் உத்தரவிட்டது.

உயர் பதவிகளில் இருப்பவர்கள் மீது குற்றச்சாட்டு எழுந்தால் உச்ச நீதிமன்றம் கேள்வி எழுப்ப அதிகாரம் உள்ளது என்று தாமஸ் வழக்கில் நீதிமன்றம் தீர்ப்பு வழங்கியுள்ளது.

இது போன்ற குற்றச்சாட்டுகளில் தனி நபரின் குணத்துக்குத்தான் முக்கியத்துவம் அளிக்க வேண்டுமே தவிர பதவிக்கு முக்கியத்துவம் அளிக்கக் கூடாது என்று 2009ல் நீதிபதி கண்ணதாசன் வழக்கில் உச்ச நீதிமன்றம் கருத்துத் தெரிவித்தது.

ஊழல் குற்றம் சாட்டப்பட்ட கர்நாடக முதல்வர் எதியூரப்பா, மகாராஷ்டிர முதல்வர் அசோக் சவாண் ஆகியோர் பதவி விலகியுள்ளனர்.

தமிழக முதல்வராக உள்ள ஜெயலலிதா மீது கடந்த 14 ஆண்டுகளாக சொத்துக் குவிப்பு வழக்கு நடைபெற்று வருகிறது. எனவே அவர் முதல்வர் பதவியில் நீடிக்கக் கூடாது. அவரைப் பதவி நீக்கம் செய்ய உச்ச நீதிமன்றம் நடவடிக்கை எடுக்க வேண்டும்.

ஊழல் குற்றச்சாட்டுகள் சுமத்தப்பட்டவர்கள் உயர் பதவியில் வகிக்கக் கூடாது என்பது தொடர்பான விதிமுறைகளை உச்ச நீதிமன்றம் வகுக்க வேண்டும் என்று கூறப்பட்டுள்ளது

ஜெயலலிதா அதிரடி : கூட்டணிக்கட்சிகள் அதிர்ச்சி

10 மாநகர மேயர் பதவிக்கும் அதிமுக வேட்பாளர்களை அறிவித்துள்ளார் ஜெயலலிதா.
அதிமுகவின் இந்த அதிரடி அறிவிப்பால் தேமுதிக உள்பட கூட்டணிக்கட்சிகள் அனைத்தும் அதிர்ச்சி அடைந்துள்ளன.
கூட்டணியில் உள்ள தேமுதிக, மார்க்சிஸ்ட், இ.கம்யூனிஸ்ட்க்கு ஒரு இடம் கூட இல்லை என்பதால் அரசியல் வட்டத்தில் பெரும் பரபரப்பு கிளம்பியுள்ளது

தமிழ், முஸ்லிம், சிங்களம் என்ற பொலிஸாரை நியமிக்க வேண்டிய தேவை இல்லை!

வடக்கில் உள்ள பொலிஸ் நிலையங்களுக்குத் பொலிஸாரின் நியமனத்தில் தமிழ், முஸ்லிம், சிங்களம் என்ற பொலிஸாரை நியமிக்க வேண்டிய தேவை இல்லை!

வடக்கில் உள்ள பொலிஸ் நிலையங்களுக்குத் தமிழ்ப் பொலிஸாரை நியமிக்க வேண்டிய தேவை இல்லை என்றும் அவ்வாறானதொரு தேவை இருப்பின் அதனை அமெரிக்காவுக்குள் அவர் அமுல்படுத்தட்டும் எனவும் பாதுகாப்புச் செயலாளரான கோதபாய ராஜபக்ஷ தெரிவித்துள்ளார்.அண்மையில் இலங்கை வந்திருந்த அமெரிக்க ராஜாங்கச் செயலாளர் தெரிவித்திருந்த கருத்துக்குப் பதிலளிக்கும் வகையிலேயே அவர் இவ்வாறு தெரிவித்துள்ளார்.

சிதம்பரத்துடன் ஆலோசித்தே முடிவெடுத்தேன்-ராசா

டெல்லி: ப.சிதம்பரம் நிதியமைச்சர் இருந்தபோது அவருடன் ஆலோசித்த பிறகே ஸ்பெக்ட்ரம் உரிமத்துக்கான விலை நிர்ணயிக்கப்பட்டதாக சிபிஐ சிறப்பு நீதிமன்றத்தில் முன்னாள் அமைச்சர் ராசா நேரில் வாதாடினார்.

2ஜி ஸ்பெக்ட்ரம் வழக்கில் ராசா, திமுக எம்பி கனிமொழி ஆகியோர் உள்பட 17 பேர் மீது குற்றச்சாட்டுகளை பதிவு செய்வது குறித்து டெல்லி சிபிஐ சிறப்பு நீதிமன்றம் நேற்று தனது தீர்பபை வழங்கும் என்று எதிர்பார்க்கப்பட்டது.

ஆனால், 2ஜி ஸ்பெக்ட்ரம் விற்பனை தொடர்பாக தொலைத் தொடர்பு ஒழுங்குமுறை ஆணையமான டிராய் வெளியிட்ட விளக்கங்கள், சட்ட அமைச்சகம் வெளியிட்ட கருத்து ஆகியவற்றை நீதிமன்றத்தில் தாக்கல் செய்யாத வரை, நீதிமன்றத்தில் சிபிஐ குற்றச்சாட்டுகளை பதிவு செய்ய அனுமதிக்கக் கூடாது என்று ராசா, கனிமொழி ஆகியோரின் வழக்கறிஞர்கள் கோரிக்கை விடுத்தனர்.

ராசா தானே ஆஜாராகி வாதாடுகையில், 2008ம் ஆண்டுக்கு பிறகு வழங்கப்படும் 6.2 மெகாஹெர்ட்ஸுக்கு மேல் உள்ள ஸ்பெக்ட்ரம் உரிமங்களுக்கு அதிக கட்டணம் வசூல் செய்ய வேண்டும் என்று தொலைத் தொடர்பு ஒழுங்குமுறை ஆணையத்துக்கு (டிராய்) நான் பரிந்துரை செய்தேன்.

அதன் பின்னர்தான் அப்போதைய நிதியமைச்சர் ப. சிதம்பரத்துடன் ஆலோசித்து உரிமங்களுக்கு கட்டணங்கள் நிர்ணயம் செய்யப்பட்டன.