கண் விழித்தார் ஜெ.அன்பழகன்

மின்னம்பலம் : ஜூன் 2 ஆம் தேதி சென்னை குரோம்பேட்டை ரேலா மருத்துவமனையில் சேர்க்கப்பட்ட திமுக மாசெவும், சட்டமன்ற உறுப்பினருமான ஜெ. அன்பழகன் கொரோனா தொற்றால் பாதிக்கப்பட்டிருக்கும் நிலையில்... ஐசியுவில் தீவிர சிகிச்சை அளிக்கப்பட்டு வருகிறது. இன்றைய நிலவரப்படி அவரது உடல் நிலையில் முன்னேற்றம் தென்பட்டு வருகிறது.
ஜூன் 4 ஆம் தேதி ரேலா மருத்துவமனை வெளியிட்ட செய்திக் குறிப்பில், “ஜெ. அன்பழகனுக்கு 80% செயற்கை சுவாசம் அளிக்கப்பட்டு வருகிறது” என்று தெரிவிக்கப்பட்டது. ஜூன் 5 ஆம் தேதி சுகாதாரத் துறை அமைச்சர் விஜயபாஸ்கர் ரேலா மருத்துவமனைக்குச் சென்று அன்பழகனின் உடல் நிலை பற்றி விசாரித்து அறிந்தார்.

உத்தர பிரதேசம்...25 பள்ளிகளில் மாதம் ரூ.1 கோடி வரை சம்பளம் பெற்ற அரசு பள்ளி ஆசிரியை..

splco.me/tam/ :பகிர்வுகள் 895 : அரசு பள்ளி ஆசிரியை ஒருவர் ஒரே நேரத்தில் 25 பள்ளிகளில் பணியாற்றி ரூ.1 கோடி வரை சம்பளமாக பெற்றதாக கூறப்படும் சம்பவம் பெரும் அதிர்ச்சியை ஏற்படுத்தியுள்ளது.
உத்தரப் பிரதேச மாநிலத்தில் கஸ்தூரிபா காந்தி பாலிகா வித்யாலயா பள்ளிகள் மிகவும் பிரபலம். இவை சமூகத்தில் விளிம்பு நிலையில் இருக்கும் பெண் குழந்தைகளுக்காக ஏற்படுத்தப்பட்டது. இதில் மாணவிகள் தங்கி படிக்க வசதி செய்யப்பட்டுள்ளது. மாவட்டந்தோறும் அமைந்துள்ள இப்பள்ளிகளில் ஏராளமான ஆசிரியர்கள் பணியாற்றி வருகின்றனர். அவர்களில் ஒருவர் அனாமிகா சுக்லா.
மெயின்புரி நகரில் உள்ள கஸ்தூரிபா காந்தி பாலிகா வித்யாலயா (KGBV) பள்ளியில் முழு நேர ஆசிரியையாக பணியாற்றி வருகிறார். மாத சம்பளமாக இப்பள்ளியில் 30 ஆயிரம் ரூபாய் பெற்று கொண்டிருக்கிறார். ஆனால் அனாமிகா சுக்லா பற்றி சமீபத்தில் அதிர்ச்சியூட்டும் தகவல்கள் வெளியாகி உள்ளன.

3 நீதிபதிகளுக்கு கொரோனா: சென்னை உயர் நீதிமன்றம் மூடப்பட்டது

தினமலர் : சென்னை உயர் நீதி மன்றில்  3 நீதிபதிகளுக்கு கொரோனா தொற்று. இதைத்தொடர்ந்து ஐகோர்ட்டு மூடப்பட்டது. நீதிபதிகள் வீடுகளில் இருந்தபடி அவசர வழக்குகளை மட்டும் விசாரிப்பார்கள் என்று அறிவிக்கப்பட்டு உள்ளது. சென்னை ஐகோர்ட்டு கொரோனா வைரஸ் காரணமாக அறிவிக்கப்பட்ட ஊரடங்கை தொடர்ந்து, தமிழகத்தில் உள்ள அனைத்து கோர்ட்டுகளிலும் பணிகள் நிறுத்தி வைக்கப்பட்டன. அவசர வழக்குகள் மட்டும் காணொலி காட்சி மூலம் விசாரணைக்கு எடுத்து கொள்ளப்பட்டன.
சென்னை ஐகோர்ட்டில், 2 டிவிசன் பெஞ்சுகள், ஒரு நீதிபதி கொண்ட 5 அமர்வுகள் என்று மொத்தம் 7 அமர்வுகள் அவசர வழக்குகளை மட்டும் விசாரித்து வந்தன. ஐகோர்ட்டு வளாகத்துக்குள் யாரையும் அனுமதிக்கவில்லை. கிட்டத்தட்ட 2 மாதங்களுக்கு மேலாக பின்பற்றப்பட்ட இந்த நடைமுறை, கடந்த 1-ந் தேதி முடிவுக்கு வந்தது.
இதைத்தொடர்ந்து, சென்னை ஐகோர்ட்டு ஊழியர்கள் 3 பிரிவுகளாக பிரிக்கப்பட்டு வாரத்துக்கு 2 நாட்கள் என்ற வீதம் பணியாற்றினர். ஐகோர்ட்டு நீதிபதிகள் அனைவரும் ஐகோர்ட்டுக்கு வந்து கோர்ட்டு அறையில் இருந்தபடி, காணொலி காட்சி மூலம் அவசர வழக்குகள் என்று இல்லாமல் அனைத்து வகையான வழக்குகளையும் விசாரணைக்கு எடுத்தனர். மொத்தம் 33 அமர்வுகள் சென்னை ஐகோர்ட்டில் செயல்பட்டன.

தமிழகத்தில் நாளை முதல் உணவகங்களுக்கு அனுமதி!

தமிழகம் முழுவதும் நாளை (ஜூன் 8) முதல் ஹோட்டல்களில் அமர்ந்து உணவு அருந்தலாம் என்று தமிழக அரசு அறிவித்துள்ளதால் அதற்கேற்ப தமிழகத்தில் உள்ள உணவகங்கள் தயாராகின்றன.
தமிழகத்தில் ஊரடங்கு உத்தரவு, புதிய தளர்வுகளுடன் இம்மாதம் 30ஆம் தேதிவரை நீட்டிக்கப்பட்டுள்ளது. மத்திய அரசு உத்தரவின்படி 8ஆம் தேதி (நாளை) முதல் உணவகங்களில் அமர்ந்து உணவு அருந்த தமிழக அரசு அனுமதி அளித்துள்ளது. உணவகங்களில் சமூக இடைவெளியைக் கடைப்பிடிக்கும் நோக்கத்துடன் உணவகங்களில் உள்ள மொத்த இருக்கைகளில் 50 சதவிகித இருக்கைகள் மட்டும் வாடிக்கையாளர்கள் அமர்ந்து உணவு அருந்த அனுமதியளித்துள்ளது. ஆனால், உணவகங்களில் குளிர்சாதன வசதி இருந்தாலும் அதை இயக்கக் கூடாது உட்பட கட்டுப்பாடுகள் விதிக்கப்பட்டுள்ளன.

வடதுருவ பிரதேசத்தில் ரஷிய டீசல் டேங் கசிவு .. அவசர நிலை பிரகடனம்

Janaki Karthigesan Balakrishnan : வடக்கில் அதிகுளிரான பிரதேசங்களில்
நிலத்தடிக்கீழ் நீர் உறைந்த நிலையிலேயே காணப்படும். இந்த ஐஸ் நிலையிலுள்ள நிலம் permafrost என்றழைக்கப்படும். தமிழில் நிரந்தர உறைவு எனக் கருதலாம். ஐஸ் கடினமானதென்பதாலேயே, உறைநிலையை அடைந்த ஏரிகள் மட்டப்படுத்தப்பட்டு குளிர்காலங்களில் வாகனப் போக்குவரத்திற்கு வீதிகள் அமைத்துப் பயன்படுத்தப்படுவதாக முன்பொரு பதிவில் தெரிவித்தேன். இந்தப் permafrost உம் அதிகனத்தைத் தாங்கக் கூடியதாகவே கருதப்படுகிறது.
வடக்கில் கட்டிடங்களும், வேறு கட்டமைப்புகளும் நிர்மாணிக்கப்படும் போது permafrost உம் foundation இன் ஒரு பகுதியாகக் கருதப்பட்டு கட்டியெழுப்பப் படுகின்றன. ஆனால் தற்போது climate change இன் தாக்கம் நிலத்தடிக்கீழ் உறைந்த நீரை சிறிது சிறிதாக உருக வைக்கிறது. இதனால் ஆரம்பத்தில் கட்டமைப்புகளுக்கென கணிக்கப்பட்ட foundation strength தக்க வைக்கப்படாமல் குறைந்து கொண்டு செல்கிறது. இதனால் சில கட்டிடங்கள், வீதிகள் பதிந்து கொண்டு போவதை அவதானிக்கலாம். இது மிகவும் பாதிப்பை ஏற்படுத்தும் விடயமாகும்.

10, 11, 12 ஆம் வகுப்பு மாணவர்களுக்கான பொதுத் தேர்வு குறித்த அரசாணை வெளியீடு !

வெப்துனியா : பொதுத்தேர்வு எழுத வரும் மாணவர்களுக்கு காய்ச்சல் இருப்பது தெரியவந்தால் அவர்கள் விருப்பத்தின் அடிப்படையில் வீட்டுக்கு அனுப்பி வைக்கப்படுவர் என பேரிடர் மேலாண்மைத்துறை தெரிவித்துள்ளது. இதுகுறித்து பேரிடர் மேலாண்மை கூறியுள்ளதாவது :
 வீட்டிற்கு அனுப்பப்படும் மாணவர்கள் துணைத்தேர்வில் விடுபட்ட தேர்வுகளை எழுதிக் கொள்ளலாம் ; காய்ச்சல் இருந்தாலும் மாணவர்கள் விரும்பினால் தனி அறையில் தேர்வு எழுத அனுமதிக்கப்படுவர் என தெரிவிக்கப்பட்டுள்ளது. 10,11, 12 ஆம் வகுப்பு மாணவர்களுக்கான பொதுத்தேர்வு குறித்த வழிமுறைகள் வெளியிடப்பட்டுள்ளது.
அதில், 37 டிகிரி செல்சியஸ் வெப்பநிலை இருந்தால் மட்டுமே மாணவர்கள் தேர்வு எழுத அனுமதிக்கப்படுவர். கைதொடா கருவி மூலம் காலையிலும் மாலையிலும் அவர்கள் பரிசோதனை மேற்கொள்ள வேண்டும் என கூறப்பட்டுள்ளது.

ஆனையிறவு முகாம் தாக்குதல் எப்படி சாத்தியமானது ? கிழக்கு போராளிகளின் குரல் ..

எதிரிகளின் சிம்ம சொப்பனம் உண்மையான சமர்க்கள நாயகன் மட்டக்களப்பு மண் ஈன்றெடுத்த மாவீரன் கருணா அம்மான் புலிகளின் வரலாற்றை எழுதுவதென்றால் கருணா என்ற கதாநாயகன் இல்லாமல் எப்படி எழுத முடியும் பெரும் சமர்க்கள நாயகனாக கிழக்கின் விடிவெள்ளியாக இளைஞர்களின் ஹீரோவாக ஜெயசிக்குறு இராணுவத்திற்கு சிம்ம சொப்பனமாக விளங்கிய எங்கள் மட்டு மண்ணின் மைந்தன் உண்மையாக இருந்த இந்த காவல் தெய்வத்தையும் இவன் படையையும் சீண்ட அந்த புலிப்படையையே காணாமல் போனது வரலாறு ஆக இத்தனை காலமும் புலிகளை பாதுகாத்த காவல் தெய்வம
Reginold Rgi : ஆனையிறவு பெரும் தளத்தை கைப்பேற்றியது யார்ர தலைமையில் என்று IBC தமிழ் ஆவணப்படுத்தினால் அது பால்ராஜ்
அதே மட்டக்களப்பில் இருந்தது ஒரு சாமானியன் Reginold
ஆவணப்படுத்துகிறான் பால்ராஜ்யே கப்பாற்றியவன் கிழக்கான் கருணாவும் அவண்ட வீரம்மிக்க கிழக்கு போராளிகளும் என்று
நிச்சயமாக ஆனையிறவு பெரும் தளத்தை கைப்பேற்றுவது என்பது அவ்வளவு இலகுவான ஒன்றல்ல 20000 மேற்பட்ட ஸ்ரீலங்கா இராணுவத்தின் சிறப்பு படையணிகள் நிலை கொண்டிருந்த முகாம் கனவில் கூட நினைத்திருக்க மாட்டார்கள் ஆனையிறவு விழும் என்று உண்மையிலே ஆரம்பத்தில் கருணா தலைமையிலான கிழக்கு போராளிகளை தலைவர் ஒதுக்கிதான் வைத்திருந்தார் பானு தான் தலைமை தாங்கினார் என்னதான் முயற்சித்தும் ஆனையிறவு புலிகளுக்கு கனவாகவே இருந்தது 19 நாட்கள் முயற்சித்தும் புலிகளால் கைப்பேற்ற முடியவில்லை சுதாரித்துக் கொண்ட தலைவர் கருணாவிடம் பொறுப்புகளை கொடுத்தார் கருணா தலைமையிலான ஜெயந்தன் படையணி ஆனையிறவு

ஜார்ஜ் கொலைக்கு நீதி கேட்கும் .. வெறும் ஒரு சில போலீஸ் மட்டும் இதை செய்யவில்லை .

tamil.oneindia.com/- Hemavandhana : நியூயார்க்: முகமெல்லாம் கோபம்.. கண்கள் முழுக்க ஆத்திரம்.. நடையில் ஒரு ஆவேசம்.. ஜார்ஜ் மரணத்துக்கு நீதி கேட்டு போராட்டத்தில் செல்லும் சிறுமி அனைவரையும் பிரமிக்க வைத்துள்ளார்.. "நீதி இல்லை என்றால், அமைதி இல்லை" என்ற சிறுமியின் முழக்க வீடியோ உலக மக்களிடையே பெரும் வைரலாகி வருகிறது.
அமெரிக்காவின் மின்னபோலிஸ் பகுதியில், கள்ள நோட்டு பயன்படுத்தியதாக ஜார்ஜ் பிளாய்ட் என்று 46 வயது கறுப்பின நபர் போலீசாரால் கொடூரமாக கொல்லப்பட்டார்.
ஜார்ஜை காருக்கு வெளியே தள்ளிவிட்டு கழுத்தில் காலை வைத்து அழுத்தியதில் அந்த இடத்திலேயே துடிதுடித்து உயிரிழந்தார்.. இது தொடர்பான வீடியோவும் சோஷியல் மீடியாவில் வெளியாகி அதிர்ச்சியை ஏற்படுத்தியது.
கருப்பு மாஸ்க் அணிந்தபடி.. 9 நிமிடங்கள் முழங்காலிட்டு கருப்பினத்தவர்களுக்கான பேரணியில் கனடா பிரதமர்

ரஜனியை விட விஜய் அதிக சம்பளம் .. இந்தியாவில் அதிகம் சம்பாதிக்கும் நடிகர்கள்!

மின்னம்பலம் : தமிழ் சினிமாவில் நட்சத்திர நடிகர்கள் நடிக்கும் படங்கள் வசூல் சாதனை நிகழ்த்துகிறதோ இல்லையோ யார் அதிக சம்பளம் வாங்குகிறார்கள் என்கிற விவாதங்களுக்கு சமூக வலைதளங்களில் குறைவிருக்காது.
இதனை ரஜினி, அஜித், விஜய் ரசிகர்கள் ஒரு வேலையாக, பிரச்சாரமாக செய்து வருகின்றனர். தமிழ்நாட்டில் அதிகம் சம்பாதிக்கும் நடிகர் ரஜினிகாந்த் என நீண்ட காலமாகவே சொல்லி வருகிறார்கள். ஆனால், அவரை விட நடிகர் விஜய் அதிக சம்பளம் வாங்குகிறார் என்பது தான் மாஸ்டர் படத்துக்கு பிந்தைய நிலைமை.
அதனை ரஜினி இனி மேல் சமன் செய்வதற்கு கூட வாய்ப்புகள் இல்லை என்கிறது தமிழ் சினிமா வட்டாரம். தமிழ் சினிமா தகவல் இப்படியிருக்க இந்தியாவில் அதிகம் சம்பாதிக்கும் நடிகர் யார் என்கிற தகவல் அதிகாரப்பூர்வமாக அறிவிக்கப்பட்டிருக்கிறது. தமிழில் ஷங்கர் இயக்கத்தில் ரஜினிகாந்த் நாயகனாக நடித்த ‘2.0’ படத்தில் வில்லனாக நடித்தவர் அக்‌ஷய் குமார்.

நடிகர் சிவகுமார் மீது திருப்பதி தேவஸ்தானம் போலீசில் .. அந்த புரட்சி பேச்சு வீடியோ இதுதான்

news18.com/tamil : திருப்பதி மலையில் தவறுகள் நடைபெறுவதாகவும், அங்கு பக்தர்கள் செல்ல வேண்டாம் என்றும் நடிகர் சிவகுமார் பேசி வெளியான வீடியோ ஒன்று தொடர்பாக தமிழ் மாயன் என்பவர் திருமலை திருப்பதி தேவஸ்தானத்திற்கு ஈமெயில் மூலம் தகவல் அனுப்பியுள்ளார்.
தமிழ் மாயன் கொடுத்த தகவலின் அடிப்படையில் திருமலை திருப்பதி தேவஸ்தான நிர்வாகம் திருப்பதி மலையில் உள்ள இரண்டாவது நகர காவல் நிலையத்தில் நடிகர் சிவக்குமார் மீது புகார் செய்யப்பட்டது. தேவஸ்தானம் அளித்த புகாரை பெற்றுக்கொண்ட போலீசார் சிவக்குமார் மீது வழக்குப்பதிவு செய்துள்ளனர்
முன்னதாக சிவகுமாரின் மருமகளும் சூர்யாவின் மனைவியுமான ஜோதிகா தஞ்சை பிரகதீஸ்வரர் கோயில் குறித்து பேசிய வீடியோ சமூகவலைதளத்தில் சர்ச்சையை ஏற்படுத்தியது. அப்போது ஜோதிகாவின் கருத்துக்கு ஆதரவாகவும் எதிராகவும் குரல்கள் எழுந்தன.விருது விழா ஒன்றில் கலந்து கொண்டு பேசிய ஜோதிகா, “எல்லோருக்கும் ஒரு கோரிக்கை, கோயிலுக்காக அதிக காசு கொடுக்கிறீர்கள். வண்ணம் பூசிப் பராமரிக்கிறீர்கள். தயவு செய்து அதே தொகையைப் பள்ளிகளுக்கும் கொடுங்கள். மருத்துவமனைகளுக்கும் கொடுங்கள். இது மிகவும் முக்கியம்’ என்று தெரிவித்திருந்தார்.

தனியார் மருத்துவமனையில் கொரோனா சிகிச்சைக்கான கட்டணத்தை நிர்ணயித்தது தமிழக அரசு

மாலைமலர் :தனியார் மருத்துவமனையில் கொரோனாவுக்கு சிகிச்சை பெறுவதற்கான கட்டணத்தை நிர்ணயம் செய்து தமிழக அரசு அறிவிப்பு வெளியிட்டுள்ளது தமிழக அரசு.
சென்னை: தமிழகத்தில் கொரோனா பாதித்தவர்களின் எண்ணிக்கை 28,694ஆக அதிகரித்துள்ளது. கொரோனாவுக்கு 15,762 பேர் குணமடைந்து வீடு திரும்பியுள்ளனர். கொரோனாவுக்கு உயிரிழந்தோர் எண்ணிக்கை 232-ஆக அதிகரித்துள்ளது. இந்நிலையில் நாளுக்கு நாள் அதிகரித்து வரும் கொரோனாவுக்கு சிகிச்சையளிக்கும் தனியார் மருத்துவமனையின் கட்டண விவரங்களை தமிழக அரசு தெரிவித்துள்ளது.
லேசான பாதிப்புள்ள நோயாளிக்கு நாளொன்றுக்கு ரூ.5,000 முதல் ரூ.7,500 வரை கட்டணமாக வசூலிக்கலாம்.
தீவிர சிகிச்சை பெறும் கொரோனா நோயாளிக்கு நாளொன்றுக்கு ரூ.15,000 வரை கட்டணம் வசூலிக்கலாம். மேலும் நிர்ணயிக்கப்பட்டது அதிகபட்ச கட்டணம் என்பதால் நோயாளிகளிடம் கூடுதல் கட்டணம் வசூலிக்கக்கூடாது என தமிழக அரசு தெரிவித்துள்ளது. 

கணவனும் 5 நண்பர்களும் .. கேரளாவில் பாலியல் அக்கிரம்

   தினத்தந்தி : கேரளாவில் 24 வயது பெண்ணிற்கு அவரது கணவரே வலுக்கட்டாயமாக மதுக் கொடுத்துக் கூட்டுப் பாலியல் வன்கொடுமை செய்த சம்பவம் அதிர்வலைகளை ஏற்படுத்தியுள்ளது.
திருவனந்தபுரம் கேரள மாநிலம் திருவனந்தபுரம் வெட்டுத்துறா கடற்கரை பகுதியை சேர்ந்த 24 வயது பெண்ணிற்கு அவரது கணவரே வலுக்கட்டாயமாக மதுக் கொடுத்துள்ளார். பிறகு தனது அவரது குழந்தைகள் கண் முன்பே, நான்கு நண்பர்களுடன் சேர்ந்து தனது மனைவியையே கூட்டுப் பாலியல் வன்கொடுமை செய்துள்ளார். இந்த விவகாரத்தில் அனைவரையும் காவல்துறையினர் கைது செய்துள்ளனர். குழந்தையையும் அந்த மனிதாபிமானமற்ற கும்பல் அடித்துத் தாக்கியுள்ளதாக கூறப்படுகிறது. இது குறித்துப் பாதிக்கப்பட்ட பெண் ஊடகத்திடம் அளித்த தகவலில் கூறி இருப்பதாவது:- என்னையும் என் இரு குழந்தைகளையும் என் கணவர் புதுக்குறிச்சி கடற்கரை அருகேயுள்ள ஒருவரின்(கணவரின் நண்பர்)  வீட்டிற்கு அழைத்துச் சென்றார் அங்கு எனக்கு வலுக்கட்டாயமாக மதுவைக் கொடுத்தனர்.

Dr. புருனோவின் கிண்டில் வெற்றி ... அதிர்ச்சி ? ரவிஷங்கர் அய்யாக்கண்ணு

Ravishankar Ayyakkannu : Dr. புருனோவின் கிண்டில் வெற்றி அதிர்ச்சி
அளிக்கிறது!
நமக்குச் சில நண்பர்கள் இருப்பார்கள். அவர்கள் எப்போது நண்பர்கள் ஆனார்கள், எப்படி நம் வாழ்க்கையில் வந்தார்கள் என்பதே மறந்து போயிருக்கும். எனக்கு மருத்துவர் புருனோ அப்படிப் பட்ட ஒரு நண்பர்.
Gmailல் அவர் எனக்கு முதல் மின்மடல் எப்போது அனுப்பி இருக்கிறார் என்பதைத் தேடிப் பார்த்துத் தான் குத்துமதிப்பாக எப்போது இருந்து பழகத் தொடங்கினோம் என்று எண்ணிப் பார்க்கிறேன். அது பத்து ஆண்டுகளுக்கு முன்பு இழுத்துச் செல்கிறது.
2005-2006 காலக்கட்டத்தில் வலைப்பதிவில் எழுதினேன். அப்போது இருந்து அவரது அறிமுகம் உள்ளது. பிறகு, விக்கிப்பீடியாவில் ஒரு தன்னார்வலராகப் பங்களித்த போது இன்னும் நெருங்கிப் பழகினார்.

ஊராட்சித் தலைவரை கட்டாயப்படுத்தி சவக்குழி தோண்ட வைத்த ஜாதி ..

Kathiravan Mayavan : நீ குழி வெட்டத்தான் லாயக்கு - திருவண்ணாமலை மாவட்டத்தில் ஊராட்சித் தலைவர் ஒருவரை கட்டாயப்படுத்தி சவக்குழி தோண்டும்படி கூறியதாக எழுந்திருக்கும் குற்றச்சாட்டு அதிர்ச்சியை ஏற்படுத்தியிருக்கிறது.
திருவண்ணாமலை மாவட்டம், செங்கம் ஒன்றியத்தில் இருக்கிறது அரியாக்குஞ்சூர் ஊராட்சி. சுமார் 700 வாக்காளர்கள் இருக்கும் இந்தக் கிராமத்தில் ஆதிதிராவிடர் மற்றும் பழங்குடியினத்தைச் சேர்ந்த இருளர்கள் அதிகமாக வசித்து வருகின்றனர். உள்ளாட்சித் தேர்தலில் பழங்குடியின மக்களுக்காக இந்தப் பகுதி ஒதுக்கப்பட்டதால், சின்னகல்தாம்பாடியைச் சேர்ந்த இருளர் பிரிவைச் சேர்ந்த முருகேசன் என்பவர் ஆட்டோ சின்னத்தில் போட்டியிட்டு ஊராட்சிமன்றத் தலைவராகத் தேர்ந்தெடுக்கப்பட்டார். வார்டு உறுப்பினராகத் தேர்ந்தெடுக்கப்பட்டவர்களே ஒருசில மாதங்களில் கான்ட்ராக்ட்டுகள், கரன்சிக் கட்டுகள் என்று புரளும்போது, ஊராட்சித் தலைவராகத் தேர்ந்தெடுக்கப்பட்ட முருகேசன் மின் இணைப்புகூட இல்லாத வீட்டில்தான் தற்போதும் வசித்து வருகிறார்.

ஈழத் தமிழர் சார்பாகப் பேசும் உரிமை, எவருடையது?.. ஒடுக்கியோரும் . ஒடுக்கப்பட்டோரும்

Reginold Rgi : ஒருமித்த கருத்தோடு, ஒரே பயணத்தில் இணைய எல்லோரையும் அழைக்கிறார்கள் இப்போது கொஞ்சக் காலமாய் ஓரே குரலில் பேச வேண்டியதன் அவசியம் பற்றி அடிக்கடி பேசப்படுகிறது. போதாக்குறைக்கு தமிழர்களின் மகுடவாசகம், ‘ஒருமித்த கருத்தும் ஒருமித்த பயணமும்’ என்ற
அலப்பறைகள் வேறு.
இதில் பிரதானமாய்க் கேட்க வேண்டிய வினா, எந்தத் தமிழர்களின் மகுடவாசகம் அது என்பதுதான்; கோவிலுக்குள் நுழைய இயலாமல் வெளியே நிற்கின்ற தமிழன், தோட்டக்காட்டான் என்று புறக்கணிக்கப்படும் தமிழன், மட்டக்களப்பான் என்று ஒதுக்கப்படும் தமிழன் ஆகியோர், நிச்சயமாக
இவர்கள் குறிக்கின்ற தமிழர்களுக்குள் அடங்கமாட்டார்கள். தமிழ்த்தேசிய அரசியலின் செல்செறி அப்படித்தான் இருந்து வந்திருக்கிறது.
ஓரே குரலில் பேசுவதில் உள்ள ஆபத்துகளில் முதலாவது, அந்த ஒரே குரல், யாரின் குரல் என்பதுதான் பிரதானமான கேள்வி.
அது ஒடுக்கப்பட்ட மக்களின் குரல்; போரில் பாதிக்கப்பட்டவர்களின் குரலும் அல்ல, மாறாக, அது அதிகாரத்தின் குரல்; சீரழிந்துபோன தமிழ்த் தேசிய நாடாளுமன்றக் கதிரை அரசியலின் குரல்; இது எவ்வாறு எல்லோரினதும் குரல் ஆகும்.

அமெரிக்க .. தங்கப்பேழையில் ஜோர்ஜ் ஃபிளொயிட்டின் உடல்! கண்ணீர் விட்டு அஞ்சலி செலுத்திய நகர மேயர்

மதன் சிவா : தங்கப்பேழையில் ஜோர்ஜ் ஃபிளொயிட்டின் உடல்! கண்ணீர் விட்டு அஞ்சலி செலுத்திய நகர மேயர்
அமெரிக்காவில் கொல்லப்பட்ட ஜோர்ஜ் ஃபிளொயிட்டின் உடல் தங்கமுலாம் பூசப்பட்ட சவப்பெட்டியில் வைக்கப்பட்டிருந்தது.

அத்துடன் ஃபிளொயிட்டிற்கான அஞ்சலி நிகழ்வுகள் நேற்று ஆரம்பித்துள்ளது.
இந்த நிலையில் 3 நகரங்களில் ஆறு நாட்கள் ஜோர்ஜ் உடலுக்கு அஞ்சலி நிகழ்வுகள் இடம்பெற்று , ஹூஸ்டனில் இறுதிச்சடங்குகள் இடம்பெறவுள்ளது.
நேற்று முதலாவது அஞ்சலி நிகழ்வு மினியாபொலிஸ் நகரத்தில், ஃபிளொயிட் கொல்லப்பட்ட இடத்திற்கு அருகிலுள்ள வடமத்திய பல்கலைகழகத்தில் அஞ்சலி நிகழ்வுகள் இடம்பெற்றது.
அந்தவகையில் இன்று ஃபிளொயிட்டின் பிறந்த இடமான வட கரோலினாவின் ரேஃபோர்டில் அஞ்சலி நிகழ்வு நடக்கும்.
நேற்று நடந்த அஞ்சலி நிகழ்வில் 8 நிமிடம் 46 விநாடிகள் அஞ்சலி செலுத்தப்பட்டது. இந்த நேர அளவு, ஃபிளொயிட், பொலிசாரின் பிடியில் உயிருக்கு போராடிய நேரமாகும்.

வேலுமணியின் 3 ஆயிரம் கோடி ஊழலை பட்டியலிட்டு...: மு.க.ஸ்டாலின் எச்சரிக்கை

நக்கீரன் : முதலமைச்சருக்கு வேண்டிய கப்பத்தைக் கட்டிவிடுகிறோம் என்ற ஆணவத்தில் ஆட்டம் போடும் அமைச்சர் வேலுமணியின் ஊழல்களை எதிர்த்துக் கண்டன ஆர்ப்பாட்டம் நடத்தியதால் கைது செய்யப்பட்ட தி.மு.க.வினரை விடுதலை செய்வதோடு, அவர்கள் மீதான வழக்குகளையும் திரும்பப் பெற வேண்டும். இதே போக்கு தொடருமானால், வேலுமணியின் 3 ஆயிரம் கோடி ஊழலை பட்டியலிட்டு மாபெரும் போராட்டத்தைக் கோவையில் நடத்துவோம் என எச்சரிக்கிறேன் என்று திமுக தலைவர் மு.க.ஸ்டாலின் கூறியுள்ளார். இதுதொடர்பாக அவர் வெளியிட்டுள்ள அறிக்கையில், உள்ளாட்சித் துறை அமைச்சராக மட்டுமல்லாமல் தன்னை 'சூப்பர் முதலமைச்சரைப்' போல நினைத்துக் கொண்டு செயல்பட்டு வருபவர் 'ஊழல் மணியான' அமைச்சர் வேலுமணி. ஆட்சி மாற்றம் நிகழ்ந்த உடனேயே சிறைக்குப் போவதற்கான அனைத்துக் காரியங்களையும் நித்தமும் செய்து வரும் அமைச்சர்கள் வரிசையில் முதலாவது இடம் அவருக்குத்தான்.

நடிகர் செந்தில் :கொரோனா கத்துக்கொடுத்த பாடம்... இயற்கை விவசாயம் செய்யப்போறேன்!

vikatan.com - கு.ஆனந்தராஜ் : `என்னை நடிகராத்தான் மக்களுக்குத் தெரியும்.
உண்மையில் நான் விவசாயி. எங்க குடும்பம் விவசாயக்குடும்பம். பல வருஷமா இயற்கை விவசாயம் செய்திருக்கேன். இந்த விஷயம் பெரிசா யாருக்குமே தெரியாது.
இப்போ விவசாய வேலைகள் குறைஞ்சிருக்குதே தவிர, அதை முற்றிலுமா கைவிடலை. திரும்பவும் விவசாயத்தில தீவிரமா இறங்கப்போறேன்." - யதார்த்தமாகப் பேசுகிறார் நடிகர் செந்தில்.
தமிழ் சினிமாவில் நகைச்சுவை நடிகராக கொடிகட்டிப் பறந்த செந்தில், தற்போது சென்னை சாலிகிராமத்தில் வசித்துவருகிறார். சத்தமில்லாமல் 23 ஆண்டுகளாக இயற்கை விவசாயம் செய்திருக்கிறார். 2016-ல் சென்னையைத் தாக்கிய வர்தா புயலால், செந்திலின் ஐந்து ஏக்கர் விவசாய நிலம் பெரிதும் பாதிப்படைந்தது. தற்போது, மீண்டும் இயற்கை விவசாயத்தில் தீவிரமாக இறங்கப்போவதாகச் சொல்கிறார்.

ஜெ.அன்பழகனின் உடல்நிலையில் நல்ல முன்னேற்றம்- மருத்துவர் தகவல்

மாலைமலர் : திமுக எம்எல்ஏ ஜெ.அன்பழகனின் உடல்நிலையில் நல்ல முன்னேற்றம் ஏற்பட்டுள்ளதாக தனியார் மருத்துவமனை மருத்துவர் தெரிவித்துள்ளார். சென்னை:< திமுக எம்.எல்.ஏ. ஜெ.அன்பழகன் மூச்சுத்திணறல் காரணமாக குரோம்பேட்டையில் உள்ள தனியார் மருத்துவமனையில் அனுமதிக்கப்பட்டார். அவருக்கு கொரோனா பரிசோதனை செய்ததில் கொரோனா தொற்று இருப்பது உறுதியானது.இதனையடுத்து, அவரை தீவிர சிகிச்சை பிரிவில் அனுமதித்து மருத்துவர்கள் கண்காணித்து வருகின்றனர். அவருக்கு மூச்சு விடுவதில் சிரமம் இருப்பதால் வென்டிலேட்டர் பொருத்தப்பட்டுள்ளது.
இந்நிலையில் திமுக எம்எல்ஏ ஜெ.அன்பழகன் உடல்நிலை குறித்து முதலமைச்சர் எடப்பாடி பழனிசாமி இன்று தொலைபேசி மூலம் கேட்டறிந்தார்.
தனியார் மருத்துவமனை மருத்துவரிடம் தொலைபேசி மூலம் ஜெ.அன்பழகனின் உடல்நலம் குறித்து கேட்டறிந்த முதலமைச்சர் அரசு சார்பில் அனைத்து உதவிகளும் செய்யப்படும் எனவும் தெரிவித்தார்.>
இதையடுத்து, சுகாதாரத்துறை அமைச்சர் விஜயபாஸ்கர் மருத்துவமனைக்கு நேரில் சென்று ஜெ.அன்பழகன் உடல்நிலை குறித்து மருத்துவரிடம் கேட்டறிந்தார்.

மனோ பாலா : என்னை மன்னித்து விடு வடிவேலு ... அப்போலாம் வராத கோபம், வடிவேலுவுக்கு இப்ப மட்டும் வருதா?

/tamil.samayam.com/ : வடிவேலு தன் மீது நடிகர் சங்கத்தின் சிறப்பு அதிகாரியிடம் புகார் அளித்ததால் மனோபாலா அதிருப்தி தெரிவித்துள்ளார். நடிகர் மனோபாலா நடத்தி வரும் வேஸ்ட்பேப்பர் யூடியூப் சேனலுக்கு நடிகர் சிங்கமுத்து பேட்டி அளித்தார். அந்த பேட்டியின்போது சிங்கமுத்து வைகைப்புயல் வடிவேலு மற்றும் அவரின் குடும்பத்தார் பற்றி பேசினார். வடிவேலுவும், சிங்கமுத்துவும் ஒரு காலத்தில் நண்பர்களாக இருந்து தற்போது எதிரிகளாகிவிட்டனர். அவர்களுக்கு இடையே நில பிரச்சனை உள்ளது.
அந்த நில மோசடி வழக்கு நீதிமன்றத்தில் நிலுவையில் இருக்கிறது. இந்நிலையில் சிங்கமுத்து வடிவேலு பற்றி பேட்டியில் பேசியது பிரச்சனையாகிவிட்டது. அந்த பேட்டியை பார்த்த வடிவேலு தென்னிந்திய நடிகர் சங்கத்தின் சிறப்பு அதிகாரியிடம் சிங்கமுத்து மற்றும் மனோபாலா மீது புகார் அளித்தார்.

ஸ்டாலின் : சென்னையி ல் 5 மண்டலங்களின் நிலை அச்சத்தை தருகிறது... அரசு உணர்ந்ததா இல்லையா?

நக்கீரன் : சென்னையில் நோய் கட்டுப்பாட்டு பகுதிகளில் வீடு, வீடாய் சென்று பரிசோதனை செய்யவேண்டும். சென்னையில் 5 மண்டலங்களை காப்பதில் அரசு முழு சிந்தனையும் பயன்படுத்த வேண்டும் என திமுக தலைவர் ஸ்டாலின் அறிக்கை வாயிலாக தெரிவித்துள்ளார். மேலும், சென்னையில் ராயபுரம் உள்ளிட்ட ஐந்து மண்டலங்களில் கரோனா எண்ணிக்கை அச்சத்தையும், பதற்றத்தையும் ஏற்படுத்துகிறது, ராஜஸ்தான், மத்திய பிரதேசம், உத்தரப் பிரதேச மாநில பாதிப்பைவிட சென்னையில் பாதிப்பு அதிகம் என்பதை அரசு உணர்ந்ததா இல்லையா என கேள்வி எழுப்பிய ஸ்டாலின், கேரளா, அசாம், ஒடிசா, பஞ்சாப் மாநில பாதிப்பைவிட ராயபுரத்தில் பாதிப்பு மிகமிக அதிகம். உரிய சோதனைகள் உடனே செய்யப்படுவதில்லை. சோதனை முடிவுகள் உடனே சொல்லப்படுவதும் இல்லை. மக்களைக் காக்கும் பணியில் உள்ள மருத்துவ துறையினரை போராடும் நிலையில் அரசு வைத்து இருப்பது வேதனை என தெரிவித்துள்ளார்

நடிகர் பிரசன்னா: தமிழ்நாடு மின்சார வாரியம் கொள்ளையில் ஈடுபடுகிறது

மின்னம்பலம் : மின்சார வாரியம் குறித்து தான் ட்விட்டரில் இட்ட பதிவு குறித்து நடிகர் பிரசன்னா விளக்கம் அளித்துள்ளார்.
சில தினங்களுக்கு முன்னர் நடிகர் பிரசன்னா, ‘இந்த கோவிட் பொதுமுடக்க நேரத்தில் தமிழ்நாடு மின்சார வாரியம் கொள்ளையில் ஈடுபடுகிறது என்பதை உங்களில் எத்தனை பேர் உணர்ந்திருக்கிறீர்கள்’என்று கேட்டு ட்விட்டரில் பதிவிட்டிருந்தார். வழக்கத்தை விடவும் பல ஆயிரம் ரூபாய் அதிகமாக தனக்கு மின்கட்டணம்

நிர்ணயிக்கப்பட்டதால் தான் அவ்வாறு குறிப்பிட்டதாக பிரசன்னா பேட்டி ஒன்றிலும் குறிப்பிட்டிருந்தார். பிரசன்னாவின் ட்விட்டர் பதிவின் கீழ் பலரும் தங்களுக்கும் இதே அனுபவம் ஏற்பட்டதாகக் கூறி மின்சார வாரியத்தைக் கடுமையாக விமர்சனம் செய்து வந்தனர். இந்த விவகாரம் பெரும் விவாதமாக மாறியது. இது தொடர்பாக மின்னம்பலத்தில் மின்சார வாரியத்தின் கொள்ளை: பிரசன்னா கேள்வி!என்ற தலைப்பில் செய்தி வெளியிட்டிருந்தோம்.
தொடர்ந்து நடிகர் பிரசன்னா வீட்டிற்கு மின்கட்டணம் அதிகமாக வந்ததன் காரணத்தைக் குறிப்பிட்டு மின்சார வாரியம் அறிக்கை ஒன்றை வெளியிட்டிருந்தது. அந்த அறிக்கையில், ‘பிரசன்னா வீட்டில் நான்கு மாதத்தில் 6920 யூனிட் பயன்படுத்தப்பட்டு உள்ளது.

ஜெ.அன்பழகன்... கொரோனா தொற்று... இப்போது எப்படியிருக்கிறார்

vikatan.com- அ.சையது அபுதாஹிர் : கொரோனா தொற்றுக்கான அறிகுறி அவருக்கு இருந்துள்ளதால் உடனடியாக அதற்கான சோதனையும் நடந்துள்ளது. 20 ஆண்டுகளுக்கு முன்பாகவே  அன்பழகனுக்குக்  கல்லீரல் பிரச்னை ஏற்பட்டு  வெளிநாட்டுக்குச் சென்று அறுவை சிகிச்சையும் செய்துவந்துள்ளார். தி.மு.க வின் சட்டமன்ற உறுப்பினர் ஜெ.அன்பழகனுக்குக் கொரோனா தொற்று உறுதி செய்யப்பட்டிருக்கும் நிலையில், அவரது உடல்நிலை தொடர்ந்து கவலைக்கிடமாக இருப்பதாகச் செய்திகள் வெளியாகியுள்ளன. திருவல்லிக்கேணி - சேப்பாக்கம் தொகுதியின் சட்டமன்ற உறுப்பினரும், சென்னை மேற்கு மாவட்டச் செயலாளருமான ஜெ.அன்பழகனுக்குக் கடந்த இரண்டு நாள்களுக்கு முன்பு உடல்நிலை குறைபாட்டினால் குரோம்பேட்டை ரேலா மருத்துவமனையில் அனுமதிக்கப்பட்டார். அவருக்குக் கொரோனா பரிசோதனை செய்யப்பட்டதில் கொரோனா இருப்பது உறுதிசெய்யப்பட்டது. இந்த நிலையில் மருத்துவமனையில் தீவிர சிகிச்சை பிரிவில் தொடர்ந்து அவருக்குச் சிகிச்சை அளிக்கபட்டுவருவதாக அவருக்கு நெருக்கமானவர்கள் தகவல் தெரிவிக்கின்றனர்.

கை ரிக்சாவும் கம்யுனிஸ்டுகளும் .. 34 ஆண்டுகள் மேற்கு வங்கத்தை ஆண்ட கம்யுனிஸ்டுகள்

  மேற்கு வங்க மாநிலத்தின் முதலமைச்சராக தோழர் ஜோதி பாசு அவர்கள் 1977ஆம் ஆண்டு முதல் 2000ஆம் ஆண்டு வரை பதவி வகித்தார் இந்தியாவில் நெடுநாள் முதலமைச்சராக இருந்தார் .
அவருக்கு பின்பும் அதே கட்சியை சேர்ந்த புத்த தேவ்  பட்டாச்சாரியா பதவி ஏற்றார்
2011  ஆம் ஆண்டு தேர்தலில் மாக்சிஸ்ட் கம்யுனிஸ்டு கட்சி ஆட்சியை இழந்தது
1977ஆம் ஆண்டிலிருந்து 2011 ம் ஆண்டு வரை தொடர்ச்சியாக 34 ஆண்டுகள் மேற்கு வங்காளம் இடது சாரி கட்சிகளால் ஆளப்பட்டு வந்தது.
ஒரு காலத்தில் மும்பையை விட பெருமை வாய்ந்த வர்த்தக நகரமாக கல்கத்தா விளங்கியது .
பின்பு படிப்படியாக அது தனது எல்லா பெருமைகளையும் இழந்து வறுமையின் கோரபிடியில் சிக்கி இன்று மிகவும் மோசமான நிலையில்தான் உள்ளது.
சுமார் 34 ஆண்டுகள் தொடர்ச்சியாக மாக்சிஸ்ட் கம்யுனிஸ்டுகளின் ஆட்சியில் எந்த முன்னேற்றமும் அடையவில்லை .
இடத்தில் இன்னொரு பெரிய வேடிக்கை என்னவென்றால்  பெரும்பாலான மாக்சிஸ் கம்யுனிஸ்டு கட்சியனர் தற்போது பாஜகவில் ஐக்கியம் ஆகி  விட்டனர்.

குமுதம் வழக்கு கடந்து வந்த பாதை ... flashback

கதிர்:   குமுதம் கேஸ் என்னது என்று மீடியாவுக்கு வெளியே உள்ள நண்பர்கள் சிலர் கேட்கிறார்கள். அவர்களுக்காக சுருக்கம்.
எஸ்.ஏ.பி.அண்ணாமலை செட்டியார் தொடங்கியது குமுதம். நிர்வாகியாக வேலைக்கு வந்த நண்பர் பி.வி.பார்த்தசாரதி அய்யங்காரை பார்ட்னர் ஆக்கினார். 2/3 செட்டியாருக்கு, 1/3 அய்யங்காருக்கு. நல்ல நண்பர்கள். சண்டை வரவில்லை.
அண்ணாமலையின் மகன் ஜவகர் பழனியப்பன் டாக்டர். அமெரிக்காவில்
செட்டிலானார். இதய சிகிச்சையில் ஓகோ என்று தொழில் போனது. பார்த்தசாரதியின் மகன் வரதராஜன் இங்கே நிர்வாகத்தை கவனித்தார். நாள்போக்கில் எடிட்டோரியல் ஆசையையும் நிறைவேற்றிக் கொண்டார். வேறு பல வேலைகளும் செய்து தன்னை முன்னிலைப் படுத்திக் கொண்டார்.
அந்த வேலைகள் ஜவகர் பார்வைக்கு சென்றதும் அவர் கணக்கு கேட்டார். விவகாரம் வெடித்தது. சமூக, அரசியல் பெரியவர்கள் சமாதானம் பேசினார்கள்.
உடன்பாடு ஏற்பட்டது. ரிப்போர்ட்டர், சிநேகிதி வரதராஜனுக்கு; குமுதம் உள்ளிட்ட ஏனைய 7ம் ஜவகருக்கு. இருவரும் கையெழுத்து போட்டனர். பார்ப்பான் வரதராஜனிடம் இருந்து பழநியப்பன் குமுதத்தை மீட்பாரோ இல்லையோ தெரியாது ஆனாலும் குமுதம் போன்ற போதைகளிடம் இருந்து மக்கள் மீளவேண்டும்